الجواز السوداني والشعور بالدونية في المطارات الدولية !!!

جيناكم يا حبايبنا ..

بعد غربة وشوق

نغالب فيه ويغالبنا..


بصراحة مشتاقة .. وبي لوعة .. ولكم مثلي لا يذاع له سر دة السبب الأول في العودة ..

أما السبب الثاني فتلبية لرغبة العديد من الزملاء والأصدقاء الذين هاتفوني من الأردن

والسعوديةوالسودان و مسقط طبعا بدون ذكر أسماء(أوعى واحد فيكم يقول عايزة تعمل

لنفسها سعر مع هبوطأسواق البورصة) !!! على فكرة لما تجي سيرة البورصة ضغطي برتفع

لأقصى درجة لأني مضروبة فيها ضرب غرائب الإبل .. اللي بسمع عنها من مئات السنين ولغاية

الآن ما شفتها رغم إني بحضر كل سباقات الهجن ..

معليش صرفتكم عن الموضوع الأساسي ما تزعلو من زمان كلمتكم وقلت ليكم أنا إنسانة

إنصرافية جدا.. عموما عايزة أبوح ليكم بسر خطير الأ وهو الشعور بالدونية بسبب جوازي

الأخضر اللون الذي يذكرني دوما بملاح الورق البايت أو الملوخية المفروكة ..

لذلك كلما شعرت بالجوع أخرجت جوازي من غمده ونظرت إليه مليا ثم أخرجت الكسرة

المجمدة في التلاجة من سنتين ونصف وبدأت الأكل حتى الإشباع ..

يااخوانا الجواز دة وبصراحة سبب لي الكثير من العقد النفسية آخرها خلال رحلتي الأخيرة

إلى تايلاند وبريطانيا .. على سبيل المثال لا الحصر ..

يعني مثلا يعني في مطار بانكوك الدولي الضخم الذي يتسقبل آلاف السائحين يوميا

وقفت في (الكيو) قرابة الساعة عشان أصل ضابط الجوزات وبعد تعب شديد جاء الفرج

لأسلمه جوازي بابتسامة صفراء حتى يخلصني وأغور من وش أمه ولكن للأسف الشديد

وعلى مرأى ومسمع من كل شعوب العالم الأوربية والآسيوية والإفريقية حسب الترتيب العالمي

للدول المتحضرة والمتخلفة .. الغنية والفقيرة قال لي بالحرف الواحد

(YOU HAVE 2 GO TO THE MEDICAL CENTR))طبعا أنا بكل بلاهة قلت ليه ليييييييييش

يا بعد عمري ؟؟ قال لي عشان إنت من السودان !! قلت ليه لكن أنا ما جاية من السودان

أنا جاية من الإمارات وإنت عارف الإمارات بتهتم بصحة الإنسان أكتر من أهتمامها بتصدير

البترول إلى أمريكا!! قال لي إنت لست المعنية بالموضوع ولكن جوازك السوداني هو المعني

بهذا القرار!! يعني و بصراحة شديدة أي شخص يحمل جواز سوداني حتى ولو كان بريطاني

الأصل لازم يتم الكشف عليه للتأكد من خلوه من الأمراض الناقلة للعدوى !! تصوروا بعد

الطابور الطويل وعريض أرجع تاني للميدكال سنتر وأنا أجر أذيال الخيبة وسط ذهول

المسافرين الواقفين خلفي , عموماقررت أعمل شمطة طويلة وعريضة عند الطبيب اللي

حيكشف علي وأول ما وصلت بدأت بالهجوم عليه وأخبرته بما أشعر به من تمييز عنصري

بغيض على الرغم من أنني لم آتي إليهم من جذر الواق واق ولا من أحراش أنغولا أو موزبيق

بل من بلد متحضر جدا هو دولة الإمارات كما شرحت له الوضع الصحي في السودان مؤكدة

أنه لا يقل عن السويد والنرويج وبأننا شعب في قمة السعادة والرفاهية

وأننا سوف نعاملهم بالمثل أو أسوأ من ذلك إذا ما قرروا الحضور للسياحة في ربوع

السودان الرائع الجميل النظيف حد العبط ..

بعد هذه الثورة العارمة هدأ الطبيب من روعي وختم على ورقة الكشف بأنني خالية من الأمراض

دون أي كشف فعدت أدراجي ولم أجد أحدا من المسافرين في الكيو الطويل وعريض حيث غادروا

المكان مرفوعي الراس فخورين بجوزات سفرهم،و بألوانها الذاهية أما أنا فخرجت ذليلة منكسرة

لأجد السائق الذي يتنظرني رافعا اسمي على لوحة بحجم السبورة قد كل ومل وكاد

أن يعود بخفي حنين ..

عندما دخلت مدينة بانكوك بسلام وشاهدت مستوى النظافة ومدى الاهتمام بالصحة العامة فكرت

في العودة مرة إلى المطار لأستميح ضابط الجوزات عذرا لإهانته لشعب عريق يتمتع بسمعة

طيبة( قبل أن نتخصص في سرقة حقائب النساء طبعا)!! لكن طول المشوار دفعني إلى تعديل

فكرتي (الخايبة) ..

من بانكونك إلى مدينة الضباب التي أزورها في كل عام لعلاقة الحب التي تربط بيني وبينها

ومن الحب ما قتل فرغم كل ذلك يقوم ضابط الجوزارت بعينيه الزرقاء ووجه الصارم

في كل مرة بتقليب صفحات جوازي من اليمين إلى الشمال وبالعكس ثم يعيده إلي بنظرات

كلها شك وريبة وبابتسامة عريضة ذات مغزى فأردد بيني وبين نفسي آآآآآه منك ومن لونك

يا جوازي !!

وفتكم بعافية ...

الأخت عواطف لك التحية

لا شئ يدعو للشعور بالدونية على الإطلاق
والمطار الذي أشرت إليه هو مطار في دولة
تعتبر عالمثالثية حتى الآن والدليل أن الإجراء المطلوب
غير مدروس وغير متابع حتى , (توقيع الطبيب بدون كشف)...

دخلت سفارة شرق أسيوية بالخطاء لوقوعها جنبا إلى جنب
لسفارة دولة اخرى لطلب تاشيرة.
لم يقم الموظف بقراءة طلبي
وتم إستلام الرسوم لي ولأسرتي ولولا أنني تنبهت لخطأي وقمت بطلب بسحب
جوازات سفري من ضابط جوازاتهم لوضع الضابط التأشيرة التي لم أطلبها
من سفارته, وقد كان موقفا محرجا لهم..

Quote: وفتكم بعافية ...

تفوتينا بعافية ده شنو؟؟ هو دخول البوست زي خروجو؟؟؟؟!
خليك هنا...

حمودي

سلامات يا بعد عمري ..

أهو جيت راجعة وقعدت ليكم في قلب البوست ..

شكرا على الطلة الحلوة ..

أخي العزيز طارق

يسعد مساك ..

مهما يكن من أمر فإعادتك من طابور طويل وعريض بهذه الصورة المخزية يشعرك

بالحرج ..

عموما لك مني كل الشكر على هذه المبادرة الطيبة وكل عام وإنت بألف خير ..

مشتاقين احنا كتير والله ياعطوف
عارفة ياعطوف الحاجه الالمتنى شديد كلام ضابط الجوازات فى مطار تايلند مؤلم شديد لانو حدد انو الاجراء مقصود بيهو الجواز .
بغض النظر عن الجهه المقيم فيها صاحب الجواز ... بتصدقى حبيبة فى حكاية الجواز السودانى ده الواحد مليان مشاعر متضاربه تجاهو
من الناحية الاعتبارية للجواز وتحديد الهوية بيشرفنى جدا انى احملو وماعندى اى نية انى اتخلى عنو ...ومن ناحية المشاكل الممكن يتسبب بيها ليك فى اغلب المطارات تحمد الله انك مابتحلو ....بتصدقى برغم عدم تحركى نهائى بيهو الا انى بكون حريصه شديد على امتلاكى ليهو وحريصه على انو يكون سارى المفعول ... وكل مااسافر بيكون فى صحبتى حتى وان كنت مامستعملاهو ماعارفه لكن بحس باامان اكتر بيهو والله ياعطوف انا بحب السودان شديد وبرغم بعدى عنو وكل الحصل الاانى عمرى ماحسيت غير انى سودانية وبحمدالله على كده ... طبعا بحب كتير وكتير جدا كمان وطنى التانى بحس بحس تجاهو باعزاز كبير والفه وانتماء الى الحد الذى يجعلنى ... افرح كتير بانجازته وحزنت شديد لمن خرج من كاس العالم .. وارفض ان يساء اليه واكره من يعرض امنه القومى للخطر ... غايتو احمدالله كتير كتير على نعمة ازدواجية الجنسية السهلت علينا الامر كتير ...
الكلام الفوق ده كلو بخصوص الجواز ... وبماانو الموضوع خاص بالسفر انا حقيقة عايزة اتكلم عن مطار الخرطوم الدولى .... سمعت وقريت عن انو فى مطار دولى جديد تحت الانشاء ... لكن والله حبيبه انا الى اللحظه دى مصدومه شديد من المطار الموجود حاليا ماقادرة ابدا استوعب حجم المبنى مقارنه بالمساحة المتاحة الموجودة .... ماعارفه الحكمة شنو فى الضيق الزايد عن الحد ده حاجة توجع القلب لمن الواحد يلقى دول صغير جدا كان فى المساحه ولا فى المدنية ولا فى اى شى هى اصغر من السودن ....اهتمت كتير واجتهدت فى عنوان بلدا مش المطار برضو هو عنوان للبلد ؟ برجع ليك تانى لانى زعلانه شديد من مطارنا ودى فرصه طيبة زى مابيقول الشاعر انى اعبر عن نفسى واقول احساسى
تسلمى امى كتير ....تحياتى لناس الارصاد االبيئى

ماجي ...

يسعد مساك ..

كنت معاهو هسة ..

ومشتاق ليه لسة ..

شكرا على المداخلة ..

ضيق مطار الخرطوم المسمى مجازا دولي لحكمة يعلمها الله ..

يمكن يكونو عايزين يضيقو على المسافرين شوية عشان ما يشوفو حالهم على القاعدين

في الرصيف بلا أمل !!

مع تحيات هيئة الإرصاد البيئي

الاستاذه عواطف
تحيه طيبه
وجيتاً جيتي
أولاً لازم ترفعي راسك (هيبه وجبره) ليس في بانكوك وحدها بل وفي كل موانيء العالم الجويه والبحريه والبريه .
بعدين بانكوك دي موش عاصمة السياحه الجنسيه وللا واحده تانيه
عجبي لأهل بانكوك


مؤونة عام من الود

عواطف الجميلة حبابك
البورد نوّر بطلّتك الأنيقة

إيييييييييييمو !!!

ياااااااااااااااه

والله زمان !!

وحشني هذا الإسم الجميل ..

شكرا لشعورك النبيل ..

محمد فرح

مؤونة مليون عام من الود

Quote: عاصمة السياحه الجنسية

ها ها ها

وبعد دة كله عندهم راي فينا !!!

شكرا على الطلة

Quote: يااخوانا الجواز دة وبصراحة سبب لي الكثير من العقد النفسية آخرها خلال رحلتي الأخيرة إلى تايلاند وبريطانيا .. على سبيل المثال لا الحصر ..

طوفا ، حمدا لله على الشوفا ،،
حلوة موش؟ ههههه،،

والله كان ودنا نتعاطف معاك ، بس والله للأسف فارقنا الأخضر دا من زمان
ودخلنا العولمة بالأزرق،،

بالأمس كنت بالسفارة الأمريكية (راس الحربة) وأخدت 3 شهور دون أدنى تعطيل
وعلقت الموظفة والله بالحرف (انجليزي طبعا): هذا جوازكم الجديد، فأجبت نعم
فقالت far better than the green one
البت حافظها ألوان جوازاتنا،،
تبقى مشلكة الإسم الكامل هي مشكلة جوازنا الجديد الوحيدة،، + مكان الإصدار
بالنسبة للذين أصدروا جوازاتهم في المغتربين حيث يكتب مكان الإصدار : MOGTARBEEN
حيث لا هي دولة ولا هي مدينة ياحبيبنا د. كرار،،
=
بالمناسبة إجتاز الأزرق إمتحان عاصمة الضباب وبالصدفة وجدت سوداني (يشبه معتصم الجعيلي
والله تقول أخوه) في كاونتر الدخول في مطار هيثروا ، كان بجوار الموظفة التي تختم الدخول
على جوازي : المرة دي قال لي بالحرف الذي أعرفه جدا: (أفرح ياعم ، أهو جاتك شادة على
الجواز السوداني)،، والله طرت من الفرح : أولاً لسماع صوت إبن البلد الحبيب وهو في هذا المقام
ثم للتخلص من عقدة (الأخدر) التي أذاقتني الأمرين في عواصم أخرى عديدة،،

ياعواطف : عليك بالأزرق ،، ولو عايزة تفرحي بالأخضر بتاعك دا : عليك الله شوفي الجواز السوري القديم!! هههههه
مبالغة،،

عبوووووووودي

يسع مساك الجميل

Quote: طوفا ، حمدا لله على الشوفا ،،

بقيت تكتب شعر من وراي ولا شنو ؟؟

شكرا على طلتك الحلوة ..

عموما فرحتني شوية بالأزرق زلو إنه الأخدر ما بهون علي آكل كسرتي حاف ولا شنو يعني ؟؟

الأخت عواطف ..

Quote: ولكن مثلي لا يذاع له سر دة السبب الأول في العودة ..

لكن انا تقريبا عرفت السر (اصلى بتاع شمارات دولى) وهاكى السبب الجابك :

Quote: يااخوانا الجواز دة وبصراحة سبب لي الكثير من العقد النفسية. خلاص فرجت ياأخت عواطف ومبروك مقدما ./B]

---

Post: #11 Title: Re: الجواز السوداني والشعور بالدونية في المطارات الدولية !!! Author: عواطف ادريس اسماعيل Date: 08-03-2010, 10:43 AM Parent: #7 قلقو !! مساء سعيد .. فعلا أثبت لي إنك بتاع شمارات دولي .. ما الشمار عندك !!! الله يبارك فيك يا بعد روحي .. ربنا يفرج همك ويزيل غمك ( دعوة صادقة من القلب)

---

Post: #15 Title: Re: الجواز السوداني والشعور بالدونية في المطارات الدولية !!! Author: الطيب رحمه قريمان Date: 08-03-2010, 10:54 AM Parent: #11 الاستاذة عواطف ادريس لك التحية الطيبة و الف حدما لله على السلامة فى الحقيقة اول ما شفت بوستك قلت اجى و اسلم و احمدل السلامة و فجيدن جيتى و الق مرحب . و بعد الولوج الى البوست وجدته كما عودتينا مضون جميل و كلام منق منسق و قلت فى نفسى هذه هى عواطف التى اعرف من واقع الكتابات , و لكن استوقفتنى عبارة و اتمنى ان تعيدى قراءتها و تقولى لينا ما ترين. اشكرك مقدما ,,, الطيب رحمه قريمان العبارة هى : Quote: أنني لم آتي إليهم من جذر الواق واق ولا من أحراش أنغولا أو موزبيق بل من بلد متحضر جدا هو دولة الإمارات كما شرحت له الوضع الصحي في السودان مؤكدة أنه لا يقل عن السويد والنرويج وبأننا شعب في قمة السعادة والرفاهية

---

Post: #20 Title: Re: الجواز السوداني والشعور بالدونية في المطارات الدولية !!! Author: عواطف ادريس اسماعيل Date: 08-03-2010, 11:39 AM Parent: #15 أخي الحبيب الطيب سلامات يا أبو الطيب هذه مجرد مزحة لأنهم دايما بتخيلو أفريقيا دي مجرد أحراش تملأها الأسود والوحوش .. أما السودان فابالنسبة ليهم أخف وطأة من تلك الدول التي يجهلونها مع إنها أنظف بلاد الله عموما لك العتبى حتى ترضى وللشعب الأنجولي والموزمبيقي والواق واقي كل الحب والتقدير

---

Post: #26 Title: Re: الجواز السوداني والشعور بالدونية في المطارات الدولية !!! Author: الطيب رحمه قريمان Date: 08-03-2010, 11:54 AM Parent: #20 اشكر الاستاذة الفاضلة عواطف تعرفى استاذة يا عواطف ان تكون سودانى و تحمل جوازا غربيا فى بعض الاحيان تواجهك مشكلة لم تكن واعيا بحقوقك و لا تعرف كيف تدافع عن نفسك بحزم و حسم بل ان كثير من اخواننا ال Black Canadian و ال African American كثيرا ما يعاملون على انهم من السودان و بالتالى تنزل عليهم معاملة السودانيين , حدثنى صديقى و زميلى فى العمل و هو African American يقول انه و جد فى معظم الحالات انه يخاطب و يعامل باعتباره سودانى و لكن فى زيارته الاخيرة الى دولة سوريا تنمى لو انه كان سودانى لانه حبس فى المطار الى ساعات طوال لانه امريبكى بالرغم من علاقته ا########دة بسوريا. شكرا ...... الطيب رحمه قريمان Quote: أخي الحبيب الطيب سلامات يا أبو الطيب هذه مجرد مزحة لأنهم دايما بتخيلو أفريقيا دي مجرد أحراش تملأها الأسود والوحوش .. أما السودان فابالنسبة ليهم أخف وطأة من تلك الدول التي يجهلونها مع إنها أنظف بلاد الله عموما لك العتبى حتى ترضى وللشعب الأنجولي والموزمبيقي والواق واقي كل الحب والتقدير

---

Post: #27 Title: Re: الجواز السوداني والشعور بالدونية في المطارات الدولية !!! Author: عواطف ادريس اسماعيل Date: 08-03-2010, 11:59 AM Parent: #26 نفس المشكلة عندنا هنا في الإمارات مع الإختلاف طبعا في المعاملة عارف كل واحد أسمر بيفتكروه سوداني .. وكأنه نحنا الوحيدين السمر .. الحمد لله معاملتهم كريمة للسودانيين وليست مروي شكرا وتيك إت إيزي يا عزيزي

---

Post: #12 Title: Re: الجواز السوداني والشعور بالدونية في المطارات الدولية !!! Author: طارق جبريل Date: 08-03-2010, 10:48 AM Parent: #7 على سبيل التحية رسلنا ليك تحية صعايدة مع ممثل المغرب بطرفكم

---

Post: #14 Title: Re: الجواز السوداني والشعور بالدونية في المطارات الدولية !!! Author: SHIBKA Date: 08-03-2010, 10:54 AM Parent: #12 حمد الله على السلامة طولتي الغيبة

---

Post: #16 Title: Re: الجواز السوداني والشعور بالدونية في المطارات الدولية !!! Author: قلقو Date: 08-03-2010, 11:01 AM Parent: #14 Quote: كما شرحت له الوضع الصحي في السودان مؤكدة أنه لا يقل عن السويد والنرويج وبأننا شعب في قمة السعادة والرفاهية دى حلوة وملعوبة منك ياعواطف , اتقلبتى فيها الهوبة. مع شكرى لصالح الدعوات .

---

Post: #23 Title: Re: الجواز السوداني والشعور بالدونية في المطارات الدولية !!! Author: عواطف ادريس اسماعيل Date: 08-03-2010, 11:43 AM Parent: #16 قلقو ... لا أكذب ولكنني أتجمل .. محبتي ...

---

Post: #17 Title: Re: الجواز السوداني والشعور بالدونية في المطارات الدولية !!! Author: الصادق صديق سلمان Date: 08-03-2010, 11:13 AM Parent: #14 Quote: طوفا ، حمدا لله على الشوفا ،، اها رايك شنو طوفا الحلوة مرحب بيك من قبل ومن بعد وحمداً على سلامتك ما خجلي من جوازنا لسبب واحد لأنو هو جوازنا ويجب ان نواجهه سلمتي لمن تقولي بس الصادق

---

Post: #24 Title: Re: الجواز السوداني والشعور بالدونية في المطارات الدولية !!! Author: عواطف ادريس اسماعيل Date: 08-03-2010, 11:47 AM Parent: #17 الصاااااااادق !!! مش معقوووووووووول ... مشتاقين يا رجال !! والله الجواز الأخدر من شدة ما عقدني بقيت أتلفت لمن أطلعه من الشنطة وأول ما أرجع من السفر أخته في السحارة وأقفلها بالطبلة.. تحياتي لك وللشاب الوسيم اللي في البروفايل بالله أسأله ما عايز عروس معاها جواز أحمر ؟؟

---

Post: #28 Title: Re: الجواز السوداني والشعور بالدونية في المطارات الدولية !!! Author: Mahir Mohammed Salih Date: 08-03-2010, 12:10 PM Parent: #17 حمد الله على السلامة يا عواطف ولك وحشة ،، مررت بموقف قريب من هذا ،، ليس بسبب الأمراض المعدية ولكن لأن جواز سفرى سودانى ،، كان ذلك فى العام 1989 فى مطار بوخارست ،، ودى حالتى كنت خارجا ولست داخلاَ إلى بلادهم ،، بعد ما عملت آجرآت السفر وختمت وأخذت البوردينيق وقاعد فى الصالة الداخلية للسفر فإذا بأثنين غلاظ يأتون مباشرة ويسألوننى هل أنت ماهر محمد صالح ؟؟ فقلت لهم نعم ،، إذن أرجو أن ترافقنا ،، وأخذونى لدى ضابط بدبابير عديدة : ماهر أنت من السودان : نعم لماذا كنت هنا فى بلادنا كنت فى عمل أين فى العاصمة و فاترادورنى ماهى طبيعة العمل كيت وكيت وكيت ما المبلغ الذى كنت تحمله كيت وكيت وكيت و و و و و و و و و و و و وو أخيراَ قال نأسف ولكننا سنأخذ صور من جوازك ،، فقلت لهم خذوا ما تشاء ولكن أرجعوا لي جوازى حتى ألحق بالطائرة التى كادت أن تقفل أبوابها . ولكن بنفس المقدار ،، فى الشهرين الماضيين كنت فى ميلانو وجنيفا وبجوازى الملوخية ،، على اليمين ما قالوا لى خُغم ،، طق طق وأتفضل مع إبتسامة بعد ،، فإستغربت المُلك . ومن ناحية آخرى ،، فلك أن تعلمى بأن من دون خلق الله جميعاَ فى السعودية فإن هنالك ثلاثة جنسيات فقط ( السودانيون ، الكينيون ، البنقال ) مطلوب منهم فحص الأيدز حتى يتم تجديد أقاماتهم ،، فلم أشعر بدونية أكثر من هذه رغم كونى أتحسر على مسؤلى هذه البلاد الذين لا يريدون حماية أنفسهم من الأشخاص الأكثر إحتمالاَ لحمل هذا المرض من السودانيين وتحسرت أكثر من سفارتنا التى لا يهمها مثل هذا التمييز البغيض . مع التقدير ،، ماهر

---

Post: #31 Title: Re: الجواز السوداني والشعور بالدونية في المطارات الدولية !!! Author: عواطف ادريس اسماعيل Date: 08-03-2010, 12:32 PM Parent: #28 ماهر .. مساء سعيد .. طمنتني الله يطمنك .. يعني أنا ما براي اللي بتعرض لبعض الحركات في المطارات .. عارف يا ماهر كنت ماشة فرنسا وقدمت للشنجنج لقيت كل الناس بياخدو الفيزا خلال أسبوع إلا دول الإرهاب ومن ضمهن السودان بياخدوها خلال 3 أسابيع أو أربعة وبدون خجلة ولا استحاء معلقين الكلام دة بالخط العريض في البورد .. أها رايك شنو .. أما حكاية الإيدز دي فحسبي الله ونعم الوكيل .. معزتي

---

Post: #29 Title: Re: الجواز السوداني والشعور بالدونية في المطارات الدولية !!! Author: Abureesh Date: 08-03-2010, 12:13 PM Parent: #17 سلام أستاذة عواطف والف مرحب.. الواحد يأمل متين يتعمم الجواز الإلكترونى الجديد.. والقديم دا والله موش فى المطارات بس، فى أى حتة متعب.. فى البنوك فى البوستـة.. فى أى مكان الواحد يحتاج لإثبات شخصيـة.. أول نصرف قريب من نص ساعـة عشـان نثبت شخصيـة الجواز زاتو.. الإسـم فى صفحـة والصورة فى صفحـة.. وبعد المشاكل دى تتحل، تقول للضابط لا الإسـم ما هنا أقلب الصفحـة، فيمشى لصفحـة تلاتة.. لا موش دى الصفحـة القبليهـا!! بعد نهاية هـذا اللف والدوران يقول ليك جوازك دا صلاحيته منتهيـة.. تقول ليه لا.. أمشى صحفتين تلاتة لقدام تلقى الصلاحيـة الجديدة، التقولى مقدمة دفتر جرورة ما جواز سفـر .. بس إتخيلى زول يسافر بمعدل كل شهر أو شهرين بالكتير.. وبالرغم من كل ذلك أعتبر الجواز رمز للوطن وللإنتماء، وهو أهم وثيقـة يمكن أن يحملها أى إنسـان. كويس إنو الحكومـة أخيرا أصلحت هـذا الوضع المعوج.. وأن يأتى أخيرا خير من أن لا يأتى. ويا حكومـة الغفلة واللامبالاة.. اين مبدأ المعاملة بالمثل؟ لماذا دولة مثل بانكوك تخرجنا من الصف فقط لأننا ســودانيين.. اليس هناك من بانكوك يأتى للســودان؟ لماذا لا نعاملهم بالمثل؟ اليس هذا حق طبيعى ومبدا راسخ فى العلاقات الدولية؟؟ أم ترضون أن تكونوا جزمة من يسوى ومن لا يسوى؟ قبل عامين أوقفت شرطـة الحركة فى إحدى مدن أمريكا شخصين قطريين فى سيارة، وعندما أعطاهم السائق الرخصـة القطرية رفضهـا الشرطى الأمريكى وحجزا وقتا طويلا ثم تمت معاملتهم كمخالفين للقانون.. وللصدفـة كان الشخصـان عضوان فى وفد من وزارة الداخلية القطريـة.. فابرقا الدوحـة، وتم فورا سحب الرخص الأمريكية من قائمـة الإعفاء من الإمتحانات للرخصـة القطريـة. عبارات زى نحن الساس ونحن الراس دى ما مفروض تكون كلام للإستهلاك.. الكرامـة والعزة يجب أن تعاش.. وأن يعرفها الصديق والعدو.

---

Post: #32 Title: Re: الجواز السوداني والشعور بالدونية في المطارات الدولية !!! Author: عواطف ادريس اسماعيل Date: 08-03-2010, 12:38 PM Parent: #29 أبو الريش .. كم أنا سعيدة بمرورك الجميل !! Quote: الواحد يأمل متين يتعمم الجواز الإلكترونى الجديد.. والقديم دا والله موش فى المطارات بس، فى أى حتة متعب.. فى البنوك فى البوستـة.. فى أى مكان الواحد يحتاج لإثبات شخصيـة.. أول نصرف قريب من نص ساعـة عشـان نثبت شخصيـة الجواز زاتو.. الإسـم فى صفحـة والصورة فى صفحـة.. وبعد المشاكل دى تتحل، تقول للضابط لا الإسـم ما هنا أقلب الصفحـة، فيمشى لصفحـة تلاتة.. لا موش دى الصفحـة القبليهـا!! بعد نهاية هـذا اللف والدوران يقول ليك جوازك دا صلاحيته منتهيـة.. تقول ليه لا.. أمشى صحفتين تلاتة لقدام تلقى الصلاحيـة الجديدة، التقولى مقدمة دفتر جرورة ما جواز سفـر .. بس إتخيلى زول يسافر بمعدل كل شهر أو شهرين بالكتير.. وبالرغم من كل ذلك أعتبر الجواز رمز للوطن وللإنتماء، وهو أهم وثيقـة يمكن أن يحملها أى إنسـان . كلام صحيح مية بالمية .. عارف أنا كمان فوق المشاكل اللي استعرضتها إنت عندي مشكلة تانية لما مشيت أجدد الجواز في السفارة طبعا التجديد بقلم الحبر وبخط اليد قام المظف غلط وكتب ينتهي الجواز عام 2010 وما عرف يعمل راح كاشط عشرة وعمل محلها حداشر ومحل ما أمشي يقفوني في الكشطة دي أها رايك شنو في اللامبالاة دي ؟؟؟ تسلم ..

---

Post: #22 Title: Re: الجواز السوداني والشعور بالدونية في المطارات الدولية !!! Author: عواطف ادريس اسماعيل Date: 08-03-2010, 11:42 AM Parent: #14 شبكة الحبيبة ... سلامات يا غالية .. تمنيت لو كنتي معي لتكون شبكتنا معاهم أكبر ومن الوزن التقيل حبي مع الشكر الجزيل ..

---

Post: #21 Title: Re: الجواز السوداني والشعور بالدونية في المطارات الدولية !!! Author: عواطف ادريس اسماعيل Date: 08-03-2010, 11:40 AM Parent: #12 توتو الجميل تحيتك وصلت فردينا بأحسن منها مزيان مش ؟؟؟

---

Post: #30 Title: Re: الجواز السوداني والشعور بالدونية في المطارات الدولية !!! Author: MOHAMMED ELSHEIKH Date: 08-03-2010, 12:20 PM Parent: #21 اها يا عواطف اختي احكي ليك حكاية الجواز الظهري القدر مختار الصحاح دااك تتذكروه؟ في اول التسعينات والعلاقة بين السودان ومصر زي علاقتي بقواعد اللغة الأمازيقية. انا مرور لجدة عن طريق القاهرة بالمصرية من طرابلس الجماعية فرتكوني في مطار القاهرة صامولة صامولة و جلسوني في مكان خاص مع حراسة مستمرة وذلك لعمل تأشيرة الترانزيت وثم ودني الفندق داخل المطار للمبيت مع حراسة حتى الصبح موعد السفرية. تم اخذي من غرفة الفندق لمحل الأجراءات لوحدي بصحبة نقيب و أخذني بسيارة خاصة حتى سلم الطائرة حيث تم تفتيشي في السلم برضو صاموله و سلمو جوازي للكابتن وقالوا استلمو في جدة, اهاا وصلت جدة بدون جواز و بحثت عن الكابتن و المضيفين الذين افادو انو ليس لديهم أي حاجة بالشكل دة!!! يعني ماعندي جواز رحت جلست في كرسي افكر في الخظوة الجاية ولمدة نصف ساعة لا موبايل ولا بيدجر ولا طريقة تخارجني. بعد برهة لمحت عسكري سعودي يحمل الجواز الظهري الما بغباني و يصيح: "اللعندو جواز طائح.... الل..... الل....9 وقمت عليهو لقيت جوازي زاتو و سالتو لقيتو وين؟ اجاب : لقيتو طائح عند سلم الطيارة المصرية!!!!! تتصور الكابتن بعد استلام الجواز من ضابط الأمن في القاهرة قام رماه في جدة!!! المهم دي كانت اول مرة تطأ قدمي القاهرة وحتى اللحظة ليس لدي فكرة لزيارتها

---

Post: #33 Title: Re: الجواز السوداني والشعور بالدونية في المطارات الدولية !!! Author: عواطف ادريس اسماعيل Date: 08-03-2010, 12:43 PM Parent: #30 ود الشيخ .. مساء الورد .. والله في البداية لما قلت حراسة وضباط وكدة قلت يمكن أفتكروك شخصية مهمة ( vip) مثلا لكن أحبطت لما عرفت إنه جوازك كان طايح على الأرض في مطار جدة الحمد لله إنه طاح في الأرض وليس الجو .. يا قلبي لا تحزن !!!

---

Post: #34 Title: Re: الجواز السوداني والشعور بالدونية في المطارات الدولية !!! Author: Hisham Ibrahim Date: 08-03-2010, 12:48 PM Parent: #30 حُمد لله على السلامة يا بت إدريس الهوان الملازمنا في الجواز دا يا من اللون الاخضـر والا من صقر الجديان لا ثالث لهما .. فسردبي وإستحملي قدركـ ..

---

Post: #35 Title: Re: الجواز السوداني والشعور بالدونية في المطارات الدولية !!! Author: عواطف ادريس اسماعيل Date: 08-03-2010, 12:53 PM Parent: #34 هشومي سا النور والله مش اللون وصقر الجديان فقط حتى الكتابة أتقول كاتبنها بالرجلين ومش بالقلم حاجة عجيبة ياخي !! شكرا على الطلة ..

---

Post: #36 Title: Re: الجواز السوداني والشعور بالدونية في المطارات الدولية !!! Author: الصادق صديق سلمان Date: 08-03-2010, 01:39 PM Parent: #35 أستاذه عواطف Quote: تحياتي لك وللشاب الوسيم اللي في البروفايل بالله أسأله ما عايز عروس معاها جواز أحمر ؟؟ الشاب الوسيم دا هو وابوهو اللتنين بفتشو ليهم في عروستين قولي ونحن جاهزين الصادق

---

Post: #37 Title: Re: الجواز السوداني والشعور بالدونية في المطارات الدولية !!! Author: محمد عيسي محمد Date: 08-03-2010, 01:56 PM Parent: #36 أختنا عواطف ..بركة بالطلة .. Quote: كما شرحت له الوضع الصحي في السودان مؤكدة أنه لا يقل عن السويد والنرويج وبأننا شعب في قمة السعادة والرفاهية عشان الهضربا بتاعتك دي لازم يفحصوك من أول وجديد ..دا كلام زول الحمي طلعت لي في الرأس

---

Post: #43 Title: Re: الجواز السوداني والشعور بالدونية في المطارات الدولية !!! Author: عواطف ادريس اسماعيل Date: 08-04-2010, 07:31 AM Parent: #37 والله ياحمادة بعدما رجعوني من الطابور الطويل دة جاتني حمى أم برد وبقيت أرجف زي القصبة غايتو خليها على الله ساكت .. مرورك أسعدني ..

---

Post: #38 Title: Re: الجواز السوداني والشعور بالدونية في المطارات الدولية !!! Author: تاج الدين عبدالله آدم Date: 08-03-2010, 02:19 PM Parent: #36 Quote: وأخبرته بما أشعر به من تمييز عنصري بغيض على الرغم من أنني لم آتي إليهم من جذر الواق واق ولا من أحراش أنغولا أو موزبيق بل من بلد متحضر جدا هو دولة الإمارات كما شرحت له الوضع الصحي في السودان مؤكدة أنه لا يقل عن السويد والنرويج وبأننا شعب في قمة السعادة والرفاهية سلام عواطف بنفس المنطق بتاعك دا ممكن الانغولي او الموزمبيقي يتهمك بالعنصرية والتمييز والاساءة البغيضة... بالمناسبة، حسب مؤشر التنمية البشرية للامم المتحدة، موزمبيق وانغولا(ناس الاحراش المتخلفين في نظر البعض) حالهما افضل من السودان.

---

Post: #39 Title: Re: الجواز السوداني والشعور بالدونية في المطارات الدولية !!! Author: Abdlaziz Eisa Date: 08-03-2010, 04:09 PM Parent: #38 سلامات عواطف حمدا لله على سلامتك.. لما أسمع سيرة الجواز الأخضر دي .............. الله يدمر من شوه اسمنا وسط الشعوب.. تحياتي

---

Post: #40 Title: Re: الجواز السوداني والشعور بالدونية في المطارات الدولية !!! Author: الصادق صديق سلمان Date: 08-04-2010, 06:34 AM Parent: #39 بقيتي كسلانة تخلي بوستاتك تمشي الصفحة التانية

---

Post: #45 Title: Re: الجواز السوداني والشعور بالدونية في المطارات الدولية !!! Author: عواطف ادريس اسماعيل Date: 08-04-2010, 07:35 AM Parent: #40 والله يا الصادق جيت لقيت الدنيا كلها بكيات وفواجع يعني الواحد ما يسيب البلد دقيقة شنو الحالة الصعبة دي ؟؟؟

---

Post: #44 Title: Re: الجواز السوداني والشعور بالدونية في المطارات الدولية !!! Author: عواطف ادريس اسماعيل Date: 08-04-2010, 07:34 AM Parent: #39 عزو !! يا واد يا تقيل !! أيه الكشخة دي ؟؟ أنا غايتو أول ما رجعت ضربت جوازي بوهية وردية وبقى آخر ألسطة !!! تسلم ...

---

Post: #41 Title: Re: الجواز السوداني والشعور بالدونية في المطارات الدولية !!! Author: عواطف ادريس اسماعيل Date: 08-04-2010, 07:27 AM Parent: #38 تاج .. سلام .. والله أنا شرحت الكلام دة فوق وقلت إنه قلته للمزحة لأنهم هناك بييعتقدو أفريقيا هي مجرد أحراش ولو قريت المداخلات حتعرف القصد شنو عموما شكرا على المرور

---

Post: #42 Title: Re: الجواز السوداني والشعور بالدونية في المطارات الدولية !!! Author: عواطف ادريس اسماعيل Date: 08-04-2010, 07:29 AM Parent: #36 الصادق صباح أحلى من السكر .. كدي في الأول نشوف للواد الحليوة وبعدين قصة أبوه ساهلة بس أمه ما تسمعنا(وش ميت من الخوف)

---

Post: #46 Title: Re: الجواز السوداني والشعور بالدونية في المطارات الدولية !!! Author: عواطف ادريس اسماعيل Date: 08-08-2010, 08:26 AM Parent: #42 يسعد صباحكم ...

---

Post: #47 Title: Re: الجواز السوداني والشعور بالدونية في المطارات الدولية !!! Author: عائشة موسي السعيد Date: 08-08-2010, 10:18 AM Parent: #46 يسعد صباحاتك ياأستاذة وألف سلامة بعد السياحة البنت بطوطية.. أعجبتني روح الدعابة والمرح في أسلوبك وزوارك ولكن أثار العنوان غيرتي على رفيقي الأخضر وأنتم تتهمونه بأنه مصدر الإحساس بالدونية في المطارات العالمية! أدافع عنه لأنه من أقرب مقتنياتي الورقية إلى حقائبي التي ما استراحت إلا مؤخراً ** الدونية يغاني منها هو الآخر إذ انها جاءته وجاءتك بفعل فاعل..... وهو إذن مفعول به مثلك تماماً لا يملك من أمره شيئاً إلى أن يدخل عليه (إمضاءً) يرفعه أو ينصبه بآلية - لا يُشترط أن تكون لغوية - جديدة لكي تنتفي عنه التُهمة. الإجراء الأول هو أن تبحثي عن الإمضاء ...لماذا؟ دعينا نقول الشاهد الأول سأترك لك الأمر فأنت من أحدث المتضررين وأحكي لك الموقف الذي يقوي موقف الجواز الأخضر عندي: العام 2007 المكان مطار هيثرو الحالة منتهي التعب وبعد صف متوسط الطول قدمت جوازي وأنا في حالة من الذُعر للشائعات عن سوء معاملة الجواز الأخضر بالنكهة إياها....وزاد الخوف عدد من أحالهم الرجل للغرف الجانبية الشبه زنزانية... بشجاعة أجبت على حوالي خمسة اسئلة... ووقفت أنتظر الفاجعة وانا أم وضاح....عيني مارمشت... فناولني الجواز بابتسامة عريضة ومعها : Welcome Madamme . Take care, it is cold outside> بسم الله الرحمن الرحيم الراجل دا مجنون؟ فسألت: ؟Is that all رد علي والابتسامة ما زالت..... Yes Mam; people from this place don't lie! . وأترك لك التفسير والتحليل ولك وزوارك الود والتحية

---

Post: #48 Title: Re: الجواز السوداني والشعور بالدونية في المطارات الدولية !!! Author: الفاتح الجنيد Date: 08-08-2010, 01:11 PM Parent: #47 التحية اخت عواطف ،،، وحمدا لله على العودة الحميدة اصل الحكاية هى كما قالت الاخت ام وضاح Quote: الدونية يعاني منها هو الآخر إذ انها جاءته وجاءتك بفعل فاعل..... قد تختلف المواقف وتتباين بالنسبة للخدورى وحامله وفى اعتقادى ان كانت لصالحه فهى من قبيل الصدفة او حسن الحظ اما غالبية المواقف فهى بالماينص فى احدى المرات سافرت زيارة الى ايرلندا بالطيران التركى ترانزيت عن طريق مطار اسطنبول دخلنا المطار وبعد ما قعدنا فيهو المدة القسمها لينا ربنا جينا لى بوابة الصعود للطائرة المغادرة الى دبلن البت البتفحص الجوازات وقفتنا بعد ما فتحت اول جواز وبدت تقلب فيهو وقالت لينا اقيفوا على جنب وبدت تمرر فى الصف شى خواجات وشى افارقة وصوماليين وبدون توقف فى النهاية رجعت لى جوازاتنا وعددها 5 أنا وزوجتى وبنتى و2 اولاد ،،، وجابت ليها عدسة مكبرة وقعدت تبحلق فيهن واحد واحد وشكلها كانت بتركز على تأشيرة ايرلندا ... يعنى دايرة تتأكد منها سليمة والا مضروبة !!! ما قادر اوصف ليك شعورى فى اللحظة ديك طبعا خليها مغتيه ارقدى عافية

---

Post: #49 Title: Re: الجواز السوداني والشعور بالدونية في المطارات الدولية !!! Author: بكري عباس علي Date: 08-08-2010, 01:16 PM Parent: #47 استاذة عواطف حمد لله علي السلامة الجواز الاخضر دا مقالبه فينا كتيرة مرة جيت دبي من غير تاشيرة بحكم المهنة ضابط الجوازات اتلايق معاي قريب ربع ساعة حتي اداني تاشيرة دخول والسبب كتابة المهنة في الجواز كانت غير واضحة لانها تكتب يدويا خليها علي الله

---

Post: #50 Title: Re: الجواز السوداني والشعور بالدونية في المطارات الدولية !!! Author: خضر عبدالغفور Date: 08-08-2010, 01:25 PM Parent: #49 Quote: بعدين بانكوك دي موش عاصمة السياحه الجنسيه وللا واحده تانيه وكيل عريف محمد فرح من الواضاح انك مكبوت كبتة السواد السلام عليك ياستاذة بت ادريس واسف لمداخلتي المشتورة لكن امثال محمد فرح ديل بعملوا لي انتكاريا ونفاخ مصران .. فتك بعافية وامان

---

Post: #51 Title: Re: الجواز السوداني والشعور بالدونية في المطارات الدولية !!! Author: Nazik Eltayeb Date: 08-08-2010, 01:37 PM Parent: #49 التحية للاستاذة عواطف وهي تطرق موضوع في غاية الاهمية يتعلق بالكرامة الوطنية والاعتزاز بالنفس و الانتماء السوداني الذي يزيدنا فخر مهما ادلهمت الخطوب رغم انه في كثير من مطارات العالم اشعرني الجواز الاخضر بمصاعب و متاعب و اهانة كرامة اقارن الان بين اسفاري واسفار والدي الذي تم تحويله وهو القادم من السودان بكل احترام في مطار اطلنتا من صف القادمين من بقية دول العالم الي صف االقدمين من دول اوربا الغربية في العام 1986 ليقابل بعدها ضباط الجمارك المخصصين للدول ذات المكانة ويخرج منهم بسلاسة .كان ذلك احتراما للجواز السوداني و للسوداني القادم من بلد ديمقراطي...معاملة خاصة كدا بس عشان سوداني حلليلنا وحليل ايامنا لمن كنا محترمين من بلد محترم مش ارهابي و راعي للارهاب.

---

Post: #53 Title: Re: الجواز السوداني والشعور بالدونية في المطارات الدولية !!! Author: عليش Date: 08-08-2010, 02:27 PM Parent: #51 شِعـور سخيف.. إنك تحس بأن وطنك.. شيئ ضعيف.. .. عواطف.. شكرا لفتح مجاري الالم من جديد.. رئيس بعثه سوداني الاصل..دكتور في علم من العلوم..أُختير رئيس البعثة الخواجيه..للمؤتمر بالخليج..نفس الخليج الجيتي منو معززة ومكّرمه..البعثه لما بقت علي الضابط اب عقالاً بره..وباعتبار الرئيس المبعوث يتحدث العربية بطلاقه..مشي قدام,,بكل طيبه للمساعدة.. تم إحتقاره من العربي نفسو..دمو ولحمو..وقال ليهو..خلينا نخلص من الاجانب اولا ياطويل العمر...ورمي جوازو تحت التربيزة.. طبعا ماهانت عليه...وحس بالغبينه تلتهم اعضاء جسمو..فشاط (فشاط دي حلوة خلاص)..في وجه الضابط اب عقالاً بره وقال ليهو... بالمناسبه..الخواجات الانت إحترمتهم وفضّلتهم علّي ديل..لو انا ماخشيت..هم ما بخشو..,لو ما انا ؟ هم مابجوكم,,,المؤتمر الجاينو ده..انا مديرو..وانا من مكاني ده راجع بلد الخواجات البحترموا البني ادم في نفسو..موش جوازو ولا عيونو الخدراء ... ورجع الدكتور الي الوراء تاركا الضابط متعشما في الخواجات المثول امامه حتي يتحدث معهم باللغة الانجليزية التي تعلمها من الافلام..ولكن خيب ظنو الخواجا بعد حس وعرف ماحدث لمدبر بعثتة واستاذه السوداني.. تقولي شنو؟

---

Post: #52 Title: Re: الجواز السوداني والشعور بالدونية في المطارات الدولية !!! Author: شادية حامد Date: 08-08-2010, 01:51 PM Parent: #49 عطوف سلامات الحمدالله على السلامة ومعليش الجاتك في جوازك سامحتك " والله ناس تايلاند ماقصروا معاك أولا قالوا ليك انت ما المقصودة المقصود الجواز , يعني ياعواطفي قاصدين حكومتك عديل . وعارفينك انت ما شبه ده اخبارك انت في لندن ولا في ابو ظبى سلامى للجميع وماجدة قولي مازلنا منتظرنك

---

Post: #54 Title: Re: الجواز السوداني والشعور بالدونية في المطارات الدولية !!! Author: Mohamad Shamseldin Date: 08-08-2010, 05:39 PM Parent: #52 الاخت عواطف في العام 1985 زرت المغرب... و تطوع الطلبة بالمغرب من يعرفني و من لا يعرفني بتحميلي بالوصايا و صار عفشي كثير جدا... شنطتين في يدي و كيس... و كنت راجع السودان بالخطوط الكويتيه و كان لهم تفتيش أكثر من غيرهم من الخطوط و لا يسمحو الا بشنطة واحده في اليد... أوقفني ضابط الامن الكويتي و منعني من أن أحمل أكثر من شنطة واحدة بصحبتي.... قلت له "أنتو مش مانعين الناس تركب باكثر من شنطة عشان ما يخطفو طيارتكم؟ و أضفت من الله ما خلقك سمعت ليك بسوداني خطف ليهو طيارة... قال لي : لا قلت له : سمعت ليك بسوداني فجر ليهو حته و لا قتل ليهو زول؟ قال لي : لا قلت ليهو :أذا القانون بتاعكم ده ما مقصود بيهو السودانيين... شكلو قاصدين الفلسطينيين و لا اللبنانيين و لا ناس تانيين ضحك الرجل... و سمح لي بالدخول للطائرة و أظنني كنت الوحيد الذي يحمل 3 قطع في يده ....... الان لا أستطيع أن أبيع هذا في أمبده

---

Post: #55 Title: Re: الجواز السوداني والشعور بالدونية في المطارات الدولية !!! Author: حسين نوباتيا Date: 08-08-2010, 07:28 PM Parent: #54 Quote: ما خجلي من جوازنا لسبب واحد لأنو هو جوازنا ويجب ان نواجهه ابوالجاز دا اعتراف ضمني بان هذا الجواز كارثة يجب مجابهته :) الاستاذة عواطف بوست لذيذ يطرح المشكلة بشكل جميل ومرح وشيق.. اكتر قصة المتني هي قصة الاستاذ مجدي الشيخ في القاهرة .. لانه يمثل دولة تتعامل بروح العصابات والفتونة دون مراعاة لاي نظم او مواثيق او اعراف محلية او دولية او حتى انسانية..

---

Post: #56 Title: Re: الجواز السوداني والشعور بالدونية في المطارات الدولية !!! Author: طه إبراهيم عبد الله Date: 08-08-2010, 11:56 PM Parent: #1 الأخت الفاضلة عواطف إسماعيل تحية طيبة وشكراً لك على هذا الموضوع الذي أعاد لي جملة ذكريات مع الحبيب جوازنا السوداني الذي أحبه جداً بل أحبه موت أو كما يقولون . واسمحي لي أن أوضح لماذا أحبه : .. ملحوظة مهمة في البداية : أنا بحب الجواز الأزرق سماوي القديم قبل الأخضر وقد كان كبيراً وسميناً يشبّع وما بدخل في جيب صغير والمهم في الأمر بحبو وما بحب الأخضر ( الملوخية ) والريد قسم . .. أولاً : ذلك الجواز طيب الذكر يحمل صورة شخصية تعطي مرافعاتي مصداقيتها أمام الأصدقاء عندما أحلف وأقول يا جماعة ما تشوفو الصلعة دي أنا ما كنت كدا كان الزمان زين والشعر مغطي الاضنين وطوالي أجيب الجواز إياه بالإضافة إلى ذلك كان فيه توصيف لشكلي يعجبني جداً يعني مثلاً مكتوب الطول 165 سم وأنا في الحقيقة 180 سم ومعظم بنطلوناتي زي حقت الجماعة ال في مسجد بلال والحكاية دي صادفت هوى في نفسي أن أكون أقصر قليلا وبناطليني زبط . ومكتوب لون العيون عسلية .. وأنا لو عيوني عسلية ما كان سمعت شتائم من نوع ( عامل عيونك الزي عيون ....) .. ثانياً : الجواز دا كان بديني إحاس بأني شخص مميز ومهم وذلك في السودان قبل أن يكون خارجه في السودان حكمتني ظروف صحية بالسفر عدة مرات خلال السنة لمتابعة علاج في القاهرة وكان ذلك في عامي 90 و 91 وبسبب تشابه اسمي مع اسم الأستاذ المناضل والمحامي الكبير طه إبراهيم جربوع كنت كلما أبدأ إجراءات سفر أدخل فيلم مكسيكي - شوفتو العظمة دي كيف ! ولا مرة دخلتو للتأشيرة جاني مأشر وفي معظم الأحيان يندهوني إما أول واحد أو آخر واحد وبرضو دي حاجة مميزة ولا مرة ركبت الطيارة ونفسي بارد - دايماً نفسي قايم وبقعدوني في أية كرسي لأنو بعدي إلا إقفلوا الأبواب ويقولوا دعاء السفر ولا مرة وقفت في سير العفش في مطار الخرطوم عشان أسحب شنطتي من السير ، طوالي بجي ألقاها مرمية يتيمة لأنو الناس كسحو من بدري فيما كان جوازي يدور بين المكاتب ويقول لحاملية لست الشخص المعني أها نجي للعظمة حقت خارج السودان : هي متوفرة لكن بصراحة ما عندها طعم لأنها كانت عامة وتشمل كل السودانيين ولم تشعرني بالتميز ولهذا سأكتفي بمثال واحد فقط في مارس 1994 وصلت إلى ميناء مالطة قادماً من طرابلس - ليبيا في طريق العودة إلى السودان - كان معظم الركاب في الباخرة من تايلاند والهند وقليل من شعوب أخرى نحن السودانيون كنا ثلاثة رجال ومجموعة نساء مع أطفالهن - في الصف أمام ضابطة الجوازات كان كل شي يتم بسلاسة حتى وقفت أمامها وبمجرد أن فتحت الأزرق السماوي رفعت سماعة تليفون وتكلمت لثوان معدودة ثم وضعت الجواز على جنب وأشارت إلى أن أجلس في كنبة قريبة .. بعد قليل رافقني في الجلوس السودانيان الآخران .. الغريب في الأمر أن النساء مرن بدون أية مشكلة وأما ثلاثتنا فبقينا في الانتظار لأكثر من ساعة وأخيراً جاءنا أحد الضباط حاملاً جوازاتنا وأعطانا إياها بدون أية تعليق .. هذه واحدة من كثير بعضها لم يخلو من حقارة . شوفتي كيف يا أستاذة عظمة الجواز السوداني !!! .. أعذروني على الإطالة والإسهاب .. في الحقيقة أنا جديد في المنبر والجديد شديد بس الموضوع الفتحتو أستاذة عواطف دا إمكن إوصلني حد البكاء لكم مودتي

---

Post: #57 Title: Re: الجواز السوداني والشعور بالدونية في المطارات الدولية !!! Author: الصادق يحيى عبدالله Date: 08-09-2010, 01:21 AM Parent: #56 الاخت/ عواطف هوني عليك فانت سودانية، و دا يكفي لتعقيدات اكتر. انا غايتو الاخضر ميزني في مطار اوليفر تامبو الدولي (جوهانسبرج). كل ركاب الطائرة كانوا اسيوييين و من جنوب افريقيا. الاخضر اهلني للمرور لوحدي بمنفذ الافارقة، و لا زلت مستمتعا بتلك الميزة. (بالمناسبة انت عواطف صاحبة د. سعاد شريف؟)