Post: #1
Title: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 03-29-2007, 06:16 AM
Parent: #0
الأخ بكري عاين لي هنا وأسمعني كويس عشان عايزة أقول ليك المنبر دة بعد الشفتو اليوم أحسن توديه
أسماء في حياتنا وتترحم عليه ولا توديه متحف التاريخ الطبيعي عشان أنا كنت قايلة الكتابة
البنكتب فيها كل يوم دي جايبة همها لكن والله بعد السفتو الليلة لقيت روحنا بنأذن في مالطا,, طبعا الشمار كاتلكم وعايزين تعرفو الحاصل شنو؟؟ المنبر دة أمانة مافيهو ناس بحبو الشمشرة والشمار لدرجة إنهم مش الفول بس حتى الحلو والجلي بختو فيهم شوية شمار ,,, يا أخونا قبل ما أقول ليكم
الحاصل شنو طبعا أنا عودتكم أكتب كلو جمعة لكن الشفتو في السوبر ماركت الخمسة نجوم الجنب بيتي
خلاني ما أصبر 24 ساعة و5 دقايق و3 ثواني وبعدين قبل كل حساب أعتذر للرجالة اللي شلت حالهم ونقحت طارهم في البشتنة وما ادراكما البشتنة لأني الليلة لقيت بشتنة النسوان عينة مش تجيب الضغط والسكري
دي تجيب الجلطة عديل كدة , بتصدقو اليوم أول مرة في حياتي يغلبني الكلام وأفغر فاهي من الدهشة
لدرجة الهبالة لامن شفت واحدة سودانية لابسة توب بني وسفنجة خدرة وشراب أبيض أظنو حق زوجها وعاملة
شعرها كعكات كلو كعكة أكبر من التانية ولمن جات داخلة خلت الما يشتري يتفرج وهي آخر همها قادلة
جنس قدلة عجيبة ولمن وصلت الكاشير إتصادفت أنا وهي للأسف وجها لوجه طبعا ناس الكاشيير وكل العاملين
فلبينين وهنود قعدو يعاينو ليها ويعاينو لي لأني بعرفهم كلهم وهي بدل ما تستحي على دمها وعلى
السفنجة الخدرة والشراب الأبيض والشعر المربطاه كلو كعكة بي لستكة بيضا قعدت توزع ليهم في البسمات
شمال ويمين وهم يعاينو ليها ويرجعو يعاينو لي قلت أحسن أمشي عليها وأقول ليها عيب إنت بتمثلينا
يا أخوانا والله رجلي ما شالني وما قدرت أتكلم إتبكمت واتلجمت وبعدين هي شكلها كدة نوع بتشاكل
ضلها قلت تقوم تشرشحني قدام الناس وتخليني ما أسوى بيزة والله يا جماعة الخير في ناس مسحو بينا
الأرض في الغربة وخلونا مضحكة وسط الناس يعني مثلا في نسوان تلقى الواحدة في البيت قردة وفي الشارع
وردة وواحدات قرود في البيت وفي الشارع كثير جدا تصادفني سودانية في السوق لابسة توب وتحتو قميص
نوم قطن ولا بتاع بيت وبتفتكر إنه ما ظاهر أو الناس ما واخدة بالة أو تلاقي واحدة لافة شعرها بالرول
وجاية السوق عشان مسافرة ولا عندها حفلة وماعايزة تفك شعرها ولا تلاقي واحدة تتكلم في السوق أو مكان
عام بأعلى صوت دون مراعاة للناس اللي من حولها ,, مرة صادفت واحدة في السوق كلما سألت عن سعر حاجة
قميص ولا بنطلون وقال ليها السعر بي كدة تنط تقول ليه لييييه بجيب لندن؟؟ البياع المسكين هندي
وما عارف الهبلة دي بتقول في شنو كمان في حاجة عجيبة لمن يمشوا المسجد لصلاة الجمعة أو التراويح
النسوان كلهم بلبسن أحسن لبس للمسجد إلا الكثير من السودانيات أي حاجة ما ليها علاقة باللبس بلبسوها
ولما تلفت نظر الواحدة تقول ليك يا اختي بلدا ما بلدك أمشي فيه عريان! ياأختي الشايفنا منو بعدين
لمن نمشي السودان محل اللبس نلبس حاجاتنا الجميلة ,, وطبعا ديل نوع الواحدة تشتري كمية من التياب
والدهب وتمشي تخزنهم في السودان للحرامية بدل ما تلبسهم وتستمع بيهم ,, ياناس شوفو لي حلل لازم
نوقف هذا العبث وكلو واحد من الليلة يشوف واحد ولا واحدة مبشتنة طوالي يمشي عليها ويكلمها وزي
ما قال الفنان اللي بدو يصير يصير ولا شنو رايكم ؟؟ عموما حأرد عليكم الليلة لغاية نهاية اليوم عشان بكرة ماشة الشارقة أرجو من بقية المتداخلين ما يزعلو ينتظروني لغاية السبت ورغم الجلطة الحاسة بيها جوة قلبي أقول ليكم فتكم بعافية .
|
Post: #2
Title: Re: يا ناس ألحقوني في واحدة جابت لي الجلطة !!!
Author: saif massad ali
Date: 03-29-2007, 06:35 AM
Parent: #1
عواطف
ده الحديث السمح
|
Post: #7
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 03-29-2007, 07:15 AM
Parent: #2
ود مساعد !!!
مودتي ,,,
شكرا على كلامك السمح وعديل ,,,
|
Post: #3
Title: Re: يا ناس ألحقوني في واحدة جابت لي الجلطة !!!
Author: ماجدة عوض خوجلى
Date: 03-29-2007, 06:40 AM
Parent: #1
عطوف حبيبه
وهو بالله دى انتى الكنتى بتحمرى لى بالغتى مالوالشراب بالسفنجه ماحلاتو دس موضه من GUCCI
انتى الظاهر عليكى ماعايزة تجيبى الامور البر مابتوبى
بديتى تدخلى فى بعض اماكن خطرة الكلام الذى ده بيجيب ليكى الانتى عارفاه
تحياتى وتانى عيب بطلى الفتنه من تشوفى حاجه تجى جاريه لبكرى تفتنى ليهو
|
Post: #8
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 03-29-2007, 07:20 AM
Parent: #3
مجودة !!!
معزتي ,,,
والله الشراب بالسفنجة زي العراقي بي البدلة وبعدين يا ست الحبايب أنا بحب المغامرة
عشان كدة بدخل كل المناطق المحظورة وأصبري يا بت إنتي المصحيك بدري كدي شنو ؟ أملصي السفنجة
والشراب وأمشي أشربي الحليب ونومي ,, تصبحي على خير .
|
Post: #4
Title: Re: يا ناس ألحقوني في واحدة جابت لي الجلطة !!!
Author: maia
Date: 03-29-2007, 06:42 AM
Parent: #1
الاخت عواطف
تسلمي يا زولة من الجلطة
لكن دي يا بت امي مشاهد مالوفة ، ديل ممكن يصلوا لمرحلة انه يتشاكلوا في السوق
مرة في مسقط في السوق دخلنا محل اختي وانا
لقينا في نص المحل واحدة من ذوات الحس الكبير العالي جدا برفقة زوجها والاسوأ والامر انه داخلة مع راجلها في نقاش ، هو في الحقيقة مش نقاش بل شكلة من نوع كعب جدا
وكلمات من نوع ( انت مالك ياخي ) .. ونقنقة صعبة جدا ومعاها تكشيرة ورفع حواجب بتعالي كدافي قصة تشتري شنو وتخلي شنو!!!!
ياخي كرهتنا السوق وابو السوق
خلينا ليها المحل
احنا جاتنا ذبحة في الحقيقة
|
Post: #6
Title: Re: يا ناس ألحقوني في واحدة جابت لي الجلطة !!!
Author: Nader Abu Kadouk
Date: 03-29-2007, 06:59 AM
Parent: #4
ياست البنات الجواب هو
التعليم
التعليم
التعليم
ودابكدوك
|
Post: #11
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 03-29-2007, 07:27 AM
Parent: #6
ود أبو كدوك !!!
وينك ياخي ؟؟ طولت الغيبة ,, لسة ما رجعت لندن ولا شنو؟؟
مش التعليم وبس ,,
الوعي الثقافي
الوعي الاجتماعي
الاتكيييييييييت
|
Post: #9
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 03-29-2007, 07:24 AM
Parent: #4
ميوية !!!
تبري وتستبري من الذبحة ,, والله شكل السوق دة عادي بين السودانيات وأزواجهن ,, عشان ما بكونو
متفقين يشترو شنو ويخلو شنو من البيت وبعدين بيني وبينك في واحدات عينن ما يملاها إلا التراب
عشان كدي الشكلة والكبسيبة قدام الناس دي حاجة طبيعية ,, سلمت يالحبيبة .
|
Post: #5
Title: Re: يا ناس ألحقوني في واحدة جابت لي الجلطة !!!
Author: ماجدة عوض خوجلى
Date: 03-29-2007, 06:58 AM
Parent: #1
Quote: عواطف
ده الحديث السمح |
عطوف عن اذنك
ابوالجيلى خلى الشمشرة والشماتة
|
Post: #10
Title: Re: يا ناس ألحقوني في واحدة جابت لي الجلطة !!!
Author: هاشم أحمد خلف الله
Date: 03-29-2007, 07:27 AM
Parent: #5
عطوفة والله أحسن ليك يوم غايتو حريمك ديل بيعملوها فيك يا ضروبك في سوق او بنشرو ليك كفر سيارتك
أو عملوا ليهم عصابة عشان يكسرو ليك نخرتك , عارفة ليه لانو الضرب في الميت حرام بس انت قولي
اللهم قد بلغت اللهم فاشهد . انت شوفتي حاجة هسع نحنا بنقول ناس الإمارات راقين ومتعلمين
والله في السعودية هنا تشوفي العجب العجاب , اولا موضعوع السفنجة ده بالنسبة لي بقي حاجة عادي
جداً لكن العبايات والله العظيم أحسن يلبسو ثيابهم لانو العباية لونها اسود وتلاقي الواحدة شايلة
ولدها في صفحتها والتراع مالي ليها العباية والأوساخ في كل إتجاه أنا متاكد لو عملو ليها
تفتيش حايلاقو صراصير جواها ’ عواطف يا اختي لو باريناك نحنا زاتنا بتجينا جلطة احسن لي
انسحب عديل كده ,
|
Post: #13
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 03-29-2007, 07:32 AM
Parent: #10
هشومي !!!
مداخلتك دي تحريض واضح وصريح على الإعتداء على شخصي وبعدين أشمعنى إخترت يكسرو لي نخرتي وإنت
أصلا عارفها معفصة وشينة وما محتاجة لتكسير إضافي والله ناس أبو ظبي عشان ما أظلمهم فيهم ناس قمة
في الرقي والذوق لدرجة إنو المبشتنات بكونو حاقدين عليهم لكن يا هاشم الهندام وحسن الاختيار
صفة غريزية وليست مكتسبة عشان كدة تلاقي في ناس متعلمين ومعاهم فلوس لكن مبهدلين أها ديل نعمل
ليهم شنو ؟؟.
|
Post: #12
Title: Re: يا ناس ألحقوني في واحدة جابت لي الجلطة !!!
Author: saif massad ali
Date: 03-29-2007, 07:31 AM
Parent: #5
ماجدة
انتي مش عارفني
خلاص صالحت مني رجعت الصورة
|
Post: #14
Title: Re: يا ناس ألحقوني في واحدة جابت لي الجلطة !!!
Author: د.محمد حسن
Date: 03-29-2007, 07:34 AM
Parent: #1
عواطف الجميلة قالت
(وهي بدل ما تستحي على دمها وعلى
السفنجة الخدرة والشراب الأبيض والشعر المربطاه كلو كعكة بي لستكة بيضا قعدت توزع ليهم في البسمات
شمال ويمين وهم يعاينو ليها ويرجعو يعاينو لي قلت أحسن أمشي عليها وأقول ليها عيب إنت بتمثلينا
يا أخوانا والله رجلي ما شالني وما قدرت أتكلم إتبكمت واتلجمت وبعدين هي شكلها كدة نوع بتشاكل
ضلها قلت تقوم تشرشحني قدام الناس وتخليني ما أسوى بيزة)
اعملي حسااااابك دي اكود تكون جنريتر
|
Post: #17
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 03-29-2007, 07:48 AM
Parent: #14
د. محمد حسن !!!
سلامات ,,,
والله نصيحة وما عندها أي عوجة بس معولقة ومبشتنة وراجلها ما شايفو شغلو وكمان يمكن الطيور على
أشكالها تقع ,, بعدين أنا من الليلة حلفت ما أعمل حسابي ,, شكرا على عبورك الجميل ,,
|
Post: #19
Title: Re: يا ناس ألحقوني في واحدة جابت لي الجلطة !!!
Author: د.محمد حسن
Date: 03-29-2007, 07:58 AM
Parent: #17
نتكلم جد شوية
اناقة الرجل في لبسه وحديثه لابد من ان تكون وراءها امراة انيقة
وكذا العكس
وتعالي شوفي عندنا وخاصة في الشارع العام بتاع غبيرة
المرة من الحفرة وللسوق
تكرهك في الدخان البنريدو
لانو الدخان ده مزاج
عنده مقدمات طويلة
وتوابع اطول
ويعطي نتائج للانف ما معقولة ولبقية الحواس احساس فردوسي
لكن البنشمه في غبيرة ده
ده دخان شوشوة ساي
ومعاك
|
Post: #21
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 03-29-2007, 08:03 AM
Parent: #19
يا دكتور !!!
النسوان ديل أريتن نسوان اليابة والتابة يعني ما سمعن بلكل مقام مقال ؟؟ واحدات يتدخنن وواحدات
يتبشتنن ,,,الله يعينكم !!
|
Post: #15
Title: Re: يا ناس ألحقوني في واحدة جابت لي الجلطة !!!
Author: معتصم عبدالرحيم
Date: 03-29-2007, 07:35 AM
Parent: #1
الاخت عواطف
كلامك... عدل .. ونضمك ..زين..وكده اكملتي البشتنة السودانية والفضل بشتنة الشفع.
قبل ..ده كلو زمان قالو وراء كل عظيم (مرة)..الان يمكن القول وراء كل رجل مبهدل( مرة)مبشتنة.
بعدين شوفي لينا حكاية الشفع دي سريع...
ومنو الفال ليك كتابتك ما جايبه همها ...ماشفتي الناس بقوا كيف???!!!
ليك ... رجعة
معتصم العربي
|
Post: #18
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 03-29-2007, 07:54 AM
Parent: #15
عصومي !!!
سلامات ياود العربي ,,,
عاد ووووووووووووووووب علي من بشتنة الشفع وقلة أدبهم غايتو لمن يجوك زيارة تقرب تهرب من الشقة
تلقاهم لابسين من الشرق والغرب وأحيانا من الجنوب و كلو ياعربي عند العرب صابون ,, سعدت بمرورك
ربنا يسعدك .
|
Post: #16
Title: Re: يا ناس ألحقوني في واحدة جابت لي الجلطة !!!
Author: abubakr
Date: 03-29-2007, 07:36 AM
Parent: #1
عواطف وحيث انني في معسكر عمل دائم وسامية قليلة الحركة الا في الضروريات وانا اجتماعياتي كلها صوتية واونلاين والاسواق حيث اعيش لحسن الحظ بعيدة عن سكن تجمعات السودانيين الا فيما ندر فلذا الصورة بتاعتك دى ربنا بعدنا منها ومرات مرات الواحد متحرك من مكان الي اخر بشوف مناظر بسيطة مزعجة ولكن ليس باستمرار..الامر مهم ويجب الانتباه اليه فالصورة العامة لنا في المهجر تضررت كثيرا من نهاية الثمانينات وهذا له جوانب سالبة في فرص العمل ...الاوتيلات فيها مناظر لرجال لبسهم سئ ...
نجي نشوف دة
حاتصل واشوف كيفن تمشي الشارقة وتفوتي مكان ما نحن في
دة كلام؟؟؟
ابوبكر
|
Post: #20
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 03-29-2007, 07:59 AM
Parent: #16
يا ود سيد أحمد !!!
معزتي ,,,
أحمد ربك إنك ما بتطلع كتير والله نحنا عشان شغلنا كلو حوامة بنشوف العجب العجاب بس خليها على الله
والله أما حكاية الشارقة دي ماشة لي لواحدة راقدة مستشفى مع بعض الصديقات عن طريق الأمارات يعني
ممكن ما ندخل دبي لكن لو دخلنا حتما سنزوركم ,,,
|
Post: #25
Title: Re: يا ناس ألحقوني في واحدة جابت لي الجلطة !!!
Author: معتصم عبدالرحيم
Date: 03-29-2007, 08:41 AM
Parent: #20
يا اخت عواطف
كدي.. نقيف شوية مع البشتنة السودانية دي ,ونغوص ونشوف اصلها من فصلها.
وندخل حكاية الدجاجة والبيضة(الجاجة زي ما بقول الزلمات)>
هل اصل البشتنة المرة او الرجل او العكس ?
زمان كان بقولوا فلان ده مبهدل حقوا تعرسوا ليهو مرة تعدلو!!!!
كمان بقولوا فلانة كانت نوارة الحتة وموقفة خلق الله ومشحتفه روح الكبار
والصغار...,عليك الله شوف الراجل ده بهدلا كيف?
هل انقلبت الاية????
رايك يا عواطف ...وتحليلك .. حسب الوامةالحوامة...
هل سمعتي ياعواطف..بكاتريتا..المارد ..الرهيب..الاعصار..الهبباي..?
معتصم العربي
|
Post: #34
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 03-29-2007, 10:28 AM
Parent: #25
عصومي !!!
والله لغاية هسة كل المحللين فشلو في معرفة بشتنة الراجل جاية من بشتنة المرة ولا العكس ؟؟ لكن أنا
بقول بشتنة الراجل رغم مرارتها بتكون مبلوعة ولكن بشتنة المرة شينة شنا ما عادية و بعدين أنا بستغرب كيف الراجل يقبل يعيش مع واحدة مبشتنة وبالمناسبة يا عاصم الحكاية لا شهادات لا تعليم في
نسوان شهادات عليا وبشتنة عدوك وبهدلة السواد والرماد وما عارفين دة من شنو يا ربي الجينات
بتاعتنا بتحمل كروسموسات البشتنة ولا شنو ,,
|
Post: #49
Title: Re: يا ناس ألحقوني في واحدة جابت لي الجلطة !!!
Author: معتصم عبدالرحيم
Date: 03-29-2007, 11:34 AM
Parent: #34
اختنا عواطف
ربنا يديك العافية وطولة العمر ..
كمان كلامك ده يمر ويقراءه المرة والراجل علي حد السواء ..في هذا المنبر علي اقل شيء(الراجل يفتح المجال لمرة تقراء ..كذلك المرة)..من يمتلكون الباس وورد.
اما عن البشتنة.. الله لا يوريك كمان.. الونسة, وزي ماقلتي الحكاية ماشهادات ولاسكن عواصم وحضر , الحكاية يا استاذه في الدم ما في الدم كمان لانو احيانا كثيرة تلقي البيت الواحد منتخب جاليات في اللبس والزوق والاناقة ولباقة الحديث,لدرجة مرات الواحد يتسال هل الناس ديل اخوان.
كمان شوفي الونسة...وانت مجبور تسمع.. وان ابديت اي نوع من.. من...انت مصنف ..معادي (للسامية).
المزيد.. لتصحيح الصحيح ...القامة السودانية السمحة
في احد المرات وفي الخرطوم ارجع ضابط الجوازات احد المواطين وبصريح العبارة قال له( شنطتك الشايلها دي فيها غيار ..قال نعم.. قاليهو امشي الحمام هناك اغسل وجهك واتشطف وغير ملابسك ..عشان الناس الماشي ليهم ديل يحترموك)
انتي ..في شنو يا عواطف في ناس ايام من الايام كان بيمشو لندن بالسفنجة وحدث ولا حرج....ان لم تستح فافعل ما تشاء.. وطب نفس اذا حكم القضاء.
الناس ديل ماتو
راجعلك
معتصم العربي
|
Post: #78
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-01-2007, 05:32 AM
Parent: #49
ود العربي !!!
والله كلامك كلو في محلو لكن يا ود أمي شن أسو وأنا الجنيت وقلت هو !!! وخليك من دة كلو في ناس حملة شهادات عليا وقمة في البشتنة ولمن يتكلمو ما يفضل ليك غير تقوم جاري صوف وتخلي ليهم المجلس ,, شكرا على مرورك الجميل .
|
Post: #73
Title: Re: يا ناس ألحقوني في واحدة جابت لي الجلطة !!!
Author: Muna Khugali
Date: 03-31-2007, 12:01 PM
Parent: #25
أساسا المبشتن مابيقدر يعيش الا مع مبشتنه..
تقدر المبشتنه تعيش مع غير مبشتن زي مالمبشتن قدر يعيش مع مبشتنه?
جندرة البشتنه مهمه..
|
Post: #99
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-01-2007, 07:24 AM
Parent: #73
بت خوجلي الأنيقة !!!
دي فزورة ولا قلوتيي !! يا شايقيي !!
|
Post: #22
Title: Re: يا ناس ألحقوني في واحدة جابت لي الجلطة !!!
Author: محمد أبوالعزائم أبوالريش
Date: 03-29-2007, 08:05 AM
Parent: #1
حمالة الهموم عواطف ....
سلامتك من الجلطة ... وإنشاء الله اليكرهوك.
الصورة دي للأسف الشديد بقت جزء من شخصيتنا، والناس بقوا يعرفونا بيها .. لبس غير متناسق (راجل كان أو مرة) لبس مبهدل، وأحياناً وسخان .. أطفال وسخانين .... عربية تشكي حالها لسلطات المرور .. (وجع أوتوكيت) في التعامل ..... تعدي شنو وتخلي شنو .... ما قادر أقول ليك خليها مستورة، لأنها فعلاً بقت ما مستورة.
فعلاً الحل التوعية .. بس تفتكري كيف؟ كفاية نكتب هنا .. والا عواطف تكتب ليها مقال في المجلة .. المسألة محتاجة (إعادة صياغة) عديييل.
مودتي
|
Post: #23
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 03-29-2007, 08:17 AM
Parent: #22
ودابو الريش !!!
تحياتي ,, مع عميق شعوري بالمأساة التي نعاني منها والله ديل يا حمادة لو شربتهم الذوق مع الموية
مافيش فايدة ,, دي أمراض كرونك ومستعصية إلا يجي جيل جديد لنج حتى نقدر نقول يمكن الأحوال تتصلح
أمي كانت بتقول لينا لما كنا صغار عندهم أغنية بتقول أهم شي الحمام ونضافة الأجسام الزول يكون
بسام أصلو الجمال أقسام لكن تعال شوف نحنا لا نضافة لا ابتسامة ولا جمال ,, كان الله في عوننا .
|
Post: #24
Title: Re: يا ناس ألحقوني في واحدة جابت لي الجلطة !!!
Author: ماجدة عوض خوجلى
Date: 03-29-2007, 08:17 AM
Parent: #1
عطوف
وانا كان ماصحيت من بدرى كنت بتشوفى المنظر بتاعى الجميل ده وين عارف حبيبتى هى لوجات على السفتجه بالشراب
بس ورمادى هينه والله انا مرة شوفت واحدة معقدانى ليوم الليله بتصدقى كان فى حفل استقبال داعيه ليهو مجموعه الازمات الدولية علشان يعرضو فيه كتاب عن السودان . كل السودانيين الموجدين مافاتو صوابع اليد والاغلبيه من الصحفيين والبرلمانيين ومنظمات انسانيه وحقوقيه مهتمه بالشان السودانى المهم فى نص العدد بتاع السودانيين البسيط ده كنت اناوالكارثة الجات من وين انا ماعارفه السيدتين الوحيدات من السودان وشكلنا ظاهر ومافيه مغالطه والله ياعطوف انا مهما وصفت ليكى هى عامله فى نفسها شنو مابتصدقى بتصدقى جايه لابسه ليها توب بيرقش كله بشكل غريب وبعدالحاجه دي اظن شافت انو الرقشان بتاعا ماكفايه قامت ماخلت ليها دهبايه طايرة مااتعنكشت بيها وعلشان تكون الاتار بتاعتا مدمرة تماما ميه فى الميه التوب الحاجه البترقش فيهو دى كانت بالفضي ومع الدهب الاتنين سرهم كان باتع وبعد حبيبتى تعالى شوفى الحنه وخاته ليها طن كده من الريحة والله لمن جات داخله شوفتى الخواجات الماقعدين يشتغلو باى زول لابس شنو ولا بيعمل فى شنو كلهم كانو بيعاينو للحاجه الدخلت دى انا بس دخلت فى اضافرينى ولو ماكنت لابسه توب ذيها ماكنت بسلم عليها المشكله انا الى الان ماعرفت هى كانت خاته فى راسا هى ماشيه وين اتضح بعد كده انها زوجة واحد من مستجدين النعمه من مسؤالى النظام صادف انهم فى لندن فى الوقت ده فجو مع واحد من السفارة
والله ياعطوف المنظر ده ماشفتيهو بشع كيف انتى بس حاولي اتخيلى المنظر لو ماقلبك وقف تجى تقولى لى لابسه سفنجه وشراب رمادى بالغتى عديل
|
Post: #28
Title: Re: يا ناس ألحقوني في واحدة جابت لي الجلطة !!!
Author: مجدي عبدالرحيم فضل
Date: 03-29-2007, 09:24 AM
Parent: #24
صحفيتنا العالقه بين بهدلة الرجال والنسوان
عطوفه،،،
نقول الجاتك من سوادنيتك سامحتك!!
مناظر علي التلاله بقي لي مناظر علي البشتنه
ومن كل لون اخذت نصيب دي يمكن موضه جديده في اللبس
والعالم كلو مقبل عليها ونحنا ناس قدام ما مودرررررررررررن
ومن البشتنه ما قتل! والله المشكله البوستات دي ما بتصل ذي ديل والا
كان بنشوف نتيجه باااااااااااااينه دايرين ناس علم النفس يفتونا؟
والمصيبه الأمثله ما بقت علي الجهله من أمتنا دي داء نجده عن البروفااات
من حملة الدكتوراه والأعلمييييييين البنشوفم في الشاشات الفضائية كمااااااان
والله زماااااااااان ياسودان أبكي وأتحسسر علييييييييييييييييييك!!!
أبوقـ مجدي عبدالرحيم ـصى
|
Post: #35
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 03-29-2007, 10:43 AM
Parent: #28
أبوقصي يا زينة الحي !!!
مودتي ,,,
شكرا على المرور لكن برضه مافيش حل على المدى القريب ولا شنو رايك ؟؟ بعدين أنا بشوف أخير تستغفر
وما تبكي كتير عشان حتبكي على شنو ولا على شنو ؟؟؟ !!!
|
Post: #51
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 03-29-2007, 11:47 AM
Parent: #24
مجووووووووودة !!!
صباحك فل يا ست الكل ,,, طبعا صباحك جميل ما في شك لكن أم رقاش دي حكاية عجيبة بس إنت ما شفتي العرايس البلبسن تياب السهرة بالنهار في نص السوق والعريس عشان في شهر العسل السكينة سارقاه يعاين
ليها باعجاب شديد وهي جنس دلع ما خايل فيها أما العنكشة ديك ما تديك الدرب دهبتين حقيقيات والباقي
فالصو أما الدخان والخمرة عاد المول كله يقول يا ليل وهي ما بتكون عايزة تشتري حاجة بس نوع من الفسحة والبشتنة أها رايك شنو ؟ غايتو أنا لي هسة ندمانة أني ما مشيت بي توب الصبحية حقتي السوق
عاد كان شفتيه كان لقطة !!
|
Post: #26
Title: Re: يا ناس ألحقوني في واحدة جابت لي الجلطة !!!
Author: abas
Date: 03-29-2007, 09:14 AM
Parent: #1
انتي اي عطوف
ماش فتي البكونن راقدات في الحدائق واولادهم لافين بين الناس واخر قلة ادب
ما شفتي البكون ماشي الصلاه او الدكان لابس ليه سفنجه وعراقي وسروال وبدون فنله داخلية
وخاتي سفه دقار لوري
وتجي للفهم البفهم زيهم منو
والمشكله تتجنبهم بقولو شايف نفسو علينا
تقرب منهم الوجع زاتو بحتار في وجعك
اتخيلي البشاكل في اي شيء واي مكان يعني لو كان في واحد واقف في نفس مكانك وانتي
بتعايني ليه واعمل مشكله مع الهندي ولا الزلمي فضيحه عديل كده
|
Post: #27
Title: Re: يا ناس ألحقوني في واحدة جابت لي الجلطة !!!
Author: Muna Khugali
Date: 03-29-2007, 09:20 AM
Parent: #26
طيب كانت بتمضغ وتطقطق لبان ولا لأ؟
لأنه لو لا مافي مشكله
|
Post: #29
Title: Re: يا ناس ألحقوني في واحدة جابت لي الجلطة !!!
Author: Dr. Abdalla Siddig
Date: 03-29-2007, 09:34 AM
Parent: #27
عواطف
الله يديك العافيه ولي قدام
و علينا كلنا حريم ورجال لحين ينعدل حالنا
مع خالص تقديري
|
Post: #30
Title: Re: يا ناس ألحقوني في واحدة جابت لي الجلطة !!!
Author: ود الباوقة
Date: 03-29-2007, 09:56 AM
Parent: #29
الأخ بكري عاين لي هنا وأسمعني كويس عشان عايزة أقول ليك المنبر دة بعد الشفتو اليوم أحسن توديه
أسماء في حياتنا
يا عواطف اسماء في حياتنا دا يودلوا منو ويخلو منو .. الجزلي ذاتو قال تاني ماداير اي حاجة زيادة
الله يكون في عونا يا عواطف من دي البهدلة .. هو بلا سفنجة خضرا الشغلانة ما جايبة حقها ...
ود الباوقة
|
Post: #41
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 03-29-2007, 11:04 AM
Parent: #30
ود الباوقة أم زهور !!!
معزتي ,,,
عليك الله تشيل المايكرفون بتاعك دة وتطلع تعمل محاضرات يومية عن الهندام واختيار الألوان والأتكيت
وفن الكلام والاستماع وبعدين أسماء في حياتنا بس ؟؟ دة حتة خور بكري إتملا وما عافين نعمل شنو بعد دة ,,, مودتي ,,
|
Post: #40
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 03-29-2007, 10:59 AM
Parent: #29
مساء الورد يا دكتور!!!
شكرا على المرور الأنيق وإنشاء ربنا يصلح الحال ,,, ربنا يسعدك ,,
|
Post: #39
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 03-29-2007, 10:56 AM
Parent: #27
مووووووووووني !!!
نورت البوست ,,,
تصدقي إنها دست اللبانة بالجنب وقعدت توزع في الإبتسامات درأ للحرج ومن زي ديلة وا أسفاي !!!
|
Post: #37
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 03-29-2007, 10:51 AM
Parent: #26
عباس يا سيد الناس !!!
صباحك فل ,,,
أحي من البرقدو في الحدايق العامة ديل عايزات ضرب بالبسطونة وقالو في سباقات الخيل في دبي وأبوظبي التي يرتادها الناس من كل بلد السودانيات جنس بشتنة وترامس شاي ولقيمات ورقاد حدايق
والرجال ساكين الحصان الفايز عشان يكسبو الخمسمية درهم طبعا تعودنا على الكسب السهل اللي ما
عايز مجهود دة كوم والنسوان الماعندهن شغلة ما عايزة أسميهن كوم بمشن السباقات عشان يسيئن
للباقيات بسلوكن غير الأخلاقي لدرجة إنه السباق أرتبط في الأذهان بكل السلوكيات غير الحميدة ملعون أبوكي بلد,,
|
Post: #31
Title: Re: يا ناس ألحقوني في واحدة جابت لي الجلطة !!!
Author: محمد أبوالعزائم أبوالريش
Date: 03-29-2007, 10:03 AM
Parent: #1
Quote: طيب كانت بتمضغ وتطقطق لبان ولا لأ؟
|
يعني دي النقصت؟
يجازي محنك ..... الواحد ما عارف يبكي والا يضحك؟
المرا قالت ليك جابو ليها (جلطة) .. عايزة تجيبي ليها شنو تاني
|
Post: #42
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 03-29-2007, 11:06 AM
Parent: #31
يا ود أبو الريش !!!
اللبانة قاعد تجيب لي العصبي ,,, معليش استحملوني أصلي دقة قديمة !!!
|
Post: #32
Title: Re: يا ناس ألحقوني في واحدة جابت لي الجلطة !!!
Author: عبود احمد النصيح
Date: 03-29-2007, 10:17 AM
Parent: #1
الاخت عواطف لك التحيه
انا ماعارفك لبك كم سنة من السودان لكن انا لي الان 18 سنة one go
اتخيلي معاي والله شفتا جنس حاجات بدودي مقابر حمد النيل طوالي بس الحمدلله اليوم ما تما وكفارة ليك ودى حاتكون ليك وقائة للمستقبل وتعيشي وتاخدي واحدة تاني
|
Post: #43
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 03-29-2007, 11:10 AM
Parent: #32
عبودي !!!
حمدلله على السلامة ,, بركة الجيت ,,, 18 سنة ون قو وعايز تمشي لي حمد النيل ؟؟ تبري يا يابا إنشاء
عدوينك ,, طبعا الناس في السودان يفتقرو إلى ثقافة الالوان وفن الكلام ,, و.. و.. و.. و إلخ .
|
Post: #33
Title: Re: يا ناس ألحقوني في واحدة جابت لي الجلطة !!!
Author: Haitham El Galal
Date: 03-29-2007, 10:25 AM
Parent: #1
امبارح يا عواطف جاى بالليل من الاماب فى نص الشارع واحده مكومه التقول ميته نزلت لقيتها سكرانه و حالتها بالبلاء مشيت اجيب بسطونتى من العربيه لاقيم عليها الحد وانتهى بى الامر انو اناولها الفيها النصيب وقالت لى الله يبته (يفتح) عليك يا مندكورو (يعنى ود العرب)و قامت اتنفضت و مشت
الله يكون فى عوننا و عونكم
مودتى
هيثم
|
Post: #36
Title: Re: يا ناس ألحقوني في واحدة جابت لي الجلطة !!!
Author: نهال الطيب
Date: 03-29-2007, 10:51 AM
Parent: #33
ست عواطف تبري من الجلطة
السودانين المبشتنين ديل اصلهم غير المرض ما بجيبوا للناس في حاجة ويبدوا اني سحرتكم وناسكم بقت تمرق بالسفنجات
لكن نحنا كمان متطورين شديد
أول أمبارح واقفة في الدكان جات واحدة لابسة عباية في نص كرعينها وضيقة شديد لانها طبعا قدر اللوري ومدخنة قبال دقائق والعيون ديل حمر والكعكات ما بتديك الدرب وطبعا مافي شربات
وتشيل وتنزل في الحاجات وترفع فيهم قربت أقلعهم منها عشان ما توسخهم بيديناالمجلبطات بالدهن
والفظاعة انها سلمت علي والله محل ما أمشي ماعرفت
والافظع انو الدكان جنب بيتنا وكلهم بعرفوني
ابكي بس
|
Post: #46
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 03-29-2007, 11:18 AM
Parent: #36
نهولة يا ست البنات ,, يا متعة للروح والنظر ,, طولتي بتخبي الحزن والليلة في عيونك ظهر معليش
ما تبكي ممم ما تبكي ,, حتبكي علي أيه ولا أيه؟؟ نحنا عايزين لينا مأتم عديل كدة .
|
Post: #44
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 03-29-2007, 11:14 AM
Parent: #33
هيثومي !!!
ياحلليلك يا ود أمي ,, كنت وين ؟؟ بركة الرجعت ,, السكرانة دي ترى معزورة أصلو السكر بقى عاااادي
في المعادي وكذلك في الزمالك لكن الواعيات ديل مالن ؟؟ تحياتي لأم العيال ,,
|
Post: #38
Title: Re: يا ناس ألحقوني في واحدة جابت لي الجلطة !!!
Author: abubakr
Date: 03-29-2007, 10:53 AM
Parent: #1
يا ماجدة
| Quote: انا مرة شوفت واحدة معقدانى |
ما بشان كدة اسسو الاي سي ج ؟؟ وفي ازمة اكبر من الشوفتيها ؟ اها انتي ما بتقري ريبورتات الاي سي جي الاسبوعية لازم صفحات كتيرة منها عن الازمات السودانية وصاحبتك حضرت المؤتمر ممثلة "لاسباب الازمات " وازمتك زي ما مؤزميين كل البلد
|
Post: #45
Title: Re: يا ناس ألحقوني في واحدة جابت لي الجلطة !!!
Author: mamkouna
Date: 03-29-2007, 11:18 AM
Parent: #1
سلامتك يا أم مجاهد من الجلطة..
تبري و تستبري....و تدخلي النت..و تقري.
أنا مرة - بعيد عنك- شُفت واحدة مشلٌخة..
لابسة إسكيرت جينز و تي شيرت..!!!!
كنت ح أرقد إنعاش  !!!!!
|
Post: #47
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 03-29-2007, 11:25 AM
Parent: #45
ممكونة الحنونة !!!
وين يا قمر اربعتاشر ؟؟ ليك مدة مال بنتي وين إنتي ,, والله وحشتينا جنس وحشة وبعدين أبرى واستبرى
بي وين مع جنس ديل ؟؟ والله أم شلوخ وجينز دي مش تودي الإنعاش دي تودي أحمد شرفي عديل كدة ,, تبري
يا بت أمي من الإنعاش ربنا يخليك لوليداتك ويزيل عننا البلا اللي نحنا فيه دة ,
|
Post: #48
Title: Re: يا ناس ألحقوني في واحدة جابت لي الجلطة !!!
Author: Muna Khugali
Date: 03-29-2007, 11:28 AM
Parent: #45
Quote: أنا مرة - بعيد عنك- شُفت واحدة مشلٌخة..
لابسة إسكيرت جينز و تي شيرت..!!!!
كنت ح أرقد إنعاش !!!!! |
ممكونه..
كانت 'داقه شلوفتها'?
علشان لو أيوه..
يبقي ما إعتيادي
|
Post: #50
Title: Re: يا ناس ألحقوني في واحدة جابت لي الجلطة !!!
Author: Muna Khugali
Date: 03-29-2007, 11:41 AM
Parent: #48
Quote: يعني دي النقصت؟
يجازي محنك ..... الواحد ما عارف يبكي والا يضحك؟
المرا قالت ليك جابو ليها (جلطة) .. عايزة تجيبي ليها شنو تاني |
مسكينه توفي ..
إنت غايته لو تسمع كلامي محمد أخـوي..تضحك بس لغايه مالدنيا كلها تضحك معاك..
طيب ايه رأيك في واحـد يطلع بالعراقي الخفيف والسروال والسفنجه يحوم في شـوارع لندن في الصيف كشو كشو..
الزول مافضل ليه مع طاقيته وسفته الا يشيل صحن الفول ويدخل اي محل.. وينط الصف ويقول للزول
الشغال.. أدينا فول وكب لينا فيه جبنه وزيت سمسم!
الزول متكيف ياخ من الشخصيات التي تبحث عن مؤلف..أضحك كده
|
Post: #52
Title: Re: يا ناس ألحقوني في واحدة جابت لي الجلطة !!!
Author: رقم صفر
Date: 03-29-2007, 12:05 PM
Parent: #50
الغريبة زولتك (ما كانت بتطقطق ليها في لبانه ) لانه كده الصوره بتكون كملت
|
Post: #74
Title: Re: يا ناس ألحقوني في واحدة جابت لي الجلطة !!!
Author: Muna Khugali
Date: 03-31-2007, 12:09 PM
Parent: #52
| Quote: الغريبة زولتك (ما كانت بتطقطق ليها في لبانه ) لانه كده الصوره بتكون كملت |
ماعلشان تتحيروا زيادة.. كوموفلاش يعني
|
Post: #91
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-01-2007, 06:42 AM
Parent: #52
العزيز رقم صفر !!!
تصور في ناس في الغربة بطلعونا صفر على الشمال !!!
|
Post: #53
Title: Re: يا ناس ألحقوني في واحدة جابت لي الجلطة !!!
Author: محمد فرح
Date: 03-29-2007, 12:11 PM
Parent: #50
الوريفه عواطف
والله في ناس يمحنوا في الغربه وفعلاً زي ماقلتي في ناس بستغلوا المثل البقول بلداً مابلدك أمشي فيها عريان إستغلال سيء جداً وأنا أطالب بإزالة المثل ده من قاموسنا نهائياً بل وتغييره لأنو مفروض يكون المثل بقول بلداً مابلدك أمشي فيها اخر جنصصه لأنو الواحد في الغربه بكون بمثل وطنه ولابد يمثله تمثيل مشرف ....
في ناس في السعوديه الواحد تلقي لابس قميص التقول ممرقوا من خشم غنمايه والله يهدي الجميع
|
Post: #79
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-01-2007, 05:35 AM
Parent: #53
محمد فرح !!!
ربنا يفرحك دنيا وأخرى ,,,
وفي نسوان التوب ألوانه ما أنزل الله بها من سلطان وكرفس أتقول مارقاهو من خشم البقرة وبعد دة كلو
لا عاجبها العجب ولا الصيام في رجب ,, شكرا على العبور ,,
|
Post: #57
Title: Re: يا ناس ألحقوني في واحدة جابت لي الجلطة !!!
Author: mamkouna
Date: 03-29-2007, 10:20 PM
Parent: #48
كان ما أخاف الكضب يا موني..
كانت داقة شلوفتها
و ...ممشطة
و...عاملة مساير
و ..
شايلة مُفحضة...كالفن كلاين !!!!
|
Post: #70
Title: Re: يا ناس ألحقوني في واحدة جابت لي الجلطة !!!
Author: Muna Khugali
Date: 03-31-2007, 09:28 AM
Parent: #57
كان ما أخاف الكضب يا موني..
كانت داقة شلوفتها
و ...ممشطة
و...عاملة مساير
و ..
شايلة مُفحضة...كالفن كلاين
هي!
يخص عليك يا ممكونه البلمحفضه دي ما أنا!
لا..لا
لا كنت لابسه اسكيرت جينز ولا حاجه..كمان مابتعرفي الجينز من الحرير
|
Post: #54
Title: Re: يا ناس ألحقوني في واحدة جابت لي الجلطة !!!
Author: abas
Date: 03-29-2007, 12:28 PM
Parent: #1
أنا مرة - بعيد عنك- شُفت واحدة مشلٌخة..
لابسة إسكيرت جينز و تي شيرت..!!!!
كنت ح أرقد إنعاش !!!!!
هاهاهاهاهاهاهاهاها
ممكونه
لكن بالجد مكنتك ليها ضل
تكون عاوزه تجكس
سمينه ولا ضعيفه استايل يعني
ولا بسه التي شيرت كم ولا من غير
والله بشتنه ورقاد واطه
|
Post: #55
Title: Re: يا ناس ألحقوني في واحدة جابت لي الجلطة !!!
Author: عبود احمد النصيح
Date: 03-29-2007, 09:00 PM
Parent: #1
حمدلله على السلامة ,, بركة الجيت
ولسع انا ما وصلتا لكن كان الله راض قريب قريب
|
Post: #92
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-01-2007, 06:45 AM
Parent: #55
توصل بالسلامة ياالخاتي الملامة !!!!
|
Post: #56
Title: Re: يا ناس ألحقوني في واحدة جابت لي الجلطة !!!
Author: هجو الأقرع
Date: 03-29-2007, 10:14 PM
Parent: #1
الاخت الكريمة عواطف ، بصراحة شديدة انتى لسع ما شفتى حاجة ،من اسبوعين وعند العاشرة مساء وفى احد المجمعات التجارية بالدوحة ، شاهدت حيوانتان للاسف لا بسات رجالى فنايل نص كم مع حاجة كدة لاصقة، وللاسف مع بروز تضاريس بصورة مؤسفه ، ولاننى وزوجتى ممرننا بالقرب من نفس الممر فان رائحة السجائر ضاربة ، وتلفت بصورة غربية وعجيبة ، والله يا اختى الباقى اللهم استر على اعراضنا. اكرم الله السامعين والقارئين من الباقى . اما الثانية كنت من مدة فى مطارالخرطوم لامر طارى والله واحده جاية من ماليزيا وهى تنتعل سفنجة شوف عينى ، والشعر معمول بى حاجه كده زى الشبكة لى فوق اول مره اشوفو ، ولما جاء العفش بالصوت العالى قالت لزوجها شوف الراجل السجمان ده الباقى عرفناه ، كمان ما قادر تجر الشنطة ، وواصلت قولها الله يسحامك يا ابوى ، واخونا لم يفتح الله عليه بكلمة. احد العمال فى المطار قال الله ينعل الغربة التى تبهدل الرجال بشكل دا ، سمعته وقالت اصبر انت كمان خلنى لما اخلص العفش وافضى لك . ولاننى كنت احمل اشياء خفيفة خرجت وتركت الكل .
|
Post: #58
Title: Re: يا ناس ألحقوني في واحدة جابت لي الجلطة !!!
Author: عامر تيتاوى
Date: 03-30-2007, 00:36 AM
Parent: #56
عواطف
بتنا دى بى ( دهبا ) ولا مارقة ساى !!
|
Post: #93
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-01-2007, 06:47 AM
Parent: #58
عموري !!!
بتكم بي ضهبا!! خلت دهبا في البيت !!
|
Post: #80
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-01-2007, 05:44 AM
Parent: #56
أخي العزيز هجو !!!
معزتي ,,,
بالنسبة للسجاير الفي الحفلة داير بقى عادي في المعادي وكذلك في الزمالك أما الملابس الضيقة دي
اسوة باللبنانيات و تقليدا للموضة تقليدا أعمى دون وعي بطبيعة أجسادنا ذات التضاريس العجيبة
و فيما يتعلق السفنجة والله العظيم شفت واحدة جاية تستقبل زول في مطار الخرطوم بسفنجة وعباية أيه رايك ؟؟
أما قصص نهير الرجال وذلتهم قدام الناس دي ما بعملوها غير بعض السودانيات عشان الواحدة توري إنها
مستلمة راجلها وخاتاهو تحت جزمتها زي ما بقولن ولا مؤاخذة من هذه الألفاظ السقوية فللضرورة أحكام
تصور الجنسيات التانية حتى لو الراجل خيخة عديل كدة تحترمو قدام الناس وترفع من قدرو لامن يصدق
نفسو شوف ديل وين ونحنا وين ؟؟ شكرا علىى عبورك .
|
Post: #59
Title: Re: يا ناس ألحقوني في واحدة جابت لي الجلطة !!!
Author: Kamal Abdu
Date: 03-30-2007, 11:26 AM
Parent: #1
عواطف
انشاء الله تسلمي من الجلطة و البيجيبن الجلطة
و انشاء الله تسلمي من الجليطات و تجيهن هن الجلطة ....أريتن ما تنن
والله يا عواطف يومها في "ديرة سيتي سنتر" أشوف ليك تلاتة مش واحدة...تلاتة مرة واحدة و التقول داخلات
منافسة مفتوحة غير مشروطة في البشتنة و البهدلة....و اختاروا يوم الجمعة و دا أكتر يوم زحمة في
المول.
و هاك يا كلام بصوت عالي و عرفت أسباب و أسرار وجودهن في المول و الحاجة الوحيدة الغلبني أعرفها
هو فصيلة الدم حقتن ...لكن عرفت أنهن ما عندهن فصيلة دم ....لأنهن ما عندهن دم...
بعدين يا عواطف أنا عندي سؤال: ليه السودانيات عندهن رأي في أي شئ ..في البخصهن و الما بخصهن و
الاصرار الشديد (مصحوبا بصرة وش) على المواضيع الفارغة؟؟؟؟
و أسوأ جزء في كلامهن لما قالن (أها نآكل شنو؟؟) و تعالي شوفي التنظير الما يديك الدرب....
"ياختي جداد ...اللحمة دي ما عارفينها جايه من وين...لحم كلاب ولا لحم حصين...الجداد ياهو جداد"
"هسه الناس ديل ملمومين في الأكل الصيني دا في شنو؟؟؟ يا هناية دا مش جراد ولا صراير بالخضار؟؟ الله
يقرفهم" "أرح..أرح نآكل من اللبناني دا...جدادهم بلدي ما زي حق كنتاكي يجيب ضربة القلب"
و لو لاحظت يا عواطف السودانيات كلهن بيلبسن نفس الهدوم ...اسكريت طويل ..بلوزة أو قميص رجالي
بأكمام طويلة حسب المزاج...شبشب واطي زحاف...و أخيرا "الطرحة" الدخيلة علينا منذ بداية الانقاذ...
و ألوان متنافرة ...
و دايرة يا عواطف تموتي بالضحك ...لما مشوا يشترن "آيس كريم" لأنو حسب رآيهن "باسطة" اللبنانيين
ناااشفة و مسييييخة ولا كنافتهم البجبنة...بس كيفن يعني...هو حلو...يختو فيهو جبنة؟؟؟؟
علي بالأيمان أنا شفقت على الآيس كريم...لكن حبيت الآيس كريم لأنو بهدلن بهدلة شديدة و رد قليلا من
كرامتنا...
الله يسامحن
|
Post: #95
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-01-2007, 07:01 AM
Parent: #59
كمال عبدو !!!
معزتي ,,,
إنت مهندس ولا مخرج يا ربي لكن ما الوصف عندك غايتو يوسف شاهين يخلي ليك الإخراج ,, نسوانك ديل قمة
في الإحراج وديل مش يجيبو الجلطة ديل يجيبو الجن الكلكي اللابس ملكي البخليك تقوم من محلك وتمشي
تقلع منهن الآيسكريم وتدهيهن بالألم زي ما بقولو المصريين ,, داهية تاخدهن ,, مول شنو البمشن ليه
ديل المفروض يمشن سوق الجمعة,,
|
Post: #60
Title: Re: يا ناس ألحقوني في واحدة جابت لي الجلطة !!!
Author: Deng
Date: 03-30-2007, 11:45 AM
Parent: #1
| Quote: اما الثانية كنت من مدة فى مطارالخرطوم لامر طارى والله واحده جاية من ماليزيا وهى تنتعل سفنجة شوف عينى ، والشعر معمول بى حاجه كده زى الشبكة لى فوق |
الاخ هجو.
يا ربي دي بتكون بيان؟
دينق.
|
Post: #63
Title: Re: يا ناس ألحقوني في واحدة جابت لي الجلطة !!!
Author: هجو الأقرع
Date: 03-30-2007, 07:50 PM
Parent: #60
معاذالله اخى دينق ان ان تكون اختنا الفاضلة د. نجاة لقد فات عليك انها حضرت الى الدوحة ، لا يذهب بك الخلاف الى هذا الحد ، هذا الامر قبل زيارتك للسودان ، ذهبت لوفاة فى البلد ، واختنا د. بيان كانت فى ماليزيا.
|
Post: #61
Title: Re: يا ناس ألحقوني في واحدة جابت لي الجلطة !!!
Author: حمور زيادة
Date: 03-30-2007, 01:25 PM
Parent: #1
ناس قرده جوه و بره ديل زااااااااتم يا عواطف المخليننا مضربين من الزواج
ممكن تشوفي لي معاك من الشارقه واحده ورده جوه و بره لو سمحتي ؟
|
Post: #94
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-01-2007, 06:53 AM
Parent: #61
حمور يا ود السرور !!!
إضرابك عن الزواج يزيد من نسبة العنوسة لذا سوف يطالك قانون عدم الإحساس بالوطنية أرجو أن تعدل عن قرارك باسرع فرصة وفعلا بنات الشارقة مظهر وجوهر ,, غالي والطلب رخيص ,,
|
Post: #62
Title: Re: يا ناس ألحقوني في واحدة جابت لي الجلطة !!!
Author: محمد المختار الزيادى
Date: 03-30-2007, 01:46 PM
Parent: #1
الاخت عواطف.اولا بحييك علي طرح المسكوت عنه في المظهر السوداني.والله حاجه محزنه جدا, وح ارجع ليك
|
Post: #96
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-01-2007, 07:04 AM
Parent: #62
حموووووووودي !!!
معزتي ,,,
شكرا على مرورك الجميل ,,, سوف ترصد عدستنا ما يجري في الشارع والأماكن العامة فإما نحن وإماهم !!
|
Post: #64
Title: Re: يا ناس ألحقوني في واحدة جابت لي الجلطة !!!
Author: Kamal Karrar
Date: 03-31-2007, 06:03 AM
Parent: #1
عواطف أختي...
أنت متأكدة إنو الزولة بالوصف ده ما من طاقم برنامج الكاميرا الخفية عايزين نرفزوك شوية
يمكن!!! لأنو في البشتنة في النسوان شينة خلالالالاس.!!!
وبعدين يا عواطف أنت أظنك نقشت لبس الشراب!!
الولية زي ما قلتي الظاهر ماشة حفلة عرس.. ولا أربعين .. ومتحننة طازة.. وعشان الحنة ما تتطلع في
السفنجة.. دي زولة ناصحة...
بالله بقميص النوم؟؟؟.. عاد الولية ما دقست دقسة شديدة وحيرت البشتنة في عضمها...
بس أنا مصر أنو ده كان برنامج الكاميرا الخفية بس أنت خفت تسألي الولية ساكت...
تعرفي ده أنموذج من النساء.. غريب..
الحمد لله شوفنا نسوان الواحدة أول ما تصبح الصباح وبعد الأستحمام اليومي.. وتسريح الشعر
وربطه من وراء حتى تدخل المطبخ ..والله ما كذبت يومي.. يومي..
تحياتي
|
Post: #98
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-01-2007, 07:16 AM
Parent: #64
ود كرار يانور النوار !!!
أولا تحية خاصة عشان خاطر مداخلتك الظريفة ,,,
ثانيا الزولة دي لا بتمثل لابتعرف التمثيل ولا سمعت بي حاجة إسمه الكاميرا الخفية دي من نوع واحدة كانت في بيت عرس والنسوان بحكن عن برامجهن اليومية في واحدة قالت بقوم من النوم الساعة ستة أول حاجة بعملها بقرا الجريدة نطت قالت ليها تقري الجريدة إنت راجل ؟؟ الجرايد ديل حقات الرجال مش
الحريم !!! وبعدين تعال هنا يا كيمو إنت ناقش حركات النسوان كلهاوبي صورة تدعو للعجب أريت كان لاقيتها إنت بدلا عني كان خففت لي شوية الجلطة الحاسة بيها على العوم فعلا بشتنة النسوان ما مبلوعة
أبدا لكن ما باليد حيلة ,,,
|
Post: #65
Title: Re: يا ناس ألحقوني في واحدة جابت لي الجلطة !!!
Author: محمد أبوالعزائم أبوالريش
Date: 03-31-2007, 06:35 AM
Parent: #1
ممكونة يا مجن.......
| Quote: شايلة مُفحضة...كالفن كلاين |
قدر ما حاولت أتخيل منظر المفحضة مع الجينز .... عجز خيالي
دي فكرتي فيها كيف؟
لبانة منى خوجلي عرفناها .... بس أوع تكون مسايرها فيها البتاع البخلي الشعر أحمر زي الفيهو الصدأ داك (إسمو شنو؟)
|
Post: #66
Title: Re: يا ناس ألحقوني في واحدة جابت لي الجلطة !!!
Author: مجدي عبدالرحيم فضل
Date: 03-31-2007, 07:01 AM
Parent: #65
عطووووووووووفه،،، يابت أمي
المدي البعيد ده نجيب ليه صبر من وين؟
وبعدين نقول لفرفور المشكله بتاعت البشتنه دي ما مشكله
المشكله أنو الطفل البيجي من ناس ذي ديل دي المشكله؟
جيناتوا بتكون خليط بهدله وبشتنه وفيها بعد نظر وطول وكمان عمي الوان!
والبيحلنا شنو أنا بقترح أنو يعملوا مصل مضاد لهكذا بشتنه يأخدوا الزول المنسق عشان
يستحمل شويه من غير ما تصيبوا عدوا البهدله والبشتنه دي والله يدينا الصبر،،،
بعود ليكي بعد فاصل من البشتنه العندنا هنا وجااااااااااي.
أبوقـ مجدي عبدالرحيم ـصى
|
Post: #67
Title: Re: يا ناس ألحقوني في واحدة جابت لي الجلطة !!!
Author: Kamal Mahjoob
Date: 03-31-2007, 07:07 AM
Parent: #1
الأاستاذة المرآه عواطف
اللهم لا شماتة ... بعد ما أديتي (بعض الرجال) حقهم ، كمان برضو أديتي (بعض النساء) حقهن من لفت النظر المفيد ... ليتنا نلتفت لمظهرنا .. فشكرا لك.
| Quote: ولما تلفت نظر الواحدة تقول ليك يا اختي بلدا ما بلدك أمشي فيه عريان! |
ليت الكل يعلم أنه علم لبلاده متحرك ...
|
Post: #68
Title: Re: يا ناس ألحقوني في واحدة جابت لي الجلطة !!!
Author: محمَّد زين الشفيع أحمد
Date: 03-31-2007, 07:51 AM
Parent: #67
تبري يا يُمَّة إنتي من الجلطة
.. الجلطة أريتا فوقا هي بتاعة
الكاشير والشعر الكعكات .. أم رِويس
مقطوعة الطاري .. أريتني كان
لمّيتْ فيها كان أنقي ليك شعيرا...
....
أخت / عواطف :
دُمتِ لنا نبراساً
يضيءُ لنا الطريق َ
وحالكاتِ الليالي ..
وصواباً لمن فارقَ
الطريقََ يوماً ..
لكَ وُدِّي واحترامي
وكوني دائماً
كذلك يا أصيلة ...
ولا عدمناكِ قلماً ....
أخوك / محمَّدزين ...
|
Post: #69
Title: Re: يا ناس ألحقوني في واحدة جابت لي الجلطة !!!
Author: othman mohmmadien
Date: 03-31-2007, 09:08 AM
Parent: #68
تحية وتقدير
ما حقو تجيب جلطة ولا شئ من هذا القبيل
القضية قضية
تربية
إعلام
ثقافة
رقي
وأسمحي لي بان أغير واجهة العنوان المسمى من حدة العنوان
لأن العنوان يجعلني أتخيلك في قمة التكشيرة والغضب!!! دون البحث عن مبررات تصرف الزولة دي
فلنجعلها قضايا واراء
لو قلنا بسم الله وشفنا دور الاعلام لوجدنا أن أقرب وصف له هو كالرجل الميت الذي يمكن أن تديره كما تشاء ولن يحرك ساكناً، ولن بتناول مثل هذه القضايا لأنه مأزوم بعقدة الأنا ونحن،،،. وإلى ألان لم يستطع جذب المشاهد العربي الذي في مخيلته مشاهد من الجوع والتخلف والحروب عن بلدنا السودان
مناهجنا التربوية لم ولن تناول في مسيرة الحياة معالجة هذه الظواهر أوالاهتمام بغرسها في النشء بالرغم من أننا عانينا في نظافة السبت والاثنين مع المدرسين من ضرب واستهزاء،،،،
فإذا كانت رؤيتك بهذا الشكل فكيف يراها من نعيش في ديارهم وهم العرب الذين يريدون أن يرونا وفقا لمنهجهم الخاص "قري بأكملهافي ..........ب السودان خليت من سكناها بسبب الايدز" أو كالتقرير الأخير لمجلة العربي ن الخرطوم عبر عن نفسية الكاتب فقط حيث بدا يبحث عن أشياء بعينها ليكتبها .... وكيف نراها نحن المعنيون بالأمر بالدرجة الأولى في تقديم أنفسهم بصورة مشرفة على أقل تقدير..السنا نواجه هجوماً إعلامياً غريباً يطال المفاهيم والثوابت والعقيدة .. وتشويها بسبب من التسلط والقمع والدكتاتورية ...والاعلام العربي نفسه يظهرنا كذلك ... قتلة ... مغتصبون ... إرهابيون .... إبادة بشرية ... دون أن يعزي ذلك لمبررات أو اسباب إن وجدت أو لسياسة ... بل تناول ظاهرة إغتصاب الأطفال في كل قنواته شرا للغسيل وكأنما شعبي كله مغتصب .... وهل في رأيك أن التي أتت إليك بجلطة تعكس مفاهيم في تخلفنا... وتؤطرها
طيب نسوي شنو مع الشعوب البتشبهنا وبتلبس الثوب زينا وبتغترب وعشان السوداني بيحترم حبتين يقولو نحن سودانيين - كنت في ليبيا وهنالك شعوب من دولة جارة للسودان ترتدي نساءهم الثوب السوداني أما السلوكيات بحسب واقع وعي الفئات التي كانت هنالك تنجر للخمور وبيع الهوى ... وبالكاد في نظر الليبيين كلهم سوادينو يا ولدي ...وحتى الغانيين حينما حاصرتهم الشرطة الليبية أرتدوا العمامة والجلابية السودانية أما عن سلوكياتهم جعلتني أكره كل ما هو .... "لا داعي" فهل التي رأيتينها تعتقدين جازمة أنها سودانية أم من دول الجوار ومتسودنة
والقضية ليست فقط من أجل النصرة لكل سوداني من خلال مظهره وإن كان هذا يجب أن يكون من بديهياتنا .. ولكن ألسنا نجد العذر فيمن نشأ في بيئة مفتقرة لكل شئ شكلت ثقافة صفرية لديه والتعامل مع هذه الأمور ... وإذا وضعنا أنفسنا في مكان نشأته هل ترى سنكون مثله .... وكيف يمكن أن نصنع مجتمع متناسق الثقافة والعادات في بلد قارة -- 700 ونيف قبيلة - 5 ديانات - 167 لغة أو لهجة - الحكاية تدوش ومعالجة هذه الأمور صعبة إذن لا بد من القبول بالآخر والتعامل معه وهذا ما نفتقره
أعتقد أننا في حوجة للبحث عن عيوبنا وتناولها بشفافية وتغيير حتى طرق تربيتنا "الشمولية" داخل بيوتنا والتي ولدت نوع من الكره تعكسه مناكفات الكثير من الأخوة هنا - "اليست هذه جلطة الجلطات" ووضع القوانين بصدد معالجة الكثير من العيوب والعمل على خلق إنسان إيجابي في هذه الحياة ومحاربة الفقر
وهنا لابد من التوقف أمام محطات قصيرة للمقاربة فقط والتذكير بمفاصل هامة لكي نلعب دوراً مميزا... أننا محتاجون لقبول الآخر وأن منشأ التربية ودور الاعلام والتربية في الثقافة والرقي مرهون بشفافيتهما
ودمت أختنا الحبيبة عواطف
|
Post: #71
Title: Re: يا ناس ألحقوني في واحدة جابت لي الجلطة !!!
Author: نوسة
Date: 03-31-2007, 11:04 AM
Parent: #69
سلامات يا عواطف إخيتى
أهاااااااااااا،، بديتى تتدخلي فى "لبس" الحريمات فى الخليج؟؟؟ عاد الله يرحمك كان كدة... الفاتحة يا شباب !!!
و الله لكن ضحت ضحك من المنظر الخلعك و قطع قلبك دة !! هههههههههههههههههههههاييي..
كمان لسانك طويل و خوافة؟؟؟
كان تقولي ليها: يا زهرة مالك ؟؟ جابو ليك خبر؟؟؟و لا طلقوكى يختى ؟؟ إن شاء الله خير !!
و نحن الواحدة مما طلعت برة بلدها زمان بنقول إنو إي واحدة و واحد "سفير" لبلدو،، بس الظاهر فى ناس يختي "مقطوعة" من شجرة ...لا بلد و لا بطيخ
ضحكنى كلام هاشم شديد وو صفه لبعض النسوان فى السعودية ..
Quote: وتلاقي الواحدة شايلة
ولدها في صفحتها والتراع مالي ليها العباية والأوساخ في كل إتجاه |
كرهتنا الولاده زاتها ياخى ... ههههه،،غايتو كان سمعوك رجال الحريم ديل كانوا حرموا عليهن العباية و "الكسحى" في الشوارع...
بالله يا عواطف إكتبى و قولى رأيك عن كل البيحصل في الدول النحن فيها عما لا يسر عدو و لا صديق ،، و كلنا يدنا فى يدك لدحر هذه النوعيات من النساء الغير غيورات على سمعة "هويتنا" السمحة....
الله معاكى يا غالية
|
Post: #84
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-01-2007, 05:58 AM
Parent: #71
نوووووسة الننوووووسة !!!
تحياتي ,,,
والله المسألة يا بعد عمري ليست خوف ولكن احترام للذات يعني لو واحدة زي دي قامت شرشحت قدام الناس
أكيد بتتمنى الأرض تنشق وتبلعك مش كدة ؟؟ وبعدي زي ديل شكلهن ما بفهمن وما عندهن استعداد للفهم
وبتشوف نفسها صاح ونحنا الغلط و لا شنو رايك ؟؟ إنت يا نوسة دحين ما شفتي البلبسن تياب معولقة ومبشتنة في المطار وأول ما الطيارة تقرب لمطار الخرطوم تقوم تطلع التوب السمح والدهب والمكياج
وهاك يا تسريح لزوم شوفوني يا ناس السودان ,,
|
Post: #86
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-01-2007, 06:13 AM
Parent: #69
أخي العزيز عثمان !!!
معزتي ,,,
شكرا لعبورك المميز ودعني أختلف معك في بعض الأمور وأتفق معك في البعض الآخر ,, أولا حكاية دور الإعلام
هو فعلا جهاز في غرفة الإنعاش وفي حالة موت سريري والضرب على الميت حرام ولا يرجى منه فهل يا ترى
نجلس في بيوتنا وننتظر دور الإعلام ليعلمنا كيف نلبس وكيف نتصرف ؟؟ أم نستفيد من غيرنا ونترك العنجهية و حكاية نحنا السودانيين ونجنا السودانيين أما حكاية العنوان الصارخ أو الحاد واللي ما مفروض يجيب الجلطة دي فالحكاية فعل ورد فعل فما يدهشني ليس بالضرورة أن يدهش غيري فقد ترى أنت
مسألة السفنجة عادية أما أنا فأرى عكس ذلك خصوصا في بلد غريب يفترض أن أمثل فيه بلدي بصورة مشرفة
ثانيا حكاية النساء اللواتي يلبسن التوب السوداني فلا أعتقد أن هناك وجه شبه كبير بين السوداني
والموريتاني لدرجة تجعلني لا أعرف السودانية من الموريتانية إلا إذاكنت هندية مثلا عشان الهنود لا يفرقون بين السوداني والصومالي والموريتاني أما مسألة قبول الآخر لا أعرف من هو الآخر الذي تتحدث
عنه هل الشخص المبشتن أم الآخر الأجنبي ؟ فإذا كنت تقصد المبشتن فهذا يعني أن نسقط رسالتنا في الحياة ونقبل الجميع بعلاتهم ,, شكرا عثمان عبورك يفرحني
|
Post: #88
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-01-2007, 06:30 AM
Parent: #68
محمد الزين !!!
الولد الزين ,,,
شكرا على كلماتك الرقيقة رقة مشاعرك وأتمنى أن تكون دما معنا وربنا يسعدك ,,
|
Post: #90
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-01-2007, 06:40 AM
Parent: #67
ود محجوب !!!
معزتي ,,,
شكرا على مرور الأنيق على بوست قمة في البشتنة ,, أرجو يمتد فرحك حتى الجمعة القادمة فلكل حادثة
حديث .
|
Post: #72
Title: Re: يا ناس ألحقوني في واحدة جابت لي الجلطة !!!
Author: ismeil abbas
Date: 03-31-2007, 11:51 AM
Parent: #1
ألأخت /عواطف إدريس إسماعيل
السلام عليكم ..وكيف الحال معاك ...ولاترفعى ضغطك يا أخت الدنيا دى ما بتستاهل التعب ده كلو ولكن يكفى إتفشيتى فينا وفقعتى مرارتنا برضو الله إديك العافية..
الموضوع أساسآ برجع للتربية ياأختى...لو راجعتى كل التصرفات المثل دى تحصلى فى خلل فى إجتماعياتهم وتربيتهم...
تتخيلى أنا فى مكتب ساحى مره كا واحد لابس عراقى وسروال والعراقى لاصق على جسمه وما لابس فنلة داخليه.......تخيلى
ولكن ألمرأة فى رأى يجب أن تكون أكثر جمالآ ولياقة زمظهرآ من الرجل وعلى ألأثنين أن يعكسوا الوجه المشرق للسودان فى الخارج...
لكى التحية.................إسماعيل محمد أحمد عباس..............
|
Post: #89
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-01-2007, 06:36 AM
Parent: #72
ود عباس !!!
معزتي ,,
شكرا على مرورك الجميل ,, بتصدق في ناس كتار يتصلو ويقولو ليك معقول الكلام دة بيحصل في أبوظبي ؟
لو قلتي جدة معليش وكأن أبوظبي معصومة من الخطأ طبعا لا أعني المدينة ولكن الناس عشان كدة أود أن
أقول الناس أجناس وعاصمة كبيرة مثل أبوظبي أكيد بتكون لامة بس المهم كيف نعالج أخطاء من يمثلونا
سواء كانو في أبوظبي أو باريس ,, شكرا
|
Post: #75
Title: Re: يا ناس ألحقوني في واحدة جابت لي الجلطة !!!
Author: Salah Waspa
Date: 03-31-2007, 05:57 PM
Parent: #1
Quote:
وكلو واحد من الليلة يشوف واحد ولا واحدة مبشتنة طوالي يمشي عليها ويكلمها وزي
ما قال الفنان اللي بدو يصير يصير ولا شنو رايكم ؟؟
==================
حنتشـــرشــــححححح يا عواطــف صدقيني !!!!
انسـي حكاية تمشي تقولي لزول ولا زولة النصيحة دي لأنه النوعية دي أسأليني منها
أنـا انتي قايلة هم لبســوا كــده من شــوية .
تحيــاتي ،،،،
نصيحتي تنزلي السوبر ماركت ده وانت لابسـة زي الننجـا عشان ترتاحي من الهم ده .
صـــلاح واســبه
|
Post: #76
Title: Re: يا ناس ألحقوني في واحدة جابت لي الجلطة !!!
Author: رأفت ميلاد
Date: 03-31-2007, 08:35 PM
Parent: #75
كان أحسن من الوطنية والغيرة الأدبية تناقشيها وبعدين ما مسئوليتى
|
Post: #82
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-01-2007, 05:49 AM
Parent: #76
رييييييييييييري !!!
دة أسمو كلام دة !! شكلك كدة عايز تتخلص مني ,,, أفو يا ود القبايل يا سمح الخصايل ما كان العشم !!
|
Post: #83
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-01-2007, 05:52 AM
Parent: #75
صلاح !!!!
مودتي ,,,
والله عاد كلامك في محلو لكن بدل الننجا أخير ألبس المرة الوطواط ولا من شاف ولا من درى !!
|
Post: #77
Title: Re: يا ناس ألحقوني في واحدة جابت لي الجلطة !!!
Author: خالد العبيد
Date: 03-31-2007, 09:31 PM
Parent: #1
عطوفة
تحياتي
| Quote: سودانية لابسة توب بني وسفنجة خدرة وشراب أبيض |
ايه الهنا الانتو فيه ده!
احنا عندنا واحدات لابسات عينك ماتشوفش الا النور !!
لا مش النور حاجات تانية !!
تسلمي من الجلطة
تجي للعدو
مودتي
|
Post: #81
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-01-2007, 05:47 AM
Parent: #77
خلودي !!!
مودتي ,,,
تصدق البشتنة دي ليست في دول الخليج فقط ,, حتى في أوربا بشوف بعض السودانيات بلبسن لبس عجيب جدا
واحدات وكأنهن نايمات نومة أهل الكهف ملابسن من العصور الوسطى وهاك يا قشرة وقدلة لله في خلقه شئون
شكرا خالد مرورك يسعدني ,,
|
Post: #85
Title: Re: يا ناس ألحقوني في واحدة جابت لي الجلطة !!!
Author: مجاهد عبد الرحمن
Date: 04-01-2007, 06:09 AM
Parent: #81
العزيزة أم مجاهد
التحيات الطيبات
يا خي الزولة برضو ما قصرت
كونها تلبس شرابات دا والله إجتهاد كبير منها
لأنو شكلها كدا من النوع أبو ( سكاكات ... سكاكات دي حلوة مش ...ضحكتني شديد والله) وعراقيب وعصبات تقطع الـ....
في دي تستحق الإشادة
يعني لو جاتك بدون شراب كان يجيك ما هو أفظع من الجلطة
الحمد ربنا لطف
رعاك الله من شر السكاكات وأصحابها
مودتي
|
Post: #87
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-01-2007, 06:18 AM
Parent: #85
إبني الحبيب مجاهد !!!
ليك مدة ما بنت وين إنت ؟؟
ولكل مجتهد نصيب يا مجاهد إنت عارف السودانيات عندهن الإجتهاد الشديد البجيب نتايج عكسية في أغلب
الأحوال ,, وكمان جابت ليها سكاكات والله يا مجاهد بالغت عديل كدة يعني بشتنة وسكاكات دي مش تجيب
الجلطة دي تودي غرفة الإنعاش حقت ممكونة ,,
|
Post: #97
Title: Re: يا ناس ألحقوني في واحدة جابت لي الجلطة !!!
Author: salma subhi
Date: 04-01-2007, 07:06 AM
Parent: #87
عواطف العسل اذيك
والله يا عواطف...وصفك كان كافي ووافي ومنتظرين بس الحل الشافي
لكن تكلمي منو ولا منو يا عواطف ؟؟؟
مودتي
|
Post: #100
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-01-2007, 07:30 AM
Parent: #97
سلومة يا أحلى بلومة !!!
طبعا زمان البنات في الجامعة بسموهن البلوم !!!
مودتي يا غالية يا بنت الغالي ,,, شكرا يا عسوولة على مرورك الراقي ,, وفعلا نكلم منو ؟؟
|
Post: #101
Title: Re: يا ناس ألحقوني في واحدة جابت لي الجلطة !!!
Author: معاوية الطيب
Date: 04-01-2007, 08:52 AM
Parent: #1
الاستاذة عواطف
لك كل التحايا وانت تتناولى هذا الموضوع المهم
وباسلوبك الراقى الشيق ،،،
وارجو ان تتعرضى لاهمية اللبس والشكل فى المعاينات
الوظيفية والتى يفقد الكثيرين بسببها فرص هم اهل لها
من الناحية العلمية ......
كل الشكر والتقدير
|
Post: #102
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-01-2007, 10:20 AM
Parent: #101
الأخ عزيز معاوية !!!
مودتي ,,,
شكرا على مرورك الأنيق ,, في الحقيقة الحال من بعضو البكون مبشتن في الشارع بكون مبشتن
في الإنترفيو وهكذا دواليك ,, مشكور يا بعد عمري ,, كن معنا .
|
Post: #105
Title: Re: يا ناس ألحقوني في واحدة جابت لي الجلطة !!!
Author: bent-elassied
Date: 04-01-2007, 01:06 PM
Parent: #102
الحبيبه عواطف
دائما تختارين المواضيع الصعبه و المهمه
انا مع الاخت مني خوجلي
البهدله ممكن تكون مشتركه من الرجل و المراه
و ممكن يكون ناتج من الجوته التي يعيشها الشعب السوداني
من انهيار كثير من القيم و الوضع الاجتماعي و الاقتصادي المتدهور
تحليلي الشخصي يحمل عده اوجه
1- البلبله و المشاكل الاجتماعيه و الحاله النفسيه
2- كبت الحريات و عدم ممارسه الديمقراطيه في الداخل, يجعل البعض يمارس الفوضه و عدم الالتزام
بلياقه اللبس, عندما يكون في مجتمع اخر كمتنفس من حاله الكبت الذي كان يمارس في السودان تحت مثل بلدا ما بلدك امشي فيه عريان
( انا لا اويد ذلك لان خارج السودان نمثل بلدنا)
3- الخلط ما بين الحريه و و الالتزام الاجتماعيه, و التعليم من حيث الذوق و لا اعني التعليم الاكاديمي
4- من وجه نظري الخاصه, قد احترم اختيار الشخص لملابسه, دون ان اعير الذوق الاجتماعي كثير من الاهتمام, لان هذا يعكس شي من
شخصيه الانسان( اسلوب الارتداء والالوان) من الناحيه الانثربولوجيه. لكن في نفس الوقت لكل مكان مقال, واختيار املابس يكون
اعتمادا علي الوسط الاجتماعي.
5- الوعي الاجتماعي, مثلا في المجتمعات الاروبيه لكل انسان حريته في ما يرتديه, لكن هناك مناسبات و اماكن تلزم ارتداء اشياء معينه
باختصار حتي الحريه لها شروطها و حدودها الحمراء
6- المجتمع السوداني و ليس كل السودانين( اتكلم عامه), هناك مشكله النظافه و الذوق حتي في التعامل مع حياتنا المنزليه, الاهتمام
بالمرحاض و المطبخ ياتي بعد نظافه البيت( مع ان الامراض تاتي من المرحاض و اماكن الطبخ), و الاهتمام بالملابس الخروج اكثر من ملابس
المنزل(يعكس الاهتمام بالمظهر الخارجي من اجل الاخرين و ليس من اجل انفسنا)
و لك محبتي
|
Post: #109
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-02-2007, 05:33 AM
Parent: #105
الغالية مي !!!
معزتي ,,,
أشكرك على هذا التحليل العلمي الدقيق وهذا ما عهدناه فيك لا تلقين الكلام على عواهنه وإذا تحدثت
نجد أنفسنا نتابع باهتمام و نشوة ,, أؤيدك في مسألة الخطوط الحمراء في الحرية فحتى حرية اللبس لها
حدود ولكن هل من مجيب ؟ تصدقي يا مي أمبارح كان في أمسية شعرية لمحمود درويش في المسرح الوطني بأبوظبي ولو شفتي المسرح شكله كيف لا تستطيعي إلا أن تحترمي أهله الذين يؤمنو بمقولة أعطني مسرحا
أعطيك شعبا وبعدين ما تنسي إنه محمود درويش قامة من قامات الشعر العربي عشان كدة كل الناس جات
لابسة فل سوت ولكن للأسف الشديد والله على ما أقول شهيد إتنين من السودانيين حالتهم تغني عن سؤالهم
واحد لابس شبشب مقطع مع بنطلون قصير وقميص مبهدل وكم بي برة والتاني لابس جلابية قصيرة وبدون عمة وسروال أطول من الجلابية ولمن جا يطلع السلم رفع الجلابية فوق وخلى روحو بالسروال فقط وخلى اللي ما يشتري يتفرج والله يا مي اتمنيت لو الأرض إنشقت وبلعتني .
|
Post: #103
Title: Re: يا ناس ألحقوني في واحدة جابت لي الجلطة !!!
Author: سلمي النصري
Date: 04-01-2007, 12:32 PM
Parent: #1
سلام اختي عواطف
كتاباتك حلوه و اسلوبك جميل ..عارفه بتذكريني الونسه البنتونسها انا واختي لما كل واحده فينا تطلع تمشي مشوار ونرجع ونقعد نحكي لبعض ..حصل وحصل وشفته ولاقيت و و و
و خاصه بعد ان فرقنا الزمن في دول المهجر تكتر القصص والعجب العجاب.
تحياتي.
|
Post: #104
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-01-2007, 12:37 PM
Parent: #103
إن أنسى لا أنسى ذكراك يا سلمى ,, في وكرنا المهجور والصمت قد عم ,,
أختي الحبيبة مرورك يسعد القلب ,, أشكرك على السعادة التي تفضلت بها على وأنا في أمس الحاجة لها
ربنا يخليك ويخلي ليك أختك ويجمع شملكم يا رب !! معزتي ,,
|
Post: #107
Title: Re: يا ناس ألحقوني في واحدة جابت لي الجلطة !!!
Author: ابوبكر يوسف إبراهيم
Date: 04-01-2007, 01:30 PM
Parent: #104
الأخت الحبيبة عواطف
سلام على روحك النقية .. وإنشاءالله ينجلطوا البكرهوك
مرة من ذات المرارير كنت في ( مودنا) ولي صديق إيطالي ساخر صاحب مصنع رخام وسيراميك وصف لي ملابس ضيفه رجل الأعمال السوداني وهو سليل عائلة كبيرة ومشهورة في عالم الأعمال في الخرطوم:
( قرين سوكس ، بلاك إسليبرز ، رد نك تاي ، يلو شيرت ، جرين بانتلوني ، بلاك كوت .. بلياتشو .. بلياتشو!! آي نو ريسبكت !! .. أي إن سودان أي ريسبكت دريس أوول وايت !!)
منذ أيام الإنجليز وكان للسودانيين ذوق وأناقة في الملبس معهودة .. تدهورت الأحوال الإقتصادية وتدهور معاها الذوق العام .. نحن الشعب الوحيد الذي ينطق (بيج - بيجي).. رغم إحتكاكنا بشعوب متقدمة والسفر إلا أن القلة التي أتيحت لها هذه الفرص تأثرت .. الفضائيات تنقل دائماً أخبار الموضة للرجل والمرأة.. ماذا تلبس أقول لك ما هي ثقافتك أو هكذا يقول الفرنسيين.. الإيطالينيين أكثر الناس إبداعاً في مجال الفنون حتى مطار روما سموه بإسم ليوناردو دافنشي وهم أكثر إبداعاً في مجال الموضة.
يمكنني أن أكون مميزاً بإختيار ما يليق من الملبس ومن الألوان المتناسقة ليس بالضرورة أن تكون ماركات عالمية ولكن أن تكون فيها لمسة جمال وأناقة وذوق وتناسق.. يا عواطف ما تقلبي المواجع واحد من بني جلدتنا قاعد يقزقز تسالي في بريتش أيرويز من لندن لأمستردام ويتفل قشر اللب في الهوا وكانه قاعد وقاطع شعب في سينما كلوزيوم!!
الله يصلح الحال.. والله الإنسان السوداني مميز لو غعرف يسوق نفسو كويس.. نحن جماعة ( من حقر بي قليلو ضاع) .. القناعة كنز لا يفنى!!
|
Post: #110
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-02-2007, 05:47 AM
Parent: #107
أخي الشفيف أبوبكر !!!
معزتي ,,,
أولا أنا سعيدة بعودتك الميمونة التي تثري المنبر ثانيا يا عزيزي علينا أن نتحسر على أيامنا الخوالي أيام كان الناس يهتمون بملابسهم ونظافتهم أكثر من أكلهم وشربهم أما اليوم فقد حدث العكس وانقلبت الموازين البحث عن لقمة العيش جعلت الأناقة في ذيل القائمة هذا بالنسبة للموجودين في السودان أما الذين يعيشون في الخارج فلا عذر لهم وكمان بشتنتهم عينة ,,, تصور واحدة سودانية
جات تحضر مؤتمر المرأة الأخير في أبوظبي وهذا المؤتمر سنوي تنظمه الأسكوا وهي منظمة تابعة لهيئة
الأمم المتحدة لغربي آسيا ,, السودانية الناشطة في حقوق الإنسان قالت لي بتشتغلي وين ؟ قلت ليها في مجلة زهرة الخليج قالت لي دي تابعة للسعودية ؟؟ قلت ليها لا لأبوظبي والتابعة للسعودية ديك إسمها
سيدتي قالت لي آآآآآآآآآآآآي إتذكرتها دي كلها موضة وأزياء وكلام فارغ تصور هذا الكلام يصدر من واحدة جات تمثلنا قمت رديت عليها قلت ليها زهرة الخليج فيها 80 صفحة مواضيع إجتماعية وثقافية
وعلمية جادة وخمس أو ست صفحات عن الأزياء تجي تختصري كل هذا المجهود دة كلو بكلمة بكلام فارغ ؟ ثانيا الموضة ليها ناسها وهم الذين يهتمون بمظهرهم وجوهرهم مش زينا إحنا السودانيين نلبس ما يحلو لنا ونأكل ما يحلو للناس وبعد دة كلو عملت ليها لقاء في الزهرة مع بعض الحاضرات عشان ما تقول عندي عقدة لون .
|
Post: #106
Title: Re: يا ناس ألحقوني في واحدة جابت لي الجلطة !!!
Author: السمؤال بدرالدين
Date: 04-01-2007, 01:19 PM
Parent: #1
الجميلة عواطف
الليلة قلت الهبشت عواطف دي تكون ما نصيحة عشان كده اشتريت
حبل تيل تلاتة متر حتي فتحت البوست عشان الهبشت عواطفنا الجميلة
لازم تتكتف
تسلمي يا رائعة
|
Post: #108
Title: Re: يا ناس ألحقوني في واحدة جابت لي الجلطة !!!
Author: othman mohmmadien
Date: 04-01-2007, 05:21 PM
Parent: #106
Quote:
ثانيا حكاية النساء اللواتي يلبسن التوب السوداني فلا أعتقد أن هناك وجه شبه كبير بين السوداني
والموريتاني لدرجة تجعلني لا أعرف السودانية من الموريتانية إلا إذاكنت هندية مثلا عشان الهنود لا يفرقون بين السوداني والصومالي والموريتاني أما مسألة قبول الآخر لا أعرف من هو الآخر الذي تتحدث
عنه هل الشخص المبشتن أم الآخر الأجنبي ؟ فإذا كنت تقصد المبشتن فهذا يعني أن نسقط رسالتنا في الحياة ونقبل الجميع بعلاتهم ,, شكرا |
أختنا عواطف تحية من عند الله طيبة مباركة لك ،،،،
أشيد بطرحك لمواضيع في غاية الأهمية بأسلوب حذق أنيق جذاب ساحر يجذب الكل لقرائته ولا شك أن مسعاك لهذا الطرح معالجة لواقع إجتماعي تعاني منه مجتمعاتنا.
بالكاد في مجمل الحوار أعني مجمل النقاش والآراء المطروحة من جميع المتداخلين ولا أعنيك أنت صاحبة المقال.
وكما ذكرت لك نحن المعنيون بالأمر مجمله في عكس واقع يشرف بلادنا من حيث المظهر وسماحة الخلق والخلقة خاصة خارج بلادنا وبالكاد سوء المنظر ليس مقبولاً لدينا ، وذكرت لك ان الدولة جارة لنا ولليبيا ولا أغني غيرها ولا داعي لذكر المسميات
رأيت في مداخلة البعض شيئ من السخط تجاه الآخر وإظهار نوع من عدم القبول له أو التقزز وسيظل سؤالي في مكمنه إذا نشأنا نحن في نفس البيئة من الحرمان والفقر وعدم التعليم هل سنسلك نفس السلوك؟ وهل على اسوأ افتراض يمكننا أن نجد العذر لأمثالهن أو أمثالهم غذا قدرنا الواقع المعاش لدى تلك الفئات.
كما أنه يشكل نسيجنا السوداني مجتمع تعددي قائم على ثقافات متباينة ورؤى مختلفة ومتباينة "من قمة المدنية وإنسان الحضر وسلوكه الاجتماعي العالي إلى قبائل حتى يومنا هذا يمثل العري عندها أمراً عاديا".
من خلال ذلك يمكنني أن أدرك أن لقيمة أو فكرة أن( الآخر) خصوصية إنسانية وجوهرية بل سلوكية أكتسبها مما حوله ولا ينبغي ممارسة الإقصاء عليها فكرا وسلوكا أو حتى النفور منها أو التقزز منها، حتى لا تنزوي هذه الذات الفردية أو الجمعية في حالة الإقصاء او التهميش إلى ترددات عنفية طويلة الامد تشكل مع الآخرين رفضا مطلقا لمجرد أنهم أختلفوا عنه مظهرا وسلوكا أو شكلاً بالتالي قبولي للآخر وتواضعي معه يشكل مفتاح الحل للتلاقح والتأثير على الآخر حتى نسهم في نشر خصوصياتنا الاجتماعية والثقافية والانسانية ونشكل مجتمع أحادي المفهوم والسلوك ، يا أخوانا ويا أخواتنا هذا الاخر الذي يعيش الاحباطات المادية والوجودية لايسعه ان يفكر بشكله و زيه لان ذاته تعاني من ترسبات كثيرة ولا تخلو مجتمعات من هذه الفئات في كل الدول.
فالأمر لا يخلو من دعوتنا للتواصل مع الآخر وقبوله بعلته وعلله لأنه يؤدي دائماً إلي نتاج إيجابي وبالتالي دور الجاليات في بلاد المهجر يجب أن تتحكم في هذا الاتصال وتضع ضوابط عادلة لمسيرة عملها تراعي فيه الفوارق السياسية والاجتماعية والدينية لمجتمعنا السوداني،.
ذكر لي أخ عزيز أنه قام بدعوة أصدقاء صينيين يدرسون معه بالسويد، لم تلبى الدعوة إلا بعد أخذ الإذن من السفارة ومقابلة القنصل وإعطاء بعض الارشادات والتي مما لا شك اشارت لأشياء من ضمنها المظهر واللباقة فأين دور جالياتنا وسفاراتنا وتواصلها مع مواطنيها.
ولك تقديري واحترامي أختي الفاضلة عواطف ولكل الأخوة المتداخلون
وفي إنتظار المزيد منك،،،
مع إعتذاري إن أثقلت أو أسأت الظن فيك أوفي أي شخص آخر.
|
Post: #112
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-02-2007, 06:02 AM
Parent: #108
أخي الحبيب عثمان !!!
معزتي ,,,
أولا أنت لم تسيء الظن بأحد لذا أعتبر إعتذارك هنا نوعا من الإحساس المرهف والشفافية الصادقة التي
لا ترحم صاحبها فهي دوما تتحكم في سلوكه وتصرفاته فيكون أفرب الناس إلى الكمال لأن الكمال الكامل
لله وحده ومع ذلك عذر مقبول سلفا لأن حسن النية متوفر عندك وسمو المقصد يغفر لك أي هفوة تصدر عاجلا
أم آجلا فأنت اخ كريم ونحن بحاجة ماسة لرأيك ,, أشكرك على مداخلتك الجميلة فقد كفيت ووفيت .
|
Post: #111
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-02-2007, 05:50 AM
Parent: #106
ود بدر الدين الهادي الرزين !!!
معزتي ,,,
أنا لامن كتبت البوست دة عارقة وراي رجالة زيك ,, بس إنت خليك دايما جاهز وما تمشي بعيد عشان
لمن تسمع وا سمؤلالالالالالاه !!! تلبي النداء وتفتح المنبر فتحا مبينا ,, شكرا على مرورك الأنيق .
|
Post: #113
Title: Re: يا ناس ألحقوني في واحدة جابت لي الجلطة !!!
Author: ابوبكر يوسف إبراهيم
Date: 04-02-2007, 06:14 AM
Parent: #111
الأخت الحبيبة عواطف
تحية لك ولأبي مجاهد والأنجال
مشكلتنا يا سيدتي أننا نطلق الأحكام حتى قبل أن نطلع وهذا نوع من التسرع السالب.. نحن أفضل من يختزل الأشياء دون حتى أن نعرفها مع إدعائنا المعرفة.. المشكل الثاني أننا لا نحسن إختيار ممثلينا في المحافل الدولية ونغلب أهل الولاء على أهل العلم والخبرة والثقافة فتكون مشاركاتنا باهتة ولا تأثير يذكر لها. كنت أعمل في اليونيدو في السنوات ما قبل الأخيرة من عقد السبعينيات، وكم بكيت أن ضاعت فرصة حقيقية على الوطن وكان معظم الأسباب عدم وجود كوادرفنية وإدارية لإدارة العون والمساندة، وللإنصاف لم يكن السبب إفتقار الوطن لها بل لأنها شردت من مواقعها ليحل أهل الولاء أماكنهم وهذا قد فرغ الوطن من التكنوقراط واستفادت منهم دول أخرى.. الموارد البشرية المؤهلة هي عصب خطط التنمية والعقول المؤهلة والمبدعة والخلاقة أغلى رأسمال.. الحديث في هذا الموضوع ذو شجون
وكثيراً ما يصيبنا بالإحباط.. والله السودان بلد به عقول متميزة نفاخلر بها ولكن أفل نجمها في وطنها
وأشرقت شمسهم في بلاد أخرى أدركت قيمتهم المضافة!! أشكرك لإثارة موضوعات هي نقد الذات مباشرة وليتنا
نتعلم من التجارب فليس العيب أن نخطيء ولكن العيب أن نتمادى فيه!!
|
Post: #114
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-02-2007, 08:19 AM
Parent: #113
أخي العزيز د. يوسف
مودتي ,,
شكرا لمرورك الأنيق ألم أقل لك نحنا بحاجة ماسة لآرائك العلمية والثقافية التي تضفي نكهة خاصة
على البوستات ؟؟ كن معنا من أجل مجتمع صحي معافى مع كل التقدير والمحبة .
|
Post: #115
Title: Re: يا ناس ألحقوني في واحدة جابت لي الجلطة !!!
Author: كمال الدين بخيت اسماعيل
Date: 04-02-2007, 09:29 AM
Parent: #1
الاخت العزيزة عواطف
واقع محزن صعب تغيره والامل في الجيل الجديد معدوم
|
Post: #116
Title: Re: يا ناس ألحقوني في واحدة جابت لي الجلطة !!!
Author: كمال الدين بخيت اسماعيل
Date: 04-02-2007, 09:33 AM
Parent: #1
الاخت العزيزة عواطف
واقع محزن صعب تغيره والامل في الجيل الجديد معدوم
|
Post: #117
Title: Re: يا ناس ألحقوني في واحدة جابت لي الجلطة !!!
Author: فاروق حامد محمد
Date: 04-02-2007, 11:06 AM
Parent: #116
Quote: أنا مرة - بعيد عنك- شُفت واحدة مشلٌخة..
لابسة إسكيرت جينز و تي شيرت..!!!! |
ياخي دي وين يا ممكونة ....؟؟
تصدقي نفسي يكون عندي جكسوية مشلخة !!!!!
ـــــــــــــ
عواطف نسيتي النسوان الشغالات في المكاتب !!!!!!!!!!!
|
Post: #119
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-03-2007, 11:01 AM
Parent: #117
روءة العزيز !!!
مودتي ,,,
يعني خلاص كملت الجكسويات الاستايل وبقيت على المشلخات الله يجازي محنك , الموظفات ديل خليهم عايزين
بوست لحالو ,,, معزتي ,,,
|
Post: #118
Title: Re: يا ناس ألحقوني في واحدة جابت لي الجلطة !!!
Author: عواطف ادريس اسماعيل
Date: 04-03-2007, 10:52 AM
Parent: #116
كيمو العزيز !!!
معزتي ,,,
وأي حزن ؟؟ والله كلمة محزن صارت شوية على هذا الواقع ربنا يجيب العواقب سليمة ,, شكرا على العبور .
|
|