48 ساعة حظر.. سرقة حسابي في الياهو.. قليل من التوتر.. وكثير من الحب.. هي حص

أنا رجاء الحقيقية

48 ساعة حظر.. سرقة حسابي في الياهو.. قليل من التوتر.. وكثير من الحب.. هي حصيلة غارة القرصان رجاء أو الأحمر على المنبر
البورداب الأعزاء،،
عدت اليكم بعد غياب إجباري لا ذنب لي فيه سوى ان القرصان اياه سرق أسمي، وملفي، ولم يكتف بذلك بل سرق مني الايميل الخاص بي في الياهو.. وهو ايميل عمره 5 سنوات،،
وقفة الزملاء معي واتصالاتهم للسؤال عني من كل العالم.. كان هو العزاء في ذلك الغياب،، فبقدر ما تحترمونني وتحبوني.. احترمكم وأحبكم،،
لي عودة

الأخت رجاء العباس
تحياتي و رمضان كريم و تصومي و تفطري على خير
و عودا حميدا و أنا كنت فاكر الغيبة بسبب المشغولية فقط
الجاتك في إيميلك سامحتك
تسلمي و دمت

أبوجهينة العزيز،،
تكرم يا ذوق،، والله انا زاتي قلت كده.. ده الناس قاعدة تموت.. تجي على ايميل.. لكن والله افتقدته،،

مبروك يا رجاء العوده وعوده الممتلكات اها بس مايكون سرق الاميلات ولا مسحها ؟؟

الحبيبة دوما،،
تصدقي انو سرق الجمل بما حمل.. يعني كل العناوين والرسائل المخزنة في 3 فولدرات.. والسعة بتاعته 6ك وليس 4ك.. ااخخخخخ ما تذكريني،،

حمد اللة علي السلامة يا رجاء
كويس البقت علي كدة وانتهت
الله يكفينا شر الهاكرز والحاقدين
قولي امين في نهار رمضان دة

يسلمك من كل شر

حنينة الحنينة،،
تسلمي من كل أذي.. والله يسامحه،،

الاستاذة رجاء
عدته والعود احمد حقيقة افتقدناك فى البورد قربت اقول لخالد الحاج انته رجاء ده الهكرز خطفه والله شنو وربنا يعوضك فى حزمة الايمل المثقل
تحياتى

سلام
والله ليك وحشة يا كريمة

لو الهاكر دا ما شافك خترية ما كان سرق ايميلك
ودا لانك فريدة من نوعك

ألف حمـدللا عسسـلامـة.. إفتقـدنـا مداخلاتك القيمـة فى تلك الفتـرة
إن شــاء المســروقات تكون رجعت

محمد عثمان

العزيز أبو الريش محمد عثمان،،
والله لغاية الليلة الصباح كنت مع ناس الياهو كستمر،، وبيحاولوا يعملوا حاجة..
وشكرا لشعورك.. وان شاء الله ما تفتقد غالي،، ولا تحنار جنس الحيرة دي،،

بيان الحبيبة،،
فريدة انتي الشايفاني انا فريدة..
وكريمة انتي الشايفة كل الناس كرماء،،
دمتي،،
وتلاقيني دايما بردد مثل اخوانا المصريين:
قال يا قاعدين يكفيكو شر الجايين..
لوووووووول
رمضان كريم،،

الحبوب بلدي،،
شكرا يا زمل،، هو خطفني ساكت..؟
نفسي أعرف انو زعلان مني انا ولا الأحمر ولا من بكري..؟

الاخت رجاء حمد الله على السلامة
والجاتك في مالك سامحتك
ونحن نشجب هذه الاسلوب المقزز ونتمنى ان يتعظ مفتعلوه وان يعودوا الى جادة الطريق

والناقصهم شنو
منبر حر
ووطن حر
والتاني ناقصين ليهم شنو علشان يسرقوا

رجاء
يا إبنة العم الغالية
مرحب بي عودتك ومن غيرك الدار خلا
أما الهكرز فبقول ليه تاني زي ما قال عادل إمام : ربنا يوقف نموّك

الزميل غريبة،،
أنا المحيرني انه لو كان فكر أيهما أجدى: تدمير المنبر الحر.. أم إنشاء منبر آخر منافس له، لوجد أن الثاني هو الكاسب،، لكن تقول شنو لزول جا بالليل ليسرق الايميلات شانه شان أي حرامي حلل،،
شكرا لشعورك،

الغالي أبا،،
شفت الحصل لي يا ود عمي.. أها ده نقول ليهو شنو..؟ لسة أنا بسال: هو متغاظ من بكري والمنبر ولا من الأحمر ولا مني..؟ وكله كوم وطلبه أغنية منك كوم تاني.. عارف أنا بس قعدت أضحك..
يالله.. حقيقي كان في قليل من التوتر.. لكن كان هناك سيل جارف من الحب الذي غمرني به زملائي في المنبر..

الاخت رجاء حمد الله على السلامة
والجاتك في مالك سامحتك
ونحن نشجب هذه الاسلوب المقزز ونتمنى ان يتعظ مفتعلوه وان يعودوا الى جادة الطريق

والناقصهم شنو
منبر حر
ووطن حر
والتاني ناقصين ليهم شنو علشان يسرقوا

رجاء
اهلاً
رمضان كريم
لك العتبي حتي ترضي كل اوقات ظمأك لهذا المكان الجميل
وقليل من التوتر .. كثير من الحب .. اذاً هي الكتابه السمحه الجايانا.
وربنا يعوضك خير في ما فقدته
وسلام الي مطلع الامر

الرائع الحزين،، هو داب ظمأ.. ده احساس ما بيعرفو الا الكان هناك.. لكن انا برضو ما كنت هناك شديييد..
دمت،،

حمد الله علي السلامة انحنا قلنا المصريين طردوك ولا شنو كما حدث لنامن قبل .........

الزميل العزيز سعد،،
لو المسألة مسألة طرد من مصر كانت تكون حاجة عديلة كده وبنعرف منو؟ وليه..؟ ولمصلحة من..؟.. لكن المصيبة انو الموضوع كله جاء بليل،، وبقدر ما الليل هو ملهم الشعراء والعشاق.. إلا ان بعض السارقين يأبون إلا ان يغيروا هذا المعنى،،

هو لو حريف صحى خليهو يسرق خلاوة اللون

ونظرات المقل الضاحكة

ولا اقول ليك خليهو يغير شى من خمرية اللون دا

ولا يقص المساير


عودا حميدا .. وبالجد عرف يختار

رجاء الحبيبة..تسلمي من كل بلاء
وعودا..حميداً..

العزيز ود العجمي،،
هنا ممكن أشكر هذا القرصان،،
يا راجل انا لو كل ده... بختييييييييييييييييييييييييي
رمضان كريم،،

الحبيبة انتي بنت النيل،، تسلمي من كل بلاء،، وربنا يحفظ لينا المنبر،، لأن الموضوع بعد ده بقى سرقة عدييييييل،،

الاخت
رجاء حمدا على السلامة من
ناس القرصان
اعمل حسابك وختى ليك
ايد فندك جنبك

العزيز عثمان المهندس،،
لوووول.. من يوم السرقة رجعت اتصالاتي بأصحابي الكمبيوتريست.. وكل يوم درس تأمين،، وطبعا خبرة الزملاء هنا مهمة برضو..
تسلم،،

Raja

Welcome back

الاخت الزميلة
رجاء
رمضان كريم..ويا هلا يالطلة من جديد
ماذا نفعل هذا قدرنا مع هؤلاء
الذين يحاولون دائما وقف المسيرة
واصلى بكل هذه الثقة
ودمتى

الصديق العزيز عبدالمنعم،،
كنت أحاول ان اجد له مبررا لفعلته بالمنبر.. حتى الآن لم أجد..
سلمك الله من كل ردئ،،
ودمت

الأخ العزيز رضا،،
دمت،،

الاخت رجاء حمدلله الف على السلامة,ونأمل مزيدا من الاسهامات بعد الحظر والى الامام

العزيز متولي،،
تسلم يا زمل،، واسهاماتي يكملها ما تفعله انت هنا،، دمت

العزيزة رجاء

و لا يهمك واثقين منك
حمدا لله على سلامة العودة
و ...تعيشي و تاخدي غيرها

الحبيبة ندا أمين،، تسلمي يا زمل،، لكن الله لا يسلط عليك قرصان كمبيوتر.. حاجة كده انا ما فاهماها ليه بتحصل..
دمتي،،

الاخت الاستاذة/ رجاء...تحية
ليس مثلك من يأبه بالعراقيل
عودا حميدا و الى الامام

العزيز أحمد أسد،، تسلم من كل سوء،،

العزيزه رجاء
الف حمدالله على السلامه وربنا يديكى العافيه ومزيد من الابداع،وعلى قول اخوانا المصاروه؛يروح الايميل وماناخدش علقه بالليل

الف حمدالله علي السلامه ايتها الاشراقه000سيتواصل ابداعك 00وتزدادين القا 00وسيموت الحاقدين غيظا

الفاضل عبدالله،، تسلم كل سوء،، وربنا يجنبك شر بشر لا تعرفهم،، يأتونك ليلا ليسرقون،، لا أدري ماذا أقول،،

أستاذي الفاضل بشرى،، المشكلة انو الايميل راح والقرصان بدأ تهديدات.. انا شخصيا لا أخاف من أي رسالة تنشر،، لأني لم أسرق أو أبتز أوأقل من أصلي،،
تسلم،،

عودا حميدا من أجازتك الاجباريه وكفارة اها يالله عوضينا الايام السابقة باخبارك وتحليلاتك
كمال

شكرا العزيز كمال،، وبالفعل لدي عمل الآن،، ستراه قريبا،،
ودمت،،

كـنـت أتـمـنـاهـا 4800 ســــاعـــة لـكـن مـعـلـيش طـلـع قـلـيـل أصـــل

الحبيبة رجاء
ربما تودي أن تكتبي مذكراتك وانت بدون إيميل. يعني مثلا: 48 ساعة هزت عرش البوح والتواصل....
لك الحب، ومرحبا بيك بيننا تاني. وربنا يعوضك أيميلا ود حلال، أبرك وأخير من داك.
إيمان

أبو حسين،، اتبسطت طبعا اليومين ديل.. لكن الحرامي انا كنت قايلاهو داخل مصادفة.. اتاري قاصد عديييل،، مسألة عندو أصل من عدمه دي تظهر أكتر لو أعاد لي الايميل بتاعي .. لأنو ما بيهمه بأي شكل،،

الحبيبة ايمان،،
طبعا الـ 48 ساعة دي كانت عمر بحاله كده.. واكيد الموضوع كله تجربة تستحق الكتابة.. دمتي

الاخت رجاء
رمضان كريم وكل سنة وانتي بخير

والله دي مشكلة تحير, وكمان مؤلمة عشان انا كمان كنت قبل يومين عايش نفس الشعور , دا زول عرف الباسورد من ووين ماعارف ويدخل الايميل بتاعي كما يعمل شات مع اصاحبي المشكلة مرة انا فتحت فلقيته بس معاه عنوان تاني وكل احاول اتكلم معاه مافي فائدة شوفت البروفايل بتاعه لقيتو من ناس بعيدة خالص ، علي فكرة قالوا في فايروس يدخل علي الايميلات ويرسل رسائل بطريقة عشوائية ربنا يستر.
اتمني ان لا يكون القرصان بتاعك الذي سرق الايميل.

Dear Raja:
Welcome back!!!I thought you resigned from the baoard because of your new job, congrats!!! and sorry for what happened to your mail .....Wahid Hassid wa bus

الزميل بكري عبدالله،، شكرا يا ذوق،، ابدا انا ما ممكن استقيل من البورد.. ولو القرصان جاء مرة تانية بأسمي واستقال.. ما تصدقوه،،
دمت،،

العزيز باسبار،، تسلم، لكن ده وبتهديداته دي زول ما عشوائي،، وانا ما زلت منتظرة منه اعادة حساب الياهو الخاص بي،،
لكن،، من تنادي..؟

حمد لله علي السلامة يا رجاء

الأستاذة رجاء
رمضان كريم والف حمدا لله على السلامة
كويس انه سرق الايميل بتاعك وما سرق حاجة تانية ، لانه اللصوص من أمثاله لما يتحركوا بالليل بسرقوا الديمقراطية ويصادروا البسمة من أفواه الناس ويمنعوا الحريات . ويقوموا في الناس تقتيل وتعذيب بلا رحمة . لكن واضح انه دا لص أظرف من لصوص الحكومات عشان كدا خلي قلبك كبير وسامحيه ، زول تعبان ساكت . وزي ما قالوا الاخوان الجاتك في ايميلك سامحتك .

العزيز ابوقصي،،
شكرا يا زمل،، ده سرق الايميل وبدأ في الابتزاز،، ولم اعرف حتى الآن ماذا يريد..؟ إذا ارد مثلما قال تشويه صورتي وسمعتي،، فأنا رجاء نفسها قبل وبعد السرقة.. لم ولن يغير في شئ،،
ودمت،،

الحبيبة أماني الجندرية،، الله يبارك فيك،، ويسلمك من كل ردئ،، آمييين

حمد الله على السلامة يا رجاء
وفعلا الجاتك في ايميلك سامحتك
وفي السودان في سرقة موبايلات منتشرة ..والعبارة المنتشرة هنا "الجاتك في موبايلك سامحتك"
تعيشي وتاخدي غيرها
بس لو كان الاحمر دة اداني نظرة في ملف الاسرار..!!
تحياتي ورمضان كريم
فيصل

فيصل العزيز،،
ازيك،، ويعني إلا سرقة كده وكفارة حتين نشوفك..؟ المهم يا صاحبي ده الايميل القعدنا عملناهو سوا في جريدة الخرطوم.. تتذكره.. ولو عايز تعرف فيهو شنو القرصان ما بيقصر قال لي راوية انه حيبيعو لي جريدة سودانية.. فانتظرونا قريبا،،
ورمضان كريم،،

رجاء
حمدا لله على السلامة
وزى ما قالوا ليك الجماعة انتى وابو قوتة والاحمر اكتبوا لينا مذكراتكم وانتم خارج الاسوار
والجاتك فى ايميلك سامحتك والبركة بالطلة من تانى

هلولة السمح قولا،، تسلمي يا غالية،، ومع اصدقائي ابوقوته والأحمر سنعمل مشروع كده... لووووووووووووووووووووول
دمتي،،

مشيتو لي ياتو فكي يا رجاء رجع ليكم المسروقات دي والله عندي حاجات كتيره رايحه مني ؟؟
حمداً على السلامه

الزميل حمامة،،
الفكي الكتروني،، فيما يختص بالايميل اللسه مسروق،، فأنا أامل بأن يعيده لي القرصان رجاء،،
وتسلم يا ذوق،،

كفارة

العزيز محمد سيد أحمد،،
كفر الله سيئاتك،، وحمد الله على سلامة العودة والطلة من جديد،،

يا جماعة الخير رجاء إختفت تاني ،قبل شوية كانت بترد على المتفقدين بمزاج رايق ،اوع يكون ده بس بث تجريبي ، أو الهاكر جهجهها تاني

العزيز أبو ساندرا،،
لا والله الحكاية ما بث تجريبي،، بس بعد الفطور خرجت مشوار ما رجعت منه الا الساعة 2 صباحا،، يعني لسه معاكم،،
وعشان لسانك الما بقدر عليهو ده رديت ليك آخر زول قبل الفطور،، وناس تمبس وحمزاوي وأهل العوض والعريس ايهاب لي بعد الفطور،،
دمت،، وسلمت من كل ردئ،،

حقو أساطنة القانون يفتونا في هذا النوع من الجرايم أو المجرمين .. حسابهم كيف؟ يعني واحد يسرق معلومات خاصة .. فيها مشاعر خاصة وذكريات ومجهود ذهني .. دي بحسبوها كيف؟

عموما يا رجاء (الحقيقية) سعداء بي رجعتك .. وربك يوكي الجراب على العقاب .

أبا ساندرا .. يمكن تكون مشت تودي المفتاح الأوضة التانية .. هو الساعة كم عندهم في حلتهم ديك

طبعا أول ما لقيت البوست معنون بي اسمك .. وصورتك والكلام الخارم بارم الكاتبو ده .. والاغنية العجيبة الطلبه من ابا .. اخدت لي ضحكة كبيرة كده ... وقلت ليهو الله قال بي قولك البيوديك تهبش رجاء العباسي شنو ؟؟

هو طبعا عارفك وعارف مكانتك بينا قدر شنو .. المهم ابقي مية علي باقي الحاجات .. وان شاء الله ما ينفعو ..

حمدا الله على سلامة العودة...

العزيز فتحي،،
الله يسلمك، لكن من يوم الحادثة وأنا بغير في كلمات السر،، الله يتعبه ويسلط عليهو الأقوى منه،،
ودمت،

تمبس العزيز،،
عارف انو فتح رسالة في الماسنجر من ابن العم أبا، فيها كلام عن الأغاني، فحب يتظارف،، أنا والله لسة محتارة، هو زعلان من بكري ولا مني؟
ربنا يهديه، ورمضان كريم،،

العزيز أهل العوض،،
تسلم يا كريم.. المشكلة ان القرصان يريد مساومتي بممتلكاتي، وهي مهما كانت لا تجعله عملية السرقة صاحبها، فكيف بالله شعوره الآن..؟
حسبي الله ونعم الوكيل،،
ورمضان كريم،،،

وهل يخفى القمر
يا رجاء يا بنت العباسي
ما تقولي دا غزل واللهم اني صايم
بس الحقيقة والله البورد بدونك ما ليها طعم
انتي بقلمك قاعدة تنشليني من هموم الغربة
فأقول كيف اوقع نشال بنشال الله يهديها الرجاء رقم 2 الحرامية دي

رجاء الجاتك في باسوردك سامحتك LoOooOOOOoOOOOolz
والله بالجد دي جريمه شنيعه انو الزول يسرق حاجه ما حا يستفيد منها في شي ولا بتهمو
و في نفس الوقت تعني لك الكثير والكثير
خساره والله ربنا ينتقم منو انشاء الله قولي امين
الزول المريض دا
حمد لله على السلامه ورمضان كريم

سلام الاخت رجاء

حمدا لله على السلامة وبركه الرجعتى

القرنفل الرائع،،
الله يبارك فيك،، وربنا على الظالم،،
دمت،،

العريس ايهاب،
والسؤال الأهم لمصلحة منو سينشر محتويات الايميل..؟
تسلم من كل ردئ،،

الفاضل حمزاوي،،
الله يجبر بخاطرك،، المصيبة تعرف في شنو؟ انو عندي زحمة في الشغل بسبب مواعيد رمضان، وتجيك حاجة زي دي،، أها قول لي لو مكاني تعمل شنو..؟
ورمضان برضو كريم،،

رجوية
شكيتو على الله السرق ايميلك
لكن الشهرة متاعب
لنا

الحبيبة لنا،،
والله أنا لما سرق الايميل قلت يمكن ما قاصد، يعني جاء فوق سرقة المنبر، لكن لما بدأ يهدد بنشر المحتويات قلت في بالي.. لأ، يبقى السرقة تمت مع سبق الاصرار،،
أنا شخصيا مسامحة، وعندي أمل في أن يكون داخل روحه الزعلانة دي ذرة مروءة ويعتذر، للمنبر ولي،،
ورمضان كريم،،

الاخت رجاء تحياتي
رمضان كريم تصومي تفطري علي خير
شوق وكل بيوت الحلة تسال منكم

العزيز وحيد،،
سألت عنك العافية،، وسلمت من كل ردئ،،
ورمضان كريم،،