سلام من القاهرة

الأعزاء الكرام

زي ما بيقولو اخواننا المصريين وحشتووووووووني، فقد كنت في زيارة عمل خارج القاهرة وكان مسألة الوصول لكمبيوتر بيكتب أو يقرأ عربي مشكلة وكل يوم أفتح البورد وأقعد أتفرج.. عدت أمس من نيروبي بعد أن كنت شاهد عيان على مفاوضات اللا تفاوض في كارن بكينيا، وبالمناسبة أجمل شئ في الرحلة ان كارن هذه هي المنطقة التس عاشت فيها كارين بليكس بطلة الرواية والفيلم الشهير "خارج أفريقيا" وكنت بالطبع ابحث عن روبرت ردفورد..
بالمناسبة طوال العشرة أيام الماضية ركز الطرفان والوسطاء على مسألة وقف العدائيات التي هي أقل درجة من وقف شامل لإطلاق النار، ولكن لأن البروتوكول يقول لازم ابتسامات وتوقيعات امام الكاميرات كان هناك توقيع على بديهيات مثل حقوق الانسان
بالمناسبة عملت ما بوسعي لنقل الاحداث والتحليلات ورؤية ما بين السطور وعموما قريبا جدا كل شئ سوف يظهر على الملأ ويصبح الموضوع حقنا نحن كلنا وليس حكومة الجبهة والحركة الشعبية
رجاء

العزيزه رجاء
حمدا لله على سلامة العوده امانينا
ان تكونى استمتعتى بالرحله
وكل سنه وانتى طيبه
ولك ودى

العزيزه رجاء
ياريت تعطينا المعلومات الكامله عن طاولة الماوضات

اي عليكي الله ورينا طاولة المفاوضات وبالذات لونها كان شنو
كان نبني زي ما قالو

العزيزه رجاء الف حمد الله علي السلامه
وعيد سعيد
ونحنا في انتظارك
وفي انتظار قلمك الرشيق لينقل لنا من قاهره المعز ما دار في امر بلادنا

فيك كل الرجاء يارجاء

مرحب بعودتك يا رجاء وكل سنة وانتى طيبة

اليوم فى الشرق الاوسط ناس الحكومة نفوا اى اتفاق حول توزيع الثروة وقالوا ان ما نشر سربتة صحفية سودانية اعملى حسابك يارجاء من الناس الشتر ديل

العزيز محمد

مليووون سلااام وتحية
شكرا لخوفك لكن بكرة عندما ننشر الوثيقة اللي هي مسودة وليست اتفاق وهي التي يقعد الطرفان كل يوم في كارن لمناقشتها سيعرفوا انهم مكابرين ليس إلا، وبالمناسبة هم تحدثوا عن جزئية صغيرة في قسمة الثروة ولم يشيروا لأي شئ في بنود السلطة والحدق يفهم زي ما بيقول اهلنا المصريين.. انا لن أدافع عن عملي فعملي هو الذي يدافع عني وعن كل أعلنا في السودان
رجاء

يا زولة هوى طالما انت من شندى الحبة دى آبسوها ليك وحرم البرشك بى الموية نرشو بى الدم خلى بس واحد ساكت اللفتح خشمو معاك

تسلم أيها الغالي

العزيزة مودة متصلة وذكرى ايام الهرم واكاديمية الفنون والجيزة وجامعة القاهرة والمجال التانى وحفلات راس السنة والكورالاات بمناسبة ومن غير مناسبة مش كافية عشان اخاف عليك
نحنا بنخاف عليك لكن انت ما تخفى استمرى فى نجاحاتك المهنية والتزامك الوطنى

العزيز محمد
لقد أثرت ذكرى أيام غوالي،، ونحن زي ما إحنا لا اتغيرنا ولا بقينا ناس تانيين وأكيد أكيد بكرة حيتحقق كل الذي حلمنا ونحلم به