نور بيتنا ... وشارع بيتنا ... يوم ما جيتنا ...

أخوتي الأعزاء ...

رحبوا معي بالأخ عضو المنبر الجديد كمال عبدالحميد عبده مدير عام مشروعات _العالم إدارة الخدمة

الإجتماعية للموظفين ... إدارة الشئون الإدارية العامة بمؤسسة الموانيء والجمارك والمنطقة الحرة

بدبي....

كمال شخصية بديعة ... مهذب ... خلوق ... مثقف ... وأكيد حيكون إضافة جديدة للمنبر فلنرحب به .

Quote: كمال شخصية بديعة ... مهذب ... خلوق ... مثقف ... وأكيد حيكون إضافة جديدة للمنبر فلنرحب به

مرحبا بك أخي كمال وشكرا يا أستاذه و نحن في انتظار كمال وابداعاته





محمد عثمان

الأخ محمد عثمان محمد طه
سؤال ...انت يا أخوي اسمك دا مش قريب لاسم هناي داك ... الكان أول و بقى ..!!!!!!!

أول المرحبين ....أعفي لي كان مفروض أرد عليك أول واحد ....لكن أظنك فاهم اللعبة ...لازم في الأول صاحبة البوست بعدين أستاذي و قريبي و بعدين صاحب البورد / الحوش ....يعني تحبيشات لزوم البروتوكول و ال PR.

و الوردة مقبولة منك .....خللي بالك حاولوا يسرقوها ....

ألف مليون شكر على ترحيبك و من هسه انت زولي عدييييييل كده ... أحسن يا صديقي الواحد يربي علاقات و تكتلات من البداية .....لأنو جنس الشايفو دا......الظروف "البوردابية" ماااااا مضمونة.
(إنشاء الله بس تكون من "أندينا")

دة كمال عبدو ..زولنا بتاع زمان ياناس سودانيز وسودان ال ..قلنا احسن يجينا بجاي و اهو شغال سولر انيرجي بيولع البيوت والشوارع ... الغريبة شاف ست عواطف قبل ما انا اشوفا ..كلمتو عنها ما قصر ومشي ابوظبي وقابلها لانو معجب بكتابتها الانيقة زيها ...؟
كيمو السريع مرحب بيك اونلاين واوف لاين وعقبال نهلا كمان قريبا اونلاين

Quote: كمال شخصية بديعة ... مهذب ... خلوق ... مثقف ... وأكيد حيكون إضافة جديدة للمنبر فلنرحب به .

طبت وطاب بك المقام يا استاذ كمال

وكل شئي من طرفك حلو يا حبوبة عواطف .

mr mohmed osman

abu baker

hashim

thanks alot

العزيز هاشم أحمد خلف الله
ألف شكر و انشاء الله أبقى قدر كلام عواطف.

أستاذي الباشمهندس الزعيم و الخال أبوبكر

أبدأ معاك من وين ولا وين .... بنعرف بعض (اسفيريا) أكتر من عشرة سنين (من أيام أنا في الروضة و انت بتقدم مشروع تخرجك الجامعي) .... من أيام أول قائمة بتاعت دكتور جلال (الله يمسيه بالخير) و القائمة التانية البقت في آخر أيامها على ما أظن بإدارة بكري أبوبكر ..........

و أهم واحدة (درب الانتفاضة) و التى حققت عدد كبير من الانجازات و كانت أروع مثال لأستغلال التكنولوجيا لخدمة الانسانية

شكرا ليك بالتفضل بالمكاتبة و التزكية ...أصلك أخو أخوان...خصوصا لغير الناطقين بها ..(هسه عمك "الطيب" يقوم علينا ....الله يكفينا شرهم العراريب ديل)

طبعا أنا ما صدقت و أصلو كنت ماشي لمعرض السلاح و عرفت ليك أنو عواطف كصحفية حا تقوم بتغطية المعرض لكن خللتني في الجناح التركي و اختفت؟؟؟؟؟؟؟؟؟؟

تقبل سلامات نهلة و ما تقلق حا تكون أون لاين سريع جدا

كتر خيرك والله ما يجيب يوم شكرك و جمايلك مغرقاني

مرحبا بالصديق "الفردة" كــمــال..


يااااااااااااااااااااااااه.. أخيــــرا

raja

my regards

الصحافية (النص كم) رجاء هانم العباسي


تعرفي سبقتيني بكلمة "يا فردة" ......كيفك يا شقية .....و بقية العقد الفريد بنات العباسي .... والله زمان .....أيام النضال و المكابسة بتاعت التجمع في القاهرة....الذى قتل بأيدي صانعيه ...تتذكري بالله كانوا بيعملوا فينا شنو ؟؟ ... الله يسامحهم

أوع تكوني قابضة الجو في البورد و كده .....استني بس لما أتمكن....و عينك ما تشوف إلا النور.

غايتو يا أخوانا رجاء دي مش عشان احنا "فرد" لكن أشهد ليها لما كنا نمشي نقابل د.جون قرنق...كان بلاوز عديل منها و قالينا " رجاء دا أنا بخاف منو أكتر من هيكل" يقصد الصحافي المصري محمد حسنين هيكل.

و مولانا الميرغني ....عديييييل ما بقابلها ... و مرة كده لو بتتذكري ..؟قال خللوها ترسل لي أسئلتها في الأول بعدين نشوف.....

يللا ..أها ...مستعدة للنضال الاسفيري دا كنوع من التغيير....أنا غايتو استسلمت و بنزينى خلصان بعد تجربة القاهرة.

على فكرة نهلة بتسأل عنك ....و حا تلاقيها في البورد قريب.

حبيبنا النسانا
وصديقنا العزيز البقا ما بيطرانا
ورفيقة النضال والدرب
وحتي كمان داون تاون طبعا هسي كبرت وبقت علي العرس
وبقية العقد الفريد فاروق الصغير والكبير
أشواقي حين تسعي إليكم تشتاق
أفتقدوكم بشده
مازلت قويا أصارع الأجيالا
ولكن لم يعد الزمان نفس الزمان ولا المكان مكانا
سوف أراكم قريبا بإذن الله
لكم العتبي حتي ترضو
أخوك د.متوكل

mutwakel

majda

abubaker

ismaiel abas
thanks iam sorry i have no arabic keyboard

دكتور متوكل محمود متوكل
My Mentor

يا لها من مفاجأة .....وييييييين خبرك ......والله كتر خير البورد دا و البورداب ديل الخللوني ألم فيك
هو انت بتتنسي .....قبل حوالي اسبوعين أنا كنت في الخرطوم و اتلمينا كلنا في بيت حاتم حسن و ما عندنا سيرة غيرك (يعني بالواضح كده أكلنا لحمك)

انشاء الله تكون طيب

داون تاون (دي بنتي الكبيرة) بخير و قرييييب جاياكم للجامعة .... و يا دكتور في إضافة جديدة ..انت ما شفتها وللا شنو؟؟؟

الجميع بخير و لازم ترسل لي تلفونك (الايميل في البروفايل)
في انتظارك

الاخت عواااطف...

الف مرحب بالاخ كمااال..

و يااسلااام على عنواان البوست...

محمد عثمان ...

يا سلام عليك يا رايع ... أيه الجمال دة ؟؟؟

الأخ محمد عثمان

ألف شكر على الترحيب....(ممنون لك اكتيييير) "على قولة الزلمة الشوام"

بس يا رجوية هو كدة.. انا كنت ناسي "الفردة" دية

Quote: مرحبا بالصديق "الفردة" كــمــال

يا باشمهندس.. كمال ده فعلا "فــردة"..

أول أمبارح كان بيتكلم معاي. وبالرغم من السنة الفاتت دي كلها ما اتقابلنا لكن بيننا تلفونات "صباحية" كده بيعرفها براااه..

سعيدة بإنضمامه، فهو خلوق، مهذب.. وفي إنتظار "نهلة" زاتها..

مرحبتين كمال..

عطوف حبيبه
الف مرحب بيه الحمدلله بقيت انا اقدم من زول غى المنبر ده خلاص بكون المسؤله منو

Quote: مرحبا بك أخي كمال وشكرا يا أستاذه و نحن في انتظار كمال وابداعاته

هنا فى ورده كبيرة اعمل شنو سرقت الورده واختفت

محمد عثمان طه انت حوطت الوردة بتاعتك ولاشنو سرقتها هى والسطر الفوق ده ظهر الكلام والورده مافى
غايتو يالؤى درس العصر بتاعك طلع تعب بس

الف مرحب بى كمال عبد الحميد عبدو
والبجى من طرفك نشيلو فى حدقات العيون
مراحب ادخل البيت بيتك ياانجنير

أخوي خالد المحرب

ود المحرب....عليك الله تغير الصورة دي .....مالك صاري وشك كده .....كتاباتك كلها مفرحة ...و بتدي انطباع أنك زول بتاع بهجات ....ولا دي عشان تخوف بيها الباشمهندس أبوبكر سيد أحمد ....عسى و لعل يخفف من هجومه على العراريب.

مشكور على الترحيب و معا لتغيير صورة "العراريب" أمام "لغير الناطقين بها"

العم الطيب شيقوق

بارك الله فيك ... و الجماعة ديل بيبالغوا (شوية ما كتير) انشاء الله بس أنستر معاهم
بعدين ياخ أبوبكر دا مالو قايم كده على "الناطقين بها" ؟؟ انتوا مزعلنو في شنو؟؟؟

غايتو حا أستغل ليك كل العلاقات و الوسائط و أعرف سبب الهجوم دا .....مع أنو يا عم الطيب في اتفاق بين جميع "غير الناطقين ببغيرها" لتتغير استراتيجية التعامل مع العراريب ...آآآآآآسف ....مع "الناطقين بها" في ظل الظروف الراهنة...لأنو كما تعلم أن الوطن حاليا يمر بمنعطف "ختير" للغاية.....

تخريمة: الوطن دا مما قام هو ماشي في "زقزاق" من كترة المنعطفات

الأستاذة ماجدة عوض خوجلي
بيت النضال و العزيمة ....أنا أرشحكم لجائزة الصمود أينما كانت و كنتم
لا أملك الا أقف لكم وأحييكم.
ازدت شرفا بترحيبك (رغم محاولة سرقة وردة "زولي" محمد عثمان محمد طه)

مجودة الحبيبة !!

مودتي ,,,

آسفة لتأخير الرد ولك مني جزيل الشكر يا أميرة القلوب بلا منازع ... حضورك الجميل يزين البوست .

ود المحرب وكافة العراريب
كيمو جاي من طرفي ... عشرة عقود كثيرة ولذا وجبت الضبيحة .. انا ماعارف عدولي خبيبي راح فين .. ما هو بتاع اذبايح )

Quote: ود المحرب وكافة العراريب كيمو جاي من طرفي ... عشرة عقود كثيرة ولذا وجبت الضبيحة .. انا ماعارف عدولي خبيبي راح فين .. ما هو بتاع اذبايح )

هيييييييع هييييييييييييع العلماء كلهم بهنا ما بتوروني اجى ارحب معاكم
والله يا العواطف زولا قلتي فيهو الكلام ده كلوووووووو حرم ساى ندق فيهو كراعنا تااااااااااااح ونرحب بيهو .

انتي بعد ده عاينى ساى وخلي خلينا الساحة نعرض فيها انا وابو بكر وود المحرب وبعد شوية ناس النحاس جاينك انشاء الله تستري حالنا يا السمحة .

Quote: سعيدة بإنضمامه، فهو خلوق، مهذب.. وفي إنتظار "نهلة" زاتها..

رجوية
تعرفي ساكنين في منطقة واحدة ( حوالي اربع كيلومترات ) لكين ما اتقابلنا وجها لوجه الا مرة واحدة والباقي تلفونات ( حالة غالبة هنا في دبي )... بشان كدة قلنا احسن نتقابل هنا ...

انا فرحت ليك كتير لما سمعت انك التحقتي بالبي بي سي. انت مجتهدة ومكافحة واكيد ناجحة دائما باذن الله

نرحب بالأخ كمال.قلمآهادفآ جميلآ .
وكيف لا نرحب به وهو الذى زكته حفيدتى.
فسلك طريقك يارجل.
والكل فى أنتظارك.....أضافه جديده أنيقه.


أسماعيل محمد أحمد عباس

ألف مرحب بالأخ كمال عبدالحميد عبده

من طرف عواطف وأبو بكر ورجاء كمان

منور بيتنا


رأفت ميلاد

Quote: تعرفي ساكنين في منطقة واحدة ( حوالي اربع كيلومترات ) لكين ما اتقابلنا وجها لوجه الا مرة واحدة والباقي تلفونات ( حالة غالبة هنا في دبي )... بشان كدة قلنا احسن نتقابل هنا ...

عايز تحشد لينا الناطقين بغيرها ؟

خلي بالك شدييييد من رافت ميلاد الظريف والراقي فهو لا يظهر الا مرحبا او معزيا غير انني اصنفه من اقرب الناس اليك لثمة عوامل مشتركة بينكما ؟؟؟؟؟؟؟؟؟؟؟؟؟؟

الأمير ... صاحب الحوش الكبير..

شكرا على المرور ... الفضل يردع ليك ياسيد الجود والكرم ..

أخونا بكري أبوبكر
يا مولانا كرت الترحيب دا كتيييير علينا خصوصا لما يكون من صاحب الحوش
كتر خيرك و مشكور على الاستجابة و الباسوورد
تابي رجعنا... مش قالوا "العرجا لمراحها"
و أتمنى أن أكون عند حسن الظن.

على فكرة يا بكري أنا من أهل أريزونا القدام (أربعة سنين في توسون Tucson).

و لنا عودة

عزيزي رأفت ميلاد

شكرا على الترحيب .....و يا رأفت عندي احساس أننا حا نعمل شغل كبييير جدا مع بعض...
ما تسألني شنو؟؟....لأنو أنا ظاطوو ما عارف
و البيت منور بأصحابه

الأستاذ إسماعيل عباس

لك كل الود و الشكر و انشاء الله ما أخذلكم

عواطف الكتابة
وأبوبكر الجميل
عوافي سي كمال
قطع شك زول جايي من نفر ديل زولا ماكن وجكين سماحة
وأنا داخل عليكم لقيت وردة شكلها مسروقة ستها ناسياها جنب الباب
مكتوب عليها إسم حجي ماجدة هاندي ليها

لكم المودة
نورالهادي

عواطف سلام ونقول وعليكم السلام بالاخ كمال
البجى منك ومن ابوبكر ده غالى وعزيز
والشكر لى سيد البيت الكبير اخونا بكرى
والمنبر منور فعلا

Quote: عواطف سلام ونقول وعليكم السلام بالاخ كمال البجى منك ومن ابوبكر ده غالى وعزيز والشكر لى سيد البيت الكبير اخونا بكرى والمنبر منور فعلا

عفاف وليدكم الصغير ده ربنا يحفظو لكن بطلع أبّالي نجيض . قولي لود المحرب الجنى ده الطيب قال ليك اكان شافوهو السعوديون بعرفوا بيكون ركاب في جمال السبق وحرم يشتروهو منكم زى رولاندينو .

اما الرقيق خيت الشلة ده بيشبه لى قمر الانبياء ود الشيخ السماني البيقلع حق الرجال ضحى .

الأخ نورالهادي عواض

ترحيبك من أحلى الترحيبات .... و كرتك شدييييد
أقوليك قولة .....انت برضو زولي

إنشاء الله بس تكون من "أندينا"

أخي العزيز نور !!!

شكرا على عبورك الجميل وعلى كلماتك الحلوة ...

Quote: عفاف وليدكم الصغير ده ربنا يحفظو لكن بطلع أبّالي نجيض . قولي لود المحرب الجنى ده الطيب قال ليك اكان شافوهو السعوديون بعرفوا بيكون ركاب في جمال السبق وحرم يشتروهو منكم زى رولاندينو .

ياخي انت الحاصل ليك شنو ؟ اولا مالك والوليد تطلعو ابالي مش كابتن لديسكفري اير شتل ؟ ثانيا انت مش قلت قانوني فاهم ما قريت في المنبر دة او في الصحف انو السودان وباكستان وبنغالدش بيبعوا اطفلم ابالة لدول الخليج ودي عاملة مشكلة ؟؟ والمنبر دة مراقب ؟؟ انت الحاصل ليك شنو بعد الاجازة ؟؟.. بعدين من دون خلق الله ما لقيت غير جنيات احبابنا المحرب وام احمر بشان تسويهم ابالة ؟؟ اها كان الابالة عاجباك ما تخلي البورصة وترجع هناك؟ يربطوك اشاء في جبل سايب ؟؟

Quote: /B]عفاف وليدكم الصغير ده ربنا يحفظو لكن بطلع أبّالي نجيض

الطيب مالك انت ماعارف ديل كلهن بنات ياخى
المهم انا قلت ارد قبل خالد مايرد عليك 0
وبعدين ديل بخافو من الغنمايه خلى الابل

شكرا

عفاف ....

ست الحبايب يا حبيبة .. يا حنينة وكلك طيبة ... يارب يخليك أمي ..

زمن ... سهرتي ... وتعبتي ليالي ...

ولسة برضه دلوقت بتشيلي الهم بدالي

أنام وتسهري وتباتي تفكري ..

وتقمومي من الأذان وتيجي تشئري

يارب يخليك ياأمي ... ست الحبايب يا حبيبة

عفاف العزيزة هذا هو حال بناتك الحلوات ربنا يحفظهم ويغتيهم ...

خالد المحرب الزول الجميل ... شكرا على الترحيب يديك الصحة والعافية.

الطيب بن شيقوق ... لما قلنا بتشبه إسمك وبتزيد ما كذبنا يا أطيب زول في منبرنا..

ودعباس ...اسماعيل.... جدو العزيز اللذيذ تسلم يا بعد عمري مرورك الأنيق يسعد الخاطر ..

رأفت ميلاد .. إبن الأصول الديمة خاتي القول نشكرك على كلماتك الرقيقة رقة شعورك ...

نور الهادي ... ياخي نورت البوست وجهرتنا بنورك ... يطول عمرك يا راقي ...

أبوحريرة يا ست الستات يا أحلى من كل البنات ... نشكرك ياظريفة على الترحيب ..

السيدة عفاف أبو حريرة

و أقوليك و عليكم السلام .....بس صاحبتك عواطف دي مضخمة الموضوع حبتين ....
بالمناسبة....أنا حاجز رسمي و ناس البورد بصفة عامة و البوست دا بصفة خاصة شهود على أني حجزت بنتك محل النزاع بين أعمامنا "أبوبكر" و "الطيب" لولدي

موافقون؟؟؟؟؟؟؟؟؟

Quote: .. بعدين من دون خلق الله ما لقيت غير جنيات احبابنا المحرب وام احمر بشان تسويهم ابالة ؟؟ اها كان الابالة عاجباك ما تخلي البورصة وترجع هناك؟ يربطوك اشاء في جبل سايب ؟؟

هلا هلا اخلي ليكم الكنتاكي والبيتزة دى برااااااااااااااكم حرم الحليب والروب هنا عندكم ساهل ما محتاج لسرحة ابل تعبي بس من كالفور وتمشى تلحس وتعمل ليك كضيمات زى الفاروق

Dear All,

Salam to all of you,

What a pleasure and a great honor to join such a fine group of people.

I apologize for the very late delay in responding to your warm welcome.

I came home late last night, and read your postings…the only way to describe how I felt is: I had a very peaceful sleep.

Thank you all so much, I feel already am at home.

Also I found out the lap top I have at home doesn’t support Arabic.

This is just to let you know that I am here and I will be back later to replay to each and every one of you in Arabic.

Many . . many thanks and talk to you soon.

Kamal

جيت بيجاي

الحبيب حبيب نورة

إنشاء الله انت طيب...
آآي جيت بجاي .....انشاء بس ما أكون مزعلك في حاجة ....و لو حصل عليك الله تعفي لي لله و رسوله
و أنا واحد من أكتر المعجبين بكتاباتك (أوع تقول دي بلبصة)

يديك العافية

ألأحباء البورداب

في البداية أرجو أن تقبلوا اعتذاري في التأخر و الرد عليكم لظروف (حاسوبية) للغاية.

و أسمحوا لي بمشاركتكم الحوش الكبير (سودانيز أون للاين)

و أنا بالمناسبة "مدمن" لهذا البورد من زمن طويل جدا جدا و حاسس بل متأكد بأني من أهله من زمان، بس كان ناقصاني نسخة من مفتاح الباب و الحمد لله صاحب الحوش عمل لي مفتاح زيادة....

و من هسه بقوليكم ...شييييييييلوا شيلتكم حا تلقوني ناطي في أي موضوع و الولد عامل نفسه بيفهم في كل حاجة (مش سوداني؟؟؟؟ لازم أكون مقددة) و عندي رأي في أي زول و في أي موضوع ... ودا كده..و داك ما كده .. و دا شمال ...و دا يمين ......

و بعد شوية تلآقوا اتعملت جمعية لمحاربة كمال عبده و اباحة دمه ....

بس ابن حلال ...(مع الاعتذار للفنان عادل امام "مسرحية شاهد ماشافش حاجة")

بمناسبة اباحة الدم و كده .....أوعدكم بكشف الغواصات و الكيزان المختبئة (القلعت اضنينها و عملت تقدمية)

باين أني دخلت دخلة قوية (شديدة المفعول) التقول عضو من عشرة سنين ...ما قلت ليكم أنا معتبر نفسي واحد من أهل الحوش ...... و كمان حذرتكم تشيييييلوا شيلتكم ..... ولا عذر لمن أنذر..

شكرا شكرا شكرا شكرا شكرا شكرا شكرا شكرا شكرا شكرا شكرا شكرا

و كما وعدتكم هااااااكم الرد على مداخلاتكم م ترحيبكم:

الأستاذة و الأخت العزيزة عواطف

بااااالغتي عدييييييل في عنوان البوست ....هسه الناس يقولوا دا باين عليه مهم و عب كبير...
و طبعا بتقصدي (منور بيتنا) قبل دخول الجمرة الخبيثة ... ولا حا أكسب عداوة بورداب الخرطوم

شكرا ليك كتير جدا ...والله صدق اللي سماك "عواطف" لأنك فعلا اسم على مسمي....
و يا أخوانا عواطف دي غاشاكم بالصورة بتاعتها دي .....في الحقيقة هي أصغر من كده بكتييييير..
و ما بتزهجوا من ونستها بتاتا.....معاها تعرفوا فعلا معنى (الدنيا لسه بخيرها)
تسلمى يا أم مجاهد و ربنا يقدرنا على مجازاتك

قبل ما أنسى شكرا على الغدا ....لكن دا ما بيعفيك من الغدوة المدنكلة لما أجيب ليك الخال أبوبكر و بقية بورداب دبي

أستاذي الباشمهندس الزعيم و الخال أبوبكر

أبدأ معاك من وين ولا وين .... بنعرف بعض (اسفيريا) أكتر من عشرة سنين (من أيام أنا في الروضة و انت بتقدم مشروع تخرجك الجامعي) .... من أيام أول قائمة بتاعت دكتور جلال (الله يمسيه بالخير) و القائمة التانية البقت في آخر أيامها على ما أظن بإدارة بكري أبوبكر ..........

و أهم واحدة (درب الانتفاضة) و التى حققت عدد كبير من الانجازات و كانت أروع مثال لأستغلال التكنولوجيا لخدمة الانسانية

شكرا ليك بالتفضل بالمكاتبة و التزكية ...أصلك أخو أخوان...خصوصا لغير الناطقين بها ..(هسه عمك "الطيب" يقوم علينا ....الله يكفينا شرهم العراريب ديل)

طبعا أنا ما صدقت و أصلو كنت ماشي لمعرض السلاح و عرفت ليك أنو عواطف كصحفية حا تقوم بتغطية المعرض لكن خللتني في الجناح التركي و اختفت؟؟؟؟؟؟؟؟؟؟

تقبل سلامات نهلة و ما تقلق حا تكون أون لاين سريع جدا

كتر خيرك والله ما يجيب يوم شكرك و جمايلك مغرقاني

أخونا بكري أبوبكر

يا مولانا كرت الترحيب دا كتيييير علينا خصوصا لما يكون من صاحب الحوش
كتر خيرك و مشكور على الاستجابة و الباسوورد
تابي رجعنا... مش قالوا "العرجا لمراحها"
و أتمنى أن أكون عند حسن الظن.

على فكرة يا بكري أنا من أهل أريزونا القدام (أربعة سنين في توسون Tucson).

و لنا عودة

الأخ محمد عثمان محمد طه

سؤال ...انت يا أخوي اسمك دا مش قريب لاسم هناي داك ... الكان أول و بقى ..!!!!!!!

أول المرحبين ....أعفي لي كان مفروض أرد عليك أول واحد ....لكن أظنك فاهم اللعبة ...لازم في الأول صاحبة البوست بعدين أستاذي و قريبي و بعدين صاحب البورد / الحوش ....يعني تحبيشات لزوم البروتوكول و ال PR.

و الوردة مقبولة منك .....خللي بالك حاولوا يسرقوها ....

ألف مليون شكر على ترحيبك و من هسه انت زولي عدييييييل كده ... أحسن يا صديقي الواحد يربي علاقات و تكتلات من البداية .....لأنو جنس الشايفو دا......الظروف "البوردابية" ماااااا مضمونة.
(إنشاء الله بس تكون من "أندينا")

العزيز هاشم أحمد خلف الله

ألف شكر و انشاء الله أبقى قدر كلام عواطف.

الصحافية (النص كم) رجاء هانم العباسي


تعرفي سبقتيني بكلمة "يا فردة" ......كيفك يا شقية .....و بقية العقد الفريد بنات العباسي .... والله زمان .....أيام النضال و المكابسة بتاعت التجمع في القاهرة....الذى قتل بأيدي صانعيه ...تتذكري بالله كانوا بيعملوا فينا شنو ؟؟ ... الله يسامحهم

أوع تكوني قابضة الجو في البورد و كده .....استني بس لما أتمكن....و عينك ما تشوف إلا النور.

غايتو يا أخوانا رجاء دي مش عشان احنا "فرد" لكن أشهد ليها لما كنا نمشي نقابل د.جون قرنق...كان بلاوز عديل منها و قالينا " رجاء دا أنا بخاف منو أكتر من هيكل" يقصد الصحافي المصري محمد حسنين هيكل.

و مولانا الميرغني ....عديييييل ما بقابلها ... و مرة كده لو بتتذكري ..؟قال خللوها ترسل لي أسئلتها في الأول بعدين نشوف.....

يللا ..أها ...مستعدة للنضال الاسفيري دا كنوع من التغيير....أنا غايتو استسلمت و بنزينى خلصان بعد تجربة القاهرة.

على فكرة نهلة بتسأل عنك ....و حا تلاقيها في البورد قريب.

الدكتور متوكل محمود متوكل
My Mentor

يا لها من مفاجأة .....وييييييين خبرك ......والله كتر خير البورد دا و البورداب ديل الخللوني ألم فيك
هو انت بتتنسي .....قبل حوالي اسبوعين أنا كنت في الخرطوم و اتلمينا كلنا في بيت حاتم حسن و ما عندنا سيرة غيرك (يعني بالواضح كده أكلنا لحمك)

انشاء الله تكون طيب

داون تاون (دي بنتي الكبيرة) بخير و قرييييب جاياكم للجامعة .... و يا دكتور في إضافة جديدة ..انت ما شفتها وللا شنو؟؟؟

الجميع بخير و لازم ترسل لي تلفونك (الايميل في البروفايل)
في انتظارك

الأخ محمد عثمان

ألف شكر على الترحيب....(ممنون لك اكتيييير) "على قولة الزلمة الشوام"

الأستاذة ماجدة عوض خوجلي

بيت النضال و العزيمة ....أنا أرشحكم لجائزة الصمود أينما كانت و كنتم
لا أملك الا أقف لكم وأحييكم.
ازدت شرفا بترحيبك (رغم محاولة سرقة وردة "زولي" محمد عثمان محمد طه)

أخوي خالد المحرب

ود المحرب....عليك الله تغير الصورة دي .....مالك صاري وشك كده .....كتاباتك كلها مفرحة ...و بتدي انطباع أنك زول بتاع بهجات ....ولا دي عشان تخوف بيها الباشمهندس أبوبكر سيد أحمد ....عسى و لعل يخفف من هجومه على العراريب.

مشكور على الترحيب و معا لتغيير صورة "العراريب" أمام "لغير الناطقين بها"

العم الطيب شيقوق

بارك الله فيك ... و الجماعة ديل بيبالغوا (شوية ما كتير) انشاء الله بس أنستر معاهم
بعدين ياخ أبوبكر دا مالو قايم كده على "الناطقين بها" ؟؟ انتوا مزعلنو في شنو؟؟؟

غايتو حا أستغل ليك كل العلاقات و الوسائط و أعرف سبب الهجوم دا .....مع أنو يا عم الطيب في اتفاق بين جميع "غير الناطقين ببغيرها" لتتغير استراتيجية التعامل مع العراريب ...آآآآآآسف ....مع "الناطقين بها" في ظل الظروف الراهنة...لأنو كما تعلم أن الوطن حاليا يمر بمنعطف "ختير" للغاية.....

تخريمة: الوطن دا مما قام هو ماشي في "زقزاق" من كترة المنعطفات

الأخ نورالهادي عواض

ترحيبك من أحلى الترحيبات .... و كرتك شدييييد
أقوليك قولة .....انت برضو زولي

إنشاء الله بس تكون من "أندينا"

الأستاذ إسماعيل عباس

لك كل الود و الشكر و انشاء الله ما أخذلكم

عزيزي رأفت ميلاد

شكرا على الترحيب .....و يا رأفت عندي احساس أننا حا نعمل شغل كبييير جدا مع بعض...
ما تسألني شنو؟؟....لأنو أنا ظاطوو ما عارف
و البيت منور بأصحابه

السيدة عفاف أبو حريرة

و أقوليك و عليكم السلام .....بس صاحبتك عواطف دي مضخمة الموضوع حبتين ....
بالمناسبة....أنا حاجز رسمي و ناس البورد بصفة عامة و البوست دا بصفة خاصة شهود على أني حجزت بنتك محل النزاع بين أعمامنا "أبوبكر" و "الطيب" لولدي

موافقون؟؟؟؟؟؟؟؟؟

الحبيب حبيب نورة

إنشاء الله انت طيب...
آآي جيت بجاي .....انشاء بس ما أكون مزعلك في حاجة ....و لو حصل عليك الله تعفي لي لله و رسوله
و أنا واحد من أكتر المعجبين بكتاباتك (أوع تقول دي بلبصة)

يديك العافية

عواطف كيفك ومشتاقين لردودك وكلامك الحنين

مرحب بالأخ كمال عبدالحميد

ولكل ناسك بدون فرز

سلوم الحبيبة...

شوق ... مودة ... حب ... معزة ...

تسلمي يا ست البنات ... مرورك الباهي يسعد الخاطر ... مودتي ...

Quote: كمال شخصية بديعة ... مهذب ... خلوق ... مثقف ... وأكيد حيكون إضافة جديدة للمنبر فلنرحب به .

يا مرااااااحب وحبابك الف ..
ويا هلا ..

عوض حمزة

الأخت العزيزة سلمى

كتتر خيرك و مشكورة على الترحيب
و يجعله عامر

ألأحباء البورداب

في البداية أرجو أن تقبلوا اعتذاري في التأخر و الرد عليكم لظروف (حاسوبية) للغاية.

و أسمحوا لي بمشاركتكم الحوش الكبير (سودانيز أون للاين)

و أنا بالمناسبة "مدمن" لهذا البورد من زمن طويل جدا جدا و حاسس بل متأكد بأني من أهله من زمان، بس كان ناقصاني نسخة من مفتاح الباب و الحمد لله صاحب الحوش عمل لي مفتاح زيادة....

و من هسه بقوليكم ...شييييييييلوا شيلتكم حا تلقوني ناطي في أي موضوع و الولد عامل نفسه بيفهم في كل حاجة (مش سوداني؟؟؟؟ لازم أكون مقددة) و عندي رأي في أي زول و في أي موضوع ... ودا كده..و داك ما كده .. و دا شمال ...و دا يمين ......

و بعد شوية تلآقوا اتعملت جمعية لمحاربة كمال عبده و اباحة دمه ....

بس ابن حلال ...(مع الاعتذار للفنان عادل امام "مسرحية شاهد ماشافش حاجة")

بمناسبة اباحة الدم و كده .....أوعدكم بكشف الغواصات و الكيزان المختبئة (القلعت اضنينها و عملت تقدمية)

باين أني دخلت دخلة قوية (شديدة المفعول) التقول عضو من عشرة سنين ...ما قلت ليكم أنا معتبر نفسي واحد من أهل الحوش ...... و كمان حذرتكم تشيييييلوا شيلتكم ..... ولا عذر لمن أنذر..

شكرا شكرا شكرا شكرا شكرا شكرا شكرا شكرا شكرا شكرا شكرا شكرا

و كما وعدتكم هااااااكم الرد على مداخلاتكم م ترحيبكم:

الأستاذة و الأخت العزيزة عواطف

بااااالغتي عدييييييل في عنوان البوست ....هسه الناس يقولوا دا باين عليه مهم و عب كبير...
و طبعا بتقصدي (منور بيتنا) قبل دخول الجمرة الخبيثة ... ولا حا أكسب عداوة بورداب الخرطوم

شكرا ليك كتير جدا ...والله صدق اللي سماك "عواطف" لأنك فعلا اسم على مسمي....
و يا أخوانا عواطف دي غاشاكم بالصورة بتاعتها دي .....في الحقيقة هي أصغر من كده بكتييييير..
و ما بتزهجوا من ونستها بتاتا.....معاها تعرفوا فعلا معنى (الدنيا لسه بخيرها)
تسلمى يا أم مجاهد و ربنا يقدرنا على مجازاتك

قبل ما أنسى شكرا على الغدا ....لكن دا ما بيعفيك من الغدوة المدنكلة لما أجيب ليك الخال أبوبكر و بقية بورداب دبي

عانقت جدران منتدانا
عطر قدومك ... وتزيّنت
مساحاته بأعذب عبارات الود والترحيب
ومشاعر الأخوة والإخلاص ... كفوفنا ممدودة
لكفوفـك لنخضبها جميعاً بالتكاتف في سبيـل زرع بذور
الأخلاقيـات الراقيـة ولا نلبـث أن نجني منهـا
إن شاء الله ثمراً صالحاً.. ونتشـارك
كالأسرة الواحدة لتثقيف بعضنا
البعض في كل المجالات
أتمنى لك قضاء
وقت ممتع
معنا

الأستاذ الرقيق معتز قرشي

يا مولانا دا كلام شدييييييد جدا

والله يا أخوانا الواحد احتار، على القسم انتوا أحلى ناس (بكيزانكم و ظلاميينكم)

لك ودى و حبى و الله يقدرني على رد المحبة دي.

(على فكرة: عشان زهورك الحمرا الحلوة دي، انت ذاتك زولي "بقوا كم هسه يا عواطف؟؟؟")

مرحبا بك فى الحوش و مرحب بكل ما هو من عواطف

فهى انسانه لا تزكى الا من هو رائع بروعتها


تحياتى و ويين الجديد يا ام الخير (ام مجاهد)

Quote: (على فكرة: عشان زهورك الحمرا الحلوة دي، انت ذاتك زولي "بقوا كم هسه يا عواطف؟؟؟")

يا زول هووووووي

أنا ما عندي صليح في البورد دا

ما تغرك الورود الحمراء دي

تحتها في عكاز وسكين وكلاش

إرهابي يعني بالواضح كدا

يا معتز.. الرحمة أخوك لسه جديد و (مهيض الجناح)

و بعدين احنا علينا بالظاهر..

لكن لما العكاز و السكين و الكلاش يطلعوا...بعد داك بنقلب Side B طوالي.

عزيزي هيثم

شكرا جزيلا لكن زي ما قلت ليكم عواطف دي من روعتها بتخللى الناس كلها رائعة زيها

و أضم صوتي و ندائى معك (ويين الجديد؟؟)يا عواطف

كيمو العزيز ...

مودتي ...


تستاهل كل خير والجديد في الطريق .

غاطسة وييييييييين يا أستاذة؟؟؟؟

الغطسة دي معناهاحاجة واحدة بس....معناها أنك بتحضري لينا في حاجة كاااااااربة





(ورطتك ولا شنو؟؟)

والله يـــا أبــو كمــــال شـــهادة الأســتاذة نــوط جــدارة


ونحـــن بنرحـــب بكـــل من يحمــل هذا النــوع من الأوســمة


التي لا تمــنح من الأســـتاذة الحــبوبة بــالســـاهل .



فســـعيدين بيــك كســـعادتنــا بالصــحفية اللامعــــة .






صـــلاح واســبه

عزيزي الراقي وسبة

بارك الله فيك ...خلليني أكرر مرات و مرات ...عواطف عملت لي هلمة ساكت ...بس انشاء الله ما أخيب ظنها

لك كل الود

صلاح وسبة !!!

مودتي !!!

شكرا على المرور ,,, كلامك يسعد الخاطر ..

مليار مرااااااااااااااااحب الاستاذ كمال
وانشاء الله يطيب ليك المقام وتسعد بيناتنا بمقدار
سعادتنا بيك .. وفي انتظار الكتير المثير الخطر منك ..


معليش يا عواطف على التاخير في الترحيب باخونا كمال
وزي ما انتي عارفة لسة الكمبيوتر عطلان وبرضو شغالين شد من الجماعة.

تسلمي يا الغالية .. ونفحاتك دائماً عطره .

الأمير أمير

و عشرة مليارات شكرا (يللا انشاء الله ما حد حوش)

و صدقني أنا سعيد بيكم كلكم من قبل ما أدخل حوشكم.


و سلامة كمبيوترك (انت ضبحت له لما اشتريتو؟؟؟؟)...انشاء الله يقوم بالسلامة

Quote: (مهيض الجناح)

حلوة دي .. ما انت ليك عشرة سنوات grounded

وحياتك يا خال زي التقول عشرتين ...مش عشرة واحدة

Quote: حلوة دي .. ما انت ليك عشرة سنوات grounded

يا اخوى ابشر انا معاك في شباب اخضر واعد والمواقف الانسانية من غادة نوري -

المبارح تداخلت بالخطأ وفاكر البوست يعنى بمواضيع اخر

معزتي

Quote: الحضور الان بالمنتدى العام لسودانيز أون لاين دوت كوم 665 شخص » (72 )عضو و (593) زائرا »A.Razek Althalib »abdelgadir mustafa »Abdlaziz Eisa »AbuAla »ahmed haneen »Ahmed Yousif Abu Harira »Amin Elsayed »dalihabboub »Dr.Mohammed Ali Elmusharaf »Foetus »Haytham Abdulaziz »JAD »Khaalaleyaal »Khalid Saeed »Luai Salah »Mahir Ali Bob »Mohamed Abdelgaleel »Mohamed E. Seliaman »Mohammed Elhaj »msd »Muna Khugali »Nader Abu Kadouk »nour tawir »Osama Mirghani »Randa Hatim »saif addawla »tmbis »Yasir Elsharif »أبو عبيدة البصاص »أيمن عادل أمين »إبراهيم عمر »ابوعبيدة حسن محمد »ادريس خليفة علم الهدي »اسعد الريفى »الصادق الخليفة »الطيب شيقوق »المركز السوداني الامريكي بAZ »الواثق الصادق »ايوب عبدالرحيم »بكرى ابوبكر »بكري الصايغ »تاج السر حسن »تماضر الخنساء حمزه »حافظ عبدالعاطى احمد »حبيب نورة »حيدر حسن ميرغني »خالد عويس »رامي يوسف الصديق »رقم صفر »سارة حمزة »سيف الدين حسن العوض »سيف اليزل الماحي »صابرين الصباغ »صديق حمدتو »صلاح شاطر »طارق عبد اللطيف نقد »عادل جبارة »عباس حسن احمد »عبد اللطيف بكري أحمد »عبد المنعم سليمان »عبدالرحمن محمد عبدالرحمن »عبدالمنعم خيرالله »عبير خيرى »على محمد على بشير »فيصل محمد خليل »فيصل نوبي »محمد عبدالقادر سبيل »محمد عثمان محمد طه »محمد فرح »هاشم أحمد خلف الله »وصال عالم »يازولyazoalيازول

وين الحلوين وين راحوا

ابو بكر
الفاروق
ود المحرب
ود حماد

وهلم جرا

Quote: وحياتك يا خال زي التقول عشرتين ...مش عشرة واحدة

واها جيت مكان ما القراوندق دهري او تبقي زي خالك التاني حتي الكلام ما تصرفو.....

خالي داك exeptional case حالتو لا وردت ولا اتعرضت قبل كده..!!!!!!

لكن انا جاني شمار و سمعت تحت..تحت كده أنو الدفعة كلها كده...






تعظيم سلام يا جنابو
تلميذك
كمال

الاخ كمال عبده..

مرحبتين ..نورت البيت..وشارع البيت..

وشكرا لعواطف الحبيبة..

عروسنا الجميلة د. رشا!!

البيت منور بعودتك الحلوة ... شكرا لعبورك الأنيق .

رشوية الحبيبة !!!

كيفك يا عروس الموسم وكل المواسم ,,

شكرا على العبور .

Your Majesty

شكرا على المرور الملوكي

و نطمع في أن تشملونا بكامل رعايتكم