Post: #1 Title: لاح لي من صعيد برقاً كتم تعّالو Author: سمية الحسن طلحة Date: 01-06-2007, 07:45 AM Parent: #0
يهتم الناس دوما بالخؤولة فى بحثهم عن الأصل وهناك قول متوارث (سمّح الخال وشوف الجنس كان يبقى بطال ) حقا أن كلام الأعراب مبارى للكتاب...وهذا القول يوافق الحديث (( إياكم وخضراء الدمن...)) إذن لاتسل عن البنت بل عن أخوان أمها.
لاح لي من صعـيد برقـاً كـتــم تعّـالو ذكـّرني بسمة الزول الجميـلة خـصـالو حـرّق للقليــب وزاد في التولـِّع نـارو ســهّــر للعـيـون الدّمعهـن ســـــحّــالو فـتــّـق للجـروح خــلاها دم نـازفــالو ياأم وشــّـاً يفـوق بدر التـمام في كمالو ياأم أدبــاً رفـيـــع إنتِّ الجمال خاتـمالو ياأم لفـظاً حَـسِيـن إنتِّ الشُـــكـُر حـاقـّــالو ياالخالك بـشِـد فـوق النصيـح شــــوتـالو ياالخالك يكيل العـين ويـفـيـض مكـيـــالو يا الخـالك لـزوم حـملا ً تقـيـل شـــيّـالو يا الخالك خليفـة الدِّيـمة سـمحـة فـعــالو أ ب ضيـفـاً مبـطـّر ومومغـبـّن جــــــارو لي ضيـف الهجوع دايماً بتوقـد نــــــارو بي خُـلقـه السّـمح فايـت مسافة أجـيـــالو أبواتــك مكـوكاً في المحاصـات جـــــالو أخوانــك تـلـوب من الكعـب يـتـضّـــــارو خايـفـيـن من كلاماً عـُقـبـُه قـلنـا وقـــالو أمـّاتـك أصـم مـن الـشّـجـيع في نـزالـــو خـالاتـك صنـفهـن معدوم مافـي مثــــالو أخواتك ملكات جـمال الوادي المخدِّر نــــالو أنا بتمنى للمهــر الأصـيـل خـيّــــــا لـو بتمنـالو فـارســــاً يكـون مأصّــل خـــالو ولـــو كــان الـمـراد المولـى ما تمّالـو تدوم ليك السعادة في ضـل أبـوك الرهين مقيالو
سمية الحسن محمد طلحة
الصفحة الاولي
Post: #2 Title: Re: لاح لي من صعيد برقاً كتم تعّالو Author: نصار Date: 01-06-2007, 08:00 AM Parent: #1
الله يتم المراد فالوالد عزيز لكن ليهو مكانته الما بتتسده و للزوج مكانته كمان
Post: #5 Title: Re: لاح لي من صعيد برقاً كتم تعّالو Author: سمية الحسن طلحة Date: 01-06-2007, 08:44 AM Parent: #2
Quote: الله يتم المراد فالوالد عزيز لكن ليهو مكانته الما بتتسده و للزوج مكانته كمان
العزير نصار لن أنس إنك أول من دخل علينا تحت البروق فى العام الجديد كلامك عديل ويوزن بموازين الدهب ،إنشاء الله تلقى مرادك ويعجزو طرادك كل الشكر و كل عام وأنت بخير
Post: #3 Title: Re: لاح لي من صعيد برقاً كتم تعّالو Author: عاطف عمر Date: 01-06-2007, 08:16 AM Parent: #1
سلامات يا سمية
كثيراً ما تستوقفني في دروب الحياة تلك العلاقة المتميزة بين الإبن وأخواله . أو أحدهم . تنحو في أوقات كثيرة منحى الصداقة غض النظر عن فارق العمر بينهما . تغذيها تلك الحنية الفطرية المستمدة من أصل العلاقة بينهما ( الأم - الأخت ) . وهي في ذلك تختلف نوعاً- دون أن أقع في فخ التعميم غير الدقيق - عن علاقة الإبن بأعمامه إذ تميل للرسميات في كثير من جوانبها. على كل ورغم القناعة أن العلاقات الإجتماعية كيمياء معقدة يصعب الوصول لقاعدة عامة تحكم تفاعلاتها ، إلا أن الخال يظل نسمة حنينة يشتاقها كل من أكرمه الله بتذوقها .
القصيدة جميلة
Post: #6 Title: Re: لاح لي من صعيد برقاً كتم تعّالو Author: سمية الحسن طلحة Date: 01-06-2007, 09:04 AM
مرحباً عاطف عمر ربنا يحفظ صاحب الصورة دى وبسمتو وعويناتو زى ( الحلة البعيييدة)ماشاءالله كلام جميل ومنطقى حيث أن الأم حنونة وتزرع هذه الحنية فى الأبناء تجاه أخوتها تلقائيا وعن غير قصد لأنها نشأت هنا وتجد نفسها هنا .
Quote: على كل ورغم القناعة أن العلاقات الإجتماعية كيمياء معقدة يصعب الوصول لقاعدة عامة تحكم تفاعلاتها ، إلا أن الخال يظل نسمة حنينة يشتاقها كل من أكرمه الله بتذوقها .
وكمان كلام علمي100% وأبعد من ذلك أثبت العلم أن كل الصفات الوراثية تكون من هنا وهناك ماعدا (( الذكاء والغباء )) فهو يورث من الأم. لك التحية والشكر على هذا المرور الثر.
Post: #7 Title: Re: لاح لي من صعيد برقاً كتم تعّالو Author: nazar hussien Date: 01-06-2007, 09:11 AM
Quote: لاح لي من صعـيد برقاً كـتـم تعّـالو ذكـّرني بسمة الزول الجميلة خصـالو حـرّق للقليــب وزاد في التولـِّع نـارو
ما لافيتو غضبانا مقنع حالو والسما كان عكر يوت الارض تصفالو باسم وهاش وباش خلقه ومشابه خالو وايدينو اتنين يمين ومخجلات لي شمالو
( ان اجيزت حا نواصل
الأخ نزار حسين ما أجمل كل عبارة كتبتها هنا! أعتبر نفسى موفورة الحظ لوجودك بيننا ( باسم هاش وباش خلقه ومشابه خالو ) حقا لا أجد تعبيرا يليق بهذا الجمال لك الشكر ونرجو أن لا تحرمنامن هذا العطاء.
Post: #4 Title: Re: لاح لي من صعيد برقاً كتم تعّالو Author: فاروق حامد محمد Date: 01-06-2007, 08:25 AM Parent: #1
بت القبايل سمية والله أبوك سمحة خصالو
وخيلانك ناس عداااااااااال تب أبد مامالو
بت طلحة فاتت بالكرم حروم الفريق ورجالو
تقيلك كان شالوه ناس حاتم كان ضهورن مالو
Post: #8 Title: Re: لاح لي من صعيد برقاً كتم تعّالو Author: سمية الحسن طلحة Date: 01-06-2007, 09:18 AM Parent: #4
Quote: القبايل سمية والله أبوك سمحة خصالو
وخيلانك ناس عداااااااااال تب أبد مامالو
بت طلحة فاتت بالكرم حروم الفريق ورجالو
تقيلك كان شالوه ناس حاتم كان ضهورن مالو
الفاروق الأصم مابسمع كلام ناس قالو ان دخل المحاص منو البخود فى مجالو عـزيز النسـب كريمة تـب أنســـالو من فيض الكرم ملانـة ديـمة رحـالــو
Post: #9 Title: Re: لاح لي من صعيد برقاً كتم تعّالو Author: فاروق حامد محمد Date: 01-06-2007, 10:10 AM Parent: #8
بت القبايل الشيخة بت الشيوخ
سمية بت طلحة ...
النخلص الترجمة الفي أيدي مستعجلين عليها
وبجيك صادي ....
أخوك/فاروق النار
Post: #10 Title: Re: لاح لي من صعيد برقاً كتم تعّالو Author: عفاف أبو حريرة Date: 01-06-2007, 11:17 AM Parent: #9
ياالابواتك دوام بحلو لى العوجات0 من دخلت المنبر وانا بتلمس كلام اوصفك بيه لكن تستحى الكلمات وتستعصى الحروف 0 وانت قلتى والانا نفسى اقولو000 والقصيده الكتبتيها اكان فى زول الكلام ده حقو وهولو هو انت يابت العزاز انسابن 00000000000000000
Post: #13 Title: Re: لاح لي من صعيد برقاً كتم تعّالو Author: سمية الحسن طلحة Date: 01-06-2007, 08:08 PM Parent: #10
Quote: ياالابواتك دوام بحلو لى العوجات0 من دخلت المنبر وانا بتلمس كلام اوصفك بيه لكن تستحى الكلمات وتستعصى الحروف 0 وانت قلتى والانا نفسى اقولو000 والقصيده الكتبتيها اكان فى زول الكلام ده حقو وهولو هو انت يابت العزاز انسابن
اختى أم أحمد وضعت كلماتك أمامى وجلست أتأملها لم أستطع أن أقتطع منها كلمة نقلتها كما هى لأنها أجبرتنى على ذلك ...لأنها صادقة...لأنها جعلتنى أحس بها...وجدت فيها مذاقا خاصا وطعم لايعرفه غيرى وكأنى لأول مرة أقرأ تعبيرا كهذا
لك التحيةأيتها الوفية
Post: #12 Title: Re: لاح لي من صعيد برقاً كتم تعّالو Author: سمية الحسن طلحة Date: 01-06-2007, 07:53 PM Parent: #9
Post: #15 Title: Re: لاح لي من صعيد برقاً كتم تعّالو Author: Eng. Mohammed al sayed Date: 01-06-2007, 09:14 PM Parent: #1
من تبت وقمت تابع أثر خيلاني وبتذكر كمان حكوات تزيد فى حنانى فرس جدى يوم طال قدم عثمانى ماتنحنح وما نط التقول الجاني عدم الصيحة- قال كتر احتراموا حماني
.................................................................................. عندما كنت صغير كنت أقص لخالى أظافر رجليه (نسبة لإصابته بشلل مؤقت),وجدت أثر عميق في طرف أكبر ظفر,سألته. رد: أن فرس والده (محمد عبد الرحمن السنجك) إعتلي مقدمة رجله,فلم يشأ أن يحركها حتى لايزعج جدى -إحتراما- لك الرحمة ياخالي عثمان محمد عبد الرحمن,وقد عشت محترما من الكل كما إحترمت السابقين
....... هيجت في الذكريات أختى سمية
Post: #24 Title: Re: لاح لي من صعيد برقاً كتم تعّالو Author: سمية الحسن طلحة Date: 01-08-2007, 11:08 PM Parent: #15
Quote: من تبت وقمت تابع أثر خيلاني وبتذكر كمان حكوات تزيد فى حنانى فرس جدى يوم طال قدم عثمانى ماتنحنح وما نط التقول الجاني عدم الصيحة- قال كتر احتراموا حماني
.................................................................................. عندما كنت صغير كنت أقص لخالى أظافر رجليه (نسبة لإصابته بشلل مؤقت),وجدت أثر عميق في طرف أكبر ظفر,سألته. رد: أن فرس والده (محمد عبد الرحمن السنجك) إعتلي مقدمة رجله,فلم يشأ أن يحركها حتى لايزعج جدى -إحتراما- لك الرحمة ياخالي عثمان محمد عبد الرحمن,وقد عشت محترما من الكل كما إحترمت السابقين
....... هيجت في الذكريات أختى سمية
هذه السطور القلائل... وقفت عندها كثيرا لأنها مفعمة بكل المعانى الراقية فى فن التعامل وتصلح لأن تكون رواية تحكى كيف يكون العظماء لك التحية أخى محمد السيد وفعلا (( الجنا خال )).
Post: #16 Title: Re: لاح لي من صعيد برقاً كتم تعّالو Author: نصار Date: 01-06-2007, 09:22 PM Parent: #1
العزيزة بت الحسن ود طلحة
لامثالك تشق العتامير و تركب المخاطر و البصلكم رابح
Quote: إنشاء الله تلقى مرادك ويعجزو طرادك
يا الله علي الدعوات الصادقة لمان تصدر من قلب محب لاهله و كل الانسانية و الله اني بحاجة لها فمنكم الدعاء و من الله القبول باذنه تعالي و فضله
Post: #17 Title: Re: لاح لي من صعيد برقاً كتم تعّالو Author: ابو جهينة Date: 01-07-2007, 08:51 AM Parent: #16
سمية
سلام كبير
هذا النضمي السمح أثار في نفسي الكثير من الشجون .. خصوصاً أن ( خالاً ) لي كان مثار فخر للأسرة ( رحمه الله ) تذكرته و أنا أتابع بإنبهار هذا الدفْق العطر.
Quote: لاح لي من صعـيد برقاً كـتـم تعّـالو ذكـّرني بسمة الزول الجميلة خصـالو حـرّق للقليــب وزاد في التولـِّع نـارو
دي زى رمية شعراء المعلقات حين يتغنون بالحبيبة و الأطلال قبل الدخول في معترك القصيد
ثم نأتي إلى هذا الفخر السيال المنهمر :
فـتــّـق للجـروح خــلاها دم نـازفــالو
ياالخالك بـشِـد فـوق النصيـح شــــوتــالو
هييييع
ياالخالك يكيل العـين ويـفـيـض مكـيــــالو
يا الخـالك لـزوم حـملا ً تقـيـل شــــيّــالو
يا الخالك خليفـة الدِّيـمة سـمحـة فـعـــــالو
أ ب ضيـفـاً مبـطـّر ومومغـبـّن جــــــارو
لي ضيـف الهجوع دايماً بتوقـد نــــــارو بي خُـلقـه السّـمح فايـت مسافة أجـيـــــالو
تمام التمام
أبواتــك مكـوكاً في المحاصـات جـــــالو
أخوانــك تـلـوب من الكعـب يـتـضّـــــارو
خايـفـيـن من كــلاماً عـُقـبـُه قـلنــا وقـــالو
يقال يا سمية أن الزوج دائماً ما يحمل من نسابته أهل زوجته بعض الصفات ، و هو حبل سري يمتد من القسمة حتى النصيب.
أمـّاتـك أصـم مـن الـشّـجـيع في نــزالـــو
خـالاتـك صنـفهــن معدوم مافـي مثــــالو
أخواتك ملكات جـمال الوادي المخدِّر نـــــالو
يا سلام
أنا بـتـمنى للمهــر الأصـيـل خـيّـــــــا لـو
بتمنـالو فـارســــاً يكـون مأصّــل خــــــالو
ولـــو كــان الـمـراد المـولـى مــا تـمـّالـو
تدوم ليك السعادة في ضل أبوك الرهين مقيالو
تدومي أنت طيبة
Post: #18 Title: Re: لاح لي من صعيد برقاً كتم تعّالو Author: nazar hussien Date: 01-07-2007, 09:01 AM Parent: #17
Quote: الأخ نزار حسين ما أجمل كل عبارة كتبتها هنا! أعتبر نفسى موفورة الحظ لوجودك بيننا ( باسم هاش وباش خلقه ومشابه خالو ) حقا لا أجد تعبيرا يليق بهذا الجمال لك الشكر ونرجو أن لا تحرمنامن هذا العطاء.
ودي شهادة من بت شيوخ راضعة وربيانة بي لبن القريض....سأعتز بها ايما اعزاز
فما أنا الا حتة نجار....تحرضه البيوت المشرعة وفسيحة وحلوة...ووبنقط من خشبها العسل
Post: #19 Title: Re: لاح لي من صعيد برقاً كتم تعّالو Author: عفاف أبو حريرة Date: 01-07-2007, 01:55 PM Parent: #18
يا سميه في معيتك دايما بتكون صفوة الاخيار عشان قولك قول اصيلةًًًً وراها رجال ،اصالتك من ابوك لجدودك ومتوجاها امك بفراسه الخال . الشاركوك كلهم شيوخ عرب ، يا عز شيوخ العرب .
ام احمد
Post: #20 Title: Re: لاح لي من صعيد برقاً كتم تعّالو Author: khalid almohrib Date: 01-08-2007, 12:52 PM Parent: #19
بت الحسن صاعقة النجم البحمى الشهاده والنضم00 والله يابت طلحه غنا ودالبنا بلحيل بعجبنى هاك دى0 0 نحن نفسنا ماندرعه المابيها ونحن اولاد معزه صحيح والاود جيهه نحن بندفع العاتى البشق التيه ونحن عقورنا لى حل القواسى نبيه نحن ولدن ميه بسوكه مو ميحيق ونحن الضاربو شوتال الفقر لى رفيق نحن اللى البخيل والله مابنطيق نحن عرضنا جا فايت العشارى ابوزيق
نحن مندرين فى تحلحل المعقود نحن بندفع الشنق العواتى القود ونحن مجربين يوم الكتال يوم عيدنا مابنخاف البرا الخالقنا ربنا سيدنا الجماعه دفروا البوست زى الشيخ عبدالباقى يصبح هناك من رفاقتو قتا اجيبو راجع تحياتى
Post: #21 Title: Re: لاح لي من صعيد برقاً كتم تعّالو Author: Ahmed Yousif Abu Harira Date: 01-08-2007, 01:23 PM Parent: #20
يا سمية وفاروق وأبوبكر وشيقوق ومنصور المفتاح وشنتير وقيسان ونور الهادي واحمد حماد إدريس والجميع بلا فرز
آآآناس ودالمحرب ده عندو خيمة "رثاء" منصوبة ليها كم يوم بإسم (الزارعنا غير الله الليجي يقلعنا)... ادخلو عليها آآ جماعه وجاملوه ...الزول زولكم... والمجاملة للحي ...والحي أبقى من الميت.. أنا غايتو وصلتو وقيدت (قدحي) مع العذر...
لكن الزول زعلان طاااب وقاعد براهو وخيمتو الهوا يلولوح فيها ذات اليمين وذات الشمال ...والدنيا صقط دحين ألحقوه...عشان أكان قدر لامن رفع الفراش الوصلة تاني بتبقالكم صعبه ...
وما على الرسول إلا البلاغ
Post: #22 Title: Re: لاح لي من صعيد برقاً كتم تعّالو Author: khalid almohrib Date: 01-08-2007, 10:05 PM Parent: #21
احمد ولدى جزاك الله خير ماقصرت قدحك وصل وبرجع ليك فى محل الفراش بى هناك لكن داير اوجه اللوم لى سميه وراجع 00000
Post: #31 Title: Re: لاح لي من صعيد برقاً كتم تعّالو Author: سمية الحسن طلحة Date: 01-09-2007, 00:18 AM Parent: #21
Quote: آآآناس ودالمحرب ده عندو خيمة "رثاء" منصوبة ليها كم يوم بإسم (الزارعنا غير الله الليجي يقلعنا)... ادخلو عليها آآ جماعه وجاملوه ...الزول زولكم... والمجاملة للحي ...والحي أبقى من الميت.. أنا غايتو وصلتو وقيدت (قدحي) مع العذر...
حمد يوسف أبوحريرة أبـشـر.
Post: #30 Title: Re: لاح لي من صعيد برقاً كتم تعّالو Author: سمية الحسن طلحة Date: 01-09-2007, 00:05 AM Parent: #20
Quote: نحن مندرين فى تحلحل المعقود نحن بندفع الشنق العواتى القود ونحن مجربين يوم الكتال يوم عيدنا مابنخاف البرا الخالقنا ربنا سيدنا
ياالله ياخالد أنا الكلام ده بتعبنى بالحيل وهسع ما بقدر أعقب طلتك لها طعم خاص... لك معزتى
Post: #29 Title: Re: لاح لي من صعيد برقاً كتم تعّالو Author: سمية الحسن طلحة Date: 01-08-2007, 11:55 PM Parent: #19
أختى عفاف أم أحمد ياخيرة ياصافية
جعلنا الله وإياكم فى معية الأبرار كونى معنا دوما فلن نكون بدونكم سعداء لك وللأسرة أعذب التحايا.
Post: #28 Title: Re: لاح لي من صعيد برقاً كتم تعّالو Author: سمية الحسن طلحة Date: 01-08-2007, 11:46 PM Parent: #18
Quote: ودي شهادة من بت شيوخ راضعة وربيانة بي لبن القريض....سأعتز بها ايما اعزاز
فما أنا الا حتة نجار....تحرضه البيوت المشرعة وفسيحة وحلوة...ووبنقط من خشبها العسل
وماهذا إلا تواضع العلماء أخى نزار
Quote: ...ووبنقط من خشبها العسل·
ده كلام أحلى من العسل ولايصوغه إلا مهندس بارع لك التحية مثنى وثلاث ورباع.
Post: #27 Title: Re: لاح لي من صعيد برقاً كتم تعّالو Author: سمية الحسن طلحة Date: 01-08-2007, 11:35 PM Parent: #17
Quote: هذا النضمي السمح أثار في نفسي الكثير من الشجون .. خصوصاً أن ( خالاً ) لي كان مثار فخر للأسرة ( رحمه الله ) تذكرته و أنا أتابع بإنبهار هذا الدفْق العطر.
أبوجهينة مرحبتين حبابك فتحت شهيتنا للنضمى بتحليلك السمح ده متل قصيصا مفصل ومنضوم فى رقيبة الصيدة أنت مثار لفخرنا لوجودك معنا هنا كما كان خالك( رحمه الله) مصدر فخر...فما مات من ترك خلفه أمثألك . لك كل الود
Post: #25 Title: Re: لاح لي من صعيد برقاً كتم تعّالو Author: سمية الحسن طلحة Date: 01-08-2007, 11:16 PM Parent: #16
Quote: يا الله علي الدعوات الصادقة لمان تصدر من قلب محب لاهله و كل الانسانية و الله اني بحاجة لها فمنكم الدعاء و من الله القبول باذنه تعالي و فضله
ووالله من يومها يانصار وكل يوم بدعو ليك بالخير لك التحية والإحترام.
Post: #26 Title: Re: لاح لي من صعيد برقاً كتم تعّالو Author: Abdelmuhsin Said Date: 01-08-2007, 11:23 PM Parent: #1
Quote: سمية
سلام كبير
هذا النضمي السمح أثار في نفسي الكثير من الشجون ..
Post: #32 Title: Re: لاح لي من صعيد برقاً كتم تعّالو Author: munswor almophtah Date: 01-09-2007, 00:25 AM Parent: #26
وقديما قال والذى أظنه جرير للفرزق
يا إبن المراغة أين خالك إننى
خالى حبيش ذو الفعال الأفضل
كلام سمح خيلانك بضموك وأعمامك بضاروك( من الضرا)
وخالص السلام لكم أجمعين
منصور
Post: #36 Title: Re: لاح لي من صعيد برقاً كتم تعّالو Author: سمية الحسن طلحة Date: 01-10-2007, 07:18 AM Parent: #32
الأخ الكريم منصور التحية لك أيها الوارف دعنا نتـفيأ ظلالك دوماً فحديثك مدعاة لإطلاق الأعنة ويقينى إنك كريم ولا أجد ما أعبر به سوى قول منصور النمري للرشيد:ـ
خليـفـة الله إن الجود أودية أحلك الله منها حيث تجتمع إن أخلف الغيث لم تخلف أنامله أو ضاق أمر ذكرناه فيتسع
سمية الحسن طلحة
Post: #33 Title: Re: لاح لي من صعيد برقاً كتم تعّالو Author: سمية الحسن طلحة Date: 01-09-2007, 00:33 AM Parent: #26
Quote: : سمية
سلام كبير
هذا النضمي السمح أثار في نفسي الكثير من الشجون
الله يسلمك ياعبد المحسن هلا تكرمت بأن تبث لنا شيئاً من هذه الشجون هنا؟ فصاحب العشق القديم مشوق حين يلقى العاشقين ننتظر عودتك.
Post: #34 Title: Re: لاح لي من صعيد برقاً كتم تعّالو Author: Abdelmuhsin Said Date: 01-09-2007, 04:32 AM Parent: #1
حب جديد يهز أعماقي.........أزاد لهفتي وزاد أشتياقي أليس الذي يوما قابلته.........أم أنه أثر من الجرح باقي؟؟ ومر دهر ولم تكفني نظراتها..........خفت الحديث فخفت أخفاقي وتركتها تجوب كل أحلامي......تضيء قلبي وتنير أنفاقي وظللت من كثر الخجل مكبل.......ومن الخوف حاجزا لي عاق وخلعت ثوب الجبن للحظة.......وقررت أن أكون لها ملاقي أخبرها عما يكن في خاطري......وأصف لها حبي وأشواقي وطلبت منها الحديث لبرهة.........فما شاهدت منها سوي فراقي فأرتسمت علي وجهي بسمة........وسؤالا يدق في أعماقي لما رحلت وتركتني هكذا........ولكني منحتها من اشفاقي لعل الخجل كان دافعا........جعلها تمضي مسرعة كبراق وفعلت أنا بمثل ما فعلت.......واحتبست دموعي في أحداقي وأدركت بأن النهاية قد حنت.......وأن القلوب بعيده الوفاق وتركت الحديث معها للقدر.......وعلقت صورتها في أطواقي وحفرت أسمها في ذاكرتي......وعلقت( سينها)في أعناقي
Post: #37 Title: Re: لاح لي من صعيد برقاً كتم تعّالو Author: سمية الحسن طلحة Date: 01-10-2007, 07:25 AM Parent: #34
الأخ / عبدالمحسن
كلام دافىء حنين وحزين فى آن واحد...وهو تجسيد لقول نزار قبانى : أن الحب هو الإبحار دون سفينة وشعور أن الوصول محال واضح إنها مابت خالك ولا أنت إبن خالها ... ولا مش كده؟ خيرها فى غيرها ياسيدى والشيخ فرح ود تكتوك قال:ـ الجايات أكثر من الرايحات. لك التحية. سمية الحسن طلحة
Post: #35 Title: Re: لاح لي من صعيد برقاً كتم تعّالو Author: abubakr Date: 01-09-2007, 06:39 AM Parent: #1
ما عارف كيف البوست دة فاتني من الاول ...؟ ده ركن الشعراء في سوق عكاظ ما باقي الا تابط شرا (بالمناسبة الاسم عاجبني من اول يوم سمعت عنو في حصة العربي وتهيالي ان شاعرا ماكن ) والنابغة الذبياني ( ودة كمان اسمو عاجبني ) .. وبيني وبينكم لو الزمن غير الزمن اكيد ملكة الدوبيت ,وام احمد و ابوحريرة وعبد المحسن وشيخ العرب المحرب وصحيبي الفاروق وقريبي ابوجهينة كانو حيكونو اصحاب السوق ..بس مشكلة واحدة هو بن عمي ابوجهينة دة هل كان حيكون تبع العراريب ام الاحباش والنوبة في السوق بيبيعو الاسود والنمور والفيلة ( امل ان ي تشفع له كنيته فهو اختار ان تكون كنيته ابو كل العراريب الاتجهو شمالا الي العراق وغربا الي جنوب مصر والسودان ... اما نور الهدي فاكيد بيكون عامل دار نشر و فارش رسوماتو علي جلد الغزلان وبيكتب للشعراء قصائدهم عليها كمان (ما الجلد كان الورق ) اما عاطف ومنصور ومحمد ونزار ونصار وانا كنا حنبقي في قيادة الجماهيير- نحضر بلوشي لانو انتو اصحابنا- واكيد الحضور كان حيتجاوز بكتير حفلات نانسي عجرم وبيونسي ...
Post: #38 Title: Re: لاح لي من صعيد برقاً كتم تعّالو Author: سمية الحسن طلحة Date: 01-10-2007, 08:34 AM Parent: #35
Quote: ما عارف كيف البوست دة فاتني من الاول ...؟ ده ركن الشعراء في سوق عكاظ ما باقي الا تابط شرا (بالمناسبة الاسم عاجبني من اول يوم سمعت عنو في حصة العربي وتهيالي ان شاعرا ماكن ) والنابغة الذبياني ( ودة كمان اسمو عاجبني ) .. وبيني وبينكم لو الزمن غير الزمن اكيد ملكة الدوبيت ,وام احمد و ابوحريرة وعبد المحسن وشيخ العرب المحرب وصحيبي الفاروق وقريبي ابوجهينة كانو حيكونو اصحاب السوق ..بس مشكلة واحدة هو بن عمي ابوجهينة دة هل كان حيكون تبع العراريب ام الاحباش والنوبة في السوق بيبيعو الاسود والنمور والفيلة ( امل ان ي تشفع له كنيته فهو اختار ان تكون كنيته ابو كل العراريب الاتجهو شمالا الي العراق وغربا الي جنوب مصر والسودان ... اما نور الهدي فاكيد بيكون عامل دار نشر و فارش رسوماتو علي جلد الغزلان وبيكتب للشعراء قصائدهم عليها كمان (ما الجلد كان الورق ) اما عاطف ومنصور ومحمد ونزار ونصار وانا كنا حنبقي في قيادة الجماهيير- نحضر بلوشي لانو انتو اصحابنا- واكيد الحضور كان حيتجاوز بكتير حفلات نانسي عجرم وبيونسي ...
أبوبكر سلام وتحية وإحترام أمابعد فقد تقرر تسمية هذا الركن ركن (عكاز) دلالة على الهمبتة تأخرت استبقى الحياة فلم أجد لنفسى حياة مثل أن اتقدما فلسنا على الأعقاب تدمى كلومنا ولكن على أقدامنا تقطر الدما ولما رأيت الود ليس بنافع عمدت الى الأمر الذى كان أحزما ثانيا: تأبط شرأ ده من جماعتنا وهو كبيرنا الذى علمنا السحر ( ده أكبر همباتى ) وكمان الشنفرة وعروة بن الورد
Quote: بس مشكلة واحدة هو بن عمي ابوجهينة دة هل كان حيكون تبع العراريب ام الاحباش والنوبة
أرفعوا إيدكم منو الزول بقى زولنا ومننا وفيناوأقول لكم على لسانه ماقاله الشنفرى لعشيرته مفارقاّ إياهم:ـ أقيموا بنى أمى صدور مطيكم فإنى أرى نفسى الى قوم سواكم لأميل فقد حمت الحاجات والليل مقمر وشدت لطيات المطايا وأرحل وفى الأرض منأى للكريم عن الأذى وفيها لمن خاف الغلى متعزل لعمرك مافى الأرض ضيق على امرىء سرى راغباً أو راهباً وهو يعقل هم الأهل لامستودع السر ذائع لديهم ولا الجانى بما جر يخذل
اها يا قريبي سميت نفسك ابو جهينة طلعو العراريب تبعوك ليهم !! بختك ات بس لم النحاس المضيعنو في الدق ونسافر بيهم سوا الي سوق العتبة ونطلع لينا جنيهات زي ما كنا بنعمل مع طشت الغسيل ...النحاس دة مهم اقتصاديا عندنا وعندهم واقعيين فيه ضرب...
Quote: فقد تقرر تسمية هذا الركن ركن (عكاز) دلالة على الهمبتة
يعني هسع ودرتو النحاس ؟؟ طيب ابو جهينة يبيع شنو
Quote: ثانيا: تأبط شرأ ده من جماعتنا وهو كبيرنا الذى علمنا السحر ( ده أكبر همباتى ) وكمان الشنفرة وعروة بن الورد
وانا اقول الجماعة دييل شفتهم وين ؟؟ اتاري مهبتيين بجاي
Quote: كيف عرفت إنو أنا في نيتي أدى كل واحدة منهن مقطع دوبيت رمية تأديها فى بداية الأغنية مثل ما بعمل على ابراهيم اللحو... رأيك شنووو؟؟
يا بخت ودشيقوق الحتات !! حيحت حت مع نانسي عجرم !!!
Post: #40 Title: Re: لاح لي من صعيد برقاً كتم تعّالو Author: سمية الحسن طلحة Date: 01-10-2007, 03:50 PM Parent: #39
Quote: يا بخت ودشيقوق الحتات !! حيحت حت مع نانسي عجرم !!!
طبعاّ ده كلامك...ماسمعت شاعرنا بشير ودالنور شن قال!!!؟
Post: #41 Title: Re: لاح لي من صعيد برقاً كتم تعّالو Author: nourelhadi awad Date: 01-10-2007, 05:40 PM Parent: #1
الصورة:
الوقت: تكور القمر وإلتفاف النجيمات الثريات بجانب الطور المكان: بساط رمل تأآزر.... تجمع ربوة تعلوها خيمة صوت دف ومزمار وناي...وقهوة عربية إخ إخ إخ بركت ناقتي .. أشكلتها أحسنت من هندامي وتقدمت متئدا ووقفت خارج الخيمة أنتظر .. أن يسمح لي بالدخول... أخشى يوم النعمان استوقفني الحراس فهل تسمحين؟ الشعار جاهز كما أمرتني وسيعلق قبل إنعقاد السوق وقع الجميع عدا ود شيقوق ماخدعارضة... أحمد غائب في الركائب ..................... معليش انشغلت عنكم مع محمد السني شوية ورجعت للزمن البراءة (لمن كنا صغار) أكبر وأرجع ليكم ياكبار..نضم وفعايل سلام
Post: #43 Title: Re: لاح لي من صعيد برقاً كتم تعّالو Author: سمية الحسن طلحة Date: 01-11-2007, 05:08 PM Parent: #41
Quote: استوقفني الحراس فهل تسمحين؟
ماكان للشمس البهية في الضحى من مكسف وما كان للبدر المنير في الدجى من مخسف أخي نور الهادي درجت على وضع لوحاتك هذه أمامي دوماً وأدمنت تصفح كلماتها الموشاة بأجمل العبارات . لك التحية والتجلة .
Quote: معليش انشغلت عنكم مع محمد السني شوية ورجعت للزمن البراءة (لمن كنا صغار) أكبر وأرجع ليكم ياكبار..نضم وفعايل سلام
إنك كبير قولا وفعلا ومعنى . وفي المثل الخليجي ( اللي مايعرف الصقر يشويه ) والخال الشيخ عبدالعزيز قال في هذا المعنى : تابعتا المجالس ودّرنو قدرنا بقينا نجالس البسوانا والمو قدرنا مادام بالدراهم نشتريهو قدرنا مافيش داعي نشحن بالغبينة صدرنا
ولك العتبى ( فلا تبتئس ولا تحزن ) .
سمية الحسن طلحة
Post: #42 Title: Re: لاح لي من صعيد برقاً كتم تعّالو Author: abubakr Date: 01-10-2007, 06:28 PM Parent: #1
Post: #44 Title: Re: لاح لي من صعيد برقاً كتم تعّالو Author: nourelhadi awad Date: 01-11-2007, 06:48 PM Parent: #1
سمية لست ملكة وبالتالي لست الأميرة فكل هذا حاث ومتغير انت نيل مامل طول السرى وبحر تأوي إليها الأوزات ويولد السحابات الماء وفي شطك تناثر المحار اسمحي لنا إن أطلنا في شطك المكوث
.....................................
سمية هتك الزمن حضور الذاكرة أهلنا ناس السافل لديهم تراث ثر حذف من لترتشة هذا الزمن الهش وسأحاول ان أسجل لك بعضه من مصادره لاحقا مجادعات امحمد خير وموسى ودامحمد بخيت وأتوقع يوما أن تكوني أرشيف هذا الأدب الثر
.................................................. لك الإنحناء بقدر هامتك القامة
دمت
Post: #45 Title: Re: لاح لي من صعيد برقاً كتم تعّالو Author: سمية الحسن طلحة Date: 01-11-2007, 10:15 PM Parent: #44
برق الصعيد
لاح لى من صعيد برقاً كتم تعّّالو ذكرتى بسمة الزول الجميلة خصالو حرّق للقليب زاد فى التولع نارو سهر للعيون الدمعهن سحالو (التعال بتشديد العين هو جمع تعل بكسر التاء وسكون العين) والعرب عندما يدعون على أحد يقولون له(التعل اليشقك) فهل ياترى هناك فرق بين التعليين ؟؟...دعونا نرى آرائكم. ونواصل.
29-11-2006, 01:32 ص
بدرالدين شنا
.
تاريخ التسجيل: 30-07-2002 مجموع المشاركات: 3261 Re: برق الصعيد (Re: سمية الحسن طلحة)
من بت طلحة لاح لي بوستاً جميلة حروفو ذكَّرني بسمة الزهر الوريفة قطوفو
تحياتي ومودتي
29-11-2006, 01:49 ص
على محمد على بشير
.
تاريخ التسجيل: 07-08-2005 مجموع المشاركات: 1711 Re: برق الصعيد (Re: بدرالدين شنا)
Quote: لاح لى من صعيد برقاً كتم تعّّالو ذكرتى بسمة الزول الجميلة خصالو حرّق للقليب زاد فى التولع نارو سهر للعيون الدمعهن سحالو
الله يابت طلحه
فقد ذكرتينا بالذى مضى المايقوما وعلى الشيخ وصديق جحا ومحمد بابكر العبيد المحامى فقد كان على الشيخ من ابو دليق ومن رواة الشعر وقصص الشعراء وكان الله يطراهو بالخير لديه طريقه عجيبه ومحببه فى القاء الشعر فقد كان يروى لك قصة القصيده ( بعد ان يضيف شوية توم وشمار من عنده ) ويتمهل وهو يرمى لك بالشطر الاول من البيت الشعرى ويتمطق وكأنه يتزوق طعم كل حرف فى الشطر الاول من البيت قبل ان يرميه على آذان سامعيه ومستمعيه وقد كنا نحفظ الكثير والمثير والعجيب من شعر الدوبيت والملاحم البطوليه وقصص الحب العزرى من فم هذا الرجل ( على الشيخ ) والذى كان لا يقول ولا يروى الا الدرر وشخصيا كانت تستهوينى قصص الهمباته واشعارهم وكنت كثيرا ما اطلب واستزيد مما قاله الضرير وود ضحويه الخ .. ورغم ان الجلسه كانت تضم الوان الطيف القبلى الا ان حب الدوبيت والشعر كان يجمعنا نحن الشايقيه بالبطاحين .. وغير الشعر والدوبيت كانت تجمعنا الجيره والمحبه والافراح والاتراح وملاعب الصبا ومرتع الطفوله .
وقد تزكرت كل هذا الان وبعد ان قرأت الابيات اعلاه .. وجرت الذكريات امام ناظرى وكأنى اجلس تلك الجلسات الفريده وكأنى لم اتى الى الغربه ابدأ . فلله درك اختى سميه
29-11-2006, 10:51 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: على محمد على بشير)
الأخ/ على محمد على بشير هل تصدق أن أعز أصدقائى هنا فى السلطنة من الشايقيه... فهناك الكثير من القيم المشتركه التى تجمعنا معكم ياأحن الناس. هيجت فينا الشجن بحديث الذكريات هذا....ولك مربوع من طه الضرير:_
مافيتاالبمقوهو وبمرق تلوه ومافيناالبوصف للضيوف الخلوه نحناالفوق قفاالشيحان نطبق السروه والبنقصدو شن هد فى البحر ما بروى
لك التحيه والود... ونطمع فى إطلالتك دوما
29-11-2006, 10:32 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: بدرالدين شنا)
البدر الطلع والناس مناها تشوفو مرّ على هنا واتحفنى بى معروفو
لك مودتى يابدر الجمال....شعرك جمييل
29-11-2006, 02:40 ص
JAD
.
تاريخ التسجيل: 05-02-2002 مجموع المشاركات: 2402 Re: برق الصعيد (Re: سمية الحسن طلحة)
الأستاذة سمية ..
تحية طيبة،
واسمحي لي أن أرحب بك هنا فقد أودعت ترحيبي في بوست الأخ شيقوق ولكني لم أره ..
مرحباً بك ألف أيها الأخت الفاضلة ..
في منطقتنا نسمي البروق بالقبلي ، العبادي ، البطحاني ، وهذه صادقة الوعد ونادراً ما تخيب الظن ..
أما برق الصعيد فهو كما ذكرت يتميز بسناه الجميل وبريقه الأخاذ .. ولكن للأسف لا يأتينا منه في الغالب إلا الزيفة "القرة" الشديدة ..
ولي طلب عندك" إن كنت تحفظين شيئاً من الأشعار التي قيلت في الشيخ محمود ود زايد أرجو شاكراً أن تتحفينا بها ..
التحية لك مجدداً ..
أخوك
جاد
29-11-2006, 04:16 ص
مجاهد عبد الرحمن
.
تاريخ التسجيل: 30-08-2006 مجموع المشاركات: 251 Re: برق الصعيد (Re: JAD)
تاريخ التسجيل: 31-01-2005 مجموع المشاركات: 1959 Re: برق الصعيد (Re: مجاهد عبد الرحمن)
Quote: فهل ياترى هناك فرق بين التعليين ؟؟
يا سلام يا بت طلحة هيجتي ذكريات خلدت في ذاكرتي :
التعل يا بت طلحة هو السحابة الزرقاء المتراكمة في اتجاه واحد وعندما تخر شخيتير (راجعي مسدار الحاردلو لمعنى شختير ) اهلنا بيقولوا هلا هلا التعل ده نزل في الحته الفلانية وهم يدركون تماما اين هطلت تلك السحابة .
التعل تاني يا بت طلحة هو تعل النحل المليان عسل . زمان كنا نمشى حظيرة الدندر ومن بعيد الواحد يشوف تعل النحل . نمشى نجيب الدخان ليهو عشان النحل يطير من التعل ونجى نشيل العسل .
شكرا لهذا البوست الرائع
30-11-2006, 03:19 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: الطيب شيقوق)
أخى/الطيب شيقوق لله درك وانت تصول وتجول فى كل المحاصات وأنت لها... قطعا الكلام عن البروق والمطر والتعول يثير أشجان الغرباء مثلنا. ...........................................................................................
كنت يا بت طلحة زمان محامي في الدندر وكان طوالى بنادي الغنايين ساعة الفطور في مكتبي عشان اسمع منهم الدوبيت قبل احزم ملفاتي وامشى لجلسات المحكمة . كانت معاى محامية افتتن بها اهل المدينة . شافوها الشعراء في المكتب وقلت ليهم الاستاذة دى ادوها حقها عليكم الرسول .
محمد الفاتح ابو عاقلة كان معانا جاى في زيارة للدندر قال خلونى اقول ليكم :
يا لخلوخة القيف البغمر هيفك ما اتكرمشتى جسمك في شتاكي وصيفك انا مرضان بهضرب من ملاقات طيفك امسى الليلة يضرب في المكاتل سيفك
نواصل
30-11-2006, 03:51 ص
doma
.
تاريخ التسجيل: 04-02-2002 مجموع المشاركات: 3377 Re: برق الصعيد (Re: سمية الحسن طلحة)
يا زوله وحاه ربي حديثك طاعم بالحيل اها هادي قعده
01-12-2006, 06:15 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: doma)
ألأخ/Doma
حبابك عشرة بلاكشرة...إنما حلاوة الحديث وطعمه من زوق مستمعيه ومتذوقيه. ولو ماشالك الكتف يشيلك الراس ونحنا الجار والعشير من الكتف لى راسنا وفى المال والعروض تخشى الملوك من باسنا وجودك بيننا يسعدنا ولك التحية والود.
30-11-2006, 03:53 ص
soma
.
تاريخ التسجيل: 14-09-2002 مجموع المشاركات: 1882 Re: برق الصعيد (Re: سمية الحسن طلحة)
اهلى البطاحين جونى بالبروق الجاهرة من تال الصعيد اب رعودا كافرة والغيم البهز فوق للضهارى الدافرة والمطر البنز فى التقاوى الوافرة يفرهد بطونها متل الغزال النافرة
بت طلحة صباحك لمة قبيلة فى ضل نيمة و العز بالاهل
اسماء الجنيد / مسقط
01-12-2006, 06:26 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: soma)
تاريخ التسجيل: 07-11-2006 مجموع المشاركات: 802 Re: برق الصعيد (Re: سمية الحسن طلحة)
Quote: يا لخلوخة القيف البغمر هيفك ما اتكرمشتى جسمك في شتاكي وصيفك انا مرضان بهضرب من ملاقات طيفك امسى الليلة يضرب في المكاتل سيفك
هيييييعع...
سلام أهلي العَرب أهل الكرم والجود...
سلام أهل الفضائل الجَمَّة مالها حدود...
أهل الفزعة في وَكْت الدَبَار مسدود...
أهل الحارة في الويل الضَرَب بارود...
كميات مودتي...
وتسجيل حضور ومتابعة... وتسلمي ست الدار بتنا سمية الحسن...
أبو الحســـــــــــــين...
30-11-2006, 04:33 ص
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: أبو الحسين)
Quote: اهلى البطاحين جونى بالبروق الجاهرة من تال الصعيد اب رعودا كافرة والغيم البهز فوق للضهارى الدافرة والمطر البنز فى التقاوى الوافرة يفرهد بطونها متل الغزال النافرة
سوما بت الجنيد كيف حالك
عليك الله يا بت القبائل تبقى معانا بجاى بنحس في مساهماتك حنان الاهل وجود الاهل . نامل ان يكون لهذا البوست لونية خاصة وطعم خاص لا يحسة ولا يتذوقه الا من توطنت في وجدانه ثقافة اهل البطانة واهل البادية وبالتاكيد هم متابعون بشقف لمثل هذه الكتابات .
اطيب المنى
30-11-2006, 05:25 ص
ebrahim_ali
.
تاريخ التسجيل: 05-02-2002 مجموع المشاركات: 2043 Re: برق الصعيد (Re: الطيب شيقوق)
نواصل في هذا الموضوع الشيّق ولدينا الكثير عن البرق القبلي والحماري وابو حرقوص وبرق المغربية بصواقعه الحارة وبرق المطر الضحوى عندما يكون السماء منيّل من قدام وكمان البرق ابو فاتحة . هلا هلا يا بت طلحة هيجتي ذكرياتنا .
01-12-2006, 07:10 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: ebrahim_ali)
الليله البـريـق حـمـل المُزن في القبلة وانا فاقد غميدي وليهو مافـيـش سبـلـة بـتـذكـر ربــوعــاً فـي فنـاهـن عـبـلـة متجـرِّد من المُـلك العـظـيــم زي جبلة لك التحية وأنت تمتعنا بهذه اللوحة الرائعة التى تعجز أمهر الفنانين . نطمع فى تواصلك معنادوما.
01-12-2006, 06:45 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: أبو الحسين)
أبوالحسين حبابك...اب عقبا زين حبابك آلاف حبابك ياالكريم أصلك عزيز تيرابك حبابك والصنودتعملك حساب وتهابك الراى والفهم دارسنو فى محرابك يااب عرضا موفر ومو مقصر دابك. تشرف وتنور
30-11-2006, 02:53 م
أحمد الشايقي
.
تاريخ التسجيل: 08-08-2004 مجموع المشاركات: 4374 Re: برق الصعيد (Re: سمية الحسن طلحة)
بت الشيوخ
سمية الحسن طلحة
تحيات غامرة وأنت تأتينا بشيخ العرب شيقوق يؤل أحاديثم ما غرب منها وما بعد
وتأتينا بالحديث المرقرق الحواشي من عكير الدامر وغيره من فحول البطانة
سأعود ساعـت شعر وفي الخاطر الكثير
لك ما طاب
أحمـد الشايقي
30-11-2006, 03:11 م
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: أحمد الشايقي)
Quote: وفي الخاطر الكثير
عزيزي احمد انا اعلم في الخاطر الكثير فهلا جدت لنا ولو بنذر يسير منه؟
لك مودتى
اخوك
شيقوق
30-11-2006, 04:14 م
abubakr
.
تاريخ التسجيل: 22-04-2002 مجموع المشاركات: 1844 Re: برق الصعيد (Re: سمية الحسن طلحة)
الطيب شيقوق
Quote: نواصل في هذا الموضوع الشيّق ولدينا الكثير عن البرق القبلي والحماري وابو حرقوص وبرق المغربية بصواقعه الحارة وبرق المطر الضحوى عندما يكون السماء منيّل من قدام وكمان البرق ابو فاتحة
ات تواصل وين وين ؟؟ ات وين رحلة عمرك ؟ وين مشوار سنينك؟؟ سويت فيهن شنو وقاعد زيارات في البوستات ؟ ات شغال في شركة الكهربا ؟ بجمع فواتير ؟ بكان مافي ضو ولمبة ملبقة القاك متحكر ؟ ارجع الي نهرك الجاف وقرودك في الغابة ؟
01-12-2006, 05:47 ص
أحمد الشايقي
.
تاريخ التسجيل: 08-08-2004 مجموع المشاركات: 4374 Re: مجادعة مع عكير الدامـر (Re: سمية الحسن طلحة)
كتر لينا من العينة دى يا ود الشايقي الجميل (عدل بواسطة الطيب شيقوق on 01-12-2006, 06:52 ص)
01-12-2006, 06:41 ص
الطيب شيقوق
.
تاريخ التسجيل: 31-01-2005 مجموع المشاركات: 1959 Re: مجادعة مع عكير الدامـر (Re: الطيب شيقوق)
Quote: ات تواصل وين وين ؟؟ ات وين رحلة عمرك ؟ وين مشوار سنينك؟؟ سويت فيهن شنو وقاعد زيارات في البوستات ؟ ات شغال في شركة الكهربا ؟ بجمع فواتير ؟ بكان مافي ضو ولمبة ملبقة القاك متحكر ؟ ارجع الي نهرك الجاف وقرودك في الغابة ؟
يا ابا بكر وين وين وين ذكرتنى عمنا ابراهيم شيقوق - يطول عمره - فقد التركيز وبقى يتكلم ساى . عندنا عمتنا فاطمة بت شيقوق حنيييييييينة كلما تتذكر اخوانها الماتو وهم ( الطيب - وعبد الغنى - والرضى - عثمان) تبكى براها وهم ماتوا قبل عشرين سنة .
اها يا ابا بكر عمنا البيتكلم ساى ده جننها عديل بقى كل يوم يجيها بعد تعمليهو القهوة ويشرب يجى مودعها بيقول ليها ( فاطنة يا اختى الدنيا دى ما فيها خير وين طيبك ووين عبد الغنيك ووين رضيك ووين عثمان ) تبكى المسكينة وتجرى يمين وشمال لحدى نجى نسكتها.
01-12-2006, 07:06 ص
abuguta
.
تاريخ التسجيل: 20-04-2003 مجموع المشاركات: 3552 Re: مجادعة مع عكير الدامـر (Re: الطيب شيقوق)
برق الفارة شلع من جنائن الدوحة من البطانة جاتنى.. نمة قلوب منشرحة البورد تنسم بالقوافى الجميلة الصرحة طاب بيييك المقام.... بابت الحسن طلحة
(عدل بواسطة abuguta on 01-12-2006, 07:08 ص)
01-12-2006, 07:24 ص
abuguta
.
تاريخ التسجيل: 20-04-2003 مجموع المشاركات: 3552 Re: مجادعة مع عكير الدامـر (Re: abuguta)
برق الفال لمع..والقمرى سوى القوق ذكرنى شرق رفاعة, تنبول ويوم السوق انا من عرب ابقوتة..ياالطيب شيقوق عاشق خريف البطانة..وحنين النوووق
01-12-2006, 07:39 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: مجادعة مع عكير الدامـر (Re: أحمد الشايقي)
الأخ/الكريم/ ودالشايقى طعمت الدار بى حديثك...ياأخوى سلامتك تبرا من النيران. انا عندى اخير لنا براقنا ده كان يجيب لنا مطرا يطفى( نيران الخشوش الورن) دى. وهاك دى من عكير الدامر:ـ عهدنا بيك كنداب حربةمابتشلخ وعفدة عين جبل ملويةمابتتفلخ كان ايدينا فيك من المسك تتملخ السما ينتكى وجلد النمل يتسلخ لكم التحيةونرجو كرمكم كما عهدناكم.
01-12-2006, 07:14 ص
abubakr
.
تاريخ التسجيل: 22-04-2002 مجموع المشاركات: 1844 Re: برق الصعيد (Re: سمية الحسن طلحة)
Quote: كتر لينا من العينة دى يا ود الشايقي الجميل
يالطيب ..يكتر ليك من شنو ؟ ما قلنا ليك رطانة ودايريون نعرف الدوبيت شنو ؟؟؟ بعدين ات مالك والشايقية ات ما قت عرريب وبدوي ؟؟
01-12-2006, 08:06 ص
معتصم الطاهر
.
تاريخ التسجيل: 26-11-2004 مجموع المشاركات: 2026 Re: برق الصعيد (Re: سمية الحسن طلحة)
لاح لى من بعيد سحاباً فَضَح برّاقو طَرّانِى ضحكة الزول الصعيبة فراقو حرّق القليب وشتت بقية اوراقو هيج النفوس الكانو تابو وراقو
01-12-2006, 09:21 ص
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: معتصم الطاهر)
ابو بكر اخوي حبابك بالأصول ياأفندى وارث للعلم ماك الجديد جربندى نسام أم خدود لافح بدور جرقندى الفاروق فزع (مدودر) جناين شندى
01-12-2006, 10:44 ص
abubakr
.
تاريخ التسجيل: 22-04-2002 مجموع المشاركات: 1844 Re: برق الصعيد (Re: سمية الحسن طلحة)
Quote: نسام أم خدود لافح بدور جرقندى
يا صاحبة الدار ويا جماعةالخير ... اشرحولي الذي تحته خظ ..
01-12-2006, 12:44 م
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: abubakr)
Quote: يا صاحبة الدار ويا جماعةالخير ... اشرحولي الذي تحته خظ ..
واحد يشرح للزول ده مافي . انت مالك ومال البرق انتو سباليك في بيوتكم مافي . والله بيوتكم بتاعة حلفا دى لو عندنا هنا في الصعيد مطرة ضحوية واحدة تلحقكم تسونامي .
01-12-2006, 02:18 م
abubakr
.
تاريخ التسجيل: 22-04-2002 مجموع المشاركات: 1844 Re: برق الصعيد (Re: الطيب شيقوق)
Quote: انت مالك ومال البرق انتو سباليك في بيوتكم مافي
هوي ات الابالة و اللقيعة ما عرفتههن وانا"من الناطقيين بغير العربية " وعارفهن ؟؟ بعدين ان ود سكة حديد من تسني الي كوستي وتندلتي والحمرة وجبل دود وسنار والجيلي والنمر والابيض وكسلا وووووووووووووووووووومحطات كثيرة وبراق عمرك ما شفتو..؟؟ دحين لو الجماعة دييل سمعو كلامك ياها جاهم تسونامي برابرة؟؟؟
01-12-2006, 02:54 م
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: abubakr)
Quote: بعدين ان ود سكة حديد من تسني الي كوستي وتندلتي والحمرة وجبل دود وسنار والجيلي والنمر والابيض وكسلا وووووووووووووووووووومحطات كثيرة وبراق عمرك ما شفتو..
؟؟
شتان ما بيني وبينك انت ود سكة حديد من تسني لحلفاء ووقت تكون مسافر تذكرتك نوووووووم وانا عمري كلوووو مسطح فوق في القطر ومرات اقع من فوق بين ال Vacums. اي هم للسودان انتم تدركون واى معاناة للغلابة انتم تعلمون امشى كده يا ود المصارين البيوض .
01-12-2006, 04:14 م
abubakr
.
تاريخ التسجيل: 22-04-2002 مجموع المشاركات: 1844 Re: برق الصعيد (Re: الطيب شيقوق)
Quote: شتان ما بيني وبينك انت ود سكة حديد من تسني لحلفاء ووقت تكون مسافر تذكرتك نوووووووم وانا عمري كلوووو مسطح فوق في القطر ومرات اقع من فوق بين ال Vacums. اي هم للسودان انتم تدركون واى معاناة للغلابة انتم تعلمون امشى كده يا ود المصارين البيوض .
قطر الاكسبريس بيكون فيه عربية نوم واحده يعني اقل من عشرة قمرات فلو كلو واحد ابوه شغال في السكة حديد يركب درجة نوم بعدين السكة حديد كلها حتكون نايمة والقطارات واقفة فحتسافر انت مسطح كيف ؟؟؟
01-12-2006, 04:20 م
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: abubakr)
بعدين السكة حديد كلها حتكون نايمة والقطارات واقفة فحتسافر انت مسطح كيف ؟؟؟
نعست انت ولا شنو يا بابا ؟ (عدل بواسطة الطيب شيقوق on 01-12-2006, 09:24 م)
03-12-2006, 08:28 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: abubakr)
اجمع فى الرزق شان لى رضاهن افافى كترت ومسخ واتعاجزت عرافى قدر ما ادى مظنونى مانى مكافى غير متاسف الياخدنو كله عوافى
03-12-2006, 00:21 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: Yahia Abd El Kareem)
الأخ / يحي عبدالكريم .
مايفقدوك في شينة انشاء الله تسأل منك العافية اتا ماناسية المسادير . اياها بدايتي الختيت فيها تايتي والله أنا براي متقريفة ليها وماببقى براها ومابفارقها تب خليني أشوف آخر البرق دا يمكن البطانة تمطر .
برقِك قلـَّع السارية أم صبيبا ســاح وتعّـالك كتـَم من الهـواء اللفـاح رعـدك رَزّ في المطرة التقيلة وقاح وهجـك لاقى شمس الغيبة باكر زاح
03-12-2006, 00:25 ص
abuguta
.
تاريخ التسجيل: 20-04-2003 مجموع المشاركات: 3552 Re: برق الصعيد (Re: Yahia Abd El Kareem)
Quote: يا أبو قوتة إنت شقق وأنا بكتل ليك
والله ياجاد شقق دى بقت ما مستخدمة حتى فى مودرة الحطب اى شىء بقى يجى مشقق..حتى بكتل دى غنايها مات لكن الليلة ذكرتنى سوق النسوان فى ابقوتة ..طلح و شاف , تباريق ,نطع سمن فى الجوالين والقزاز..قروش مكرفسة فى المحفظة.. وجنبو سوق الحمام والجداد..ولما تكون فى مطرة اى دلالية بتكون فارشة فى مكان تانى...حليييلك يازمن..اما الشقيق فى الحش..دا شيتنا تانى نحن عرب جزيرة ساى شغلنا كلو سرراب..وكسير دراب..
لكن كدى اكتل دى
برق الصعيد جاب لى هبايب من جاى ذكرنى البريدو وقعدة.. الدوباى قارقت اللغيبش الفى الدواب جراى وبقيت زول مدن... لا نمة لا شاشاى
ويينك يابت طلحة ملكة الدوبيت.... الطيب شيقوق ذاتو مو عاوز يرد علينا ساكى ليه رطانى ..لما وقع دامتو لكن ابو بكر دا عندو حاجات كتيرة مخزنة...يذكرنى بكتابات الوحش عثمان محمد صالح الاديب الحلفاوى البلغارى من ناس الزمن الجميل...يكتب الادب مثل همهمات عمال الدريسة لكن انا بقيف عند هولاء..القادمين الجدد..كل واحد مدرسة بذاتو الطيب شيقوق, ابو بكر سيد احمد .فاروق..ود جبرا...بنت الحسن طلحة..مولانا عادل ديل جونا جامعيييييين ...بمعنى جاهزين خلاص... ولقدام (عدل بواسطة abuguta on 03-12-2006, 00:56 ص) (عدل بواسطة abuguta on 03-12-2006, 06:42 ص)
03-12-2006, 03:42 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: abuguta)
ألأخ الكريم/اب قوتة مااااتلومنى كان كاتمة الكلام أزمنت بنقد فى القوافى السمحة ماأتجابنت والله أنا طارى ابقوتة ده بالحيل بتور على الحسس المدفون(المحرات بتور المدفونة) وزميلاتنا فى رفاعة الثانوية من أبقوتة...والله أيام يازمان الليلة نضميك ده متل برق الصعيدطلق على دعاشو حسيت منو رحل العنقريب بفراشو دحين آخوى إتو شققو واكتلو ونحنا علينا الكديب...والتقا بنلمها سوا والله أمس كنا بنشرح لى أولادنا فى نفس العبارات دى. ودمتم معينا من المعرفة لاينضب بت طلحة
03-12-2006, 06:22 ص
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: سمية الحسن طلحة)
بت طلحة خوفتيني عديييييييييل الكلام ده لقيتيهو وين ؟
زمان انا كنت بشقق وابوى طوالي ناهرني من الشقيقة الكبيرة وكنت بقصدها عشان ما يحلقونى في الكتل وكنت ظلات في القش كمان .
03-12-2006, 07:06 ص
Yahia Abd El Kareem
.
تاريخ التسجيل: 26-02-2005 مجموع المشاركات: 336 Re: برق الصعيد (Re: الطيب شيقوق)
فوق ياودشيقوق...اظنك نشلت الموية من البير ايام الافراح والبوش...وكمان دخلت بى غنمك الدهسير وجمعت الربل من الخلا وطاردت القطا من حصا المقابر...وذاك تاريخ ابيض واصيل ... نعود ان شاء الله مع نسام بت الحسن الى ان تمطر البادية وتملا الميعة والهواد...
03-12-2006, 10:36 ص
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: Yahia Abd El Kareem)
Quote: فوق ياودشيقوق...اظنك نشلت الموية من البير ايام الافراح والبوش
يا ريت يا بت طلحة انا نشلتها من الجمامة ( الجمام ما عندكم انتو وهي لما النهر مويتو تنشف في الصيف ممكن تحفر اى حفرة بيدك ساى تجيب موية واصل الكلمة من جم يجم على وزن فلّ يفل ولا ايش رايك انتى شاطرة في اللغة العربية )
سمية زمان انا في الثانوي بدرسونا معلقة زهير ابن ابي سلمى وكنت ما بتنكر لبيئتنا اصلا . اها اليوم داك الاستاذ بيشرح في بيت في المعلقة بيقول :
رعوا ظمأهم حتى اذا تم اوردوا ..... الخ
الاستاذ يشرح سااااااااى لاولاد البندر عن غب الابل ووردة الابل طوالى نططت عيني للاستاذ ورفعت يدى فوق استاذ استاذ استاذ قال لى شنو يا العريس كنت معرس قلت ليهو ما تتعب الشاعر بيقصد الضمي والضمي عندنا يوم وردة الابل بعد تغيب ثلاث ايام . اولاد البندر قالوا لى ما فاهمين قلت ليهم اتسود خطوتكم واشوقكم للرحيل وخلفة المحوية ( الزبير بعرف الخلفة وحلاتها مع الخبة في جمل بشاري دوماتو خارة ) وتنم معاها نمة حلوة وسوطك مدلدلة سااااااااااى في بطن الجمل .
تقول
ود الحوري من كان سمينا ملجة يبس دورو بالبركة ورقاد الدلجة رقاد المراتب والبرش الضفيرتو العلجة منو ابعدنا للكباشي بلد ام فلجة .
نواصل
04-12-2006, 11:12 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: الطيب شيقوق)
ا لجمام من جم اوجاد بالشى...نقول مثلا فضائل جمة اى كثيرة أما عن الشرب:ـ اليوت : هو الشرب اليومى الغب : هو الشرب يوم بعد يوم وقالت البنت ترثى والدها:ـ ديمة سواتك فوت يامقنع البنوت نارك ما بتموت ووجعك مابغب يوت اما الضمى فهو على نحو ماذكرت ونواصل
04-12-2006, 11:23 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: سمية الحسن طلحة)
اما عن سير الجمال فهو انواع: يكربت ويربع والخبيب والشبيب كما ذكر الشيخ عبد العزيز فى هذا المربوع،وخرير الدومات أخد العاصي دودبي المشيـهــو شبيـب النال حازمو والشق تحتو فـيـهـو دبيب تذكــار البقـول لى أمّــو جـانـا حبيب خـلا حــروت قـماقـمـك إنتـرنو كبيب ونواصل
04-12-2006, 11:28 ص
abubakr
.
تاريخ التسجيل: 22-04-2002 مجموع المشاركات: 1844 Re: برق الصعيد (Re: سمية الحسن طلحة)
يالطيب .. هدنة ؟ زي اتفاقية البقط ...تحل لي العجمي اللي فوق دة وانا اسامحك عن رحلتك ومشوار سنينك ونهرك العبرتو وهو جاف ...؟؟ انا غايتو عرفت "الليل" و"الشق" و"الحجر " .. نحن الرطانة ما ادونا ادفانسد كولوكيوال ارابيك زي دة ؟؟؟ وتقولو برابرة برطنو .. في ذمتكم البنية دية كلاما دة الفرق بينو و بين " اقدن مل فقن مل " شنو ؟؟؟
04-12-2006, 02:56 م
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: abubakr)
Quote: في ذمتكم البنية دية كلاما دة الفرق بينو و بين " اقدن مل فقن مل " شنو ؟؟؟
انا قلت ليك يا رطاني يا اعجمى لا تسالوا عن اشياء ان تبدو لكم ....
انت بس الله ابتلانا بيك الله يصرفك مننا ويخلينا نتضرع برانا في بطانة ابو على وحسان دى .
04-12-2006, 04:30 م
معتصم الطاهر
.
تاريخ التسجيل: 26-11-2004 مجموع المشاركات: 2026 Re: برق الصعيد (Re: سمية الحسن طلحة)
عفوا للدخول بين الغنوة ونمّتها
كنت أظنه بوست للجميع ...
05-12-2006, 00:57 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: معتصم الطاهر)
لاح لى من بعيد سحاباً فَضَح برّاقو طَرّانِى ضحكة الزول الصعيبة فراقو حرّق القليب وشتت بقية اوراقو هيج النفوس الكانو تابو وراقو
{ عفوا للدخول بين الغنوة ونمّتها
كنت أظنه بوست للجميع ... .......................................................................................... أخى الكريم/معتصم الطاهر والله العظيم ثلاث والله على ما أقول شهيد انا الآن فتحت البوست ده مخصوص للرد عليك وعلى مجادعتك دى ...ولكن للأسف الشديد (سبق السيف العذل) وعتابك ده يدل على كرم أصلك ونبل أخلاقك،أهلك العرب قالوا( الما دارك ما لامك) ونحنا دايرنك ومابنبقى براك...فلك العتبى حتى ترضى وياجماعة الخير أفزعونا ياناس الشايقى و منصور واب قوته وكلكم..كل واحد يجيب نمة فوق المعتصم ده حتى يرضى عننا ويجى ودشيقوق يحلف طلاق بالتلاتة معتصم يرجع.
05-12-2006, 01:59 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: سمية الحسن طلحة)
والله ياالمعتصم غيبت لينا البرج فى راسنا يا من لك أصـل عريق ضارب كم ان لى حـس دقيق صـائب وكم ان لى لفظ فصيح معرب انماأضحى الكلام من أمامى يهرب ويضـيع منى فى فـضـاء غـيـهـب فهلا تقبل إعتذارنا وتعود حاملا نمك ...الا يصعب عليك فراقنا؟؟؟ نأمل ونتعشم بل ونطمع فى كرمك... فإنه والله ليعز علينا فقدك. (عدل بواسطة سمية الحسن طلحة on 05-12-2006, 05:13 ص)
05-12-2006, 02:41 م
معتصم الطاهر
.
تاريخ التسجيل: 26-11-2004 مجموع المشاركات: 2026 Re: برق الصعيد (Re: سمية الحسن طلحة)
Quote: سمية الحسن طلحة: ونحنا دايرنك ومابنبقى براك
زولك و برضو ما ببقى بلاك لأنَّك فرضو و بالقليلة ملاك الهجر أرضو بالدمِع بلاّك كالكشَف عرضو بالجمُر ملاّك
05-12-2006, 04:54 م
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: معتصم الطاهر)
جبرت الخواطر لبيت ندا الناداك رضيت الجميع انشاء الله ما نختاك مابترضى الهجر كشف العروض حاشاك خلينا ان نجر النـمـة سـوى مـعاك
05-12-2006, 04:57 م
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: معتصم الطاهر)
جبرت الخواطر لبيت ندا الناداك رضيت الجميع انشاء الله ما نختاك مابترضى الهجر كشف العروض حاشاك خلينا ان نجر النـمـة سـوى مـعاك شكرا لك أخ معتصم والعود أحمد
05-12-2006, 01:19 ص
abubakr
.
تاريخ التسجيل: 22-04-2002 مجموع المشاركات: 1844 Re: برق الصعيد (Re: سمية الحسن طلحة)
Quote: انت بس الله ابتلانا بيك الله يصرفك مننا ويخلينا نتضرع برانا في بطانة ابو على وحسان دى .
قالو رطانة عنصريين ...اها منو العنصري ؟.. اربعين سنة في خشم القربة السماها مقدود مع ناس البطانة ما علمونا ولا "نمة" والحوالينا منهم علمناهم يلعلعو برطانتنا ( لغات اجنبية)... بالمناسبة "نمة" يعني شنو ... ؟؟ يعني زي " نمتي الضواية" ...؟
05-12-2006, 04:11 ص
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: abubakr)
يا زول البوست ده ما تجيهو غير شايل دكشنريك في جيبك
اخلي بت طلحة تشرح ليك النمة بس افهم انو احلى انواع النمات هى تلك التي يعمد المنم ( بضم الميم وكسر النون ) على وضع مصبع السبابة في اذنه اليمين واتلولح معاها ونفسو قائم ومدنقر ( مدنكر تعنى مسهي لتحت او بمعنا اخر بعاين ل########## من شدة طربه بالنمة )
وفي رواية اخرى احلى النمات عند الملمات الا ان هذه الرواية لم تجد قبولا عند جمهور خيمة الحاردلوا ود امنة وود شعيت وود الشوبلي ومحمد بابكر الدرويش وهولاء يرجحون ان اطيب النمات هى عندما يكلف صبية البادية للذهاب بجمالهم البشارية لمعرفة المحلات المخرفة او خريفها دندنة ( الدندنة الخريف البتكون بهائمه دفرة وعقلة) والدفرة والعقلة هي شبع البهائم في فد محل ( فد تعنى محل واحدة ) دون الحاجة الى قطع المسافات بحثا عن التبر والحنتوت ( وديل من افضل انواع النباتات للرزق ( الرزق هنا تعنى الانعام يا رطاني )
اها لما الصبية يجوا راجعين لاهلهم يخبروهم بمحل الخريف الدندنة ده بيكونوا مبسوطين بجوا راجعين اما خبة معاها نمة قد تكون النمة في حبيبة او في الخريف ذاتو او تكون الرجعة كربته والكربته دى بتقطع الشراشيف .
نواصل
05-12-2006, 04:34 ص
abubakr
.
تاريخ التسجيل: 22-04-2002 مجموع المشاركات: 1844 Re: برق الصعيد (Re: الطيب شيقوق)
Quote: تكون الرجعة كربته والكربته دى بتقطع الشراشيف .
انا استاهل .. شن جابني هنا ..؟؟ اخير لي الملايالم المعاي هنا اهو " ويلم " يعني "موي" اما"كربته والكربته" دي ما ليها قاموس ولا في الامزون ... تتقسحو في جني الرطان ساي .. اها باباي من مضاربكم نمو ( بكسر النون مش كدة يالطيب) برايكم ... (عدل بواسطة abubakr on 05-12-2006, 01:13 م)
05-12-2006, 05:04 م
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: abubakr)
تاريخ التسجيل: 14-03-2002 مجموع المشاركات: 16802 Re: برق الصعيد (Re: سمية الحسن طلحة)
مبروك يالاهل.. الليله جات بت طلحه سكر في السلام ماها البخيله المِلحه رضاية النفوس البيك... بقت مُنصلحه بي شاف الكلام.. فاحت هديك من طلحه (عدل بواسطة Elmosley on 05-12-2006, 10:38 ص)
05-12-2006, 05:17 م
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: Elmosley)
ترحـب ديارنا الوسـيعة وبـرحة بـمـلك الفنون والسجايا السمحة خـريف الأرض فى السنين الكلـحة لـوجودك معانامـا بتسعنا الفرحة مرحبا بالموصلى حللت أهلا ونزلت سهلا
05-12-2006, 10:50 ص
nourelhadi awad
.
تاريخ التسجيل: 24-10-2006 مجموع المشاركات: 164 Re: برق الصعيد (Re: سمية الحسن طلحة)
بت البلد سلام عليكم
من يشبهنا لا افتري لكنها الحقيقة والتي فقط نعرفها نحن اختي سمية متى يعرف الاخر من يوثق هذا التراث البحر
اني استمع واقرأ... لكم الود
نورالهادي
05-12-2006, 05:34 م
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: nourelhadi awad)
وعليكم السلام أخ/ نور الهادى لاأحد يشبهكم ولسان حالكم يقول:ـ انا البركب على الدقـن سناب انا الملهوف غريب باقيلو كاب انا الخلقونى لى يوم الخـراب انا اب فزعا قريب متل السحاب فلنتعاون لتوثيق هذا التراث
05-12-2006, 05:45 م
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: سمية الحسن طلحة)
المحلة هى المحل التي لا ينبت فيها نبات واسعد المزارعين من يجد بلاده امحلت لا ينبت عليها الا الذرة او السمسم .
ترزم السارية هو كرير المطرة الليلية -
كان لاحد المزارعين ثلاثة اولاد وعندما حل زمن الخريف ارسل اى منهم لجهة ليزرع فيها بعيد عن منطقتهم . وبعد نهاية الخريف حضر ثلاثتهم بعد ان لموا مسورهم ( المسور هو الانتاج يا ابا بكر) الاب سال الاول اها يا ولدى قبل توريني انتاجك انت محل مشيت مطركم شنو؟ قالو يابا مطرنا ظهري او ضهري الاب قال ليهو انتو صفقتوا ( يعنى انتاجكم شوية) سأل التاني اها يا ولدى انتو شن مطركم ؟ قالو يابا نحن مطرنا ضحوي ابوه قال ليهو ووب ووووب انتو بورتوا( البور هو غلبة الغش للعيش او السمسم) سال الولد التالت قالو اها ياولدى انتو شن مطركم الولد شنق الطاقية فوووووووق قالو يابا نحن مطرنا ليلي يعنى ( السارية ام تخا ودهرابة البتعنيها بت طلحة في قصيدتها دى) ابوه قال ليهو انتو يا ولدى قطع شك عيشتوا ( يعنى انتجتوا خيرا وفير)
سنواصل حول اسباب تفسير الوالد لهذه الحالات . (عدل بواسطة الطيب شيقوق on 09-12-2006, 11:46 م)
09-12-2006, 02:30 م
abubakr
.
تاريخ التسجيل: 22-04-2002 مجموع المشاركات: 1844 Re: برق الصعيد (Re: سمية الحسن طلحة)
Quote: ترزم السارية هو كرير المطرة الليلية -
دي لغة شنو المابتتقري الا بترجمة مرافقة لكل كلمة وسطر فيها بلغة اخري ...؟ الطيب ات وملكة الدوبيت بتحتاجو تدخلو كورسات لغة عربية خصوصي وانا حاكون المدرس ..لازم اعلمكم لغة علي اصولها مافيها تورية ولا الحاجات الكتيرة البتلخبت المعني ... انتو ما درسوكم "طلع .. نزل .. شرب .. اكل .. " بس .. حاجات بسيطة وكفاية ..اصلو انتو لا صنعتو ولا حتصنعو موبايل بكميرا ولا حتي من غير كاميرا اهو لغة لزوم الحكي فبالله لازم تحضروا الكورس وهو مجاني والفطور علي فاست فوود .... قال كرير المطر ؟؟ شو هذا ؟؟ (عدل بواسطة abubakr on 09-12-2006, 02:35 م)
09-12-2006, 03:15 م
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: abubakr)
Quote: قال كرير المطر ؟؟ شو هذا ؟؟
ابو بكر عليك الله تختاني ( تختاني معناها keep away from me pls )
12-12-2006, 02:50 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: الطيب شيقوق)
شيخ العرب/ ودشيقوق لا فض فوك....فقد وفـيت وكفيت...تحية خاصة موصولة لك من الشيخ عبد الرحمن الشيخ على ود الشيخ القرشى ود الزين...وهو يقول لك كلامك صحيح علمياً وأدبياً...فالزروع التى تروى ليلاً تنمو بصورة أفضل من غيرها...واصل فنحن فى إنتظار المزيد. ولك الشكر الجزيل (عدل بواسطة سمية الحسن طلحة on 12-12-2006, 03:05 ص)
12-12-2006, 02:57 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: سمية الحسن طلحة)
(ترّزم السارية ام تخا ودهرابة) أستاذ/ أبوبكر... هذا عربى فصيح% الرزمى: هو صوت حنين النياق ( الناقة: تجمع نوق أو نياق) ما سمعت الفنان نجم الدين الفاضل يتغنى بكلامنا ده فى(ليالى الأنس)
فالشاعر شبه صوت الرعد بالرزمى....أما الساريه فهى المطرة الليلية وهى من السرى أى السير ليلاّ(ما سمعتو بالإسراء والمعراج)؟ أما التخا: فهو السحب الخفيفة والدهرابة : جمعها دهاريب وهى عندما يشتد الظلام أويكون هناك تخا يحجب الرؤية والدنيا ليل مع شدة لمع البروق وكشة كتاحة وأحياناّ زيفة والناس يقولوا ليك ماش وين يازول تحت الدهاريب دى . نسعد بتواصلكم معنا.
12-12-2006, 03:02 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: سمية الحسن طلحة)
الفنجري فوق البطانة
برقِك قلـَّع السارية أم صبيبا ســاح وتعّـالك كتـَـم من الهـواء اللفــّــاح رعـدك رَزّ في المطرة التقيلة وقاح وهجـك لاقى شمس الغيبة باكر زاح
ولكم مودتى
12-12-2006, 03:02 ص
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: سمية الحسن طلحة)
Quote: ...فالزروع التى تروى ليلاً تنمو بصورة أفضل من غيرها...واصل فنحن فى إنتظار المزيد.
في واحد هندى هنا في عمان شغال ري في نباتات الزينة بعدين جات مطرة تقيييييييييلة وهو شغال برضو برش في خضاره والمطرة صاااااااابة . انا بحب استطلاع منى سالته قلت ليهو صديق هذا مطر مال ربنا ايش فيك تعمل كده ؟ قال هذا دوام كفيل قول لازم شغل كل ساعات دوام .
12-12-2006, 03:13 ص
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: الطيب شيقوق)
Quote: برقِك قلـَّع السارية أم صبيبا ســاح وتعّـالك كتـَـم من الهـواء اللفــّــاح رعـدك رَزّ في المطرة التقيلة وقاح وهجـك لاقى شمس الغيبة باكر زاح
لله درك يا بت طلحة والله هيجتي ذكرياتنا وخليني اشرح الكلام ده لناس ابي بكر العجم ديل .
برقك قلع السارية ام صبيبا ساح
يا الله - ربما يكون ده البرق القبلي او البرق ابي فاتحة البخم ليك السماء من قدام كلوووو يجي مقلع ليك السحابة التي عندما تنزل صبيبها يسوح ويملاء المرانع ( المرانع هي الاراضى المنخفضة او الميع )
وتعالك كتم من الهواء اللفاح
التعال هى السحابة المزرقنة وداكنة قريبة من ا########## تقول تشرب منها من قربها للارض . وعادة النوع ده من السحب عندما يقرب للصبان هواها بيكتم ويزند دليل على وشوك الصبيب.
وهجك لاقى شمس الغيبة باكر زاح يعنى صبيب من الصباح للمغربية
12-12-2006, 05:10 ص
gessan
.
تاريخ التسجيل: 05-02-2002 مجموع المشاركات: 626 Re: برق الصعيد (Re: سمية الحسن طلحة)
الطيب كيف حالك ..
Quote: ...وود شعيت وود الشوبلي...
ود شعيت الزول الغناي "الممسوخ"؟؟ الزول الفي حكاوي غناهو "حضور درامي"؟؟ لدي موضوع يخص حكاوي وغناوي ود شعيت دا سوف ارفده في البورد دا متى ما توفر لي الزمن لتجهيزه ..مصحوب بتسجيل صوتي لأحد مجالس حكاويه العامرة..والتسجيل الصوتي ضروري واكثر حسماً لموضوع الكتابة بلغة اهل البطانة.."التنوين دا مهما تسوي فيهو ما بديك النطق الدايرو".. حتى ان بعض الذين كتبوا في التراث الشعبي والدوبيت بالذات حاولوا إشتقاق بعض علامات التنوين الخاصة لتوصيل النطق بشكل اكثر وضوحاً .."لاكين باقي لي السمع بقطع الشك تب" ..كما انه اكثر جمالاً..
عموما جابنا البراق ..والتِعِل ..وريحة الدعاش .. وسيرة "أم هبج ..الهواها شفخانة المِتالم"..علي قول ود شعيت.. و دي دخلة من باب التحية .. لكل المتداخلين في هذا البوست .. والبوستات المشابهة ..
------------ أمُحُمّد ود الفكي حمد "علي لسان ود شعيت" قاليها:
تاريخ التسجيل: 31-01-2005 مجموع المشاركات: 1959 Re: برق الصعيد (Re: gessan)
Quote: لي السمع بقطع الشك تب" ..كما انه اكثر جمالاً..
اخي غسان عليك الرسول تكون معانا ياكا زولنا عدييييييييل وكلامك كلام زولا مننا تعال لينا بود شعيت وود امنه وود الشوبلي وخلينا ندوبي ونغنى في بطانتنا جوة المنبر ده والزارعنا غير الله اللجي يقلعنا.
حبابك حبابك
12-12-2006, 08:58 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: الطيب شيقوق)
Quote: أمُحُمّد ود الفكي حمد "علي لسان ود شعيت" قاليها:
الأخ/غسان مرحب بيك فى دار البطانة الطيب ود شيقوق حلب شدوقو فى العرب وقال ياناس الدار جاكم زول وجينا نرحب بيك وبى خيرك الجايبو معاك وطبع الكريم مابدخل وإيدو فاضية إنشاء الله تكون جايب لنا جبنة وزنين أم فحماّ يتواجج متل مغس الأقربون. وأحمد ودعوض الكريم قال المابجيب غنوة فوق ( وزنين ) دى مايشيل فنجان. قالولو غنى إت آشيخ العرب.. قالهم لا السابقك على الباب قوللو ياأرباب وهو يقصد ود شورانى....ودشورانى قال الغنا فوق (وزنين) دى؟ قالولو آآى..قال:ـ
سمية الحسن طلحة (عدل بواسطة سمية الحسن طلحة on 12-12-2006, 03:03 م)
12-12-2006, 01:14 م
abubakr
.
تاريخ التسجيل: 22-04-2002 مجموع المشاركات: 1844 Re: برق الصعيد (Re: سمية الحسن طلحة)
والله ياسمية بحاول وبصدق ان افهم ولكن يادوبك شوية يعني الكلمات العربي - وفقا للمنهاج العربي لغير الناطقيين بها من الرطانة- اما الباقي ورغم انه ظاهر عليهو كلاما زين الا نو ما كان في المنهاج بتاعنا ... يعني الواحد في عمري دة امشي اقعد مع احفادي -عندما البنات يقررن الزواج ويتزوجن ويقررن الولادة ويولدن وانا اكون موجود- بعد تعديل المنهاج .... انتو بتقولو الكلام السمح دة كيف ؟
13-12-2006, 02:58 ص
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: abubakr)
Quote: انتو بتقولو الكلام السمح دة كيف ؟
انت عليك تسمع وتطرب وبس يا باش ما تجننا معاك .
انت ابو بكر عولك معاك في دبي؟
13-12-2006, 04:19 ص
gessan
.
تاريخ التسجيل: 05-02-2002 مجموع المشاركات: 626 Re: برق الصعيد (Re: سمية الحسن طلحة)
Quote: إنشاء الله تكون جايب لنا جبنة وزنين
سلام عليك ..سمية .. نعم .. المقطع الذي اقصده يتحدث عن مجلس جبنة وزنين. ود شعيت زولاً "بُدعي" بالحيل ..بالإضافة لي كلامو السمح ونُطقو الواضح .. فهو يقيم حوارا بالدوبيت يستنطق فيه بيئته من حوله "التَرس" و"الجمل" و"ريرة"البلد.. كما انه يقيم قصصاً وهمية "في بعض الاحيان" عن من هي أكثرهن جمالاً في مجالس الأنس والشراب.. ومن هي التي يحق لها ان "ترفع البيرك" على بيتها متزعمة مجالس الانس جمالاً وحضور.. وإن الله هّوّن بنسمع نموذج من حكاوي ودشعيت هِنا قريب..
تحايا
*************
الاعزاء بكري ..والطيب .. البطانة وحلفا .. مشروع القِربة اقيم لتوطين اهالي حلفا ..وكذلك لتوطين وتطوير الرُحّل في البطانة.. خشم القربة كان نقطة تحويل إنسان البطانة من رعوي متجول ..الى زراعي منتظم ..بدل ما يزرع بالمواسم وحسب المطر ..وطالق سعيتو ساكت وباريها سادرة ومتدلية.. وهنا "ساعيد" حكاية عن الصادق اب آمنة ..احد اشعر مغنيّ البطانة "طالما المقام مقام غناء وبراق"..انه إمتلك حواشة في مشروع حلفا لاحقاً.. وورد قوله في الحنين الى فترة النشوق والدمر ..وهواه للبطانة وتجواله مترحلا فيها..ساخراً من الحياة المنتظمة: إتخلفن لها البطحاني والعبادي ونفضنو المتِل جبب ام صريمة يدادي نحنا ترانا للشابورة ديمة نحادي عنز الشاي مراقبة من غرامة القاضي ويعني انه رأى براقين البطحاني والعبادي يتخالفن في شلعتن ..والبراقين ديل جابن سحاباً اسود ..متل لبس نساء الرشايدة ..والذي يشبه صريمة الجمل .. والصريمة هي الحبل او الرسن الذي يلف وجه الجمل ..لذلك سموا الرشايدية "ام صريمة" .. يقول البراقين ديل نفضن سحاب اسود ماطر ومتحرك ..اما هو فحالته صعبة حارس حواشتو مراقبا لها .. وحتى عنزه المخصصة للبيت للشاي ايضا مضروب عليها حصار ..فإن طلقها فإن ذلك يرميه في محاكمة وغرامة ..
حالياً منطقة "الرتّاجة" مثلا والتي تقع في مشروع حلفا الجديدة هي واحدة من مراكز عرب البطانة بعد إستقرارهم على ما أعتقد .. بالطبع حلفا لاحقاً اصبحت سودان مصغر ..بعد قيام المشروع وما جلبه من حياة مدنية ..حيث تجد كل قبائل السودان فيها تقريباً..
يعني يا الطيب ناس بكري ديل بي فضلهم..جابولكم المدنية في داركم ..وإستقريتو بعد ما كنتوا حايمين بالصي .. والله شنو؟؟
تحايا للجميع ..
13-12-2006, 06:12 ص
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: gessan)
Quote: والصريمة هي الحبل او الرسن الذي يلف وجه الجمل
لله درك يا غسان بس حبه توضيح شويه لو امكن :
الصريمة تختلف عن الرسن . الرسن يدرع في قدوم الجمل ويلف عنقرته من خلف ( انا يا غسان اخوى رساااااااان كمان) اما الصريمة فتشبيهها بحال نساء الرواشد فيها كثير من الروعة والابداع اللغوي إذ ان الصريمة عبارة عن حديدة تدرع للجمل الكافر او الماصع في نخرته او انفه لمزيد من التحكم في توجيهه لان الرسن لوحده غير كافئ لضبط الجمل وهو في هذه الحالة من الهيجان والمصعة .
اما علامات هيجان الجمل او مصوعه فهى خرير الدومات بالمادة السوداء ورش البول بزيله من خلف لحدى تتسخ فخذاه الخلفيتان بذلك البول .
نواصل لنسمع مزيد من ابداعك يا جميل
شيقوق
13-12-2006, 08:07 ص
gessan
.
تاريخ التسجيل: 05-02-2002 مجموع المشاركات: 626 Re: برق الصعيد (Re: سمية الحسن طلحة)
Quote: إذ ان الصريمة عبارة عن حديدة تدرع للجمل الكافر او الماصع في نخرته او انفه لمزيد من التحكم في توجيهه لان الرسن لوحده غير كافئ لضبط الجمل وهو في هذه الحالة من الهيجان والمصعة .
هلا هلا آ الطيب آخوي .. يا زول انا كلامك دا ما بتفق معاك فيهو ..اها رايك شنو؟؟
شوف الحديدة القاصدة إنتا دي نحنا بنسميها "الزُمام"..يا بتكون حديدة ..يا بتكون جلد "قِـد" او خيتاً قوي..وعادة ما تكون ثابتة في النخرة او انف البعير.. يعني ما عليك الا تدرع فيها حبلك والله رسنك ..وهي بالضبط متل الزمام عند النساء ..
اما الصريمة البعرفا غايتو ..يقولك :والله الليلة سويت لي صريمة للجمل دا..يعني جهّز الرسن بوضعيات لفاته المعروفة فما عليك الا تلبسه للجمل .. وقاعدين نقول تصرِّم الجمل ..يعني تلف الرسن او الحبل إن لم يكن جاهزاً او تلبسو ليهو بشكله المعروف دا ..والرسن عندو كم طريقة بتتحكم فيها هداوة الجمل زي ما قلتا إنتا .. وبرضو الحمار عندنا بصرِموهو ..وخاصة الدحش عندما يقرّب لي وكت الطاعة ..يعني تخلي فيهو الحبل جاهز .. وإن كان هناك "اللِجام" بالنسبة للحمار كما للخيل وهو حديد بلبسو ليهو في خشمو ..برضو لمزيد من التحكم فيه.. انا كان عندي وكت كان رسمتها ليك هسع الحاجات دي ..
نرجع للجمل .. بجانب الصريمة هناك أيضاً "الحَسَكة"..وهي زي ما تقول كدي شبكة مجلدة ومجهزة ..وعادة ما تكون من الجلد يتم تلبيسا للجمل "وهي بالضبط اشبه بصريمة الخيل الجاهزة كما في سباق الخيل".. والحسكة للجمل بستخدموها خاصة في حالة الشَدة "للقندفة" عند الذين يقصدون جمال المنظر .. حيث يتم تزيينها بالكِنتِل وتكمل جمال منظر السرج او "المخلوفة" ..وعليهو "الطافات" الملونات ..وتبراهو خيوت المحقبة ..يا سلاااام .. بعدين الحسكة وإنتا راكب في الجمل بجيك منها حبلين ايمن وايسر وجه الجمل ..لاكين في حالة الرسن العادي و في حالة الصريمة بجيك حبل واحد من راس الجمل ..
وهنالك ايضا "الشكيمة"..وهي عبارة عن شبكة منسوجة بلبسوها للجمل من قدام تغتي خشمو دا ..عندما يكون في مرحلة "التنشـيل " اي يمنعوه من الاكل والشرب .. وتلاحظها في الجمال المعدة للسباق .. وبيني وبينك انا شايف "الشكيمة" هي الاقرب لوصف نساء الرشايدة من الصريمة..
كثيراً ما اسمع في حكاويهم: "والله يا جماعة فلان دا عندو شافع ..بس شيطانا مصرّم.."..
الطيب ياخي .. خالص التحايا ..
13-12-2006, 08:32 ص
nazar hussien
.
تاريخ التسجيل: 04-09-2002 مجموع المشاركات: 3182 Re: برق الصعيد (Re: gessan)
هلا هلا....والله البوست دا كان فاقد شيخ العرب ودشنتير....
امانة ما فات بي جنس حدوثات....
جيتكم طربان سااااااااااااااااااكت....
والصريمة والرسن يا قيسان جيهتهن تب...
20-12-2006, 08:39 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: nazar hussien)
مرحب الأخ نذار ربنا يديم البسط والجابك يجيب شيخ العرب ود شنتير لكم التحية.
13-12-2006, 08:31 ص
gessan
.
تاريخ التسجيل: 05-02-2002 مجموع المشاركات: 626 Re: برق الصعيد (Re: سمية الحسن طلحة)
الاعزاء هنا .. سلام تاني ..
دا نموذج مسموع لدوبيت مُغنى من منطقة البطانة ..بصوت الشاعر الغناي الصِدِّيق ود عباس ..احد اجمل المغنين الذين سمعتهم في أداء هذا النوع .. وهنا تسمعه يتغنى بدوبيت لشعراء مختلفين منهم أحمد ود عوض الكريم وود ضحوية الشاعر الهمباتي ..وهو نموذج ماخوذ من تسجيل شعبي متداول .. كما أخذت في النموذج هذا لونين من "الأداء اللحني"للدوبيت عند ود عباس .. ارجو ان يكون فرصة للوقوف على هذا النوع من التراث الشعبي ..ومن افواه مغنيه او رواته الشعبيين مباشرة ..لضمان سلامة جماله ..
كما ان السمع بِقطَع الشك في مسألة الكتابة والتنوين لتوصيل النطق الصحيح للكلمات .. لاحظ مثلاً في النمة الاولى في النموذج فهي كتابةً تقول: ناس جبر الله قاعدين في البِيوت ما بخترو من كُبي ..وكشف حال الحريم ما بفترو أخير اختِر براي أسد الرضيمة بنُترو صاحبي إن ذلى ما بَفشاهو دِيمة بسُترو
فما أجملها سمعاً..
مع خالص التحايا للجميع ..
-----------
* شنتير .. أتمنى ان تمر بي جاي وتخت اضانك معانا وتسمع صاحبك ود عباس ..
13-12-2006, 10:24 ص
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: gessan)
نواصل
(عدل بواسطة الطيب شيقوق on 14-12-2006, 00:35 ص)
13-12-2006, 10:40 ص
nourelhadi awad
.
تاريخ التسجيل: 24-10-2006 مجموع المشاركات: 164 Re: برق الصعيد (Re: سمية الحسن طلحة)
يابت عز الرجال القامو الليل وقط مانامو مو مطر التريه مطر العينةالبرز سونامو ركازة الصعيف بحر السخاالطمر الكرد هدامو
والله أكان ماأخاف الكضب برق الصعيد هدا عندنا قي الدوحة
مودتي نورالهادي (عدل بواسطة nourelhadi awad on 13-12-2006, 01:52 م)
20-12-2006, 08:48 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: nourelhadi awad)
Quote: والله أكان ماأخاف الكضب برق الصعيد هدا عندنا قي الدوحة
ياود عز الرجال ضو المكبسة ضلامو كباس الدهم البتواردو عشامو نورك باقى هادى للورا وقدامو خاتم للنفايل وقايدن بزمامو
أخى نور الهادى والله برق الصعيد سوى البدع عّم الخليج كلو...انهالت علينا الإستغاثات من كل حدب وصوب (ناس ودطلحة عوووك أرحمونا كفانا) ميى زيفة وميى قرّة.
ودمتم
20-12-2006, 09:02 ص
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: سمية الحسن طلحة)
لله درك يا بت طلحة لعمري ما شهدت ابداع بلاغي بهذه الصورة
20-12-2006, 09:08 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: سمية الحسن طلحة)
الأخ الكريم / غـسـان لك الشكر أجزله فقد ملكتنا مادة قيمة جدا، شريط ود عباس الذى فقدته فى إحدى محطات تجوالى فى مدن الغربة الماشايفيين ليها نهاية دىوكذلك فتحت الباب على مصراعيه فى هذا الجانب الذى يطول شرحه (الرسن ، الهسال ، القلادة...) مفردات لمسمى واحد ،(عرقوبو وحنوه دور قادف النواتة بشّـت دومتو خربتّو القلادة شتاتا ) اما الصريمة فهى غير الشكيمة التى تزود بحديد مدبب الروؤس أو بشوك السدر ، وغير اللجام الذى هو من الحديد وعادة يكون للخيل...وقد تحدث الشيخ عبد العزيز وود الشلهمة فى هذه المعانى منها:ـ
دوماتـــك خبـوبن فوق قلايــدك مارق هاك طيّة هسـالك ياالعـفيف لا تدارق أنس الليل مـع أب خُـلقاً نـزيـه مو شالق بقى هاجسلي والرّوح للمروق بـتـّـالق
ونواصل....
[اضف رد] صفحة 1 من 1: << 1 >>
· · · أبحث · ملفك ·
برق الصعيد
لاح لى من صعيد برقاً كتم تعّّالو ذكرتى بسمة الزول الجميلة خصالو حرّق للقليب زاد فى التولع نارو سهر للعيون الدمعهن سحالو (التعال بتشديد العين هو جمع تعل بكسر التاء وسكون العين) والعرب عندما يدعون على أحد يقولون له(التعل اليشقك) فهل ياترى هناك فرق بين التعليين ؟؟...دعونا نرى آرائكم. ونواصل.
29-11-2006, 01:32 ص
بدرالدين شنا
.
تاريخ التسجيل: 30-07-2002 مجموع المشاركات: 3261 Re: برق الصعيد (Re: سمية الحسن طلحة)
من بت طلحة لاح لي بوستاً جميلة حروفو ذكَّرني بسمة الزهر الوريفة قطوفو
تحياتي ومودتي
29-11-2006, 01:49 ص
على محمد على بشير
.
تاريخ التسجيل: 07-08-2005 مجموع المشاركات: 1711 Re: برق الصعيد (Re: بدرالدين شنا)
Quote: لاح لى من صعيد برقاً كتم تعّّالو ذكرتى بسمة الزول الجميلة خصالو حرّق للقليب زاد فى التولع نارو سهر للعيون الدمعهن سحالو
الله يابت طلحه
فقد ذكرتينا بالذى مضى المايقوما وعلى الشيخ وصديق جحا ومحمد بابكر العبيد المحامى فقد كان على الشيخ من ابو دليق ومن رواة الشعر وقصص الشعراء وكان الله يطراهو بالخير لديه طريقه عجيبه ومحببه فى القاء الشعر فقد كان يروى لك قصة القصيده ( بعد ان يضيف شوية توم وشمار من عنده ) ويتمهل وهو يرمى لك بالشطر الاول من البيت الشعرى ويتمطق وكأنه يتزوق طعم كل حرف فى الشطر الاول من البيت قبل ان يرميه على آذان سامعيه ومستمعيه وقد كنا نحفظ الكثير والمثير والعجيب من شعر الدوبيت والملاحم البطوليه وقصص الحب العزرى من فم هذا الرجل ( على الشيخ ) والذى كان لا يقول ولا يروى الا الدرر وشخصيا كانت تستهوينى قصص الهمباته واشعارهم وكنت كثيرا ما اطلب واستزيد مما قاله الضرير وود ضحويه الخ .. ورغم ان الجلسه كانت تضم الوان الطيف القبلى الا ان حب الدوبيت والشعر كان يجمعنا نحن الشايقيه بالبطاحين .. وغير الشعر والدوبيت كانت تجمعنا الجيره والمحبه والافراح والاتراح وملاعب الصبا ومرتع الطفوله .
وقد تزكرت كل هذا الان وبعد ان قرأت الابيات اعلاه .. وجرت الذكريات امام ناظرى وكأنى اجلس تلك الجلسات الفريده وكأنى لم اتى الى الغربه ابدأ . فلله درك اختى سميه
29-11-2006, 10:51 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: على محمد على بشير)
الأخ/ على محمد على بشير هل تصدق أن أعز أصدقائى هنا فى السلطنة من الشايقيه... فهناك الكثير من القيم المشتركه التى تجمعنا معكم ياأحن الناس. هيجت فينا الشجن بحديث الذكريات هذا....ولك مربوع من طه الضرير:_
مافيتاالبمقوهو وبمرق تلوه ومافيناالبوصف للضيوف الخلوه نحناالفوق قفاالشيحان نطبق السروه والبنقصدو شن هد فى البحر ما بروى
لك التحيه والود... ونطمع فى إطلالتك دوما
29-11-2006, 10:32 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: بدرالدين شنا)
البدر الطلع والناس مناها تشوفو مرّ على هنا واتحفنى بى معروفو
لك مودتى يابدر الجمال....شعرك جمييل
29-11-2006, 02:40 ص
JAD
.
تاريخ التسجيل: 05-02-2002 مجموع المشاركات: 2402 Re: برق الصعيد (Re: سمية الحسن طلحة)
الأستاذة سمية ..
تحية طيبة،
واسمحي لي أن أرحب بك هنا فقد أودعت ترحيبي في بوست الأخ شيقوق ولكني لم أره ..
مرحباً بك ألف أيها الأخت الفاضلة ..
في منطقتنا نسمي البروق بالقبلي ، العبادي ، البطحاني ، وهذه صادقة الوعد ونادراً ما تخيب الظن ..
أما برق الصعيد فهو كما ذكرت يتميز بسناه الجميل وبريقه الأخاذ .. ولكن للأسف لا يأتينا منه في الغالب إلا الزيفة "القرة" الشديدة ..
ولي طلب عندك" إن كنت تحفظين شيئاً من الأشعار التي قيلت في الشيخ محمود ود زايد أرجو شاكراً أن تتحفينا بها ..
التحية لك مجدداً ..
أخوك
جاد
29-11-2006, 04:16 ص
مجاهد عبد الرحمن
.
تاريخ التسجيل: 30-08-2006 مجموع المشاركات: 251 Re: برق الصعيد (Re: JAD)
تاريخ التسجيل: 31-01-2005 مجموع المشاركات: 1959 Re: برق الصعيد (Re: مجاهد عبد الرحمن)
Quote: فهل ياترى هناك فرق بين التعليين ؟؟
يا سلام يا بت طلحة هيجتي ذكريات خلدت في ذاكرتي :
التعل يا بت طلحة هو السحابة الزرقاء المتراكمة في اتجاه واحد وعندما تخر شخيتير (راجعي مسدار الحاردلو لمعنى شختير ) اهلنا بيقولوا هلا هلا التعل ده نزل في الحته الفلانية وهم يدركون تماما اين هطلت تلك السحابة .
التعل تاني يا بت طلحة هو تعل النحل المليان عسل . زمان كنا نمشى حظيرة الدندر ومن بعيد الواحد يشوف تعل النحل . نمشى نجيب الدخان ليهو عشان النحل يطير من التعل ونجى نشيل العسل .
شكرا لهذا البوست الرائع
30-11-2006, 03:19 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: الطيب شيقوق)
أخى/الطيب شيقوق لله درك وانت تصول وتجول فى كل المحاصات وأنت لها... قطعا الكلام عن البروق والمطر والتعول يثير أشجان الغرباء مثلنا. ...........................................................................................
كنت يا بت طلحة زمان محامي في الدندر وكان طوالى بنادي الغنايين ساعة الفطور في مكتبي عشان اسمع منهم الدوبيت قبل احزم ملفاتي وامشى لجلسات المحكمة . كانت معاى محامية افتتن بها اهل المدينة . شافوها الشعراء في المكتب وقلت ليهم الاستاذة دى ادوها حقها عليكم الرسول .
محمد الفاتح ابو عاقلة كان معانا جاى في زيارة للدندر قال خلونى اقول ليكم :
يا لخلوخة القيف البغمر هيفك ما اتكرمشتى جسمك في شتاكي وصيفك انا مرضان بهضرب من ملاقات طيفك امسى الليلة يضرب في المكاتل سيفك
نواصل
30-11-2006, 03:51 ص
doma
.
تاريخ التسجيل: 04-02-2002 مجموع المشاركات: 3377 Re: برق الصعيد (Re: سمية الحسن طلحة)
يا زوله وحاه ربي حديثك طاعم بالحيل اها هادي قعده
01-12-2006, 06:15 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: doma)
ألأخ/Doma
حبابك عشرة بلاكشرة...إنما حلاوة الحديث وطعمه من زوق مستمعيه ومتذوقيه. ولو ماشالك الكتف يشيلك الراس ونحنا الجار والعشير من الكتف لى راسنا وفى المال والعروض تخشى الملوك من باسنا وجودك بيننا يسعدنا ولك التحية والود.
30-11-2006, 03:53 ص
soma
.
تاريخ التسجيل: 14-09-2002 مجموع المشاركات: 1882 Re: برق الصعيد (Re: سمية الحسن طلحة)
اهلى البطاحين جونى بالبروق الجاهرة من تال الصعيد اب رعودا كافرة والغيم البهز فوق للضهارى الدافرة والمطر البنز فى التقاوى الوافرة يفرهد بطونها متل الغزال النافرة
بت طلحة صباحك لمة قبيلة فى ضل نيمة و العز بالاهل
اسماء الجنيد / مسقط
01-12-2006, 06:26 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: soma)
تاريخ التسجيل: 07-11-2006 مجموع المشاركات: 802 Re: برق الصعيد (Re: سمية الحسن طلحة)
Quote: يا لخلوخة القيف البغمر هيفك ما اتكرمشتى جسمك في شتاكي وصيفك انا مرضان بهضرب من ملاقات طيفك امسى الليلة يضرب في المكاتل سيفك
هيييييعع...
سلام أهلي العَرب أهل الكرم والجود...
سلام أهل الفضائل الجَمَّة مالها حدود...
أهل الفزعة في وَكْت الدَبَار مسدود...
أهل الحارة في الويل الضَرَب بارود...
كميات مودتي...
وتسجيل حضور ومتابعة... وتسلمي ست الدار بتنا سمية الحسن...
أبو الحســـــــــــــين...
30-11-2006, 04:33 ص
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: أبو الحسين)
Quote: اهلى البطاحين جونى بالبروق الجاهرة من تال الصعيد اب رعودا كافرة والغيم البهز فوق للضهارى الدافرة والمطر البنز فى التقاوى الوافرة يفرهد بطونها متل الغزال النافرة
سوما بت الجنيد كيف حالك
عليك الله يا بت القبائل تبقى معانا بجاى بنحس في مساهماتك حنان الاهل وجود الاهل . نامل ان يكون لهذا البوست لونية خاصة وطعم خاص لا يحسة ولا يتذوقه الا من توطنت في وجدانه ثقافة اهل البطانة واهل البادية وبالتاكيد هم متابعون بشقف لمثل هذه الكتابات .
اطيب المنى
30-11-2006, 05:25 ص
ebrahim_ali
.
تاريخ التسجيل: 05-02-2002 مجموع المشاركات: 2043 Re: برق الصعيد (Re: الطيب شيقوق)
نواصل في هذا الموضوع الشيّق ولدينا الكثير عن البرق القبلي والحماري وابو حرقوص وبرق المغربية بصواقعه الحارة وبرق المطر الضحوى عندما يكون السماء منيّل من قدام وكمان البرق ابو فاتحة . هلا هلا يا بت طلحة هيجتي ذكرياتنا .
01-12-2006, 07:10 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: ebrahim_ali)
الليله البـريـق حـمـل المُزن في القبلة وانا فاقد غميدي وليهو مافـيـش سبـلـة بـتـذكـر ربــوعــاً فـي فنـاهـن عـبـلـة متجـرِّد من المُـلك العـظـيــم زي جبلة لك التحية وأنت تمتعنا بهذه اللوحة الرائعة التى تعجز أمهر الفنانين . نطمع فى تواصلك معنادوما.
01-12-2006, 06:45 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: أبو الحسين)
أبوالحسين حبابك...اب عقبا زين حبابك آلاف حبابك ياالكريم أصلك عزيز تيرابك حبابك والصنودتعملك حساب وتهابك الراى والفهم دارسنو فى محرابك يااب عرضا موفر ومو مقصر دابك. تشرف وتنور
30-11-2006, 02:53 م
أحمد الشايقي
.
تاريخ التسجيل: 08-08-2004 مجموع المشاركات: 4374 Re: برق الصعيد (Re: سمية الحسن طلحة)
بت الشيوخ
سمية الحسن طلحة
تحيات غامرة وأنت تأتينا بشيخ العرب شيقوق يؤل أحاديثم ما غرب منها وما بعد
وتأتينا بالحديث المرقرق الحواشي من عكير الدامر وغيره من فحول البطانة
سأعود ساعـت شعر وفي الخاطر الكثير
لك ما طاب
أحمـد الشايقي
30-11-2006, 03:11 م
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: أحمد الشايقي)
Quote: وفي الخاطر الكثير
عزيزي احمد انا اعلم في الخاطر الكثير فهلا جدت لنا ولو بنذر يسير منه؟
لك مودتى
اخوك
شيقوق
30-11-2006, 04:14 م
abubakr
.
تاريخ التسجيل: 22-04-2002 مجموع المشاركات: 1844 Re: برق الصعيد (Re: سمية الحسن طلحة)
الطيب شيقوق
Quote: نواصل في هذا الموضوع الشيّق ولدينا الكثير عن البرق القبلي والحماري وابو حرقوص وبرق المغربية بصواقعه الحارة وبرق المطر الضحوى عندما يكون السماء منيّل من قدام وكمان البرق ابو فاتحة
ات تواصل وين وين ؟؟ ات وين رحلة عمرك ؟ وين مشوار سنينك؟؟ سويت فيهن شنو وقاعد زيارات في البوستات ؟ ات شغال في شركة الكهربا ؟ بجمع فواتير ؟ بكان مافي ضو ولمبة ملبقة القاك متحكر ؟ ارجع الي نهرك الجاف وقرودك في الغابة ؟
01-12-2006, 05:47 ص
أحمد الشايقي
.
تاريخ التسجيل: 08-08-2004 مجموع المشاركات: 4374 Re: مجادعة مع عكير الدامـر (Re: سمية الحسن طلحة)
كتر لينا من العينة دى يا ود الشايقي الجميل (عدل بواسطة الطيب شيقوق on 01-12-2006, 06:52 ص)
01-12-2006, 06:41 ص
الطيب شيقوق
.
تاريخ التسجيل: 31-01-2005 مجموع المشاركات: 1959 Re: مجادعة مع عكير الدامـر (Re: الطيب شيقوق)
Quote: ات تواصل وين وين ؟؟ ات وين رحلة عمرك ؟ وين مشوار سنينك؟؟ سويت فيهن شنو وقاعد زيارات في البوستات ؟ ات شغال في شركة الكهربا ؟ بجمع فواتير ؟ بكان مافي ضو ولمبة ملبقة القاك متحكر ؟ ارجع الي نهرك الجاف وقرودك في الغابة ؟
يا ابا بكر وين وين وين ذكرتنى عمنا ابراهيم شيقوق - يطول عمره - فقد التركيز وبقى يتكلم ساى . عندنا عمتنا فاطمة بت شيقوق حنيييييييينة كلما تتذكر اخوانها الماتو وهم ( الطيب - وعبد الغنى - والرضى - عثمان) تبكى براها وهم ماتوا قبل عشرين سنة .
اها يا ابا بكر عمنا البيتكلم ساى ده جننها عديل بقى كل يوم يجيها بعد تعمليهو القهوة ويشرب يجى مودعها بيقول ليها ( فاطنة يا اختى الدنيا دى ما فيها خير وين طيبك ووين عبد الغنيك ووين رضيك ووين عثمان ) تبكى المسكينة وتجرى يمين وشمال لحدى نجى نسكتها.
01-12-2006, 07:06 ص
abuguta
.
تاريخ التسجيل: 20-04-2003 مجموع المشاركات: 3552 Re: مجادعة مع عكير الدامـر (Re: الطيب شيقوق)
برق الفارة شلع من جنائن الدوحة من البطانة جاتنى.. نمة قلوب منشرحة البورد تنسم بالقوافى الجميلة الصرحة طاب بيييك المقام.... بابت الحسن طلحة
(عدل بواسطة abuguta on 01-12-2006, 07:08 ص)
01-12-2006, 07:24 ص
abuguta
.
تاريخ التسجيل: 20-04-2003 مجموع المشاركات: 3552 Re: مجادعة مع عكير الدامـر (Re: abuguta)
برق الفال لمع..والقمرى سوى القوق ذكرنى شرق رفاعة, تنبول ويوم السوق انا من عرب ابقوتة..ياالطيب شيقوق عاشق خريف البطانة..وحنين النوووق
01-12-2006, 07:39 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: مجادعة مع عكير الدامـر (Re: أحمد الشايقي)
الأخ/الكريم/ ودالشايقى طعمت الدار بى حديثك...ياأخوى سلامتك تبرا من النيران. انا عندى اخير لنا براقنا ده كان يجيب لنا مطرا يطفى( نيران الخشوش الورن) دى. وهاك دى من عكير الدامر:ـ عهدنا بيك كنداب حربةمابتشلخ وعفدة عين جبل ملويةمابتتفلخ كان ايدينا فيك من المسك تتملخ السما ينتكى وجلد النمل يتسلخ لكم التحيةونرجو كرمكم كما عهدناكم.
01-12-2006, 07:14 ص
abubakr
.
تاريخ التسجيل: 22-04-2002 مجموع المشاركات: 1844 Re: برق الصعيد (Re: سمية الحسن طلحة)
Quote: كتر لينا من العينة دى يا ود الشايقي الجميل
يالطيب ..يكتر ليك من شنو ؟ ما قلنا ليك رطانة ودايريون نعرف الدوبيت شنو ؟؟؟ بعدين ات مالك والشايقية ات ما قت عرريب وبدوي ؟؟
01-12-2006, 08:06 ص
معتصم الطاهر
.
تاريخ التسجيل: 26-11-2004 مجموع المشاركات: 2026 Re: برق الصعيد (Re: سمية الحسن طلحة)
لاح لى من بعيد سحاباً فَضَح برّاقو طَرّانِى ضحكة الزول الصعيبة فراقو حرّق القليب وشتت بقية اوراقو هيج النفوس الكانو تابو وراقو
01-12-2006, 09:21 ص
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: معتصم الطاهر)
ابو بكر اخوي حبابك بالأصول ياأفندى وارث للعلم ماك الجديد جربندى نسام أم خدود لافح بدور جرقندى الفاروق فزع (مدودر) جناين شندى
01-12-2006, 10:44 ص
abubakr
.
تاريخ التسجيل: 22-04-2002 مجموع المشاركات: 1844 Re: برق الصعيد (Re: سمية الحسن طلحة)
Quote: نسام أم خدود لافح بدور جرقندى
يا صاحبة الدار ويا جماعةالخير ... اشرحولي الذي تحته خظ ..
01-12-2006, 12:44 م
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: abubakr)
Quote: يا صاحبة الدار ويا جماعةالخير ... اشرحولي الذي تحته خظ ..
واحد يشرح للزول ده مافي . انت مالك ومال البرق انتو سباليك في بيوتكم مافي . والله بيوتكم بتاعة حلفا دى لو عندنا هنا في الصعيد مطرة ضحوية واحدة تلحقكم تسونامي .
01-12-2006, 02:18 م
abubakr
.
تاريخ التسجيل: 22-04-2002 مجموع المشاركات: 1844 Re: برق الصعيد (Re: الطيب شيقوق)
Quote: انت مالك ومال البرق انتو سباليك في بيوتكم مافي
هوي ات الابالة و اللقيعة ما عرفتههن وانا"من الناطقيين بغير العربية " وعارفهن ؟؟ بعدين ان ود سكة حديد من تسني الي كوستي وتندلتي والحمرة وجبل دود وسنار والجيلي والنمر والابيض وكسلا وووووووووووووووووووومحطات كثيرة وبراق عمرك ما شفتو..؟؟ دحين لو الجماعة دييل سمعو كلامك ياها جاهم تسونامي برابرة؟؟؟
01-12-2006, 02:54 م
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: abubakr)
Quote: بعدين ان ود سكة حديد من تسني الي كوستي وتندلتي والحمرة وجبل دود وسنار والجيلي والنمر والابيض وكسلا وووووووووووووووووووومحطات كثيرة وبراق عمرك ما شفتو..
؟؟
شتان ما بيني وبينك انت ود سكة حديد من تسني لحلفاء ووقت تكون مسافر تذكرتك نوووووووم وانا عمري كلوووو مسطح فوق في القطر ومرات اقع من فوق بين ال Vacums. اي هم للسودان انتم تدركون واى معاناة للغلابة انتم تعلمون امشى كده يا ود المصارين البيوض .
01-12-2006, 04:14 م
abubakr
.
تاريخ التسجيل: 22-04-2002 مجموع المشاركات: 1844 Re: برق الصعيد (Re: الطيب شيقوق)
Quote: شتان ما بيني وبينك انت ود سكة حديد من تسني لحلفاء ووقت تكون مسافر تذكرتك نوووووووم وانا عمري كلوووو مسطح فوق في القطر ومرات اقع من فوق بين ال Vacums. اي هم للسودان انتم تدركون واى معاناة للغلابة انتم تعلمون امشى كده يا ود المصارين البيوض .
قطر الاكسبريس بيكون فيه عربية نوم واحده يعني اقل من عشرة قمرات فلو كلو واحد ابوه شغال في السكة حديد يركب درجة نوم بعدين السكة حديد كلها حتكون نايمة والقطارات واقفة فحتسافر انت مسطح كيف ؟؟؟
01-12-2006, 04:20 م
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: abubakr)
بعدين السكة حديد كلها حتكون نايمة والقطارات واقفة فحتسافر انت مسطح كيف ؟؟؟
نعست انت ولا شنو يا بابا ؟ (عدل بواسطة الطيب شيقوق on 01-12-2006, 09:24 م)
03-12-2006, 08:28 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: abubakr)
اجمع فى الرزق شان لى رضاهن افافى كترت ومسخ واتعاجزت عرافى قدر ما ادى مظنونى مانى مكافى غير متاسف الياخدنو كله عوافى
03-12-2006, 00:21 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: Yahia Abd El Kareem)
الأخ / يحي عبدالكريم .
مايفقدوك في شينة انشاء الله تسأل منك العافية اتا ماناسية المسادير . اياها بدايتي الختيت فيها تايتي والله أنا براي متقريفة ليها وماببقى براها ومابفارقها تب خليني أشوف آخر البرق دا يمكن البطانة تمطر .
برقِك قلـَّع السارية أم صبيبا ســاح وتعّـالك كتـَم من الهـواء اللفـاح رعـدك رَزّ في المطرة التقيلة وقاح وهجـك لاقى شمس الغيبة باكر زاح
03-12-2006, 00:25 ص
abuguta
.
تاريخ التسجيل: 20-04-2003 مجموع المشاركات: 3552 Re: برق الصعيد (Re: Yahia Abd El Kareem)
Quote: يا أبو قوتة إنت شقق وأنا بكتل ليك
والله ياجاد شقق دى بقت ما مستخدمة حتى فى مودرة الحطب اى شىء بقى يجى مشقق..حتى بكتل دى غنايها مات لكن الليلة ذكرتنى سوق النسوان فى ابقوتة ..طلح و شاف , تباريق ,نطع سمن فى الجوالين والقزاز..قروش مكرفسة فى المحفظة.. وجنبو سوق الحمام والجداد..ولما تكون فى مطرة اى دلالية بتكون فارشة فى مكان تانى...حليييلك يازمن..اما الشقيق فى الحش..دا شيتنا تانى نحن عرب جزيرة ساى شغلنا كلو سرراب..وكسير دراب..
لكن كدى اكتل دى
برق الصعيد جاب لى هبايب من جاى ذكرنى البريدو وقعدة.. الدوباى قارقت اللغيبش الفى الدواب جراى وبقيت زول مدن... لا نمة لا شاشاى
ويينك يابت طلحة ملكة الدوبيت.... الطيب شيقوق ذاتو مو عاوز يرد علينا ساكى ليه رطانى ..لما وقع دامتو لكن ابو بكر دا عندو حاجات كتيرة مخزنة...يذكرنى بكتابات الوحش عثمان محمد صالح الاديب الحلفاوى البلغارى من ناس الزمن الجميل...يكتب الادب مثل همهمات عمال الدريسة لكن انا بقيف عند هولاء..القادمين الجدد..كل واحد مدرسة بذاتو الطيب شيقوق, ابو بكر سيد احمد .فاروق..ود جبرا...بنت الحسن طلحة..مولانا عادل ديل جونا جامعيييييين ...بمعنى جاهزين خلاص... ولقدام (عدل بواسطة abuguta on 03-12-2006, 00:56 ص) (عدل بواسطة abuguta on 03-12-2006, 06:42 ص)
03-12-2006, 03:42 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: abuguta)
ألأخ الكريم/اب قوتة مااااتلومنى كان كاتمة الكلام أزمنت بنقد فى القوافى السمحة ماأتجابنت والله أنا طارى ابقوتة ده بالحيل بتور على الحسس المدفون(المحرات بتور المدفونة) وزميلاتنا فى رفاعة الثانوية من أبقوتة...والله أيام يازمان الليلة نضميك ده متل برق الصعيدطلق على دعاشو حسيت منو رحل العنقريب بفراشو دحين آخوى إتو شققو واكتلو ونحنا علينا الكديب...والتقا بنلمها سوا والله أمس كنا بنشرح لى أولادنا فى نفس العبارات دى. ودمتم معينا من المعرفة لاينضب بت طلحة
03-12-2006, 06:22 ص
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: سمية الحسن طلحة)
بت طلحة خوفتيني عديييييييييل الكلام ده لقيتيهو وين ؟
زمان انا كنت بشقق وابوى طوالي ناهرني من الشقيقة الكبيرة وكنت بقصدها عشان ما يحلقونى في الكتل وكنت ظلات في القش كمان .
03-12-2006, 07:06 ص
Yahia Abd El Kareem
.
تاريخ التسجيل: 26-02-2005 مجموع المشاركات: 336 Re: برق الصعيد (Re: الطيب شيقوق)
فوق ياودشيقوق...اظنك نشلت الموية من البير ايام الافراح والبوش...وكمان دخلت بى غنمك الدهسير وجمعت الربل من الخلا وطاردت القطا من حصا المقابر...وذاك تاريخ ابيض واصيل ... نعود ان شاء الله مع نسام بت الحسن الى ان تمطر البادية وتملا الميعة والهواد...
03-12-2006, 10:36 ص
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: Yahia Abd El Kareem)
Quote: فوق ياودشيقوق...اظنك نشلت الموية من البير ايام الافراح والبوش
يا ريت يا بت طلحة انا نشلتها من الجمامة ( الجمام ما عندكم انتو وهي لما النهر مويتو تنشف في الصيف ممكن تحفر اى حفرة بيدك ساى تجيب موية واصل الكلمة من جم يجم على وزن فلّ يفل ولا ايش رايك انتى شاطرة في اللغة العربية )
سمية زمان انا في الثانوي بدرسونا معلقة زهير ابن ابي سلمى وكنت ما بتنكر لبيئتنا اصلا . اها اليوم داك الاستاذ بيشرح في بيت في المعلقة بيقول :
رعوا ظمأهم حتى اذا تم اوردوا ..... الخ
الاستاذ يشرح سااااااااى لاولاد البندر عن غب الابل ووردة الابل طوالى نططت عيني للاستاذ ورفعت يدى فوق استاذ استاذ استاذ قال لى شنو يا العريس كنت معرس قلت ليهو ما تتعب الشاعر بيقصد الضمي والضمي عندنا يوم وردة الابل بعد تغيب ثلاث ايام . اولاد البندر قالوا لى ما فاهمين قلت ليهم اتسود خطوتكم واشوقكم للرحيل وخلفة المحوية ( الزبير بعرف الخلفة وحلاتها مع الخبة في جمل بشاري دوماتو خارة ) وتنم معاها نمة حلوة وسوطك مدلدلة سااااااااااى في بطن الجمل .
تقول
ود الحوري من كان سمينا ملجة يبس دورو بالبركة ورقاد الدلجة رقاد المراتب والبرش الضفيرتو العلجة منو ابعدنا للكباشي بلد ام فلجة .
نواصل
04-12-2006, 11:12 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: الطيب شيقوق)
ا لجمام من جم اوجاد بالشى...نقول مثلا فضائل جمة اى كثيرة أما عن الشرب:ـ اليوت : هو الشرب اليومى الغب : هو الشرب يوم بعد يوم وقالت البنت ترثى والدها:ـ ديمة سواتك فوت يامقنع البنوت نارك ما بتموت ووجعك مابغب يوت اما الضمى فهو على نحو ماذكرت ونواصل
04-12-2006, 11:23 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: سمية الحسن طلحة)
اما عن سير الجمال فهو انواع: يكربت ويربع والخبيب والشبيب كما ذكر الشيخ عبد العزيز فى هذا المربوع،وخرير الدومات أخد العاصي دودبي المشيـهــو شبيـب النال حازمو والشق تحتو فـيـهـو دبيب تذكــار البقـول لى أمّــو جـانـا حبيب خـلا حــروت قـماقـمـك إنتـرنو كبيب ونواصل
04-12-2006, 11:28 ص
abubakr
.
تاريخ التسجيل: 22-04-2002 مجموع المشاركات: 1844 Re: برق الصعيد (Re: سمية الحسن طلحة)
يالطيب .. هدنة ؟ زي اتفاقية البقط ...تحل لي العجمي اللي فوق دة وانا اسامحك عن رحلتك ومشوار سنينك ونهرك العبرتو وهو جاف ...؟؟ انا غايتو عرفت "الليل" و"الشق" و"الحجر " .. نحن الرطانة ما ادونا ادفانسد كولوكيوال ارابيك زي دة ؟؟؟ وتقولو برابرة برطنو .. في ذمتكم البنية دية كلاما دة الفرق بينو و بين " اقدن مل فقن مل " شنو ؟؟؟
04-12-2006, 02:56 م
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: abubakr)
Quote: في ذمتكم البنية دية كلاما دة الفرق بينو و بين " اقدن مل فقن مل " شنو ؟؟؟
انا قلت ليك يا رطاني يا اعجمى لا تسالوا عن اشياء ان تبدو لكم ....
انت بس الله ابتلانا بيك الله يصرفك مننا ويخلينا نتضرع برانا في بطانة ابو على وحسان دى .
04-12-2006, 04:30 م
معتصم الطاهر
.
تاريخ التسجيل: 26-11-2004 مجموع المشاركات: 2026 Re: برق الصعيد (Re: سمية الحسن طلحة)
عفوا للدخول بين الغنوة ونمّتها
كنت أظنه بوست للجميع ...
05-12-2006, 00:57 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: معتصم الطاهر)
لاح لى من بعيد سحاباً فَضَح برّاقو طَرّانِى ضحكة الزول الصعيبة فراقو حرّق القليب وشتت بقية اوراقو هيج النفوس الكانو تابو وراقو
{ عفوا للدخول بين الغنوة ونمّتها
كنت أظنه بوست للجميع ... .......................................................................................... أخى الكريم/معتصم الطاهر والله العظيم ثلاث والله على ما أقول شهيد انا الآن فتحت البوست ده مخصوص للرد عليك وعلى مجادعتك دى ...ولكن للأسف الشديد (سبق السيف العذل) وعتابك ده يدل على كرم أصلك ونبل أخلاقك،أهلك العرب قالوا( الما دارك ما لامك) ونحنا دايرنك ومابنبقى براك...فلك العتبى حتى ترضى وياجماعة الخير أفزعونا ياناس الشايقى و منصور واب قوته وكلكم..كل واحد يجيب نمة فوق المعتصم ده حتى يرضى عننا ويجى ودشيقوق يحلف طلاق بالتلاتة معتصم يرجع.
05-12-2006, 01:59 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: سمية الحسن طلحة)
والله ياالمعتصم غيبت لينا البرج فى راسنا يا من لك أصـل عريق ضارب كم ان لى حـس دقيق صـائب وكم ان لى لفظ فصيح معرب انماأضحى الكلام من أمامى يهرب ويضـيع منى فى فـضـاء غـيـهـب فهلا تقبل إعتذارنا وتعود حاملا نمك ...الا يصعب عليك فراقنا؟؟؟ نأمل ونتعشم بل ونطمع فى كرمك... فإنه والله ليعز علينا فقدك. (عدل بواسطة سمية الحسن طلحة on 05-12-2006, 05:13 ص)
05-12-2006, 02:41 م
معتصم الطاهر
.
تاريخ التسجيل: 26-11-2004 مجموع المشاركات: 2026 Re: برق الصعيد (Re: سمية الحسن طلحة)
Quote: سمية الحسن طلحة: ونحنا دايرنك ومابنبقى براك
زولك و برضو ما ببقى بلاك لأنَّك فرضو و بالقليلة ملاك الهجر أرضو بالدمِع بلاّك كالكشَف عرضو بالجمُر ملاّك
05-12-2006, 04:54 م
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: معتصم الطاهر)
جبرت الخواطر لبيت ندا الناداك رضيت الجميع انشاء الله ما نختاك مابترضى الهجر كشف العروض حاشاك خلينا ان نجر النـمـة سـوى مـعاك
05-12-2006, 04:57 م
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: معتصم الطاهر)
جبرت الخواطر لبيت ندا الناداك رضيت الجميع انشاء الله ما نختاك مابترضى الهجر كشف العروض حاشاك خلينا ان نجر النـمـة سـوى مـعاك شكرا لك أخ معتصم والعود أحمد
05-12-2006, 01:19 ص
abubakr
.
تاريخ التسجيل: 22-04-2002 مجموع المشاركات: 1844 Re: برق الصعيد (Re: سمية الحسن طلحة)
Quote: انت بس الله ابتلانا بيك الله يصرفك مننا ويخلينا نتضرع برانا في بطانة ابو على وحسان دى .
قالو رطانة عنصريين ...اها منو العنصري ؟.. اربعين سنة في خشم القربة السماها مقدود مع ناس البطانة ما علمونا ولا "نمة" والحوالينا منهم علمناهم يلعلعو برطانتنا ( لغات اجنبية)... بالمناسبة "نمة" يعني شنو ... ؟؟ يعني زي " نمتي الضواية" ...؟
05-12-2006, 04:11 ص
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: abubakr)
يا زول البوست ده ما تجيهو غير شايل دكشنريك في جيبك
اخلي بت طلحة تشرح ليك النمة بس افهم انو احلى انواع النمات هى تلك التي يعمد المنم ( بضم الميم وكسر النون ) على وضع مصبع السبابة في اذنه اليمين واتلولح معاها ونفسو قائم ومدنقر ( مدنكر تعنى مسهي لتحت او بمعنا اخر بعاين ل########## من شدة طربه بالنمة )
وفي رواية اخرى احلى النمات عند الملمات الا ان هذه الرواية لم تجد قبولا عند جمهور خيمة الحاردلوا ود امنة وود شعيت وود الشوبلي ومحمد بابكر الدرويش وهولاء يرجحون ان اطيب النمات هى عندما يكلف صبية البادية للذهاب بجمالهم البشارية لمعرفة المحلات المخرفة او خريفها دندنة ( الدندنة الخريف البتكون بهائمه دفرة وعقلة) والدفرة والعقلة هي شبع البهائم في فد محل ( فد تعنى محل واحدة ) دون الحاجة الى قطع المسافات بحثا عن التبر والحنتوت ( وديل من افضل انواع النباتات للرزق ( الرزق هنا تعنى الانعام يا رطاني )
اها لما الصبية يجوا راجعين لاهلهم يخبروهم بمحل الخريف الدندنة ده بيكونوا مبسوطين بجوا راجعين اما خبة معاها نمة قد تكون النمة في حبيبة او في الخريف ذاتو او تكون الرجعة كربته والكربته دى بتقطع الشراشيف .
نواصل
05-12-2006, 04:34 ص
abubakr
.
تاريخ التسجيل: 22-04-2002 مجموع المشاركات: 1844 Re: برق الصعيد (Re: الطيب شيقوق)
Quote: تكون الرجعة كربته والكربته دى بتقطع الشراشيف .
انا استاهل .. شن جابني هنا ..؟؟ اخير لي الملايالم المعاي هنا اهو " ويلم " يعني "موي" اما"كربته والكربته" دي ما ليها قاموس ولا في الامزون ... تتقسحو في جني الرطان ساي .. اها باباي من مضاربكم نمو ( بكسر النون مش كدة يالطيب) برايكم ... (عدل بواسطة abubakr on 05-12-2006, 01:13 م)
05-12-2006, 05:04 م
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: abubakr)
تاريخ التسجيل: 14-03-2002 مجموع المشاركات: 16802 Re: برق الصعيد (Re: سمية الحسن طلحة)
مبروك يالاهل.. الليله جات بت طلحه سكر في السلام ماها البخيله المِلحه رضاية النفوس البيك... بقت مُنصلحه بي شاف الكلام.. فاحت هديك من طلحه (عدل بواسطة Elmosley on 05-12-2006, 10:38 ص)
05-12-2006, 05:17 م
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: Elmosley)
ترحـب ديارنا الوسـيعة وبـرحة بـمـلك الفنون والسجايا السمحة خـريف الأرض فى السنين الكلـحة لـوجودك معانامـا بتسعنا الفرحة مرحبا بالموصلى حللت أهلا ونزلت سهلا
05-12-2006, 10:50 ص
nourelhadi awad
.
تاريخ التسجيل: 24-10-2006 مجموع المشاركات: 164 Re: برق الصعيد (Re: سمية الحسن طلحة)
بت البلد سلام عليكم
من يشبهنا لا افتري لكنها الحقيقة والتي فقط نعرفها نحن اختي سمية متى يعرف الاخر من يوثق هذا التراث البحر
اني استمع واقرأ... لكم الود
نورالهادي
05-12-2006, 05:34 م
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: nourelhadi awad)
وعليكم السلام أخ/ نور الهادى لاأحد يشبهكم ولسان حالكم يقول:ـ انا البركب على الدقـن سناب انا الملهوف غريب باقيلو كاب انا الخلقونى لى يوم الخـراب انا اب فزعا قريب متل السحاب فلنتعاون لتوثيق هذا التراث
05-12-2006, 05:45 م
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: سمية الحسن طلحة)
المحلة هى المحل التي لا ينبت فيها نبات واسعد المزارعين من يجد بلاده امحلت لا ينبت عليها الا الذرة او السمسم .
ترزم السارية هو كرير المطرة الليلية -
كان لاحد المزارعين ثلاثة اولاد وعندما حل زمن الخريف ارسل اى منهم لجهة ليزرع فيها بعيد عن منطقتهم . وبعد نهاية الخريف حضر ثلاثتهم بعد ان لموا مسورهم ( المسور هو الانتاج يا ابا بكر) الاب سال الاول اها يا ولدى قبل توريني انتاجك انت محل مشيت مطركم شنو؟ قالو يابا مطرنا ظهري او ضهري الاب قال ليهو انتو صفقتوا ( يعنى انتاجكم شوية) سأل التاني اها يا ولدى انتو شن مطركم ؟ قالو يابا نحن مطرنا ضحوي ابوه قال ليهو ووب ووووب انتو بورتوا( البور هو غلبة الغش للعيش او السمسم) سال الولد التالت قالو اها ياولدى انتو شن مطركم الولد شنق الطاقية فوووووووق قالو يابا نحن مطرنا ليلي يعنى ( السارية ام تخا ودهرابة البتعنيها بت طلحة في قصيدتها دى) ابوه قال ليهو انتو يا ولدى قطع شك عيشتوا ( يعنى انتجتوا خيرا وفير)
سنواصل حول اسباب تفسير الوالد لهذه الحالات . (عدل بواسطة الطيب شيقوق on 09-12-2006, 11:46 م)
09-12-2006, 02:30 م
abubakr
.
تاريخ التسجيل: 22-04-2002 مجموع المشاركات: 1844 Re: برق الصعيد (Re: سمية الحسن طلحة)
Quote: ترزم السارية هو كرير المطرة الليلية -
دي لغة شنو المابتتقري الا بترجمة مرافقة لكل كلمة وسطر فيها بلغة اخري ...؟ الطيب ات وملكة الدوبيت بتحتاجو تدخلو كورسات لغة عربية خصوصي وانا حاكون المدرس ..لازم اعلمكم لغة علي اصولها مافيها تورية ولا الحاجات الكتيرة البتلخبت المعني ... انتو ما درسوكم "طلع .. نزل .. شرب .. اكل .. " بس .. حاجات بسيطة وكفاية ..اصلو انتو لا صنعتو ولا حتصنعو موبايل بكميرا ولا حتي من غير كاميرا اهو لغة لزوم الحكي فبالله لازم تحضروا الكورس وهو مجاني والفطور علي فاست فوود .... قال كرير المطر ؟؟ شو هذا ؟؟ (عدل بواسطة abubakr on 09-12-2006, 02:35 م)
09-12-2006, 03:15 م
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: abubakr)
Quote: قال كرير المطر ؟؟ شو هذا ؟؟
ابو بكر عليك الله تختاني ( تختاني معناها keep away from me pls )
12-12-2006, 02:50 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: الطيب شيقوق)
شيخ العرب/ ودشيقوق لا فض فوك....فقد وفـيت وكفيت...تحية خاصة موصولة لك من الشيخ عبد الرحمن الشيخ على ود الشيخ القرشى ود الزين...وهو يقول لك كلامك صحيح علمياً وأدبياً...فالزروع التى تروى ليلاً تنمو بصورة أفضل من غيرها...واصل فنحن فى إنتظار المزيد. ولك الشكر الجزيل (عدل بواسطة سمية الحسن طلحة on 12-12-2006, 03:05 ص)
12-12-2006, 02:57 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: سمية الحسن طلحة)
(ترّزم السارية ام تخا ودهرابة) أستاذ/ أبوبكر... هذا عربى فصيح% الرزمى: هو صوت حنين النياق ( الناقة: تجمع نوق أو نياق) ما سمعت الفنان نجم الدين الفاضل يتغنى بكلامنا ده فى(ليالى الأنس)
فالشاعر شبه صوت الرعد بالرزمى....أما الساريه فهى المطرة الليلية وهى من السرى أى السير ليلاّ(ما سمعتو بالإسراء والمعراج)؟ أما التخا: فهو السحب الخفيفة والدهرابة : جمعها دهاريب وهى عندما يشتد الظلام أويكون هناك تخا يحجب الرؤية والدنيا ليل مع شدة لمع البروق وكشة كتاحة وأحياناّ زيفة والناس يقولوا ليك ماش وين يازول تحت الدهاريب دى . نسعد بتواصلكم معنا.
12-12-2006, 03:02 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: سمية الحسن طلحة)
الفنجري فوق البطانة
برقِك قلـَّع السارية أم صبيبا ســاح وتعّـالك كتـَـم من الهـواء اللفــّــاح رعـدك رَزّ في المطرة التقيلة وقاح وهجـك لاقى شمس الغيبة باكر زاح
ولكم مودتى
12-12-2006, 03:02 ص
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: سمية الحسن طلحة)
Quote: ...فالزروع التى تروى ليلاً تنمو بصورة أفضل من غيرها...واصل فنحن فى إنتظار المزيد.
في واحد هندى هنا في عمان شغال ري في نباتات الزينة بعدين جات مطرة تقيييييييييلة وهو شغال برضو برش في خضاره والمطرة صاااااااابة . انا بحب استطلاع منى سالته قلت ليهو صديق هذا مطر مال ربنا ايش فيك تعمل كده ؟ قال هذا دوام كفيل قول لازم شغل كل ساعات دوام .
12-12-2006, 03:13 ص
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: الطيب شيقوق)
Quote: برقِك قلـَّع السارية أم صبيبا ســاح وتعّـالك كتـَـم من الهـواء اللفــّــاح رعـدك رَزّ في المطرة التقيلة وقاح وهجـك لاقى شمس الغيبة باكر زاح
لله درك يا بت طلحة والله هيجتي ذكرياتنا وخليني اشرح الكلام ده لناس ابي بكر العجم ديل .
برقك قلع السارية ام صبيبا ساح
يا الله - ربما يكون ده البرق القبلي او البرق ابي فاتحة البخم ليك السماء من قدام كلوووو يجي مقلع ليك السحابة التي عندما تنزل صبيبها يسوح ويملاء المرانع ( المرانع هي الاراضى المنخفضة او الميع )
وتعالك كتم من الهواء اللفاح
التعال هى السحابة المزرقنة وداكنة قريبة من ا########## تقول تشرب منها من قربها للارض . وعادة النوع ده من السحب عندما يقرب للصبان هواها بيكتم ويزند دليل على وشوك الصبيب.
وهجك لاقى شمس الغيبة باكر زاح يعنى صبيب من الصباح للمغربية
12-12-2006, 05:10 ص
gessan
.
تاريخ التسجيل: 05-02-2002 مجموع المشاركات: 626 Re: برق الصعيد (Re: سمية الحسن طلحة)
الطيب كيف حالك ..
Quote: ...وود شعيت وود الشوبلي...
ود شعيت الزول الغناي "الممسوخ"؟؟ الزول الفي حكاوي غناهو "حضور درامي"؟؟ لدي موضوع يخص حكاوي وغناوي ود شعيت دا سوف ارفده في البورد دا متى ما توفر لي الزمن لتجهيزه ..مصحوب بتسجيل صوتي لأحد مجالس حكاويه العامرة..والتسجيل الصوتي ضروري واكثر حسماً لموضوع الكتابة بلغة اهل البطانة.."التنوين دا مهما تسوي فيهو ما بديك النطق الدايرو".. حتى ان بعض الذين كتبوا في التراث الشعبي والدوبيت بالذات حاولوا إشتقاق بعض علامات التنوين الخاصة لتوصيل النطق بشكل اكثر وضوحاً .."لاكين باقي لي السمع بقطع الشك تب" ..كما انه اكثر جمالاً..
عموما جابنا البراق ..والتِعِل ..وريحة الدعاش .. وسيرة "أم هبج ..الهواها شفخانة المِتالم"..علي قول ود شعيت.. و دي دخلة من باب التحية .. لكل المتداخلين في هذا البوست .. والبوستات المشابهة ..
------------ أمُحُمّد ود الفكي حمد "علي لسان ود شعيت" قاليها:
تاريخ التسجيل: 31-01-2005 مجموع المشاركات: 1959 Re: برق الصعيد (Re: gessan)
Quote: لي السمع بقطع الشك تب" ..كما انه اكثر جمالاً..
اخي غسان عليك الرسول تكون معانا ياكا زولنا عدييييييييل وكلامك كلام زولا مننا تعال لينا بود شعيت وود امنه وود الشوبلي وخلينا ندوبي ونغنى في بطانتنا جوة المنبر ده والزارعنا غير الله اللجي يقلعنا.
حبابك حبابك
12-12-2006, 08:58 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: الطيب شيقوق)
Quote: أمُحُمّد ود الفكي حمد "علي لسان ود شعيت" قاليها:
الأخ/غسان مرحب بيك فى دار البطانة الطيب ود شيقوق حلب شدوقو فى العرب وقال ياناس الدار جاكم زول وجينا نرحب بيك وبى خيرك الجايبو معاك وطبع الكريم مابدخل وإيدو فاضية إنشاء الله تكون جايب لنا جبنة وزنين أم فحماّ يتواجج متل مغس الأقربون. وأحمد ودعوض الكريم قال المابجيب غنوة فوق ( وزنين ) دى مايشيل فنجان. قالولو غنى إت آشيخ العرب.. قالهم لا السابقك على الباب قوللو ياأرباب وهو يقصد ود شورانى....ودشورانى قال الغنا فوق (وزنين) دى؟ قالولو آآى..قال:ـ
سمية الحسن طلحة (عدل بواسطة سمية الحسن طلحة on 12-12-2006, 03:03 م)
12-12-2006, 01:14 م
abubakr
.
تاريخ التسجيل: 22-04-2002 مجموع المشاركات: 1844 Re: برق الصعيد (Re: سمية الحسن طلحة)
والله ياسمية بحاول وبصدق ان افهم ولكن يادوبك شوية يعني الكلمات العربي - وفقا للمنهاج العربي لغير الناطقيين بها من الرطانة- اما الباقي ورغم انه ظاهر عليهو كلاما زين الا نو ما كان في المنهاج بتاعنا ... يعني الواحد في عمري دة امشي اقعد مع احفادي -عندما البنات يقررن الزواج ويتزوجن ويقررن الولادة ويولدن وانا اكون موجود- بعد تعديل المنهاج .... انتو بتقولو الكلام السمح دة كيف ؟
13-12-2006, 02:58 ص
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: abubakr)
Quote: انتو بتقولو الكلام السمح دة كيف ؟
انت عليك تسمع وتطرب وبس يا باش ما تجننا معاك .
انت ابو بكر عولك معاك في دبي؟
13-12-2006, 04:19 ص
gessan
.
تاريخ التسجيل: 05-02-2002 مجموع المشاركات: 626 Re: برق الصعيد (Re: سمية الحسن طلحة)
Quote: إنشاء الله تكون جايب لنا جبنة وزنين
سلام عليك ..سمية .. نعم .. المقطع الذي اقصده يتحدث عن مجلس جبنة وزنين. ود شعيت زولاً "بُدعي" بالحيل ..بالإضافة لي كلامو السمح ونُطقو الواضح .. فهو يقيم حوارا بالدوبيت يستنطق فيه بيئته من حوله "التَرس" و"الجمل" و"ريرة"البلد.. كما انه يقيم قصصاً وهمية "في بعض الاحيان" عن من هي أكثرهن جمالاً في مجالس الأنس والشراب.. ومن هي التي يحق لها ان "ترفع البيرك" على بيتها متزعمة مجالس الانس جمالاً وحضور.. وإن الله هّوّن بنسمع نموذج من حكاوي ودشعيت هِنا قريب..
تحايا
*************
الاعزاء بكري ..والطيب .. البطانة وحلفا .. مشروع القِربة اقيم لتوطين اهالي حلفا ..وكذلك لتوطين وتطوير الرُحّل في البطانة.. خشم القربة كان نقطة تحويل إنسان البطانة من رعوي متجول ..الى زراعي منتظم ..بدل ما يزرع بالمواسم وحسب المطر ..وطالق سعيتو ساكت وباريها سادرة ومتدلية.. وهنا "ساعيد" حكاية عن الصادق اب آمنة ..احد اشعر مغنيّ البطانة "طالما المقام مقام غناء وبراق"..انه إمتلك حواشة في مشروع حلفا لاحقاً.. وورد قوله في الحنين الى فترة النشوق والدمر ..وهواه للبطانة وتجواله مترحلا فيها..ساخراً من الحياة المنتظمة: إتخلفن لها البطحاني والعبادي ونفضنو المتِل جبب ام صريمة يدادي نحنا ترانا للشابورة ديمة نحادي عنز الشاي مراقبة من غرامة القاضي ويعني انه رأى براقين البطحاني والعبادي يتخالفن في شلعتن ..والبراقين ديل جابن سحاباً اسود ..متل لبس نساء الرشايدة ..والذي يشبه صريمة الجمل .. والصريمة هي الحبل او الرسن الذي يلف وجه الجمل ..لذلك سموا الرشايدية "ام صريمة" .. يقول البراقين ديل نفضن سحاب اسود ماطر ومتحرك ..اما هو فحالته صعبة حارس حواشتو مراقبا لها .. وحتى عنزه المخصصة للبيت للشاي ايضا مضروب عليها حصار ..فإن طلقها فإن ذلك يرميه في محاكمة وغرامة ..
حالياً منطقة "الرتّاجة" مثلا والتي تقع في مشروع حلفا الجديدة هي واحدة من مراكز عرب البطانة بعد إستقرارهم على ما أعتقد .. بالطبع حلفا لاحقاً اصبحت سودان مصغر ..بعد قيام المشروع وما جلبه من حياة مدنية ..حيث تجد كل قبائل السودان فيها تقريباً..
يعني يا الطيب ناس بكري ديل بي فضلهم..جابولكم المدنية في داركم ..وإستقريتو بعد ما كنتوا حايمين بالصي .. والله شنو؟؟
تحايا للجميع ..
13-12-2006, 06:12 ص
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: gessan)
Quote: والصريمة هي الحبل او الرسن الذي يلف وجه الجمل
لله درك يا غسان بس حبه توضيح شويه لو امكن :
الصريمة تختلف عن الرسن . الرسن يدرع في قدوم الجمل ويلف عنقرته من خلف ( انا يا غسان اخوى رساااااااان كمان) اما الصريمة فتشبيهها بحال نساء الرواشد فيها كثير من الروعة والابداع اللغوي إذ ان الصريمة عبارة عن حديدة تدرع للجمل الكافر او الماصع في نخرته او انفه لمزيد من التحكم في توجيهه لان الرسن لوحده غير كافئ لضبط الجمل وهو في هذه الحالة من الهيجان والمصعة .
اما علامات هيجان الجمل او مصوعه فهى خرير الدومات بالمادة السوداء ورش البول بزيله من خلف لحدى تتسخ فخذاه الخلفيتان بذلك البول .
نواصل لنسمع مزيد من ابداعك يا جميل
شيقوق
13-12-2006, 08:07 ص
gessan
.
تاريخ التسجيل: 05-02-2002 مجموع المشاركات: 626 Re: برق الصعيد (Re: سمية الحسن طلحة)
Quote: إذ ان الصريمة عبارة عن حديدة تدرع للجمل الكافر او الماصع في نخرته او انفه لمزيد من التحكم في توجيهه لان الرسن لوحده غير كافئ لضبط الجمل وهو في هذه الحالة من الهيجان والمصعة .
هلا هلا آ الطيب آخوي .. يا زول انا كلامك دا ما بتفق معاك فيهو ..اها رايك شنو؟؟
شوف الحديدة القاصدة إنتا دي نحنا بنسميها "الزُمام"..يا بتكون حديدة ..يا بتكون جلد "قِـد" او خيتاً قوي..وعادة ما تكون ثابتة في النخرة او انف البعير.. يعني ما عليك الا تدرع فيها حبلك والله رسنك ..وهي بالضبط متل الزمام عند النساء ..
اما الصريمة البعرفا غايتو ..يقولك :والله الليلة سويت لي صريمة للجمل دا..يعني جهّز الرسن بوضعيات لفاته المعروفة فما عليك الا تلبسه للجمل .. وقاعدين نقول تصرِّم الجمل ..يعني تلف الرسن او الحبل إن لم يكن جاهزاً او تلبسو ليهو بشكله المعروف دا ..والرسن عندو كم طريقة بتتحكم فيها هداوة الجمل زي ما قلتا إنتا .. وبرضو الحمار عندنا بصرِموهو ..وخاصة الدحش عندما يقرّب لي وكت الطاعة ..يعني تخلي فيهو الحبل جاهز .. وإن كان هناك "اللِجام" بالنسبة للحمار كما للخيل وهو حديد بلبسو ليهو في خشمو ..برضو لمزيد من التحكم فيه.. انا كان عندي وكت كان رسمتها ليك هسع الحاجات دي ..
نرجع للجمل .. بجانب الصريمة هناك أيضاً "الحَسَكة"..وهي زي ما تقول كدي شبكة مجلدة ومجهزة ..وعادة ما تكون من الجلد يتم تلبيسا للجمل "وهي بالضبط اشبه بصريمة الخيل الجاهزة كما في سباق الخيل".. والحسكة للجمل بستخدموها خاصة في حالة الشَدة "للقندفة" عند الذين يقصدون جمال المنظر .. حيث يتم تزيينها بالكِنتِل وتكمل جمال منظر السرج او "المخلوفة" ..وعليهو "الطافات" الملونات ..وتبراهو خيوت المحقبة ..يا سلاااام .. بعدين الحسكة وإنتا راكب في الجمل بجيك منها حبلين ايمن وايسر وجه الجمل ..لاكين في حالة الرسن العادي و في حالة الصريمة بجيك حبل واحد من راس الجمل ..
وهنالك ايضا "الشكيمة"..وهي عبارة عن شبكة منسوجة بلبسوها للجمل من قدام تغتي خشمو دا ..عندما يكون في مرحلة "التنشـيل " اي يمنعوه من الاكل والشرب .. وتلاحظها في الجمال المعدة للسباق .. وبيني وبينك انا شايف "الشكيمة" هي الاقرب لوصف نساء الرشايدة من الصريمة..
كثيراً ما اسمع في حكاويهم: "والله يا جماعة فلان دا عندو شافع ..بس شيطانا مصرّم.."..
الطيب ياخي .. خالص التحايا ..
13-12-2006, 08:32 ص
nazar hussien
.
تاريخ التسجيل: 04-09-2002 مجموع المشاركات: 3182 Re: برق الصعيد (Re: gessan)
هلا هلا....والله البوست دا كان فاقد شيخ العرب ودشنتير....
امانة ما فات بي جنس حدوثات....
جيتكم طربان سااااااااااااااااااكت....
والصريمة والرسن يا قيسان جيهتهن تب...
20-12-2006, 08:39 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: nazar hussien)
مرحب الأخ نذار ربنا يديم البسط والجابك يجيب شيخ العرب ود شنتير لكم التحية.
13-12-2006, 08:31 ص
gessan
.
تاريخ التسجيل: 05-02-2002 مجموع المشاركات: 626 Re: برق الصعيد (Re: سمية الحسن طلحة)
الاعزاء هنا .. سلام تاني ..
دا نموذج مسموع لدوبيت مُغنى من منطقة البطانة ..بصوت الشاعر الغناي الصِدِّيق ود عباس ..احد اجمل المغنين الذين سمعتهم في أداء هذا النوع .. وهنا تسمعه يتغنى بدوبيت لشعراء مختلفين منهم أحمد ود عوض الكريم وود ضحوية الشاعر الهمباتي ..وهو نموذج ماخوذ من تسجيل شعبي متداول .. كما أخذت في النموذج هذا لونين من "الأداء اللحني"للدوبيت عند ود عباس .. ارجو ان يكون فرصة للوقوف على هذا النوع من التراث الشعبي ..ومن افواه مغنيه او رواته الشعبيين مباشرة ..لضمان سلامة جماله ..
كما ان السمع بِقطَع الشك في مسألة الكتابة والتنوين لتوصيل النطق الصحيح للكلمات .. لاحظ مثلاً في النمة الاولى في النموذج فهي كتابةً تقول: ناس جبر الله قاعدين في البِيوت ما بخترو من كُبي ..وكشف حال الحريم ما بفترو أخير اختِر براي أسد الرضيمة بنُترو صاحبي إن ذلى ما بَفشاهو دِيمة بسُترو
فما أجملها سمعاً..
مع خالص التحايا للجميع ..
-----------
* شنتير .. أتمنى ان تمر بي جاي وتخت اضانك معانا وتسمع صاحبك ود عباس ..
13-12-2006, 10:24 ص
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: gessan)
نواصل
(عدل بواسطة الطيب شيقوق on 14-12-2006, 00:35 ص)
13-12-2006, 10:40 ص
nourelhadi awad
.
تاريخ التسجيل: 24-10-2006 مجموع المشاركات: 164 Re: برق الصعيد (Re: سمية الحسن طلحة)
يابت عز الرجال القامو الليل وقط مانامو مو مطر التريه مطر العينةالبرز سونامو ركازة الصعيف بحر السخاالطمر الكرد هدامو
والله أكان ماأخاف الكضب برق الصعيد هدا عندنا قي الدوحة
مودتي نورالهادي (عدل بواسطة nourelhadi awad on 13-12-2006, 01:52 م)
20-12-2006, 08:48 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: nourelhadi awad)
Quote: والله أكان ماأخاف الكضب برق الصعيد هدا عندنا قي الدوحة
ياود عز الرجال ضو المكبسة ضلامو كباس الدهم البتواردو عشامو نورك باقى هادى للورا وقدامو خاتم للنفايل وقايدن بزمامو
أخى نور الهادى والله برق الصعيد سوى البدع عّم الخليج كلو...انهالت علينا الإستغاثات من كل حدب وصوب (ناس ودطلحة عوووك أرحمونا كفانا) ميى زيفة وميى قرّة.
ودمتم
20-12-2006, 09:02 ص
الطيب شيقوق
.
تاريخ التسجيل: 31-01-2005 مجموع المشاركات: 1959 Re: برق الصعيد (Re: سمية الحسن طلحة)
لله درك يا بت طلحة لعمري ما شهدت ابداع بلاغي بهذه الصورة
20-12-2006, 09:08 ص
سمية الحسن طلحة
.
تاريخ التسجيل: 18-11-2006 مجموع المشاركات: 265 Re: برق الصعيد (Re: سمية الحسن طلحة)
الأخ الكريم / غـسـان لك الشكر أجزله فقد ملكتنا مادة قيمة جدا، شريط ود عباس الذى فقدته فى إحدى محطات تجوالى فى مدن الغربة الماشايفيين ليها نهاية دىوكذلك فتحت الباب على مصراعيه فى هذا الجانب الذى يطول شرحه (الرسن ، الهسال ، القلادة...) مفردات لمسمى واحد ،(عرقوبو وحنوه دور قادف النواتة بشّـت دومتو خربتّو القلادة شتاتا ) اما الصريمة فهى غير الشكيمة التى تزود بحديد مدبب الروؤس أو بشوك السدر ، وغير اللجام الذى هو من الحديد وعادة يكون للخيل...وقد تحدث الشيخ عبد العزيز وود الشلهمة فى هذه المعانى منها:ـ
دوماتـــك خبـوبن فوق قلايــدك مارق هاك طيّة هسـالك ياالعـفيف لا تدارق أنس الليل مـع أب خُـلقاً نـزيـه مو شالق بقى هاجسلي والرّوح للمروق بـتـّـالق
ونواصل....
[اضف رد] صفحة 1 من 1: << 1 >>
· · · أبحث · ملفك ·
Post: #46 Title: Re: لاح لي من صعيد برقاً كتم تعّالو Author: سمية الحسن طلحة Date: 01-11-2007, 10:41 PM Parent: #45
مايهدونا بالحربة المسلك عودا ومابنراشي روحاً بالقبر موعودا كان وقع القدر وكملت المعدودا أنا ياخالي أخو البدّن وضيبن فودا
Post: #47 Title: Re: لاح لي من صعيد برقاً كتم تعّالو Author: سمية الحسن طلحة Date: 01-11-2007, 10:46 PM Parent: #46
أخوك يا أم روبة مابتيّن الجارات أخوك يا أم ديس طبيق أسد الخلا القنّات أخوك عند موجبي ماني الزئبقي الهورات أخوك بلزم الحارة الشديدة إن جات
Post: #48 Title: Re: لاح لي من صعيد برقاً كتم تعّالو Author: سمية الحسن طلحة Date: 01-11-2007, 11:07 PM Parent: #44
نورالهادى أنا حقاً مسكونة بحب التراث أتنفسه وأتمير منه آمل أن تزودنى منه بما يحفظ الرمق ويرد بعض الذماء لك التحية أبها الشامخ .............................................................................................. سأنقل ارشيف برق الصعبد الى هنا ليسهل تصفحه لمن أراد كل الود
Post: #49 Title: Re: لاح لي من صعيد برقاً كتم تعّالو Author: سمية الحسن طلحة Date: 01-12-2007, 02:34 PM Parent: #48
مايهدونا بالحربة المسلك عودا ومابنراشي روحاً بالقبر موعودا كان وقع القدر وكملت المعدودا أنا ياخالي أخو البدّن وضيبن فودا
أخوك يا أم روبة مابتيّن الجارات أخوك يا أم ديس طبيق أسد الخلا القنّات أخوك عند موجبي ماني الزئبقي الهورات أخوك بلزم الحارة الشديدة إن جات الصديق ود الريد
Post: #50 Title: Re: لاح لي من صعيد برقاً كتم تعّالو Author: nourelhadi awad Date: 01-12-2007, 04:34 PM Parent: #1
سمية اسمك سما يابنية مارقة من طعم الحروف كملت معاك كل الوصوف يعيش ويحيا الخلفوك .... سلام مربع.... ودقر ياعين
Post: #53 Title: Re: لاح لي من صعيد برقاً كتم تعّالو Author: سمية الحسن طلحة Date: 01-15-2007, 10:42 PM Parent: #50
مرحباً نور الهادى وجودك يسعدنا فلا تحرمنا مداومة هذا المرور البهى الذى يدلف الى دواخلنا من باب الجمال. لك التحية
Post: #51 Title: Re: لاح لي من صعيد برقاً كتم تعّالو Author: Adil Osman Date: 01-13-2007, 08:45 PM Parent: #1
فوق القلنا داك فتينا ساكت حودا ذوق يا بت ملوك لابساهو فوقك خودا وارثاها المكارم حاشا مى معدودا مثل الديدبان حارساها باقيه جنودا
منصور
Post: #58 Title: Re: لاح لي من صعيد برقاً كتم تعّالو Author: سمية الحسن طلحة Date: 01-17-2007, 10:07 PM Parent: #57
Quote: هل للدوبيت في السودان تاريخ مسجل ؟؟ هل كل القبائل العربية او المستعربة لها دوبيتها ؟ هل الدوبيت سوداني خالص اي لا يوجد الا في السودان ؟
اجيال صغيرة ومع زحف البادية الي الحضر لا تعرف كثيرا او مطلقا عن الدوبيت ؟
مودتي ابوبكر
Post: #59 Title: Re: لاح لي من صعيد برقاً كتم تعّالو Author: munswor almophtah Date: 01-17-2007, 10:31 PM Parent: #58
الدوبيت والرباعيات أصلها فارسى واللغه العربيه نفسها تطورت بلغات أخرى ولا محاله لسان هاجر عليها السلام جزء منها والدوبيت ربما جاء مع المتصوفه الذين جلبوا بعض الأثرالشيعى فى التصوف السودانى والله أعلم
منصور
Post: #60 Title: Re: لاح لي من صعيد برقاً كتم تعّالو Author: munswor almophtah Date: 01-18-2007, 00:14 AM Parent: #59
متابعات
ندوة «فن الدوبيت» بمعهد البروفيسور عبد الله الطيب رصد: علي صالح طمبل أقام معهد البروفيسور عبد الله الطيب بجامعة الخرطوم ندوة عن فن الدوبيت قدمها الأستاذ التجاني ابراهيم محمد اسماعيل، وعقَّب عليها الاستاذ الامين البدوي، وذلك بمبنى المعهد وقد حضر الندوة التي تعقد كل اسبوعين لفيف من اساتذة الجامعة والادباء والمهتمين. وقد بدأ الاستاذ التجاني ابراهيم محمد اسماعيل متناولاً اصل كلمة «الدوبيت»، وذكر بانه يعرف في السودان بعدة اسماء منها «الدوباى» و«الغُنا» و«الهرولة» و«النم»، وأكد «ان الدوبيت» هو فن سوداني اصيل، ويجب ان يبحث الدارسون لاثبات تبعيته للسودان. واضاف بان «الدوبيت» يعتبر من قبيل الشعر الغنائي الذي قسمه الاخشيدي الى الشعر القريض، والدوبيت، والموشح، والكاف وكان الزجل، الى جانب الموالي والقومة. اما الدوبيت، فهو فن قديم، قال عنه السيد احمد الهاشمي بانه فن معرب. والدوبيت كلمة فارسية ذات شقين: «دو» وتعني اثنين، و«بيت» وهو يتكون من اربعة اشطر. ومن انواع الدوبيت الرباعي الصحيح، والرباعي الاعرج، علاوة على الرباعي الممنطق، والرباعي المصمت. وذكر الأستاذ التجاني ان كلمة «دوبيت» ليست متداولة في مجتمعات البادية، وإنما هي كلمة ادخلها بعض كتاب العصر الحديث. وفيما يتعلق بالتحولات التي طرأت على الشعر العربي، ذكر الأستاذ التجاني ابراهيم بان الشعر في الاندلس على سبيل المثال بدأ بالشعر القريض. وعندما اتسعت الدولة شملت بلاداً لسانها غير عربي مثل شمال افريقيا وفارس والهند. وقد قاد هذا التوسع والانفتاح مع ثقافات الشعوب الاخرى لظهور الموشحات التي انتشرت في بلاد المغرب على وجه الخصوص، وذلك نتيجة لمجالس اللهو والطرب التي عمت الانحاء، وكأن تلك المجتمعات قد ملت تلك الرتابة التي تسير عليها أوزان الشعر العربي الخليلية. ثم جاء الزجل وهو اشعار تقال بالعامية، وهي تطور طبيعي لشعر الموشحات. ثم جاءت مرحلة اخرى وهي شعر «الموالي»، حيث ان الجواري كن يقلن: يا موالي يا موالي وينشدن هذا الشعر، سمي بالموالي، ومن ثم ظهر «الكان وكان»، وهو شعر عامي انتشر عند اهل بغداد، وكانوا يعتمدون عليه في النصائح والمواعظ، فيقولون كان وكان، وتأتي به موسيقى محددة تختلف عن الايقاعات الخليلية، ثم تلا هذا النوع عن الشعر القومة التي انتشرت في عهد الخليفة الناصر. والقومة قد تكون من قومة الاشجار، لانه ضرب من الشعر يقال في الاسحار والدوبيت هو في نهاية الامر نتاج لتلك التحولات في الشعر العربي. وقد استبعد الأستاذ الطيب محمد الطيب ان تكون هنالك صلة بين الدوبيت السوداني والفارسي، وقد اطلق عليه اسم «الدوباى» و«دوبي» في بعض مناطق السودان تعني اصدر اصواتاً خاصة على العمل. وهذه «المدوباة» قد تكون اصواتاً لا تصحبها الكلمات. وقد قدم الأستاذ التجاني نماذج من شعر «الدوباى» منها مربوع لبخيت الكباشي يقول فيه: بعد مود ايد الممسوح عملوا جفيلْ سمع النقرة ود الجنن الهجليلْ على بلد البرامكة المحبكات بالنيلْ امسى ايديهو واحدة «تدوبي» وواحدة تكيلْ كما قدم التجاني نموذجاً لود شوراني الذي ورد في رباعياته لفظ «الغنا» اشارة للدوباى. أنا يا ابتله سافعة العشا البتقوقي قلتها كرسي نومي وضيفي سهدك فوقي من قليبو أليل والطعم معشوقي صديتا تاني لي مضغ «الغنا» وحيروقي أما بالنسبة لنشأة هذا الفن في السودان، يقول الأستاذ التجاني ابراهيم إن الاقوال حول نشأته متضاربة ومتباينة، ولذلك يرى انه نشأ مع وجود الكلمة العربية في السودان، اي الى ما قبل دخول الاسلام. وفيما يخص الالحان، ذكر التجاني ان شعراء البطانة يسيرون على نمط واحد في طريقة اللحن مع اختلاف يسير في الثقل والخفة والسرعة والابطاء، فلشعر دار حامد في شمال كردفان طريقتهم في التلحين شأنهم في ذلك شأن الكبابيش واهل البطانة. وقام الأستاذ التجاني بتقديم نماذج ملحنة لمختلف المناطق مثل «مسدار تمبول» لاحمد ود عوض الكريم ود حسب ربه الذي يبدأ مسداره من تمبول الى ان يصل الى منطقة من مناطق الشرق، كما قدم نموذجاً آخر من شمال كردفان لعمر ود ابو شناح، وآخر لود ام سيالة، الى جانب بخيت ود الكباشي الذي تميز بالحانه الهادئة والمتفردة. كما تطرق التجاني ابراهيم لاغراض الدوبيت، واوضح بأن اغراضه هي نفس اغراض الشعر العربي الفصيح مثل المدح والهجاء والوصف والغزل والرثاء وغيرها من الاغراض التي بيّنها ابو تمام في كتابه «الحماسة». ومن النماذج التي قدمها نموذج في الوصف لود شوراني الذي يصف جمله قائلاً: حجّام ام خدود عقب التريعة يسدِّي كاجرني وجفا القلع الرسل من يدِّي ما بتبارى وكتين جنب قفاه يندِّي سرجو عروق وضهرو المركب البتعدِّي وذكر بان الشاعر في البادية عادة ما يصف البيئة المحيطة به، مثل الجمل الذي يساعده على الترحال، وكذلك المحبوبة، كما عدَّد التجاني انواع الدوبيت، وقال بان منها الرباعيات المتفرقة التي نجدها في شمال كردفان، علاوة على المسادير، حيث أن المسدار هو المكان الذي يسرح فيه الصيد. والكلمة اصلها «صدر» اي ان السين انقلبت صاداً. و«صدر» تعني ذهب الى مناطق المياه، على العكس من كلمة «ورد»، واضاف ان المسدار عند شعراء الدوباى هو رحلة يقوم بها الشاعر من منطقة محددة الى اخرى قاصداً الوصول لمحبوبته، ويكون عمر الرحلة يوماً واحداً يبدأ من الصباح وينتهي عند المساء. ويصف الشاعر في المسدار المناطق التي مرَّ بها والسرعة التي يسير بها جمله، وضروب المشي، فضلاً عن حديثه عن المحبوبة ووصفه لها، كما يدير حواراً مع بعيره.. والمسدار قد يشتمل على موضوعات عدة قد تبلغ الاربعين او الخمسين.. وذروة هذا المسدار تكون عندما يصل الشاعر الى محبوبته، فتقوم باستقباله بصحبة جمله الذي تحسن له، باعتباره السبب في ايصال الشاعر اليها. كما ترسل من يقوم بخدمة الشاعر ويكرم نزله طيلة فترة اقامته.. ومن المسادير التي تطرق اليها الاستاذ التجاني ابراهيم «مسدار رفاعة» لاحمد ود عوض الكريم. كما قال الاستاذ التجاني بان هناك نوعاً آخر من انواع الدوباى يسمى بالمجادعات التي تكون بين شاعر وآخر، حيث يأتي الشاعر الأول بأبيات على قافية معينة، فيرد عليه الشاعر الآخر بنفس القافية.. ومن امثلتها المجادعة التي دارت بين ود شوراني ونايل البطحاني، حيث قال : الشيب البخيت برقع سواد اغراسي لكن قلبي ابداً للدرع مو ناسي شغلت فكري وحشة تكون وتراسي تكسير عله في المكتومة بالحيل قاسي فردَّ عليه ود شوراني قائلاً: دكتور طبِّي عندو دواى ومنُّو احساسي تفاح منقة ما هو يسيل وارضو فداسي سيد قافية غناى الفيهو صافي اخلاصي عاجب عيني جارح قلبي مكرو سياسي وتطرق الأستاذ التجاني لعلاقة الدوبيت بالسياسة، واشار الى ان اغلب شعراء الدوباى كانوا بعيدين عن السياسة وما يدور فيها بحكم اقامتهم في الفيافي والبوادي، غير ان بعضهم زار المناطق الحضرية، فتأثر بالاوضاع السياسية. كما ذهب الى ان السياسة اصلاً موجودة في الفيافي والبوادي، ولكنها مبسطة تتمثل في علاقة الاهالي بالشيخ، او بالمأمور، كما كان في العهد التركي. وهناك شعر كثير قيل في السياسة، خاصة في عهد عبد الله التعايشي الذي كانت له مشاكل وخلافات مع «أبناء البحر» الذين اتهموه باستئثاره بالحكم وتقريبه لاهله البقارة، كما عبر بعض الشعراء عن أسفهم بعد فشل ثورة 1924م واصفاً انقلاب الاحوال رأساً على عقب: انقلب الدار كتل المرق بتمامه والصيد الكبير يسعب وخاطفا نعامه التمساح غرق واحتاجنا لي عوّامه انا شفت الاسد يجري وخاطفا نعامه وفي معرض حديثه عن الدراسات التي اجريت حول الشعر الشعبي في السودان، ذكر الأستاذ التجاني ابراهيم ان اول من قدَّم دراسة في هذا المجال هو الدكتور المصري عبد المجيد عابدين الذي ذكر في كتابه «من الادب الشعبي في السودان» ان الدوبيت وزنه وزن الرجز العربي الاصيل. ولم يتفق الاستاذ التجاني مع الدكتور عابدين في هذه الجزئية، اذ يرى ان اغلب الدوبيت اقرب ما يكون الى الهرج، حيث يأتي اغلبه على الصورة «مفاعلين مفاعيلن مفاعيلنتن»، ورجح ان عبد المجيد عابدين قد ذهب الى هذا الرأي لتأثره بنزعته العروبية. كما اضاف قائلاً بان الدوبيت شعر ولد ملحناً. ومما ينفي ان يكون رجزاً هو انه لا يمكن الوقوف في الرجز على الساكن، علاوة على كون الكلمات في الشعر العربي فصيحه، بينما هي في الدوبيت عامية، وهناك كلمات تكون في حشو البيت ترد فيه مثل «يبوح» لا يمكن اخضاعها لاوزان الخليل بن احمد، لاحتوائها على ساكنين. مما يرجح ان للدوبيت اوزانه الخاصة المنسقة مع طبيعة اللهجة السودانية وخصوصية الشعر الشعبي في السودان. وفي ختام الدراسة الوافية التي قدمها الأستاذ التجاني ابراهيم، قام بطرح اسئلة مفتوحة على الحضور إثارة للنقاش واثراءً للحوار مثل: ما هو الدور الذي يلعبه الدوبيت في حياة المجتمع السوداني؟ وما هو الأثر الذي احدثه؟ وما هي الخدمة التي قدمها للمجتمعات؟ هل ناقش بعض القضايا الاجتماعية وتناول العادات والتقاليد والقيم وغيرها؟ واذا اردنا ان نجعل هذا الفن ضمن المفردات التي تدرّس في الجامعات: ما هي الاهداف التي نريدها ان تتحقق من وراء ذلك؟ كيف يستطيع شعراء اليوم الاستفادة من هذا الفن الضخم؟ وكذلك نادى التجاني بربط كل ذلك بالأفكار التي نادى بها الناقد الشاعر حمزة الملك طمبل الذي دعا لضرورة ان تكون للشعر السوداني خصوصيته، حتى يميزه من هو من خارج السودان عندما يقرأه. وقد عقَّب الدكتور الصديق عمر الصديق على ما قاله الأستاذ التجاني، وذكر ان الدكتور احسان عباس في «غربة الراعي» قد عقد فصلاً للسودان وقال انه اعجبه في المثقفين السودانيين انهم كانوا يأكلون «الفول» وهذا مما يدل على انهم يعانون من انفصام حاد يفصلهم عن مجتمعهم، فهم مشدودون الى الحياة الشعبية. وهذا في رأي الدكتور صديق- يشير بوضوح الى ان اصل السودان «البداوة». وقد عقَّب الأستاذ الامين البدوي مفتتحاً حديثه بتثنيته للرأي القائل بإدراج الدراسات الشعبية في المقررات الرسمية التي تدرس في الجامعات والاكاديميات. كما اشار الى الطريقة التقليدية التي عادة ما يعرض بها في الدوبيت الذي يربط دائماً بالبيئات البدوية في مناطق معينة مثل البطانة مع كونه موجوداً في مناطق اخرى من السودان مثل مناطق الجعليين التي تحتوي على رصيد وافر لم يحظ بنصيب من الدراسة والتمحيص. وذكر بان كلمة «دوابى» في بعض المناطق تعني «اشتاق»، كما ذهب الى ان الادب العربي يميل الى الذاتية «الغنائية». ورأى ان في الصحراء العربية توجد جزئية تحتوي على كل الآداب التي يحتفي بها الناس عبر العالم. وقد قدّم الأستاذ التجاني نماذج مختلفة من مختلف مناطق السودان لشعراء من بينهم ابراهيم ود صالح العوني والتاية بت قلبوس وبلل ود زايد، حيث اورد مقاطع لابراهيم ود صالح العوني الذي يصف ما هو اشبه بالانقلاب الكوني في قوله: ضاق بينا الامر يا سيدي انقلب الدهر عقباني ما في حديدي سنة السني دي عقبى وعلينا شديدي قنّب عيشها من النار من دلوبا ديدي كما نادى الاستاذ الامين البدوي بتعريف هذا الضرب من الادب وترجمته على المستوى العالمي والعربي ومقارنته مع نظائره في الادب العالمي. وذكر ان الدوبيت قد وُقِّع من قبل بآلة موسيقية كما فعلت ذلك التاية بت قلبوس. وفي ختام تعقيبه اكد على ضرورة دراسة فن الدوبيت والتعمق فيه، لانه في رأيه فن «بلا حدود». وقد افتتح النقاش الأستاذ الفكي محمد الحسن الذي تساءل: هل شعر الدوباى قاصر على البطانة والمناطق الخلوية مثلما ورد في مربع الحردلو: الشم خوّخت بردنْ ليالي الحرّه والبرّاق برقْ من منّة جاب القرّه شوف عيني الصقير بجناحو كفت الفرّه تلقاها ام خديد الليلة مرقت برّه حيث نجد في هذه الرباعية انه مربوط بالصحراء والخلاء والبطانة بدليل الكلمات «البرق و«الصقر» و«الغزالة» و«البرد». وتحدث الاستاذ الشاعر سعد عبد القادر عن الشعر السياسي، وذكر بان هجرة الحلفاويين الى البطانة قد ادت الى كثير من المنازعات والمشادات بين سكان البطانة والحلفاويين مما اثار قريحة الشعراء فكتبوا حول هذا الجانب. ورأى بان شعر الدوبيت السياسي كان مواكباً لمختلف التحولات الاقتصادية والاجتماعية والثقافية. كما تطرق الدكتور معتصم فضل لموضوع اوزان الدوبيت، وقال إنه كان من الطبيعي ان تختلف الاوزان عند امتزاج الثقافة العربية بالاهلية، وان تكون للسودانيين خصوصيتهم في الشعر كما للاندلسيين مثلاً. ودعا الدكتور مرتضى بابكر الى إنشاء مركز للدراسات الشعبية كما في الدول المتقدمة مثل فرنسا التي بها اربعة مراكز. وانتقد التركيز على البادية عند الحديث عن الدوبيت، لان هنالك شعراء كتبوا الدوبيت مع انهم عاشوا في المدن، مثل ود الفراش الذي اقام في بربر. واشار الى ان المجادعة ليس بالضرورة فيها ان تكون القافية موحدة. اما عن الاوزان، فقد ذكر الدكتور مرتضى بانه ليس بالضرورة ان من لا يجرى على اوزان الخليل ليس بشاعر، والدليل على ذلك محاولات ابي نواس للخروج من اوزان الخليل، مما جعل البعض يعتبره من جرّب التفعيل. وقال الأستاذ مزمل حسن الركابي ان هناك اخذاً ورداً بين الحضارة والبداوة، فليس هنالك حضرى كامل، ولا بدوي كامل. كما ان بعض القصيد العامي ربما يكون تطويراً للدوبيت، واشار الى ان مربعات الدوبيت تشير الى المنطقة التي ينبع منها، ويختلف هذا الضرب من الادب الشعبي من منطقة الى اخرى. وتطرق الاستاذ الحارث عبد القادر الى تماسك اجزاء النص خاصة في الحديث عن الرحلة «المسدار» وطرح سؤالاً: هل هنالك تشابه بين الدوبيت والموشحات وهل يمكن ان يدخل ادب «الهمبتة» تحت مسمى ادب الدوبيت؟ وذكر الأستاذ الجزولي ان الدكتور عبد المجيد عابدين يرى انه مأخوذ من السرد، اي سرد كل ما يقع في سبيل الوصول الى المحبوبة.. واشار الى ان هنالك دوبيتاً في كل مناطق السودان تقريباً، خاصة في دارفور التي لم ينل فيها الدوبيت حظه من الاهتمام، مع جودته وعمقه.. اما المسدار فهو خاص بالبطانة عكس الدوبيت. وذهب الى ان الصور الموجودة في السودان ليست موجودة في الشعر العربي، وليس ذلك تحيزاً -في رأيه- ولكن المشكلة هي أننا لا نحسن الترويج لبضاعتنا، كما يفعل الآخرون، كما دعا لتحديد الاوزان التي جاءت عليها ايقاعات الدوبيت، فان كانت فريدة من نوعها، فهو انجاز ينبغي ان يحسب للسودان. وفي نهاية الندوة عقَّب الأستاذ التجاني على اسئلة ومداخلات الحضور، مؤكداً على ان فن الدوبيت لا يحتكر لكردفان، ولكن اغلب النماذج التي وقعت في يده من مناطق شمال كردفان تحديداً، وهو ليس متحيزاً لتلك المنطقة لكونه منها، بدليل انه يرى ان شعر البطانة مثلاً يتفوق على الشعر عندهم في كثير من النواحي.. كما أشار الى ان الفكرة المصاحبة للدوبيت في العادة تأتي ملحنة. ونفى ما ذكره الدكتور عبد المجيد عابدين من ان يكون المسدار من كلمة «سرد»، وانما هو من كلمة «صدر» كما ذكر من قبل. وقد فتحت هذه الندوة التي اقامها معهد البروفيسور عبد الله الطيب الباب مشرعاً للولوج الى عالم هذا الفن الشعبي الزاخر بكل طارف وتليد من الحياة الانسانية المتفردة في نوعها مما يرسم آفاقاً لكل الدارسين والمهتمين بأدب الشعوب لينهلوا من هذا المعين الذي لا ينضب من الأدب الصادق الذي يصوِّر الحياة بكل تلقائية دونما تكلف او رتوش.
Post: #61 Title: Re: لاح لي من صعيد برقاً كتم تعّالو Author: munswor almophtah Date: 01-18-2007, 00:14 AM Parent: #59
متابعات
ندوة «فن الدوبيت» بمعهد البروفيسور عبد الله الطيب رصد: علي صالح طمبل أقام معهد البروفيسور عبد الله الطيب بجامعة الخرطوم ندوة عن فن الدوبيت قدمها الأستاذ التجاني ابراهيم محمد اسماعيل، وعقَّب عليها الاستاذ الامين البدوي، وذلك بمبنى المعهد وقد حضر الندوة التي تعقد كل اسبوعين لفيف من اساتذة الجامعة والادباء والمهتمين. وقد بدأ الاستاذ التجاني ابراهيم محمد اسماعيل متناولاً اصل كلمة «الدوبيت»، وذكر بانه يعرف في السودان بعدة اسماء منها «الدوباى» و«الغُنا» و«الهرولة» و«النم»، وأكد «ان الدوبيت» هو فن سوداني اصيل، ويجب ان يبحث الدارسون لاثبات تبعيته للسودان. واضاف بان «الدوبيت» يعتبر من قبيل الشعر الغنائي الذي قسمه الاخشيدي الى الشعر القريض، والدوبيت، والموشح، والكاف وكان الزجل، الى جانب الموالي والقومة. اما الدوبيت، فهو فن قديم، قال عنه السيد احمد الهاشمي بانه فن معرب. والدوبيت كلمة فارسية ذات شقين: «دو» وتعني اثنين، و«بيت» وهو يتكون من اربعة اشطر. ومن انواع الدوبيت الرباعي الصحيح، والرباعي الاعرج، علاوة على الرباعي الممنطق، والرباعي المصمت. وذكر الأستاذ التجاني ان كلمة «دوبيت» ليست متداولة في مجتمعات البادية، وإنما هي كلمة ادخلها بعض كتاب العصر الحديث. وفيما يتعلق بالتحولات التي طرأت على الشعر العربي، ذكر الأستاذ التجاني ابراهيم بان الشعر في الاندلس على سبيل المثال بدأ بالشعر القريض. وعندما اتسعت الدولة شملت بلاداً لسانها غير عربي مثل شمال افريقيا وفارس والهند. وقد قاد هذا التوسع والانفتاح مع ثقافات الشعوب الاخرى لظهور الموشحات التي انتشرت في بلاد المغرب على وجه الخصوص، وذلك نتيجة لمجالس اللهو والطرب التي عمت الانحاء، وكأن تلك المجتمعات قد ملت تلك الرتابة التي تسير عليها أوزان الشعر العربي الخليلية. ثم جاء الزجل وهو اشعار تقال بالعامية، وهي تطور طبيعي لشعر الموشحات. ثم جاءت مرحلة اخرى وهي شعر «الموالي»، حيث ان الجواري كن يقلن: يا موالي يا موالي وينشدن هذا الشعر، سمي بالموالي، ومن ثم ظهر «الكان وكان»، وهو شعر عامي انتشر عند اهل بغداد، وكانوا يعتمدون عليه في النصائح والمواعظ، فيقولون كان وكان، وتأتي به موسيقى محددة تختلف عن الايقاعات الخليلية، ثم تلا هذا النوع عن الشعر القومة التي انتشرت في عهد الخليفة الناصر. والقومة قد تكون من قومة الاشجار، لانه ضرب من الشعر يقال في الاسحار والدوبيت هو في نهاية الامر نتاج لتلك التحولات في الشعر العربي. وقد استبعد الأستاذ الطيب محمد الطيب ان تكون هنالك صلة بين الدوبيت السوداني والفارسي، وقد اطلق عليه اسم «الدوباى» و«دوبي» في بعض مناطق السودان تعني اصدر اصواتاً خاصة على العمل. وهذه «المدوباة» قد تكون اصواتاً لا تصحبها الكلمات. وقد قدم الأستاذ التجاني نماذج من شعر «الدوباى» منها مربوع لبخيت الكباشي يقول فيه: بعد مود ايد الممسوح عملوا جفيلْ سمع النقرة ود الجنن الهجليلْ على بلد البرامكة المحبكات بالنيلْ امسى ايديهو واحدة «تدوبي» وواحدة تكيلْ كما قدم التجاني نموذجاً لود شوراني الذي ورد في رباعياته لفظ «الغنا» اشارة للدوباى. أنا يا ابتله سافعة العشا البتقوقي قلتها كرسي نومي وضيفي سهدك فوقي من قليبو أليل والطعم معشوقي صديتا تاني لي مضغ «الغنا» وحيروقي أما بالنسبة لنشأة هذا الفن في السودان، يقول الأستاذ التجاني ابراهيم إن الاقوال حول نشأته متضاربة ومتباينة، ولذلك يرى انه نشأ مع وجود الكلمة العربية في السودان، اي الى ما قبل دخول الاسلام. وفيما يخص الالحان، ذكر التجاني ان شعراء البطانة يسيرون على نمط واحد في طريقة اللحن مع اختلاف يسير في الثقل والخفة والسرعة والابطاء، فلشعر دار حامد في شمال كردفان طريقتهم في التلحين شأنهم في ذلك شأن الكبابيش واهل البطانة. وقام الأستاذ التجاني بتقديم نماذج ملحنة لمختلف المناطق مثل «مسدار تمبول» لاحمد ود عوض الكريم ود حسب ربه الذي يبدأ مسداره من تمبول الى ان يصل الى منطقة من مناطق الشرق، كما قدم نموذجاً آخر من شمال كردفان لعمر ود ابو شناح، وآخر لود ام سيالة، الى جانب بخيت ود الكباشي الذي تميز بالحانه الهادئة والمتفردة. كما تطرق التجاني ابراهيم لاغراض الدوبيت، واوضح بأن اغراضه هي نفس اغراض الشعر العربي الفصيح مثل المدح والهجاء والوصف والغزل والرثاء وغيرها من الاغراض التي بيّنها ابو تمام في كتابه «الحماسة». ومن النماذج التي قدمها نموذج في الوصف لود شوراني الذي يصف جمله قائلاً: حجّام ام خدود عقب التريعة يسدِّي كاجرني وجفا القلع الرسل من يدِّي ما بتبارى وكتين جنب قفاه يندِّي سرجو عروق وضهرو المركب البتعدِّي وذكر بان الشاعر في البادية عادة ما يصف البيئة المحيطة به، مثل الجمل الذي يساعده على الترحال، وكذلك المحبوبة، كما عدَّد التجاني انواع الدوبيت، وقال بان منها الرباعيات المتفرقة التي نجدها في شمال كردفان، علاوة على المسادير، حيث أن المسدار هو المكان الذي يسرح فيه الصيد. والكلمة اصلها «صدر» اي ان السين انقلبت صاداً. و«صدر» تعني ذهب الى مناطق المياه، على العكس من كلمة «ورد»، واضاف ان المسدار عند شعراء الدوباى هو رحلة يقوم بها الشاعر من منطقة محددة الى اخرى قاصداً الوصول لمحبوبته، ويكون عمر الرحلة يوماً واحداً يبدأ من الصباح وينتهي عند المساء. ويصف الشاعر في المسدار المناطق التي مرَّ بها والسرعة التي يسير بها جمله، وضروب المشي، فضلاً عن حديثه عن المحبوبة ووصفه لها، كما يدير حواراً مع بعيره.. والمسدار قد يشتمل على موضوعات عدة قد تبلغ الاربعين او الخمسين.. وذروة هذا المسدار تكون عندما يصل الشاعر الى محبوبته، فتقوم باستقباله بصحبة جمله الذي تحسن له، باعتباره السبب في ايصال الشاعر اليها. كما ترسل من يقوم بخدمة الشاعر ويكرم نزله طيلة فترة اقامته.. ومن المسادير التي تطرق اليها الاستاذ التجاني ابراهيم «مسدار رفاعة» لاحمد ود عوض الكريم. كما قال الاستاذ التجاني بان هناك نوعاً آخر من انواع الدوباى يسمى بالمجادعات التي تكون بين شاعر وآخر، حيث يأتي الشاعر الأول بأبيات على قافية معينة، فيرد عليه الشاعر الآخر بنفس القافية.. ومن امثلتها المجادعة التي دارت بين ود شوراني ونايل البطحاني، حيث قال : الشيب البخيت برقع سواد اغراسي لكن قلبي ابداً للدرع مو ناسي شغلت فكري وحشة تكون وتراسي تكسير عله في المكتومة بالحيل قاسي فردَّ عليه ود شوراني قائلاً: دكتور طبِّي عندو دواى ومنُّو احساسي تفاح منقة ما هو يسيل وارضو فداسي سيد قافية غناى الفيهو صافي اخلاصي عاجب عيني جارح قلبي مكرو سياسي وتطرق الأستاذ التجاني لعلاقة الدوبيت بالسياسة، واشار الى ان اغلب شعراء الدوباى كانوا بعيدين عن السياسة وما يدور فيها بحكم اقامتهم في الفيافي والبوادي، غير ان بعضهم زار المناطق الحضرية، فتأثر بالاوضاع السياسية. كما ذهب الى ان السياسة اصلاً موجودة في الفيافي والبوادي، ولكنها مبسطة تتمثل في علاقة الاهالي بالشيخ، او بالمأمور، كما كان في العهد التركي. وهناك شعر كثير قيل في السياسة، خاصة في عهد عبد الله التعايشي الذي كانت له مشاكل وخلافات مع «أبناء البحر» الذين اتهموه باستئثاره بالحكم وتقريبه لاهله البقارة، كما عبر بعض الشعراء عن أسفهم بعد فشل ثورة 1924م واصفاً انقلاب الاحوال رأساً على عقب: انقلب الدار كتل المرق بتمامه والصيد الكبير يسعب وخاطفا نعامه التمساح غرق واحتاجنا لي عوّامه انا شفت الاسد يجري وخاطفا نعامه وفي معرض حديثه عن الدراسات التي اجريت حول الشعر الشعبي في السودان، ذكر الأستاذ التجاني ابراهيم ان اول من قدَّم دراسة في هذا المجال هو الدكتور المصري عبد المجيد عابدين الذي ذكر في كتابه «من الادب الشعبي في السودان» ان الدوبيت وزنه وزن الرجز العربي الاصيل. ولم يتفق الاستاذ التجاني مع الدكتور عابدين في هذه الجزئية، اذ يرى ان اغلب الدوبيت اقرب ما يكون الى الهرج، حيث يأتي اغلبه على الصورة «مفاعلين مفاعيلن مفاعيلنتن»، ورجح ان عبد المجيد عابدين قد ذهب الى هذا الرأي لتأثره بنزعته العروبية. كما اضاف قائلاً بان الدوبيت شعر ولد ملحناً. ومما ينفي ان يكون رجزاً هو انه لا يمكن الوقوف في الرجز على الساكن، علاوة على كون الكلمات في الشعر العربي فصيحه، بينما هي في الدوبيت عامية، وهناك كلمات تكون في حشو البيت ترد فيه مثل «يبوح» لا يمكن اخضاعها لاوزان الخليل بن احمد، لاحتوائها على ساكنين. مما يرجح ان للدوبيت اوزانه الخاصة المنسقة مع طبيعة اللهجة السودانية وخصوصية الشعر الشعبي في السودان. وفي ختام الدراسة الوافية التي قدمها الأستاذ التجاني ابراهيم، قام بطرح اسئلة مفتوحة على الحضور إثارة للنقاش واثراءً للحوار مثل: ما هو الدور الذي يلعبه الدوبيت في حياة المجتمع السوداني؟ وما هو الأثر الذي احدثه؟ وما هي الخدمة التي قدمها للمجتمعات؟ هل ناقش بعض القضايا الاجتماعية وتناول العادات والتقاليد والقيم وغيرها؟ واذا اردنا ان نجعل هذا الفن ضمن المفردات التي تدرّس في الجامعات: ما هي الاهداف التي نريدها ان تتحقق من وراء ذلك؟ كيف يستطيع شعراء اليوم الاستفادة من هذا الفن الضخم؟ وكذلك نادى التجاني بربط كل ذلك بالأفكار التي نادى بها الناقد الشاعر حمزة الملك طمبل الذي دعا لضرورة ان تكون للشعر السوداني خصوصيته، حتى يميزه من هو من خارج السودان عندما يقرأه. وقد عقَّب الدكتور الصديق عمر الصديق على ما قاله الأستاذ التجاني، وذكر ان الدكتور احسان عباس في «غربة الراعي» قد عقد فصلاً للسودان وقال انه اعجبه في المثقفين السودانيين انهم كانوا يأكلون «الفول» وهذا مما يدل على انهم يعانون من انفصام حاد يفصلهم عن مجتمعهم، فهم مشدودون الى الحياة الشعبية. وهذا في رأي الدكتور صديق- يشير بوضوح الى ان اصل السودان «البداوة». وقد عقَّب الأستاذ الامين البدوي مفتتحاً حديثه بتثنيته للرأي القائل بإدراج الدراسات الشعبية في المقررات الرسمية التي تدرس في الجامعات والاكاديميات. كما اشار الى الطريقة التقليدية التي عادة ما يعرض بها في الدوبيت الذي يربط دائماً بالبيئات البدوية في مناطق معينة مثل البطانة مع كونه موجوداً في مناطق اخرى من السودان مثل مناطق الجعليين التي تحتوي على رصيد وافر لم يحظ بنصيب من الدراسة والتمحيص. وذكر بان كلمة «دوابى» في بعض المناطق تعني «اشتاق»، كما ذهب الى ان الادب العربي يميل الى الذاتية «الغنائية». ورأى ان في الصحراء العربية توجد جزئية تحتوي على كل الآداب التي يحتفي بها الناس عبر العالم. وقد قدّم الأستاذ التجاني نماذج مختلفة من مختلف مناطق السودان لشعراء من بينهم ابراهيم ود صالح العوني والتاية بت قلبوس وبلل ود زايد، حيث اورد مقاطع لابراهيم ود صالح العوني الذي يصف ما هو اشبه بالانقلاب الكوني في قوله: ضاق بينا الامر يا سيدي انقلب الدهر عقباني ما في حديدي سنة السني دي عقبى وعلينا شديدي قنّب عيشها من النار من دلوبا ديدي كما نادى الاستاذ الامين البدوي بتعريف هذا الضرب من الادب وترجمته على المستوى العالمي والعربي ومقارنته مع نظائره في الادب العالمي. وذكر ان الدوبيت قد وُقِّع من قبل بآلة موسيقية كما فعلت ذلك التاية بت قلبوس. وفي ختام تعقيبه اكد على ضرورة دراسة فن الدوبيت والتعمق فيه، لانه في رأيه فن «بلا حدود». وقد افتتح النقاش الأستاذ الفكي محمد الحسن الذي تساءل: هل شعر الدوباى قاصر على البطانة والمناطق الخلوية مثلما ورد في مربع الحردلو: الشم خوّخت بردنْ ليالي الحرّه والبرّاق برقْ من منّة جاب القرّه شوف عيني الصقير بجناحو كفت الفرّه تلقاها ام خديد الليلة مرقت برّه حيث نجد في هذه الرباعية انه مربوط بالصحراء والخلاء والبطانة بدليل الكلمات «البرق و«الصقر» و«الغزالة» و«البرد». وتحدث الاستاذ الشاعر سعد عبد القادر عن الشعر السياسي، وذكر بان هجرة الحلفاويين الى البطانة قد ادت الى كثير من المنازعات والمشادات بين سكان البطانة والحلفاويين مما اثار قريحة الشعراء فكتبوا حول هذا الجانب. ورأى بان شعر الدوبيت السياسي كان مواكباً لمختلف التحولات الاقتصادية والاجتماعية والثقافية. كما تطرق الدكتور معتصم فضل لموضوع اوزان الدوبيت، وقال إنه كان من الطبيعي ان تختلف الاوزان عند امتزاج الثقافة العربية بالاهلية، وان تكون للسودانيين خصوصيتهم في الشعر كما للاندلسيين مثلاً. ودعا الدكتور مرتضى بابكر الى إنشاء مركز للدراسات الشعبية كما في الدول المتقدمة مثل فرنسا التي بها اربعة مراكز. وانتقد التركيز على البادية عند الحديث عن الدوبيت، لان هنالك شعراء كتبوا الدوبيت مع انهم عاشوا في المدن، مثل ود الفراش الذي اقام في بربر. واشار الى ان المجادعة ليس بالضرورة فيها ان تكون القافية موحدة. اما عن الاوزان، فقد ذكر الدكتور مرتضى بانه ليس بالضرورة ان من لا يجرى على اوزان الخليل ليس بشاعر، والدليل على ذلك محاولات ابي نواس للخروج من اوزان الخليل، مما جعل البعض يعتبره من جرّب التفعيل. وقال الأستاذ مزمل حسن الركابي ان هناك اخذاً ورداً بين الحضارة والبداوة، فليس هنالك حضرى كامل، ولا بدوي كامل. كما ان بعض القصيد العامي ربما يكون تطويراً للدوبيت، واشار الى ان مربعات الدوبيت تشير الى المنطقة التي ينبع منها، ويختلف هذا الضرب من الادب الشعبي من منطقة الى اخرى. وتطرق الاستاذ الحارث عبد القادر الى تماسك اجزاء النص خاصة في الحديث عن الرحلة «المسدار» وطرح سؤالاً: هل هنالك تشابه بين الدوبيت والموشحات وهل يمكن ان يدخل ادب «الهمبتة» تحت مسمى ادب الدوبيت؟ وذكر الأستاذ الجزولي ان الدكتور عبد المجيد عابدين يرى انه مأخوذ من السرد، اي سرد كل ما يقع في سبيل الوصول الى المحبوبة.. واشار الى ان هنالك دوبيتاً في كل مناطق السودان تقريباً، خاصة في دارفور التي لم ينل فيها الدوبيت حظه من الاهتمام، مع جودته وعمقه.. اما المسدار فهو خاص بالبطانة عكس الدوبيت. وذهب الى ان الصور الموجودة في السودان ليست موجودة في الشعر العربي، وليس ذلك تحيزاً -في رأيه- ولكن المشكلة هي أننا لا نحسن الترويج لبضاعتنا، كما يفعل الآخرون، كما دعا لتحديد الاوزان التي جاءت عليها ايقاعات الدوبيت، فان كانت فريدة من نوعها، فهو انجاز ينبغي ان يحسب للسودان. وفي نهاية الندوة عقَّب الأستاذ التجاني على اسئلة ومداخلات الحضور، مؤكداً على ان فن الدوبيت لا يحتكر لكردفان، ولكن اغلب النماذج التي وقعت في يده من مناطق شمال كردفان تحديداً، وهو ليس متحيزاً لتلك المنطقة لكونه منها، بدليل انه يرى ان شعر البطانة مثلاً يتفوق على الشعر عندهم في كثير من النواحي.. كما أشار الى ان الفكرة المصاحبة للدوبيت في العادة تأتي ملحنة. ونفى ما ذكره الدكتور عبد المجيد عابدين من ان يكون المسدار من كلمة «سرد»، وانما هو من كلمة «صدر» كما ذكر من قبل. وقد فتحت هذه الندوة التي اقامها معهد البروفيسور عبد الله الطيب الباب مشرعاً للولوج الى عالم هذا الفن الشعبي الزاخر بكل طارف وتليد من الحياة الانسانية المتفردة في نوعها مما يرسم آفاقاً لكل الدارسين والمهتمين بأدب الشعوب لينهلوا من هذا المعين الذي لا ينضب من الأدب الصادق الذي يصوِّر الحياة بكل تلقائية دونما تكلف او رتوش.
ياعرريب ود المحرب اشرح ما تحته خط .وبعدين ليه الجيم غيرتوها دال في الديش ... رد الله غربة العرريب ود شيقوق اهو كان بترجم لي نضمم الملكة و رعيتها بتاعيين الدوبيت ...بعدين اها واحد قريبي- محمد سيداحمد - رطان برضو جاكم يحاول يفتهم نضمك ....
Post: #69 Title: Re: لاح لي من صعيد برقاً كتم تعّالو Author: خالد المحرب Date: 01-19-2007, 03:21 PM Parent: #67
حبيبى ابوبكر فرسان اللقاء الملاقاه فى ساحة المعركه العجه ممكن تقول عليها عكلابه واكيد عكلابه دى مابتعرفه الغبار المنبعث من جرى الخيول الديش كلمه خفبفه زى الخرتوم 0البرتكان0 وكده فهمت يارطانى
Post: #70 Title: Re: لاح لي من صعيد برقاً كتم تعّالو Author: abubakr Date: 01-19-2007, 03:36 PM Parent: #1
ياعرريبي العزيز ودالمحرب
ومعقديين الامور ليه ما تقول " غبار" وفي اكتر منو في السودان بشان تقوم تدلعو كمان ...
Post: #72 Title: Re: لاح لي من صعيد برقاً كتم تعّالو Author: خالد المحرب Date: 01-19-2007, 03:49 PM Parent: #70
Post: #71 Title: Re: لاح لي من صعيد برقاً كتم تعّالو Author: Ahmed Yousif Abu Harira Date: 01-19-2007, 03:38 PM Parent: #1
إتفق الباحثون على أن عبارة "دوبيت" أصلها فارسي كما أشار بذلك الأخ منصور المفتاح وتعني ما ذهب إليه في تفسيره لها... لكنني اود أن اضيف أن "الدوبيت" بشكله السائد حاليا في السودان هو نمط فني شعبي سوداني مئة بالمئة وليس له ، على حسب علمي ، ما يماثله من انواع الشعر العربي الراهن في اي مكان آخر..
وهو عند أهله (غناء) وحتى عبارة دوبيت غير منتشرة كثيرا في الأماكن التي يسود فيها هذا النوع من الشعر سواء في بادية البطانة أو في بوادي الكبابيش والهواوير والكواهلة وغيرهم.. وأنا عن نفسي لم أسمع أهلي يسمون شعرهم أو يشيرون إليه بعبارة "دوبيت" ولعل ذلك إصطلاح أطلقه المثقفون أو الباحثون لأغراض تمييز هذا النمط عن غيره من أنماط الشعر الشعبي السوداني...
وبعيدا عن إدعاء الفصاحة والجودة والجزالة للدوبيت أستطيع أن أقول أنه شعر (عالي التكثيف) بمعنى أن الفكرة فيه مضغوطة بشكل كبير ، لدرجة أن الشاعر محكوم بايجازها في اربع شطرات (بيوت) فقط..وهذا التركيز العالي يجعل من المربوع قصيدة قائمة بذاتهاومستقلة عما سواها بحيث إذا أخرجت (فرزت) من السياق العام الذي وردت فيه ضمن مسدار أو قصيدة قيلت في مناسبة بعينها ، تجدها لا تزال تحمل معناها وتوصل رسالتها بمعزل عن ما بدأ به الشاعر أو اختتم به قصيدته...
وبهذا المعنى يمكن أن نقول أن مربوع الدوبيت قصيده (كاملة الدسم) ، على عكس أنواع الشعر العربى الأخرى حيث يرهق الشاعر نفسه باجترار عشرات أو ربما المئات من أبيات الشعر ليقول الاستهلالية أو المقدمة ويدلف إلى الموضوع ويعرج على الخاتمة..
Post: #85 Title: Re: لاح لي من صعيد برقاً كتم تعّالو Author: سمية الحسن طلحة Date: 01-19-2007, 06:32 PM Parent: #71
أحمد يوسف صدق يوسف ودالبنا فى عيال شلاعة:ـ
عزونى صحيح ومن آخر ضميرم خلسوا عند الواجبة لابنتروا لابنملصوا دفع أمات رقاب ساهل معاهم قلصو كل يوم بى كرابيج الكرم بتقلسوا تسلم كفيت ووفيت
Post: #73 Title: Re: لاح لي من صعيد برقاً كتم تعّالو Author: abubakr Date: 01-19-2007, 03:57 PM Parent: #1
Post: #74 Title: Re: لاح لي من صعيد برقاً كتم تعّالو Author: خالد المحرب Date: 01-19-2007, 04:09 PM Parent: #73
الشحيط هو من فصيلة الملوخيه ونحن بنسميها الخدره بتقوم طواله اللهى دى الملوخيه اما الشحيط بكون قصير جدا الباشندى هو زهره بتكون فى شجر الكتر بتطلع اول الخريف تنبعث منها ريحه حلوه جدا قال فيها شعراء البطانه ريحة الشاف مع الباشندى وقفت قجه الشاف بتعرفو وعلى سيرة الشاف بتعرف البره
Post: #75 Title: Re: لاح لي من صعيد برقاً كتم تعّالو Author: abubakr Date: 01-19-2007, 04:09 PM Parent: #1
يا احمد..كتر خيرك ونفعنا الله بعلمك واثابك ...
Quote: وبهذا المعنى يمكن أن نقول أن مربوع الدوبيت قصيده (كاملة الدسم) ، على عكس أنواع الشعر العربى الأخرى حيث يرهق الشاعر نفسه باجترار عشرات أو ربما المئات من أبيات الشعر ليقول الاستهلالية أو المقدمة ويدلف إلى الموضوع ويعرج على الخاتمة..
طيب ناس المقرارات في وزارة التعليم السوداني ما عندهم خبر يالتطور العظيم في الشعر العربي ليه ونشوفو ريقنا بمعلقات وقصائد الواحدة منها كتاب بحالو ؟؟؟ اذن هذا النوع من الشعر العربي يعكس فكرا صناعيا متطورا .. مثلا ظهور الرانسيستور كان مدخلا صناعيا عظيما ارتبط بحقائق كثيرة تتعلق بالحجم والكيف وبذلك سهلت صناعات اخري كثيرة وعند ظهور ما يسمي بالمكونات الاليكترونية كذلك ظهرت صناعات مرتبطة فصغر حجم اجهزة تقنية معقدة ( وتري ذلك مثالا في الكمبيوترات )...العقل القادر علي تسبيك (دي من ارثنا النوبي فنحن طباخون ) ابيات عديدة في اربع فقط ليس بالساهل وبلغة عرفت بانها اكثر اللغات تعقيدا لما فيها من بلاغة , مثل هذا العقل هو عقل صناعي عظيم ...العراريب مب ساهليين ياجماعة
Post: #80 Title: Re: لاح لي من صعيد برقاً كتم تعّالو Author: سمية الحسن طلحة Date: 01-19-2007, 05:35 PM Parent: #75
Quote: العراريب مب ساهليين ياجماعة
شفت يا أبوبكر أخوال فاطنة بيعملوا إيه ما أحوجونى أفتح خشمى كفوا ووفوا
أعطيك مثال على كلام الأخ أحمد يوسف أبوحريرة أن المربع يمثل قصيدة كاملة :
وقصةعكيرالدامر حينماحمل الوشاة للسيد/عبدالرحمن المهدي خبراً مفاده أن عكير الدامر تخلى عنك فأتى عكير الدامر ينفي ذلك في مربوع قمة البلاغة والذكاء وحوى من المعاني ماتحويه معلقة كاملة :
عهدنا بيك كنداب حربة مابتشلخ وعقدة عين جبل ملوية مابتتفلخ كان إيدينا فيك من المسك تتملخ السماء ينتكي وجلد النمل يتسلخ
لك التحية ولقبيلة الرطانة المستعربة
Post: #78 Title: Re: لاح لي من صعيد برقاً كتم تعّالو Author: abubakr Date: 01-19-2007, 04:59 PM Parent: #1
Quote: ما كنت أعلم أن شعرنا يمتع غيرنا
شايفة كيف يامكلكة نضمكم بيعجب الرطان .ما محمد سيداحمد قريبي و مسرحي واديب اريب ...
Post: #83 Title: Re: لاح لي من صعيد برقاً كتم تعّالو Author: سمية الحسن طلحة Date: 01-19-2007, 06:10 PM Parent: #78
Quote: محمد سيداحمد قريبي و مسرحي واديب اريب ...
ياسلام والله ماتتصور باابوبكر أنا كيف فخورة بهذه الرفقة لك وله ولكل قرايبكم مايليق بكم من التحية والتقدير وانا محظوظة من أيام كنت فى دبى سعدت بعقول نيرة مثلكم بمنزل الراحل الشاعر الأديب الأريب /محمد الحسن دكتور
Post: #81 Title: Re: لاح لي من صعيد برقاً كتم تعّالو Author: abubakr Date: 01-19-2007, 05:52 PM Parent: #1
Quote: كان إيدينا فيك من المسك تتملخ السماء ينتكي وجلد النمل يتسلخ
الغريبة يا ملكة دي فهمتها طوالي من غير ترجمة العرريب ودالمحرب الترجمتو عايزة مترجم ز..
قارني البيتيين ديل بخطابات واشعار الهتيفة (مرة واحد كتب الفية عشان يقول للنميري انو زولو البموت قبل ما يتخلي عنو )... ايد تتملخ وتتملص من المسكة وسماء تتكي ونمل يسلخ جلده ... رسم عجيب ....
Post: #82 Title: Re: لاح لي من صعيد برقاً كتم تعّالو Author: nourelhadi awad Date: 01-19-2007, 05:56 PM Parent: #1
أبو بكر وصلت سنة كم عروب؟ ياللا أدفع مجانية التعليم دي ولى زمانة ماعليك الملكة بتقصد ليك ولعلمك أكان مادفعت زي المدرسة النموزجية دي ما بتلقاها بي جنس الهمالة دي ماتخاف بيتين دوبيت بمرقنك ياللا همتك
نورالهادي
Post: #94 Title: Re: لاح لي من صعيد برقاً كتم تعّالو Author: سمية الحسن طلحة Date: 01-20-2007, 08:21 AM Parent: #82
Quote: ياللا أدفع مجانية التعليم دي ولى زمانة ماعليك الملكة بتقصد ليك
نور الهادى كيف الحال أبوبكر له على أياد سلفت ودين مستحق فقد قام هذا الرجل بعمل مدونة خاصة لأعمالى وبدأ بجمعها بمجهوده الحاص وربنا يقدرنا على جزاه
Post: #84 Title: Re: لاح لي من صعيد برقاً كتم تعّالو Author: abubakr Date: 01-19-2007, 06:20 PM Parent: #1
Quote: أبو بكر وصلت سنة كم عروب؟
يا نور حصص العربي في الاولية والوسطي والثانوي بتاع زمان ...ابتداء ب "ظلع الجمل " الي "قفا نبك " ( في ذمتك دة كلام ؟ شافع يبدو معاهو لغتهم بجمل بيعرج ولما يكبر يننتهو بيهو في بيت بكا ).... الغريبة لحد الان مقضي 30 سنة مع عراريب الخليج لكن ما زي عراريبنا قاموسم غير ....
Post: #86 Title: Re: لاح لي من صعيد برقاً كتم تعّالو Author: بدر الدين الأمير Date: 01-19-2007, 06:44 PM Parent: #1
سمية البطحانية لك التقدير
واسمحى لى بوقفة مع نصك الخال والخال النص
ومقياس الخال للعزة والشرف عند العرب المقصود به هو الاخت
هو مقياس عربى صرف لان رمز الشرف عند العرب هو الاخت
وليس الام ولا الزوجة
لذا ان العربى لو اراد ان يتحقق من اصلك بيسألك هذا السؤال
( من هو خال خالك) ولو لاحظنا فى غناء الحماسة عندالناطقين بالعربية فى السودان
نجد الكثير من فخر الاخ باخته (اخوك يا ريا اخوك اوكت الخيل ...او العكس ياكا على
لكن المهم والاهم ياسيدتى هل من الحكمة او التوازن الداخلى مع النفس ان تدعى انك عربى
صرف وانك سودانى صرف وعرب السودان اخوالهم افارقة او زنوج او .....
Post: #87 Title: Re: لاح لي من صعيد برقاً كتم تعّالو Author: سمية الحسن طلحة Date: 01-19-2007, 09:35 PM Parent: #86
Quote: لكن المهم والاهم ياسيدتى هل من الحكمة او التوازن الداخلى مع النفس ان تدعى انك عربى
صرف وانك سودانى صرف وعرب السودان اخوالهم افارقة او زنوج او .....
بدر الدين الأمير لك التجلة على الإتيان على ذكر الأندلس فقد لمست موضع وجعى فكم أنا مأخوذة بكل ماهو أندلسى الطراز أماعن الخال فعلا (سمح الخال وخال الخال....الخ أما عن العرب والأفارقة تعرف انك أول من تنبه لهذا أو بالأحرى من تعرض لهذا فى هذا البوست ولكنك لم تنتبه لأتتى تحاشيت هذا الكلام وعملت حسابه حيث لم أذكر العرب قط بل قلت فى مقدمتى لهذا الموضوع:ـ يهتم الناس ....الخ ولم أقل يهتم العرب وكنت أقصد وأعنى ما أقول. لك الود ولا تحرمنا من أندلسياتك العربية الصرفة.
Post: #88 Title: Re: لاح لي من صعيد برقاً كتم تعّالو Author: بدر الدين الأمير Date: 01-19-2007, 10:11 PM Parent: #1
سمية
ليه اسم طلحه يرمز لكونك بطحانى
او هذا الاسم محتكر لدى البطاحين
فى السودان اوعك تقولى لى طلحه والزبير
Post: #89 Title: Re: لاح لي من صعيد برقاً كتم تعّالو Author: خالد المحرب Date: 01-19-2007, 10:59 PM Parent: #88
الاخ بدر الدين نعم فى اسماء محتكره لدى البطاحين الصديق وعمر وطلحه والزبير وخالد وفاخته وعاتكه وسميه وعندنا اسما كتيره تخص الاجداد والاعمام تصب فى نفس المعانى لها علاقه بالرسل والصحابه سمبه معليش انا بريد الاسماء دى عشان كده رديت بدلا عنك لك ان تضيفى
Post: #97 Title: Re: لاح لي من صعيد برقاً كتم تعّالو Author: سمية الحسن طلحة Date: 01-20-2007, 11:03 AM Parent: #88
Quote: سمية
ليه اسم طلحه يرمز لكونك بطحانى
او هذا الاسم محتكر لدى البطاحين
فى السودان اوعك تقولى لى طلحه والزبير
لأنو طلحة والزبير هم خلفاء جدنا الشيخ عبدالباقى البطحانى المكنى بجبل الحديد أبشام حداد سفينة نوح طلحة ابنه وخليفته فى السافل الزبير ابنه وخليفته فى الصعيد تحياتى يالماح.
Post: #90 Title: Re: لاح لي من صعيد برقاً كتم تعّالو Author: abubakr Date: 01-20-2007, 05:23 AM Parent: #1
Quote: لا تجد عندنا كثيرا الاسماء التى تبداء بعبد الو0000
يعني عبدالله بن ابي السرح ما قريبكم ؟؟
Post: #91 Title: Re: لاح لي من صعيد برقاً كتم تعّالو Author: mohmmed said ahmed Date: 01-20-2007, 06:16 AM Parent: #90
قريبى الباشمهندس ابوبكر والاخت سمية
هذا الشعر عميق وعالى الكثافة ومترع بالفكر والرؤية
فعلا امر يدعو للدهشة لماذا لا يدرس فى مدارسنا ويتم تنمية ذائقة الطلاب فى اليابان نوع من الشعر فى ابيات قصيرة اظن اسمه الهايكو
قرات ترجمات له ويتم الاهتمام بهونشره لماذا نحرم طلاب المدارس من كنوز عظيمة فى شعر الدوبيت
Post: #98 Title: Re: لاح لي من صعيد برقاً كتم تعّالو Author: سمية الحسن طلحة Date: 01-20-2007, 11:12 AM Parent: #91
Quote: قريبى الباشمهندس ابوبكر والاخت سمية
هذا الشعر عميق وعالى الكثافة ومترع بالفكر والرؤية
فعلا امر يدعو للدهشة لماذا لا يدرس فى مدارسنا ويتم تنمية ذائقة الطلاب فى اليابان نوع من الشعر فى ابيات قصيرة اظن اسمه الهايكو
قرات ترجمات له ويتم الاهتمام بهونشره لماذا نحرم طلاب المدارس من كنوز عظيمة فى شعر الدوبيت
ماأعظم السودان بهؤلاء الرجال!!!!؟؟؟ يا وطنى ياما فيك رجال فوق الوصف فوق الخيال أخى محمد سيد أحمد يكفينى ويكفى السودان انك سودانى تحية تقدير وإجلال
Post: #92 Title: Re: لاح لي من صعيد برقاً كتم تعّالو Author: Ehab Eltayeb Date: 01-20-2007, 06:42 AM Parent: #1
الأخ الكريم إيهاب الطيب أى ريح بعثت بك الينا أنا أيضا منذ أن تنسمت نسائم فجر هذا العام الجديد كنت موقنة بأنها تحمل الينا ريح يوسف نفتقده هنا وقد كان...أجمل صباح زاد قلبى شوق وهذه الحلقة غير مسجلة عندى لأن أبوالخليفة أعلمنى بعدها فسجلت التالية وهذه أجمل هدية أتلقاها وقد كان حصولى عليها أمنية لى لك أجزل الشكر والدار منورة بك ننتظر عودتك وكل عام وانت بألف خير سمية الحسن محمدطلحة
Post: #93 Title: Re: لاح لي من صعيد برقاً كتم تعّالو Author: abubakr Date: 01-20-2007, 07:44 AM Parent: #1
عزيزي بدرالدين ...كل عام وانتم بخير وجهة نظر فلست متخصصا :/
الصرف او الجنس الخالي من اية تمازج سابق وحالي مع اجناس ودماء اخري لا يوجد الا وسط اثنيات قليلة رفضت التمازج نسبة لثقافات وارث وعادات او اثنيات بقيت في عزلة.. حتي الصينيون وهم اعراق كانت مصرة علي ان لا تتمازج حتي في اوساطها تمازجت الان مع بعضها البعضةمع غيرهامن الاجناس ...العرب كون انهم تمازجو مع اعراق اخري منذ الاف السنيين فصارو عاربة ومستعربة وقحطانيون وعدنانيون ثم تمازجو باعراق اكثر بعد الاسلام حين نزحو شمالا وشرقا وغربا والان وهم في تمازج يومي بزيجات تجاوزت حدود الدول وبذا يكون العنصر العربي القديم قد ذهب تماما عن الوجود منذ زمن بعيد ..وذلك ينطبق علي اعراق افريقية كثيرة في السودان وحوله ..حتي اللغات وهي مواعيين الثقافات استعارت ما بينها فالعربية كما علمت فيها نسبة ربما تجاوزت العشرين في المائة مستعارة منذ الاف السنين وزادت الاستعارة في القرن الماضي كون البلاد العربية غير صناعية واختراعاتها قليلة ولكنها مستهلكة لصناعات الغير وحتي تستعمل لغات الغير من اهل الصناعة في اعمالها وحياتها ...الاثنيات الافريقية ك>لك لم يبق منها الخالص الا في الدم اما الثقافة فلقد امتزجت بكل ثقافات العالم .. وكون ان كل افريقيا كانت مستعمرة وباعراق كثيرة من ساكسون وفرنس وايطاليون وهولنديون واسبان وبرتغاليون وعرب واتراك وفرس وبيزنطة فان التمازج امر واقع وان اختلفت درجاته ... ولكن كون ان اللغة العربية لغة دين ملياري من البشر وانها اصلا لغة اسرة غنية بمعانيها وبلاغتها فلقد وجدت بين المستعربين ( وهم عرب اليوم) تعلقا كبيرا يتجاوز كونها لسانهم الذي ولدوا به..ابدعت الجماعات العربية ( اي المستعربة) في التعبير بهذه اللغة وجعلها ميدان تنافس لغوي وصفي في شعر عامي او شعبي ( نبطي عند عرب الجزيرة والشام ودوبيت في السودان ). .زغير ان العربية التي في السودان هي الاقرب بين كل لهجات العربية الي فصاحة اللغة الام "مايسمي بالعربي الفصيح " جعلت لشعراء بادية عرب السودان وشعراء السودان عموما تميزا دون غيرهم .. العربية لغة اسرة كما ذكرت سابقا ومقدرتها الي الانسياب الي وجدان ومسامع من يفهمها بحيث تطغي علي كل الوجدان لا يضاهيه لسان اخر ... ومثالا لذلك ومن واقع ما عشت وانا انتمي الي مجموعة تمازجت مع اعراق اخري لكن لغتها بقيت وحتي عند فرض العربية علي تلامذتها كونها اللغة الوحيدة المعترف بها للعلم والعمل ولكن كون العربية لغة ذات كاريزما قوية فكلنا ننطق بها وفينا من يقول شعرا بها ويغني بهاومن اهلنا شعراء وكتاب ومغنيين بالعربية فطاحل .. هذا لا يقلل من شان لغتنا ولا تمازج اعراق مع عرق مجموعتنا اضر بها ... التمازج فيه نفع كثير بيلوجيا وثقافيا واقتصاديا واستعمال كلمة "صرف او خالص" ما هو الا من غيرة وتنافس وليس واقعا بيلوجيا ... ما يهم ان ننتفع بما ياتي به المزيج كبشر يعمل ويصنع وما في اللغات من ابداع واللغة العربية ابداعها كثير ولا يقلل من اثرها تمازج في الاعراق .. ولقد انتفعت اللغة العربية بما افرز التمازج العرقي وصار معجمها غنيا...
والتعريف الغالب للعرب -وهم اليوم نتاج تمازج لاعراق كثيرة- انهم من يتحدث العربية وليس مكانا جغرافيا معيناولا تمسكا بلون او عرق معين كما كان منذ قرن مضي فالمتحدثيين بالعربية اليوم هم في كال اركان الدنياوالاختلاط كثر حتي بين المستعربة (عرب اليوم) واعراق لم تعرفها من قبل ...
شخصيا ما يهمني هو الابداع اللغوي والمقدرة المتناهية لشعراء بادية السودان في ملاوعة هذه اللغة الاسرة ذات الكاريزما وجعلها ميدان تنافس قل ان تراه خارج السودان ...
Post: #95 Title: Re: لاح لي من صعيد برقاً كتم تعّالو Author: abubakr Date: 01-20-2007, 08:56 AM Parent: #1
Quote: فعلا امر يدعو للدهشة لماذا لا يدرس فى مدارسنا ويتم تنمية ذائقة الطلاب فى اليابان نوع من الشعر فى ابيات قصيرة اظن اسمه الهايكو
قالت لي بنتي وهي يابانية الهوي وتعلمت لغتهم ان الهايكو شعر فرسان وفخر و كالدوبيت يعتمد علي مقاطع معدودة ( اثنتين في الهايكو ) وجمل موسيقية محدودة ( 5و7و5) ولغة غنية واشتهرت عند فرسان الساموراي في القرون الوسطي ( 14 و15) وكان فرسان الساموراي ينشدون الهايكو اثناء عملهم ....
سؤالي وسؤالك شرعيان بخصوص تجاهل ادارات التعليم السودانية لشعر الدوبيت وهو فيه ثراء وقوة وغني بالمعاني .. فان كانت هي اللغة العربية القصد عند واضعي المناهج ففي الدوبيت لغة عربية تفوق ابداعاما فرض علينا في المناهج .. لغة فيها من وجدان السودان -بتمازجه وارثه- الكثير .. شعر للسودانيين وارث كثير من قبائل البادية ... ام هو لا كرامة حتي لشعر السودان في ارضه ... ويا مثقفي وشعراء البادية الم يات الوقت بعد لفرض الدوبيت فرضا في مناهج اللغة العربية بدل شعر جاهلي ليس فيه من بيئتنا شي ؟؟؟
Post: #99 Title: Re: لاح لي من صعيد برقاً كتم تعّالو Author: سمية الحسن طلحة Date: 01-20-2007, 11:27 AM Parent: #95
Quote: سؤالي وسؤالك شرعيان بخصوص تجاهل ادارات التعليم السودانية لشعر الدوبيت وهو فيه ثراء وقوة وغني بالمعاني
أبوبكر لدى قائمة بعنوان رجال فوق الوصف وأنت واسطة عقد هذه القائمة التى بالتأكيد ستفوق قائمة جينيس عددا ونوعا وكماطالما أن وطنى يزخر بأمثالكم. كل الود
Post: #96 Title: Re: لاح لي من صعيد برقاً كتم تعّالو Author: أبو الحسين Date: 01-20-2007, 09:03 AM Parent: #1
Post: #101 Title: Re: لاح لي من صعيد برقاً كتم تعّالو Author: سمية الحسن طلحة Date: 01-20-2007, 12:25 PM Parent: #96
Quote: دا أكيد مقصود بأنه خليفة من خلفاء الأشراف... المرضي عنهم... السمحة فعالهم...
حباب أبوالحسين أصلك ما ختيت الدرب الخليفة محمد المجتبى أخوى براااى وهو خليفة أبوى الديمة سمحة خصالو
لك منى سلام واحترام ياودالكرام
Post: #109 Title: Re: لاح لي من صعيد برقاً كتم تعّالو Author: على احمد النعيم Date: 02-04-2007, 10:34 AM Parent: #96
لاح لي من صعـيد برقـاً كـتــم تعّـالو ذكـّرني بسمة الزول الجميـلة خـصـالو
الاخت سمية لك التحية وشكرا على هذا الابداع . لقد ذهبت بنا بعيدا الى ايام خلت عندما ننظر الى جبال فى منطقتنا اسمها جبال العروس عندما تجبد كجر التعول وتتغتى راسمة لوحة بديعة فى ايام الخريف الحلوة والسعية جاية من الكربة. ولكن اخت سمية ما شد انتباهى هى قصة البروق التى تثير لواعج العشاق وتأجج فيهم الشوق الدفين. "فتقو الليلة زيفا برقو رف صعيد" "والبروق البلسعن فى الكباد ما نامن" وحتى شعراء المديح يهيجهم البرق الذى يلمع من الشرق ويدفق فيهم الشوق لزيارة المصطفى صلى الله عليه وسلم. فلماذا يهيج البرق الذكرى؟؟!!
ولك عاطر التحايا,,
Post: #151 Title: Re: لاح لي من صعيد برقاً كتم تعّالو Author: الطيب شيقوق Date: 02-18-2007, 09:22 PM Parent: #96
Quote: ويا مثقفي وشعراء البادية الم يات الوقت بعد لفرض الدوبيت فرضا في مناهج اللغة العربية بدل شعر جاهلي ليس فيه من بيئتنا شي ؟؟؟
اقسم بالله الدوبيت اكان فرضوهو في المناهج اكان انت مشيت تقرا في اسوان يا رطاني .
Post: #197 Title: Re: لاح لي من صعيد برقاً كتم تعّالو Author: b_bakkar Date: 02-27-2007, 05:13 AM Parent: #96
عند منقلب الرعاء تسبق الشاة العرجاء
كتبت سمية:
Quote: يهتم الناس دوما بالخؤولة فى بحثهم عن الأصل وهناك قول متوارث (سمّح الخال وشوف الجنس كان يبقى بطال )
في الحقيقة هذا القول سمعت من ينسبه إلى الشيخ العبيد ود بدر اللهم أنفعنا ببركته وهو يقول: (سمّح الخال وخال الخال، وشوف كان جناك إجي بطال".
جابتني الصدفة في البوست الثاني أبحث عن شنتير، فوجدت سمية ، بت الحسن ود طلحة حفيدة الشيخ عبد الباقي أبشام قدس الله سره. و تشرفت بأن أكون خال سمية، ولو من بعيد!! وحق لي أن أفخر بذلك
Quote: (شكري؟ نعم): عفصي
قالت سمية:
Quote: حباب خالى انا حبوبتى ام امى زينب بت حمد النيل ود امحمد اللمين شكرية عفصية فارسابية ( فارساب و اتيماب ) وحبوبتا عركية وحبوبتى من جهة أبواتى جعلية ( عالياب ) واكان ما اخاف الكضب حبوبتا رباطابية لكننا بطاحين صاحباب جدنا الشيخ عبد الباقى ابشام جبل الحديد( راجل ود ساقرتة الخاتى غلتة بضم الغين)
حقا، كما قيل : عند منقلب الرعاء تسبق الشاة العرجاء
وهو قول يتخذ منه الصوفية أيضا معنى رفيعا في السلوك والعرفان
Post: #102 Title: Re: لاح لي من صعيد برقاً كتم تعّالو Author: abubakr Date: 01-20-2007, 02:43 PM Parent: #1
Quote: أبوبكر لدى قائمة بعنوان رجال فوق الوصف
تعرفي يا سمية ..لو الدوبيت بقي في المقرارات التلاميذ ما بحتاجو الي من يحفزهم لحب الاوطان والحرابة بتقيف .. الدوبيت فيهو حماسة وفخر والتزام بالارض والقيم واحترام الغير وحب الاخ والجار والضيف واعانة المحتاج لو التلاميذ فهموها وطبعا حيفهموها لانها بلسانهم وكانت بيناتم مطارحات دوبيت بدل مطارحات شعر غيرنا لترسخت في اذهانهم قيم سودانية .... ما اقصد ليس الانحيازفقط ولكن الاستفادة من منتوج ادبي شعبي خاص بفئات كبيرة من اهل السودان .. منتوج صناعة سودانية فيه فيتامينات قوية تقوي ارتباط الشباب بارضهم ويمكن استغلال الدوبيت لتحفيز الشباب للعمل والانتاج ...اداة محلية ذات فائدة كبيرة واجب الاستفادة منها بتقنيين ..وكذلك كلام الحكامات في غرب السودان وهو فيه كثير من المعاني والقيم ...ما تحتاجه بلادنا الان واولا المصادر الطبيعية التي فوق الارضووجدان الشعب السوداني اما الذي تحت الارض فاستعمال بمقدار ان كنا في حاجة اليه الان .. الان السودان يحتاج الي غسيل للعقل والوجدان يمسح اثار واسقاطات عقود من حاكمية سيئة واداء اسوء .. يكفي ما فوق الارض وعقول ووجدان مؤمنة بالارض والبشر لا مفسدة ولا فاسدة ...والدوبيت وكلام الحكمات وما شابه ذلك من ارث يكفي لتعدييل عوجة المشي ,,,,
Post: #103 Title: Re: لاح لي من صعيد برقاً كتم تعّالو Author: سمية الحسن طلحة Date: 01-20-2007, 07:33 PM Parent: #102
Quote: يكفي ما فوق الارض وعقول ووجدان مؤمنة بالارض والبشر لا مفسدة ولا فاسدة ...والدوبيت وكلام الحكمات وما شابه ذلك من ارث يكفي لتعدييل عوجة المشي
وهذه أيضا أقوال فوق الوصف دعنى أستعيد بعض عقلى الذى أخذ وأسر بهذا الكلام ثم أعود. كل الود
Post: #104 Title: Re: لاح لي من صعيد برقاً كتم تعّالو Author: سمية الحسن طلحة Date: 02-02-2007, 07:14 PM Parent: #103
الليله البـريـق حـمـل المُزن في القبلة وانا فاقد غميدي وليهو مافـيـش سبـلـة بـتـذكـر ربــوعــاً فـي فنـاهـن عـبـلـة متجـرِّد من المُـلك العـظـيــم زي جبلة الشيخ عبد العزيز
Post: #105 Title: Re: لاح لي من صعيد برقاً كتم تعّالو Author: abubakr Date: 02-02-2007, 07:44 PM Parent: #1
مش غريبة اني اتوقع السؤال منك او من العرريب ود المحرب او الفاروق وطوالي اتي تسالي "
اكيد عبلة كانت جميلة ؟؟ .. الم تكن تاجوج جميلة ؟؟ لا يصف الشعراء الذين يحولون الحرف الاخرس الي مغني جميل الانسان بجمال الا وكان جميلا؟ يقال والعهدة علي الراوي ان درجات الجمال كانت في الماضي اعلي مما هي اليوم عليه واستدلالا علي ذلك سمعت راوية يقول " هل تتخيلون ان يكون رجلا في هذا الزمان جميلا لدرجة ان تقطع النساء اصابعهن حين يطل كما حدث حين رأين يوسف عليه السلام .. " وهيرودتس وهو يروي عن رجال النوبة ( القديمة وكانت تمتد من مناطق النوبة شمال السودان وارض البجا والاحباش ) قال انهم كانو من اجمل رجال الدنيا .. وتماثيل قديمة في المواقع الاثرية والمتاحف لنساء ورجال فيها جمال بمعايير غير التي في زماننا واجمل كثيرا ... كانت عبلة جميلة والم فما قيل عنها وفيها يلبسها جمالا بارعا ...
Post: #108 Title: Re: لاح لي من صعيد برقاً كتم تعّالو Author: سمية الحسن طلحة Date: 02-04-2007, 09:03 AM Parent: #107
الليلة الصعيد طلق على دعاشو حسيت منو رحل العنقريب بفراشو دقدق قلبى ذى نقر الجرس حراشو دنيت شاركتوالهندى العزيز فى فراشو الشيخ عبد العزير
Post: #110 Title: Re: لاح لي من صعيد برقاً كتم تعّالو Author: خالد المحرب Date: 02-04-2007, 11:00 AM Parent: #108
Post: #111 Title: Re: لاح لي من صعيد برقاً كتم تعّالو Author: سمية الحسن طلحة Date: 02-04-2007, 11:03 AM Parent: #108
Quote: الاخت سمية لك التحية وشكرا على هذا الابداع . لقد ذهبت بنا بعيدا الى ايام خلت عندما ننظر الى جبال فى منطقتنا اسمها جبال العروس عندما تجبد كجر التعول وتتغتى راسمة لوحة بديعة فى ايام الخريف الحلوة والسعية جاية من الكربة. ولكن اخت سمية ما شد انتباهى هى قصة البروق التى تثير لواعج العشاق وتأجج فيهم الشوق الدفين. "فتقو الليلة زيفا برقو رف صعيد" "والبروق البلسعن فى الكباد ما نامن" وحتى شعراء المديح يهيجهم البرق الذى يلمع من الشرق ويدفق فيهم الشوق لزيارة المصطفى صلى الله عليه وسلم. فلماذا يهيج البرق الذكرى؟؟!!
فلماذا يهيج البرق الذكرى!؟ برقاً شلع باسمنى فى نومى قد قاسمنى
ياود النعيم بالنسبة لى أنا لأنو الليل كلامو كتيير والبرق دايماًبالليل ليهو وقع شديد فى النفوس ,أن كان ليل العاشقين ونهارم كلو واحد..... الليل والنهار واحد على العميان ...وليس العمى عمى البصر وحده. والزول بالنهار بكون مشغول بالمطر ودخلوا الويكة وحطب الوقود من البلل لكن مما يجى الليل وتنعقل الحايمة البرق بسحر بى بسمو فى الضلام بالحييل
Post: #115 Title: Re: لاح لي من صعيد برقاً كتم تعّالو Author: على احمد النعيم Date: 02-11-2007, 11:18 AM Parent: #114
يا بت طلحة وكت ناس ود المحرب وود اب حريرة ابو ينجدونا فى قصة البرق دحين النقول برانا!! واحد منهم قال:
البرق البشيل رفريف والعين لجلجت والدمعة ابت ما تقيف الغول حالف غير بلد ام خدود ما يقيف وجوز عينى ما سورة البناتح القيف
Post: #116 Title: Re: لاح لي من صعيد برقاً كتم تعّالو Author: الطيب شيقوق Date: 02-11-2007, 12:32 PM Parent: #115
على ود النعيم
حبابك كلمنى بيك ود المحرب بالتلفون في السودان ومرحب بيك معانا .
برجع ليكم بالمهلة
مودتى
Post: #117 Title: Re: لاح لي من صعيد برقاً كتم تعّالو Author: على احمد النعيم Date: 02-11-2007, 12:58 PM Parent: #116
الف مرحب بيك اخ الطيب وانا ايضا سمعت عنك من الاخ ود المحرب وعثمان الرقيعة وقبلهم كنت مطلعا على بوستاتك البهية قبل ان تتاح لى فرصة الانضمام الى هذه الدوحة الغناء المترعة بكل ما هو جميل. ولله در من قال: سمعنا باوصاف لكم كملت ** فشاقنا ما قد سمعنا واشجانا من قبل رؤيتكم نلنا محبتكم** والاذن تعشق قبل العين احيانا
اطنان من التحايا وبركة الجيت طيب
Post: #118 Title: Re: لاح لي من صعيد برقاً كتم تعّالو Author: الطيب شيقوق Date: 02-11-2007, 05:01 PM Parent: #117
يا الله يا عظيم اول الغيث قطرة وقطرتكم هذه هيجت اشجاني فدعنى يا حبيبي احط برحلي هنا علي اجد قدرا من التوازن النفسي وانا اكتب عن هذا الشاعر المتمرد بشار ابن برد الذى قرات عنه انه بن يرجوخ من كبار شعراء الدولة العباسية الذي مثل بشعره وحياته ومواقفه ظاهرة تدل على العصر الذي نشأ فيه فقد ولد هذا الشاعر في نهاية القرن الاول الهجري وكانت شمس الدولة الاموية تؤذن بالافول، وقد عاصر في مطلع شبابه موقف الدولة الاموية من تعصب للعرب على حساب العجم، وكان بشار فارسيا من ناحية آبائه واجداده، وقد ذكر الاصمعي له ستا وعشرين جدا اعجميا وكان مولى لبني عقيل من ناحية ابيه او من ناحية امه او من الناحيتين طبقا لروايات متعددة وكان بشار قد ولد اعمى، وان كان قد رضي عن هذه العاهة بعد ان خبر الدنيا وقال: انها تحجب عني رؤية ما اكره مما يدل على ان من كان يكرههم يفوقون بكثير من كان يرغبهم من اهل عصره ثم ان بشار بن برد كان دميم الخلقة ضخم الجسم جريئا في الاستخفاف بكثير من الاعراف والتقاليد نهما مقبلا على المتعة بصورها المتعددة الخمر والنساء والغناء، عاش بشار بن برد ما يقرب من سبعين عاما قبل ان يقتله الخليفة العباسي المهدي متهما اياه بالزندقة وكان بشار الى جانب جرأته في غزله يهجو من لا يعطيه وكان قد مدح الخليفة المهدي فمنعه الجائزة فأسرها بشار في نفسه وهجاه هجاء مقذعا بل وهجا وزيره يعقوب بن داود وافحش في هجائه لهما فتعقبه الخليفة المهدي واوقع به وقتله. كان بشار يسخر من عصره انتقاما لاحتقار بني جنسه من الاعاجم ايام بني امية، فلما جاءت الدولة العباسية قرب الفرس اعترافا بدورهم في القضاء على الدولة الاموية أساء بشار فهم الحرية والعصر الجديد ويبدو ان عاهته وقبحه كانت كلها وراء هذه الجرأة في التهام الحياة والاقبال عليها والتنعم بها غير مبال بشيء وكأن حياته كلها ليست الا ردا متماديا في القسوة على الرزايا التي وجد نفسه مقيدا بنارها، روى بشار عن نفسه انه انشد اكثر من اثني عشر الف قصيدة ولكن ما وصل الينا من شعره لا يرى في هذا القول سوى مبالغة هائلة فشعره ليس كثير او يعلل بعض من يرون ان ما وصل الينا اقل بكثير مما قاله بشار. ان الرقابة الدينية والسياسية والاجتماعية في عصره قد حذفت كثيرا من شعره بعد وفاته وهو متهم في معظمه خاصة في الغزل والهجاء. عرف بشار بن برد ان الاقبال على الحياة يكلف المرء مالا كثيرا فأصبح شعره يتردد بين عدة اغراض منها: الغزل وهو يعبر عن فتنته الحسية بالنساء خلال مخالطة وخبرة فقد كان يجلس فيما يشبه الصالون العصري يتقبل النساء الراغبات في سماع شعره او المغنيات اللواتي حفظن هذا الشعر ليتغنين به والغرض الثاني هو المديح فانه الوسيلة التي يمكن ان تدر عليه المال الذي يحتاجه لينفقه في ملذاته ولذا كان مبالغا في مدائحه طمعا في رضا الممدوح لإغرائه بالعطاء والغرض الثالث هو الهجاء,, وكان بشار شديد الوطأة في هجائه خاصة على هؤلاء الذين يمتنعون عن عطائه وقد كان بشار يرتاد مجالس اللهو والغناء يقول في مغنية:
وذات دل كأن البدر صورتها باتت تغني عميد القلب سكرانا ان العيون التي في طرفها حور قتلننا ثم لم يحيين قتلانا قلت احسنت يا سؤلي ويا املي فاسمعيني جزاك الله احسانا يا حبذا جبل الريان من جبل وحبذا ساكن الريان من كانا قالت فهلا فدتك النفس احسن من هذا لمن كان صب القلب حيرانا يا قوم اذنى لبعض الحي عاشقة والأذن تعشق قبل العين احيانا فقلت احسنت انت الشمس طالعة اضرمت في القلب والاحشاء نيرانا فاسمعيني صوتا مطربا هزجا يزيد صبا محبا فيك اشجانا يا ليتني كنت تفاحا مفلجة او كنت من قضب الريحان ريحانا حتى اذا وجدت ريحي فأعجبها ونحن في خلوة مثلت انسانا فحركت عودها ثم انثنت طربا تشدو به ثم لا تخفيه كتمانا اصبحت اطوع خلق الله كلهم لاكثر الخلق لي في الحب عصيانا قلت اطربينا يا زين مجلسنا فهات انك بالاحسان اولانا لو كنت اعلم أن الحب يقتلني اعددت لي قبل ان القاك اكفانا فغنت الشرب صوتا مؤنقا رملا يذكي السرور ويبكي العين الوانا لا يقتل الله من دامت مودته والله يقتل اهل الغدر احيانا
هذه الأبيات نموذج دال على غزل بشار بن برد هذا الغزل الذي يتسم بالرقة والبساطة والحواريات التي تعبر عن شخصية اجتماعية تؤثر الجلوس والائتناس في مجالس الغناء واللهو وقد ضمن بشار قصيدته بعض ابيات لجرير مثل البيت الثاني والبيت الرابع ويبدو ان بشار كان مولعا بجرير فقد حاول في مطلع شبابه ان يهجوه حين كان العصر عصر هجاء والمعروف بالنقائض بين جرير والفرزدق لكن جريرا استصغره ولم يرد عليه وقد تحسر بشار لان جريراً لم يرد على هجائه لانه كان يطلب الشهرة حيث كان جرير شاعرا يملأ الساحة الشعرية الاموية ويبدو ان بشار ظل على حبه لجرير لانه طلب من المغنية ان تغني ابياته التي يقول فيها: ان العيون التي في طرفها حور قتلننا ثم لم يحيين قتلانا يبدو انه كان يتخذ هذا الحديث عن جرير تعلة لاعلان شأن نفسه، كما حاول ذلك في صباه فقد جعل المغنية ترد عليه في القصيدة فتقول له انها ستغني شعرا افضل من هذا وقالت البيت المشهور لبشار يا قوم اذني لبعض الحي عاشقة والاذن تعشق قبل العين احيانا وهكذا يظل بشار مفتونا بشعره وبالنساء وبالحياة التي اقتحمها معبرا عن الاقتحام ببيته الذي يقول فيه: وقد أخذ الشاعر سلم الخاسر هذا المعنى في الفاظ ابسط فقال:
يزهدني في حب عبدة معشر قلوبهم فيها مخالفة قلبي فقلت دعوا قلبي وما اختار وارتضى فبالقلب لا بالعين يبصر ذو الحب فما تبصر العينان في موضع الهوى ولا تسمع الاذنان الا من القلب وما الحسن الا كل حسن دعا الصبا وألف بين العشق والعاشق الصب
لك ولجميع الاخوة اطيب المنى
Post: #119 Title: Re: لاح لي من صعيد برقاً كتم تعّالو Author: abubakr Date: 02-11-2007, 07:20 PM Parent: #1
ابو بكر اخوى حرم السماحة والرأى ربنا ما جمعهما الا في الرطانة والشوايقة ؟؟؟؟؟؟؟؟؟؟؟؟ ( اكان ربي يصرفها منى سااااااااااااااى)
Post: #121 Title: Re: لاح لي من صعيد برقاً كتم تعّالو Author: على احمد النعيم Date: 02-12-2007, 07:27 AM Parent: #120
Quote: ياودشيقوق زولك قالو كان شينا شنا يقطع الخميرة
شكرا ود شيقوق على ذكر هذا المتمرد حقيقة "وجيش كجنح الليل يزحف بالحصى * والشوك والحطى حمر ثعالبه"
لكن اقيف النسألك انت ابو بكر دا مالو كل مرة باقيلك فى العزاها الله؟؟
Post: #122 Title: Re: لاح لي من صعيد برقاً كتم تعّالو Author: الطيب شيقوق Date: 02-12-2007, 07:57 AM Parent: #121
Quote: لكن اقيف النسألك انت ابو بكر دا مالو كل مرة باقيلك فى العزاها الله؟؟
الاخ ود النعيم دى ريده ساااااااااااااااااى خليها بس ما تدونى عين . انا اتسلطت على شايقية هناااااااااااااااااااك غير الرطاني ده مافي حد بيصرفها منى وانت عارف لكل آفه صرافة .
Post: #123 Title: Re: لاح لي من صعيد برقاً كتم تعّالو Author: على احمد النعيم Date: 02-12-2007, 08:48 AM Parent: #122
يا ود شيقوق ان بقى الكلام كدى الزول طول بالك معاهو امكن يغدرك واهلنا العرب بقولو "العنسيت بدقوها بجلدها"
Post: #124 Title: Re: لاح لي من صعيد برقاً كتم تعّالو Author: الطيب شيقوق Date: 02-12-2007, 09:29 AM Parent: #123
Quote: يا ود شيقوق ان بقى الكلام كدى الزول طول بالك معاهو امكن يغدرك واهلنا العرب بقولو "العنسيت بدقوها بجلدها"
ود النعيم اخوى ما تخاف على اخوك من السائب ده . انا بدودر فيهو سنة كاااااااملة حرم زى الارنب ينطط من بلتبة لبلتبة وما ببطل اصلو مياكل البركاوي كتير اظنه .
ابو بكر البلتبة هي الشجيرة الصغيرونة التي لا تعلو هامتها فوق الركبتين ورامية السياقة في ا مرات الارانب بيعملن فيها حاجة اسمها الدكة ( الدكة هي الملبدة ولكن عندما تكبر الشجرة وتعلو ممكن تعمل حاجة اسمها الخن بضم الخاء وعادة يكون هذا ملبد الاسد او مكمنة لحرامية البقر والابل.
وين الفاروق جنى حامد الجموعي والله النت ما ليهو طعم غيرو.
وين ود المحرب لابد اظنو كاتلو كتله مكمنة في اطراف الرياض .
Post: #125 Title: Re: لاح لي من صعيد برقاً كتم تعّالو Author: على احمد النعيم Date: 02-12-2007, 10:35 AM Parent: #124
يا ود شيقوق ود المحرب طول شاكيلو من تديكة ما بعرفو مالو ياخى شغلنا عليهو بلحيل عليك الله شوف خبرو وارجع لى.
Post: #126 Title: Re: لاح لي من صعيد برقاً كتم تعّالو Author: abubakr Date: 02-12-2007, 10:47 AM Parent: #1
اها يا" ثنائ العرريب" لا عبنها دافوري ون تو براكم لحد ما اصابعين رجلينكم اتورمن من الضفاري والرطان بيعاين .. بعدين تقعو وتتعكزو عليه !!!؟ انتو درب الرطان دة ما بتقدرو عليه اها رطانى ليها كدة عشرة الف سنة وما راراحت ..جو اشكال الوان وعراريب خليناهم يرطنو ...ولما رحلونا البطانة برضو خلينا العراريب حولينا يرطنو ويغنو بالرطانة .... دخين ان اتلمن عليكم مساخة الشايقية وملاوعة الرطان شن بتسوو....
اما ياودشيقوق بخسوس الفردة بتاعتك في قهاوي الامهريات وديسكوهات ابوظبي فيبدو انو في فترة نقاهة بعد الحت معاكم يومتا ....ياحتات
Post: #127 Title: Re: لاح لي من صعيد برقاً كتم تعّالو Author: الطيب شيقوق Date: 02-12-2007, 11:04 AM Parent: #126
Quote: اها يا" ثنائ العرريب" لا عبنها دافوري ون تو براكم لحد ما اصابعين رجلينكم اتورمن من الضفاري والرطان بيعاين .. بعدين تقعو وتتعكزو عليه !!!؟ انتو درب الرطان دة ما بتقدرو عليه اها رطانى ليها كدة عشرة الف سنة وما راراحت ..جو اشكال الوان وعراريب خليناهم يرطنو ...ولما رحلونا البطانة برضو خلينا العراريب حولينا يرطنو ويغنو بالرطانة .... دخين ان اتلمن عليكم مساخة الشايقية وملاوعة الرطان شن بتسوو....
كمان السمعتو انا قالوا العرب علموا الرطانة صرّير الغنم وحتيان البقر ( دى ود المحرب ما بعرفها) وعرفوا كمان وقت البهلة وجز الضان وتقدم البقر للمدرسيب . وكمان الرطانة خلو التلاجات وبقوا يحفظوا الرواب في المشلعيب ويختوا القروش الفكة في بطن القدنة وكمان يهزوا البخسة . ووووووووووووووووب منك حرم انا اترجم ليك الا تختيني الشايقية الاندرعت فيني دى .
Post: #128 Title: Re: لاح لي من صعيد برقاً كتم تعّالو Author: munswor almophtah Date: 02-15-2007, 09:50 AM Parent: #127
وذات دل كأن البدر صورتها باتت تغني عميد القلب سكرانا ان العيون التي في طرفها حور قتلننا ثم لم يحيين قتلانا
Post: #129 Title: Re: لاح لي من صعيد برقاً كتم تعّالو Author: الطيب شيقوق Date: 02-16-2007, 08:50 AM Parent: #128
Post: #130 Title: Re: لاح لي من صعيد برقاً كتم تعّالو Author: سمية الحسن طلحة Date: 02-16-2007, 01:50 PM Parent: #129
Quote: الفاروق اخوى المنبر طلق خلاص من اديتنا ضهرك
معقول عينيك زعلانة!!؟ كل الدنيا ماتسوى دمعة من أجفانا و لو وضعوا الكون فى كفة عينيك يرجح ميزانا لالالايافاروق النار ات زولا بحر ونحنا مابنبقى براك الله يشتت عنك حزم الأحزان ويجمع شملنا بيك والله كلنا... الهم مجتمع والجمع أشتات... لولا إتكاءتنا على بعضناالتى تهون علبنا.
Post: #131 Title: Re: لاح لي من صعيد برقاً كتم تعّالو Author: سمية الحسن طلحة Date: 02-16-2007, 01:59 PM Parent: #130
الفاروق الأصم مابسمع كلام ناس قالو ان دخل المحاص منو البخود فى مجالو عـزيز النسـب كريمة تـب أنســـالو من فيض الكرم ملانـة ديـمة رحـالــو سمية الحسن طلحة
Post: #303 Title: Re: لاح لي من صعيد برقاً كتم تعّالو Author: Mohamed Abdelgaleel Date: 04-05-2007, 08:49 AM Parent: #128
Quote: يزهدني في حب عبدة معشر قلوبهم فيها مخالفة قلبي فقلت دعوا قلبي وما اختار وارتضى فبالقلب لا بالعين يبصر ذو الحب فما تبصر العينان في موضع الهوى ولا تسمع الاذنان الا من القلب وما الحسن الا كل حسن دعا الصبا وألف بين العشق والعاشق الصب
وكان خالي الفاضل ود فضل الله راجل ضوء قبيلة، كريم وسخي وحنين وفارساً شجاع ما بنغلب ، ومن يوم مات عشعش في قلوبنا الحزن "وتب تاني ما فارقه" وفوق خالي أنا غنيت وهاكم أول وتاني بيت:
البيرق: خالتي فاطمة أخت الفاضل وكانت فعلاً بيرق تشوفو محل ما تقبل، الرحمة وسادتن جميعاً
Post: #132 Title: Re: لاح لي من صعيد برقاً كتم تعّالو Author: abubakr Date: 02-16-2007, 02:10 PM Parent: #1
Quote: وكمان الرطانة خلو التلاجات وبقوا يحفظوا الرواب في المشلعيب ويختوا القروش الفكة في بطن القدنة وكمان يهزوا البخسة
ياود شيقوق ات معلوماتك عن الرطانة كلها من "الاعلام المضاد" وناسي وربما لا تعرف ان احسن الاغنام العالم هي الاغنام النوبية Nubian Goats وكما يلهث العالم عن سلالات الفرس الاعربي الاصيل يلهث كثيرا وراء سلالات الاغنام النوبية ... بس انت اكتب البلافرنكي دة في قوقل وفتش بشان تعرف ارلواب ذاتو شنو .. قال ما بعرف المشلعيب قال اليدخلوك في بخسة ويعلقوك في مشعليب ..
Post: #133 Title: Re: لاح لي من صعيد برقاً كتم تعّالو Author: abubakr Date: 02-16-2007, 02:12 PM Parent: #1
Post: #135 Title: Re: لاح لي من صعيد برقاً كتم تعّالو Author: abubakr Date: 02-16-2007, 02:18 PM Parent: #1
Quote: الفاروق الأصم مابسمع كلام ناس قالو ان دخل المحاص منو البخود فى مجالو عـزيز النسـب كريمة تـب أنســـالو من فيض الكرم ملانـة ديـمة رحـالــو سمية الحسن طلحة
اها الفارووق رغم انك حتات وبتاع مقاه امهرية ومصاحب العرريب ابو بدلة الا انو الملكة قالت فيك كلاما عجب بعدو ما في كلام بس تجي متلب وتعسكر هنا وخليك من العرريب ودشيقوق البودييك الديسكوهات بالنهار
Post: #136 Title: Re: لاح لي من صعيد برقاً كتم تعّالو Author: Rabab Elkarib Date: 02-16-2007, 02:58 PM Parent: #1
سمية الحسن
لك التحية
اهدي لبوستك الرائع هذا احدى اابداعات شاعرتنا المقيمة بيننا صلحة خليل الكارب
مودتى لك رباب
كل ما أقـــول باقــي الكــلام تميـــتو
يهــف لي من جـــديد زي التقــول ناديــتو
زي هبــة نســيم تفتح دريب ســـديتـــو
يجــفاني الغميــد ليــل الســهر خاويــتو
زي جاهــــلي الصحى يــومي النســيت غتيــتو
أســـافر لي بعيــد أزور الحبيـــيب في بيـــتو
والقانـــي قاعــدة هنــاك كأني ما غبيــتو
والعجــب العجيـــيب زعلي كان ما لفيــتو
زي طفـــلاً بيبكــي ويضحــك أكــان رضيـــتو
ســـري الــداني زي حبوبتــي كم حجيتــو
حليل بيـــتي الكبيــر توب الغـُتــا الفريــتو
يا ريحـــة الهــدم جديـــد وما فشـــيتو
يا الشــوف والسـمع زي النعاس لوليتــو
يا غيــمي العميم ريحــة الدِعاش شـميتو
في أهــلي العقاب حارســيـن وما خليتـــو
أمــي العزيــزة ليــك منـي الســلام اهــديتو
حقك علي كان الجــواب ما مامضيتــو
حقــك علي إن فاتني شيــتاً سيــتو
حقــك علي كان في الصبــاح ما طريــتو
وكان بالليـــل نٍعســــتٌ قــبُـــل ما اقـــول أمســـيتو
وكـــان طولــت الغيــاب ودينــي ما حليــتو
ونسيــت الحســـاب والعنـــدي ما عدَيــتو
وحيـــات النبــي مغبـــــــونة من خليـــــــتو
ا
لله يجـــازي للســفر البعيــــــــــد مارضيــتو
أريتـــِك كـان حِــــضرتًي يـــوم قلت لا ولاويتـــــــو
أتونــس حِـــــــداك قولاً كتيــــــــر ما حكيتـــو
واتنفـــــس هــــــواك يا داب النفــــــــس ختيـــــــتو
Post: #137 Title: Re: لاح لي من صعيد برقاً كتم تعّالو Author: abubakr Date: 02-16-2007, 03:41 PM Parent: #1
العزيزة سمية..
معليش ...في كلام لا يمكن يتقسم زي دة !! فلذا اقتبستو كلو ... لا اظن ان شعر المراة السودانية له مثيل في المقدرة علي وصف دقائق الاشياء ووصف الحب والحنان والبعاد .. اي وصف ما في الوجدان ..وتشبيه فيه كثير من الحميمة لا تجده في شعر كثير من الرجال ... شعر يجب ان تفرد له صفحات .. منون لك ولصويحباتك المتالقات
Quote: يهــف لي من جـــديد زي التقــول ناديــتو
زي هبــة نســيم تفتح دريب ســـديتـــو
يجــفاني الغميــد ليــل الســهر خاويــتو
زي جاهــــلي الصحى يــومي النســيت غتيــتو
أســـافر لي بعيــد أزور الحبيـــيب في بيـــتو
والقانـــي قاعــدة هنــاك كأني ما غبيــتو
والعجــب العجيـــيب زعلي كان ما لفيــتو
زي طفـــلاً بيبكــي ويضحــك أكــان رضيـــتو
ســـري الــداني زي حبوبتــي كم حجيتــو
حليل بيـــتي الكبيــر توب الغـُتــا الفريــتو
يا ريحـــة الهــدم جديـــد وما فشـــيتو
يا الشــوف والسـمع زي النعاس لوليتــو
يا غيــمي العميم ريحــة الدِعاش شـميتو
في أهــلي العقاب حارســيـن وما خليتـــو
أمــي العزيــزة ليــك منـي الســلام اهــديتو
حقك علي كان الجــواب ما مامضيتــو
حقــك علي إن فاتني شيــتاً سيــتو
حقــك علي كان في الصبــاح ما طريــتو
وكان بالليـــل نٍعســــتٌ قــبُـــل ما اقـــول أمســـيتو
وكـــان طولــت الغيــاب ودينــي ما حليــتو
ونسيــت الحســـاب والعنـــدي ما عدَيــتو
وحيـــات النبــي مغبـــــــونة من خليـــــــتو
ا
لله يجـــازي للســفر البعيــــــــــد مارضيــتو
أريتـــِك كـان حِــــضرتًي يـــوم قلت لا ولاويتـــــــو
أتونــس حِـــــــداك قولاً كتيــــــــر ما حكيتـــو
واتنفـــــس هــــــواك يا داب النفــــــــس ختيـــــــتو
Post: #138 Title: Re: لاح لي من صعيد برقاً كتم تعّالو Author: Rabab Elkarib Date: 02-16-2007, 04:04 PM Parent: #1
Quote:
العزيزة سمية..
معليش ...في كلام لا يمكن يتقسم زي دة !! فلذا اقتبستو كلو ... لا اظن ان شعر المراة السودانية له مثيل في المقدرة علي وصف دقائق الاشياء ووصف الحب والحنان والبعاد .. اي وصف ما في الوجدان ..وتشبيه فيه كثير من الحميمة لا تجده في شعر كثير من الرجال ... شعر يجب ان تفرد له صفحات .. منون لك ولصويحباتك المتالقات
الاخ العزيز ابوبكر
لك الود كله
فصلحة شاعرة سامقة كالنخل
كلامها له رائحة تراب البلد ودعاش الخريف و.....
رباب
Post: #139 Title: Re: لاح لي من صعيد برقاً كتم تعّالو Author: abubakr Date: 02-16-2007, 04:37 PM Parent: #1
عزيزتي رباب
Quote: فصلحة شاعرة سامقة كالنخل
نعم فالذي قراءته اثبات لذلك .. ما يهمني انه في غياب رعاية مؤسسية واعلام غير منحاز لابداعات شاعرات السودان المتالقات مثل صلحة واخواتها النضرات فلابد من ايجاد منافذ لاشراقاتهن ..لولا هذا المنفذ الاليكتروني الحر فربما لم اكن اسعد بما قراءت لهن ...؟ خلق منافذ اخري بامكانات متاحة كالمدونات والمواقع والمنابر الاليكترونية ربما هو المتوفر حاليا املا في غد يجد ملح الارض السوداني ما يستحق من رعاية الدولة في كل مناح حياتهم ...
لك مودتي ابوبكر
Post: #140 Title: Re: لاح لي من صعيد برقاً كتم تعّالو Author: سمية الحسن طلحة Date: 02-17-2007, 00:04 AM Parent: #139
Quote: اهدي لبوستك الرائع هذا احدى اابداعات شاعرتنا المقيمة بيننا صلحة خليل الكارب
مودتى لك رباب
الأخت الحبيبة/ رباب خليل الكارب أتيتى الينا حاملة الزنابق والورد والرياحين أيتها القرنفلة عبق المكان برائحة البن يقلى على نار أحر من جوى العشاق تحمله نسائم دعاش أطيب من قلوب المحبين وأرق من مشاعرهم وألطف من ذوات الخدور. أتابع كل ماتكتبين عن هذه العملاقة الشاعرة / صلحة الكارب لك الشكر فلا تبخلى ومن عذب نبعك أنهلى حتى نرتوى لك حبى سمية الحسن طلحةِ
Post: #141 Title: Re: لاح لي من صعيد برقاً كتم تعّالو Author: سمية الحسن طلحة Date: 02-17-2007, 00:11 AM Parent: #140
Quote: لا اظن ان شعر المراة السودانية له مثيل في المقدرة علي وصف دقائق الاشياء ووصف الحب والحنان والبعاد .. اي وصف ما في الوجدان ..وتشبيه فيه كثير من الحميمة لا تجده في شعر كثير من الرجال ... شعر يجب ان تفرد له صفحات
العزيز / أبوبكر سيد أحمد
شهادة نفخر ونعتز بهاأنا وصويحباتى ونضع كل حرف منها وسام ونيشان لك منا كل الود
Post: #142 Title: Re: لاح لي من صعيد برقاً كتم تعّالو Author: سمية الحسن طلحة Date: 02-17-2007, 07:20 PM Parent: #141
داك براقا قبلي فوق عربي وفوق إبلى قوم يابخيت أحلب لي لبن ام زور طايب لي
رسمك فالق الحبّة وعديل صبّاك أيضاً بى جمال ليلى وزليخة كساك يارمز السماح كل النفوس تهواك أصلك فتنة مولاي للعباد خلاك
Post: #144 Title: Re: لاح لي من صعيد برقاً كتم تعّالو Author: الطيب الشيخ Date: 02-18-2007, 12:22 PM Parent: #1
نعم هذه هي البوستات التي أشارت لها الأخت عفاف أبوحريرة....شكراً أخت عفاف والكلام بجيب الكلام
أولا أنا آسف جدا لأنني جئت متأخر بالحيل.وعذري أن الوقت المتاح أمامي للدخول لم يكن كافي.
الأخت /سمية (يا بت البيوت المن بعيد معنيه)
لم أكن أعلم إن خيمتك الشعرية منصوبة هاهنا
أنا مسافر السودان لمن أرجع لينا معاكم كلام تاني
أنتو كلامكم دا دايرلو قعدة
نتواصل كان بقينا حيين
للجميع محبتي....
Post: #145 Title: Re: لاح لي من صعيد برقاً كتم تعّالو Author: الطيب شيقوق Date: 02-18-2007, 12:29 PM Parent: #144
Quote: يعني ودشيقوق بتاع البورصات عرريب وانتي عرريب ..؟؟ هسع هو بيعرف يدوبي كدة ؟
ود شيقوق اهله ما بخلوهو يغني مدوعل ساااااااااااااااااااااى للزيكم ( مدوعل يعنى بعلقوا ليه صباح ومساء يا رطاني عشان يسمنوهو للحارة ) يعلقوا ليهم دى توريك ليها ام احمد هسع.
Post: #149 Title: Re: لاح لي من صعيد برقاً كتم تعّالو Author: سمية الحسن طلحة Date: 02-18-2007, 09:07 PM Parent: #145
Quote: الأخت /سمية (يا بت البيوت المن بعيد معنيه)
لم أكن أعلم إن خيمتك الشعرية منصوبة هاهنا
أنا مسافر السودان لمن أرجع لينا معاكم كلام تاني
أنتو كلامكم دا دايرلو قعدة
نتواصل كان بقينا حيين
للجميع محبتي....
الأخ / الطيب الشيخ تختمك وتعرقك البيضاء الله يعدل طريقك سلم على الأهل
Post: #146 Title: Re: لاح لي من صعيد برقاً كتم تعّالو Author: nourelhadi awad Date: 02-18-2007, 01:19 PM Parent: #1
هو السلام اسمح لي
هكذا في خيالي إحتمال أن أراك كل المودة عفوا إن كان بك علي غضب
نورالهادي
Post: #148 Title: Re: لاح لي من صعيد برقاً كتم تعّالو Author: سمية الحسن طلحة Date: 02-18-2007, 09:02 PM Parent: #146
Quote: يا بت طلحة وكت ناس ود المحرب وود اب حريرة ابو ينجدونا فى قصة البرق دحين النقول برانا!! واحد منهم قال:
البرق البشيل رفريف والعين لجلجت والدمعة ابت ما تقيف الغول حالف غير بلد ام خدود ما يقيف وجوز عينى ما سورة البناتح القيف
لمـّاع البروق الجاب دعاش النال ذكرني العرب والدكة والتوتال من حسس الظبيّة الشارفة للتعـّال بقت الغمدة طلبا مستحيل ومحال
Post: #150 Title: Re: لاح لي من صعيد برقاً كتم تعّالو Author: سمية الحسن طلحة Date: 02-18-2007, 09:18 PM Parent: #146
نور الهادى طولت الغيبة الحمدلله إنك هنا لايهم سوى ذلك
Post: #147 Title: Re: لاح لي من صعيد برقاً كتم تعّالو Author: nourelhadi awad Date: 02-18-2007, 08:29 PM Parent: #1
up
Post: #153 Title: Re: لاح لي من صعيد برقاً كتم تعّالو Author: abubakr Date: 02-19-2007, 06:45 AM Parent: #1
Quote: هكذا في خيالي إحتمال أن أراك كل المودة عفوا إن كان بك علي غضب
بالله يانور شوية صنفرة وتش اب تخليهو همباتي لانو اليوميين دييل قال ما بعرف يعني شنو "الهمبتة" وانو زول بتاع "بورصة" وبس بيحب المقاه الامهرية ؟؟؟ عرريب وببدلة لا ملفحة لا توب دة كلام ؟؟
Post: #154 Title: Re: لاح لي من صعيد برقاً كتم تعّالو Author: على احمد النعيم Date: 02-19-2007, 09:04 AM Parent: #153
Quote: لمـّاع البروق الجاب دعاش النال ذكرني العرب والدكة والتوتال من حسس الظبيّة الشارفة للتعـّال بقت الغمدة طلبا مستحيل ومحال
يا بت طلحة سلام
العبادى عاود الرفريف ومزنو يبقبق ذكرنى المصوبر ديـسو ما هو تلتق شايل زيفو كرفك البى الخمر متعتق نبيح الليل عليك صبح لسانى مبقق
Post: #155 Title: Re: لاح لي من صعيد برقاً كتم تعّالو Author: الطيب شيقوق Date: 02-19-2007, 11:38 AM Parent: #154
Quote: هكذا في خيالي إحتمال أن أراك كل المودة عفوا إن كان بك علي غضب
اخي الاستاذ والفنان القدير نور الهادي
يا الله من هذا الابداع ربنا يحفظك والله انا فكرت اغير الصورة الحقيقية الفي بوست بما رسمته اناملك فلله درك اخي من هذا الابداع .
لك معزتي
Post: #156 Title: Re: لاح لي من صعيد برقاً كتم تعّالو Author: الطيب شيقوق Date: 02-19-2007, 12:08 PM Parent: #155
Quote: لمـّاع البروق الجاب دعاش النال ذكرني العرب والدكة والتوتال من حسس الظبيّة الشارفة للتعـّال بقت الغمدة طلبا مستحيل ومحال
والله يا بت طلحة كلام - بس انا احس بمرارة الالم بانو في اخوان ربنا حارمهم من الاستطعام بهذه الابيات الجميلة . لكن دعيني اشرح الابيات علهم يدركون مقاصدها .
لماع البروق يا ابا بكر ده البرق البيشلع في الضلام ( الظلام) وسحابتو تعلا تتناولو بالحنكول . تكون في الوقت داك ما ربطت بهائمك ومع كرت السحابة عايز تتطلع من البيت تتفقد البهائم وما عندك بطارية اها يا ابا بكر العراف بينظر شلعة الجاب دعاش النال ده عشان يضوى ليك وامانه يا ابا بكر ما ماتو رجال من صواقعة الله يكفيك شرها .
دعاش النال ووووووووووب منو والله انا حسي شاميهو ده عطرا ربنا جاعله يفوح مع الخيرصان وقت قشة النال تشيل شبالها وتجي مطرة ليلية تقيلة ووقت نمشى الصباح الخلاء تلقى شبال النال منتكي في اتجاه واحد ويفوح منو دعاش حلوووووو . بس انتو الرطانة ديل اكان طارت ليكم منو فرة ( الفرة طيرة بتخلع ) ريحة النال بتنسوها وبتبقوا في تولا .
نواصل
وووووووووب سمية اختى من الظبية الشارفة للتعال _ دى ابو بكر الصيدة العطشانة بتتشابة للتعل والتعل هو السحابة المزرقنة وقريبة من الراس .
Post: #157 Title: Re: لاح لي من صعيد برقاً كتم تعّالو Author: مدثر ابراهيم سعيد Date: 02-19-2007, 01:12 PM Parent: #156
Quote: Quote: وذات دل كأن البدر صورتها باتت تغني عميد القلب سكرانا ان العيون التي في طرفها حور قتلننا ثم لم يحيين قتلانا
البدرالتمام شَبَهِك عليو دلانا
من يوموالهلال قلوبنا بيو سكرانا
ود العين مزرقن وبالدلال كاتلانا
من غير دوشكا بس سهم العيون كفانا
Post: #158 Title: Re: لاح لي من صعيد برقاً كتم تعّالو Author: سمية الحسن طلحة Date: 02-19-2007, 01:40 PM Parent: #157
Quote: Quote: ويا مثقفي وشعراء البادية الم يات الوقت بعد لفرض الدوبيت فرضا في مناهج اللغة العربية بدل شعر جاهلي ليس فيه من بيئتنا شي ؟؟؟
ياأبوبكر كدى شوف كلام بشار بن برد :ـ
Quote: Quote: وذات دل كأن البدر صورتها باتت تغني عميد القلب سكرانا ان العيون التي في طرفها حور قتلننا ثم لم يحيين قتلانا
و دوبيت مدثر إبراهيم سعيد :ـ
البدرالتمام شَبَهِك عليو دلانا
من يوموالهلال قلوبنا بيو سكرانا
ود العين مزرقن وبالدلال كاتلانا
من غير دوشكا بس سهم العيون كفانا
أنا والله وبدون تحيز أطالب بتدريس الدوبيت بدل الشعر الجاهلى شكرا مدثر أيها المتألق دوما لهذا الإبداع.
Post: #159 Title: Re: لاح لي من صعيد برقاً كتم تعّالو Author: الطيب شيقوق Date: 02-19-2007, 03:48 PM Parent: #158
Quote: أنا والله وبدون تحيز أطالب بتدريس الدوبيت بدل الشعر الجاهلى
على الطلاق تدخلوا تدريس الدوبيت في المناهج الرطانة ديل كلهم يرحلوا منكم اسوان
Post: #161 Title: Re: لاح لي من صعيد برقاً كتم تعّالو Author: abubakr Date: 02-19-2007, 06:38 PM Parent: #1
Quote: على الطلاق تدخلوا تدريس الدوبيت في المناهج الرطانة ديل كلهم يرحلوا منكم اسوان
غلطتيين يالعرريب :الاولي : عباس محمد العقاد يارب كان رطاني ؟ شن وداهو اسوان ؟ الثانية : وادي حلفا هي عاصمة الرطانة في السودان واسوان عاصمة الرطانة في مصر.. عندك فكرة واللا الحت والاسبيكيولشن نسووك حتي الرسم البياني ...
وبعدين الدوبيت دة ما عربي زي عربي الشنفري وتابط شرا والحطيئة والمتنبي والا ما عربي ؟ يعني كيف كلام عرريب الجزيرة العربية ما ودت الرطانة اسوان وعرريبنا تودينا اسوان....
انت باقي لي ودرت والبندر خربك ومما لبست البدل وخليت التوب والملفحة ونسيت الدوبيت وبقيت تغني مع الامهرية اها حكايتك بقت حكاية ؟
حاجة مهمة جدا: انا حذرتك قبل كدة من حلفان الطلاق ساااي ...؟ انت ما سمعت بالخلع ؟ احسنلك ؟
Post: #162 Title: Re: لاح لي من صعيد برقاً كتم تعّالو Author: الطيب شيقوق Date: 02-19-2007, 07:27 PM Parent: #161
Quote: غلطتيين يالعرريب :الاولي : عباس محمد العقاد يارب كان رطاني ؟ شن وداهو اسوان ؟ الثانية : وادي حلفا هي عاصمة الرطانة في السودان واسوان عاصمة الرطانة في مصر.. عندك فكرة واللا الحت والاسبيكيولشن نسووك حتي الرسم البياني ...
وبعدين الدوبيت دة ما عربي زي عربي الشنفري وتابط شرا والحطيئة والمتنبي والا ما عربي ؟ يعني كيف كلام عرريب الجزيرة العربية ما ودت الرطانة اسوان وعرريبنا تودينا اسوان....
انت باقي لي ودرت والبندر خربك ومما لبست البدل وخليت التوب والملفحة ونسيت الدوبيت وبقيت تغني مع الامهرية اها حكايتك بقت حكاية ؟
حاجة مهمة جدا: انا حذرتك قبل كدة من حلفان الطلاق ساااي ...؟ انت ما سمعت بالخلع ؟ احسنلك ؟
انا محزّن مع الفاروق ما برد عليك بس اوريك انا جهزت بوست جديد بعنوان / ما بين (ابو آمنة حامد) و (ابو بكر سيد احمد)
تذكر ما قاله هذا العملاق ابو آمنة ( لا تسالونى كيف كان الملتقى وكيف في دروبها مشيت)
Post: #163 Title: Re: لاح لي من صعيد برقاً كتم تعّالو Author: abubakr Date: 02-19-2007, 07:42 PM Parent: #1
Quote: انا جهزت بوست جديد بعنوان / ما بين (ابو آمنة حامد) و (ابو بكر سيد احمد)
يعني بعد ما مات الله يرحمو ؟؟
Post: #164 Title: Re: لاح لي من صعيد برقاً كتم تعّالو Author: الطيب شيقوق Date: 02-20-2007, 12:11 PM Parent: #163
Quote: حاجة مهمة جدا: انا حذرتك قبل كدة من حلفان الطلاق ساااي ...؟ انت ما سمعت بالخلع ؟ احسنلك ؟
حااااااااااااااااضر حرم تاني ما لا
Post: #165 Title: Re: لاح لي من صعيد برقاً كتم تعّالو Author: على احمد النعيم Date: 02-20-2007, 12:46 PM Parent: #164
ود شيقوق تحياتى، اولا الحشرة التى تعنيها انت نحن بنسميها الزرناخة، ولهذه الحشرة سائل اذا تفتو على جسمك بتور ما يشبه البقاقة، ونحن زمان كنا نستعملها على ايادينا فنصنع بلعابها ما يسمى الشطارة التى تصنع بالنار. اما ما قصدته انت من بقاقة الرسن نحن بنسميها النفحة ، وهى التى تظهر فى اليد النيه زى ما قلت ، ولكن بعد اليد ما تنجض تسمى "التفنة" كالتى تظهر على رقبة الثور من كثرة الحراثة اما التسلك فيصيب من يركب الحمار "عزاك الله عرى" بدون شديد ، وكنا ونحن صغار نتحاشى مثل هذه الركبة. وكان الواحد لمن يقولو اخوه تعال اركب يقولو لا "انا مسلك" وهى طبعا حارة جدا خاصة فى الصيف والجسم عرقان. فهمتنى يا ود شيقوق؟
وانا قصدى كان تدينى رايك فى الزول اب لسانن بقق من النبيح دا.
تحياتى بلا حدود
Post: #170 Title: Re: لاح لي من صعيد برقاً كتم تعّالو Author: abubakr Date: 02-21-2007, 07:08 AM Parent: #1
الشوق والحنين لي قلبي ديل الخلو زي ساقية جحا يبكي وينوح في محلو الزول السمح بشتن رواحي و حلّو سائل لي الكريم من اسرو داكا يحلو
Post: #174 Title: Re: لاح لي من صعيد برقاً كتم تعّالو Author: الطيب شيقوق Date: 02-21-2007, 06:23 PM Parent: #173
Quote: سائل لي الكريم من اسرو داكا يحلو
آمييييييييييين يا ود اعمي
Post: #175 Title: Re: لاح لي من صعيد برقاً كتم تعّالو Author: abubakr Date: 02-21-2007, 06:58 PM Parent: #1
Quote: الحقيقة ود النعيم دخل بيك في وادى طيرو عجمي يا بكوري . كلام بت طلحة فيهو الرحمة لكن نجضك عدييييييييل
الملكة بتعطف علي رعيتها وبالتالي ما بتنجضم
Post: #176 Title: Re: لاح لي من صعيد برقاً كتم تعّالو Author: الطيب شيقوق Date: 02-21-2007, 09:56 PM Parent: #175
Quote: الملكة بتعطف علي رعيتها وبالتالي ما بتنجضم
دى حرم تنجضك صلاح سااااااااااااااااى - صلاح مش صلاح ابن البادية يا رطاني ده صلاح فقراء سااااااااااااى
Post: #177 Title: Re: لاح لي من صعيد برقاً كتم تعّالو Author: خالد المحرب Date: 02-22-2007, 00:35 AM Parent: #176
يوسف قال يشوف لى برق هناك متل الزناد بق بقه وفلح قلبى بى سلاحا ولا بتلقه عاين فيه عقبان رفه طبق البقه وزكرنى ام ضميرا رقه قنب يرف ويخلف فى السحاب ويسوق عاودنى الحنبن وفوادى تاعبو الشوق بعد مو برق بقن لامات تلاته بروق واتوزن جميع سندن سحابن فوق من قدام عديييبل جر السحاب عانينه والبرق فيه فج لمعاتو حاده سنينه ماشه علينا جرت دايره كان تروينه فوقنا اتحكرت حاميه تمشى الحينه اناقاعد بره لى المطره دى تصب كانى منتظر ه بعاين فيها لكن المكان مختلف والزمان مختلف وشتان بين هذا وذاك
Post: #178 Title: Re: لاح لي من صعيد برقاً كتم تعّالو Author: abubakr Date: 02-22-2007, 04:22 AM Parent: #1
Quote: دى حرم تنجضك صلاح سااااااااااااااااى - صلاح مش صلاح ابن البادية يا رطاني ده صلاح فقراء سااااااااااااى
ما هي الملكة تسوي التسوي ؟ ات بس خليك في حتك
Post: #179 Title: Re: لاح لي من صعيد برقاً كتم تعّالو Author: b_bakkar Date: 02-22-2007, 06:31 AM Parent: #178
Quote: فلماذا يهيج البرق الذكرى!؟ برقاً شلع باسمنى فى نومى قد قاسمنى
بت الشيخ سأتيك منه بالخبر اليقين بس هسع الليل أليل خلاص
وهذه مقدمات صورية، لمن أراد أن يشبع برّّاق
Post: #180 Title: Re: لاح لي من صعيد برقاً كتم تعّالو Author: b_bakkar Date: 02-22-2007, 06:36 AM Parent: #179
Post: #181 Title: Re: لاح لي من صعيد برقاً كتم تعّالو Author: على احمد النعيم Date: 02-22-2007, 07:37 AM Parent: #180
ياخى والله هيجت فينا الذكرى حقيقة بهذه الصورة وذكرتنا السوارى والبرق البشيل حرقوص. كما وذكرتنى ايضا برائعة ود بادى العكودابى وهو فى اعالى العوتيب "وهو وادى عنيف فى منطقتنا" عندما يقول:
حصل جربت كب السارية فى القلعة وخلا العتمور وشفتا بروقو تتلقص وتتحرقص تقول منطويه فى قرقور وعاوى الزيفة ينفخ فى جبال النقعة زى الصور والحصحاص يجرفوا السيل يكنسو على مهاوى الخور وقلب الصاقعة يطرقش يكب النار دمار وشرور وشفتا الحال عرق مقلوع جبل متروم فرع مكسور جمال غرقانة بى حالا وحد المويه فى الغرغور ود اب نادم المسكين نجاتو تحت قرون التور والعوتيب عنيف يجرى يشيلك وانت ما بتدرى
شكرا على هذا المنظر البديع الذى افصح وابان
Post: #182 Title: Re: لاح لي من صعيد برقاً كتم تعّالو Author: الطيب شيقوق Date: 02-22-2007, 09:38 AM Parent: #181
ود بكار كتر خيرك والله برقك ده صاقعتو ...... الكبير والصغير ( عاينو هنا يا ود المحرب والفاروق)
ود النعيم شكرا وذكرتنا الرجل الرائع ود بادي وسكان البرج العالي سلام
Post: #183 Title: Re: لاح لي من صعيد برقاً كتم تعّالو Author: على احمد النعيم Date: 02-22-2007, 11:17 AM Parent: #182
Quote: قنب يرف ويخلف فى السحاب ويسوق عاودنى الحنبن وفوادى تاعبو الشوق بعد مو برق بقن لامات تلاته بروق واتوزن جميع سندن سحابن فوق
يا ود المحرب الكلام دا زمان داسو وين.
وهاك واحدة من ود الشلهمة
مسك القبلة فى كوع الشمال براقك وقشط سدرو فى عامر سحابو وساقك تبونك قرنن والسيل دهك شقاقك الضايق نشوقك حار عليهو فراقك
Post: #184 Title: Re: لاح لي من صعيد برقاً كتم تعّالو Author: الطيب شيقوق Date: 02-22-2007, 11:24 AM Parent: #183
Quote: تبونك قرنن والسيل دهك شقاقك
يا حلاوتك ود النعيم ذكرتنى غناي الدنادر القال
الخبر الاكيد ود سيد احمد جابو ( ده ابو بكر) قال الصورني سال واتقرنن تبابو لا صاحب قرش ولا زولا بنسلابو نحن معانا ناس ود النعيم بدورو خرابو
Post: #185 Title: Re: لاح لي من صعيد برقاً كتم تعّالو Author: مدثر ابراهيم سعيد Date: 02-22-2007, 03:58 PM Parent: #183
البرق الشلع قبلي ويسوي كَرَوْ
ما بيختا بيصيب لم البطان من ضَو
انجمع السحاب وسمانا عدم الضَوْ
قبل ريحة الدعاش الموية كبت شَوْ
Post: #186 Title: Re: لاح لي من صعيد برقاً كتم تعّالو Author: فاروق حامد محمد Date: 02-22-2007, 06:12 PM Parent: #185
Quote: الاخ ابو بكر تحياتى ياخى زولك ود شيقوق دا تراك ان شكيت منو ليك الحق!! زولا ممحون بلحيل الله يديهو العافية
Post: #187 Title: Re: لاح لي من صعيد برقاً كتم تعّالو Author: الطيب شيقوق Date: 02-22-2007, 07:37 PM Parent: #186
Quote: حرم البرش ود شيقوق بحرف نرشو بمقال .....
انا ما عندي فزع يا الفاروق اخوى طالما لجيت من مساحة النقيطات ديل . نحن دعاة الشفافية والافصاح يا ود حامد ولو بمقال.................
Post: #188 Title: Re: لاح لي من صعيد برقاً كتم تعّالو Author: b_bakkar Date: 02-22-2007, 10:03 PM Parent: #187
آسف، مؤجل
Post: #189 Title: Re: لاح لي من صعيد برقاً كتم تعّالو Author: فاروق حامد محمد Date: 02-23-2007, 00:26 AM Parent: #188
Quote: آسف، مؤجل
شنو يعني مؤجل ؟ ,,,,,, ده رد ولا مهر ؟؟؟؟؟؟؟؟؟؟؟؟
Post: #190 Title: Re: لاح لي من صعيد برقاً كتم تعّالو Author: b_bakkar Date: 02-23-2007, 04:19 AM Parent: #189
ود النعيم ود شيقوق
البرق له رمزية وأسرار عميقة ناوي أتناولها عندما يسمح الوقت إن شاء الله
فيكم واحد حافظ أغنية من أغنيات الربابة بتقول حاجة زي:
" البريق طراني زولي شق قلبي وزاد خلولي"؟؟
أو شيء من هذا القبيل مجادعتكم سمحة بلحيل
فاروق
سؤالك ضحكني بلحيل
تعرف أنا كنت عاوز أنزل دوبيت حي جزء من فيديو مصورو التلفزيون السوداني فيما يشبه البطانة لكن غيرت رأيي أولا الدوبيت فيه وصف للمرأة بليغ عند العرب لكن ما عجبني، والثانية كمان لما شفت شعار التلفزيون السوداني شعرت بقفلة نفس والثالثة: الزمن ماآسعني
فأجلت الموضوع
Post: #191 Title: Re: لاح لي من صعيد برقاً كتم تعّالو Author: الطيب شيقوق Date: 02-23-2007, 07:24 AM Parent: #190
Quote: البرق له رمزية وأسرار عميقة
الفاروق ما هي العلاقة بين البرق والحت رومانسيا وتاريخيا وبندريا وهل ثمة علاقة بين البرق تاريخيا و المسكولات والرسائل حاليا ؟؟؟؟؟؟؟؟؟؟؟؟؟؟؟؟؟؟؟؟؟
Post: #192 Title: Re: لاح لي من صعيد برقاً كتم تعّالو Author: Muna Khugali Date: 02-23-2007, 10:14 AM Parent: #191
Post: #193 Title: Re: لاح لي من صعيد برقاً كتم تعّالو Author: abubakr Date: 02-23-2007, 01:33 PM Parent: #1
عجيبية.. انتو بس الملكة انشغلت شوي واها سرحتو ؟؟؟ انا رئيس العسعس كلو واحد ينتظر وما يقول حرف زيادة ؟؟ راجع لكم يايه ؟
Post: #194 Title: Re: لاح لي من صعيد برقاً كتم تعّالو Author: الطيب شيقوق Date: 02-24-2007, 08:56 PM Parent: #193
Quote: انتو بس الملكة انشغلت شوي واها سرحتو ؟؟؟ انا رئيس العسعس كلو واحد ينتظر وما يقول حرف زيادة ؟؟ راجع لكم يايه ؟
هوى يا نوبي ده كلام خطير وانت ما بتعرفه اصلك . برق الصعيد ده كان اصلا شالع وتور ليهو سحابة تقييييييييييلة ام رهيد لكن واحدا من الفقراء اتحكر ليهو وحوطو ( ابو بكر حوطو يعني شربه جيييييييييييب مغريبة)
اها يا ابوى نحن سوينا كنيش كنيش ( كنيش كنيش يعني البليلة حقت العيش يسوها كيمان ويوزعوها على الناس مجان سااااااااااى والوليدات الصغار يحبوا بركبهم عشان برق الصعيد يقوم تاني يتور تعل يلاقي العالي والواطي .
Post: #195 Title: Re: لاح لي من صعيد برقاً كتم تعّالو Author: abubakr Date: 02-24-2007, 09:15 PM Parent: #1
Quote: هوى يا نوبي ده كلام خطير وانت ما بتعرفه اصلك . برق الصعيد ده كان اصلا شالع وتور ليهو سحابة تقييييييييييلة ام رهيد لكن واحدا من الفقراء اتحكر ليهو وحوطو ( ابو بكر حوطو يعني شربه جيييييييييييب مغريبة)
اها يا ابوى نحن سوينا كنيش كنيش ( كنيش كنيش يعني البليلة حقت العيش يسوها كيمان ويوزعوها على الناس مجان سااااااااااى والوليدات الصغار يحبوا بركبهم عشان برق الصعيد يقوم تاني يتور تعل يلاقي العالي والواطي .
ده شنو دة .. انت اتعلمت لغة صينية متين ؟
Post: #196 Title: Re: لاح لي من صعيد برقاً كتم تعّالو Author: على احمد النعيم Date: 02-25-2007, 05:51 AM Parent: #195
Quote: البرق الشلع قبلي ويسوي كَرَوْ
ما بيختا بيصيب لم البطان من ضَو
الاخ مدثر والله صدقت لانو نحن زمان عندما يشيل البرق القبلى كبارنا بقولو "الليلة البرق قبلى " وهذا معناه ان المطر مضمون مائة بالمائة وعلى الكل ان يجهز حاله من بدرى.
لك التحية.
Post: #198 Title: Re: لاح لي من صعيد برقاً كتم تعّالو Author: الطيب شيقوق Date: 02-27-2007, 05:56 AM Parent: #196
Quote: ده شنو دة .. انت اتعلمت لغة صينية متين ؟
دى مش صينية يا ابا البتول ده التعل المزرقن وبجود بصبيبة زيكم انتو يا النوبة المارقين من الملة بيركبكم ببردوا يخليكم تترصدوا يمين وشمال وتقولوا دى تسونامي جاتنا. وده التعل بيجيبكم ليكم الصواقع يخليكم تتلبدوا جوة البطاطين الواحد بعد السماء يكشف برضو بعاين بيقول بجيب صاقعة .
دى
Quote: اوي وفلتي
يا ابا بكر . المرة دى اشرح انت لود النعيم الكلام ده لانو كلام نوبة .
Post: #201 Title: Re: لاح لي من صعيد برقاً كتم تعّالو Author: سمية الحسن طلحة Date: 02-27-2007, 07:34 AM Parent: #198
عفوا إذا غبت عنكم ففى حضرة الشمس تستحي الأنجم فنحن الظلام ونورنا(برقنا)أنتم الأعزاء:ـ على أحمد النعيم شيقوق أبوبكر الماجدة ماجدة عبد الله ودداعة الأمين ود المحرب الخال بكار مدثر ابراهيم سعيد فاروق حامد النار النبيلة منى إليكم جميعاأهدى تحايا عطيرة مطيرة وأسعد بملازمتكم وسلام عليكم ماسرى النسيم مني إليكم
طبعا معروف على نطاق واسع أن البرق عند شعراء العرب الأقدمين وعند شعراء البطانة يذكر بديار المحبوبة والأحباب.لأنه يدل في لمح البصر ومن مكان بعيد على الديار القديمة التي كانت تقيم فيها المحبوبة أو الأحباب. أو المقيمة فيها المحبوبة في الوقت الراهن. هو رسالة من النور من جهة المحبوب إلى جهة المحب. ثم لا يلبث أن يأتي "بدعاش" من المحبوب ودياره. وهو بكشفه ظلمات ليل اليأس الدامس أو ظلمات المجهول، بنور يخطف الأبصار، يثير الشوق والأمل في لقاء المحبوب.. لمعان النور في الظلمات يرمز إلى كشف حجب الجهل والمجهول. الله نور السموات والأرض.. البرق من أكبر الظواهر الضوئية وأعجبها على وجه الأرض. ولعله أول شيء عرف منه الإنسان سر النار. وربط فيه بين غضب السماء أو رضائها وبين ما يحدث على الأرض. "وهو الذي يريكم البرق خوفا وطمعا"، خوفا من الصواعق، وطمعا في السقيا. خوفا من أن يكون برقا خُلّبا، وأملا في أن يصدق فيأتي بالغيث.
البرق يحمل الوعد بالمطر والماء. والماء سر الحياة . "وجعلنا من الماء كل شيء حي". "وترى الأرض هامدة فإذا أنزلنا عليها الماء اهتزت وربت وأنبتت من كل زوج بهيج ". المطر يحي الأرض بعد مماتها. الأرض الحسية "التراب"، الأرض المعنوية "الجسد" يحييه الله بالعلم، والماء أيضا رمز العلم في الأحلام وكذلك البحر. الحب الإنساني قبس من الحب الإلهي،ووسيلة إليه. وهذا ما أطنب فيه الصوفية غناء لم يغنه أحد في محبوبته. هاموا بليلاهم ولبناهم كما لم يهم أحد بليلاه ولبناه.. و قالوا نحن في لذة لو علمها الملوك لجالدونا عليها بالسيوف. (نواصل)
Post: #200 Title: Re: لاح لي من صعيد برقاً كتم تعّالو Author: b_bakkar Date: 02-27-2007, 06:28 AM Parent: #199
هاهو سلطان العاشقين ابن الفارض، يحدثنا عن البرق وعماأهاج لديه
أبرق بدا من جانب الغور لامع أم ارتفعت عن وجه ليلى البراقع أنار الغضا ضاءت بذى الغضا أم ابتسمت عما حكته المدامع أنشر خزامى فاح أم عرف حاجر بأم القرى أم عطر عزة ضائع ألا ليت شعرى هل سليمى مقيمة بوادى الحمى حيث المتيم والع وهل لعلع الرعد الهتون بلعلع وهل جادها صوب من المزن هامع وهل أردن ماء العذيب وحاجرى جهارا" وسر الليل بالصبح شائع وهل قاعة الوعساء مخضرة الربى وهل ما مضى فيها من العيش راجع وهل بلوى سلع يسل عن متيم بكاظمة ماذا به من الشوق صانع وهل عذبات الرند يقطف نورها وهل سلمات بالحجاز أيانع وهل أثلات الجزع مثمرة" وهل عيون عوادى الدهر عنها هواجع وهل قاصرات الطرف عين بعالج على عهدى المعهود أم هو ضائع وهل ظبيات الرقمتين بعدنا أقمنا بها أم من دون ذلك مانع وهل فتيات بالغوير يريننى مرابع نعم تعم تلك المرابع وهل ظل ذاك الضال شرقى ضارج ظليل فقد روته منى المدامع وهل عامر من بعدنا شعب عامر وهل هو يوما" للمحبين جامع وهل أم بيت الله يا أم مالك عريب لهم عندى جميعا صنائع وهل نزل الركب العراقي معرقا وهل شرعت نحو الخيام شرائع وهل رقصت بالمأزمين قلائص وهل القباب البيض فيها تدافع وهل لى بجمع الشمل فى جمع مسعد وهل لليالى الخيف بالعمر بائع وهل سلمت سلمى على الحجر الذى به العهد والتفت عليه الأصابع وهل رضعت من ثدى زمزم رضعة" فلا حرمت يوما عليها المراضع لعل أصحابى بمكة يبردوا بذكر سليمى ما تحن الأضالع وهل اللييلات التى قد تصرمت تعود لنا يوما" فيظفر طامع ويفرح محزون ويحيا متيم ويأنس مشتاق ويلتذ سامع
ابن الفارض...سلطان العاشقين:
نواصل عن رمز الصوفية بالمرأة إلى الذات الإلهية، وبالحب الإنساني إلى الحب الإلهي. وعن نقص الحب الإنساني وموته بدون الحب الإلهي..
Post: #202 Title: Re: لاح لي من صعيد برقاً كتم تعّالو Author: على احمد النعيم Date: 02-27-2007, 07:41 AM Parent: #199
Quote: طبعا معروف على نطاق واسع أن البرق عند شعراء العرب الأقدمين وعند شعراء البطانة يذكر بديار المحبوبة والأحباب.لأنه يدل في لمح البصر ومن مكان بعيد على الديار القديمة التي كانت تقيم فيها المحبوبة أو الأحباب. أو المقيمة فيها المحبوبة في الوقت الراهن. هو رسالة من النور من جهة المحبوب إلى جهة المحب. ثم لا يلبث أن يأتي "بدعاش" من المحبوب ودياره. وهو بكشفه ظلمات ليل اليأس الدامس أو ظلمات المجهول، بنور يخطف الأبصار، يثير الشوق والأمل في لقاء المحبوب.. لمعان النور في الظلمات يرمز إلى كشف حجب الجهل والمجهول. الله نور السموات والأرض.. البرق من أكبر الظواهر الضوئية وأعجبها على وجه الأرض. ولعله أول شيء عرف منه الإنسان سر النار. وربط فيه بين غضب السماء أو رضائها وبين ما يحدث على الأرض. "وهو الذي يريكم البرق خوفا وطمعا"، خوفا من الصواعق، وطمعا في السقيا. خوفا من أن يكون برقا خُلّبا، وأملا في أن يصدق فيأتي بالغيث.
البرق يحمل الوعد بالمطر والماء. والماء سر الحياة . "وجعلنا من الماء كل شيء حي". "وترى الأرض هامدة فإذا أنزلنا عليها الماء اهتزت وربت وأنبتت من كل زوج بهيج ". المطر يحي الأرض بعد مماتها. الأرض الحسية "التراب"، الأرض المعنوية "الجسد" يحييه الله بالعلم، والماء أيضا رمز العلم في الأحلام وكذلك البحر. الحب الإنساني قبس من الحب الإلهي،ووسيلة إليه. وهذا ما أطنب فيه الصوفية غناء لم يغنه أحد في محبوبته. هاموا بليلاهم ولبناهم كما لم يهم أحد بليلاه ولبناه.. و قالوا نحن في لذة لو علمها الملوك لجالدونا عليها بالسيوف.
الاخ الفاضل بكار تسلم والله لقد افصحت وابنت لله درك , واسعدتنا حقيقة بهذه الدرر وكيف يكون الحب الالهى. تحباتى بلا حدود
Post: #203 Title: Re: لاح لي من صعيد برقاً كتم تعّالو Author: على احمد النعيم Date: 02-27-2007, 07:56 AM Parent: #202
دايره ترجعينا لجراسة ود الشلهمة تانى يا بت طلحة، وتلك الجروف بعد ان يهب الشاتى الحنين . لانو للشاتى عندنا كما ذكرت آنفا وقع خاص فبنجاحه ينجح المسور وبكساده يكسد. اما القنيديل السرقلو الشاتى فهى والله لوحة بديعة .
Post: #204 Title: Re: لاح لي من صعيد برقاً كتم تعّالو Author: سمية الحسن طلحة Date: 02-27-2007, 08:55 AM Parent: #203
Quote: هاهو سلطان العاشقين ابن الفارض، يحدثنا عن البرق وعماأهاج لديه
أبرق بدا من جانب الغور لامع أم ارتفعت عن وجه ليلى البراقع أنار الغضا ضاءت بذى الغضا أم ابتسمت عما حكته المدامع
لاأملك سوى الصمت...وتحكى مدامعى محاكية الطرفة عندما أتصفح ديوان ابن الفارض هذا العاشق الذى تتيمنا بقوله وهمنا بعشقه...فما ألذ ( حب هذا القندول الذى صادف أول الشتاء ) لعمرى سنتذوق طعمه حيث أسعفنا الحظ بملازمة بكار ...فى حضرة سلطان العاشقين... أكان الحظ يساعدني وتلازمي حياتي بنقد حب قنيديلا سرقلو الشاتي ياله من برق!!! جلب من الخير والسعد فوق طاقتى وإحتمالى لكم سحب محبتى تهمو ماهمى دمع عاشق.
Post: #205 Title: Re: لاح لي من صعيد برقاً كتم تعّالو Author: الطيب شيقوق Date: 02-27-2007, 10:34 AM Parent: #204
Quote: بنقد حب قنيديلا سرقلو الشاتي
هلا هلا ود النعيم جننتني عدييييييل
النقدة هي تناول الدجاجة للطعام بمنقارها
عادة بيقلب الهواء من سافل لصعيد وبيجيب لو نساما حلووووو والنسام ده عندما يكون في وقت المداخلة بين الخريف والشتاء او الفواصل بنقول الشتاء زرق بفتح الزاي والراء والقاف .
وسرقلو الشاتي برضها يمكن تكون هي المقصودة واذا كانت هى المقصودة فتكون اكثر بلاغة في معناها لما بها من تشبيه بليغ جدا حيث يشبه الشتاء بالحرامي السارق وقت الخرف قبل حلول اوانه اى اوان الشتاء.
اما قنيديلا سرقلو الشاتي ( قنيديل تصغير قندول ) دى تجنن بكون قنيديلا مفرهد وهيف قصبته يجنن وربما تجد البودره البيضاء على ورتابه القصبة وكمان ربما نداها هتف والقندول في الحاله هذه ربما يكون لبنه - ويا ريت خاتي النقدة _ وحبته بيضاء تضيق بها رحم البتابة ( البتابة ابو بكر هى الجزء الخارجي من قشرة الذرة او غيره )
وطبعا انظف انواع الذرة هو المشاتي لانه بيكون خاتي التتلو (والتتلو يا ابا بكر تغيير لون الذرة الابيض ليكون اسودا بسبب هطول الامطار عليه وهو مستوى اى جاهز للحصاد ) وفي حالة قنيديلا سرقلوا الشاتي بيكون قطع شك نضيييييييييف .
لكم اطيب المنى
Post: #206 Title: Re: لاح لي من صعيد برقاً كتم تعّالو Author: على احمد النعيم Date: 02-27-2007, 11:04 AM Parent: #205
Quote: اما قنيديلا سرقلو الشاتي ( قنيديل تصغير قندول ) دى تجنن بكون قنيديلا مفرهد وهيف قصبته يجنن وربما تجد البودره البيضاء على ورتابه القصبة
أحسنت يا ود شيقوق ، وانا شميت من وصفك لهذا القندول انو قصبتو قصبة تقنت "قصيبة التقنت الدفق البصير ماروقك" تســـــــــــلم
Post: #207 Title: Re: لاح لي من صعيد برقاً كتم تعّالو Author: الطيب شيقوق Date: 02-27-2007, 11:15 AM Parent: #206
Quote: وانا شميت من وصفك لهذا القندول انو قصبتو قصبة تقنت
تقصد يا سمح الرجال قصبة التقنت النداها ينقط؟ ( ابو بكر التقنت جمعها تقانت وربما يكون مقصود بيها محل السيداب بعد دق العيش بتكون عالية الخصوبة وقصبتها بتكون مفرهدة خاصة اكانت قائمة في التقاء وكمان في هكعة( الهكعة المرنع والمرنع الارض المنفذرة لالا تحت لحدى تعمل توقه والتوقه هى الحفيرة البتمسك موية بعد المطرة )
ايام وصفي للمطرة بتذكر طوالى بقول لاهلى والله المطرة ما تقيلة يا داب توقت
انشاء الله شيخ الزبير متابع يا اخوانا
Post: #208 Title: Re: لاح لي من صعيد برقاً كتم تعّالو Author: سمية الحسن طلحة Date: 02-28-2007, 00:18 AM Parent: #207
Quote: انشاء الله شيخ الزبير متابع يا اخوانا
قال لك :ـ شرحك زاد الشعر حلاوة واصل
Post: #209 Title: Re: لاح لي من صعيد برقاً كتم تعّالو Author: الطيب شيقوق Date: 02-28-2007, 06:00 AM Parent: #208
Quote: قال لك :ـ شرحك زاد الشعر حلاوة واصل
كتر خيرك شيخ الزبير خليني احكي لابي بكر عن البتابة (بضم الباء وتشديد التاء) نحن زمان ايام مدلى العيش اكان باللواري او الجمال في القراف ( الفاروق الاوعيةالتي ينقل بها العيش بالجمال اسمها القراف) بكون عملنا نحن الصغار تعبئة بعض الشوالات بالبتاب .
السؤال للكل لماذا تعبئة البتاب ايام مدلى العيش من الخلاء؟؟؟؟؟؟؟؟؟؟؟؟؟؟؟؟؟؟
طبتم
Post: #210 Title: Re: لاح لي من صعيد برقاً كتم تعّالو Author: الطيب شيقوق Date: 02-28-2007, 04:02 PM Parent: #209
Quote: دايره ترجعينا لجراسة ود الشلهمة تانى يا بت طلحة، وتلك الجروف بعد ان يهب الشاتى الحنين . لانو للشاتى عندنا كما ذكرت آنفا وقع خاص فبنجاحه ينجح المسور وبكساده يكسد. اما القنيديل السرقلو الشاتى فهى والله لوحة بديعة .
ود النعيم انا كان راي بوست ود الشلهمة اكان ممكن يكون امتداد لبوست برق الصعيد حتى لا تشتت افكار المتابعين في عدة بوستات .
مودتي
Post: #267 Title: Re: لاح لي من صعيد برقاً كتم تعّالو Author: مدثر ابراهيم سعيد Date: 03-05-2007, 01:43 PM Parent: #207
التقنت جمعها تقانت وربما يكون مقصود بيها محل السيداب بعد دق العيش
التقنت هو المكان المرتفع في طرف الجدول او الحوض او الانقاية او السراب
وما ينبت فيه يكون جيد الشراب يشرب بالنز يعني
اما مكان دق العيش فيسمى التّقَا حيث يتم تسطيح الارض ثم تدليجها وفي وسطهاعود النوريق
والله اعلم
Post: #211 Title: Re: لاح لي من صعيد برقاً كتم تعّالو Author: أبو الحسين Date: 02-28-2007, 04:33 PM Parent: #1
قلنا نقول سلام...
أهلنا صافين السريرة...
طيبين الطباع...
من أبي الحسين تعظيم سلام وواصلو نَمْ متابعيييييييين...
كميات مودتي وتعظيم سلام صاحبة الحوش وكل الإخوة المتداخلين...
أبو الحســــــين...
Post: #212 Title: Re: لاح لي من صعيد برقاً كتم تعّالو Author: الطيب شيقوق Date: 03-01-2007, 08:48 AM Parent: #211
Quote: "قصيبة التقنت الدفق البصير ماروقك"
هييييييييييييييييييع ود النعيم
Post: #213 Title: Re: لاح لي من صعيد برقاً كتم تعّالو Author: على احمد النعيم Date: 03-01-2007, 09:50 AM Parent: #212
Quote: ود النعيم انا كان راي بوست ود الشلهمة اكان ممكن يكون امتداد لبوست برق الصعيد حتى لا تشتت افكار المتابعين في عدة بوستات .
الاخ ود شيقوق سلام مع احترامى لوجهة نظرك لكن ارى ان يفرد بوست بحاله لهذا النموذج الفريد ود الشلهمة.
تحياتى.
Post: #214 Title: Re: لاح لي من صعيد برقاً كتم تعّالو Author: خالد المحرب Date: 03-01-2007, 10:07 AM Parent: #213
الليل البرق جاب الهبوب مقلوبه وطرانى الاهل والجلسه فى الراكوبه تمو دى ياجماعة الخير
Post: #215 Title: Re: لاح لي من صعيد برقاً كتم تعّالو Author: الطيب شيقوق Date: 03-01-2007, 10:37 AM Parent: #214
Quote: الليل البرق جاب الهبوب مقلوبه وطرانى الاهل والجلسه فى الراكوبه
هييييييييييييع ود المحرب
الليلة الصعيد جاب الهبوب مقلوبة طراني ام شليخ والجلسة في الراكوبة
اوعي ود المحرب تحرف الكلام ( طراني ام شليخ عدييييل كده ) اوع تتهرب بجاي وبجاى ( طراني الاهل مافي) انت خايف من ام احمد ولا شنو ؟
شنو يا ود النعيم رايك في الكلام ده ربما نتفق مع ود المحرب لو قاصد الارتقاء بعبارة (الاهل) ليكون المقصود بها ام الاولاد . كما جاء في حديث الرسول صلي الله عليه وسلم ( خيركم خيركم لاهله وانا خيركم لاهلي)
Post: #216 Title: Re: لاح لي من صعيد برقاً كتم تعّالو Author: على احمد النعيم Date: 03-01-2007, 11:13 AM Parent: #215
Quote: ربما نتفق مع ود المحرب لو قاصد الارتقاء بعبارة (الاهل) ليكون المقصود بها ام الاولاد
الزول دا يا ود شيقوق اظنو قاصدلو شيتا كتر، والله يستر عليهو من ام احمد
Post: #217 Title: Re: لاح لي من صعيد برقاً كتم تعّالو Author: فاروق حامد محمد Date: 03-01-2007, 11:17 AM Parent: #215
Quote: كتر خيرك شيخ الزبير خليني احكي لابي بكر عن البتابة (بضم الباء وتشديد التاء) نحن زمان ايام مدلى العيش اكان باللواري او الجمال في القراف ( الفاروق الاوعيةالتي ينقل بها العيش بالجمال اسمها القراف) بكون عملنا نحن الصغار تعبئة بعض الشوالات بالبتاب .
السؤال للكل لماذا تعبئة البتاب ايام مدلى العيش من الخلاء؟؟؟؟؟؟؟؟؟؟؟؟؟؟؟؟؟؟
طبتم
ود شيقوق هووووووووووي أرعى بقيدك !!!!!!!!
أت جايي تعلمنا القراف ...نحن أولاد القراف !!!!!!!!!!
والمثل بقول (دق القراف خلي الجمل يخاف)....
فلا تبيع لنا التمر ... ونحن أصحاب نخل البصرة...
Post: #218 Title: Re: لاح لي من صعيد برقاً كتم تعّالو Author: الطيب شيقوق Date: 03-01-2007, 11:43 AM Parent: #217
Quote: والمثل بقول (دق القراف خلي الجمل يخاف)....
ووووووووووووب ووووووب منك قطع شك اتصلت بالفزارية شيخة العرب وانت هسع العاجبك في المثل ده شنو حقكم يا ناس البندر ولا لبط ساااااااااى ؟؟؟؟؟؟؟ ووب مش ممكن نكتفي بمثل تمر البصرة الحلووو ده وبس وتخلى الحت الكتييييييييير؟؟؟؟؟؟؟؟؟؟
حبة تخريمة
دحين الفاروق اخوي هسع تهم الادعاء العام ، في محكمة الجزاء الدولية ، لاحمد هارون ، مش ممكن تصنف دق قراف عشان حكومة الجبهة تخاف؟
الاستراتيجية الأمريكية هي "دق الجمل ذاااااااااتو" وليس القراف ...
وفي هذه الحالة فإن (القراق) هو الذي سيخاف !!!!!!!!!!
Post: #220 Title: Re: لاح لي من صعيد برقاً كتم تعّالو Author: فاروق حامد محمد Date: 03-01-2007, 06:34 PM Parent: #219
up
Post: #221 Title: Re: لاح لي من صعيد برقاً كتم تعّالو Author: فاروق حامد محمد Date: 03-01-2007, 06:35 PM Parent: #219
up
Post: #222 Title: Re: لاح لي من صعيد برقاً كتم تعّالو Author: b_bakkar Date: 03-01-2007, 07:31 PM Parent: #221
فاروق أخوي ود شيقوق قريبي سلام
أول حاجة اللمّ إسم "فاروق" دا مع "القراف" شنو؟ لم أشهد في حياتي "فاروقا" سارح ليهو بي غنيمات ولا معزة..
ثانيا: أي نوع من القراف التي يخيف دقها الجمل؟ قراف القماش ولا قراف الجلد؟؟
المثل ما زال منطبقا على الحالة الراهنة. دا دق قراف فعلا، بس يا ريت الجمل إخاف المرة دي، وإسرع نحو الغاية. يا ما دقوا قراف كتير قبل كده، لكن الجمل ولا بِشّّوّّط بيها( بكسر الباء وتشديد الشين وتشديد الواو)، كأنه بسمع في نبيح كلاب (الكلاب تنبح والجمل ماشي)
أسوأ القراف كانت قراف الاتحاد الأفريقي.. يبدو أنها كانت من قماش كاتم للصوت. الجمل برك واتمرغ وقام وهدر، فما كان من صاحب القراف إلا أن ولي مدبرا..
Post: #223 Title: Re: لاح لي من صعيد برقاً كتم تعّالو Author: b_bakkar Date: 03-01-2007, 07:46 PM Parent: #222
فاروق، معليش، أنا كنت بهظر معاك ساكت يبدو أنك جيل بعدنا على كل حال
البتاب يا سيدي بختوه في المطمورة (أو المطمارة عند بعضهم) فوق سطح العيش قبل الدفن، ليحجز التراب.
لكن خل نسألك عن بعض الأشياء في البيت البدوي القديم، النشوف كان إت حاضرها:
Post: #230 Title: Re: لاح لي من صعيد برقاً كتم تعّالو Author: الطيب شيقوق Date: 03-02-2007, 09:08 AM Parent: #228
ود بكار كيف حالك الفاروق ده ات مالك حاقر بيهو ات قايل ما عندو فزع؟
القشاط مثل الحزام يربط للجمل في الحوية او المخلوفة اللكيب الفلكابة الغردة تربط في رقبة الجمل الحقو هلا هلا ده انا يا ود بكار ايام كنت صغير بقمبوري الحليو داك كان بربطوا لى الحقو وهو سير من الجلد محشو بالمحلب عشان انا كنت بمضغ السير ده وتجيني ريحة المحلب الحلوة يا ود بكار الزغو دى شنيطة صغيرة من الكناف او السعف مقددة زى النملي
Post: #229 Title: Re: لاح لي من صعيد برقاً كتم تعّالو Author: abubakr Date: 03-02-2007, 08:41 AM Parent: #1
Quote: واحيانا لعرس السموح واكل القموح
يازولا انا جبتك مترجم واللا مبرطم ؟؟ ما تقول كلامن بتفهم
Post: #231 Title: Re: لاح لي من صعيد برقاً كتم تعّالو Author: سمية الحسن طلحة Date: 03-02-2007, 09:19 AM Parent: #229
Quote: اول بالتبادي السيرفر حقنا كان معيون .
القاصدانا وقعت فيهو
سلام كل المتداخلين افتقدناكم فعلا عمانتيل ملخبطة من يومين نرحب بضيفنا بشير الخير
Post: #232 Title: Re: لاح لي من صعيد برقاً كتم تعّالو Author: الطيب شيقوق Date: 03-02-2007, 09:31 AM Parent: #231
Quote: يازولا انا جبتك مترجم واللا مبرطم ؟؟ ما تقول كلامن بتفهم
انت لازم نجيب ليك مترجم رطاني عديييييييل يترجم ليك من كلامي للعربية الفصحى ومن الفصحي للنوبية
Post: #233 Title: Re: لاح لي من صعيد برقاً كتم تعّالو Author: سمية الحسن طلحة Date: 03-02-2007, 09:36 AM Parent: #231
Quote: ود النعيم انا كان راي بوست ود الشلهمة اكان ممكن يكون امتداد لبوست برق الصعيد حتى لا تشتت افكار المتابعين في عدة بوستات .
البوست دا خاااااص بالبروق ات شتتك الكلام السعلوك منو دا ولا شنو؟ كان غلبتك الترجمة بنديك محاية مجان تفتح مخك وتكشف ليك العلوم الخفية قول يامعلم آدم الأسماء كلهاويامعلم داؤود علمنى ويامفهم سليمان فهمنى.ِ
Post: #234 Title: Re: لاح لي من صعيد برقاً كتم تعّالو Author: Ahmed Yousif Abu Harira Date: 03-02-2007, 11:21 AM Parent: #233
Post: #235 Title: Re: لاح لي من صعيد برقاً كتم تعّالو Author: خالد المحرب Date: 03-02-2007, 02:16 PM Parent: #234
Quote: ]الغردة تربط في رقبة الجمل
may I offer to you my help
Post: #236 Title: Re: لاح لي من صعيد برقاً كتم تعّالو Author: فاروق حامد محمد Date: 03-02-2007, 03:33 PM Parent: #235
Quote: : ]الغردة تربط في رقبة الجمل
may I offer to you my help
اللللللللللللللللللللللللللللللللللللللللللللللللله يا الطيب !!!!!
وقعت وما سميت !!!!!!!!!!
الغردة بقوا يربطوها في رقبة الجمل ؟؟؟؟؟!
يا لشماتة أبي بكر فيك 1!!!!!!!!!!!!
Post: #237 Title: Re: لاح لي من صعيد برقاً كتم تعّالو Author: Ahmed Yousif Abu Harira Date: 03-02-2007, 04:00 PM Parent: #235
Quote: may I offer to you my help
البقت ما بقت بعد دا يا رفيقي..
دي بعد دا ما بتقدر تلحق شيخ الطيب فيها بالمسنجر فقد سُجلت عند رقيبٍ عَتِيدْ
لكن حقو إنت يا أب احمد ما تستعجل ، يمكن ناس الدندر بربطوا الغُردَه في رقبة الجمل...
نظام تباين ثقافي وكده
طيب بعد دا نجي للغُُرده بت الكلب دي..
الغُرده يا شيخ الطيب حسب ما هو سائد عندنا هي حزام عريض منسوج نسج غالبا من الصوف وإن كان مؤخرا بقى يسووها من التيل الجاهز وفيها خُرس عند أحد أطرافها والطرف الثاني بيكون مربوط بدائر المخلوفة المصنوع من حبل قِد وتربط في صدر الجمل وهي الحاكم الأساسي للمخلوفة على ظهر الجمل ومن الناحية الثانية بيكون في سير من الجلد التخين متدلي من الجانب الآخر لداير المخلوفة فيربط خُرس الغُرده بهذا السير المتدلي من الدائر وبي كدي بيكون (الشديد مخلوفة أو حَوية) قد احكم ربطه على ظهر الجمل..
إنت ظنيتك يا شيخ الطيب قاصد المَحَاقِبْ...وهن اثنين واحده تربط في رقبة الجمل والثاني في صلبه..(في صلبه مش ضنبو)...عشان ما تجي تاني تخلط بين المَحْقَبَة والضَنّابْ...
ولك المحبة من قبل ومن بعد
يا أخوانا أبوبكر قاعد يسجل الأهداف دي ولا لأ ؟؟
Post: #238 Title: Re: لاح لي من صعيد برقاً كتم تعّالو Author: خالد المحرب Date: 03-02-2007, 07:13 PM Parent: #237
Quote: ولك المحبة من قبل ومن بعد
يا أخوانا أبوبكر قاعد يسجل الأهداف دي ولا لأ ؟؟
Post: #239 Title: Re: لاح لي من صعيد برقاً كتم تعّالو Author: abubakr Date: 03-02-2007, 07:39 PM Parent: #1
قال العرريب السكة ودشيقوق :
Quote: الغردة تربط في رقبة الجمل
واجاب العرريب الاوريجنال احمد بن ابوحريرة مايلي :
Quote: الغُرده يا شيخ الطيب حسب ما هو سائد عندنا هي حزام عريض منسوج نسج غالبا من الصوف وإن كان مؤخرا بقى يسووها من التيل الجاهز وفيها خُرس عند أحد أطرافها والطرف الثاني بيكون مربوط بدائر المخلوفة المصنوع من حبل قِد وتربط في صدر الجمل وهي الحاكم الأساسي للمخلوفة على ظهر الجمل ومن الناحية الثانية بيكون في سير من الجلد التخين متدلي من الجانب الآخر لداير المخلوفة فيربط خُرس الغُرده بهذا السير المتدلي من الدائر وبي كدي بيكون (الشديد مخلوفة أو حَوية) قد احكم ربطه على ظهر الجمل..
وهكذا بتاعيين الشهادات العربية المزورة ظهروا ..وشابكنا يا "اولاد البندر " وات ما عارف الغردة شنو ؟؟؟
لقد استغنينا عن خدماتكم الترجمية وسنعيد النظر في كل الكلمات التي "ادعيت" بانك ترجمتها ...واصلو ات فاضي من الحت في حفلة عصام ؟؟ معقولة تنسي مفتاح بيتك بشان الحت والهندي يسكر البيت وانت صاحي لحد هسع ..؟ دة كلام مترجم حتات ومسطح ....
بسم الله وتهليل وتكبير عليكم كلكم بالفاروق انا عارف التهليل ده بطفره من المنبر ده
اقول ليكم حاجة الغردة التي وردت في مداخلتي اعني بها الغردة بضم الغين وتسكين الراء وفتح الدال وهى تعني نفص التفسير الذي خصصتها لها وفقا لاعرافنا وثقافاتنا .
اما الغردة الواردة في خطابكم - ساتي - وهي بفتح الغين والراء والدال فلا ادري ماذا تعني عندكم
Post: #243 Title: Re: لاح لي من صعيد برقاً كتم تعّالو Author: Ahmed Yousif Abu Harira Date: 03-02-2007, 09:35 PM Parent: #242
Quote: طيب بعد دا نجي للغُُرده بت الكلب دي..
نحن التشكيل الفوق ده ما سويناهو عشان شيطنة ناس قيلي التحت دي
Quote: اعني بها الغردة بضم الغين وتسكين الراء وفتح الدال وهى تعني نفص التفسير الذي خصصتها لها وفقا لاعرافنا وثقافاتنا .
Quote: اما الغردة الواردة في خطابكم - ساتي - وهي بفتح الغين والراء والدال فلا ادري ماذا تعني عندكم
Post: #244 Title: Re: لاح لي من صعيد برقاً كتم تعّالو Author: abubakr Date: 03-03-2007, 06:24 AM Parent: #1
يا ودشيقوق ...لغة واللا معسكر جيش .. تشكيلات وخلافو ..بس قول الروووب انا ما بعرف وارجع للبندر بتاعك واقعد في البلكونة وحت
Post: #245 Title: Re: لاح لي من صعيد برقاً كتم تعّالو Author: الطيب شيقوق Date: 03-03-2007, 06:31 AM Parent: #244
Quote: يا ودشيقوق ...لغة واللا معسكر جيش .. تشكيلات وخلافو ..بس قول الروووب انا ما بعرف وارجع للبندر بتاعك واقعد في البلكونة وحت
انت قول ليهم بتعرفوا الحتي ؟ مش الحت بتاعك الحتي دى لها علاقة بثقافة العرب الرحل
Post: #246 Title: Re: لاح لي من صعيد برقاً كتم تعّالو Author: b_bakkar Date: 03-03-2007, 08:07 AM Parent: #1
قريبي ود شيقوق
لا بأس عليك، إنت طبعا بحكم أنك زول من الدندر - إذا كنت مولود في الدندر ذاتها - ما بلومك تب.. الدندر دي ما بندر!! لكن التحدي ما زال مطروح لبقية "العرّوب"، بمن فيهم أب حريرة الذي صار يضحك عليك قول ليهو شوف الحاجات التانية غير الغردة..
كان "ود الفل" من ناس رفاعة، الله إرحمه، مجرم وبتاع مشاكل في شبابه، من سجن لي سجن. بعدين عقل، وترك السفاهة والإجرام. وهو أصلو زول كريم وأخو أخوان ومبدع.. اشتغل بعد داك في سوق الخدار، أظنو بقى شيخ السوق.. يوم من أيام السوق جات كتاحة شديدة... ود الفل قال: ديل الليلة العرب نفضوا شقياناتهم قبال ما يدخلوا السوق..lol أها، الزول الما عاش مع العرب أبان شقيانات وحاحة كافرة ما أظنوا يعرف الحاجات المذكورة دي.. الله يفتح عليكم ويزيدكم بركة.. رجعتونا لأزمان كادت تصبح في طي النسيان..
والبركة في جون قرنق "أب عاج الحقيقي دراق المحن".. الذي جعل كل المهمشين في السودان يتذكرون أصولهم ويعتزون بها بعد أن كانوا ينكرونها.. ودا كلام عام
لكن نحن العريب ديل والحمد لله حاشا أصلا ما تنكرنا لتلك الأصول. بس لما دخلنا المدارس و البنادر اضطرينا نتكلم بلغوة أهلها.. بي قلبة لسان شوية، و لكن أهلنا الحلفاويين والمحس والدناقلة حرموا الرطانة على وليداتهم، مع المعذرة إذا كان في واحد هنا حلفاوي أو محسي أو دنقلاوي
سنرجع إلى فولكلور البطانة مرة تانية، وأنا ناوي إن شاء الله في الزيارة الجاية للسودان أحوم بالبطانة دي من حدها لي حدها لجمع تلك الأشياء التي انقرضت الآن أو كادت
Post: #247 Title: Re: لاح لي من صعيد برقاً كتم تعّالو Author: Ahmed Yousif Abu Harira Date: 03-03-2007, 08:52 AM Parent: #246
Quote: انت قول ليهم بتعرفوا الحتي
مَشْكّلَة ولا طُلُقْ ؟؟
Post: #248 Title: Re: لاح لي من صعيد برقاً كتم تعّالو Author: الطيب شيقوق Date: 03-03-2007, 02:24 PM Parent: #247
Quote: إذا كنت مولود في الدندر ذاتها - ما بلومك تب.. الدندر دي ما بندر!!
ود بكار انا يا ود عمي من حلة هنااااااااااااك اسمها البردانه
والشقيانة يطول عمرك لبستها انا لكن ما كتير راحتها من جلد البقر وسيرانها من جلد البقر ومبطحة ومصفحة من الضريسة .
Post: #249 Title: Re: لاح لي من صعيد برقاً كتم تعّالو Author: abubakr Date: 03-03-2007, 02:57 PM Parent: #1
Quote: لكن نحن العريب ديل والحمد لله حاشا أصلا ما تنكرنا لتلك الأصول. بس لما دخلنا المدارس و البنادر اضطرينا نتكلم بلغوة أهلها.. بي قلبة لسان شوية، و لكن أهلنا الحلفاويين والمحس والدناقلة حرموا الرطانة على وليداتهم، مع المعذرة إذا كان في واحد هنا حلفاوي أو محسي أو دنقلاوي
اها جيت تساعد ود عمك الحتات بقيت زيو حتات ... اها لغوة البنادر الاتعلمتوها في المدارس شنو ؟؟؟ اها في نوبي هنا ( يعني فيهو التلات سوا حلفاوي ومحسي ودنقلاوي) وما عندنا مدارس بالرطانة اصلا بشان لغوتنا تتبدل ؟ ولغوة شنو البتبدلا المدارس ؟ ات وبن عمك عراريب قشرة ؟ اها ودالمحرب وقوم ابوحريرة وطلحة دييل ما دخلو مدارس في البندر بشان يتكلمو بلغوة اهلها ؟؟؟ اخير ليك خلك من ودعمك الخربتو البنادر والمقاه الامهرية وحت الليالي ونومة التسطيح وارجع قواعدك هناك في البادية وخلك مني الرطان لانك ما بتقدر علي رطانتي ..؟ الحق ودعمك اليويو دة ...
Post: #250 Title: Re: لاح لي من صعيد برقاً كتم تعّالو Author: الطيب شيقوق Date: 03-03-2007, 04:01 PM Parent: #249
Quote: اها جيت تساعد ود عمك الحتات بقيت زيو حتات ... اها لغوة البنادر الاتعلمتوها في المدارس شنو ؟؟؟ اها في نوبي هنا ( يعني فيهو التلات سوا حلفاوي ومحسي ودنقلاوي) وما عندنا مدارس بالرطانة اصلا بشان لغوتنا تتبدل ؟ ولغوة شنو البتبدلا المدارس ؟ ات وبن عمك عراريب قشرة ؟ اها ودالمحرب وقوم ابوحريرة وطلحة دييل ما دخلو مدارس في البندر بشان يتكلمو بلغوة اهلها ؟؟؟ اخير ليك خلك من ودعمك الخربتو البنادر والمقاه الامهرية وحت الليالي ونومة التسطيح وارجع قواعدك هناك في البادية وخلك مني الرطان لانك ما بتقدر علي رطانتي ..؟ الحق ودعمك اليويو دة ...
ود بكار اخوى ماتستعجل النوبي ده انا ساعيهو لا قدام وخليني ادودرو ليك بالطوالة لحدى اقطع ليك نفسو طااااااااااااااااااب .
Post: #251 Title: Re: لاح لي من صعيد برقاً كتم تعّالو Author: الطيب شيقوق Date: 03-03-2007, 04:13 PM Parent: #250
بت طلحة البوست ده اطلعي منو خليهو بقى محل دواس مع النوبيين حرمة تحوم بهنا مافي طاااااااااااااب نحن شنقنا الطواقي وعمينا وطرشنا ومسكنا السيف والدرقة وقادلين بفد كراع في الصقيعة دى .
Post: #252 Title: Re: لاح لي من صعيد برقاً كتم تعّالو Author: abubakr Date: 03-03-2007, 09:03 PM Parent: #1
Quote: بت طلحة البوست ده اطلعي منو خليهو بقى محل دواس مع النوبيين حرمة تحوم بهنا مافي طاااااااااااااب نحن شنقنا الطواقي وعمينا وطرشنا ومسكنا السيف والدرقة وقادلين بفد كراع في الصقيعة دى .
يا زول دة الملكة ؟ كيفن تقول ليها تطلع ؟ انت خربت تب ؟؟ البندر والامهريات وتسطيحة اخر الليالي خربتك ؟؟؟ طواقي شنو الشنقتها .. في قمبور بيشنق بالطواقي ؟؟؟
Post: #253 Title: Re: لاح لي من صعيد برقاً كتم تعّالو Author: الطيب شيقوق Date: 03-03-2007, 09:52 PM Parent: #252
Quote: يا زول دة الملكة ؟ كيفن تقول ليها تطلع ؟ انت خربت تب ؟؟ البندر والامهريات وتسطيحة اخر الليالي خربتك ؟؟؟ طواقي شنو الشنقتها .. في قمبور بيشنق بالطواقي ؟؟؟
وووووووووووب منك فيك الكرة والدرة
Post: #254 Title: Re: لاح لي من صعيد برقاً كتم تعّالو Author: الطيب شيقوق Date: 03-04-2007, 12:33 PM Parent: #253
Quote: يا ودشيقوق ...لغة واللا معسكر جيش .. تشكيلات وخلافو ..بس قول الروووب انا ما بعرف وارجع للبندر بتاعك واقعد في البلكونة وحت
يا رطاني في بندر فيهو بلكونة رواكيييييييييييييييييب ساااااااااااى ومويتها في القرب تنقط ساااااااااااى
Post: #255 Title: Re: لاح لي من صعيد برقاً كتم تعّالو Author: سمية الحسن طلحة Date: 03-04-2007, 01:47 PM Parent: #254
Quote: سلامات سميه اخبارك حبيبه مشتاقين شايفه ابن الفارض مشرف بى هنابرضو طبعا اى انسان بيقرى ليه مابيملك الايحبه ويكون مهوس بيه تحياتى
مرحب ماجدة ومرحب كل الحبايب المتداخلين وفارضين علينا حب يضاهى حب ابن الفارض ود المحرب :ـــاتو شيقوق دا قال داير يمرقنى سكتوا ليهو !! البركة فى خالى بكار جاب لى التار أها هسع قبل عليك داير يمرقك رأيك شنووو؟؟؟ الفاروق:ـــ حقك بان على صاحبك أها كدى اليقدر يحامى لى رقبتو..عامل فيها محامى.. أبوبكر:ــــ مد يدك لأهنيك على الضريبة اللقيتا فى شيقوق دى فرصة ما تفوتا أحمد :ـــــ بطل شيطنة ناس قيلى دى ( غايتو انت مسلط ) ذكرتنى حاجات ضحكت لمن الله غفر لي خالى بشير :ـــ تسلم شكلت الزول أب لسانا طلق دا . لكم كل الود
Post: #256 Title: Re: لاح لي من صعيد برقاً كتم تعّالو Author: الطيب شيقوق Date: 03-04-2007, 05:45 PM Parent: #255
Quote: مرحب ماجدة ومرحب كل الحبايب المتداخلين وفارضين علينا حب يضاهى حب ابن الفارض ود المحرب :ـــاتو شيقوق دا قال داير يمرقنى سكتوا ليهو !! البركة فى خالى بكار جاب لى التار أها هسع قبل عليك داير يمرقك رأيك شنووو؟؟؟ الفاروق:ـــ حقك بان على صاحبك أها كدى اليقدر يحامى لى رقبتو..عامل فيها محامى.. أبوبكر:ــــ مد يدك لأهنيك على الضريبة اللقيتا فى شيقوق دى فرصة ما تفوتا أحمد :ـــــ بطل شيطنة ناس قيلى دى ( غايتو انت مسلط ) ذكرتنى حاجات ضحكت لمن الله غفر لي خالى بشير :ـــ تسلم شكلت الزول أب لسانا طلق دا . لكم كل الود
شيقوق تقول لى أنا !!! وطاتك أصيحت !؟ طيييب بوريك المكشن برا بصلة... أنا كنت ساكتة لى 3 أيام لكن أ،ت الوطاتك أصبحت ..خم وصر .. تهجد شنو ياالفاروق ياخوى والله ياأبوبكر أنا سمعت بى أضانى من زول شاف شوف العين ما قول قالوا :ــ شيقوق لابس أفرنجى يوم الخميس ويحت فى حفلة عصام لى وش الفجر وما خفى أعظم ,
Post: #263 Title: Re: لاح لي من صعيد برقاً كتم تعّالو Author: Ahmed Yousif Abu Harira Date: 03-05-2007, 09:19 AM Parent: #262
Quote: شيقوق تقول لى أنا !!! وطاتك أصيحت !؟ طيييب بوريك المكشن برا بصلة... أنا كنت ساكتة لى 3 أيام لكن أ،ت الوطاتك أصبحت ..خم وصر .. تهجد شنو ياالفاروق ياخوى والله ياأبوبكر أنا سمعت بى أضانى من زول شاف شوف العين ما قول قالوا :ــ شيقوق لابس أفرنجى يوم الخميس ويحت فى حفلة عصام لى وش الفجر وما خفى أعظم ,
شُفت يا شيخ الطيب ؟؟
اها ود المحرب طلع براءة
ياخي ميّزْ ضربك ، وأرجع شيل خمس جنيهك
Post: #264 Title: Re: لاح لي من صعيد برقاً كتم تعّالو Author: الطيب شيقوق Date: 03-05-2007, 10:35 AM Parent: #263
Quote: شيقوق لابس أفرنجى يوم الخميس ويحت فى حفلة عصام لى وش الفجر وما خفى أعظم
حرم الخبر جاك ما مركز وزولك متلحنى ساااااااااااااى انا مش كنت بحت انا كنت بعرض في مدحة عصام محمد نور البقول فيها (طيبة) وقام الفنان قلب المدحة للطير المهاجر ولقيتها حلوة وواصلت قلبتها حت بدون اشعر .
Post: #361 Title: Re: لاح لي من صعيد برقاً كتم تعّالو Author: b_bakkar Date: 04-14-2007, 00:29 AM Parent: #257
Post: #265 Title: Re: لاح لي من صعيد برقاً كتم تعّالو Author: abubakr Date: 03-05-2007, 11:12 AM Parent: #1
Quote: حرم الخبر جاك ما مركز وزولك متلحنى ساااااااااااااى انا مش كنت بحت انا كنت بعرض في مدحة عصام محمد نور البقول فيها (طيبة) وقام الفنان قلب المدحة للطير المهاجر ولقيتها حلوة وواصلت قلبتها حت بدون اشعر
مش كان الاول تغطس في البحر وتتطهر من حتيت الخميس والتسطيحة قبلما لسانك يورطك مع شيوخ العرب ؟؟؟ اها مدحة طيبة والطير المهاجر عرضتم واحدة ياخلبوس ؟؟؟
Post: #266 Title: Re: لاح لي من صعيد برقاً كتم تعّالو Author: الطيب شيقوق Date: 03-05-2007, 11:26 AM Parent: #265
Quote: اها مدحة طيبة والطير المهاجر عرضتم واحدة ياخلبوس ؟؟؟
لالالالالا اها اقول ليك انا كنت بذكر ذكر مع المدحة وعندما قلب الفنان للطير المهاجر لقيت النوبيين والنوبيات عاملين صفين متقابلين ويرقصوا رقيص اهلكم الزى الذكر ده وواصلت طوالى هم عندهم حت وانا فاكرو ذكر لله .
كمان يا ابا بكر في واحد من اهلكم لما شافني بذكر جاني مسكنى من يدى ووقفنى في صف النوبيين البيرقصوا والناس يضحكوا ساى واصلت ليكم معاهم انا بقول حى قيوم حى قيوم وهم مع طيرهم المهاجر . اقسم بالله مافي فرق لقيتها حلوة وسريت معاها لكن اي منا كان يرقص على انغام ليلاه .
Post: #268 Title: Re: لاح لي من صعيد برقاً كتم تعّالو Author: سمية الحسن طلحة Date: 03-05-2007, 02:40 PM Parent: #266
ياجماعة ناس الذكر بلبسو سكروتة وعمة وملفحة وشال وبشيلوا البمبقا أو القرجة والسبحة أنت جايي لابس أفرنجى ومع سبق الإصرار والترصد...قضيتك فاشلة.
Post: #269 Title: Re: لاح لي من صعيد برقاً كتم تعّالو Author: سمية الحسن طلحة Date: 03-05-2007, 02:43 PM Parent: #268
الليلة المعوز يتجاككن ياسغير مع شيلة البرق عترن لهن فى خدير الخلانى من دون الخلق متغير طاقة المنتنى النساجا ماهو كبير
Post: #270 Title: Re: لاح لي من صعيد برقاً كتم تعّالو Author: سمية الحسن طلحة Date: 03-05-2007, 02:50 PM Parent: #269
نحنا سيوفنا براق السوارى الساطعة ماها جديدة ميراث الجدود القاطعة نحنا أنعامنا فوق شرف البطاين راتعة نخت فرقتنا فوق واحدين وتنزل باتعة
Post: #271 Title: Re: لاح لي من صعيد برقاً كتم تعّالو Author: سمية الحسن طلحة Date: 03-05-2007, 02:52 PM Parent: #270
Quote: نخت فرقتنا فوق واحدين وتنزل باتعة
أى حتات وسياسى متخاذل يبعد ردو من هنا
Post: #272 Title: Re: لاح لي من صعيد برقاً كتم تعّالو Author: abubakr Date: 03-05-2007, 03:56 PM Parent: #1
Quote: لالالالالا اها اقول ليك انا كنت بذكر ذكر مع المدحة وعندما قلب الفنان للطير المهاجر لقيت النوبيين والنوبيات عاملين صفين متقابلين ويرقصوا رقيص اهلكم الزى الذكر ده وواصلت طوالى هم عندهم حت وانا فاكرو ذكر لله .
ات قايلنا بقنابير ...؟؟؟ دحين موضوعك رفعناه الي الملكة ؟ شيل شيلتك ...
Post: #273 Title: Re: لاح لي من صعيد برقاً كتم تعّالو Author: سمية الحسن طلحة Date: 03-05-2007, 07:25 PM Parent: #272
ممنوع وساطة دولية ممنوع دخول قوات اممية ممنوع محاكمة خارج البوست انا وجماعتى على قلب رجل واحد شيل شيلتك ياأيها القانونى العتيق
Post: #274 Title: Re: لاح لي من صعيد برقاً كتم تعّالو Author: الطيب شيقوق Date: 03-05-2007, 07:51 PM Parent: #273
Quote: ممنوع وساطة دولية ممنوع دخول قوات اممية ممنوع محاكمة خارج البوست انا وجماعتى على قلب رجل واحد شيل شيلتك ياأيها القانونى العتيق
ده كلام زولا محرش ساااااااااااى اها انا تصالحت براى مع ود المحرب بس اوعوا تكلموهو يعمل بوست لالغاء عضويتي انا .
Post: #275 Title: Re: لاح لي من صعيد برقاً كتم تعّالو Author: b_bakkar Date: 03-06-2007, 05:40 AM Parent: #1
الأحباب رجعتونا لي أهلنا وديارنا قبل خمسين سنة الله يديكم العافية ويمتعكم برفقة الأهل
Post: #276 Title: Re: لاح لي من صعيد برقاً كتم تعّالو Author: الطيب شيقوق Date: 03-06-2007, 06:06 AM Parent: #275
Quote: نحنا سيوفنا براق السوارى الساطعة ماها جديدة ميراث الجدود القاطعة نحنا أنعامنا فوق شرف البطاين راتعة نخت فرقتنا فوق واحدين وتنزل باتعة
بت طلحة كت عايز افسر الابيات دى للرطاني لكن شامي فيها مطاعنة عديييييييييييل اخليها عشان الرطاني ما يعرفها خليهو في سجمو .
Post: #277 Title: Re: لاح لي من صعيد برقاً كتم تعّالو Author: بشير الخير Date: 03-07-2007, 02:54 AM Parent: #276
ود شيقوق الله إدينا خيرك الحمد لله الفكّ عوّتك مع البطاحين قبال ما أعرف كُت بتختني في موقف صعب كان لابد كبيت فوقك، مو لأنك سري، البطاحين برضهم أسراري وخاصة الملكة.بس لأنك براك والبطاحين جماعة. يازول إت ما دام وحّّدك الخلاك تدخل مع البطاحين في عوة شنو؟؟ على العموم، الحمد لله الكضب الشينة
Post: #278 Title: Re: لاح لي من صعيد برقاً كتم تعّالو Author: بشير الخير Date: 03-07-2007, 03:35 AM Parent: #277
عودة إلى ابن الفارض
فلا عيش في الدنيا لمن عاش صاحيـاً ومن لم يمت سكراً بهـا فاتـه الحـزم على نفسه فليبك من ضاع عمره ولم يكن لها منها نصيبُُ ولا سهمُ
شربنا على ذكر الحبيب مدامة لسيدي ابن الفارض رضي الله عنه
شربنـا علـى ذكـر الحبيـب مدامـة سكرنا بها من قبـل أن يخلـق الكـرم لها البدر كأس وهي شمـس يديرهـا هـلال وكـم يبـدو إذا مزجـت نجـم ولـولا شذاهـا مـا اهتديـت لحانهـا ولولا سناهـا مـا تصورهـا الوهـم ولم يبق منها الدهـر غيـر خشاشـة كأن خفاها فـي صـدور النهـى كتـم فإن ذكرت فـي الحـي أصبـح أهلـه نشـاوى ولا عـار عليهـم ولا إثـم ومن بين أحشـاء الدّنـان تصاعـدت ولم يبق منها فـي الحقيقـة إلا اسـم وإن خطرت يوماً على خاطر امـرىء أقامت بـه الأفـراح وارتحـل الهـم ولـو نظـر الندمـان ختـم إنائـهـا لأسكرهـم مـن دونهـا ذلـك الختـم ولو نضحوا منهـا ثـرى قبـر ميـت لعادت إليه الـروح وانتعـش الجسـم ولو طرحوا في فـيء حائـط كرمهـا عليـلاً وقـد أشفـى لفارقـة السقـم ولو قربوا من حانهـا مقعـداً مشـى وتنطـق مـن ذكـرى مذاقهـا البكـم ولو عبقت في الشرق أنفـاس طيبهـا وفي الغرب مزكـوم لعـاد لـه الشـم ولو خضبت من كأسها كـف لا مـس لما ضل في ليـل وفـي يـده النجـم ولو جليـت سـراً علـى أكمّـه غـدا بصيرا ومن راو دقهـا تسمـع الصـم ولو أن ركبـاً يممـوا تـرب أرضهـا وفي الركب ملسوع لما ضـره السـم ولو رسم الراقي حروف اسمها علـى جبيـن مصـاب جـنّ أبـرأه الرسـم وفوق لواء الجيش لـو رقـم اسمهـا لأسكر من تحـت اللـوا ذلـك الرقـم تهـذب أخـلاق الندامـى فيهـتـدي بها لطريق العـزم مـن لا لـه عـزم ويكرم من لـم يعـرف الجـود كفّـه ويحلم عند الغيـظ مـن لا لـه حلـم يقولون لـي صفهـا فأنـت بوصفهـا خبير أجـل عنـدي بأوصافهـا علـم صفـاء ولا مـاء ولطـف ولا هـوى ونـور ولا نــار وروح ولا جـسـم تـقـدّم كــل الكائـنـات حديثـهـا قديمـاً ولا شكـل هنـاك ولا رســم وقامـت بهـا الأشيـاء ثـم لحكمـة بها احتجبت عن كـل مـا لـه فهـم وهامت بها روحـي بحيـث تمازجـا اتحـادا ولا جــرم تــخلله جــرم فخـمـر ولا كــرم وآدم لــي أب وكـرم ولا خمـر ولــي أمـهـا أم ولطف الأوانـي فـي الحقيقـة تابـع للطف المعانـي والمعانـي بهـا تنـم وقـد وقـع التفريـق والكـل واحـد فأرواحنـا خمـر وأشباحـنـا كــرم ولا قبلهـا قبـل ولا بـعـد بعـدهـا وقبليـة الأبعـاد فهـي لـنـا حـتـم وعصر المدى من قبله كان عصرهـا وعهـداً بيّنـاً بعدهـا ولهـا اليـتـم محاسن تهـدي المادحيـن لوصفهـا فيحسن فيهـا منهـم النثـر والنظـم ويطرب من لم يدرهـا عنـد ذكرهـا كمشتـاق نعـم كلمـا ذكـرت نـعـم وقالـوا شربـت الإثـم كـلا وإنمـا شربت التي في تركهـا عنـدي الإثـم هنيئاً لأهل الديـر كـم سكـروا بهـا ومـا شربـوا منهـا ولكنهـم همّـوا وعندي منهـا نشـوة قبـل نشأتـي معـي أبـداً يتقـي وإن بلـي العظـم عليك بها صرفـاً وإن شئـت مزجهـا فعدلك عن ظلـم الحبيـب هـو الظلـم فدونكها فـي الحـان واستجلهـا بـه على نغم الألحـان فهـي بهـا عنـم فلا عيش في الدنيا لمن عاش صاحيـاً ومن لم يمت سكراً بهـا فاتـه الحـزم على نفسه فليبك مـن ضـاع عمـره وليس لـه فيهـا نصيـب ولا سهـم
مدامة ابن الفارض هي "لا إله إلا الله" من التوحيد إلى التفريد فالتجريد
Post: #279 Title: Re: لاح لي من صعيد برقاً كتم تعّالو Author: بشير الخير Date: 03-07-2007, 03:42 AM Parent: #278
الملكة بشير الذي رحبت به هو أيضا خالك
Post: #280 Title: Re: لاح لي من صعيد برقاً كتم تعّالو Author: الطيب شيقوق Date: 03-08-2007, 06:44 AM Parent: #279
البرق شلع تاني
Post: #281 Title: Re: لاح لي من صعيد برقاً كتم تعّالو Author: Rabab Elkarib Date: 03-13-2007, 02:01 AM Parent: #1
Quote: الأخت الحبيبة/ رباب خليل الكارب أتيتى الينا حاملة الزنابق والورد والرياحين أيتها القرنفلة عبق المكان برائحة البن يقلى على نار أحر من جوى العشاق تحمله نسائم دعاش أطيب من قلوب المحبين وأرق من مشاعرهم وألطف من ذوات الخدور. أتابع كل ماتكتبين عن هذه العملاقة الشاعرة / صلحة الكارب لك الشكر فلا تبخلى ومن عذب نبعك أنهلى حتى نرتوى لك حبى سمية الحسن طلحةِ
الاخت الحبيبة سمية
شكرا يا عز يزتى لهذا الاطراء
وودت رفع هذاالبوست الجميل كاصحابه ببعض اشعار صلحة
ودمتم
رباب//
أجمــل ما فيــك يا بنيـــة
يا بت حلتنــا يا ســمحــة
يا البي كلــك أنـا مفتــون وســبب الريدة يا صيــدة
Post: #282 Title: Re: لاح لي من صعيد برقاً كتم تعّالو Author: سمية الحسن طلحة Date: 03-13-2007, 00:12 AM Parent: #281
Quote: عليك بها صرفـاً وإن شئـت مزجهـا فعدلك عن ظلـم الحبيـب هـو الظلـم فدونكها فـي الحـان واستجلهـا بـه على نغم الألحـان فهـي بهـا عنـم فلا عيش في الدنيا لمن عاش صاحيـاً ومن لم يمت سكراً بهـا فاتـه الحـزم على نفسه فليبك مـن ضـاع عمـره وليس لـه فيهـا نصيـب ولا سهـم
أسعدتنا ياخال بإبن الفارض وشربنا من الدنان فما أرتوينا فزدنا عشقا أسعدك الله .
Post: #283 Title: Re: لاح لي من صعيد برقاً كتم تعّالو Author: فاروق حامد محمد Date: 03-13-2007, 00:52 AM Parent: #282
Quote: Quote: لالالالالا اها اقول ليك انا كنت بذكر ذكر مع المدحة وعندما قلب الفنان للطير المهاجر لقيت النوبيين والنوبيات عاملين صفين متقابلين ويرقصوا رقيص اهلكم الزى الذكر ده وواصلت طوالى هم عندهم حت وانا فاكرو ذكر لله .
الملكة بت طلحة سلاما جاك ..
والحمد لي الله ... كمبيوتري اتصلح وجيتكم
أشوف كضوبات ود شيقوق الفوق دي !!!!!!!!
يا حتات زي ما قال ليك أبوبكر قايل عندنا
قنبور زي قنبورك بتاع زمان داك ,,,,,
من الله ما خلقك شفت ليك (زكر) "الزال ضاربة عندي"
فيه نسوان ؟؟؟؟ وكمان تعاين للكنداكات وتقول حي قيوم !!
وانت البوديك محل الناس الراقيين دول شنو ؟
سلام حناوي !!!!!!!!
Post: #284 Title: Re: لاح لي من صعيد برقاً كتم تعّالو Author: الطيب شيقوق Date: 03-13-2007, 05:42 AM Parent: #283
Quote: الملكة بت طلحة سلاما جاك ..
والحمد لي الله ... كمبيوتري اتصلح وجيتكم
أشوف كضوبات ود شيقوق الفوق دي !!!!!!!!
يا حتات زي ما قال ليك أبوبكر قايل عندنا
قنبور زي قنبورك بتاع زمان داك ,,,,,
من الله ما خلقك شفت ليك (زكر) "الزال ضاربة عندي"
فيه نسوان ؟؟؟؟ وكمان تعاين للكنداكات وتقول حي قيوم !!
وانت البوديك محل الناس الراقيين دول شنو ؟
سلام حناوي !!!!!!!!
حاولت اعمل كوتكنج لى سطر واحد من كلامك الحلووووووو ده لكن الكوتنج الجزئي ضارب ؟؟؟ عندي برضو يا الفاروق اخوى
Post: #285 Title: Re: لاح لي من صعيد برقاً كتم تعّالو Author: على احمد النعيم Date: 03-13-2007, 06:40 AM Parent: #284
Quote: البرق شلع تاني
نعم شلع يا ود شيقوق ولكن اظنه برقا خلب وهو الذى لا يرجى مطره لاننا كنا منتظرين الرى منك ومن بت طلحة التى غابت عن ساحتنا "ود الشلهمة" و "ودلويا كابس العتبة وختا النشال" ومن هنا اقول يا بت طلحة وينك ويا النقاط الشارحة غامض المعانى الغايسة وينك.
Post: #286 Title: Re: لاح لي من صعيد برقاً كتم تعّالو Author: فاروق حامد محمد Date: 03-13-2007, 08:37 AM Parent: #285
Quote: حاولت اعمل كوتكنج لى سطر واحد من كلامك الحلووووووو ده لكن الكوتنج الجزئي ضارب ؟؟؟ عندي برضو يا الفاروق اخوى
لا حول ولا قوة إلا بالله !!!!!!
كل الحاجات ضاربة عندك ........!!!!
Post: #287 Title: Re: لاح لي من صعيد برقاً كتم تعّالو Author: الطيب شيقوق Date: 03-13-2007, 12:31 PM Parent: #286
Quote: لا حول ولا قوة إلا بالله !!!!!!
الفاروق
محمد رسول الله ورسالتك وصلت طاااااااااااب الله يكفينا شرك .
انا حاسي اى حد يعمل بوست انت بتتداخل فيهو ظاهرا وباطنا ولا يستطيع سبر اغوار هذا الباطن الا الله ومن اختصهم بفضله ونتضرع الى المولى عز وجل ان نكون من هولاء .
نناشدكم لتزويدنا بمزيد من الشفافية والافصاح حتى لا يضل الاخرون من متابعة خارطة الطريق التي اختارها البوستجيون .
لك عميق ودييييييييييي
Post: #288 Title: Re: لاح لي من صعيد برقاً كتم تعّالو Author: سمية الحسن طلحة Date: 03-13-2007, 06:12 PM Parent: #281
وفــي مغزى الكــلام تلميــح
لــروح آمالــنا الوافيــة
ونيــة أُمــنا الصـــافية
والجغرافيــة والعــافية
وفـــي لحـــن الكـــلام قافيــة
كلام جميل يارباب الكارب ياجميلة ياأصيلة أنا غصبا عنى الغيبة الطويلة ورجعت لقبتكم قاطفين الورود الجاية من أجمل خميلة نسعد د وما بتنسم عبق صلحة الكارب الذى تحملينه إلى دارنا. كل الود
Post: #289 Title: Re: لاح لي من صعيد برقاً كتم تعّالو Author: سمية الحسن طلحة Date: 03-13-2007, 06:24 PM Parent: #288
Quote: الملكة بت طلحة سلاما جاك ..
والحمد لي الله ... كمبيوتري اتصلح وجيتكم
أشوف كضوبات ود شيقوق الفوق دي !!!!!!!!
حباب فاروق النار أنا كنت مستاءة من الكمبيوتر لكن مادام انت كمبيوترك خربان فلا أسفا علينا نحن ود شيقوق دا كضبو ما بتحدد وكان باريتو بودرك ساكت دحين فك دربو... وأكان درت لك فزع ما بفزعك يسوى أضان الحامل طرشا... برى لمست منو الوطا. دمت معافى ياالنار .
Post: #290 Title: Re: لاح لي من صعيد برقاً كتم تعّالو Author: سمية الحسن طلحة Date: 03-13-2007, 06:43 PM Parent: #288
ود النعيم كان برقنا ما جاب هاك برق الصالحين الماخاب :ـ
برق الحجاز نبل فى قلبى النار هبل أنا مغرم نور القبل وحرمنى النوم قبل الشيخ حياتى
Post: #291 Title: Re: لاح لي من صعيد برقاً كتم تعّالو Author: سمية الحسن طلحة Date: 03-13-2007, 06:47 PM Parent: #290
البريق ناجانى فى السحر بنسيمو هيج الأشجان عددت حالى مانى فى الأحيا ولست ميتا فان
الشيخ الحسن محمد طلحة
Post: #292 Title: Re: لاح لي من صعيد برقاً كتم تعّالو Author: nourelhadi awad Date: 03-13-2007, 11:02 PM Parent: #1
البريق ناجانى فى السحر بنسيمو هيج الأشجان عددت حالى مانى فى الأحيا ولست ميتا فان
الشيخ الحسن محمد طلحة
وهكذا تبدى لي لون حرفه فمن ذات الإخضرار سر إخضرارك
هي النعمة.. هنياك
فمن النبع يولد النهر فيابخت حقولنا بنهرك الطمي مودتي
Post: #293 Title: Re: لاح لي من صعيد برقاً كتم تعّالو Author: nourelhadi awad Date: 03-13-2007, 11:06 PM Parent: #1
البريق ناجانى فى السحر بنسيمو هيج الأشجان عددت حالى مانى فى الأحيا ولست ميتا فان
الشيخ الحسن محمد طلحة
وهكذا تبدى لي لون حرفه فمن ذات الإخضرار سر إخضرارك
هي النعمة.. هنياك
فمن النبع يولد النهر فيابخت حقولنا بنهرك الطمي مودتي
Post: #294 Title: Re: لاح لي من صعيد برقاً كتم تعّالو Author: nourelhadi awad Date: 03-13-2007, 11:08 PM Parent: #1
البريق ناجانى فى السحر بنسيمو هيج الأشجان عددت حالى مانى فى الأحيا ولست ميتا فان
الشيخ الحسن محمد طلحة
وهكذا تبدى لي لون حرفه فمن ذات الإخضرار سر إخضرارك
هي النعمة.. هنياك
فمن النبع يولد النهر فيابخت حقولنا بنهرك الطمي مودتي
Post: #295 Title: Re: لاح لي من صعيد برقاً كتم تعّالو Author: سمية الحسن طلحة Date: 03-14-2007, 12:21 PM Parent: #294
Quote: وهكذا تبدى لي لون حرفه
من البرق لاح لى نور أسهرنى لوقت السحور ياهادى أهدينى نور أنا قصدى للهادى أزور
نور الهادى دمت نورا هاديا مهتد مخضرا يفيض فى كل الفصول بحق الصلاة على سيدى الرسول .
Post: #299 Title: Re: لاح لي من صعيد برقاً كتم تعّالو Author: سمية الحسن طلحة Date: 04-05-2007, 07:15 AM Parent: #295
Post: #306 Title: Re: لاح لي من صعيد برقاً كتم تعّالو Author: Ahmed Yousif Abu Harira Date: 04-05-2007, 10:46 AM Parent: #304
Quote: جابولها المسبلق حبرو فوق لفاتو
Quote: بت طلحة دى حيرتني اشرحوها لي - المسبلق ده شنو ؟
وأنا كذلك يا شيقوق..
لكن ننتظر الملكة إذا عندها تفسير ... وإلى ذلك الحين نجتهد...
أنا بقول ربما يكون الشاعر قاصد توب الزراق (بفتح الزاي والراء للنهاية)
السبب في هذا الاجتهاد هو الحبر (ولونه أزرق) واللفات...طيات التوب.. وهنالك توب اسمو توب الزراق (للأقدمين فقط)
أقول ما تقرأون والله أعلم
Post: #307 Title: Re: لاح لي من صعيد برقاً كتم تعّالو Author: على احمد النعيم Date: 04-05-2007, 11:15 AM Parent: #306
Quote: أنا بقول ربما يكون الشاعر قاصد توب الزراق (بفتح الزاي والراء للنهاية)
يا احمد آزول مالك داير تلخبط علينا ود شيقوق تانى بالزراق وما الزراق. وانا رغم ان العبارة فاتت على راسى ايضا لكن اظن ان شرحك اقرب الى المعنى. المهم نربع ايدينا ونرجى الملكة.
Post: #308 Title: Re: لاح لي من صعيد برقاً كتم تعّالو Author: abubakr Date: 04-05-2007, 11:28 AM Parent: #1
الاولي : دحين ععرفتو ليه هي الملكة انتو التلات ودشيقوق الحتات وشيخ العرب وودالنعيم لسه بدري عليكم تتعلمو عربي زي بالضبط !
الثانية : انا من عصر التكنولوجيا ايها العرريب ودشيقوق والنت اداة من الادوات الكثيرة التي حولي في المكتب والبيت والشارع والسيارة فلذا مش عايز مكان محدد ووقت محدد وادوات ثابتة للابحار في النت .. يا متخلف تكنولوجيا وبرضو الطيش ؟
Post: #309 Title: Re: لاح لي من صعيد برقاً كتم تعّالو Author: عفاف أبو حريرة Date: 04-05-2007, 06:44 PM Parent: #308
Quote: ما أسعدنى بأخوالى بيهم تتباهى أحوالى والناس يتمنوا لفالى
بت طلحه يا الديمه سمحه خصالك ولي الضيفان يوت متلعبه نارك حقك تتباهي بيه ويستاهل خالك ياربي مانتحرم من لمتكم الحلوه وحشتونا وحشتونا شديد وكل سنه وانتم طيبين بمولد الهادي الامئن ام احمد
Post: #315 Title: Re: لاح لي من صعيد برقاً كتم تعّالو Author: سمية الحسن طلحة Date: 04-06-2007, 09:26 AM Parent: #309
أم أحمد منورة يابت ملوك النيل كل عام وأنتم بخير
Post: #310 Title: Re: لاح لي من صعيد برقاً كتم تعّالو Author: abubakr Date: 04-05-2007, 07:04 PM Parent: #1
Quote: وحشتونا وحشتونا شديد وكل سنه وانتم طيبين
وانتو كمان
Post: #311 Title: Re: لاح لي من صعيد برقاً كتم تعّالو Author: nourelhadi awad Date: 04-05-2007, 11:32 PM Parent: #1
سلام أهلي
Post: #312 Title: Re: لاح لي من صعيد برقاً كتم تعّالو Author: سمية الحسن طلحة Date: 04-06-2007, 09:01 AM Parent: #311
أبوبكر لقيت إيدك فى الجماعة ديل وحمدت سيدك ود النعيم أنا ماممكن أصدق إنو سيد الدلو ما بعرف ( المسبلق حبرو فوق لفاتو ! ) ود شيقوق حكايتك حكاية مع الزراق دا... بتفتح لنا أبوابا !!! ربنا يلادى محنك أحمد شيخ العرب ود ملوك الشرق يا المنك الناس فرق (الشرق شرق النيل يا أبوبكر ) ليس من قرأ كمن سمع ,,, أنا سمعت الكلام دا من خشم سيدو ولذلك الشروح أتفرقن
ومعنى جابولها المسبلق حبرو فوق لفات / تو :ــ المسبلق : الدافق و السايل / من سبلوقة / وما أظن السبلوقة بتغباك ياشيخ الطيب حبرو : ياهو الزراق ذاااتو بفتح غير منضم لفاتو : بتشديد الفاء والتاء هى الرقبة التى يلتفت بها البعير ( ومعقول يا أب ححريرة اللينة يجيبو ليها توب زراق ! ؟ دى البكرة شوية عليها ) وياود النعيم جابولها الدلو الكابس العتبة وختا النشال ومسبلق حبرو فوق لفاتو . ودمتم تامين الفهم .
Post: #313 Title: Re: لاح لي من صعيد برقاً كتم تعّالو Author: الطيب شيقوق Date: 04-06-2007, 09:24 AM Parent: #312
Quote: المسبلق : الدافق و السايل / من سبلوقة / وما أظن السبلوقة بتغباك ياشيخ الطيب
والله عظيمة يا بت طلحة
بس الرطانة ما عندهم مطر عشان كده ما بيعرف السبلوكة ولا بيعرف مسح البيوت بالذبالة وقت الرشاشية ولا بيعرف يمد يدو للريكة فوق ينزل منها تيراب العشريف والعنكوليب والتبش بعد احت منها الغبار ولا بيعرف يعزل الحمار السخي للسدرة وقتين يجيبوها الحلب رقل رقل الرشاشية . ولا حتى بيعرف يطلع شوال البصل يعزل غرفه منو ويخزنه للخريف بعد يشتت فيهو القرض من الضياع .
ولا بيعرف السمبيرية وام بيوض وقت تجي حايمة الايام دى وتبني عشها في الهجليج والميم . ولا بيعرف الحويسد وقت نسامو يهب من الصعيد .
خليهو في عماهو الله يغطسو .
Post: #314 Title: Re: لاح لي من صعيد برقاً كتم تعّالو Author: الطيب شيقوق Date: 04-06-2007, 09:26 AM Parent: #312
Quote: المسبلق : الدافق و السايل / من سبلوقة / وما أظن السبلوقة بتغباك ياشيخ الطيب
والله عظيمة يا بت طلحة
بس الرطانة ما عندهم مطر عشان كده ما بيعرف السبلوكة ولا بيعرف مسح البيوت بالذبالة وقت الرشاشية ولا بيعرف يمد يدو للريكة فووووق ينزل منها تيراب العشريف والعنكوليب والتبش بعد يحت منها الغبار والسكن ولا بيعرف يعزل الحمار السخي للسدرة وقتين يجيبوها الحلب رقل رقل الرشاشية . ولا حتى بيعرف يطلع شوال البصل يعزل غرفه منو ويخزنه للخريف بعد يشتت فيهو القرض من الضياع .
ولا بيعرف السمبيرية وام بيوض وقت تجي حايمة الايام دى وتبني عشها في الهجليج والميم . ولا بيعرف الحويسد وقت نسامو يهب من الصعيد .
خليهو في عماهو الله يغطسو الرضاني المضر .
Post: #317 Title: Re: لاح لي من صعيد برقاً كتم تعّالو Author: سمية الحسن طلحة Date: 04-06-2007, 09:42 AM Parent: #314
Quote: ودشيقوق الحتات وشيخ العرب وودالنعيم لسه بدري عليكم تتعلمو عربي زي بالضبط !
ولأبى بكر عليكم درجة .
Quote: خليهو في عماهو الله يغطسو الرطاني المضر .
لا بعد دا مابصح ليك ياشيقوق تقول كده ...
Post: #316 Title: Re: لاح لي من صعيد برقاً كتم تعّالو Author: سمية الحسن طلحة Date: 04-06-2007, 09:35 AM Parent: #311
Quote: سلام أهلي
حباب أهلى أهل نفلى البعرفوا أصلى .
Post: #318 Title: Re: لاح لي من صعيد برقاً كتم تعّالو Author: خالد علي محجوب المنسي Date: 04-08-2007, 04:10 PM Parent: #316
Quote: حباب أهلى أهل نفلى البعرفوا أصلى
العزيزة الفاضلة سمية الحسن بت طلحة
الما بعِرف أصلّك بلقاهو في غُناكي مآصل إرثاً قديم دهباً مجمّر وفوق الرُقاب عنتل نفلك ديمه عامر يا بت الرُجال المُهل سيري في أمان الله الكريم يغطيك كافل الهُمّل
خالد محجوب
Post: #319 Title: Re: لاح لي من صعيد برقاً كتم تعّالو Author: سمية الحسن طلحة Date: 04-08-2007, 06:06 PM Parent: #318
خالد على محجوب المنسى مرحبا بك وشرفت بك الدار ياالمأصل وعارف الأصل
Post: #324 Title: Re: لاح لي من صعيد برقاً كتم تعّالو Author: Ahmed Yousif Abu Harira Date: 04-09-2007, 07:11 AM Parent: #323
Quote: أحمد شيخ العرب ود ملوك الشرق يا المنك الناس فرق (الشرق شرق النيل يا أبوبكر ) ليس من قرأ كمن سمع ,,, أنا سمعت الكلام دا من خشم سيدو ولذلك الشروح أتفرقن
سلوووووووووم
كيفنكم..
أنا يا اخوانا كنت تايه تكنولوجيا...ومقطوع لي تلاته يوم من فرط جهلي..
شرحك يا ملكة هو الشرح الصحيح دون مثقال ذرة من شك...ولم يكن غائبا عنا بدليل توافقه مع المعنى الذي اسشتكل على حبيبنا الطيب في بوست الدلو..وكلامي الأولاني أجتهاد مقصود بالاتفاق مع صديقي ودالنعيم للإيقاع بشيخنا الطيب..فاخترعنا قصة توب الزراق لتوافقه مع المفردة طيبة الذكر لكن نقول شنو عاد
شرك وانهبر
---- ليس لهذا الكلام اي علاقة بشيطنة ناس قيلي
Post: #325 Title: Re: لاح لي من صعيد برقاً كتم تعّالو Author: على احمد النعيم Date: 04-09-2007, 08:24 AM Parent: #324
Quote: أنا ماممكن أصدق إنو سيد الدلو ما بعرف ( المسبلق حبرو فوق لفاتو ! )
يا بت طلحة لك العتبى حتى ترضى ، ولكن صدقينى هذه من محن الاخ ابو حريره ومكائده وهو الذى اوقعنى واوقع نفسه فى هذا الفخ والذى كان القصد منه هو الفرق بين فتح الزاى او ضمها. وصدق ابو حريره انك هبرتى شركنا يا بت الملوك، ولله در من قال : على نفسها جنت براقش. ومع ذلك فان شرحك قد وضح الكثير وبالذات كلمة المسبلق . ولكن لفاتو او طبق فقرتو وحبرو او ذلك العرق الداكن الذى يشبه القطران كلها مفهومه ، والسبلوقة او كما نسميها عندنا فى السافل بالدروة ايضا مفهومة. وان شاء الله اهل الميز ما يروحو.
اطنان من التحايا ، ولك العتبى مرة ثانية لاننا كنا ونحن نختلق هذه المزحة "كالثور فى مستودع الخزف"
Post: #326 Title: Re: لاح لي من صعيد برقاً كتم تعّالو Author: سمية الحسن طلحة Date: 04-09-2007, 08:25 AM Parent: #324
ها ناس سلام عليكن بت الشيخ تفتكري ود شيقوق وشيخ العرب فهموا "جابولها المسبلق حبره فوق لفاتو" بعد شرحك دا؟؟ ما أظن.. الكلام دا ما بفهموه إلا ناس البطانة الأصليين..نا س ود ساقرته و ود شمعون و ود جودات وصنقر.. ما نا س الدندر .. ناس الدندر ديل ما نا س صعيد ساكت.. سمعتوا بقصة شيوعيين الصعيد؟؟ بحكيها لي قدام أما ناس المايقوما والحاج يوسف ديل فعهدهم بي البطانة والإبل بعيد.. أظن بسمعوا بيها ساكت، ولا لمن إمشوا زيارات لي أبو دليق مرة مرة.. والسؤال مرة أخرى للأخوان: ما هو المسبلق حبرو فوق لفاتو؟؟ حبرو يعني شنو؟ حبر المدرسة العديل دا ولا حبرا تاني؟؟ وما مغزى أن يكون حبرو مسبلق فوق لفاته؟؟ وليه جابوهو للينة الملكت جنان الشاعر وجعلته يتركه عبادته؟ أ - عشان تلبسو وترقص بيهو.D ب - عشان الدلو ما يقع في البير ويطرشق ج - عشان السبلوقة بتنزل موية المطرة الشديدة الجاية دي فوق لفات رقبة الجمل المربوط جنب الحيطة د - None of the above
كلام الغناي دا واضح يمكن استقراء البيت الرابع للزول البفهم التلاتة الأوائل.. وكدي النشوف ود شيقوق وشيخ العرب فهموا شنو من شرحك.. وأرجو أن يردوا على الأسئلة المطروحة أعلاه.. [/quot]
Post: #328 Title: Re: لاح لي من صعيد برقاً كتم تعّالو Author: على احمد النعيم Date: 04-09-2007, 09:40 AM Parent: #327
Quote: وليه جابوهو للينة الملكت جنان الشاعر وجعلته يتركه عبادته؟
بكار سلامات المعنى الذى سألت عنه واضح وهو الرحيل الذى افقد الشاعر عقله، اما سمعت اخ بكار: يا ست ريدى بى شورة الرحيل مين شارك انا جيت عاقبك لقيت محلب يمن فى ديارك قلت لى نفسى ابكى دحين وشمشى طارك كم كم عندها اب كوعا مفاسح بارك
وبعدين حبرو واضحة وضوح الشمس ، وللمزيد اطلع فوق بتلقى المعنى، واظنك بتعرف السبلوقة والدروة مو كدى؟
تحياتى.
Post: #329 Title: Re: لاح لي من صعيد برقاً كتم تعّالو Author: Ahmed Yousif Abu Harira Date: 04-09-2007, 10:07 AM Parent: #328
الشيخ/بكار
المعنى الوارد في البيت الجميل ده تعرضنا له هنا:
دلوا كابس العتبة وختا النشال وشرِحْنا المكعوج الفوق داك كان فوق رأي...وبالمناسبة المعنى واضح جدا...أيوا صاح ناس مدينة وكده والحاجات دي ما بنشوفها كتير لكن أهو بنتونس
والقصه ومافيها في البيت الأخير فوق جمل كبير ومانع (جمل شيل يختو فوقو "حور" هذه الجميله لينقلها من مكان إلى مكان) زي جملك أب دومات القايدو الزول دا (في صورة بروفايلك دي)...
نحن دي مرقنا منها ، الله لي شيخ الطيب
Post: #330 Title: Re: لاح لي من صعيد برقاً كتم تعّالو Author: الطيب شيقوق Date: 04-09-2007, 10:56 AM Parent: #329
Quote: None of the above
ود بكار ها زول كيفنك الشي تمرقنا ناس صعيد سااااااااى ات قايل الصعيد فيهو شنو غير الابل ات ما سمعت ببقر كنانة وما سمعت بابل وتيش ولا سمعت بضان ود ديان ولا خروف ناس ام عروزة المدوعل .
ات عارف الشاعر ده مو هيّن يمكن يقصد بالمسبلق في لفاتو هو الخاتم البسوهو بالدواية جوة الفرخة ( ورقة A 4 ) ويلفوها ويربطوها حجاب من العين والله اعلم .
والمسبلق زى ما حكت بت طلحة جاية من السبلوقه بتاعة البيت من المطر .
Post: #331 Title: Re: لاح لي من صعيد برقاً كتم تعّالو Author: سمية الحسن طلحة Date: 04-09-2007, 02:50 PM Parent: #330
الخال بشير ودبكار حمد الله على السلامة وجيدن جيت وشفناك طيب والله تستاهل المسبلق حبرو دا يضبحوا ليك كرامة ونخت عطفة اللينة غادى ندليها أنا غايتو دخلت ومرقت أضحك مبسوطة بى جيتك أول تبادى وبى كلامن دا... أها رأيك شنو ؟ غايتو أحمد دا شيطنة ناس قيلى براها كاتلاهو ياود النعيم الزول دا بودرك ... أما شيخ الدندر دا غلبتنا فيهو حيلة لاعرفناهو درويش لاعرفناهو أفندى غلبنا نمشهدو... بس عليك النبى تانى ماتسوى فينا كدى وتنقطع مننا .
Post: #332 Title: Re: لاح لي من صعيد برقاً كتم تعّالو Author: abubakr Date: 04-09-2007, 03:40 PM Parent: #1
انا بس جيت اتاووق .. اشوف العرريب كان جاكم بشان اوقفو برة الباب اصلو ما بفهم متل نضمك دة الا انا الرطان فهمت الكلام دة:
Quote: أما شيخ الدندر دا غلبتنا فيهو حيلة لاعرفناهو درويش لاعرفناهو أفندى غلبنا نمشهدو... بس عليك النبى
ما هو يعني خاتف لونيين ( ما شفتو بدلتو لونا كيف والكرفته كيف ؟؟ ) ..اها اللبس يا بتاع ودالمحرب يا بلاش مش واحد لابس بدلة كبدي ويقول انو شيخ عرب ( زي برامج الكمبيوتر المغشوشة )
Post: #333 Title: Re: لاح لي من صعيد برقاً كتم تعّالو Author: خالد علي محجوب المنسي Date: 04-09-2007, 05:26 PM Parent: #332
Post: #334 Title: Re: لاح لي من صعيد برقاً كتم تعّالو Author: عفاف أبو حريرة Date: 04-09-2007, 05:41 PM Parent: #333
Post: #336 Title: Re: لاح لي من صعيد برقاً كتم تعّالو Author: هاشم أحمد خلف الله Date: 04-09-2007, 06:33 PM Parent: #334
أختي العزيزة صاحبة الحوش ( سمية الطلحة ) أنا غايتو جيت أسجل حضور عندكم وأطالب بعضوية
وأنا زول خرطوم وكنت شغال في فندق الهيلتون الخرطوم والحين في وزارة الخارجية السعودية
يعني بالعربي كده ود بندر , لكن قليبي رهيف والكلمة السمحة بتعجبني بإي طريقة تلفظ وتتقال
أها قولك شنو يا سمية أختي ؟؟ وبعدين مستجد في الشعر يعني أكان دخلت معاكم مرة مرة القو
لي العذر ومعليش زمني ما ملكي ..... أها فوتكم بعافية المطر .
Post: #337 Title: Re: لاح لي من صعيد برقاً كتم تعّالو Author: سمية الحسن طلحة Date: 04-09-2007, 06:48 PM Parent: #334
عفاف ياأم أحمد حمدالله على سلامة وصول أحمد ليكم غمرتونا بالحب والحنان والقلوب العامرة بالطيبة دى والغنوة دى هدية لخالد أخوك وأخوى ومشكور على الهدية ربنا يجزيه عنا ألف خير ويخلف عليه بالبركة فى المال والولد ويديكم الصحة والعافية
Post: #335 Title: Re: لاح لي من صعيد برقاً كتم تعّالو Author: سمية الحسن طلحة Date: 04-09-2007, 06:24 PM Parent: #332
Quote: ما هو يعني خاتف لونيين
والله ياأبوبكر جيت تحاكى بدعت وشككتنا فى رقبتنا هو أنت الناطق بها ؟ ولا نحن الناطقين بغيرها ؟ خاتف لونين دى مافى زول سبقك عليها وفعلا هو كذلك... خاتف كل شىء.
Post: #338 Title: Re: لاح لي من صعيد برقاً كتم تعّالو Author: سمية الحسن طلحة Date: 04-09-2007, 07:30 PM Parent: #335
Quote: أختي العزيزة صاحبة الحوش ( سمية الطلحة ) أنا غايتو جيت أسجل حضور عندكم وأطالب بعضوية
وأنا زول خرطوم وكنت شغال في فندق الهيلتون الخرطوم والحين في وزارة الخارجية السعودية
يعني بالعربي كده ود بندر , لكن قليبي رهيف والكلمة السمحة بتعجبني بإي طريقة تلفظ وتتقال
أها قولك شنو يا سمية أختي ؟؟ وبعدين مستجد في الشعر يعني أكان دخلت معاكم مرة مرة القو
لي العذر ومعليش زمني ما ملكي ..... أها فوتكم بعافية المطر
هاشم أحمد خلف الله لاتنكر الضوء إلا العيون الرمداء ولاتنكر ضوع الطيب إلا انوف زكماء ولاشدو البلابل إلا آذان صماء كلماتك سيل أخذت جبال كلمى أمامها كالعهن المنفوش لانملك إلا الإنحاء أمام موكبك المهيب الذى شرفت دارنا بمروره فكل كلمات الترحيب قلائل فى حقك.... أتابع كل كتاباتك تقريبا ومداخلاتك الشعرية مع أساطين هذا المنبر فأنت هنا مقدم ونحن نسير خلفك.... أتابع تسلط الزوجات يوميا وقد كشف لى إننى زوجة ( مسكينة ورخمة فى طينة ) وبالنسبة للقريتو فى بوستك ( أنا مظلومة ظلم الحسن والحسين ) وزوجى وأولادى قالوا لى البوست دا بغيرك علينا.... هنيئاً لنا بهذا الوصل الذى نرجو منه الكثير ونظل دوماً نترقبك .
Post: #339 Title: Re: لاح لي من صعيد برقاً كتم تعّالو Author: الطيب شيقوق Date: 04-09-2007, 07:41 PM Parent: #332
Quote: ما هو يعني خاتف لونيين ( ما شفتو بدلتو لونا كيف والكرفته كيف ؟؟ ) ..اها اللبس يا بتاع ودالمحرب يا بلاش مش واحد لابس بدلة كبدي ويقول انو شيخ عرب ( زي برامج الكمبيوتر المغشوشة )
الله يمسخك الرطاني الممسوخ كتلتني بضحكة
انت عارف انا اتشالقت للعمل العام وبقى يومي كلو جري بين الفنادق والمقابر كمان في ناس فايقين الواحد بعد تكرمه يخت رجل في رجل ويملص العمة والشال يختها في الكرسي التاني راجيك تونسو . في واحد الليلة عمل لى كده ملص العمة والشال وختاهن في الكرسي وحك راسو عايز ود شيقوق يونسو بعمان وتارخ عمان وشعب عمان . انا خلاص روحي دايرة تمرق لانو بالي معاك في المنبر وبقول براى مع نفسي الليلة الرطاني يلقى الدار مطلوقة وببشتن حالي وحرم ياها بقت طلعتني خاطف لونين عديل .
لكن تاني لومك على اشوف لي وليد شافع امسكو الشغلانية بتاعة الضيوف عشان اقابلك بس .
Post: #340 Title: Re: لاح لي من صعيد برقاً كتم تعّالو Author: abubakr Date: 04-09-2007, 07:44 PM Parent: #1
Post: #344 Title: Re: لاح لي من صعيد برقاً كتم تعّالو Author: abubakr Date: 04-11-2007, 04:35 PM Parent: #1
Quote: أبوبكر أنت وين ؟ ما يكون ختفك واحد من الخاتفين ديل !؟ دا يكون خاتف كنزين...
ما العرريب بتاع المعلاقات العامة مسطح في المطار .. اها من يوم ما ادو شغلة المعلاقات العامة وهو في الدرب بين المطار والنادي لحد ما رجلينو حفيت وليهو يوميين مسطح في المطار قال احسن يرحل وينوم في الباركنق في عربيتو اها المشوار يكون مطار الي النادي وبالعكس .. هو كان قايل شغلانة الانتخابات بتجيب ليهو حتاتين زيو ما جابت ليهو غير مرضانيين بيدورو العلاج وناس دايريين شغل وناس دايراهو يوديها امريكا وناس دايراهو يرسل شيلة وخلك من ناس العربات والاسبيرات والموبايلات شي ايركسون سوني وشي موتو وشي نوكيا ...اها هو معلق وانا منتظرو
Post: #345 Title: Re: لاح لي من صعيد برقاً كتم تعّالو Author: nourelhadi awad Date: 04-11-2007, 04:35 PM Parent: #1
Post: #350 Title: Re: لاح لي من صعيد برقاً كتم تعّالو Author: abubakr Date: 04-12-2007, 09:25 AM Parent: #1
Quote: أبوبكر زولك آخر منجهة وإجتماعات مستلم النادى على حسابو
اها عندك رقم هاتف سكرتيرتو او مدير مكتبو ؟؟ دنيا
Post: #351 Title: Re: لاح لي من صعيد برقاً كتم تعّالو Author: الطيب شيقوق Date: 04-12-2007, 09:33 AM Parent: #350
Quote: اها عندك رقم هاتف سكرتيرتو او مدير مكتبو ؟؟ دنيا
ابو بكر كيفنك ومشتاق ليك بالحيل
زمان عملت لى مشروع زراعي وزرعت السمسم وكان يشرف عليهو اخواني وبعد السمسم قام بقى قريب مرحلة الحصاد الاولاد قالوا لى تعال شوف مشروع ناجح كيف . ركبت العربية وشلت معاى معلبات للخلاء وهم يعاينو ويضحكوا في الافندى ابو معلبات .
عندما لقيت المشوع في مساحة الف فدان ناجح جسمى بقى خفيف غلبني الصبر وبقيت طوييييييل من الطغية . بديت افكر في الناس العندهم مليارات ديل كيف هم صابرون على النعمة العندهم . بالمناسبة تحمل النعمة صعب جدا .
كذلك امبارح حسيت بالسلطة وجيت شايف ليك الجماعة صغار واستغربت في الرؤساء بتاعين الدول كيف متحملين السطة .
دنياااااااااااااااا
Post: #352 Title: Re: لاح لي من صعيد برقاً كتم تعّالو Author: على احمد النعيم Date: 04-12-2007, 09:54 AM Parent: #351
Quote: كذلك امبارح حسيت بالسلطة وجيت شايف ليك الجماعة صغار واستغربت في الرؤساء بتاعين الدول كيف متحملين السطة .
الاخ ودشيقوق سلامات اباركلك الفوز للمرة الثانية، بس عايز اوصيك اعمل حسابك الرطانى ما يشمت فيك لانو بتكبرك دا برفدوك من منصبك.
Post: #353 Title: Re: لاح لي من صعيد برقاً كتم تعّالو Author: الطيب شيقوق Date: 04-12-2007, 10:03 AM Parent: #352
Quote: لانو بتكبرك دا برفدوك من منصبك.
ود النعيم اهلك ناس الغرب بيقولوا سلطة ضحوية ولا مال دهر . كدى خلونى اتجوجا بيها الاسبوع ده بعد داك انشاء الله يدوها ناس الجمري وجمال عمر ( ديل اولاد حناكيش بكونوا في النادى كل يوم وما بقعدوا معانا نحن الكبار )
Post: #354 Title: Re: لاح لي من صعيد برقاً كتم تعّالو Author: abubakr Date: 04-12-2007, 10:11 AM Parent: #1
Quote: كذلك امبارح حسيت بالسلطة وجيت شايف ليك الجماعة صغار واستغربت في الرؤساء بتاعين الدول كيف متحملين السطة .
بس خليك مستغرب كدة .. الحمدلله ما شغلوك اهلك زمان في الهجانة والا المشاة والا المدرعات ...بعدين اسمع كلام العرريب ودالنعيم بشان ما تلقي الحناكيش عاملنك دافوري
Post: #355 Title: Re: لاح لي من صعيد برقاً كتم تعّالو Author: الطيب شيقوق Date: 04-12-2007, 11:37 AM Parent: #354
Quote: تلقي الحناكيش عاملنك دافوري
دافورى شنو يا ابوى هو تاني النادي بيفضل فيهو حنكوش ؟ تاني الانشطة كلها في النادى تبقى دلوكة وعرضة وسوط .
Post: #356 Title: Re: لاح لي من صعيد برقاً كتم تعّالو Author: سمية الحسن طلحة Date: 04-12-2007, 11:47 AM Parent: #355
هذه المشاركة من الأخ إسحاق بلةالأمين نزلت ف يالصفحة الثانية نقلتها لكم شكرا الأخ إسحاق بلة على هذه المشاركة الرائعة..
وكان خالي الفاضل ود فضل الله راجل ضوء قبيلة، كريم وسخي وحنين وفارساً شجاع ما بنغلب ، ومن يوم مات عشعش في قلوبنا الحزن "وتب تاني ما فارقه" وفوق خالي أنا غنيت وهاكم أول وتاني بيت:
جدعت من المكحولّه برقاً والرمش صبح متفارّق نحسب في النجوم من بدري لا وكت الصبح مايسْارّق إن لفضت ينقط شهد منو سمح الحديث زي البرق فالق فرقنا من البلد طشينا نجمع يا ربي قبُل مانفارق
Post: #359 Title: Re: لاح لي من صعيد برقاً كتم تعّالو Author: سمية الحسن طلحة Date: 04-13-2007, 07:32 AM Parent: #358
Quote: جدعت من المكحولّه برقاً والرمش صبح متفارّق نحسب في النجوم من بدري لا وكت الصبح مايسْارّق إن لفضت ينقط شهد منو سمح الحديث زي البرق فالق فرقنا من البلد طشينا نجمع يا ربي قبُل مانفارق
نفض المزرة واصبح رد حفيرن سايل عقب الليلة فوق ودالأغيبش شايل أنا ياداري لايبقابي فرقاً طايل أصلي بريدن والريد فوق جبينن خايل
على ود نايل
فرقنا من البلد طشينا نجمع يا ربي قبُل مانفارق
آمين
أنا ياداري لايبقابي فرقاً طايل
آميين ربنا يسمع منكم ويلم شمل كل شتيتين .
Post: #360 Title: Re: لاح لي من صعيد برقاً كتم تعّالو Author: خالد علي محجوب المنسي Date: 04-13-2007, 10:10 PM Parent: #359
عرّج يا النسيم وجيب من العزاز أخبار وصل سلامنا لناساً بنهواهم وفي قلوبنا كُبار أم حجلاً مثبت صم تقدح في القلوب النار تلوي قلوبنا لي زي فعل الجدي البحتار
Post: #362 Title: Re: لاح لي من صعيد برقاً كتم تعّالو Author: b_bakkar Date: 04-14-2007, 00:37 AM Parent: #360
عودا على بدء
قال أخونا الباشمهندس أبوبكر:
Quote: اها جيت تساعد ود عمك الحتات بقيت زيو حتات ... اها لغوة البنادر الاتعلمتوها في المدارس شنو ؟؟؟ اها في نوبي هنا ( يعني فيهو التلات سوا حلفاوي ومحسي ودنقلاوي) وما عندنا مدارس بالرطانة اصلا بشان لغوتنا تتبدل ؟ ولغوة شنو البتبدلا المدارس ؟ ات وبن عمك عراريب قشرة ؟ اها ودالمحرب وقوم ابوحريرة وطلحة دييل ما دخلو مدارس في البندر بشان يتكلمو بلغوة اهلها ؟؟؟ اخير ليك خلك من ودعمك الخربتو البنادر والمقاه الامهرية وحت الليالي ونومة التسطيح وارجع قواعدك هناك في البادية وخلك مني الرطان لانك ما بتقدر علي رطانتي ..؟ الحق ودعمك اليويو دة ...
يا اخوانا أنا عايز اصاحب الرطاني دا.. واشغالو شوية.. ما بعرفو ساكي العرب ديل مالو.. لازم يكون اتربى في حلفا الجديدة.. زي أصحابنا عمر دهب ونور الدين منان وحيدر بدوي .. وآخرين كثر.. يا باشمنهدس ما أظنك فهمتي* قصدي، دحين النشرحو ليك: أنا بقول نحن لما دخلنا المدارس والمدن أو القرى المتمدنة نوعا ما، مثل الطنضب بشرق الجزيرة، خلينا كلام العرب الفيهو فصاحة وتشديد شديد على مخارج الحروب والكلمات "very strongly articulated" زي الرصاص.. وبصوت عالي.. لأنو الناس دايما بتكلموا وبينهم مسافات سواء كان في الخلا مع الزراعة والبهايم، أو قاعدين في السهلة قدام البيوت والفضاء واسع والهواء طالق .. ناس الجزيرة كانوا بقولوا لشرق الجزيرة "شرق الله أب هوايا"هواين" بارد).. ومن بعض سمات كلام بدو البطانة إظهار الحروف القمرية، مثل الجيم، ما بقولوا "أجّمل" بتشديد الجيم، بقولوا "الْجمل".. وبيظهروا هاء التأنيث في الفعل مع المؤنث، مثلا: شفتها و كلمتها، أو يدغمون الهاء ويشددون في آخر الكلمة على تاء التأنيث، مثل قولهم : ناديتّه، بدلا من "ناديتا"، وأكلتّه، وشربتّه بدلا، من أكلتا وشربتا.. وهكذا، أصبح كلامنا ناعم شوية يعني ... ولكن بعض كبارنا وسكان القرى المطلة على البطانة ما زالوا متمسكين بلهجتهم الأصلية حتى الموت..
أما مسألة أنو أهلنا النوبيين حرموا الرطانة على وليداتهم، فأعني بها لما وليداتهم دخلوا المدارس، عشان يتعلموا العربية كويس، كان ممنوع الكلام بالرطانة في المدرسة، ومرة أخونا جعفر عباس في مذكراته كتب أنو الواحد لو اتكلم في المدرسة بالرطانة بجلدوه.. وفي ناس كمان حرموا الكلام على الأولادالصغار بالرطانة حتى في البيت.. ودي أنا شفتها في زيارة للقولد في النصف الأول من السبعينات، وكلمني بها أخ عزيز لنا رحمه الله رحمة واسعة، اسمه حسن عبد الكريم.. نزلنا عنده في القولد..
وأنا بعض مرات بحامي لي ود شيبوب سري لأنه شايف الناس حاقرين بيهو، ما عارف ليه ولك مني السلام والمودة
* بالمناسبة"فهمتي" دي كانت خطأ مطبعي ولكني لما قرأتهاضحكت، فتركتها..
Post: #363 Title: Re: لاح لي من صعيد برقاً كتم تعّالو Author: b_bakkar Date: 04-14-2007, 00:54 AM Parent: #362
سمية شيخ الزبير كان متكيف بلحيل من البرق البشلع داك، وطلب إنزاله مرة أخرى فها هو، مع خالص تحياتي إليه وإلى الأبناء والأصدقاء
Post: #365 Title: Re: لاح لي من صعيد برقاً كتم تعّالو Author: abubakr Date: 04-14-2007, 09:02 AM Parent: #1
Quote: وأنا بعض مرات بحامي لي ود شيبوب سري لأنه شايف الناس حاقرين بيهو، ما عارف ليه ولك مني السلام والمودة
ياودبكار اها قت بتصاحب رطان الف مرحب بيك .. علي الله تبطل التحييز مع عرريبك المسطح ودشيقوق .. منو قال بحقرو بيهو ؟ دة شغل اونطة من العرريب ؟ يتمسكن لحدما يتمكن ؟ وباسلوبو دة طلع طيش انتخابات النادي ؟
اما العربي وحكاية ظلع الجمل - ونحن الجمال في عندنا بس مش كتيرة- لكن ما بتظلع او العيال ما كلهم شافوها بتظلع فلما جيتو بعربيكم وفرضتوه علينا ( حكاية الجلد حقيقية )وبديتو ب"ظلع" فلذا كان الامر انحيازا للعرريب وجمالهم لكن شوف الانجليزي كيف The man and the pan من اول حصة؟ ؟ .. اها عارفننا طباخيين فجابو حاجة من البيئة بتاعتنا مش ظلع الجمل ؟؟ الواحد كان يتلفت زي السمبرية يحاول يشوف ظلع دي وين وفي النهاية خلينا اطول واحد فينا يجلس علي اربع وختينا شوية دلاقيين علي طهرو " يعني سنام " وقلنالو ا"اظلع " شفت جنس البهدلة البتسويها لغة تابط شرا في الرطان اما ناس سكسون فاخر افتهام (دي عربي) علي طول جابو لينا الموجود اندنا الحلة The Pan مش ظلع وجلد ؟؟
مودتي ابوبكر
Post: #366 Title: Re: لاح لي من صعيد برقاً كتم تعّالو Author: الطيب شيقوق Date: 04-14-2007, 06:00 PM Parent: #365
Quote: مودتي
مودتي قال . انت حرقت جوفنا شن دايرين بمودتك يا رطاني .امشى اشتري ليك كفن مع اهلك ناس مروي . هم اتشمروا خلاص بقوا ناس موت عديييييييييييل تقعد لي هنا تاكل في البيتزا والكنتاكي .
Post: #367 Title: Re: لاح لي من صعيد برقاً كتم تعّالو Author: abubakr Date: 04-14-2007, 06:12 PM Parent: #1
Quote: مودتي قال . انت حرقت جوفنا شن دايرين بمودتك يا رطاني .امشى اشتري ليك كفن مع اهلك ناس مروي . هم اتشمروا خلاص بقوا ناس موت عديييييييييييل تقعد لي هنا تاكل في البيتزا والكنتاكي .
"كل نفس بما كسبت رهينة " اها انت جبتو لروحك براك ... لما العراريب جو من الشمال دايريين بلدنا جوهم ابان حراب "رماة الحدق" و عملوهم Dart Board وفي مرحلة كانو بيجيبو العرريب الزييك يخيرو " اها عايز السهم في عينك الشمال واللا اليمين ؟ "... ودحين انت دايرا يمين واللا شمال ...؟؟
Post: #368 Title: Re: لاح لي من صعيد برقاً كتم تعّالو Author: الطيب شيقوق Date: 04-14-2007, 07:08 PM Parent: #367
Quote: ودحين
هييييييييييييييييييييييع والله تكون حلوة حلاة في خشيمك لكن ظنى بتقولها (دهين)
Post: #369 Title: Re: لاح لي من صعيد برقاً كتم تعّالو Author: abubakr Date: 04-14-2007, 07:17 PM Parent: #1
Quote: (دهين)
"الحاء" الفرهانيين بيها انتو دييل اها طرفي منها ؟
Post: #370 Title: Re: لاح لي من صعيد برقاً كتم تعّالو Author: سمية الحسن طلحة Date: 04-15-2007, 08:40 AM Parent: #369
الأخوة الكرام :ـ
خالد على محجوب المنسى الخال / بشير ود بكار الطيب شيقوق أبوبكر سيد أحمد
أخذتنا عنكم فى اليومين الماضيين مجاملات أفراح وأتراح ... هكذا هى الدنيا بسامة عبوس
لكم التحية ظللتم ترفعون البوست على أسنة أقلامكم للصفحة الأولى فى غيابى ... فلا عدمناكم أصحاب المروءة الكاملة ودمتم أخوة كرام
قبل النجمة لزّوا على الدُقاقة سغارُن وشايلين قلّة مارجعوا القلب لى ديارُن الما أتعشّى بالضيم والمغايس جارُن بِتِبوا سريع على صيحة المروة كبارُن
Post: #371 Title: Re: لاح لي من صعيد برقاً كتم تعّالو Author: الطيب شيقوق Date: 04-15-2007, 10:55 AM Parent: #370
Post: #372 Title: Re: لاح لي من صعيد برقاً كتم تعّالو Author: b_bakkar Date: 04-15-2007, 11:17 AM Parent: #370
أبا بكر (شفت؟ لازم نلتزم العربية في خطابنا، وننصب المنادى إذا كان مضافا)
تعرف يا صديقي، في زمانا كان "دخل" الجمل و "خرج" الجمل.. والعنوان "حمد والولد والجمل" : دخل حمد والولد والجمل، إلخ.. لكن "ظلع" دي إظنها جات في عهدكم ورا شوية.. بعد ما جوا أولاد البلد وقعدوا سنوات شوية ويبدوا يخرمجوا المناهج التركوها الإنجليز.. بهذه المناسبة لما دخلنا وادي سيدنا الثانوية القديمة الأصلية، سنة 67 وجدنا آخر دفعة درست بالإنجليزي في الثانوي قبل التعريب، كانت متخرجة في تلك السنة. المنهج العربي البدينا بيهو برضو كان موضوع في بخت الرضا بتاعة الإنجليز.. المهم، يا اخي مدرسكم دا مغلب نفسو ليه؟؟ يجيب ولد ويخليهو يحني ضهرو وتختوا فوقو دلاقين ويقعد يضطلع ، علشان ما يشرح ليكم "ظلع". ما كان بس يترجمها ليكم وكان الله يحب المحسنين. أي يترجم ليكم كلمة "ظلع"، طبعا "الجمل" ما ممكن تكونوا ما شفتوهو أصلو عند العرب الواردين البحر أو قوافل الجلابة تحمل البلح والفول والقمح قبل اللواري. ما تكتر.. أو على الأقل في أي قطعة عمله قبل ما نميري يخت صورته، ويسخت الجمل ذاتو بعد ما سخت السودان.
تعرف ود شيقوق دا أنا لو ما بعطف عليهو ساكت بحكم الوصية بذوي الأرحام، بضبط ليهو جلطات إنتو ما بتلاحظوها ، لكن كان طلعتها ليكم بطلعوا عينو.. أسكت ساكت ، نحن بنقول "ساكت" ما "ساي"
ود شيقوق من عرب الصعيد..
وأنا أشرت لي حكاية شيوعيين الصعيد، وهي كالآتي: بعد حركة 19 يوليو 1971 حصلت اعتقالات واسعة وسط الشيوعيين..
في مدني كان في زول ساكت ما شيوعي أعتقل في قضية اختلاس أو شيكات طايرة وجد نفسه مع مجموعة من الناس عندهم دقون طويلة وسبح ويصلوا الصلوات الخمسة جماعة، ويبدو عليهم ما ناس بتاعين مشاكل أو إجرام زيو ثم بدأ التعارف وسبب الاعتقال فأخبرهم بقضيتو ثم سألهم : وإنتو يا أخوانا مالكم ؟ معتقلين في شنو؟ فرد عليه أحدهم قائلا: نحن شيوعيين.. فسأل الرجل مستغربا: إنتو شيوعيين وين؟؟ فرد عليه الشيوعي بلهجة ريفية "صعيدية" الكلام فيها مضخم شوية ومجرجر (وهذا جزء من النكتة) قائلا: نحنا آاااااااخوووي من شيوووعيين الصعيد..
فبقى "فبأه" ود شيقوق دا أظنو في العرب عربي صعيد، على شاكلة شيوعيين الصعيد..
ود شيقوق
يا أخي أولا مبروك الفوز.. أمانة ما شرفتنا شرف كبير يا عشا البايتات.. وإلى عودة قريبة.. لي كلام معاك
Post: #373 Title: Re: لاح لي من صعيد برقاً كتم تعّالو Author: abubakr Date: 04-15-2007, 11:32 AM Parent: #1
Quote: وادي سيدنا الثانوية القديمة الأصلية، سنة 67 وجدنا آخر دفعة درست بالإنجليزي في الثانوي قبل التعريب، كانت متخرجة في تلك السنة
. اها يا جونير انا واحد من جماعة 67 .....!!! وتقول خربنا المنهج ؟؟؟ اها منو الخرب وخرمج المنهج ؟؟؟ ظلع دي شالوها من المنهج بتاعكم لانكم كنتو خلاس بتشوفو التلفزيون وتبندرتو ... بعدين سنام يترجموها بالرطانة كيف هي بالعربي تلتلة ....
اما ودشيقوق اب كرفته فمش لا حق شيوعيين الصعيد دة من ناس سينما غرب وعامل بدوي ؟
Post: #374 Title: Re: لاح لي من صعيد برقاً كتم تعّالو Author: خالد علي محجوب المنسي Date: 04-15-2007, 05:42 PM Parent: #373
قال الشاعر طه الضرير
ولداً يطبق المسرى فوق المسرى يخلف ساقّو فوق ضهر اب قمائر ويسرى حقب قربينو في جرباتو ختّه اب كسرّه فرقّاً شتى من ناس يمُه زيدي الكِسره
Post: #375 Title: Re: لاح لي من صعيد برقاً كتم تعّالو Author: سمية الحسن طلحة Date: 04-16-2007, 07:17 AM Parent: #374
Quote: قال الشاعر طه الضرير
ولداً يطبق المسرى فوق المسرى يخلف ساقّو فوق ضهر اب قمائر ويسرى حقب قربينو في جرباتو ختّه اب كسرّه فرقّاً شتى من ناس يمُه زيدي الكِسره
والخال الشيخ عبد العزيز قال : ـــ
نشط النيب علي قبطة أم جبالا ً غر نجبر الروح علي الوعر العقوبتو تضر ندبل الحد ومكتوبة الأزل بتمر مديونين خلاس والناس فوق ضهورنا تجر
Post: #376 Title: Re: لاح لي من صعيد برقاً كتم تعّالو Author: الطيب شيقوق Date: 04-16-2007, 07:36 AM Parent: #375
Quote: فبقى "فبأه" ود شيقوق دا أظنو في العرب عربي صعيد، على شاكلة شيوعيين الصعيد..
ها ود بكار كيفنك انت
والله ما في حد حيرنا في الدنيا دى زيك كل يوم تجيب معلومة تحير وكل يوم ماشي داني علينا واظنك انت من دنادرنا سااااااااى لكن ما داير تفصح . المهم انا ارشحك تكون سفير النوايا الحسنة بين البدويين والناطقين بغيرها .
Post: #377 Title: Re: لاح لي من صعيد برقاً كتم تعّالو Author: خالد علي محجوب المنسي Date: 04-16-2007, 06:48 PM Parent: #376
يوم الخميس الفات من البلد قفينّا وفوق حَدب السِروج متوسيدين آيدينّا إمْن جبنا مالاً وفرح الراجينّا إما إتخوجلت فوقنا الصقور ماجينا
Post: #378 Title: Re: لاح لي من صعيد برقاً كتم تعّالو Author: خالد علي محجوب المنسي Date: 04-25-2007, 05:22 PM Parent: #377
.
Post: #379 Title: Re: لاح لي من صعيد برقاً كتم تعّالو Author: b_bakkar Date: 04-25-2007, 11:26 PM Parent: #378
تعرف يا ود سيد آحمد، ما كنت قايلك عجوز كدي.. أكان كدي الله يكون في عون المدام والأولاد، لابد أنك مغبلهم غلبة شديدة.. ودي مفاجأة سارة أن أعرف أننا اتعاصرنا في وادي سيدنا..
نعم أنا كنت جونيور في سنة 1967 في وادي سيدنا.. لكن كان كتير من الطلبة بفتكروني من أولاد جبل أولياء "السينيورز"، اللي هم نقلوا من مدرسة جبل أولياء بعد قفلها(نقلت من قبل إلى مدرسة المؤتمر بأم درمان)، في مكان مجلس الشعب الحالي وقصر الصداقة، إذا لم تخذلن الذاكرة.
وكان من أصدقائي الخواص عثمان حسين النعيم، وعبد الرحمن حمزة (لاحظ، الجماعة الاتنين دول أصلا الدفعة القبلكم).. والسر حمزة الممسوخ، هسع بقى فكي يروب الموية..
ربما خذلتني ذاكرتي في مسألة "ظلع" تلك.. معليش..
Post: #380 Title: Re: لاح لي من صعيد برقاً كتم تعّالو Author: الطيب شيقوق Date: 04-26-2007, 05:34 AM Parent: #379
Quote: نعم أنا كنت جونيور في سنة 1967 في وادي سيدنا.. لكن كان كتير من الطلبة بفتكروني من أولاد جبل أولياء "السينيورز"، اللي هم نقلوا من مدرسة جبل أولياء بعد قفلها(نقلت من قبل إلى مدرسة المؤتمر بأم درمان)، في مكان مجلس الشعب الحالي وقصر الصداقة، إذا لم تخذلن الذاكرة.
ود بكار اما انك عجيب بندراوى قح فمن اين لك هذه البداوة ؟ مش البداوة وبس كمان العمق المعرفي في السايكلوبيديا الاجتماعية السودانية .
عميق معزتي
Post: #381 Title: Re: لاح لي من صعيد برقاً كتم تعّالو Author: سمية الحسن طلحة Date: 04-30-2007, 09:29 AM Parent: #380
لاح البرق فى السحر ذكرنى النبى البدر ناوى القومة من بدرى إن مازرت و كيف عذرى قال قدورة فى الخبر زارع أطيب الثمر زرعا مو زرع مطر صليت لى ولى الأمر لامن أدخل القبر تدخل عندو فى الكجر وتسمع منه الخبر
قـــدورة
Post: #382 Title: Re: لاح لي من صعيد برقاً كتم تعّالو Author: الطيب شيقوق Date: 04-30-2007, 09:43 AM Parent: #381
Quote: لاح البرق فى السحر ذكرنى النبى البدر ناوى القومة من بدرى إن مازرت و كيف عذرى قال قدورة فى الخبر زارع أطيب الثمر زرعا مو زرع مطر صليت لى ولى الأمر لامن أدخل القبر تدخل عندو فى الكجر وتسمع منه الخبر
بقيتي تلصقي سااااااااااى ده شنو هسع ؟
Post: #383 Title: Re: لاح لي من صعيد برقاً كتم تعّالو Author: سمية الحسن طلحة Date: 04-30-2007, 10:02 AM Parent: #382
Quote: ده شنو هسع ؟
البروق أنواع والعشاق مشارب دا برق خـــاص فى وكت خـــاص من جهة خااااصة
أنا أم عبد الله دعت لى نتلاقى فى الحج ربنا يوعدك قول آمين .
Post: #384 Title: Re: لاح لي من صعيد برقاً كتم تعّالو Author: الطيب شيقوق Date: 04-30-2007, 10:21 AM Parent: #383
Quote: أنا أم عبد الله دعت لى نتلاقى فى الحج
ابعدى من ام عبد الله دى لانو انا عامل ليها الحجة رضوة ساى ومنها متكامل نسب الرطانة انشاء الله تعوج لساني .
Post: #385 Title: Re: لاح لي من صعيد برقاً كتم تعّالو Author: سمية الحسن طلحة Date: 04-30-2007, 10:41 AM Parent: #384
بعدى من ام عبد الله دى لانو انا عامل ليها الحجة رضوة ساى رضوة ؟
يعنى ناوى تتزوج عليها ! ؟
Post: #386 Title: Re: لاح لي من صعيد برقاً كتم تعّالو Author: الطيب شيقوق Date: 04-30-2007, 10:49 AM Parent: #385
Quote: يعنى ناوى تتزوج عليها ! ؟
شاورتها وقالت لى بعد امسك شباك الرسول وارجع بعد داك بديك راي .
Post: #387 Title: Re: لاح لي من صعيد برقاً كتم تعّالو Author: سمية الحسن طلحة Date: 04-30-2007, 11:10 AM Parent: #386
Quote: شاورتها وقالت لى بعد امسك شباك الرسول وارجع بعد داك بديك راي
عفيت منها النجيضة لو زى ديل مسكن حكم السودان ماكان جاتنا عوجة صدقت فى الكنداكات يا أبوبكر .
Post: #388 Title: Re: لاح لي من صعيد برقاً كتم تعّالو Author: الطيب شيقوق Date: 05-01-2007, 06:10 AM Parent: #387
انا شايف البرق ده ساحبتو بقت شحم ورل يا بت طلحة . اها جبنا ليهو نسام الصعيد عشان ينشطو ويقوم ام رويق من تحت
Post: #389 Title: Re: لاح لي من صعيد برقاً كتم تعّالو Author: سمية الحسن طلحة Date: 05-04-2007, 08:37 AM Parent: #388
براق الغيم زي بسمة فاهك والشادي نغيم متى تعطف وترحم وتبقى حليم يا صفي القلب وروح التعتيم بقى شغلي نميم وفراشي قتاد وغطائي حميم لوكان لي وصلك أوجد تتميم لي سرك بحفظ في قلبي صميم
Post: #390 Title: Re: لاح لي من صعيد برقاً كتم تعّالو Author: abubakr Date: 05-04-2007, 08:40 AM Parent: #1
Quote: ابعدى من ام عبد الله دى لانو انا عامل ليها الحجة رضوة ساى ومنها متكامل نسب الرطانة انشاء الله تعوج لساني .
هو نسب الرطان بس عوجة لسان كان ما خليناك زي الياي يا حتات ؟
Post: #391 Title: Re: لاح لي من صعيد برقاً كتم تعّالو Author: سمية الحسن طلحة Date: 05-04-2007, 09:25 AM Parent: #390
أبوبكر انت ماقريت كلام ودبكار دا ؟
Quote: تعرف يا ود سيد آحمد، ما كنت قايلك عجوز كدي.. أكان كدي الله يكون في عون المدام والأولاد، لابد أنك مغبلهم غلبة شديدة.. ودي مفاجأة سارة أن أعرف أننا اتعاصرنا في وادي سيدنا..
نعم أنا كنت جونيور في سنة 1967 في وادي سيدنا.. لكن كان كتير من الطلبة بفتكروني من أولاد جبل أولياء "السينيورز"، اللي هم نقلوا من مدرسة جبل أولياء بعد قفلها(نقلت من قبل إلى مدرسة المؤتمر بأم درمان)، في مكان مجلس الشعب الحالي وقصر الصداقة، إذا لم تخذلن الذاكرة.
وكان من أصدقائي الخواص عثمان حسين النعيم، وعبد الرحمن حمزة (لاحظ، الجماعة الاتنين دول أصلا الدفعة القبلكم).. والسر حمزة الممسوخ، هسع بقى فكي يروب الموية..
ربما خذلتني ذاكرتي في مسألة "ظلع" تلك.. معليش..
Post: #392 Title: Re: لاح لي من صعيد برقاً كتم تعّالو Author: خالد علي محجوب المنسي Date: 05-04-2007, 04:17 PM Parent: #390
Quote: براق الغيم زي بسمة فاهك والشادي نغيم متى تعطف وترحم وتبقى حليم يا صفي القلب وروح التعتيم بقى شغلي نميم وفراشي قتاد وغطائي حميم لوكان لي وصلك أوجد تتميم لي سرك بحفظ في قلبي صميم
ست البنات يا أغلى من عينيّا ممشوقة القوام يا الخاتيّا من الليّا شعرّك دفة الليل الماب تبين لو تريّا وثغرّك فجّة البرق اللي السحابة أم ديّا
Post: #393 Title: Re: لاح لي من صعيد برقاً كتم تعّالو Author: سمية الحسن طلحة Date: 05-05-2007, 09:11 AM Parent: #392
Quote: ست البنات يا أغلى من عينيّا ممشوقة القوام يا الخاتيّا من الليّا شعرّك دفة الليل الماب تبين لو تريّا وثغرّك فجّة البرق اللي السحابة أم ديّا
ياسيل السوارى الغمّ من ضهرية إيدك لاحقة كان قانون وكان زندية هيلك بالمواريث العروض مسعية يابرقا خريفو برتِّع المـقـنِِِية
Post: #394 Title: Re: لاح لي من صعيد برقاً كتم تعّالو Author: الطيب شيقوق Date: 05-05-2007, 11:55 AM Parent: #393
Quote: يابرقا خريفو برتِّع المـقـنِِِية
المقنية شنو يا بت طلحة ؟
تحياتي
Post: #395 Title: Re: لاح لي من صعيد برقاً كتم تعّالو Author: خالد علي محجوب المنسي Date: 05-05-2007, 05:10 PM Parent: #394
Quote: يابرقا خريفو برتِّع المـقـنِِِية
المقنية شنو يا بت طلحة ؟
تحياتي
الحبيب الفاضل/ الطيب سلام وعلك عافية
سقطت سهواً يا الطيب أقبله ومي معنيّّة القصد ( مغنية ) ألا حروف البورد دوام مخفية بتعرف الحديث بت طلحة ومعاها حِجة قوية معلا مقامة في الأدب والفصاحة ودي المحريّة
Post: #396 Title: Re: لاح لي من صعيد برقاً كتم تعّالو Author: سمية الحسن طلحة Date: 05-05-2007, 10:10 PM Parent: #395
ما بالنية فرقك ياالدرة المقنية طال هجرى وزاد يابنية هطلت دموع عينيا وهدمت آمالى المبنية .................. وكمان ود الشوبلى قال :ـ المجلوبة والمقنية من ميراثنا المخسوفة والمرقوعة ياها لباسنا الجار والعشير من الكتف لى راسنا وفى المال والعروض تخشى الملوك من باسنا .......... المقنية زى المكنية وهى الشى العزيز الذى يضن به أو الملموم عكس المجلوب ... وأنا قصدت الخريف الذى ترتع فيه هذه المقنية .. ربما هى صيده غزالة ريل ... أنا مابفسر وأنت ما تقصر.
أطيب التحايا
Post: #397 Title: Re: لاح لي من صعيد برقاً كتم تعّالو Author: خالد علي محجوب المنسي Date: 05-05-2007, 10:39 PM Parent: #396
Quote: وكمان ود الشوبلى قال :ـ المجلوبة والمقنية من ميراثنا المخسوفة والمرقوعة ياها لباسنا الجار والعشير من الكتف لى راسنا وفى المال والعروض تخشى الملوك من باسنا
ماكي الطقطق البجي في الحديث دون عِرفّه ماخاب ظني فيك وارثة النضم مو حِرفّه نظم الكلام مو قاسي ليك بجي غيركلفّه تسلمي ياالريحانة بي نمّك تعم الفرحّه
Post: #398 Title: Re: لاح لي من صعيد برقاً كتم تعّالو Author: سمية الحسن طلحة Date: 05-06-2007, 05:44 AM Parent: #397
Quote: ماكي الطقطق البجي في الحديث دون عِرفّه ماخاب ظني فيك وارثة النضم مو حِرفّه نظم الكلام مو قاسي ليك بجي غيركلفّه تسلمي ياالريحانة بي نمّك تعم الفرحّه
أبو أحمد هميم ما أتغابا فينا العرفة حافظ للعهود مابنسى حق الإلفة الدهب المجمر نقاوتو خالصة وصرفة ميزان منطقك حروفو مى منحرفة
Post: #399 Title: Re: لاح لي من صعيد برقاً كتم تعّالو Author: الطيب شيقوق Date: 05-06-2007, 05:56 AM Parent: #398
Quote: أظنك ياشيقوق سمعان بالغنوة :ـ
ما بالنية فرقك ياالدرة المقنية طال هجرى وزاد يابنية هطلت دموع عينيا وهدمت آمالى المبنية .................. وكمان ود الشوبلى قال :ـ المجلوبة والمقنية من ميراثنا المخسوفة والمرقوعة ياها لباسنا الجار والعشير من الكتف لى راسنا وفى المال والعروض تخشى الملوك من باسنا .......... المقنية زى المكنية وهى الشى العزيز الذى يضن به أو الملموم عكس المجلوب ...
لله درك بت الصالحين ربنا يحفظك ويديك العافية
هسع دحين ابو بكر الرطاني ده بيحسب عند اهلو مقني ؟؟
Post: #400 Title: Re: لاح لي من صعيد برقاً كتم تعّالو Author: الطيب شيقوق Date: 05-06-2007, 04:38 PM Parent: #399
Quote: معلا مقامة في الأدب والفصاحة ودي المحريّة
هييييييييييييع ود المنسي خبرنا ات من وين يا زول ؟ الله يديك العافية
Post: #401 Title: Re: لاح لي من صعيد برقاً كتم تعّالو Author: خالد علي محجوب المنسي Date: 05-06-2007, 04:46 PM Parent: #400
Quote: هييييييييييييع ود المنسي خبرنا ات من وين يا زول ؟ الله يديك العافية
الفاضل/ الطيب سلام وعافية بدوور تعرف انا من وين ولا أنا الان وين ؟؟؟ ولا شايت وين ؟ ولا جيتنا من وين ؟؟ والله يديك العافية ... هل هي دعاء لي بالعافية ولا ( الله يديك العافية ... يعني ورينا عجاج كرعيك ؟؟ )
تحياتي واحترامي
خالد علي محجوب
Post: #402 Title: Re: لاح لي من صعيد برقاً كتم تعّالو Author: الطيب شيقوق Date: 05-06-2007, 09:27 PM Parent: #401
Quote: يعني ورينا عجاج كرعيك ؟؟ )
افو افو يا ود المنسي حرم دى لا تشبهنا ولا بتشبهك - انت سيد الدار تمرح فيها زى ما يعجبك ونحن ضيوفك بس حبينا نعرفك من وين يمكن ود عمنا عدييييييييل يا ود المنسي
Post: #403 Title: Re: لاح لي من صعيد برقاً كتم تعّالو Author: خالد علي محجوب المنسي Date: 05-06-2007, 09:42 PM Parent: #402
Quote: افو افو يا ود المنسي حرم دى لا تشبهنا ولا بتشبهك - انت سيد الدار تمرح فيها زى ما يعجبك ونحن ضيوفك بس حبينا نعرفك من وين يمكن ود عمنا عدييييييييل يا ود المنسي
الحبيب العزيز الطيب عجبتني بالحيل .. أفو أفو ...... أنا يا سيدي من شندي وبالمناسبة ... المنسي هذه ليست من اسمي لصقها فيا بكري سيد الحوش والكثيرين ينادوني باسم ودالمنسي .. غايتو بحمد الله أن ابوي ليست له دراية بالكمبيوتر وألا كان بكون له كلام تاني معاي وبعد دا خايف من الشلقين يوصلوا الخبر الاسم بالكامل خالد علي محجوب محمد ابراهيم محمد خير ودقردة لك الشكر الجزيل الطيب الطيب شيقوق ... ماكان قصدي غير اني اجابد معاك الكلام وحمداً لله صبت مرامي ونلت الغاية
تحياتي واحترامي لك ولست الحوش بت الشيوخ
خالد محجوب
Post: #404 Title: Re: لاح لي من صعيد برقاً كتم تعّالو Author: الطيب شيقوق Date: 05-07-2007, 03:40 PM Parent: #403
Quote: ينادوني باسم ودالمنسي
الله يطول عمرك
ات عارف ود المنسي ده اسم قرية من قرى الجزيرة؟
تحياتي
Post: #405 Title: Re: لاح لي من صعيد برقاً كتم تعّالو Author: b_bakkar Date: 05-08-2007, 01:14 AM Parent: #390
Quote: ود بكار اما انك عجيب بندراوى قح فمن اين لك هذه البداوة ؟ مش البداوة وبس كمان العمق المعرفي في السايكلوبيديا الاجتماعية السودانية .
عميق معزتي
ود شيقوق سري إليك أطيب تحياتي، يا زول هه.. أنا مولود في سدُر صنقر، واتربيت ما بين ود شمعون وود جودات ( دي مناطق افتكر ما بعرفها زول كويس إلا سمية بت الشيخ وشنتير الهارب) والطنضب (سروب بت نيلة)، وقضيت جزءأ من طفولتي المتأخرة في قرية إسمها عطينة (بكسر العين وفتح الطاء وسكون الياء) في مشروع الجنيد، وفي بعض انحاء الجزيرة ومنها قرية صغيرة اسمها المدينة في منطقة الحلاوين، وهي أهل جدتي من جهة والدي، القلت ليك عليها مسلمية حلاوية، وهي اللمتني فيك.
الظاهر أنك فهمت أني جيت لوادي سيدنا من مدرسة جبل أولياء الكانت نقلت لمدرسة المؤتمر بأم درمان. أنا جيت لوادي سيدنا من رفاعة الأميرية. وقبل الأميرية قريت في رفاعة الشرقية ذات الرأسين : تالتة ورابعة ألف لأولاد المدينة، وهم خارجيون، وتالتة ورابعة باء لأولاد القرى وهم داخليون.
تمتحن عشرة أو خمستعشر مدرسة صغرى (ثلاث سنوات فقط) يأخذوا منها فصل واحد فيه 40 تلميذ، ونقرأ تالتة ورابعة في رفاعة الشرقية ذات الرأسين، ثم نمتحن للوسطى.. الوسطى أيضا كانت تمتحن عشرة مدارس او خمستعشر، ويأخذوا منها فصل واحد، 40 تلميذ. ناس المدينة كانوا مغتاظين مننا شديد، لأنه بنضيق الفرص لأولادهم في المدرسة الأميرية. أحيانا رفاعة الشرقية تآخذ 24 أو تزيد من الفصل الواحد دا، والباقي مقسم على أولاد رفاعة والمدارس الأخرى - رفاعة كانت فيها تلاث مدارس أولية أخرى غير الشرقية.
وكانوا بسمونا القراريح من "القراح" لأنو أهلنا العرب ما بحبوا "القروحة" أبدا، بفتكروها هي ذاتها بتجيب المرض. وهذا يحدث أحيانا.. المهم، ناس رفاعة طبعا مهتمين بالتعليم من بدري، ولذلك أسس شيخ لطفي رحمه الله وزاده إحسانا مدرسة لطفي الأهلية، كان فيها ثلاثة أنهر، الأول معان من الحكومة وهذا يقبل فيه الطلبة الماحالفهم التوفيق في الدخول للأميرية، سواء من رفاعة أو من غيرها، وبدفعوا مصاريف طبعا وأولاد القرى والمدن التانية عندهم داخلية برضو.. والنهران الآخران لكل من يستطيع أن يدفع المصاريف الكاملة أو تتفضل عليه المدرسة بتخفيضها بعض الشيء. بالمناسبة، في السنة الرابعة كانت داخليتنا هي نفس المبنى الذي فتح فيه الشيخ الجليل بابكر بدري أول مدرسة بنات أولية في أوائل القرن العشرين.. ثم رحل بعدها ليؤسس الأحفاد في أم درمان.
أولاد رفاعة كان دايما بقبلوهم في حنتوب، لكن دفعتنا أول دفعة من رفاعة يقبلوها في وادي سيدنا، في سنة 1967، حيث عاصرنا صاحبك الرطان.. ثم جات مايو وقفلت وادي سيدنا في 69 ونقلونا حنتوب.. أما الطنضب التي امتحنت منها الصغرى، فتبعد عن رفاعة حوالي 25 أو 30 كلم، بختك إنت الكانت قريتة البردانة تبعدمن الرهد عشرة كليومترات فقط. مرة كنا في "خروج" إلى أهلنا في الخريف، وفي ليلة الخميس وصبحانة الجمعة نزلت مطرة شديدة، أوقفت العربات.. فعدنا إلى رفاعة كدارلي، من بعد الفطور، ووصلنا العصير مع التمام وقبل مغيب الشمس بشوية. تعرف لما جوا يدخلوني الطنضب الصغرى - نحن كنا تاني دفعة فيها، حيث فتحت ضمن ما يسمى مدارس طلعت فريد في 1957- صحبني عمي الصديق الله يزيده رحمة لأنو أبوي كان غايب.. وناظر المدرسة كان زول صعب من أبحراز إسمه حمد النيل.. قال لعمي: لكن الولد دا أجنبي (!!!! لول) يعني موش من الطنضب أو القرى الواقعة في منطقة مدرسة الطنضدب!! طبعا بكون بلغه أنه الأسرة كانت في ود شمعون، حيث كنا مع جدي لأمي. عمي قال للناظر يا خي الولد أبوه أخوي شقيقي، مولود في الطنضدب وعاش أغلب حياته في الطنضب. وقبلني الناظر على مضض لأنه عمي كان هجاني (لكن بقول عليها محافظي).. وهي مهنة كانت لها شنة في ذلك الوقت.. أفكر في أن أكتب عن تلك الطفولة مثلما بدأت تكتب أنت عن طفولتك.. لأن النقلة الحضارية منها تساوي عدة قرون أو عشرات القرون.. من نمط حياة ظل مستمرا مئات السنين أو آلافها، منذ أن بدأت هجرة العرب إلى السودان واختلاطهم بالعنج (أو الفونج) في منطقة العاديك والسودان الأوسط عموما، إلى القرن الحادي والعشرين في أمريكا الشممالية..
وسيكون عنوان كتابتي "مذكرات الولد الأجنبي".. إن شاء الله..
Post: #406 Title: Re: لاح لي من صعيد برقاً كتم تعّالو Author: الطيب شيقوق Date: 05-08-2007, 08:53 AM Parent: #405
Quote: تالتة ورابعة ألف لأولاد المدينة، وهم خارجيون، وتالتة ورابعة باء لأولاد القرى وهم داخليون.
اخي الجميل ود بكار
هيجت فينا ذكريات ايام زمان حيث كانت حناجر الأطفال الغضة لأكثر من خمسين عاماً تردد نشيداً شجياً فى كل المدن والقرى والبوادى السودانية بحماس وغبطة وحبور فى آخر كل حصة للجغرافيا فى السنة الثالثة الابتدائية ... كان هذا النشيد الذى شد نياط القلوب بأوتار لا ترتخي بكل بقاع الوطن من القولد حتى يامبيو ومن محمد قول حتى بابنوسة وفعل فى النفوس فعل السحر . ولا يزال يتوهج فينا نحن الكبار بعد مرور عشرات السنين ويبعث حنيناً وروحاً وطنية متأججة فى كل الأجيال . فى القولد التقيت بالصديـق أنعم به من فاضل ، صديقى خرجت أمشى معه للساقية ويا لها من ذكريات باقيــة فكم أكلت معــه الكابيدا وكــم سمعت اورو والودا
ودعته والأهل والعشيرة ثم قصدت من هناك ريره نزلتها والقرشى مضيفى وكان ذاك فى أوان الصيف وجدته يسقى جموع الإبل من ماء بئر جره بالعجـل *** ومن هناك قمت للجفيـل ذات الهشاب النضر الجميل وكان سفري وقت الحصاد فســرت مع رفيقى للبــلاد ومر بي فيها سليمان على مختلف المحصول بالحب إمتلا ومرةً بارحت دار اهـلى لكي أزور صاحبى ابن الفضل ألفيته وأهله قد رحلـوا من كيلك وفى الفضـاء نزلوا فى بقعة تسمى بابنوسـة حيث اتقوا ذبابة تعيســــة *** ما زلت فى رحلاتى السعيدة حتى وصلت يا مبيو البعيدة منطقة غزيرة الاشجــار لما بها من كثرة الأمطــار قدم لى منقو طعــم البفره وهو لذيذ كطعام الكســـره *** وبعدها استمــر بى رحيلى حتى نزلت فى محمد قـــول وجدت فيها صاحبي حاج طاهر وهو فتى بفن الصيد ماهـــر ذهبت معه مرةً للبحـــــر وذقت ماء لا كماء النهــــر **** رحلــت من قول لودْ سلفاب لألتقى بسابع الأصحــــاب وصلته والقطن فى الحقل نضر يروى من الخزان لا من المطر أعجبنى من أحمد التفكيـــر فى كــــل ما يقوله الخبيرُ *** ولست أنسى بلدة أم درمــان وما بها من كثرة السكـــان إذا مرّ بي إدريس فى المدينة ويا لها من فرصـــة ثمينة شاهدت أكداساً من البضائــع وزمراً من مشتر وبــــائعْ *** وآخر الرحلات كانت أتبره حيث ركبت من هناك القاطره سرت بها فى سفر سعيد وكان سائقى عبد الحميـــد أُعجبت من تنفيذه الأوامر بدقة ليسلم المســـــافر *** كل له فى عيشه طريقـة ما كنت عنها أعرف الحقيقـة ولا أشك أن فى بــلادى ما يستحق الدرس باجتهـــاد فإبشر إذن يا وطني المفدي بالسعي مني كــي تنال المجدا
اتماسك يا شيخ العرب واحبس الدموع
Post: #407 Title: Re: لاح لي من صعيد برقاً كتم تعّالو Author: الطيب شيقوق Date: 05-08-2007, 09:11 AM Parent: #406
Quote: عمي قال للناظر يا خي الولد أبوه أخوي شقيقي، مولود في الطنضدب وعاش أغلب حياته في الطنضب. وقبلني الناظر على مضض لأنه عمي كان هجاني (لكن بقول عليها محافظي).. وهي مهنة كانت لها شنة في ذلك الوقت..
اخي ود بكار
لقد كنت مهتما جدا لعمل دراسة عن العوامل التى شجعت اولاد القرى الذهاب الى المدارس ووجدت اغلب الحالات اما ان يكون ابوك موظف - مش مهم على اى درجة - لانو بحكم وظيفه بيكون شاهد الناظر او الطبيب او المدير او المهندس وتكون اشواقه ان يكون ابنه او ابن اخيه هكذا .
فعمك الهجاني ده حتما هو السبب في صناعة ود بكار اليوم.
حاواصل معاك في الموضوع ده يا الحبيب معزتي
Post: #408 Title: Re: لاح لي من صعيد برقاً كتم تعّالو Author: الطيب شيقوق Date: 05-09-2007, 07:08 AM Parent: #407
في انتظارك يا ود بكار اخوى
Post: #409 Title: Re: لاح لي من صعيد برقاً كتم تعّالو Author: b_bakkar Date: 05-10-2007, 03:38 AM Parent: #408
يا ود شيقوق، ياخي الناس منتظرين سيرتك وذكرياتك إنت، ومفتوح ليها بوست خاص، ما تجرجرني معاك، قدام الناس التقال ديل.. إنت أغويتني بإثارة شجون قديمة، وحنين دائم إلى تلك البقاع والأيام.
رحم الله الشيخ بابكر بدري، هل قرأت مذكراته "حياتي"؟ لم أر رجلا أكثر صدقا وصراحة في مذكراته مثل الشيخ بابكر بدري، رحمه الله رحمة واسعة وأسبغ عليه نعمه الخالصة.. يذكرني بمذكرات جان جاك روسو وغيره من عظام رجال التاريخ الذين كتبوا سيرهم الذاتية بمنتهى الصدق والصراحة.. يلا يا بن العم، واصل هات الجزء الثاني مع ودي
Post: #410 Title: Re: لاح لي من صعيد برقاً كتم تعّالو Author: الطيب شيقوق Date: 05-10-2007, 05:32 AM Parent: #409
Quote: بمذكرات جان جاك روسو
اشكرك اخي ود بكار على هذه اللفتة الجمية ولكن اين نحن ثقافيا واجتماعيا من دنيا جان جاك روسو، الفيلسوف الفرنسي،الذي كتب يقول «انا افعل شيئا لم يفعله شخص قبلي، ولن يقدر شخص على تقليده بعدي»، بسبب الجرأة والصراحة الشديدة التي كتب بها مذكراته وقوله كذلك (إن قلبي الحساس كان أس بلائي كله)
وجبرا لخاطركم واخي ابي بكر وجميع الاخوة المهتمين فسوف ابدا اليوم الفصل الثاني من حياتي -
عظيم مودتي ود شيقوق
Post: #411 Title: Re: لاح لي من صعيد برقاً كتم تعّالو Author: سمية الحسن طلحة Date: 05-10-2007, 09:09 PM Parent: #410
البرق لمع وكشف لنا عن مكنون الأفذاذ إذن نحن موعودون بسيرة الخال بشير بجانب سيرة شيقوق فما لنا ولجان جاك روسوو( كل ديكا فى بلده عوعاى ) نريد ثقافتنا خاصتنا نحن التى تمثل عمقنا الحضارى ياله من إرث طارف وتليد ... بإنتظاركم ياسادة القوم .
Post: #412 Title: Re: لاح لي من صعيد برقاً كتم تعّالو Author: بشير الخير Date: 05-18-2007, 11:44 PM Parent: #411
الشيخة سمية، سلام مررت على البوست اليوم، واطلعت على تعقيبك أعلاه لأول مرة. أردت أن أرد التحية وأرفع البوست. إن شاء الله لما تسمح الظروف، من وقت إلى آخر، سأحكي عن حياة أهل القرى المطلة على البطانة من جهة العاديك. وقد أخذت مظاهر وقيم تلك الحياة، بحلوها ومرها، تختفي الآن وتندثر. ولكن لأبد أن نبذل مجهودا لتدوين ما بقي في ذاكرتنا وذاكرة أبائنا الذين ما زال بعضهم على قيد الحياة. أسآل الله أن يعطينا العافية وصفاء الذهن والوقت. سلامي الحار إلى شيخ الزبير والأبناء الميامين.
Post: #413 Title: Re: لاح لي من صعيد برقاً كتم تعّالو Author: munswor almophtah Date: 05-19-2007, 06:57 AM Parent: #412
أصولن حور ماهن هجن وللأشواق هن هيجن غسق الليل خدعنو جن وهبلن نارى وفججن بروق بسامن جانى جن وصافى كلامن من لجن زايدو حلاوه نفس عجن شمايل أطيافن عرجن سبانا دلالن زى شجن ظبايا الليل هن بنرجن نحاحى نفوسنا أدرجن ومن كيد غيدو أكان نجن رغم بلاهن ماهجن ولا الفى الناس بتفرجن
منصور
Post: #414 Title: Re: لاح لي من صعيد برقاً كتم تعّالو Author: سمية الحسن طلحة Date: 05-20-2007, 01:28 PM Parent: #412
Quote: أسآل الله أن يعطينا العافية وصفاء الذهن والوقت
اللهم آمين
Quote: إن شاء الله لما تسمح الظروف، من وقت إلى آخر، سأحكي عن حياة أهل القرى المطلة على البطانة من جهة العاديك
نأمل ونرجو ذلك ونتمنى أن تسمح ظروفك فى القريب العاجل
Quote: وقد أخذت مظاهر وقيم تلك الحياة، بحلوها ومرها، تختفي الآن وتندثر. ولكن لأبد أن نبذل مجهودا لتدوين ما بقي في ذاكرتنا وذاكرة أبائنا الذين ما زال بعضهم على قيد الحياة
ولآجل هذا الفهم العميق أدعوك للتدوين منعا للإندثار ألبسك الله العافية دثار وكساك الهيبة والوقار .
Post: #415 Title: Re: لاح لي من صعيد برقاً كتم تعّالو Author: سمية الحسن طلحة Date: 05-22-2007, 09:55 PM Parent: #414
أصولن حور ماهن هجن وللأشواق هن هيجن غسق الليل خدعنو جن وهبلن نارى وفججن بروق بسامن جانى جن وصافى كلامن من لجن زايدو حلاوه نفس عجن شمايل أطيافن عرجن سبانا دلالن زى شجن ظبايا الليل هن بنرجن نحاحى نفوسنا أدرجن ومن كيد غيدو أكان نجن رغم بلاهن ماهجن ولا الفى الناس بتفرجن
منصور
أصل الظبا مابوالفن طبعن أصيل ما أتكلفن نهجن عديل ماحرفن لقلوب عشاقن شغفن بروق الليال العسعسن من محياهن شالن سنن غشغشنى ولى غافلن وبالعسين أتجافلن وفى تعليقى أتفنن أنا فى الرجا لو ترحمن سجعى المتل ساكن الفنن لو الهدية يتقبلن أهدى حياتى لكن فدن شيلنها وما تشكرن
سمية الحسن طلحة
Post: #416 Title: Re: لاح لي من صعيد برقاً كتم تعّالو Author: خالد علي محجوب المنسي Date: 05-22-2007, 10:11 PM Parent: #415
الوادي الجانّا مترقّن مدّ جناحو الطايل شرقّن وغربّن القبلي بروقو علي القلعات إضربّن الدُكّن البِعدّن قِربّن فوق صنقور المحله الطالت كبّن قول لي المحل بيوتك خِربّن قول مادلا الحلق الجاف إتبلا بالحيل آجني اي والله
دكتور محمد بادي العكودابي
Post: #417 Title: Re: لاح لي من صعيد برقاً كتم تعّالو Author: سمية الحسن طلحة Date: 05-22-2007, 10:31 PM Parent: #416
Quote: القبلي بروقو علي القلعات إضربّن الدُكّن البِعدّن قِربّن
Post: #418 Title: Re: لاح لي من صعيد برقاً كتم تعّالو Author: خالد علي محجوب المنسي Date: 05-22-2007, 10:45 PM Parent: #417
مٍراحتنا شرابهن يوت ما غبّن شبعنات .. في الشقل اب شوك ما شبّن الحُمل ولدّن وربّن حلماتن تقلّن جرّن فوق سياقنهن كبّن اللبم في ضِرعاتّن جبّن المغصة إن كان ضِرعاتّن خِربّن القرعة آ وليد السعن آبنية شوفو النعمة السالت فوق قيزان الرملة ناس البندر لبن الشاي بي العُملة سمح الخمج الفوق اسيادّو سمح العز المن أجدادّو بالحيل آجني اي والله
Post: #419 Title: Re: لاح لي من صعيد برقاً كتم تعّالو Author: الطيب شيقوق Date: 05-23-2007, 09:50 AM Parent: #418
يا خالد ود المنسي
Quote: شبعنات .. في الشقل اب شوك ما شبّن
يا الله يا ود المنسي مالك مهيج ذكريات الطفولة
الشقل ده يا بت طلحة هو الشجر النامي في طرف الحلة وايام زمان اهلنا بيقولوا لينا امشوا جيبوا الجمل او الناقة من الشقلة وعادة الجمل بيكون مقيد قيدا مرخي شوية عشان يقدل براحة من شقلة لشقلة .
والشقل هو الشجر النامي على البلدات وعادة المزارع النجيض والحريّف بيقوم الايام دى (ايام الرشاشية) بيشيل مويتو في قربتو او جالونو المخيّش لترطيب الموية ويشيل فاسو عشان يمشى يشقل الشقل وتكون بلادو نظيفة للزراعة . والشقال النجيض ما بتلهم الشقلة بكرعيهو لانو مرات بيكون لابد تحتها الدبيب الوشاش . والمزارع البعز ام اولادو بيلقي الايام دى ضقال الطلح يشلخها ويملخها بفاسو ويجى شايلها عدلتين في دابتو .
ده كلو زمان يا ود المنسي الله يحفظك ويديك العافية
Post: #420 Title: Re: لاح لي من صعيد برقاً كتم تعّالو Author: على احمد النعيم Date: 05-23-2007, 12:22 PM Parent: #419
واصلي لينا في مسادير ود الصقري الانسان البدوي الرائع الذى لم نسمع عنه الا في اخر حلقة لبرنامج شوارد .
Post: #429 Title: Re: لاح لي من صعيد برقاً كتم تعّالو Author: سمية الحسن طلحة Date: 06-11-2007, 10:47 AM Parent: #428
لحّاح البروق قلع السحاب الماسي عتم وصبَّ فوق بلد أم نفايل راسي الليل كلو يرزم وبكرة قحّ نحاسي قعد سيل المرانع والحدوب متواسي ودالشريقاوى يادارع عشانيق البروق وبرِفَّن الليل جا وعِيَن النعايم نَفّن على الداداتو شالن حجولو وقَفّن ياالليل غادى ياروقاى جرايدك حَفّن ود الصقري
Post: #430 Title: Re: لاح لي من صعيد برقاً كتم تعّالو Author: سمية الحسن طلحة Date: 06-11-2007, 10:27 PM Parent: #429
لحّاح البروق قلع السحاب الماسي عتم وصبَّ فوق بلد أم نفايل راسي الليل كلو يرزم وبكرة قحّ نحاسي قعد سيل المرانع والحدوب متواسي ودالشريقاوى
Post: #431 Title: Re: لاح لي من صعيد برقاً كتم تعّالو Author: سمية الحسن طلحة Date: 06-17-2007, 08:02 AM Parent: #430
الليلة القلب أمسى مكتر الأفلام سمعلو تكيك وشاف برقا بلوح قدام عرب الدرعتنى النار وسم الهام نزلوا نقيب وغفراً عادم الحوام
Post: #432 Title: Re: لاح لي من صعيد برقاً كتم تعّالو Author: الطيب شيقوق Date: 06-17-2007, 09:55 AM Parent: #431
Quote: لحّاح البروق قلع السحاب الماسي عتم وصبَّ فوق بلد أم نفايل راسي الليل كلو يرزم وبكرة قحّ نحاسي قعد سيل المرانع والحدوب متواسي
يا سلام يا بت طلحة
اهلنا انا بسمعهم دائما لما السحاب يكون هاجس من الضهرية لحدى يقابل المغربية بيقولوا السحاب ده بايت . وقلع السحاب الماسي في بيت ود الشرقاوى ده اعتقد يقصد بيها قلع السحاب البائت .
عتم وصب تعنى تراكم وتجمع وام نفايل اكيد محبوبة الشاعر وراسي بدون جونو
والليل كلو يرزم يعنى بيرعد وبكرة قح نحاسي تعنى بعد ما سرى بالليل واصل النهار كلو لحدى المغربية وعادة برق المغربية من جهة الغرب هو البرق النحاسي ومطرتو بسموها اهلنا نحاسية ودى من اكثر الامطار ماءا وصواعقا كفانا الله واياكم .
قعد سيل المرانع والحدوب متواسي - المرانع هى الاراضى المنخفضة والحدوب جمع حدبة وهى الاماكن العالية !!
ولعل الشاعر يقصد هنا ان الماء ساوت الاراضى العالية والمنخفضة .
Post: #433 Title: Re: لاح لي من صعيد برقاً كتم تعّالو Author: عبد الله عقيد Date: 06-17-2007, 12:36 PM Parent: #432
Post: #435 Title: Re: لاح لي من صعيد برقاً كتم تعّالو Author: سمية الحسن طلحة Date: 06-17-2007, 09:57 PM Parent: #434
الأخ الطيب شيقوق شرح وافي وخبرة بالبروق وشكرا للمتابعة
الأديب أستاذنا/ عبدالله عقيد بهاء حضورك يخفي برق الصعيد بل كل أنواع البروق علي كل الأصعدة عودا حميدا ،أسعدتنا إقامتك هنا منذ الصباح ومثلك لايستأذن ليفسح له مجال فقد مددنا البسط من أمد ننتظر للحظةإستقبالك
Quote: كلام بدعة
شنتير لازلت أذكر أول تعليق لك على مربوع لودالشوبلى كتبته أنا فى بوست للأخ عبدالله عقيد وكان تعليفك علي : حلبولك بكارا ضير علي البلاس بقولك : كلام فانتاستك .. والغريب إننى أحس ببعض أبيات فى الدوبيت وأتمنى أن أجد قارئا يشاركنى فيها نفس الإحساس ، وأهم بشرحها ثم أتراجع لعلمى أن الشرح يفسدها ، وأقول لوصادفت من يفهمهها هكذا أفضل من أن تصادف من يفهمها بعد الشرح .
Post: #436 Title: Re: لاح لي من صعيد برقاً كتم تعّالو Author: Shinteer Date: 06-17-2007, 10:22 PM Parent: #435
Quote: حلبولك بكارا ضير علي البلاس
يا أختنا سمية .. شن حالك؟ الاقتباس الفوق ده بالنسبة لي ما كلام. دي صورة راسها عديل شايفها قدامي. ولو ما الصور البتقيف لي قدام وشي دي وحاتك ما بجيب خبر لكلام "مشعور". و"البلاليس" دي عندي فيها مرادة قديمة، خسوساً وكت العتيم، رغم تآمرها البرئ مع مهاجرة أنصاص الليالي: أرْخْ (أرْخِي) النقْرَة نسمع طَنـّة البلاّس. أو كما قال شيخنا.
وكلو فانتاستيك خالس خالس.
Post: #437 Title: Re: لاح لي من صعيد برقاً كتم تعّالو Author: سمية الحسن طلحة Date: 06-17-2007, 10:46 PM Parent: #436
نعم الحال يا أخونا شنتير جانا إعصار غونو جاب الأودية دي شايلة العاول وأب جداول
Quote: و"البلاليس
نزلوبا أم عروض سافل ودى الحاسا حلبولا البطن وكت السحر بلاساِ دايما أهلنا يقولولك : بلس علينا وبلست علينا .. كدى لايم لي الكلام دا كان بتلايم ( بلاس ، بلس وبوليس ).
Post: #438 Title: Re: لاح لي من صعيد برقاً كتم تعّالو Author: Shinteer Date: 06-17-2007, 11:05 PM Parent: #437
الكلام ده يلايموا ليه شنو؟ والله براه ملايم ملايمة ما حصلت. حَلَبولْها البِطِن وكت السَّحَر بلاّسا. شوفي الطنّة والبلاّس جن سوا كيف!. ما ذُكِر البلاّس إلا وذُكِرت الطنّة. وشيخنا فوق قال: أرخ النقرة نسمع طنة البلاّس.
أحد أصدقائي سألني ما معنى whistle blower بالعربي؟ قلت ليه إنو أقرب معنى ليها هو "البلاّس"، مع الفارق الوظيفي .. وكان مغالتني أسعل ود أب ناجمة. وفي النهاية وصلنا لترجمة يفهمها أبناء آدم الآخرين.
Post: #439 Title: Re: لاح لي من صعيد برقاً كتم تعّالو Author: سمية الحسن طلحة Date: 06-19-2007, 08:08 AM Parent: #438
Quote: أحد أصدقائي سألني ما معنى whistle blower بالعربي؟ قلت ليه إنو أقرب معنى ليها هو "البلاّس"، مع الفارق الوظيفي .. وكان مغالتني أسعل ود أب ناجمة. وفي النهاية وصلنا لترجمة يفهمها أبناء آدم الآخرين.
صدقت ياشنتير أخوي فى قولة ترجمة يفهمها أبناء آدم الآخرين قال أحدهم مقربا المعنى لبنى آدم : صبر كاتم غرامك وأم لهيب في حشاى ليمك قاسي حارسك النوناي حاتى وحاتك إت يالبقيت مناى متل حالة البجدع وغالب الهداي
Post: #440 Title: Re: لاح لي من صعيد برقاً كتم تعّالو Author: سمية الحسن طلحة Date: 06-19-2007, 07:13 PM Parent: #439
فوق حدبة ملوك سحباً مزرقن ختّا سيل السارية جدول نار عشانا همتّا والدُملُك نبت كسَى من عِريهو أتغتّا مسعود إيدو فضَّت فى القِصيرة أسقتّا
بت طلحة معليش انا فهمت العلاقة بين السيل الهمد نار العشا والناقة البتحلب .
ارجو التوضيح لو امكن
Post: #449 Title: Re: لاح لي من صعيد برقاً كتم تعّالو Author: سمية الحسن طلحة Date: 06-20-2007, 04:21 PM Parent: #443
Quote: بت طلحة معليش انا فهمت العلاقة بين السيل الهمد نار العشا والناقة البتحلب .
ارجو التوضيح لو امكن
ودشيقوق إت كان ماسويت كدى وأتغابيت العرفة تبقى ماك من نفر منصور العجب ليس الغبي بسيد في قومه ولكن سيد القوم من يتغابى ماتمش لبعيد أنا بعنالك المعنى نحن فى البطانة السيل مابقطع راسنا ، بنحلب ونتعشى فى أمانة الله هنا جية السيل تقطع الكهرباء وعليك أمان الله أتقول الدنيا فيها مجاعة ..
Post: #447 Title: Re: لاح لي من صعيد برقاً كتم تعّالو Author: سمية الحسن طلحة Date: 06-20-2007, 04:08 PM Parent: #442
Quote: وقافيتهن المنتهية بـ(الادغام بقنة) علي قول ناس العربي الفصيح زادتهن جمال وبهاء..
يا سمية عليك الله تميهن
لا عند
(الراجيها ميراث من جدودها بختا)
أحمد حبابك أنا باقي بحولق فوق البيوت ديل مصبحة ومغربة خاتمة وعارقة ، وعلي إنجلاتك بديك الأبيات الذكرتهن ديل مادام جب طاريهن براك ، أهلنا الشكرية فى الفولة وود شمعون كلامن كلو بالغنة سمح بالحيل كان جاك خالى ودبكار بجيهو لينا تب ... فاقدين ودالنعيم ياأحمد نعلو طيب .
Post: #445 Title: Re: لاح لي من صعيد برقاً كتم تعّالو Author: محمد المختار الزيادى Date: 06-20-2007, 09:46 AM Parent: #441
الاخت سمية سلامات والله البوست ده من اجمل البوستات واتمنى الا يتأرشف
يا اصيلة ذى بوستك ده الواحد الا يجى شايل سوطو ويلم فى الشباب ديل
جلد جلد جد ما لعب حتى تكتمل نشوة هذا الكلام الجميل
والله لو طلعنا سيطانا الا يحجزونا ب شبال شبالين
انا طبعا ما بحفظ كويس لكين حافظ لى كلام من حبوباتى الله يرحمن سمح خلاااص من كلام اهلنا الزيادية وما اظنها تامه
اخوى الفى ظنى كن قالو جريت عليك بنغنى الدوسة ام رمم بكريها ما بتنى ناقة العبيدية حرم صلوحا وسايقها جبريه الدوسة ام رمم بت حوايليه
ملحوظة
الدوسة: الدواس اى الحرب ام رمم: كثيرة الرمم اى الجثث بت حوايليه: اى من حول لحول سنة لسنة
تحياتى محمد
Post: #452 Title: Re: لاح لي من صعيد برقاً كتم تعّالو Author: سمية الحسن طلحة Date: 06-20-2007, 08:08 PM Parent: #445
Quote: اخوى الفى ظنى كن قالو جريت عليك بنغنى الدوسة ام رمم بكريها ما بتنى ناقة العبيدية حرم صلوحا وسايقها جبريه الدوسة ام رمم بت حوايليه
مرحب بأهلنا الزيادية كلامكم حلو وطاعم بالحيل البوست دا عمره طويل كل بوستاتى أتأرشفت رغم إنى بقدم طلب برقعها إلاهو ظل مفتوحا ليستقبلكم ويفخر بإطرائكم ، جيب سيطانك وتعال وزدنا من شعركم شكرا لكلماتك التأنقة بعامينا شكرا لمرورك البهى
Post: #456 Title: Re: لاح لي من صعيد برقاً كتم تعّالو Author: محمد المختار الزيادى Date: 06-21-2007, 08:50 AM Parent: #452
لك التحيات يا بت شيوخ البطانة هذا ما قاله الشريقاوي عن عقيد البادية.. أما عقيد الحضر فقد فعل قبل أشهر ما فعله زميله..
عقيدا شد فوق ضهر الكوريللا وختَّ مسك درب الحجيج عاقِب زوالو اتغتّ قال للغُربة (تُب) خلّاها وايدو نفضتّا لمّ قبيلتو مرتاااح والعِوينة غمتّا
ود عقيد
أمنية: يارب ما يجي ود شنتير يقول "فنتاستك"؟
Post: #446 Title: Re: لاح لي من صعيد برقاً كتم تعّالو Author: خالد علي محجوب المنسي Date: 06-20-2007, 03:48 PM Parent: #444
سمية حبابك ألف
إتْ يا قلبي كان بتروق وكان بتجْن بروق القبلي سوّن في البطاطين فن ضرب عقاد دون وحش الشويق اردن قالو عقيدا قمريها ودباسها يغن
أحمد الفرجوني
Post: #453 Title: Re: لاح لي من صعيد برقاً كتم تعّالو Author: سمية الحسن طلحة Date: 06-20-2007, 08:38 PM Parent: #446
Quote: سمية حبابك ألف
إتْ يا قلبي كان بتروق وكان بتجْن بروق القبلي سوّن في البطاطين فن ضرب عقاد دون وحش الشويق اردن قالو عقيدا قمريها ودباسها يغن أحمد الفرجوني
خالد المنسي حبابك آلاف طبع الكريم مابتجينا إيدك فاضية
إت ياقلبي ياالدايما ملان بالحن بروق القبلى خلنك تنوح وتطن جمال فر البتاتى وجوز حجولو يرن من العتمة ديسو ومن لمعتك سن سمية الحسن طلحة
Post: #448 Title: Re: لاح لي من صعيد برقاً كتم تعّالو Author: عبد الله عقيد Date: 06-20-2007, 04:14 PM Parent: #1
Quote: إتْ يا قلبي كان بتروق وكان بتجْن بروق القبلي سوّن في البطاطين فن ضرب عقاد دون وحش الشويق اردن قالو عقيدا قمريها ودباسها يغن
أحمد الفرجوني
إت يا قلبي كان بتروق وكان بتوِز برق القبلي شق عاتما سحابو ينِز ضرب الصي معيزا في مشيهو يرز وقالو عقيدا يا ابو حميد شبيه الوِز
ود عقيد
Post: #450 Title: Re: لاح لي من صعيد برقاً كتم تعّالو Author: سمية الحسن طلحة Date: 06-20-2007, 07:48 PM Parent: #448
ودعقيد لينا بى فالك ياخوى علقة من علقاتك ... ياالمشيت بالبر ودخلت الكر كورلتك دى متل لاب توب طه الضرير كما تخيله الشاعر ( شعر المسادير فى زمن مفردات العولمه ) شديتو ال “Pentium” وأصبح يِبرطِمْ جَائِطْ وال“Internet” دَقَـشْ قَلَّبْـتُـو”Site Site” على أم رُوبَاً حـلال مـا طَوَّلَنُّـو وَسَائِـطْ وعطشان الغرام ما بْيَرْوَنُّو “Two K-bite”
Post: #455 Title: Re: لاح لي من صعيد برقاً كتم تعّالو Author: الطيب شيقوق Date: 06-21-2007, 06:34 AM Parent: #454
Quote: نحن فى البطانة السيل مابقطع راسنا ، بنحلب ونتعشى فى أمانة الله هنا جية السيل تقطع الكهرباء وعليك أمان الله أتقول الدنيا فيها مجاعة ..
يطول عمرك بت الصالحين عدلت راسي طااااااااب
ذكرتيني اها انا زمان بتذكر وقت السيل يتقالس وحجار بطارية ابوى تنزل كنت بتحزم وبشيل القرعة والمحويب وبفتح الباب وبنتظر البرق يشلع وقبل يطفئ بكون وصلت زريبة البقرات . بنتنظر شوية لحدى برق الصعيد يشلع تاني عشان افرز البقرة الما مرضعة وامشى ليك عليها بالمحويب ( يا الرطاني اكان متابع معانا هو الحبل البربطوا بيهو البقرة في كرعيها الوراء وقت الحليب ).
بعد احلب باخد ليك صنفة شوية جنب البقرة بنتظر البرق يشلع عشان افرز الدرب لعن باب البيت . اها القى ليك امي الفالحة طلعت ليك الحطب اليابس من تحت العنقريب وولعت نارها وختت فيها الحلة البتخلي القنانة تكتل .
هيييييييييييييع معاها دقت كراع وطاقية في الهامة وتكية رقبة من البدنة.
Post: #457 Title: Re: لاح لي من صعيد برقاً كتم تعّالو Author: سمية الحسن طلحة Date: 06-21-2007, 09:26 PM Parent: #455
إتْ يا قلبي كان بتروق وكان بتجْن بروق القبلي سوّن في البطاطين فن ضرب عقاد دون وحش الشويق اردن قالو عقيدا قمريها ودباسها يغن أحمد الفرجوني
إت ياقلبي الديمة مليان حن بروق القبلى خلنك تنوح وتطن متل فر البتاتى و جوز حجولو يرن سواد العتمة ديسو وبياض لمعتك سن سمية الحسن طلحة
Post: #458 Title: Re: لاح لي من صعيد برقاً كتم تعّالو Author: سمية الحسن طلحة Date: 06-21-2007, 09:30 PM Parent: #457
Quote: إت يا قلبي كان بتروق وكان بتوِز برق القبلي شق عاتما سحابو ينِز ضرب الصي معيزا في مشيهو يرز وقالو عقيدا يا ابو حميد شبيه الوِز
ود عقيد
إت ياقلبي كان بتروق وكان بتفِز برق القبلى شالع وحس رعيِدو يِرز فرق المنو جرحاتك تملي تنِز قالوا عقيدو ود مهلة ومكارم وعِز سمية الحسن طلحة
Post: #459 Title: Re: لاح لي من صعيد برقاً كتم تعّالو Author: خالد علي محجوب المنسي Date: 06-21-2007, 09:44 PM Parent: #458
الفاضلة العزيزة / ريحانة الحسن ودطلحة سلامّن يغطيك من كل سوء ويحفضك يا بت الرجال نستميحك عذرا ... نكلل هذا البوست الجميل بصوت المطرب المرهف ودالشفيع وهو يتغنى للطبيعة في الضواحي أو بالاصح البادية حتى نشتم ريحة لبيني مقننة مفوري فوق روث بعر البقر وريحة الروب الغباشي تتناول كوريتو بي يدك اليمين وعينك فوق كشامبير سعنو مازال مشحوط او سمنة بلدية في ملاح تقلية يقديل في السوسيو بي عبايتو لما يتشربك وما يقدر يمرق ريحة البرم وكتين يفقع ويعبق في الجو فحيح ريحة روث البهائم عقب الرشاش والله تلك تشتاق لها روحي لا يضاهيها في انفي عز روايح باريس رويحة توب الحبوبة منتكيِّ فوق عنقريب هباب نزل كرابو متوسدة توبا البنقالي .. باقي شاريا من النقادة لامن شالت البقعة عمنوّل وريحة بويت مزبل للخريف عمّه .. وجواهو محبوبين .. هبابين .. وخمسة عيال وسحارة .. وعقاب معزايّه للشفع
Post: #461 Title: Re: لاح لي من صعيد برقاً كتم تعّالو Author: سمية الحسن طلحة Date: 06-21-2007, 10:13 PM Parent: #459
المكارم غرقنا ساسن والمجالس من غيرنا ساسن إن عطشنا نمز مر وآسن وإن عشقنا بنعشق محاسن
الله ياخالد النال والأراك الخزام والشيح والبراح ... ياحياتى أملى اللي راح .. أجمل هدية هذا المساء لاعدمناك ياخالد .
Post: #462 Title: Re: لاح لي من صعيد برقاً كتم تعّالو Author: سمية الحسن طلحة Date: 06-22-2007, 09:20 PM Parent: #461
Quote: تلاتة سنين نجيع شقاوة فتْ مشوار بعد من الأهل جُملة ونواحي الدار تلقى قفانا ياالصديق سحابّن طار وردع العالي سيلو جفا وجاب لو خدار أحمد الفرجوني
تلاتة سنين فى غربة وفراقا حار وشوقا للأهل فرشنا جمر النار طول الغربة ياخالد بقا لنا ودار هم وضياع عمر ماسينا فيه عمار سمية الحسن طلحة
Post: #463 Title: Re: لاح لي من صعيد برقاً كتم تعّالو Author: خالد علي محجوب المنسي Date: 06-22-2007, 09:37 PM Parent: #462
قومّوا خلّوا الضيق في الجنايّن شوفّوا عز الصيد في العسايّن يلّه نقنّص نمرح نعلين النهار من حر الكماين كلبي يا جمجموم اصلّو خاين شوفو كيف يبرا الملايّن هبا شالّه وكشح المُراح
والله وكأني أرى الكليب جمجوم في هبته وجب كلب في صيدو وفرزع بقية المراح
Post: #464 Title: Re: لاح لي من صعيد برقاً كتم تعّالو Author: سمية الحسن طلحة Date: 06-24-2007, 07:36 AM Parent: #455
Quote: اها القى ليك امي الفالحة طلعت ليك الحطب اليابس من تحت العنقريب وولعت نارها وختت فيها الحلة البتخلي القنانة تكتل .
أمى لي ضيفانا بتمرق المدسوس نص الليل بكركب طاجنا وبتعوس الطيب شيقوق الله يطراك بالخير طريتنا كلام يوسف ودالبنا فعلا المرة الفالحة بتعمل ٌحتياطى المخزون خوفا من خراب المطر والحطب المناوى اللين بعاسر فى التولع زى ماقال ود الشلهمة عربك عاسرا اللون من تولع نارا قرعك لي عشاهم بالفريق أتبارى
Post: #465 Title: Re: لاح لي من صعيد برقاً كتم تعّالو Author: عبد الله عقيد Date: 06-24-2007, 08:56 AM Parent: #464
Quote: تلاتة سنين نجيع شقاوة فتْ مشوار بعد من الأهل جُملة ونواحي الدار تلقى قفانا ياالصديق سحابّن طار وردع العالي سيلو جفا وجاب لو خدار
أحمد الفرجوني
تلاتة سنين معاهِن ستّة.. يبقن كم؟ قضيناهن غصِب غُربة ومراير وهم تلقا قفانا يا أحمد سحابو انجَم وهدم العالي سيلو وخمّ رغوتو خم
ود عقيد
Post: #466 Title: Re: لاح لي من صعيد برقاً كتم تعّالو Author: خالد علي محجوب المنسي Date: 06-24-2007, 11:02 AM Parent: #465
قول لي مُحمد إبقى الوادي جنّو تُعول فرّش ماهّو وقرع منو البعير والزول وتاني سحابو بات بدالو سيول قشن الراوي ساقنّو وصبح مغسول
أحمد الفرجوني
Post: #467 Title: Re: لاح لي من صعيد برقاً كتم تعّالو Author: الطيب شيقوق Date: 06-24-2007, 11:16 AM Parent: #466
بت طلحة
Quote: أمى لي ضيفانا بتمرق المدسوس نص الليل بكركب طاجنا وبتعوس الطيب شيقوق الله يطراك بالخير طريتنا كلام يوسف ودالبنا فعلا المرة الفالحة بتعمل ٌحتياطى المخزون خوفا من خراب المطر والحطب المناوى اللين بعاسر فى التولع زى ماقال ود الشلهمة عربك عاسرا اللون من تولع نارا قرعك لي عشاهم بالفريق أتبارى
الله يكفيك شر العين
Post: #468 Title: Re: لاح لي من صعيد برقاً كتم تعّالو Author: Ahmed Yousif Abu Harira Date: 06-24-2007, 03:23 PM Parent: #467
بلاغة
وضاءة
ودادة
رحم الله ودالشريقاوي الكبير
Post: #469 Title: Re: لاح لي من صعيد برقاً كتم تعّالو Author: ابوبكر يوسف إبراهيم Date: 06-24-2007, 05:26 PM Parent: #468
برق برقاً شال وقت المغارب شلع خفق قلبي بي طاريكم ديمةلآِمن إتوجع ودشيقوق بتعرف كيفن الزول الحنين إن دمع معناهو شوقو لود مفتاح وسميةوالأحبة اجتمع وما داير أقولك شن في القليب سوى وصنع ما أنتو عارفين الشوق كتال بسوي البدع
Post: #470 Title: Re: لاح لي من صعيد برقاً كتم تعّالو Author: على احمد النعيم Date: 07-01-2007, 06:28 AM Parent: #469
بشوف لى برق من بعيد مِتل الزناد بَقْ بقّ وفلّح قلبى بى سلاحاً ولا بتلقّ عاين فيهو عقبان رفّ طبق البقّة فسّل قلبي ذكرني أم ضميراً رقّ
Post: #471 Title: Re: لاح لي من صعيد برقاً كتم تعّالو Author: سمية الحسن طلحة Date: 07-02-2007, 08:22 AM Parent: #470
شكرا اخوتى الكرام : خالد علي محجوب المنسى الطيب شيقوق عبدالله عقيد أحمد يوسف أبوحريرة د. أبوبكر يوسف إبراهيم أحمد علي النعيم
عليو النعام الليلة صار طربان وخبتنو البروق كرباج مع السيطان نطرنو الدُغُس دُرّر مع العِنقان رتعن فيهو لوب تبرة وسحى وريحان
الوادي أب زِميِّم الليلة صار مبسوط شالتلو أم رِويق ومنو أبت ماتفوت تحلب لا الضحى سوّت صبيبن فوت فتق قنبارو شرّا وأتنابت الحنتوت
Post: #472 Title: Re: لاح لي من صعيد برقاً كتم تعّالو Author: الطيب شيقوق Date: 07-02-2007, 11:24 AM Parent: #471
Quote: الوادي أب زِميِّم الليلة صار مبسوط شالتلو أم رِويق ومنو أبت ماتفوت تحلب لا الضحى سوّت صبيبن فوت فتق قنبارو شرّا وأتنابت الحنتوت
والله يا اخوانا نحن محتاجون لاستاذ في علم البلاغة عشان يكشف لينا عن الابداع البياني في هذه الابيات او شعر الدوبيت كله الذى نجده يحتوى على جميع علوم البلاغة - نجد فيهو التشبيه باروع صوره لا سيما تشبيه التمثيل الذى تكون الصورة فيه منتزعة من متعد والتشبيه الضمنى والجناس والطباق والسجع وهلم جرا .
فلو كان علماؤنا اللغويون يدركون الكنز البياني في دوبيت البادية لما كانوا في حاجة لادب المتنبئي وبشار بن برد وغيرهم من الشعراء ليستلهموا من اشعارهم النمازج البليغة .
تصوروا ود الصقري هذا البدوى الموهوب قال شنو
الوادى اب زميم الليلة صار مبسوط
شالتلو ام رويق ومنو ابت ما تفوت
تحلب للضحي وهنا شبهة ود الصقري ام رويق او السحابة حال صبيبها بالبقرة الحلوب
جميل يا بت طلحة نتابع هذا الابداع
Post: #473 Title: Re: لاح لي من صعيد برقاً كتم تعّالو Author: هاشم أحمد خلف الله Date: 07-02-2007, 01:14 PM Parent: #472
Post: #476 Title: Re: لاح لي من صعيد برقاً كتم تعّالو Author: الطيب شيقوق Date: 07-17-2007, 10:28 AM Parent: #475
Quote: ياأم نفساً طري وطب الملاريا هبوبك
انت عارفة يا بت طلحة ده هو السر البخلي العربان تنشق كلها في الخريف للبطانة لا ضبان ولا باعوض ولا حشرات ولانو هبوب البطانة بتكون طاردة لهذه الحشرات .
والله كلام يا ود الصقري
سمية ود الصقري ده رفاعي ودندراوي مننا عديل ما تمشى تتعلكت فيهو زي الفرجونى .
Post: #477 Title: Re: لاح لي من صعيد برقاً كتم تعّالو Author: سمية الحسن طلحة Date: 07-17-2007, 08:56 PM Parent: #476
سمية ود الصقري ده رفاعي ودندراوي مننا عديل ما تمشى تتعلكت فيهو زي الفرجونى
يازول قول بسم الله والله أنا مش أتعكلت وبس .. كمان أجيب ليك رعاة حقوق الملكية الفكرية أصلا دا ماكلام ودالصقري .. دا كلام ودالشريقاوي الشكري .. أخوالي براااي ركز شوية المرة دى سامحناك لكن ماكل مرة تسلم الجرة .
Post: #478 Title: Re: لاح لي من صعيد برقاً كتم تعّالو Author: الطيب شيقوق Date: 07-18-2007, 05:40 AM Parent: #477
Quote: أصلا دا ماكلام ودالصقري .. دا كلام ودالشريقاوي الشكري .. أخوالي براااي ركز شوية المرة دى سامحناك لكن ماكل مرة تسلم الجرة .
دى دقسة يا بت طلحة كلامك صاح - ولكن يبقى الراي عندى هو ان ود الصقري مو هولكم طااااااااااب
Post: #479 Title: Re: لاح لي من صعيد برقاً كتم تعّالو Author: سمية الحسن طلحة Date: 07-18-2007, 06:54 AM Parent: #478
فعلا ياشيقوق ودالصقري منكم لكن باري منكم أو متيري منكم، لأنه جاء علي جهتنا، حيث وصف طريق رحلته للحبيبة مرورا ببنية أبشام إنشاء الله بجيب ليك مسدارو فوق روغاي أو( روغال ) الذى حمله لدار المحبوبة، ومنه قوله : يادارع عشانيق البروق وبرِفَّن الليل جا وعِيَن النعايم نَفّن على الداداتو شالن حجولو وقَفّن ياالليل غادى ياروقاى جرايدك حَفّن ود الصقري
Post: #480 Title: Re: لاح لي من صعيد برقاً كتم تعّالو Author: الطيب شيقوق Date: 07-18-2007, 07:17 AM Parent: #479
Quote: على الداداتو شالن حجولو وقَفّن
بت طلحة والله عجبتني عبارة ( وقفن) وبتعني فاتن او مشن او بكلام ناس الدندر قفن يعنى قلعن
لكن شنو يا بت طلحة الداداتو دى؟
او لو امكن اشرحى البيت كله .
Post: #481 Title: Re: لاح لي من صعيد برقاً كتم تعّالو Author: Ahmed Yousif Abu Harira Date: 07-18-2007, 07:33 AM Parent: #479
سمية كيفنك انتي لي يوم الليلة مع البروق الاسفيرية دي وبي هناك البروق رحلت القبل الاربعة؟ وعلى طاري عمنا ود الصقري أقول اسمو سمح وحسو ماكن بس...
اما شعره فقد كان ركيكا ، مفككا وملتقا وعدسته مهترئة عشان كدي صوره جاءت ممسوخة وباهتة.. وقد لاحظت كذلك انه لم يترك شاعرا في البطانة إلا واستلف منه مقطعها او لقطة او صورة.. وحتى لا نظلمه نستطيع ان نقول انه ناظما لا بأس به لكنه بالقطع ليس شاعرا .. سامحه الله في تلك الحلقة من برنامج شوارد فقد استغرق وقتا ثمينا كان يمكن ان يخصص لود الشريقاوي (جونيور) ليمتعنا ، سواء من انتاجه الخاص او من انتاج ود الشريقاوي (سينيور)..
Quote: ولكن يبقى الراي عندى هو ان ود الصقري مو هولكم طااااااااااب
استاذنا الطيب كان بودنا ان نترك لك ما يستحق ان يترك..لكن ود الصقري (الشاعر) كان ليك ولأ لسمية ما فيه "لقا"..
Post: #482 Title: Re: لاح لي من صعيد برقاً كتم تعّالو Author: الطيب شيقوق Date: 07-18-2007, 10:39 AM Parent: #481
Quote: كان بودنا ان نترك لك ما يستحق ان يترك..لكن ود الصقري (الشاعر) كان ليك ولأ لسمية ما فيه "لقا"..
حرام عليك يا احمد اخوى ظلمت الراجل .
Post: #483 Title: Re: لاح لي من صعيد برقاً كتم تعّالو Author: سمية الحسن طلحة Date: 07-18-2007, 11:12 AM Parent: #482
شيشك آآ شيخ أحمد ... ماعهدت حرفك الأنيق بهذه القسوة . مع أنني أتفق معك فيما ذهبت إليه ولكنني أحبذ مبدأ إحترام رؤية الآخر . ( من تذوق دوز ودالشلهمة لايعالج دوباله دوزا دون )
Post: #484 Title: Re: لاح لي من صعيد برقاً كتم تعّالو Author: الطيب شيقوق Date: 07-20-2007, 07:11 AM Parent: #483
الوادي أب زِميِّم الليلة صار مبسوط شالتلو أم رِويق ومنو أبت ماتفوت تحلب لا الضحى سوّت صبيبن فوت فتق قنبارو شرّا وأتنابت الحنتوت
Post: #485 Title: Re: لاح لي من صعيد برقاً كتم تعّالو Author: سمية الحسن طلحة Date: 09-01-2007, 08:40 PM Parent: #484
لاح البرق .. وفرفر لي بي شوفتو ذكّر حبيبي البريييدو ذو الوجه المنور
أبو الخليفة الشيخ الحسن
Post: #486 Title: Re: لاح لي من صعيد برقاً كتم تعّالو Author: سمية الحسن طلحة Date: 09-02-2007, 10:13 AM Parent: #485
من قدَحِي البريقات مايقي سقـّد وحسّـا وقيام أخبار دور رحيلكم عندي مي مندسّا مامعاي حاجة من غير العضام والجثة بى قلبــي المعاكم ياحبيـبي اتوصّــــا طه ودالشلهمة
تشبيه بليغ لقدحي البروق بالقداحة أي الزناد الذي تقدح منه النار..
Post: #487 Title: Re: لاح لي من صعيد برقاً كتم تعّالو Author: سمية الحسن طلحة Date: 09-06-2007, 03:27 PM Parent: #486
لاح لي من فواطرك البرق وهاج في عينيك بشوق لهلاكي شركك قاج قطعت الفيافي وجيتا حافي وداج أمرضني اللهيج وكان عشمي ألقي علاج سمية الحسن طلحة
Post: #488 Title: Re: لاح لي من صعيد برقاً كتم تعّالو Author: الطيب شيقوق Date: 09-06-2007, 03:56 PM Parent: #487
Quote: شركك قاج
سمية دى كجامة ولا شبكة لخبط الطير؟
مودتي
Post: #489 Title: Re: لاح لي من صعيد برقاً كتم تعّالو Author: سمية الحسن طلحة Date: 09-08-2007, 04:07 PM Parent: #488
طير شنو ياشيقوق ! الزول وكت يصيد يصيد ليهو طيرة ؟ قالوا : كان سرقت أسرق جمل وكان عشقت أعشق قمر وبعدين الناس البصيدو الطير ديل حاسدنو لأنو بقدر يمشي وين ما يدور...
البّراق يفرفر في الضلام فجّاج الدمّاع قرين والمنام لجلاج من الجرحو في جوف البدن وجّاج ياطير السعد أفزعني ليك محتاج سمية الحسن طلحة
Post: #490 Title: Re: لاح لي من صعيد برقاً كتم تعّالو Author: سمية الحسن طلحة Date: 09-10-2007, 05:08 AM Parent: #489
البّراق يفرفر للضلام فجّاج الدمّاع قرين والمنام لجلاج من الجرحو في جوف البدن وجّاج ياطير السعد أفزعني ليك محتاج سمية الحسن طلحة
Post: #491 Title: Re: لاح لي من صعيد برقاً كتم تعّالو Author: سمية الحسن طلحة Date: 09-16-2007, 02:33 AM Parent: #490
برق العقيق جرجرا هل مابي بيك جرى ؟ أسهر وأجافي الكرى ومن خمر القوم أسكرا
Post: #492 Title: Re: لاح لي من صعيد برقاً كتم تعّالو Author: سلمى الشيخ سلامة Date: 09-16-2007, 04:30 AM Parent: #491
الله يرحم صديقى الزين الطيب محمد الطيب فتح فينى نار الغنا المتل دا غنايا يشد الحيل سمح بلحيل
قبل كم يوم كنت بسمع فى الاذاعة برنامج اسمه المسادير وسدرت ما همانى شى قال واحد قصيدة طويلة لكن ضحكت فى القول جات اليشبه صديرا كراسى المحكمة
دحين ياسمية اختى دى شن نفرا البنية دى
عجبتنى الفكرة حقتكن دى وكمان ان بقيتى سويتيها كتاب بلحيل تكونى حفظتى للتاريخ من الخراب نعمنو ناس الحيكومة جنس كلامكن دا ما بتسويلو لا بيت لا كتاب اقعدوا عافية من جم
Post: #493 Title: Re: لاح لي من صعيد برقاً كتم تعّالو Author: سمية الحسن طلحة Date: 09-16-2007, 10:39 PM Parent: #492
سلمي كيفنك... والله زمني دا كلو متمنية لي بنية تجي تجادعني بجنس الكلام دا..
Quote: جات اليشبه صديرا كراسى المحكمة دحين ياسمية اختى دى شن نفرا البنية دى
دي نفرا من ستات الحشا البالي يابت أمي والضد يظهر حسنه الضد)
كلامك حلو ومسجوع و فكرة كتاب مجموع يلم التاريخ من النجوع في رجاك أطري الرجوع
Post: #494 Title: Re: لاح لي من صعيد برقاً كتم تعّالو Author: سمية الحسن طلحة Date: 09-19-2007, 12:22 PM Parent: #493
برّاق يثربا من سوح قبا أتباحت هيّج زاد غراماً للكباد فتّت الصلاة والسلام بعدّ لم تضبط من عبد الملك وزر الذنوب ينحط
Post: #495 Title: Re: لاح لي من صعيد برقاً كتم تعّالو Author: munswor almophtah Date: 09-19-2007, 12:57 PM Parent: #494
البّراق يفرفر للضلام فجّاج الدمّاع قرين والمنام لجلاج من الجرحو في جوف البدن وجّاج ياطير السعد أفزعني ليك محتاج سمية الحسن طلحة
البراق برق فى الضلمه شفنا العاج وشلهت شوق قلوبنا وليها درنا علاج من معسول كلامو اللقلوب شجاج وبرغت للطبيب الجابو لى بناج
منصور
Post: #496 Title: Re: لاح لي من صعيد برقاً كتم تعّالو Author: سمية الحسن طلحة Date: 09-20-2007, 08:42 AM Parent: #495
متل شلع البروق القليب رجراج صبيب مطر الموايق ماطفي السهراج يانور الضلام العالي في الأبراج لي سلم سماك ما أتلقي معراج
سمية الحسن طلحة
Post: #497 Title: Re: لاح لي من صعيد برقاً كتم تعّالو Author: الطيب شيقوق Date: 09-21-2007, 11:31 AM Parent: #496
Quote: ياطير السعد أفزعني ليك محتاج
آميييييييييين والله جبت قصيد يا بت طلحة وطلعتي شروكى وكجاماتي شيح في ريح
Post: #498 Title: Re: لاح لي من صعيد برقاً كتم تعّالو Author: abubakr Date: 09-21-2007, 12:39 PM Parent: #1
Quote: السهراج
يا عرريب ودشيقوق ما هو "السهراج " ؟ (هو احنا قادريين علي العربي الفي السوق تجيبو لينا جديد ؟ )
Post: #499 Title: Re: لاح لي من صعيد برقاً كتم تعّالو Author: سمية الحسن طلحة Date: 09-21-2007, 07:56 PM Parent: #498
شيقوق عندك أمثال عجيبة بالحيل كدي أشرح لينا معني الشيح هنا !؟ غايتو نحنا الشيح البنعرفو غير أبوبكر كيف الحال سهراجنا برضو جايز يكون غير السهراجة هى الدفوية بأشعة الشمس ويشبه عليها الحمي في العضام جوة والسراج هو الضو المنبعث من نار توقد من زيت في الغالب زي اللمبة أم مصران دلالة على خيط القطن المفتول زي المصران ومعطون في الزيت
Post: #501 Title: Re: لاح لي من صعيد برقاً كتم تعّالو Author: الطيب شيقوق Date: 09-21-2007, 08:34 PM Parent: #499
Quote: يا عرريب ودشيقوق ما هو "السهراج " ؟ (هو احنا قادريين علي العربي الفي السوق تجيبو لينا جديد ؟ )
هو يا استاذي من مشتقات ام سهيريج وهذه هي الوردة( الوردة يا رطاني هي الحمى البتخليك تقعد الضحوة في حر الشمس ) البتخليك تكتكت جوة البطانية .
Post: #504 Title: Re: لاح لي من صعيد برقاً كتم تعّالو Author: الطيب شيقوق Date: 09-21-2007, 08:47 PM Parent: #501
Quote: شيقوق عندك أمثال عجيبة بالحيل كدي أشرح لينا معني الشيح هنا !؟
ورد في كتاب الطبقات لود ضيف الله ان الشيح هو نوع من النباتات التي تنمو في ارض البطانة . اما الشيح في ريح تعني تعني مافي التكتحة ( التكتحة يا الرطاني تعني الحبة والحبة هنا ليست حبة بندول وانما حبة عيش ود عكر ( وود عكر نوع من الذرة ينمو جيدا في الاراضي الباشندية ( الباشندية تعني الاراضي الطينية السوداء عالية الخصوبة)
Post: #500 Title: Re: لاح لي من صعيد برقاً كتم تعّالو Author: abubakr Date: 09-21-2007, 08:34 PM Parent: #1
يالملكة العرريب الفوكابيولري بتاعو تعبان مما بقي زول بندر وسكن امبدة ...هسع انا كنت عايزو يشرع شنو السهراجة وانتي انقذتيه ...
Post: #502 Title: Re: لاح لي من صعيد برقاً كتم تعّالو Author: الطيب شيقوق Date: 09-21-2007, 08:39 PM Parent: #500
Quote: يالملكة العرريب الفوكابيولري بتاعو تعبان مما بقي زول بندر وسكن امبدة ...هسع انا كنت عايزو يشرع شنو السهراجة وانتي انقذتيه ...
الرطاني ده كمان بقى فوكابولاري مهجن بعدسات حضارية
Post: #503 Title: Re: لاح لي من صعيد برقاً كتم تعّالو Author: سمية الحسن طلحة Date: 09-21-2007, 08:47 PM Parent: #502
هسع هو مسك في السهراجة ونط من شرح الشيح أنا متأكدة ياأبوبكر أنت عارف المعاني دي أكتر مني ومنه لكن الأدهي من عدم إعترافه أنا لقيتو بقطع فيك في مسادير المفتاح .
Post: #505 Title: Re: لاح لي من صعيد برقاً كتم تعّالو Author: خالد علي محجوب المنسي Date: 09-21-2007, 08:53 PM Parent: #503
شرب ضهر النتروس الأبرق امات زام والعتروس جاتّو السارية من قِدام علي السعدية في الوادي الصعيد قزام زرع عوض الكريم سايق لو كور خُدام أحمد الفرجوني
Post: #506 Title: Re: لاح لي من صعيد برقاً كتم تعّالو Author: abubakr Date: 09-21-2007, 08:58 PM Parent: #1
Quote: ورد في كتاب الطبقات لود ضيف الله ان الشيح هو نوع من النباتات التي تنمو في ارض البطانة
اها بس في طبقات ود ضيف الله انت ما شفت الببيعو الشيح والحزي (كان ما غلطان) في الخرتوم وكانو بيجو راكبيين جمال ( دة في زمن انت لسه كنت بتلعب فيه مع القرود الفي الغابة الفي الطريق الي النهر الجاف )..حكم .. شيح ما تعرف طيب تعرف شنو ياعرريب قشرة
Post: #507 Title: Re: لاح لي من صعيد برقاً كتم تعّالو Author: الطيب شيقوق Date: 09-21-2007, 09:03 PM Parent: #506
Quote: ( دة في زمن انت لسه كنت بتلعب فيه مع القرود الفي الغابة الفي الطريق الي النهر الجاف ).
لالالالالا ده ما إندنا
Post: #508 Title: Re: لاح لي من صعيد برقاً كتم تعّالو Author: سمية الحسن طلحة Date: 09-21-2007, 09:10 PM Parent: #506
قالوا العربي كان فتح بجيب لي أهلو بلية يعني شيح في ريح بتاعتك دى زي شمار في مرقة ولا شنو ؟ نحن عندنا دى دعوة يدعو عليك يقولوا ليك يكب شيحك والمعني هنا هو الصديد عكس الشيح والنال والخزام دي نباتاتنا وبنعرفا زي جوع بطننا ياخالد المنسي ماتلحقنا بكلمات ود أهل أبوبكر دا : في الضواحي وطرف المداين ...
Post: #509 Title: Re: لاح لي من صعيد برقاً كتم تعّالو Author: خالد علي محجوب المنسي Date: 09-21-2007, 09:32 PM Parent: #508
قالوا العربي كان فتح بجيب لي أهلو بلية
كان جاب لي أهلو بلية بحلوها حلالّين العقد
يا الطبيعة الواديك ساكن مافي متلك قط في الأماكن ياجمال النال في ثراكن ياحلاة البرعن اراكن في قفاهن تور قرنّو ماكن لا غِشن لا شافن مساكن في الخزام والشيح والبراح
Post: #510 Title: Re: لاح لي من صعيد برقاً كتم تعّالو Author: سمية الحسن طلحة Date: 09-21-2007, 10:06 PM Parent: #509
يسلملي خالد زى البرق في النهمة لفاي المضيق قبال سماع الطهمة أخو الراسية ورزينة حاشا مي منلخمة راجية الله الكريم تنزل عليك الرحمة
سمية الحسن طلحة
Post: #511 Title: Re: لاح لي من صعيد برقاً كتم تعّالو Author: خالد علي محجوب المنسي Date: 09-21-2007, 10:22 PM Parent: #510
يسلملي خالد زى البرق في النهمة لفاي المضيق قبال سماع الطهمة أخو الراسية ورزينة حاشا مي منلخمة راجية الله الكريم تنزل عليك الرحمة
Post: #513 Title: Re: لاح لي من صعيد برقاً كتم تعّالو Author: سمية الحسن طلحة Date: 09-22-2007, 07:47 AM Parent: #512
Quote: لفاي المضيق قبال سماع الطهمة
عشان تمسح ليك شيح في ريح دي ياشيقوق مامعني الطهمة؟ ما تقول لي ما موجودة في معجمكم ويطلع كلام أبوبكر حفيد خليل فرح عنك صح
Post: #514 Title: Re: لاح لي من صعيد برقاً كتم تعّالو Author: خالد علي محجوب المنسي Date: 09-22-2007, 11:33 AM Parent: #513
شيح في ريح بتاعتك
السيح والريح
وكان يضرب بها المثل يقال لك الشافع دا ود السيح والريح.
اي ولد جن
Post: #515 Title: Re: لاح لي من صعيد برقاً كتم تعّالو Author: الطيب شيقوق Date: 09-28-2007, 11:02 AM Parent: #514
Quote: مامعني الطهمة؟
الطهمة عند اهلنا في البادية هي الموليتة بدون دكوة
Post: #516 Title: Re: لاح لي من صعيد برقاً كتم تعّالو Author: سمية الحسن طلحة Date: 09-29-2007, 08:00 AM Parent: #515
أي موليتة وأي دكوة ياشيقوق؟ أهل البادية براء مما تقول متحويين في أبو البيضاء الراكب علي الصديا البسبق قولة يا
Post: #517 Title: Re: لاح لي من صعيد برقاً كتم تعّالو Author: abubakr Date: 09-29-2007, 08:11 AM Parent: #516
Quote: أهل البادية براء مما تقول
بشان كدة انتي الملكة ..معا لفضح البدوي المزور دة ؟ ما قت ليك هو من امبدة ومشي اضاف حماميين وطابق لبيتو الهناك .. وقصه مشوار سنينو ورحلة عمرو بيان بانو لم يري البادية فهو يتحدث عن نهر جاف وقرود وغابات في قريتهم ؟؟
Post: #518 Title: Re: لاح لي من صعيد برقاً كتم تعّالو Author: الطيب شيقوق Date: 09-29-2007, 02:34 PM Parent: #517
Quote: بشان كدة انتي الملكة ..معا لفضح البدوي المزور دة ؟ ما قت ليك هو من امبدة ومشي اضاف حماميين وطابق لبيتو الهناك .. وقصه مشوار سنينو ورحلة عمرو بيان بانو لم يري البادية فهو يتحدث عن نهر جاف وقرود وغابات في قريتهم ؟؟
ما تخاف الله ضحكتني حتى البداوة في زمنا ده الناس جاريين لتزويرها _ اها يا اخوى النوبوية ( كده صاح لغة ونسبا؟) ممكن تتزور ؟
Post: #519 Title: Re: لاح لي من صعيد برقاً كتم تعّالو Author: abubakr Date: 09-29-2007, 03:05 PM Parent: #1
Quote: حتى البداوة في زمنا ده الناس جاريين لتزويرها
ما زي التايواني زمانك ؟ ما اصلي ؟يعني ما بتعرف تدوبي ولبن النووق بسوي فيك السواهو في نافع وجماعتو .. دحين انت عندك ابل ؟ وفي امبدة بتخليهم وين ؟ في البلكونة بكان ما بتصنقر تعاين للماشات والجايات ؟
Post: #520 Title: Re: لاح لي من صعيد برقاً كتم تعّالو Author: الطيب شيقوق Date: 09-29-2007, 09:26 PM Parent: #519
Quote: ما زي التايواني زمانك ؟ ما اصلي ؟يعني ما بتعرف تدوبي ولبن النووق بسوي فيك السواهو في نافع وجماعتو .. دحين انت عندك ابل ؟ وفي امبدة بتخليهم وين ؟ في البلكونة بكان ما بتصنقر تعاين للماشات والجايات ؟
انا في البلكونة فوق بتاوق من بعيد عشان اعرف الصائم والفاطر رمضان وشفتك خاتي حبوب السكري في طاقيتك تحت السرير تبلع سااااااااى اتاريك فاطر؟ اوع ترجع السودان لانهم ما بعرفوا الرخص الرمضانية البتجدع بيها سااااااااااااى في الخليج مع الهنود السيخ .
Post: #521 Title: Re: لاح لي من صعيد برقاً كتم تعّالو Author: سمية الحسن طلحة Date: 09-29-2007, 11:42 PM Parent: #520
شفت ياأبوبكر كيف بيهرب من الإجابة طيب هناك خيارات خليهو يشرح بيت واحد بس من كلام عمي أم حومد دا:
من الفاهه مزرة ونفّض البرّاق خانتني الظروف حكمت علي بفراق ياعبدالله مملوك حكمة الخلاق بارز وسيفه لدم الملوك سفاك
محمد ود نايل
Post: #522 Title: Re: لاح لي من صعيد برقاً كتم تعّالو Author: ابوبكر يوسف إبراهيم Date: 10-01-2007, 03:43 PM Parent: #521
سمية عساك يالراقية ديمة بخير يا سجع القصيد المالو شبيه ولا غير يا نهج السماحة، السماحة وراك ديمة تسير وود مفتاح الغمامة الشايلة تروي حتى الطير تسقي العطاشي في البوادي وكمان أولاد حضير
معروف السمح دايما بصلح القول متوّج في الخلوق وزولنااسمح زول من عينك تشوفو تتمنى تنظر حول لاتبرح عيونو وان شفتا فيهن هول
Post: #524 Title: Re: لاح لي من صعيد برقاً كتم تعّالو Author: abubakr Date: 10-01-2007, 05:12 PM Parent: #523
Quote: معروف السمح دايما بصلح القول متوّج في الخلوق وزولنااسمح زول من عينك تشوفو تتمنى تنظر حول لاتبرح عيونو وان شفتا فيهن هول
اها يا الملكة شايفة بتي جني الرطانة بتقول شنو .. وينك يالعرريب ودشيقوق البدوي المزيف ؟؟؟
Post: #525 Title: Re: لاح لي من صعيد برقاً كتم تعّالو Author: الطيب شيقوق Date: 10-01-2007, 09:21 PM Parent: #524
Quote: وينك يالعرريب ودشيقوق البدوي المزيف ؟؟؟
هسع الابيات بتاعة الملكة العملت ليها كوتنج دى وقعت فيها اعمى سااااااى ولا كان معاك حد قلت ليهو اعزل لي ابيات اعمل ليها كوتنج لود شيقوق .
الاخ مرتضى عيان ولزم السرير في المستشفى اتصل فيهو او شوف ليك حد جنبك اديهو موبايلك يكلمو ليك
Post: #526 Title: Re: لاح لي من صعيد برقاً كتم تعّالو Author: abubakr Date: 10-01-2007, 09:33 PM Parent: #525
Quote: الاخ مرتضى عيان ولزم السرير في المستشفى اتصل فيهو او شوف ليك حد جنبك اديهو موبايلك يكلمو ليك
اتصلت بيهو .. هو يحتاج يرتاح وينوم شوية بعد نوبة المايجريين الصعبة دي عشان كدة ما اتكلمت معاهو كتير وقلت حاتصل بيهو باكر للاطمئنان ..
Post: #527 Title: Re: لاح لي من صعيد برقاً كتم تعّالو Author: خالد علي محجوب المنسي Date: 10-01-2007, 10:26 PM Parent: #526
Quote: معروف السمح دايما بصلح القول متوّج في الخلوق وزولنااسمح زول من عينك تشوفو تتمنى تنظر حول لاتبرح عيونو وان شفتا فيهن هول
تماضر الخنساء يسلم فوك على تلك الابيات الخفية حرفا ويثقل ميزانها معاني ... زاد الجمال جمالا الأحساس الذي يبادر قارئها أنها نابعة من قلب صادق
جزاك الله كل خير
معروف السمح دايماً بجيد النم ان مرق في الفريق عين الخلوق تنزم قولو الحق والزين وما بقلب الزم الريحانة تاجنا وتاج الخلوق من جم
Post: #530 Title: Re: لاح لي من صعيد برقاً كتم تعّالو Author: سمية الحسن طلحة Date: 10-05-2007, 10:33 PM Parent: #527
صح لسان بنتك الخنساء ياأبوبكر خلاص شيقوق الليلة كان قريب في أمبدة (أسترحنا من الجارحنا) لكن بيني وبينك حاسدنو عديل علي العيد في السودان بين الأهل والحبان ، طبعا حيعمل لينا سافوتة وينغل أضنينا خصوصا إنو ناوي يقابل بورداب الخرطوم فردا فردا .
معروف السمح نادر وزيو عدم إن مر بالفريق كل الخلوق تنلم قولو الحق ولمع البرق من المبسم تسلم ياالهميم تاج بنات العم
شكرا خالد المنسي يسلم راسك وتاجك ويدوم عزك.
Post: #529 Title: Re: لاح لي من صعيد برقاً كتم تعّالو Author: سمية الحسن طلحة Date: 10-04-2007, 00:57 AM Parent: #523
الزول السمح دايما بدى هطول بعينيه لونظر الجبال بتزول زي بارق الأمل لوطل عمري بطول ولي ريده مسطر في الأزل مسجول
سمية الحسن طلحة
Post: #528 Title: Re: لاح لي من صعيد برقاً كتم تعّالو Author: سمية الحسن طلحة Date: 10-03-2007, 09:42 AM Parent: #522
ود يوسف متوج بي تاج السماحة أمير والمنصور دليلنا ولينا باقي خبير يابروق الخريف شايلة للقحط إكسير يوم طلت ديارنا شفى العليل وكسير
سمية الحسن محمدطلحة
Post: #531 Title: Re: لاح لي من صعيد برقاً كتم تعّالو Author: الطيب شيقوق Date: 10-06-2007, 08:08 PM Parent: #528
الملكة بت طلحة
كيفكم وكيف شيخ الزبير وعزو
هييييييييييع هلا هلا انا الان على ضفاف النهر الجاف وهو الايام دى مش جاف دميرة عدييييييل انا الان بنقي في عنكوليب الدرتية وباكل في بطيخ الدرتية احلى من الامارات كلها .
خليك يا رطاني مالي جيوبك حبوب ضغط وسكرى وحاجات كده وانا هنا مجدع في طرف الغابة
Post: #532 Title: Re: لاح لي من صعيد برقاً كتم تعّالو Author: سمية الحسن طلحة Date: 10-11-2007, 10:55 PM Parent: #531
يادناي بعيد عاشقي البيشرق كمعو داك شرف الهواد طال أستعد لي جمعو هجيم الهدّ فوق بحر الدكاكر دمعو خلا جريك كذا البرق البيوشك لمعو
ودشوراني
Post: #533 Title: Re: لاح لي من صعيد برقاً كتم تعّالو Author: سمية الحسن طلحة Date: 10-12-2007, 07:37 PM Parent: #531
الطيب شيقوق كل عام وأنتم بخير العيد مبارك عليكم أعفوا مننا وعافيين منكم وربنا يديم عليكم نعمته
هجام الظريف عَقَب القريعاء يسدّي عَرَّد بي وجفل قلع الزمام من يدّي ما بتبارى وكتين جم قفاهو يندّي سَرعو بروق وضهرو المركب البِتعدّي
ودشوراني
Post: #534 Title: Re: لاح لي من صعيد برقاً كتم تعّالو Author: سمية الحسن طلحة Date: 10-15-2007, 07:40 PM Parent: #533
برّاقاً لاح هجيع لي صار الهم ضجيع لي متين ليهو النجيع أحمد مبريء الوجيع البرعي
كل عام والجميع بخير ربنا يحقق الأماني أسرع من البرق
Post: #535 Title: Re: لاح لي من صعيد برقاً كتم تعّالو Author: munswor almophtah Date: 10-15-2007, 08:02 PM Parent: #534
فوق قاصع أو منيع طالب الفى البقيع نبى الله الهو البديع السامى مقامو ومو وضيع والشافع الشايب والرضيع
أوعدنا يارب
منصور
Post: #536 Title: Re: لاح لي من صعيد برقاً كتم تعّالو Author: سمية الحسن طلحة Date: 10-16-2007, 04:32 PM Parent: #535
الأديب منصور المفتاح مساديرك لا يعلي عليها هذا البوست مخصص للبروق نرجو من المتداخلين أن يكتبوا لنا عنها
Post: #537 Title: Re: لاح لي من صعيد برقاً كتم تعّالو Author: munswor almophtah Date: 10-17-2007, 04:38 AM Parent: #536
يادناي بعيد عاشقي البيشرق كمعو داك شرف الهواد طال أستعد لي جمعو هجيم الهدّ فوق بحر الدكاكر دمعو خلا جريك كذا البرق البيوشك لمعو
دناى بعيد مخبور مجرب فنعو مو دوار صنق ربع أم زمام كان طمعو السما فوقو جاب نقل السحاب طب جمعو لا القبلى أب شرار لا شرك المخادات منعو
منصور
Post: #538 Title: Re: لاح لي من صعيد برقاً كتم تعّالو Author: munswor almophtah Date: 10-17-2007, 05:00 AM Parent: #537
يا مطر الخريف براق شروقك لاحو وخيرك بان عديل بكر الحوار ليك حاحو زهر الربيع ياكا الوحيد شراحو أنت عقاب كرم جمل الركوب مناحو
منصور
Post: #539 Title: Re: لاح لي من صعيد برقاً كتم تعّالو Author: سمية الحسن طلحة Date: 10-18-2007, 02:35 AM Parent: #538
رمشك مظلات من حمو الشمس المداريه وعيونك طاقه للغنا والسحاب نفسك نسيم ليل الخريف والقبلي شايل في الصعيد بعد اليباب زولك حزين محقت سنين الغربه عمرو وعده خلالهو الشباب قاعد على قهوة محطات العمر يحسب سنين عمرو المضت من غير اياب
عبد العال السيد
Post: #540 Title: Re: لاح لي من صعيد برقاً كتم تعّالو Author: سمية الحسن طلحة Date: 10-20-2007, 08:07 AM Parent: #539
أول شـهـيـدة تـقــول يا سـيـد إبن ربـاح أكرمـنا بـشـفـاعـتـك يوم اللـهـيـب لفــّـاح بالآل والأحــبــاب وكــافــّة الأبـــطــاح نــعــبـــر الـصــراط كـالـبــريـــق اللاح
Post: #541 Title: Re: لاح لي من صعيد برقاً كتم تعّالو Author: سمية الحسن طلحة Date: 11-01-2007, 08:52 PM Parent: #540
البرق البضوي في الضلمة سنونا إن وقفت عديلة وإن مشت موزونة قصيبة ود عكر في موية مى معطونة نحنا كِتِلنا ... وأهل المروة نسونا
Post: #542 Title: Re: لاح لي من صعيد برقاً كتم تعّالو Author: munswor almophtah Date: 11-02-2007, 05:16 PM Parent: #541
البرق البضوي في الضلمة سنونا إن وقفت عديلة وإن مشت موزونة قصيبة ود عكر في موية مى معطونة نحنا كِتِلنا ... وأهل المروة نسونا
قصبة ودعكر تتنى زى بسطونه عودا الخيدران شلع البروق هو عيونا أب قلبا حديد فد شوفه صار مجنونه والكان شيخ طريق ما بوعى تانى بدونا
منصور
Post: #543 Title: Re: لاح لي من صعيد برقاً كتم تعّالو Author: Osman Musa Date: 11-02-2007, 05:28 PM Parent: #542
كل ما نشتهى المحريب نبرك الرواحل فى مضاربكن الخدر ديل نسلم _
Post: #544 Title: Re: لاح لي من صعيد برقاً كتم تعّالو Author: سمية الحسن طلحة Date: 11-03-2007, 10:41 AM Parent: #543
أخوي عثمان مراحب أتكرمتوا يوم جيتونا يطرانا النعيم يومكم التطرونا ويغشانا غمام برقاً يضوي الجونا لقدومكم فتق محريب الوطا المطيونة
سمية الحسن طلحة
Post: #545 Title: Re: لاح لي من صعيد برقاً كتم تعّالو Author: سمية الحسن طلحة Date: 11-03-2007, 10:50 AM Parent: #542
Post: #546 Title: Re: لاح لي من صعيد برقاً كتم تعّالو Author: ابوبكر يوسف إبراهيم Date: 11-03-2007, 02:30 PM Parent: #545
سمية بت طلحة خاتياك الشينة يا بت الرجال مزيونة والمنصور أخوي خيلو تقدل وتعركس مالو مهرتاً مرهونة دايماً الليد سخية وما رجع زول شكا قال ما أديتونا نار الكرم أبد موقدة ما بتختاها زرقا الحادة عيونا
Post: #547 Title: Re: لاح لي من صعيد برقاً كتم تعّالو Author: سمية الحسن طلحة Date: 11-05-2007, 09:18 AM Parent: #546
لك الشكر أخي الدكتور أبوبكر يوسف أدب ظاهر وفضل باهر وحظ من المحاسن وافر يليق بك وبمحتدك الشريف ومفخرك المنيف يا أيها : الواهب النعم الجراجر عادة * من ذي يدين إذا سخا لم يندم فكأن مجدك بارق في مزنة * قبل العيون وغرة في أدهم
دمت ودام فضلك ووصلك
وإلى بوارق الشريف الرضي نرتحل :
وظبية من ظباء الأ نس عاطلة تستوقف العين بين الخمص والهضم لو أنها بفناء البيت سانحة لصدتها وابتدعت الصيد في الحرم قدرت منها بلا رقبى ولاحذر على الذي نام عن ليلي ولم أنم بتنا ضجيعين في ثوبي هوى وتقى يلفنا الشوق من فرع إلى قدم وأمست الريح كالغيرى تجاذبنا على الكثيب فضول الريط واللمم يشي بنا الطيب أحيانا وآونة * يضيئنا البرق مجتازاً على إضم وبات بارق ذاك الثغر يوضح لي * مواقع اللثم في داج من الظلم وبيننا عفة بايعتها بيدي على الوفاء بها والرعي للذمم يولع الطل بردينا وقد نسمت رويحة الفجر بين الضال والسلم وأكتم الصبح عنها وهي غافلة حتى تكلم عصفور على علم فقمت أنفض بردا ما تعلقه غير العفاف وراء الغيب والكرم وألمستني وقد جد الوداع بنا كفا تشير بقضبان من العنم وألثمتني ثغرا ماعدلت به أرى الجني ببنات الوابل الرزم ثم أنثنينا وقد رابت ظواهرها وفي بواطننا بعد من التهم
Post: #548 Title: Re: لاح لي من صعيد برقاً كتم تعّالو Author: سمية الحسن طلحة Date: 11-11-2007, 07:20 PM Parent: #547
كيف حبي يحول وفؤادي معاك يازينة الحي حلمك ياجميل انا ناوي رحول تركني هواك بين ميت وحي الساحرة عقول بروق في غيم ولا دُر في لُميي خدودك ام ازهار في حقول سقاني غرامن صافي حمي
Post: #549 Title: Re: لاح لي من صعيد برقاً كتم تعّالو Author: سمية الحسن طلحة Date: 11-13-2007, 08:38 AM Parent: #548
أنا في العيون ببنيلو دارين من مودة ومن منى وبضمو في قليبي إنبساط و محبة فياضة وهنا ما ردتا غيرو ولا هو راد زولاً سواي أبداً أنا نظراتو كيفن أوصفا دي الفي عيوني مدونة بسماتو لو شفتو البروق وكتين تشع لحظة سنا همساتو تحنان القماري الراجعة للعش والجنا
Post: #550 Title: Re: لاح لي من صعيد برقاً كتم تعّالو Author: سمية الحسن طلحة Date: 11-17-2007, 08:47 AM Parent: #549
جعلت النيل مداد لقافيتا وماكفّى ألم ترى كيف بسماتا البريق الرفّ تقدل مهرة جامحة والقدم ماخفّ لهجاً ألذ من عسل البنوني مصفّى
Post: #551 Title: Re: لاح لي من صعيد برقاً كتم تعّالو Author: سمية الحسن طلحة Date: 11-19-2007, 08:03 AM Parent: #550
مادام مأواك فيهو ولمكانتك راسمة أنا أبصاري منك لغميدي مخاصمة لمّاع جنة الليل أب سحايباً عاتمة إبقى شلع ضياه ولا إتي الباسمة
Post: #552 Title: Re: لاح لي من صعيد برقاً كتم تعّالو Author: سمية الحسن طلحة Date: 11-21-2007, 06:31 AM Parent: #551
عاشقي الوشو قمراً للسبوعين تمّ عربو مروقين جادعين قوافي النمة رفالُن بريق بعد الرجل ما أنضمّ السما صبّ ياجبرالله والخير عمّ
Post: #553 Title: Re: لاح لي من صعيد برقاً كتم تعّالو Author: سمية الحسن طلحة Date: 11-22-2007, 09:10 AM Parent: #552
لامن شوفي راح أنا قلبي ما خلاّهن جفلن مني هن ولا هسه جاري وراهن خدّادِن درر برق الظلام بسماهن منزوع النحل وضعه الإله في فاهن
Post: #554 Title: Re: لاح لي من صعيد برقاً كتم تعّالو Author: سمية الحسن طلحة Date: 11-25-2007, 06:33 PM Parent: #553
يا للبلاغة لتيبة القيف دوماً تريانة ورويانة ومنديّة
Post: #567 Title: Re: لاح لي من صعيد برقاً كتم تعّالو Author: سمية الحسن طلحة Date: 12-11-2007, 07:37 AM Parent: #566
لتيبة قيف وعانس ريل وبارقك راف خالد تسلم يا بو أحمد ياسليم الزوق وكمان الشيخ عبد العزيز مغرم بالبروق أياً كانت :
الليلة الصعيد شالن لي منو بروق الليل بوبا ياهبار يسوقك شوق الزول المطبّع وخِلقة مو ملقوق ياليت كان بجاور بالنقيب الفوق
Post: #568 Title: Re: لاح لي من صعيد برقاً كتم تعّالو Author: سمية الحسن طلحة Date: 12-17-2007, 06:37 PM Parent: #567
بروق الغيم المتباريه كبسيمك لي متواريه اسود العرين الضاريه من سيف عينيك متضاريه
عمر البنا
عيد سعيد كل عام وكلكم بخير
Post: #569 Title: Re: لاح لي من صعيد برقاً كتم تعّالو Author: خالد علي محجوب المنسي Date: 12-17-2007, 09:50 PM Parent: #568
لاح البرق وكتم وسحباً دكّن إتلملمن. البرك والبصهلنّن والبحلبّن كرفن الدُعاش وأطمنن بي خريفا زين. من بين كل ذاك الجمال أهديك ريحانة البطانة أجمل التهاني بعيد الأضحى المبارك أعاده الله علينا وعليكم باليمن والبركات وبالدنا ترتع في خيراً كثير وكثير لكي نرتاح طال بنا الفراق والأمل المشوش ديما. دعةاتنا لك ريحان البطانة الصحة والعافية لك ولاسرتك الكريمة والسنة القادمة معتلين جبل الرحمة ( عرفات ) حجيجا بإذنه تعالى.
تحياتي واحترامي
خالد
Post: #570 Title: Re: لاح لي من صعيد برقاً كتم تعّالو Author: munswor almophtah Date: 12-18-2007, 02:57 AM Parent: #569
بروق الغيم المتباريه كبسيمك لي متواريه اسود العرين الضاريه من سيف عينيك متضاريه
Post: #580 Title: Re: لاح لي من صعيد برقاً كتم تعّالو Author: سمية الحسن طلحة Date: 12-30-2007, 09:37 PM Parent: #578
البروق الشايلة قبلي جمرة طارت من سيوف أهلي المِدِمة والرعود الشايلة ترزم نقرة في صفحة نحاسن تنسمع يوم الملمة عاد طريت زمان جدودي وهم ولاد راجلاً مسمى طايلة فوق الناس رقابن وكانوا مقنع كل خالة وكل عمة
مقطع من تهويمة حفيد سعيد ود بادي
Post: #581 Title: Re: لاح لي من صعيد برقاً كتم تعّالو Author: سمية الحسن طلحة Date: 01-02-2008, 05:05 PM Parent: #580
البريق اللاح في الظلم ليّا حرّك كامن الألم ما بطيق والضحى والقلم غير أشاهد شافع الملم
الشيخ هاشم
Post: #582 Title: Re: لاح لي من صعيد برقاً كتم تعّالو Author: سمية الحسن طلحة Date: 01-13-2008, 07:55 AM Parent: #581
من أسماء البروق القبلي والبطحاني والعبادي ... وهذه تصيب بالمطر ومن أشكالها عسعس وحرقوص ورويق .. وللشعراء بروق أخر كبرق العيون وبرق السنون طريت برق الفويطر الشال ومن الهم بقيت في حال ويبدو أنه من البروق التي لاتخطي ونزل دمع الشاعر مطر ( سال دمعي البصب وشال )
Post: #583 Title: Re: لاح لي من صعيد برقاً كتم تعّالو Author: Mohamed Abdelgaleel Date: 01-13-2008, 09:23 AM Parent: #582
Quote: وللشعراء بروق أخر كبرق العيون وبرق السنون طريت برق الفويطر الشال ومن الهم بقيت في حال
وكان محمد عمر الرباطابي يغني بـ:
شايل برقو عبادي أصيح دايما عليه وانادي ويهرب مني لـ غادي
وآخر يقول:
لاح براقا قبلي فوق عربي وفوق إبلي يا ودبخيت أحلبلي لبن أم زور طايب لي
Post: #584 Title: Re: لاح لي من صعيد برقاً كتم تعّالو Author: سمية الحسن طلحة Date: 01-13-2008, 08:44 PM Parent: #583
يامحمد البروق دي حكايتا عجيبة شوف برق الإمام البوصيري
أمن تذكر جيران بذي سلم مزجت دمعاً جرى من مقلة بدم أم هبت الريح من تلقاء كاظمة وأومض البرق في الظلماء من إضَم فما لعينيكَ إن قلت أكففا هَمتا وما لقلبك إن قلتَ استفق يَهم
Post: #585 Title: Re: لاح لي من صعيد برقاً كتم تعّالو Author: سمية الحسن طلحة Date: 02-18-2008, 07:24 PM Parent: #584
البرّاق سهامو في الأعين وقيعا سايلة مياهو تجري في العضام نقيعا عجل بي مرادي أنا جيتك وقيعا يامن بيك طابت طيبة وطاب بقيعا
الصابونابي
Post: #586 Title: Re: لاح لي من صعيد برقاً كتم تعّالو Author: سمية الحسن طلحة Date: 02-25-2008, 10:30 AM Parent: #585
البرق رفّا لي وقليبي خفّا لي القومة هافّة لي والقيد إتلفّا لي
أحمد الهِدي
Post: #587 Title: Re: لاح لي من صعيد برقاً كتم تعّالو Author: munswor almophtah Date: 03-02-2008, 09:31 AM Parent: #586
عبادى وموجب سحبو فوق حدب الشخاتير ناوى هيج قاصع العلقات وأزبد للصريمه بلاوى الزول اب رميش فاصد القليب ما بداوى يا خالق القلوب أنا فى حواك متحاوى
منصور
Post: #588 Title: Re: لاح لي من صعيد برقاً كتم تعّالو Author: سمية الحسن طلحة Date: 03-04-2008, 09:46 AM Parent: #587
زعزعني البريق بي رعيدو ها البتردّع وعاد الشوق فؤادي وفي البشاتن بدّع سربت روحي في النمة وغناي أتجدّع حليل رايهوبة الحُبُش الوريدا مفدّع
الفرجوني
Post: #589 Title: Re: لاح لي من صعيد برقاً كتم تعّالو Author: سمية الحسن طلحة Date: 03-09-2008, 11:38 AM Parent: #588
بالألف الله ربي اللطوف بالباء بهلّو الأسرار في جوفو بالتاء توانى مسكو العسوف بالثاء ثناياه برقا خطوف
حاج الماحي
Post: #590 Title: Re: لاح لي من صعيد برقاً كتم تعّالو Author: سمية الحسن طلحة Date: 04-21-2008, 10:38 AM Parent: #589
بريق القبلة ظهر نبل أضعف حيلتي مع الحِيل قال لي ليك مالقيت حلل إن ما زرت شافع الوجل
*** برق القبلة فرفر نابل قال لي أصحى قوم ياعاطل زور سيد الكرام وأفاضل البي حبه جاب ناس وايل
*** البرق لاح من دارك جاب لي نسيم أخباركِِ القلب مشغول دارك بي أحبابي ياالمبارك قول لي قريب في جوارك
أبوالخليفة الحسن محمد طلحة
Post: #591 Title: Re: لاح لي من صعيد برقاً كتم تعّالو Author: سمية الحسن طلحة Date: 05-02-2008, 07:23 PM Parent: #590
Post: #592 Title: Re: لاح لي من صعيد برقاً كتم تعّالو Author: سمية الحسن طلحة Date: 05-03-2008, 09:38 PM Parent: #591
الليلة البرق شال .. شال كرى العينين طراني المدينة ومن بها ساكنين يا أهل الغرام حاكمات علي إتنين عالم عالم الغيب خالق الكونين
الشيخ حياتي
Post: #593 Title: Re: لاح لي من صعيد برقاً كتم تعّالو Author: الطيب شيقوق Date: 05-03-2008, 10:10 PM Parent: #592
انت عارفة يا سمية اختي منصور ده انا بجنني عديل شوفي هنا قال شنو
Quote: هيج قاصع العلقات وأزبد للصريمه بلاوى
على الطلاق يا منصور اخوى ما اظن في حد عايش المشهد ده زي كدا
Post: #594 Title: Re: لاح لي من صعيد برقاً كتم تعّالو Author: سمية الحسن طلحة Date: 05-05-2008, 10:04 AM Parent: #593
Quote: انت عارفة يا سمية اختي منصور ده انا بجنني عديل شوفي هنا قال شنو
كنت قايلاك قاصد منصورك داك القواسمي ود الصقري أما منصور المفتاح ياشيقوق أخوي زي ماقال يوسف ود البنا :
أب كفاً يهيل برق العشا الختاف أخو السمح المبهل ديسو للأكتاف من عين الحسود يلطف علي اللطاف لاهو بخيل ولوو حاسد ولوو خواف
Post: #595 Title: Re: لاح لي من صعيد برقاً كتم تعّالو Author: munswor almophtah Date: 05-05-2008, 10:40 AM Parent: #594
كتر خيرينكم يا شيقوق وسميه والله تصوير موجب منذ زمن مديد ويا سبحان الله من الذاكره تتسرب الصور كما ينفذ ضؤ القمر مسام قلب الجبل الأصم لا من فراغ فيه كما يبدر للناس ولكنه فراغ الرقائق والدقائق التى تنقل الصور والأصوات عبر الأثير إلى أجهزة التلفاز وأجهزة الحاسوب المختلفه ولكما السلام...........................
منصور
Post: #596 Title: Re: لاح لي من صعيد برقاً كتم تعّالو Author: سمية الحسن طلحة Date: 05-06-2008, 06:03 PM Parent: #595
ظاهر نوره ساطع شرقاً والمغارب للأنطار مباعـد للأفكار مقارب نور الشمس منه ونور البدر غارب يخفى سـنا البروق دع شفق المغارب
عبدالله الحبر
Post: #597 Title: Re: لاح لي من صعيد برقاً كتم تعّالو Author: سمية الحسن طلحة Date: 05-12-2008, 00:17 AM Parent: #596
يأأم در أمان يا أم جبيناً يخفي لبرق الدواكن لابدّ من وضع المواضيع في نصابن : نحن ما فينا من كذاب وخاين نحن أحروأصفى من دهب الخزائن نحن أصلنا تشهدله البوادي والمدائن نحن أقدامنا فوق الجمرنطابن نحن سروجنا فوق الغر ركابن نحن سيوفنا من الدم شرابن بندخل الوكرات وما بنخاف مكامن نطوّع العاصيات ونقعد فوق رقابن قاسيا ت الأمور بنركب صعابن ووعـرات المسالك ما بنهابن نحن المكارم والفضائل مانا دابن أسألي التاريخ يقولك منو غيرنا البدابن
سمية الحسن محمد طلحة
Post: #598 Title: Re: لاح لي من صعيد برقاً كتم تعّالو Author: سمية الحسن طلحة Date: 05-25-2008, 09:40 AM Parent: #597
برق القبلي رف جمع أم رويق بي رعودا بت البادية مرقت دخلت وي/قودا شربت بارد المردا أم وطاتاً فودة حنّت لي الحوار الكان قبيل مفرودا
ود الهليف
Post: #599 Title: Re: لاح لي من صعيد برقاً كتم تعّالو Author: سمية الحسن طلحة Date: 06-16-2008, 07:03 AM Parent: #598
