كـــل هـــذا الــــــحـــــــــــــب...

..
لست بملحدة أو جاحدة.. وأظن بنفسي كثير من الفهم الذي يميز ما بين الأصل والتقليد.. وفلسفة حياتي البسيطة تتلخص في انك كلما زرعت حبا جنيت ودا وتقديرا..

اتقدم باعتذار واجب لكل من تألمت نفسه بغير قصد حين غبنا.. ولكل من تساءل ولم يجد اجابة منا عن سبب الغياب.. وعن كل روح جميلة أوصلت لنا كل معاني الحب والتقدير..
فمواطني هذا الوطن الإختياري الطوعي أثبتوا بما لا يدع مجالا لأي شك بأن هذا هو وطننا الحقيقي، ليس بالكلمات والتعبيرات المادية.. ولكن بالتشبث بهذه الوطن والقتال من أجل ان يكون كما حلمنا جميعا..

فمعذرة عن التخلف عن الركب لهذه التسعة أيام.. ووعدا بالمواصلة حتى يتحقق كل الحلم..
..

عادل بلير.. عادل عبدالعاطي.. الملكة بلقيس.. أساسي.. ديامي..
كلماتكم وسؤالكم كانت من التقدير أجزله بحيث يصعب تجاهلها.. ومن الصدق أعظمه بحيث لا يمكن الاستخفاف بها.. ولم نكن نظن أننا زرعنا كل هذا الحب.. فلكم كل الحب والتقدير..

سيجيمان.. ملاسي.. محمد الشيخ.. أسعد.. آمال أم وضاح.. بهاء بكري.. ابراهيم الجريفاوي.. فرح.. مراويد.. حنينة.. الحاج بدر الدين.. علي الحلاوي.. كبسيبة.. اسماعيل وراق.. أسامة الخاتم.. حبيب نورة.. معتصم دفع الله.. جني.. صديق الموج.. ندى أمين.. كمال عباس.. ايمان أحمد.. عمر الماحي.. الجندرية.. بيان.. صديقي أبوقوتة.. أبو وراف وإياس.. شانتير (شنتيير).. أيمن.. نجاة محمد علي.. تماضر حبيب الله.. أنور أحمد.. مولانا كوستا.. أستاذي الموصلي.. سوركتي الغالي.. مانديلا الهميم.. فيصل محمد صالح.. هالة قوتة.. عمر 54.. الحبوب حسام هلالي.. شيري العسل.. علاء تمبو.. ودقاسم.. عشة بت فاطنة.. خالد الحاج.. ايهاب الطيب.. الحبيب أبو ساندرا واخواتها.. دكين.. سامية قاسم.. والصديق فتحي البحيري.. سودانية 2000.. unixo.. أهل العوض.. صلاح شتات.. وعثمان المهندس..
...
.....
كل هذا حب..؟
أشعر بزهو وغرور.. نعم غرور.. ولكنه غرور الواثق من مًن حوله.. ومن الانتماء اليهم.. وبأن مشاعر حية جميلة يمكن ان تنقل عبر (الكي بورد) وتكون صادقة لأنها تصل صادقة..
لكم كل الحب والاحترام،،

جريت حتى انقطعت انفاسى يا رجوية الحبيبة الغالية حتى اكون اول من يرحب بعودتك و يضمك الى صدره فهنيئا لكم ايها البورداب

حمد الله على السلامة يا رجاء

كدي نحجز مكان و نجي راجعين بعد شوية بعد نقرا الكلام الفوق

الف مرحب

ابن العم ملاسي..
تصدق يا زمل ليك وحشة قـــــــــــــــــــــــــــدر ده.. انا عارفة روحي بريدك.. لكن قدر ده ما اتخيلتا ..

طبعا يا ملاسي اليومين ديل بنمشي في الشارع ومافي مصري بيقدر يقول بيغيم.. وآخر ألآطة وتنظير في الكرة الافريقية ..

وليك وحشة بجد..

تحية حب خااصة لود الجعلي 4،،

شكرا يا غالي لرفع اغنية "سلمى" للخالدي لحين عودتي..

لك كل الحب..

وتحية خاااصة للزميل العزيز دينق.. والذي حرص على الاتيان بالأخبار والتقارير التي انشرها في "البيان" ايام الغياب..
تسلم يا نبيل..

ولك كل الحب..

والحمد لله
رجعت رجاء
رجعت رجاء
رجعت رجاء
رجاء رجعت
وانا ارحب يا ايتها القلم النبيل والقلب الشجاع
لا طعم للمنبر بدونكم صدقوني
وعقبال البقية
يارب

رجووووية!!
حمدلله على السلامة

بلقيس الملكة الحبيبة..
الحيرة التي بدت في سؤالاتك وفي شوقك الذي دفعك لكل الجهات.. وفي تلك اللغة الكلثومية الراقية التي استخدمتيها في الدعوة.. رأيناها حبا كبيرا..

فمن يجرؤ على تجاهل كل هذا الحب..

كدي قبال ننسى رأيك شنو في قون رتشارد و مراوغات الشعلة و حركات

المعز محجوب ,,,,,

العزيز فتحي..
ولأننا نؤمن بما تؤمن به في هذا الوطن.. ولأن الحلم مشترك.. فقد كان من المستحيل التخلي عن رفاق الحلم..
تسلم يا غالي على السؤال.. وعلى كل هذا الحب..

الحبيبة لنا..
حمد الله على سلامة رجوعك انتي يا غالية..
..
طبعا الضمير (نـا) الفي الكلام الفوق ده انا تحدثت بلساني وشقيقتي وانتي وتماضر..
واكيد لم احتج لأي اذن.. لأن دعوة الحبايب كانت لنا جميعا..

نحن جينا
وكية لي المابينا

رجاء ، جيدا جيتي ،،

جرستيني أنت والحبيبات تماضر وراوية ،،
اللي جابك يجيبهم ..
وكتب البوست التاني داك ،، بس شفتك هنا جيت جري ..
مراحب ،، والشوق مطر ..

ود قاسم العزيز..
جينا.. لأحبابنا واخوتنا ولمن شعرنا وسطهم بأن الأمر يستحق العودة..
..
تسلم يا غالي.. ولك كل الحب..

دع
الورد
يعبر
عن ما يعجز
عنه
اللسان
والقلم

غايتو ال 9 يوم دي مرت كأنها 9 دقايق ,,,,,,

اقصد 9 سنين ,,,,,,

ملاسي اطلع من دول

Quote: غايتو ال 9 يوم دي مرت كأنها 9 دقايق ,,,,,, اقصد 9 سنين ,,,,,,

غايتو انا عندي مروا كتير كتير كتير كتير كتير.. ولما قعدتا احسبهم حسع لقيتم 9 أيام قلتا أكيد البورد كان عامل PAUSE ..

Quote: كل هذا الحب

واكثر من كدة .. يا رجاء ويا راوية .. ويا تمــاضر (اللسة غائبة)
ولا يهمـــكم ..
مرات بي خيط العنكبوت تنقاد ..
مرات تكســر سلسل الحداد ..
..
قلبا كبييييير .. زي خالد الحاج
قلبا كبيييير .. يلم البعيد والجار
..
مرحب ..
ألف مرحـــب ..
والمنبر من غير عيونكم يبقــى مجهــول الهــــوية ..

صلاح / شتات

العزيز صلاح..
الجميل ان احساسنا بالحب هو هو.. إلا ان فترة الغياب جعلتنا نعرف فقط مقدار ما لدينا..
تسلم يا غالي.. مع كل الحب..

الأخت رجاء حمد الله على السلامه ،
أعرف انك رياضيه ، بهدى ليك مقالى (أشهد أنى رشاشه) وسوف ارفعو لتطلعى عليه

العزيز أخو البنات تاج السر..
الفرحة الكبيرة هي فوز الهلال..
ودامت أيام منبرنا فرحة جميلة..

ولك كل الحب..

صديقي الغالي عثمان المهندس..
إذا كان ما جمعنا بكم وعاصم الحبيب هو سراب.. فان هذا المنبر هو ايضا سراب..
هكذا حسمت الأمر في نفسي بكل حب..
تسلم لورودك مع كل الحب..

Quote: كل هذا حب..؟ أشعر بزهو وغرور.. نعم غرور.. ولكنه غرور الواثق من مًن حوله.. ومن الانتماء اليهم.. وبأن مشاعر حية جميلة يمكن ان تنقل عبر (الكي بورد) وتكون صادقة لأنها تصل صادقة..

كل هذاالحب..
وكل هذا الغرور..
وكل هذا الشوق..
وكل هذا الترحيب ,,,

العزيز ايهاب..
وكل هذا الفرح..
وكل هذه البهجة..
وكل هذا الحنين..
وكل هؤلاء الجميلات..
وكل أولئك النبلاء..

سلمت يا غالي.. مع كل هذا الحب..

والله يا ملاسى مرت كأنها 9 قرون
واليوم اللى تغيب فيه رجاء من البورد كألف سنة مما تعدون

و راوية كمان .... يا اخونا شوية شوية علينا ...

مرحب يا راوية الف مرحب الدار نورت .....

ملاسي يا ممسوخ..
أوعى بعد ما تشوف البوست ده مشى.. تقوم تعمل سلبطتك وتجي تشتريهو ..

اقوليك حاجة..
مرحب بيك شريك..
انتهز فرصة (اوكازيون) الحب.. قبل ما ارجع في كلامي ..

ولك كل الحب..

رجويه
حبيبة البي

الف حمد الله على سلامه الشوفه
وانشاء الله دائما يارب في عافية
ومبسوطه 24 قيراط
سلامي الى راويه العسل
عساها بخير

الحبيبة شيري العسل..
كل بوست وانت بنزرعيهو هنا وانت بحب..
وكل نسمة رقيقة بتهديها لينا مع حروفك المشنكلة مع بعضها وبعد ده بتدينا احلى الكلام.. انتي برضو بحب..
وكل لحظة وانت بحب يا زارعة الحب فينا في هذا الوطن الجميل،، الذي يصر البعض على رؤية القبح فيه..

سلمتي يا حبوبة..
ولك كل الحب..

الحبيب أبوجهينة..






نعم..
أعرف كم تحبنا..
لأننا نحبك الضعف..

العود أحمد

Quote: اتقدم باعتذار واجب لكل من تألمت نفسه بغير قصد حين غبنا.. ولكل من تساءل ولم يجد اجابة منا عن سبب الغياب.. وعن كل روح جميلة أوصلت لنا كل معاني الحب والتقدير..

وماأبلغ الخالد النعام آدم
لاشوفتنا تبل الشوق ولا ردا يطمن
أرينك تبقى الطيب أنا البى كلو هين

رجاء..
راوية...
ألف حمدا لله علي السلامة..
عودا حميدا..
وقالوا نقضي يومنا خنق..
سعيد أنا بحق بي عودتكم..

العزيزات رجاء وراوية

عودا حميدا

اها جبتوا لينا شنو معاكم؟؟؟؟

بالله تاني قبل ما تعملوها فكروا في خلق الله المساكين هنا

مرحب بيكم ويوم سعيد من اولو

العزيز أسعد..
جينا وجبنا ليكم 100 طن شوق، و120 طن حنين، ومليون طن حب..

لك وحشة يا أسعد حقيقي..

ولك كل الحب..

حمد الله على السلامة يا رجـــاء و ما أروع غرورك حين تقولين

Quote: ولكنه غرور الواثق من مًن حوله

تشهينا فى الغرور

الجابك يجيب تماضــر

العزيز علي..
غروري بكم يزيد..
وغروري بنفسي يتناقص..
وانتم من تتحكمون في درجته..

ولك كل الحب..

حمد لله على سلامتكم

محمد

العزيز محمد..
عندما نريد ان نشكر الله، فاننا نقول: الحمد لله..

فالحمد لله لعودتنا لأنها نعمة يجب الحفاظ عليها..

ولك كل الحب..

رجاء ...
منورة البورد كالعادة ..
بركة الجيتي...

اعلن فرحتي .. مع قلب الخال ...

الغالي علاء تمبو البورد وتمبو حياتنا كلنا..

النور هو ما تجلبه أنت لهذا البورد..
ألم نعرف جميعا ان هناك اناس خلقوا ليصنعوا السعادة للآخرين..؟
أنت رقم واحد فيهم..

ولك كل الحنين.. وكل الشوق وكل الحب..

الحبيب خالد..
...
....
زي تقول يا داب عرفتا الاندهاش..

يا قليييييب مالك عليً
ما انت عارف نقطة الضعف القديمة..
وزيي ضايق الارتعاش..

يا خالد تصدق العرفتو انتا في غيابك.. برضو عرفناهو في الغيبة دي..
وأول مرة أعرف اننا كتلة وااااحدة.. ما أشخاص..
المنبر هو هذه الكتلة..
والحياة هي تلك الكتلة..

أوتدري ما تعريف هذه الكتلة..؟

هي الحب..

فلك كل الحب الموجود بيننا جميعا يا سند وقت الضيق..

جني يا غالي..
العذر ليك.. والخجلة منك.. وكنت في كل مرة اشوف سؤالك، يبقى لي ارجع اقول ليك نحنا هنا..

وليك كل الحب..

ولو وشوش حس (الراء) فى البورد...

يسبقنا الشوق..قبل العين

لا يهم ان كانت الراء فى اول الاسم او فى اخره فكلها صحيحة

بتوحشونا..بتلبشونا..بنشتاق ليكم....بنحبكم..البعض يكابر

والبعض يعترف...ولانكم ما ساهلات سوف نكون ملحاحين كالعلق..كاللبلاب

وعشان كده حانزعلكم اتنين تلاته ..وحا نختلف...المهم شفيعنا حسن

ظنكم فينا...و يبقى جبل الود فى محله..ونيلين شوق لا ينضبن

انتوا متواجدين ام غير ذلك...وبعد كده نقول منورييييييين،،

مـرحب بيكم تانى يا رجــاء ويا راويــة..
البـورد يا دوب رجـع ليـه وزنو، و طعمـو..

الغالي أبو الريش..
لو تعرف انو يا دووب الرجع هو ورود نفوسنا وطعم حياتنا نحنا..

تسلم يا نبيل.. ولك كل الحب..

العزيز صديق الموج..
ليت لي مقدرتك في العزف بالحروف..
خشيت فيما خشيت ايام الغياب، ان تكون روحك الرقيقة عاتبة علي.. ارقني هذا،ولكني عزيت روحي بأنك لو عرفت مقدار ما أحمله من حب لكم، حتما ستغفر لي..

لك العتبى ولك الحب..

يا ستنا رجاء، نوّرتي بيتك ومطرحك واهلك وناسك، وهم نحن.. مبروك علينا، نوّر بيتنا..

واكثر يا رجاء

عادل

الغالي عادل..
أعرف ان هناك براكين من الحب لم نر فورانها بعد..
سلمت ايها النبيل، ودام ودنا ما حيينا..

عبرك أرسل باقات حب لأمي نورا ولآنيا وأماليا زهرتي حياتك الساحرة..

ولك انت كل الحب..

الشريف ياسر..
مبروك علي كل هذا الترحاب..
ومبروك علينا هذا الوطن الجميل..

تسلم يا غالي.. ولك كل الحب..

نعم اختى رجاء ...

نعم كل هذا الحب ..

واكثر ...

حمد الله على سلامتك ..

يا زوله يا رايعه ..

بس تانى ما تعملي كده ..

تسعه يوم ولا يوم واحد ..

نحن ماناقصين وجع قلب

وليعد للمنبر إيقاعه المموسق
عوداً حميداً .. بت العباسي

في جوف الغيمة القاتمة

بذرة قمر

تزهرُ بعيداً

عن شرفات الشتاء .

(ميلود)

رجاء العباسي الفرح يرتدينا بكم

رجاء يا بت العباسي
كيفك ؟
وانشالله طيبه ؟؟
اها
كنت اتكئ علي نواصي قلقٍ جارف ..
و احببت ان اطمئن علي وجودك هنا .. ولكن ربما زاحمني اللون في اداء مهماتي الاجمل .. و انشغلت ..
لكن دائماً كل حدائق الالفه الفيك تنبهني لمعني حضورك في مكان كهذا بقلمك الشاهر حبّه و احترامه للجميع .
شكراً لأنك الغياب انتهي بسطوع نجم حضورك .
بالله كيف امّنا علويه واختي ساره ؟؟
و
سلام حتي مطلع الامر

عاصم الحبيب..
لقد كنت انت من أعاد لي ايماني الأول بهذا الوطن.. فكيف يكون حبنا جميعا فيك كذبة أو سراب.. لمن لم يرو روحك العميقة من خلال عينيك - يمكن - لا.. لا.. لا يمكن. فاحساس أي زميل بك هو نفس احساسي وبورداب الخرطوم والقاهرة.. ولأن احساسنا ليس بسراب عدت لأعلنها مرة اخرى وأتوب اليكم..

لك الحب يا عاصم وانت تترفع عن لومي بالتقصير تجاهك..
لك الحب يا عاصم وأنت تسألني: ان شا الله طيبة..
لك الحب يا عاصم وانت تنظر في سماء بلدي وتتمشى في أرضه مالئا الفراغ بينهما.. بكل هذا الحب..

العزيز أساسي..
أرأيت ما يفعله الحب..؟؟!!

هنيئا لك بحبك الخاص وهنيئا لنا بهذا الحب الخاص ايضا..

سؤالك عنا عنى لي الكثير.. سلمت..

ولك كل الحب..

الحبيب وراق..
ايقاع البورد المموسق تعرفون انتم كيف تحافظون عليه..
وبدون تحيز فالحب الذي تضخونه انتم بورداب الرياض، هو حافزنا جميعا لضخ مزيدا من الحب..

لأسرتك الصغيرة ولك.. كل الحب..

العزيز سامو..
يسلم قلبك الا من الحب..

ووعد بأن لا نغادر ابدا حتى بعد عودتنا جميعا للوطن الكبير..

ولك كل الحب..

كم لطيف ان اري اسمي داخل الحب

دائماً ما كنت اراه داخل السجن داخل العزاب وداخل الملفات الامنيه وجداول الانتظار البارده

جميل ان اري اسمي والحب ورجاء

الله يملاك حب يارجاء
الله يملاك حب يارجاء
الله يملاك حب يارجاء


الله يملاك حب يارجاء


....


حب يا رجاء

الاخوات
رجاء
راوية
تماضر
مرحبا بعودتكن
وهنيئا لكن كل هذا الحب
فخور بانتمائي لهذه النخبة الفريدة من سودان
الحب
و
العز
و
الاصالة





أتق الله حيث ما كنت واتبع السيئة الحسنة تمحها وخالق الناس بخلق حسن

العزيز فرانكلي..
الفخر لنا ونحن نرى هذا الفيضان من الود والشوق..
ألم أقل انه لكي تحصد ودا ازرع حبا..
تسلم يا عزيز.. مع كل الحب..

العزيز ابراهيم..
الألطف هو وجود اسمائنا في بوستات التفقد والسؤال الصادق..

ودعاك الجميل ده ان شا الله يتحقق لكل الحبان..

تسلم يا ذوق ولك كل الحب..

مرحبا رجا حمد الله علي السلامه


ولقدام

العزيز أنور..
شكرا لسؤالك المقدر عني.. لقد عنى لي الكثير..
تسلم يا ذوق..

ولك كل الحب..

العزيزة رفيقة الهم رجاء
شكرا لطلتك البهية
البورد دونكم مسيخ وغريب
لن اكرر التهديد الذي ذكرته لراويةفي حالة غيابك
لانو بيتكم اقرب لي من حبل الوريد فحذار !
خالد

الغالي أبو وارف
أوعدك الا تضطر لتنفيذ تهديدك.. بالرغم من رغبتنا في زيارتكم الكريمة..
كلماتك لي كان لها الأثر الكبير في احترام وتقدير كل دعوات الحب..

تكرم يا غالي،، وللأسرتك الحبيبة ولك... كل الحب..

Ustaza Raja
you've been missed big time, welcome
back to the big hoosh and so
Tamadir & Rawia

كوستاوي الراقي..
كل هذه الورود..
وكل هذا الجمال..
وكل هذا التقدير..

تسلم يا غالي.. مع كل الحب..

العزيزة رجاء

إفتقدناك كثيراً و قلمك النبيل


و سعدنا بعودة الروح إلى المنبر من جديد


لك كل إحترام وتقدير

الراقي العزيز طه..
روح المنبر هي تلكم المنظومات التي تزينه من بنانك واقلام الكوكبة الرائعة.. ووجودي بينكم يطمنني ويسعدني أكثر مما تتخيل..

سلمت يا غالي.. ولك كل الحب..

رجووويه الفراشة المذدانه بالالوان
جيتك تسعد وغيابك لا لا لا
كل الود

الحبيبة تماضر..
أسعد الله حياتك بكل الهناء.. وزينها لك بكل الحب..
ولك كثير كثير من الحب..

العزيزة الغالية رجاء

مرحب بالينابيع العزبة من بعد المحل

وكيف العزوف

بعد الولف

بحور أشواقنا

أبداً ما بتجف

نورتى البورد ولك كل الود

الراقي طه..
النور حروفك دي.. والحب برضو حروفك دي..

دمت..

العزيزات رجاء و راوية

عادت بكن الحياة مرة أخرى لهذا المنبر

وكيف العزوف

بعد الولف

و أشواقنا دافقة

وما بتجف

والله ما حرمنا من طـّلتكم البهية

الرائع العزيز طه..
كل هذا الجمال..؟
كل هذه الروعة..؟
وكل هذا الحب..؟

سلمت..

العزيزة الغالية رجاء

والله ليكم وحشة والله لا جاب الزعل تانى

إفتقدناكم كثيراً

و الف مرحب بألإشراق من جديد

العزيزة رجاء

الحمد لله على العودة الميمونة

ويادوب الواحد عِرف نفسو كان مكوفر من عدم بوستاتكم

يمكن يكون دا الولف

و كيف العزوف

بعد الولف

وأشواقنا دافقة

وما بتجف

ولك خالص الود

العزيز الراقي طه..

يخجلني نظمك الجميل الذي يحمل كثيرا من الحب..

سلمت..

العزيز unixo
شكرا لترحيبك الجميل.. ولسؤالك وتفقدك المقدر..
ولك كل الحب..

رجوية فرح البورد ، والله ليك وحشة وليك بسمة والك طلة وجه سبحان من سوى .

الحبيبة عشة الهميمة أم قلبا حاااار..
الفرح انتو.. والرجا انتو.. والحب برضو انتو..
تسلمي يا كريمة..
ولأسرتك الحبيبة كل الحب..
ولك انت كثير كثير من الحب..

العزيزة رجاء

مرحبا بعودتك
نور المنبر

الغالي سيمباتيكو..
النور هو ما تفعله باضاءاتك الجميلة في هذا المكان..
سلمت يا عزيز..

ولك الحب..

أنتو يا رجاء وكت حلوين كده ، ما تبقو تجو !!!
مع تحياتى لعادل أمام

العزيز تاج السر..
انحنا حلوين.. وانتو برضو حلوين..
شفتا الحب بيعمل شنو..؟
لك كل التقدير..
ولك كل الحب..

عدتي يا رجاء و العود أحمد

الحبيبة ندوية..

لك كل الشوق يا زمل..
ومعاه كل الحب الفي الدنيا..
سلمتي،،

الواثقة
المغرورة
الراقية
الظريفة
الاصيلة
الفنانة
المبدعة
العسل عديييييييييييييييييييييييييييل كدة
بت العباسى
انت الحب
انت الحب
انت الحب
انت كل شىء جميل وسمح
انت روح البورد ونكهته

ود قاسم باقى اغنيتك
يا ناس رجاء انحنا جينا
البيت ما بشيلنا دقوا لينا خيمة
قدلت فى الشوارع بارك الله فى الهلال
يلا اقدلى تمام بعد الفيض ده كله من الحب
وانت الحب
لى عودة
امال
ام وضاح

الحبيبة الحبيبة آمال..
ويسألوني جبت كل الحب ده من وين..؟
ده من ناس زييك كده وزي الناس البيفرحوا القلب ويطمنوا العقل الهنا..
أحس بضاءلة حين اعبر عما أحس به تجاه قوتك وشجاعتك وحنيتك.. لأنك كل هذا وأكثر..
مداومة اتصالك اليومي أخجلتني.. لأني قلت في نفسي: ياااااه أنا قدر ده..؟
وأسعدتني كل كلمة سمعتها منك.. وارجو ان تسامحي عنادا كان يتملكني الثلاثة ايام الأولى..
..
لشيماء ووضاح كل الحب..
ولعصام العزيز كل الحب..
ولك انتي يا درة..... كل الإعزاز والتبجيل والحب..

الف حمد الله على السلامه

العزيز وليد 500
الحمد لله على كل هذا الحب..
تسلم يا غالي..

ولك كل الحب..

اختى العزيزة رجاء
من يزرع الحب يجد الحب
ومن يزرع الاحترام يجد الاحترام
العود احمد
مع ودى و تقديرى

الآن آن للفراشات ان تقطف الرحيق و تنثره طربآ بسوح البورد

بنت العباسى : يا داخل هذا البورد .... انثر على رجاء الورد


و تلاقت قممآ يا مرحى !


هنيئآ للجميع بالعود الحميد .. القيافه!!!!

الفاضل العزيز كوستا..
ثوابت كثيرة كانت في داخلي تجاه المنبر.. كنت أنت احدها..
علاقات جميلة متنامية اتابعها منذ قدومي للمنبر.. كانت علاقتنا احداها..
وأسباب حب كثيرة ترغمك على عدم التفكير في المغادرة.. كنت أنت منها..
فلك كل التقدير..
وكل التجلة..
وكل الحب..

الحبيب يعقوب..
ولك أيضا كل الحب..

مبروك لنا العودة الميمونة
لكن يا رجاء نفسك طاوعتك تعملي فينا كده!
غايتو المسامح كريم والبينسى العشرة لئيم
وفرحانه بيك كل النجوم

الحبيب أبو ساندرا وأخواتها الحلوات وأمهن الراقية..
تصدق روحي ما طاوعتني.. أمال الجابنا شنو.. هو نحن نقدر..
طبعا مشيت ليك بي هناك.. لكن برضو بسأل من ايدك وسلامتها ألف سلامة.. ومبروك لدينا الحبيبة..

لزهراتك الحلوات.. كل الحب..
لرفيقة دربك وحبيبتك دوما رشيدة.. كل الحب..
ولك انت يا سندنا هنا كل كل الحب..

sorry
it seems I have the wrong sense of humor
I will do it some where else

مراويد العزيز..
انا قلت تجيب لي غنية "ليو ساير" وحاجات زي دي..
برضو حأرجى..
مع كل الحب..

رجاء والله انا كنت كاتب كلام هنا لكن راجعت نفسي لانى ماخد واحد عكاز فى راسي الفتره الفاتت دى، قلت مالى ومال دقو و شالو قروشو... لسانك غنمايتك كان حابتها بتركب الظلط وكان صنتو برضو بتاخد عكاز...
اولاد بمبه بقولو شنو:ماشي قنب الحيط ..اها انا الحيطه ذاتا
تسلمى يا تفتيحه

مراويد يا ممسوخ..
انت ايدوك عكاز..؟ اها دا الما ممكن يحصل ابدا..

وبرضو منتظرة منك اغنية حب للناس الحلوين الهنا..

رجاء

ياسمينة البورد

بركة الجيتي

يااااااااااااااااااااااا
سيجيمان في بوستنا..
يا لهذا الشرف..
ويا لهذا الحب..
سيجيمان.. بذلك الحب الذي تحرص على توزيعه علينا هنا بمشاركاتك الذكية الزكية والممسوخة "كثيرا".. تجعلنا نحرص نحن ايضا الا تفوتنا حصتنا منه..
..
بالمناسبة الياسمين هو زهري المفضل..
ولك كل الحب الياسميني..

بعودتكم عاد للبورد توازنه

مرحب بيكن

النصرى

العزيز النصري..
مرحب بيك انت زاتك في وطن الحب ده..
واتمنى الا تكون قناعاتك قد تزعزعت في الفترة الماضية..
خلونا نبدأ من جديد..
وبكل حب..
تسلم يا كريم..
ولك كل الحب..

جيت في باب البورد أدوني حلاوة .
قلت شنو ياناس ؟
قالو رجاء...جات
رميت الحلاوة..
وفضلت حلاوة رجوعك للبورد..ياحلاوة

رجوية حمدلله على السلامة


كنت مشعولة بكل هذا الحبى

الله ما هون لى ازور كل هذا الحبك الا حسه


والقدم ليها رافع


نورتى البورد.. يا كل اقمار الاثير

القمر كلو هنا..؟
تماضر الفريدة..
تم جمعنا مع بعض آلاف المرات.. وفي كل مرة انظر اجدها "لمة حب"..
فووووق قلت انا لا جاحدة لا ملحدة.. فكيف يمكن ان ارفض الحب..؟
لك كل التقدير الخاااااص..

ولك كل الحب..

كبسيبة الوسيم..
مرحب بيك..
عندي سؤال: الحلاوة انت ختيتا عشان ما عندك سنينات ياكلنا .. ولا جاي تبيع لي الكلام الحلو ده ..
ليك وحشة..
وتسلم يا عزيز..
ولك كل الحب.... بدل الحلاوة ..

مكانك هنا
حمدا لله على سلامة العودة

اعشم فى ان هنا عن عودتنا الميمونه الى الوطن الهناك راجينا

نصار العزيز..
مثلما قلت لكوستا.. فان من الثوابت المنبرية التي لا تتزعزع في داخلي هو وجودك المطمئن..
وحلمنا الجميل هنا بوطن جميل.. حتما سيكتمل تحقيقه هناك في الوطن الكبير..
تسلم ايها الغالي..

ولك كل الحب..

رجوية...
كدة يادوووووووووب ممكن الواحد يفك الحظر ويجي يكتب بمزااااج بعد ما نوارات البورد وصلو...

الحبيبة الرقيقة ميادة..
معك ومع باقي الزميلات الرائعات سنحول هذا الوطن لعالم من عوالم هالة قوتة المرتجية..
تابعت آخر حنينك وأشواقك..
ولي تعليق هناك..

دمتي يا نبيلة..
ولك كل الحب.. فأنت تستحقينه..

رجويه .....حمدالله علي السلامة , وعقبال الباقين . انشاءالله تكوني استلمتي الايميل

الحبيب بهاء..
تسلم يا غالي على السؤال والاطمئنان.. وقد وصلتني رسالتك ولا تقلق..
سؤالك عني عنى لي الكثير.. وما خطه قلمك عند عبدالعاطي أخجلني وطوقني بجميل عزيز..
فلك كل الحب..

الاخت الكريمة رجاء

حمدا لله على السلامة

نورتي

الأخت رجاء

الف حمد الله على السلامه

النبيل وليد ياسين..
الحمد لله على كل هذا الحب..
تسلك يا غالي.. ولك كل الحب..

العزيز طيفور..
النور نورك انت ونور كلماتك الوضاءة التي تزين جنبات هذا الوطن..
لزوجتك الحبيبة كل الحب..
ولك انت كثير من الحب..

مرحبا بعودتك يارجاء ، ومع كل الحب لشخصك الجميل .

العزيز سارة..
شكرا كثيرا لكلماتك المرحبة..
ولك ولأسرتك كل الحب..

رجاء الحبيبه
حمدالله على السلامه ورجاء يا رجاء ما تكرريها انت قايله نفسك هينه انتي غاليه وغاليه وغاليه فلا تحرمينا من وجودك في البورد

العزيزة رجاء

ألف مرحب بعودتك ..
وبكده المنبر إزداد نور على نور ..

ااااااااااه يا رجـــا
يا مبهجـــــــــــة
يا متوهجــــــــــة


شفنا القمررررررر شفنا النجووووووم شفنا الفررررررررررررررح

الليلة جــــــــا

الحبيب بكري..
مهداة لك باقة كبييييرة من الحب.. لهذا الحلم الذي اصبح وطننا الجميل..
سلمت يا كريم..
لبيان ويوسف كل الحب..
وللحبيبة د. هالة كل الحب..
ولك انت كثير كثير من الحب..

رجاء ان لا تغيبي ثانيآ عنا
ونرجو ان تكوني دائمآ بيننا

الغالي عادل بليير..
كيف أغيب مرة اخرى واضيع كل هذا الحب..
وعد مني الا يتكرر ذلك ما حييت..
فقد كان في سؤالك الصادق عنا كل الحب..
سلمت.. ولك كل الحب..

العزيز حبيب نورة..
سؤالك عنا زمن الغياب.. أوصل لنا كثير من الحب..
تسلم يا ذوق ولك كل الحب..

العزيز معتصم..
تسلم يا كريم.. وحقيقة انت من الأسباب الواجب احترامها في العودة..
لك كل الود وكل التقدير..

الحبيبة مها..
اكرر أسفي للغياب.. واعدك بعدم تكراره يا غالية..
تسلمي..
ولك كل الحب..

شال النوار 1

رجاء

بركة الجيتى

سلام يا رجاء
وجيتا جيتى

الحبيبة بيان..
وسلام مربع بالحب..
لملاذ واخواتها وقمركم كل الحب..
وللدكتور الفاضل ابراهيم كل كل الحب..
ولك انت يا بيان كثير كثير من الحب..

العزيز دور نقاس..
بركة الجيبت عشان الاقي كل الحب ده..
وبركة الجيت عشان الناس الحلوة الانت منهم ما بيتفاتو..
وبركة الجيت عشان اقول ليكم قدر شنو انا بريدكم..

تسلم يا غالي.. ولك كل الحب..

الحبيب الراقي ومعلمي الأول للحب الموصلي..
اعتذر لتجاوزي اياك في الغياب.. ولكني قلت في نفسي.. انا استاذ موصلي ده مجنناهو.. في دخولي وفي هكري وفي غيابي..؟
عااارفة ان مساحات الحب عندك تستطيع احتواء كل جنوني.. فلك العتبى شيخي الحبيب..
لهديل ومحمود واخوانهما كل الحب..
وللحبيبة سكينة كل كل الحب..
ولك انت معلمي كثير من الاجلال والتقدير و..... الحب..

اختي الحبيبة
حمدلله على سلامتك

شكرا للعزيزات رجاء وراويةوتماضر على مهرجان الحب والفرح بالمنبر ، كل الود .

الحبيبة الراقية رقية..
كل عام وانت أروع وأنضر وأكثر عطاء للحب..
تسلمي يا ذوق..

ولك كل الحب..

الحبيب علي أبو حمودي..
حمد الله على سلامتك انت.. وعودتك للنيمة الظليلة..
تسلم يا غالي.. ولك كل الحب..

حمدله على السلامه
يا جاى من الغياب
كل الدروب غنوات فرح
تهتف تقول مرحب حباب

افتقدنا الطلة والألق والله يا رجاء

وليك المنى الطيب، بى كل شى

الحبيب أبو ذر..
عرفت ان رذاذ المطر الذي تهدينا اياه لم يكن شيئا سوى سيل من الحب..
فهل كان يمكن ان احرم نفسي من ذلك المطر..؟
كرمت ايها الغالي..
ولك كل الحب..

Welcome< welcome Osman

الحبيبة رجوية
الف حمد الله علي السلامة
ليك وحشة والله

الحبيبة الحنينة صديقة الضيق والفرح حنونة..
كل سنة وانتي أكثر حنية وأكثر حب وأكثر قوة لصاحباتك واصحابك..
وااااحشاني شديييد..
ولما امي عملت لينا قراصة الاسبوع الفات.. قلت حنينة لازم بتكون متذكراني.. لأني بس كنت بفكر فيك..
ليك كل الحب يا زارعة الحب..

الحبيبة رجاء
القلوب عند بعضيها
لكن ما كان تقولي لي بالقراصة دي
ياخي كان لقيتيني معاكم..اهو قراصة وشوفة
الف حمد الله علي السلامة يا رجاء
بجد ليك وحشة

حنونة..
سلام يا حبيبة..
انتي هسع ما تخديناش في دوكة وتاكلي علينا التورتة الفاتتنا ..
اولا بالتبادي عايزين عزومة "زغني" مدنكلة حتين نحلي بتورتة آيسكريم بفواكه البحر .. اااه جريتي ريقي .. وبعد داك نحبس بغنيوة فناانة على ذوقك..

نينا.. انتظريني بي هناك يا حمل.. الأبراج دي شغلتنا الرسمية الأولى ..

وكل لحظة وانتي بحب وفي حب..

الحبيب من ريحة الحبايب عثمان..
لقد كتبت لك قبل الغياب ناصحة اياك بالهدوء.. والتريث.. وهي النصيحة التي لم اعمل بها مع نفسي..
تجربة الغياب وان كانت ضرورية.. إلا انها ليست بالتجربة الجميلة التي ادعو اليها من احب..
فلنبقى هنا في وطننا المختار هذا.. نزرع حبا ومعرفة ودراية..
حتما سنجني الكثير الكثير..
تسلم ايها الغالي..

ولك كل الحب..

هلا يا هلا مرحابك يا هلا
عودا حميدا الى حوش بكرى وكم افتقدناك زميلة وعزيزة واخت
حمد الله الف الف الف علىالسلامة
تحياتى

الحبوب بلدي..
افتقدتكم جميعا ايها الزميل الفاضل..
وافتقدت كل هذا الحب..
تسلم.. ولك كل الحب..

عودا حميدا يا مناضلات ومبدعات المنبر

الغالي النبيل كمال عباس..
النضال والإبداع عمل جماعي مشترك.. انت وجمع كريم تمثلون هذا..
لي الفخر بأن اكون واحدة منكم.. ولي الهنا في أن احببتكم جميعا..
سلمت يا غالي..

ولك كل الحب..

لكم الحب وكفى




وفى امان الله

لا اله الا الله

الحبيبة الكريمة بت الأحفاد..
لك انتي كل الحب..


وكفى..
فأنت تعرفين ما تعنينه لنا..

رااااا .... رجاء

كل عام وانتى الحب

تسلمى والله يخليك

الحبيبة الهميمة احلام..
ولأن الذي جمعنا بك انت تحديدا كان من الصدق والحب أعظمه.. لم يكن للغياب اي معنى..

ودمتي شريكة هم وحب..

لك كثير من التقدير
ولك كثير من الحب

*

شكراً لك يا رجاء ، وعبرك لراوية وتماضر ، على هذه الحملة الإنتخابية الرائعة...

سننتخب معكنََ كل هذا الحب...

فلنعمل الآن على إعادة البهاء والحوارات البناءة والهادفة الى هذا الموقع

الراقي حافظ..
حملة الحب الانتخابية شعارها ما ذكرته انت تماما: معا لإعادة البهاء والحوارات البناءة والهادفة الى هذا الموقع..

سلمت يا فنان.. ولك كل الحب..

عودا حميدا يا رجاء وعليك الله تاني ماتكرريها
لان البورد والله فقدك جد


لك التحيه

نوف

لك الورد والحب والأمنيات، عسي ألا تغيبي مرة أخري.
وألف زهرة
إيمان

الحبيبة ايمان..
من أجل كل هذا الحب.. عدنا..

فلك كل الحب..

العزيزة نوف..
شكرا لكلماتك الجميلة..

ولك كل الحب

رجائى .أن ..لا تغيبى ... ثانية

العزيز الغالي عمر..
سؤالاتك عنا وافتقادك لنا.. جعلا من الصعب الاستمرار في الغياب..
عدنا لكل هذا الحب.. وعدنا بكل هذا الحب..

سلمت يا غالي ولك كل الحب..

Welcome welcome welcome
osman

واكثر ..........
فقط لو تحتمل المواعين
يا رجاء

الحبيب محمد الشيخ..
أحسد أنفسنا بك..
وهذا حب لا يمكن تجاهله، فمواعينه هي الروح والعقل والفؤاد..

عشت دوما يا غالي أخا كريما وصديقا نبيلا..

لك كثير من التقدير وكثير كثير من الحب..

العزيز الغالي عثمان..
..

لكل هذا الحب عدنا..

وبكل هذا الحب عدنا..

Welcome,welcome,welcome
osman

العزيز الغالي غثمان محمد صالح..

ترحيبك الصادق يحمل حبا جميلا..

لك أصدق الدعوات بتحقيق كل احلامك..

ولك كل الحب..

العزيزة رجاء

من يزرع الود يحصده
وانت تزرعين الود و المرح ابنما كنت

(بالمناسبة انتو كنتو مضربين ليه؟)

Quote: (بالمناسبة انتو كنتو مضربين ليه؟)

yes, why you were in strike? ya

كوستاوي الحبيب..
راجع اجابة ندى اعلاه..

تحية كبيرة لك وانت تعبق لنا المكان بأغنيات أبو داود وصوت مصطفى السني..

تسلم.. ولك كل الحب..

ندوية يا عسل..
تضافرت عدة عوامل أدت الى الغياب.. موضوعية لدرجة كبيرة..
ولكن عندما يتعلق الأمر بالحب تنظر اليها لمعالجتها وليس الهروب منها..

فهمتي حاجة..؟

لك كثير كثير من التقدير..
ولك كثير كثير كثير من الحب..

يجو عايدين، راوية رجاء او تماضر شيخ الدين، يالله!

عارفة قدر ما اقول البوست ده يحتل، عشان ما اجيبو صادي، كاخر زول، القي معلق في العلالي!

عليك كده يئست، واهو واتوكلت علي الحي القيوم، او جينييييناكم!

اها ذي ما بقولوا، الوصي بالمهلة، والجري بالسهلة!

انا عازمكم في حفلة سغيرة كده، بي مناسبة رجعتكم دي، فعايزكم تحكمو لي المسابقة بتاعة ارسم صورة لي بشاشا واربح مكتبة!

راوية حتكون رئيسة اللجنة، ورجاء وتماضر اعضاء، ايه قلتوا؟

طبعا حاروح لاصق البوست ده في كل بوردات الريدة التلاتة، يا بنات طلسم!

العزيز بشاشة..
كل ده حب..؟

وصل.. ولك عندنا اضعافه..

غبنا وجينا.. وصورتك لسة ما جات..

كلما قريت بوستك بتاع المسابقة اتذكر زماان في (ميكي جيب).. مسابقة تعرف على الجاني ..

لك الحب..

Quote: كل هذا حب..؟

بالتاكــــيـــد

الغالي أسامة..
ولأننا افتقدنا رائحة الياسمين.. عدنا اليه لمزيد من الياسمين وبمزيد من الحب..

قل للحاقدين الرماد ولك ولنا الحب..

الاخت رجاء
حمدالله على السلامة
رجعتوا للبود طعمه الجميل

الحبيبة الرقيقة يا بت يا نيل..

سلمك الله من كل شر..

هذا الوطن يعبق بأنسام جميع من يقطنونه.. لذا ترينه رحيب وجميل لما يحتويه من حب.. وبما يمنحه ابناؤه له من الحب..

سلمتي يا غالية..

ولك كل الحب..

بت الأفاضل

والله فعلا ليك وحشة شديدة لكن نقول شنو

تقولوا قصدتو تعملوها لكن الحمدلله على السلامة

وعودا حميدا لك ولراوية وتماضر .

الله لا يحرم من يعزونكم بغيابكم

سلالالالالالالام كتير ليكم ويمكن ما أقدر أفتح البوستات التانية لأنه

ما شاء الله طويلة ونفسى يتقطع لحد ما تفتح

فسلام أيضا لراوية وتماضر هنا معاك سوا

صديق ضرار

العزيز صديق..

لأن هنا كثير من الحب.. عدنا بكل هذا الحب..

سلمت يا غالي..

ولك كل الحب..

كل هذا الحب


حب خصوصي جدا

قرنفل الغالي هنا..؟ ما كل هذا الحب..؟

لقد افتقدنا حضورك الهدية.. كلمات وصور ولحن..

رجاء لا تطيل الغياب.. فبهذا الوطن ستجد كما وجدنا..

كل هذا الحب..

العزيزة رجاء
بوستات كل هذا الحب عملت لى ربكة و انا اساسا مربوك الايام دى
اعتقدت خاطئا اننى كتبت لك هنا
عموما مرحب بيك شديد

حاولت ارسال رسالة لك فى موبايلك؟ هل وصلت
طبعا لانه مافى ماسنجر...
لكى الياسمين