فضيلى جماع يشيد بكتاب ( الشمار المدقوق ) للكاتب فاروق حامد

فى محادثة تلفونية وقبل أن التقى الأديب فضيلى جماع ، أبدى لى إعجابه بكتابات
فاروق حامد ... المحلب ... المدقوق فى سيرة العريبى الطيب بن شيقوق ، فقلت له بل هو ... شمار ... وليس محلب ، فضحك كثيرا واستطرد فى المدح ،والسؤال عن الكاتب والمكتوب عنه ، ثم أبدى رغبته فى مقابلة العريبى وقد كان أن قضينا أمتع اللحظات العامرة بكل ماهو جميل ومفيد .
ومن هنا نناشد الكاتب فاروق حامد بمواصلة الكتابة وإخراج الطبعة الأولى من هذا الكتاب الذى نال جائزة إشادة فضيلى جماع به وهو لايزال تحت الطبع .
ولكم التحية والإحترام .

فلا غرو - بت طلحة - فهو موهوب بادراك المعاني الحقيقة للعبارات ولا يأخذ النص بظاهره وانما جبل على التعمق في روح ومقاصد العبارة .


وادرك انا مقاصدك النبيلة من هذه الرسالة .

فلاخي الفضيلي
ولك - بت الصالحين
وللفاروق وابي بكر وللجميع

اطيب المنى

العريبيييييييييييييييييييييي

Quote: فهو موهوب بادراك المعاني الحقيقة للعبارات

وهذا ماحدى بنا لمناشدة الكاتب فاروق حامد مواصلة الكتابة
لابد أن فيها معانى غميسة لفتت إنتباه أديبنا الكبير فضيلى جماع .
ودمت أيها العريبى مصدر إلهام الأدباء .

باملكة

فضيلي اشاد بالشمار او بمن دقي الشمار ام بالحتات ؟ هسع البخلصنا من الحتات دة شنو ؟

Quote: فضيلي اشاد بالشمار او بمن دقي الشمار ام بالحتات ؟

فضيلى أشاد بيكم كلكم ياأبوبكر
ودى قضية تانية تستاهل بوست خاااص
( بينى وبينك العريبى أشتكاك لجماع ! حاسد خلاس )

Quote: هسع البخلصنا من الحتات دة شنو ؟

هذا هو السؤال !!!؟؟؟؟

Quote: ( بينى وبينك العريبى أشتكاك لجماع ! حاسد خلاس )

انا لا بحت ولا بسطح ولا رجليين بتحفي ورا الامهريات ... اها اشتكاني في شنو؟؟؟ وفاروق صحبو اتورمت رجلينو من يومتا من اللف علي مقاه الامهريات مع ضيفو العرريب وللحين ماشي يعكاز وحالف انو العرريب كان هوب ناحية ابوظبي تاني الا يجيبو عندي في دبي بشان نخليه يمشي ع العجين ما يلخبتوش ؟؟؟ تحسبو لعب ....

Quote: فضيلي اشاد بالشمار او بمن دقي الشمار ام بالحتات ؟ هسع البخلصنا من الحتات دة شنو ؟

كلنا نتلهف شوقا لهذا يا بت طلحة .
اعلم انه قد عاد الينا بعد انجاز مهامه الانسانية

ويقيني انك قد بلغت مقاصدك

فاطمئنى سيتواصل التلاقي وستتواصل المودة طالما ان مكونات قاعدة المثلث - الباشمهندس - بها من العناصر التي تبقيها جبلا ما يهزو ريح .

فمرحب بكوري
وفي انتظار اكتمال العقد بالاخ الجميل الرائع الحلو السكر العنبة الفارووووووووووووق ود حامد

Quote: فمرحب بكوري وفي انتظار اكتمال العقد بالاخ الجميل الرائع الحلو السكر العنبة الفارووووووووووووق ود حامد

الفاروق دا أنت ماطيرتو
بعد كلام أبوبكر دا !
تانى كان الله يرككو .

Quote: اها اشتكاني في شنو؟؟؟

انت ما بتتصور القانونى دا أستخدم فلاحتو كيف !؟
دى حكاية لابد لها من بوست عشان نخلس فيهو ( غت وقرووض )

والله كان كتاب جامع وشامل.فهو كان السبب بمعرفتى
بهولاء الثلاثى العظيم .فكان مكسب كبير بالنسبه لى
الفضل يرجع الى سودانيز اون لاين هذه المكتبه الاسفيريه
التى حملت هذا الكتاب مع شماره المدقوق فى سيرة هذا
العريبى ابن شيقوق .

والله كان كتاب جامع وشامل.فهو كان السبب بمعرفتى
بهولاء الثلاثى العظيم .فكان مكسب كبير بالنسبه لى
الفضل يرجع الى سودانيز اون لاين هذه المكتبه الاسفيريه
التى حملت هذا الكتاب مع شماره المدقوق فى سيرة هذا
العريبى ابن شيقوق .
ــــــــــــــــــــــــــــــــــــــــــــــــــــــــ
أبو أحمد
كلنا إمتنان لهذه الكلمات الرائعات
فهى كلمات لايعلو عليها كلام
عشت كريمادوما.

باشمهندس أبوبكر..كتبت تقول:

Quote: ياملكة فضيلي اشاد بالشمار او بمن دقي الشمار ام بالحتات؟ هسع البخلصنا من الحتات دة شنو ؟

ما بعرف حكاية الحتات دي ، لكن عجبني "الشمار المدقوق في سيرة العريبي.....". ذكرني بأدب الأخوانيات ..به اشارات ورموز لا يجليها سوف العارفون ببواطن الأمور، وإنت يا هندسة وأخونا فاروق منهم. سلام!

Quote: انت ما بتتصور القانونى دا أستخدم فلاحتو كيف !؟

دي ما هولو دي نسخها من قعادو في البادية ؟ دى شطارة بدو مش واحد متلو ود بندر ببدلة بحت وبسطح

Quote: دي ما هولو دي نسخها من قعادو في البادية ؟ دى شطارة بدو مش واحد متلو ود بندر ببدلة بحت وبسطح

هلا هلا حرم دى يا الرطاني تستاهل عرضة سيدها يتجوجا سااااااااااى ومشنق طاقيتوا في هامة جبهتوا ودق كراعو تااااااااااااااااااااح .

الايام دى الشركات صارت تشتري في اسهمها وووووووووووووب حقك راح .

Quote: ( بينى وبينك العريبى أشتكاك لجماع ! حاسد خلاس )

هييييييييييييييع تشركي وتحاحي سااااااااااااااى

لكن جماع ما سمع كلامي بالو هناااااااااااااااااااااااااااك في هبيلا !!!!!!!!!!!

لكن جماع ما سمع كلامي بالو هناااااااااااااااااااااااااااك في هبيلا !!!!!!!!!!!
ــــــــــــــــــــــــــــــــــــــــــــــــــــــــــــــــــــــــــــــــــ
جماع بلو حاضر وعقلو معاه ماغايب
لكن
مابسمع كلام الحساد.

دى شطارة بدو مش واحد متلو ود بندر ببدلة بحت وبسطح
ـــــــــــــــــــــــــــــــــــــــــــــــــــــ
شهادة أخرى نعتز بها...

Quote: هلا هلا حرم دى يا الرطاني تستاهل عرضة سيدها يتجوجا سااااااااااى ومشنق طاقيتوا في هامة جبهتوا ودق كراعو تااااااااااااااااااااح .

الليلة الخميس .. اها حتعرض وين ؟ وحسطح وين ؟ وكراعو تاأأأأح ليه انت بتعرض واللا اشتغلت ديدبان

Quote: الليلة الخميس .. اها حتعرض وين ؟ وحسطح وين ؟ وكراعو تاأأأأح ليه انت بتعرض واللا اشتغلت ديدبان

الليلة انا محتفل براااااااااااااااي واغني (زولا سرب سربة وخلى اعمار غربا الفاروق وين
دربا الخلى المنبر خشم قربة)

الفاروق واصل لينا في القافية دى ؟؟؟؟؟؟؟؟؟؟ظ

أصدقاء الحرف الجميل: الملكة بت طلحة ، باشمهندس ابوبكر ، الأستاذ فاروق حامد، الأستاذ المحرب..و.....العريبي صاحب الشمار المدقوق (وفي رواية أخرى "المحلب المدقوق")، لكم عاطر الثناء.

وشكر خاص للملكة لإشارتها إلى اعجابي بكتاب "الشمار المدقوق". وطبعا في مصطلحات كنت طالع منها كيت ، لكن العريبي شرحها لي ..منها "الحت" وكلمات أخرى اعترف حتى هذه اللحظة أن مخي "الغليد" لم يستوعبها. أجمل ما عرفته من الملكة أنّ الجانب الأخواني الذي يجمع هؤلاء الأدباء خلع سمته على اسلوب الكاتب. وونستنا كانت معنية بهم وبطبعهم الأصيل أكثر من عنايتها بالشمار.

ويا أبوبكر وفاروق الجماعة في مسقط مرتاحين منكم شديد والله.
د.

الملكات الكنداكات سمية وعفاف ومنى (خوجلين)وسناء والكنداكات الأخريات

وعلى رأسهن الكنداكة الرهيبة حليمة محمد عبدالرحمن ورندا حاتم وعواطف

ادريس .. والأخوة الأماجد ألأساتدة (حطوا نقطة في الدال) الأستاد الأديب الأريب

الشاعر فضيلي جماع صاحب الصور الشعرية الأنيقة والحروف الرقيقة وأخي أبوبكر

وودشيقوق وودالمحرب وودحماد وود حامد المرتضى وودالنعيم وأحمد أبوحريرة

والزاكي والشاب الصيدلي الأنيق بالسلطنة (الدي ا>ا جبنا اسمه الهواء بقسمه)

وكل الرائعين والرائعات من أصدقائنا أعضاء المنبر لكم جميعا أصدق آيات الحب ..

أما قبل ....

فقد انتهينا بحمد الله من كتابة (الشمار المدقوق في سيرة ابن شيقوق) وسنبدأ

بعون الله في كتابنا الجديد ( الشمار غير المدقوق في وصف الغضنفر ابن شيقوق) ...

الدي سنوالي نشره على صفحات هدا المنبر بدءً من الأسبوع القادم بإدن الله ..

وسنبدأ

بعون الله في كتابنا الجديد ( الشمار غير المدقوق في وصف الغضنفر ابن شيقوق) ...

الدي سنوالي نشره على صفحات هدا المنبر بدءً من الأسبوع القادم بإدن الله
ــــــــــــــــــــــــــــــــــــــــــــــــــــــــــــــــــــــــ
تباشير الخريف تعمنا
( تعمدنا ) و( ترشنا) و ( تبللنا ) بالندى

أجمل ما عرفته من الملكة أنّ الجانب الأخواني الذي يجمع هؤلاء الأدباء خلع سمته على اسلوب الكاتب.
ـــــــــــــــــــــــــــــــــــــــــــــــــــــــــــــــــــــــــــــــــــــــــ
ـــوونستنا كانت معنية بهم وبطبعهم الأصيل أكثر من عنايتها بالشمار.
ــــــــــــــــــــــــــــــــــــــــــــــــــــــــــــــ

ويا أبوبكر وفاروق الجماعة في مسقط مرتاحين منكم شديد والله.
ــــــــــــــــــــــــــــــــــــــــــــــــــــــ

كل حرف منك نور
لك التحية على التعبير الصادق لمايعتمل فى الصدور وتجيش به النفوس وتعجز أقلامنا عن تسطيره.

(زولا سرب سربة وخلى اعمار غربا الفاروق وين
دربا الخلى المنبر خشم قربة)
ـــــــــــــــــــــــــــــــــــــــــــــــــــ
دا قعد مع فضيلى جماع كم ساعة طلع شاعر !!!
طيب لو قعد أكتر البحلنا منو شنو!؟

الفارووق ...ايش دة ياراجل ...زي نعي الصعايدة في الجرايد المصرية .. ما خليت اسم ...دي مقدمة واللا شجرة العائلة ...انت العرريب دة دايرلو كتاب ؟؟ ما هو بقي كتاب مفتوح ومسطح ....

Quote: هؤلاء الأدباء

دة انا اسمي مكتوب ؟ اديب انا ؟؟؟ اديب ب" دجاجي يلقط الحب " و"ظلع الجمل" واخيرا عرفنا "الحت" و"الشمار" و "الابالة" (دي ما بتعرفا يااديب فضيلي الا كان قعدت مع العرريب قوم طلحة وابوحريرة والمحرب - اولاد البندر زي ودشيقوق وفاروق بيعرفو الدفار والبسكليتة ).....

Quote: الفارووق ...ايش دة ياراجل ...زي نعي الصعايدة في الجرايد المصرية .. ما خليت اسم ...دي مقدمة واللا شجرة العائلة ...انت العرريب دة دايرلو كتاب ؟؟ ما هو بقي كتاب مفتوح ومسطح ....

أبوبكر أيها النوبي النبيل ...


ود شيقوق ده والله محتاج لسلسلة كتب ..

( ده يا راقل مية من تحت تبن وتبن تحته مية )

"الابالة" (دي ما بتعرفا يااديب فضيلي الا كان قعدت مع العرريب قوم طلحة وابوحريرة والمحرب - اولاد البندر زي ودشيقوق وفاروق بيعرفو الدفار والبسكليتة ).....
ــــــــــــــــــــــــــــــــــــــــــــــــــــــــــــ
خيرا فعلت ياأبوبكر
أبعدت الزول دا مننا.

Quote: ما بعرف حكاية الحتات دي

يا اخانا فضيلي .,.. العرريب ودشيقوق وفي محاولة بائسة كبؤس حاله يوم ان نام "الهندي" ولم يجد مفتاحا لبيته بعد ليلة احتفالية فافترش سطح البيت مسطحا اراد ان يسطر قصة لحياته قبل المنفي وسماها "مشوار سنينه ورحلة عمره " ولم اعرف حتي الان هل سار هو في مشوار سنينه وترك ظله لرحلة عمره اما كان خياله هو في احدهما ورجلييه في الثانية .. المهم وفي سرده لايام طفولته- وهي ليست كذلك بالضبط فمثل ودشيقوق مولود باسنانه - اشار كيف ان المدرسة في الدندر التي ذهب اليها مهاجرا بعربة عمه التيمس - محاولة منه للاشارة الي ارستقراطية وتبندر(من البندر) فلم يذهب اليها علي ظهر جمل وهو المتوقع - وفرت له ان يحضر حفلات غنائية للفنان زيدان - وهنا اراد ان يوهمنا بصغر عمره وانه كان في المدرسة الوسطي عندما ظهر زيدان كفنان معروف - وفي تلك الحفلات تعرف الي تعبير جسدي غير الذي كان يعرفه في البادية "العرضة وشنييق الطاقية " وهو "الحت" .. والحت هو ان ينتفض جسد المرء كالملدوغ او الجربان ويتحرك كاليويو حين ينتشي مستمتعا بالغناء ولقد تمييز العرريب ودشيقوق في الحت فصار اشهر الحتاتيين في الدندر وباديتها ولم يترك حته حتي بعد ان هاجر فكانت تلك الليلة في مسقط حين حت حتي الصباح ورجع الي البيت مهدودا ووجد الهندي قد نام وباب البيت مقفولا وبقية القصة معروفة فصار حتاتا مسطحا ...

الاخت سميه صباح الخير يااميره يابت الملوك.
الاخوان فى اسيا واوربا.
رطانه وعراريب اسعد الله اوقاتكم بكل خير.
طبعا نحن البارح كنا محتفلين حتى الصباح مع سودانيزاونلاين كل البورداب وكان
معانا الشيقوق على الهوى اون لاين.عشان كده انقطت منكم ومن ونستكم الحلوه دى
تابعت الموضوع وعرفت انو العريبى بقا شاعر والاغنيه نديها عبد الفادر
سالم يلحنها ويغنيها والفاروق لديه كتاب فى سيرة هذا الاسد الهمام يتضرع فى
حظيرة الدندر.مرحبا بكل جديد ومنتظرين نعاين.

طبعا نحن البارح كنا محتفلين حتى الصباح مع سودانيزاونلاين كل البورداب وكان
معانا الشيقوق على الهوى اون لاين.عشان كده انقطت منكم ومن ونستكم الحلوه دى
ــــــــــــــــــــــــــــــــــــــــــــــــــــــــــــــــــــــــ
تعرف ياأبو أحمد نحناناس ( قلبنا أبيض وكلنا حسن نية ) عامل صاحبك وصاحبنا
تتصور ماكلمنا!!!
رقد بالأخبار دى براهو
المهم ياسيدى دام عليكم الهنا والسرور ياناس الرياض
تحياتى لأم أحمد متقريفين ليها.

Quote: .. والحت هو ان ينتفض جسد المرء كالملدوغ او الجربان

ووووووووووووووب وووووووووووووب علمتوهو الله يخرب دياركم ويسود خطاكم العجمي تعلم الجرب وبعد شوية يقول ليكم دواء ابي نيني وبعد شوية يقول ليكم الشخلوب والطباعة والمحارة .

ابو بكر الشخلوب والطباعة والمحارة دى الكود نمبر بتاع اى سيد ابقار حتى لا تختلط مع بقية الانعام . او ممكن تسميها الكوبي رايت Copy right او ال business name ( راجع فقه ناس ود ساقرتا في شرح الاوسام)

ويجوز لاى صاحب وسم مسجل عند ناظر القبيلة اعتراض اى حد يحاول تقليد وسمه كما ان التعدى من هذا القبيل نسميهو في قانون ناس المرتضى ال Infringement or violation of ALWASIM

ويعود للمتضرر المطالبة بالتعويض بالاضافة الى حقة بطلب المحكمة لاستصدار ما يسمى بال Injunction او الزام المنتهك لحقة بالتوقف عن مواصلة توسيم ابقاره بالوسم المخصص للمدعي The plaintiff

الاخ السكر الاستاذ فضيلي

بعدين الاخ الباشمهندس نقل ليك صورة فيها كثير من التحامل على الحت ويوشك ان يخلط الحت بما يسمى عند ناس البندر الفناجرة بال slow dancing فالحت اخى الفضيلي واحدة من مراحل تطور الرقصة الافرنجية التي بدات في مطلع الخمسينات بالسكسكة ثم التطش (touch ) واحسب انكم ، عزيزي الفضيلي وابو بكر والفاروق ، من جيل التطش الذى يعنى الرقصة التي يتوازى فيها جسمان بايقاع موسيقي واحد مع رفع اليدين الى اعلى والتفاته سريعة براس ونظرات رومانسية ساحرة وعندما تتقارب الاجسام يحصل التماس ارادى ام لا ارادى الله يعلم وانتم اولاد البندر تعلمون . واعتقد ان اخر version في الرقص هو ما يسمى بلعبة القرد ويقيني ان اغلبنا نحن معشر المغتربين لم نشاهدها في السودان لانها ظهرت لفترة ولم يكتب لها البقاء والسبب الرئيس يعودالى عدم استقرار المنتوج السوداني في مواجهة الغزو الفضائي الذى استحدث ايقاعا رقصيا مستوردا مع اغاني ايهاب توفيق ونانسي عجرم وكاظم .

والحقيقة تقال استاذي الفضيلي رغم تيارات الغزو الاجنبي عبر الفضائيات فان تراثنا الغنائي في البادية ممثلا في الدوبيت ومشتاقاته قد ظل باقيا وصامدا بكل مستلزماته من عرضة وتشنقة في هامة الراس وسجارة برنجية تظل واحدة في الجيب لا توقد الا امام الحسناوات في ايام القيدومة او السهر او الدخلة .

فأني يقال التدخين ضار بالصحة طالما كانت واحدة والى حين وربما تكون مملوكة على الشيوع .


طبتم

Quote: معانا الشيقوق على الهوى اون لاين

واها خليتو في "الهوا" ومع الكتاحة الضاربة الخليج اكيد يكون دحين في النهر الجاف لانو اليوم ما بين ...

Quote: والحقيقة تقال استاذي الفضيلي رغم تيارات الغزو الاجنبي عبر الفضائيات فان تراثنا الغنائي في البادية

اها بعدما سرحت متفقها في انواع الشقلبة والنطيط جيت كمان داير تتدخل في تراث البادية ؟؟ هي ام بدة في البادية ؟ واللا انت بس بتعد الحروف (البادية - ام بدة ) بخبرة زول الكلمات المتقاطعة ؟
في ذمتك "الحت" اسلو دانص ....؟ واللا انت اختلط عليك الامر فاعتبرت slow هي slaw والفرق بين لمن يعرف فالاخيرة تعرف كذلك بالكولسلو ويمكن تتصل بكنتاكي او ماكدونالد يرسلو ليك واحدة ؟
والحت هو النسخةالسودانية من الهب هوب ( بتاع جنيفر لوبيز - اوعك كمان تحبها او تهوب ناحيتا ) وبعض البريك دانص مخلوط بالايروبكز ....
اما مصطلحاتك القانونية وحيث ان القانون الايام دية بقي ملطشة " فبلها واشرب ميتها " كما قال الوزير السوداني الهمام امس في مؤتمره الصحفي من جنيف ؟؟ ماهو قال وزير "عدل" ؟ اقراها بتشكيل ومن غير تشكيل ؟

Quote: في ذمتك "الحت" اسلو دانص ....؟ واللا انت اختلط عليك الامر فاعتبرت slow هي slaw والفرق بين لمن يعرف فالاخيرة تعرف كذلك بالكولسلو ويمكن تتصل بكنتاكي او ماكدونالد يرسلو ليك واحدة ؟ والحت هو النسخةالسودانية من الهب هوب ( بتاع جنيفر لوبيز - اوعك كمان تحبها او تهوب ناحيتا ) وبعض البريك دانص مخلوط بالايروبكز ....

ووووووووووووووووووووووب انا الزمن ده كلووووو بدودر فيك عشان احاصرك في المحطة دى .

انت اتاريك ليك عشرين سنة مغترب ومكمل عمرك في الحاجات دى وبتعرف اساميها ودى يا الرطاني المتفنجر بتسوها بالسترة في حياة رجنسي والهولدي إن والشيريتون . اتاريكم مترفعين وبتمشوا محلات ناس شونق شانق ينج بالجنز والتي شيرت .

حييييييييييييييييي منكم انتو الضاع معاكم تراث بلد وحضارة امة .

عاين بقفاك يا عيني

واعتقد ان اخر version في الرقص هو ما يسمى بلعبة القرد

ــــــــــــــــــــــــــــــــــــــــــــــــــــــــــ

مصطلح لعبة يطلق على رقصة العروس في عهود قديمة جدا جدا في السودان
ويقولوا العروس لعبوها ؟ يعني هل العروس رقصوها ؟ ....
وهذا يدل على العهد الذي ولد فيه إبن شيقوق
وهي رقصة القرد أكرر رقصة القرد ... وليست لعبة القرد

الملكة،لعلك والأسرة الكريمة وأهل مسقط كلكم بخير.

كنت فاكر البوست دا ياخد ليه يوم من المداخلة وينتهي . افتكرتو على سبيل التحية والمجاملة لمجهود صديقنا الطيب شيقوق في تسجيل انطباعاتو وسيرتو الذاتية..فإذا به ينقلب لمعركة لرب السما بين عرب ورطانة..بين ناس بادية وناس بندر..صديقناابوبكر ممثل للناطقين بغير العربية ولأهل البندر، وصديقنا رجل القانون الطيب شيقوق (العريبي) ممثل لأعراب البادية.

عايز اقول إنو النفرين ديل واضح ما خلوا حفلة سمعوا زغاريدها وما حصل كفنوها. أعترف إني - ومن غير إدعاء لتصوف زائف- ما بعرف من أسماء الرقصات الذكروها دي حاجة (لاحظي إني مقضي عمر كامل في غرب العالم)صحيح إنو علاقتي مع الموسيقى الكلاسيكية حميمة للغاية ، وأدعي إنو عندي في مكتبتي السماعية كل اعمال بتهوفن وباخ وتشايكوفسكي وغيرهم..لكن دا ما بشفع لي إني ما زلت في أوروبا بمزاج بدوي طازة في مسائل الرقص وأنواعو. مرةأطفالي ضحكوا فيني شديد لأني قلت ليهم وهم متابعين على شاشة التليفزيون أغنية لمطرب أمريكي أسود بتاع راب- قلت ليهم: دا زولكم بتاع أغنية "ون بنس"?one pence وكنت أقصد أغنية شهيرة لمطرب أمريكي اسود أفتكر اسمهافيفتي سينتس fifty cents

طبعا ثقافة العريبي الموسوعية في أسماء الرقصات وأساليبها حيرتني. يعني معقول عرف الحاجات دي في الدمازين ولا جنوب النيل الأزرق؟ معقول يكون عرفها في قانون جامعة الخرطوم؟ بدا يجيني شك يا ملكة في العريبي..الزول واقع من السما سبعة مرات. ويا ابوبكر اعمل حسابك!

Quote: ووووووووووووووووووووووب انا الزمن ده كلووووو بدودر فيك عشان احاصرك في المحطة دى . انت اتاريك ليك عشرين سنة مغترب ومكمل عمرك في الحاجات دى وبتعرف اساميها ودى يا الرطاني المتفنجر بتسوها بالسترة في حياة رجنسي والهولدي إن والشيريتون . اتاريكم مترفعين وبتمشوا محلات ناس شونق شانق ينج بالجنز والتي شيرت .

ايوه وعلنا وقبل اكتر من تلاتيين سنة وفي نادي ابوللو والايطالي وسانت جيمس وصحاري والزمن داك مافي مترفعيين وما مترفعيين .. كنا مقشطيين وبنمشي بعد نص الليل بدخلونا مجانا او يعزمنا موظف بياخد ماهية وبس ...ولو ما لقينا ياها حفلة في الميدان الشرقي او الغربي او النادي ... ولمان اتغربنا مشينا الببز والفنادق وقبل شهريين في حفلة عرس ...اها عندك شنو تاني ...

Quote: حييييييييييييييييي منكم انتو الضاع معاكم تراث بلد وحضارة امة .

انت معمش واللا شنو ..تراث وحضارة شنو البتودرها رقصة وحفلة ؟؟؟ ات احسن تجي الصباح والدنيا منورة ؟ جياتك بعد المغرب وعيوناتك المدغمشة دي خلتك تودر الدرب ونهايتا تحت وتسطح

ابو بكر غلبت منك الا اقلب ليك الكلام شعر ساااااااااى

استاذي الفضيلي شكرا على المداخلة الجميلة ولي اليك عودة

خليني اجيه ليك هذا الشبل سليل الناطقين بغيرها .


ابو بكر اخوى مالك ابتليت بالنت
ود شيقوق شمار ما زول رقص بالحت

يا بت طلحة اختي نادي الرسل من يسع
ويا الفاروق حبابك إت والفضيل والتسعة

في رحاب منبرنا نحن منجمعين
بديموقراطية المحرب تمام فالحين
تراجى نوت العودة لبنيامين
وناذر بالنغم يمسح رؤوس هايمين

الديموقراطية نحن سيادها يا محربنا
اتحالفنا واتضامنا يوت في فكرنا
شعارك صار لا دين لا جنس يفرقنا

منبرنا الجميل فات حدود وادينا
مستنين يراعك يا العواطف الزينة

مع شانتير واحمد في شعر البطانة سرحنا
ود القرشى الطبيب بحزن الحقيبة جرحنا
مو مشغول بالمسكوت عنه في مسرحنا

مالك يا ود شيقوق اطاولت و اتلهمت ود المحرب
ما عارف صديقك للمسادير معرب

سليل تكتوك رضيع البان
مو رطاني مضغ لو لبان

الشال الظريف البيهو ديمة متلفح
مو تي شيرت ولا جنزا حديدو يجرح

كم من لحظة جات يا منى الانسانة
وكم من بركة جات من ماجدة بي حيرانا
وكم من مدحة جات مقتبسة من قرانا

Quote: ابو بكر اخوى مالك ابتليت بالنت

اها بقينا شعراء "حلمنتيش" ...
انا في حالي دة من 1988النت هو المبتلي بي
يعني قبل ما انت تشنق رقبتك بكرفتة بدل ما تشنق الطاقية
انت ما عندك طريقة معا في زمن الاتفاقيات الجانبية دي الا "اتفاق اسفيري"
نتقاسم فيها السلطة بنسبة -90 ليك وانا +110
اما حملاتك الانتخابية دي بشعرك الحلمنتيشي دة فبلها واشرب سليقتا
الاسفير دة ملعبي وناس الدافوري زيك يشوفو ليهم حوش تاني في النهر الجاف

Quote: مصطلح لعبة يطلق على رقصة العروس في عهود قديمة جدا جدا في السودان ويقولوا العروس لعبوها ؟ يعني هل العروس رقصوها ؟ .... وهذا يدل على العهد الذي ولد فيه إبن شيقوق وهي رقصة القرد أكرر رقصة القرد ... وليست لعبة القرد

انا سمية اختى ما بعترف بهذا كلو انا بعرف الرقبة معاها القدلة ومعاها هاك يا الشبال
وبعرف زمان وقت بغنوا جوبا مالك عليا العروس بتحتو حت شيييييييييييين
وبعرف زمان وقت بغنوا يا ساعي البريد السافرو طول للبلد البعيد
وانتى قايله البلد البعيد الببكي ده وين يكون بس سافر من ود ساقرتا للعمل في الحصاحيصا مش زى هملة الرطانة عشرين سنة لا عين تدمع اليها ولا اى حاجة .

Quote: طبعا ثقافة العريبي الموسوعية في أسماء الرقصات وأساليبها حيرتني. يعني معقول عرف الحاجات دي في الدمازين ولا جنوب النيل الأزرق؟ معقول يكون عرفها في قانون جامعة الخرطوم؟ بدا يجيني شك يا ملكة في العريبي..الزول واقع من السما سبعة مرات. ويا ابوبكر اعمل حسابك!

يا استاذ ... العرريب لو كان جاء من الباب كنا سامحناه لكن زي اليويو ينطط من خرم الباب والشباك ..الرطان شن ورانا غير ما ننجض في المطابخ وهو اها منجضنو .. انت ما شايف بدلتو لونا شنو ؟؟ دي بدلة زولا كان بملحفة وتوب ورعي غنم وابل ؟؟ دة ساكي الحفلات لحد ما ام عبدالله ما لقت طريقة الا يغترب الي بكانا ما فيهو حفلات ويوم ما قامت حفلة وحيدونة الشهر الماضي في مسقط زولنا حت للصبح والباقي معروف ... دحين بنشوف ليهو طريقة لجبال اليمن بشان يحت هناك في العلالي بعد قعدة قات مكربة ..واهو كان ما عمل حسابو ياهو الطايح من فوق الجبل ومكسر رقبتو الرابطة بكرفتة ...

Quote: طبعا ثقافة العريبي الموسوعية في أسماء الرقصات وأساليبها حيرتني. يعني معقول عرف الحاجات دي في الدمازين ولا جنوب النيل الأزرق؟ معقول يكون عرفها في قانون جامعة الخرطوم؟ بدا يجيني شك يا ملكة في العريبي..الزول واقع من السما سبعة مرات. ويا ابوبكر اعمل حسابك

معقول استاذي الفضيلي انت تعرف ال fifty cents وانا ما اكون عارف الرقصة الزمااااااااان البختوا ليها اليدين في الوش ويفدعوا واحدة ويتركوا واحدة ويتفدّعوا ليك ويجدعوا ليك ويرموا ليك الضراع المليان بعيييييييييد وكلو حاجة كمان بعيدة ؟؟؟؟؟؟؟؟؟؟؟؟؟؟؟

خليك معاى انا لا استطيع الافصاح اكثر من هذا ولكنك لماح .

Quote: خليك معاى انا لا استطيع الافصاح اكثر من هذا ولكنك لماح .

الطيب أخوي


سويتها شينة شديد !!!!


ده ما تلميح ... ده تصريح عدييييييييييييييل كده

Quote: الطيب أخوي سويتها شينة شديد !!!!ده ما تلميح ... ده تصريح عدييييييييييييييل كده

استاذ فاروق..قول لصديقنا العريبي بعد التصوير الرائع دا فضل شنو تلمح بيه بعد كدة؟

اما حملاتك الانتخابية دي بشعرك الحلمنتيشي دة فبلها واشرب سليقتا
الاسفير دة ملعبي وناس الدافوري زيك يشوفو ليهم حوش تاني في النهر الجاف
ـــــــــــــــــــــــــــــــــــــــــــــــــــــــــــــــــــــــ
نوع كلامك دا يا أبوبكر ياهو الخلاهو يشتكى منك لأستاذنا فضيلى .
( غيرة وحسد... الله يكفيك شرو ).

الملكة،لعلك والأسرة الكريمة وأهل مسقط كلكم بخير.

كنت فاكر البوست دا ياخد ليه يوم من المداخلة وينتهي . افتكرتو على سبيل التحية والمجاملة لمجهود صديقنا الطيب شيقوق في تسجيل انطباعاتو وسيرتو الذاتية..فإذا به ينقلب لمعركة لرب السما بين عرب ورطانة..بين ناس بادية وناس بندر..صديقناابوبكر ممثل للناطقين بغير العربية ولأهل البندر، وصديقنا رجل القانون الطيب شيقوق (العريبي) ممثل لأعراب البادية.
ــــــــــــــــــــــــــــــــــــــــــــــــــــــــــــــــــ
نحن بخير الحمد لله الجميع هنا يبلغوكم تحاياهم.
والأدهى من ذلك ياأستاذ فضيلى أن رجل القانون أضحى شاعر
بين يوم وليلة بقدرة قادر !!!
أبوبكر معاه حق ... دا لو قعد معاك أكتر تانى البحلنا منو شنو !؟

Quote: خليك معاى انا لا استطيع الافصاح اكثر من هذا ولكنك لماح .

خربانة ام بناية قش ..!!!
جاكي بلا ده شغل حناكيش ...قال "لماح"..شن خليت ...

Quote: سويتها شينة شديد !!!! ده ما تلميح ... ده تصريح عدييييييييييييييل كده

اخوتي العباقرة

الفضيلي
الفاروق
ابو بكر ( انت برضك من السراى الجافوا النوم لكن ما عقدوا الراي )

خليت بت الريس وعمي مصطفى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وليالي الانس لذاذ بالحيل كمان ؟؟؟؟؟؟؟؟؟؟؟؟؟

تاني ما بفصح والطابق مستووووووووووور والمجالس بالامانات

الاربعة اسطر اعلاه تمثل منظومة واحدة ومتكاملة تفضي لانبل المقاصد الشرعية يا الفارووووووووووووووووق .

انتم اخطر ناس في المنبر ده
لا تغنون على الرجل وزن الريشة ولا لحظة من فضلك ولكن ديدنكم البحث عن المسكوت عنه في البيت السوداني زماااااااااااااان

Quote: لا تغنون على الرجل وزن الريشة ولا لحظة من فضلك ولكن ديدنكم البحث عن المسكوت عنه في البيت السوداني زماااااااااااااان

وات خليت فيها "مسكوت" ما بقيت زي فضائيات الايام دى ....

Quote: وات خليت فيها "مسكوت" ما بقيت زي فضائيات الايام دى ....

ووووووووووووووووووووووووووووووب كتلتني بالضحك لحدى وقعت من الكرسي والله انت احلى واحد في المنبر كلوووووووووووووووووووووووووو بس الفاروق قدامك لحدى هسع . اما الفضيلي فهو زاحف لينل ( لينل ام لينال يا استاذي الفضيلي؟ ) او خليني ختيتها (بكسر الخاء والتاء والياء وفتح التاء الاخيرة ؟؟؟؟؟؟) عديييييييييييل كده اقصد ليتربع على قمة الاولويات في حلاوتكم المنبرية .

Quote: كم من لحظة جات يا منى الانسانة وكم من بركة جات من ماجدة بي حيرانا وكم من مدحة جات مقتبسة من قرانا

أيوه ده كده شـعر تمام..
دايرله شبالين تلاته..

قلت ليك ياسمسم ةليكم برضو..
باقيلك في طريقه تصغري السطور في الكتابات الأولي علشان البوست ما يعرض كدي?

Quote: أيوه ده كده شـعر تمام..

فييييييييي ذمتك ؟؟؟
مني
ماجدة
ماجدة مني

اها دة كمان شعر ؟؟ دة بياكل بعقلكن حلاوة ..دة حتات ....

يا هندسة في شنو الحسد وطارد من الراجل جمهور المعجبات؟ القصيدة أنا قريتها وعجبتني وحياة خوتك.

الاستاذة الملكة / سمية

كل المدرعات التقيلة معاك بجاى ابوبكر وفضيلى والطيب شيقوق وغيرهم من اساطين المنبر ... ولولا جدعات الطيب شيقوق الاكرمتينى بيها فى منبرى ما عرفت هذا البوست .. استمتعت كثيرا بكتاباتكم الجميلة والخفيفة فى هذا الزمن المثقل بالهموم ... والشئ المهم اننا عرفنا ان ود شيقوق يقرض الشعر وبتميز بالرغم من محاولات ابوبكر افشالها..

Quote: يا هندسة في شنو الحسد وطارد من الراجل جمهور المعجبات؟ القصيدة أنا قريتها وعجبتني وحياة خوتك.

صادق ..بس البفكنا من العرريب دة شنو وانت بتقول فيهو كدة ؟..انا اصلو من يوم اصر يجي لابس بدلتو المابمبية دي بدل التوب والعراقي وشانق كرفتتو بدل الطاقية ما عارفيين نمسكو من وين .. شي حت وشي عرضة وشي هب هوب وتسطيح واهو كمان شويعر بلملم في شوية المعجبات الموجودات هنا ؟ نسوي شنو دحين ...

والشئ المهم اننا عرفنا ان ود شيقوق يقرض الشعر وبتميز بالرغم من محاولات ابوبكر افشالها..
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يا د. أحمد القرشى انت معاناولا علينا
تصف ودشيقوق بالتميز وكمان من أساطين المنبر
أظنه نزلت عليه ليلة القدر

أها يا أبوبكر بعد كلام الطبيب الأديب أحمد القرشى دا
أظن الشكوى أصبحت جائزة فى حقك ، زولك لقى ضهر قوى.

Quote: والشئ المهم اننا عرفنا ان ود شيقوق يقرض الشعر وبتميز بالرغم من محاولات ابوبكر افشالها..

ود شيقوق (يقرًض) الشعر....

تماما مثلما كان يقرض الرغيف في البردانة

معليش يا (أبوالطيب) ... النكتة حبكت !!!!

يا ملكة

دي مؤامرة ...
زولنا ما بين ليهو يوميين والهتافات بشاعريتو كترت في غيابو ..
خلو البوست دة ينزل قبل العرريب ما يتفنجر علينا..
قال شاعر ..بقصيدة واحدة ؟

Quote: أيوه ده كده شـعر تمام.. دايرله شبالين تلاته..

هلا هلا شرك القصيدة قبض هامورة عدييييييييييلة وبي شبالها كمان

كتر خيرك المني

Quote: يا هندسة في شنو الحسد وطارد من الراجل جمهور المعجبات؟ القصيدة أنا قريتها وعجبتني وحياة خوتك.

استاذي الفضيلي ود جماع

وحياتك الرطانة دى ذاتو ما عارف معاني القصيدة ولا عارف انك من رؤساء لجان النصوص للشعر العربي

اى حاجة بكتبها انا بقول يشيل سريره ويمشى السجن زى ما عمل زولك ابو نواس عندما طلبت منه زوجة هارون الرشيد مراجعة القصيدة التي نظمها ابنها المدلل والتي كان مطلعها .

(نحن بنو العباس نجلس على الكراسي ؟؟؟؟؟؟؟؟؟؟؟؟؟؟)


هو عايزني ابقى فضيلي جماع مرة واحدة .
كفانا جابت منى خوجلي وبعد شوية حتشوفوا الرعب الناعم كلو بهنا .

Quote: ود شيقوق (يقرًض) الشعر.... تماما مثلما كان يقرض الرغيف في البردانة معليش يا (أبوالطيب) ... النكتة حبكت !!!!

Quote: (يقرًض) الشعر....

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الفاروق التشكيل مهم جدا ليتسنى لنا ادراك خارطة طريقك . واعلم بان الله من وراء القصد .........

Quote: (نحن بنو العباس نجلس على الكراسي ؟؟؟؟؟؟؟؟؟؟؟؟؟؟)

في الالفية الجديدة جينا لقيناك مسطح من وين جابو الكراسي اهلك دييك؟

Quote: في الالفية الجديدة جينا لقيناك مسطح من وين جابو الكراسي اهلك دييك؟

عايزها كيف انت يعني ؟

طيب نجلس على البنابر
او على التباريق
او السباتات
او تحت ضل الطنضبة او العرديبة او السدرة او الهجليجة
ود كلوووووو ما عاجبك انت بتحب ضل الطلحة صااااااااااااااااااح؟؟؟؟؟؟؟؟؟؟؟؟؟؟؟