Post: #1
Title: يا كرمات العنب (كل سنه وانتن طيبات)
Author: عفاف أبو حريرة
Date: 01-20-2007, 11:01 PM
Parent: #0
نحن كروم العنب نحن بنات حواء شقايق الرجال نحن البنهز
المهد بى اليمين والعالم بى الشمال0 نحن الرياحين
البنملا الحياه بى عبيرنا وشذانا000 نحن القوارير
والعرفونا قالو رفقا بالقوارير0000
ونحن من قال فينا كليم الله وسيد البشروحبيبناواسوتنا (ص)
حبب الى من دنياكم الطيب والنساء
فيا من شبهت بالقوارير هل كنت ذلك العطر الذى نفذ؟؟
واسر القلوب وعبق وملا الوجود00000000
ياكرمة العنب هل اكملت وليفك ودنؤتى وحضنتى وقطرتى خمرا
واسكرتى الوجودوسعدتى بوليفك واسعدتى به الكون00000
فانى ارى ياشذى العطر نحن لبنات الحياة ونحن عمادها فمنا
الرجال 0 والينا يرجعون نحن عمادهم 0 كما جعلت الصلاة عماد الدين
يامن تتاتى الصغار وتخضعى جباه الكبار املائى الوجود000000
كل سنه انتن طيبات
خالص مودتى000000000000000 ام احمد
|
Post: #2
Title: سلمتم وسلمت أرحامكم التي أنجبتنا يا أجمل ما في الكون ...
Author: فاروق حامد محمد
Date: 01-20-2007, 11:15 PM
Parent: #1
سلمت يا أم أحمد وسلمت معك كل الكروم
الكريمة المعطاءة التي تعطي وتبذل دون
من أو أذى ... كالشمس تعطي ضوءها دون
تكلف أو تعمد ... بارككن الله في الدنيا
والآخرة ... وسلمت أرحامكم التي أنجبتنا
يا أجمل وأعظم وأكرم من و(ما) في الكون .....
|
Post: #3
Title: Re: يا كرمات العنب (كل سنه وانتن طيبات)
Author: بدر الدين الأمير
Date: 01-20-2007, 11:22 PM
Parent: #1
يا أم أحمد لقد دقيتى المحلب
واحمد ليس غائب
تنهدات: الكلام العمر الخيام
( لم اشرب الخمر ابتغاء للطرب
ولا دعتنى له قلة فى الادب
لكن سعيى لاطلاق روحى كان هو السبب
|
Post: #5
Title: Re: يا كرمات العنب (كل سنه وانتن طيبات)
Author: عفاف أبو حريرة
Date: 01-21-2007, 00:05 AM
Parent: #3
الله يسعدك بالخمر الحلال
يا احمد الماك غايب واكان غيبتا اكان زماني غاب
منكم والليكم
ام احمد
|
Post: #6
Title: Re: يا كرمات العنب (كل سنه وانتن طيبات)
Author: عفاف أبو حريرة
Date: 01-21-2007, 00:16 AM
Parent: #3
ياالعالي في سماك كلامك جدا بعنيني كل سنه وانتا طيب وربنا يخلي ليك ام ناصرو
تر جع ليك با السلامه
ام احمد
|
Post: #4
Title: Re: يا كرمات العنب (كل سنه وانتن طيبات)
Author: تماضر الخنساء حمزه
Date: 01-20-2007, 11:44 PM
Parent: #1
سلامات عفاف ..
أنا بطلتا أقول إحنا قوارير مماسألني الموجه ليهو الكلام : قوارير فاضية ولا ملانة ؟؟
شكراً على الكلمات الرقيقة ..
كوني بخير ..
|
Post: #8
Title: Re: يا كرمات العنب (كل سنه وانتن طيبات)
Author: عفاف أبو حريرة
Date: 01-21-2007, 00:30 AM
Parent: #4
ياتماضر انتي العطر الكان لازم يتوجد
عشانه قوارير انتي و جودنا
يا من نراك ثريا سعدتا بكي مع زاتي
فكيف مرورك الله يسعدك بمن تحبيهم
كل عام انتي بالف خير
عفاف ابوحريره
|
Post: #7
Title: Re: يا كرمات العنب (كل سنه وانتن طيبات)
Author: nourelhadi awad
Date: 01-21-2007, 00:18 AM
Parent: #1
عفاف الوريفة
ياتعريشة الكروم
الأم والأخت والحبية
أي معني غيرها نبيل
بغير من ولا ... تجود بالعطاء
وأول العطاء حين ماتفتحت عيوني على حياة
عصارة الندي تخرج من بين فرص ودم
ومشيت يقودني طرف ثوبها أتلمس الطريق ...
وأنوم في دفء حجرها غرير
وصارت الوطن ...
وأعطت النيل الطمي ..
والليل سر بوحه ..
.وللصباحات ضوئها
ماخفق القلب لغيرها ودوزن الحروف ...
وأعلن الحروب
ويعصر الكروم خمر دنها
ويشعل الشموع
ويجن جنونه لجنهاويقتل القتيل
من لغيرها تعزف اللحون
وتسرج الخيول
من بهائها صفاء لوني ..
أحمر وأصفر ... وأزرق بنفسجي
لها ان تكون
سنديانة تجيد أن تميل
وغرنفلا بري يسكب العطور
وسمندلا يعانق الشموس
مودتي
نورالهادي
|
Post: #9
Title: Re: يا كرمات العنب (كل سنه وانتن طيبات)
Author: عفاف أبو حريرة
Date: 01-21-2007, 00:42 AM
Parent: #7
نور الهادي انتا با لزات انا بقلبني
ارد ليك انتا و ابوبكر انا بقيف ليكم اجلالا
واكبار تنحني ليكم القامه والرؤس كل سنه وانت طيب
ياطيب في الزمن الطيب الزيك انتا ح يوجدوه ونعيش فيه انشاء الله
|
Post: #10
Title: Re: يا كرمات العنب (كل سنه وانتن طيبات)
Author: abubakr
Date: 01-21-2007, 05:41 AM
Parent: #1
طلائع عام جديد جميل بصباح بهي كصباحي هذا .. من يعمل منكم فيما اعمل ( بناء وفي دبي ) يقدر كيف تكون صباحاتنا وصياحاتنا والاف البشر وبلايين الدراهم مسؤلية وضغط عصبي وعقلي ياخذ بكل الخلايا ولكن عندما تاتيك نفحات كهذه اول الصباح ونفسك قايم تبقي الدنيا بمبي واخر حلاوة ... كرمات العنب دنيا بلاكن ما هي دنيا ...
|
Post: #11
Title: Re: يا كرمات العنب (كل سنه وانتن طيبات)
Author: خالد المحرب
Date: 01-21-2007, 12:27 PM
Parent: #10
ات عارف يا باشمهندس ام احمد دى انا عارف امكنياته
دايما بقول ليها انتى مالك ومال العراريب والسياسه
انا بعرفه كويس عندها ملكه فى الكتابه وبتصل للا خرين
والدليل على ذلك اى موضوع بتكتبه انا والله بكون بالنسبه لى كانى
مابعرفه زى زى الناس عشان كده اديته نصيحه 00
انها تبعد من السياسه وكلام العراريب لانها مابتفهم فيهن الاثنين
لك الاحترام ياحبيبى
تعال فى موقع الشمارات
|
Post: #12
Title: Re: يا كرمات العنب (كل سنه وانتن طيبات)
Author: ماجدة عوض خوجلى
Date: 01-21-2007, 12:53 PM
Parent: #1
كل عام وانتى بخير حبيبتى وانتى ذى ماانتى جميلة الدواخل وجميلة المعانى
وكل عام وانتى والمعاك ومن تحبيبن بخير
|
|