لا أقول وداعا ولكن ... إلى اللقاء !!!

أخواتي الحبيبات ,,, إخوتي الأحباء !!!

أسعد الله مساءكم إذا كانت الدنيا مساء وصباحكم مشرق كإشراق الشمس التي تقبل جباهكم السمراء كل صباح

أحبائي مضى عام كامل منذ أن رشحني الأخ الجنرال أحمد طه والعزيز د. سجيمان وفتح لي أخي الحبيب

الباشمهندس بكري حوشه وقلبه فوجدت داخل هذا الحوش الكبير إخوة وأخوات لم تلدهم أمي ولكن أصبحوا

جزأ مني ومن عائلتي نعم لقد كنا رغم اختلاف مذاهبنا ومشاربنا إخوة نزعل من بعضنا ويظل الحب يسكننا

نختلف سياسيا ونتفق على الحب , لم لا وقد أصبحنا كالجسد الواحد إذا أصيب منه عضو تداعى له سائر

الجسد بالسهر والحمى عيني عليكم باردة ما أسحركم طبعا في كل عائلة في مشاكسين ومشاكسات لكن برضو

بنحبهم وما بنستغنى عنهم عشان كلامن من الطوق ولي فوق زي ما قال محمد الأمين كلام زعل ما بتقصدو ,,

عموما سأغادردولة الإمارات غدا في إجازتي السنوية ولكن قد لا أعود إلى المنبر بسبب مشاغلي الكثيرة

جدا والتفكير في العودة إلى مقاعد الدراسة ( بعد ما شاب دخلوه الكتاب) طبعا لو الله قدرني وبقى

عندي طول بال للمذاكرة وزرزرت الإكذام هول وعليق النتيجة في البورد كان بها وكان ما قدرت كمان

العرجة لمراحها وطبعا العرجة بتاعتنا نحنا بالوراثة يعني ما بنتلع في مشيتنا زي ما بتخيل البعض

يعني زي عرجت هند رستم بالظبط طبعا النسوان فاكرنها بتتدلع فبقن يقلدنها وما عارفات إنها عرجاء

بسبب شلل أطفال عموما أقول ليكم الكلام دة ما دعوة مراكبية عشان تجوا تحلفوني وتخصموني وتتبروا

مني لو ما رجعت للمنبر لكن والله القعدة في البلد دي طالت والواحد وقت بقى ما راجع أخير يشوف ليه

حاجة يسويها إنشاء الله قراية لذلك لا يسعني إلأ أن أشكركم جميعا وأعتذر صراحة وعلانية لكل من أصابه

مني عيار ولمن لم يصبه فالعيار المايصيب بدوش و أشكر كل من ساندني طيلة هذه الفترة ومن تداخل معي

ومن لم يتداخل

وأخص بالشكر الأخوات :

د. إشراقة مصطفى
د. بيان
د. ناهد محمد الحسن
د. رشا سالم
سلمى الشيخ سلامة
سلمى صبحي
سناء جعفر
منى خوجلي
ماجدة عوض خوجلي
بت الاسيد
ممكونة
دومة
أمل أحمد عمر
إنعام عبدالحفيظ
غادة عبدالعزيز خالد
عفاف أبو حريرة
نوسة
هبة الحسين
الكنينة بت بلة
وصال عالم
مريم بت الحسين
هنادي يوسف
نهال كرار
شادية الطيب
خالدة البدوي
لنا مهدي
مهيرة
بت الأحفاد
إشراقة حيمورة
إنعام حيمورة
رندا سليمان
فدوى الشريف
ست البنات
ريهان الشاذلي
نادية السر
نهال الطيب
ومن الإخوة :
بكري أبوبكر
د. سيجمان
أبوبكر سي أحمد
الجنرال
د. مصطفى محمود
د. أبوبكر يوسف
د. عبدالله صديق
د. معز عمر بخيت
د. محمد حسن
فاروق حامد
أبو ساندرا
أحمد الشايقي
عبدالدايم سيد أحمد
الصادق الصديق
خالد عبيد
صالح عبدو
حيدر حسن ميرغني
الفاتح ميرغني
أبو ذر بابكر
غباشي
محمد فرح
عامر تيتاوي
منصور مفتاح
تاج السر الحسن
عادل طه
عادل فضل المولى
عبدالكريم الأمين
خالد الطيب أحمد
د. شهاب الفاتح
مجاهد عبدالله
مجاهد عبدالحمن
هيثم الجلال
كوستاوي
عاطف عبدالله
الطيب شيقوق
فاروق حامد
نادر أبو كدوك
بهاء عيسى
عبدالعزيز عيسى
مدثر محمد آدم
قاسم المهداوي
على أحمد النعيم
اسماعيل عباس
عبدالله الشيخ
عبدالله الحبيب
ريل
ضياء
أحمد العربي
عادل جبارة
معتصم دفع الله
كمال كرار
هشام هباني
محمد مختار
عادل عثمان
أبو ساندرا
عوض حمزة
عماد عبدالله
وليد طه
هاشم خلف الله
ود الموج
شاكر حامد
رأفت ميلاد
أبو قصي
الواثق الصادق
ود الزين
علي الحلاوي
كمال الدين حسن بخيت
كمال عبدو
محمد مختار الزيادي
محمد خليل
محمد أبو الريش
مامون أحمد إبراهيم
الموصلي
عثمان محي الدين
أشرف الباقر
عثمان محي الدين
ناصر موسى
عبدالله ابراهيم الطاهر
بهاء سليمان
سيف مساعد
تبلدينا
محمد البشرى خضر
بدرالدبن الأمير
محمد عبدالجليل
الفاتح يوسف جبرا
سيف الدين جبريل
علاء حيمورة
وليد المبارك
مكي إبراهيم مكي
حيدر عثمان
محمد صباحي
نزار يوسف
الرفاعي عبدالعاطي حجر
أحمد أمين
قرشو
معتز قريش
الكيك
حبيب نورة
هارون دياب
هجو الأقرع
نيستا
طلال حسب الرسول
سامي عبدالوهاب
أبوقوتة
سبف الدين كرار
معاوية كرفس
ياسر الشريف
عبدالله الشقليني
محمد على طه الملك
إبراهيم فضل الله
عادل فضل المولى
عادل أمين
محمدين إسحق
طلال عفيفي
معتصم الجبلابي
عاصم الحاج
أشرف الباقر
ود الباوقة
حافظ العشا
مالك الجاك
بدرالدين يعقوب
ياسيكو
سيليكون
حسن الجيلي سعيد
خليل
تاج السر الملك
القرادابي
عادل من اكسفورد
وليد 500
عبدالرحمن أبوشيبة
عمار يس
السمؤال بدرالدين
الشفيع عوض
عبدالمنعم سليمان
محمد عبدالجليل
عبدالله وداعة الله
أساسي
المسافر
جني
سيليكون
عاصم الحاج
منصور مفتاح
الطاهر ساتي
أيمن هارون


وأعتذر لكل من سقط إسمه أو إسمها سهوا وسوف أعود لاحقا لكتابة الإسماء التي لم يسعفني الوفت

لإدراجها فالساعة الآن الثانية عشرة وقد جاءني خبر من الدوحة بفوز الهلال تلاتة صفر فألف مبروك ياناس

القرادابي رغم إني مريخابية ولكن برضو مبروك أنا وأبن عمي على الغريب مش كدة ؟ . وفتكم بعافية

عواطف
تحياتي
ماشه مفرتكه وين؟؟يازوله لسه بدري؟؟

Quote: د. إشراقة مصطفى د. بيان د. ناهد محمد الحسن د. رشا سالم سلمى الشيخ سلامة سلمى صبحي سناء جعفر منى خوجلي ماجدة عوض خوجلي بت الاسيد ممكونة دومة أمل أحمد عمر إنعام عبدالحفيظ غادة عبدالعزيز خالد عفاف أبو حريرة نوسة هبة الحسين الكنينة بت بلة وصال عالم مريم بت الحسين هنادي يوسف نهال كرار شادية الطيب خالدة البدوي لنا مهدي مهيرة بت الأحفاد إشراقة حيمورة إنعام حيمورة رندا سليمان فدوى الشريف ست البنات ريهان الشاذلي نادية السر نهال الطيب

جلابيات ساي طلعتي جلابيه درجه اولى
يعني بت هامش باغلط ما صاخبتيها هنا؟؟؟تفتكري صدفه؟؟
يازوله موفقه ومبروك لهلال.

الاخت مريخابية

عطوفه

يا سلااااام يا عطوفه يعني كان لازم تنكدي علينا انتصار الهلال..ماشه وين..يا زولة والله دي اخبار ما حلوه لكن لا املك الا ان اقول ليك ربنا يوفقك في كل خطوة..والقراية ام دق دي حااااارة خاصة في الكبر
وزنقته زنقة ترزي يوم الوقفة ..لكن ان شاء الله بالتوفيق..

بس تاوقي من فترة للتانية

مودتي

شكرا حمودي !!!

عايزة أهويكم شوية !! ما زهجتو مني ؟؟

تصوووووووووووور !!!!!!

تراجي !!!

يسعد صباحك ,,,

أيه رأيك إني ما جلابية وأهلي من منطقة مهمشة جدا ولكن لا أؤمن بالتصنيف ,, سودانية وبس والمسألة

لا علاقة لها بالسياسة ولكن بمن يتداخلون معي في مواضيعي ليس إلا . معزتي ياغالية ,,,

عواطف والله دي عوجة كبيرة خلاص

معقولة دي..العوجة عندنا نحن لأنو حنفقدك في المنبر

لكن إن شاء الله عديلة... يا سبحان الله... وهكذا حال الدنيا

أجتماع من غير ترتيب وفراق بترتيب وبغيره

ربنا يعدل خطوتك ويديك العافية وإن شاء الله دراسة موفقة

ونسمع بيك في مجالات صحفية أرحب... قولي أمين

ياعطوفةماشة ووين وداع شنوكمان؟ قولى لقاء لانه فيهوملمح للامل، وفقك الله لحبن عودتك

Quote: جلابيات ساي طلعتي جلابيه درجه اولى

نراجى سلامات لحين عوده للكويتشن {الجلابى}

شوشو الحبيبة !!!

ربنا يسعدك مثلما تسعدينا دائما

ما ماشة مكان لكن قلت أتفرغ للقراية شوية ,,,

محبتي ,,,

ناصر !!!

معزتي ,,,

كيمو شكرا !!!

شعورك طيب والقراية حتكون عن بعد وحأظل في الإمارات إن ربنا راد مرة أخرى أشكرك ,,,

لا يا عطوفة لا

تصحبك السلامة والدعاء المستجاب

تمشي وتجي بالسلامة

والله يديك العافية

زهرة الخليج عواطف

"الرحيل هو أن تموت بعض الشيء ,ولكن إذا كان الإنسان سيرحل على أمل بدء حياة افضل
فالرحيل هو ميلاد جديد"

كل سنة وإنت طيبة مع تمنياتي لك بالتوفيق والنجاح


الفاتح ميرغني

عواطف فايتانا وين مستعجلة ، ما عايز أقول البورد بعدك كوم رماد لكن حتوحشتنا بوستاتك الظريفة ، ولا يسعني إلا أن أدعو لك بالتوفيق والعودة إلينا بأكبر الكفاءات العلمية ..

أبو قصي

عطوفة
كيفك...وداعاً دي عليك الله ذاتها ما تقوليها بس اكتبي لينا الى اللقاء.

تمشي ويجي بالسلامة وفي انتظار بوستاتك الجميلة

كل التقدير

سلمى الرقيقة ,,,

معزتي ,,,

سأحاول عندما أجد وقت أن أكتب وهذا وعد يا حبيبة القسا ,,,

سلوم !!!

صباجك نور ,,,

شكرا على شعورك الطيب ,, سأكون بالإمارات وسأتصل بك كالعادة يا أجمل صديقة ,,,

أبوقصي يا زينة شباب الحي !!!

أنت دائما طيب الشعور ورقيق المشاعر ,,,

أشكر شعورك الطيب ,,,

الفاتح الحبيب !!!

مودتي ,,,

هو رحيل من المنبر لفترة مؤقتة وليس من زهرة الخليج أو الإمارات وإنما إجازة سنوية فقط ,,,

محبتي ,,,

أخي الحبيب حيدر !!!

معزتي ,,,

شكرا على هالكلمات الطيبات ,,,

خلودي الجميل ,,,

أنت جميل مثل شعورك ,,,,

أشكرك سأحاول ,,,

الغالية عواطف إدريس

رجلنا حارة شديد على مااظن??

أضم صوتي للرافضين مناشدا صاحبت القلم المبدع بالعدول عن
هذا القرار وإلا رجلنا حارة بالجد.

مع خالص تمنياتي لك بالنجاح والتوفيق فى خطواتك القادمة بإذن الله.

إبن أختي الحبيب وضاح اليمن !!!

شعورك الطيب يدل على أصالتك تصور عندي إبن أختي ولد في اليمن وإسمه وضاح ربما لهذا السبب أشعر

تجاهك بكم هائل من المشاعر ,,,,

شكرا لك سأحاول الكتابة من وقت لآخر إذا أمكن ذلك ,,

محبتي أيها الجميل ,,,

الاخت العزيزة عطوفة
كما يحلو لنا مناداتك هكذا
رغم ساعدتي بانني حضور بينكم الا ان زعلت جد الان وبمجرد رويتي لكي وانت تودعين واكيد ليك عودة وحسيت بان كراعي حارة ...
وقد فرحت ايضا بانكي سوف تكوني بيننا ونرتاح من المكالمات الدولية وفرحت ايضا لعودتك للتحصيل ومافي زول بكبر علي التحصيل ياحبيبتي
اشكرك جدا لمهاتفاتك معي وتطميني بان بكري سوف ينظر الي امري واتمني الا تكون فقط كانت تذكية وان يدوم ببننا العطاء .
ننتظرك حضورك وكوني معي هاتفين للتواصل
محبتي

ناهد الجميلة !!!

ألف مرحب بيك ,,,

أنا يا بعد عمري رايحة إجازة لدولة أوربية ما حأقول وين عشان لو ماقدرت أشوف حد من البورداب ما يزعل لأنو زعلهم بيعكر صفاي ,,, شكرا حياتي على شعورك الطيب ,, سأكون بالإمارات ,,, وماحترتاحي
من المكالمات الدولية ,, يابت يا بخيلة مش إنت في سوداتل ؟؟؟ معزتي ,,,

الأخت عواطف
تحياتي
إن كان وداع من أجل التحصيل العلمي فلا مانع لدينا.. لماذا.. لأن عودتك ستكون حتمية فالمنبر كماء النيل من شرب منه لا بد أن يعود مرة أخرى.
أتمنى لك التوفيق في حياتك العلمية والعملية.

الجميل سمعة !!!

محبتي ,,,

كلماتك كالندى على الزهر فشكرا لك ولحضورك البهي في المنبر ,,,

أخواتي ,, حبيباتي !!!

إخواني ,,, أحبائي !!!

الباقي ساعة للطيارة إذا وجدت كي بورد بالعربي سوف أرد عليكم وإلا فانتظروني حتما ستجدون ردي عليكم

فردا فردا ولكم مني كل الحب ,,, حتوحشوني موووووووووووت ,,,,

العزيزة عطووووفة

Quote: لا أقول وداعا ولكن ... إلى اللقاء

على ما اعتقد بأن ما قلتيه أعلاه قد جاء مبكراً جداً
ولكنا على أمل ان لا تغيبي نهائياً عنا فقد صرنا كالأسرة الواحدة التي ينتظر بعضهم البعض الآخر على مائدة الطعام اذا ما تأخر
حظاً سعيداً مع الدراسة و ربنا يديك طولة البال
تحياتي عطوووووفة فقد كنت و ماذلتِ بمثابة الأخت الكبرى
و تقبلى فائق الحب و الإحترام و التقدير

غبوشي !!!

يا واد تئيل ,,,

شكرا على هذا الكلام الحلو أوعى تتغدو وتخلوني كلها أربعة أسابيع وبكون في الإمارات ,,, سخنوا الأكل

وأنتظروا ,,

حتوحشوني كلكم ,,,

أشكر أخي الحبيب خالد المحرب الذي اتصل مع الأخت عفاف يتسفسران ويطمئنان على الصحة والأولاد

كعادتهماو رغم أني كتبت عفاف أبوحريرة باعتبار ليديز فيرست قد نسيت شيخ العرب أخو الأخوات ومقنع

الكاشفات أخونا خالد ,, شكرا ياعفاف ويا خالد على اتصالاتكما الجميلة ,,,

Quote: عايزة أهويكم شوية !! ما زهجتو مني ؟؟

عواطف ..

صباح الخير..

يا زولة نزهج منك كيف!!!!!!

كده انتي خليها للظروف مش يمكن تشتاقي لينا بسرعة كده ونلقاك قدمنا يوم الجمعة الجاية!!

غايتو الزول الزهجك ده ورينا ليهو نأدبو ليك اديبة الهلال للاهلي

مودات كتيرات

عطوووفة
لا يجدر بك الرحيل هكذا ... فدوماً هناك متسع
بدون مجاملات وبلا تنميق حديث أصبح وجودك حتمياً
ودونك سيصبح المنبر ناقصاً ،،
ستجدي الوقت الكافي للتحصيل وكذلك للمنبر ، تمتعي
بقليل من الراحة وستترتب الأمور بإذن الله ،،،

عدولى !!!

يسعد صباحك

شعورك الطيب قلادة على عنقى

اشكرك .

والله يا عواطف بالجد كده

أحسن شى الواحد يعمله هو القراية
القراية لحدى الآخر مع إنه ما عندها آخر

وما تبقى عويرة زينا كده

ضيعنا وقتنا حاصل فارغ ساى فى الشغل

مافى احلى من القراية
والزمن ده البى إس سى بقى ما عنده أى طعم زى زمان

والى إتش دى كان حلت الزول تكون ما قصرت

لكين المهم فى الموضوع شنو؟

المهم هو فوتك دى

يا زولة ولا يهمك دربك أخضر إن شاء الله

وكل يومين تلاتة ادينا طله

لحدى ما نحتفل بيك بعد ما تنتهى من القراية

شاعرنا الجميل ,,, فارس الكلمة ,,,

شكرا على شعورك الطيب ,,,

حأطل إنشاء الله عشان خاطر عيونكم ,,,

عواطف صباحك خيرك

أنت هسع بتكتبي من وين من أبوظبي

ولا من بحري.. نحن قلنا خلاص ربطتوا الشنط..

ولا السفر مساءا

ربنا يوصلكم بالسلامة.. وقريبا نسمع عودتك بالسلامة

كيمو الحبيب ,,

أنا في أبوظبي وماشة على المطار بعد شوية ,,,

عديلة يا عطوفة

وأستودعك وزوجك وإبنائك الله الذي لا تضيع ودائعه

ربنا يسر أمرهم..

شكرا كيمو !!!

محبتي ,,,

الأستاذة عواطف بت إدريس

تصحبك السلامة ودراسة موفقة بأذن الله وهي تزيد المرء جمال علي كمال

ونتمني لكي من الأعماق التوفيق والسداد ولكن كمان المنبر ده بقي ذي

ظلنا المرسوم علي رمل المسافة وراجع لنفس الطريق مابنقدر نسيبه ويا

أختي من حين للآخر أدينا من بوستات الجمال المكمل عندك ولايحرمنا منك

إلا الشديد القوي ونشكر لكي الصحبة الجميلة التي هي نوط نعلقة علي جدران

القلب مدي الحياة مع أحترامي لك.

،،،،أبوقصي،،،،

الاخت العزيزة عواطف ادريس ..لك التحية

و انا في طريقي الي العمل قرأت بوستك الان ..
قرأت كلماتك و مبرراتك التي سطرتيها في تعليل مغاردتك المنبر و هي و ان كانت
مقبولة بسبب الدراسة لكن كل ذلك يمكن الجمع بينه ..حتي لو طلة في نهاية الاسبوع
كما نفعل نحن رغم كثرة المشاغل ..
التواجد ممكن اختي عواطف ..
و الي ذلك الحين دعواتك لك بسلامة الوصول و التوفيق ..

حمودى !!!
حاضر
انشالله نحاول نعمل كلامك

شكرا

مجووودى !!!
ياسلام يامجوودى على احساسك ساعود قريبا

شكرا .

عواطف الرائعة



أمنياتي لك بكل جميل ومفرح keep us close




صلاح واسبه

Quote: مامون أحمد إبراهيم

على الرغم من عدم تداخلى معك كثيراً , لكنك ما نسيتينى !

يالروعتك وشفافيتك ! لكن صدقينى كنت متابعك بصفه يوميه .

لكن فراق الأخت ده ما حاجه صعبه وقاسيه خلاص !

خليك قريبه يا عواطف .

الاستاذة / عواطف
صباح الخير
سنفتقد هذا القلم الجميل ولكن عزاؤنا انك ستعودين ...!
بالتوفيق في حلك وترحالك
اجمل خبر الواحد سمعه انك ( مريخاااااااااااااابية )
تحياتي

اخى ابن دياب !!!
مودتى ليك والله انا ذاتى سافتقدكم وشكرا
على الاحساس الجميل

موونى !!!

شكرا على الاحساس الاخوى الطريف والاحساس متبادل

شكرا

صلوحى تشكرا على الكلام الجميل
والامنيات الطيبة
شكرا

العزيزة عطوفة

عبودي الظريف !!!

شكرا على الاغنية الحنينة دى

عطوفة..
فرحت قايلاكِ جاية السودان..
لكن معليش..
نتمنى ليك إجازة سعيدة خالية من الهموم و الضغوط
تعالي لينا بسرررررعة و معاك كمية من المواضيع الزي العسل
مشتاقين ليكِ من حسي..
نظام ...
كنتَ معاهو حسه
و مشتاق ليهو لسه..
نعمل شنو؟

ممكونة الحنونة !!!
معزتي

الشوق مطر

ياريت لو كنت جاية السودان كنت جيت ومعاي اشواقي وحبي لكن معليش الجايات اكتر من الرايحات ساعود قريبا شكرا على شعورك الجميلل

ممكونة الحنونة!!!

شكرا يابعيد و مني قريب متى دهري بيك يجود وبقربك اتهنا

ساعود قريبا فانتظريني ,,,,

الابنة الفضلى عواطف
لدي فهم للكتابة والكاتب في المنابر العامة حيث في رايي ان جميع اجهزة الاعلام المرئية والمسموعة والمقروءة واخيرا اللاكترونية هي ادوات تعبير عن المجتمع اي كان هذا المجتمع من الاسرة الصغيرة حتى الاسرة الدولية وبالتالي فان الكاتب هو حامل شعلة التنوير لمجتمعه هذا في العموم بغض النظر عن الانحرافات التي تحدث. اذا اتفقت معي في هذه المعاني فكيف لك التوقف اللهم الا اذا كنت ترين ان ماكنت تكتبينه لايرتقي الى مستوى التنوير وفي هذه الحالة التقييم ليس لك بل للمتلقي
لقدت تابعت كتاباتك التي كانت رائعة من حيث اللغة والتعبير واختيار الموضوعات وكنت امني نفسي ان يكون هذا الاسلوب هو ديدن الكتابة في المنبر.لكنك فجاءة ودون سابق انذار قررت الابتعاد
وعذرك اذا سمحت لي غير مقنع البتة ذلك لان الدراسة لا تمنع الكتابة في المنبر وابلغ دليل على ذلك انت نفسك غير متفرغة للكتابة في البورد فانت زوجة وام وتعملين.
لذا قبل التوقف عليك اولا الاجابة على سؤال هل الكتابة واجب على المثقف والمثقفة تجاه مجمتعهم تنويرا وارشادا ام هي ترف وتزجية للفراغ اجابتك لهذا السؤال تحدد موقفك.

على الهامش انت عارفة يابنتي اشد مايحزنني في هذا الجيل (الشماعات)


ودمت في رعاية الله

أدعو لك بالتوفيق في الحياة بشقيها العلمي والعملي والعودة إلينا،،، فحقيقة أُشيد بكتاباتك ومن القراء دائماً لها كما أُشيد بمرورك الجميل ووضع بصماتك على كل بوست






ربنا يوفقك

نتمنى حقيقة التوفيق...
واتاكدي انو منتظرينك..
إتلاعبي علي الزمن ياخي عشانا وادخلي ..
بالجد القطعه ماتمام في حقنا
نفتش بوستاتك نحن كمان..

مشتاقين ..

هبوية !!!

كيفك يا حبيبة القسا ,,,

مشتاقين ,,,

شكرا على مرورك البهي ,,, سأتلاعب حتى على القدر كي أكون بينكم وليس الأيام فقط ,, أنتظريني سأعود قريبا ,,,

العزيز جدا سن رايز !!!

محبتي وجزيل شكري على مرورك الزاهي وكلماتك الطيبة التي تؤكد حرصك على المتابعة ,,, شكرا أخي الحبيب وربنا يسعدك ,,,

الأخ الحبيب محمود !!!

معزتي بقدر احترامي وتقديري لمداخلتك الرائعة التي كم اسعدتني وأحزنتني في الوقت نفسه ,,, أسعدتني لثقتك الغالية في شخصي

الضعيف وإطرائك الذي أعتبره وسام على صدري وأحزنتني لأني شعرت بأني صغيرة جدا أمام المسئولية الملقاة على عاتقناكلنافي هذا

المنبر لذلك قررت أن لا أهرب من الساحة وأن أبقى فيها بحبكم وثقتكم الكبيرة عموما أنا عاجزة عن شكرك وستجدني بعد العطلة

مباشرة وآسفة للتاخير لعدم وجود كي بورد عربي وقد حاولت بالكي بورد بتاع بكري لكن لم أفلح إلا في ردود بسيطة والآن أنا جالسة

في النت كافي في شارع إيجوار روود في وسط لندن مع عدد كبير من الناس لأرد عليكم وأقول لك وحشتوني والله العظيم والدنيا من غيركم

مسيخة ورغم حبي الدائم لهذه المدينة الرمادية ولكن بدونكم الدنيا كلها لا تسوى شي ,,,

Quote: لا يا عطوفة لا

فايتانا وين مستعجلة

مكتبي على بعد فرسخ واحد من مطار الدوحة
لو كلمتينا
كان للمطار جينا
وملينا العين حلا
ماشة وين مستعجلة

عواطف -- أصالة وطيب خصال

سنفتقد القلم والروح الحلوة - بس ما تحرمينا من الطلة ولو تخريمة سريعة.

أبو شيبة يا الخاتي العيبة !!!

مودتي وتقديري لمرورك الأنيق طلباتكم أوامر ,,,

أشكرك على هذه الكلمات الجميلة ,,,

ولأنه قرار قائم علي رغبه ذاتيه و دراسه ..
فانني لا أجد ما أقول غير..
وفقك الله في كل ما تخططين وتسعين لتنفيذه..
وتبقي الموده والكلمه الطيبه..والحب السوداني
ذزادا وذكري الي حين لقاء جديد في اي مكان في هذه الدنيا..

تحياتي..

موني !!!

محبتي ,,,

شنو الحكاية البيت محروس وستو تكوس ؟؟ كافية قندهار وشية جمر حاسبوا شوية ناس تاكل ما متذكرة ركوب الرقشات ,,,,

شكرا حبيبة دوما أنت في المقدمة ,,,

عبودي الحبيب !!!

تحياتي وتقديري لك ولساندرا وكل أفراد العائلة مع جزيل الشكر على مرورك الجميل ,,, ياريت لو جيت بمطار الدوحة وأنا في ديك الساعة والله طيران الاتحاد مباشر وسبع ساعات بدون توقف المرة الجاية إنشاء الله ,,, خلاص غيرت رأي حأكون بينكم بعد الإجازة ,,,

ربنا يوفقك ياعواطف

وغيب وتعال

الملكة المتوجة والجميلة !!!

إنت فعلا ملكة ويكفيني ما سمعته عنك من ماجدة خوجلي ,,, خليكي دايما ملكة يا أحلى كوين في المنبر ,,,

الرائعة عواطف ..

كيف تغادرين والحب لم يكتمل بعد ؟
ليتك تحاولين التواصل من اي مكان فالموقع في حاجة لجمالك؟
ونحن في حاجة لروعتك .. فالشجرة حينما تسقط ورقة لاتتاثر ..
ولكن حينما تقتلع الشجرة .. فلاشيء يبقي 00
فلاتتركي لنا الحسرة .. نحن ماناقصين ؟؟
لك الجب والمودة ..

بهاء الدين حسن عيسي / القاهرة

بهاء يا صاحب الحضور والبهاء !!!

طلتك الأنيقة تبعث في النفس السرور وكلماتك الرقيقة تدفعني نحو الأعمق رغم أنني لا أعرف فن العوم لذا فدعني أغرق في حبكم وجمالكم

وحلاوة روحكم أيها الأعزاء ,, أنتم أهلي وناسي ,, مبتداي ومنتهاي فلكم مني ألف شكر ,,

العضوة الرائعة .. عواطف
لاتبرحي المنبر فنحن نريدك .. كوني حضورا رائعا كما كنت فالسياسة
البغيضة القت بظلالها علي المنبر الا ماندر ؟؟

أختي بنت ادريس
أتمنى لك إجازة طيبة في السودان
ولكن
أوع أسمعك تقولي تاني ما بدخل البورد (فاهمة ولا مافاهمة )


أبوفتحية

أبو فتحية !!!

يسعد مساك يا صاحب الطلة البهية ,,,

مشتاقة وعندي لوعة ولكن مثلي لا يذاع له !!! أفتقدكم فردا فردا بكل ألوان طيفكم ,,,
ولكن
أوع أسمعك تقولي تاني ما بدخل البورد (فاهمة ولا مافاهمة )( فاهمة ونص وخمسة ) !!

الأخت العزيزة عواطف
ســلامات
من المحزن حقا أن يفقد المنبر أخوات لنا عزيزات الواحدة تلو الأخرى : دومة ، بيان ثم عواطف ، وأتمنى مخلصا أن لا تطول القائمة.
أتمنى لك إجازة سعيدة وعودا سريعا للمنبر لمواصلة الجمال والألق الذي سنفتقده دون شك طوال فترة غيابك.

تحياتي وصادق مودتي.

ما وريتينا من يوم كم لى يوم كم
عشان نعد الأيام ونحسب النجوم

كان ما قصة القراية أم دق كنا قلنا عشان نبرمج معاك

بالتوفيق بإذن الله

تحياتى للأسرة الصغيرة والكبرة

مودتى

ريري الجميل !!!

افتقدكم بشدة وزي ما قالت ممكونة كنت معاه هسة ومشتاق ليه لسة ,,,

لن أطيل الغيبة وسأعود قريبا إنشاء الله ,, نجمة نجمة الليل نعدو والسنين يا حليلنا يا رأفت عدوا ,,,

أبو الجعافر !!!

سلام على روحك الطيبة وقلبك الصافي زي قلب الرضيع ,,,

شكرا لهذه الكلمات الجميلة وإنشاء الله سأكون بينكم بع الإجازة واللي بدو يصير يصير !!!

في الغيبة الصُغرى ...
أختنا من الزمن الجميل :
الأستاذة / عواطف

بدري من عُمرَك
إنتَ لسَّ شباب
يا فرايحي اللون
يا ابعُيُون أحباب

هذا شعر من الزمن الجميل ، كان الصديق الدكتور محمد المهدي بُشرى يقول :
أعجب لهذا الشاعر فقد تجرأ حين قال :

يا ما إنتَ سعيد يالبَريدَكْ أنا

وكان الدكتور يرى أن المحبوبة دوماً على خُطاها تمشي دروب المحنة ، والرمال من تحت قدميها قبضة تميمة لمن يعشق ، فكيف وقد كسر الشاعر سلطان الخُضوع بأن محبته هي التي تبُث السعادة في قلب المعشوقة !

نعم بدري من عُمرَكِ .. إنتِ لسَّ شباب .

ولو اعتصر العُمر الصحافي من دنانه وشرب سيغيب الطعم من كؤوس الحضور لو كان السَفر بُقعة للنسيان .
لن تتوقف الدُنيا بحجارتها الصامدة في الثبات ، بل العُشرة الطيبة تُحيي ويقول الذكر الحكيم :

{ثُمَّ قَسَتْ قُلُوبُكُم مِّن بَعْدِ ذَلِكَ فَهِيَ كَالْحِجَارَةِ أَوْ أَشَدُّ قَسْوَةً وَإِنَّ مِنَ الْحِجَارَةِ لَمَا يَتَفَجَّرُ مِنْهُ الأَنْهَارُ وَإِنَّ مِنْهَا لَمَا يَشَّقَّقُ فَيَخْرُجُ مِنْهُ الْمَاء وَإِنَّ مِنْهَا لَمَا يَهْبِطُ مِنْ خَشْيَةِ اللّهِ وَمَا اللّهُ بِغَافِلٍ عَمَّا تَعْمَلُونَ }البقرة74

وما يُعرف وزن الذهب إلا في الجياد ، ولا يُعرف الفراق قيمة إلا فيمن يُجهِّز الرواحل للسفر . وإن من ود الحديث الذي لا يكتمل . وإن البشارة تأتي من غير ما ينتظر المرء .
لم نلتقِ إلا لماماً ، وسألت عنكِ محاسن حسين و فوزية يوسف ونعمات ..
ذات زمان وكُنتِ أنتِ صديقتهُن ، وإحداهُن من تشترك معنا عُمراً جميلاً في صفحة الكون وارتجاج المنافي .
تبراكِ العافية أينما حللتِ

سهلاً من خُضرة الأرض
وسماء لا تُمطر إلا العافية

عبد الله الشقليني

يوم لا يشبه أيامنا

الشقليني !!!

عبودي الحبيب ,,,

لأنك أيامكم كلها جميلة جمال روحكم النقية ,,,

شكرا !!!

عبودي !!!

شكرا ,,,

شكرا ,,,

شكرا ,,,

ربنا يسعدك ويهنيك ويعليك فوق للمابيك ,,,

دي لي الإجازة وبس

Quote: وأستودعك وزوجك وإبنائك الله الذي لا تضيع ودائعه

حانشوف حا تقعدي هناك كم يوم؟

أبوفتحية

ماما عواطف سلامات

انا اسمي مش مكتوب وجلابية ع قول تراجي
تحياتي واحترامي واقامة سعيدة اينما تكوني
كوني بخير
و

دمتي عواطف

Quote: ماما عواطف سلامات

؟؟؟؟ .... غايتو أمي كان سمعتك يا دكتورة , كانت قالت ليكي : أجي يا بنات أمي !!!!!

ثم ..
السمحة قالوا مرحلة ..
Noway ...



إستمتعي بالإجازة و أرجعي يا عواطف ..
بلا قراية بلا نيلة .

عمودي !!!

تحياتي وأشواقي يلا حدود وربنا يخلي ليك أمك ويديها الصحة إنشاء الله ,,

غايتو أنا آمنت بالله إنك كتاب كتابة ماحصلت خلاص مافيش مشكلة يا بعد عمري بلا قراية بلا نيلة ,,, أنا راجعة ليكم إنشاء الله

دعواتكم.,,,

إبنتي الحبيبة سودانية 2000 !!!

معزتي ,,,

رغم إنو إسمك سقط من القائمة ولكن أشكرك على الروح الطيبة مع أنياتي لك بالتوفيق والنجاح ,,,

أبو فتحية !!!

سلام على نيل بلادنا سلام ونخيل بلادنا سلام ,,,

الأولاد بسلموا عليك شديد وببلغوا الإخوة في المنبر تحياتهم ,,,

شكرا على شعورك الطيب ,,,

الاخت الكريمة الاستاذة عواطف

ألف مبروك فرصة القراية

وجودك كان على المنبر بهجة وحضورك كان مميزا على الدوام

وظهرت (نكهة) كتاباتك على قلة الفترة التي تواجدتي فيها هنا

وقمت بتقديم نماذج مبسطة وواقعية للمشكلات الاجتماعية للسودانيين بالذات في بيئات الاغتراب كما حافظتي على علاقات ندية وحارة مع الزميلات والزملاء هنا

هذا ليس جردا لواقع اشتراكك هنا لكنه فقط على سبيل التمثيل وليس الحصـر, إذن فوجودك هنا ذو قيمة عالية

آملي أن يحالفك التوفيق الدائم في دراساتك وأن تستطيعي الطلة من وقت لآخر والا ينقطع سيل خبراتك عن الورود إلى هذه الجهـة

لك التحية والتقدير وشكرا لايراد اسمي في القائمة



أحمـد الشـايقي

ودالشايقية يا صافي النية !!!

تحاياوشوق بلا حدود ,,,

شكرا على كلماتك الرائعة روعة شعرك الجميل على فكرة سلمنا القصايد ووصينا عليهم بس خليك متابع إنشاء الله سوف يتم نشرهن قريبا

معزتي يا سليل الكرام ,,,

...
امنياتى بالتوفيق

"والرجوع قريباً"

...
ناجى

الملك !!!

ما أنت الملك وملك عظيم يا زول ,,,

شكرا يا بعد عمري وإنشاء الله سأكون بينكم قريبا ,,,

الجميلة عواطف
في النفس حسرة
نتمني لك التوفيق
انشاء الله اجازتك في السودان
محل ماتمشس عديلة عليك
يا الزي الغيمة رشي
تسلمي

السمحة قالو مرحلة .. بعدك البورد ح يصبح خلا


عطوفة .. يا أحلى زولة ..

حتوحشينا .. وانشاء الله موفقة

أمولة يا أحلى زولة !!!

أشكرك يا بعد قلبي على هالكلمات الحلوة ربنا يسعدك ويوفقك ,,,

تخريمة : ليه شلتي صورتك الحلوة ؟؟ وابتسامتك التي تسعدنا كثيرا يعني لازم نكشر وما نلقى زول مبتسم في المنبر دة ولا شنو ؟

الاخت عواطف
مساهماتك هنا كانت رسالة ماجستير! وتعرفك على الناس وتعرفهم عليك رسالة بروفسوراه فى الانسانية!
اتمنى ليك التوفيق والنجاح فى كافة مشاريعك.
وتمشى وتجى بالسلامة.. يا حمامة مع السلامة.. ظللت جوّك الغمامة!

عدوووووولي !!!

محبتي بلا شك ,,,

أشكرك بلا حدود لهذه الكلمات الكبيرة والرائعة رغم أنك شاهد من أهلها ومع ذلك لك مني الف شكر أتمنى أن أكون عند حسن ظنكم ,,,

ولله يا عطوفة انا نهلة عمر عضو جديد لى يومين بس معاكم فى المنبر لكن من اشد المعجبات بى كتاباتك الرائعة ودايما بقرا ليك عن جد حافتقدك جدا اتمنى ليكى كل التوفيق و السداد و برضو ما تحرمينا منك للاخر مرة مرة طلينا

الاخت عواطف



تجازا الايجازة الشالتك منا

بنستناك بالاشواق

زى ما عشنا معاك بالاعجاب

انت رائعة فى جيتك وفى مشيتك

ماتتاخرى

دور نقاس !!!

محبتي ,,,

والله واحشني موت وزي ما بقول أبوعركي واحشني يالخليت ملامحك في حياتي ,,, واحشني يالرسيت مراسيك جوة ذاتي إلا بكرة لمت ترجع أنا

بحكي ليك عن الحصل ,,,

شكرا ربنا يسعدك ,,, سأعود قريبا ,,,

سلامات عواطف

الونسة ما كملت معاك
القرقراب والقهقهة

ونتمنا ليك التوفيق

بس ما طولي

ألف أهلا يادودي ,,,

راجعين للونسة والقرقراب والقهقهة ,,,

شكرا على شعورك الطيب ,,, ويت فور مي !!!

بت العزة والمهلة ,,, نهلة الضوت السهلة !!!

ألف مرحب بيك ,, نورتي المنبر يا ست البنات ,,, شكرا على شعورك الطيب ,, سأكون معكم بإذن الله ,, أسعدني حضورك ربنا يسعدك ,,,

عواطف

تحياتنا و عميق شوقنا
فرحنا انك نازله اجازه اوعك تقولى ما جايه السودان
نحن فى انتظارك و الرائين

هيثم

بنتشاوف لو الله مد في العمر

Good luck

كوستاوي الجميل !!!

بيني وبينكم شوق عمر لا نام لا مدو انحسر عشان كدة أكيد حنتقابل ,,

شكرا ,,,

عواطف

تحياتنا و عميق شوقنا
فرحنا انك نازله اجازه اوعك تقولى ما جايه السودان
نحن فى انتظارك و الرائين

هيثم

ست البنات
والله بعدك الفريق ح يصبح خلا
والله قراية الكبر دي حاره اسأليني انا
تمنياتي القلبيه لكي بكل التوفيق
اها ودعتك لله ونتلاقي في ساعة خير
ودابكدوك

هيثومي !!!

كيفك يابن اختي الحبيب ,,,

ياريت لو كنت جاية السودان كان اكيد حيسبقني الشوق قبل العين ,,, تحياتي للرائين ,,,

شكرا ,,

لو اختفيتى انتى والله البورد ده الا نفتش ليه بشبكة

لاتقولى ودعا ولكن خليك على لقاء دائما واينما سافرتى
بتجدى بعض من الوقت وهذا الوقت الذى سوف تجديهو ثقى تماما
بانه سوف يكون سبب فى سعادة مجموعة كبيرة من زوار هذا المنتجع الوارف
بوجودك
سوف نكون فى انتظارك دائما

Quote: الأخت العزيزة عواطف ســلامات من المحزن حقا أن يفقد المنبر أخوات لنا عزيزات الواحدة تلو الأخرى : دومة ، بيان ثم عواطف ، وأتمنى مخلصا أن لا تطول القائمة. أتمنى لك إجازة سعيدة وعودا سريعا للمنبر لمواصلة الجمال والألق الذي سنفتقده دون شك طوال فترة غيابك. تحياتي وصادق مودتي.

الجميله وصاحبة القلم الجميل والزوق الرفيع /عواطف اسمحى ان اكرر نفس كلام الاستاذ المقدر جعفر اسماعيل.. مودتى

ود ابراهيم الراقي الهميم !!!

أشكرك على الكلمات التي ليست كالكلمات ,,,

ربنا يسعدك ,,,

وليد !!!

أسعدتني كلماتك أيها الجميل ,, لايسعني إلا أن أشكرك وأقول وجودكم كلكم مهم نحن بنكمل بعض ولولا وجودكم لما كنا ولا كان المنبر

شكرا أيها الجميل وصاحب الذوق الرفيع ,,, ربنا يسعدك ويحفظك ,,,

ألأخت/العزيزة عواطف



لكى التحية..ولآسرتك الكريمة..

لا نتذوق الطعام من غير ملح...وبدون مبالغة أنتى ملح هذا المنبر...أنتى نكهته الجميلة..

تناولتى كثير من المواضيع الجميلة الهادفة بروئة ثاقبة.

لمزيد من التلفى وإزدياد العلم ,نوافق فقط بوعد باللقاء إذا مد الله فى العمر..

سلمتى وربنا يوفقك...

إسماعيل محمد احمد عباس....

المنبر ده تانى ما ح نتداخل فيهو ابدا
لانه بقى مسيخ وفاقد الطعم
بالامس د. بيان افتقدناها
واليوم عواطف ماشة
لكن والله القراية اهم بكثير في زمنا العولمى هذا
من بوستات لناس مابيستفيدوا ابدا
غيبى وتعالى
تلقينانحن يانا نحن بنتشاق لبوستاتك الرائعة
وفي انتظارك
على احر من الجمر

الجميل سيف !!!

محبتي ,,,

أنت كلو يوم بتـاكد لي أن السيف أصدق أنباء من الكتب في حده الحد بين الجد واللعب ,, ما تحرد المنبر سنكون معا إنشاء الله في

هذا المنبر ولن يفرقنا سوى الموت طالما يسكننا الحب ويجمعنا الإخاء الصادق ,, شكرا يا بعد عمري ,,,

الجميل سيف !!!

محبتي ,,,

أنت كلو يوم بتـاكد لي أن السيف أصدق أنباء من الكتب في حده الحد بين الجد واللعب ,, ما تحرد المنبر سنكون معا إنشاء الله في

هذا المنبر ولن يفرقنا سوى الموت طالما يسكننا الحب ويجمعنا الإخاء الصادق ,, شكرا يا بعد عمري ,,,

ود عباس !!!

الفي قهوة ما جلاس والفي الشهامة ماخد الكاس ,,,

أشكرك بلا حدود على كلماتك الجميلة وربنا يسعدك ,,

لاتتطيلي الغياب ياعواطف
...كمال عباس

كيمو الحبيب !!!

من شوفتو طولنا ,, نهواه مازلنا ,,, نهواه رغم الجور رغم الصدود عنا ,,, شوف بالله الطيبة والسماحة السودانية دي لغاية وين ؟؟

شكرا كيمو سأكون قريبا معكم بإذنه تعالى ,,,

كتبت عواطفنا الجميلة :

Quote: خلاص غيرت رأي حأكون بينكم بعد الإجازة ,,,

وحينها تزغرد الدوحة وتفتح أحضان الترحاب
وليك ح يهللوا البابين وتفرح شبابيكنا

أبو ساندرا الجميل !!!

الدوحة منورة بي وجودك والمنبر سعيد ببوستاتك ومداخلاتك الراقية ,,,

شكرا أيها الحبيب ربنا يحفظك ,,,

أختي عواطف..

يعني طلتك وإن كانت للردود والمجاملة أسعدتنا..

وقرارك بالعودة للبورد...أفرحنا..

لكن يا أختي يا عواطف..

يعني أنت هسع قاعدة في النت كافيه تردي

وشارة العيال,,,

بس دي قيمة مضافة لأصالتك...

الله يسعدك.. قولي آمين

مرحب عواطف

اسعدنا خبر رجوعك
في الاجازة

والف مرحب تاني

دودي !!!

معزتي ,,,

سأعود قريبا ,,,

مع السلامة وأبقى زي ما قلت ليك !!!

كيمو الحبيب !!!

ربنا يسعدك ويهنيك ,,و

آل عيل آل !! العيال من يوم ما يختوا رجلهم هنا وفرد طيران كلو واحد عندو اصحاب وبرامج يعني في واحد دكة قرب يترشح يكون

عمدة لندن من كتر ما عمل أصحاب من كل الجنسيات وعاد تعال شوف يوم السفر والتوقيعات الماخحمج ( مازن وي مس يو ) وما أدراكما

والله قاعدة في النت كافي وكلو ساعة بخت جنيه استرليني رصيد عشان الانترنت بتاع ماجدة عوض خوجلي مافيه عربي لكن بتعرف ليه براها

والله ياجماعة ماعارفة أقول ليكم شنو عن ماجدة أولا لقيتها منتظراني في المطار ومن يومها ما اتفارقنا إنسانة عظيمة بكل ما تحمل

الكلمة من معنى تسلم البطن الجابتها لأنها والله فعلا ترباية حبوبتها وحتى أسألوا منى خوجلي حتأكد ليكم المعلومة دي ,,,

اوكي

يا سلام يا عواطف.. نحن برضو بنحيي الأخت/ ماجدة وأختها منى وفعلا هم أصيلين.. وأنا عبرك برسل شكري وتقديري الجزيل للأخت/ منى خوجلي، لأنها كانت السبب في أن ألتقى بصديق العمر الذي ضاع مني سنين عددا في لندن...وكانت هي عبر هذا المنبر اللقاية التي بسببها لاقيت أخي العزيز / عزيز أحمد كامل...

تيك كير .. وقضي إجازة سعيدة مع ناس لندن أكيد مشتاق لكم من الحنية والطيبة المشهودة فينا ويا بختهم بيك ويا بختنا بأخوات زي ماجدة ومنى

ونخليك بعافية وإجازة سعيدة..

ياسلام يا عطوفه الولوفه....

غايتو ما خليتي لينا اي خيار غير الانتظار.....تحفظك السلامه واجازه سعيده يا عطوفه....