يا عديلة لمّت شــــــملنا ورقصوا الحبايب حـــــولنا

يا عديلة لمّت شــملنا ورقصوا الحبايب حــولنا
شرباتنا بالأفراح تطوف على كل موالف وكل ولوف
بي ريدنا طوّعنا الظروف تاني الزمن ما منو خوف

- في احتفالنا.....
- وفي انفعالنا.....
- وفي ترحالنا....
- وفي أشعارنا...................إيقـــــــاع

- في سلامنا
- وفي كلامنا
- وفي أنغامنا...............كمان إيقــــــاع

- دنيانا كلها إيقاع في إيقاع......

- بلا شك لكل واحد منّا تصوّر لمعنى الإيقاع بكل أنواعه وفنونه، وكم تأثرنا بنظرة.... بصوت....بكلمة....بلوحة.....بأبيات شعر....أو حتى بأغنية....وكان ذلك بمثابة الشرارة التي أنطقت السكون وهيّجت الشجون....فيطلق بعدها الصمت صهيلاً.....والشتاء هديلاً.

إخوتي وأخواتي......
هي دعوة لنعبّر معاً ولنخطو سويّاً نحو عالم ملئ بجماليات الإيقاع.....

وكم يحلو الإيقاع بإضافاتكم هنا.......

....

الاخت العزيزة/ سلمى

جاييينك..شعرا ..ونثرا..ووعدا وتمني

دي بس صباح خير..

والايقاع جاييك جاييك..

الأخ الفاضل محمد خليل
يسعد صباحك....

Quote: جاييينك..شعرا ..ونثرا..ووعدا وتمني والايقاع جاييك جاييك..

في انتظار كل جميل.....ومبروك تاني

تقديري دوماً

لنبدأ بهذا الإيقاع....





ويااااااله من إيقاع.....

أيا إنسان....للقلب نبض يحكي عن الزمان والمكان....يروي عبق الماضي وريحانة الحاضر....وفي حجراته أسرة يهجع إليها الحنين....وعلى جدرانه صور الأحبة....وبين حناياه تتهافت اللقيا.

صوته الحزين أنين الناي وبكاء الوتر....وفرحه ضوء البرق و دوي الرعد وانهمار المطر.

فهلاّ استمعت لحديث قلبك فهو غني بمرافئ الحنان وبمراسي الشوق وبلغة الجمال....حروفٍها الذهب....كلماتها النور فجُد بها وأسقها لمن تحب...تملأهم حباً وتزيدهم وداً وتغمرهم حناناً وتحناناً.

عوداً حميداً اختي سلمي
وإنشاء الله متجمعين علي الحب والجمال والصراحة
وكل الناس تكون بخير وصحة جيدة
سعدت جداً بعودتك بعد طول غياب
واصلي المشوار اصلو بداية السكة خطوة

الأخ الفاضل هاشم خلف الله...
عساك بألف خير....
شكراً لكلماتك الطيبة...

Quote: وإنشاء الله متجمعين علي الحب والجمال والصراحة وكل الناس تكون بخير وصحة جيدة

وندعو بمثل ما دعوت ....آميييين


تقديري

كيفك يا سلمى

وصباحك مدوزن على مقام الفرح العديل

الكون كله إيقاع موزون

حركة النجوم والكواكب
مد وجزر البحار، الليل والنهار، الموت والحياة
الفصول والمواسم

كله كله

كل الحياة مفروض تكون متسقة ومضبوطة، وأى خلل حيتلف الميزان

بعدين لاحظى معاى

حتى إسمك موزون موسيقيا

سلمى صبحى

مش قريب من

لما شفتك

إفتتاحية رائعة محمد الأمين "كلام للحلوة"

لما شفتك
ليلى ضو وبقا نور

وأبقى طيبة وسعيدة دائما

ِالأخ الفاضل أبو ذر
التحية والسلام لشخصك الكريم
وشرباتنا بالأفراح تطوف على كل موالف وكل ولوف

Quote: الكون كله إيقاع موزون حركة النجوم والكواكب مد وجزر البحار، الليل والنهار، الموت والحياة الفصول والمواسم

سبّح باسم ربك الذي خلق...
يا لعظمة الله....

Quote: بعدين لاحظى معاى

شكراً على الكلمات العطرة...
تقديري دوماً

سلامات يا سلمى...

صبح الخير حسب توقيتنا المحلى.....

دنيانا كلها إيقاع في إيقاع......

إيقاع للإيقاع حتى الإيقاع,,,,

عشان القصة تبقى شوف وسمع وحس,,,عالى,,
والدنيا صباح,,,,
والإنفعال من الصباح,,,حسب المنطقة الزمنية التى نعيش فيها,,,
مرهق نوعا ما.....قلت أشارك,,,,,ولو بالبسيط,,,وممكن نسد خانة بتاع
الساوند,,,,لحدى ما يجى يستلم منى واحد/ة...

المشكلة الكبرى إنو إيقاع الحياة بقى أسرع الإيقاعات

المهم,,,,
لى قدام ,,,,,
___________________________________________________________________________

شكلو إتفاقيات السلام البهناك أصبحت مهددة بالإنهيار بعد هروب الحمامة....

الأخ الفاضل ايمن الطيب...
اول حاجة شكراً كثيراً على أغنية عبد العزيز المبارك....زيّنت بها البوست.

Quote: دنيانا كلها إيقاع في إيقاع......

صحيح....

Quote: إيقاع للإيقاع حتى الإيقاع,,,,

هسي دي يفسّروها شنو؟

Quote: شكلو إتفاقيات السلام البهناك أصبحت مهددة بالإنهيار بعد هروب الحمامة....

الا كان من الكورولا ...


تقديري دوماً

عوداً حميداً مستطاب ..

شكراًُ أخي حسام
عساك بألف خير



تقديري دوماً

الأخت/ سلمى .......... تحية طيبة

" العود أحمد " ودوماً مع الجديد المبتكر .........


لنا عودة بالمهلة.

استاذنا القدير أبوبكر أبو القاسم....

عساك بألف خير وسعيدين بمرورك....

ويا عزّنا بوجودك هنا معانا....


كل التقدير

الاخت سلمى
شكرا على اللحظات و الدقائق الرجعنا بيها لزمن ..التفاؤل الحلو
اول مرة نسمع ( و الجمع هنا مقصود) عبد العزيز المبارك ، كنا فى اجازة و تانى يوم مشينا عرس كان بيغنى فيهو ..
اغانيهو .. و صوتو .. و (فورة الشباب) و القلوب (الولهانة) خلتنا (نقهى و نقهى)..
مرا الزمن
و بقينا من عشاق (فى الليلة ديك)
و بقينا نسمع طشاش و نشوف عماش ..
لكن مرة مرة .. لمن نسمع جنس الغنا دا ..
( نعمل فيها ما سامعنو) لكن القلب بجوا ..دق دق دق ... لحسىىىىىىىىىىىى ..
لكى ودى و ادام الله إشراقك (مقرونا بالعافية )

الأخ الفاضل أسعد الريفي
عاطر التحايا....

Quote: مرا الزمن و بقينا من عشاق (فى الليلة ديك)

لما تشتاق لي المشاعر
تملي دنياك بي عبيرا
لما تشتاق لي العواطف
تنسجم تلبس حريرا

وحنهديك في الليلة ديك....وهي فعلاً مليئة بالإيقاع

في الليلة ديك لاهان علي
أرضى وأسامحك ولا هان أعتب عليك
شلت الجراح والابتسامة
وكل حرمان اليتامى
جيت أهنيكي وأصافحك جيت أقول مبروك عليك
ومديت يميني بلا كلام ما قدرت قدامك أقيف
ورجعت حابس أدمعي في الليلة ديك
في الليلة ديك والناس تشارك فرحتك
حسيت بإني غريب هناك وغريبة إنتي في دنيتيك
حسيت معاني الفرقة
حسيت بالوجود ماخذ سواد من حنتك
شفت الدموع خلف الرموش مكبوته بي حسرة وضياع
ورعشة الكف الخضيب مقرونة بنظرة وداع
جابو القدر في سكتك
في الليلة ديك لاهان علي
أرضى وأسامحك ولا هان أعتب عليك
شلت الجراح والابتسامة
وكل حرمان اليتامى
جيت أهنيكي وأصافحك جيت أقول مبروك عليك

أها بعد عدنا الأغنية دي هل مازال الوضع هل ما هو عليه ...

Quote: نسمع طشاش و نشوف عماش ..

تقديري دوماً

أختنا جميلة الروح سلمى
منورة البورد بالطلة البهية و الإيقاع الجميل
كدي الصفحة الأولى دي عديها سلام و مطايبة
نشوف الموضوع في الصفحة التانية إن شاء الله

أخونا الفاضل محمد البشرى....

Quote: كدي الصفحة الأولى دي عديها سلام و مطايبة نشوف الموضوع في الصفحة التانية إن شاء الله

طيب ما احنا لسه في يا عديلة لمّت شملنا.... ...
وبعدها سيطلق الصمت صهيلا....


كيف حتوت وآية....
تقديري دوماً

تماضر العزيزة

كيفك ومنوّرة البوست.....مشتاقين

الجميلة سلمى..

عودا حميدا
و بوست حنين يطير يداعب الموج
بجناح نسيم ريان...

تحياات..

الأخ الفاضل محمد عثمان....

كل التحايا الجميلة...
وهذا من بعض ما عندكم...


تقديري دوماً

في المشــــــــــي أيضاً ايقــــــــــــاع....

الشاعر محمد بشير عتيق يصف لنا ذلك في رائعته " يا ناعس الأجفان " ويقول.....

ليك نفرة الغزلان مع جبرة الفرسان فى هيبة المنصور

ومن أغانى ود الرضي الجميلة كلمة ولحنا أغنية ليالي الخير

شفت في الأحلام ظبى يتهادن.....برخيم نغمات خلى تنادن
عبرات الشوق بى ازدادن......تلكم أحلام ليت تمادن

شفت الحسن الحافل رافل .....في ثياب العز والعز كافل
رانع واحل تايه غافل........لادن هادل ضامر كافل

هادئ ساكن آمن قادل ........بهجة هيبة حاكم عادل
لافح فره وطارح سادل......ليل عسعس كاسى الهادل


والعندو زيادة من هذا الإيقاع الجميل...فليجود به هنا .....

أختى العزيزة سليمي

سلام على روحك الطيبة النقية

عدت من رحلة طويلة لأفاجأ بعودتك والعود أحمد ، سرني كثيراً عودة الفلامنكو إلى قشتالة وطليطلة ليعود مجد الأندلس على أناملك بلحن سوداني عربي مبين .. تحياتي

Quote: بي ريدنا طوّعنا الظروف تاني الزمن ما منو خوف

الحمام من طبعو الهديل
في التبادي سعدنا بعودتك للكتابة
حمامة سلاااامنا سلمى صبحي الفاضلة......
وتاني التبادي نهديك سلااام تترا يغطيك
رب العز والجلال بسحابات صحة وعافية لا تبرح
مقامك وجلوسك معاً..........
عدتي تحملين الفرح بين أجنحتك تسعدي من حولك
فسعدنا معك دام سعدك .....
لك مني أجمل هدية مجارة لقصيدة الشاعر الكبير
محمد بشير عتيق

والتي من ضمن بيوتها

بوبح جيدو وأبصر واقل
تلا اليمنى ومشى متاقّل
.......................

ذكرني الحبو ضيع عمري
من شوفتو صُحاي وخمري
من وصلو طبي وسمري
ومن بعدو ولع جمري

محبوبي في هذا القطري
لا يوجد حُسنو وعفافو الفطري
لو مرا نسيمو الحامل العطري
يُحي الأرواح الأضحت في خطري

هالكني وماجايب خبري
أصبح جسمي زي خصرك مبري
أنا ليه ماأحبك ياجميل بالجبري
مادام من لونك صَفَى لون التبري

أدركني ياغزال البري
أنا فاقد عقلي ومنامي وصبري
من صغري بحبك لنهاية كِبري
شوفتك ياروحي لجروحي بتبري

أدركني بي نظرة يا بدري
أو بسمة حنينة تشرح صدري
ليلة لُقياك يانفيس الدري
عندي أعظم من ليلة القدري

تحياتي ومودتي حمامة السلام

الاخت سلمى صباحي سلام
ايقعات واناشيد
ايقاع الصباح
مرتبط لي بالنشيد السمح داك
بدري صحيت من نومي انا بدري صحيت من نومي
مشيت على امي وابوي صبحتا
شربت الشاي بكل لطافه وكانت جنبي صديقتي سلافه
الى اخر النشيد الجميل الذي يضبط ايقاع لطيف للصباح زمان
النشيد ده لحنو وايقاعو بشبه الصباح بدري شديد تسمع اصوات متباعده(نحنحه هنا صياح هناك وحوقلا وتسبيح ..الخ)سرعان ما يتواتر ويتسارع ايقاعها (يصحى معظم اهل البيت التجهيز للمدرسه سوات الشاي
والليقمات ، كون حميم من الايقعات الصباحيه)
ايقاع الفصول...
اربعه فصول في السنه يمروا عبر الازمنه
الشتا والصيف وربيع وخريف ..شوفوا دنيتنا الجميله
ايقاع تتابع سرمدي للفصول
بوست ايقاعو جميل

الأخ الفاضل محمد أحمد محمود...
تقديري لمرورك....
اعدتنا الى ذكريات الطفولة....وإيقاعاتها الجميلة...وما اجمله من إيقاع...ظللت أردد هذا النشيد وأنا أقرأ مداخلتك..وحقاً...

ما هي دنيتا الجميلة
شوفو دنيتنا الجميلة

الشمس كل يوم بتطلع
أصلو ما اتاخر شروقها

جعل الله أيامك كلها إشراقاً....وفصول حياتك ربيعاً
واشركنا معك بإيقاعات أخرى في مثل روعة هذا الإيقاع الجميل...

تقديري

سلمى صبحي

Quote: اعدتنا الى ذكريات الطفولة....وإيقاعاتها الجميلة...وما اجمله من إيقاع...ظللت أردد هذا النشيد وأنا أقرأ مداخلتك..وحقاً...

سلامات يا سلمى ومساء الخيرات بتوقيتنا,,,
صراحة لا أستطيع مقاومة إنزال أغنية ورد ذكرهافى إحدى المداخلات وهى قريبة وحبيسة تنتظر من ينفض عنها غبار الزمن,,من أجل سانحة صغيرة نعود فيها بالزمن لنتذكر اياما خوالى وجميلات عشناها مع أحباب وإخوان فرقتنا عنهم المعايش والظروف,,,عذرا إذا تكرر هذا منى ولكن أحيانالا نجد الكلمات لنعبر عما يدور بدواخلنا فى تلك اللحظات و نلجأ للألحان الخالدات فينا ليقلن عنا شيئالم تستطيع الحروف قوله,,,

الروعة تسكن هنا,,,,

دمتم

الأخ الفاضل خالد محجوب....
عاطر التحايا الصباحية...
قد كنت سبّاقاً الى الكلمة الطيبة في بوست إنجمامة والكلمة الطيبة تبقى..والذي كان يفيض يإيقاعات الفرح....فلا نستغرب أن تأتينا بكل خير أينما تكون..
أدام الله الفرح في كل مكان أخي خالد...والبسمة والتفاؤل لا تفارق أحدنا..ولنكن دوماً الباحثين عن السعادة...فهي نعمة وزاد للروح.
وكما اهتديتنا هدية نهديك أخرى والتي أتمنى أن تنال إستحسانك....

الجِنان في الدنيــا والليالي تدور
أم دي ليلة وجمعت بين شموش وبدور
أم دي زينة الدور أم ليلة القدر
الفيها زي ماندور هاهو نور في خدور

تقديري دوماً

الأستاذ أبوبكر يوسف....

شكراً على المرور....

Quote: في الليلة ديك لاهان علي أرضى وأسامحك ولا هان أعتب عليك شلت الجراح والابتسامة وكل حرمان اليتامى جيت أهنيكي وأصافحك جيت أقول مبروك عليك

أنا حبيتك لي سنين
حتى نجوم الليل شاهدين
انا من بعدك قلبي حزين
مين بقدر على كل ده مين .....


مودتي

عماد

الأخ عماد محمود....
عساك بألف خير.

Quote: أنا حبيتك لي سنين حتى نجوم الليل شاهدين انا من بعدك قلبي حزين مين بقدر على كل ده مين .....

ولكأننا نراك من عشّاق في الليلة ديك....
شكلو كده الأخ أسعد الريفي أحيا إيقاعات الحنين وقلّب المواجع....


تقديري دوماً

Quote: الحمام من طبعو الهديل في التبادي سعدنا بعودتك للكتابة حمامة سلاااامنا سلمى صبحي الفاضلة...... وتاني التبادي نهديك سلااام تترا يغطيك رب العز والجلال بسحابات صحة وعافية لا تبرح مقامك وجلوسك معاً.......... عدتي تحملين الفرح بين أجنحتك تسعدي من حولك فسعدنا معك دام سعدك .....

ولا اجمل مِن كلِمات اخونا خالد علي .. نُسجيها ترحيباً بعودتِك الميمونة يا سلمى ..

لكي وله تمام التقدير ..

ونتمنى ان تتمدد مِساحات التوادُد والوئام في تواصلنا عبر هذه المِساحة المُختلقة
ترميزاً لوطنٍ نتمناه ..

عسانا ان نجتمع يوماً في ما نتمناه

خالص الود يا سلمى ..
واتمناكي دوماً بخير ..

لحين رجوع حمامتك يا بوست وأكيد عايدة
اصبراُ لحين ميسرة وبعدها مسرة بترجع ليك

وفرحك يدوم تتراقص على نغم هديلها الحلو

ولي فوق

الأخ الفاضل عبدالرحمن عبدالله
ود الجيران سابقاًً....
عاطر التحايا...
شكراً لمداخلتك الطيبة وامنياتك الجميلة...وندعو بمثل ما دعوت..

Quote: ونتمنى ان تتمدد مِساحات التوادُد والوئام في تواصلنا عبر هذه المِساحة المُختلقة ترميزاً لوطنٍ نتمناه ..

آميييييين

كل التقدير

سلمى

نورتي البورد وزادت إيقاعاتو الجميلة

أختنا الجميلة سلمي صبحي

حيث أن إيقاع الزمن متسارع نحو الأفضل دائما لمسنا في دوزنة حرف شفافية الحس وكل محسوس دائما ماتكون إيقاعاته صادقه

جدا سعيد بعودت من كتبت عنها يوما هي ووصال عالم أنهن من عالم يضج من الوله وعالم فية إيقاع يلمس فيك شئ من بهاء الروح

أبقي عافية ولا تكثري من إيقاع التباعد والخفقان .

ــــــــــــــــــــــــ
أسأله بإسمه العظيم الأعظم الذي إذا دعي به أجاب أن يعطيك صحه وعافية في بدنك وروحك وجميعا أهلك وأقربائك وأحبابك
ويجعل السعادة والهناء ترفرف فوق بابك في الدنيا ويعطيك ومن تحب من كوثر الحبيب المصطفي في الفردوس جنة المأوي
اللهم آمين اللهم آمين اللهم آمين.

،،،،أبوقصى،،،،

تم التعديل لخط العرض الذي شتح البوست تقديري

Quote: كان الليل نعسان للغاية قام اتوضا..واستنيناك.. ما صلينا الفرض كفاية جفّ..وضونا.. حنينا اتململ وقام اتنفل شوق..جوايا ثم احترت !!!! ايه البربط بيني وبينك ؟؟ وطهر السجدة..؟؟ آه يا بت والله حكاية

الأخ الفاضل محمد خليل...
وعدتنا بالعودة واوفيت وننتظر منك دائماً كل جميل....فلك التحية والتقدير.

وبعد ما قرانا مداخلتك....
هي فعلاً والله حكاية....


تقديري

أبو قصي...
عساك بألف خير....

Quote: حيث أن إيقاع الزمن متسارع نحو الأفضل دائما لمسنا في دوزنة حرف شفافية الحس وكل محسوس دائما ماتكون إيقاعاته صادقه

قد اصبحت عقارب الساعة تسابق الزمن نفسه يا أبا قصي...وما أعمقها من عبارة..
وكل محسوس دائما ماتكون إيقاعاته صادقه...
اما وصال العزيزة....فهي عالم من الإيقاعات الطيبة..لها ودي وتقديري وإحترامي
ويا لخاتمة مداخلتك...دعاء يسقي القلب سلسبيلا.


تقديري أبو قصي

للجمال مساحات ... ، مساحات عراض ... وما أسماه وأنبله عندما يتوافق فيه
جمال الروح والإلفة والتوادد ، أليس فى هذا إيقاع وتناقم .. ؟؟
الحياة كلها إيقاع وتواتر نإخذها بدرجات من الإضافة والتحضر والتطوير ..
... نحن فى عالم التشكيل ، نقول :
إن النقطة والمساحة والخط والإتزان والنسب والتناغم والتنوع والسيادة
واللون والكتلة والقيمة .. هى من العناصر الفنية المميزة للفن المرتبط
بإيقاع الحياة فى حركته الجمالية ،
إذن هناك قيم ومضامين تحكم إيقاع الحياة وتتنوع حسب البيئة الزمانية والمكانية
فمثلا الإيقاع أو التنقيم فى الموسيقى عبارة عن تتابع نغمة صوتية ثابته أو متغيرة
بأسلوب خاص وبمسافات زمنية معينة ، وهكذا .. عموما أهلا بعودتك الظافرة المظفرة
وأفردى مساحات للجمال أينما يكون .. ولك تحيتى ، سلمى صبحى ...

محمد مختار جعفر

الأستاذ الفاضل محمد مختار...
شكراً على المداخلة القيّمة

Quote: للجمال مساحات ... ، مساحات عراض

لذلك لنكن دوماً الباحثين عن الجمال....فمداده الصفاء....وصداه الفرح....ونتاجه الإبداع.

نعم لنبحث عنه ولنسعى اليه ولو حبواً...


تقديري

انعام عبد الحفيظ.....
أول شي طمنينا عليك..انشاء الله أحسن.
مرورك من هنا له إيقاع جميل ...يا اخت البدور...

عارفة الذكريات الباقية في مخيلتي دايماً .....شركة بتاعتنا والأستاذ أبوبكر...والمنافسة على الكافتيريا...يا لها من أيام..


كل الود

Quote: عارفة الذكريات الباقية في مخيلتي دايماً .....شركة بتاعتنا والأستاذ أبوبكر...والمنافسة على الكافتيريا...يا لها من أيام..

سلوم الحلوة

مافي مشكلة أفتحي كلية للدراسات العليا ونجيك نسجل فيها هسه






















بس العطاءات للكافتريا خليها تحت تحت

Quote: مافي مشكلة أفتحي كلية للدراسات العليا ونجيك نسجل فيها هسه

مشتاقين يا انعام والمداخلة جات في النص فما انتبهت فاعذريني على تأخير الرد....
بيعجبني فيك دايماً طموحك...
ويا نعومة من عيونّا....حاضرين...

Quote: بس العطاءات للكافتريا خليها تحت تحت

لكن بعد شنو!! بعد ما قراها استاذ أبوبكر....



.....

يا سلام عليك يا سلمى ..

ويا سلام على ضيوفك الأكارم ..

وبركة الجيتي راجعة ..
وتشكروا جميعاً على هذا الظل الوريف والموية السااااااااااااااقطة في الهجيري الحااااااااااااررررررة دي ...!

بالله يا أخونا أغنية يا عزنا دي .. وموسيقى عالم الرياضة بتاعة الساعة (2 ) ديك ...و موسيقي ما يطلبه المستمعون ..وشعار ركن الأطفال ... يقدمه عمكم مختار !!! وملاح الخدرة المفروكة بالكسرة ...
وعيد الضحية وموية النيل تشربها مباتشرة من الجداول الجارية ....و....و...و...و

الحاجات دي مافي رابط بينها ؟؟؟!

غايتو أنا حسيت بالرابط ده !!

الأخ الفاضل عثمان دغيس
عاطر التحايا.....
سعيدين أن طابت نفسك مقاماً بين أركان هذا البوست....
وكيف لنا أن نحيا جميعاً بدون الحديث اللطيف والظل الوريف...

Quote: أغنية يا عزنا دي .. وموسيقى عالم الرياضة بتاعة الساعة (2 ) ديك ...و موسيقي ما يطلبه المستمعون ..وشعار ركن الأطفال ... يقدمه عمكم مختار !!! وملاح الخدرة المفروكة بالكسرة ... وعيد الضحية وموية النيل تشربها مباتشرة من الجداول الجارية ....و....و...و...و الحاجات دي مافي رابط بينها ؟؟؟! غايتو أنا حسيت بالرابط ده !!

ويا لها من إختيارات يا استاذ عثمان..أنه الولوج لعوالم جمال تظلل الكيان والمكنون في ساعة صيفية حارة..هي منوعات تلتقي جميعها في نقطة واحدة الا وهي....إيقاع الحياة....يتسم كل واحد منها بمذاقه المختلف وبنكهته الخاصة المميزة والتي تترك اثراً وليداً في النفس ولكنه ينمو ويكبر مع الأيام...
وسنظل نردد ونردد هذه الإيقاعات..... فهي بمثابة جهاز الإنعاش للقلب والذاكرة أحياناً

تقديري وإحترامي دوما
ً

سلمى:
عدتى والعود احمد

دخلت توووش اخدته لى عرضه ونقزه وسمعت الغنيه ولقيت الكلام كباااار كبااااار خفت انبرش


تخريمه:
ما يشتتو ليك السكر

سيدة الايقعات اختنا سلمى صبحي شكرا على الرد المَُوّقع ذوق ولطف ده،
وكل الاخوه السابحين في ملكوت الايقاع سلام ومطايبه...
اما بعد
ايقعات شترا
ايقاع زول في زمن اشتر(عاطف خيري)
ماذنب جلد الطار لوغنو بيهو شتر
ايقاع... لفرح اشتر(مصطفى)
ولقينا فرحنا وانت حزينه بكون اشتر ويزيدنا جراح

ايقاع حاجه فيك هاشم صديق ومصطفى عبو الاغنيه دي ايقعات مدهشه
خليني اقبض ليكم(اقبض دي لعدم الحفظ) كم صوره لكم ايقاع

جاجه فيك تقطع نفس خيل القصائد تشده اجراس المعابد
(إيقاع عنيد وآخر..واضح)
......................
حاجه زي اخبار تناغم من جريده
(ايقاع يخبر)
..................................
حاجه زي وتر المواني لما يصدح لسفينه
(ايقاع واصل)
.......................................................
حاجه زي نقر الاصابع لما ترتاح للموسيقى
(ايقاع مرتاح)
..............................................................................
حاجه فيك لابتبدي لا بتنتهي
(ايقاع لامهرب منه)
...............
واعرف متين ابقى المطر وافهم متين اصبح حريق
(ايقاع عارف)
ايقاع حب وحياة ومقاومه
ابوقطاطي ووردي
سوات العاصفه بساق الشتيل الني
وفعل السيل وقت يتحدر يكسح ما يفضل شي
ده كان حبك وقت حسيتبو شفت الدنيا دارت
وقت شفتك شعرت الرعشه من صوف راسي لاكرعي
..............................................
هذه من الاغاني العبقريه التي نسجت ايقاع الحب في
ايقاع الطبيعه الرحيم حينا والقاسي حينا اخر
وكذا الحب
وبعدين مع الايقاع...
المهم لو مرقنا من ايقاع الحياة اليوماتي
مابين الصعب والسهل مابين الجبل والسهل
بجي راجع
التعديل عشان مانمط البوست

سلمى

Quote: الأستاذ ....... شكراً على المرور....

انت بت زعيم لا يحمل ............
ارجو ان توفيه حقه كاملا في الرد يا سلمى

آسف للتاخير لاسباب فنية وعملية وهجمات رطانية

Quote: شفت في الأحلام ظبى يتهادن.....برخيم نغمات خلى تنادن عبرات الشوق بى ازدادن......تلكم أحلام ليت تمادن

حد عنك

في مشيتك طاوؤس نزل
دا الخيزران عودك قدل

سمح الخصال ساحر المقل
من نار هواك انا نومي قل
ـــــــــــــــــــــــ

القدلة ايقاع

نورالدين

الأخ الفاضل نور الدين بابكر بدري
أطيب الاماني...

Quote: في مشيتك طاوؤس نزل دا الخيزران عودك قدل سمح الخصال ساحر المقل من نار هواك انا نومي قل ـــــــــــــــــــــــ القدلة ايقاع

وما أروع أغاني الحقيبة....
وكمان ود الرضى قال...

شفت الحسن الحافل رافل .....في ثياب العز والعز كافل
رانع واحل تايه غافل........لادن هادل ضامر كافل
**********
هادئ ساكن آمن قادل ........بهجة هيبة حاكم عادل
لافح فره وطارح سادل......ليل عسعس كاسى الهادل

كل التقدير....

الأستاذ الفاضل الطيب شيقوق
يسعد مساك....

Quote: آسف للتاخير لاسباب فنية وعملية وهجمات رطانية

اسباب فنية....وتوابعها
اسباب عملية...ونتائجها
هجمات رطانية....دي كبيرة خلاص

غايتوا بعد ده كلووووووووووووو
عذرناك بالتأكيد....بالتأكيد عذرناك...
لكن هجمات رطانية دي ما يكون بس خالد المنسي معاهم.
يبقى ما إلك الا......


تقديري

الأخ الفاضل محمد أحمد محمود...
سلام بكل إيقاعات الحياة الجميلة
شكراً بحق على هذه المداخلة الدسمة التي تأرجحنا فيها من إيقاع جميل الى إيقاع أجمل.....

Quote: وبعدين مع الايقاع... المهم لو مرقنا من ايقاع الحياة اليوماتي مابين الصعب والسهل مابين الجبل والسهل بجي راجع

ولحين رجوعك الى هذا البوست...سيظل شرباتنا يطوف بإيقاعات الفرح على كل موالف وكل ولوف.

تقديري

الاخ الفاضل هيثم الجلال
تحيات طيبات

Quote: دخلت توووش اخدته لى عرضه ونقزه وسمعت الغنيه

يبدو يا أخ هيثم ان هذا نوع من الإيقاع أيضاً...


تقديري

سلمي الصبوحة .. يعجبني تفاؤلك واحساسك العالي باهمية ان نفتح قلوبنا وعقولنا لاستقبال كل جميل حولنا ....

الحبيبة سلمي..

افتقدتك كتير..

ما اجمل ايقاع الحب في بوستاتك..

العزيزة رشا سالم....
يسعد صباحك ومساك....

شكراً كثيراً...شكراً جميلاً....شكراً أصيلاً

والكلمة الطيبة تبقى


كل الود

عمو أبوبكر....
يسعد مساك...ودنياك

إن التفاؤل روح تسري في الروح والجميع قادرون على صناعة التفاؤل .

قد ذكرتني بابيات شعر لإليا أبو ماضي....

أيهـذا الشاكـي ومـا بــك داءٌ **** كيف تغـدوا اذا غـدوت عليـلا
ان شـر النفـوس نفـس يـؤوس **** يتمنـى قبـل الرحيـل الرحيـلا
ويرى الشوك في الورود ويعمـى **** ان يـرى فوقهـا النـدى اكليـلا
هو عـبء علـى الحيـاة ثقيـل **** من يرى في الحيـاة عبئـا ثقيـلا
والـذي نفسـه بغـيـر جـمـال **** لايرى في الوجود شيئـا جميـلا


ودي وتقديري واحترامي

بادى ومسو نوركم,,,

إيقاعات الحقيبة وكلماتها تدخلت كثيرا فى تشكيل وجداننا,,,
عرف عنا إننا شعب تمثل إيقاعات الأشياء وأصواتها له الكثير
نضرب الطبول عندما نطرب ونفرح ونفعل الشئ نفسه عندما نغضب
ونقرر الدواس!!!!!! ننام على إيقاع ونصحو على آخر,,,بعض
الإيقاعات شكلت هوية بعضنا ويفخر آخرون بإمتلاكهم ذلك الأيقاع
وأنغامه ملكية كاملة ومن يود إستخدامه عليه إستئذانهم,,,

الحقيبة ماتزال إيقاع صرف خاصة عندما تكون بأصوات الأساطين
وأسياد الغنا فقد خربها بعضهم بحجة التحديث ولكن يظل الزمن
شاهدا,,,أن ألأصل يبقى هو الأصل ,,,

اللهم أرحم بادى بقدر ما أمتع وبقدر ما ملأ الدنيا جمالا وسمح قول,,,

الأخ الفاضل أيمن الطيب....
يسعد مساك....

Quote: الحقيبة ماتزال إيقاع صرف خاصة عندما تكون بأصوات الأساطين وأسياد الغنا فقد خربها بعضهم بحجة التحديث ولكن يظل الزمن شاهدا,,,أن ألأصل يبقى هو الأصل ,,,

أغاني الحقيبة...
التحية لكل شعرائها....فهم من أهدونا فنا راقيا وكلمات رصينة لا زالت تطربنا وتشجينا حتى اليوم
التحية لمن شدى وغرّد بكلماتها...
التحية للقامة الشامخة بادي رحمه الله...
والتحية لك أخي أيمن على هذه المداخلة الجميلة...



تقديري دوماً....

اقتبس من مدخلتك أخي ايمن

Quote: عرف عنا إننا شعب تمثل إيقاعات الأشياء وأصواتها له الكثير نضرب الطبول عندما نطرب ونفرح ونفعل الشئ نفسه عندما نغضب ونقرر الدواس!!!!!! ننام على إيقاع ونصحو على آخر

وأواصل على نفس السياق....

الدلوكة

الدربوكة

النقارة

النحاس

وغيرها من الألات الإيقاعية السودانية الجميلة التي تحرك المشاعر....وتهز البدن....ويهبط إيقاعها مباشرة في أخاديد القلب

هي لغة خاصة لتوصيل الرسائل ارتبطت بالزواج والفرح و الحماسة....ويعلن معها ميلاد الفرح.

دقت الدلوكة
قلنا الدنيا مازالت بخير
اهو ناس تعرس و تنبسط
تككت سروالى الطويل
سويتلو رقعات في الوسط
فى خشمى عضيت القميص
أجرى و أزبد شوق و انط
لامن وصلت الحفلة زاحمت الخلق
وركزت
شان البت سعاد


جمّل الله أيامكم
ونواصل...........

Quote: إن التفاؤل روح تسري في الروح والجميع قادرون على صناعة التفاؤل .

يا سلاااااااااااااااااااااااام

Quote: يبقى ما إلك الا......

هيفاولا سموحي ؟

سلومة انا لمحت ليك فوق لحديث قاصدة تخطيه ولا فات عليك ؟

قلت ليك انت بت زعيم لا يعرف .....

المهم راجعي المداخلات وراجعي تناسب ردودك مع مداخلات بعضنا
عطية مزين في الرد بتزيد الجفوة

استاذ الطيب شيقوق....


لك الشكر والتقدير

الاخ الفاضل خالد محجوب....
والشديرات الظليلة العامرة بالود والمحبة وبوست إنجمامة....
متّعك الله بالصحة والعافية.....فقد غرست غرساً طيباً



تقديري دوماً

Quote: شكلو كده الأخ أسعد الريفي أحيا إيقاعات الحنين وقلّب المواجع....

غايتو إنت .... يوم ح تجيبي ضقلها يكركب ... وجع وبس ...... ، الاغنية دي فعلاً لي معها واقع معاش سأعود إليه لاحقاً بعد من إندس من المدام .


مودتي


عماد

الأخ الفاضل عماد محمود....

Quote: الاغنية دي فعلاً لي معها واقع معاش سأعود إليه لاحقاً بعد من إندس من المدام .

تقديري

الأُختُ الرَّاقيةُ / سلمى صُبْحي ..

لكِ التَّحايا المِخْمَليَّةُ

والبابليَّةُ يتْبَعُها تقديرٌ

واحترامٌ أتلَعْ ..

حضرتُ لدارِكِ الوريفَةِ هُنا

والعامِرَةِ طيباً وحرفاً

وأُناساً طيِّبينْ ،

فاستَجْمَمْتَُ فيها منْ رَمْضاءِ

الحُرُوفِ وصهيلِ

الطُّرُقاتْ ،

فكانتْ نعمَ الدَّارُ

الدَّرُورُ ظلاً وعافية ..


.. وإنْ حالفَني الحَظُّ سيكونُ

لي هُنا بعضُ أجزاءِ عَودة ..


دُمْتِ راقيةً وشامِخَة ..

ولازَمَ حَرْفَـكِ الجمالُ ..



أخوك / محمَّد زين ...

الأستاذ القدير محمد زين شفيع
عساك بألف خير...

كم سعدنا بحروفك التي مدادها رونق.....
ونهديك معها كلمات لاتقل عن الورود شذىً...ولا عن الصباح إشراقاً....ولا عن ماء النيل صفاءاً...
فطب بيننا مقاماً....

تقديري

للشعر إيقااااااع

وكما قيل....للشعر موسيقى يصدرها اللسان وتستقبلها الآذان ويعيها القلب

ومع شاعرنا الجميل سيف الدين الدسوقي.....ورائعته امدرمان




ودي

ياخى يا سلمى وين كنت انا ما شفت الجمال دا إلا حسى

داير وقت عشان أستمتع بالمداخلات واحدة واحدة

وبجييييييييييك راجعة لو فى باقى عمر

يالغصن الفي نضورك
ياالبدر الفي خدورك
ومترقب ظهورك

وظهرت يا سموووحة.....
ونوّر البوست.....


منتظرين جيتك....
كل الود

سلومة ازيك

طبعا ما قريت ولا حرف دي رد للفرحة بعودتك حمد الله على السلامة

اكيد بعد ما اقرا حا اجيك تاني حمد الله على السلامة
صفية

Quote: دقت الدلوكة قلنا الدنيا مازالت بخير اهو ناس تعرس و تنبسط تككت سروالى الطويل سويتلو رقعات في الوسط فى خشمى عضيت القميص أجرى و أزبد شوق و انط لامن وصلت الحفلة زاحمت الخلق وركزت شان البت سعاد

اها القافيه الدوش وانعم بهامن قافية
شوفي طرريتا الدوش والدوش الخاطر يجيلو
هاك
طبول بتدق
وساحات لي فرح نور
وجمّل للحزن ممشى
وتمشي معاي
خطانا الالفه.. والوحشه
وتمشي معاي.. وتروحي
وتمشي معاي وسط روحي
ولا البلقاهو بعرفني
ولابعرف معاك روحي

دي طبول في مسرح الدوش وروحو

الأخ الفاضل محمد أحمد محمود....

Quote: طبول بتدق وساحات لي فرح نور وجمّل للحزن ممشى وتمشي معاي خطانا الالفه.. والوحشه وتمشي معاي.. وتروحي وتمشي معاي وسط روحي ولا البلقاهو بعرفني ولابعرف معاك روحي

ولكأني هنا...أسمع إيقاع الطبول...وصوت الخطوة تليها الخطوة....وغناء شجي يسعد الروح.

رحم الله الشاعر المرهف عمر الطيب الدوش....ويا لها من كلمات عميقة عمق حضارة بلادي....رقيقة كرقة نسايم النيل...

كل التقدير

العزيزة د. صفية....


سعيدة بطلّتك الحنينة...
ويا عديلة لمّت شملنا.....
والحبايب دايماً حولنا......


عميق ودي

في ترحالنا واسفارنا في الحياة إيــــقاع يليه إيــــقاع .....

حنسافر في رحلة بين طيات السحاب بس ما وحدنا إنت وأنا....

هنا في القصة دي المليئة بالإيقاع المتنوع حنزيد الذرية الصالحة ( الشفّع )

أخونا ( العبدلله ) مسافر مع أفراد الأسرة والمعنويات عالية ( إيقاع الفرح )..والشنط مغطياهم من كل جانب...لاقاهو (رفيق ) رأف بي حالو.....بابا شيل شنطة؟.....يا سلام عليك يا رفيق الله رسّلك....رد رفيق: ما في مشكل، أنا واجد حبي سوداني نفر....كلو زين ( إيقاع حنين من جانب رفيق )....بابا : نعم يا رفيق...هذا كلو شنطة مالك؟؟؟ ( إيقاع عفوي )....وإنت مالك!!!! ( إيقاع ساخن شوية )....وصلوا البوابّة...خلاص بابا أنا في سيير...معروفة داير شنو !! كلينج كلينج ( صوت العملة ) برضو إيقاع....
العبدلله وافراد الأسرة دخلوا الصالة، وبدون سابق إنذار، الشفّع: جعنا، نعسنا....الخ ( إيقاع روتيني نوعاً ما )...والإجراءات الأخرى ....وزن الشنط...الجوازات....والعبد لله أصبح جراف التحمل لدية في العد التنازلي....تلتها محاولة للاستكانة والهدوء في صالة الانتظار استعداداً لركوب الطائرة....

إيقاع آخر للجسد لكسر الروتين ( استراق النظر ) رادار يعني.....استراق السمع.....سمّاعات مثلاً.....وكل ذلك لحين ميسرة وإعلان الصعود للطائرة....الشفّع ناموا والعبدلله تمتم: غايتوا الصبر...ولم يوقف زمجرته إلا إطلالة امرأة حسناء تسّر الناظرين ، دخلت كالفراشة لتستقر بين المسافرين، فانقلب إيقاع العبدلله من إيقاع ساخط إلى لحن حالم هادئ أعاده زمناً إلى الوراء...وصار يدندن...أنا من صفاك مسحور بالله انت ملاك ولا من حسان الحور...استكانت نفسه وأيقن إن بعد العسر يسرا....
ولكن،،،،،،،
إيقاع سريييييييع كدوي الرعد....( هووووووووي ) بتعاين ويييين؟؟؟....وما بين طرفة عين وإنتباهتها يغّيّر الله من حال إلى حال...فصار صاحبنا يردد ، الروح تروح ما مشكلة...البيفكني من الزولة دي شنو، هسي دي المشكلة !!!!
فتحول إيقاعه إلى إيقاع فلسفي لإقناع أم الأولاد بأنه كان ينظر الى الشاشة ( الفيها زمن المغادرة والوصول )....لكن على منو!!!!!!......الزولة ولا كلمة بعدها....فساد إيقاع صامت ....المهم الحاجة الوحيدة المصبّرة العبدلله انه قرّب يطلع الطائرة وحينوم....وما هي إلا لحظات وسمعوا صوت إعلان آخر...ولسه ما كمّلو...وقف استعدادا لإنهاء هذه القصّة..ولكن،،،،،،عندما سمع باقي الإعلان لم يصّدق....سأل الزول الجنبو....يا أخينا الزولة دي قالت شنو؟؟؟؟....قالت ليك: عفواً أيها السادة الركّاب الطائرة ستتأخر لظروف فنية طارئة.....
وطبعاً في هذه الحالة عارفين كيف بيكون إيقاع أخونا العبدلله ، والمدام الأصلاً كاتمة.

ودمتم ساااااااااااااالمين

الاخت الجميلة سلمى اهديك اجمل ما احببت من اغاني

الأستاذ الفاضل الطيب شيقوق....

يا لعذوبة اشعار اسحق الحلنقي ....ونهديك منها قصيدة كلها إيقاع...

صدق أمس ..
شفت الشمس
بضوى فى حفلة عرس
وطبعا ده اصلو المستحيل
تطلع شمس والدنيا ليل
لكن وحات وطنى الجميل
والخضره والظل الظليل
شفت الشمس بعيونى ديل
فى الحفلة بتغنى وتشيل
شفنا العريس قام قوًمها
حلف عليها وخصمها
بس رقصة واحدة تقدمها
واتدللت متبسمه ...
قامت عزيزه مكرمه ..
وبى خطوه حالمه منغمه
الخطوه جات متقسمه
خلت قلوبنا مقسمه ..
دى هديه جاتنا من السما
وحفلتنا بيها .. بنختمها

وتقديري دوماً

ودي ليك انت شخصيا يا سلومة الجميلة

تسلم يا استاذ الطيب...

كل التقدير

اختي سلمي سلام
بما اني احب الشعر واتذوقه
واعترف باني لا اجيده
ولهذا متابع لما تكتبون باعجاب
خلوني جالس بينكم

مرحب بيك أخ العوض ....
والمقصود هنا ليس إيقاع الشعر فقط بل كل إيقاع موجود في هذه الحياة....ولك أن تختار وتتحدث عن أي نوع من الإيقاع.... فلتشركنا معك....

وطب مقاماً بيننا


تقديري

وفي كلامنا نحن السودانين، الكثير والكثير من الإيقاع

الشعب السوداني مشهور بشكل عام بإستخدام المؤثرات الصوتية ذات الإيقاع المختلف، لما يجي يوصّف أو يحكي عن موضوع معين...بصراحة ما بعرف الإخترعا منو !!

خلونا نتناول مثلاً....

(اييييييييييييك ) أو( عييييييييييييك )... لما نقول فلان مشى بعييد أو الحاجة دي كبيرة خلاااص.

( وردلوووب )....للحاجة البتقع

( وروروووووك )...... للتهويل

( هوووووووي ) ....للتحذير والترعيب

وكمان....تووووش... وررررر....نق نق نق نق

وكيف ننسى

هيييييييييييييييع

وهيييييييع دي غايتوا متهيألي إخترعا عضو في البورد...

فاصـــــــل:
الحقوق محفوظة لأصحاب المصطلحات في البورد....وللأخ الفاضل محمد البشرى الخضر العمل بوست عنها..

والعندو إضافة للمؤثرات الصوتية السودانية الأخرى يكتبا لينا....

.....

من إيقـــــــاعات المنتديات....

و هلا هلا هلا لما تجي تشكر واحد او تتذكر امجاد واحد

وكر كر كر (بضم الكاف وتسكين الراء) - عند الحرم

واجي اجي اجي - عند الحريم

واللييييييييييييييييييييييلة - للتخويف

وبرئي بريئ - عند الحريم

وهييييييييييييييييييع دى عند منو سلومة؟

Quote: وهييييييييييييييييييع دى عند منو سلومة؟

كثر استخدامها في الآونة الأخيرة من كل من.....

سمووووحة

خالد المنسي

أيمن الطيب

وتاني ما بتذكر

Quote: وتاني ما بتذكر

مبااااااااااالغة

بالمناسبة سموحي في مداخلة من مداخلاتا قالت لى اجازي محنك يا استاذ الطيب كلامك الفي البوستات بقيت اقولوا بصورة لا ارادية مع ناس البيت حتى هييييييييييييع .

قلت ليها هيييييييييييع

الباقي نسمع هيع منكم سلومة

Quote: الباقي نسمع هيع منكم سلومة

بلداً مافيها التمساح بقدل فيها الورل
تسمع الطرش اللقدد إضنيك

Quote: بلداً مافيها التمساح بقدل فيها الورل تسمع الطرش اللقدد إضنيك

ضحكتني يا سجم الرماد جاي ناطي من فييييييييييين

Quote: ضحكتني يا سجم الرماد جاي ناطي من فييييييييييين

نحن أجدادنا اكتر من علم بينين
ونحن قلوبنا من فولاذ حديد مابلين



نحن بنحرس حمامة سلااامنا ونموت حداها

ولك التحية بنت شندي العامرة

Quote: الباقي نسمع هيع منكم سلومة بلداً مافيها التمساح بقدل فيها الورل تسمع الطرش اللقدد إضنيك

يا المنسى وشيقا,,,,,,,,دا ما نقل الصراع لساحات جديدة البقولوه زااااتو
نحن ما نعرف اول الورل منو والتمساح منو
______________________________________________________________________________
سلامات يا سلمى(الأخت الفاضلة)لزوم الرسميات وكده

إيقاع من أهل الإيقاعات وعبدالقادر سالم إنسان مسكون بكل
إيقاعاتنا وهو فى نفسه عبارة عن نغم ولحن يمشى على الأرض,,

تميز الغرب بتنوع إيقاعاته جرارى ومردوم ودليب وكمبلا ,,إلخ,,وإليك يا سلمى هذا اللحن الخالد,,

دمتم ودامت لمة شملكم ورقص الحبايب حولها,,,,

الأخ الفاضل أيمن الطيب....

صباحك ومساءك خير...

Quote: إيقاع من أهل الإيقاعات وعبدالقادر سالم إنسان مسكون بكل إيقاعاتنا وهو فى نفسه عبارة عن نغم ولحن يمشى على الأرض,, تميز الغرب بتنوع إيقاعاته جرارى ومردوم ودليب وكمبلا ,,إلخ,,وإليك يا سلمى هذا اللحن الخالد,,

التحية للفنان عبد القادر سالم فهو قامة إبداعية ولقد اثارت اعماله الفنية الانتباه وتفاعل معها الاوروبيون والآسيويون والافارقة..ويا لجمال الإيقاع في كل ربوع بلادي....شرقها وغربها ..شمالها وجنوبها.

تقديري لهذه المشاركة القيّمة....

ويا عديلة لمّت شملنا...

وسط زخم الإيقاعات دا يا اختنا سلمى لقيت الحتة دي

Quote: والعندو إضافة للمؤثرات الصوتية السودانية الأخرى يكتبا لينا....

فحبيت اساهم بالمشاركة دي من الإرشيف في موضوع قريب إلى حد ما
Re: الونسة سودانية و بمزاااااااج

Quote: لمؤثرات الصوتية الوناس او الحكاي لا تكتمل متعته أو متعة مونسيه - بفتح النون - إلا باستخدام المؤثرات الصوتية المصاحبة للحكي لتقريبها المعنى المقصود و تعيش المستمعين في جو القصة يقوليك - أداهو كف تاااااااح صنة ليه أضانو - تن تن تن اتخمخمنا مشينا - زيييييييط فتحت باب العربية و ركبت - دخلنا تووووووووش - فرترب تلب الحيطة - وقع ببببب - كرنقو شات ليك الكورة تييييييييييف قنبلة جوة الشبكة - اداهو عكاز في نص راسو كععععععع - جب جب جب زعطنا ليك الصينية في دقايق - فوووووووو جا ماشي ليك فينا - كو كرو قفل الباب بالمفتاح - شوووووووو صبت فينا المطرة او نحوهن

لي عودة لحال صاحبنا في المطار - من بعد دخول الحسناء - لي تجربة تستحق الحكي

الأخ الفاضل محمد البشرى الخضر....
تحيات طيبات كثر.....
مشاركة مفعمة بالمؤثرات الصوتية...
وفعلاً في مجتمعنا السوداني الكثير والكثير من الإيقاع....وتقريباً ما لاقاني شعب بيوّصف بكل هذا الإخلاص لتقريب المعنى الا الشعب السوداني

Quote: لي عودة لحال صاحبنا في المطار - من بعد دخول الحسناء - لي تجربة تستحق الحكي

نتتظر عودتك...


أطيب الأماني
تقديري دوماً

اختي سلمي سلام

عارفه يا عزيزتي نحن الناس القديمين خالص
يعني لوسمعنا النحاس ودقاته ممكن نعمل اشياء لاتخطر ببالك
وكمان ايقاع النوبه في حلقات الذكر ما اطيبها
والطار الذي يحمله المداح ويحولون الكلمات البسيطه الي ايقاع ياخذ لب المحب
ولكن
في فترة الخطوبه والحب الاول كنت انتهز فرصة المناسبات لاتمتع برؤية الحبيبه
وكنت اتخيل مصطفي سيد احمد يقصدني بهذه الكلمات :
وبقيت اعاين في الوجوه
بفتش عليك وسط الضباب
بدون اتوه
يمكن الاقي البشبهك

Quote: نحن ما نعرف اول الورل منو والتمساح منو

عقل وفهم ات قائل بتتخم ليك يا منسي

Quote: يا المنسى وشيقا,,,,,,,,دا ما نقل الصراع لساحات جديدة البقولوه زااااتو نحن ما نعرف اول الورل منو والتمساح منو

أيمن الطيب يا طيب ومباري فوكس ( دا شيقوق )
التمساح راقد محجر معالي النيل .. شفتا ليك تمساح
في الدندر

وتاني التمساح بقول

نحن جدودنا أظهر من علم بينين
ونحن قلوبنا من فولاذ حديد ما بلين
ونحن العند عروضنا لُؤام وجبارين
بعرفنا الصبر يا الملكة صبراين

نقل الصراع لابد منه أتأمن الثعلب علي الدجاج

حراسة لازم وعين ساهر وأمن مستتب

Quote: حراسة لازم وعين ساهرة وأمن مستتب

يا خالد مع المشروع الحضارى المزعوم كان فى مشروع
موازى إسمه مشروع بسط الأمن الشامل ,,,,(أيضا فشل)
وهو عبارة عن كشك عامل زى الساروخ كده,,,
وبداخله عدد إتنين عسس,,,حارسين منو ما عارف,!!!,

شعارك الفوق دا والله ذكرنى سوق محطة اربعة فى بُرّى ,,,
حيث الأهل والأخوان والجيران,,,
ناس شيقا ديل محتاج تسوى ليهم حرس حدود عشان نحاصر
التمرد وكده,,,
يا سلمى الكلام ده على إيقاعات موسيقى الشرطة
عشان ما تقولى خرجنا من الموضوع وفحطنا بالبوست

مودتى,,,

منسي

Quote: وتاني التمساح بقول نحن جدودنا أظهر من علم بينين ونحن قلوبنا من فولاذ حديد ما بلين ونحن العند عروضنا لُؤام وجبارين بعرفنا الصبر يا الملكة صبراين نقل الصراع لابد منه أتأمن الثعلب علي الدجاج حراسة لازم وعين ساهر وأمن مستتب

يا اخونا بت صبحي عايزة النغم الكلمة الجميلة شنو راكبين بوستيها تماسيح وثعالب وورائل ( سلمى دى جمع ورل )

الأخ الفاضل أيمن الطيب...

Quote: يا سلمى الكلام ده على إيقاعات موسيقى الشرطة

بالضبط كده....والشرطة في خدمة الشعب

وياسلمى
صباح الورد
وده حبيبو فى الامانى العزبه كمان

" target="_blank">

الأخ الفاضل سامي عتباني
يسعد صباحك...





ياااااالها من مداخلة يا أخ سامي....
لهذه الأغنية مساحات ومساحات من الإحساس فلا نكل ولا نمل من سماعها
تقديري لهذا الإختيار الراقي

الأستاذ الفاضل العوض المسلمي...
عاطر التحايا..

Quote: عارفه يا عزيزتي نحن الناس القديمين خالص يعني لوسمعنا النحاس ودقاته ممكن نعمل اشياء لاتخطر ببالك وكمان ايقاع النوبه في حلقات الذكر ما اطيبها والطار الذي يحمله المداح ويحولون الكلمات البسيطه الي ايقاع ياخذ لب المحب

التحية لناسنا كما ذكر الاستاذ محمد المرتضى حامد في بوست ناسنا....
ودايماُ بقول هم عبق الماضي وريحانة الحاضر...

Quote: بفتش عليك وسط الضباب بدون اتوه

كويس انك شفت وسط الضباب وما تهت يا استاذ العوض...

ما أجمل ما تخيّرت يا استاذ العوض....إيقاع النوبة....ودق الطار بيد المداح، عالم يأخذك بعيداً حيث لا كائنات
تمر....ولي عودة مع هذه الإيقاعات الجميلة.

ونهديك هذه المدحة بصوت الجيلي الصافي....



تقديري دوماً....

مشكوره اختي سلمي علي الهديه
وفعلا المديح يرد الروح ويسمو بها الي سموات عليا

ومصنقر بعاين في ابداعاتكم

حمامتنا

جينا نشارك بايقاع حروف اسمك:

حروف اسمِك

جمال الفال

وراحة البال

وهجعة زول بعد ترحال

وتنّية حلوة للشبال

ودنيتنا ومشاويرنا

وغنواتنا الى ما بتِنقال

حروف اسمِك

نجوم ركّت على الياسمين

فرح فى عين جمالها حزين

أساور فى إيدين طفلة

بتحفظ فى كتاب الدين

زَفَافَ عاشقين بعد فرقه

وسط باقات دُعَا الطيبين

حروف إسمِك

عقد منضوم بخيط النور

وطلة وردة من السور

ونغمة تنادى من طمبور

وشُعلة فرحة فى الوادى

تَشِع جَذلانه ليها شهور

حروف إسمِك

وَكِت أشتاق وأرحل ليك

وأسرح فى عسل عينيك

بِتَحضِنّىِ......

قَبُل ألمسَ حرير إيديك

تأرجِحنى..وتَفَرحنى..وتخلينى

أدُق سدرى

وأقيف وسط البلد واهتف

بريدك يا صَباح عمرى

سموحة....
ما اجمل طلّتك و جيتك....

Quote: تَفَرحنى..وتخلينى أقيف وسط البلد واهتف

ما تغيبي....

ولاسباب كتيييييييييييييرة !!

إشارة واضحة سعادتك ذي ما قال أيمن الطيب...


كل الود

استاذ الطيب شيقوق

خالد المنسي

أيمن الطيب

بمناسبة

Quote: التمساح

تلقوه هنا بي كثرة في إيقاع العرضة والدوبيت ده

Quote: يا اخونا بت صبحي عايزة النغم الكلمة الجميلة شنو راكبين بوستيها تماسيح

للضرورة أحكاااااااام....

سلومة

Quote: تلقوه هنا بي كثرة في إيقاع العرضة والدوبيت ده

حيرتينا والله حضارة ومدنية وبداوة الله يخليك امتعتينا
بالمناسبة ديل اهل الملكة بت طلحة البطاحين

شكرا ليك ملايين

Quote: ديل اهل الملكة بت طلحة البطاحين

التحية والتقدير للاستاذه سمية الحسن طلحة وكل أهلها.....

بحق نفتقدها

وانا بضيف هِنا إيقاع زمنِك الصاح يا سلمى ..

حتى مِن ما هو مُكرر .. بتخلقي حاجة مُميّزة ..

تقديري يا سلمى

الأخ عبدالرحمن عبدالله...
ود الجيران سابقاً
عساك بألف خير...

شكراً لكلماتك الطيبة....


تقديري

Quote: بلا شك لكل واحد منّا تصوّر لمعنى الإيقاع بكل أنواعه وفنونه، وكم تأثرنا بنظرة.... بصوت....بكلمة....بلوحة.....بأبيات شعر....أو حتى بأغنية....وكان ذلك بمثابة الشرارة التي أنطقت السكون وهيّجت الشجون....فيطلق بعدها الصمت صهيلاً.....والشتاء هديلاً.

وفي النظــــــرة إيقاع....

ولتأثيرها سحر عجيب ينعكس على الآخرين فيولد الإبداع .

فنجد مثلاً الشاعر التجاني حاج موسى قد عبّر عن ذلك في قصيدته ...." شقا الأيام "

شقا الأيام وسهر الليـــل
وآهاتـــــــى الحزاينية
ملازمنى ...
من يوم شفت عيونك الحلوة
ويومها عرفــت كيف العين
مكامن ريد وجرة نمة من دوبيت
ضراعة فاتحة يوم العيد
فرح أطفال وأهازيج زار
ونقرة طـار وبحة نــاى
حزين غناى ترانيم غنوة دينية

***
براى والليل وأهاتى الحزاينية
بيغشاني النعاس مرات
وطيفك يمر يغافلنـي
يبدل حزني اشراقـات
وأبداء معاك غناوى الليل
وأغالب الدمعة مابيه تسيل
أتــارى الليل كمل كـلو
عيونك مــرة لـو طلو
يزول كـل الوجع وأرتاح
وأغرد زى كنــار صداح
وتبقى الدنيا فى عينى
أزاهر وغيمــة وردية
ولو سلمت مرة علـى
سلامـك ليا عيدية

.....

Quote: براى والليل وأهاتى الحزاينية بيغشاني النعاس مرات وطيفك يمر يغافلنـي يبدل حزني اشراقـات وأبداء معاك غناوى الليل وأغالب الدمعة مابيه تسيل أتــارى الليل كمل كـلو عيونك مــرة لـو طلو يزول كـل الوجع وأرتاح وأغرد زى كنــار صداح وتبقى الدنيا فى عينى أزاهر وغيمــة وردية ولو سلمت مرة علـى

مباااااااااااااااااالغة والله.....

شايف عجباك هذه الأغنية يا حمامة السلام
حبيت أهديك إيها علها تنال إعجابك
وإعجاب كل الزوار عدا شيقوق

Quote: وإعجاب كل الزوار عدا شيقوق

بالعكس انا جننتني عديييييييل ولو سمعها المرتضى بجيك ناطي هسع
الرطانة مسطحون .

Quote: شايف عجباك هذه الأغنية يا حمامة السلام حبيت أهديك إيها علها تنال إعجابك

الأخ الفاضل خالد محجوب....

كم اسعدتنا أسعدك الله....
قد دندنّا بابيات هذه القصيدة الرائعة قبلاً تحت الشديرات الظليلة..
وهي هدية قيّمة...فلك الشكر والتقدير

الرائعة دوما والمتألقة سلمي
لم أجد خير من كلمات الرائع أبوصلاح لتعبر لك عن تقديري وإحترامي...
أهديك هذه الكلمات ولك أن تختاري بأي صوت تحبي أن تسمعيها..


يا سمــــــــيري بنظرتك أوفي الميعاد
العــــــــــــــــــيون الشافتك ما أسعدا
من هواك أنا جسمي دائماً في ارتعاد
أما نومــــــــــي الفرُ ما منظور يعـاد
يكفي وجدي ويكفي هـــــجري والبعاد
رق وجود وانظر لحـــــــالة قلبي عاد
لو رضـــــــاك ينجز حظوظي يساعدا
...................
يا نســـــــــــــيم نومي قلُ وزاد عناد
أستـــــــــــــــعد أصبح عليك الاستناد
أجتــــهد في السـرعة زي قدح الزناد
تلقي سيُاف لحـظو صاحي وطرفو ناد
احتفــــــــــــــــــلبو ولف بثوب الندي
................
قولو يا المكـــحول طبيع من غير تماد
يا أب صديراًً شال ثمارو وخضرو ماد
يا المحــــــجب في الغرف ذات العماد
لو لـــحاظ عينيك صدف راسي الجماد
غــير شك دك الحـــــــــــجارة وهمدا
...........
ليل طــــــــــال عتُم نشر ثوب الحداد
من نجـــــــــومو اتوشح الدرر الجداد
طــــــــــــرفي ساهر يتلو أيات الوداد
الشـــــــــــجر أقلام جميع والنيل مداد
لــــــــــــو كنت أشواقي ليك ما عددا

العزيزة نهى محسن أبو راس
العــــــــــــــــــيون الشافتك ما أسعدا
وسعدنا بوجودك بيننا....
لنعم ما تخيّرت من أشعار للرائع أبو صلاح رحمه الله...كم تنساب هذه الكلمات إلى المسامع وتسيل المدامع...
اعدتينا للزمن الجميل يا نهى ...وكيف لناأن نمر دون أن نوفيه ولو جزءاً قليلاً مما أعطى...




شوف العين قالت ده لا لا
صدت من تيها ودلالا
ريدتك ساكنة الجوف خِلا لا
والأعضاء امتزجت خِلالا
وبراق سنك شقَّ لالا
ولحظك صاب أحشاي قلالا..
_____

السيوف ألحاظك تشهرا
على الفؤاد المن بدري انهرا
أخفى ريدتك مرة و اجهرا
نار غرامك ربك يقهرا

وشوفي المقطع ده الكلو إيقاع

جلسة يا أبو الحاج أتذكرا
و رنة الصفارة أتفكرا
"وهبة " بى مزيقتو اتحكرا
كم طرب أفكارنا و اسكرا
وغيرها الكثير ممن لم يمحيهم النسيان ولكن استقرت وتأصلت في الوجدان

رحمه الله

ودي وتقديري دوماً وأبداً لك نهى

أختنا الفاضلة سلمى....
تحية طيبة الإيقاع
ولأن الإيقاع في كل شيئ - كما تفضلتي - ولأن للحياة نفسها إيقاع
خليني انظِر من زاوية تانية
ماذا لو اختل هذا الإيقاع لأي سبب؟
وما هو تأثير إختلال احد إيقاعاتك على الباقي؟
وهل ستستسلم للإيقاع المختل ام تعمل على إلغائه؟
كيف نستعدلو تاني؟
وأصلا هل من المجدي استعادته ام البحث عن ايقاع جديد؟
وهذا الجديد هل ستعتاد عليه بسرعة ام تحتاج فترة للخروج من زمن الإيقاع القديم؟

وغيرها و غيرها
اسئلة - تنظيرية - ولدها إختلال احد إيقاعاتي اليومية و اللتي لا بديل لي عنها
ولا خيار امامي - على الأقل حاليا - غير إعادة إيقاعي لما كان عليه

الحبيبة سلمى...

سارقص معك هنا على ايقاع الامل.. الحلم بعالمٍ سعيد....

ماذا لو كان الكون بلا احزان؟؟

افراحٌ تحتضن الضحكات...

وجمالٌ تسكره البسمات...

اهات تطلقها الاشواق...

لحبيب من بين الاحضان...

ازمانٌ نمشيها هوينى...

ودروبٌ تختصر الاوطان...

ازهارٌ تشرق باسمة...

والنحل يقبلها بحنان...

قطراتٌ من طل تسقط...

لتغازل وارفة الاغصان...

انهارٌ ترحم رقتنا...

فيحن الموج على الشطان...

اااااااه يا قلبي لا تحزن...

احلامي مطايا للنسيان...

اسرجها ساعة احزاني...

كي لا انسى أني انسان...

رشا حاتم...
صباحك ومساك إيقاع ملئ بالسعادة....

Quote: افراحٌ تحتضن الضحكات... وجمالٌ تسكره البسمات... اهات تطلقها الاشواق...

يا سلام يا رشا....خليتينا

Quote: نرقص معك على ايقاع الامل.. الحلم بعالمٍ سعيد....

كل الود..

الأخ الفاضل محمد البشرى...
يسعد مساك
وأنا حاجاوبك بس ....

Quote: حانظِر من زاوية تانية

Quote: ماذا لو اختل هذا الإيقاع لأي سبب؟

ان شـر النفـوس نفـس يـؤوس **** يتمنـى قبـل الرحيـل الرحيـلا
هو القدر...فعليك بالإيمان....والرضا....ثم الأمل
وقبل كل شي تذكّر هنا بان الله قد قربّك اليه ويحب أن يسمع دعاءك...
ومن يتّق الله يجعل له مخرجا...

Quote: وما هو تأثير إختلال احد إيقاعاتك على الباقي؟

ويرى الشوك في الورود ويعمـى **** ان يـرى فوقهـا النـدى اكليـلا
هو عـبء علـى الحيـاة ثقيـل **** من يرى في الحيـاة عبئـا ثقيـلا

Quote: وهل ستستسلم للإيقاع المختل ام تعمل على إلغائه؟ كيف نستعدلو تاني؟

والـذي نفسـه بغـيـر جـمـال **** لايرى في الوجود شيئـا جميـلا

Quote: وأصلا هل من المجدي استعادته ام البحث عن ايقاع جديد؟

فذلك يعتمد على أهمية الإيقاع السابق....أو نسيانه والبحث عن إيقاع جديد

Quote: وهذا الجديد هل ستعتاد عليه بسرعة ام تحتاج فترة للخروج من زمن الإيقاع القديم؟

هو التفاؤل...والنظر الى نصف الكوب المملوء وليس الى النصف الفارغ..متبوعاً بالإصرار والعزيمة
ألم تنشد قبلاً..... بي ريدنا طوّعنا الظروف تاني الزمن ما منو خوف..
وتلف اللفة دي كللللللها وتلقى المهم.....قربك من الله عز وجل....

وقريباً هنأناك على مقدم زائر لطيف...إيقاع لصوت طفولي جميل

آية....
تأمل في هذه الهدية التي غيّرت ليك إيقاع الحياة...الى إيقاع الفرح
ربنا يحفظ حتوت وآية....
وغداً أجمل

تقديري دوماً

سلمى جيناك نتفقدك بس وعشان تعرفوا البيت لما كبيروا يغيب ناسو بيتشتوا ايدي سبا

المهم نحن في انتظار كبيرنا الرطاني عشان يجمع شملنا ونواصل مسيرة الكفاح

وانت يا سلمى شغالة كويس خالص يبدو حتستقطبي لينا مزيد من الرواد الجدد .

استاذ الطيب عمت مساءاً
وإيقاعك إيقاع هادئ بدون بلاغات...

وإحنا مش قلنا يا عديلة لمّت شملنا...فمرحباً بكل زائر...والله يجمعنا جميعاً على الخير والمحبة

Quote: نحن في انتظار كبيرنا الرطاني

وين إختفيت يا عمو أبوبكر ؟؟؟؟



....

Quote: وإيقاعك إيقاع هادئ بدون بلاغات...

مرتاح بغياب السجم ديلاك كرهوني المنبر ده ذاتو

Quote: وإحنا مش قلنا يا عديلة لمّت شملنا...فمرحباً بكل زائر...والله يجمعنا جميعاً على الخير والمحبة

مرحب بيهم يكتبوا اى كلام بس ما يخاطبوا سموحي - دى منطقة عسكرية ممنوع الاقتراب والتصوير يا سلومة .

Quote: وين إختفيت يا عمو أبوبكر ؟؟؟؟

بلاء وانجلى .

Quote: ان شـر النفـوس نفـس يـؤوس **** يتمنـى قبـل الرحيـل الرحيـلا

Quote: والـذي نفسـه بغـيـر جـمـال **** لايرى في الوجود شيئـا جميـلا

سمعتك انضربت اسفيريا يا عمك

حاول تعمل ليك ايقاع سريع بالله, ارقص ان شاء الله كرجاكة يااااخ






يا سلمى ياااخ عمنا دا زول متفائل وكدا بس كان عاوز يلقى ليو مدخل للايقاعات دي وشكلو جلا منو

هسي حيحاول مرةً اخرى

رشا مساءك خير...

Quote: يا سلمى ياااخ عمنا دا زول متفائل

أكيد لأنو استنتجنا ذلك من..

Quote: ولا خيار امامي - على الأقل حاليا - غير إعادة إيقاعي لما كان عليه

Quote: وشكلو

جات صاح...عارفا ليه...لأنو قال

Quote: اسئلة - تنظيرية

وتحياتنا لي الأخ الفاضل محمد البشرى....

وللإبتســـــامة إيقـــــــــاع

فمن طرائف العرب....

- حكي أن بعض المشايخ كانت له زوجة سليطة اللسان وهو صابر عليها .. فلما كان في بعض الأيام ، أخذ المصحف الشريف على عادته كي يقرأ .. وعندما فتحه مباشرة وقع بصره على الآية..(يَا عِبَادِ لا خَوْفٌ عَلَيْكُمُ الْيَوْمَ وَلا أَنْتُمْ تَحْزَنُونَ . الَّذِينَ آمَنُوا بِآياتِنَا وَكَانُوا مُسْلِمِينَ . ادْخُلُوا الْجَنَّةَ أَنْتُمْ وأَزْوَاجُكُمْ تُحْبَرُونَ) ، فوضع المصحف من يده على كرسيه ثم قال : اللهم لا تفعل ، اللهم لا تفعل ، اللهم لا تفعل ، أسألك بهذا الكتاب العزيز ، وبكل كتاب أنزلت ، وكل نبي أرسلت ، اللهم لاتفعل .. وجعل يقسم على الله تعالى.

فقالت له زوجته : ما بك يارجل ؟ وماالذي دهاك ؟ فإني أراك تقسم على الله – سبحانه وتعالى – بهذه الأقسام ..؟
فقال : ياأمرأة ، وكيف لا أقسم وقد قال الله – عز وجل - ( أَنْتُمْ وَأَزْوَاجُكُمْ تُحْبَرُونَ) فإنني في هذه الدنيا التي هي ساعة لا أقدر أن أقاسمك فيها ، فكيف يكون في دار الأد الأزلي ؟

ــــــــــــــــ
وحكي أيضاً عن بعض الصالحين أنه كانت له زوجة ، وكانت أيضاً سليطة اللسان عليه ، وكانت تبتليه بأشد البلاء فلما ماتت ، وقف على قبرها وقال :
أشهدوا علي رحمكم الله أنها طالقة مني ثلاثا ً ؟
قالوا : ويحك إنها قد بانت منك ، وهى طالقة منك شئت أم أبت ، فما يحتاج إلى ذكر ذلك ؟
فقال : بلى ، خيفة أن تكون زوجتي في الجنة ، فإني لقيت منها في هذه الدنيا إبتلاء ً شديدا ً ، والله سبحانه وتعالى – أكرم من أن يعذبني بها في الدنيا والأخرة .

.

في جنبيا مطبوع إسمو
وفي عينيا صورة وشمو
أحب ألقاهو واتمناهو
اسمع مني معنى غناهو
لو بي سهامو قلبي يقسمو
لا يمكن أبوح بي اسمو


......................
أحبك حبي لي العافية
كمان ياسيدي وحياتك
أحب فيكَ الحياء الفطري
وأذوب من حالي صيحاتك
إذا في حبكم ضعتا
إذا أقبر في ساحاتك
وأكون للحظ دوام شاكر
وأقبّل أمتى راحاتك

مودتي وتحياتي حمامة السلام سلمة الفاضلة

Quote: - حكي أن بعض المشايخ كانت له زوجة سليطة اللسان وهو صابر عليها .. فلما كان في بعض الأيام ، أخذ المصحف الشريف على عادته كي يقرأ .. وعندما فتحه مباشرة وقع بصره على الآية..(يَا عِبَادِ لا خَوْفٌ عَلَيْكُمُ الْيَوْمَ وَلا أَنْتُمْ تَحْزَنُونَ . الَّذِينَ آمَنُوا بِآياتِنَا وَكَانُوا مُسْلِمِينَ . ادْخُلُوا الْجَنَّةَ أَنْتُمْ وأَزْوَاجُكُمْ تُحْبَرُونَ) ، فوضع المصحف من يده على كرسيه ثم قال : اللهم لا تفعل ، اللهم لا تفعل ، اللهم لا تفعل ، أسألك بهذا الكتاب العزيز ، وبكل كتاب أنزلت ، وكل نبي أرسلت ، اللهم لاتفعل .. وجعل يقسم على الله تعالى. فقالت له زوجته : ما بك يارجل ؟ وماالذي دهاك ؟ فإني أراك تقسم على الله – سبحانه وتعالى – بهذه الأقسام ..؟ فقال : ياأمرأة ، وكيف لا أقسم وقد قال الله – عز وجل - ( أَنْتُمْ وَأَزْوَاجُكُمْ تُحْبَرُونَ) فإنني في هذه الدنيا التي هي ساعة لا أقدر أن أقاسمك فيها ، فكيف يكون في دار الأد الأزلي ؟ ــــــــــــــــ وحكي أيضاً عن بعض الصالحين أنه كانت له زوجة ، وكانت أيضاً سليطة اللسان عليه ، وكانت تبتليه بأشد البلاء فلما ماتت ، وقف على قبرها وقال : أشهدوا علي رحمكم الله أنها طالقة مني ثلاثا ً ؟ قالوا : ويحك إنها قد بانت منك ، وهى طالقة منك شئت أم أبت ، فما يحتاج إلى ذكر ذلك ؟ فقال : بلى ، خيفة أن تكون زوجتي في الجنة ، فإني لقيت منها في هذه الدنيا إبتلاء ً شديدا ً ، والله سبحانه وتعالى – أكرم من أن يعذبني بها في الدنيا والأخرة .

سلومةصباحك ورد:

ممكن انقل الحكي الحلو ده لبوست بلاغ ضد زوجتي او بوست احلى كلام بين زوج وزوجة؟

.

استاذ الطيب
يسعد صباحك....

Quote: ممكن انقل الحكي الحلو ده لبوست بلاغ ضد زوجتي او بوست احلى كلام بين زوج وزوجة؟

طوالي يا استاذ الطيب...

الأخ الفاضل خالد المنسي...

شعر غنائي يفيض إحساساً

تشكرات كتيرة....
وتقديري دوماً

وللرقــــــص إيقـــــــاع



Riverdance - Reel Around the Sun



Flamenco

سلومة

Quote: تشكرات كتيرة....

الجارة سمّاعة اوع من التنقيط

نحن نلمحها بالقريحة بس يا صبوحي

استاذ الطيب ...
انشاء الله طيب.....

وطييييب ....
دي الكتبا منو؟؟؟

Quote: مبااااااااااااالغة والله.....

أنا بقصد دي...

Quote: .....

Quote: أنا بقصد دي...

اختاري واحدة سريع او بقبّل عليك زى سماح سلو وانت اصلك ما زايدة ليك من حمرة عين تاني عييييييييييييييييييييييك .

الحمامة تحمل سلامنا
سلاااام وتحية طيبة

إهداء لك يا رائعة يا من تهوين الجمال أين وحيثما كان
يا لحاء لجذع شجرة اصلها ثابت متخم بالجمال والفن يفوح
الحرف منه نضرة ... لك يا سلمى صبحي الفاضلة كلمات أظنها
خرجت للملئ من عصارة عواطف جياشة إجتاحت أحد شعراء بلادي
الحبيبة في لحظة فراق .. الشاعر الجميل عليه ألف رحمة
من الله .. الشاعر صلاح أحمد إبراهيم

ولك مني التحايا

ليت لي إزميل فِدياس
وروحاً عبقرية
وأمامي تل مرمر
لنحت الفتنة الهوجاء
تمثالاً مكبر
يا مريا

وجعلتي الشعر كالشلالِ
بعضاً يلزم الكتف
وبعضاً يتبعثر
وعلى الأهداب ليلاً يتعثر
وعلى الأجفان لُغز لا يفسر
وعلى الخدين نور يتكسر
وعلى الأسنان سُكر
وفماً كالأسد الجُوعان زمجر
يرسل الهمس به لحناً معطر
ينادي شفة عطشى
وآخرى تتحسر
وعلى الصدر نوافير جحيم تتفجر
وحِزام في مضيق
كلما قُلت صغيراً
كان الخِصر أصغر
يا مريا

ليت لي إزميل فِدياس
وروحاً عبقرية
كُنت أبدعتك يا ربة حسني
بيديا
يا مرية

ليتني في قمة الاُولمبي جالس
وحواليّا العرائس
وأنا في زروة الأوهام بين الملهماتي
أحتسي خمرة باخوس النقية
فإذما سرت النشوة فيّا
أتداعى وأُنادي يا بناتي
نقرّو القيثارة فيّا
وهاتو الأُغنياتي لمريا
يا مريا

مالعشرين باتت في سعيد تتقلب
ترتد عزوفاُ
وهي في الخفية ترغب
وبصدرينا بروميشيوس
في الصخرة يتعذب
فبجسمي ألأف نار
وبجسمي ألف عقرب
وانتِ يا هيلين
يامن عبرت تلقائها
بحر عروقي ألف مركب
يا مريا

يا عيوناً كالينابيع
صفاء ونداوة
وشفاه كالقناقيد
إمتلاء وحلاوة
وخدود مثل أحلامي
ضياءً وجمالا
وقواماً بتثنى
كبرياء واختيالا
ودماً ضحت به
كل الشريان أشهاء
ياحبيبة يا مريا

أنا من أفريقيا
من صحرائها الكبرى
وخط الإستواء
شحنتني بالحرارات الشِموس
وشدتني كالغرابين
على نار المجوس
لفحتني فأنا منها
كعود الأبنوس
وأنا عود كبريت
سريع الإشتعال
يتلظى كلما إشتم
على البعد تعال...
يا مريا

أنا من أفريقيا
جوعان كالطفل الصغير
أنا أهفو لتفاحة حمراء
من يقربها يصبح مذنب
فهلمي ودعي الحمقاء تغضب
وأنبئيها
أنها لم تحترم رغبة نفس بشرية

اي فردوس بغير الحب مجدب
يامريا
وغداً تتفتح في أشرعتي
أنفاس فرقة
وأنا أزداد ناراً
مثل يوليس في الأعماق حرقة
ربما لا نلتقي ثانية يامريا
فتعالي
وقصك اسمك
بالنار هنا في شفتيّا
ووداعاً وداعاً يا مرية

سلومة

Quote: إهداء لك يا رائعة يا من تهوين الجمال أين وحيثما كان يا لحاء لجذع شجرة اصلها ثابت متخم بالجمال والفن يفوح الحرف منه نضرة ... لك يا سلمى صبحي الفاضلة كلمات أظنها خرجت للملئ من عصارة عواطف جياشة إجتاحت أحد شعراء بلادي الحبيبة في لحظة فراق .. الشاعر الجميل عليه ألف رحمة

ما عندو ضمان ببيعك سريع زى ما باع القبالك .

Quote: ما عندو ضمان ببيعك سريع زى ما باع القبالك .

أحل الله البيع وحرم الربا
بس أمرق منها
شندي × شندي = شندي

Quote: شندي × شندي = شندي

شندي ؟؟؟؟؟؟؟؟؟؟

وحينما نتحدث عن الإيقاع لابد وأن نذكر الأستاذ الموسيقار المبدع حافظ عبدالرحمن.

هو بحق أحد سفراء الفن والموسيقى السودانية، والذي يتميّز بقدرته الفائقة على العزف على
آلة الفلوت وبعض الالات الإيقاعية الأخرى.وقد عزف لنا الكثير من المقطوعات الخالدة وأغاني الحقيبة،
والملاحظ كذلك إلملمه الكبير بالتنوع الثقافي السوداني فهاهو يعزف لنا ألحاناً من جبال النوبة
وكردفان ودارفور واواسط السودان ومناطق الشايقية.

التحية والتقدير والإحترام للفنان حافظ عبد الرحمن

استاذ الطيب شيقوق
يسعد صباحك...

Quote: اختاري واحدة سريع او بقبّل عليك زى سماح .

الإمام الشافعي قال....

الدهر يومان ذا أمن وذا خطـر.....والعيش عيشان ذا صفو وذا كدر
أما ترى البحر تعلو فوقه جيف.....وتستقر بأقصى قاعـه الـدرر

استاذ الطيب شيقوق

ومواصلة للحديث عن الإيقاع وبما أننا قد أتينا على ذكر الدوبيت...لا أدري قد انتعشت في ذاكرتي مرة أخرى إيقاعات التمتم و الدوبيت والطمبارة ومن أبدعوا فيها..
وتحضرني الآن أغاني التمتم لرقية المعروفة بـ"بت مسيمس" حينما أنشدت ملحمة تفيض جمالاً ونبلاً في وصف استشهاد البطل ود حبوبة قائلة...

الواعي ما بوصوه
من أمس الضحى
توري ابزنود ساقوه
يا مقنع ولياتو

الواعي ما بوصوه الفتح الدرب
خل العريب يمشوه

الواعي ما بوصو
من أمس الضحى
توري أب زنود ساقوه
يا مقنع ولياتو

يا لرقة إحساس شعراء بلادي
ويا لروعة قصيدة ماريا

شكراً أخ خالد على هذا الإهداء الجميل

سلامات العزيزة سلمى .. مرور للتحية واعجابى بالمساحة الجميلة

سعيدة برؤيتك مجدداً بيننا ..

Quote: أما ترى البحر تعلو فوقه جيف

ما خاتي يا خالد اخوى انت شامخ كده . اتاري انا مغشوش ساااااى قائلو شموخ عافية

Quote: ما خاتي يا خالد اخوى انت شامخ كده . اتاري انا مغشوش ساااااى قائلو شموخ عافية

هلا رأيت القاع أيها الغواص
اقيف لسع واقيف وأسمع

هيييييييييع تنقدا الرهيفة إن شاءالله ما تتلتق

يا سلمى زوارك ديل أمسكي فيهم قوي ،
الناس اليقولوا عندي التلت من قلبي وعندك التلتين تريهم في كل بوست حريري يقيمون،
زوارك هنا لهم واحات تؤوينا من هجير المنابر المقابر والواحد يحس سعاده حقيقيه لما
يلقاهم مجتمعين أين تم الإجتماع، أدام الله الود حتى الإسفيري منه وأثق أن العلائق الإنسانية
هي في نهاياتها شأن روحاني لذا تستوي عندي وسائل التواصل في خلقه.
يا المامنسي ، (شايف) كلمة (اليايات )اللي في الغنيه دي؟
شئ عجيب في كلامك.
دي زيارة سلام وتفقد لأحوال الأهل، بجيكم صاد.

Quote: هيييييييييع تنقدا الرهيفة إن شاءالله ما تتلتق

هنا تشرب الشاى والقهوة بس وحواسك ومشاعرك خليها في جيبك اوع تفكر تطلعها الا بالقدر الذى يتناغم مع المجرى العادي لطبائع البوستات .

هييييييييييييييع راضي منك دنيا واخرة يا ست الناس كلهم

استاذنا الجليل محمد المرتضى حامد
تحية صباحية عطرة

Quote: أدام الله الود حتى الإسفيري منه وأثق أن العلائق الإنسانية هي في نهاياتها شأن روحاني لذا تستوي عندي وسائل التواصل في خلقه.

استاذ محمد كنت أنت من سعيت لنشر هذا الود مسبقاً، كيف ننسى بأنك صاحب بوست الحب في المنبر...تكفينا إيماءة من ذلك البوست لنحس بالطمأنينة.
أدام الله الود حتى الأسفيري...وتقديري لك سيدي الفاضل
ولكل من شارك هنا....

كن بألف خير

الأخت العزيزة هند
يا صاحبة القلم اللطيف...
سعيدة بمرورك...

مودتي وعميق تقديري