شراكة المتوادين في الله والوطن والكارهين للإنقاذ والكيزان وقع اسمك هنا ...

نرجو من جميع الإخوة الشرفاء التواقين لسودان جديد تقوم أركانه

على المواطنة والعدالة والمساواة والحرية والديمقراطية

وحب الآخر ونبذ العرقية والجهوية وإبعاد الهوس الديني عن

السياسة والحكم... ... ومحاكمة كل من قتل وعذب وآذى ونهب

واغتصب وكل من خان نظام الشعب الديمقراطي منذ الاستقلال

وحتى اليوم ... وكل من شارك وأيد وبارك القتل والتعذيب

والاغتصاب ونهب المال العام سواء بالفعل أو الكلمة .....

أن يتفضل مشكورا بتوقيع أسمه هنا......

نوقع على ما ورد أعلاه

1 ـ فاروق حامد محمد ادريس
2 ـ
3 ـ

محمد مكى محمد
مع خالص التحايا

اللهم اجعلنا من هذه الزمرة في الدنيا و احشرنا معهم
في دار البقاء مع الصالحين و الصديقين امين

علاء الدين نصار

نادر السوداني / تبت يدي حاكم سرق تبت يدي دجال مرق

النذير حجازي

eyes of liberty

عم فاروق تحياتي وإحتراماتي لك ولكل من دخل بوستك هذا مؤمنا
ولا فض فوك، فأول ماتعلمناه فى مدارسنا من مقرارات معهد بخت الرضا هذه المباديء الأربعة:
الله
الوطن
العمل
النصر

نحيا ونموت عليها وأوف للكيزان - بشقيهما القصر والمنشية - الأنجاس المناكيد وعما قريب سيذهبون إلى مذبلة التأريخ وسنطهر وطننا من نجاستهم

الكوز آيز أوف ليبرتي، إستح ِ يا راجل فكل كتاباتك تشهد عليك بالعنصرية البغيضة وتخشى على رئيسك الأبله عمر البشير من المحاكمة، فأخرج من هذا البوست فإنك رجيم، وعليك لعنتا إلى يوم الدين، والله لا كتر من أمثالك.

حيدر

يافارووق ممكن ابصم كمان عشان تكون authentic

ابوبكر سيد احمد

Yassir Tayfour

من اجل القضاء علي الظلم والمظالم

من اجل تقديم الجناة للمحاكمة العادلة والقصاص من القتلة المجرمين البشير وصحبه اللئام

من اجل عودى الديمقراطية واصلاح الحكم

من اجل سودان موجد علماني خالي هوس ديني

من اجل التصافي والمحبة والوحدة الطوعية

من اجل خلق علاقات جوارحسنة تنم عن طبيعتنا السمحه

من اجل ثقافة وسيادة حقوق الانسان

من اجل التقدم والعلو للمراة ورد الظلم الذي حاق بها طيلة الماضي البغيض

من اجل علاقات دولية مبنية علي الاحترام والندية

من اجل التوزيع العادل للثروة والتنمية المتوازنة للاقاليم المختلفة

الاعلام لابد ان يعكس التباين والتنوع والتعدد الثقافي وسيادة اللغات الاخري اسوة بالعربية

هذه اضافة لكل ما جادت به يدك الكريمة اخي فاروق واوقع

وارفع البوست من اجل مزيد من التوقيع


صبري الشريف
السودان / مدني

ننوه التوقيع بالاسم الاصلي ثلاثيا

زينب بت الفحل ود نصر و
د حمد

Quote: ننوه التوقيع بالاسم الاصلي ثلاثيا

هووى يا خالة دومة
انت سفرك للسودان كتير
والإسم الثلاثى ده بجيب (أترِك)
والكيزان أولاد الكلب ديل لا بيحترمو كبير ولا بوقرو صغير
ونحن غير بوستات تضامن مافى شى بنقدر نعملو..
أها الوصيه بالمهلة، الإسم الثالث خليهو ur nickname
اكان ما already يكونو عارفين دومة دى منى


تحياتى

النزير

Quote: الكوز آيز أوف ليبرتي، إستح ِ يا راجل فكل كتاباتك تشهد عليك بالعنصرية البغيضة وتخشى على رئيسك الأبله عمر البشير من المحاكمة، فأخرج من هذا البوست فإنك رجيم، وعليك لعنتا إلى يوم الدين، والله لا كتر من أمثالك.

ده لانك تجهل مكونات ودلالة الخطاب. وما حا افصل ليك في نوعية خطابي. لاني بصراة فقدت كل أمل في المسطحين فوق درجة رابعة وفاكرين كدا ركبوا قطر المعارضة. وكمان في غني عن تفصيل مساريب المصلحة الوطنية عندما تتداخل مع مطامعنا الحزبية و الخاصة. دي ختها في كفه و خت القوات الاممية في كفه تانية.
ثم بعدها نزلم الاثنين من الميزان وضع علي كفة " سيادة الدولة" وهي تعبير عن استقلالية الشعب من كل تابعية خارجية وتحقيق لهويته السودانية وسط بعاعيت العالم المطموس ده, وفي الكفة الثانية ضع محكمة لاهاي الامبريالية متحلية بثوب العدالةالانسانية تزيل بالمقنن كدا وعلي اضانك يا تاجر, كل ما من شأنه اعاقة سياسات ترتيب العالم ليوافق النظام العالمي الجديد.
وحكاية الطوبة فلقتني, واستنزاف الرأفة باسم اللون, واباحته لتمرير الاجندات السوداء النية, واعادة السودان القطري الي الممالك المتفرقه, معارضتها واجبة ولزوم مصلحة الابيض و الاسود علي حد السوء. واذا سمحنا لانفسنا بأن نهب العطف و نجود بالمواطنة علي السودانين لنبراء امام الناس,فهذا هو الاستعلاء حقا والعنصرية بوضع اليد علي الرقبة. هتلر مات زمان و اليهود استنفدوا كل مدرارا لعطف من الالمان واقاموا كيانهم و لا زالوا يستنزفوا ما استطاعوا, ورغم ذلك لا عدل لهم ولا انسانية لهم للانسانية, ليه لانو المانيا هبتهم العطف ومنت عليهم بالعدل الذي هم اصلا يستحقون لذا لم يصلح لهم شئن. فما بالك وانت معرض " مخضرم بمزاج ومسطح درجة رابعة كمان" بالسماح لجيوب وافراد تمارس عمل سياسي ومسلح كمان علي اساس فرض قسري للثقافة الزنجية الصرفة في بلد لا يستحمل غير تلاقح الثقافة العربية والافريقية!! معي حق اشلت من طرف راايت!! واشلت وول سيونكا كمان, لانو بتبظ في مسألة حساسة جدا قضي فيها مثقفي و مستنيري السودان ردحا ليس بالقليل, للوصول الي تصالح وتحديدات لمجموعة الثقافات الي بشملا السودان في اتجاهات البوصلة الاربعة, والي استقرارها يعني نهاية ابدية لازمة الحكم, الما دائم للجبهة شعبية كانت او إسلامية. ...وشي آخير يا نزير الهم, منو الاداك الوصاية علي السودان ودين السودان عشان تقصيني من المحفل دا, كان انتي فوراوي ياخي انا بديري ودهمشي " لزوم تاكيد" وعندي نفس الحق زيك في ان انضم لاي تنظيم يطرح همومي , و كذلك يهمني امر السودان ووحدته وزياده علي كدا " ودي ماعندك" سيادته وسط الاسرة الدولية.

للتوثيق:

Quote: ده لانك تجهل مكونات ودلالة الخطاب. وما حا افصل ليك في نوعية خطابي. لاني بصراة فقدت كل أمل في المسطحين فوق درجة رابعة وفاكرين كدا ركبوا قطر المعارضة. وكمان في غني عن تفصيل مساريب المصلحة الوطنية عندما تتداخل مع مطامعنا الحزبية و الخاصة. دي ختها في كفه و خت القوات الاممية في كفه تانية. ثم بعدها نزلم الاثنين من الميزان وضع علي كفة " سيادة الدولة" وهي تعبير عن استقلالية الشعب من كل تابعية خارجية وتحقيق لهويته السودانية وسط بعاعيت العالم المطموس ده, وفي الكفة الثانية ضع محكمة لاهاي الامبريالية متحلية بثوب العدالةالانسانية تزيل بالمقنن كدا وعلي اضانك يا تاجر, كل ما من شأنه اعاقة سياسات ترتيب العالم ليوافق النظام العالمي الجديد. وحكاية الطوبة فلقتني, واستنزاف الرأفة باسم اللون, واباحته لتمرير الاجندات السوداء النية, واعادة السودان القطري الي الممالك المتفرقه, معارضتها واجبة ولزوم مصلحة الابيض و الاسود علي حد السوء. واذا سمحنا لانفسنا بأن نهب العطف و نجود بالمواطنة علي السودانين لنبراء امام الناس,فهذا هو الاستعلاء حقا والعنصرية بوضع اليد علي الرقبة. هتلر مات زمان و اليهود استنفدوا كل مدرارا لعطف من الالمان واقاموا كيانهم و لا زالوا يستنزفوا ما استطاعوا, ورغم ذلك لا عدل لهم ولا انسانية لهم للانسانية, ليه لانو المانيا هبتهم العطف ومنت عليهم بالعدل الذي هم اصلا يستحقون لذا لم يصلح لهم شئن. فما بالك وانت معرض " مخضرم بمزاج ومسطح درجة رابعة كمان" بالسماح لجيوب وافراد تمارس عمل سياسي ومسلح كمان علي اساس فرض قسري للثقافة الزنجية الصرفة في بلد لا يستحمل غير تلاقح الثقافة العربية والافريقية!! معي حق اشلت من طرف راايت!! واشلت وول سيونكا كمان, لانو بتبظ في مسألة حساسة جدا قضي فيها مثقفي و مستنيري السودان ردحا ليس بالقليل, للوصول الي تصالح وتحديدات لمجموعة الثقافات الي بشملا السودان في اتجاهات البوصلة الاربعة, والي استقرارها يعني نهاية ابدية لازمة الحكم, الما دائم للجبهة شعبية كانت او إسلامية. ...وشي آخير يا نزير الهم, منو الاداك الوصاية علي السودان ودين السودان عشان تقصيني من المحفل دا, كان انتي فوراوي ياخي انا بديري ودهمشي " لزوم تاكيد" وعندي نفس الحق زيك في ان انضم لاي تنظيم يطرح همومي , و كذلك يهمني امر السودان ووحدته وزياده علي كدا " ودي ماعندك" سيادته وسط الاسرة الدولية

ياعم فاروق ونصار وياسر طيفور عليكم الله شوفوا عينة البلاوي دي، يا ربي لا تمحنا لا تبلينا، يا أخوانا الزول دا نصيح؟!

يا آيز
كلامك دا للتوثيق وحتى عودتي له برواقة فى وقت فراغي، بصراحة لقد وضعتك بين أمرين أحلاهما مرٌ، الكوزنة أو الجهل، ووجدتك قمة السطحية والجهل (يابني إنتا عُمرك كام؟!) ومُشكلة حقيقية وتحتاج إلى علاج عاجل منا ولولاه لتجاهلتك، وإن شاء الله سأعود للتعقيب عليه فى وقت فراغي برواقة، للمنفعة العامة وشكراً

Quote: ياعم فاروق ونصار وياسر طيفور عليكم الله شوفوا عينة البلاوي دي، يا ربي لا تمحنا لا تبلينا، يا أخوانا الزول دا نصيح؟! يا آيز كلامك دا للتوثيق وحتى عودتي له برواقة فى وقت فراغي، بصراحة لقد وضعتك بين أمرين أحلاهما مرٌ، الكوزنة أو الجهل، ووجدتك قمة السطحية والجهل (يابني إنتا عُمرك كام؟!) ومُشكلة حقيقية وتحتاج إلى علاج عاجل منا ولولاه لتجاهلتك، وإن شاء الله سأعود للتعقيب عليه فى وقت فراغي برواقة، للمنفعة العامة وشكراً

ده كل القدرتا عليهو!! وحتي ده كايس ليك ليهو عضد!!!
برجاك و حا انتظر تعقيبك و انشاءالله يكون تسطيح نوم المرة دي!!

لسودان جديد تقوم أركانه

على المواطنة والعدالة والمساواة والحرية والديمقراطية

وحب الآخر ونبذ العرقية والجهوية وإبعاد الهوس الديني عن

السياسة والحكم... ... ومحاكمة كل من قتل وعذب وآذى ونهب

واغتصب وكل من خان نظام الشعب الديمقراطي منذ الاستقلال

وحتى اليوم ... وكل من شارك وأيد وبارك القتل والتعذيب

والاغتصاب ونهب المال العام سواء بالفعل أو الكلمة .....


من اجل كل ما ورد اعلاه اوقع انا

عبدالمنعم سليمان

تقديري للاستاذ فاروق

منعم

لسودان جديد تقوم أركانه

على المواطنة والعدالة والمساواة والحرية والديمقراطية

وحب الآخر ونبذ العرقية والجهوية وإبعاد الهوس الديني عن

السياسة والحكم... ... ومحاكمة كل من قتل وعذب وآذى ونهب

واغتصب وكل من خان نظام الشعب الديمقراطي منذ الاستقلال

وحتى اليوم ... وكل من شارك وأيد وبارك القتل والتعذيب

والاغتصاب ونهب المال العام سواء بالفعل أو الكلمة .....


من اجل كل ما ورد اعلاه اوقع انا

.... ونـخــتــم،
.... ونبصـــــم.
بكري الصائـغ.


ملحـوظـة: ماقلت لينا التـوقيعـات دي ماشة ويـن???.

محمد عمر الفكي

معقولة يا عم فاروق تشاورني في اجة زي دي كان مفروض تكتب اسمي طوالي

محمد عمر الفكي

Quote: ملحـوظـة: ماقلت لينا التـوقيعـات دي ماشة ويـن???.

kober -almudeerya
lol
salam ya bakry.....

HERE WE ARE FOR OUR NATION
NEW SUDAN

JOK

تحياتي أخ فاروق
متوادون نعم.
كارهون للكيزان لا.
ببساطة لأنهم عروا أنفسهم بأنفسهم.

الشفيع إبراهيم

أسأل الله أن يحفظكم جميعا حتى نرى السودان وقد استحال

الى وطن جديد .. لا قتل فيه ولا تعذيب ولا تشريد ولا هوس

اسلامي أو مسيحي أو يهودي أو أي ملة كانت.... وطن بلا

لصوص ولا كلاب أمن ,,, وطن بلا ثقلاء ,, وقليلي حياء......

وطن لا شئ فيه غير الأمن والحب حتى الإشباع ....


كسرة علي خفيف :


أكتر حاجة أكرهها في سودان الكيزان : اللواء الثقيل ركن

أمين حسن عمر قائد كتائب الثقلاء, اللواء ثقيل جدا ركن نافع نافع....

والمشير المهبب الركن قائد سرايا الثقالة والنفاق اللزج

التفه "عبدالباسط بن سبدرات" الذي لا أعرف لماذا يذكرني هذا

الرجل بعبدالله بن سبأ وعبدالله بن أبي بن سلول وأبي عامر الراهب !!!!!!!!!

والزهايمر الركن ابراهيم مالك الذي يذكرني بشرفاء هشام هباني!!!!

أوقع.

وأرجو أن تتحول شراكتنا إلى اتفاق عام وفاعل
يحولها من رؤيا مشتركة بين كم صامت
إلى استراتيجية مشتركة وخطة عمل ينفذها ولو نفر قليل على أرض الواقع
ولتكون سياسة نتغلب بها على فكر الكيزان الميكيافيلي
ونتغلب بها على خلافات المعارضة

كيف نُسقِط الكيزان؟؟؟

العوض أحمد الطيب

المواطنون الأجلاء في وطن جليل يإذن الله :

دوما
محمدالمكي
نصار
الفنان الجميل نادر السوداني
النذير (اسمك حلو لأنه نقيض البشير)
Eyes of liberty
حيدرحسن مدني
أبوبكر
صبري الشريف
ياسر طيفور
منعم الجميل
بكري الصايغ
محمد عمر الفكي
Jok Biong
عبدالحي
الشفيع ابراهيم
العوض الطيب
والآخرون الذين لم يروا البوست

أدعو الله أن نلتقي قريبا في وطن يسوده القانون والحب

محمد عادل

الأستاذ فاروق

أوقع و أبصم (بصمة عين كمان)


عمار يس النور
عاشق بخت الرضا

ياسر الشريف المليح




شكرا يا أستاذ فاروق..