........ الليـــــلة جيـــــت شايــــل الفــــــرح ........

أكيد بنتفق انوا الفــــرح كلمة بمجرد ما نسمعها بنفرح..
ويا روعة الناس البتجي شايلة الفــــرح.....
ويا سلااااام على الأحلى منّها وهي تعابير الفــــرح .....

لما نسمع مثلاً في الأعراس ...فرّحي خلق الله واتّني يا شبه القمرا و الزغاريد والتصفيق والقلوب البتقفز طرباً..
وقفة مع الواقع: ( الفنّان يا جماعة طبعاً ليه دور )...( ده غير ناس الحفلة ذاتهم ).
والفرحة الظاهرة في عيون أهل العريس والعروس...إلا في حالة استثنائية جداً......( إذا كانت أم العريس ما دايرة العروس ) أو ( واحدة كان نفسها تتزوج العريس....دي ما بعرف شعورها شنو !!!)

والفرح كمان لمّا تشوف المحبوبة ووقتها حتغني براك ....حلمي بكرة وذكرى أيامي الخوالي......
أو في قعدة عصرية في الحوش مع الأهل .
طيب رايكم شنو لو قلنا الفرح في يوم جديد ممكن يكون بداية لحياة جديدة....
أو في لحظة ولادة طفل .... ولاخلينا نقول في عبث الأطفال بحاجات الأهل....
حتى اجترار الذكرى في لحظة ممكن يرسم أحلى أوقات الفرح...

الفرح وتعابير الفرح كتيرة....

لو عاينّا كويس حنلقى نص الفرح ، موجود ورا معرفتنا بأسباب الفرح
و النص التاني احنا بنكملوا لمّا يكون عندنا أمل ..
حتى الآحزان ممكن تفتح باب الفرح ..

خلّوا مقامنا هنا يكون السعادة ....والرحيق المعتّق بكل ما يبهج الروح ...
هنا .....ما معانا الحزن ولا الدموع !!!

خلّونا بس......نكتب .....نتذكر....نعبّر لو بنكتة أو قصة.... نغنّى....
ونتصور الفرح كيفما يكون وحيثما يكون....

أدام الله عليكم الأفراح يا أهل المنبر.....



فاصـــــــــــــل......

في سؤال جانبي يا جماعة....شن بتقولو في الفرح المعذب سيدو؟؟؟؟؟؟

...........

لما أشوفك بالقرب مني
بسعد أظني
أحس بعظمة وشان كبير
بفرح كتير
وأكاد أطير
من الفرح

العزيزة سلمى جعل الله كل أوقاتك فرح

الفرح السمح يا هو زي الفرح ده برجعتك..

كيفك يا جميله وكل سنه وانتي أجمل..

سلمي انتي عارفة انا دخلت هنا من أجل الفرح ولي عودة

الفرح سعادة تأتينا من عالمنا الداخلى ، وهو كل ما يبهج النفس
ويجعلها متوازنة فى صمت تارة وفى إنفعال واضح تارة أخرى .....
.. الفرح يوغظ فى النفس أحاسيس سارة معينة من جراء اللحظة التى إنتقل
إليها فى توافق جمع قيم جمالية يعيشها لفترة أو فترات منقطعة أو متصلة
ولكنها لا تقف على ما هى عليه ، وكثيرا ما تزول بزوال الحدث الجميل ...

إذا أتفق أن الفرح والحزن نغيضين ولكنهما لا يختلفان فى ولادة الحدث
أيا كان نوعه ، سارا أو مفرح ،
وهنا تبرز المقدرة على متلقيه من شخص لآخر فى السيطرة عليه لأنه كثيرا
ما يكونا خطرين على متلقيه إن جاء بصورة غير متوقعة أو فجائية ،
ولم يعطيه القدر المعلوم فى عملية الإنفعال التى طرأت فجأة جراء
سماعنا للخبر ، ..
ولا أريد أن أقول كم من فرح إنقلب الى حزن ولكنى أريد أن أردد دائما كم من حزن
إنقلب الى فرح .....
اللهم أجعل أيامنا ، وأيامى ، وأيامك كمان ياسلمى ، فرحا دائما وسرورا

وتحيتى ... محمد مختار جعفر ...

الأستاذ الفاضل محمد مختار جعفر...
شكراً للمداخلة المعبرّه...

ودعني أردد مما قلت..


كم من حزن
إنقلب الى فرح .....

الأمل في زيارة الفرح يزرع البسمة ....
تكفينا البسمة...
يكفينا الحلم...

الى حين ظهور الفرح


كل التقدير

الأخت العزيزة سليمى

سلام على روحك الطيبة

الفرح هو شعور الإنسان بالسعادة
أعيش الفرح بالكـم الـمقـبـول،
لـتـتـعدد سُــعــراتي ,
ثـم أنخرط في مـنـظـومـة الـكـلام ,
أنـتـج الـريح ،
عـبـر الـمخـارج أتـرجـمـه
بالبعد عن أنـيـن الألم ,
أو آهـات الـندم ،
و دوماً أعزف الألحان الجميلة
أغني التفاؤل
أنـفـخ ناي الـفـرح
و أعـزف قانـون الـمـرح ...
مـن وحي الـعشق أذوب وجداً ,
أخـط إحـسـاسـي
عـلى تـضاريـس الـبـيـاض ،
لـكـنـه لـمـقـام الـعـشـق يـعـتـلي,
فـيـشـتـعـل بـالـمـداد الأخضر,
أتـلـوه وجـدانا عـلى نـفـسي
وحـيـن أتـعـثـر ,
أفـتـح قامـوس الـمـسـتـحـيـل ،
أشـهـد الأفـعـال و الأسـمـاء والأدوات ،
عـلى واقـع من الحب .. مضمخ بعبق الفرح
أعيش مع طيف حبيبتي وبين الأحلام
ارنو إلى لقياها غي الغد
و غـد بـعـد لم يـحـن...
ما أروع الـمـرء أن يـكـون عــاشـقا,
فـي أحـسـن مـقـام، مقام العشق
يُـصـّرف الـكـلام قـطـعـا ثـمـيـنة ,
يـنـفـقـهـا بـسـخـاء !

أدخلتنا إلى شموس الأمل وأقمار الفرح وكواكب المسرة وأفلاك الود والمحبة.. لك المودة سيدتي

الأستاذ الفاضل أبوبكر يوسف ابراهيم...

عش الفرح كما تشاء يا سيدي الفاضل....فالتعبير فاق الكلام...
ولكأنك أمسكت بالناي تغنى لفيروز...

أعطني الناي وغني فالغنا سر الوجود
وأنين الناي يبقى بعد أن يفنى الوجود

أعطني الناي وغني وانسى داء ودواء
إنما الناس سطورٌ كتبت لكن بماء



كل التقدير

أدام الله عليك الأفراح يا استاذ هاشم...


تقديري

منى خوجلي يا غالية....

رشي عبيرك فينا
وفتحي يا زهرة

انتي كمان من الناس البتجي شايلة الفرح....

كوني دوماً كما أنت ....

كل الود

الأستاذه الفاضلة سمية ...

أسعدني مرورك يا غالية....
ولمّا تمري بينا لازم نقول ليك....
الليلة جيتي شايلة الفرح.....

كل سنة والفرح يملا دربك.....

وكان الليل
ومافي الحلة من الحفلة
ألا صداها
كان زغرودة كان غناي
رقيص الشامة بت حمدين
وعرضة حامد العولاق
وخت الحنّا
لي يات من حضور ضُفرين
ونمات العديل والزين
وشنق ودسعد طاقيتّو
شان في الحلة ساو كنتين
وشكلة عامر المسكين
وعيط ودمحمر زين
عشان الزينة رقصت زين

الفرح زغرودة لي البطن الكبارية .. الفرح نسمة دغشية مع ميلاد صبية أو صبي .. الفرح تمازج اريج حلو لأحاسيس تتراقص طربا ولهفة .. الفرح عقد قران وجمع اتنين في عُش يمله فرح وبنين .. الفرح عودة بعيداً طال غيابو .. الفرح لمت الأحباب في ليلة قمرية.. الفرح تحقيق هدف ومرام وحصاد تعب .. الفرح قولة سلااام .. الفرح قعدة قهوة عصرية .. والفرح فرح لفرح .. الفرح حل خِلاف .. وأحلى دموع هي دموع الفرح .. وليت الفرح يعشعش فينا وليت الفرح يصابحنا ويماسينا يوماتي.
جعل الله أيامك كلها أفراح يا درة الدكتور حسن
ولك منا أجمل التحيات والمودة

خالد نسيبك إعتبار مايكون

الأستاذ الفاضل...
خالد محجوب المنسي....
كل سنة وانت طيب

Quote: الفرح زغرودة لي البطن الكبارية .. الفرح نسمة دغشية مع ميلاد صبية أو صبي .. الفرح تمازج اريج حلو لأحاسيس تتراقص طربا ولهفة .. الفرح عقد قران وجمع اتنين في عُش يمله فرح وبنين .. الفرح عودة بعيداً طال غيابو .. الفرح لمت الأحباب في ليلة قمرية.. الفرح تحقيق هدف ومرام وحصاد تعب .. الفرح قولة سلااام .. الفرح قعدة قهوة عصرية .. والفرح فرح لفرح .. الفرح حل خِلاف .. وأحلى دموع هي دموع الفرح .. وليت الفرح يعشعش فينا وليت الفرح يصابحنا ويماسينا يوماتي.

ما أجمل هذا الوصف...هو بذاته فرح
ولنتمنى ونقول...
أدام الله الفرح
أدام الله الفرح

فى الشايل هموم الناس
وهمو العندو غالبو يشيلو ...







( قصدك تعوضنى اللفات )

تاريرا را رِى را ررام




وتانى جاب سيرة البحر

Quote: ......( إذا كانت أم العريس ما دايرة العروس ) أو ( واحدة كان نفسها تتزوج العريس....دي ما بعرف شعورها شنو !!!)

يكون لون الشعور ( بنبمي )

الأخ الفاضل عبدالله داش
الشايل هموم الناس وما قادر يشيل همو...الله يعينو....بس ما يصل لي مرحلة ...يتكلم براه...!!
وشن بتقول يا عبد الله داش
في الكلام ده....

ياما قالو
نية الزول دليل أعمالو
والعايز يفوز بحبيبو
مرات مابتتم آمالو
والبتفاءل يلقى الريد
مالو الريد بعاكس حالو
شن بتقولو
في دنيانا
نحن نعيش ما همانا
ولما تفوتنا لحظة جميلة
أجمل لحظة تستنانا
الحباب نشيل نديهم
أجمل ريدة ماهمانا
شن بتقولو

دي المهمة...ولما تفوتنا لحظة جميلة
أجمل لحظة تستنانا
التفاؤل!!!

Quote: تاريرا را رِى را ررام

دي نعتبرها فرح ولا يأس ولا حلم بس !

أول مرة أسمع بي شعور بمبي يا عبدالله داش....
لكن في الحالتين الشعور واااااضح...

كل التقدير

أنا رأيي إنو روعتك هي السبب في الفرح والسعادة...
ربنا يديم عليك الفرح والسعادة يارب...

Quote: في سؤال جانبي يا جماعة....شن بتقولو في الفرح المعذب سيدو؟؟؟؟؟؟

سلمى... كيفك يا أختي الحبيبة

كل عام وأنت بخير... كثيرة هي المناسبات التي لم نلتقي فيها
سؤال جانبي على السؤال الجانبي حقك
ممكن يكون في حزن معذب سيدو... لكن هل الفرح بيعذب سيدو؟

نحنا هنا مساحة رحبة للفرح والمودة
لكي منهماما يفيض

محبتي
غادة

Quote: في سؤال جانبي يا جماعة....شن بتقولو في الفرح المعذب سيدو؟؟؟؟؟؟

بيحصل يا سلمى ويبتلى الله بعض القوم بالنعم .

وبنفرح من جوانا لما نشوف بت صبحي بزهوها المباح معطرة المنبر بالجديد الطاعم من البوستات

الأستاذ الطيب شيقوق
أبو العرسان...

الله يجعل بيتك عامر بأصوات الفرح....

عارف انا كنت مستنية زول بس يكمل البيت ده...
شن بتقولو
في الفرح المعذب سيدو
......
في الريد المضيع زولو

الله يديم عليك النعم والسرور يا استاذ الطيب

.....

غادة يا عسل
والله مشتاقييييييين كثير كثير
كل سنة وانت بألف خير...

Quote: سؤال جانبي على السؤال الجانبي حقك ممكن يكون في حزن معذب سيدو... لكن هل الفرح بيعذب سيدو؟

والفرح عذاب ..
بإختصار ..
أحياناًإن أصغينا للقلب..
أحببنا
أو عشقنا...
نفرح
ولكن حذاري !!!!
فقد نفتح باباً للمشاعر المخفيه
المتنحية لحين..
والعاصفة في حين آخر
وهنا لا نأتمن العذاب
.....

دمت أروع وأجمل غادة
وانت مساحة مليئة بالفرح

نهى محسن والبوست الجميل لأبو اللمين....
كل سنة وانت طيبة

تسلمي على طيب الكلمات الحلوة
الله يديم عليك الأفراح
قولي ...آآآآآمين


عاطر التحايا والود

الأخ حسام...

كل سنة وانت طيب....
انا قلت انت زعلان مننا ولا شنو....

بدون أي زيادات.....بتجي شايل معاك الفرح بأجمل الأغاني البتسر النفس...


أطيب الأماني لك دوماً

Quote: ....شن بتقولو في الفرح المعذب سيدو؟؟؟؟؟؟

وووووووووووووووووووووووب

سلمى

تحياتي و عودا حميدا

Quote: في سؤال جانبي يا جماعة....شن بتقولو في الفرح المعذب سيدو؟؟؟؟؟؟

ما بنقدر نقول شي ...
لكن من الأشياء المحفزة للحياة أن نعيش و لو بسبب فرح حتى و لو كان بيعذبنا ...


دمت

الرائعة سلمى سلامات

وربنا يجعل ايامك كلها فرح

ويزيدك فرح من غير عزاب

وتسلمي

العزيزة سلمى


ما اجمل الفرح


الفرح حالة ترقب لحزن قادم لا محالة

الحزن هو الاساس للشعور بطعم الفرح وشغبه وابعاده الداخلية والخارجية

فرح لقاء
فرح نجاح
فرح انتصار

كل الافراح قصيرة الوقت نعيشها بكل خلجاتنا لنخرج من حالة الحزن الابدية التي كتب علينا ان تتبعنا طوال حياتنا


ك الود سلمى

لقيتك انا
حتة فرح تمسح عذابات العناء
وشلال عواطف يروي زول
مشتاق يفتش لي العيون
الـ ليهو تتفجر سنا.
وزخة مطر تروي العذاب
المن زمان يسقي الفرح
وتسيل جداولو ممحنة.
وشايلك انا
وسافرتا بيك احلم معاك
بي دنيا زاهيه بتشبهك
واحلام تودر كم سنة.
وزفة فرح تنده عليك
وتغني ليك يادنيتي
وفرح الاماسي الممكنة.
وتشد ليك عصب الزمن
الحان ترقص كلي زول
موسيقى حالمة مدوزنة.

عبدالله وداعه الامين
02.012.005


الاخت العزيزة سلمى

الجدلية فرح/حزن,, جدلية جبلت عليها النفس البشرية
لتمنحنا جواز المرور الامن لنتعايش مع واقعنا و واقع
من لهم تاثير في حياتنا اليومية وممارساتنا لاشيائنا
ولنتذوق طعم الفرح لابد لنا من دفقة حزن والعكس صحيح
هي الدنيا ولابد ان نتجرع فيها الكاسين والا عشنا في رتابة
التكرار والملل
ولذلك دعينا ننعم بحزنا وفرحنا ونغني لهما بل وندمنهما

مودتي وتحياتي وشكرا لكي عزيزتي الفاضلة

الأستاذ القدير
عبدالله وداعة الأمين

لو كنا ندري بأنك سوف تطل علينا بقصيدة وزعت كلماتها فرحاً هاهنا لكتبناهذا البوست قبلاً....

صدقت يا استاذ عبدالله...كم في هذه الدنيا من نقيض
الفرح والحزن
الضحك والبكاء
الأمل والألم
فالدنيا كحلم ساعة....تتوالي فيها الأحداث سراعاً حتى لكأنّا صرنا لا نلاحق عقارب الساعة نفسها
ومع اننا نعيش أو نعايش الواقع الا أننا كبشر نميل لكل ما يسعد النفس ويسرها
فننسج خيوط من الخيال ان لم نلمح الفرح....
ونزين بها أرواحنا....
ونودع الحزن ولو في مخيلتنا
رغم يقيننا بانه
من الأقدار...
لكن ننتظر...الأمل
ويكفينا
بأن الله موجود


كل التقدير

الأخ الفاضل جمال السنوسي...
كل سنة وانت طيب
وأيامك مليئه بالفرح انشاءالله....

Quote: ما اجمل الفرح الفرح حالة ترقب لحزن قادم لا محالة الحزن هو الاساس للشعور بطعم الفرح وشغبه وابعاده الداخلية والخارجية فرح لقاء فرح نجاح فرح انتصار كل الافراح قصيرة الوقت نعيشها بكل خلجاتنا لنخرج من حالة الحزن الابدية التي كتب علينا ان تتبعنا طوال حياتنا

ما يفرح يا أخ جمال شيئين...
أن الفرح كثيراً ما يأتي من باب الحزن
والثانية يكفيك هذا الشعور....ما أجمل الفرح...


دمت فرحاً ومسروراً....

الاخ الفاضل
مدثر محمد صاحب الأشعار الشفيفة...

ندعو لك ونزيد بأن تصبح وتمسي في فرح....

كل التقدير

الأستاذ الفاضل والقدير
أبو جهينة....

مرورك موسم بالفرح دوماً يا استاذ....

Quote: لكن من الأشياء المحفزة للحياة أن نعيش و لو بسبب فرح حتى و لو كان بيعذبنا ...

إذاً ليبقى الأمل راية بيضاء ترفرف في سماء حياتنا....

ودعواتي لك ولكل من في المنبر أن نتغنى بهذا البيت...

عمت بشايرنا و دام الفرح لينا ضاءت ليالينا

كل التقدير

ده الفرح المعذب سيدو يا دكتور محمد...
مش الريد المضيع زولو !!





كل سنة وانت طيب
أدام الله عليك الأفراح

إحنا السودانيين شعب جميل حياتنا مليانة بايقاع الفرح.....


نواصل

الاخت سلمي ازيك

اليكم قصيد ة/الاستاذ مدني النخلي

Quote: فرحانه بيك كل النجوم لا نام بريقا ولا انطفى ما الريده يا ام قلبــاً ندى ذاد القلوب المرهفه وانشاء الله طول ما حبي ليك لا يطل حزن لا يكون جفا شفتيني كيف...؟ شفتيني كيف انا ببقى بيك سيد الفرح والريد براى تشرق شموس زمن الهنا ويرحل جفاف عمرى وصباى وانشاء الله طول ما عمري ليك ما تنجرح عزة هواى بحلم معاك... بحلم معاك انو الحزن غيمه وخلاص رحلت بعيد وانو اللي باقي من الزمن ومن عمرى كلو بعيشو عيد انشاء الله طول ما حبي ليك ما نعيش زمن قاسى وعنيد جيتي ومعاك.. جيتي ومعاك جاني الصباح عْم الشروق حزن الحروف يا طيبه زي دفقة طمي بالخير غشت جدب الجروف انشاء الله طول ما عمري ليك ما نلاقي يوم قسوة ظروف

اضافة في سيكلوجية الحب ان هنالك مؤثرات لغة الحزن مع اختلاط لغة الفرح فالحزن يرتمي في حضن الفرح ولغته التعبيريه والاسقاطية فالبكاء والضحك وجهان لعملة واحده فهما صنوان لا يفترقان (فالام _ والوطن )بالنسبة لعذابات الغربه عن وطنه واهله وحبيبته يتنابنا هترعات تشكل تموجات الفراشات في مركزية الذاكره تنبعث منها اهتزازات المشاعر وانثلام الوجدان في الفرح والحزن للقياءوالاشتهاء
ولك كل الود
عماد

الأخ الفاضل عماد
أفرح الله أيامك...
ان الفرح والذي يناقضه في المقابل الحزن هما امران قد تعاكسا في الاتجاه فعلا ولكن !
لم لا يتعادلان اطلاقا في المقدار؟

علامة الاستفهام تقف هنا حائرة متسائلة يا أخ عماد: لماذا الفرح الذي هو مبعث البهجة نشعر به لسويعات وقد يمتد لايام ومن ثم يذهب مع الريح في حين الحزن وان كان لامر صغير يظل مرافقاً لنا حتى يطل علينا النسيان فينتشلنا من وادي الحزن الى سفوح جبل الانتظار لفرح او حزن جديد.
ولكن تكفينا ....
بحلم معاك انو الحزن غيمه وخلاص رحلت بعيد
وانو اللي باقي من الزمن ومن عمرى كلو بعيشو عيد

دقت الدلوكة قلنا الدنيا مازالت بخير

اهو ناس تعرس و تنبسط

ما أجملنا نحن السودانيين وما أحلاها من مشاعر بتجمعنا وبالذات في إيقاعاتنا السودانية وعلى راسها الدلــــــــــوكة.....
ولا ننكر نحن السودانين بأن عالمنا ملئ بالفرح وأصوات وتعابير الفرح....

في دقة الدلوكة في أغاني السيرة والعرضة تتحرك أعماق أعماق الموجودين وينتفض الرجال للعرضة....وتتمايل الإناث طرباً

والفنان الرائع عبدالكريم الكابلي غنّى وقال....

دقة الدلوكة

دقت الدلوكة قلنا الدنيا مازالت بخير

اهو ناس تعرس و تنبسط
تككت سروالى الطويل
سويتلو رقعات في الوسط
فى خشمى عضيت القميص
أجرى و أزبد شوق و انط
لامن وصلت الحفلة زاحمت الخلق
وركزت
شان البت سعاد
اصلى عارف جنها فى زول بيركز و ينستر
لكنى عارف انها
لو كل زول فى الحله بالسترة انجلد
يانى الاذاها و جنها
برضى عارف اظنها
تحت تحت بتحبنى
ديمة فى صرة وشيها
يلفحنى شوق نافر لبد
و ركزت للحرقة المشت فوق الضلوع
تحت الجلد
و ركزت للحرقة المشت فوق الضلوع تحت الجلد
ضميت قزازتى مرقت عن طرف البلد
و سكرت جد
و انا جايى راجع منتهى
لاقتنى هى
قالت (تعال)
كبرت كراعى من الفرح
نص فى الارض نص فى النعال
إتلخبط الشوق بالزعل
اتحاوروا الخوف و الكلام
هى يا سعاد
على ود سكينة و كلتى فى خشمو الرماد
على ود سكينة و مات اسى
و انا بت بلاك ملعون ابوى لو كنت ارضى اعرسها


وتستمر الأفراح...

Quote: شن بتقولو في الفرح المعذب سيدو ...... في الريد المضيع زولو

آآآآآآآآه سلمى ويا عجبييييييييي لو غيرتيها للغرور المعذب سيدو وبس

استاذ الطيب
قالوا للمغرور...

خلاص ياقلبى كان خاصم ضميرو يحاسبو خليهو
تمر ايام وينسى غرورو ويلقى هوانا راجيهو
يعاتب يوم ويزعل يوم ويعذبنا بى ريدو
يتحدانا يوم يزعل تقول اقدارنا فوق اييدو
نقول ياريتو لو يعرف عذاب الحب وتنهيدو
بدل مانحنا بنعاتب بنفرح يوم يعاتبنا
ونسال عنو كان طول وماهاميهو كان غبنا
خلاص حرام ترمينا للايام حنانك يامعذبنا
نحلف قلبك القاسى بكل حنان مودتنا
بافراحنا واشواقنا وبى لهفة محبتنا
رضينا عذابنا فى حبك حرام تتناسى ريدتنا
خلاص ياقلبى كان خاصم ضميرو يحاسبو خليهو
تمر ايام وينسى غرورو ويلقى هوانا راجيهو

Quote: خلاص ياقلبى كان خاصم ضميرو يحاسبو خليهو تمر ايام وينسى غرورو ويلقى هوانا راجيهو يعاتب يوم ويزعل يوم ويعذبنا بى ريدو يتحدانا يوم يزعل تقول اقدارنا فوق اييدو نقول ياريتو لو يعرف عذاب الحب وتنهيدو بدل مانحنا بنعاتب بنفرح يوم يعاتبنا ونسال عنو كان طول وماهاميهو كان غبنا خلاص حرام ترمينا للايام حنانك يامعذبنا نحلف قلبك القاسى بكل حنان مودتنا بافراحنا واشواقنا وبى لهفة محبتنا رضينا عذابنا فى حبك حرام تتناسى ريدتنا خلاص ياقلبى كان خاصم ضميرو يحاسبو خليهو تمر ايام وينسى غرورو ويلقى هوانا راجيهو

أهي ذرابة لسان عادية يا سلومة ام اعود تاني لسؤالي القبيل الاتفق معاى ابو بكر ابو القاسم فيهو؟.

حيّاك

من بعض ما عندكم يا استاذ الطيب....
والكلام ده مقتبساه من فنان كده....

Quote: الأستاذ الفاضل... خالد محجوب المنسي.... كل سنة وانت طيب وأحمد وأم أحمد طيبة... إحنا قلنا استاذ خالد زعلان مننا ولا شنو؟؟

وكيف نزعل نحن مِنك ؟؟؟ دا نحن مابنرضى البجيب زعلك
ارقدي عافية يا بت الناس الحلوين

تحياتي لي عروستنا الحلوة الصغيرة منو ....؟؟؟

خالد

لكل أهل شندي كل التقدير




......

الاخت سلمي مساء الخير مع مراعات فروق الوقت

Quote: علامة الاستفهام تقف هنا حائرة متسائلة يا أخ عماد: لماذا الفرح الذي هو مبعث البهجة نشعر به لسويعات وقد يمتد لايام ومن ثم يذهب مع الريح في حين الحزن وان كان لامر صغير يظل مرافقاً لنا حتى يطل علينا النسيان فينتشلنا من وادي الحزن الى سفوح جبل الانتظار لفرح او حزن جديد.

بطبيعة الانسان كائن حزين (ففلسفة الالم وسوداوية الحزن) من ولادة المرؤ فقد عاشه لفتره تسعة شهور في بيئة الرحم الحنين الدافيء .. فمجئاءه للحياة الجديدة يبعثر فيه الخوف والقلق والاحباط والاكتئاب من المستقبل المجهول لديه فتبداء بصرخته الاول كاسقاطات اوليه... فقد (قال الله تعالي لام موسي لا تحزني فاني رادوه اليك )(وقال صلي الله عليه وسلم لابكر الصديق لا تحزن فان الله معنا) ..ولاستمرارية الحياة لابد من مقاومة الحزن بالفرح والامل .. فلذلك يكون الفرح رشيقا وخفيف الظل ياتي كابتسامة رضيع بيضاء ويكون ترياقا لبطن القلب ليشبعها من مجاعة العاطفة
ولك كل الود
عماد

الأخ الفاضل عماد الطيب...

وأي فلسفة توضيحية جميلة أتيتنا بها يا أخ عماد...
ولادة الطفل هي لحظة الفرح ....والفرح كما تفضلت ياتي كابتسامة رضيع بيضاء

ويكفينا قوله صلي الله عليه وسلم لابكر الصديق
لا تحزن فان الله معنا
فالقرب من الله يبعث الإطمئنان والإطمئنان يسكن النفس والنفس تفرح برضاء الله....

كل التقدير

فرحي حين اري عيون من احب وهم كثر فرحانة ...قلذا انا دايما فرحان

يا سلام يا استاذ ابوبكر.....
انشاء الله بيتك عامر بالفرح...
وأسعدك الله بالصحة والعافية وأدام عليك رزقه....



عميق تقديري

ولكل المتزوجين حديثاً....والحيتزوجوا....نهديهم............................الشيخ سيرو !!!!

ملاحظة مهمة....

الإتزوجوا خلاص يا جماعة بس يستعيدوا الذكريات الجميلة بالغنية دي



النصيحة دي
انا بريدو
والبريدالشيخ
انا يا ناس بريدو
الشيخ سيرو

سبعة قدور محلبية
سبعة قدورصندلية
سبعة قدور ريحة نيه
نسيبتو قالت شويه
حرمان ما بدخلنعلىّ

الشيخ سيرو

تلاته ارادب غدى
تلاته ارادب عشى
ده الشيخ ودمصطفى
الولاده من بعده كفى

الشيخ سيرو

سلمى
سلام هندوية وصل وربنا يحفظها ويصونها ويرعاها ويمتعها بالصحة والعافية

الفرح سقوط طاقية جثى على صدر العباد ووقع التاج من فوق وبي الكرعين إنداس

سلامات ياسلمى ..يازوله يابهجة ..

وانشالله ايامك كلها افراح ..

بوست جميل ..تسلمى ..

هند العزيزة....
تعلمين كم أحب هذا الإسم فهو عزيز على قلبي.....

عمرك كلو فرح يا زينة
شيلي من الأفراح وأدينا


دمت فرحة يا هند

يا سلمي الرقيقة وشبلة عالمناالأديب( عليه تنزل شآبيب الرحمة)
سلام على روحك الطيبة يا سليمى
بعثت بشجو حمد الريح فرح على فرح

يا هذي أنت،
ترسمين عوالم العشاق
يا هذي ، أنت سيدة البحار
وأسيرة ( عوليس ) العشق
وعروس تزفها
مواكب الكواكب
لحظة احمرار الغسق
إصفراره الذهب..
تكابد العشق .. تحترق
لتنشر الشدو والطرب
كأنما عصفور يطير بجناح مكسور
يصارع الأنواء في الأفق
ويبعث رسائل الضنى
لتسعد العالمين.

عصتنى لغة الضاد.. فاعذريني

الأستاذ القدير أبوبكر يوسف ابراهيم....

ونحن فرحنا بعودتك وبشفاءك بحمد الله.....


والحق يقال ...فلكلماتك سيدي الفاضل َفضاءُ أكبر مِنْ أنْ تتّـسعُ لهُ الحروفْ....كلمات ترسو بها على شاطئ العشق وتجلس متأملاً فتكتب عن أبجديته رسائلاً.....تصلنا حروفها كرذاذ المطر في يوم ربيعي....



أفرحك الله دوماً يا أستاذ أبوبكر

[Bسـلـمى الحبيبـة ...
ده يالضبط الانتى عملتيهو لينا جيتى شايله معاكى الفـرح ...
والفرح هو البيحفظ التوازن فى داخل الانسـان ... عن نفسى مرات كتيرة بكـون متضايقه شـديد ...
لكن اسمع اى اغنية او اسمع حاجه جميله حصلت لزول بعزو بتفرحنى والله فى نفـس اللحظه بنسى
كل المضايقنى ... وسبحان الله فى لحظة الواحد بيتحول لشخص مختلف وذى ماقلتى الناس بتفرح لاشياء كتيرة ...
الله يفرحك حبيبه دايما ...
تعديل حرف

ماجدة العزيزة وباختصار....
طلتك علينا هي الفرح والله يا ماجدة....

الإنسان كلو مشاعر ماجدة بس بيختلف كل واحد في درجة توضيحهها


ربنا يفرحك وين ما تكوني..

وبما انوا عنوان البوست عن الفرح ...

اليكم صور عروسات شابات جميلات....ويا عديلة يا بيضاء على كل الناوين على الزواج






الصورة تكررت للماشاف الأولى يشوف التانية


وكل شي قسمة ونصيب

عقبال بيك نفرح يازينه
نشرب شرباتك يا زينه
ونوقد شمعاتك يازينه
إتلموا هناك كل الحبان
في الساحه يغنوا غناوينا
والغيمه تطوف كل الحاره
تنقل إحساس مكتوم فينا
والحي العايش قصتنا
يخضرّ جمال في عينينا
وعيون النجمه النعسانه
تشرب من ريدنا وتسقينا

ما أسعدنا ونحن نعيش الفرح إحتفاءً بأحبابنا
وفي عودتك يا سلمى عودة للفرح

____________

التحية للأستاذ عبدالكريم الكابلي
شاعر وملحن ومؤدي الأغنية

الأخ الكريم
عاطف عمر...

كل سنة وانت طيب...

يا سلام على رائعة كابلي التي تنطق فرحاً....

أدام الله عليك الأفراح
وأسكنها دارك مساءاً وصباح....


تقديري دوماً

وبما انوا احنا في كلامنا عن الفرح
نواصل....


نكـــــــــت ســـــــــــريعة .......


- واحد بخيل بخل شديد دخل البقالة وحلف ما يزح من الباب ويطلع ...الجماعة حاولوا معاه ما في فايدة ، واحد سألوا يا أخينا حكايتك شنو دايرين نطلع؟؟
رد: انتوا ما بتقروا في الباب مكتوب ادفع
يعني ندفع ونحن جوة وندفع ونحن طالعين؟؟
حرّم ما ني طالع !

- عوض دكام رحمه الله من الشخصيات الظريفة جداً
قالوا في مرة عوض دكام كان فى فراش بكا...
وكان يوم رفع الفراش وعوض دكام مشى عشان يدفع فى الكشف
واحد من اصحابو قال ليهو : انت يا عوض مفروض تدفع بالدولار
عوض دكام قال ليهو : لية فارشين فى السوق الحر

- قال ليك ابو داود كان بغنى فى عرس والحفلة اشتغلت لحدى الصباح، ولغاية الوقت ده العروس والعريس ما جو، ولا شاف ليهو عروس ولا عريس لحدى ما الحفلة انتهت، بعد ما الحفلة انتهت قام قال للجماعة فى الميكرفون انتى يا اخوانا عرسكم ده خبر ولا شنو

- ومن الطرائف التى حكاها عبد العزيز محمد داؤود عن زوجته الفاضلة فوزية محمد حسين انها ابان الفترة الاولى من زواجهما..
ظلت تسال عبد العزيز كحال اى عروسة جديده تود ان تعبر عن حرصها على زوجها..

تساله:عبد العزيز ماشى وين ؟؟
يقول: الاذاعة…
هى: وحتجى متين انشاء الله ؟؟؟
هو :بعد ساعتين
و فى وقت اخر:عبد العزيز ماشى وين؟.
هو : عندنا حفلة عرس فى امدرمان...
هى :وبتجى متين انشاء الله ؟؟؟
هو: بعد اربعة ساعات
..وهكذا من يوم لاخر..وفجاة بادرها يوما...تعالى انتى يا فوزية انا مؤجر منك عجلة!!!!!؟



* * * * *

Quote: الليـــــلة جيـــــت شايــــل الفــــــرح

دايما ده عهدنا بيك يا حبيبة..

ألف حمد لله على سلامة طلًتك

وعامك وأسرتك سعيد وهانئ

رجوية....

كل سنة وانت طيبة


هسي ابتسامتك دي براها ما بتفرح....


عميق ودي

Quote: وبما انوا عنوان البوست عن الفرح ... اليكم صور عروسات شابات جميلات....ويا عديلة يا بيضاء على كل الناوين على الزواج

بسم الله ... محمد معانا ما تغشانا .. ده شنو ياسلمى ؟؟
مالو الفرح إنقلب خوف وتليب حيط .. أنا شايف العرسان فرتكو ، ويمكن وصلو مركز البوليس
طلبا للنجده ... الحقووووووووونا ...
تحيتى ... غايتو أكان زى ده العرس خلينا ...

الأستاذ الفاضل محمد مختار جعفر....
صباحك ومساءك خير....

Quote: بسم الله ... محمد معانا ما تغشانا .. ده شنو ياسلمى ؟؟ مالو الفرح إنقلب خوف وتليب حيط .. أنا شايف العرسان فرتكو ، ويمكن وصلو مركز البوليس طلبا للنجده ... الحقووووووووونا ... تحيتى ... غايتو أكان زى ده العرس خلينا ...

الحكاية بس يا استاذ محمد .....قسمة ونصيب وكل واحد بيآخد حظو....
البصبر بينول هسي شوف العروسات ديل صبروا كيف.....
الله مش كريم...:D



امنياتنا للجميع باختيار موفق وحياة سعيدة.....

يا سلمي

وعشان الفرح يعم اها سجلت ليكم "امنية" نصير شمة ...معزوفة الفها للسودان ...

سلمى صبحي !!!

حمد لله على السلامة ,,,

ما أنتي الفرح زاتو !!!

عطوفة
مشتاقييييييين دي شوية
انشاءالله صباحك ومساك فرح



تسلمي يا عطوفة
وانت بلسم في هذا المنبر...


دمت عطوفة الشمعة الضوايّة

شكراً استاذ ابوبكر على هذه الإضافة الفنية الجميلة....



كل السعادة باذن الله...

السؤال عن العريس في زمن الإنترنت بقى كده !!!

والقبول !!

يا ضُلنا المرسوم على رمل المسافة ...
وشاكي من طول الطريق ...
قول للبنية الخايفة من نار الحروف ...
تحرق بيوتات الفريق ... قول ليها ما تتخوفي
دي النسمة بتجيب الأمل ... والأمل بصبح رفيق
والأصلو في الجوف أندفن ... لا بتنسي لا بنمحي
لا بنتهي منو الحريق ...
يا ضلنا ...
............................................

والفينا من أهات أليمة ... في حكاوينا القديمة
لا بيرحل من عيونا ... لا بتنعشاه الهزيمة
والقبيل راجينو نحن ... يوم تبشر بيهو غيمة
لما تمطر يوم علينا ... والفرح يملا المدينة
والبيوتات الحزينة ...
يا ضلنا ...


رحم الله مصطفى سيد أحمد

سلمى..

عمرك كل فرح ياا زينة...

شكرا سلمى..بوست جميل

الأخ الفاضل محمد عثمان....


شكراً ليك ....ده من بعض جماليات ما تأتي به من مواضيع فنية رائعة....



تقديري

Quote: ..وهكذا من يوم لاخر..وفجاة بادرها يوما...تعالى انتى يا فوزية انا مؤجر منك عجلة!!!!!؟

حلوة شديد يا سلمى

لك التحايا عطرة

سلمى ازيك

الود الرطاني ده بتجدع في البوستات ساااااااااااااى ما بدي خبر مالو؟

ود المنسي ده قال ناوي ما عارف شن ناوي

استاذ الطيب....

Quote: ود المنسي ده قال ناوي ما عارف شن ناوي

دي برضو اشاعة ضمن البوست ده.....

والله والله يا ناااااااااااااااااس دي إشاااااااااااااااااعة !!!!!!




.....

الأخ الكريم....خالد محجوب

المنســـــــــــــي دي بقت لازم نقولها.....


كل السعادة ليك لأسرتك....



.....

سلمى سلااام
تعرفي في جهلي ( لأنو لو قلت في طفولتي شيقوق حايقول لي هو انتَ مريت بمرحلة طفولة ) المهم يا ستي أنا كنت كملان من لحم الدنيا نحيف شديد .. مرة جيت جاري ناداني واحد من ظرفاء الحي في شندي اسمه جعفر شارلي علي رحمة من الله .. وقال لي :
يا جنى أنتَ ود منو
قلت له : أنا ود علي محجوب
قال لي : أجري يا زول سريع لي أهلك السنة دي الخريف جاي شديد
كان ما زبلوك بتقع

[

Quote: B]ود المنسي ده قال ناوي ما عارف شن ناوي

والله يا سلمى الزووووول دا الإشاعة حقاً ومضمونا

والله لا لاقيتو لا قلتا لي شي

اثبتي هذه تهمة 2.......
بقى اتنين ما تنسي الفوق الجابوها وما جبتها أنا

تحياتي بت شندي

شوفي حا يكون ليهو رأي في بت شندي دي

الأخ الفاضل خالد محجوب....

برضو استاذ الطيب وراك....

Quote: أنا ود علي محجوب

ده برضو اعلان تاني كويس يؤكد الهوية....

سـلمى حبيبه
كيفك وين انتى البنزل البوست المفرح ده تحت شنو ...
تسـلمى يارب ...

Quote: سـلمى حبيبه كيفك وين انتى البنزل البوست المفرح ده تحت شنو ...

ماجدة يا غالية ...مشتاقين
مرورك براه فرح

نحن المشاعر جنات حبيبه
بسمتنا راحه وعالمنا طيبه
دايرين عيونك تصبح قريبه
شان كل حلوه في الكون نجيبا

خليك قريبة ماجدة
ولك الود

استاذه سلمى ,,

تسلمي على البوست الدمو خفيف ده ,,
وربنا يجعل ايامك كلها فرح ,,


(نكتة عوض دكام ضحكتني شديد) !!

يديكي الف عافيه ,,

د. نبراس


هاهو العبير يزورنا بمقدمك يا دكتورة

ربنا يفرحك دايماً و يحقق ليك الأماني

العزيزة سلمي
لي صديق درست معه الروضة و الابتدائي
من صغره كان يمتاز بالهدؤ والذكاء الحاد يعني مشروع زول كبير كده
اخر مرة اتقابلنا في مارس 1980
لم أسمع عنه بعدها
لو سمحتي يا سلمي شيلي من الفرح ده شوية ووصليها ليهو
لم أنساه
اسمه علاء الدين حسن عباس صبحي

له ولكي الود
أخوك محمد حيدر

سلومة

انا متابع البوست ده حتة حتة عشان حاسي الرطاني ده ناوي يفك ليهو اشاعة ويشتت

ود المنسي ناوي يدبل لو ما خايف المجرية تدبلوا ( تدبلوا يا سلمى تعنى تديهو ام دلدم في عنقرتو)

سلومة الحقيني انا ما متابع مسلسل الاحداث انتو فين

Quote: ود المنسي ناوي يدبل لو ما خايف المجرية تدبلوا ( تدبلوا يا سلمى تعنى تديهو ام دلدم في عنقرتو)

ياود شيقوق قلنا ليك المرة بقت تفك الحرف وتستهجا ... دحين لما تكتب أكتب بالعامية الغميسا
قول بدور يغير عتبت بابو .. بدور أجيب ليها رفيقا .. وكدي يعني
ما تودينا في داهية

خلينا فرحانين بفرح سلمى

Quote: ياود شيقوق قلنا ليك المرة بقت تفك الحرف وتستهجا ... دحين لما تكتب أكتب بالعامية الغميسا قول بدور يغير عتبت بابو .. بدور أجيب ليها رفيقا .. وكدي يعني

طيب ايش رايك في دى

داير يقلم مقلتها برفيقتها

استاذ الطيب

Quote: انا ما متابع مسلسل الاحداث انتو فين

طيب اليك من إحدى مداخلات الأخ خالد محجوب.....

Quote: تحياتي بت شندي شوفي حا يكون ليهو رأي في بت شندي دي

مكرر وآسف

رحت للارتحال بتواشيح قطعان السنونوات وعصافير الجنّة بهاجس النبش عن مزيد من الأسرار في عالم الأفراح ، تظللني أجنحتها ممارسة بقلب فراشة وجموح جِدْي الأساطير وبحبر الروح ، وفي عوالم الفرح نقع في ارتكاب خطيئة الكلام فمن رحمها تولد عوالم مبهرة تزين الكون ونفوس المخلوقات مسرة.


سليمى.. الأخت العزيزة

عبوري هو إتكاءة تحت فيْء نخلة تساقط علينا رطباً جنيا

د.أبوبكر يوسف....
متّعك الله بالصحة والعافية...

هذا الفرح...
غدا تملكه بين يديك
وغدا تأتلق الجنة أنهارا وظلا
وغدا ننسى ، فلا نأسى على ماض تولى
وغدا نسمو فلا نعرف للغيب محلا
وغدا للحاضر الزاهر نحيا ليس إلا
قد يكون الغيب حلوا ، إنما الحاضر أحلى

Quote: عبوري هو إتكاءة

وهذه اتكاءة على بعض من طرائف أشعب

دخل أشعب على أمير المؤمنين أبي جعفر المنصور فوجد أمير المؤمنين يأكل من طبق من اللوز والفستق
فألقى أبو جعفر المنصور إلى أشعب بواحدة من اللوز
فقال أشعب : يا أمير المؤمنين (ثاني اثنين إذ هما في الغار) فألقى إليه أبو جعفر اللوزة الثانية
فقال أشعب : (فعززناهما بثالث) فألقى إليه ألثالثه
فقال أشعب : (فخذ أربعة من الطير فصرهن إليك) فألقى إليه الرابعة
فقال أشعب : (ويقولون خمسة سادسهم كلبهم) فألقى إليه الخامسة والسادسة
فقال أشعب : (ويقولون سبعة وثامنهم كلبهم) فألقى إليه السابعة والثامنة
فقال أشعب : (وكان في المدينة تسعة رهط) فألقى إليه التاسعة
فقال أشعب : (فصيام ثلاثة أيام في الحج وسبعة إذا رجعتم تلك عشرة كاملة) فألقى إليه العاشرة
فقال أشعب : (إني وجدت أحد عشر كوكباً والشمس والقمر رأيتهم لي ساجدين)
فألقى إليه الحادية عشر
فقال أشعب : والله يا أمير المؤمنين إن لم تعطني الطبق كله لأقولن لك:
(وأرسلناه إلى مائه ألف أو يزيدون)
فأعطاه الطبق كله!

لك دوماً كل التقدير

Quote: لي صديق درست معه الروضة و الابتدائي من صغره كان يمتاز بالهدؤ والذكاء الحاد يعني مشروع زول كبير كده اخر مرة اتقابلنا في مارس 1980 لم أسمع عنه بعدها لو سمحتي يا سلمي شيلي من الفرح ده شوية ووصليها ليهو لم أنساه اسمه علاء الدين حسن عباس صبحي

الأخ الفاضل محمد حيدر....
عاطر التحايا.....

بالله المقدمة الحلوة دي كلها عن علاء والله بختو...
حالياً هو في بريطانيا.....وماشاء الله عندو تلاته عصافير صغار ربنا يحفظهم
وأكيد حابلغه سلامك دون تأخير.......



كل التقدير

الفاضلة بت شندي
سلمى صبحي

تعرف العريبي دا ود شيقوق
بكون فرحان شديد يوم الخميس وقد لازمه هذا الشعور من زمن مدارس الداخلية
تعرفي العرب ديل من الأبتدائية بدرسوا في القسم الداخلي
ويوم الخميس بطب شنيطو في أباطو ويقج حفيان حاري البيت

عشان كدا مازال ود شيقوق يغيب عن المنبر فقط يوم الخميس إرتباط بذاك الشعور الجميل يجتره

Quote: تعرف العريبي دا ود شيقوق بكون فرحان شديد يوم الخميس وقد لازمه هذا الشعور من زمن مدارس الداخلية تعرفي العرب ديل من الأبتدائية بدرسوا في القسم الداخلي ويوم الخميس بطب شنيطو في أباطو ويقج حفيان حاري البيت عشان كدا مازال ود شيقوق يغيب عن المنبر فقط يوم الخميس إرتباط بذاك الشعور الجميل يجتره

والله يا ود المنسي فرويد ما يحصلك ومافي داعي للتفاصيل

أتانــــــي صاحبـــــي يبغـــــــي عروســــــا



أتاني صاحبي يبغي عروسا وكنت مشيره في كل أمر
فقمت مهللا وطفقت أتلو عليه كل عالقة بفكري
فقلت له سعاد فقال إني بذلت لحبها روحي وعمري
سهرت الليل من شوق إليهاوطال لنجمه عدي وحصري
ولكن يا لحظي قيل لما ذهبت أريدها خطبت لغيري
فقلت .إذن هدى ..فأجاب خلق وتهذيب وتربية لعمري
ولكن ما لهافي الحسن حظ فهل كأس تطيب بغير خمر؟؟
فقلت إذن فزينب ذات حسن يقلب عاشقيها فوق جمر
فقال ومايفيد الحسن ما لم تزنه خلائق كالماءتسري
فقلت أرى لزهراء التفاتا كظبية بانة لاحت بغفر
وأخلاقا من الانسام أحلى ومن نغم على الأوتار يجري
فقال نعم ولكن بيت سوء وبيت السوء بالحسناء يزري
ألم تسمع حديث الناس عنه وعن ماضيه من قبر لقبر
فقلت وما حديث الناس إني رأيت الحب لا يرضى بأسر
فثار مغاضبا وسكت لما قرأت بوجهه آيات زجري
فقال أراك تعلم بالغواني كأنك درة في كل نحر
فقلت إذن حليمة فقال قبحا لرأيك اشتري جهلا بمهر
فما ذهبت إلى الكتاب يوما وما قرأت ولو مقدار سطر
فقلت إذن حياة..بها بثوروسلوى تلك قال بغير شعر
فقلت اختر إذن عشرا حسانا وخذ من كل واحدة بقدر
وصغ منهن واحدة وخذها إليك قرينة ما دمت تدري


الهادي آدم

عشان انت جيت شايل الفرح

قلنا نمسي

عشان يصيبنا من الفرح نصيب

وايه يضيرك

د. محمد حسن....

وعشان مريت من هنا....ندعو ليك

جعل الله أيامك كلها أفراح

تقديري

عروووووووووس تبحث عن عريييييييييييس.....!!!!!





إذا الحال بقى كده عليه العوض ومنه العوض

لكن ما يطيّب الخاطر هو.... الأمل موجود


.......

ما تشيل مع الحنية هم
و تخااف من الاياام تدور
ما تخااف يغيرنى الزمن
و اعبر بدون عينيك بحور
اناا روح بتعرف عزتك
زيك كماان صاادق شعور
و انا بيك منور دنيتى
زى ليلة هالى عليهاا نور...

الأخ الفاضل
محمد عثمان...



لازم نقول ليك ....بتجي شايل الفرح


مش كفاية...بوست على كيفك تفوت على كيفك تعال...........


حقيقي أسعدتنا بذاك البوست ربنا يسعدك...

.....

سلمى...

الليلة انا سااكن هناااا...

لا بداية ولا

نهاااية !!

لا اللي جاي.. ولا اللي كااااان...


اضغط للتشغيل

الأخ الفاضل محمد عثمان....

تسلم على ألأغنية ....كلك ذوق....

وأحمد رامي أيضاً من بين الشعراء الظرفاء

وقد كان يوماً في لبنان فدعاه الشاعر أمين نخلة إلى الغداء قائلاً: إنه أعد له طعاماً ممتعاً، ولم يكن سوى طبق ضفادع......
‏

فلم يقرب رامي الطعام وقال ساخراً: ‏

دعاني إلى «أكلة» ممتعة_ وقال: سيطعمني ضفدعةْ ‏

وكيف تكون الضفادع قوتاً_ ومرقدها الليل في منقعةْ ‏

تبيت مع الطين مطمورة_ وتأكل أوضاره طيّعةْ ‏


......