Post: #1 Title: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الثاني. Author: عواطف ادريس اسماعيل Date: 02-25-2007, 06:50 AM Parent: #0
الزهجانة دي ديمة صارة وشهيها ... لا تقدر تعاين ليها ولا تمشي تخليها ... لا بتعرف الريد لا كلمة
حبيبي في خشيمة تجيها... كلامة حار وزي النار لا بتعرف الجد من الهظار ... لو قلت نكتة أو هاظرتها
على طول ضرب نار ... لا ليها دعوة بيك ولا حتى بي أقرب جار ... دي منها قول يا لطيف .. يا ستار ..
ويا سلالالالالالالالام .
أما الحردانة دي حال ما حال ... لو قلت ليها فت كلمة طلعت من الأوضة ومشت نامت وسط العيال .. وخلتك
تزازي في الكوريدور شوف بشاتن الحال ... لو قلت ليها الليلة نطلع برة نفسح العيال قعدت تدخل وتمرق
وتمرق وتدخل وما تغلط تقوليها ليها إتأخرتي على طول تقول ليك خلاص ماالمشي دة خليته ... ياولية
حيرتيني و ما تقولي لي إنت كمان أحترتي ... ويا سلالالالالالام .
الدلوعة والمخلوعة
الدلوعة دي دايما بتوجع القلب ... قالت ما بتعرف الكديسة من الكلب .. لا غسلت يوم عدة لا قشت حوش
لا أكلت فول لا سمعت بي ناس ست النفر وعشوش ... صاحباتها ناس ميمي وزوزو وريري ..لا بتعرف كر علي
ولا وا شريري لو قلت ليها عايز كباية شاى تقول بليز هيلب يور سيلف أنا زوجة مش خدامة شايفني في
بيتناكيف دلوعة وكيف نوامة .. أبوي لو سمعك قلت لي أعمل شاي البحصلليك ما حتعرفه بس إنطم و أسكت
ساي .... ويا سلالالالالالام.
المخلوعة دي كلما شافت حاجة اتهجمت وترجمت كأنها جات من الضهاري ... تحرجك قدام ضيوفك تخليك تشيل
نفس وتخت نفس أتقول جاي من الكلاكلة كداري ... ولو جيت بالغلط ماشي جنب داماس .. طيرت عيونها وقالت
يا راجل يا سجمان ما شايف النسوان شاريات الدهب كيمان .. وإنت يا مايل الرجال الديمة حالك حال
لا سوار ... لا خاتم .. لا خلخال ... و يا سلالالالالالالام .
المجنونة والشعنونة :
المجنونة دي كل يوم بتوري فنونة ... يوم شكلة جاهزة مع جيرانها ويوم تتمارض وتقول معيونة ...
ويوم تلقاها زي الشيطان ويوم تكون طيبة حنونة ... ويوم تشك في سلوكك وتقعد تكورك فيك تقول طاحونة
ولو سمعت خبير عنك بالغلط تسكه وتلقاها جات في المكتب .. تسوفك قاعد براك ولا مع الزميلات تكبكب
مرات تلقاها راجياك بالورد ومرات ترجاك بالشبشب ومرات كمان بالكركب و ياسلالالالالالام ..
الشعنونة هي زي المجنونة لكن لا بتكتب لا بتقرا وكله فلوسك كاباها هناك في الفقرا .. عايزة تروضك
تخليك نعجة أو بقرة ... ومرات تقول يمكن عايز يعرس أخلي الفكي يديه أخر درس .. لا يعرف شمال لا يمين
لا شوكة لا سكين .. لا أمه لا أخواته .. لا خالاته لا عماته .. أنا وبس ويا سلالالالالالام .
السواطة واللخباتة
دي أخطر النسوان لا بتخاف من الله لا الأخوان ... و حالتها ما حالة .. يا جايبة خبر يا ساكة ليها قوالة
ناس فلان ختوه قرط وناس علان رافعين مناخيرهم و بيتم من زبالة.. وفلانة راجلها دقاها وربطها ورماها
بي شوالة... وبت فلان المطلوقة الديمة مكشوف حالة ... وراجلي أريته راجل التابة لا بجيب شمار لا
لا فاكهة لا خضار لا خبرا يسر البال اريته راجل اليابة و يا فلانة أوعك من ود الخال.. ويا سلالالالالام .
Post: #2 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: elhilayla Date: 02-25-2007, 07:05 AM Parent: #1
الأخت عواطف صباحتاك بنكهة "الأشطة" علي قولهم أحببت أن أمر محيياً ومرحباً والحمد لله، الله مرقنا بال
هدية و رضية
دمت في كنف الله زين العابدبن -الحليلة
Post: #4 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-25-2007, 01:43 PM Parent: #2
أخي العزيز زين العابدين
مودتي
الحمدلله إن وهبك الله ببنت الحلال الهدية والرضية دي نعمة من رب العالمين ...
شكرا على مرورك الجميل ...
Post: #3 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: Moawia Mohammed Date: 02-25-2007, 01:33 PM Parent: #1
نان نعرس منو يا عواطف ؟
Post: #5 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-25-2007, 01:46 PM Parent: #3
معاوية الحبيب!!!
تعرس الهدية ... الرضية ... بت الحلال ... مستورة الحال .. عشان تعيش هني ومسرور البال .
Post: #7 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: هاشم أحمد خلف الله Date: 02-25-2007, 01:55 PM Parent: #5
عواطف يا اختي شكلك كده إشتغلتي خطابة ؟؟؟ وكلامك كلام السرور يا يمة .
مع خالص تحياتي ومودتي ليك يا غالية يا ( حبوبة عواطف ) .
Post: #13 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-25-2007, 02:06 PM Parent: #7
ياود خلف الله شكيتك على الله يا الجننت خلق الله عايز ناس المنبر يسموني حبوبة ويرموني في الراكوبة
لا أحضر عرس لا خطوبة ؟؟؟
هشومي العزيز ... شكرا على مرور الذي يزيد البوست ألق وضياء ... سلمت يا الحبيب ...
Post: #6 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: كمال علي الزين Date: 02-25-2007, 01:51 PM Parent: #3
عواطف
تحياتي
صديقي جاوز السابعة والثلاثون (حسب زعمه) , رغم أن بعض زملائنا ممن عرفوه في وقت مبكر , يدعون أنها
سبع وخمسون , وبعضهم يراها وستون .
و(عبدالمنعم شجرابي) تحديداً يدعي أنه رآه في صور رفع العلم يوم الإستقلال ( وراء أزهري مباشرة ) .
هذا الصديق ..
لم يتزوج بعد ..
يدعي أنه يبحث عن بت الحلال ..
رافقته في عدة مناسبات خطبة ..
آخراها كانت الآنسة : (سلوى) من الكلاكلة ..
بعد أن أكل وشرب وخرجنا متوجهيين نحو الخرطوم ..
سألته: رأيك شنو , ؟؟
أجاب مسرعاً : سلوى ظريفة , لكن الكلاكلة بعيدة !!
وعلى ذلك قس ,
....
...
جيرة ..
أمبدة ..
بحري ..
هاتفني هذا الصديق وهو صحافي معروف , يكره كلمة مخضرم لأنها تدل على الكبر ويفضلها صحافي شهير
, هاتفني فرحاً , فقد قام بطباعة البوست (بتاعك ), ليكون نبراسه ودليله في رحلة البحث عن شريكة
حياته .
منذ يومين سألته عن عروس جديدة , قاطعني قائلاً :
عواطف قالت , ثم يخرج أوراقه ...
كل من يحدثه عن الزواج , يباغته قائلاً :
لكن , عواطف قالت ..
ثم يخرج أوراقه ..
ويبدأ في قراءة مواصفات الزوجة حسب مقاييس عواطف ..!!!
؟؟
Post: #9 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-25-2007, 01:56 PM Parent: #6
كيمو العزيز
وينك ياخي ؟؟
ليك وحشة !!
والله صاحبك دة عايز ليه سبب ساكت والمثل السوداني بيقول البفتش على السبب بلقاه .. عموما ما تزنقو
شديد عشان ما يحملك المسئولية ... سلمت يا الحبيب .
Post: #11 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: كمال علي الزين Date: 02-25-2007, 02:04 PM Parent: #9
عواطف
تحياتي
صاحبي , ده جاب ليك جنس شتائم ودعاوي
غايتو ربنا , يكون في العون
أمو كلو ماتكلموا عن عروس
ينط ليها , لكن عواطف ..
فتبدأ الحاجة في الملولوج اليومي :
عواطف تطير , , , ,
غايتو ربنا يغطيك ويحفظك , الولية دعتك جنس دعا !!!
Post: #16 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-25-2007, 02:13 PM Parent: #11
كيمو!!!
طبعا حتقول ليه عواطف تطير وتقع في البير ... دي جاتنا من وين الكريهة أم إضنين ولسة يا حتدعي
Post: #8 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: فدوى الشريف Date: 02-25-2007, 01:55 PM Parent: #1
المبدعه عواطف احمد ادريس والله واحشاني وواحشني الحوش كلو انشاء عافيهوبخير ومبسوطه اشكرك علي كتاباتك الجميله وياريت كمان تورينا نحنا ولا انتي في صفهم بس ومن كميات مودة ابو الحسين لكي مليون
Post: #10 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-25-2007, 02:03 PM Parent: #8
فدوى الجميلة ...
تفديك روحي وعمري يا بعد عمري ...
أنا برضه مشتاقة وبي لوعة ولكن مثلي لا يذاع له سر ...
كيفك يا ست الحبايب ؟؟ إنشاء الله مافي عوجة...
أشكرك على مرورك الزاهي ونحنا لا معاهم ولا عليهم نحن مع الحقيقة حتى آخر دقيقة ولازم يا ست الكل
نبدأ بروحنا وبعدين على وعلى أعدائي ... المجتمع يا فيفي لازم يتغير رويدا رويدا يعني لماننور
Post: #12 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: محمد أبوالعزائم أبوالريش Date: 02-25-2007, 02:05 PM Parent: #1
عواطف ما جهجهتينا ......
ما خليتي بت ممكت يعرسوها ... هسي أنا قلت بي نصايحك دي الواحد ممكن يفتح نفسو ويشوف التانية ..... لكن بعد كلامك بديت ألاحظ لي تصرفات العندي دي من أول وجديد (أم الوليدات).
الله يهديك ... توقعي ثورة عوانس نيرانها موجهة ليك
Post: #14 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-25-2007, 02:11 PM Parent: #12
ود أبو العزايم يالضمير الصاحي مو نايم
أسعد الله مساك بكل خير ...
أم الوليدات ربنا يخليها ومن العين يغتيها بس أنا قلت أنور أولاد المنبر عشان الأقربون أولى
بالمعروف لكن على قولتك العيار المابصيب بدوش عشان كدي الله يسترني من المدوشات ... وإنت يا أخوي
نصيحة مني ليك جنا تعرفو ولا جنا ما بتعرفو.. ودمت
Post: #19 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: مروة احمد مكى Date: 02-25-2007, 02:34 PM Parent: #14
كلامك ده يا عواطف سلاح ذو حدين نصيحه للعزاب لكن فى نفس الوقت يخلى المتزوجين يعيدوا تقييم زوجاتهم زى الاخ محمد ابو الريش
Quote: لكن بعد كلامك بديت ألاحظ لي تصرفات العندي دي من أول وجديد (أم الوليدات).
مالك علينا مفتحه لينا ابواب زى دى الله يسترنا
ودمتى يا غاليه
Post: #23 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-26-2007, 06:25 AM Parent: #19
الحبيبة مروة
اسعدني مرورك يا ست البنات يا أم دم شربات
البوست دة فعلا سلاح ذو حدين ورسالة موجهة للجميع عشان نتفادى كثير من الأخطاء يعني حنى المتزوجة
يمكنها الاستفادة منو والدافع ليس خراب البيوت أو إعادة النظر في الزوجات ما تسمعي الكلام دة خلاص
الإدبس إدبس ومافي حل ليه ... شكرا يا ظريفة ..
Post: #15 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: Mustafa Mahmoud Date: 02-25-2007, 02:12 PM Parent: #12
Post: #17 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-25-2007, 02:22 PM Parent: #15
الغالي تمر السوق كان قسموه ما بحوق ... ياود محمود سيد الكرم والجود إنشاء الله ما نضوق نارك
كل من يحبك يسكن جوارك ؟؟؟ ساكن وين ؟؟؟ بيكر ستريت ؟؟؟ أيجوار روود؟ كينغستون ولا أكسفورد
ستريت ؟ همر سميث ؟؟ ولا وين ؟؟ عشان عايزين نرسل ليك باقة ورد !
Post: #18 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: هاشم نوريت Date: 02-25-2007, 02:27 PM Parent: #15
عواطف دبايتو
Quote: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة
دايرانا نعرس الرايقة ام لسان طويل وتقابل زى المصيبة تعدد ليك انت نسيت وماجبت وناس فلان حصلت ليهم شنو يلاك نمشى حسى تغدى بعدين وبعدين الزهاجة مالها التنتظرك تقلب كل المحطات ولا الحردانة المادايرة ليه توب ولا مصاريف ولا الدلوعة ديمة تقول ليها ماعندك مشكلة بكرة بجيب ليك كدا وكدا ولا المخلوعة التبحلق فى سماء الرحمن . وانت مالك عايز الناس ينفروا من بنات بلدى.
Post: #20 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عادل جبارة Date: 02-25-2007, 06:36 PM Parent: #18
عواطف دعوة برضو للعزابيات ما تعرسو الزهجان القرفان ولا الحردان الميتان ولا والدلوع المزلوع .. إشمعنى إنتي متحيزة للعزابة .. بس أنا عارف السبب !! عايزة تحرشي العزابة الصغار حقينك في البيت علي بنياتنا العزابيات الصغار دييك .. تحياتي يا رائعة
Post: #21 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: sudania2000 Date: 02-25-2007, 07:04 PM Parent: #20
يا حاجة سلامات وصلي ع النبي
هم برا كدي خالعين من الدور و عاملين مجانين
قصدك شنو هسي ؟؟
الزهج بالكوم من هموم الدنيا
الحردانة تسوي شنو كان الراجل كلامو كثير وبزهج
الدلوعة تعمل شنو ما قامت كدي كمان
المخلوعة تسوي شنو يجيبوها من الشوال ويودوها مدينة الذهب والله انتي تنخلعي خليها بت الشوال
يا حاجة باركيها وخلي الشباب يشوف حالوا
والبيركس راقد والعزابة كتار
ان جاب ليها ما تعرسوا
نجي لكرات مرتدة:
اياكم يا بنات من الاولاد البتكلموا طول اليوم بالجوال والماعندهم شغل وراقدين ع بابا مغترب وخالو في اليو ان والاولاد الجنهم بنات وشمارات والرجال الجنهم جري وراء الحفلات والرجال الما ممكن يكون مسئولين والجنهم جات والرجال الورق من قولة تيت يقول ليك ادفعي لي حق الايجار والرجال الماهم مرق بيت ولا بقدروا يشيلوا قفة والرجال الفاضيين والشغلهم سمسرة والرجال الكذابين وببدوا القصة بخليهو لبكرة وكدي نشوف الونسة والرجال المافي فرق بينهم وبين العيال والرجال العندو مرة زي القمر ويقول ليك مرتي مكشوفة حال واياكم من رجااااااااااااااااااااااااااااااااااااااااااااااااال النسوان
فتك بعافية
اصلي دلوعة و زهجانة و حردانة البورد كمان
Post: #22 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: EMU إيمو Date: 02-25-2007, 07:40 PM Parent: #21
عواطف حبابك وحباب الزوار صاحبتك الطبيبة رجعت لزوجها ولا بعد معليش ليبتون بيسأل
أحسن الواحد يظل راهب
Post: #28 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-26-2007, 06:45 AM Parent: #22
الراهب إيمو ...
معزتي
دة حتى الرهبان في الزمن دة بقوا يعرسو عشان كدة ما عندك مفر سيك سيك معلق فيك ... الدكتورة
عندها إمتحانات الأيام دي وهي ذاتها قالت عايزة تبقى راهبة أيه الحكاية يا عيال ...
Post: #27 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-26-2007, 06:43 AM Parent: #21
سودانية سنة ألفين ...
يا أجمل الحلوين ..
تحردي لينا البورد..
وتمشي مننا وين؟؟
عاد نحنا من غيرك ..
حزانى ومساكين ...
ولو عايزاني أسحب بوستي ..
على الراس والعين ...
وما تخافي العزابة حنينين...
لو حبو واحدة إنشاء الله زي الطين ..
ما عندهم مشكلة بكرة حالها بتعدل ...
ويبقى سمح وزين ...
والعاملين مجانين ديل مادايرين عرس..
قالو أخير نكون صايعين ...
نباري في الحفلات .. نسك السمح والشين ..
بكرة بندمو لمن يشوفو أولادكم الحلوين ...
كبروا وبقوا دكاترة و مهندسين ...
Post: #26 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-26-2007, 06:36 AM Parent: #20
عدولي الحبيب
معزتي
والله أن لا متحيزة لا حاجة ما شفتني في البوست بتاع رجال في وزن الريشة بستفتهم ليك كيف ؟؟ لكن الهدف
إنه البنات الحلوات يتعدلن وما يفتكرن السماحة هي الشيء الأساسي وبس وبنياتك ما تخاف عليهن شايفة
سوقن حار شديد ما عارفة السر شنو يا ربي عشان إنت أبوهن ؟؟؟؟
Post: #25 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-26-2007, 06:32 AM Parent: #18
هاشم نوريت !!!
وإنت مالك زعلان كدي يا ودأمي ؟؟؟
ليك علي بكرة أخطب ليك أربعة مرة واحدة تكون فيهن الرمرامة عشان تعدمك التعريفة والنضامة عشان
والسواطة عشان كله يوم تكون في القسم تحقيق في قوالة شنو رايك ويسلمن بنات بلدك من كل شر .
Post: #24 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-26-2007, 06:28 AM Parent: #15
دكتور مصطفى الروعة منك وكفى ...
كل البوستات البتشرفا سيدها يرقد قفا...
عشان بكون ناجح أكيد يارمز الطيبة والوفا..
شكرا على لفتاتك الجميلة ...
Post: #29 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: امير عوض الجمري Date: 02-26-2007, 06:54 AM Parent: #1
تعرفي يا عواطف الواحد يمشي يعرّسن أربعة .. واحدة .. زهجانة التانية .. مخلوعة التالتة .. مجنونة الرابعة .. لخباتة
ويجيبن يفكهن ليك في المكتب واقول ليهن دي البتحرّض عليكن الرجال ما يعرسوكن ،عشان ينتفن ليك الزهرة صفقة صفقة والخليج ده يشربنك ليهو يخلن سمكو يبلبط ..
وطبعاً انا اصلاً بكون واقف في الاشارات وريالتي سايلة ونخريني ماشات .. وعيوني بي قضاهن .. وطبعاً بعد زيارتن ليك دي بحجز ليك مكان جنبي .
اتخيلي يا عواطف لو لخبتنا موضوع البوست حقك مع مداخلة عادل جبارة وعرسنا الالم هو للقلتيهن انتي .. وختيناهم في بلد واحدة البحصل شنو ؟!؟!
مواضيعك لذييذة جداً وانت الذّ ..
Post: #30 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-26-2007, 07:05 AM Parent: #29
الجمري !!!
وينك يا الحبيب ؟ فاقداك أوعى تقول لي مشيت تخطب السباحة النباحة اللي ما معاها راحة ولا الشيطانة
العاملة فيها فنانة ولا المرضانة الديمة راقدة عيانة يوم في المستشفى ويوم في الأجزخانة ؟؟؟ ولا
المهجومة والمرجومة الحايمة بي فرشتها وكيس هدومها ؟؟ شكرا على مرورك الجميل وبعدين ما تخاف
على زهرة الخليج أمانة ما عندنا جهاز أمن ما يخلي ذبابة تتدخل دة حتى الشنط بمررورها ليك عبر
الجهاز بس أتقول مطار اأبوظبي الدولي ... موبايل بكاميرا ممنوع وغيره ...
Post: #31 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: Nader Abu Kadouk Date: 02-26-2007, 07:15 AM Parent: #30
Post: #32 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-26-2007, 07:19 AM Parent: #31
ندوري !!!
مالك يا الحبيب الأيام دي ما براك !!! إنشاء الله مافي عوجة ؟؟
Post: #33 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: Nader Abu Kadouk Date: 02-26-2007, 07:27 AM Parent: #32
Post: #40 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-26-2007, 09:51 AM Parent: #33
ندوري الحبيب !!!
سلامات ..
لمن ترجع بقوة لي لندن أغشى معاك شيبرد بوش جيب لي معاك كريم داكس عشان الولاد الفي المنبر ديل
جابو لي الضغط وحتو لي شعري وخلوني قرعة يرضيك كدا يا نادر؟؟؟
Post: #34 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: salma subhi Date: 02-26-2007, 07:30 AM Parent: #32
يا عواطف ....اذيك يا عسل
يا عواطف طفّشتي الرجال ..طيب حيعرسوا منو...وكل ما يجي واحد يعرس حيرجع لبوستك...هههه
Post: #37 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-26-2007, 09:34 AM Parent: #34
سلمى يا مطر الرشاش !!!
بتك دي ما فراش القاش ,,,
لكنك برضك أحلى ...
والله في ناس طفشانين بلا سبب ولقوا ليهم موضوع .. سلمت يا بعد عمري ..
Post: #35 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: امير عوض الجمري Date: 02-26-2007, 07:31 AM Parent: #1
Quote: الجمري !!!!
وينك يا الحبيب؟ فاقداك
والله يا عطوف كمبيوتري اظنو عرس ليهو كمبيوتراية من حقاتك ديل والدخلت فيهو ابت تمرق .. والله افتحو يديني جنس رسائل لا اعرف ليها بداية لا نهاية ولا افهم فيها اي حاجة .. واسي شادّي كمبيوتر زميلنا في الشغل واسي بعد شوية بجي داخل يخليني زي .. الحردانة البتدخل وتمرق كايسة ليها سبب تحرد بيهو
وبجيك يا الغالية عشان نشوف الحريم اللاتك ديل ونشوف ليهن عرسان يناسبوهن.. واكيد بنستشير عادل جبارة في الموضوع ..
Post: #36 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: Noon3 Date: 02-26-2007, 08:45 AM Parent: #35
سلامات ...
هي ذاتها لو ما (تحلت) ببعض من هذه الصفات لوما كلها ما بتبقى مرة (قال ما تعرسو الزهجانه) ... حسه السخانة الفي رأسنا دي ما بتزهج والسوق العربي دا ما بزهج ووووالخ.وانتي ما عارفه الرجال بحبه البت المدلعة!...
Post: #39 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-26-2007, 09:44 AM Parent: #36
نون ثري !!!
يديك العافية !!!
والله كلهم بيني وبينك بزهجو كان السوق العربي كان السخانة...
قلت لي نون ثري ؟؟؟ طيب رايك شنو في التلاتة ديل الدلوعة ... السجمانة.. الحوامة ؟؟
Post: #38 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-26-2007, 09:40 AM Parent: #35
ويعمي جيراني , شد الكمبيوتر دة ما سمعنا بيه يا راجل النسوان التلاتة النفض الكيس قطع الرحاطة !!!
Post: #42 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: Noon3 Date: 02-26-2007, 10:26 AM Parent: #38
عواطف عندي نموذج للسجمانة والدلوعة واحدة راجلها مدير بنك ،، لا بتحمي شفع ولا بتتطبخ بس مجيهة تمام وسمحة وفي واحدة بتعرفها قالت نصيحة للنسوان انه هذا النموذج فاهمها صاح يخلي الراجل مشغول جوه وبره ومدور ولا عنده فرصة يفكر - لأن الفراغ بخليه يفكر في حاجات ما كويسة (زوجة واحدة لا تكفي).... سلمت ... خليهم يعرسوا ساكت يعني همSupermen ما كلو محصل بعضوا!
Post: #46 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-26-2007, 12:35 PM
noon3
والله دي مرة قوية.. شديدة ولضيضة بس النسوان الباقيات كان ما سمحات يسون شنو ؟؟
( زوجة واحدة ) لا تكفي دة شعار جديد ولا شنو ؟؟؟ شكرا على مداخلتك اللذيذة ..
Post: #47 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-26-2007, 12:35 PM
noon3
والله دي مرة قوية.. شديدة ولضيضة بس النسوان الباقيات كان ما سمحات يسون شنو ؟؟
( زوجة واحدة ) لا تكفي دة شعار جديد ولا شنو ؟؟؟ شكرا على مداخلتك اللذيذة ..
Post: #41 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: maia Date: 02-26-2007, 10:10 AM Parent: #1
الاخت العزيزة عواطف
تحياتي
عندي تعليق على حكاية الدلوعة دي
في ملاحظة انه الكتير جدا من البنات السودانيات في الخرطوم او السودان عموماوبره السودان داخلين في دور البنت المدلعة شديد اللي بتجي بالتاكيد مع طريقة الكلام المدلع لما مدفق بهناك لا اقصد بالدلع الرقة المعهودة في الانثى ، بل ذلك النوع من الدلع البيغيظ لكن بتحسي انه المسالة زايدة جكين وكوز في حكاية الدلع وبقا نوع من الاستايل الطارح نفسه بقوة
والشيء البرضو ملاحظ انه كتير من الرجال بيحبوا الاستايل ده جدا وبيرغبوا في الزواج بيهم بشدة!!!
ولكي الود
Post: #43 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: EMU إيمو Date: 02-26-2007, 10:48 AM Parent: #41
زوجته قالت له: متى تسهر مطمئناً قال : حين تنامي انتٍ
وماذا تقولين عن دا كان مع زوجته في زيارة ليلية ، أوقف السيارة أم شقة العزاب وقال لها كدي نعطي حاج على الأمانة دي، مرة ساعة ساعتين تلاتة والطيب يلعب في الكتشينة والمسكينة في السيارة
الحكاية دي حدثت العام قبل الماضي في الرياض
Post: #52 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-26-2007, 12:56 PM Parent: #43
إيمو!!!
مودة .. مرة أخوي قال لزوجته عيونك زي سواد قدري مكحل عمري من بدري .. قالت ليه دة مدح ولا ذم ؟؟ هو مسيخ وممصمص قال ليها فسريه زي ما عايزة !!!! ومرة في واحد عروسه جاية في المطار مشى يلعب كوتشينة على بال ما الطيارة تجي قام نساهاهاهاها!!!
Post: #44 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: Nader Abu Kadouk Date: 02-26-2007, 11:13 AM Parent: #41
ست البنات داكس شنو عندي ليك كركار مبالغه انت بس تأمري والطرد يكون
ود ابكدوك
Post: #45 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: الطيب شيقوق Date: 02-26-2007, 12:25 PM Parent: #44
Quote: ست البنات داكس شنو عندي ليك كركار مبالغه انت بس تأمري والطرد يكون
ود ابكدوك
كايس ليك حبيبي
Quote: نادر
( التمييز مهم جدا) انت بهنا اتاريك
Post: #50 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: Nader Abu Kadouk Date: 02-26-2007, 12:49 PM Parent: #45
انا بجاي يا الحبيب
Post: #48 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-26-2007, 12:41 PM Parent: #44
ود أبو دوك ياالكلك ذوق إنشاء الله عالي ودايما فوق ...
وووب علي وووب على الكرار وديتوه لي ناس تاتشر والليدي كاميلا باركر أنا بقول يا ربي الطول شعرن
كدي شنو ؟؟ خلاص قول ليهن في واحدة متعهدة جديدة بتصدر الكرار ولو إتعاقدت مع الملكة يكون كويس
أوعك من شيري بلير رغم إنه أتصورت معاها لمن جات هنا مجاملة ساكت يا خوي ديل خلاص بدو في العد
التنازلي بكرة تلغي العقد وتحيرنا ... تحياتي ليك ولأم العيال البتسر البال وبتستر الحال ...
Post: #51 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-26-2007, 12:51 PM Parent: #41
مييوية الحلوة
كيفك يالحبيبة
أنا ماعارفة حاسة إنك دلوعة لكن دلع مقنن مش أي كلام دلع أنثوي مش مصطنع ذي الفاكاتنها فوق روحن
وزي ما قلت جردلين موية في واحدة زارتنا هنا في أبوظبي جاية من قرية ما عليك بيها الساعة التقول
ليك دادي قال وماماي فعلت وأونكل أحمد وداني الزوو وفعلا زي ما قلتي الرجال بيحبو البنات الدلوعات
بعدين تحصل الملامة والندامة .
Post: #49 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: Haitham El Galal Date: 02-26-2007, 12:48 PM Parent: #1
والله الشوق بحر
ابو الراء قالت ليك النسوان بقومن عليك والله يكفيك شرهن و كيدهن
وييين الجديد؟
Post: #53 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-26-2007, 01:02 PM Parent: #49
هيثومي
مودتي
شكيتك لي ست بيتك وينك يا ود الحلال الزمن دة كله ؟؟؟ خلاص الفيك اتعرفت خليني مع أبو الراء لأنه طلعت جدعة وبنت ناس وقول ليها ما تخافي خالتك عندها حصانة دبلوماسية سلم عليها وقول ليها خلي
بالك من نفسك ومايند يور هليث !!!
Post: #54 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-26-2007, 01:02 PM Parent: #49
هيثومي !!!!
مودتي
شكيتك لي ست بيتك وينك يا ود الحلال الزمن دة كله ؟؟؟ خلاص الفيك اتعرفت خليني مع أبو الراء لأنه طلعت جدعة وبنت ناس وقول ليها ما تخافي خالتك عندها حصانة دبلوماسية سلم عليها وقول ليها خلي
بالك من نفسك ومايند يور هليث !!!
Post: #55 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: على احمد النعيم Date: 02-26-2007, 01:05 PM Parent: #49
واحد يا عواطف اظنو عرس واحدة من حرومك الكراه ديل ، وبعدين دخل الجامع مع الناس يصلى والخطيب بعد الصلاه قال: يا اخواننا الممغساهو مرتو يقيف على حيلو، بعدين الجماعه كلهم وقفوا الا صاحبنا دا، فقام الخطيب قالوا باستغراب: آشيخنا انت قاعد اظن مرتك مريحاك ما شاء الله!!! قام قالو والله انا مغصن مقطعاهو لى حمانى اقوم على حيلى.
عشان كدى نحن قلنا: إن كان الجمال من غير خسيله بسلى ** سمحا فى الكلاب سمح السماح الكلى
تحيات زاكيات اخت عواطف
Post: #56 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-26-2007, 01:14 PM Parent: #55
علاوي !!!
معزتي ...
والله الممغسين كتار وقاطعينه في حشاهم وكمان ما تنسى النسوان برضه شايفات من بعض الرجال المغس والدغس .. مرة جارتي قلت لي ولدي الكبير عايز تقرا شنو؟؟ قال ليها طب قالت ليه أحسن حاجة عشان تجي تعالجنا من المغس والدغس قال ليها يا خالتو المغس عرفناه والدغس شنو ؟؟ قالت ليه دة بيجيبو المغس !!! مودتي ..
Post: #57 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: sanaa gaffer Date: 02-26-2007, 01:28 PM Parent: #1
تعرفي لمن اكون زهجانة شديد وقافلة معاي للاخر .. باجري افتش بوستاتك اللذيذة .. باقرا بتمعن ... باضحك لمن ابكي ...
يا زولة انتي عندك مقدرة غريبة تقولي اصعب الحاجات بابسط طريقة ... لكن المشكلة يا عواطف انو كل امراة في الدنيا بتحمل جزء من خصلة من الحاجات المذكورة اعلاه ... عاد خلاص خلي العزابة يواصلوا مشوار العزوبية .. عرس ( نهي ) ...
تخريمة صغيرة شديد ..
لمن جاني صوتك الحنين في التلفون وانا باكتب في الرد اندهشت شديد ... تسلمي على المكالمة .. اتمنى نلتقي قريب ...
Post: #59 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-26-2007, 01:43 PM Parent: #57
سنوية الحبيبة!!!
معزتي وحبي بلا حدود !!!
يابت كنتي واحشاني بجد لمن قلت البت دي مالها؟؟؟ لكن الحمدلله بيات شتوي لزوم الإبداع يا مبدعة إنت
الكلام الجميل دة بتجيبيه من وين سبحان الخالق !!! شكرا على عبورك الزاهي ... كلامك صاح مافي زول
مكمل لكن فلتكن الصفات السلبية أقل من الإيجابية وهذا هو المطلوب بعدين منو القال ليك عرس ( نهي)
في ناس بحبو الدلوعة وناس الخمجانة وناس الحوامة قالو عايزين يتهوو الخ كله فولة وليها كيال !!!
Post: #58 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: maia Date: 02-26-2007, 01:32 PM Parent: #1
الاخت العزيزة عواطف
لكن سؤال يا عواطف
المشكلة الصفات دي كلها ما بتظهر في البنت في الفترة الاولى ، يعني فترة الحب ديك والكلام البمبي والملون وايام العرس الاولى
اها نضيف ليك كمان ( لا تتزوج المانعة لصرفك على اهلك )
ودي برضو صفات ما بعد دخول المهنة عفوا الشبكة
بالمناسبة الدور الجديد للدلع بيكون من النوع البيقول ( يا لتيف ) وقيسي على ذلك
تسلمي يا ستي للبوست الجميل
Post: #60 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-26-2007, 01:50 PM Parent: #58
حبيبة القسا !!!
إنت عاقلة أكثر مما يجب عشان كدة حتتعبي مع ناس كشا مشا ديل شديد عموما يكملك بعقلك ويديك الفي
مرادك .. مرة عملت لقاء مع السفير المغربي قال هو إتزوج زواج تقليدي يعني ما شاف عروسه إلا يوم
الزواج قلت ليه ليه ؟؟ قال خايف من التمثيل والحركات وقال الواحدة يوم يكون عندها موعد مع جكسها
تقوم تستعير بلوزة واسكيرت وطرحة وجزمة وعطر من الجيران وتظهر بمظهر غير حقيقي والشاب نفس الشي
يكون مفلس وحالته حالة ويتدين عشان يعزمها سينما وهاك يا تمثيل وحب وبعد العرس تروح السكرة وتجي
الفكرة ...
Post: #61 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-26-2007, 01:54 PM Parent: #60
maia
نسيت أقول ليك ناس يا( لتيف ) قاعد يغيظوني كيف البنات فاكرات روحن مجتمع مخملي زي ما بقولو ناس
أبوظبي وهن جايات من جزر الواغ واغ وبرضه نقول يا ( لتيف) .
Post: #62 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: د.محمد حسن Date: 02-26-2007, 01:57 PM Parent: #1
طبعا انا دخلت مخصوص عشان المخلوعة وبي تعريفك يكونوا في مخلوعة وخالعة وبصراحة الخالعة دي بتخوف المخلوعة دي مقدور عليها لكن الخالعة دي كان عاينت بي شباك العربية ساي للعربية الجنبك وصادف فيها حاجة نااااااااار تمشي للقاضي تقول لي عايز اخلع فلو قاضي فهمان وعارف الدين حيتفاهم معاها ولو طلع زي ما ناقش حاجة حيقول ليها خلاص خشي اخلعي في الاوضة الجوة
Post: #71 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-28-2007, 05:32 AM Parent: #62
د. محمد حسن !!!
وينك يا ظريف ؟ ليك وحشة إنت المفروض تدخل عشان الخالعة وليست المخلوعة عشان خبر الأولى فيه إثارة أكثر من التانية زي حكاية عضى الرجل كلبا لازم تشوف الخالعة دي خلعت ليه؟؟ وخلعت منو؟؟ وحتعمل شنو بعد الخلع عارف الخلع الأيام دي مدور شديد والرجال المخلوعين حالتهم صعبة والقضاة ذاتم اتلخبطو بقو ما عارفين ياتو نوع على قولتك من الخلع ؟؟ تسلم يا الحبيب ..
Post: #63 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: Tabaldina Date: 02-26-2007, 02:08 PM Parent: #1
.. .
Quote: الدلوعة دي دايما بتوجع القلب ... قالت ما بتعرف الكديسة من الكلب .. لا غسلت يوم عدة لا قشت حوش لا أكلت فول لا سمعت بي ناس ست النفر وعشوش ... صاحباتها ناس ميمي وزوزو وريري ..لا بتعرف كر علي ولا وا شريري لو قلت ليها عايز كباية شاى تقول بليز هيلب يور سيلف أنا زوجة مش خدامة شايفني في بيتناكيف دلوعة وكيف نوامة .. أبوي لو سمعك قلت لي أعمل شاي البحصلليك ما حتعرفه بس إنطم و أسكت ساي .... وياسلالالالالالام.
Quote: في ملاحظة انه الكتير جدا من البنات السودانيات في الخرطوم او السودان عموماوبره السودان داخلين في دور البنت المدلعة شديد اللي بتجي بالتاكيد مع طريقة الكلام المدلع لما مدفق بهناك لا اقصد بالدلع الرقة المعهودة في الانثى ، بل ذلك النوع من الدلع البيغيظ لكن بتحسي انه المسالة زايدة جكين وكوز في حكاية الدلع وبقا نوع من الاستايل الطارح نفسه بقوة
دا النوع العامل لينا مشكلة وبفقع المرارة .. كل شئ زايدنو حبتن عند اللزوم وما تجيب سيرة ام رقيقة والطبايخ ولا المحشى ناس بتزا .. ودلفرى ودونات وما عارف ايه وميوعة وعجين ما طبيعى ..
كدى يا عواطف ومايا ركزوا لينا فى تصليح ديل .. الباقي من زهج وحرده وجنونه دا انحنا بنقدر عليهو .. لكن الدلع دا شغلة امهات !!
بجيكم صااادى؛
Post: #64 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: omarmahdi Date: 02-26-2007, 02:24 PM Parent: #63
اخت عواطف تحية ووصية حلوة مقبلوه منك لكن قليبي حنه ورنه وفقد المحنه شالتو واحده لا دلوعه ولا مخلوع ولا حردنانه ولا زهجانه
شالتو واحده شفقانه بالتلفون غشانه كل دقيقه بالموبايل سامعانه تشيل وبالنقه حرقان لحدي ما قدت اضانه ام اخوي صالح انا عارف بيعجبو شنو
ده النوع البيعجب تبلدينا
Quote: الدلوعة دي دايما بتوجع القلب ... قالت ما بتعرف الكديسة من الكلب .. لا غسلت يوم عدة لا قشت حوش لا أكلت فول لا سمعت بي ناس ست النفر وعشوش ... صاحباتها ناس ميمي وزوزو وريري ..لا بتعرف كر علي ولا وا شريري لو قلت ليها عايز كباية شاى تقول بليز هيلب يور سيلف أنا زوجة مش خدامة شايفني في بيتناكيف دلوعة وكيف نوامة .. أبوي لو سمعك قلت لي أعمل شاي البحصلليك ما حتعرفه بس إنطم و أسكت ساي .... وياسلالالالالالام.
Post: #66 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: Tabaldina Date: 02-26-2007, 02:48 PM Parent: #64
.. .
Quote: ده النوع البيعجب تبلدينا
بعد التصليح والمعالجات ..
ولو قالت لى ابو لو سمعك بعمل ليك .. بستف ليها شنطتها .. وبنسلمها بأحسان ..
______________________
يا عمر الله يستر عليك انا البي كلو هين؛
Post: #75 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-28-2007, 05:48 AM Parent: #66
تبلدينا العزيز
عاد كان كدي من هسة ستف الشنطة لأنك حتسمع أبوي لو عرف وأمي قالت لي دي مية مرة في اليوم أهاكمان اخير الشنطة ذاتها تخلوه في محلها مقفولة ى تفتحوها لاحاجة .. عندي بت أختي خطيبها مشى السودان ولمن جاء راجع قال ليها حبوبتك قالت إنتي زولة صعبة ولازم أدير بالي شديد ,, قالت ليه بس ؟؟ لسة في حاجات كتيرة ما قالتها ليك فأيه رأيك في بنات الزمن دة ؟؟
Post: #74 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-28-2007, 05:42 AM Parent: #64
أخي الحبيب عمر !!
مودتي ...
عاد أم موبايل دي نصيحة مني ليك تفكها عكس الهوا دي بتقد جيبك يعني مرتبك كله حيمشي سوداتل كلام في الهوى والهوا يشيلو وزي ما قالت دينا فيصل كلو ساعة تضرب ليك في المكتب عشان تقول ليك بتحبني؟ لو قلت أيوة تقول ليك هات البرهان ؟؟ إنت أخير ليك ياعمر اللي لا بتودي لا بتجيب لا بتسالم لا بتكالم يعني طرشة وخرساويا دار ما دخلك شر.
Post: #73 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-28-2007, 05:37 AM Parent: #63
تبلدينا!!!
والله زمان !!
مداخلتك ظريفة ودمها خفيف جدا لكن ياود أمي الدلع سموه ستايل يعني الواحدة لو ما كعوجت خشمها وأكلت نص الحروف تبقى ما دلوعة وماستايل لأنه الفكرة الفي راسن إنه الرجال بحبو البت الدلوعةاكتر من المسترجلة أو الضاربة طناش فما عارفين نعمل شنو من ناحية عايزين البنات يتدلعن عشان يعرسن ومن ناحية تانية الدلع دة قاطع قلبنا ما عارفينا يا تبلدينانعمل شنو ؟؟
Post: #65 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: مجاهد عبدالله Date: 02-26-2007, 02:35 PM Parent: #1
الأخت الأستاذة المحترمة
عواطف
سلامٌ من الله عليك وأدام نعمته اليك
قولنا نجيك بالباب عــــــــديل ونقول ليك مافي طريقة نشوف نسوان من كوكب آخر لانو الفي الدنيا ديـــل ما ظنيت نفسي طالع بدون صفة من الصفات أعلاه ولا نشوف أحسن السيئين...
متابع معك بشغف...
خالص الود...
Post: #76 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-28-2007, 05:50 AM Parent: #65
الإبن الحبيب مجاهد!!
معزة خاصة .. والله يا بعد عمري أنا خايفة تمشي كوكب آخر تلقى ناس وااااو وياااااااااي مشن هناك وبوظن الحكاية كان الله في عونكم .. تحياتي ..
Post: #67 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: خالدة البدوي Date: 02-26-2007, 03:27 PM Parent: #1
الحبيبة عواطف
ليك وحشة كبييييييييييييييييرة
لكن ما جهجهتي العزابة ديل عديل
خليتي ليهم شنو يعتمدوا عليه ..
تخريمة /
من أجل السوق الحمدلله بناتي كل القلتيه ده
ما عندهن ،،،
مودتي يا حبيبه ،،،
Post: #68 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: othman mohmmadien Date: 02-26-2007, 08:16 PM Parent: #67
Post: #69 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: othman mohmmadien Date: 02-27-2007, 05:43 PM Parent: #68
أختنا الفاضلة عواطف مساك الله بالخير - وأنا أخط كلماتي هذه والساعة الآن تشير للتاسعة والنصف مالك قايمة علي نون النسوة فيكفي ما يحملنه من كدر تجاه النظرة التقليدية نحوهن بإن المرة لو بقت فأس ما بتكسر الرأس - وكأنك تشيرين لقول الشيخ فرح ودتكتوك النساء فيهن حريم .... فيهن رميم.... فيهن ذهب مصقول قديم .... فيهن عقارب ساكنات الهشيم... فيهم كفوت ... فيهن هفوت ... فيهن لفوت .... أنت تجي من الخلا هي تجي من البيوت..... لا تديك موية ولا قوت ولا تخلي كلمة تفوت - تبلعك ليها طب،،،، أها وصف الشيخ فرح ده ما كافئ و بيشمل جماعتك ديل
أها أنا بخاف والله من البتسفرك من الآخرة ... تفسحك بلغة الجيش.. وطريقتهم صعبة .... زيت بيغلي ... ولا سكين وأنت نايم ... أو جردل موية سخنة يا كافئ البلا.... دي ياتها فيهن عشان نختاها ... خاصة هذه الظاهر لاحت في أفق كل الدول ولم يخلو منها حتى الشعب السوداني الطيب ...
بعدين مايمكن الضد بالضد يعدل المسألة خاصة نحن الما عرسنا لسع ... يعني زهجانةنخلطها بهادئة... وحردانة نخلطلها طايعة.... ودلوعة بواحدة جادة..... ومخلوعة ... مش عارف دي ضدها شنو ... شجاعة حسب فهمي حيث المخلوعة تنخلع من الخوف والا شيتاً تاني علي الأقل نحل لينا مشكلةنؤجر عليها.... غايتو أنا ما بشجع على الاثنين ولا الذكرتيهن ديل وأليك بعض شواهد من سبقونا برغم بساطة الحياة التي كانت لديهم
فقد ورد في كتاب "الأمالي" لأبي علي القالي شعر مشهور لأعرابي تزوج اثنتين، فقال عن تجربته:
تزوجتُ اثنتن لفُرط جهلي بما يشقي به زوج الاثنتين فقلت أصير بينهما خروفاً يُنَعَّمُ بين أكرم نعجتين فصرتُ كنعجةٍ تُضحي وتمسي تُدَاولُ بين أخبثِ ذئبتين رضا هذي يُهَيِّجُ سَخط هذي فما أعرى من إحدى السخطتين والقى في المعيشة كلَّ ضُر كذاك الضرُّ، بين الضرتين لهذي ليلةٌ ولتلك أخرى عتابٌ دائمٌ في الليلتين فإن أحببت أن تبقى كريماً من الخيرات مملوء اليدين فعش عذبا كريما
Post: #78 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-28-2007, 06:02 AM Parent: #69
عثمان محمدين !!!
كيفك يا سمح يا زين !!
مداخلتك رايعة جدا رغم أن الساعة كانت تشير إلى التاسعة والنصف والله الشيخ فرح ما قصر معاكم أداكم وصفة طبية كاملة وترك لكم الخيار بعد ذلك أما الحلول بتاعة زهجانة نجلطهابواحدة هادئة ودلوعة نجلطها بواحدة جادة !! عاد الحلول ما عندك عجبتني بلحليل بس المخلوعة دي ما عرفت ليها لأنه الإيجارات نار يا حبيبي نار .. تسلم وآسفة لتأخير الرد .
Post: #77 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-28-2007, 05:54 AM Parent: #67
د. خالدة !!!
كيفك يا حبيبة القسا؟؟؟ ما تستوحشي إنشاء الله لكن بيني وبينك العزابة بسمعو بي هنا وبيفضو بهناك عشان كدي ليس لصاحب الصورة اي علاقة بالموضوع وبعدين يا بعد قلبي بناتك سوقن حار جدا انا خايفاك بعدين تحتاري الطويل ولا القصير المهندس ولا الطبيب الاسمر ولا الأبيض ؟؟ غايتو دخليني في الموضوع لو احترتي ! معزتي ...
Post: #70 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: ismeil abbas Date: 02-27-2007, 08:33 PM Parent: #1
الحفيده/ عواطف...... يا رائعة ألمنبر أو كما سماك الحبيب الظريف أمير الجمرى زهرة الخليج.
يارائعه فى الرد والخطاب
يابسمه للناس الغلابه ويا مفرحة كل الصحاب البورد من غيرك عدم ذى زرعة ألأرض اليباب .
تأخرتى فى ألجزء الثانى لعل المانع خير.. وألأيام الفاتت صرنا مدمنى حب مع هاشم .مره بشتهيك ومره عتاب. لحدى ما وقفنا مع عادل جباره جنب الباب.وهاك يا فلسفه يا عادل نكت لينا للمحجوب دره الله أديه العافيه صحا مشاعر ناس كانت نايمه وهايمه. فى الحقيقه كلامك جميل بس للناس العايزين يعرسوا فيه المستحيل.
خلينا مع الناس الظراف ولطاف. والرايقه والمجيهة.والما بتقول لا أدينى لا وتودينى. تتخيلى فى النوع ده ولسه ما أنقرض .حقوا نحافظ عليهوا وونميه عشان ما يزول. كلامك ظريف وحكم. سلام اسماعيل محمد أحمد عباس
Post: #72 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: الطيب شيقوق Date: 02-28-2007, 05:35 AM Parent: #70
عادت عواطف وكفى
Post: #80 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-28-2007, 06:10 AM Parent: #72
وإن عاد الطيب عدنا !!!
Post: #79 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-28-2007, 06:10 AM Parent: #70
ود عباس يا سيد الناس !
لووووووووووول يا سمح القول ,,, أشكرك كتير ما شوية بالصباح ومرات عشية ومن أبوظبي برسل ليك وردة جهنمية عارف هاشم خلف الله لقى الحكاية بايظة والناس من كتر الكلام في السياسة حتى المشاعر اتيست يعني لو عايز تحب واحدة لازم توريها لونك السياسي وتثبت ليها إنك ما مؤتمر وطني ولا 14 آذار أما ود جيارة والله عفيت منو فعلا خلى مشاعر الناس جداول عاد ما نجيض , شديد ولضيض وعارف من أين تؤكل الكتف و زي ما قلت لسة في الهدية الرضية اللي ما بتقول عايزة ألف ولا خمسمية!!! تسلم يالحبيب.
Post: #81 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: othman mohmmadien Date: 02-28-2007, 09:20 AM Parent: #79
Quote: تسلم وآسفة لتأخير الرد .
ونحن كذلك نقدر عنائك في الكتابة والرد إلينا ... وإن كان تأخير الرد يجعلنا نراجع ما كتبناه حرفاً...حرفا.. عسى أن نكون قد استقطرنا فيض من الكلمات في لحظة من شرود العقل فتأتي الكلمات واردة لا تليق.. بهذا الفيض ... وكل هذا التقدير لنا الذي يجب ان يجايه تقدير أعمق لشخص .. مثلكم ودمت.. يا ياختنا عواطف
Post: #82 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عادل جبارة Date: 02-28-2007, 10:57 AM Parent: #81
Quote: أماود جيارة والله عفيت منو فعلا خلى مشاعر الناس جداول عاد ما نجيض , شديد ولضيض وعارف من أين تؤكل الكتف
عواطف عفوك وصلني تب .. إنشاء الله يعفو ليك زنوبك يوم الحساب يارب .. عليك الله تقولي الكلام دا لي هاشم ود خلف الله وأمير ود الجمري والأسموا ما عارف داك كمان حبيب نورة .. ياخي ديل منجضيني نجاض .. واحد ما عارف يقول ليك عتاب .. ومشتهيك ! .. والتاني يظهر عليهو بتاع سيجارة ( بس حمرا ) !! والتالت عندوا قاوت .. ؟؟
ولا أخفي عليك أختي عواطف من خلال هذا الطرح الذي تناولته مستصحبا قصائد شاعرنا العملاق محمد أحمد محجوب قد قصدت أن أتناول موضوعا إجتماعيا بحتا يتعلق بما يسمى بالرومانسيات في حياتنا .. فنحن شعب يستعمل ما يقارب ال 60% منه تلك المادة اللعينة المسماة بالسعوط !! .. عساك أن تكوني قد تفهمتي ما أقصده وأطلب منك المساعدة بكتاباتك الأجتماعية المتخصصة وإيضاح رأي النصف الآخر فيما يتعلق بسلوكيات هامة ومؤثرة تمس صلب الحياة .. دمتي مع خالص تحياتي ،،
Post: #83 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-28-2007, 11:26 AM Parent: #82
عدولي الظريف !!!
تحية ,,,
آآآآآآآآآآآآآآآخ ياعادل أمانة ما جيتني في اللحم الحي آل صعوت آل السلوكيات الإجتماعية باعتنا صفر
على الشمال هو صعوت بس ولا الشبشب والبنطلون والجزمة لون ,,, خلاص جبت لي الدغد زي ما بقولو أماتنا
ودجبارة !!! مالك علي يا ودأمي في الحر د؟؟؟؟
Post: #84 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-28-2007, 11:29 AM Parent: #81
Post: #85 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: Kamal Abdu Date: 02-28-2007, 11:44 AM Parent: #1
عواطف .. أنا أطالبك رسمي و شعبي ببحث مماثل يخدم أخوانك "الما عزاب"..
لكن تعرفي الجماعة "الداخلين دنيا" ديل ..كلامك دا بيكونوا شايفنو غريييييب و زي المكتوب باللغة
الصينية.. و لا عجب...متيمين على الآخر ...و لا حياة لمن تنادي...
دمتى
Post: #86 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 02-28-2007, 12:05 PM Parent: #85
كيمو !!!
والله صدقت ,,, كلامك صاح مراية الحب عميا والسكينة سارقاهم عشان كدي أخير نخاطب المعرسين ديل عايزين يسمعوا كلام يجبر خاطرهم ويهون عليهم مصيبتم,, قريبا إنشاء الله .
Post: #87 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: سامي عبد الوهاب إدريس Date: 02-28-2007, 12:39 PM Parent: #1
الأستاذة عواطف لك التحية ومشكورة على الموضوع الجميل دا وهو يعتبر نصيحة غالية جدا... للناس اللسه في البر والناس الإتبلبلو خلاص ولو ممكن أضيف: الملهوفة... والملقوفة (الشفقانة)... والمعروفة (المشهورة)... والمكشوفة (مكشوفة الحال)
تخريمة: ويا تبلدينا غمت وخش واليحصل.. يحصل
والشكر لك مرة أخرى يا أستاذة عواطف على هذا الأسلوب السلس
Post: #88 Title: Re: نصيحة لوجه الله .. لا تعرسو الزهجانة.. لا الحردانة .. لا الدلوعة ..لا المخلوعة .. الجزء الث Author: عواطف ادريس اسماعيل Date: 03-01-2007, 12:40 PM Parent: #87
أخي العزيز سامي !!!
مودتي ...
شكرا على عبورك الجميل والإضافات الحلوة فعلا الملهوفة دي مصيبة والمعروفة دي كارثة والمكشوفة بلوة
خليك معانا يا سامي هناك نماذج كثيرة لأناس خارج القانون ... معزتي .
