Post: #1
Title: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-18-2007, 09:50 AM
يسعد صباحكم يا أمة الأمجاد بتوقيت مدينة مكة المكرمة ويسعد مساكم بتوقيت مدينة قرينتش المعظمة!
وقبل ما أدخل في موضوعي الجديد عايزة أقول ليكم إني بشعر بعدم توازن لما اتذكر إنو ما عندي بنات يلمني لو كبرت وخرفت مع إنو بيني وبينكم الكبر حاصل والخرف ما داير ليه لمبة عشان تشوفوه بيهاوبشعر بالخوف لمن أشوف البنات بسون شنو في أمهات الأولاد , لكن برضو كمان بحمد الله لمن أشوف قلق أمهات البنات على مستقبل بناتن المجهول عشان أولاد الزمن دة بيني وبينكن يخوفو بالذات أولاد المغتربين المدلعين حبتين يعني كتير نمشي نحضر عرس إبن مغترب من بنت مغتربة ونكون فرحانين ومجهزين تيابنا ودهبنا من زمن لزوم البوبار والحت في صالة الإيجار لكن العرسان بخذلونا بعد شهر ولا شهرين نسمع إنه ود فلان طلق بت فلانة أم البت تقول طلع زول ما مسئول لا بخاف الله ولا الرسول وأم الولد تقول البت طلعت مايصة ودلوعة وكلمة راجلها غير مسموعة عشان كدي أنا عايزة أحذر المقبلات على الزواج من بناتنا الراسيات ورزينات مش الخفيفات ولفيفات العايزات سترة الحال والمابهمهن دهب لا مال وبقول ليهن إياكن والراجل الثقيل عشان الثقيل دي ما بتهضم ومهما تحاولي معاه تلقي روحك بتنفخي في قربة مقدودة يعني مثلا لو حكيتي ليه نكنة ما يضحك إلا تاني يوم وفي سره عشان ما تعرفي إنو بيضحك على نكتتك ولو لبستي لبسة حلوة وإتزينت و ختيتي مكياج وبقيتي على سنجة عشرة عشانو يقول ليك إنت طالعة ولا شنو ؟ ولو ولعت الشموع وختيتي شريط كابلي ولا أم كلثوم يوم عيد الحب يقول ليك أنا طالع مشوار مع صاحبي ( لكن يا أبو فلان الليلة ما عيد الحب ! حب شنو يا ولية أكبري أولادك بقو وش زواج ولسة عايزة تحبي ؟ ) طبعا زي دة بقتل فيك كل الأحاسيس الجميلة عشان كدة تقومي تحزني وتتبشتني وتمشي السوبر ماركت بالسفنجة وتبقي حوامة ورمرارمة ونضامة تكلمي روحك وتشاكلي الكلب وغاشي الدرب .
وأوعك كمان من البخيل ,, عاد دة لو عرستيه يا ويلك وسواد ليلك يحسب ليك عدد الرزات الفي المحشي والمصاريف بتاعة البيت يطلعن منو بطلوع الروح ومرات بداري عن بخلو بظرافة شوية مثلا يقوم يقول أسمعي يا عواطف المرة دي ما في داعي نمشي مهرجان دبي للتسوق عشان حاجاتو كلها موضة قديمة وبعدين كمان زحمة ودوشة وأنا ما بحب ريحة الآسيويين دي , بتجيب لي الجلطة ولا يقول ليك يا منى خوجلي ما في داعي تمشي السودان السنة دي الجو حار جدا وبعدين في حد يسيب لندن ويأجز في السودان ؟ أو يقول ليك يا حواء سليمان الأولاد ديل ما في داعي يمشوا في الويك اندLONON EYE خليهم يقعدو في الهايد بارك مالو ما حلو و جميل بدل ما يمشو هناك ويقدو جيبنا! ولا يقول ليك يا حليمة عبدالرحمن مهرجان جدة غير دة ما شفت أبيخ منو أفتحي ليه خالص وخلينا نزور أصحابنا ناس هاشم وخالد المحرب وبت أبوحريرة ولا يقول ليك يا ماجدة خوجلي هسة بالذمة أجمل ليفربول ولا باريس يا بت الناس خلي عندك شوية وطنية إنجليزية وصيفي هنافي بريطانيا يعني الجواز دة أدوك ليه لي شنو؟ ولا يقول ليك يا غادة خالد إنت هسة ما جيتي من عرس أخوك وشفتي أمك و أبوك تاني عايزة تمشي السودان لشنو؟ أحسن ليكي تكملي الدكتوراة بتاعتك وبعدين يحلها الحلال شفتو الظرافة دي كيف ؟
أما الراجل البساهر الليل دة عاد حكايتو حكاية ما بجي البيت إلا مع هبايب الصباح هاك يا سهر وكوتشينة وعدم مسئولية يخلي الآولاد نايمين ويجي يلقاهم نايمين يعني يصدف شهرين ما يشوفهم عشان لمن يصحى بلقاهم مشو المدرسة ولمن يرجع من الشغل بلقاهم نايمين نومة العصر ولمن يصحو بكون مشى الكوتشينة ولمن يرجع بلقاهم نايمين وهكذا دواليب أقصد دواليك عشان مافي واحد ولا واحدة تنط لي وتقول ما قالت صحفية ودارسة لغة عربية ما عارفة دواليك من دواليب قادر الله ومخير هو !! عاد يا بتي وطبعا بناة عمارة يعقوبيان الفيها 18 طابق كلهن بناتي وبنات البورد دة كلهن بناتي إبتداء من نهال الطيب وإنتهاء بسناء جعفر وبعتذر لبقية الأسماء الما ذكرتها عموما بقول ليكن البساهر الليل دة بيكون راجل ما عندو ضمير ولا إحساس بخليك قاعدة طل عمرك براك وتتحملي كل المسئوليات من تربية ومذاكرة ومستشفيات ومناسبات وهو غايب عن الوعي تماما ولما يفوق بكون الزمن فات والغناي مات وشعورك تجاهه بقى زي شعور الأموات وفتكم بعافية !
|
Post: #2
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: محمد سنى دفع الله
Date: 05-18-2007, 10:01 AM
Parent: #1
عواطف أختي الحنينة
الأيام دي في بوستات شجن
وده واحد منها زول زي الثقيل وبخيل وبساهر الليل نفعوا شنو اخير
تسلفو ناس تجاضات عشان امسخ عليهم عيشتم
ربنا اديك البنات الحنينات
وادينا نحن الأولاد او البنات
دعواتك
ونحن ياستي عايزين نصيف في لندن ونعرض مسرحية
اها قصرنا معاكم
مودتي
|
Post: #4
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-18-2007, 10:08 AM
Parent: #2
أخي الحبيب ود دفع الله !!!
مرورك برائحة المسك ,, أسعدتني يسعد صباحك ,, فعلا كلامك في محلو الثقيل دة المفروض نفك فيه البرايات النجاضات عشان يتأدب أما البساهر الليل دة المفروض يدقوا ليه خروج بدون عودة !! شكرا على المرور . المسرحية متين عشان نحضرها؟ ,,,
|
Post: #5
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-18-2007, 10:09 AM
Parent: #2
أخي الحبيب ود دفع الله !!!
مرورك برائحة المسك ,, أسعدتني يسعد صباحك ,, فعلا كلامك في محلو الثقيل دة المفروض نفك فيه البرايات النجاضات عشان يتأدب أما البساهر الليل دة المفروض يدقوا ليه خروج بدون عودة !! شكرا على المرور . المسرحية متين عشان نحضرها؟ ,,, آسفة للتكرار ود دفع الله محظوظ الرد جاه على مرتين ,,
|
Post: #3
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: abubakr
Date: 05-18-2007, 10:08 AM
Parent: #1
الحمد لله ....
|
Post: #6
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-18-2007, 10:11 AM
Parent: #3
ود سيد أحمد !!!
طبعا سامية هي البتحمد الله عشان إنت يا يابا حاشاك لا ثقيل ,, لا بخيل ,, لا بتساهر الليل !!
|
Post: #7
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: sudania2000
Date: 05-18-2007, 10:27 AM
Parent: #3
سلامات
وصفك للتقيل يجنن عديل
لكن أكان كدي الا نعرس خواجات ماهم كلهم كدا 
البقية بعدين
|
Post: #11
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: محمد المختار الزيادى
Date: 05-18-2007, 11:08 AM
Parent: #7
احكي ليكم دي عندي صاحبي كده مشهور بسنة الحنك والصراحه مره قاعد مع خطيبتو المهم انداح في الاحاسيس وكده قام طلع كيس التمباك داير يعدل المزاج ويواصل المد العاطفي قومي انت يا الشليقه وقولي ليهو يا انا يا التمباك ده طوالي فردتي دا قام فوق وقال ليها هوي يا بت الناس مع السلامه قال ليكم ما مسكتو من قميصو كب وقالت ليو انت ما نهظر معاك ولا شنو. عواطف متابعنك
|
Post: #25
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-19-2007, 06:31 AM
Parent: #11
حمدووووووووودي !!!
محبتي ,,,
حكايتك بتجنن شو مهضمومة!!
في واحد سوداني بخيل ساكن في الرويس وهي مجمع سكني لناس البترول ساكنين جنبهم ألمان مرتو المسكينة عروس جات ما ناقشة حاجة يوم شافت أولاد الخواجات قاعدين برة بياكلو عنب وتفاح قالت ليه عايزة زيو قال ليها ديل بجيبو معاهم من ألمانيا !!
|
Post: #12
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: doma
Date: 05-18-2007, 11:33 AM
Parent: #7
سلام يا عطوفه دا موضوع كارب نفشش غبينتنا فيه
لول يا سودانيه الفين بتي تصدقي في اي مكان واي جنس الريال هم هم سيم سيم الكمال لله وحده
نصيحتي ليك ابعدي من البخيل والبساهر الليل انا غايتو زولي ثقيييييييل الا تاني ما فيه اي عييب والله وثقالتو دي هارياني هري
|
Post: #26
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-19-2007, 06:33 AM
Parent: #12
دومة الحبيبة !!!
تحياتي ليك ولراجلك الثقيل ونصيحة مني ليك كوني أثقل منو حيتصلح حالو مع حبي لهذه الأمورة الحلوة,,
|
Post: #24
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-19-2007, 06:27 AM
Parent: #7
إبنتي الحبيبة سودانية ألفين !!!
محبتي ,,,
الكلام دة ما معناه إنه آخر الرجال المحترمين في حمد وخوجلي لسة الدنيا بخير وبالمناسبة عرس الخواجات الأيام دي موضة وأغرب حاجة كل البنات العرسو خواجات في أبوظبي في قمة السعادة لله في خلقه شئون !!!
|
Post: #8
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: محمد المختار الزيادى
Date: 05-18-2007, 10:32 AM
Parent: #1
يا عطوفه والله متابعنك وانت بتفضحي في عقلية النسوه والله مكسب تمام لحدي ما الواحد يعرس يلقاهم كلهم وعيو وخلو البوبار والفشخره ونختار المودرن لا بأس اذا كانت مدلعه او او الي الاخر السوفت وير دا مسؤليتنا نحنا نفرمطها ننزل ليها ويندز جديد كرت حمايه مدي الحياة اما السهر والله دمنا زي الشربات دا موضوع بنتفاهم فيو بعدين واصلي سردك ممتع تحياتي مخو
|
Post: #27
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-19-2007, 06:37 AM
Parent: #8
حمادة !!!
والله فعلا إنت دمك شربات لكن يا بعد عمري أي حاجة من الحاجات اللي بتجيب ليك الهوا خليها قبل ما تعرس عشان بعدين ما في تفاهم في المواضيع دي خالص أتمنى أن تجد الدلوعة الحلوة الما مخلوعة ,,
|
Post: #49
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: محمد المختار الزيادى
Date: 05-19-2007, 09:35 PM
Parent: #27
Quote: حمادة !!!
والله فعلا إنت دمك شربات لكن يا بعد عمري أي حاجة من الحاجات اللي بتجيب ليك الهوا خليها قبل ما تعرس عشان بعدين ما في تفاهم في المواضيع دي خالص أتمنى أن تجد الدلوعة الحلوة الما مخلوعة ,, |
| Quote: بعدين ما في تفاهم في المواضيع دي خالص |
نثق تماما فى جودة برمجياتنا والسوفت وير اصلى ما منسوخ
الفرمطه ما لل سي بس كل الدماغ حيتفرمط
تحياتى
ودام الود
مخو
|
Post: #91
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-25-2007, 09:23 AM
Parent: #49
حمودي !!!
إنشاء الله البرمجة تكون في اتجاه سليم وليس الاتجاه المعاكس أصو لو تابعتو فيصل القاسم دة بجيب
خبركم معزتي وعذري لعدم مشاهدتي لهذا المداخلة ,,
|
Post: #9
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: بدرالدين كاجوري
Date: 05-18-2007, 10:43 AM
Parent: #1
عواطف سلامات
لكن يا أبو فلان الليلة ما عيد الحب ! حب شنو يا ولية أكبري أولادك بقو وش زواج ولسة عايزة تحبي ؟ )
هاهههههههههههههههههههههههههههههههههههههه
واللة اول مرة اضحك من زمن
بعدين واللة انا ولا واحد في الفوق ديل يعني لاثقيل ولا بخيل ولابساهر الليل مع انني عايش في مكان السهر زاتو وبعد المواصفات دي كلها مالاقي واحدة ترضابي
يعني الواحد الا يبقي خواجة
ولك الود اضعاف
|
Post: #10
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: محمد المختار الزيادى
Date: 05-18-2007, 10:57 AM
Parent: #9
والله ما مستمتع بالموضوع دا الا انا واصلي واصلي يا عواطف ارح متابعنك
|
Post: #94
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-25-2007, 09:47 AM
Parent: #10
مشكور يا الحبيب دة من ذوقك وأصلك الطيب!!!
|
Post: #28
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-19-2007, 06:40 AM
Parent: #9
بيبي !!!
تحياتي ,,,
كالما إنت كدة , مد حبل الصبر شوية وألف من تتمناك وبعدين حكاية الحب وعيد الحب دي في قاموس الرجل السوداني غير موجودة مع إنو النسوان كلهن عواطف ومشاعر وبكلمة حب تستطيع أن تهيمن عليها مدى الحياة لكن لا حياة لمن تنادي !!
|
Post: #13
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: حافظ العشا
Date: 05-18-2007, 11:53 AM
Parent: #1
استاذة عواطف
صبحك الله بالخير
متابع كتابات الجميلة من زمان ومحتفظ بيها كمان
اها مسكت البنات بالاول وماخليتي ليهم جنبة ينوموا عليها
المرة دي جات علينا نحنا
وكيف الراي العرس ده نخليهو والله شنو
وبيني وبينك انا اصلو عندي راي في بنات الزمن ده
وده الحاميني العرس لكن بكلامك ده
البنات الببقن عندهن فينا راي
واصلي ودائما متابعنك
|
Post: #14
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: نهال الطيب
Date: 05-18-2007, 02:34 PM
Parent: #13
ست عواطف
حبيبة القسا
انشاء الله تتعلي ما تتدلي
غايتو السغيل والبخيل دي شفتها على أرض الواقع لكن النصيبةكانت أنو الراجل كان برت بلس اتنين في واحد بخيل وسغيل والمراة نقناقة ولك ان تتخيلي باقي السناريو مبالغة عديل كده
لكن بتاع الكويشتينة دي ما فكرنا فيها
تسلمي
|
Post: #15
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عفاف أبو حريرة
Date: 05-18-2007, 03:56 PM
Parent: #14
| Quote: عشان كدة تقومي تحزني وتتبشتني وتمشي السوبر ماركت بالسفنجة وتبقي حوامة ورمرارمة ونضامة تكلمي روحك وتشاكلي الكلب وغاشي الدرب |
توفي العسل والله ضحكتني لما بكيت
عندك كلام زي السكر يعني النسوان
المبشتنات ديل كلهم فارق عليهن
الفالنتاين
يخليك ربي
عفاف
|
Post: #16
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: salma subhi
Date: 05-18-2007, 06:10 PM
Parent: #15
عطوفه سلاااااااااااام كتير
لكن ما ضحكتيي ضحك....الراجل الثقيل ده بيمرض ويجيب ضغط وسكري ...... أخير منه عدم العرس....
بس في سؤال يا عطوفه ليه أكتر السودانين ما بيتفهموا حكاية تنظيم يوم رومانسي
أو مفاجأة جميلة للعريس...ذكرتيني موقف
عندي واحدة بعرفها قال لي انا الليلة حافاجأ زوجي حأعمل ليه مفاجأة حلوة، أمشي معاي ساعديني أشتري حاجات...طبعاً مشينا وأشترينا ...شي ورد كان شفتي وشي ريحة هدية ليه...وكده...المهم...لما جا ليه في مفاجاه قالت ليه تبقى كيف مفاجاة؟
قال ليها تقولي ولا أطلع...أبت تقول لزوم المفاجاه ...قال ليها ما تقولي أقول ليك ياخي أنا ماشي ....
والبخيل ده...بيقتلك قبل يومك....يبقى متي بي صمة خشمك
والبساهر الليل....ده الكلام فيه كتييييييييييير....ما بتقال
كل المذكورين أعلاه ما بنداروا
|
Post: #17
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: هاشم أحمد خلف الله
Date: 05-18-2007, 10:08 PM
Parent: #16
عطوووووفة كيف حالك وإزيك كل الناس مازيك , المرة الفاتت كتبت ليك قصيدة المرة دي ما عارف اكتب
ليك شنو ؟!!! .
الحمد لله دمنا حلو زي الشربات ويدنا فاكة للريالات وبنوم بعد صلاة العشاء أها لقيتني كيف !!!
بس بيني وبينك كده أم أحمد ما بتخلي جرستا وراك وراك وبعد مرات ماشي وين سوق أحمد معاك مع إني
والله مسكين يعني زول بنوم من بعد صلاة العشاء يقولوا عليهو شنو ؟؟ .
موضوعك جميل كجمالك وثقيل في وزنه وبخيل لان الواحد لمن يقراءه عايز يحتفظ بيهو براهو ونقعد
نساهر الليل في قراءته والإستفادة من خلاصته , تسلمي كتيرة يا بنية لاني الوحيد عارف عمرك الحقيقي
كم !! كبرتي وليك 17 سنة  لزوم خفة الدم .
|
Post: #38
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-19-2007, 08:38 AM
Parent: #17
هشومي !!!
معزتي ,,,
والله أم أحمد عفيت منها يا مأمن الرجال يا مأمن الموية في الغربال ,, مش لو بتنوم بعد صلاة العشا طوالي لو بتنوم قبلها كمان لازم ترسل معاك أحمد الواحدة في الزمن دة أخير ليها تنوم وعينها فاتحة
أما خفة دمك دي ما عايزة نقاش طبعا وعمري دة كان بقى 17 ولا 70 ياني القاعدة ليكم كدي زي أبو الهول بلبس الجينز بس ما بنصلو زي أولاد الزمن دة أريتها يا يمة موضة السواد والرماد الكال حماد قاعد تجيب لي العصبي ,,,
|
Post: #37
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-19-2007, 08:32 AM
Parent: #16
سلوم يا الخاتية اللوم يا أجمل بت في الخرطوم !!!
أيه رايك في الكلام دة ؟؟
يا بعد عمري الرجل السوداني بصفة عامة ليست لديه ثقافة الرمانسيات ولا يتعاطى معها إلا أيام الجكيس
والخطوبة وبعد كدة عينك ما تشوف إلا النور حبي أيه اللي إنت جاي تئول عليه دة أنت بينك وبين الحب
دنيا !!
والبساهر الليل دة مرات بيجي بلقى البيت خلا !!
|
Post: #31
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-19-2007, 06:50 AM
Parent: #15
بت أبو حريرة !!!
محبتي ,,,
والله الفلنتاين دة فارق على نسوان كتار عشان كدي لما تشوفي واحدة ما محننة و مبشتنة وداقة جرس
أعرفي الحاصل عليها شنو ويجعلو عامر !!
|
Post: #30
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-19-2007, 06:47 AM
Parent: #14
نهولة !!!
يا أحلى زولة ,,,
عاد الراجل لمن يكون IN ONE 3 عوجة كبيرة وبتاع الكوتشينة دة أسأليني منو بجيب ليك الضغط والسكري
قبال يومك ,, بعد الشر عليك ,,,
|
Post: #29
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-19-2007, 06:43 AM
Parent: #13
ود العشا يا جنى الحشا !!!
لك من الحب والمعزة أضعاف كلماتك الرقيقة ,, بس يا بعد قلبي لا يأس مع الحياة إنشاء الله حتلقى كاملة
الأوصاف قريبا والمسألة في الآخر نصيب ,,, شكرا على مرورك الزاهي ,,,
|
Post: #18
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: mamkouna
Date: 05-19-2007, 01:29 AM
Parent: #1
إحذري..
الثقيل...
البخيل..
و..
المساهر الليل..!
+
الهجٌاص..
البصبٌاص..
و..
الما..ونٌاس!
|
Post: #19
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: Outcast
Date: 05-19-2007, 01:44 AM
Parent: #18
مكرر,, عذرا
|
Post: #20
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: Outcast
Date: 05-19-2007, 01:45 AM
Parent: #18
| Quote: زي دة بقتل فيك كل الأحاسيس الجميلة عشان كدة تقومي تحزني وتتبشتني وتمشي السوبر ماركت بالسفنجة وتبقي حوامة ورمرارمة ونضامة تكلمي روحك وتشاكلي الكلب وغاشي الدرب |
و أنا أقول ما لي حايمة بي سفنجتي السنة كلهاو ما طايقة جزمة فى رجلي .. أتاريها الدبرسة ......
طيب الواحدة العندها راجل لامي التلاتة صفات دي تعمل شنو ؟؟
|
Post: #21
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: doma
Date: 05-19-2007, 05:01 AM
Parent: #20
| Quote: طيب الواحدة العندها راجل لامي التلاتة صفات دي تعمل شنو ؟؟ |
لووول اوت كاست كان لماهن التلاته تطلقه بالثلاث وتكشف حالو عشان ما تقع فيه بت ناس مسكينه تاني يبهدل حياتها .
بعدين يتخيل لي عطوفه نست اكعب الصفات وهي الراجل
النجاض والشكاك والشناف .
|
Post: #34
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-19-2007, 06:58 AM
Parent: #21
العزيزة دوما دومة !!
كلامك صاح وفي محلو تكشف وتنقح طارقو وبعدين جاياك للصفات الأخرى في بوست تاني عشان التطويل ممل
تسلمي يا الحبيبة ,,,
|
Post: #33
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-19-2007, 06:55 AM
Parent: #20
أوت كاست !!!
محبتي ,,,
عاد حزنتيني عليك جدا من الليلة بخلي بالك منك خالص و رغم إني ما بوصيك على كدة لكن العندها واحد
لامي التلاتة حاجات ديل تمشي تقوم بعملية استشهادية وتموت شهيدة بدل ما تنتحر !!!
|
Post: #22
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: abubakr
Date: 05-19-2007, 05:19 AM
Parent: #18
Quote: الهجٌاص..
البصبٌاص..
و..
الما..ونٌاس! |
لاحول .. ياممكونة العزيزة ...
ثقيل وبخيل وبساهر الليل- يعني عربية البلدية لانها ثقيلة وبخيلة بس بتشيل وبتجي اخر الليل
وهجاص -مكرفون حفلة اخر الليل وشابك فيهو واحد مشعشع
وبصاص-الضب اصلو انا اشوف الضب بيتهيالي انو بصبص
وما وناس -مذيع بعرفو وانا طوالي بخلي الصوت mute لما سيادتو يطل
دة ما تبقي نصيحة بس محظورات عشان ما يهوب ناحية بناتنا
|
Post: #23
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: doma
Date: 05-19-2007, 05:52 AM
Parent: #22
ابو بكر العزيز اكعب صفات الرجل علي الاطلاق تلاث
الشك
البخل
والنقه
الثقاله تحتمل والسهر يحتمل بس كل شئ ولا الراجل البشك وبخيل وبنق طول الوقت
|
Post: #36
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: مجدي عبدالرحيم فضل
Date: 05-19-2007, 07:11 AM
Parent: #23
ست الكل برئحة الفل ،،،عواطفنا النبيلة،،،
شنو الحكاية واقعه هرش في الرجال ديل الثقيل والبخيل وبساهر الليل
والعكس ديل برضو في نسوان ما بيعجبن العجب ولا صيااام رجب آه نعمل شنو!!
بيني وبينك اليومين دي في الخفاف بيشلم الهوي وبيبخلوا حتي بالسلام وسهر
الليل مليان كلام وكلام والمسكين التعبان جافيهوا النوم ومجافي كمان بالحيل
كلام عزيزتنا دومه: عجبني ووصيتة لأبوبكر(ابو بكر العزيز اكعب صفات الرجل علي الاطلاق تلاث
الشك
البخل
والنقه
الثقاله تحتمل والسهر يحتمل بس كل شئ ولا الراجل البشك وبخيل وبنق طول الوقت )
آه والعكس ده برضو بينقوا فيهوا مالك مابتتكلم وأنا بتكلم مع ضلي أنت طول اليوم قاعد
في البيت ما بتطلع مالك أوع تكون الشغاله دي عاجباك وهاك ياقطع عيش الشغالات الله يسلم
الشك وجنون الشك ومرارة الشك وأفلام كتيرة للسودانيات المتزوجااات المغتربين التعبانين
عليهم هم الوطن ودين الوطن ومعها المره الشكاكه والنقناقه والمابيعجبه العجب ولامريخ
الدهب لونزل من سماه ومع كل الموضوع جميل ويفطس من الضحك وحقيقي نمازج حاصله ومزينه
برواز زواجنا وحكاية من حكايات حلتنا وتسلمي ياخفيفة الضل ومنفس يدخل منو الكل ، ويا
حليل زمن التكل وحوش يمرح فيهوا الصبيان وصبياتنا الكحال مع موتي وأنا لاثقيل ولا بخيل
ولابساهر الليل الطويل وكمان دي مشكلتي مع أم قصي أنت مسرف ويدك فاكه وبتدلع الود ،
زيادة وأصدرنا القرار الآتي نصه : تتحول من اليوم وزارة المالية لأم قصي مع تبعياتها
ووزارة الداخيلة حكرا لها والشئون الأجتماعية مناصفه والثروات المعدنية والنفطية ،
والزراعية عند الضرورة تكون مناصف بين حكومتي الجنوب والشمال وبعد الفترة الأنتقالية
نقيم الوضع ونديكم التقرير النهائي مع المشاركة الزوجية تكون الدنيا ليل غربه ومطر
وتقاسيم وجع الوتر بس بدون شدُ عشان ماينقطع .
بنرجع بعد مداخلات تسر المرتين والرجل ،،،أبوقصي،،،
|
Post: #40
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-19-2007, 08:59 AM
Parent: #36
أبو قصي !!!
ياللي مش زي زي ولا أي أي ,,,
فعلا إنت دمك خفيف شربات بس يدك أمسكها شوية الزمن ما معروف ,, بخصوص المرة المابعجبها العجب ولا
الصيام في رجب دي الله يكون في عون راجلها ,,, عليك الله يا أبوقصي ما تفطس من الضحك عشان نحنا عايزنك
هنا في المنبر وشيالنك لعوزة يا راجل التقيلة والأماني المستحيلة ,, بعدين أم قصي الحلو دة أديها
صلاحيات واسعة تعمل زي ما عايزة خصوصا وزارة النفط والثروة المعدنية والمالية ووزارة الإقتصاد
والداخلية ,, ونائب الرئيس التالت ,,,
|
Post: #44
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: doma
Date: 05-19-2007, 09:39 AM
Parent: #36
| Quote: آه والعكس ده برضو بينقوا فيهوا مالك مابتتكلم وأنا بتكلم مع ضلي أنت طول اليوم قاعد |
لوول ابو قصي نحن ما قلنا يبقي كاتم صوت ويقطع الونسه انا بقصد النوع اللهلاه داك البصرف ليك ميتين امر في ساعه وعنده ستميه طلب في اليوم ويسالك سؤال نكير وكل شئ عنده فيهو رائ مخالف لو نقطت ليهو العسل يقول ليك مر .
|
Post: #45
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: مجدي عبدالرحيم فضل
Date: 05-19-2007, 10:36 AM
Parent: #44
Quote: نحن ما قلنا يبقي كاتم صوت ويقطع الونسه انا بقصد النوع اللهلاه داك البصرف ليك ميتين امر في ساعه وعنده ستميه طلب في اليوم ويسالك سؤال نكير وكل شئ عنده فيهو رائ مخالف لو نقطت ليهو العسل يقول ليك مر .
|
كاتم السر مابحت وللأقدار نصب من جملة الأوامر !
ونوع البيصرف ميتين وستمية طلب في الدقيقة مافي اليوم دي بتكون بانكر في مصرف أبوظبي!
أما المره مابنقط لها العسل نجيب ليها النحله وهي براه بتعصره لمن تجيب عسل ناشف وبعد
كده تضوقوا وتحكم!
والله في الأمران عجب !
بس الحريف يحاور من النص للدفاع ومايجب قوون يخليها تعادل دائما بيكون الولف ودي حلاوة
الزواج والتفاهم من أجمل أسعاد كل قطب للآخر وربنا خلق القطبين ديل سالب وموجب عشان ،
يحصل التجازب في كل شي ولو الأتنين متشابهين بيحصل التنافر والأنفصال وربنا يجعل بينا
االموده والرحمة والمحاوره في ذحمة الحياة التي نحن من نجملها أو نفسدها تسلمي يادومه
ويدوم علينا سر النعيم في كل حياتنا ولك منها الموده والمحبه. ،،،،أبوقصي،،،،
|
Post: #35
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-19-2007, 06:59 AM
Parent: #22
أبوبكر سيد أحمد !!!
ضحتني جدا تسلم من كلو بلى ,,,
|
Post: #32
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-19-2007, 06:52 AM
Parent: #18
ممكونة الحنونة !!!
أحذري الممكون وما صابر !
الحداث وما قادر !!!
المجنون و ما شاعر !!
|
Post: #93
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-25-2007, 09:36 AM
Parent: #18
ممكونة الحنونة !!!
محبتي وأسفي الشديد لأني افتكرت إني رديت ليك ودة من كثر حبي ليك يا غالية ,, عموما الهجاص
والبصباص والما ودناس ديل أسوأ نوع من أنواع الرجال ,, ومشكلتهم ما ببتعالج .. معزتي .
|
Post: #39
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: abubakr
Date: 05-19-2007, 08:44 AM
Parent: #1
دوما العزيزه
دييل الاتنيين اصل المصايب والحياة بتصيير جحيم بوجود واحد منهم فما بالك بالاتنيين
ديل بتكون احيانا وراثية وكثيرما تصاحب الكبر وقلة الشغل فالعجوز يبقي نقناق
|
Post: #41
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-19-2007, 09:04 AM
Parent: #39
أبوبكر سيد أحمد!!!
شكاك وبخيل؟؟؟ وووووب علي دة ما موت عديييييييييييل !!!
|
Post: #42
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عبد اللطيف بكري أحمد
Date: 05-19-2007, 09:10 AM
Parent: #1
| Quote: أحذري الراجل الثقيل ,,, البخيل ,,, والبساهر الليل !!! |
استاذة عواطف قاصداني عديييل،،
الحمد الله نصيحتك جات متأخرة وإلا كانت أم خالد
أخدت خبر،،،
بخيل دي متأكد منها ما معانا ، والأولى ما عايز أجيب
أسمها دي عندنا بالكوم ،، كلنا،،، لكن التالتة سهر
الليالي : الحمد لله سهرنا جوة البيت ،، مع الجزيرة
الرياضية ،، أحسن حاجة للمرأة إنك تكون مبتلي بالجزيرة
الرياضية ، وعشان خاطرك المدام تقعد تحضر معاك المباراة
بس لزوم الغريزة تشجع برشلونة وأنت بتموت في الريال،،
واصلي يادفعة،، الحمد الله النت دي ماظهرت من زمان،،
سلامي،،
|
Post: #43
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-19-2007, 09:27 AM
Parent: #42
عبوووووووووودي !!!
محبة صادقة ,,,
يعني أم خالد إتخمت وأخدت زمبة ؟ الله يكون في عونها وبعدين بيني وبينك السهر مع قناة الجزيرة أخير
من سهر الكوتشينة الشينةأهو قاعد قدام عينها وشايفاك بس أعمل حسابك في التشجيع لمن يكون الفريق
بتاعك منتصر وفريقها مهزوم عشان ما فجأة تلقى روحك مخبوط بي مفراكة ولا كباية ,, بعدالشر يا أخوي
وبعدين معاك يا عبودي دفعة دي شنو أنا في الكي جي تو ما شفتك أكون دفعتك كيف وعمري 19 سنة ويوم
أوعك تجيب لي الجلا !!
|
Post: #46
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: salma subhi
Date: 05-19-2007, 01:07 PM
Parent: #43
| Quote: أيه رايك في الكلام دة ؟؟ |
ده كلام كبييير يا عطوفة....وده بس من ذوقك يا عسل
مودتي
|
Post: #53
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-20-2007, 04:43 AM
Parent: #46
سلوم ياالخاتية اللوم !!!
محبتي ,,,
إنت تستاهلي كل خير يا بنت الأصول ,,,
|
Post: #47
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: إسحاق بله الأمين
Date: 05-19-2007, 02:41 PM
Parent: #1
البخل ما مشكلة ، وثقل الدم ما مشكلة، لكن المشكلة كل المشكلة في الرجل الذي يهرب من البيت ويترك زوجته وأولاده ويقضي ليله سهراناً في "الفارغة ومقدودة". مثل هذا الرجل كما ذكرت أنه رجل غير مسؤول، فإن كان الرجل غير مسؤول فعلى بيته السلام وكان الله في عون زوجته وأولاده.
|
Post: #48
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: EMU إيمو
Date: 05-19-2007, 03:55 PM
Parent: #47
عواطف تحياتي
الخوف انو بعد شويه الكل يصبح اخوان
مع فتاوى زمنا، والعزابه يمسكو الحصير بدل الخشب
وسلامي للجميع
|
Post: #50
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: Outcast
Date: 05-20-2007, 03:50 AM
Parent: #48
دوما الحبيبة ,,
Quote: لووول اوت كاست كان لماهن التلاته تطلقه بالثلاث وتكشف حالو عشان ما تقع فيه بت ناس مسكينه تاني يبهدل حياتها .
بعدين يتخيل لي عطوفه نست اكعب الصفات وهي الراجل
النجاض والشكاك والشناف . |
و الله التلاتة ديل برضو متوفرين ممكن برضو يتوفروا فى شخصية واحدة مع التلاتة القالت عليهم عواطف
إكتشفت مؤخرا ,, و مؤخرا جدا انه الشناف دة جزء لا يتجزء من الشخصية السودانية . كنت قايلة زمان النسوان براهن الشنافات . لكن بعذ الزواج عرفت الشناف ال على اصولو
و بعدين ياتو راجل سوداني ما شكاك ,, و الله مرات بيجو بتفسيرات جهنمية جدا لمواقف بسيطةالشيطان ذاتو ما يفكر فيها ..
اما النجاض ,,فده عايز ليهو بوست براهو
|
Post: #51
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: Outcast
Date: 05-20-2007, 03:56 AM
Parent: #50
Quote: لكن العندها واحد
لامي التلاتة حاجات ديل تمشي تقوم بعملية استشهادية وتموت شهيدة بدل ما تنتحر !!! |
عزيزتي عواطف .. ما فى مانع .. بس ما لاقية لي حزام ناسف .. بلقى و احد عندك
|
Post: #56
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-20-2007, 04:57 AM
Parent: #50
أوت كاست !!!
معزتي ,,,
في رجال لا بعجبهم العجب ولا الصيام في رجب وحتى لو وقدتي أصابعك العشرة شمع مافيش فايدة وفي رجال
ناكرين جميل ,, تقيفي معاهم وقفة رجال ولما يتنفسوا الصعداء يدوك بالشلوت في أقرب منعطف يعني
الشناف ببقى حمى خفيفة مع الحاجات التقيلة دي أما الشك فدة زي ما قلت عاوز بوست كامل ولا عزاء
للسيدات ,,
|
Post: #55
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-20-2007, 04:52 AM
Parent: #48
إيمو العزيز !!!
معزتي ,,,
ودي فعلا حاصلة معظم الأزواج والزوجات بقوا أخوان لوجود حاجز نفسي كبير يصعب إزالته والعزابة بيني
وبينك مسكوا الخشب من زمان وربنا يجيب العواقب سليمة ,, شكرا إيمو على العبور الأنيق ,,,
|
Post: #54
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-20-2007, 04:45 AM
Parent: #47
الحبيب ودبلة !!!
محبتي ,,,
وااله كلامك صاح مية في المية وياما في بيوت خربت بسبب السهر وعدم الفكر والولاد اتشتتوا وبرضه
الأب سادر في غيه وزي ما بقولو أمهاتنا الله في ,,, شكرا على مرورك الزاهي ,,
|
Post: #52
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: بدرالدين كاجوري
Date: 05-20-2007, 04:06 AM
Parent: #1
مع إنو النسوان كلهن عواطف ومشاعر
كان كدي ياني اللايك الصبر تب
ولك الود اضعاف
|
Post: #57
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-20-2007, 05:01 AM
Parent: #52
بيبي !!!
صدقني إنو المرأة إنسان رقيق جدا ومهما كانت شرسة أو قوية الشخصية تستطيع أن تجعلها مثل الطين
الصلصال بكلمة طيبة أو لمسة حانية عشان كدة أنا دايما بقول ليه الرجال بنكدوا على حالهم بقسوتهم
وعصبيتهم على المرأة في حين إنو ممكن يكونوا أسعد ناس لو لعبوها صاح ,,, مرورك يسعد الخاطر ,,
|
Post: #58
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: كمال الدين بخيت اسماعيل
Date: 05-20-2007, 12:17 PM
Parent: #57
الاستاذة عطوفة
وكمان حذارآ من راجل المرة......( خدو الحكمة من افواه وارانب)
تحياتي
|
Post: #59
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: Siddig A. Omer
Date: 05-20-2007, 10:48 PM
Parent: #58
الراجل الثقيل ,,, البخيل ,,, والبساهر الليل !!!
دها راجل و لا سواق "شاحنة"
يطقسوأ علينا الاخوة القطريين بقولهم:
"سائق كورلا و فى البيت غورلا"
دهــا قصدك؟؟؟؟
صديق - الدوحة
|
Post: #61
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-21-2007, 09:58 AM
Parent: #59
أخي الحبيب صديق !!!
ودي ,,,
يا ريت لو كان سائق شاحنة كان عذرناه لكن كوت شينة شوف الإسم دة شين كيفنهو !! وبعدين البقرقو
علينا مش القطريين بس دي كل الدنيا في حكاية كوريلا وغوريلا دي ولا عزاء للسودانيات .
|
Post: #60
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-21-2007, 09:46 AM
Parent: #58
كيمو !!!
تحياتي بقدر معزتي ,,,
ناخد الحكمة من افواه وأرانب ولا حمادة بت والله حيرتونا !!!
|
Post: #63
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: فاروق حامد محمد
Date: 05-21-2007, 12:57 PM
Parent: #60
| Quote: مع إنو النسوان كلهن عواطف |
يا ريت يا توفي !!!!!!!!
|
Post: #64
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-22-2007, 05:56 AM
Parent: #63
ياريت يا توفي !!!
روءة !!!
عندك شك ؟؟؟
|
Post: #62
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: Haitham El Galal
Date: 05-21-2007, 12:46 PM
Parent: #1
هوووووووووووووووى يا عواطف و اللة انتى بتجيبى لينا المشاكل؟
طيب البسافر كتير و بحب الكوره مره مره السودانيه و بساهر لغايه 11 او 12 يافى النت او مع الجماعه فى الشارع كيف
تخريمه:
البلوم نزل يا اهلنا البلوم نزل جننا
بتخارج قبل ما ابو الراء تجى تتاوق
مودتى و عميق شوقى و تقديرى
|
Post: #65
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-22-2007, 05:58 AM
Parent: #62
هيثومي !!!
واحشني موت ,,,
كيفكم وكيف أخبار زولنا العزيز إنشاء الله الأمور كلها أوكي ,,,,
غايتو البعمل الحاجات دي كلها المفروض يدقوا ليه خروج بدون عودة !!
محبتي ,,,
|
Post: #66
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: abdalla elshaikh
Date: 05-22-2007, 06:55 AM
Parent: #65
شايقيي... و..حقتها فاضي
|
Post: #70
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-23-2007, 08:53 AM
Parent: #66
ود الشيخ !!1
معزتي ,,, و إعجابي بالحلوة الشايلة دي !!
أسمعني هوي أبعد بعيد عن الشايقية مالك عايز تجيب لينا الهوى ؟
|
Post: #67
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: د.محمد حسن
Date: 05-22-2007, 07:25 AM
Parent: #1
كل العواطف
خلينا من الكلام الكتير
انت اولادك كيف
شايفهم عينهم علي بناتي
مودتي
|
Post: #68
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: فاروق حامد محمد
Date: 05-22-2007, 07:37 AM
Parent: #67
معقول أشك ؟؟؟
ده هتى أبقى مش بني آدم
|
Post: #73
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-23-2007, 09:05 AM
Parent: #68
روءة !!!
تحياتي ,,,
شكرا على الإعتراف الرقيق ,,,
|
Post: #71
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-23-2007, 08:55 AM
Parent: #67
ودحسن !!!
محبتي ليك وبيناتك وأم بناتك ,,,
طبعا بناتك حيكونو محظوظات لو عرسن أولادي لآ فيهم البخيل لا الثقيل ولا البساهر الليل ,,,
|
Post: #69
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: محارب
Date: 05-22-2007, 08:42 AM
Parent: #1
عطوفة اللذيذة
سلامات كتيرة
((وبعدين البقرقو علينا مش القطريين بس دي كل الدنيا في حكاية كوريلا وغوريلا دي ولا عزاء للسودانيات .))
عندي زميل سعودي عاجباهو المقولة دي جدا وكل ما يلقى فرصة يقولها لي
قلت ليهو ما مشكلة انتو السعوديين (( في الشارع ... بنز وفي البيت ... عنز ))
قال لي أيه والله صحيح
|
Post: #72
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-23-2007, 08:58 AM
Parent: #69
محارب !!!
ودي ,,,
عارف يا محارب ضحكتني لمن وقعت على قفاي بس بيني وبينك السعودي بستاهل ,, شكرا على مرورك الأنيق ,,
|
Post: #74
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: ماجدة عوض خوجلى
Date: 05-23-2007, 11:35 AM
Parent: #1
عطوف كيفيك حبيبى
عارفه حبيتى اى حاجه فى الدنيا دى الناس ممكن تتحملا الا الثقاله والبخل اما حكايه سهر الليل دى مااظنها مشكله
كبيرة انا غايتو ماقادرة افهم انو كيف من الاول الواحدة ممكن تختار ليها واحد دمه دموك تقيل اساسا كيف ذاتها
عرفتواو بمعنى اصح كبف قدرت تتفاهم معاه واقنعا انها تتزوجو غايتو الاتكون هى زاتا اسوء منه اما حكايه البخل دى
فكوم تانى براه طبعا فى فرق بين الزول العندو وماعايز يطلع والزول الظروفو مابتسمح ليه غايتو اسو حاجه فى الدنيا دى البخل والناس البخلا بس علشان مانظلم الرجال فى سيدات اسوء بكتير والله لمن تتحيرى والغريبه فى الموضوع ومامفهوم انها
حتى على بيتا بتبخل فى كل شئ اتخيلى الكارثه لو هو وهي الاتنين طلوعو بخيلين دى هتكون كارثه اجتماعيه لانهم هيطبعو الاولاد بيها
نجى نتكلم عن حكايه عيد الحب ووردتى ووردتك عارفه طبعا السودانيين بيغلب عليهم طابع الخجل علشان كده بتلقى انهم نادر
مابيعبرو عن الاحساس حقهم وحتى لو كان شايف انو طبيعى جدا انك تعبر عن احساسك بيقوم يفكر فى الناس المعاه اكتر من مايفكر فى حاجتو هو
عندنا صديق اتزوج وبعدين زوجته جات من السودان المهم مشينا معاه المطار علشان نقابلا اها لمن وصلت بقى هو يتلفت ويعاين
حوليه وشكله كان مرتبك بشكل كبير لمن شكينا انو فى حاجه حصلت وبعد مجهود اخونا قدر يسلم عليها عارفه عارفه ياعطوف السبب شنو كان فى
ارتباكه والكان حاصل عليه اتخيلى قال لى انو كان جايب معاه وردة وشايلا جوه الكوت ولمن لقى المطار فيه سودانيين كتار
وفيهم ناس بيعرفوه خجل يقدما ليها وقال لو كان عملا وشافوه كان بقى ونسه عن العوارة العملا ويبقى مضرب مثل تانى لاى انسان
شايل ليه وردة يشوفوه اتخيلى بس عطوف جنس ده مش مبالغه عديل .
عطوف حبيبى انا مشتاقه ليكى تحياتى حبيبه
|
Post: #75
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: Siddig A. Omer
Date: 05-23-2007, 01:35 PM
Parent: #74
و الله يا جماعة الموضوع دها حارقنى حرقة كان لى مراد اصلوأ ما اسكت. لييييييييييه ما ايقى تقيل و بخيل وكمان بساهر بره كل يوم للساعة واحدة صباحاً...و كان هم بعرسوأ الواحدة وزنها 30 كيلو و بعد سنة بتبقى 300 كيلو (خاصة) كان مغتربة و لازم اتباخل عشان فى الظروف الصعبة دى "يلم" ليهو قرش للاولاد ارضي بيه زمتو قدام ربنــا مش البس المرة ذهب و هى كرعينا مغبرة من المساساقة من دكان لدكان "قال Shopping قال".
و كمان اساهر للصباح برة مش ياها ذاتها لا بتنقص و لا حاجة و كمان كان زادت تزيد "عرض" بس. لكن اصغر حاجة فيهــأ "رؤيسة" الزى مروحة التربيزة...فلانة جابو ليها و ديكى "ختو ليها" و كلام كلو فارغ ذى فراغ السماء و الارض. تساليها عن المانيا تقول ليك فى أمبده...تقول ليها المستقبل، تقوليك "ياتو".
كدى ننزل تحت شوية... ولا اقول ليك "انسى" أحسن الواحد اشوف ليهو فيلم!!!!
معاكم حتى تقتنعوأ .... والا اقتنعنا نحن.....
صديق - الدوحة
|
Post: #80
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: أيمن الطيب
Date: 05-24-2007, 07:29 AM
Parent: #75
يا أستاذة عواطف أسمحي لي بهذا الرد
لصديقنا منقو !!
يا صديق شنو الحاصل
الخور شكلو هايج الأيام دي !
أنا أفكر جديا إننا نطلب من بكرى
طلب عضوية لبنت خالتى حرمكم المصون
عشان تانى ما أشوفك حايم هنا وكان جيت
حايم تجي تعاين بعيونك بس و تتخارج من غير
ما تفتح نيرانك الغير صديقة دي يعنى بالعربى حا
نحجر عليك فى مسألة إبداء الرأى و نخليك تغنى مع اللحو
الله يطراهو بالخير فى رائعته (أنا ما سرقت أنا جيت أعاين )
|
Post: #76
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: abubakr
Date: 05-23-2007, 03:26 PM
Parent: #1
| Quote: طبعا سامية هي البتحمد الله عشان إنت يا يابا حاشاك لا ثقيل ,, لا بخيل ,, لا بتساهر الليل !! |
يا عواطف كلنا في البيت كسبانيين ..لزوم العكننة شنو طالما نحن سوا اهو كل شي مقدور عليهو وربنا يسعد الجميع
..لكن نحن نسينا بلوة كبيرة هي "الكضب" ... دة انيل من كل البلاوي الاخري بالذات البكضبو في اهم شراكة (الزوجية) فواحديين بتفننو في اعطاء صورة مغايرة تماما لحالتهم قبل الزواج وبعد الزواج تظهر صورة حقيقية مزعجة وتكون الزوجة دائما هي التي تنال الجزء الاكبر من الاذي واكيد اطفال اذا رزقو بيهم من السنة الاولي ...
حالة "الكضب" دي منتشرة بكثرة ووسط كل الاعمار .. بعض المتزوجيين العايزين زوجة تانية او تالتة او رابعة يكضبون علي القادمة الجديدة ويرسمون صورة تخلي الواحدة تدمع دم علي حال الغلبان مع مراتو الاولي او زوجاتو الاخريات او تصدق انو اصلا ما اتزوج لانو ما لقي المناسبة "واها ربنا جابك لي وانتي اول واخر حب وووو" ووحديين شطار في تدبيج كتابات العشق والحب وووووو اشكال والوان من الكضب وكضب بالذات حبلو اقصر من اي حبل تاني لانو ما بطول ...
فياكضاب اينما انت اتقي الله في بناتنا واخواتنا....
مودتي
عواطف
|
Post: #77
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: علاء الدين حيموره
Date: 05-23-2007, 04:17 PM
Parent: #76
الاستاذة / عواطف
الف تحية ..
حقيقة انا معجب جدا بجرأتك في تناول مواضيع جادة جدا وباسلوب مهضوم جدا للجميع ,,
حكاية واقعية :
في مرة نزلت الغسالة من البوكس لاصلاحها في ورشة الشركة ,,, جاء جار النبي العامل البسيط ( سمكري ) متسائلا ده شنو يا علاء اجبته بانها غسالة البيت وبعمل ليها في صيانة سال متعجبا : غسالة ؟؟؟ قلت ليه نعم غسالة وردد السؤال تاني : يعني بتغسل الملابس فأجبته بنعم ولكن احسست بالدهشة في عيونه فقلت ليه حا اجربها هنا قبل ما اوديها البيت
وبعد ان انتهى عمل الصيانه وجدته يرمي بابرول الشغل في الغسالة ويضع عليه صابون البدرة والماء .. دارت الغسالة وبدأ يصدق انها فعلا غسالة بعدما رأى الماء يتسخ داخل الغسالة ... ابتسم وقال : طيب فايدة المرأة شنو بعد ده ؟؟؟
كيف الكلام ده يا جار النبي ؟
قال والله ابوه موصية وصية في الدنيا ما بعمل بغيرها : ( أحذر العربية القديمة والمرأة اللئيمة ).. وطالما في غسالة ما في حوجة للزوجة من الاساس ...
كدي زي جار النبي ده قولي ليه عيد الحب والله يعكزك ..
وراجع ليك عشان نشوف كمان قصة أم ثلاثة في البقر باعوها ,,موتي
|
Post: #81
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-24-2007, 01:57 PM
Parent: #77
علاوي !!!
نورت البوست ,,,
والله يا علاء ضحتنكي شديد لدرجة دي أول حاجة والحاجة التانية بعتذر منك لتأخير الرد عشان كنت في
مؤتمر السيدات الاوائل بتاع منظمة الدول العربية ,,, تالت حاجة حبي الشديد للولد العسل اللي في
الصورة دى ربنا يخليه ,, و ناس جار النبي ديل بس يخلو ليهم أغنية أم كلثوم حب أيه الل إنت جاي
تقول عليه دة انت بينك وبين الحب دنيا ,,, في إنتظارك يا علاء باغ تحياتي لأشراقة وإنعام ,,
معزتي .
|
Post: #83
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: علاء الدين حيموره
Date: 05-24-2007, 04:25 PM
Parent: #81
الاستاذة / عواطف
عاطر التحايا
شكرا ليك يا استاذة وسلامك وصل .. طبعا دي كانت صورة هبة الله علاء الدين أصغر بوردابية ( بورداب الرياض ) وعشان كلامك قمت غيرت الصورة بعد ان بدأت تخطو خطواتها الاولى ..
أها قلنا نجي للقصة التانية ...
عمتى العاجبة وهي بتشاغل في زوجة خالنا التانية ..
يا مرة أخير ليك تنعدلي مع ود عمي ده .. بافي الحلب اصلو طبعهم كعب .....
ردت زوجة خالنا : والله الرجال راقدين .. بس كدي قول لي فوتي ....
ردت عمتنا العاجبة بسخرية : اسمعي والله نحن عندنا أم ثلاثة في البقر باعوها ...
جملة تلخص الحالة التي تصل اليها الحياة الزوجية بعد انجاب ثلاثة اطفال ... برود وفتور في العلاقة الزوجية وتغيير هموم وبتبقى النقة كلها في الولد عايز والبنت عايزة
ملل يدفع بالرجل في التفكير بزواج ثاني ...
تخريمة :
الرجل عندما تتزوج ابنته وتنجب لا يحس بأنة جد بل يحس بأنه متزوج من حبوبة ...
انا غايتو عندي اتنين ربنا يخليهم لكن التشيل شيلتها مواهب كان لحقت جابت الثالث ..
مودتي
|
Post: #95
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-25-2007, 09:51 AM
Parent: #83
علاوي !!!
والله هبد دي عسل عديل كدة والمفروض يجيبو زيها عشرة ومش تلاتة وبعدين زوجة خالك عاملة الفي البر
عوام لو جيتو للجد بكون كلامها غير ,, شكرا علاء مرورك يسعد الخاطر ,,, تحياتي لمواهب ذات المواهب
المتعددة ,,,
|
Post: #78
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-24-2007, 05:40 AM
Parent: #76
ودسيد أحمد !!!
معزتي ,,,
طبعا كلكم كسبانين دي مافيها شك أما حكاية الكضابين دي خليها ساكت والله يكضب الشينة ,,,
|
Post: #79
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: أيمن الطيب
Date: 05-24-2007, 06:56 AM
Parent: #1
سلامات يا عواطفنا النبيلة,
من الصباح كده لقيت ايميل من واحد شكلو زعلان من زوجته و قلت أشاغلكم بيه شويةفغالبا
ناس كتار متفقين معه لكن أنا حقيقة عندى رأى مختلف و نظرة أخرى للموضوع لكن على كل
حال هو راى ( طبعا دي المخارجة فى حالة الهجوم)  :
الرجل قبل وبعد
قبل الزواج : يكون الزوج زبوناً دائماً في محلات بيع الورود
بعد الزواج : يكون زبوناً دائماً لدي محلات الخضار
قبل الزواج : يكون الكلام طويلاً مثل أغاني أم كلثوم
بعد الزواج : يكون الكلام قصيراً وحزينا مثل أغاني خالد عبدالرحمن....
قبل الزواج : المشي في الأسواق والأيدي متأهبة لدفع ثمن الجهاز
بعد الزواج : أيضاً الأيدي متأهبة حتى تمسك الزوجة قبل أن تفر لأقرب محل!
قبل الزواج : لو تطلبي لبن العصفور أجيبه
بعد الزواج : الله يخلي لبن المراعي
قبل الزواج : يتصرف الزوج كما لو كان مرشحاً في الأنتخابات
بعد الزواج : يتصرف كما لو كان وزيراً في حكومة مهمتها رفض المطالب الشعبية
قبل الزواج : المرأة آذان صاغية
بعد الزواج : أفواه مفتوحة
قبل الزواج : أنا والعذاب وهواك
بعد الزواج : أنت والعذاب فقط
قبل الزواج : الرومانسية أن تهدي خطيبتك وردة
بعد الزواج : ايه الكلام الفاضي ده؟ لو كنت جبت حاجة عليها القيمة مو كان أحسن؟!
قبل الزواج : تريدك أن تكون جميلاً بما يكفي حتى توافق على الزواج منك
بعد الزواج : تريدك قبيحاً بما يكفي حتى تبعد عنك كل إعجاب
قبل الزواج : الزوجة تحافظ على قوامها
بعد الزواج : لا تحافظ على قوامها فقط وأنما تضاعفه
________________________________________________________
الفـرق بين الزوجـة و السكرتيـرة
ماهو الفرق بين الزوجة و السكرتيرة ؟
الزوجة مهمة صعبة والسكرتيرة مهمة جداً
......
مرة أخرى ما هو الفرق بين الزوجة والسكرتيرة ؟
الجواب : 30 كيلو جرام
......
مرة ثالثة ما هو الفرق بين الزوجة والسكرتيرة ؟
السكرتيرة لا تتدخل في شؤون المنزل
الزوجة تتدخل في شؤون المكتب
......
السكرتيرة تكون بكامل أناقتها بمجرد أن تدخل المكتب
الزوجة تكون بكامل أناقتها أيضاً ، ولكن بمجرد أن تخرج من المنزل
......
السكرتيرة تنفذ الأوامر
الزوجة تعطي الأوامر
......
السكرتيرة تكذب بالنيابة عنك
الزوجة تكذب بالنيابة عليك
......
السكرتيرة مشروع حب قادم نظام
(( أحلم بيك .. أنا باحلم بيك ))
الزوجة مشروع حب قديم نظام
(( لسه فاكر ))
......
السكرتيرة لديها حل لكل مشكلة
الزوجة مشكلة لكل حل
......
السكرتيرة تبحث لك عن أعذار حتى و إن كنت مشكوكاً فيك
الزوجة أي عذر تقدمه مشكوك فيه
......
السكرتيرة تفسر الشك لصالح المتهم
الزوجة تفسر الشك ضد المتهم
......
السكرتيرة لا تدخل المكتب إلا وتجدها أمامك
الزوجة لا تخرج من البيت إلا وتجدها وراءك
......
السكرتيرة مثل بضاعة في الفاترينة
الزوجة مثل بضاعة في المخزن
......
مرة أخيرة ما هو الفرق بين الزوجة والسكرتيرة ؟
الجواب : السكرتيرة تشعر المدير بأنه سي السيد
والزوجة تشعره بأنها سيد قشطـة
_________________________________________________________
* ما السر فى مسألة إن المرأة السودانية دائما ما تكون مستهدفة من الرجل السودانى بعد الزواج وما رأي حواء السودانية فيما
يقال عنها من صفات سالبة خاصة المتعلقة بعاداتها غير الجميلة فى المنزل!!!!!!!!!!!
|
Post: #82
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-24-2007, 02:24 PM
Parent: #79
أيموووووووووووووني !!!
إزيك يالمافي زيك ,,,
لكن ما بالغت يعني بعد الفرق دة كله بين الزوجة والسكرتيرة عايز الشباب ديل يتزوجو ؟ يعني الفرق
بين الليل والنهار الله يكون في عون الزوجات المسكينات ما خلو ليهن شاردة ولا واردة عموما كانت
مداخلة رائعة جدا منحت البوست نكهة خاصة ,, شكرا أيمن ربنا يسعدك ,,
|
Post: #84
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: salma subhi
Date: 05-24-2007, 05:00 PM
Parent: #82
عطوفة ....سلام يا عسل
في واحدة راجلها داخل في فئة البيساهروا الليل يا عطوفة وبتريده ريدة وما شايفه ليه عوجه. وتقول ليك ماله ما راجل !!!!وفرحانه بالجد بالموضوع ده..حب النساء مذاهب
|
Post: #85
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: علاء الدين حيموره
Date: 05-24-2007, 07:33 PM
Parent: #84
أستاذة / عواطف
تحية قلبية
اصلا الراجل بكون هدي ورضي ,, اول ما يحب بتعلم السهر .. يعني السهر اتعلمو من المحبوبة فما في داعي تجي تعمل مجنونة بعد العرس ... وقع ليك كلامي ؟؟؟
تحية خاصة من هبة الله علاء الدين ورافعة ليك ايدا
|
Post: #86
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: Siddig A. Omer
Date: 05-24-2007, 10:54 PM
Parent: #85
لولا المراة لاصبح الرجل "حجراً"
و لولاهــا...لمات قبل أن يولد
و لولاهــا ما كانت الحياة
"كلام سهر"
صديق - الدوحة
|
Post: #87
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: محمد على طه الملك
Date: 05-24-2007, 11:27 PM
Parent: #86
والله العظيم علمتها الكشتينه والشطرنج ..
عشان ما تخليني وتنوم من المغرب ..
لكن بعد ما رفعت أميتي فتحت ليها وبقيت اساهر معاكم ..
غلطان أنا والا انتو ؟
|
Post: #98
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-25-2007, 09:56 AM
Parent: #87
ملك الملوك !!!
عاد ما قصرت تب لاكين العيب ما فيك ,, عداك العيب يا أخوي ترى العيب في بكري أبو بكر الفتح الموقع
دة وخلى الرجال والنسوان في حالة لا يعلم بها إلا الله وكمان أنحدثك في كمبيوترات كتار كسروهن بسبب
سودانيز أونلاين ,,, محبتي ,,
|
Post: #96
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-25-2007, 09:53 AM
Parent: #86
صديق ياالبتفرج الضيق بعدم فرحتني تقول كلام سهر ؟؟؟ كدي ورينا بعدما يجي الفكر حتقول شنو ؟
محبتي ,,
|
Post: #112
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: Siddig A. Omer
Date: 05-27-2007, 10:11 PM
Parent: #96
و الله يا عواطف كان ما كلام "السهر" دهــا كان الواحد "انتحر"
حلوة مش كدهــا
صديق القاعد بعيد
|
Post: #105
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: Siddig A. Omer
Date: 05-26-2007, 07:33 PM
Parent: #79
Quote: مرة أخيرة ما هو الفرق بين الزوجة والسكرتيرة ؟
|
و الله يا "أيمن"
كان عندنا واحد صديقنا يؤسس لشركة جديدة و طلب سكرتيرة عبر الصحف
اتاه من السير الذاتية "كمية" أختار بعضهــا و طلبهن لل" Interview"
و بعد مقابلات وسؤالات...ســأل احداهن
من هى السكرتيرة بالنسبة للمدير:
فاجابت بكل ثقة:
مرتو
فصاح باعلى صوته:
مرفودة
صديق - الدوحة
|
Post: #88
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: abubakr
Date: 05-25-2007, 07:55 AM
Parent: #1
| Quote: لكن بعد ما رفعت أميتي فتحت ليها وبقيت اساهر معاكم |
يعني تعلما الكوتشينة والشطرنج وما ترفع اميتا ؟ عيب يا راجل
مودتي
ابوبكر
|
Post: #89
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عيدروس حجر
Date: 05-25-2007, 08:32 AM
Parent: #88
الاستاذة الفاضلة عواطف
بالرغم من عدم معرفتى الشخصية بيك وعضو برلوم فى البوست الا انني وجدت
ضالتى فى موضوعك الشيق ..
هجوم شديد على جنس الرجال بس رايك شنو فى (المرة) الما بتفهم الرجال
لمن يقول كلام رومانسى .. فى حريم والله لمن تقول ليها كلام رومانسي
يغمى عليها ..
الثانية الراجل فى السودان يطلع من الدقش ويرجع قريب المغرب تقولى
سهر الليل وبخيل وكلام زى دا ..
الثالثة (المره) فى الغربة يا المطبخ يا التلفون يا التلفزيون
هسع عليك الله راجلك دا خلاك كتبتى الموضوع كيف !!! كان ما طفشتى من البيت
مع اعتذاري و مودتى
حجر
|
Post: #99
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-25-2007, 10:04 AM
Parent: #89
عيدروس !!!
والله ضحكتني لمن وقعت من الكرسي ,, الحالة برليم !!ومال لو كنت فاينال حتقول شنو وبعدين النسوان
عشان ما متعودات على الكلام الرومانسي بيغمى عليهن لمن يسمعنو وكمان أقول ليك لو رجعت شوية لي ورا
بتلقى في هجوم على النسوان أم حكاية المرقة من الغش للمغرب دي ما كل الرجال في ناس برجعو الساعة 2
وهاك يا نوم لزوم الاستعداد للسهر وحكاية النسوان والتلفون والتلفزيون في الغربة دي صدقت فيها أما
راجلي فطفشتو من زمان عشان أتفرغ ليكم بس أوعى تقومو إنتو كمان تطفشوا وتخلوني براي مع الكي بورد
عموما أهديك هذا البيت الحلمنتيشي طالما أنت معترف بأنك برليم
حبيب برليم وبرضو مهم !!!
ما تكلم الخالة ولا تحدث كمان العم!!!
أضرب تل تلل تلفون وأسكت تم !!!
بجدع الكراس وأجيك جارية !!
نساهر برة طول الليل !!!
و في الهامي من مارس ومن أبريل !!!
|
Post: #90
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: محمد على طه الملك
Date: 05-25-2007, 08:33 AM
Parent: #88
أبو بكر ..
أقفل باب الغرفه .. جيب أضانك ..
علمها الشطرنج ..
لما ما تلقا فيك رجا بتعلم اولادها ..
بي كده تكون رفعت أميتك وساهرت معاي ..
قصرت معاك ؟
|
Post: #97
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: abubakr
Date: 05-25-2007, 09:53 AM
Parent: #90
| Quote: أقفل باب الغرفه .. جيب أضانك .. |
يا محمد يا ابني
انت من زمن قفل الابواب ....عييييك ؟؟
نحن وصلنا مرحلة مانفرق بين الحصان والملك في الشطرنج
يدييك العافية
ابوبكر
|
Post: #92
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: ماجدة عوض خوجلى
Date: 05-25-2007, 09:29 AM
Parent: #1
عطوف حبيبى
دى خارج الموضوع
| Quote: مؤتمر السيدات الاوائل بتاع منظمة الدول العربية |
اها واحنا ياتو واحده من السيدتين كانت ولايكون ياربى الاتيين جو وكانو بيتبادلو حضور الجلسات
غايتو ربنا بس يكون فى العون
|
Post: #100
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: محمد على طه الملك
Date: 05-25-2007, 10:05 AM
Parent: #92
ماجده ..
الاولي فتحت الاجتماع ..
والتانيه نهته ..
اصلها متعوده ..
قولي معاي ...
|
Post: #101
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-25-2007, 10:08 AM
Parent: #92
مجودة !!!
جمعة مباركة ,,,
أمس وأول أمس الإجتماع التحضيري وكانت فيه د. سامية محمود ود. حسنات عوض ساتي وبكرة ويعد بكرة
حيشرفو السيدات الأوائل وحتكون موجودة الست وداد بابكر ,,, معزتي
|
Post: #102
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: abubakr
Date: 05-25-2007, 10:43 AM
Parent: #1
| Quote: حيشرفو السيدات الأوائل ,, |
دة ترجمة ل first ladies ؟ بس الواحدة لو زوجها ترك الكرسي بسموها اكس فيرست لادي ؟؟
|
Post: #103
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-25-2007, 10:47 AM
Parent: #102
لما يترك الكرسي بيغنو ليها إغنية ميادة الحناوي ( كان يا ما كان ) أو ونس أبون أتايم !!!
|
Post: #104
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: الطيب شيقوق
Date: 05-25-2007, 11:56 AM
Parent: #103
جيت اطيبكم ساااااااااااى
|
Post: #106
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: magdi elmahi
Date: 05-26-2007, 07:52 PM
Parent: #104
عواطف لك التحيه
مرقتينا من جو بوستات السياسه
لكن تفتكرى البيساهر لو لقه ليه سهرة كاربة فى البيت كان مرق
وايه رايك فى الاغنيه البتقول لا دخان ولا ريحه مرت الراجل مسيخه
وراجل المرة .......
لك عبق التحايا
مجدى
|
Post: #107
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: الطيب شيقوق
Date: 05-26-2007, 08:48 PM
Parent: #106
مجدى
| Quote: وراجل المرة ....... |
بوستات عواطف دى بوستات اطلاق الحريات العامة تم كلامك سااااااااااى ما تنقط لينا
تشحتف روحنا
|
Post: #109
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-27-2007, 06:34 AM
Parent: #106
مجوووووووووودي !!!
محبتي ,,,
شكرا على دخولك الأنيق ,,, وفعلا قد تلعب الزوجة دور كبير في تطفيش الزوج أحيانا أسمع ,, هل سمعت
أغنية مرة الراجل حلوة حلا ؟ دي بتغنيها واحدة ست وعجبي !!!
|
Post: #108
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-27-2007, 06:31 AM
Parent: #104
ود شيقوق !!!
جئت أهلا و حللت سهلا ,,,
|
Post: #110
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: magdi elmahi
Date: 05-27-2007, 06:40 PM
Parent: #108
الطيب ازيك ياجميل
كما اسلفت روائع عواطف دائما
ضد الملل والاسفاف البوردى والهرج السياسى
لك ولها
عبق التحايا
مجدى
|
Post: #111
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: Siddig A. Omer
Date: 05-27-2007, 10:03 PM
Parent: #110
الاستاذة عواطف
المشكلة وين فى قصة الراجل الثقيل دى؟؟؟ مش الناس ديل "المتداخلون هنــا" كلهم رجال....اين "الحريم"؟؟؟ ربما "خايفات" من رجالم السمان "كالقطط" "المرتاحة" و ربما لا يرون الامر كما نراه أو المسألة "ما فارقة" معاهم......
حب الناس مذاهب..الم يقولوا ذلك
"ذى قصة الراجل البحب المرة السمينة"، لمن تجى ماشه عليهو مابعرف وين ماشة الى الامام أو الى الخلف.
"فرحانة بيك كل الدروب"
"راجل فرحان"
صديق
|
Post: #113
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-28-2007, 05:09 AM
Parent: #111
أخي الصدوق صديق !!!
معزتي وتقديري لمتابعتك الشفيفة ,,, كثير من النسوان أصبحن إندفرنت وهذه المرحلة من أسوأ المراحل
في الحياة الزوجية ,,, أيضا هناك من تستهويها السياسة ووهناك من يستهويها الشعر وهناك من تمتنع
عن المداخلة لأسباب خاصة وبرضو بنحترم رأيها ,, شكرا على المرور الأنيق ,,, وبرضو أنا فرحانة بيك
في كل البوستات ,,
|
Post: #114
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: abdalla elshaikh
Date: 05-28-2007, 06:49 AM
Parent: #113
عارفه يا عواطف لو كتبت دراما إجتماعيه حا تفوتي عمك حمدنا الله عبدالقادر ..و بعد دا حأحكي ليك عن الرجال وعلاقاتهم مع النسوان..واحد صاحبي بيسمي مرة الباشبزق لأنو سنونها صفر..والتاني بيقول ليها القمندان لأنها ما عندها ايتها شغلة غير التحقيقات(كنت وين..رايح وين)..والثالث سماها عاطفه وحنان يا ناس( لأنها)طوالي بتحن لأيام زمن حفروا البحر
|
Post: #115
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: الطيب شيقوق
Date: 05-28-2007, 10:17 AM
Parent: #114
العواطف انا زمان كنت بطنش بسماع البي بي سي
اقترح تعديل عنوان البوست ليكون كلاتي:-
( نصيحة ام لإبنتها ... احذري الراجل الثقيل ،،، البخيل ،،، والبساهر بالليل ،،، والبطنش بسماع البي بي سي )
احلى حاجة في الدنيا زمان ، يا العواطف ، تطنش بالبي بي سي سااااااااااااااى .
|
Post: #118
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-29-2007, 05:14 AM
Parent: #115
ود شيقوق يالكلك ذوق !!!
والله دي وصفة طبية ما كانوا عارفينها عاد يا لبي بي سي جاك بلا ,,,
|
Post: #117
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-29-2007, 05:12 AM
Parent: #114
ودالشيخ !!!
محبتي ,,,
والله ضحكتني جدا رغم إني الأيام دي قافلة معاي عشان هيك بقول ليك ميرسي تئبر ألبي .
|
Post: #116
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-29-2007, 05:09 AM
Parent: #110
مجودي !!!
مشكور من الأعماق يا غالي ,,,
|
Post: #119
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: walid taha
Date: 05-29-2007, 07:40 AM
Parent: #1
استاذة عواطف ..تحياتى
الموضوع كالعادة جميل
| Quote: هاك يا سهر وكوتشينة وعدم مسئولية يخلي الآولاد نايمين |
رايك شنو فى واحد من جماعتنا مشى يلعب كوتشينةفى بيت واحد صاحبو وساق الاولاد ومرتو معاهو والكتشينة طولت ولمن اتغلب دور عربيتو ومشى البيت، دقّ الجرس مافى زول فتح مرتين تلاتة مافى فايدة إتصل على موبايل المرة ودار الحوار التالى :
- الو مالكم ما بتفتحو الباب
- باب! ياتو باب؟!
- الله باب البيت !!
- انت بدق باب بيتنا؟
- ايوه (بغضب) يعنى بيت الجيران؟!!!!
- إكان كدى دور عربيتك وتعال يا درويش
صاحبنا بإختصار كان ناسى الاولاد والمرة فى بيت الكتشينة !
لى عودة اكيدة
شكرا استاذة
|
Post: #120
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: الطيب شيقوق
Date: 05-29-2007, 08:35 AM
Parent: #119
الاخ مجدي الحلو
Quote: الطيب ازيك ياجميل
كما اسلفت روائع عواطف دائما
ضد الملل والاسفاف البوردى والهرج السياسى
لك ولها
عبق التحايا
مجدى |
صدقت والله مواضيع الاستاذة عواطف عموما صور حية من واقع معاش ويمكن لاى حد المدخلة فيها باريحية شديد
الاخت عواطف
وصفتي البي بي سية دى لابد من تسجيلها للاحتفاظ بحق الملكية الفكرية
|
Post: #121
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عيدروس حجر
Date: 05-29-2007, 12:26 PM
Parent: #120
الاستاذة الفاضلة
عواطف ..
تعرفى فكرة كم مره واكتشفت ليك حاجات خطيرة خلاص
الراجل الثقيل ,, والبخيل ,, والبساهر الليل ما بيكتب هنا بيكتب فى التاني
والراجل الفشار ,, والنهار,,, والشكاك ,,, والزى المسواك بيكتب فى الاول
رايك شنو فى الراجل ( المكوجر) ؟؟
ودمتى
|
Post: #122
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: Siddig A. Omer
Date: 05-29-2007, 10:20 PM
Parent: #121
Quote: الاستاذة الفاضلة
عواطف ..
تعرفى فكرة كم مره واكتشفت ليك حاجات خطيرة خلاص
الراجل الثقيل ,, والبخيل ,, والبساهر الليل ما بيكتب هنا بيكتب فى التاني
والراجل الفشار ,, والنهار,,, والشكاك ,,, والزى المسواك بيكتب فى الاول
رايك شنو فى الراجل ( المكوجر) ؟؟
ودمتى
|
المكوجر
دها ما ..انا ...ذاتى...هاهاهاهاهاه
|
Post: #125
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-30-2007, 05:18 AM
Parent: #122
صديق فراج الضيق !!!
حشاك يا زين الشباب ,, وربنا يسعدك ,,,
|
Post: #124
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-30-2007, 05:16 AM
Parent: #121
عيدروس العزيز !!!
لكن ما بالغت والله خليتني أمشي أشوف البكتبو هنا منو والبكتبو هناك منو أما المكوجر دة الله يكون
في عون مرتو ,,,
|
Post: #123
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-30-2007, 05:13 AM
Parent: #119
وليد طه !!!
مشتافين ,,, وينك يا ريال من زمان ماشفناك تئبر ألبي ,,,
إنت في دة يا وليد ولا المشى الكوتشينة قال يتسلى شوية بعدين يمشي يجيب عروسو من المطار وقام
نساها!!! شكرا يا وليد مرورك يسعدني ,,,
|
Post: #126
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: Kamal Karrar
Date: 05-30-2007, 06:03 AM
Parent: #1
عواطف أختي
واحد صاحبي خارج الشبكة قرأ البوست.. وهو من سواري الليل..
خليتو يقرأه مخصوص.. عسى ولعل.. قال لي كم صحي..إلا قصة السهر
دي أختنا عواطف ما عندها حق.. قلت ليهو كيف؟
قال لي السهر,, مطلوب... عشان الزول ما يتفنقل!!!
قلت ليه أفصح.. قال: ما سمعت الشاعر الجهبوذ قال:
(مستحيل عن حبك أميل... أساهر الليل يا جميل)
وهو خائف إنو يميل ويتفنقل عدييييييل كدى!
أها أوقل ليهو شنو ده؟
|
Post: #127
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-30-2007, 06:08 AM
Parent: #126
كيمو !!!
صباحك مسك ,,,
سعدت جدا بمداخلتك في هذا الصباح الجميل وصاحبك دة فعلا عسل وكمان جميل وذنب الجميل مغفور وطبعا
العذر بتاع خايف يميل حيكنكشو فيه كل البساهرو الليل ,, محبتي ,,,
|
Post: #128
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: فدوى الشريف
Date: 05-30-2007, 11:53 AM
Parent: #1
عطوفه والله عاد وصيتك وصاية
وكلامك في محلو عاد الكان كدي انا دايره اجر البنبر دا واجي اتفرجخ قبلك هني بث
وهاااااادي صنقيره في حوشك العامر
يابديعه
فدوى
|
Post: #129
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عيدروس حجر
Date: 05-30-2007, 08:15 PM
Parent: #128
الفاضلة
عواطف
Quote: المكوجر
دها ما ..انا ...ذاتى...هاهاهاهاهاه |
هسع عليك الله يا عواطف اخونا (صديق) دا مالو (شوبار) كدا
(صديق) بخاف عليك من ست البوست (تكوجرك) وتساهر الليل
زى صورتك الموجودة دى الظاهره عليك بتاع سهر بالدس ..
اعتذاراتى ...
|
Post: #131
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-31-2007, 05:16 AM
Parent: #129
البرلم المشاغب عيدروس !!!
مالك على الولد قاعد كدي مسكين في البيت وما مساهر الليل برة ما تقوم تخليه يغير وما يجي إلا مع
هبايب الصباح ,,
|
Post: #130
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-31-2007, 05:13 AM
Parent: #128
فدوية !!!
محبتي ياودودة ,,,
مرورك يشرح القلب ووجودك يسعدني ,,, شكرا ياغالية ,,,
|
Post: #132
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: الطيب شيقوق
Date: 05-31-2007, 06:31 AM
Parent: #130
جيتك راجع
اتذكرت و (الما بباريك في السوق الحجل بالرجل - وبعاين ليك باطوالة ساااااااااى)
|
Post: #133
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 05-31-2007, 07:05 AM
Parent: #132
إبن شيقوق ,, الغالي تمر السوق !!!
صباحاتك بلون الورد ,,,
مرورك يسعدني ,,,
|
Post: #134
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: الطيب شيقوق
Date: 05-31-2007, 07:27 AM
Parent: #133
| Quote: الغالي تمر السوق !!! |
وإن قسموا مابحوق صاح؟
عواطف زمان كنت جالس جنب ابوى في هباب سمّح وكان واجد بحبني لانى ولدت ليهو بعد بنتين نفيسة كبيرتنا وفاطمة صالحتنا وكان بمسح لى في شعري وبحكى لى .
انا كنت مرات وقت القاهو نائم على بطنو بقوم اطلع ليهو برجلي على ضهره واكون ساند يدى في الحيطة عشان هو كان معضل وصحتو كويسة - يطول عمره - ورجلي تنزلق منو بهنا وبهنا .
اها مرات بلقى ليك في ضهره ضرب السوط وااااااااااضح وبقول ليهو يا با ده شنو قال لى ده دواسنا ايام الصبينة وقت الدلوكة تسخن بنعرض ونتجالد . وقال لى الواحد لما يكرب نفسه للجلد بتنبر بقول انا كده او انا كده يعنى زى انا تمساح جلقنى او انا اسد البطانة .
المهم ابوى قال لى مرة عمك سليمان وقت سمع الدلوكة سخنت جانا جاري من بعيييييييييد متحزم ومتلزم ودق كراعو جوة الفسحة وقال هيييييييييييييع انا البيت بلا ستو.
يلا يا العواطف صحى البيت بلا ستو ما بتقابل ؟
|
Post: #135
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 06-01-2007, 11:19 AM
Parent: #134
شيخ العرب !!!
والله فعلا البيت بلا ستو ما بتقابل وإنت الصادق ,,,
|
Post: #136
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: الطيب شيقوق
Date: 06-02-2007, 08:36 AM
Parent: #135
| Quote: والله فعلا البيت بلا ستو ما بتقابل وإنت الصادق ,,, |
احذروا البنية البتهمل بوستيها وتمشى تفتش الاخبار الصحفية
ما تتعبي الاخبار بتجك هنا سااااااااااى نحن غير الشمارات ما عندنا شغلة
|
Post: #137
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 06-02-2007, 09:12 AM
Parent: #136
إبن شيقوق !!!
نهارك سعيد ,,,
أكل العيش مر يا بعد عمري والأيام دي جنس شمارات لزوم تفعيل الصيف ,, كان الله في عونا !
|
Post: #138
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: الطيب شيقوق
Date: 06-02-2007, 09:27 AM
Parent: #137
| Quote: أكل العيش مر يا بعد عمري والأيام دي جنس شمارات لزوم تفعيل الصيف ,, كان الله في عونا ! |
العواطف
حمد الله بالسلامة
انت هسع متابعة اخبار سبق الحصين ولا ناس فتح الاسلام؟
|
Post: #139
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 06-02-2007, 11:09 AM
Parent: #138
لا هذا ولا ذاك لكن بيني بينك ناس فتح الإسلام بتابعهم بعد الساعة 12 ليلا !!!
|
Post: #140
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: الطيب شيقوق
Date: 06-02-2007, 12:56 PM
Parent: #139
| Quote: لا هذا ولا ذاك لكن بيني بينك ناس فتح الإسلام بتابعهم بعد الساعة 12 ليلا !!! |
هيييييييييييييع عفو عليك
|
Post: #141
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 06-03-2007, 04:49 AM
Parent: #140
عارف ياإبن شيقوق حصاد اليوم بتعمل ليك سمري للحاصل كلو عشان هيك بشوفها يوميا تئبر ألبي !!
|
Post: #142
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: الطيب شيقوق
Date: 06-03-2007, 06:01 AM
Parent: #141
مالك العواطف تعبانة كده رسالتك وصلت خلاص . ولا اعود بيك لمحمد يوسف موسى واقول ليك (كلمتى المسّت .................)؟ يا ساتر
|
Post: #143
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 06-03-2007, 11:45 AM
Parent: #142
شكرن جزيلن زي نا بقول حبيب نورة !!!
|
Post: #144
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: بدرالدين يعقوب
Date: 06-03-2007, 03:13 PM
Parent: #1
عطوفي:-
حبيت امسي بس واقول (احزرو المري النجاضة,,,,النقناقه,,,,والنوامه بالنهار والبتساهر الليل
بزوجها يقوم الصباح الشغل مفتح عين ومقمض عين.......... انا شخصيا مرتي صلاة النبي عليها حلوه
واموره بتنومني بدري وبتصحي معاي الصباح وبتصبح علي بحاجه حلوه (يعني مش حلاوه طحنيه) - اها
ياتوفي شنو ليك .
|
Post: #145
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 06-04-2007, 10:10 AM
Parent: #144
بيبي !!!
محبتي ,,,
غايتو عيني باردة على ست الحبايب الحلوة الجميلة ربنا يخليها ليك ويديم المحبة ,,, شكرا على مرورك
الجميل ومساك الله بالخير ,,,
|
Post: #146
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: Siddig A. Omer
Date: 06-04-2007, 07:22 PM
Parent: #145
سألها" وبكل براءة": ماهى مواصفات زوج المستقبل؟؟؟
قالت: و بكل "صراحة"....يكون "جناريتر"...
سألهأ: يعنى "مجنون؟؟؟"
قالت: لا.....Generator...و بى انجليزتها "المتمكنة"
قلته ليهــا و بالصوت العالى: "يعنى مجنون؟؟؟"
و كنا نطلق على المجنون "جناريتر"
لله فى خلقه شؤون......
ما عارف و الله كتبتها "صاح" و لا "غلط"
أه...رايك "شنو" فى الجناريتر"
صديق
|
Post: #147
Title: Re: نصيحة أم لإبنتها ... أحذري الراجل الثقيل ,,, البخيل ,,, والبساهر الليل !!!
Author: عواطف ادريس اسماعيل
Date: 06-05-2007, 06:13 AM
Parent: #146
الأخ الحبيب صديق !!!
فعلا الزوة ي متمكنة من اللغة لأنه جنريتر تعني إنسان منتج زي املولد الكهربائي والإنتاج خشم بيوت
شكرا يا جنريتر على العبور ,,,
|
|