وصية ..من فاروق وابوبكر الى ام عبدالله ..مع التحية

كل عام وانتم بخير
ابوبكر...هي لك عيدية، ترجمها أو غنيها بالامهرية

يا ام عبدالله ود شيقوق حكايتو حكاية
يصول في المحاكم وكم فصل في قضايا
الخبر الاكيد لا كضب لا وشاية
دخل مقهى الاماهرة ونزلولو الراية

بي درب الشروق بدور يجيبلو جناية
بالحيل فقدا صعيب واصلو ما بتايا
ومضروب الشرق لا بطيب ولا بتعايا
ولا بتفيدو بخرة، لا حجاب ولا محاية

بقى ربط اللسان في هالزمن ما كفاية
اقبضي ابو جناك و وهطي في التاية
دقي البربندي ومتنيلو الشاية
وكان جانا صاد بنفرض عليهو وصاية
ودمتم.
سمية الحسن طلحة

الاخت سميه والله دى وصيه غالية قوى قوى زى مايقولو الصعايده 0
الرجل فعلا ينخاف منو لكن انا بوصل الشمار بالتلفون الصباح بدرى قبل مااصل الدوحه لى ودشيقوق واقول ليه اتخارج من بدرى بت طلحه شانه عليك حمله00 قبل ام عبدالله ماتبلغ كل الموانى البحريه والجويه تحزك من السفر خارج السودان

ود المحرب..يا خالد اخوي ده شنو السويتو؟!
والله ود شيقوق من الصباح تلفوناتو كرر كرر داير يعرف الحاصل قال سمع منك طرف الكلام
وقلنا ليهو ما تفتح اللاب... ولا طلع ملاح ويكاب؟

ياملكة الدوبيت ...ادام الله علينا ملوكيتك ..فلقد اوفيتي وكفيتي ..فالم تتمسك ام عبدالله بنصيحتك فالامر جلل وقوات الامهر وصلت مقديشو الامس وهكذا اتسعت دائرة نشاط ودشيقوق الانفلاتي ....

دامت ايامك ياملكتنا واسرتك اعيادا وابقاكي زخرا للرعية

Quote: وصية ..من فاروق وابوبكر الى ام عبدالله ..مع التحية كل عام وانتم بخير ابوبكر...هي لك عيدية، ترجمها أو غنيها بالامهرية يا ام عبدالله ود شيقوق حكايتو حكاية يصول في المحاكم وكم فصل في قضايا الخبر الاكيد لا كضب لا وشاية دخل مقهى الاماهرة ونزلولو الراية بي درب الشروق بدور يجيبلو جناية بالحيل فقدا صعيب واصلو ما بتايا ومضروب الشرق لا بطيب ولا بتعايا ولا بتفيدو بخرة، لا حجاب ولا محاية بقى ربط اللسان في هالزمن ما كفاية اقبضي ابو جناك و وهطي في التاية دقي البربندي ومتنيلو الشاية وكان جانا صاد بنفرض عليهو وصاية

تسمحوا لينا نحول الوصية دي لزوجة أخونا الذي طار الى الأماهرة لحضور رأس السنة

كي كي اللعين ؟

الاخ معتز القريش كل عام وانت بخير
نسمح ليك وكمان نديك تفويض عام للتصرف في المصنفات الادبية وحقوق الملكية الفكرية
سعدنا بمرورك ولك كل الود

كل عام وانت والاسرة الكريمة وكنداكاتك بخير
ود المحرب وصل ود شيقوق الشمار
ود شيقوق الامهري قال: غاب اب شنب ولعب اب ضنب
وبصفتي الملكة اطالب بتحقيق فوري في الامر واستدعائه لتوضيح ما صرح به
ولكم الود

Quote: تسمحوا لينا نحول الوصية دي لزوجة أخونا الذي طار الى الأماهرة لحضور رأس السنة كي كي اللعين ؟

دي من الحقوق الملكية والملكية للملكة وليست لنا" الرعية"..
وحيث انكم تترجمون حتي لغة الطير فاطلبو من الملكة ان تسمح لكم بترجمة الوصية الي اللغات الحية الافريقية والاسيوية فقط بقصد توسيع قاعدة المنتفعيين وهم كثر

ودامت ايامك اعيادا

Quote: كل عام وانتم بخير ابوبكر...هي لك عيدية، ترجمها أو غنيها بالامهرية يا ام عبدالله ود شيقوق حكايتو حكاية يصول في المحاكم وكم فصل في قضايا الخبر الاكيد لا كضب لا وشاية دخل مقهى الاماهرة ونزلولو الراية بي درب الشروق بدور يجيبلو جناية بالحيل فقدا صعيب واصلو ما بتايا ومضروب الشرق لا بطيب ولا بتعايا ولا بتفيدو بخرة، لا حجاب ولا محاية بقى ربط اللسان في هالزمن ما كفاية اقبضي ابو جناك و وهطي في التاية دقي البربندي ومتنيلو الشاية وكان جانا صاد بنفرض عليهو وصاية ودمتم. سمية الحسن طلحة

حرم مضروب الشرق إلا يبقى حوار لشيخ الزنداني !!!!!

ونؤيد معك بشدة دعوتك لربط أم عبدالله له في أقرب

عنقريب (قد) ونزيد لشعرك ما يلي :

Quote: ونؤيد معك بشدة دعوتك لربط أم عبدالله له في أقرب

الاخ فاروق كل عام وانتم بخير والاسرة الكريمة بالف خير
تعرف انو الزول بمسكو من لسانو ، وال.... بمسكو من كراعو(اكمل)
وفي انتظار ما تريد ان تزودنا به
لكم الود

ياجماعة...

بس كـل سـنة وانتو طيبين

مني

كل سنة وأنت طيبة يامنى وكل الأسرة بخير

شكرا لمرورك والتهنئة

لك مودتي .

حباب عولي وحباب اهلي بس تاني الواحد ما ياخذ اجازة طالما جابت ليها تعقب .

يا بت طلحة حبابك ويا الفاروق حبابك ويا ابابكر مرحب بيك ويا منى بت العوض حبابك ويا ود المحرب معاك ام احمد ربنا يوصلكم قطر بالعافية والسلامة .

يا اخونا انا حرم هسع دى منتكي مع ام عبد الله في هبابي وشغالة ترتب تجهز ساى للعيد عينها في ترتيباتها وطرف عين مع ابي عبد الله خايفة هو ينسحب . وحرم قلت ليها فكيني يا ام عبد الله خليني الحق الناس ديل في مقاهي الانترنت ارد عليهم حلفت ما اطلع قالت لى جيب الداهي الداك البيشتغلوا بيهعو في البيت وبقيت مضطر اجيب اللاب توب واشتغل حداها وناديتها قلت ليها تعالي شوفي بت الصالحين شن قالت في ابي عبد الله قالت لى القالوهو ده كلو صاح وانا حالفة المرة دى معاك الحجل بالرجل لعمان .

والله يا جماعة الليلة الصباح ام عبد الله سوت لى فطور طلب سمك كجيك بعصيدة تقطع الليد عديييييييييل احلى من البيتزا وكنتاكي .

خروفنا حرم مربوط باكر من الصباح بنتكيهو كع برانا مش بنديهو لهنود ونجيبو في شوال لا ابدا نضبح برانا والصواني معانا نشيل من الصواني لجمر الفحم ونشيل من الصواني للجيران .


وكل عام وانتم بالف خير

كنت عايز اشاتر لكن ام عبد الله واقفه لى في راسي ما بقدر لكن بعد ازوغ منها بقول ليكم الكلام السمح

Quote: والله يا جماعة الليلة الصباح ام عبد الله سوت لى فطور طلب سمك كجيك بعصيدة تقطع الليد عديييييييييل احلى من البيتزا وكنتاكي

ود شيقوق كيف حالك؟ بركة الشفت وليداتك وام وليداتك بالسلامة
يعني كمان انت فاطر يوم عرفة؟ انت ما عارف صيام اليوم ده بيغفر سنة قدام وسنة ورا؟
انا حالفة كل يوم اتصل بي ام عبدالهه اقول ليها : اها قالو لينا جاية عمان
اها..بتجي متين؟ ومنتظرينك وازن ليها في راسا لمن تصدق الحكاية وتحميك القعدة

تحياتي لعربك كلهم وكل عام وانتم بخير

Quote: كنت عايز اشاتر لكن ام عبد الله واقفه لى في راسي ما بقدر لكن بعد ازوغ منها بقول ليكم الكلام السمح

اها ات بي جاي يا حيبيبي ...؟؟ تزوغ منها لوين ؟؟؟القوات المشتركه وصلت- خالد وزوجته - الي المنطقة واحنا سوينا الترتيبات والطيران محظور ويادوبك تركبلك حمارا يوصلك الحلة عبر النهر الجاف واها بت خوجلي كمان وصلت قائدة القوات الصديقة لام عبدالله .والملكة اعطت اوامر للرعية بمراقبتك لانو عينك زائغة ... تحسبو لعب ...نضمي مع الامهرية ما كو تاني .. قهوة حبشية ماكو... بس جبنة وفي حضور ام عبدالله .... احسن ليك السمك والعصيدة مع ام عبدالله .. تاني ما في فاست فود ولا قعاد في المقاهي ......

قال يزوغ قال ...

Quote: قالت لى القالوهو ده كلو صاح وانا حالفة المرة دى معاك الحجل بالرجل لعمان .

بالله يا جماعة مافيكم واحد ينزل لينا

أغنية حسن عطية :

الــحـــجـــــــــل بــــالــــرجـــــــل

يـــالـــرجــــل يـــاالـــأفـــنـــدي

ســـــــوقـــــنــــــي مــــعــــــاك


والله يابت طلحة الشعر طار لي من راسي

وأنا زعلان على الظلم الحاصل في العراق

لكن بجيك صاددي

Quote: [والله يابت طلحة الشعر طار لي من راسي وأنا زعلان على الظلم الحاصل في العراق

الاخ فاروق حامد
ايها الممزوج بأرج الشرف الفخار
كلماتك هذه اخرجتني من عتمة نفسي واعطتني بصيصا
تلمست به اوراقي القديمة
فأخرجت من بينها هذه القضيدة التي كتبتها في اول يوم وطئت فيه
اقدام المحتل بغداد الرشيد، ولك منها هذه الابيات...

بغداد يا حسناء من شط الفرات تغرف
قد خاب من ظن المساس بقدك المتعفف
في كل شبر من بلادي عاشـق متلهف
لنـزال خـصــمك حــاذق متحـرف
بأن يزلزل طامعا متغطرسـا متعجرف
وبأن يدوس على ثراك جسـده المتجيف
ويرد كيـده في النعـوش ملفـلف

لك التحية يا رجل .

الأخوة الكرام :

خالد المحرب
ابوبـــكر
فاروق حامد محمد
منى خوجلي
معتز القريش
الطيب شيقوق ( الغائب الحاضر )
كل عام وأنتم بخير جعل الله أيامكم كلها أعياد .
آخر الأخبار ودشيقوق في الدندر ....وما أدراك وماحظيرة الدندر .

الملكة ...
انشغلت الرعية بخراف العيد وبعضهم باخبار الدنيا والبعض بحفلات راس السنة ووجدها ودشيقوق سانحة يزوغ فيها من مراقبتنا فعندما اتصلنا بالرقم الذي معنا يبدو ان شغلانة ال Prepaid جعلته unpaid ولكن هيهات اننا منحناه فقط سانحة ان يعبر النهر الجاف الي حلته ويعود بعد العيد ...

تمنياتي لكم جميعا باجمل مافي 2007

اخر اخبار شيخ الطيب بعد تحسن العلاقات الخفيفة مع ارتيريا وفتح الحدود وصلتنى معلومات من مصادر خاصةجدا قد يواصل الرجل من الدندر الى بوابة الشرق من القيضه الحديديه المفروضه عليه من ام عبدالله
وينفذ بجلده

Quote: اخر اخبار شيخ الطيب بعد تحسن العلاقات الخفيفة مع ارتيريا وفتح الحدود وصلتنى معلومات من مصادر خاصةجدا قد يواصل الرجل من الدندر الى بوابة الشرق من القيضه الحديديه المفروضه عليه من ام عبدالله وينفذ بجلده

ياشيخ العرب ..اها دية الحتخليهو في قبضة ام عبد الله وما يرجع مسقط تاني ؟؟ عيونا في هذه المناطق صاحية ومفنجلة ؟؟؟

Quote: فعندما اتصلنا بالرقم الذي معنا يبدو ان شغلانة ال Prepaid جعلته unpaid ولكن هيهات اننا منحناه فقط سانحة ان يعبر النهر الجاف الي حلته ويعود بعد العيد

يستتاب ابن شيقوق ثلاثة أيام فإن لم يرد أويدفع الفاتورة يقام علية الحد
وحينها لن ينفعه تدخل القوات الأثيوبية .

موضـــوع أخـــــر :
ياأبوبكر إنت ماعارف أن كلمة ( أم رشريش ) دي كلمة عربية على وزن
أم خدود وأم شــلوخ ........ وهلم جـرّا ؟ لي صديقة من قبيلتكم العامرة
كتبت فيها قصيدة بمثـل هذه المفردات ومازالت القصيدة مرهونة لدي حتى
تقوم بشرحها ولكنها عجزت عن ذلك فهلا تكرمت بشرحها لها بحكم وجودك
بين قبيلة العراريب ؟ إليك مطلعها :

ياأم جبيناً يخفي لى ضي الرتايـن
يا أم وريداً من حِفلتك ماهو بايـن
يا أم قواماً ليهو بتشــرّف واعايـن
إنتِ زينـة وإنتِ زيـِّك ليك زاين
مالي
بشوف كلماتك ختاهن أكثر من صوابن
يا أم رشــــوم
لا بد من وضع المواضيع في نصابن

ملحوظـة :
يمكن الإســتعانة بصديق .....

سمية الحسن طلحة

Quote: يمكن الإســتعانة بصديق .....

ياملكة ..انت امتحانتك صعبة علي البربري ؟؟ ما تنسي انو رعيتك من قبائل واثنيات مختلفة فلذا وكما فعل المرحوم سوكارنو لحل مشكلة مشابهة اصدري اوامرك بكتابة لغة هجيين تنفع للجميع ؟
ما ممكن واحد القصيدة الوحيدة البيعرفها " هذا هو العصفور" يعامل بنفس القدر مع ناس "قفا نبك ( عندك فكرة ما ممكن كانو يكونو قاعديين ويبكو علي كيفم وواللا بكاء ووجع رجليين ؟ )

Quote: ما ممكن واحد القصيدة الوحيدة البيعرفها " هذا هو العصفور" يعامل بنفس القدر مع ناس "قفا نبك ( عندك فكرة ما ممكن كانو يكونو قاعديين ويبكو علي كيفم وواللا بكاء ووجع رجليين ؟ )

والله احسن ناس قفا نبك حددو موقفم لكن انا هسع لا قادرة اقيف
لاقادرة اقعد من شدة الضحك ...ياخ حيرتنى
البيت كلو يضحك والضيوف كمان...الله يلادى محنك...ماتقول لى مابتعرف
المحن كمان.

قايتو أكان تسمعوا كلام القصير
الحكاية دي دايرالا جلسه
نعمنو ود شيقوق أول راجلا موهو ساهل
أتاريني لي كم يوم لا شامي ريحتو ولا أترو ولاني شايفو؟
لازم تحضرونا والوصية في الرقبة

أها
العيد يتبارك عليكم
ودعتكم الله وربنا يكضب الشينه

يا بت الشيخ الملكة ويا أيها الرعية :

فقد وردتنا من مصادرنا في حلة البردانة

أن الشاب الأنيق المعطر الطيب ود مضوي ود شيقوق

جالس في هذه اللحظة بحلة فلاتة يحتسي قهوة ممزوجة بقورو

فايدة مع حاجة حبصة بينما يعمل زوجها حاج أبكر

داخل قطيته في إعداد عمل كارب لأم عبدالله بحيث لا تشوف

ولا تسمع ولا تشم أي حاجة تتعلق بالطيب .. وعليه فمن

المتوقع أن تصاب أم عبدالله بالستيغماتيزم stigmatism

فترى اليمين يسارا واليسار يمينا وأحيانا ترى الطيب

اتنين اتنين وأحيانا لا تراه وبهذا يستطيع الطيب أن

يغالطها بأنه موجود مع البنايين بينما يكون هو في

(أسمرة) .... وعليه فقد كلفنا الحاج ابكرينا بابطال

العمل ب counter act وقد وعد بانجاز المهمة خلال يومين

... ولهذا فاننا نتوقع أن تحصل برطعة خلال هذين اليومين

ريثما ينتهي الاج أبكرينا من انجاز المهمة ....

Quote: قايتو أكان تسمعوا كلام القصير الحكاية دي دايرالا جلسه نعمنو ود شيقوق أول راجلا موهو ساهل أتاريني لي كم يوم لا شامي ريحتو ولا أترو ولاني شايفو؟ لازم تحضرونا والوصية في الرقبة أها العيد يتبارك عليكم ودعتكم الله وربنا يكضب الشينه

نورالهدى كل سنة وانت طيب

والله ود شيقوق راجلا مو هين وعزيز وغالي

علا ما بندولو بشتنة آخر العمر....

ونهتف معك الله يكضب الشينة .... الرجل صار جدا !!!!!

Quote: لاقادرة اقعد من شدة الضحك ...ياخ حيرتنى

ياملكة ..اها حتي الضحك انتو بتقيفو ليهو وما بتقعدو .. حكايتكم شنو ..؟ اها منو الممحن انا الرطاني البقع لما ابكي او اضحك والا انتو لما تضحكو او تبكو ما بتقدر تقعدو التقول ديدبان ...
اها نجي لمحنتي مع لغتكم ...
اول معرفتي بحرف "الظا" كانت في "يا زربون ( اصلو الظا اندنا هي "ز" واهلنا يستعملون يا زربون دي كثير خالس وانا لليوم مش عارف هي شنو ) عندما الجاهل يسوي غلت وبعدين في الحصة المشكل "حصة العربي " التقيت اول مرة رسميا ب "الظاء" وكان في " ظلع الجمل " شوفتي كيف ... الحلة كلها وكل الحلال الجبنا يمكن حتي المدينة حلفا ما فيها حسب علمي الا جملا واحد للمرحوم عثمان ود عمي .. فظلع دي ما دخلت راسنا لعدم وجود مثال حي يمكن الاستدلال به .. ورغم ان المرحوم بن عمي كان اكبر مني كثيرا ويضرب الجهال زي كثيرا فصاحبته حتي اري كيف يظلع الجمل واتفنجر علي بقية التلاميذ .. اهو قضيت السنوات كلها وحتي دخلت الوسطي وحلفا غرقت وراح الجمل دون ان يظلع وانا الذي ظلعت ضربا وشليتا من المرحوم ...اها دي ما تمحن .. لكن قبل يوميين في مناسبة اجتماعية شفت بني ادميين بيظلعن من الوزن الزايد وتيبس الركب والواحدة on one مرة يمين ومرة شمال ...

ومحنه تانية مع لغتكم كانت في الامتحان من الاولية الي الوسطي وزمنها الامتحانات دي زي امتحانات دخول الجامعة ومن مئات تلاميذ مركز حلفا بياخدو 40 في المدرسة الوسطي الاميرية .. يعني الفرص ضيقة وانا العربي عاملي كابوس ... وخير انشاء الله خير .. وفي امتحان العربي كانت هنالك قطعة او قصة وسؤال "في اي فصل كان ذلك " وانا الفصل ده ما بعرفه الا بسنة اولي الي رابع في المدرسة ومنطقتنا يا حر يطفش العقارب يا برد يشق الرجليين يعني يا حر يا برد وحكاية فصول السنة دي شتاء ربيع خريف صيف ما بنعرفها فتوكلت علي الواحد الاحد وانا مزقطط ومبسوط وكتبت الاجابة " فصل تلاتة " وتلاتة دي شفتها علي باب الفصل الكنا بنمتحن فيهو ...شفتي كيف والغريبة العجيبة اني طلعت من الاربعيين وشكرا للمجموع والعلوم الما عربي ...

اما المحنة العجيبة ففي شعر الفخر وصاحبنا البيقول " الليل والبيداء تعرفني " وانا شفت ليل وبيداء العرب وما عرفت كيف بني ادم بتعرف في ليلهم -قبل المباني الطوال والليتات- .. الزول ده ياما مرفعيين يا ابو الحصين ياسحلية .. اهم ديل البيعرفم الليل والبيداء فبالله دة كلام .. اها منو الممحن ...؟