البوجني...لاطالقني لامشكّلني...طفر تترب...مـحّـنّـي

أى زول مبوجن
أو مشكل
يطفر هنا

الملكة سمية

قبال أطفر .. قول لي ( عليك الأمان ) ..

Quote: يطفر هنا

أنا جاي متاااااااااوِق ماني مطفِّر!!!

كميات مودتي أُستاذة سمية...


أبو الحســـــــــين...

Quote: أى زول مبوجن أو مشكل يطفر هنا

Quote: قبال أطفر .. قول لي ( عليك الأمان ) ..

الشاعرة المجيدة سمية الحسن ..

الأديب الأريب أبو جهينة ..


قلت أقول سلام .. وإني أشعر بانشراح صدر جميل لأنني عشت هذا الصباح أجواء خريف البطانة رغم تواجدي في مدينة الرياض ..

فكأني أعيش في عز الطرفة .. الغيوم والمطر التشبشاب Chebchab ..

فلكم تحياتي المعطرة بنفس العسين الملودح والنال العاول حين رشة مطر بعد فصل الجفاف ..


وللمعلومية.. أنا لاني ممشكل ولا ممحن .. أنا جيت أعاين ..


أبو جهينة .. حليييييييييييل زمن الأمان ..

طفر ساي كان مطفر ..


جاد

Quote: التشبشاب Chebchab

الأخ جاد

أعجبني تصرفك في كتابة هذه الكلمة وكان ختت طريقتك دي ما بتنقري... الغريب انو زي ده عندنا كتير وما عارف هل ده قصور في حروف اللغة العربية أم زيادة حديث من عندنا نحن

Quote: نفس العسين الملودح والنال العاول

Quote: أنا لاني ممشكل ولا ممحن

متاكد ؟؟

يبدو لي بعد الملودح والعاول دي ما اظنك !!!

سميه كيف حالك

سرايا الشيخ مفتوح بي غادي...


.
.
.
.
.
وراجينك

Quote: أى زول مبوجن أو مشكل يطفر هنا

عليك يا الله ......


أها طفرنا !!!!!!!


والله يا الملكة مبوجن جنس بوجين ..........


وممحن ... جنس محييييييين


والشكية ليييييييييي أب إيدن قوية !!!!!!!!!1

الليله يا ابوبكر وقعت ما سميت
دى ماحا تعرفه وانا اتصلت بى الشيقوق
انا مايشرح ليك الكلام ده بتمشى وين ور ينى

يابت الشــــــــــيخ وقبلة العربان
دا النضم شن نفرو؟
الله لاجاب التطفيش والبوجان
حرم تراني حلف
وزي ماإنتي عندي سمحة والسماحة حارساك أبا عن جد
ما أقول في حضرة جنابك إلا الكلام السمح زيك
علا كان قبيل قلتي
الخمجان متلي اليجي كلنا بنخش
فيشان خمجانين بي نضمانك الدهب التقيل ماغش
وأم بارح خاطري ساعل منك أكان الليلة برق الصعيد جانا وملانا نسيم
أصلك إنتي وبرق الصعيد إسمان لمسمى واحد


خمجان نمك
نورالهادي

Quote: فكأني أعيش في عز الطرفة .. الغيوم والمطر التشبشاب Chebchab .. فلكم تحياتي المعطرة بنفس العسين الملودح والنال العاول حين رشة مطر بعد فصل الجفاف ..

Jaaaaaaaaaaaaaaaaad

الاخت الرائعة بت طلحة

تحياتي لكم ولجميع الاهل والله جيت شاقي بسوق امدرمان سااااااااااااااى اتضرع زى الغريب لقيت لى مقهى انترنت اتكاكيت فيهو قلت اديكم طلة ومااااااااااااااااااش وواجعي لقيت البوجعنى لا طالقنى ولا مشكلنى يعنى ياهو خازوق ام كنة الودر زمنا الله يصرفه ولقيت ليك الظريف جاد كاتب عن العسين ( ابو بكر العسين ده اختاهو ساى بطلاق ما بتعرفه الا ترجع لود المحرب لكن خشيتي من خوازيق ود المحرب المسويها فيك لازم اوريك العسين هسه لانك بقيت امانة بطرفنا العسين كما ورد في اشعار بت طلحة ومنصور المفتاح يعنى قشة الدرت الخضراء النامية في ضهور السماسم بعد القطع والحت وغالبا تكون ام مامليحة او عريق التبر المشاتي وهو من اكثر النباتات الدسمة وذات قيمة غذائية عالية وما بلقوها الا البخات من الرعيان ( البخات يا بكري هم Those who r very lucky )

اما النال العاول وووووووووووووووووووب منو وما احلاك يا جاد لانو النال العاول بعد يمطر تفوح منه اجمل واحلى النسمات وحلاوة النال العاول في زراعة الحريق لما يكون عزييييييييييير الرشاشية ويدوهو النار ويزرعوا محله لانو طوالى ارضه بتمحل ( تمحل يا بكري تعنى ينمو عليها محصولك بدون طفيليات وكمان خصوبتها عالية جدا .

ما احلاك يا جاد وما اروعك يا بت طلحة الدائما مولعة النيران ببوستاتك الجميلة

دى طلة سااااااااااااى اعفونى انا معاكم بعد اربعة يوم في مسقط اى يوم 5 فبراير باذن الله ودعواتكم من كوارث الطيران . وسلموا لى على ود المحرب وقولو لولو اسألوا منى ربعاى البعرفو قريني .

مودتى

Quote: علا كان قبيل قلتي الخمجان متلي اليجي كلنا بنخش

نور الهادى
انشاء الله ماتغبا
ود المفتاح البقول لى:ـ عقلك زى جبال المالح الخمجانة
كدى شوفو مبوجن كيفن...الا يوحى لك ذلك بأن بوجاننا غير البوجان الذى تعنى
دمت سالما معافى من كل سوء

Quote: تحياتي لكم ولجميع الاهل والله جيت شاقي بسوق امدرمان سااااااااااااااى اتضرع زى الغريب لقيت لى مقهى انترنت اتكاكيت فيهو قلت اديكم طلة ومااااااااااااااااااش وواجعي لقيت البوجعنى لا طالقنى ولا مشكلنى يعنى ياهو خازوق ام كنة الودر زمنا الله يصرفه ولقيت ليك الظريف جاد كاتب عن العسين ( ابو بكر العسين ده اختاهو ساى بطلاق ما بتعرفه الا ترجع لود المحرب لكن خشيتي من خوازيق ود المحرب المسويها فيك لازم اوريك العسين هسه لانك بقيت امانة بطرفنا العسين كما ورد في اشعار بت طلحة ومنصور المفتاح يعنى قشة الدرت الخضراء النامية في ضهور السماسم بعد القطع والحت وغالبا تكون ام مامليحة او عريق التبر المشاتي وهو من اكثر النباتات الدسمة وذات قيمة غذائية عالية وما بلقوها الا البخات من الرعيان ( البخات يا بكري هم Those who r very lucky )

انا اتحدي شنبو لو عرف النضمي الفوق دة معناهو شنو ؟ يا ودشيقوق ات خاين وانشاء الله الامهرية بتاعة قهوة الفاروق يكنصلو ليها ويرجعوها الحبشة ؟؟؟
دة كلام تسويه في العمل ليك دعاية كمترجم وطلعت مترجم سكة وفشنك وما بتعرف حاجة ...قال "قشة الدرت " وا ما مليحة او عريق التبر المشاتي ..؟ دة كلام ..وبعدين انا متمشكل مع "البوجنة" دي يجيني بتاع التيمس دة ناطي ؟ قال العسين قال ؟؟ اتو ما بتعرفو عربي تب ...؟؟ قال عراريب قال ؟؟؟ ..

بطرفنا العسين كما ورد في اشعار بت طلحة ومنصور المفتاح يعنى قشة الدرت الخضراء النامية في ضهور السماسم بعد القطع والحت وغالبا تكون ام مامليحة او عريق التبر المشاتي وهو من اكثر النباتات الدسمة



ود شيقوق هاك العسين دا

يوسف البدرى ليوسف نورالدائم يقول



يا يوسف أخوى قمت الصبح لأصلى
لاقانى العجب من تانى دور مدلى
بريبة عسين ديسك سدر مدلى
فله وشايله فله وفى قلوبنا تفلى


والتحايا لك ولسميه وقل لها

البوجنى فات الحودا داك جننى
فى كتوش قحف كنشو الغليد كوجنى




منصور

Quote: انا متمشكل مع "البوجنة

أبوبكر
حدد موقفك انت مبوجن ولا مشكل؟
والشكال هو المبوجنك ولا البوجان هو المشكلك؟؟؟

Quote: البوجنى فات الحودا داك جننى فى كتوش قحف كنشو الغليد كوجنى منصور

كتفنى الزمان وزولى قام شكلنى
طفر غادى منى وبالصدود محنى


سمية

ات كمان يا منصور ما بتعرف عربي زي ناس ودشيقوق وودالمحرب ؟ انا فاكرك لبلب في العربي زي ...

Quote: الملكة سمية قبال أطفر .. قول لي ( عليك الأمان ) ..

الأديب الأريب أبوجهينة
ياخوى طفر عشان تثبت إنك طلق (بضم الطاء واللام)
وماك مشكل (الناس ديل ما بعرفوا الشكال يعنى شنو؟)

Quote: أنا جاي متاااااااااوِق ماني مطفِّر!!!

أبو الحسين
المتااااوقا دى ياها المبوجنا ذاتا
أحسم الأمر وطفر
ولا عاقلك الشكال!؟
تحايا عاطرات

Quote: وللمعلومية.. أنا لاني ممشكل ولا ممحن .. أنا جيت أعاين ..

الأخ الكريم/ جاد
علقة من علقاتك ( من العلق...عشان ما ترجع تقول أنا ما معلق)
لكن من النسيم الطالق ود الراوى قال : أصبح معلق وعالق
ريحة بطانة وهمبريب ودعاش ....لينا بى حالك وفالك
هسع الجاب سيرة المشاكل منو ؟
نحنا قلنا زول مشكل مربوط متل البهيمة من خلاف الكراع القدامية مع الورانية
أها باقى ليك فى طريقة حركة ؟؟؟ ورجعة للبطانة
سلم عليهم وقول ليهم:ـ
حضناً ضم للأحباب أنا روحى مشتاقالو
ولمليم الشمل أنا بالسنين راجيالو
أتشربكت بى حبلا عراااض آمالو
بس حلال العقد قيدى ما حلا لو
لك التحية وأنت على أرض الميامين

Quote: سميه كيف حالك سرايا الشيخ مفتوح بي غادي... . . . . . وراجينك

أحمد
انت وود محجوب ياكم المبوجننى
جاياكم

.
.
.
.
.

Quote: عليك يا الله ...... أها طفرنا !!!!!!! الفاروق النار أول زول طفر...أشهدوا معناه أنت لاك معقول ولا القيد بمسكك ودقيت قلبك تستاهل مربوع من ودالشلهمة:ـ قلبك مو لحم طينة وهشيش درابة أصم من الحجار الأرضهن كرابة الفيك بيتة ما بتتفشر بتتورابا ليها الناس جميع بينة وشهود قارابا

---

Post: #19 Title: Re: البوجني...لاطالقني لامشكّلني...طفر تترب...مـحّـنّـي Author: خالد المحرب Date: 02-02-2007, 11:52 AM Parent: #17 Quote: دى طلة سااااااااااااى اعفونى انا معاكم بعد اربعة يوم في مسقط اى يوم 5 فبراير باذن الله ودعواتكم من كوارث الطيران . وسلموا لى على ود المحرب وقولو لولو اسألوا منى ربعاى البعرفو قريني عليك الله ياسميه كلامى ماوقع فى محلو 0 مش اياهو فعلا ابو الملود اسال من ربعاى البعرفو قرينى حس ابجقره والقربين دوام بارينى انا اخو الساره كان ابقى الكلام عانينى

---

Post: #36 Title: Re: البوجني...لاطالقني لامشكّلني...طفر تترب...مـحّـنّـي Author: سمية الحسن طلحة Date: 02-04-2007, 09:43 AM Parent: #19 Quote: عليك الله ياسميه كلامى ماوقع فى محلو ود المحرب ات أصلو كلامك مابختا المشهاد والله وقع لى فوق جرح الله يتممك بعقلك يالآصم

---

Post: #20 Title: Re: البوجني...لاطالقني لامشكّلني...طفر تترب...مـحّـنّـي Author: الطيب بشير Date: 02-02-2007, 06:10 PM Parent: #1 . العزيزة سمية يذكّـرني البوجان، و هو حالي منذ حين، بصديقي المتزوّج و قد وقع في غرام طالبة لديه فلا هو يستطيع أن يترك هواه و لا اسطاع لنسيانه سبيلا..فكتب بنهاية المربع: (سـيد الحـسـكـنـيــت..لا شالا ..لا خـلاّهـا)!! و لضيوفنا من الحناكيش نقول..للحسكنيت شوك (متعدّد الجهات) لو طعنتك واحدة و مشيت تطـلعها بتطعنك في ايدك الجيت تطلعها بيها!! شكل الشوك دة قريب من (الضريسـأ)..يعني كدة ووب و كدة ووبين.. أما بوجاني الخاص فورد فيه ذات جاهلية.. .. زغـردي يا ام سـماح الليلة يوم الزينة نحـن بنجـري ليكي و بالصــدود جـازينا لا تـريحــينا..بي كـتر السـهـر زازينا كان زغـرد ..شغلنا و كان سـكـت يازينا ... يا بت طلحة ما بقول ليكي (الله يجازيك)..لكن بوجنتي صباحنا بالحييييييييييل. .

---

Post: #21 Title: Re: البوجني...لاطالقني لامشكّلني...طفر تترب...مـحّـنّـي Author: abubakr Date: 02-02-2007, 06:22 PM Parent: #1 يا خالد ابوشنب Quote: عليك الله ياسميه كلامى ماوقع فى محلو بالله الكلام بيقع كيف ؟ ممكن الواحد يوقعو من فوق فوق راس ودشيقوق مثلا ؟؟

---

Post: #22 Title: Re: البوجني...لاطالقني لامشكّلني...طفر تترب...مـحّـنّـي Author: فاروق حامد محمد Date: 02-02-2007, 07:15 PM Parent: #21 Quote: بالله الكلام بيقع كيف ؟ ممكن الواحد يوقعو من فوق فوق راس ودشيقوق مثلا ؟؟ كلامك ده يا أبابكر ذكرني كلام ود أبوسن مع بوث ديو في أول برلمان بعد الاستقلال ... ود ابوسن من عادته لمن يقعد في البرلمان بقلع ـ ولا مؤاخذة ـ مركوبه يوم المركوب دخل تحت الكراسي وودابوسن يفتش عليه ما لقاه.. فقبل علي بوث ديو وكان قاعد جنبه في مقاعد الوزراء فسأله ببراءة : البوث أخوي : مركوبي ما وقع في عينك ؟؟ فرد بوث ديو مستغربا : مندوكورو ده مجنون ولا سنو ... كيف يعني مركوب كبير زي ده يقع في عين زول صغير ده !!!!!! اها دي البقت عليك هسع مع البطاحين والكواهلة ديل يا مندوكورو ابكر!!!!!!!!!

---

Post: #24 Title: Re: البوجني...لاطالقني لامشكّلني...طفر تترب...مـحّـنّـي Author: abubakr Date: 02-02-2007, 08:33 PM Parent: #22 Quote: يا مندوكورو ابكر!!!!!!!!! انا مندوكرو ونص ... يعني الفيزياء درسوها لينا ليه و ناس جاليليو و ارشميدس نطو وجدتها وجدتها ليه ( الجاذبية) .. واتو يا عرريب عاوزيين تشغلو الاوبجكتس والصبجكتس ضد الجاذبية والاحجام كيف ... كلام ( وهو سبجكت ) يقع كيف و نعال (اوبجكتس) وحتي اصغر نعل (بتاع سندريلا الفي التلفزيون) اكبر مية مرة من عين سيد قشطة خليك من عين بني ادم فيقع في العين كيف ؟؟؟ عجيبة اتو وكت ما عارفيين عربي بتقولو عراريب ليه ؟؟؟

---

Post: #25 Title: Re: البوجني...لاطالقني لامشكّلني...طفر تترب...مـحّـنّـي Author: Ahmed Yousif Abu Harira Date: 02-02-2007, 08:34 PM Parent: #22 Quote: زغـردي يا ام سـماح الليلة يوم الزينة نحـن بنجـري ليكي و بالصــدود جـازينا لا تـريحــينا..بي كـتر السـهـر زازينا كان زغـرد ..شغلنا و كان سـكـت يازينا سمية ،،، ألم أقل لكم أن نوع هذا الطيب ودالبشير خطررررر الطيب ،،، أنا أحمد يوسف ، أقر وأعترف بكامل قواي العقلية وحالتي المعتبرة شرعا بأنك شاعر مكتمل الموهبة... وأقر بأنه لو هيئت لك الظروف المناسبة وعبرت بالبطانة في وقت الخريف (مجرد عبور) لقلت من الشعر ما تبز به الأولين ولآخرين.. أقول هذا وفي ذهني قصة علي بن الجهم الذي وصف معاوية بن سفيان بأنه كالكلب في حفظ العهود وكالتيس في قراع الخطوب..وهم البعض من صحب معاوية بجز رأسه لإسأته الأدب مع أمير المؤمنين.فما كان من معاوية إلا وأن قال دعوه فالمرء إبن بيئته وأمر بحبسه شهر ضمن قصور وبساتين أمير المؤمنين..على ان يعاود مجلس الخليفة بعد ذلك.. وعندما عاد قال أجمل بيت شعر قالته العرب ألا وهو: عيون المها بين الرصافة والجسر جلين الهوى من حيث أدري ولا أدرى سيدي لا أقلل بأي حال من قدرتك على النظم لكنني أدعوك لرحلة صيد في البطانة ولك أن تحددالوقت على أن يكون ضمن فصل الخريف...والدعوة مني ...لكن صاحبها والقائم بأمرها سيكون أبوالخليفة الحسن محمد طلحة وانا أقدم الدعوة بأسمه ونيابة عنه دون مشورته....وينتهي التحدي (بتاعي) بعد أول بيت شعر تجود به قريحتك... ملحوظة: -------------------- ليس لقصة بن الجهم من مدلول سوى تغير البيئة ودمت

---

Post: #26 Title: Re: البوجني...لاطالقني لامشكّلني...طفر تترب...مـحّـنّـي Author: abubakr Date: 02-02-2007, 08:52 PM Parent: #1 Quote: أدعوك لرحلة صيد في البطانة يعني انا هسع ارطن شعر بشان تعزموني رحلة صيد في البطانة ؟ ؟ انا بشتكيكم للناظر وشيلو شيلتكم ؟؟اها انا تابع قفة ساأأأأي ...

---

Post: #27 Title: Re: البوجني...لاطالقني لامشكّلني...طفر تترب...مـحّـنّـي Author: Ahmed Yousif Abu Harira Date: 02-02-2007, 09:02 PM Parent: #26 Quote: يعني انا هسع ارطن شعر بشان تعزموني رحلة صيد في البطانة ؟ ؟ انا بشتكيكم للناظر وشيلو شيلتكم ؟؟اها انا تابع قفة ساأأأأي لا حاشاك والله أفتكر أنو أنت أخذت التابعية وعليه يا باشمهندس لا يكرم المرء في داره... أنت بعد هذا التقليد تعزم ما بتنعزم... من يدري لربما إذا صبرت شوية كان (مر) عليك دفتر العيزومة..لاحظ ان صاحب الدعوة هو آخر من يعلم !!! فلهذه التبعية تبعاتها يا با شمهندس !!!

---

Post: #28 Title: Re: البوجني...لاطالقني لامشكّلني...طفر تترب...مـحّـنّـي Author: الطيب بشير Date: 02-02-2007, 09:48 PM Parent: #27 . الأخ الكريم أحمد يوسـف أبو حريرة الله يجبر بخاطرك و يطيّـب أيامك أما إجازتك لمحاولاتي على أنها شعر (عديل كدة) فهذا إطراء جالب ل(كبر الراس) و أنت المسؤول أمام الكلمة عن أي قندفة تطرأ على التعامل مع أم العيال هذا المسـاء. Quote: لكنني أدعوك لرحلة صيد في البطانة ولك أن تحددالوقت على أن يكون ضمن فصل الخريف...والدعوة مني ...لكن صاحبها والقائم بأمرها سيكون أبوالخليفة الحسن محمد طلحة وانا أقدم الدعوة بأسمه ونيابة عنه دون مشورته و دي ..خليها سااااي كايس ليها بي نص عمري ما لاقيها البطانة..و الأبيض هما المنطقتان اللتان ما حلمت بزيارة غيرهما سهل الله لي زيارة الأبيض عام 1992 و بارا كمان الطريف أنني ذهبت للسوق الشعبي و ركبت البص بنية زيارة الأبيض فقط!! ليس هناك سبب آخـر!! لا أهل .. لا أصدقاء.. لا معارف.. لا سبب للزيارة.. سوى ما أهل به لرؤية المنطقة و قد كانت ..كما تصورتها و أكثر بقيت البطانة محفورة بالخاطر و ابتلائي بميامي/فلوريدا يباعد بيني و بين الأمنية الأعـز و لا أذكر زميلآ مقربآ منها..و لا صهرآ لآل طابت..و لا بوليص ساااي كدة يعزمنا فإذا بالدعوة تجيء منك أخي الكريم..ود عزاز الناس و كمان من الأخ أبوالخليفة الحسن محمد طلحة دحين أنا داخلها إن شاء الله آمنآ..و شاكرآ و دعوة متل دي تدور حولها خطـط الإجازة..كيف لا و (الخبر الأكـيد) نحن سنزور البطانة قريبآ بحول الله لكن نجّـض الدعـوة ..لا تبوجـنّـنـا ساكت.. أشكرك على قصة عيون المها..و مقاصدك نبيلة يا حبيب .

---

Post: #29 Title: Re: البوجني...لاطالقني لامشكّلني...طفر تترب...مـحّـنّـي Author: abubakr Date: 02-02-2007, 10:05 PM Parent: #1 يا احمد اخوي Quote: فلهذه التبعية تبعاتها يا با شمهندس !!! اها انا في تبعاتها وللحين "البوجني" دة ما لقيت ليهو مترجم يقوم منصور "يجنني" بنضم متل دة ويزيد بكنتوس وقحف .. هي تبعاتها دي ما ليها حد Quote: البوجنى فات الحودا داك جننى فى كتوش قحف كنشو الغليد كوجنى

---

Post: #30 Title: Re: البوجني...لاطالقني لامشكّلني...طفر تترب...مـحّـنّـي Author: JAD Date: 02-03-2007, 09:29 AM Parent: #1 الأخ جاد أعجبني تصرفك في كتابة هذه الكلمة وكان ختت طريقتك دي ما بتنقري... الغريب انو زي ده عندنا كتير وما عارف هل ده قصور في حروف اللغة العربية أم زيادة حديث من عندنا نحن .. الأخ أبو حريرة .. الوريف ود شيوخ البطانة .. عليك الله شبشاب عينة الطرفة البكاية ما بستاهل نخترع له حرف ؟؟ وأنا بقترح من الآن رسم الحرف المقترح وهو سين وعليها نقطة واحدة فو السِنة الوسطى .. خالص الود .. جاد

---

Post: #31 Title: Re: البوجني...لاطالقني لامشكّلني...طفر تترب...مـحّـنّـي Author: JAD Date: 02-03-2007, 09:43 AM Parent: #1 Quote: اما النال العاول وووووووووووووووووووب منو وما احلاك يا جاد لانو النال العاول بعد يمطر تفوح منه اجمل واحلى النسمات وحلاوة النال العاول في زراعة الحريق لما يكون عزييييييييييير الرشاشية ويدوهو النار ويزرعوا محله لانو طوالى ارضه بتمحل ( تمحل يا بكري تعنى ينمو عليها محصولك بدون طفيليات وكمان خصوبتها عالية جدا . الأخ ود شيقوق .. كيفك حالك آخوي .. والأهل هناك إن شاء الله طيبين .. قلت لي على سفر تارك البلد .. يعني اليومين ديل بتكون متحسس شديد وروحك متشحتفة يا حليلك .. وبرضو تقول ماك مشكل بحب أسمي دعاش النال والمحريب بالنفس .. لأنه متل زفرة الزول المشتاق شديد لمن يلاقي حبيبو .. أها المطر ما يا هو الحبيب .. عشان كدا أو رشة مطرة تشم النال وتباس المحريب اتنهد وفاح منو الطيب البحاكي نسيم الجنة .. تصل بالسلامة إن شاء الله .. جاد

---

Post: #32 Title: Re: البوجني...لاطالقني لامشكّلني...طفر تترب...مـحّـنّـي Author: JAD Date: 02-03-2007, 09:57 AM Parent: #1 Quote: سلم عليهم وقول ليهم:ـ حضناً ضم للأحباب أنا روحى مشتاقالو ولمليم الشمل أنا بالسنين راجيالو أتشربكت بى حبلا عراااض آمالو بس حلال العقد قيدى ما حلا لو صح لسانك .. بلحيل والله .. Quote: نحنا قلنا زول مشكل مربوط متل البهيمة من خلاف الكراع القدامية مع الورانية أها باقى ليك فى طريقة حركة ؟؟؟ ورجعة للبطانة أكان لي دي أخوك ماهو مشكل وبس .. وكمان مكتوف أو زوير .. التحيات النواضر .. جاد

---

Post: #33 Title: Re: البوجني...لاطالقني لامشكّلني...طفر تترب...مـحّـنّـي Author: مدثر ابراهيم سعيد Date: 02-03-2007, 11:48 AM Parent: #32 الاخت سمية qoute: نحـن بنجـري ليكي و بالصــدود جـازينا لا تـريحــينا..بي كـتر السـهـر زازينا من هذه الحال سينتقل الي صادنو القليب, قنّبْ حََرَنْ فوق دارِن حالف ما افوت كان ارجا بكرة صغارِن دا يكون مشكل ولا مبوجن ؟

---

Post: #34 Title: Re: البوجني...لاطالقني لامشكّلني...طفر تترب...مـحّـنّـي Author: سمية الحسن طلحة Date: 02-04-2007, 09:25 AM Parent: #33 Quote: صادنو القليب, قنّبْ حََرَنْ فوق دارِن حالف ما افوت كان ارجا بكرة صغارِن دا يكون مشكل ولا مبوجن ؟ مدثر إبراهيم سعيد تحية كبيرة الكلام ده خلانى أتطفر الناس ديل كلللهم وأجيك دا يجبرنا على إيجاد وضع تالت وخانة خاصة به دا يكون ( مبجكل ) أكتر من مبوجن أو مشكل نرجو توقيعك على دفتر العيزومة. أجمل التحايالك منا

---

Post: #37 Title: Re: البوجني...لاطالقني لامشكّلني...طفر تترب...مـحّـنّـي Author: Ahmed Yousif Abu Harira Date: 02-04-2007, 09:48 AM Parent: #34 Quote: دا يكون ( مبجكل )

---

Post: #39 Title: Re: البوجني...لاطالقني لامشكّلني...طفر تترب...مـحّـنّـي Author: سمية الحسن طلحة Date: 02-04-2007, 10:15 AM Parent: #37 Quote: (سـيد الحـسـكـنـيــت..لا شالا ..لا خـلاّهـا)!! الطيب بشير ابن الطيبين رجال طابت نفوس القوم بهم طابت انت ما سيد البوجان المبوجنا ده ذاتو ونحنا ناس جنرال لكن انت بروفيشنال... عندك بوجان متعدد بوجان الصباح وحسب الوكت... ياأحمد أنا ما قلت ليك لمن أول مرة الطيب ده دخل علينا الكمبيوتر وقف عديييل( ماكمبيوتر ناس بطانة )وعرف الكلام ده غير. الطيب أنا من هسع ماشة أنتظرك هناك ...أنت إجازتك متين؟

---

Post: #41 Title: Re: البوجني...لاطالقني لامشكّلني...طفر تترب...مـحّـنّـي Author: سمية الحسن طلحة Date: 02-04-2007, 10:28 AM Parent: #39 Quote: لكن نجّـض الدعـوة ..لا تبوجـنّـنـا ساكت كلام نجيض مو ني ولوو معقوب حدد إجازتك بس هسع برفع التلفون لى ابو الخليفة وبنصب ليك الخيمة الماها خمج قدام جبل الأبيتور وتمش تبوجن الشعراء بشعرك الموو مبوجن

---

Post: #45 Title: Re: البوجني...لاطالقني لامشكّلني...طفر تترب...مـحّـنّـي Author: الطيب بشير Date: 02-04-2007, 04:58 PM Parent: #41 . الأخـت الكريمة سمية الحسن طلحة و الله حبابكم و حباب البطانة..جبل الأبيتور ..و القبوب..دحين ما بنمشي قبوب زايد؟ و أتلفّـح بي توب ودّ البـلــد المو خمج..متل بتاع أب سـن و الأستاذ محمود محمد طـه كان جدّي شيخ محمد سرور و جدّي المك ناصر يعشقان هذا التوب و ارتبط عندي بالمهابة و التميّـز بالحـيل كلامكم نجيض .. أرجوني قريب إن شاء الله شرف عظيم و التفاصـيل في الخاص .

---

Post: #40 Title: Re: البوجني...لاطالقني لامشكّلني...طفر تترب...مـحّـنّـي Author: المسافر Date: 02-04-2007, 10:19 AM Parent: #37 البنية دايرة تثبت لأمها بايدها الشكال بعد ما فركت السبروق قالت للراجل ودي المفراك ده لأمي التضوقو طلق ولا لسع الراجل شال المفراك وداهو لأمها.. البنية كوركت لأمها: يمه كفاهو ولا أزيدو قالتلها: كفاه بتبوجنيهو طبعا الراجل من البوجين العيه ما عارف قصة الطلقان ولا الشكال

---

Post: #42 Title: Re: البوجني...لاطالقني لامشكّلني...طفر تترب...مـحّـنّـي Author: ابو جهينة Date: 02-04-2007, 11:03 AM Parent: #37 إبن عمي أبوبكر يقول ود شوراني : ظبية عنس الريل المجازى هنونك جنيبة خيل قيافة ولابسه والكون كونك يا اميهية الصيف فى خلاك وبقونك باب ليمك عرج واقف غفر كركونك أها في همباتة و ناس خلا و ناس بطانة ما بعرفو بعض معاني النضمي دة. و بالمناسبة أنا متزوج بطحانية ( سليلة همباتة من أبو دليق ) .. الكلام دة قلتو ليها قالت لي : أبوجهينة إنت متأكد النضم دة عربي ؟ أها يا أبو بكر عاوزك تخت جايزة حنيذة لمن يعرف الترجمة و الشرح. برسل ليك الترجمة بالماسنجر لزوم ( الواسطة ) المُبَجْكَل أبوجهينة

---

Post: #43 Title: Re: البوجني...لاطالقني لامشكّلني...طفر تترب...مـحّـنّـي Author: Ahmed Yousif Abu Harira Date: 02-04-2007, 12:04 PM Parent: #42 Quote: و بالمناسبة أنا متزوج بطحانية نسيبنا أبو جهينة كيفنك... وشكرا على هذه اللقطة Quote: ظبية عنس الريل المجازى هنونك جنيبة خيل قيافة ولابسه والكون كونك يا اميهية الصيف فى خلاك وبقونك باب ليمك عرج واقف غفر كركونك ويا سلااااااااااااااااااااااااااااااااام طبعأ أبوبكر ح يكون مستغرب في الكلام الـ(مبجكل) ده .. الطيب أوعى من البوجان والبجكلة ... الدعوة قائمة سمية: أعجبتني الطريفة التي نجرتم بها كلمة (بجكلة) دي وأقترح إضافاتها إلى قاموس (الدفروب) الوافر لعبدالقادر محمد عثمان وطلحة الحسن

---

Post: #44 Title: Re: البوجني...لاطالقني لامشكّلني...طفر تترب...مـحّـنّـي Author: abubakr Date: 02-04-2007, 01:30 PM Parent: #1 Quote: أها يا أبو بكر عاوزك تخت جايزة حنيذة لمن يعرف الترجمة و الشرح. برسل ليك الترجمة بالماسنجر لزوم ( الواسطة ) المُبَجْكَل أبوجهينة المبجكل ود عمي اها فرصة فيكم يالعراريب .. ليكم زمان بتفسحو في جني الرطان اها جاكم ودعمي بلغة الجن النشوف شطارتكم ..قالت بوجني قالت ...اها المبجكل جاكم ووليداتو رطان بطحان بالجنسية مش تابعيين ؟ اها ممكن يا ود عمي ترسلي بالمسانجر ات قت شنو فوق بشان نتشبرق ونحصد الجوائز نووق بس ؟؟؟ المبجكل الرطان

---

Post: #46 Title: Re: البوجني...لاطالقني لامشكّلني...طفر تترب...مـحّـنّـي Author: elhilayla Date: 02-05-2007, 01:22 AM Parent: #1 ‎ السلام عليكم الأخت سمية بت العمدة الأخوة الأكارم صراحة ظروفي ما سمحت بالرغم من أني أعشق مثل هذا الحديث أحببت أن أسلم عليكم ومتابعين يا بت ملوك البطانة زين العابدين الحليلة

---

Post: #47 Title: Re: البوجني...لاطالقني لامشكّلني...طفر تترب...مـحّـنّـي Author: ابوعسل السيد احمد Date: 02-05-2007, 01:31 AM Parent: #46 الشاعرة الماجدة سمية و ضيوفها الكرام، لا أخفي عليكم أنني دأبت على تلصص خجول على هذا المكان. تبعثون الدهشة في النفس و تعبرون عن تمكن مذهل من اللغة و بالذات عربية أهلنا في البطانة بما تذخر به من شاعرية حميمة و رقة أصيلة. دمتم مبدعين

---

Post: #48 Title: Re: البوجني...لاطالقني لامشكّلني...طفر تترب...مـحّـنّـي Author: حبيب نورة Date: 02-05-2007, 01:38 PM Parent: #47 سمية .... .........!!! اها لو واحد مجوبك !! ككككيف ؟؟؟؟؟؟؟؟؟؟؟!!

---

Post: #49 Title: Re: البوجني...لاطالقني لامشكّلني...طفر تترب...مـحّـنّـي Author: الطيب بشير Date: 02-06-2007, 10:44 PM Parent: #1 . عربون عزومة البــطـــانـــة..شوف الخدار دة و النضــم دة .

---

Post: #50 Title: Re: البوجني...لاطالقني لامشكّلني...طفر تترب...مـحّـنّـي Author: دورنقاس Date: 02-07-2007, 09:10 AM Parent: #49 Quote: عربون عزومة البــطـــانـــة..شوف الخدار دة و النضــم دة وا (البيضا) دى مع عظيم تقديرى لاهل العزومة وضيفهم الطيب ود الطيب

---

Post: #51 Title: Re: البوجني...لاطالقني لامشكّلني...طفر تترب...مـحّـنّـي Author: سمية الحسن طلحة Date: 02-07-2007, 10:09 AM Parent: #50 المسافر أضع كلامك نصب عينى وأجلس أتأمله كأجمل لوحة فى غاية العبقرية البنية ياجماعة قاصدة الراجل لمن قالت لى امها كفاهو ولا ازيدو الأم قالت لحد هنا كويس …وزولنا الخايفين عليهو من المبوجنا مافاهم حاجة بس مرسال……… (مع انو المرسال دا ناس عمرو بن كلثوم سلّوا فيهو السيوف) لك التحية والشكر على هذه الهدية القيمة.

---

Post: #52 Title: Re: البوجني...لاطالقني لامشكّلني...طفر تترب...مـحّـنّـي Author: سمية الحسن طلحة Date: 02-07-2007, 10:12 AM Parent: #50 أبو عسل هنا !؟ بحق من أغطش ليلها وأخرج ضحاها أعطيت دارنا طعم عسل لايضاهى فنارت أركانها وجليت حُلاها ولبست حُلة بها تتباهى لك المودة

---

Post: #53 Title: Re: البوجني...لاطالقني لامشكّلني...طفر تترب...مـحّـنّـي Author: سمية الحسن طلحة Date: 02-07-2007, 10:14 AM Parent: #50 زين العابدين الحليلة لك الشكر على المتابعة ويكفينا اننا نلنا إعجابكم نرجو أن تداوم على المرور ولك منا أحلى المنى

---

Post: #54 Title: Re: البوجني...لاطالقني لامشكّلني...طفر تترب...مـحّـنّـي Author: سمية الحسن طلحة Date: 02-07-2007, 10:17 AM Parent: #53 تعرفوا أنا مادخلت هنا من يومين ليه؟ قالوا: النسيب زى عين الشمس مابتقدر تملأ عينك فيهو لأنو أبوجهينة طلع أبو النسب ...زمان حبوباتنا بستحين ومابيأكلن ولا بشربن قدام نسيبن ولابجيبن إسمو تعظيماً. الهنون حسب علمى يطلق على المرى أى الخالية ليس لديها رضيع يشغلها ،وعند البعض يعنى لا فيها درار ولاها قاطع جنيبة الخيل :مطرفة ومنفردة... وكمان متفردة فى الجمال والاميهية : شوية موية وكمان فى الصيف وفى الخلا (هلا هلا عزة شديدة خلاس ) باب ليمك عرج .......... كناية عن صعوبةالوصول إ ليها هاك ود الشوبلى :ـ فيها شبه الشرفن شاشليقن شوشن ربشنّو كشكيش قشهن فى الكوشة كشّن منو حجمن وقرجمن ود حينتن بشّنو عشن ود حشاهن وبالعسين نشّنو ياأبوبكر هناك حائزة أحنذ من عجل ضيف إبراهيم عليه السلام لمن يردد الأبيات 3مرات بدون خطأ

---

Post: #55 Title: Re: البوجني...لاطالقني لامشكّلني...طفر تترب...مـحّـنّـي Author: سمية الحسن طلحة Date: 02-07-2007, 10:25 AM Parent: #54 الصجوبك ده يا أخ حبيب أتبوجن وخلص مافى ليهو طريقة غير نشوف مولانا الطيب شيقوف يكون جايب معاهو محاية الله يكفينا شر المجوبكا.

---

Post: #56 Title: Re: البوجني...لاطالقني لامشكّلني...طفر تترب...مـحّـنّـي Author: سمية الحسن طلحة Date: 02-07-2007, 10:33 AM Parent: #55 الطيب الخدار دا والله قدام البيوت ، رجوع للساحة الخاتية رحيل، والمحل ده مابين مضاربنا وجبل الأبينور

---

Post: #63 Title: Re: البوجني...لاطالقني لامشكّلني...طفر تترب...مـحّـنّـي Author: abuguta Date: 02-07-2007, 11:08 AM Parent: #56 سمية بت طلحة حرم بوستك دا ما شفتو..مع انو حارس الموقع زى حراسة الترس الايام دى مشغول شغلة نت..لو نجحت بجيب يشترى لى عمةالصغير قيل..بتشديد الياء للعجم بجيك راجع وبتحكر فى بوستك برواقة احمد ابو حريرة.. تحياتى تعريف الطيب بشير خلف الله دا عربى جزيرة.طابت ..من اسرة شغلتها ادب وفن.. وهو مسكون بالابداع..وصديق لصيق مئذ الصغر لعماد احمد طيب عمو الفنان المبدع احمد طيب خلف الله .صاحب ضاع صبرى.. ولقدام

---

Post: #70 Title: Re: البوجني...لاطالقني لامشكّلني...طفر تترب...مـحّـنّـي Author: الطيب بشير Date: 02-07-2007, 05:54 PM Parent: #63 . Quote: تعريف الطيب بشير الطيب آل خلف الله ..دا عربى جزيرة.من طابت ..من اسرة شغلتها ادب وفن.. وهو مسكون بالابداع..وصديق لصيق مئذ الصغر لعماد احمد طيب عمو الفنان المبدع احمد طيب خلف الله .صاحب ضاع صبرى.. يرحمه الله يا أب قوتة..قنبلة الودّ الموقــوتة كيف حالك يا صافي يرحم الله عمي الفنان و عمي الآخـر بتاع أب قوتة..حاج الطاهر خلف الله و الله ليك وحشــة.. شكرآ على اتهامي بالإبداع انما أنا جليـس القوم..لا أشـقى بهم تســلم .

---

Post: #69 Title: Re: البوجني...لاطالقني لامشكّلني...طفر تترب...مـحّـنّـي Author: الطيب بشير Date: 02-07-2007, 05:46 PM Parent: #56 . مرحبتين بت الرجال سمية Quote: مضاربنا؟ و الله عـــــــــز! يا بنت الكرام نحن الزّمـن ضاربنا من ما قمنا نجري وراو.. و هو محاربنا بي شوك الكـداد من دربـكـم زاربنا قدّامنا البحر و الشـوق حرق قاربنا .

---

Post: #57 Title: Re: البوجني...لاطالقني لامشكّلني...طفر تترب...مـحّـنّـي Author: الطيب شيقوق Date: 02-07-2007, 10:36 AM Parent: #54 الاخ بت طلحة الاخوة الكرام يا مراحب اها انا جيتكم خلاص ممهووووووول وما زعلنى شى الا بوجنتكم للبوست ده والسبب الرطاني وحاولت اتصل بكل الاخوة من المكتب بس لقيت كهربة موبايلي نازلة وما عرفت ارقام هواتفكم . لكم معزتي

---

Post: #58 Title: Re: البوجني...لاطالقني لامشكّلني...طفر تترب...مـحّـنّـي Author: سمية الحسن طلحة Date: 02-07-2007, 10:37 AM Parent: #50 Quote: وا (البيضا) دى كتر خيرك ختوتك عديلة وبيضا ياجماعة المابجيب غنوة ما يشيل جغمة من الجردل المتمسح نعمة دا.

---

Post: #62 Title: Re: البوجني...لاطالقني لامشكّلني...طفر تترب...مـحّـنّـي Author: ابو جهينة Date: 02-07-2007, 10:54 AM Parent: #58 سمية .. الملكة المتوجة فوق سمح النضم و النم قريت كلامك .. و إتخيلت نفسي قاعد في راكوبة هواها بحري .. و الزيفة تزغرد بي أركانا .. و أنا حادر طاقيتي الحمرا لي حد محل صرة العينين .. أتاوق لي إبل أبو النسب العمدة .. و ما أحلاه مكان Quote: تعرفوا أنا مادخلت هنا من يومين ليه؟ قالوا: النسيب زى عين الشمس مابتقدر تملأ عينك فيهو لأنو أبوجهينة طلع أبو النسب ...زمان حبوباتنا بستحين ومابيأكلن ولا بشربن قدام نسيبن ولابجيبن إسمو تعظيماً. تصدقي يا سمية نسيبتي الله يرحمها و يحسن إليها .. مما إتزوج بنيتها .. لا شربتْ جنبي موية حتى لو العطش حشرج حلقها. لا أكلتْ قدامي .. لا رفعتْ راسا تعاين لي في وشي .. حرم كلامك دة جابا لي قدام عيوني .. عفيت منك و الله. الهنون حسب علمى يطلق على المرى أى الخالية ليس لديها رضيع يشغلها ،وعند البعض يعنى لا فيها درار ولاها قاطع ما تحته خط هو الراى الأرجح. Quote: والاميهية : شوية موية وكمان فى الصيف وفى الخلا (هلا هلا عزة شديدة خلاس ) و الله عزة بتحدد فصيلة الدم و تقيف خط فاصل بين الكريات الحمرا و البيضا و تقول للـ DNA قوم و أنا أقعد بكانك. Quote: عشن ود حشاهن وبالعسين نشّنو أنا المنشَّن بالعسين .. و أنا الراقد مُتْخَم بي عشا الأمات ال بقولن يا ود حشاى و حبيب قساى.. هيييييع تسلمي لينا يا سمية... Quote: ياأبوبكر هناك حائزة أحنذ من عجل ضيف إبراهيم عليه السلام لمن يردد الأبيات 3مرات بدون خطأ أبوبكر .. شايفك قاعد تردد في الأبيات لزوم التمرين .. دمت

---

Post: #68 Title: Re: البوجني...لاطالقني لامشكّلني...طفر تترب...مـحّـنّـي Author: الطيب بشير Date: 02-07-2007, 05:27 PM Parent: #50 . Quote: مع عظيم تقديرى لاهل العزومة وضيفهم الطيب ود الطيب ألــف أهــلآ نســيبنا دورنقاس و الله صـدق الي قال العـز أهــل شـوف النـعــمــة دي؟ الجردل متل ما قالت بت طلحة متـمـســح!! حبابـك ألــف آآآزولي تحياتي لأخـتي و الأهــل عموم .

---

Post: #59 Title: Re: البوجني...لاطالقني لامشكّلني...طفر تترب...مـحّـنّـي Author: مجاهد عبد الرحمن Date: 02-07-2007, 10:39 AM Parent: #1 أختنا العزيزة سمية ألف تحية وتقدير لك ... لكل ناس البطانة... ولكل من سلك مسلكهم... وشابه عيشهم ... وتخلق بخلقهم ... حتى جبل اللبايتور في حماهم . القلب إن مرض بي هينه ما بداوا والريد إن كتر لا بد يجيبلو عداوا إن وقع القدر يا السمحه ما نتلاوا القوي والضعيف ميزانو ما بتساوا مودتي

---

Post: #60 Title: Re: البوجني...لاطالقني لامشكّلني...طفر تترب...مـحّـنّـي Author: abubakr Date: 02-07-2007, 10:40 AM Parent: #1 Quote: ياأبوبكر هناك حائزة أحنذ من عجل ضيف إبراهيم عليه السلام لمن يردد الأبيات 3مرات بدون خطأ ياسمية اولا انا ما عندي نسايب زي ود عمي يغشوشني او يدرسوني نضم عراريب قسرا او خيارا!!!! ثانيا الكلام الفوق دة خلي لساني مغرز زي عربية التيمس بتاعة عم ودشيقوق وما قادر احركو تب ..اها شغاليين اشارة بس ..اها دي براها ما عايزة جائزة انك تقدري تلجمي لسان الرطان بكلمة ... ودشيقوق كان في ابوظبي امس ونازل في اوتيل فايف ستار علي حساب تذكرة في الاتحاد للطيران اشتراها بتمن اقل من تمن كباية كابشينو في الاوتيل وبشان كدة كان حايم طول اليوم يوزع رقم الغرفة لكل خلق الله بشان يعرفو وين نازل .. وعم فاروق دحين جالس في قهوة " ام عبدالله - دي غير ام عبداللة بتاعة ود شيقوق " ناقع رجلينو في موية دافية لانها وارمة من كترة الحوامة مع ود شيقوق امبارح ..

---

Post: #61 Title: Re: البوجني...لاطالقني لامشكّلني...طفر تترب...مـحّـنّـي Author: شكرى سليمان ماطوس Date: 02-07-2007, 10:49 AM Parent: #1 سلام لست الدار وتحايا لضيوفك و المارين بيكم ،،، حاولت أفهم من كلامكم علنى أشارك أو أدلو بدلوى،،،، يـــــــاااا لغبائـــى ،، ما طلعت بغير الدعاء ده: Quote: الله يكفينا شر المجوبكا. ش

---

Post: #64 Title: Re: البوجني...لاطالقني لامشكّلني...طفر تترب...مـحّـنّـي Author: سمية الحسن طلحة Date: 02-07-2007, 11:54 AM Parent: #61 ما معقووول !!! مجاهد وابوقوتة وكمان شكرى...... أنا مسكتنى حمى وراسى لفا...ياأبوبكر الحقنى بى محاية من ودشيقوق عشان استفيق من الدهشة والفرحة وأرد على الناس ديل أبوجهينة ولدنا أقعد مع الناس ديل لمن أجيهم.

---

Post: #65 Title: Re: البوجني...لاطالقني لامشكّلني...طفر تترب...مـحّـنّـي Author: abubakr Date: 02-07-2007, 12:36 PM Parent: #1 Quote: ...ياأبوبكر الحقنى بى محاية من ودشيقوق لاحولا ... محاية الحتات وخسوسا بعد ما رجع من بكانات كتيرة امس ؟؟؟ انتي امس دة هو الفاروق مشو حفلة حت في ديسكو بالنهار ؟؟ اها الزي دة محايتو تخلي الواحد ام قيردونة ؟ اما ودعمي فالامر لله من قبل ومن بعد يعني من يوم ناسب البطاحين بقينا ما نفهم نضمو .. انا اصلا كت شاكي مما بطاقة الهوية بتاعتو القديمة ودرا وسمي نفسو باسم العراريب ودحين المدام بترطن وهو بيتكلم نحوي...

---

Post: #66 Title: Re: البوجني...لاطالقني لامشكّلني...طفر تترب...مـحّـنّـي Author: ابو جهينة Date: 02-07-2007, 12:45 PM Parent: #65 ود عمي أبوبكر سلام كبير بطاقة الهوية ( جهينة ) .. رغم أن الإسم هو لقب أطلقه علي أحد الأصدقاء في عطبرة إلا أن إسم جهينة هي حِلّة صغيرة في قريتنا بالشمال و لا أدري سبب الكنية. أها يا أخوانالغاية ما الملكة دي تجي هاكم الضيافة دي : يقول عبدالفراج ود البدرى ( ود دقمة ) البُن البطقطق وحرَّق القاليهو خلَّ مزاجى راحل بجميع ما ليه مشتول القريرات النَتَر خُوِليه خدر وطرفى شايفو وروحى علقت فيه *** هاكم الشرغرغ دة يا أبوبكر

---

Post: #67 Title: Re: البوجني...لاطالقني لامشكّلني...طفر تترب...مـحّـنّـي Author: الطيب شيقوق Date: 02-07-2007, 12:49 PM Parent: #65 Quote: انتي امس دة هو الفاروق مشو حفلة حت في ديسكو بالنهار ؟؟ الفاروق ده يا ابا بكر بيدخلك الجنة والنار لانه دائما بيقول لى الطيب اخوى صلي وصوم وانفق ( ولا تنسى نصيبك من الحياة الدنيا) هلا هلا انت يا بكرى قايلو دين تهليل ولا دين تكبير ده دين الصالحين يودوك مكة للكعبة ويودوك حنا ميلاد وحنّا التانية يوريك عنها الفاروق اتصل عليهو يحكي ليك.

---

Post: #71 Title: Re: البوجني...لاطالقني لامشكّلني...طفر تترب...مـحّـنّـي Author: abubakr Date: 02-07-2007, 06:17 PM Parent: #1 الفاروق ده يا ابا بكر بيدخلك الجنة والنار لانه دائما بيقول لى الطيب اخوى صلي وصوم وانفق ( ولا تنسى نصيبك من الحياة الدنيا) هو الفارووق دة عمل ليك عمل امبارح ؟؟ ما فضل الا تعمل ليهو قبة وحولية ؟؟؟ما كان حت دة ؟؟

---

Post: #72 Title: Re: البوجني...لاطالقني لامشكّلني...طفر تترب...مـحّـنّـي Author: ماجدة عوض خوجلى Date: 02-07-2007, 11:24 PM Parent: #1 حبيبة كيفيك سمسمة ازيك انا برضو مشتاقه ليك قلت اجيك هنا علشان اسلم عليك فى مكانك انا قلت ارد التحيه هنا قبل ماارد هناك تسلمى حبيبتى كتير عايزه امشى اجيب لى كرسى ماهل واجى بمزاج

---

Post: #84 Title: Re: البوجني...لاطالقني لامشكّلني...طفر تترب...مـحّـنّـي Author: سمية الحسن طلحة Date: 02-09-2007, 01:35 PM Parent: #72 ماجدة الماجدة حبابك عشرة جيبى كرسيك ونخت الكرسى جنب البمبر والهباب والبرش والتبروقة وما أحلانا لمن نقعد سوا

---

Post: #73 Title: Re: البوجني...لاطالقني لامشكّلني...طفر تترب...مـحّـنّـي Author: abubakr Date: 02-08-2007, 06:09 AM Parent: #1 Quote: امشى اجيب لى كرسى ماهل واجى بمزاج البمبر مالو .. شلاقة بنات البندر ؟؟ جنس حالة ؟؟

---

Post: #74 Title: Re: البوجني...لاطالقني لامشكّلني...طفر تترب...مـحّـنّـي Author: abubakr Date: 02-08-2007, 06:17 AM Parent: #1 Quote: يقول عبدالفراج ود البدرى ( ود دقمة ) البُن البطقطق وحرَّق القاليهو خلَّ مزاجى راحل بجميع ما ليه مشتول القريرات النَتَر خُوِليه خدر وطرفى شايفو وروحى علقت فيه *** هاكم الشرغرغ دة يا أبوبكر يا ودعمي .. انت العراريب دييل عرست منهم واللا ولدوك تاني ؟؟؟ عبد الفراج ودقمة دة منو برضو من نسايبك ؟؟؟ منو العوض وليهو العوض قلنا يبربرم قامو عربو

---

Post: #75 Title: Re: البوجني...لاطالقني لامشكّلني...طفر تترب...مـحّـنّـي Author: الطيب شيقوق Date: 02-08-2007, 09:28 AM Parent: #74 Quote: ودشيقوق كان في ابوظبي امس ونازل في اوتيل فايف ستار علي حساب تذكرة في الاتحاد للطيران اشتراها بتمن اقل من تمن كباية كابشينو في الاوتيل وبشان كدة كان حايم طول اليوم يوزع رقم الغرفة لكل خلق الله بشان يعرفو وين نازل .. وعم فاروق دحين جالس في قهوة " ام عبدالله - دي غير ام عبداللة بتاعة ود شيقوق " ناقع رجلينو في موية دافية لانها وارمة من كترة الحوامة مع ود شيقوق امبارح والله يا ابا بكر كنت جالس في قاعة استقبال الفندق وجاني الفاروق الوجيه وبيده عصاية انيقة لزوم الوجاهة وكانت هى الزيارة التانية لى في الفندق . اها كلامك الفوق ده كلو صاح - كنت جالس اعاين في الفاروق وفي الالمان الكانوا معانا والفاروق بخفة روحة ما بخلّ نزيل في الفندق يمر عليهو الا يشاغله حتى الاجانب . انا عاينت للفاروق بطرف عيني قلت ليهو دحين يا الفاروق القروانة بتاعة الطحنية ديييييييييييييك قصرت تاني طالما قرتنى ( علمتنى يعنى) وجلستنى مع الالمان في فندق واحدة ؟ حرم لولا القروانة اكان انا هسع في الصى ( الصي الخلاء يعنى) متابع غنيماياتي ورابط لى عميمة مشنتلة في راسي وسارح ساااااااااااااااااااى . هلا هلا يا القروانة الجلستينا مع الخواجات وناس حنّا ( اسال الفاروق عن حنا مش ميلاد حنا اقصد حنّوية)

---

Post: #76 Title: Re: البوجني...لاطالقني لامشكّلني...طفر تترب...مـحّـنّـي Author: ابوعسل السيد احمد Date: 02-09-2007, 02:00 AM Parent: #75 الملكة سمية بنت الحسن آل طلحة أداوم يوما إثر آخر على "المقيل" في ضيافتكم بهذا السهل الممتنع و أيم الله، إنه لسهل البطانة. أحدث نفسي كل يوم أن هذه بقعة من بلادنا لها إرث تالد من الشعر و البلاغة و الفصاحة و فنون اللغة و لا تجد لها حظا من التعريف الكافي بكنوزها المكنونة كما الأشياء الحنونة. لكنكم هنا رسل المعرفة و رسل البطانة الأكرمين. سأظل ضيفا أرجو ألا تستثقلوا تساؤلات قد تعن له من آن لآخر ذلك أن مبعث تلك التساؤلات لن يكون سوى رغبة التعلم التي قد تجاهد لسبر بعض الأغوار. عشت

---

Post: #77 Title: Re: البوجني...لاطالقني لامشكّلني...طفر تترب...مـحّـنّـي Author: سمية الحسن طلحة Date: 02-09-2007, 12:40 PM Parent: #76 Quote: حرم بوستك دا ما شفتو..مع انو حارس الموقع زى حراسة الترس أبوقوتة كيف الحال...سائلين عنك الطير فى سماهو لاتسعنا الفرحة بجيتك...حبابك آلآف وكلنا آذان صاغية لسمح القول.

---

Post: #78 Title: Re: البوجني...لاطالقني لامشكّلني...طفر تترب...مـحّـنّـي Author: سمية الحسن طلحة Date: 02-09-2007, 12:45 PM Parent: #77 Quote: القلب إن مرض بي هينه ما بداوا والريد إن كتر لا بد يجيبلو عداوا إن وقع القدر يا السمحه ما نتلاوا القوي والضعيف ميزانو ما بتساوا شكراً أخى مجاهد والبطانة وأهل البطانة لا يكون جمالهم إلا بوجود كم بينهم عشان بتعرفوا نمهم وبتقاسموا همهم ...يسعدنا تواصلكم كثيراً. القلب البريد ران عليهو غباوة والريد الكتير بهديل وعقبو شقاوة ما بتنفع معاهو شجاعة ولا ضراوة القوى والضعيف مفروض عليهو أتاوة ودمتم

---

Post: #79 Title: Re: البوجني...لاطالقني لامشكّلني...طفر تترب...مـحّـنّـي Author: Ahmed Yousif Abu Harira Date: 02-09-2007, 12:51 PM Parent: #78 Quote: القلب البريد ران عليهو غباوة والريد الكتير بهديل وعقبو شقاوة ما بتنفع معاهو شجاعة ولا ضراوة القوى والضعيف مفروض عليهو أتاوة يا ناس كيفنكم راجعين إن شاء الله

---

Post: #82 Title: Re: البوجني...لاطالقني لامشكّلني...طفر تترب...مـحّـنّـي Author: سمية الحسن طلحة Date: 02-09-2007, 01:15 PM Parent: #79 حباب أحمد نحنا ذاتنا كنا غايبين والله عندنا ليك كترة كلام بس أرفع لينا بوستاتك

---

Post: #80 Title: Re: البوجني...لاطالقني لامشكّلني...طفر تترب...مـحّـنّـي Author: سمية الحسن طلحة Date: 02-09-2007, 12:56 PM Parent: #78 Quote: حاولت أفهم من كلامكم علنى أشارك أو أدلو بدلوى،،،، يـــــــاااا لغبائـــى ،، ما طلعت بغير الدعاء ده: Quote: الله يكفينا شر المجوبكا. شكرى سليمان ماطوس أفتقدنا حديثك الشيّق كثيرأ لكن قلنا ( الصوابر جوابر لو يرجعن يباس ) صبرنا وغنمنا وجودك المميّز فلك الشكر على الطلة أنت أخذت سلاف الموضوع كلو (مجوبك=مبجكل بلص+ ) غبائك أريتو غبائى . لك المودة

---

Post: #81 Title: Re: البوجني...لاطالقني لامشكّلني...طفر تترب...مـحّـنّـي Author: سمية الحسن طلحة Date: 02-09-2007, 01:07 PM Parent: #80 Quote: سأظل ضيفا أرجو ألا تستثقلوا تساؤلات قد تعن له من آن لآخر ذلك أن مبعث تلك التساؤلات لن يكون سوى رغبة التعلم التي قد تجاهد لسبر بعض الأغوار أبو عسل السيد يكفى الحروف أن تستزيد من بعض طرفكم ويكفينا أن يستفتينا من فى مقامكم فما كلماتنا إلا مواخر فى عبابكم يستبيها جمال سواحلكم ويتملكها التوق للرسو فى مرافئكم فلك الشكر على ان عبدت الطريق

---

Post: #83 Title: Re: البوجني...لاطالقني لامشكّلني...طفر تترب...مـحّـنّـي Author: سمية الحسن طلحة Date: 02-09-2007, 01:25 PM Parent: #81 Quote: يا بنت الكرام نحن الزّمـن ضاربنا من ما قمنا نجري وراو.. و هو محاربنا بي شوك الكـداد من دربـكـم زاربنا قدّامنا البحر و الشـوق حرق قاربنا ياود الكرام الدنيا ما بتغلبنا راغبين عنهاوفيها يوم ما رغبنا قايدنا الحنين لى ردكم جايبنـا فى سوق المحبة بالرخس جـالـبنا

---

Post: #85 Title: Re: البوجني...لاطالقني لامشكّلني...طفر تترب...مـحّـنّـي Author: jini Date: 02-09-2007, 01:38 PM Parent: #81 بت طلحة سلام يكفينا الله شر البوجين نحن مبتبين ساكت يعلم الله! جنى

---

Post: #89 Title: Re: البوجني...لاطالقني لامشكّلني...طفر تترب...مـحّـنّـي Author: سمية الحسن طلحة Date: 02-09-2007, 02:12 PM Parent: #85 Quote: يكفينا الله شر البوجين نحن مبتبين ساكت يعلم الله! جنى جنى كيف الحال يازول أخير المبوجن من المبتب المبوجن دا بغير ساكت زى الجمل أب قلبا مقطوع لكن المبتب دا ما أنتهى خلاس مافيهو طريقة حركة ــــــــــــــــــــــــــــــــــــــــــــــــــــ (بعدين بتبوهو بى شنو؟ دقاقة ولا دقوهو وخلوهو فى نص التقاة؟)

---

Post: #86 Title: Re: البوجني...لاطالقني لامشكّلني...طفر تترب...مـحّـنّـي Author: ماجدة عوض خوجلى Date: 02-09-2007, 01:39 PM Parent: #1 صباحك كله خير سمسمه Quote: البمبر مالو .. شلاقة بنات البندر ؟؟ جنس حالة ؟؟ شوفتى حبيبتى عليكى الله هسه ابوبكر بس يردو عليه يقولو ليه شنو الزول كان داير يتوهط الاريح ياتو البمبر ولاالكرسى بس اظنو ماعايزنا نقعد وناخد راحتنا لكن على مين انا جبت كرسينى وجيت

---

Post: #87 Title: Re: البوجني...لاطالقني لامشكّلني...طفر تترب...مـحّـنّـي Author: abubakr Date: 02-09-2007, 01:48 PM Parent: #1 Quote: لكن على مين انا جبت كرسينى وجيت مكاواتك للرطان فوتت عليكي قعدة بمبر واحديين كانو حيقولو عليها " واوو بيوتفل دة اوريجنال كالس .. ممكن وي تراي ايت ؟ "

---

Post: #88 Title: Re: البوجني...لاطالقني لامشكّلني...طفر تترب...مـحّـنّـي Author: ماجدة عوض خوجلى Date: 02-09-2007, 01:57 PM Parent: #1 Quote: مكاواتك للرطان فوتت عليكي قعدة بمبر واحديين كانو حيقولو عليها " واوو بيوتفل دة اوريجنال كالس .. ممكن وي تراي ايت ؟ " انا اصلى ماشيه اقعد بيه فى الهايد بارك ولا ماشيه بلاك بول انا دايرة اقعد هنا فى نص اهلى لكن الرطانى بس الفيه اتعرفت حاسد حساده السنين

---

Post: #90 Title: Re: البوجني...لاطالقني لامشكّلني...طفر تترب...مـحّـنّـي Author: abubakr Date: 02-09-2007, 02:26 PM Parent: #1 Quote: انا اصلى ماشيه اقعد بيه فى الهايد بارك ولا ماشيه بلاك بول انا دايرة اقعد هنا فى نص اهلى انتي عارفة الدنيا بواقي شتا وما في زولا قاعد في الهايد بارك والبلاك بول بقي وايت بول بالتلج وبدل الملاوعة قولي انك ما بتعرفي البمبر ؟ شايقية فرانكو اراب ... Quote: لكن الرطانى بس الفيه اتعرفت حاسد حساده السنين الفي بالرطانة ما بتقدري تفهمي وما في مترجميين معاكي ...

---

Post: #91 Title: Re: البوجني...لاطالقني لامشكّلني...طفر تترب...مـحّـنّـي Author: jini Date: 02-09-2007, 03:24 PM Parent: #90 Quote: جنى كيف الحال يازول أخير المبوجن من المبتب المبوجن دا بغير ساكت زى الجمل أب قلبا مقطوع لكن المبتب دا ما أنتهى خلاس مافيهو طريقة حركة الحال يعلم به الله البتاباب بتلمه لكين باقيلك البوجين بتلمه! حالك زين يا بت طلحة جنى

---

Post: #92 Title: Re: البوجني...لاطالقني لامشكّلني...طفر تترب...مـحّـنّـي Author: jini Date: 02-09-2007, 03:30 PM Parent: #90 Quote: جنى كيف الحال يازول أخير المبوجن من المبتب المبوجن دا بغير ساكت زى الجمل أب قلبا مقطوع لكن المبتب دا ما أنتهى خلاس مافيهو طريقة حركة الحال يعلم به الله البتاباب بتلمه لكين باقيلك البوجين بتلمه! حالك زين يا بت طلحة جنى

---

Post: #93 Title: Re: البوجني...لاطالقني لامشكّلني...طفر تترب...مـحّـنّـي Author: jini Date: 02-09-2007, 03:57 PM Parent: #92 عليكم الله دا ما مارون غلاسية الفرنسيين بى ذاتو صفاتوا ! والله الرغوة دى يلقوها الخواجات للكباتشينو حفهم يسوى بيها البدع يلهطوا ويمزمزوا آبس كريم شيك! جنى

---

Post: #94 Title: Re: البوجني...لاطالقني لامشكّلني...طفر تترب...مـحّـنّـي Author: خالد المحرب Date: 02-10-2007, 00:28 AM Parent: #93 ها جنا سلام النعلك طيب ات عارف جابتنى ليك رغوة البل دى حسيت لى فيها بى طلاق من قيدى الموجود فيه فى رياض اولاد سعود000 نرجع لى موضوعنا جردل اللبن ده ودانى فوق جيهة ابصوفه ودبلك والنديوات والقصيره محل البل ما تاخد وضعه وتلقى فحلن يحشرحرم بى كلاش ماتلاقيه تب والريحه ريحة عبسن تودر القريافه زى ماقال الشاعر ياام عبسا كروفتو تودر القريافه 0 جردل لبنك بلحيل عجبنى مسعود ايدو كبت فى القصيرة اسقتا ودبلك لبس من الخدار واتكسا الموعارف البطانه كلامى دا مابقعلوتب ليس من حدث كمن راى تحياتى ياجنى

---

Post: #95 Title: Re: البوجني...لاطالقني لامشكّلني...طفر تترب...مـحّـنّـي Author: abuguta Date: 02-10-2007, 07:25 AM Parent: #94 Quote: والله الرغوة دى يلقوها الخواجات للكباتشينو حفهم يسوى بيها البدع يلهطوا ويمزمزوا آبس كريم شيك! جنى جنى سلام جابتنى ليك رغوة على قول خالد نحن طبعا سكان مدينة بالنسبة للريفى حقنا...داك السنة جانا خال لينا مشوقر بغنمو او دافر ..يعنى بفتش لمكان الرعى ومر بنا عبور..نزل قدام حينا و مراحو غطى الميدان بقى زى ارض مفروشة صوف وصوت البهم زى ضفادع فى يوم خريفى ..لقانا فى عطلة مدرسية اها قال لينا شيلو مواعين وجرادل وجيبو معاكم كور..جمع كورية..اها قلنا كدا ادرعنا المراح..ما عرفنا للشغلة..قام كدا جانا لاحقنا كفكف عراقيوه واد لضراعو تلة لفوق ..فظرهت السكين والحجبات ..زولك يشيل ويحلب ويدندن ..ونحن نعبى فى الجرادل..بالطبط زى جردلك الطلس بلونو وزخرفتو ..وطبعا جرادل الطلس كانت عندى امى ما بتنزل من الفضية الا للشديد القوى..يوم داك مليناهن لبن (حليب) و الرغو تشقشق زى طيور فى عشهاوقت المغيرب ...اها خالى جاء وجلس فى هباب بلاستيك وقال لامى ...اولادك ديل قبل كدا ما شافو الرغوة الا فى بولهم...خليهم الليلة يتمتعو احسن ليكم كدا...بلد كلها حيشان عنز الشاى ما عندكم..والله ترحلو معانا فى حلتنا الا احممهم ليك باللبن صباح عشية... التحية لصحابة البوست التى دائما تنقلنا للجديد والتيحة لك وانت تنقلنا الى ريفنا الحبيب وزمن خريفى حيث يمتلىء الضرع وتكتر الرغوة.. ودى ابقوتة فى اول الدوام

---

Post: #96 Title: Re: البوجني...لاطالقني لامشكّلني...طفر تترب...مـحّـنّـي Author: مدثر ابراهيم سعيد Date: 02-10-2007, 08:00 AM Parent: #95 القلب البريد ران عليهو غباوة والريد الكتير بهديل وعقبو شقاوة ما بتنفع معاهو شجاعة ولا ضراوة القوى والضعيف مفروض عليهو أتاوة القوي والضعيف في الريد مقامُن سوّا الريد مو سِحِر, ماااااااا بدورلو درقة وقوّة الزول البريد لي زولو يبقى مُرُوّة يبقى نجِم سراهو ويبقالو قمراً ضوّا

---

Post: #97 Title: Re: البوجني...لاطالقني لامشكّلني...طفر تترب...مـحّـنّـي Author: الطيب شيقوق Date: 02-10-2007, 12:19 PM Parent: #96 Quote: رغوة البل دى حسيت لى فيها بى طلاق من قيدى الموجود فيه فى رياض اولاد سعود000 نرجع لى موضوعنا جردل اللبن ده ودانى فوق جيهة ابصوفه ودبلك ات عارف يا ود المحرب انا زمان كت صغير بعدين لحقت البل في المشرع محل الضمى الرعيان حلبوا لى لبن برغوتو زى جردل جنا الفوق ده . العرب كانوا واقفين منتظرين الطيب يبيض من اللبن انا حاولت انفخ الرغوة عشان اشرب حرم العربي طلع لى السكين قال لى على الطلاق تنفخ تاني ابعجك بالسكين لحدى اليوم انا ما عرفت السر شنو في النفخة دى . شوف بت طلحة رايها شنو في الكلام ده .

---

Post: #99 Title: Re: البوجني...لاطالقني لامشكّلني...طفر تترب...مـحّـنّـي Author: سمية الحسن طلحة Date: 02-10-2007, 02:29 PM Parent: #97 Quote: وا (البيضا) دى ياجماعة وين جردل اللبن ؟ الشربو منو ؟ على العموم الجردل دا أتهمبت والهمبتو معروف دايرلو بشارة نحن مابندي بشارة ولا بنساوم بنعرف نرجع جردلنا دحين الشال الجردل اخير يرجعو

---

Post: #98 Title: Re: البوجني...لاطالقني لامشكّلني...طفر تترب...مـحّـنّـي Author: abubakr Date: 02-10-2007, 02:28 PM Parent: #1 Quote: انا زمان كت صغير عجيبة .. ات كت صغير ؟ كيفن ؟ زي شجر الدوم اصلا ما شفتو صغير ؟؟

---

Post: #100 Title: Re: البوجني...لاطالقني لامشكّلني...طفر تترب...مـحّـنّـي Author: سمية الحسن طلحة Date: 02-10-2007, 02:37 PM Parent: #98 Quote: انا حاولت انفخ الرغوة عشان اشرب حرم العربي طلع لى السكين قال لى على الطلاق تنفخ تاني ابعجك بالسكين لحدى اليوم انا ما عرفت السر شنو في النفخة دى . شوف بت طلحة رايها شنو في الكلام ده . ياود شيقوق إت أهلك ماقالوليك النفخ في الطعام حرام ولا كت صغير !؟ نفخك دا ياهو الطيّر مننا النعمة دي دحين ترجع الجردل دا ولا بنشوف لينا اكبر محامي في البلد قال محامي يا ابوبكر حاميها حراميها

---

Post: #101 Title: Re: البوجني...لاطالقني لامشكّلني...طفر تترب...مـحّـنّـي Author: abubakr Date: 02-10-2007, 03:03 PM Parent: #1 Quote: قال محامي يا ابوبكر حاميها حراميها انتي ما عارفة فيلم "الافاكاتو" بتاع عادل امام اصلو ماخود من حكاية ودشيقوق والمحاماة ... قال محامي قال ...

---

Post: #102 Title: Re: البوجني...لاطالقني لامشكّلني...طفر تترب...مـحّـنّـي Author: الطيب شيقوق Date: 02-10-2007, 05:32 PM Parent: #101 Quote: انتي ما عارفة فيلم "الافاكاتو" بتاع عادل امام اصلو ماخود من حكاية ودشيقوق والمحاماة ... قال محامي قال ... ات عارف يا ابا بكر ماجدة عوض خوجلي فكت قنبلة بهناك خلتنى اترصد يمين وشمال دى جات من وين انا كنت في الاجازة لقيتها حابسة المنبر ساى تراقب وتجيب الشمارات من معرض الخرطوم الدولى وووووووب منها تكشف حالنا وتخرب ديارنا . وين الفاروق ما متابع الدانات دى ولا شنو ؟

---

Post: #103 Title: Re: البوجني...لاطالقني لامشكّلني...طفر تترب...مـحّـنّـي Author: abubakr Date: 02-10-2007, 05:57 PM Parent: #1 Quote: ات عارف يا ابا بكر ماجدة عوض خوجلي فكت قنبلة ات ما عارف الشايقي قال شنو : نحن ضباط ما فينا صول واها اي ضابط شافك في المعرض وانت مع البلوم تبع بت الخليفة ... شيل شيلتك

---

Post: #104 Title: Re: البوجني...لاطالقني لامشكّلني...طفر تترب...مـحّـنّـي Author: ابو جهينة Date: 02-11-2007, 09:26 AM Parent: #103 إبن عمي أبوبكر Quote: يا ودعمي .. انت العراريب دييل عرست منهم واللا ولدوك تاني ؟؟؟ عبد الفراج ودقمة دة منو برضو من نسايبك ؟؟؟ منو العوض وليهو العوض قلنا يبربرم قامو عربو نحن يا زول كلام خليل فرح مُصْناهو مع موية الدميرة و شربناهو شراب عازة و عزة السودان تعرف يا باشمهندس .. أنا شخصياً بشوف هويتي لوحة سيريالية مكونة من تلال و طمي و عتمور و نخل و دوم و هشاب و محريب و باباى و نوبة و طار و جبة أنصار و جبة صوفي و عمة و طاقية و عراقي و صديري و عجوة محس و منقة أبوجبيهة و سمسم قضارف... أقعد إتحكر مع نسابتي البطاحين و أجادعُم دوباى بمسدار و نمة بالنمة .. و أغالط في سيرة الهمباتة و ود ضحوية .. و أقعد مع أهلي النوبة ... أغالطم و أسرد في تاريخ تهراقا و بعانخي .. و أفك مرات طلاسم حجارة الآثار و أكتب شعر بالنوبية و أترجم غنا ( ولْولي ) و غنا ( حسين ألالا ) ... و مؤمن إيمان راسخ بأن سفينة نوح وقفتْ فوق جبال التاكا و من هناك ناس قبلتْ للتونج و ناس راحت جبال النوبة و واحدين صنقروا و إتحكروا في جروف النيل ... أها شِن رايك ؟ Minga Eegi In Banjidila ? المبجكل أبوجهينة

---

Post: #105 Title: Re: البوجني...لاطالقني لامشكّلني...طفر تترب...مـحّـنّـي Author: مدثر ابراهيم سعيد Date: 03-06-2007, 01:52 PM Parent: #104 حارو اخواني فيّا وفي العليّا بلاهن الجِتِّي العلي وِرْدِي وبرد لاماهن لا طب لا فقير يَحْوِي بيخبرو دواهن الروح في الجسد الا القلب باراهن

---

Post: #106 Title: Re: البوجني...لاطالقني لامشكّلني...طفر تترب...مـحّـنّـي Author: الطيب بشير Date: 03-09-2007, 08:05 AM Parent: #105 Quote: حارو اخواني فيّا وفي العليّا بلاهن الجِتِّي العلي وِرْدِي وبرد لاماهن لا طب لا فقير يَحْوِي بيخبرو دواهن الروح في الجسد الا القلب باراهن الروح في الجسد متشحتفا و دايراهـن أثبت يا عشـوق خلي القليب يطراهن لا بندور طبيب لا بنمشي لي فقراهـن إحنا دوانا لـيـمـن و المغالت يراهـن . الطيب بشير .