وحم الحوامل حقيقة أم وهم !!!

جمعة مباركة يا أمة الأمجاد والله يحفظكم ويسعدكم !!!

أعذروني لمناقشة هذا الموضوع رغم خصوصيته لأن الهدف منه إستشارة أهل العلم والراي من أخصائي الطب

النفسي والبشري لمعرفة حقيقة هذه الظاهرة التي تحدث تغييرا بيولوجيا ونفسيا لبعض النساء ُأثناء

فترة الحمل بينما تمر بها الأخريات مرور الكرام لا طلبات غير منطقية ولا كراهية قاتلة للزوج المسكين

الذي لا يملك من أمره رشدا سوى الخضوع والإذعان لكل الطلبات مع تحمل ضغوط كثيرة أقلها أنه إنسان غير

مرغوب فيه ! لا يطاق ! وذو رائحة مزعجة تنزل الصقر من السماء !!

هناك سببان دفعاني لمناقشة هذا الموضوع , أولهما مبالغة بعض النساء السودانيات على وجه الخصوص

وبعض العربيات بصفة عامة في هذه الفترة واستغلالها أسوأ استغلال لادراكهن أن الزوج في هذه المرحلة

يكون رجلا مطيعا يستسلم لكل الأوامر ويلبي كل الطلبات حتى ولو كانت لبن الطير والغريب في الأمر أن

الحوامل في هذه الفترة تكون طلباتهن غير معقولة لدرجة كبيرة كطلب فاكهة معينة في غير موسمها أو

أكل أشياء غريبة وعجيبة مثل طين البحر أو طين الحيط وهي جمع حيطة لذلك يأتي المولود وهو متطين

ومتنيل بستين نيلة وقد برر البعض حاجة المرأة للكالسيوم هي التي تدفعها إلى أكل الطين رغم أن

الكالسيوم موجود في الصيدليات بكثرة وعلى قفا من يشيل .. قبل أن أنتقل للنقطة التانية عايزة أعرف

ليه الحامل بتكون بخيلة في الفترة دي و بتحب تاكل الحاجة اللي طلبتها لوحدها دون غيرها أتذكر أن

إبنة عمي كانت حامل وقالت مشتهية ملاح شرموط أبيض بكسرة وفعلا طبخت لوحدها الملاح بمزاج قام أخوي

جاء قال ليها الليلة لازم آكل معاك لكنها رفضت رفض بات ولما أصر كنوع من المكاواة قامت شالت الحلة

وألقت بها بي ملاحها بي فوق السور فغضب أخي وخرج ولم يعد لبيتها أبدا , حاجة غريبة مش كدة ؟

الحاجة التانية عندي صاحبات كتيرات أوربيات ما سمعت يوم واحدة فيهن وهي حامل قالت لزوجها أنا لا

أطيق رائحتك أو ما تجي جنبي أو مشتهية كافيار إيراني بينما صديقتي التي أدخلت زوجها مستشفى

الأمراض العصبية لما كانت حامل حيث فرجته نجوم الضهر بطالباتهاالعجيبة وغريبة كما منعته من

الإقتراب منها نهارا وليلا لأن رائحته مزعجة جدا بالنسبة لها كما منعت الشغالة من غسل ملابسه مع

ملابسها لذا قامت بتخيص يوم لملابسها ويوم آخر له المهم صاحبنا دة لمن ضاق بيه الحال قرر اللجوء

إلى بيوت أصدقائه طوال الليل وأطراف النهار وحينما يعود ويضرب جرس الباب تقوم زوجته ماشة على

الباب بعد أن تضع على أنفها منديل معطر بعطر خاص لا تستخدم غيره لأنها وحسب كلامها ريحة عادل

بالنسبة ليها أسوأ ريحة تشمها في حياتهايالك من مسكين يا عادل على نفسها جنت براقش !

الشيء المحير التاني لماذا تسلط الكراهية نحو الزوج فقط وليس نحو أي شخص آخر؟ الأمر الذي جعل بعضا

من الأزواج الذين لا يؤمنون بمسألة الوحم يخلقون العديد من المشاكل مع زوجاتهم وقد وصلت الأمور في

بعض الأحيان إلى طريق مسدود رغم أن هذه االحالة تنتهي بعد الولادة مباشرة .

هل تصدقوا ياجماعة إنو في أثرياء حمل مثل أثرياء الحرب تماما فقد تفتق ذهن أحد التجار في العاصمة

الأردنية عمان وافتتح محل خاص بأغراض الحوامل يعني تلقى عندو المعدوم في سوق الخرطوم حيث يأتي بكل

ما تشتهيه الحوامل في المواسم المختلفة ثم يقوم بتجفيفه أو تبريده لتكون في يد الحامل وقتما تشاء

وبأي ثمن لأن الزوج على استعداد أن يدفع عمره لكي تحل عن سماه , أيضا قام أحد التجار في المملكة

العربية بجمع كل ماتطلبه الحامل حتى طين البحر بعدأن وضعه في أكياس صغيرة على أحد الرفوف ليصبح

هو الآخر من أثرياء الحمل وليس الحرب ,, لكل هذه الأسباب عايزة أعرف ياجماعة الخير الوحم حقيقة أم

وهم وفتكم بعافية ,,,

لك الشكر استاذة عواطف
وفعلا موضوع حيوئ وحساس جدا وان اسميه الوهم وليس الوحم وبسؤال بسيط هل يوجد في غير الدول العربية والاسلامية يعني ما سمعنا بي امريكية بتتوحم ابدا
علي ما اعتقد انو دي وسيلة لكسب واستدرار عطف الزوج في هذه الايام بالذات وتنفيذ الطلبات الغربية علي حد قولك
تصوري واحدة قالت لي زوجها مشتهية لي دوم من البلد يعني دوم الشمالية وصاحبنا الحب كاتلو رسل وبسرعة علي اقرب طيارة وكانت السيد المحترم الدوم في حوذته وبكل الفرح جابو لزوجته وماكان الا ان امسكته وقالت احه احه ولم تاكله اذن المسالة مسالة اختبار فقط وليس عملية رغبة في الاكل
ختاما اعتقد انو دي ظاهرة لابد من دراستها واستشارة ذوي الراي فيها
ارجو ان لا اكون قد اطلت ولك الشكر مرة اخري

أخي الحبيب متوكل !!!

جمعة سعيدة ,,,

والله كلامك صاح ليه ما حصل شفنا أمريكية قالت عايزة قونقوليس ولا نبق من السودان مثلا ؟ شكرا على

مرورك الأنيق ,,

عطوووووووفة العسل مشتاقين كتير والمرة دي طولت الغيبة لكن زي ما قال المثل من طول الغيبات جاب الحمل والحقيقة في الأمر يا عواطف هي ظاهرة غريبة جداً , خاصة إبتعاد الزوجة عن زوجها لفترات طويلة
وإمتناعها عن بعض الوجبات وطلباتها الما عندها اول ولا أخر , في واحد صحبي حكي لي انو زوجته حذرته
ما يقرب منها إفتكر صاحبنا انو زوجته بتهظر معاهو لكن بعد شوية مسك اضانو ولقاها مقرومة والدم كابي منها , تخيلي الكلام ده كيف يا عطوووفة هو طبعاً ما قال لي زوجتي إسمها عواطف إدريس لكن أنا حسيت من كلامو كده , حلوة مش كده لكن دي قصة حقيقية . كما جرت العادة بترك المجال للمتداخلين .

هشومي !!!

حمعة مباركة ,,,

أمانة ما ضحكتني ,, صاحبك دة معرس واحدة ست و لا واحدة كلب ؟؟ أرجو التوضيح !!

سلام وتحيـة ..أخت عواطف ...

قبل أن يدلى الإختصاصى النفسى برأيه وأعتقد أنهم كثر هنا يا عواطف
نقول من منطلق المعايشة والمتابعة لهذه الظاهرة الغريبة ، أنهانتجت بعامل
التأثر، والتأثير المجتمعى الحريمى ، وأنها عادة غير صحية متوارثة
أكتسبت بفعل حكاوى النساء الخرافية وأنها جزء من عادات الحمل عند السودانية التى
تبالغ فيه الكثيرات منهن وخاصة فى ( البكارى من الأبناء ) الولادة الأولى ،
وربما كانت بداية لجذب إهتمام زوجها بها وتحقيق بعضا من المطالب .. وأنها تمر
بمتغيرات بيولوجية، والذى تفعله لابد منه هكذا تعتقد ..
وقد بدأت هذه الظاهرة لدى البسطاء الأميات من نسائنا الأوائل ( نسوان زمان )
رغم الكثير من خصالهم الحميدة تجاه الرجل إلا أن عامل الجهل جعل هذه الظاهرة
متوارثة ومعتقدة ، وأنها حالة نفسية ليس إلا .. وكل واحدة تخالف الأخرى فى رفضها
رفضها للأشياء وللممارسات المنزلية ...
أنا كزوج ، وغيرى من بعض أزواج الأهل لم نر أو نعيش هذه التجارب ، أو فالنقل
الظواهرالغريبة ، ويقال عند غير السودانيات لهم أيضا طبائعهن فى هذا المنحى ،
المهم الحديث يطول ولا أعتقد أنها من الحقيقة فى شيء ، غير أنها ظواهر نفسية
متغيرة بعامل النقل والتأثر .... شكرا ولك تحيـــــتى .....

محمد مختـــار جعفر ..

حمادة !!!

ودي ,,,

فعلا يلعب التأثر والتأثير دورا كبيرا في هذه الظاهرة إضافة إلى شعور الزوجة بأنها محل إهتمام

ورعاية يدفعها إلى المبالغة في كل شيْء حتى تنتهي الشهور التسعة بخيرها وشرها ,, شكرا محمد على

العبور ,,

عواطف ...
تحياتي بعد الجونو الما جانا الحمدلله
شخصيا وحقا انا حكاية الوحم دي بسمع عنها وبقرء عنها لكنني لم اري لها اعراض وطلبات خاصة في محيط اسرتي الممتدة .. اها الواحدة حامل ومتابعات مع الطبيب او زمانك لا متابعات ولاحاجة وولادة ( ومشاكل متعلقة بذلك وعمليات قيصرية لاسباب يعرفها الاطباء من ضيق في الحوض ..الخ) وكذلك زميلات عمل من اجناس مختلفة يشتغلن لحد يوم قبل الولادة واحيانا لنفس اليوم ...( ربما الاعراض دي بيتية يعني بتحصل بعد ما الزميلات يرجعن بيوتهن بالليل لكن ايام العمل التي تستمر من الصبح الي المغرب ما شايفيين حاجة من مسلسل الوحم )...الغريبة قبل كام يوم بنية صغيرونة ليها كام شهر متزوجة ( اصلو اية واحد او واحدة انا حضرت ميلاده/ا اوشفته/اصغيرون او صغيرونة ) لم الاحظ علي انها حامل لا شكلا ولا تصرفا وسمعت انها دافقت من كترة الشغل وتاني يوم شفتها حايمة ...برضها سودانية ...
الحكاية شنو .. هل قصص الوحم البنسمع بيها عندها حالات وناس غير ناس وليه يعني واحدة تكون روحا في "المشمش" في الصيف يعني؟؟ مالو الدوم ؟ طيب ما الباوقة مليانة فواكه - حسب تاريخي القديم - ما كانت تخزن شوية في الديب فريزر ( دي ما كماليات في الزمن الاغبر دة او تحت الزير )..؟ وبس ليه ريحة البعل ما بتتقابل ( وانا عارف بعول ما بيهتمو بالناحية دي والواحد من زمن الفزليين) لكن اليوميين دييل ناس رزان وجورج قرداحي عندهم بيرفيوم باسمهم والغزايز مفروشة في الارض وزمانك كان عندنا كافن كافن زمن خير دارفور -كانت مليانة فواكه(جنينة عم محمد وفواكه في نرتتي وقلول ما تدييك الدرب) واشيا فرنسية تجي من شاد "عيني حوصت في سوق جنب "كاس" في اول السبعينات وانا طالب وكان اول مرة اشوف "سوق حرة" في الفسحة زي البنشوفو في مطارات كبيرة اليوميين دييل .. زمن ملعون وناس ملاعيين خربوها انشاء الله يجيهم-الخربو دارفور وبلدنا كلها- وحم يخليهم يتمنو اكلة التراب ...
المهم الوحم دة وهم حسبناهو حقيقة ام اعراض فسيولوجية وتغيير في الهورمونات في فترة محددة لوجود جسم -الجنيين- في الرحم استغلته بعض النساء لاغراض اخري ...وعموما البعولة لازم يهتمو بريحه جسمهمهم في كل الظروف ولازم كمان شوية اهتمام بالزوجة الحامل ومافي داعي للعزايم و طلبات العشا اخر الليل او الصرمحة براهم بحجة انها حامل .. يالحجل بالرجل يا يتخمد يقعد في البيت ..ما الجنا الفي بطونا شراكة واهو ربنا ريحوا من الحمل والوحم والولادة فلازم كمان يؤدي نصيبو في الشراكة بصورة اخري انسانية لا تجعل الزوجة تضطر الي ان تقفل نخرتا بمندييل لما يدخل البيت ..مفهوم ؟؟؟

Quote: أمانة ما ضحكتني ,, صاحبك دة معرس واحدة ست و لا واحدة كلب ؟؟ أرجو التوضيح !!

عطوفة صاحبي زمان كان معرس غزالة لكن هسع معرس بقرة وبقرون كمان , الله يستر ما يقوم يسمعني !! يكون

معرس ليهو تور بعد حكاية القرون دي !!

هشومي !!!

كل النسوان قبل الزواج غزلان وبعد الزواج لافاش كيري ( البقرة الضاحكة) ,,,

أبو البنات ياأبو دم شربات !!!

معزتي ,,,

والله لم تقل سوى الحقيقة ,, يعني أزواج بناتك حيمشوا في العجين ما يلخبطوه والبيض وما يكسروه

تعجبني بلحليل يا جمل الشيل لا عدمناك ,, شكرا على المداخلة ,,,

عواطف اختي
تحياتي

غايتو زوجتي ما عاشت التجربة
لكن اذكر ان مرت جيرانا اتوحمت علي موية زبالة
زوجها احضر لها ما ارادت
وجييييييت قومي يا المره اشربي الحلة كلها

جنس محن

مودتي

خلودي !!!

عاد محن السواد والرماد دي المفروض تكون مشت طوالي الحوادث بعد حلة الزبالة دي كويس إنها ما قالت

عايزة تتغدى بأسمنت وتتعشى بي بوهية بوماستك ,, يبدو عليها إنسانة بلدي خالص كان تقول عايزة موية

سراميك ولا جبس أو أي حاجة راقية آل زبالة آل !!!

عواطف سلامات
الوحم والوهم! فى هذه المقالة محاولة لتوضيح الموضوع من ناحية طبية. وهنالك توضيحات اخرى من ناحية ثقافية و انثروبولوجية سوف اترجمها اذا توفر لى وقت
_________

What pregnant women crave
If you guessed pickles and ice cream, you're only half right!





What do pregnant women crave? A survey on our sister site in America showed that if today's dear husband were rushing out to the shops to satisfy his pregnant wife's middle-of-the-night urges, he'd probably bring back ice cream - without the pickles. When women were asked what they longed to eat while pregnant, most of them (almost 40 per cent) said 'something sweet'. Slightly fewer (33 per cent) opted for salty snacks. Fans of spicy food came in third (17 per cent). Trailing behind (at 10 per cent) were those who craved citrus fruit, green apples and other lip-puckering tart or sour foods.

Pickled onions, anyone?

The yearning for a particular type of food is an undeniable part of carrying a baby; about 85 per cent of women report at least one food craving during pregnancy. And not all of these cravings can be neatly catalogued -- or stomached. American readers confessed to wanting pickles wrapped in cheese, salsa spooned straight out of the jar and yes, even steak fat. And where in the spectrum of sweet, salty, spicy, and sour does one woman's passion for black olives on Sara Lee cheesecake lie? One user told us she ate a steady diet of pickled onions, which she can't bear the sight of, now that her baby's arrived. Aubergine, particularly on pizza, was another reader's obsession.

Many of these cravings seem to come out of nowhere, with a ferocity that is overpowering. "Over the entire ninth month period," one new mum said, "I had a real, all-out craving for peaches. I couldn't get enough of them, up to five pounds a day!"

Where do cravings come from? The extreme hormonal changes women go through during pregnancy can have a powerful impact on taste and smell. (This would help explain why women going through menopause can also experience strong food cravings and aversions.) But the bottom line is that no one really knows for sure. Some experts are sceptical that food cravings can be attributed simply to hormones.

What could a longing for cigarette butts mean?

As to what a particular craving signifies, the answer depends on whom you ask. Some nutritionists and healthcare practitioners believe that certain cravings may be meaningful. For example, cravings for ice and bizarre substances such as laundry starch and cigarette butts have been linked to an iron deficiency (even though none of these items contain significant amounts of iron). In fact, a number of US readers reported consuming large quantities of ice during their pregnancies, a craving they had never had before.

Some alternative medicine practitioners believe that a craving for chocolate may be triggered by a shortage of B vitamins. Some women may need more essential fatty acids in their diet; when they start taking flax oil, their food cravings disappear. Similarly, a craving for red meat seems like a transparent cry for protein. And the reader who consumed great quantities of peaches may have been responding to her body's need for beta carotene.

Still, the link between what your body needs and what you crave seems weak. If it were strong we would all be craving broccoli and fresh fruit, rather than the chocolate and crisps most of us desire occasionally.

عدوووولي !!!

سلامات ,,,

يعني حتى الأمريكيات في الهم شرق ؟ أما حكاية عجيبة !!! لكن ليه هن عايزات آيسكريم وفواكه ونحنا

عايزين طين ؟؟ لكن ما جوعتني يا عادل لامن قربت أقطع رجل الجدادة شكرا عدولي ربنا يحفظك ,,,

عواطف الرائعة سلامات كتار
طبعا نحنا ماجربنا انو الواحد زوجتو تكون حامل
ويمر بالمنعطفات دي اثناء الحمل
ولكن اعتقد انها مسألة نفسية او اختلاف في
التركيبة الفيزيولوجية من شخص لاخر انا بعرف
انو في حبوب بيوصفوها الاطباء للمرحلة دي
ولكن مرت علي حالة زي دي عند بنت عمي ولاحظتها
عندما دخلت الغرفة هي خرجت مسرعة وبعض الناس
فسروا المسألة دي بانها مردود نفسي للمراءة
بان الرجل هو السبب في ماتشعر به من متغيرات
لذلك في تلك المرحلة تصبح لاتطيقه والله اعلم


تحياتي

حافظ يا ود العشا !!!

تسلم يا الحبيب .

عندي سؤال هل أنت من أمدرمان ؟ وهل أنت شقيق سعدية والمرحومة نجاة العشا أم من نفس العائلة ؟؟

عشان في شبه شديد,, عموماشكرا يا بعد عمري على المرور وتسلم إنشاء الله من كل بلا ,,

ياعطوفة
انا ما من امدرمان لي اقارب من امدرمان
ولكن من جهة الوالدة
ولكن انا من الجزيرة
ومن قرية اسمها القلقالة
ريفي الكاملين
وناس امدرمان ديل اسم مشابه بس


شكرا ياغالية

ياعواطف وهاشم

Quote: كل النسوان قبل الزواج غزلان وبعد الزواج لافاش كيري ( البقرة الضاحكة) ,,,

البحب جد جد وحتي الاتزوج بطريقة تقليدية ونمت المودة وصارت اكثر من الحب يري زوجته دائما كما راءها اول مرة.. اشكال واحجام الرجال كذلك تتغير والكرش ينتفخ - من غير حمل -يعني ما عرض وقتي زي الحمل- والسنون تتكسر وووووو وبرضو هي ما بتقول حاجة ...المشكلة انو احنا الرجال بطرانيين وبنفتكر اهتمام زوجاتنا بينا ضعف وانهن المفروض دايما وتحت اي ظرف يهتمن بينا ونحن لا ( زي البيقول "والله ما انا شغال وتعبان في الشغل "وووو حجج واهية ) اهتمام الرجل بالمراة يجب ان يتجاوز المحسوسات الي الروح وهذا امر مهم ينعكس علي الابناء والبنات ...

صدقت يا أبوبكر الزواج مودة ورحمة ومحبة مهما تغير الشكل لكن أنا كنت بمزح مع هاشم فقط ,, لأني

برضو من نفس النسوان البتزوجو ووزنهن 50 كيلو و بعد سنة ببقوا مية كان عجبكم !!!

لووووووول عطوفه طرينا الشر لي بعدو يا بت امي
عاد اقيفوا لي هناك واسالوا مجرب ما تسالوا طبيب
اولا الحمل الاول بعيد عنكم اشم ريحه البصل المقلي عزف منفرد طوالي استمر الوضع دا ل 5 شهور.
الثاني كرهت ليكم ريحه اسمها شانيل 5 ولي تاريخ اليوم تاني ما اشتريتها وعشان زول من ناس البيت ما يتعطر بيها ويقرفني جدعتها في الادبخانه بي صمتها .
بعدين كنا ساكنيين في بلدا طيرها عجمي وعندي حرقان نار الله الموقوده تعبت تعب بس بقيت متل الدلقان ونفسي في ملاح ورق وكسره لقمه اي نصيبه من لغاويسنا المهم كلمت اهلي طبعا اختي رسلت لي الويكه والدقيق والعجين المخمر ومنشف وبذور ملوخيه لكين رسلوهم لي علي المانيا المهم واحد صاحبنا استلمهم ورسلهم لينا بالبحر لووووووووووول وصلوا بعد ولدت
. المهم وانا في تعبي وشلهتي ديك ووحمي علي المفروك يوم في السوق لاقيت لي بت افريقيه طوالي جريت عليها حق الله بق الله انت من وين اها قالت لي من يوغندا وسالتها كيف مع عدم الخضروات بتاعتنا في البلد دي ؟؟
قالت لي: ما عندهم شئ غير االتارو وجوز الهند والموز لكين انا زارعه الورق والقرع والباميه .
بس من قالت لي الورق حيلي ما شالني قلت ليها روحي في ورق قالت لي جدا تعالي معاي طوالي مشيت معاها جبت ليكم داك يا الورق والباميه الخضراء المطر هناك ليل نهار ما في ويكه مجففه واشتريت دقيق الذره الشامي سوطت العصيده واكلت لما عرقت حتي ارتحت نفسيا .
المهم انا اول من ادخل بذور الملوخيه لهذه الجزيره ما بعرفهم عرفوا ليها بصاره ولا يعتبروها حشائش طفيليه

حبيتي دوما يا فتيل المايقوما !!!

والله وحمك عينة الغريبة أنا أصلي ما كرهت حاجة ولا حد سبحان الله عشان كدة بتساءل عموما ملاح الورق

بتاعك خلاني أشعر بالجوع رغم أن الدنيا صباح ,,, شكرا ست الحبايب على الطلة الجميلة دي وربنا

يسعدك ,,

Quote: والله وحمك عينة الغريبة أنا أصلي ما كرهت حاجة ولا حد سبحان الله عشان كدة بتساءل

عطوفه الماكنتوش في رفوفها
والله انت محظوظه انا لو كنت مثلك كان ولدتهم 12 .غالبا بفتكر انها اختلال الهرمونات لاني كنت حساسه للروائح .والحرقان دا كرهني حياتي مرات لما ابكي منه تخيلي كانه في زول مولع نار وبنفخ فيها ليل نهار .
العامل النفسي في حالتي ما اظن لانه زوحي من النوع الببالغ في درجه ا هتمامه

Quote: المهم انا اول من ادخل بذور الملوخيه لهذه الجزيره ما بعرفهم عرفوا ليها بصاره ولا يعتبروها حشائش طفيليه

وانتي دومة اول من ادخل "الفسيخ والتركيين" في بلاد الامبراطور منق وذلك باجراء تعدييلات علي عجيين بحري معلب ...

Quote: وانتي دومة اول من ادخل "الفسيخ والتركيين" في بلاد الامبراطور منق وذلك باجراء تعدييلات علي عجيين بحري معلب ...

لوووووول ابوبكر صحيح الحاجه ام الاختراع من امثالنا ما يتحير الا مغير ( المغير دا يعني المبدل والمبدل دا الزول لما كان صغير امه ما حرستو عند المغارب جوا الشواطين بدلوه لوووووول شفت ميف يا سيدي } اي زول مشتهي فسيخ وعايز الوصفه يراسلنا . وكمان عندي سؤال تاني يا ابو بكر لو بتعرف زول من ابوطبي باسم فاضل علي السيد صيدلي من اهل بري ( دكتور الزين النحاس خاله ) عايز تمره تلفونهم والله .
اسفين يا عطوفه علي الخرمجه ممكن يكون البوست التالي بعنوان الخرف والمخرفين ونستلم البوست

دوما !!!

لا داعي للإعتذار ,, يحق لك ما لا يحق لغيرك ,,

امريكا حولت صناعات كتيرة اوف شوور الي الصين وكسبت البلايين و اهو السودان حول صناعة اساسية (فسيخ ماركة دومة) اوفشوور الي الصين ومنتظريين الدولارات يمكن تحل المشاكل الاقتصادية السودانية

بخصوص الصيدلي سابدء البحث من الان والاتصال بالاصحاب في ابوظبي وساتيك باليقين انشاء الله

خلاس

الغالية أم مجاهد
كلو كوم
وطين البحر
وطين الحيط كوم
وموية الزيالة كوم تاني









بجي تاني

جوجو !!!

محبتي ,,,

غايتو بتاعة موية الزبالة دي تكون لحقت أمات طه !!!

أساسي !!!

محبتي ,,,

والله سيناريو زي سيناريوهات الفاتح يوسف جبرا لكن ما عندي تعليق غير أقول ليك إنت أريتك يا يمة

عريس البنيات لي حدهن دة كان واحد تاني كان طير الشكلة ووقف الحارة على رجل واحدة ,,

فول ؟؟

آآآآي فول ما سامعني ولا شنو ؟؟

سامعك طبعا !!

طيب وقت سامع بتسأل مالك ؟؟

عايز أتأكد إنك نصيحة ولا مجنونة ؟؟ وتبتدي الشكلة الماخمج ولمن يعرف إنها رمت الريحة أم 260 ريال

يقوم جاري فللي على سودانير والتذكرة جاهزة وأمشي لناس أمك يعملو ليك فول بالزيت ,, شكرا أساسي

على مرورك اللطيف ,,

لووووووول اساسي هرشوك ولا شنو ؟؟؟
تاني ما تجيب مويه الفول بالزيت .

عواطف

كيف حالك وازيك

مرتي بدت الوحم (الوهم) في الخرطوم قالت لي نفسي في
الكومثري الهشّة الكنت قاعد تجيبها من العثيم ديك وبرضو الكيوي!!!!!!

جينا تمينا ال(وهم) في الرياض واول ما جينا قالت نفسها في لالوب وتراب (رقيطة).

اشتريت لي سوط (عنج) علقتو في الصالة .. وقلت لي عثمان ولدي كان راجل قول لي داير
حاجة من السودان !!!!!!

وحاتك بقت تلهط أي حاجة من ملاح (الكول) لغاية (الملوحة) بي هناك وشوفي في النص في شنو؟

ود الجمري !!!

حبابك عشرة ,,,

وينك يا ريال ليك وحشة ,,, يعني أم أولادك دي ماشة في الإتجاه المعاكس فيصل القاسم خالها ولا شنو؟

لمن تكون في السودان تقول عايزة كمثرى ولمن تجي المملكة تقول عايزة لالوب هي المسائل يبدو لي إنها

مجرد طلبات تعجيزية ,, بالله رسل لي نسخة من سوط العنج عندي ناس زعلانة منهم في الشغل ,,,

والله ياعطووووووووفه

دي نقله عمر تسع شهور مشكوره علي الموضوع ويجب معالجته

عشان الغلبانين الرجال ديل وأنا واحد منهم لو حصل معاي كده

طوالي بنتقل الي القناة التانيه ولوعرفت بطير ليها الوهم ده

من رأسه ما كفاية زيادة البامبرز ومصاريف الولاده كمان عليهم

وحمه وهمه البتقول ليك ماجاب لي تفاحه طلعت في رجلي ولا بطني

الحمدلله جماعتي ما عندهم الوهمات دي ولا وحمات وفحمات الأستارتر

بدور من غير فحمات والله الوهم دي شغلة كوامر زمان معقولة في القرن

ده في زي ده مابصدق أمال الحناكيش بيتوحموا بشنو ؟ لا شافوا لالوب

ولا دوم ، بالله لو كان في واحده أتوحمة بسفره الي روما أوباريس ولالندن

مش الحكاية كانت بتكون شوية تغير وتحسينات في الأنسال ولا شنو ياعلما

النفس طبعا الحكاية ما في أمراض عضوية عشان يفتوا ناس النساء والتوليد

والله لو النسوان سمعوا بفك التسجيلات أثناء الوهم ما حيكون في وهم تاني بالمره

ودي تجربة زول صاحبنا ورده لينا من زمن ودائما ما بنقول ليهم كده ومن جنسيات

غير وبعد داك تلاقي الحب في الوهم مش ماتقربني ولا ماعارف الرئحه دي من وين

نسوان ماتجي إلا بنسوان تانين لا بيتوحموا ولا بتحاوموا ذي ناس فلانه ديك ناس

رايقه وماعندهم اي أوهام ولا حاجه يدوك حنان من عالم تاني وحتي الولاده غير

ولا نفاس ولا يحزنون الواحده زي القائمه من النوم لكن ناس الوهم نفاسم زمن يكون

الكون أتغير ولحق أمات طه تقولي لي وحم ووهم يانااااس الحمل بعد شوية حيبقي

بالإيميل والولادة عبر الإنترنت تقولي لي وهم حقوا نواكب العالم المتسارع ده عشان

نعيش ولا شنو؟

،،،أبوقصي،،،

أبوقصي !!!

والله حكاية الحمل بالإيميل والولادة بالماسنجر دي حكاية رايعة جدا وممكن تؤدي إلى اختصار مراسم

الزواج وتفوت على النسوان حكاية موية الزبالة وملاح الثلج بالبامية في ألمانيا ,, يجب تعميم

الفكرة ,, تسلم يالحبيب ,,

حقيقى

نتيجة للتغيرات الفسيولوجية الهائلة في داخل الجسم ( خاصة في الحمل الاول)
وبالتالي تظهر له اثار نفسية
وما بفرز
ابيض او اسود
خواجية والا شايقية
صينية ولا جنوب افريقية
حتى الامريكيات الراسماليات والروسيات الشيوعيات بتوحمن
وممكن يكون ( صامت) في بعض النساء لكن موجود
وبالمناسبة يا عواطف البقر بتوحم اها رايك شنو
مودتي

حمودي !!

شكرا على المرور وعلى التوضيح كنا فاكرين الوحم نوع من الوهم ,, بس البقر بتوحمو على شنو ؟ برسيم

ولا علف ؟؟

Quote: المهم الوحم دة وهم حسبناهو حقيقة ام اعراض فسيولوجية وتغيير في الهورمونات في فترة محددة لوجود جسم -الجنيين- في الرحم استغلته بعض النساء لاغراض اخري ...وعموما البعولة لازم يهتمو بريحه جسمهمهم في كل الظروف ولازم كمان شوية اهتمام بالزوجة الحامل ومافي داعي للعزايم و طلبات العشا اخر الليل او الصرمحة براهم بحجة انها حامل .. يالحجل بالرجل يا يتخمد يقعد في البيت ..ما الجنا الفي بطونا شراكة واهو ربنا ريحوا من الحمل والوحم والولادة فلازم كمان يؤدي نصيبو في الشراكة بصورة اخري انسانية لا تجعل الزوجة تضطر الي ان تقفل نخرتا بمندييل لما يدخل البيت ..مفهوم ؟؟؟

عواطف ياصاحبة..

خلينى امسك فى الكلام ده لحدى ما اجى راجعة بروقه لانو عندى كلام كتير عاوزه اقوله مابيختلف كتير من كلام استاذنا ابوبكر فى المحتوى..


لحدى مافضى كونى بخير ياصاحبتى

شوشو !!!

محبتي ,,,

ما تتأخري علينا في إنتظارك ,, مرورك ربنا يسعدنا ,,,

اسكتى يا عواطف ما تذكرينى بالايام العصيبة ديك
يادوب شميت نفسى ، غايتو جنس حالة وبالذات لو عرسان
جداد وقامت العروس حملت طوالى فى شهر البصـل

العجيبة كمان تلقى لما الواحدة يكون عندها كـضـمـة فى جـضـومـا بالاســود
تقول ليك زمان امى اتوحمت ليها على تفاحة ولما ما جابوها ليها
طلعت لي فى جـضـمى ( تقصد الكضمة )

وحم قاتل

الأخت العزيزة عواطف

سلام و تحية

إليك بهذا البحث الموسع عن الوحم منقولا من موقع ناصح للأسرة .


لعل الناظر إلى ظاهرة وحم النساء والمتأمل فيها ليجد من العجائب ما يصعب تصديقه, إذا ما تم إستثناء المعطيات العلمية والتفسيرات النفسية , التي قد يسهل معها استصاغت المسألة , فمن المؤكد أنه لم يسلم بيت إلا وعاش الظاهرة عن قرب بكل سلبياتها و إيجابياتها , ومن المؤكد أيضا أ ن خروج الجنين إلى حيز الجود ينسي الوالدين كل متاعبه السابقة .




لن آكل إلا ما أشتهي :



ما إن تكتمل فرحة الزوج بخبر الأبوة حتى تبدأ مشاكل لا حصر لها مع زوجته بسبب ما يسمى بالوحم الذي تختلف صعوبته بين أنثى وأخرى , دون استحضار مسألة الوراثة في الأمر , فكم من بنت عانت من الوحم عكس أمها , والعكس أيضا صحيح .



كما أن الوحم لم يقتصر على أقطار دون أخرى بل هو ظاهرة عالمية , فقد أثبتت دراسة بريطانية أجريت حديثا على مائتي امرأة حامل- كما جاء في موقع عرب ناو - غرابة الأطعمة التي تشتهيها الحوامل لتشمل أحيانا مواد غير قابلة للأكل مثل أحذية رياضية وعيدان ثقاب محروقة .

و الجدير بالذكرأن الحامل لا تعلم نوع الاطعمة المسموح بها والتي لا تشكل خطورة على صحتها وصحة الجنين .

لذا تنصح أخصائية في التغذية عند الحوامل إلى ضرورة إستشارة الحامل للطبيب أو القابلة في نوعية الأطعمة الواجب تناولها .



كما أنه حتى الآن لا يعرف سبب ظاهرة الوحم بشكل قطعي ومدقق , إلا أن إحدى النظريات تقول ( إن الجسم البشري يعي المواد الغذائية التي يفتقدها فيعمد إلى تحريك شهية الشخص حسب ذلك فتزداد بذك شهية الحامل حسب تزايد الحاجة لنمو الجنين ) .



فمن المحتمل أن التغيرات الهرمونية المصاحبة للوحم والتي يرافقها تغير تؤدي إلى إثارة شهية المرأة الحامل للمأكولات الغريبة , وأضافت شنكر - أخصائية في المجال - أن الحامل قد تشتهي هذه الأطعمة الغريبة لأن رائحتها قد تثير فيها ذكريات سعيدة كما أنها تتجنب الطعام الذي تثير رائحته فيها ذكريات حزينة .



فالشهية ليست قرينة المذاق , وهو ما تبناه مجموعة من الباحثين , فحاسة الشم إذن تتغير بسبب التغيرات الهرمونية على عكس الأشخاص العاديين .



ويعتقد بعض العلماء أن الوحم ينتج من حساسية لهرمونات الحمل خاصة الكوريونات المشيمية أو تأثير هرمونات الحمل على مراكز القيء في المخ أو إثر العوامل النفسية المصاحبة للحمل خاصة إذا كانت المعدة فارغة , كما قد ينتج عن نقص بعض الفيتامينات(ب1ب2ب12) .



الوحم من الناحية النفسية والعضوية :



يرتبط الوحم بحالة الحامل من الناحية النفسية , ليتمظهر عبر مظاهر تتجلى في كرهها لروائح أو أطعمة أو رؤية أشياء معينة كانت تحبها من قبل , كما أنها قد تشتهي شم أو رؤية أو تناول أصناف أخرى كانت تكرهها من قبل , وبذلك فقد تحدث تغيرات على حاسة الشم و النظر و الذوق , وكثيرا ما تنتظر المرأة القيء كعلامة على الحمل فيطغى خصوصا في الصباح وفي الأسابيع الأولى ويستمر إلى الأشهر الأخيرة في بعض الحالات الخاصة , مما يجعل الأناس الطبيعيين يلاحظون فرط حساسية الحامل .



وقد نشر في موقع الوطن تفسير للظاهرة من ناحية الطب النفسي على أنها حالة تنتاب بعض السيدات ويصبح لديهن الرغبة الملحة والقسرية في الشهر الاول من الحمل بتناول بعض المواد الغريبة التي ليس لها قيمة غذائية على الإطلاق بل على العكس فقد تنعدم منها الفائدة وتعود بالضرر على صحة الام والجنين .



وقد يكون الدافع هو تدمير الذات أو الإنتقام من الذات أو ممن حولها , وقد يكون صورة من صور الاكتئاب النفسي أو الرغبة في لفت نظر الزوج المشغول عنها دائما للاهتمام بها أو للهروب من الأمومة بكل تبعاتها وذلك بالتخلص بطريقة لا شعورية من الجنين أو رغبة في حرمان الزوج من الأبوة المرتقبة وقد يكون هذا التصرف أحد صور العقاب النفسي إذا كان الحمل مرتبطا بالشعور بالذنب .

ويعود ذلك للتربية و النشأة المتزمتة غير الواعية حينما يرتبط الجنس بالإثم والمعصية لدى بعض النساء , فيظل هذا الاحساس كامنا في عقلها الباطن وعند ظهور أعراض الحمل تشعر المرأة بالإكتئاب النفسي الشديد وتندفع لا شعوريا لإلتهام هذه المواد الغريبة والضارة وقد يصاحب ذلك شعور داخلي بكره الزوج وعدم الاكتراث بمطالبه .



وقد تشتم منه روائح لا تتحملها مما يتسبب في كرهه وتسجيله ضمن القائمة , لذا يجب ان تتم متابعة حمل مثل هؤلاء السيدات برعاية الطبيب النفسي وطبيب الولادة لكي يستمر الحمل طبيعيا وتتم الولادة بسلامة .


إلا أن البعض يفسر الظاهرة على أنها ترجمة للمواد و المعادن التي ينتقصها جسم الحامل , بفعل أن البعض تبقى لديهم الشهية لتلك الأصناف التي كانت تشتهيها أيام الحمل لكن بشهية أقل مما سبق , وبذك فهم ينفون العامل النفسي ويحلون محله العمل العضوي المحض دون أن يطرحوا على أنفسهم السؤال التالي :



ما هي نوعية المعادن التي قد تحتاجها المرأة من أكل أكياس البلاستيك ؟


الأضرار الناجمة عن بعض الأطعمة :



كثيرا ما تندفع الحامل لتناول أطعمة ينفر منها الذوق العادي , مثالا لا حصرا :

( الفحم ، الطين الأبيض ، الصابون ، الطباشير ) , إلا أن تناول هذه المواد قد يؤدي الى مضاعفات مرضية تؤدي حتما الى التهابات معوية وعسر هضم مزمن مع احتمال الاصابة ببعض الطفيليات كالدوسنتاريا ودودة الاسكاريس بسبب تناول الطين , اما تناول قصاصات الورق فقد يتسبب في التسمم بالرصاص وفقر الدم وتشوهات الجنين كما ذكر أيضا في نفس الموقع أن تناول بعض السيدات للطباشير او جير الحائط او قشر البيض يؤدي الى حدوث التهابات بالأغشية المبطنة للمعدة , كذلك اكل الصابون يؤدي الى إسهال مزمن وما يشبه الحروق الكيمائية بالفم والمعدة .



أما السيدات اللواتي يتوحمن بطريقة الشم فهذا يؤدي الى إصابتهن بنوبات ربو و يؤكد أحد الاطباء أن ظاهرة الوحم في طريقها للزوال نظرا للوعي الطبي الذي وصلت اليه المرأة العربية واهتمامها بالعديد من امور الحياة اليومية , مشيرا الى ان برامج متابعة الحمل الشامل بما يحتويه من محاضرات وتوعية للسيدات مرورا بمراحل الوحم من الولادة اعطى المرأة بعداً أكبر في كيفية التعامل مع كل الظواهر بما فيها الوحم .



وعادة ما تكون الاورام الدموية التي تصيب الجنين لا علاقة لها بما حرمت منه الام اثناء الحمل , كما تعتقد الكثيرات , حيث تعتقد الام ان الورم الذي يظهر على جسم المولود بسبب عدم تناولها الفراولة او التوت الذي اشتهته في اشهر الحمل وهذا لا يوجد فيه دليل , على ان اشهر الوحمات هي :



::: وحمة الفراولة :::

وتعرف طبيا بالورم الدموي وهي عبارة عن اوعية دموية تكونت بشكل عشوائي على اي جزء من الجسم .



::: وحمة ابو فروة :::

وتعرف طبيا بالوحمة المصطبقة المشعرة وتظهر على الجسم منذ الولادة بمنطقة اسفل الظهر وتنمو مع نمو الطفل وقد تخفي هذه الوحمة تشوها في العمود الفقري .



::: وحمة العنب :::

والمعروفة طبيا بالورم الليفي العصبي تظهر عادة في الوجه وهي طرية .



::: وحمة الشبري :::

وتعرف طبيا بورم الخلايا البدنية .



- اضافة الى وحمة الزبيب والتوت والكرز والشعرية ...... -



سبل التجاوز :



سنحاول تقديم بعض النصائح للحوامل اللواتي يعانين من الصعوبات المذكورة سابقا من خلال ما قاله الدكتور - عبد العزيز بن محمد العثمان - د. بكلية العلوم الطبية التطبيقية ( يمكن علاج الوحم بسهولة وأول وسائل العلاج وأهمها تجنب التفكير الدائم أو توقع الوحم فإن نجحت المرأة في ذلك فإنها ستشعر بتحسن في اليوم التالي ولكن ستبقى بعض الأعراض ) .



وللتقليل من مشكلة الوحم إليك بعض الخطوات العملية :



1 - تناول وجبة خفيفة في الصباح . و يفضل بعض النساء أن تتناولها قبل نهوضها من الفراش ، و أنصح بتناول قطعة خبز جاف و عليها قليل من المربى أو العسل ففي العسل فوائد كثيرة للحامل بصفة عامة و لمن تعاني من الوحم بصفة خاصة ، وفيه فائدة للجنين ويساعد على التقليل من الإمساك الذي يحدث للكثيرات ، كما أنه مهدئ للأعصاب ويساعد على النوم ، كما يمكن الاستعاضة عن الخبز بالبسكويت الجاف أو الفاكهة غير الحامضية .

واذا استيقظت أثناء الليل فيمكن تناول أحد أقراص البسكويت .



2 - تجنبي الإكثار من السوائل ما عدا الماء ، إذ تشكو بعض الحوامل من تكرار التبول وهذا بسبب ضغط الرحم على المثانة فتصغر في الحجم فلا تستطيع إحتواء كمية كبيرة من البول



3 - لا تتناولي كميات كبيرة من الطعام مرة واحدة ، بل تناولي كميات قليلة من الطعام على فترات متعددة ، مثلا اربع أو خمس وجبات في اليوم وهذا يساعد على التخلص من الحموضة .



4 - تجنبي تناول الأطعمة الدهنية و المقلية و الفطائر و الشطة و البهارات و شوربة اللحم و المياه الغازية و الشاي و القهوة .



5 - نوعي غذائك ، فإذا كرهت اللحم فاستعيضي عنه بالفول و العدس و الحليب قليل الدسم أو منتجاته ، كما أن في الفواكه و الخضار فوائد لا تعد و لا تحصى بالذات للحامل و من خصوصية فوائدها أنها تمد جسمك بالفيتامينات و المعادن الضرورية لك و لجنينك كما أنها تقلل من مشكلة الامساك .



6 - ضعي في حقيبتك بسكويتا تحبينه لوقت الحاجة و يفضل أن يكون محتويا على الحليب .



7 - تأكدي أن من خلق هذا الجنين قد تكفل برعايته فسيأخذ ما يحتاجه و لو كان على حساب نقص تلك العناصر لديك ، لهذا احرصي على تغذية نفسك لصحتك أولا .



8 - لا تخافي و لا تقلقي اذا قل أكلك ، صحيح ان قلة الأكل مشكلة ستعانين من تبعاتها صحيا و قد يتأثر بها جنينك ، ومن عجيب قدرة الله سبحانه وتعالى أن جعل امتصاص العناصر الغذائية من الأمعاء بمعدل أعلى بكثير من الحالة العادية و لا يعرف كيف يحدث ذلك بالتفصيل .

Quote: كما أن الوحم لم يقتصر على أقطار دون أخرى بل هو ظاهرة عالمية , فقد أثبتت دراسة بريطانية أجريت حديثا على مائتي امرأة حامل- كما جاء في موقع عرب ناو - غرابة الأطعمة التي تشتهيها الحوامل لتشمل أحيانا مواد غير قابلة للأكل مثل أحذية رياضية وعيدان ثقاب محروقة .

و هذا دليل على أن الوحم كالإرهاب .. لا وطن له

أرجو ملاحظة ما تحته خط ...

مع كامل ودي

أخي العزيز أبو جهينة !!!

معزتي ,,,

شكرا على هذا التوضيح الرائع والمفيد جدا وكعادتك فقد قطعت قول كل خطيب ,,,

ود سيد أحمد !!!

طرينا الشر لي بعدو بعدين عرسان جداد في أيام البصل دي سبقت عصرها,, عارف البصل من أهم المواد

الغذائية يعني أهم من العسل ذاتو .. عندي أختي عندها وحمة سودا كبيرة في ظهرها أمي قالت إتوحت على

مرارة يعني شافت ناس عندهم مرارة وطقعوا ليها ما عزموها قامت ختت إيدها في صفحتها طوالي طلعت

الوحمة السودا في ضهر أختي يعني لو كان اتوحمت على فراولة مثلا حتكون الوحمة بلون الفراولة مثلا

يعني ؟؟ محن !! شكرا على دخول اللطيف ..

السلام عليكم ورحمة الله وبركاته اختى الحبيبه عواطف

اتابع مواضيعك بأهتمام رغم انه لم يسبق لى التداخل فيها لكنى من اشد المعجبات بما تكتبيه, ربنا يحفظك

Quote: اسكتى يا عواطف ما تذكرينى بالايام العصيبة ديك يادوب شميت نفسى ، غايتو جنس حالة وبالذات لو عرسان جداد وقامت العروس حملت طوالى فى شهر البصـل

بما اننى مررت وماذلت امر بنفس التجربه, الحمل فى شهر البصل ولاننى كان وحمى بعيدا عن اهلى فأنا اقيم فى لندن وقضينا شهور البصل فى السودان, ويما اننى اعتبر غريبه فى السودان وليست لى فيها صديقات فطلع كل وحمى على زوجى المسكين المغلوب على على امره, فمره توحمت بفيلا وتوحمت بأيسكريم من لذيذ وبكسكسى وبكشرى وبمنقه

سأتى بأذن الله لاحكى لكى بالتفصيل بأذن الله



وفى امان الله

لا اله الا الله

بنت الأحفاد يا أحلى البنات !!!

ودي ومعزتي ,,,

أولا أنا متابعاك بشدة قبل ما أدخل البورد والقلوب شواهد,, مرورك أسعدني وألف مبروك مقدما ويتتم لك

إنشاء الله على خير وكويس إنك يا بعد عمري قضيتي الأيام الصعبة في السودان بس ما شايفاك قلتي عايزة

دوم ولا قونقوليس وحمك كان راقي شيديد ,, محبتي ,,

عواطف ازيك وسلام عليك.. غاتو دومة أدتك المطلوب وزيادة... غايته انا تجربتي كانت كارثه.. وانا لحدي ما محمود طلع بالسلامة، كنت بتوحم.. لكن وحمي ما كان طلبات غريبة.. كان قرف مستمر.. حاربت ليك المطبخ بي الله واحد.. وتسعة شهور ما دخلت مطبخ.. رغم انه مطبخ امي من نظافته، تفرشي وتاكلي في الواطه، بس نفسيات ساي.. بعدين لحدي الآن، بكره، وبقوّة، Burger King.. وعندي حساسية من برنامج Dr.Phill... وعندي عطور كتيرة رميتها، ولازلت بتضايق منها... أما نادر، فكرّهته اي حاجه في الحياة.. ومشيت لأمي كرّهتها هي زاتها..
ده من ناحية تجربة.. من ناحية طبية.. دكتورتي كانت بتقول لي إنه ده أمر العلم ما قادر يفسّره.. لكن الشي الصححوحك فيه الناس هنا، إنه الخواجيات برضهم بتوحموا.. وده ما ليه علاقة بي دلع ولا بحث عن attention.. البتتوحم بتكون ما طايقه أي زول .. خلى الattention.. برضه الهورمونات لما تتلخبط، بتعمل مشاكل كتيره، وده الشي البحصل في الحمل.. والجسم بياخد وقت عشان يتعود على الخلل ده...
انا احساسي باختصار كان إنه كنت مسممه.. ولحدي ما انتهي حملي على خير، حتى بقيت كويسه..

بت الحسين !!!

لك من الحب ما يعجز عنه التعبير ,,,

شكرا على دخولك المميز جدا قلت لي كرهتي ناس البيت أيام الوحم ؟؟ كويس إنك ما كنت عضوة في المنبر

يعني كان يا بت الحسين طفشتينا,, الحمدلله إنك بقيتي كويسة ,,, في ناس الحالة بتستمر معاهن ,,

ودي ,,

Quote: شكرا على دخولك المميز جدا قلت لي كرهتي ناس البيت أيام الوحم ؟؟ كويس إنك ما كنت عضوة في المنبر

عواطف ازيك.. انا المنبر ده قديييييمه فيه.. من أيامي البقرا.. واتزوجت فيه.. وولدت فيه... يعني كنت عضوة في المنبر وقت الوحم، بس كنت متوحمه من المنبر زاتو..

مريوم يا الخاتية اللوم يا أحلى بنات الخرطوم !!!

حمدلله على سلامة رجوعك للمنبر بالسلامة ,, نورتي البلد وليس المنبر فقط ,,,

اول حاجة يا كل العواطف

وحم البقر انواع

الفريزيان بتوحم على فراولة وخوخ

وحبوا ريحة التور تكون رودس

اما بقرنا
فبدءا باللالوب ، قونقليز ، واحسن الاحوال منقة يا منقة

اما الريحة دي خليها ساي

بموتو في الون مان شو والمريخ رشو

سلامات ياعواطف وشكرا على فتح مواضيع مهمة فى اعتقادى بتوضح الطريقة البنفكر بيهاوده بخلينا نعرف نتعامل مع بعض بشكل كويس خاصة وانو تناولك بيتم ببساطة تسهل على كل قارىء وقارئة فهم ماتتناولينه

ربما هى المرة الاولى التى اتداخل فيها معك بوجهة نظر ربما تكون مختلفة تماما رغم انى قلت ليك مرة انى مهتمة جدا بما تكتبينه وحقيقة المداخلات التمت دى تصلح لتكون مادة نحلل بيها موقفنا من قضية المرأة والانسانية عموماز {مالى عاوزه اعمل الموضوع جد؟}

الواحدة لمن تحمل طبيعى انها مابتحمل من الهواء؟ اتفقنا؟ ساحاول انطلق من منطلقات مختلفة وما حاعتمد تجربتى الخاصة فى المسألة دى الا لماما.
مابعتقد انو الواحدة ممكن تمثل الحالة دى والا كان حايكون عندنا افضل ممثلات العالم والمادة اللى انزلها استاذنا ابوجهينة قيمة جدا وحسب علمى من تجربتى الخاصة ومن طبيبى اللى راعى حالتى من قولة تيت لحدى ماوضعت حملى، الهرمونات بتتغير من مرحلة لمرحلة، فهرمونات البت قبل البلوغ غيرها بعد البلوغ وكذلك قبل العرس وبعد العرس، قبل الولادة وبعد الولادة، حتى مايعرف بالتعبير السغيل داك اللى اسمه {سن اليأس} بتكون الهرمونات غير، عليه بيكون المتوقع انو الفصية ماتكون المرأة والحديث عن وحمها او {وهمها}، يعنى هى كلها تسعة شهور يقوم يتضايق منها ابو الطفل القادم، انا حاسة بانو فى تحامل على النساء هنا بشكل او بآخر بالرغم من انو المرأة لمن تكون حامل بتكون احوج مايكون للرعاية الصحية والنفسية.
طبعا الحالات بتختلف من زولة للتانية وفى نساء مامرن بالتجربة دى ولو لاحظتى انو التجارب مختلفة وحقو نسعى لتحليل الاسباب ونحاول نلقى ليهن المبرر ومن هنا وبالصوت العالى بقول لاخونا الممكن زوجاتهم يمرن بالتجربة دى.. انها احوج ماتكون للزوج فى المرحلة دى وبتفق مع كلام استاذنا ابوبكر 100% ولو كل واحد قدر يتخيل انو شبل ليهو زول فى بطنو تسعة شهور وتسعة ايام، مجرد خيال بس ما اظن تكون فى مشكلة فى تفهم انها عاوزه طين بحر ولاطينة من جمال روحه او ماعاوزه خلقته دى ماخلاص يفهم الظرف والشهور بتمر وبتكون مليانه حنان ليهو بعد ما الطفل يجىء نتاج لحياة انسانية.. تماما لمن الوردة تنتح نداها.. دى برضو ولادة

* نسيت اقول فى حملى الاول كنت بحب الاكل الصينى والصينين زاتهم وفى مرافىء مزاجى اكل ملوخية واعوس الكسرة نص الليل، شفتى كيف؟ فى واصل حبيت المشى لدرجة الجنون وكنت ولاول مرة اهتم بنفسى شديد {الاناقة الكتلت اشراقه} وفى مرافىء النوم خاصة بعد الاكل وكنت حابة اكون مبشتنة، بنطلون جينز واحد صنع خصيصا للحوامل {ياحليلو رافقنى تسعة شهور وعشرين يوم، لانو مرافىء كانت جنها نوم فى بطنى الوجع الصناعى ماقدر يطلعها لامن براها بمزاجها جات طالعة وملت حياتى بهجة وحبور{خلاص كفاية}

اهلا بيك يا استاذة عواطف

عندما حملت زوجتي بهبة الله ( صاحبة الصورة )ما لقت اي حاجة تتوحم عليهااو بالاصح ما كانت عندهارغبة في شيء معدوم .. حمل بدون وحم ..

لكن طبعا اجمعن النسوة ان لابد لها من وحم ...


نادتني وقالت والله انا نفسي في حاجة ..

قولي وانا اجيبا ليك ..

قالت لي نفسي في سلسل ذهب ..

قلت ليها عمري ما شفت لي وحم بالذهب .. ده ما وحم ده دلع منك ساي ..


مودتي

Quote: بموتو في الون مان شو والمريخ رشو]

ده وهم وحم ساي

اختلال هرموني مقرون بتغييرات نفسيه هذا هو الوحم اما عن الروائح و لعطور و رميها
فمن المثبت علميا ان الانسان في بعض الحالات يكتسب حده و زياده في حاسه الشم
من بين هذه الحالات الحمل,

والله يعين

الأستاذة عواطف العزيزة،
والله يا ستي بوستاتك عسل عديل كده. بعد ما رسلّتَ ليك ردي على ترحيبك الجميل لمحت البوست ده وأغراني بالدخول معاك لأول مرّة في هذه المواضيع البتهمنا جداّ، فقلت أستأذنك يا عزيزتي وأشارك بتجربتي في مسألة الوحم. أول شي التحية ليك ولكل زوار بوستك الجميل، وأتفق مع الدكتورة إشراقة في مسألة تغيير الهرمونات أثناء الحمل مما قد يكون سبب ما يُسَمّى بالوحم. لكن برضو أعتقد إنه ربما يكون كلامك صاح إنه قد، قد يكون في بعض النساء المُمكن يستغلّن المسألة لشئ في نفس يعقوب ، ولكن لا أعتقد أن أغلبية النساء عندهن القُدرة للتمثيل قدُر ده، لأنه لو كان الأمر كذلك لكان عندنا آلاف فاتن حمامة اليوم ! أما عن تجربتي الشخصية ففي كل حمل مريت بالوحم في التلاتة شهور الأولى، الأول بأحمد والتاني بعزّة والتالت بشيراز الأحباء: الطمام بعيد عنك في الصباح شئ غير مُحتَمَل، وشاي الصباح الصاموتي باللبن البحبو زي عيوني كرهته كراهية ما طبيعية. بعد داك تعالي شوفي ريحة الأكل بقت ما مُحْتَملة أبداً. أما اشتهاء بعض أنواع الأكل فوالله حقيقة يا أستاذة عواطف في بعض الأحيان أثناء الحِمِل. مثلاً في حملي الأول بي أحمد كُنا في بلد أوربي الوقت داك وتعالي شوفي نفسي كانت في ملوخية مفروكة بالبامية وكِسرَة وكنت دايرة أموت عشان ألقاها، ولكن قدر ما فتّشت الملوحية بدون جدوى. تعرفي الحصل شنو؟ ضربت تليفون لأمي في أمدرمان وما كضّبت الله يديها العافية ويطوّل عمرها، عملتها ورسلوها لي مطبوخة جاهزة في جركانة مجمّدة مع ود عمي الأصلو كان واصل البلد الأوربية في عمل في الوقت داك بالصدفة. بس مسألة الريحة وكراهيتا دي ما حصلت لي والحمدُلله، لكن حصلت لي واحدة من أخواتي، وزي ما قالت الأستاذة دومة، لي يوم الليلة الريحة الكرهتها أختي في الحِمل ما بتحبها! غايتو مسائل عجيبة جداً، لكن نسوي شنو والله حاصلة. بس بتخيل لي إنك إنتِ كنتِ محظوظة وما حصل ليك وحم.

أرجو أن تواصلي في سرد مواضيعك الشيقة فأسلوبك رائع جداً. تحياتي وصادق مودتي.

سعاد

سوسو !!!

شكرا يا ست الكل وياحبيبة القسا على الدخول الجميل وعلى إطرائك على ما يطرح من مواضيع ودعيني أجزم

أن دخولك في المنبر ستكون له قيمة كبيرة لذا تجدين كل الجندريات فخورات ومرحبات بك وبدكتورة

إشراقة صاحبة القلم الشفيف ولأفكار الذكية ,, تجربتك مع الوحم تجربة مفيدة وبالفعل الوحم موجودحتى

من زمن أمهاتنا اللي ما بعرفن يمثلن ولا يتدلعن وأنا فعلا محظوظة ما حصل لي ولا لصاحبتي وحم كنا

ناكل أي حاجة لمن زوجها قال إنتن فعلا حوامل ولا بتضحكوا علينا ما شفناكم يوم رجعتو حاجة

أكلتوهايعني مستعدين تبلعو الظلط ويقعد في بطنكن تعالن شوفن النسوان بتوحمن وبتدلعن كيف ؟ وكيف

بكرهن الراجل يا خي ما تكرهونا تخلونا نحل عن سماكن طبعا هو عايز طريقة عشان يجري كل يوم

الكوتشينة عشان كدة عايز مرتو تكرهو ويفل ,, شكرا سوسو بس عليك الله الملوخية الفي الجركانة لو في

باقي منها شوية رسليه لي بالدي اتش ال قبل ما الوحم يتحول لوهم ,,, محبتي ,,

الحبيبه عواطف والاخوه والاخوات المتداخلين/ت

السلام عليكم ورحمة الله وبركاته

اعود مره اخرى بأذن الله

Quote: وألف مبروك مقدما ويتتم لك إنشاء الله على خير وكويس إنك يا بعد عمري قضيتي الأيام الصعبة في السودان

الله يبارك فيك وهذه الدعوات انا فى اشد الحوجه اليها, ربنا يتمم لى ولكل الحوامل على خير يارب

Quote: بس ما شايفاك قلتي عايزة دوم ولا قونقوليس وحمك كان راقي شيديد ,, محبتي

الدوم ولا قنقوليس انا سمعت عنهم وشاهدتهم فى زيارتى الاخيره للسودان, اعجبنى عصير القونقليذ لكنى لم اتوحم به, لكن لم يعجبنى الدوم فهو ناشف وحامض وكان حيكسر سنانى

نرجع لموضوع الوحم

الواحده لما تكون بتتوحم خاصه اذا كان وحمها صعب شديد مثل وحمى بتكون زهجانه وقرفانه وكارها نفسها واى شئ اخر وبتكون روحها عدائيه وسريعه الغضب وواقفه على الهبشه فلو زوجها ماكان متفهم جيدا قد يحصل شرخ فى العلاقه من الصعب ان يترمم مره اخرى

وانا والحمدلله كان وحمى صعب جدا وكنت لا استسيغ اكل او شرب شئ لقريب ثلاثه شهور حتى نقص وزنى لاكثر من سبعه كيلو فى اقل من شهر وكدت ان ارقد فى المستشفى من ضعفى وهزالى فى الشهور الثلاثه الاولى

وصراحه مع هذا الزهج والترجيع اربعه وعشرين ساعه والتعب والهذال ماكنت ناقصه اى كلمه فى غير محلها من زوجى فكنت اعمل من الحبه قبه وجاهدت نفسى لأضبـط اعصابى والا اتهور( مرات بتجينى افكار شيطانيه بستعيذ بالله من الشيطان الرجيم وبسبح حتى منتصف الليل لطردها) وكنت ولا ذلت لا استحمل رائحه الطبيخ او اى رائحه اخرى وكرهت الريحه التى يستخدمها زوجى وطلبت منه الا يستخدمها امامى لكنى قاومت نفسى حتى لا ارميها فى الزباله وكرهت رائحه البخور واتضايق وان شممت رائحه طعام او اى رائحه اخرى ولو من بعد عده امتار

وكرهت الاستحمام لكنى كنت اضغت على نفسى لاستحم وارتب نفسى لابدو بمظهر جميل, كنت ادفع نفسى دفعا لذلك, حتى لا ابدو امام زوجى مبهدله وبشكل غير لائق , وكم مره تخانقنت مع زوجى بالليل لسبب تافه واعود اشعر بالخجل فى الصباح, صراحه كان زوجى يتفهم الوضع احيانا ويتضجر احيانا اخرى

صراحه ايضا كان زوجى يحضر لى كل ما اشتهيه حتى ولو كان مرهق ولو كان ما اشتهيه فى مكان بعيد, ماعدا الفيلا فلم يحضرها لى,,,فمثلا بالنسبه للايسكريم كنت ارفض اى نوع من الايسكريم الا من لذيذ فيضر زوجى للذهاب
رغم بعد المكان ورغم ارهاقه ليحضره لى وكذلك الامر بالنسبه للاشياء الاخرى
التى توحمت عليها

بعد نهايه الشهر الثالث عدت الى اهلى والحمد لله تحسنت كثيرا من ذى قبل
وخف الوحم كثيرا لكن للاسف لم اقض مع زوجى الا هذه الفتره العصيبه لكل منا فالحمد لله من قبل ومن بعد

لكن يجب عدم الاستهانه ابدا بتلك الفتره وتسميتها بالوهم فالمرأه فعلا بحوجه لان يتفهمها الرجل ويساندها خاصه لما تكون مره بتجربه الحمل لاول مره ولو الراجل ماوقف مع زوجته فى اوقات ذى ده فمتى سيقف معها????



وفى امان الله

لا اله الا الله

اها هسي أنا أحكي ليكم وحم ياتو واحدة من التلاتة ؟؟؟
عالم محرجة بشكل ..
لمن تقرروا كلموني بجيكم راجع ..

Quote: اها هسي أنا أحكي ليكم وحم ياتو واحدة من التلاتة ؟؟؟ عالم محرجة بشكل .. لمن تقرروا كلموني بجيكم راجع ..

لوووول يا ولدي خليهن يجئن يحكن براهن قالوا سمح الكلام في خشم سيدو

دوما !!!

الناس أهالي وإنت الحكومة ,,,

صدقت يا أم الشباب ,,,

معتز يا ودالعز !!!

صباحك فل ,,,

عشان ما نتعبك أحكي لينا تجربة الوحم الأولى لكل واحدة فيهن وكيف تعاملت معها وإنتظرنا عاد !!

بت الأحفاد يا عسل وأم دم شربات !!!

وحمك كلو من النوع العادي في المعادي وكذلك في الزمالك لكن عاد وحم الفيلا دة بالغتي فيه والله أحي

فيك هذه المقدرة الجميلة على استغلال المواقف بالله خليها تكون في مشروع الياسمين عشان نكون جيران

إذا ربنا قدرنا على سعرها الخرافي وأوصيك خلي باقي الوحم كلو على جنب وركزي لي على الفيلا هي

الوحيدة البتنفعك وعشان تصلي لهدفك أوعك تزهجي أربعو وعشرين ساعة خليهم تلاتة وعشرين عشان الساعة

دي تخليها للحديث عن الفيلا وبعدين ما تكرهي ريحة البخور ولا ريحة زوجك حبيها على مضض ولمن تستلمي

عقد الفيلا أرجعي تاني لناس لذيذ وما شابه ذلك مرة أخرى أتمنى لك الحلل بالسلامة وربنا يتمم على

خير وتسلمي يا ست الكل ,,

شهوبي !!!

صباحك فل ,,,

عايزهم يموتو في هوغو ولا فهرنهايت !!!

علاوي !!!

تحياتي لهبة ولأمها الغالية ,,

والله وحمها ظريف زيها كويس إنها ماقالت ليك عايزة كرسي جابر ,, سلسل حمى خفيفة ,, تسلم ,,,

شوشو !!!

صباح الخير يا صاحبة الوجه الصبوح ,,,

مداخلاتك لها قيمة علمية وثقافية كبيرة لذا نرجو أن تكوني معنا دوما فقد اصطفى الله من عباده العلماء

وفوق كل ذو علم عليم ,,, نستفيد كثيرا من خبرتك في الحياة المدعومة بتجاربك العلمية والعملية أولا.

ثانيا ربنا يخلي ليك الوليدات والبنات الحلوات ,, ثالثا طرحت الموضوع بهذا الشكل ليكون خفيف الظل

وليس تحاملا على النساء ولكن لكي يتحدث كل شخص عن تجربته الشخصية سواء كانت سلبية او إيجابية

ليستفيد منها الآخرون ولكي يتعاملوا مع هذه المرحلة بروح إيجابية ,, أيضا هناك جوانب سلبية وهي

مبالغة بعض السيدات في الوحم يعني صاحبتنا البتفتح الباب وخاتة منديل معطر في مناخيرها كان ممكن

تخلي الشغالة تفتح بدلا عنها ولا العايزة موية الزبالة دي ممكن تؤذي الجنين ولا شنو رايك يا ست

الحبايب ,,بتصدقي يا إشراقة أنا لا حامل ولا بتوحم لكن شهيتيني في الملوخية والكسرة نص الليل عاد

من دربي دة الليلة على سوق الخضار وما بشتري الكسرة الجاهزة عواسة عديل كدة ,, تسلمي ياأم مرافئ

العزيزة عواطف

هو فعلا زى ماقلتى الموضوع خفيف التناول بمعنى انه بيلامس اى زول فينا
والتحامل اللى انا قصدتو ليهو علاقة بردود بعض الاخوان وكان الجنين ده جابو جن أحمر

يعنى مفترض يتم استيعاب للواقع ده
مرات التغييرات البتحصل فى الهرمونات من غير حمل ممكن تزهج اى واحدة فيينا، صاح ولا انا غلطانة؟}
عليه بيكون متوقع من الطرف الآخر استيعاب ده
يعنى لمن الواحدة تجيها خصوبتها كل شهر ممكن تكون زهجانه وماعاوزة جن احمر يقرب منها {انا مالها الليلة جنونى حمراء} ماعلينا، ده ياعواطف مفروض يتعامل معاه بشكل ينسجم مع حميمية العلاقه اللى بتربط اى اتنين متزوجين وده اللى قصدتو

لك مودتى

حمودي !!!

صباحك فل ,,,

بالله حتى بقرنا وحمن بلدي كدة ,, آه يا بلد !!!

المريخ ما رشو الهلال غشو !!!

الأخت العزيزة عواطف

تحية ومودة

المرة دي أنا ضحية من ضحايا وحم أمي على الحمام .. وحمة أشبه بالحمامة في صدري وقالوا السبب أمي كانت بتتوحم على حمام.. والحمدالله الحمام رمز السلام والمحبة .. بالمناسبة هي الشامة غير الوحمة؟
تحياتي

أخي الحبيب د. أبوبكر !!!

ودي و صباحك فل ,,,

ربنا ستر ما اتوحمت على على دجاجة ,, في الحقيقة الناس لما تتكلم في السياسة يقولو عليك معارض

ولما تتكلم في المواضيع الإجتماعية يقولو عليك فارغ !! حيرونا الله يغربلهم !!!

والساقية لسة مدورا!

دايرين دليل اكتر من كده من فراغ الجلابة والجلابيات؟

الملايين ماتو، او ملايين اخري شردت، وكرد فعل نجد هيافة كهذه؟

هل ده صدفة؟

مافي حاجة صدفة، اصلا، في الوجود!

تحية متوحمه بالفل والياسمين

حبلى بالدهشه والازهار



من ناحية علمية ما عندى عن الموضوع ده ادنى فكره لكن اهو حنستفيد من البوست بتاعك دا



انا بعرف لى واحده اتوحمت بالقمرا يوم اربعتاشر فى الشهر على قول حبوباتى الله يرحمن (سبوعين)

تصدقى بالله يا عواطف ما جابت لها قمر




تحياتى ودام الود
مخو

حمودي !!!

وينك ؟؟ ليك وحشة ,,, يا ريت كل النسوان يتوحمن بقمر أربعتاشر ,,, شكرا على العبور ,,,

أنتي جيتني في جرح!!!

أنا الحمد لله عندي ولد اسمه (آمِن)هسع عمره سنة ونص.

فلاش باك لي أيام الحمل

الساعة أربعة صباحا المرة فر ترك قامت نص الليل صحيت مخلوع قلت ليها مالك!! إنشاء الله خير!! ضحكت وقالت لي تعرف أنا نفسي في شنو !! قلت ليها إنشاء الله خير! في شنو؟ قالت لي نفسي في ملاح روب مقطع فيه أنصاص بصل صغير قاورمة مع رشوشة بتاعت سمن فوقوا ويكون تقيل كدة ... طبعا أنا بس الضحك شرطنى قلت ليهااستعيذي من الشيطان ده كابوس! عشان اتعشيتي تقيل!! قالت لي أعمل حسابك والله الوحم ده بظهر في المولود بعدين أنا مالي كلمتك أنا .. المهم حنكتها وجيت أنوم قالت لي ريحتك ريحة شمس!!! ريحة شمس!! أنا قلت خلاص البت دي رفعت وأسلاكها ضربت !! وأول مرة أعرف إنو الشمس عندها ريحة! قلت ليها أها المطلوب شنو!!! قالت لي قوم أخد ليك دش (الساعة 04:30 صباحا) وتعال أرقد... قلت ليها تعرفي أنا ذاتو اكتفيت من النوم ما نايم نومي إنشاء الله تجي الأولى يا وحم أنتي!! مشيت اتنيلت في الصالة.

شوفي يلا الوحم البرستيج بتاع الشهادات العربية ده .. يوم العصرية كدة قالت لي نفسي أشرب باربيكان ليمون!! قلت أوكي بقينا لافين الشارقة كلها ما لقينا باربيكان ولمن تعبت خلاص سألت لي بتاع بقالة قام قال باربيكان ده ممنوع بيعه في الشارقة ... مشينا عجمان جبت ليها باربيكان وبقى البرنامج ده شبه يومي والمصيبة إنو قلت ليها نشيل كمية قالت لي المشكلة إنو الوحم ده ما بتحمل!! يعني نجيب لمن نحتاج بس(تعرفي أناالمرة دي قاعدة تشيلّني القفةعادي!!) انتهى الوحم الوهم!!

النتيجة
الولد جا وعنده وحمة كبيرة كدة في خده الشمال تحت العين طوالي !! قالت لي ده تذكر ملاح الروب!! قلت ملاح روب في عينك ده ما ملاح روب ده رب العالمين عايز كدة!!! مفهوم!؟ خلاص ركبت وش. والقاهرني والمضللني وخاليني قاعد وهم وجهلول إنو هي دارسة طب وبتقول لي الوحم ده ما وهم حقيقة!!!

والله الدنيا ما عارفين ودانا وين!!! نطلع من الوحم ندخل في البامبرس نطلع من البامبرس ندخل المدارس نطلع من المدارس ندخل القبر وهم يواصلوا!! ربنا يحسن خواتمنا!

تاني قصة وحم دي ما حتمشي علي أنا كنت في سنة أولى ولادة بعد كدة تقول وح!!! ساكت الميم تتمها مع أهلها!!


سلام يا وحم!

أمير

الأخ الحبيب أمير !!!

محبتي لك ولصاحبة الوحم اللذيذ وكويس إنها ما قطعتك تذكرة وقالت ليك عايزة عصير قضيم ولا قونقوليس

بصراحة ضحكتني جدا وكمان اكتشفت ملكة الكتابة والسرد عندك بصورة ما عادية عموما خلي بالك طويل لكل

الوحم القادم من قلب الشهادة العربية عشان إنت أدها و أدود لأنه ناس الشهادة العربية ديل عايزين

دلع ومدادة ما زي بنات السودان أما حكاية البامبرز والروضة والمدرسة والجامعة دة مسلسل طويل

أسألني منو لامن راسك يشيب شكرا أمير مرورك يسعدني فأبق معنا !

عواطف معليش اسمحي لي أعلّق...

Quote: والساقية لسة مدورا! دايرين دليل اكتر من كده من فراغ الجلابة والجلابيات؟ الملايين ماتو، او ملايين اخري شردت، وكرد فعل نجد هيافة كهذه؟ هل ده صدفة؟ مافي حاجة صدفة، اصلا، في الوجود!

الأخ بشاشا (والله بالغت فيها دي)...

الحياة الانسانية فيها تفاصيل كتيره من الضروري الاحتفاء بيها.. نأسف ونتألم لمن ماتوا ضحية الاختلافات السياسية... ولكن هذا لا ينفي أن لنا حياة... وما تتحدث عنه النساء هنا يعد من أهم تجارب الحياة الانسانية.. والخلق الجديد الناتج هو اعظم انجاز يحدث للمرأة.. معليش اسمح لي ان اقول لك انك off point هنا... مع احترامي ليك ولوجهة نظرك، لكن اتمنى ان تحترم ما نود ان نكتب عنه

بنت الحسين

مريوم يا الخاتية اللوم !!!

تسلمي يا حبيبة البوست بوستك ولك مطلق الحرية في الرد على من تشائين لكن لي ملاحظة أيه الحكاية

في ناس في البورد دة قاعدين ليك على الواحدة ونص وعايزين يجرجروك معاهم !! يلقوها عند الغافل !!

شكرا يا أميرة على ردك الرصين الذي يدل على رجاحة عقلك اللي يوزن بلد !!!

يا جلابيات ويا جلابه ما تهتموا للموهم سيد بيشا الكيشه كبير اخوانوا
طيب انت وكت الملايين ماتت المفعدك في الحياه شنو؟؟؟؟؟
و ما تكب جاز في روحك وتقيف قدام البيت الابيض وتولع فيها النار احتجاجا علي موت الملايين الما تت واللسه بتموت قوم لف كدا بلا عبط معاك

الغالية دوما !!!

مودتي ,,,

في ناس بتحب تطلع البوست من مسارو بأي طريقة وظاهر ليك من سخف بعض الناس وبعدين أنا من ما دخلت

المنبر دة قلت ما لي علاقة بالسياسة يعني عايزين يدخلوك فيها بالعافية ولا تكوني إنت عمة وجلابية لا

بيضالا مكوية أو متجولبة عموما أشكرك على العبور وتسلمي يا ست الحبايب من كله بلا .

امس حكت لي اخت صديقى الكبيرة وهى تسكن نمرة 3
واتزوجت قبل 20 سنة من واحد من الشمالية ، وبعد عدة شهور كانت حامل
بمولودها الاول ، وسافرت مع زوجها للشمالية علشان تتعرف
عليهم ، وكانت المفاجأة عندما اتاها الوحــم
فى جــك مليان مـريـســــة ، فطلبت من زوجها ذلك ، وما كان
من الزوج الا ان يلبى طلبها وسط احراج شديد من اهله .
واخذت صاحبتنا جك المريسة فى عز الضـهر وكـرطـعتــو كلو واندشـت زين
ورقدت نامت تحت شجرة الـنيـم نومة ولا فى الاحلام .

من اليوم داك قالت اهل زوجها شامنها ..

تخيلى ....

عبدو !!!

كيفك يا صاحب القلم اللذيذ ,,, لكن ما تقول لي أختك وحمها عينة بس هي عسل والنومة دي كلنا

مشتهينها لكن نلقى المريسة وين ؟ وبعدين ما تنسى الأربعين جلدة والتسفير ,,, تسلم وما تنسى

تسلم لي على أختك وزوجها العسل زيها ,,

العواطف

كيفنك

انشاء الله يا ربيييييييي السمحة ام ولدى تتوحم فيك وتجيب لى بنية حلوة وفاهمة زيك كده

أخي الحبيب الطيب !!!

ودي ,,,

أحي قيك هذه الروح الطيبة وأم ولدك والله ما في أحلى ولا أطيب منها في الدنيا وفعلا الطيبون للطيبات

شكرا على مرورك الرقيق دوما ,,,

Quote: شكرا على مرورك الرقيق دوما ,,,

هييييييييييع قالت رقيق يا الرطاني اها اقع اكسر رقبتك !!!!!!!!!!!

المشكلة إنو الرطاني ذاته في غاية الرقة!!!

طفطف يا جميله
عندى صاحبى مرتو لمن تجيها الحاله دى من يفتح الباب
عوووووووووووووووع تطرش ماطايقه منظروا
بس بقى من تقول ياحمل لبيت اهلها لمن تضع
ولك عبق التحايا
وده اسموا كلام ده نحن فى عووووووووع دى 3 شهور ولكن بدون طلبات
والحمدلله

مجودي !!!

تحية صباحية مشرقة ,,,

صاحبك دة كان أخير يأجر ليه شقة مفروشة بدل ما يسفر الولية لأهلهاكلو مرة وإنت غايتة محظوظ جدا

لمن تكون الحكاية بدون طلبات بتكون حمى خفيفة شوية ,, ودي وشكري لمداخلتك اللطيفة .

الاستاذة الكريمة عواطف

أنا من المعجبين جداً بطرحك لمواضيع نخرج بها كالعادة من دوائر ممغنطة تترواح بين السياسة المغيتة والشخصنة المميتة والكثير الكثير من المواضيع التي تنفر القارئ من الدخول إليها للمشاركة في الحوار ،،، إلا أن ما تطرحينه من موضوعات ترغم الكل زوار وأعضاء على الدخول والمشاركة.

وبمناسبة الوحم حقيقة أم وهم ،، أقول إنه وهم واستدل على قولي بالصورة المرفقة أدناه فهي لكريمتي لجين ذات الخمس أعوام ونصف والتي قدمت للدنيا في السابعة صباجاً من يوم الاثنين 1/1/2002م يعني زيها زي رفاقتناالحاملين لشهادات التسنين ،،، على العموم أم لجين ربنا يطول في عمرها ويديها الصحة والعافية لم تكن تعلم بأنها حامل إلا بعد 6 شهور ونصف وبالصدفة وبعد مراجعة الطبيب لعمل أشعة للمسالك البولية لأنها كانت تعاني من مغص كلوي ،، وبعد إصرار من فنية الأشعة رضخت أم لجين لعمل فحص للحمل بالرغم من استبعادنا لمسألة الحمل لأسباب من أهمها انقطاع الدورة لأكثر من عامين وهو سبب قوي ومقنع لعدم حدوث الحمل ،، المهم عشان ما نمشي بعيد عن الموضوع بعد الفحص تبين أن المدام حامل وقد تجاوزت شهرها السادس وفي الأول من يناير 2002م أطلبت علينا لجين بعد 11 سنة بينها وبين شقيقهامحمد.
وهذا مايثبت أن الوحم وهم...

أخي الحبيب عبودي !!!

نورت الدوحة فأشرق المنبر ,, ليك وحشة لا تعادلها إلا وحشة القبر لقد افتقدت قلمك الشفيف ونخوتك

السودانية الأصيلة وفي الليلة الظلماء يفتقد البدر ,,,

أشكرك على كلماتك الرقيقة التي أعتبرها وساما من زميل عزيز يقدر الكلمة ويعشق الموضوعية كما أوجه

تحية خاصة للجين الحلوة التي جاءت بلا ضجة إعلامية كنسمة خريفية تنعش الروح وتبعث الحياة وهي فعلا

لجين شكلا وموضوعا أيضا تحية ومحبة عبر الأثير لأم لجين الصابرة على صحفي فذ مثلك لأن الصحافة هي فن

الجهاد والمثابرة ومن تتزوج بصحفي عليها أن تدخل في هذه المعمعة و أن تتقن فن الصبر وطول البال

شكرا عبده مرورك الأنيق يسعدني ,,,

Quote: وحم الحوامل حقيقة أم وهم !!!

عطوووفة الحمل ده شايفو طول شديد متين الولادة !!!

هشومي !!!

مالك حاسد ولا بغران ,,, أصلو المنبر دة تقول أي كلمة ما تعجب التاس يا تكون حاسد يا بغران أها

إنت شنو في ديل ,,, عموما الولادة يوم الخميس الساعة 12 بالليل والسماية الخميس البعدو إذا ربنا

نجانا من الحسد والبغر ,,,معزتي ,,

عطوووفة إنتِ عارفاني لا حاسد ولا بغران لكن خائف مرتي تتوحم عليك ويكون عندي

عطوفتين واحدة في سودانيز اون لاين وواحدة في بيتي اون لاين ويكتر الشمار

بين عطوووفة الصغيرة وأم أحمد أها حاسد ولا بغران !!!

هشومي !!!

تحية برائحة الفل والياسمين ليك وللغالية والجميلة أم أحمد وأتمنى تكونو بطلتلو تكسرو ليها عدتها

خلاص إتأكدت إنك لا حاسد لا بغران ,,, ودي ,,

الشفيفة والرَّائعة
جدَّاً / عواطف ..

دعِيني أُسجِّلُ حُضُوريَ
والإعجابْ
.. وأرقُبُ المكانَ
والزَّمانَ
والمشهَدَ
بينكم..
...
لكنِّني لمْ أرَ
ذلكَ على أمِّ العِيَال
فهيَ بالفعلِ تُحِبُ
الأكلَ الحامض جدَّاً
(أكلنا الرِّيفي المُمْتع
كمُلاح الويكاب
والروب ).. والمخللات
وغيرها ..

وتكْرَهُ أشياءً كثيرةً
بيدَ أنِّي لم أكنْ يوماً
من ضمنِ قائمة
المكروهاتِ
عندها ..
فهلْ أكونُ بذلك
محظوظاً ؟
بمعنى هل يُمكِنُ
للوحمِ أنْ يستقرَّ
على حالةٍ واحدة
أمْ أنَّ حالَهُ سيتغيَّرُ
مُستقبلاً ؟
وهذا بالفِعْلِ ما أخشاه !! ..


وشكراً لنصِّكِ
الرَّاقي والذي
دائماً يُظِلُّنا من
هجيرِ الغُربةِ
ورمْضائِها ..




تقبَّلي مُروريَ ..

أخوك / محمَّدزين ...

أخي الحبيب محمد زين الراجل العديل وزين !!!

أولا شكر بلا انقطاع لكلماتك الرقيقة التي تؤكد سماحتك السودانية الأصيلة ,,,

ثانيا إنت محظوظ ونص وخمسة عشان مدامكم الجميلة وحمهابسيط وبالريدة بيحل يعني ما طلبت منك لبن

العصفور مثلا ,,,

ثالثا زي ما بقولو اللبنانيين كتر خير الله إنك لم تكن من ضمن المكروهات حيث يعاني السواد الأعظم من

من الأزواج من ظاهرة الكراهية المؤقتة التي قد تستمر حتى الولادة ,,,

رابعا شكرا لمرورك الأنيق ,,,

Quote: هييييييييييع قالت رقيق يا الرطاني اها اقع اكسر رقبتك !!!!!!!!!!!

انت ما تخلي الرطان في حالو بعدين يجيك جونو تاني ؟

عطوفة..ست الذوق و الحلا...
أحمد الله و أكون من الشاكرين..
جبت الولد..
و جبت البت...
لا إِشتهيت بابريكان...لا طلبت كريم شانتي بالموكا..
لكن ما أكذب عليك..
بتدلع..و بكوبر...و بهوٌل..و بعمل من الحبة قبة.
و الفالح يقول لي دا شنو البتعملي فيهو دا..
أفتح بيت البكا من دُغش الرحمن..
ما يتقفل إلا بعد الأربعين!!!
و لا عزاء...للسيدات!

ممكونة الحنونة !!!

يا قمرة وحشتينا ,,,

نورت ليالينا ,,,

حمدلله على سلامتك يا ست الحبايب ,, ربنا يخلي ليك الأولاد والبنات وتشوفي جديدهم لكن بيني وبينك الدلع

أخطر من الطلبات الغريبة عشان ديك يمكن يلقوا ليها حل لكن البكا والكوبار والشوبار ديل يعملو

ليهن شنو غير إنت لو داير بكايا ألف أهلا يا دموع ,, مهما ألقى النار في صدك برضي بشتاق للرجوع ,,

شكرا على طلتك البهية ومداخلتك الظريفة ,,

Quote: بتدلع..و بكوبر...و بهوٌل..و بعمل من الحبة قبة.

حقك ..فرصة للترويح

Quote: Morning Sickness Causes Unfortunately, no one is exactly sure what causes morning sickness but it would seem that the cause is a combination of issues related to the chemical changes your body is going through. Those changes include rapidly increasing estrogen and progesterone levels, an enhanced sense of smell and excess stomach acids. It has also been suggested that stress and fatigue that commonly accompany pregnancy also play a role. One of the theories is that morning sickness is caused by the dominant hormone during pregnancy, progesterone. Progesterone has a "softening" effect on the muscles in the body. It is thought it helps prevent preterm labor by effecting the uterine muscles. It also effects other muscles, such as the stomach and intestines. The progesterone relaxes the workings of the whole digestive track which makes the elimination of bodily wastes slower which can lead to a slow emptying of the stomach which leads to excess stomach acids. Another theory, and more widely accepted, is that morning sickness is caused by the buildup of hCG (human chorionic gonadotopin) in your system. hCG is produced after implantation takes place and continues to increase until about the 12th week of your pregnancy, at which point the levels of hCG starts to decrease. If you are lucky, this is when your morning sickness symptoms will start to decrease as well. Morning sickness isn't all bad though. Recent studies have suggested that mothers who have morning sickness have fewer miscarriages so there IS a bright spot in the midst of your morning, or in some cases, all day miseries.

والله انت محظوظه يا ممكونه متل عواطف غايتو نحن طلعنا من المغضوب عليهم غايتو لقيت الكلام دا في النت وانا من الفئه دي بالذات all day miseries.
لخمس شهور او اكثر بكون عايشه في حاله شبه غيبوبه لو بيدي يدوني منوم ما اصحي الاوانا في غرفه الولاده . الفرق بين بتي وولدي سته سنوات والسبب الاساسي انه زوجي لما شاف حجم معاناتي قرر الاكتفاء بطفل واحد فقط .
وهو يصيب نسبه 50 الي 95 في الميه من النساء

دوما !!!

ليك الشكر وليك القومة ,,,

شكرا على إثرائك للبوست بهذا البحث الجميل والذي كفى ووفى لكن يا بت الناس والله حنيت عليك بأثر

رجعي كان الله في عونك وكويس إنو زوجك إنسان فاهم وفهم معاناتك لأنو في أزواج تانين يا لطيف بفتكرو

المرة فقاسة بيض وبس ,,, شكر دوما أبقي معنا وجودك له نكهة خاصة ,,,

Quote: Morning sickness and nausea during pregnancy Reviewed by Dr Philip Owen, consultant obstetrician and gynaecologist In the first half of pregnancy, feeling sick or nauseated is quite common, as is vomiting. The degree of nausea and vomiting differs from woman to woman. You may just feel a little sick in the morning and throw up once, or your may suffer from constant nausea and frequent vomiting throughout the day. For most women, the nausea stops after the first three months of pregnancy. For a few, however, it is still a problem after four or five months. What causes nausea during pregnancy? The actual causes of nausea and vomiting are still not known. It is probably brought about by the hormonal changes taking place or by an imbalance in blood sugar. Many midwives and doctors believe that morning sickness is more common in women carrying twins or triplets, but it is not clear whether this is the case. Symptoms of dehydration Dizziness. Thirst. Passing a smaller amount of urine than usual or none at all. Passing dark urine. The presence of ketones in your urine. Your midwife or GP can easily test this. Is it dangerous? If you vomit heavily and often when pregnant, you will lose so much liquid (together with nutrition and minerals) that it causes dehydration. If you are dehydrated and can't keep liquids down, the condition is called hyperemesis gravidarum and requires medical attention. This usually involves hospital admission and being given fluids through a drip. How can I avoid nausea? In the morning Take your time getting out of bed. If you tend to feel really sick in the morning, eat a little as soon as you wake up and before getting out of bed. Ask your partner to bring the food to you, or prepare a snack the night before and leave it beside your bed. Throughout the day Eat little and often, every two or three hours - even if you're not hungry. Drink a lot of liquid, preferably 10 to 12 glasses of water, fruit juice or herbal tea each day. Avoid food containing a lot of fat or spices. Avoid alcohol and caffeine. Eat dry crackers, toasted bread or rusks. Ginger tea or ginger tablets can help reduce nausea. Rest several times a day. Lie down with a pillow under your head and legs. Move slowly and avoid sudden movements. After eating, sit down so that gravity helps to keep the food in your stomach. Avoid smells that make you feel sick or throw up. Don't brush your teeth immediately after eating because this can cause vomiting. Get some fresh air and exercise by going for a little walk every day. Avoid smoking. Not only is it harmful for you and your child, it also diminishes your appetite. At night Before going to bed, it may help to eat a snack such as a yoghurt, bread, milk, cereal or a sandwich. If you wake up during the night, eating a small snack may stop you feeling sick in the morning. Sleep with the windows open to get some fresh air, if possible. When should I consult my doctor? If none of the remedies mentioned above seem to work. If you vomit more than three or four times a day. If you lose weight. If your vomit contains blood or looks like ground coffee. If you lose more liquid than you can keep down. If you are dehydrated (see box above). If you are worried about your condition, or believe that something serious is the matter. What will the doctor do? The doctor will examine you for signs of dehydration. A simple urine test (ketone test) is often helpful in deciding the degree of dehydration. Anti-sickness tablets can be prescribed. Your doctor will be careful to ensure you are prescribed medication that does not harm your baby. Based on a text by Vibeke Manniche, paediatrician, PhD Last updated 16.02.2005 Advert NETDOCTOR MEMBERSHIP Sign up to NetDoctor and enjoy these benefits: - Ask your own questions on the NetDoctor forums. - Start your own online diary. - Leave comments for other members. - Receive an email every week day with the latest health news. It's free and simple to join. So what are you waiting for? Become a NetDoctor member

عواطف العزيزة تحياتى

اول شىء والحمد لله انا وام حيدر نحمل ونقوم لا وحم لا وهم
وعندنا لله الحمد اربعة الكبير فى الجامعة والصغيرة فى خامس
ابتدائى ووحاتك المدهش فى ام حيدر حقتى الولد والبنت الاوائل
الفرق فى العمر سنه وشهر يعنى حيدر عمره اربعه شهور ام حيدر
حملت وحاتك يا الغاليه يوم قالت تعبانه وديتها للدكتورة
قالت ليها ماما انت فى حمل واجابت ام حيدر طبعا لا لانه
حيدر ما مشى لى هسع قالت ليها لازم تعملى فحص ،عملنا الفحص
طلعت ام حيدر حامل ليها اربعة شهور ونص والله على ما اقول شهيد
قلت ليها يامرة انتى نعجة لا بتتوحمى لا بتطرشى... يعنى ولاده، مطر استوائى
بدون ادنى بوارق،المرة تقوم وتقع بس حامد بريمه فى زمانه...
واقول ليك الاغرب، لما ديل الاتنين دخلوا المدرسه ،الولدفى سنه تانيه والبت فى اولى
حتى قامت ام حيدر جابت احمد واقسم بالله لم نعرف فى حياتنا مانع
واحد لنستعمله،طبيعى كان ام صناعى،بعد ان اصبح عمر احمد اربعة اعوام
جاتنا ناطه رزاز،والحمد لله عمرها الان احد عشر عاما وام حيدر صائمه
عن الولاده ،ايضا بدون اى موانع،ولله فى خلقه شئؤن،قبل ايام
قالت لى ام حيدر والله نفسى اجيب لى بت تالته ،اجى!!!
قلت ليها يامرة انا عمرى خلاص خمسين وانت زاتك ماك مقصرة نقوم
فى العمر ده نجيب لينا واحد يطلع منغولى ،قالوا ولادة الكبر
ما كويسه،اقوم انا عمرى ده كلو مستور اقوم ابقى ونسه للحريم:
الكسر الزير منو؟مالو العوير ولد صديق..الجره توب المرة منو؟
مالو العوير ولد قشير...يا زوله هى كان الله جابو زى اخوانو حبابو
وكان كمان بقت القسمه على اربعة محمود الغنى ومشكور..وكفت ام حيدر
عن الكلام المباح....
داير اقول يا عواطف يا حقتى الوقعت فيها دى من فصيله الانعام
(على فكرة اسمها انعام) يا الشغله دى ما عندها راس من قعر.
لكن عندى اختى يوم واقفين فى محطة البنزين وحاتك شمت البنزين
حلفت على ما امرق من المحطه قلت ليها يابت انتى مجنونه قالت
الا يشيلوا ليها بنزين يا نقيف قبلنا، قلت ليها الشى ده بقدد
الرئه انت حا تلدى يا شماشى والا موتر بالطريقة دى..
وحاتك ما مرقنى من المحطة الا مناديل تشز قلت لبتاع المحطه
يا اخوى نقط لى بنزين من خرطوشك فى المناديل دى للرقشه
المعاى فى العربيه دى..
اها بقت بعد داك تتعولق لما بالصدفة قلت ليها شمى استون
مناكير والا ان شاء الله ماسكارا..تصدقى الاستون لفق
حتى الله فكانا من الدفار ده...
عواطف سلمتى ما تجى واحده تطرش ليك هنا،،،،

ود الموج !!!

محبتي لك والسيدة الجميلة أنعام التي ضربت الرفم القياسي في الولادة بالصدفة وبدون سابق أنذار ,,,

صراحة مداخلتك رائعة جدا وأدخلت في نفسي الكثير من السرور رغم إني الأيام دي قافلة معاي شوية لكن

أسعدتني ربنا يسعدك ,, اما أختك الشمامة دي ربنا يكون في عون راجلها إذا استمرت الحكاية بعد

الولادة بعدين االمدام لو عندها مقدرة وصحتها مساعداها مالك حارمة من الولادة خليها تعيد الذكريات

شكرا صديق ,,,

أختى عواطف, هذه المشاركه من بنتنا العزيزه الشابه الأنيقه الظريفه: أم نور التى
أصرت على المشاركه معك فى هذا البوست . إليك هذه المداخله :

العزيزة عواطف
انا متابعة كتاباتك وبحبها جدا بس المرة دي انا حاسة انو الموضوع دة لازم اتداخل فيو لاني كنت اكثر واحدة بنتقض المسألة بتاعة الوحم دي وبشوف النسوان البتوحموا ديل نسوان موهومات ، بالاخص زوجة خالي كل حمل عندها فيو فن جديد و بتغاظ منها شديد لغاية ما جاء الدور علي انا, وربنا انتقم ليها حقها مني ...... اول حاجة اتونس واضحك مع اي زول بس اشوف راجلي , زي الشفت لي شيطان اكورك بدون سبب واتزهج واخلق لي مشكلة من مافي عشان ازح من وشي...... والغريبة ما كنت عارفة نفسي حامل لغاية ما بدا الدور بتاع الاستفراغ من الصباح .........قام اتحسس وسفرني لاهلي بالدوحة. قايل امكن لمن اكون مع اهلي افرق على نفسي شوية ولكن هيهات !!!!...... اول ما وصلت الدوحة اتحبست ليك في الاوضة ولازم الاوضة تكون مضلمة !!! واليوم كلو راقدة في السرير ومقبلة على الحيطة .. والشعر منكوش
ومابطيق اسمع صوت اي حاجة, حتى التلفزيون طلعوه بره الاوضة ... ولمن امي واختي يدخلوا عشان اتونسوا معاي طوالي بنطردوا لانو كنت بسمع كلامهم زي الرطانة ومابفهمو وبتضايق من اصواتم ......... اما من ناحية الارياح و العطور والحنن والحاجات دي , كلها كنت بشم ريحتها زي البلاستيك المحروق .....تتخيلي ؟؟ نجي لموضوع الاكل و الشراب ........الشراب المفضل موية و كولا باااااااردة فيها كمية من الثلج وفيها شرائح ليمون ..... الاكلة المفضلة سندويتش بيض مقلي مع كمية من البصل (مع اني البصل دة نهائي ما كنت باكلو) مع جباتي (فطيرة هندية) او براتة ( دي اكله هندية برضو) مع شاي كرك ( شاي ثقيييييل بي لبن) !! والاكلة دي لازم تكون في الكافتريا ! ولازم انا اكون قاعدة جوه الكافتريا في نص الهنود!! و اهلي اول ايام كانوا بنزلوا معاي لكن لمن لقوا الموضوع بقى يومي قالوا احسن يستنوا في العربية ( لزوم البرستيج ) ... وانا بي جوه اكوضم وآكل وأعاين ليهم وهم مستنين ونظرات الشفقه في عيونم .....أها وفي الشهر السابع ظهر لي فن جديد اضاني اليمين طرشت ! والله بقيت مابسمع بيها لغاية ما ولدت ومشيت لدكتور التجاني المشرف في السودان حتى قال لي (انت ماسمعت بي اضان الحامل طرشة؟؟؟؟ انت قايلة الكلام دة اتقال ساكت في بعض الحالات بحصل ) ده كلو حصل معاي ...... رايكم شنو؟!!!.. بس لمن ولدت نور بنتي الحلوة نسيت كل شي وبقيت طبيعيه...بس الانا عاوزه ااكدو ليكم انو الوحم ده شيئ حقيقي و مافيو تمثيل نهائي بالعكس انا كنت بحاول امثل اني عادية وطبيعية بس ما قدرت .
أم نور..

العزيزه , عواطف العطوفه , نأسف لهذه المداخله المتأخره , لكن الحاصل أنو الإبنه دى من
بنات أهلنا وهى لسه فى مقتبل العمر , وبتحب كتاباتك .. وحبت تتداخل معاك . وهى تحكى عن
تجربتها الشخصيه حول هذا الموضوع .. ولقد رأيت إنزال مداخلتها لأهمية التوثيق ..

بالمناسبه ,أم نور دى شابه راقيه ومتعلمه جداً , ومن عائله فنيه كبيره .. مع خالص شكرى ومودتى وتقديرى .

أخي الحبيب مامون !!!

يسعد صباحك ,,, و يسعد صباح الجميلة أم نور هذه الإنسانة الرائعة صاحبة القلم الرشيق ,, صراحة

أعجبت بشجاعتها وصراحتها ومقدرتها الفائقة على التعبير عن نفسها مع سرد التفاصيل الدقيقة بصورة

مهنية جدا لذا أوجه شكري لها على مداخلتها الثرة التي أسهمت في إعطاء الموضوع زخما جميلا من خلال

طرحها لهذه الحقائق والتي أثبتت من خلالها أن الوحم حقيقة وليس وهم كما يتخيل البعض ويا ريت

يامامون لو ترشح أم نور للكتابة في البوست لأنها فعلا إنسانة راقية ورايعة جدا كما أرجو من أن

تشكرها على كل كلمة طيبة قالتها في حقي مع صادق حبي وودي وربنا يخلي ليها الحلوة نور ,,,