المعادلة الصعبة ... بنات الخمسين وأولاد العشرين !!!

لست أدري لماذا كنت أعتقد أن زواج فتاة في الأربعينات أو الخمسينات بشاب في العشرينات أحد أنواع

الهوس الذي تعاني منه الممثلات الأجنبيات أمثال العجوز الشمطاء ذات العينين البنفسجيتين أليزابيث

تايلور أو شارون استون ومن لف لفهما حتى جاءتنا الفنانة اللبنانية الصبوحة بما لا يخطر على بال

أحد حين تزوجت من فادي لبنان الذي كان في العقدالثالث وهي في السابع ( لاحظوا فرق العقود ) ومع

ذلك حمدت الله أن الظاهرة إقليمية وأن المعنيات بهذه الظاهرة من الممثلات والمطربات اللواتي يحق لهن

مالا يحق لأحد,, ولكن انتقلت العدوى إلى كل دول العالم العاشر ونحن والحمدلله ننتمي بجدارة إلى هذه

الدول حسب مواصفات ومقاييس الدول المتقدمة لأكتشف أن صباح ليست وحدها التي تعاني من مرض حامد و

(الحبوكانا) كمايقول زميلنا حساس محمد حساس وأن صباحاتنا كثر كما يقول الفنان الكبير عبدالكريم

الكابلي ,, فقدحدث ذلك حينما كنت طالبة في آداب جامعة الخرطوم حين تزوج زميلنا أ . ع من فتاة

تكبره بعشرات السنين وقبل أن أحكي لكم سالفةهذاالزواج كما يقول أهلنا في الخليج أي قصة هذا

الزواج أود أن أحكي لكم عن هذاالزميل . كان زميلنا هذا طالباوسيما مجتهدا ميسور الحال ويدرس

بكلية الاقتصاد المجاورة لكلية الآداب , لكن كانت كل علاقاته وصداقاته مع بنات الآداب فقط وكنت منهن

ولا ندري ما السبب ومع ذلك كانت كل طالبة تتمنى أن تكسب وده وحدها بدلا من الود الجماعي المشابه

للعرس الجماعي ( لا لون لآ طعم , لا رائحة) ما عدا أنا !! طبعا أكيد حيقو ينط لي واحد زي حسين ملاسي

ويقول لي ليه على راسك ريشة ؟ أبدا والله أنا كنت أعاني من كبت وأضطهاد اجتماعي ما زال يلازمني حتى

هذه اللحظة عشان عندي أخو الله لا يوريكم ولد واحد وسط أربعة بنات عامل لينا فيها بسط الأمن الشامل

وحكاية الأمر بالمعروف والنهي عن المنكر رغم إنه ما كان متدين ولكن ثقافة التسلط على الأخوات كانت

تعلب دورا كبيرا في سلوكياته ,, المهم زميلنا دة كان ودود جدا ولطيف لأبعد حد كل ما يطلع في

البريك لازم يعزمنا شاي ولا عصير وفي الويك اند كان يعزم الطالبات لأي فيلم جميل في سينما النيل

الأزرق وكلها عزايم جماعية ربنا ياخدك يا أحمد هي أيه الحكاية ما تخصص واحدة وتريحنا ! بعدين أنا

عايزاكم تتخيلو واحد زي أخوي دة البجي كل يوم والتاني الجامعة سبب بلا سبب لو لقاني قاعدة في قهوة

النشاط ولا المين روود مع واحد وديع زي زميلنا أحمد دة وقام لطشنا ليك الإتنين كفوف الحيحصل شنو ؟؟

ولا شافني جاية من سينما ال B N الساعة عشرة ولا حداشر بالليل مع زميل اللي حيصير شنو ؟؟ حأترك لكل

واحد منكم حرية التخيل في موقف صعب زي دة المهم أحمد دة جانا في يوم من الأيام وحامل معاه بطاقات

دعوة افتكرناها لعرس أختو ولما فتحناها لقيناها عرسو هو شخصيا يوم الخميس القادم في نادي الأساتذة

مع إنه لسه في السنة النهائية ,, كانت صدمة لمعظم الصديقات اللواتي كن يحلمن بأحمد وهو قادم على

حصان أبيض إلى داخلية الطالبات ليخطف الفتاة التي اصطفاها قلبه دون الأخريات حقيقة خذلتنا يا

حمادة السكر الزيادة كما كن يقلن بينهن وبين أنفسهن أما الخذلان التاني فقد كان يوم العرس عندما

جاءت العروس طويلة جدا وسمينة جدا وأصرت على الرقيص بحوة الطقطاقة فوقف زميلنا إلى جانبها متل

العصفور بينما بدأت الطقاقة بصوتها الذي يشبه أصوات الهتافات الهادرة الغناء لتتمايل العروس يمنة

ويسارا ثم تجقلب كما يجقلب الفرس الهائج فتصيح الطقطاقة بأعلى صوتها ( وحدوه وحدوه ) ثم تطلب من

العريس أن يمسك العروس من وسطها لكي لا تقع أرضا فتسجل هدفا في مرماه ( لآ ادري من أين أتينا بهذه

العباطة ) في هذه اللحظة همس أحد شرامة الجامعة في أذني قائلا ( لكن الطقطاقة مابالغت ! نصها دة

وينو ؟ دي ياختي واحد صحيح ) انتهت الحفلة في نادي الأساتذة وأصبحت العروس للعريس والجري للمتاعيس

الزينا ومنذ ذلك اليوم وعينك ما تشوف إلا النور كلو يوم والتاني عريس في عمر الزهور والهنا,,

وعروس بدأت في العد التنازلي وبحاجة إلى صبغ وسمكرة يا ربي دة من شنو؟ والله العظيم حتى هذه اللحظة

ما لاقية إجابة غايتو اللي عندو جواب يوريني عشان الشمشرة كاتلاني وقاطعة قلبي من جوة !! في سؤال

تاني مرات أولاد العشرين بكونو عايزين واحدة مريشة حتى لو كبيرة وما سمحة لاكين لمن يكون هو واو

وشرط زي ما بقولو بنات الزمن دة وعندو قروش البخليه يعرس واحدة قدر أمو شنو ؟؟ برضه عايزة إجابة

منطقية ,, بصراحة رغم اعتراضي على زواج بنات العشرين من أولاد الخمسين لاكين بشوفها مبلوعة و

مهضومة شوية من الظاهرة التانية والعجيبة دي عشان الراجل بيقول عايز يجدد شبابه أها بت الخمسين

عايزة تسوي شنو بي أبو عشرين دة؟؟ وشعورها بيكون شنو لما تطلع معاه ويقوم بتاع التذاكر في البص

يقول للعريس الوالدة معاك ؟؟!!

يا بنت خمسين والأيام مدبرة !!!

ماذا تريدين من موعود تلتين ؟؟

معليش طولت عليكم شوية أعذروني وفتكم بعافية .

الحب يا عواطف...
اكيد هذا الشخص احب الزولة دي مادام مافي اي شبهة استفادة مادية..
والحب لا يعرف الزمن ولا المكان ولا النوع..
الم يغنوا الباكستريت بويز



"As Long As You Love Me"

As long as you love me

Although loneliness has always been a friend of mine
I'm leavin' my life in your hands
People say I'm crazy and that I am blind
Risking it all in a glance
And how you got me blind is still a mystery
I can't get you out of my head
Don't care what is written in your history
As long as you're here with me

I don't care who you are
Where you're from
What you did
As long as you love me
Who you are
Where you're from
Don't care what you did
As long as you love me

Every little thing that you have said and done
Feels like it's deep within me
Doesn't really matter if you're on the run
It seems like we're meant to be

I don't care who you are (who you are)
Where you're from (where you're from)
What you did
As long as you love me (I don't know)
Who you are (who you are)
Where you're from (where you're from)
Don't care what you did
As long as you love me (yeah)

I've tried to hide it so that no one knows
But I guess it shows
When you look into my eyes
What you did and where you're comin from
I don't care, as long as you love me, baby

I don't care who you are (who you are)
Where you're from (where you're from)
What you did
As long as you love me (as long as you love me)
Who you are (who you are)
Where you're from (where you're from)
Don't care what you did (yeah)
As long as you love me (as long as you love me)
Who you are (who you are)
Where you're from
What you did
As long as you love me
Who you are (who you are)
Where you're from (where you're from)
As long as you love me
Who you are
As long as you love me
What you did (I don't care)
As long as you love me

عشان كدا يا عواطف الحب بيهون القواسي ويخترق المساحات
ويقرب المسافات
موش الولد الامو قالت ليه مرتك شينة وكرهة
قاليها يمة اريتني اديتك عيوني تشوفيها بيهن؟
مودتي

بيان !!!

محبتي ,,,

شكرا على مرورك الأنيق !!!

فعلا الحب لا يناقش ,,, هل سمعتي الفنان البيقول لاموني اللي غاروا مني وقالولي ويش عاجبك فيها قلت

للي غاروا مني خدوا عيني وشوفوا بيها !!! معزتي ,,,

عطوف كيفيك حبيبى
هسـة بس فى داعى تشمتى فينا الاعداء كنتى تنتظرى لغايه بيقية التيم يفتو العندهم
والشمار يكون على اصلو وبينى وبينك كده كنت مشركة لى لزولين كده بس اظنهم قلبهم حسسم
ماشايفاهم

مجودة !!!

يسعد صباحك ,, عاد نصيحة مني ليكي أولاد العشرين ديل أختيهم لابد من عرسة تانية وإن طال السفر ,,

بعدين الإتنين الطفشوا من البورد ديل عرفوك مفلسة وما عندك سالفة فولو الأدبار !!!

جيتي يا عواطف وقلبتي الحلة ؟

قالو او قرات انو "اليابانية" بتحب تزوج الاصغر"toshia" منها لانها بتفتش عن الرومانسية وانو نسبة المتزوجانت من ازواج اصغر منهن هناك تجاوز الثلاثيين في المية في عام 2002وقالو ان الاسباب كتيرة غير الرومانسية وهو ان المراة اليابانية متفوقة في عملها ومتقدمة عن الرجل احيانا فلذا ما بتلقي زوج في عمرها او اكبر منها يتقدم ليها ( يمكن خايف من الرئيسة ) فاها تقوم تلم في الاصغر .. شفتي كيف .. دة اليابانيات اما ناس صباح فما عارف قصتن شنو مع فادي ؟
وحكاية المدرسة الامريكية الدخلت السجن كام سنة بسبب علاقتها مع ولد شافع من تلاميذها اقل من نص عمرها وبعدما خرجت الولد اصر انو يتزوجها وبقت قصة وحدوتة ؟؟ وواحدة تانية برضو سوت كدة وافرجو عنها بعد نص المدة علي اساس انها ما تتصل بالشافع تاني لكنها ما قدرت وضبطوها ورجعوها جوة تاني ؟

عواطف يا عسل

ضحكت ضحك يا عواطف......هسي هي عمرها 50 وتقولي عليعا بت

دي شدة ما مرة مكملة العمر....وقربت تشوف أحفادها الوهميين


لكن حب الناس مذاهب .....


مودتي

أستاذة عواطف ســلام وتحيــة .. وكل جمعة وأنت بخير ..

أكيد شيء مضحك زى ما قالت سلمى صبحى بأن تصفى مكملة الخمسين بالبنوته
لكن ياسلمى هل نسيتى مجاملة النساء للنساء ! ، دى لو كانت حبوبه
حيقولو ليها ( مزمزيل ) لكن الشيء المعروف أن زواج الشباب من
نساء يكبرنهم فى السن وبمراحل ، تكون دوافعه غالبا النظرة المادية
وما تملكه من إرث خاصة إن كانت وحيدة أبويها وإلا لاأعتقد أن الشاب
يفضل الإقتران بكبيرة السن لمجرد حب أوغيره .. وإن حصل يكون غالبا فترته
محدودة أما العكس فلا غبار عليه وكلنا نعلم زواج رجال كبار السن من
نساء صغيرات ، عموما أستاذة عواطـــف بموضوعك هذا خففتى كثيرا عن
رجال الخمسين فى موضوع الجمعة الماضية وهسع يقولوا لك صافيه لبن ..
تحياتى ولك الشكر
محمد مختار جعفر

Quote: لكن الشيء المعروف أن زواج الشباب من نساء يكبرنهم فى السن وبمراحل ، تكون دوافعه غالبا النظرة المادية وما تملكه من إرث خاصة إن كانت وحيدة أبويها وإلا لاأعتقد أن الشاب يفضل الإقتران بكبيرة السن لمجرد حب أوغيره .. وإن حصل يكون غالبا فترته محدودة أما العكس فلا غبار عليه

ان شاء الله يا ولدي غبار السواد العليه عرس موعود خمسين من شابه في العشرين

دوما !!!

فتيل المايقوما ,,,

دي كتاحة عديل كدي زي بتاعة يوم الاتنين الفات ولا التلاتاء ما عارفة ,, طبعا الرجالة بتصلح لروحها

ولا دة فقه الضرورة ياربي ؟؟ محبتي ,,

حموووووووودي !!!

معزتي ,,,

أيه حكاية لا غبار عليه دي ؟؟ ناويلك على نية زي ما بتقول المطربة أحلام ولا شنو ؟ ربنا يجيب العواقب

سليمة !!

سلوم !!!

اسعدت صباحا سيدتي ,,,

طبعا هي بت بحكم الشرع والقانون لكن رايك شنو في المعازيم الوهم الزينا الخلو مذاكرتم وجو جارين

للحفلة ؟؟

أبوبكر !!!

هي أيه العبارة ؟ عايز البنات يمشن اليابان ولا شنو؟ وبعدين الصبوحة الشاطرة بعد ما خانها فادي

لبنان إتخطبت لملك جمال لبنان عمره 25 سنة فقط وهي تجاوزت الخامسة والثامانين يعني فرق 60 سنة

بسيطة مش ؟؟ ويجعلو عامر !!!

استاذتنا عواطف

تحية طيبة

أقولها بصدق ودون مجاملة قلمك أحد اجمل الأقلام هذا المنبر الرائع .

أسعد بكتابات انيس منصور ونجيب محفوظ وعبد الله الطيب والآن أضفت إلى هذه القائمة الأستاذة عواطف .

أسأل الله ان يدخل السعادة إلى قلبك كما تسعدين عباده .

ادام الله عليك لطفه ونعمه بجاه من بيته في طيبة حرم صلى الله عليه وآله وسلم

الأزهري تو !!!

معزتي ,,,

كلماتك الرقيقة وسام على صدري بس يا راجل دة احنا فين وأنيس منصور فين ؟؟ عموما أنا سعيدة جدا

بهذاالشعور الطيب والإطراء الذي لا ينبع من شخص طيب مثلك ,, طابت أوقاتك وشكرا على الدعاء

الجميل ,, وربنا يسعدك إنشاء الله ببنت العشرين وليس الخمسين إذا لم تكن متزوجا وإلا فالمدام

حتطربق الدنيا فوق راسي !!!

عطوف

Quote: بعدين الإتنين الطفشوا من البورد ديل عرفوك مفلسة وما عندك سالفة فولو الأدبار !!!

سالفة شنو حبيبة انتى فهمتنى غلط انا بقصد الاتى الكنت مشركه ليهم علشان اسمع الفتوه بتاعتم فى الموضوع
2اصدقائى ومشركه ليهم لانهم عملو بيت زار عديل كده لمن الفردة التالته حقهم اتزوج واحدة عمرها 18 سنه والاكتر
من كده انها كانت صاحبه بتو مع بعض كانو فى مدرسة واحدة وهم كانو مصريين انو الزواج ده مابيستمر
اسبوع لكن تصدقى انهم مع بعض لغايه اللحظه دى وكويسين جدا بس حاجه واحدة بس الجدت انو اتزوج عليها
صديقتا وبالمناسبه هو عمرو 59 سنه المهم انو فى شمار جابوواحد عن التانى انو عايز يتزوج واحدة عمرها 17سنه
فكنت منتظره انو يعلق على الموضوع علشان اختك تستلمو
غايتو ياعطوف الله يديكى العافيه صغير شنو كمان البتتكلمى عنه تانى خلاص لاصغبر ولاكبير الحمدلله الطلعنا
باقل الخسائر الممكنه

مجودة !!!

محبتي ,,,

أنا بمزح معاك عشان أخلي الموضوع يسخن شوية ليس إلا وبرضو يا عزيزة الدنيا ما زالت بخير ,,,

الوردة دي عشان ما تزعلي يا السمحة قومي استعجلي ,, مودتي .

Quote: غايتو ياعطوف الله يديكى العافيه صغير شنو كمان البتتكلمى عنه تانى خلاص لاصغبر ولاكبير الحمدلله الطلعنا باقل الخسائر الممكنه

يابت الخليفة ..الله لا يجيب خسائر .. هي تجربة انسانية بحسناتها وسيئاتها والمحصلة تجربة انسانية ضرورية لا يجب ان تكون حجر عثرة في مستقبل الايام بس الواحد بيكون اقوي وتزيده التجربة خبرة

عطوف ازيك

Quote: يابت الخليفة ..الله لا يجيب خسائر .. هي تجربة انسانية بحسناتها وسيئاتها والمحصلة تجربة انسانية ضرورية لا يجب ان تكون حجر عثرة في مستقبل الايام بس الواحد بيكون اقوي وتزيده التجربة خبرة

ابوبكر كويس انتالكلام ده انا قلتو حركات صعبه منى ساكت تحرير سوق و لزوم دلع البنوتات الكبار شوفت بندلع نفسنا كمان تسلم يارب

Quote: ان شاء الله يا ولدي غبار السواد العليه عرس موعود خمسين من شابه في العشرين

يا دوما العزيزة عندنا غنية في الرطانة ( لكن نص كلمانها عرب يعني رطانوارب ) بتقول " هب الناس مذاهب ايسن ايقون ايكا دولولنا " او ما معناه بنضم العرريب ( قالو حب الناس مذاهب وانا الذي احببتك ) .. اها كلو بمذهبه يدور في حولية شيخه/ها ..اها واحنا مالنا ( انا غايتو تجاوزت العمر الافتراضي للحالتين الحلة وبعد ان قلبتها عواطف حلة مقلوبة ومبسو ط كدة اوي اوي اي حد عندو اعتراض ؟ )...

لووووول يا هندسه كلنا تجازونا االمرحله دي لكين النصيحه لربنا الجلكين اريتو ما عريس بتي

أبوبكر !!!

محبتي ,,,

أي مذهب في المذاهب ؟؟ ملكي ,,, و لاشافعي ,,, يا سلام أبوبكر يفتي في الحب !!وبعدين معاك !!ما

فيش في الزمن عمر افتراضي يا أبوبكر الشباب شباب القلب ,, ودمت .

Quote: اريتو ما عريس بتي

Quote: ما تشيلي هم بناتنا بتاعات الزمن دييل ما فاضيات يضيعن وقتن في خدمة عجائز الزفة ؟

Quote: [ فتصيح الطقطاقة بأعلى صوتها ( وحدوه وحدوه ) ]

وحدوه وحدوه . بنات الخمسين وأولاد العشرين !!

شهوبي !!!

معزتي ,,,

دة احنا موحدين من زمان أوي ,,

عطوفة..
جمعتك مبااااركة.
مالك علينا الليلة؟ خمسين شنو و عشرين شنو!!!
الحمد لله ما زالت الحكاية دي مجرد ونسة..و حالاتها قليلة.
نحن مجتمع بتحكموا نظراتنا ل بعض..لذلك تفكر أي إمرأة مليون مرة قبل أن تُقدم على خطوة - غير معهودة - زي دي.

غايتو أنا عندي واحد من أبو أربعة و أربعين..
في طريقة تبدٌليهو لي بإتنين من أبو إتنين و عشرين ؟؟!!!!

ممكونة الحنونة !!!

محبتي ,,,

ضحكتيني كالعادة لآخر ضرس عايزة تبدلي الممكون باتنين مراهقين !!! هوي يا بتي الجن البتعرفو ولا

الجن المابتعرفو !! أبو 22 وعشرين دة عايز يتربى من أول وجديد عشان كدي جرادة في كف ولا ألف

طاير !!

Quote: في طريقة تبدٌليهو لي بإتنين من أبو إتنين و عشرين ؟؟!!!!

يعني هسع سامية تفكني بكرتونة مليانة ؟؟

دومة العزيزة ... رد على مداخلتك
والله الحكاية كلهاتوافق ومعزة بين إثنين
وتحابب وتقدير ، ده المهم وهذا هو الأبقى
دائما وأبدا .. ربنا يديم الثقة والمحبة
بين الأزواج .. تحياتى ..
محمد مختار جعفر

الاستاذة عواطف

موضوعك جميل وشيق ويحتاج لمداخلات كثيرة من الذين عملوها او اولئك الناويين يعملوها ولو حتى من ناس بعرفوا ناس عملوها

المهم انو في راي البسيط كما سبقني البعض هو الـ(عواطف) التي تشارك فيها الاثنان ونوعها قد تكون (عواطف) حسية او معنوية أو مادية والامر الذي يتتطلب تنازلات عمرية اها العروس ست الخمسين تشيل وتخم وتعوض السنين الراحت منها في العزوبية اما الشاب ابو العشرين فهو بالتاكيد سوف يجد فيها الام والاخت والحبيبة والصديقة والاهم من ده كلو (الكاش) لزوم وجاهة الزمن ده

والعايز اقولو هنا بصراحة خلونا نقول انه شباب اليوم أغلبهم شباب اتكالي ليس لديه القدرة على الاعتماد على نفسه

خلينا من الزواج انا عندي صاحبي مغترب عندو ولدو في الجامعة في السودان جاب ولده ده الحج الدنيا اتقلبت الان زمان نحن بنعرف الولد بحجج امه وابوهو هسه بيحصل العكس

بالله ولد زي ده بقدر يشتغل ويلم القروش ويدفع مهر براهو كده ويعرس والله لو ما دفعوا ليهو اهلو بتزوج ليهو واحدة ( نص+نص) واحدصحيح ويقيف جنبها زي شنطة اليد

وزي ما قالو (ضل راجل ولا ضل حيطة) الشباب ديل هسة بيقولو (ضل حيطة وتبقى راجل)


ماجدة خوجلي :

بالله ديل الاثنين زملاء مننا - ياريت اعرفهم عشان نتعلم منهم عملوها كيف يمكن الواحد يفكر فيها ويحسبها من جديد


تحياتي



جمال

ود السنوسي !!!

محبتي ,,,

شكرا على إطرائك على الموضوع دة من ذوقك وتحليلك المنطقي جدا وزي ما بقولو بعد الكاش ما فيش نقاش

كلو بهون ,,, والله شباب الزمن دة الواحد لو لقى مرة جاهزة بي وليداتها ما عندهم مشكلة ,, شكرا

جمال مرورك أسعدني ,,,

عطوف

Quote: ماجدة خوجلي : بالله ديل الاثنين زملاء مننا - ياريت اعرفهم عشان نتعلم منهم عملوها كيف يمكن الواحد يفكر فيها ويحسبها من جديد تحياتي

جمال انت بدون سن 17 خاتى الصورة وتاعين واقواسك مامقصرة وتختفى وتظهر اها كيف تكون معاك الحال مع ناس 17
عارف ياجمال الزول الانا اتكلمت عليه انت بتعرفو برضو لكن انا مابوريك امشى اتشمشر براك وبتعرف عليك الله ياجمال
انت كويس بتختفى بتعمل فى شنو تحياتى وهاك القوسين ديل منى ( )

أبوبكر !!!

محبتي ,,,

مالك يا أخوي ؟؟ العيار المابصيب بيدوش ولا شنو ؟؟

عواطف يا حبيبة..

غايتو انا مع عرس أولاد العشرين..

ديل شباب واعد لسه فيه امل وبيكون متطلع وعنده أحلام حدها السما.. الراجل الكبير بيكون محبط من الشافو وعاشو.. وغير الهم والنكد ما حيضيف شئ على الزواج..

كفاية وصلنا الخمسين عايزننا نجيب لينا زول عجوز تاني في حياتنا عشان شنو؟

تخريمة جادة: غايتو إكتشفت إنه لو الزول صحي عايز يتزوج (راجل ولا ست) لازم يتخذ القرار ده في عمر الـ 17. لأنه كل ما يمر العمر الزول بيبقى حكيم والإختيار بيبقى سعب (صعب).

ودي

أحسن حاجة
لا
Milk
لا
Diaper

كوستاوي الحميل !!!

تحياتي لك وللأولاد الحلوين ديل ,,,

القال ليك لا حليب ولا بامبرز منو ؟؟ ما سمعت بالنسوان الولدن في الستسن ؟ أنا عندي بت خالتي عمرها

54 والعريس عمرو 35 جابت ولد ما أحلاه !! ما فيش في الزمن دة حاجة مستحيلة ,, أوعى تتورط !!

بت العباسي !!!

ياالنسيتني أهلي وناسي ,,,

والله كلامك كلو حكم !! راجل الخمسين فعلا بكون زهجان من مشاكل الدنيا وقد يكون ما عندو وقت للحب

والكلام السمح عشان مدة صلاحية الكلام الحلو بتكون إنتهت ,, لكن أبو عشرين دة بكون فاضي والفاضي

يعمل قاضي ,, غايتو بعد كدة كل ما ألقى واحد من أبو عشرين عايز يتزوج بقوم أرشح ليه من البورد

شكرا يا فنانة على هذا الدخول الجميل ,,,

Quote: أستاذة عواطف ســلام وتحيــة .. وكل جمعة وأنت بخير .. أكيد شيء مضحك زى ما قالت سلمى صبحى بأن تصفى مكملة الخمسين بالبنوته لكن ياسلمى هل نسيتى مجاملة النساء للنساء ! ، دى لو كانت حبوبه حيقولو ليها ( مزمزيل ) لكن الشيء المعروف أن زواج الشباب من نساء يكبرنهم فى السن وبمراحل ، تكون دوافعه غالبا النظرة المادية وما تملكه من إرث خاصة إن كانت وحيدة أبويها وإلا لاأعتقد أن الشاب يفضل الإقتران بكبيرة السن لمجرد حب أوغيره .. وإن حصل يكون غالبا فترته محدودة أما العكس فلا غبار عليه وكلنا نعلم زواج رجال كبار السن من نساء صغيرات ، عموما أستاذة عواطـــف بموضوعك هذا خففتى كثيرا عن رجال الخمسين فى موضوع الجمعة الماضية وهسع يقولوا لك صافيه لبن .. تحياتى ولك الشكر محمد مختار جعفر

تحياتى استاذ محمد
معليش عندى ليك سؤال صغيرونى لكن قبل مااقوله عايزة اوضح نقطة وهى انا عن نفسى ضدزواج بنات الخمسين
من اولاد العشرين لاسباب كتيرة على راسا انها مالافقة باى حال من الاحوال شكلها شين شديد وبالتاكيد
الانسجام والتفاهم بيكونو معدومين لاسباب منطقيه فبسبب العمر بيكون فى اختلاف فى تقيم الامور والنظرة
بتكون مختفله وبعدين هى ذاته مابتكون حاسه بالامان بتكون عايشه فى دوامة من الشكوك وبعدكده تجى الغيرة
المدمرة وفى النهايه بتكون النتيجه غم فى غم ونكد فى نكد وحياة ذى دى مافى داعى ليهاعلشان كده انا ضدهذا
الزواج على طول الخط وانا كان جماعتنا الهنا ديل الامرعندهم عادى كتير تلقيهم متزوجين طوي بوى
حقيقه لفت انتباهى كلام استاذ محمد من انه بالنسبه للمراه الفوق الخمسين لو اتزوجت اصغر منها بيكون اتزوجا بس للثروة بتاعتالكنبالعكس الموضوع بيكون عادى بس ممكن اعرف الفرق شنو الخلى الرجل الفوق الخمسين عادى جدا انو يتزوج واحده عمرها
20 سنه والسيدة لاتستطيع تحياتى ليك

عواطف تحياتي لك
مادامت الزهرة لم تزبل بعد ، أيه المانع؟
لو تعرفين واحدة نضرة، لكي مني المقابل
في حد لاقي جمال الخمسين

أيمو يا رايع !!!

خير الكلام ما قل ودل ,,,

يا أخي إنت زول عملي جدا,, جهز مليون وحارسل ليك واحدة زي بارجيت باردو كبيرة وجميلة !! معزتي ,,

مجودة !!!

محبتي ,,,

عادي زي الزبادي وكذلك في الزمالك ,,, عشان المجتمع ذكوري !!!

حقيقه لفت انتباهى كلام استاذ محمد من انه بالنسبه للمراه الفوق الخمسين لو اتزوجت اصغر منها بيكون اتزوجا بس للثروة بتاعتا لكن بالعكس الموضوع بيكون عادى بس ممكن اعرف الفرق شنو الخلى الرجل الفوق الخمسين عادى جدا انو يتزوج واحده عمرها 20 سنه والسيدة لاتستطيع ... تحياتى ليك
ـــــــــــــــــ ماجده عوض خوجلى ــــــــــــــ

أولا * يا أستاذة ماجده بالرغم من أن الخلفة بيد الله لكن من الناحية البيلوجية أن الرجل لايتوقف
عن الإنجاب مهما بلغ به العمر وعمر المرأة فى ذلك له أثره
ثانيا * من أوليات المرأة السكون فى كنف الرجل المتزن غير المقصر لها فى أى شيء
ثالثا * أن الرجل هو الذى يتقدم فى الطلب ، وربما يجد الرفض ولكنه يفلح فى المعاوده من أخرى
والعكس غير موجود .. لأسباب تتعلق بالأنثى
رابعا * دائما كما ذكرت أن مقدرة ( رجل الخمسين ) الماديه تكون كرته الرابح
أما مقدرة المرأة الماديه ( مرأة الخمسين ) تكون مخاطرة بلا شك إن إرتبطت من أجل ذلك بشاب
العشرين وهذا لا يحتاج لمناقشة فالتجارب فى ذلك كثيرة .
وقد رأيت بعينى بعض شباب إرتبط بنساء فى عمر أمهاتهم من أجل أشياء وأمور يدبرونها
أو من أجل العيش الرقد لفترة قليلة من السنوات ليدبر بعدها أمره ..
لك تحياتى وهو مجرد رأى لا ناقة لى فيه ولا جمل ... شكرا شكرا ماجدة ...

محمد مختار جعفر

Quote: أي مذهب في المذاهب ؟؟ ملكي ,,, و لاشافعي ,,, يا سلام أبوبكر يفتي في الحب !!وبعدين معاك !!ما فيش في الزمن عمر افتراضي يا أبوبكر الشباب شباب القلب ,, ودمت .

يا عواطف

اها مذاهب الحب ما سمعتي بيها ؟ اها في الجامعة ما شفتي انواع المذاهب والكيسات كلو كيس تبع مذهب والبيقعدو وراء النشاط مذهب والبيقيفو قدام داخلية البنات مذهب والبيمشوالي BN سو مذهب والبيمشو وراء المكتبة من ناحية البحر مذهب وناس الكراسي قدام الاداب مذهب ( عموما دة كانت المذاهب في زمنا)؟؟؟
شباب قلب دة بيقدر يلعب دافوري مع شباب ستنغ وشاكيرا ؟؟ واللا بس كلام

أبوبكر سيد أحمد !!!

معزتي ,,,

إنت كنت من ياتو مذهب ؟؟ أوعى يكون الميدان الغربي ,,,

وبعدين معاك !! قلنا مافيش عمر افتراضي ,, لا تتمارضوا فتمرضوا فتموتو !!

العزيزة أمورتنا بت إدريس ،،

الأولي بت عشرين مع ود خمسين!!

بتشوف فيهو أحلامها،،

والثانية قلبة 180درجة بت خمسين وودعشرين،،

الريده جات متأخره،،

وفي الحالتين في قاسم مشترك (وهو الحب مرآة المحبين)

بين وبينك والآيام عشرة حب طويلة شيدنا بالآمال والريدة النبيله

ومن الحب ماقتل،،

ونعرج الي الممثلات والحالات التي تسمي زواج مصلحه(أستار + فلوس)هي من تجمع

بين هؤلاء لا غير بس في حالتنا نحن بيكون الحب من الصغر والريدة دي ياناس ما

ليها زمن ولا وطن مستوطنة في الوريد وجاية عابره من الصمام عبر حجرة البطين

الجواني ودي المذاهب كلها ختتها في باب الأجتهاد ولكل مجتهد خمسيني بت عشرينية

ولكل بت خمسينية ودعشريني ومشتركين في المحبة قدر، ولازم نسلم بالمسلمات دي شريعة

خاصة بيهم، وما لنا إلا أن نبارك العرس للأمهات سوي للخمسينيات أو العشرينيات وفي

الحالتين العشق سيد المواقف،، ولي شنو؟؟؟؟؟؟؟؟؟؟؟؟ياعطوفه .

أبوقصي !!!

معزتي ,,,

إنت زول مسالم جدا وترجح دوما كفة الحلول الودية ,,, عموما طالما باركت للعرسان من هذا النوع فأنت

مدعو بصفة شخصية لزفاف صاحبة الصون والعفاف ذات الخمسين خريفا فلانة بت قلان من المدعو فلان ود فلانة

إبن العشرين ربيعا في ملهى شبابنا نايت كلب ودامت أفراحكم ,,,

Quote: إنت كنت من ياتو مذهب ؟؟ أوعى يكون الميدان الغربي ,,,

لا مذهب لانو كنا بنجي الكلية بعد ما النشاط يقفل يعني بعد تسعة بالليل وعلي طول علي استوديهاتنا للصباح ...

Quote: وبعدين معاك !! قلنا مافيش عمر افتراضي ,, لا تتمارضوا فتمرضوا فتموتو !!

اعيش كل مرحلة من عمري وفق حالتها لا اتشابي ولا اتصابي ولكل مرحلة ميزتها

عطوفه،،،

أين صعوبة المعادله؟

ولو كان B50>W20= LOVELY LIFE

دائما الحلول الوردية في هكذا زواج تعطي سلامة العقد

والقبول هو سيد العقود الزواجية وأزدواجية الأختيار

يعني الحب بين كلا الأطراف وعلي أسرهم تجهيزالدعوة ودعوة

الأهل والأحباب للحفل الذي يجمع كل المعارضين والمؤيدين

وفي النهاية بينتقلوا الزوجين للعشه السعيدة وبيروحوا

المعازيم بعد تناول العشاء والأستمتاع بالغناء علي أنغام

الموسيقي الحالمه بحلمهم الذي أصبح حقيقة واقعه نسلم بها

ونبارك كمان،،،،،

أبو قصي !!!

محبتي ,,,

مع احترامي لرأيك الرومانسي جدا ويا ريت لو كل الزيجات تنعم بالحب والرومانسية ما كان حتكون في

معادلات صعبة زي دي عموما شكرا هلى المرور الجميل .

عواطف


سلامات كتيرة جدا ... وكالعادة دايما تنكتي ليك مواضيع ظريفة وعجيبة....

غايتو أهلنا الكبار من زمااااان قالو الداير يعرس يختى الثلاثة ديل: -

1- المرة السمينة: ودي مقصود بيها المرة الغنيانة.
2- المرة القصيرة : ودي مقصود بيها المرة النقناقة لانو العشرة معاها بتكون قصيرة جدا وما بتستمر معاها.
3- المرة الطويلة : ودي مقصود بيهاانك تكون من حتة وتعرس واحدة من حتة بعيدة , اهلك في مكان واهلها في اخر الدنيا يعني بكيات واعراس ودايرة اشوف امي مصاريف سفر ساكت بتسقط حجرك .


لاكين المرة الكبيرة الـ ( out of date ) دي اصلو ما جابو سيرتها تب ؟؟؟ يمكن عشان اصلا ما واردة في حساباتهم.

ولو عايزة رأيي سبب واحد يخليني اعرس لي مرة قدر دي مافي !!!!!


اكيد محبتي ،،،

محارب !!!

سلام ,,,


لكن ما تقول لي أهلكم الكبار كلامن كله حكم ,, مبالفة عديل كدة وفعلا حكاية إبنة الخمسين ربيعا دي

أبدا ما خطرت ببالهم عشان كدة حقو تناقشهم فيها وتخليهم يضيفوها عشان نشوف رايهم شنو,, بعدين إذا

إنت ما عايز سفر بكيات عليك ببنت الجيران بشرط أنت تكون من ذوات العشرين ربيعا ولو تسعتاشر سنة

عمر الزهور والهنا برضو ما بضال لكن بشرط تديها الأمان وتقول ليه محارب دي إسم حركي أصلو كلمة

محارب الأيام دي بالذات بتخلي الواحد يتحسس بندقيته والعيار الما بصيب بيدوش ,, شكرا مسالم على

الكلام الرقيق الذي لا علاقة له بالحرب ,, يبدو إنك إسم على غير مسمى ,, مودتي ,,

العزيزة عواطف

سلامات كتيرة جدا ...

يا زولة ما تخافي ... شغل البنادق والحرب خليناهو زمان

اسه بقينا نحارب في عطية ( الفلس ) ياهو المرقنا من السودان والظاهر قطع البحر وجا معانا...

بت الجيران ام تسعتاشر سنة دي فكرة مهضومة جدا ( ما تقولي كمان عندنا بت جيران بقاقة عدييل كده بس عطية يرخي القبضة شوية)


اكيد مودتي ،،،

العزيزة عواطف

سلامات كتيرة جدا ...

يا زولة ما تخافي ... شغل البنادق والحرب خليناهو زمان

اسه بقينا نحارب في عطية ( الفلس ) ياهو المرقنا من السودان والظاهر قطع البحر وجا معانا...

بت الجيران ام تسعتاشر سنة دي فكرة مهضومة جدا ( ما تقولي كمان عندنا بت جيران بقاقة عدييل كده بس عطية يرخي القبضة شوية)


اكيد مودتي ،،،

الحبيبة عواطف.....مساء الود

أحب أن أشكرك علي مواضيعك الحيويّة...

الفروقات العمريّة بين الزوجين لا تشكل عائق كبير امام سعادتهما إذا كان الزواج قائما علي الحب والإحترام المتبادل بين الشريكين وليس المصالح

لدي صديقة عمرها 45 ومتزوجة من شاب في الثلاثين وهي سعيدة وراضية في حياتها وكذلك هو...ربما يكون ذلك في مفهومنا غريبا بعض الشيء لكن في الغرب مسألة العمر ليست مهمة...المهم ان يشعر كل طرف بالراحة والسعادة لوجود الآخر في حياته

مع معزتي

سحر

الحبيبة سحر !!!

مساء الفل ,,,

تسلميلي ويسلملي هذا الإسم الحلو ,, مشكلتنا يا سحر في السودان كبيرة جدا يعني حتى الزوجين اللي من

نفس العمر ينقصهما الكثير من التفاهم واللغة المشتركة لعدم مقدرة أحد الأطراف على فهم الحياة

الزوجية بمعناها الصحيح وهي الحب والتعبير عنه في كل وقت لأن المشاعر الصادقة هي وقود هذه الحياة

والمشاركة ,, فهناك حقوق وواجبات ,, لذلك أعتقد أن حالة نجاح الزواج الذي تفضلت بذكره تعتبر حالة

نادرة وربنا يديم المحبة بينهما وإذا كانت كل الزيجات كذلك سأكون أول المؤيدين ,, محبتي ,,

محارب !!!

معزتي ,,,

شكرا لأنك ألقيت سلاحك وتركت ساحة المعركة التي لا تغري بالمبارزة ,, بالله عليك لما تجي تودي قولة خير

لبت الجيران البقاقة دي أعزمنا عشان نمشي معاك وبعدين ولا يهمك حنعمل ليك كشف في سودانيز أون لاين

عشان لو قعدت ترجى لم افلوس حتكون ابن خمسين وبنت عشرين ,, مودتي ,,,

الأميرة عطوفه،،،

تسجيل متابعه ،،،

وهذة المعادلة في صعوبتها ولو أتيت بحلها تدوني بت عشرينة ولا خمسينية؟

مع الأحتفاظ( بأم قصي) أصول ثابته في الحالة الأولي أم قصي مابتقبل بيها

والحالة الثانية لو مقرشه بتفكر فيها لزوم تقليص لفترة الغربه وكده واصلي

حكي ونحن هنا نسمع ونطرب بدون زغاريد لبنت الخمسين والعشرينية تستاهل العديل

والزين . ،،،أبوقصي،،،

أبوقصي !!!

نهارك سعيد ,,, والشر منك بعيد ,,,

والله عندك جنس معادلات عجيبة هسة حيرتنا عايز أم خمسين ولا عشرين عشان نقدر نساعدك مع تحياتنا للأصول

الثابتة ,,

سلام عواطف
إنت شابكة الخمسين دي ليه؟؟ الخمسين دي الآن عز الشباب، سواء في الرجال أو النساء..
الناس الآن بتعمر حتى التسعين والمية.. بس طبعا السودان ممكن إكون استثناء زي ما هو استثناء في كل شيء آخر..
إما أنو الناس بتعجز وتتكرمش بسبب الجوع والشمس وكترة الولادة، أو أنهم بترهلوا وبيصابوا بأمراض القلب والسكر بسبب التخمة والسمنة وعدم الرياضة
أبوى ما شاء الله عمره الآن 94 سنة، وضغطه زي ضغط شاب في العشرينات، ولا سكر ولا أمراض قلب أو شرايين.. والحاجة أيضا ما شاء الله قريب الثمانين، وتمشي كل يوم مسافة طويلة لزيارة ابنتها في مكان بعيد عن سكنها
ومرة شاهدت في قناة أمريكية رجل عمره 92 سنة يتزحلق على الماء وراء زورق بخاري سريع، ويقلب الهوبة في الهواء
أما الفرق الكبير جدا في العمر، (زي تلاتين سنة) فهو فعلا ينبغي أن يكون استثناء وليس قاعدة، والقبول به يعود إلى أسباب وظروف استثنائية أو أمزجة خاصة، ولكل قاعدة شواذ..
أما زواج البنات السودانيات من رجال يكبرونهن بفارق كبير، فله أسباب تكرم بعض المتداخلين بذكرها.. منها عزوف الشبان القادرين على الزواج عن الزواج لأنهم يفضلون اللعب على البنات.. في أيام مايو جمعتني الصدفة بواحد من ناس الاتحاد الإشتراكي حكى نكتة كلبية cynical، قال واحد فوق سن الأربعين سأله واحد من أصحابه: يا فلان يا أخي إنت ليه ما عايز تعرس لسه؟ فرد متسائلا: لو عايز أعرس بكلفني كم؟ قال له صاحبه أربعين ألف جنيه. فقال الرجل الأربعيني: ياخي إذا كان أنا بأربعين جنيه كل يوم بلقى عروس جديدة، ليه أصرف أربعين ألف جنيه على واحدة؟؟ الإنجليز أو الغربيون أيضا لديهم قولة cynical مثل هذه وهي قولهم ?If you get the milk for free, why buying the cow طبعا كلتا القولتين فيهما ابتذال شديد لشأن المرأة والعلاقة بين الجنسين ولكنهما تعبران عن واقع.. ومن الأسباب التي ذكروها خبرة الرجل الكبير واستقراره عاطفيا وماليا إلخ
ويلاحظ الآن عموما أن نسبة البنات في التعليم العالي أصبحت أعلى بكثير من نسبة الأولاد.. والاولاد أكثر ميلا إلى عدم الجدية والتصرف بلا مسؤولية، وأكثر سطحية في كثير من الأحيان..
مؤسسة الزواج الآن عالميا تمر بمحنة عسيرة، وفي السودان تمر بمحنة أعسر بألف مرة.. ولذلك لا غرابة أن اتجهت الفتيات والفتيان إلى الزواج ممن هن/هم أكبر من/هن/هم سنا، بل وإقبال الفتيات السودانيات على الزواج من الأجانب وخصوصا الأوروبيين..
والحديث في هذا الباب يطول
إنني أحلم بسودان تستعيد فيه المرأة والرجل كرامتهما المهدرة الآن، وتعود إلى الحب والزواج قديستهما وكذلك إلى الأسرة في ضوء وعي جديد لدى الإنسان بقيمته وقدر نفسه، واهتدائه إلى أن أسباب السعادة الحقة العميقة الدائمة والمتنامية تتمثل في العلاقات المستقرة القائمة على التفاهم والفهم العميقين والواقعيين وقبول الآخر كما هو مع العمل معا وفق تنازلات متبادلة لتحسين العلاقة وتنميتها وتجديدها كلما شابها الملل، وإدراك أن أسباب السعادة في داخلنا وليست خارجنا والتماسها يكون دائما بانصراف النظر إلى الداخل لتنقيته وتجميله والتسامي به.، وألا يكون بناء العلاقات واستمرارها بسبب أي خوف أو ضغوط خارجية من العادات والتقاليد القديمة أو المجتمع الظالم..أو جريا وراء مظاهر المجتمع الاستهلاكي..
فإن مع العسر يسرا إن مع العسر يسرا
وبعد العتمة لابد أن يشرق الصباح
]/B]

بشارة الخير !!!

ربنا يبشرك بالخير ويديك طول العمر ,, يعني معنى كدة حنعيش تاني من أول جديد ونعيد الأفلام كلها ؟؟

الله يسعدك دة خبر حلو جدا عموما كلامك منطقي ورايع إذا استطعنا فعلا أن نعيد سيرة الحب الأولى ,,

الحب النقي الخالي من المصالح ,, شكرا جزيلا على مداخلتك الرائعة ,,,

الأخت العزيزة عواطف

الشفيفة ماجدة
سلام على روحيكما الجميلتين، وبعد

والله الموضوع ( موس) .. طبعاً موس دي زمان بيقولوها تعبير عن أي الشيء رهيب.. والموضوع رهيب لكن ربما يكون أحمد ده يتيم وإتحرم من حنان الأم.. ممكن مش كده؟! .. عقدة حرمان حمانا الله!! .. طيب ما كان يشوف واحدة خمسينية بس (سمبتيك) واللآ إمكن أمه كانت من نفس الحجم( زي نسوان أمدرمان القُدام المعلقات المحافظ في رقابم ويحلفن المحفظة دي إشتغلا شاعر ابراهيم عوض عبد الرحمن الريح!!).. المهم الزولة دي إمكن قال فيها شاعر الحقيبة: من تقل المرجرج زي خايض الوحل!!

طبعاً ما في أجمل من التقارب العمري والفكري والعاطفي وزي ما قال الغناي يمه نا وهجري عزي فوق رسولي شوفي لي زولاً قدري .. أقضي معاه عمري..) والسلام ختام

د. أبوبكر !!!

صباحك ورد ,,,

شكرا على المرور الأنيق وبعدين يا بعد عمري ظهرت مصطلحات جديدة كتيرة جدا يعني بدل موس بقوا يقولو

شرط و ما عارفة ليه كالعادة ,,عموما زي ما البنات المحرومات من الأب يرغبن في الزواج برجل في سن

ابيهم أعتقد إنو الأولاد كذلك وبيت شعرك دة بذكرني بقول الشاعر تمشي الهوينا كم يمشي الوجي الوحل

كأن مشيتها من بيت جارتها مر السحاب لا ريث ولا عجل ,, شكرا لك وللأخت العزيزة ماجدة ,,

الأخت عواطف
أشكرك ولكن أزيدك من الشعر بيت!!

عارفه يا عواطف إتذكرت ليك نصيحة قالتها حبوبتي زمان في أوصاف العروس (النكبة).. نكبة أنك إتزوجتها ونكسة إنك حتصابحا وتماسيها بقية العمر ، وهاكي الأوصاف :

1- الطول
2- البطول ( ضعيفة عود قصب)
3- الحشا المحشور ( الخصر /الضمير)
4- والعرقوب البضبح الزول!!!!

طبعاً إلا واحد إنطسّ في نظرو عشان يقع الوقعة دي!!

تحياتي

والله يا دكتور ضحكتني رغم إني زعلانة وحزينة من البوست بتاع منى خوجلي ,, يعني معنى كلامك دة الواحد

كل ما يشوف واحدة يعد يتفحصها من راسها لي عرقوبها والله دة حكاية طويلة يعني شروط حبوبتك دي صعبة

خلاص لو الواحد عايز يعرس السنة الجاية ينتظر عشرة سنة عشان يلم في الأوصاف دي ,, أها حبوبتك قالت

شنو عن العريس ( النكسة) أصلو نحنا حياتنا كلها بقت نكسات ونكبات ,, الله يجيب العواقب سليمة .

عطوفة الغالية
صباحك فال وصوت موال
عواطف الحقيقة المرة انه مافي حب بين بنت 20 وكهل 50 ولا العكس لكن في حب النفس والانانية وحب المال وده السبب الوحيد في الزواجات دي بت العشرين دايرة قروش رجل الخمسين وهو داير شبابها وحيويتها يعني تبادل مصالح ونفس الشيء مع رجل العشرين وبنت الخمسين لأنه فطرة الله انه القلب يرف للشخص المماثل في العمر أو المقارب إلا ما ندر
ولا ما كده ؟؟

شدوية !!!

لك مني كل الحب والود ,,,

إحنا قلنا كدة برضه ولكن ناس الرومانسيات قالو الحب لا يعترف بفارق السن ولا الفارق الطبقي

ولا الإجتماعي ,, يعني القلب وما يعشق ,,, تقولي شنو عاد حكم القوي ,,, شكرا يا غالية على

المرور ,,,

الأخت عواطف

نحياتي وعشان زعلانه من بوست منى أضحكك وأضحكها وإليك القصة الآتية

بعد ما عبد الناصر صادر أراضي الباشوات الإقطاعيين ، حالتم المادية بقت شلش ( أوعي تقولي شلش دي ما عارفاها) يعني فلسوا وعدموا المليم ‘ وكان لي واحد باشا إبن درس في سويسرا ويجيد أربعة لغات حية خليك من الميتة.. شاب وسيم وأنيق وحلو لسان .. أتخن بت واللآ مرة ما تخد في إيدو دقايق إلا وتقع في حبه.. يدخل عليها ويرص الغرام والهيام.
لما فلس والدو بفعلة التأميم ، فكّر في طريقة يكسب بيها وما كان منه إلا أن عبقريتو تقتقت عن فكرة مجنونة .. وهي أن يذهب إلى فندق مينا هاوس بجوار الهرم وينمر على سائحة أجنبية خمسينية أو
ستينية من رعايا الدول الغربية بشرط أن تكون ثرية .. ولديه جماعة في الفندق بيمدوه بالمعلومات طبعاً بعدين حينوبهم من الحب جانب ، يشرك للصيدة يتعرف عليها وبعد أن يكون قد أوقعها في شباكه بعد أن صدقت البكش ، هوب يتزوجا وشهر العسل في ميناء هاوس طبعاً كلو على حسابا لأنو حيحكي ليها الظلم الوقع من عبد الناصر ورعايا الدول الرأسمالية طبعاً ليهم موقف من عبد الناصر!!

المهم بعد الزواج بيومين تلاتة ، تتوفى الزوجة ويرثهاوب.. تكررت الزيجات بهذه النوع من السيدات المسنات وتكرر موتهن بنفس الطريقة تقرير الطبيب الشرعي يؤكد أن أسباب الموت ( سكتة قلبية) وهذا أمر طبيعي ، ليس هناك شبهة جنائية!!!

السفارات إشتغلت والأمن نشط لبحث الملابسات والوصول للحقيقة .. وكلهم إستسلموا ولكن هناك ضابط مباحث ذكي قرر أن يتتبع آخر زيجة من هذا النوع وطبعاً بدات بالهيام والغرام والزواج وشهر العسل في مينا هاوس!!
بعد يومين تلاتة حينما يمل ويعرف منها تفاصيل الأملاك والأموال تتكل ويورث ولكن هذه المرة حدثت المفاجأة وإنكشفت اللعبة
بينما كان العريس في لحظات حميمية بدا في تهميز العروس فتبدأ بالضحك المتواصل وهو يواصل التهميز حتى يتوقف القلب وتسلم الأمانة وهوب بلاغ وطب شرعي ثم يدفن المرحومة ويورثها!! عبقرينو!!

أخي الحبيب يوسف !!!

أمانة ما ضحكتني لدرجة القهقة داخل المكتب ,, يا خي الزول دة شفت بصورة ما عادية بس أنا عايزة

كمان واحدة تكون شفتة زيه وتجيب لينا خبر كم واحد من المليارديرات دول بتوع مجلات المشاهير وأغنى

أغنياء العالم ,, شكرا أبوبكر على بوستك اللطيف ,,,

حبيبتنا الأستاذة صاحبة المقام عطططوووفه،،،

أنت وين في معادلات جرسية عالية المستوي في بوست أخونا وحبيبنا،،،

معتز القريش ونحن واقفين في الصف !! بغاددددي وعملي لينا بوست،،،

(نيو) فية أعمااااااار علي كيفك (قصر وعمر زهور وورد)اللزيز في ،،،

بوستوا ما محدد عمر خاشين بسهمين أنا وقصي ولدي كيف بالله الفرق ده،،،

لا لامي سماء ولا واطه،،،

النااااااااس بقت عايزه تتفكفك والسلام!!

،،،أبوقصي،،،

أخونا العزيز ابو قصي !!!

مرورك الجميل له وقع خاص عندي خاصة لما أشوف صورة الحبيب الجميل قصي ربنا يحفظو عموما إذا ما شديت حيلك حيجي قصي بعد شوية وما حتقدر تنافس بعد كدة وبعدين بيني بينك بت معتز حلوة وأمورة وتستاهل ,,

الاخت عواطف سلامات,,

لك و لكل المستهجنين زواج المرأة الخمسينية من الرجل العشريني ..مارأيكم فى زواج الرسول (صلعم) فى سن الخامسة والعشرين من السيدة خديجة بنت خويلد و هي فى سن الخامسة و اربعين ؟؟

يللا و رونا رأيكم ؟؟؟

أوت كاست !!!

محبتي ,,,

أولا يا بعد عمري أيش جاب اللي جاب فقد قلت صلى الله عليه وسلم يبقى الأمر بعد كدة مختلف تماما ولا

يحتاج إلى رأي منا ,,, عموما شكرا على مرورك الكريم ,,

عواطف العزيزة,

ذهبت أقلب الصفحات الخلفية للبورد علنى أجد بعضا من خُط بأقلام جميلة كالذى تملكين , فالأيام

الأخيرة كانت مشحونة بضغوط الحياة والعمل و فاتناالكثير فيما يبدو ووجدت المعادلة الصعبة التى

أصبحت أكثر سهولة فى زمننا هذا !! فتذكرت رواية كنت قد قراتها مؤخرا وكان أسمها مأخوذ من القصة

الرئيسية فيها (ضجيج الجسد) للكاتبة هيفاء بيطار فوددت الإشارة و الربط بين هذا البوست و الآراء

التى تداخل بها الشباب هنا في معادلتكم الصعبة و ذالك الكتاب

الجميل!!

Quote: لا أظن إننى قرأت أعمالا لأديبة تصور بجرأة و صدق دخائل الأنثى العربية الآن كما قرأت فى أدب الروائية هيفاء بيطار ذاك الصوت الروائى القوى الذى ينبعث من اللاذقية ليبلغ شتى الآفاق, و يلمس الإنسان فى كل زمان و مكان لصدقه و جرأته و جماله جمال الغيطانى

مودتى وأحترامى

أيموووووووووووني !!!

محبتي ,,,

شكرا على مرورك الأنيق كالعادة والله يا أيمن افتقدتك في الأيام السابقة كثيرا عسى ما شر ! معزتي ,,,