لا للعـزوبية نـعم للـزواج ....أم ... لا للـزواج نـعم للعـزوبية

Post: #1
Title: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-15-2007, 07:43 AM
Parent: #0

طيب بسم الله نبدأ
خلونا نفتتح ليكم بي الطرائف دي !!!
من الطرائف التي يرددها الأزواج.... انوا في شيخ مسجد قال للمصلين: "المرته تاعباه يقوم يقيف، الجماعة كلهم قاموا ماعدا راجل واحد ، فقال ليه الشيخ: والله فرحتني انك ما وقفت يعني سعيد ؟ فقال ليه الراجل: وحد الله ،أيّ سعادة يا عم الشيخ؟الحاصل انوا كنا متشاكلين أنا وهي ومن شدة ما مرقت زعلان وبسرعة اتعترت في الطوبة ووقعت كسرت كرعيني وما قادر أقيف. !!

وقالوا في راجل قاعد قدام مرته وفي يده عَقْد الزواج، يعاين ليه ويتفحصه بدقة، فقالت ليه مرته: بتعاين في عقد الزواج كده ليه يا حبيبي ( فرحانه قايله بستعيد في الذكريات )؟! عاين ليها بالجنبة وقال ليها: بفتش في تاريخ انتهائه ما لقيته ؟!!الظاهر أن المأذون نسي يكتبه!!!

وقالوا كمان : إنوا في مرة شيييييييينة قالت لراجلها: هيي!! انت نسيت ما بكرة عيد ميلادي فرد قائلاً: سأقف ساعة حداداً إن شاء الله على مصيبتي!!!
وكمان دي: "مرة قالت لزوجها: تُصَدِّق اني كل يوم بحلم بيوم زواجنا؟ فقال ليها: لسه الكوابيس دي بتجيك؟". ( خلى المرة لا بيها لا عليها وخشمها ملح ملح )

لكن دي مجرد طرائف ..؟؟؟؟؟؟؟؟؟؟
وأحد عزّابي قال : أنا مرتاح لا زول يسألني جاي من وين ولا ماشي وين ؟؟...وقرشي في جيبي أعمل الدايره !!!...لكن ما تنسوا العزّابي حقه مهضوم مرات يعني ممنوع عليه الدخول في الأماكن البكتبوا فيها ..(( للعوائل فقط )) يعني بس يعاين من بعيد !!! وفي الحفلات بيكون ظاهر انه عزّأبي من حركاته ...ولو اتكلم مع بت الجيران مثلاً يعني ...طوالي السؤال الزول ده قال ليك شنو؟؟؟ وكده يعني !!!!

هسي الكلام الفوق ده من أجل الافتتاحية فقط وخلّونا نخته على جنب شوية والكلام هنا.....

بعد البحث والتأني والخبرة المرت بيك ( رجل كنت أو امرأة ) ( والخبرة دي يا ودتك لي قدام يا رجعتك لي ورا ) والبتشوفوا قدامك و كذلك السمع من تجارب الغير أي شعار سترفع عاااالياً وبكل ثقة...

لا للعـزوبية نعم للـزواج ....أم ... لا للـزواج نعم للعـزوبية

وليييييييييييه؟؟؟؟

مشاركاتكم
.....

Post: #2
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: Hatim Yousif
Date: 07-15-2007, 07:49 AM
Parent: #1

الثـــــــــــانية ..و...بشدة

Post: #3
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: خالد الطيب أحمد
Date: 07-15-2007, 07:54 AM
Parent: #2

Quote: لا للعـزوبية نـعم للـزواج ....أم ... لا للـزواج نـعم للعـزوبية

لا للعذاب..

Post: #5
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-15-2007, 07:56 AM
Parent: #3

أخ خالد...شكراً لمرورك
Quote: لا للعذاب..

يا حول الله ولا واحدة نافعة !!! طيب الحل شنو؟؟

Post: #9
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: خالد الطيب أحمد
Date: 07-15-2007, 08:06 AM
Parent: #5

Quote: لا للعذاب..

يا حول الله ولا واحدة نافعة !!! طيب الحل شنو؟؟

العذاب يا سلمي تكون عاوز تعرس وما قادر لأي سبب كان..

أو تكون عاوز تطلق وبرضو ما قادر !!

مثلا الشباب .. كلهم عاوزين يعرسوا..لكن ما قادرين ..

أها ده ده العذاب القصدتوا.

علشان كده نقول: لا للعذاب.

Post: #4
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-15-2007, 07:55 AM
Parent: #2

الأخ حاتم
تحياتي ...

عجبتني صراحتك في اجابتك السريعة...طيب ما في نصيحة ؟؟؟

Post: #7
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: Emad Abdulla
Date: 07-15-2007, 08:02 AM
Parent: #4

الحالتين ما بيتشكرن يا سلمى ياخ ..
كل واحدة فيهم أنيل من التانية .

Quote: طيب ما في نصيحة ؟؟؟
تاكل بطيخ .

Post: #8
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-15-2007, 08:05 AM
Parent: #7

يا هلا بالأخ عماد
Quote: الحالتين ما بيتشكرن يا سلمى

والخيار التالت شنو؟ اعتكاف ... يا هو بس في الحالتين أنا ضايع ؟

Post: #14
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: مجدي عبدالرحيم فضل
Date: 07-15-2007, 08:28 AM
Parent: #2

لا للعـزوبية نـعم للـزواج !!!

لوكان الزواج من إمرأة تزرع لك الصحراء بداخلك خضرة مفرومه ومفروكه!!

لا للـزواج نـعم للعـزوبية !!!

دي المرأة البتحول ليك الخضرة الزرعناها فوق دي الي حنضل تمشي فوقوا

لما ينشف ريقك ويخرج السكر الفي دمك من غير رجعه خروج مع سبق الأصرار!!

وفيَ الأثنين زكريات العذوبية مرحلة تسبق الزواج والزواج واقع لا مفر منه

وحسب الأجواء المناخية له في مناخ إستوائي (فقير وغني) وفي سافنا برضوا

وفي صحراوي قاحل في الجدَب دي حق المره النقاقه والسافنا الغنية دي حق

المره الرآيقه ولذيذة وطاعمه ومكبرته وبهارة خفيف !!

السلمية بت أخوي د.صبحي!!

النكات أضحكتني شديد تسلمي علي الأسلوب الرائع ده ومدخل موفق الي معالم

يكتنفها الضباب العالق حتي ينقشع غيومه بالمرأة طبعا وفي الحالتين عواصَف

أما عاصفه تهوي بك في دنيا الحياة العاصفه وأما عاصفه تخرج بك خارج المدار

الأقليمي للدنيا وتموت كمدا وآه حسرتي علي تلك الأيام العاذبه وهذا حال المعصوف

به خارج المدار وأما مابداخل المدار يدور به كأس من الهناء ورغيد العيش وصالح

الزرَية والمال والبنون زينتهم ومن يريد الله به الخير فاليهدية الزوجة الصالحة

وإظفر بذات الدين تربة يداك .

وهناك من يضع فلسفته للزواج برمته ونظرية الشر الذي لا بد منه وهولاء يحتاجون الي تشريع

من دين خاص ، ومنهم من ينظر إلية بالشراكة المتضامن وضمانها الأستمرارية وتتطلب منهم ،

أن الله أوجد آدم بداية الخليقه وخلق من ضلعه حواء التي يحتاجها ويتكاثر النسل الأنساني

وتكون ديمومة الحياة بالمشاركة الوجدانية والروحية وهي كفيله بأن يسعد كل منا الآخر ،

وهذة سنة الكون فينا نمضي بها ونضيء الدرب ونتفاخر نحن الأمة المحمدية بالأكثرية وهي ،

أمة البقاء تلكم هي الزوجة الأم المرأة مربية الأجيال وحافظة الرجال وناهضة الأوطان بها

نسكون وبها نعمر الأرض خلودا نعمة يجب أن نشكرها برافديها النيلي الجميل الأتراح قبل ،

الأفراح وهذة هي روح المشاركة المبروم عقدها علي سنة الله ورسوله صلي الله علية وسلم.

تسلمي ياسلمي وأنت تسلمينا طريقين كل منهما له سرعته وله دهاليز يحتاج مقدار من النور

للسير فية.

،،،،أبوقصي،،،،

Post: #6
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: Nasser Mousa
Date: 07-15-2007, 08:00 AM
Parent: #1

من طرائف ابن عمي بعد ما اتزوج
طبعا زمان المروق والدخول من غير اي سؤال من اي زول
بعد العرس طبعا المرة بقت تسألو ماشي وين او جاي من وين

سالناهو اها الزواج كيف
فكان ردو :
العزوبية خطأ وعولج بخطأ اكبر منو

لكن برضو انا رأي نـعم للـزواج
نعم الف مرة للزواج

وخاصة خاصة للضاق ليهم المكان وهسه سافر واغترب
صراحة العزوبية في الغربة صعبة جد
والعرس اكيد ما كلو سعادة وهيام ومشاعر
وده الحاجة الطبيعية
انو الحياة فيها الفرح والطرح
وفيها الاتفاق والاحتلاف

ناصر موسى

Post: #13
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-15-2007, 08:21 AM
Parent: #6

أخ ناصر
كل التحايا ومداخلة ظريفة
طلعنا بي رأيين من المداخلة دي ٍاي ود عمك
Quote: العزوبية خطأ وعولج بخطأ اكبر منو

ورأيك كويس شديد نعم للزواج ...
Quote: وخاصة خاصة للضاق ليهم المكان وهسه سافر واغترب
صراحة العزوبية في الغربة صعبة جد

كل التقدير

Post: #10
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: Hatim Yousif
Date: 07-15-2007, 08:12 AM
Parent: #1

أختنا سلمى ...

أخطر حاجة .... من دخولك باب البيت ... لغاية طلوعك تاني يوم بره البيت (ده في حالة المخلوق البيتي ) ..

إنك مربوط بشخص تاني معاك .... أي حاجة عايز تعملها .. أو تشوفها .. أو تقراها ... لازم يكون الزول المعاك في البيت عنده

إعتبار فيها ؟؟؟؟؟

طيب .... مالنا ومال القراية أم دق ... الحرية لنا ولسوانا .... وبرضه الحرية لنا ولنسوانا ...

Post: #15
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-15-2007, 08:35 AM
Parent: #10

Quote: الحرية لنا ولسوانا

برضه شعار حلو....

لكن ماهي دي الحياة مصيرك تعرس ولا شنو وتلقى الونيس والأنيس ؟؟؟ أو تعيش راهب ؟؟

وبعدين نقول بعد العرس بتتعلم من الأيام مصيرك بكرة تتعلم!!!

Post: #11
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: د.محمد حسن
Date: 07-15-2007, 08:13 AM
Parent: #1

يا سلمى سؤال

مافي منزلة بين المنزلتين؟

يوم بنتونس انا والمدام ، قالت لي خايفاك تعرس فيني

ضحكت جنس ضحك

Post: #18
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-15-2007, 08:45 AM
Parent: #11

Quote: يا سلمى سؤال

مافي منزلة بين المنزلتين؟

يا د. محمد بس دي نجيبها من وين ؟ أصله ما خطر في بالي السؤال ده قلت يا زواج يا عزوبية ؟

لكن أظن لا توجد منطقة وسطى.

مودتي وطمنّ المدام

Post: #12
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: تيسير عووضة
Date: 07-15-2007, 08:13 AM
Parent: #1

Quote: بعد البحث والتأني والخبرة المرت بيك ( رجل كنت أو امرأة ) ( والخبرة دي يا ودتك لي قدام يا رجعتك لي ورا ) والبتشوفوا قدامك و كذلك السمع من تجارب الغير أي شعار سترفع عاااالياً وبكل ثقة...

لا للعزوبية .. لا للزواج

Post: #16
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: Emad Abdulla
Date: 07-15-2007, 08:39 AM
Parent: #12

Quote: لا للعزوبية .. لا للزواج
ده الكلام يا تيسير ياخ ..
مرة ود عماً لينا أصر يعرس بعد ما كترت عليهو الملاريا و مافي زول جنبو يعتني بيهو ..
بعد العرس بيومين جاهو شلل أطفال .

Post: #20
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-15-2007, 08:57 AM
Parent: #16

الأخ عماد...غايتوا من كلامك ده
Quote: مرة ود عماً لينا أصر يعرس ...بعد العرس بيومين جاهو شلل أطفال .

ما لنا الا قول ........... لا اله الا الله !!!!

ومنكم نستفيد!

Post: #17
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: mohmed khalail
Date: 07-15-2007, 08:39 AM
Parent: #12

الاخت سلمى

انا مع (العزواج )..

لأن كده ووب .. وكده ووبين.

Post: #21
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-15-2007, 09:02 AM
Parent: #17

Quote: انا مع (العزواج )..

كلمة جديدة أستاذ محمد خليل تدخل في قاموس الحياة الاجتماعية ولكن آخرتها ردك
Quote: لأن كده ووب .. وكده ووبين
...يعني

بالمناسبة انت لقيت لينا حل تاني و الكلمة دي ( عزواج ) ممكن تكون ردعلى سؤال د. محمد حسن لأنه طلب مننا منزلة بين الاتنين ...

وصل الحل يا دكتور محمد؟؟؟؟

مودتي وتقديري

Post: #19
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-15-2007, 08:54 AM
Parent: #12

أخ تيسير ...

Quote: لا للعزوبية .. لا للزواج

وده حالته بعد التأني والخبرة.... لكن في ناس حيجيهم احباط !!!

مودتي

Post: #25
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: تيسير عووضة
Date: 07-15-2007, 09:34 AM
Parent: #19

Quote: أخ تيسير ...

Quote: لا للعزوبية .. لا للزواج

وده حالته بعد التأني والخبرة.... لكن في ناس حيجيهم احباط !!!

مودتي

عماد عبدالله ..

أها كدا بقوا كم ؟

Post: #22
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: عاطف عمر
Date: 07-15-2007, 09:16 AM
Parent: #1

Quote: لا للعـزوبية نعم للـزواج ....أم ... لا للـزواج نعم للعـزوبية

تعتمد الإجابة على المكان الذي يتداخل منه العضو/ة
في المكتب أم في البيت

سلمى ياخ ماتخلي الطابق مستور
أهو الحياة ماشة
شوفتي الإجابة دي ( ملولوة ) كيف ؟؟
أها
أنا هسع وين ؟؟؟

Post: #26
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-15-2007, 09:46 AM
Parent: #22

أخ عاطف مع انك لفيت راسنا لكن حسب التوقعات
Quote: سلمى ياخ ماتخلي الطابق مستور
دي في المكتب
Quote: أهو الحياة ماشة
دي في البيت

.....

Post: #23
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: معتصم دفع الله
Date: 07-15-2007, 09:21 AM
Parent: #1

سلمى ازيك ..

كدو أوووب ..
وكده أوبييين ..

يعني نقع في رقبتنا دي نكسره ولا كيف

Post: #28
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-15-2007, 09:52 AM
Parent: #23

معتصم دفع الله

انت بالذات لو مفكر في الزواج حيكون جاك احباط... والبعض وجد الشفاء في عبارة...لا للزواج لا للعزوبية. كان الله في عونك يا معتصم!!! ومافي شي بيستاهل كسر الرقبة بس عاين

مودتي وتقديري

Post: #24
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: Hatim Yousif
Date: 07-15-2007, 09:30 AM
Parent: #1

سلمى ...

أخطر مافي الموضوع ده ... النقة ....

كل جماعة من جهة ... ناس البيت ... ناس الشغل ... زملاء الدراسة ... الشمشرجية ..الخ

كل واحد فيهم ...أها لسه ؟.. ياخي مستني شنو ؟ .. فلان داك عرس ...و....و....

يعنى ممكن تجي لحظة الواحد يعمل الكارثة دي .. بس عشان يوقف النقة الكتيييرة ..

وبرضه مابتقيف .... تستمر ... أها مابقيتو ثلاثة ,,,أربعة ,,الخ

عشان كده الحل من البداية مافي داعي للورطة

Post: #29
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-15-2007, 09:56 AM
Parent: #24

أخ حاتم
انت رافع شعار لا للزوااااااااااج بقوة
Quote: يعنى ممكن تجي لحظة الواحد يعمل الكارثة دي .. بس عشان يوقف النقة الكتيييرة ..

Quote: عشان كده الحل من البداية مافي داعي للورطة

لكن مصيرك برضه تتورط قصدي تتزوج !

Post: #27
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: عبد الله عقيد
Date: 07-15-2007, 09:46 AM
Parent: #1

سلام يا سلمى

نعم للزواج
لا للعزوبية

التوقيع:
احد ارفعي الراية البيضاء

Post: #30
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-15-2007, 10:00 AM
Parent: #27

استاذ عبدالله
شكراً لمرورك ..فرحت لمن لقيت عبارة
Quote: نعم للزواج
لا للعزوبية

فوجئت ب....
Quote: احد ارفعي الراية البيضاء

Post: #31
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: Haitham El Galal
Date: 07-15-2007, 10:33 AM
Parent: #1

نعم للحب

نعم للحب

نعم للحب

نعم لمتعه و حلاوه الحب

هيثم

Post: #32
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-15-2007, 10:40 AM
Parent: #31

أستاذ هيثم دخلت علينا بشعار آخر لا هو هذا ولا هو ذاك....
يعني لا عزّابي لا متزوج ! برضه وجهة نظر .
Quote: نعم للحب

نعم للحب

نعم للحب

نعم لمتعه و حلاوه الحب

لكن بعد الكم الهائل من الحب ده انشاء الله ربنا يكتب ليك زواج

Post: #33
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: انعام عبد الحفيظ
Date: 07-15-2007, 10:47 AM
Parent: #1

Quote: لا للعـزوبية نـعم للـزواج

Quote: لا للـزواج نـعم للعـزوبية

سلمى صبحي

مافي خيارات تانية

Post: #34
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-15-2007, 10:53 AM
Parent: #33

كيفك يا انعام سعدنا بمرورك .... زمان ما طليت علينا

Quote: مافي خيارات تانية

والله يا انعام المتداخلين أدونا خيارات ذي ( عزواج ) دي بس الطلعت بيها

طيب لقيت واحدة.....ما في غير (لا) يا انعام

مستنين وجهان نظر تانية ........خليك معانا

Post: #36
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-15-2007, 11:04 AM
Parent: #34

قصيدة كتبها واحد اتزوج ....

يا عزابي ما تستعجل
خليك حر و انت تقرر
سهر و كيف و نوم متأخر
و مع اصحابك الدايره بتعمل

المتزوج على طول متحسر

يعيان في حلاة دي ودي يقرب يكفر
عنده واحدة و ما في اكثر
بتقضيها نق نق وشكله وزعلة
و آخرتهابتدعي عليك عمرك يقصر

.....

Post: #35
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: Hatim Yousif
Date: 07-15-2007, 11:01 AM
Parent: #1

سلمي يا أختي ... الموضوع ما عايز إقتراحات ... لأنه الأصل العزوبية ....

الزواج ده حاجة بتحصل بعد العزوبية .... إذن الأصل هي العزوبية ... والزواج حاجة إضافية

وعشان كده بنقول ...

فكوا دربنا ...قطعتوا قلبنا ... وحتى كلبنا أكل جرجير

Post: #38
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-15-2007, 11:11 AM
Parent: #35

ردودك بقوة وثقة أخ حاتم حيث لا رجعة

Quote: فكوا دربنا ...قطعتوا قلبنا ...

يا خوفي الذيك يقع طواااالي يا أخ حاتم ما سمعت بي ...ما يقع الا الشاطر ولا أساساً وقعت !!

Post: #37
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: عاطف عمر
Date: 07-15-2007, 11:10 AM
Parent: #1

سلام تاني يا سلمى
صديقنا ( ... ) رجل أتاه الله مع حلاوة المعشر وغزارة العلم أسلوب أخاذ في عرض أفكاره بصورة تجبر الحضور على الإنصات إليه . كنا ذات يوم جلوس في جلسة أسرية أصدقاء أزواج وزوجات . تفرع الحديث لأحد أصدقائنا الذي تزوج حديثاً و ( للمرة الثانية ) . إستلم صديقنا ( ... ) الموضوع بجديته المعهودة وبأسلوبه الأخاذ

" يا أخي أنا استغرب أنو زول في كامل قواهو العقلية ، يكون متزوج يقوم يفكر مجرد تفكير أنو يتزوج للمرة التانية .........
في هذه الأثناء كانت زوجته منتشية وتنتقل بنظراتها لصديقاتها في الجلسة فهي ( secured)

لكن صاحبنا لم يشأ لنشوتها تلك أن تستمر فأضاف ( طبزته التاريخية )

" يا أخي في زول عاقل يدخل الفيلم الهندي دا ويقوم يعيدوا تاني من الأول ؟؟؟"

Post: #39
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-15-2007, 11:15 AM
Parent: #37

ضحكتني يا أخ عاطف أضحك الله سنك

Quote: يعيدوا تاني من الأول

يا ما في ناس عادوا تاني من الأول يعني يا أخ عاطف برضوا .......ما بتتوبوا !!!

كل التقدير

Post: #40
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: samual hassan
Date: 07-15-2007, 11:23 AM
Parent: #37

سلامات سلمى ..
طالعةاليوم بصحيقة زول خبر
طفل فى السابع من عمره طلب من والده مبلغ 100 الف عندما
سالة والده عن الغرض ...صمت الطفل بره وقال لا داير اعرس اندهش والدة وهرب الطفل
وهو يضحك ...

من وين نحن نعرس وقولى عرسنا

المهم هو مابعد الزواج وليس الزواج فى حد زاتة
ولى نقول ......... الموضوع القفه

Post: #41
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: عادل جبارة
Date: 07-15-2007, 02:09 PM
Parent: #40

Quote: لا للعـزوبية نعم للـزواج ....أم ... لا للـزواج نعم للعـزوبية

وليييييييييييه؟؟؟؟

سلمى
ممكن أحذف إجابتين ؟؟؟؟

Post: #42
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: هاشم أحمد خلف الله
Date: 07-15-2007, 02:21 PM
Parent: #41

سلمي والله بقيت اخاف منك !!! انتي قلتي شنو ؟ ما سامع ؟ ممكن ترفعي صوتك

شوية ؟ آي آي كلام كويس , خلاس بجيك بعدين راجع . سلام وسلمي علي الجماعة .

Post: #43
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: Amjed
Date: 07-15-2007, 02:38 PM
Parent: #42

سلمي سلامات
والله في نكتتين في موضوع العرس في واحدة حقيقة يعني انا كنت شاهد عيان واضان ليها والتانية سمعتها من ناس قالوا وقلنا والله يكفينا شر القواله
الاولي : نحن 9 ابناء في اسرتنا ( المهم جينا قبل تظيم الاسره) ... ما علينا .... في صديق اخي اتخرج من الجامعة واتزوج ابنة عمه من البلد التي تبلغ من العمر 16 سنة ... ونحن كاولاد مثقفين بدينا ننتقد في هذا السلوك ... شئ تخلف وشئ زواج اطفال المهم واشياء اخري ... حاول ابي ان يقف مع فكره صديق اخي ( زواج البنت الصغيرة وابنة العم وما في مشكلة يعني الانسان ممكن يعرف زوجته بعد العرس) وهنا حاول ان يكسب امي الي صفه وخاصة انها في كل الحوار كانت صامته بغير العاده قائلاً : والله انا امكم دي شفتها يوم الرقيص
أمي برد جاهز ... والله انا لو شفتك قبل داك ما كان عرستك
التانية من ناس قالوا : في واحد اتزوج وبعد شهرين امه سألته اها يا ولدي ما بقيتو تلاتة
الابن : بقينا حداشر
الام في بله متسائلة كيف يعني
الابن : والله اول ما اتزوجت المره دي بقيت اشوفها عشرة عشرة

اللهم لا نسألك رد الزواج ولكنا نسألك اللطف فيه

Post: #44
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: أحمد الشايقي
Date: 07-15-2007, 03:02 PM
Parent: #43

البوست دا يا سلمى سمح سماحة,

أنا طبعا ما عندي رأي ,

بس منتظر الناس نتيجة تصويتهم بتكون شنو؟

Quote: لا للعزوبية .. لا للزواج

ناس بتوع زوغانات,

Quote: لا للعـزوبية نـعم للـزواج ....أم ... لا للـزواج نـعم للعـزوبية

ناس عاملين فيها ما حاسمين خياراتهــم,

أنا بقول :

نـعــم للـحـــب ,

أحمـد

Post: #45
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: د.محمد حسن
Date: 07-15-2007, 03:27 PM
Parent: #44

ما عندك راي يا جبان

ده علينا

افته والا اموت بيه

مشتاقين يا شايقي

Post: #52
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-16-2007, 05:35 AM
Parent: #44

الأستاذ أحمد الشايقى .....يا مرحب وألف مرحب
Quote: أنا بقول :

نـعــم للـحـــب ,

طلعت منها براحة ....يعني لا للعزوبية لا للزواج بس نحب !!..... برضه منطق !!!

مودتي

Post: #51
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-16-2007, 05:31 AM
Parent: #43

أخ أمجد
مداخلة ظريفة شديييييد
يعني طلعنا بي 3 حكم ...الأولى:

Quote: والله انا امكم دي شفتها يوم الرقيص
أمي برد جاهز ... والله انا لو شفتك قبل داك ما كان عرستك

والتانية:
Quote: قالوا : في واحد اتزوج وبعد شهرين امه سألته اها يا ولدي ما بقيتو تلاتة
الابن : بقينا حداشر
الام في بله متسائلة كيف يعني
الابن : والله اول ما اتزوجت المره دي بقيت اشوفها عشرة عشرة

والتالتة:
Quote: اللهم لا نسألك رد الزواج ولكنا نسألك اللطف فيه

كل النقدير

Post: #49
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-16-2007, 05:25 AM
Parent: #42

الأخ هاشم خلف الله
Quote:
سلمي والله بقيت اخاف منك !!! انتي قلتي شنو ؟ ما سامع ؟ ممكن ترفعي صوتك

سامعني كويس !! ولا خايف من تسلط الزوجات !!!!

Quote: خلاس بجيك بعدين راجع . سلام وسلمي علي الجماعة .

من كلامك ده ياهو المارجعت !

كل التقدير وبرضه منتظرين عودتك سالماً

Post: #48
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-16-2007, 05:02 AM
Parent: #41

الأخ عادل جبارة
سلامات كتيرة...وينك من زمان ما زرتنا في البوستات

Quote: ممكن أحذف إجابتين ؟؟؟؟

طوالي بس عارف حيفضل ليك شنو؟؟؟؟

لا...أم...لا
أو خيار آخر لييييييييه؟.........أها قررت شنو ؟؟؟؟؟

مودتي

Post: #47
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-16-2007, 04:58 AM
Parent: #40

مرحي بيك samual hassan ]

ديل شفّع آخر الزمن وفاهمين بقوا أحسن من الكبار...
Quote: المهم هو مابعد الزواج وليس الزواج فى حد زاتة

أيوه ده السؤال المهم !!!!
تكون قريت اجابات المتداخلين وحسب كلامهم بعد التأني والخبرة والأكثرها أشارت الى....لااااا للزواج ....المشكلة ما ورونا ليه؟.. بس ( لا ) قالوها بكل قوة .
خلونا نتسأءل بليييييه كتيرة خلاص !!!!

كل التقدير

Post: #46
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: أبوبكر طه
Date: 07-15-2007, 04:58 PM
Parent: #1

طيب اذا إزوجنا ....... المزوجين الفي السودان ديل البيتولي مسؤليتهم منو????????????

Post: #50
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: عواطف ادريس اسماعيل
Date: 07-16-2007, 05:25 AM
Parent: #46

سلوم !!!

موضوع حلو جدا ,,,

بس عايزة أسأل ,, هل توجد منطقة وسطى بين الجنة والنار ؟؟

أها إذا لقيتيها كلميني وليك عليك حأختار طوالي الحب أو اللاحب فجبن أن لا أختار ,,,

تسلمي يا ست الحبايب لسة بدور ليك على التلفون ,,,,

Post: #54
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-16-2007, 05:44 AM
Parent: #50

عطوفة ..صباحك ورد وانت عسل

تسلمي على الكلام الحلو والبجي من النايس الحلوين
Quote: بس عايزة أسأل ,, هل توجد منطقة وسطى بين الجنة والنار ؟؟
أها إذا لقيتيها كلميني وليك عليك حأختار طوالي الحب أو اللاحب فجبن أن لا أختار ,,,

والله ما لقيتها يا عواطف لي هسي ومن اجابات المتداخلين كله ناااار جنه بتعدا بالاصابع ...لكن انت و هيثم وأحمد الشايقى اديتونا خيار الحب.... يعني بس نحب ونموت مغسة يا عطوفة!

كل الود

Post: #53
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-16-2007, 05:40 AM
Parent: #46

سلام أخ أبوبكر
Quote: طيب اذا إزوجنا ....... المزوجين الفي السودان ديل البيتولي مسؤليتهم منو؟

صدقت والله طلعت منك حكمة لكن كمان ما تنسى روحك والمطمني من كلامك انك شوية غيرت منحى المتداخلين يعني عندك الفكرة تتزوج وترفع شعار لا للعزوبية !

تقديري لشخصك

Post: #55
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-16-2007, 05:59 AM
Parent: #53

نديكم شوية كاريكاتيرات زوجية

Post: #56
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-16-2007, 06:04 AM
Parent: #55

Post: #58
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-16-2007, 06:11 AM
Parent: #56

Post: #57
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: مجدي عبدالرحيم فضل
Date: 07-16-2007, 06:10 AM
Parent: #55

هناك من يقول لا هذا ولا ذاك!!!

نعم للتجكيس فقط؛؛؛

دي المنطقة المحايده البرموا ليها أصحابنا أحباب الهوي.

مرور ثاني (أبوقصي)

Post: #59
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-16-2007, 06:28 AM
Parent: #57

سلامات كتيرة أخ مجدي

Quote: نعم للتجكيس فقط؛؛؛

منطق !!! لأصحاب اللآت (لا ولا) الماعجباهم لا عزوبية لا زواج !

كل الود

Post: #60
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: Moawia Mohammed
Date: 07-16-2007, 06:31 AM
Parent: #1

الأستاذة سلمي
أنا بقول نعم للزواج
لكن عندي مشكلتين
الأولي : لميت أي حاجه بس فضل لي حق التلج
التانية : ما لاقي لي خميس فاضي أعرس فيهو

Post: #61
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-16-2007, 06:58 AM
Parent: #60

أخ معاوية
Quote: أنا بقول نعم للزواج
لكن عندي مشكلتين
الأولي : لميت أي حاجه بس فضل لي حق التلج
التانية : ما لاقي لي خميس فاضي أعرس فيهو

يا سلام بس كده وتعرس !!! ده أسهل مشاكل مرت علي....محلولين يا أستاذ معاوية
التلج ما مشكلة قول ليهم الكهرباء قطعت ؟
بالنسبة للخميس خليه ...غيرّ لأي يوم تاني انشاءالله الاتنين ما ممكن؟

المهم ما تطلع عندك ديون ونهديك كاركاتير بمناسبة ديون الزواج بس دقيقة وبا نزله ليك

كل التقدير

Post: #62
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-16-2007, 07:00 AM
Parent: #61

Post: #63
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: Moawia Mohammed
Date: 07-16-2007, 07:07 AM
Parent: #1

غايتو يا سلمي
كان النصيبة المتدردقة بوراي دي
قطعة جليد تكون المشكلة بتاعت التلج اتحلت
أما لو بقت درابة يكونوا المشكلتين اتحلوا
عشان أكيد الواحد حايلحق أمات طه أو يطلع بعاهة
مستديمة ويبقي غير صالح للزواج بالمرة

Post: #64
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-16-2007, 07:12 AM
Parent: #63

Quote: كان النصيبة المتدردقة بوراي دي
قطعة جليد تكون المشكلة بتاعت التلج اتحلت
أما لو بقت درابة يكونوا المشكلتين اتحلوا
عشان أكيد الواحد حايلحق أمات طه أو يطلع بعاهة
مستديمة ويبقي غير صالح للزواج بالمرة

أخ معاوية ....خلاص الحمدلله معناها من الكاريكاتير دهلقينا حل لكل مشاكلك

ودمتم سالمييين

Post: #65
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-16-2007, 07:26 AM
Parent: #64

الزواج قسم يا جماعة
وهل هناك أروع من زوجه تدعي ليك وانت طالع الله يسعدك الله يزيد في رزقك... لكن عاينوا للكاريكاتير ده الفيه المرة بتدعي في الإتجاه المعاكس وعليه العوض ومنه العوض

Post: #66
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-16-2007, 08:18 AM
Parent: #65

المتداخلين الأعزاء

الدخلوا وقالوا لينالااااااااا للزواج نعم للعزوبية أو العكس ما أديتونا سبب واحد واجابة للسؤال....لييييه؟

ناس لا للزواج بس خليتونا في حالة النهي والحرص على عدم الزواج .....طيب موقف ...تلميح لاثبات الحجّة.

ودمتم عزّاب أو متزوجين حسب اختياركم

Post: #67
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-16-2007, 08:42 AM
Parent: #66

حوار زوجي تسلسلي عن التلزيون

جلسة زوجية على التلفزيون في الفترة من 6 أسابيع من الزواج الى 6 سنوات :

بعد 6 أسابيع : المرة بتابع في مسلسل بعنوان (زوجي الحبيب )[/U] جاها قال ليها: عفواً حبيبتي عاوز اشوف المباراة الليلة ممكن ...طوالي حبيبي وبدون نقاش الريموت تحول للمباراة؟

بعد 6 أشهر : المرة بتشوف مسلسل [U]( وتستمر الحياة )[/U] الراجل: في مباراة الليلة ...المرة: لكن أنا ممتابعة مسلسل ...الراجل : وأنا أعمل ليك شنو انت عارفة أنا بحب المباريات وعاااارفة كده أعتقد..
المرة زعلت قامت خلت المكان.

بعد 6 سنوات : نفس الموقف بس المسلسل ( قسمة ونصيب )[/U] ..الراجل : وبدون أي نقاش : شوفي يا انت يا التلفزيون والمباراة الليلة كمان النهائي ...المرة: أنا ....الراجل : خلاص يبقى المباراة وشوفي ليك محل تاني.......المرة : هئ هئ هئ ( تبكي وشالت الاولاد وعلى بيت أبوها )

حل بس من عندي: ما ممكن كان الراجل يشتري تلفزيون تاني ويحل المشكلة انشاء الله مستعمل !

الا كان عنكم انتوا حل أحسن !!!
.....

Post: #68
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: د.محمد حسن
Date: 07-16-2007, 08:57 AM
Parent: #1

سلمى صبحي

احد السعودينن اعرفه قابلته بعد شهر العسل

حبيت اشاغله
قلت ليه متى بتجيب التانية
قال لي
التانية؟!!
عطني خسارتي وخد اللي عندي

Post: #69
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-16-2007, 09:05 AM
Parent: #68

د. محمد أجمل التحايا
Quote: عطني خسارتي وخد اللي عندي

اختصر الموضوع لكن بس في حاجة ....خسارته وبتتعوض، العنده دي بعد القاله اكيد ما في زول بيفكر يآخدها....عليه بالصبر وله الأجر والى أن يفرجها الله .

مودتي

Post: #70
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: د.محمد حسن
Date: 07-16-2007, 09:31 AM
Parent: #1

سلمى صبحي احكي ليك شوية من نوادر الاعراس
اصلو اخوك بيحب المناظر غير المرئية

بعد الحفلة انتهت
كنت ماخد لي ركن قصي في بيت العرس
اتلموا تلاتة بنات
من اهل العريس
يبدو انهم اخواته او اقارب من الدرجة الاولى الممتازة
واحدة بدت الموضوع
تتخيلي يا فلانه ناس العروس لا عشونا لاعشو ضيفنا
ترد عليها
فضيحة السجدم والله هسة انا جعانة ما شايفة
ترد اخرى
والله حقو شعيريتنا الجبناها ليهم في الشيلة يدونا ليها نحمرها هسة دي
في اللحظة دي بصراحة فكيت الضحكة وانقطع سيل القطيعة

Post: #71
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-16-2007, 09:44 AM
Parent: #70

د. محمد

طيب ده موقف حصل برضه في عرس ..أول ملاحظة يلاحظها المعزوم في العرس ده بالذات انه العروس شيييينة شديد وشناه مرة بعكس العريس ( قسم ) ، المهم واحدة من المعزومات قاعدة قدام تتكلم مع صاحبتها سناء وتلوي وتعوج في خشمها ..( بيس هسي دي عروس ، العريس ده ما بشوف...والله بس المرفعين ولا اقول ليك يا سناء بس تشبه القعونجة ) قبلت تعاين في الطربيزة الجنبها لقيت واحدة تشبه العروس في خلقة الله شبه ما طبيعي ...مبالغة في الشبه، اتخلعت وقالت الليلة ما تكون من أهل العروس سألتها:انت بتقربي للعروس ...ردت عليها التانيه : آي ما أنا اخت القعونجة.

مودتي والله يبعدكم من شناة الشكل والطبع

Post: #72
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-16-2007, 10:01 AM
Parent: #71

عاينوا لي وش العريس والعروس و التعليق عليكم !!!!!

المحيرني ده برضه بيحصل في عالم الكدايس !!!

ودمتم

Post: #73
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-16-2007, 11:21 AM
Parent: #72

راجعة ليكم

ونواصل

ودمتم سعيدين سواء متزوجين أو لا !!!

....

Post: #74
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: احمد التجانى احمد
Date: 07-16-2007, 12:02 PM
Parent: #73

الاستاذة سلمى
(استاذة دى للضمان عشان قبل كدة كتبت اسم استاذة
فى البورد حاف كدة اخدت فيها درس ماعايزه يتكرر تانى)

تشكرى على البوست لكن برضو صعب الواحد يقول فيه رائه بصراحة
برضو للضمان لكن هاك المشاركة دى

Quote: باد ناوهايم (ألمانيا) - قال الأخصائي النفسي الألماني البروفيسور يوخين يوردان، إن الأشخاص الذين يعيشون حياة زوجية سعيدة أقل تعرضا لمخاطر الإصابة بالذبحة الصدرية من أقرانهم العزاب أو الذين يعيشون حياة زوجية تعيسة
وأضاف يوردان، مدير مستشفى الأمراض النفسية للقلب بمدينة ناوهايم بولاية هسن الألمانية، أن معاناة القلب نتيجة التعرض للآلام النفسية الناتجة عن العلاقات الزوجية الفاشلة يمكن أن يؤدي إلى آلام حقيقية

و أشار يوردان إلى أن عدم نجاح العلاقة الزوجية لفترة طويلة يؤدي إلى الإجهاد العصبي والاستياء والحزن "و تؤثر هذه العوامل بدورها سلبا على أداء القلب مما يزيد من خطر الإصابة بالذبحة الصدرية

يعنى كدة كدة القلب مجهجه

Quote: كل واحد فيهم ...أها لسه ؟.. ياخي مستني شنو ؟ .. فلان داك عرس ...و....و....

حاتم يوسف استحى على وجهك واطلع من الموضوع دة
قال مستنى شنو قال !!! زول دخل الجامعة من ايام جون قرنق ملازم ولسه بتقول مستنى شنو

Post: #75
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: Amira Elsheikh
Date: 07-16-2007, 12:19 PM
Parent: #74

انا عندى مشكلة..

لا للعزوبية..

نعم للزواج..

لا للعزوبية .. نعم للزواج .. لا .. نعم .. لا .. نعم .. لا .نعم

فى الحالة دى يا سلمى انا معتمدة على نتائج البوست دا ..

وعليها حاقرر لاات تلاتة...

بليز الكونكولوشن مهم..

مع الود..

Post: #78
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-17-2007, 04:53 AM
Parent: #75

يا هلا ومرحب بي أميرة
Quote:

فى الحالة دى يا سلمى انا معتمدة على نتائج البوست دا ..

الله يكون في العون أنا ذاتي ذيك يعني دخلت معاي مرحلة الانتظار لاحصاء النتائج لمعرفة أي شعار غالب.. لا للزواج أم لا للعزوبية.

أميرة !!! النتائج ما مطمئنة لحد الآن ...بس قلت ما استعجل خلينا نشوف باقي المتداخلين

مودتي وخليك معانا

Post: #76
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: Khalid Saeed
Date: 07-16-2007, 12:56 PM
Parent: #74

الأخت / سلمى صباحي

سلامات .. وتحيات ..
قالوا في واحد متزوج جديد وماسكاهو أم فريحانة .. كل يوم يجي يقعد مع جماعة متزوجين قدام .. ويلعب معاهم ضمنة .. ويشبكم ليك .. والله أنا متزوج لي مرة حلوة حلة .. لمن داير آكله .. الجماعة مابردو عليهو يعاينو ليهو ساكت .. كل يوم بالطريقة دي .. بعد شهر صاحبنا بقى ساكت ذي الجماعة .. قام واحد سألوا قال ليهـــو إنته ويييين مرتك السمحة ديك الداير تاكلــه ... رده عليهوا قال ليهو ياريتني لو أكلتها من زمان وإرتحته منهــــــا
تعرفي الإجابة على سؤالك ده يعتمد على مكان الإقامة .
فإذا كان الزوج والزوجة موجودين في السودان ... يبقى نعـم للزواج ..
لأنوا كل واحد عندو برنامجو .. المرة من الصباح هاك ياحوامه .. دي ولدت ودي عندهم عرس ودي عندهم بكي .. يعني الواحد بعد تعب يلم في زوجته عشان يتكلم معاها كلمة كلمتين .. خصوصاً إن الناس في السودان بتنوم بدري ( يبقى في الحالة دي الزواج ممتاز ).

أما لو كنته في الغربة خصوصـــــاً السعودية .. وفي السعودية خصوصاً الرياض ( ذي حالتنا دي ) يبقى ووووووووووووب علييييييييييييييييك من النقققققققققه ...
النسوان هنا عندهم فراغ .. الواحدة ساكنة في شقة 2 × 2 .. دقيقتين تنضف الشقة + دقيقتين تسخن الأكل بعد كده تحضر التلفزيون .. بس دخلتك البيت ..
1- الغاز قطع .. 2- مالك إتأخرته 3- أنا زهجانة 4- ضربت لي فلانة وقالت وقالت وقلت ( والله أنا دي أكتر حاجة بتغيظني تلفونات النسوان بتاعين الشمارات ) .
تجي طالع عشان تتونس مع أصحابك :
ماشي وين ؟ لي منوا ؟ ماتتأخر ؟ كل يوم مرقة ؟ نحنا دايرنك تقعد معانا ؟ أيه الهيافة دي ؟ أنته بقى عندك أولاد .. كل يوم حفلات ؟ نق نق نق نق نق نق نق نق نق نق نق نق نق .

تعرفوا أحسن حاجة شنو ... عرسوا وخلوهم في السودان .. وأبعدوا عن حفلات الرياض ..
وأمشوا إجازة كل 11 شهـــــر .. فبذلك تكونوا من المبســــــــــوطين ..
خالد الأرباب
متزوج مع سبق الإصرار والترصد

Post: #79
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-17-2007, 05:19 AM
Parent: #76

أستاذ خالد
مداخلتك ظريفة شديد شديد والحكم الفيها يتعمل ليها كتاب
قصة الراجل الداير يآكل مرته قريتها 3 مرات من شدة ما عجبتني واجابتك مقنعة نعيدها تاني للمتداخلين نشراً للوعي الزواجي ....
Quote:
تعرفي الإجابة على سؤالك ده يعتمد على مكان الإقامة .
فإذا كان الزوج والزوجة موجودين في السودان ... يبقى نعـم للزواج ..
لأنوا كل واحد عندو برنامجو .. المرة من الصباح هاك ياحوامه .. دي ولدت ودي عندهم عرس ودي عندهم بكي .. يعني الواحد بعد تعب يلم في زوجته عشان يتكلم معاها كلمة كلمتين .. خصوصاً إن الناس في السودان بتنوم بدري ( يبقى في الحالة دي الزواج ممتاز ).

أما لو كنته في الغربة خصوصـــــاً السعودية .. وفي السعودية خصوصاً الرياض ( ذي حالتنا دي ) يبقى ووووووووووووب علييييييييييييييييك من النقققققققققه ...
النسوان هنا عندهم فراغ .. الواحدة ساكنة في شقة 2 × 2 .. دقيقتين تنضف الشقة + دقيقتين تسخن الأكل بعد كده تحضر التلفزيون .. بس دخلتك البيت ..

Quote: تعرفوا أحسن حاجة شنو ... عرسوا وخلوهم في السودان .. وأبعدوا عن حفلات الرياض ..
وأمشوا إجازة كل 11 شهـــــر .. فبذلك تكونوا من المبســــــــــوطين ..

أطيب الأماني بحياة زوجية سعيدة أستاذ خالد.

سلمى صبحي

....

Post: #77
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-17-2007, 04:48 AM
Parent: #74

طيب نقول ليك الأستاذ والأخ أحمد التجاني
Quote:

إن الأشخاص الذين يعيشون حياة زوجية سعيدة أقل تعرضا لمخاطر الإصابة بالذبحة الصدرية من أقرانهم العزاب أو الذين يعيشون حياة زوجية تعيسة

Quote: عدم نجاح العلاقة الزوجية لفترة طويلة يؤدي إلى الإجهاد العصبي والاستياء والحزن "و تؤثر هذه العوامل بدورها سلبا على أداء القلب مما يزيد من خطر الإصابة بالذبحة الصدرية

وأن أقول الناس بقت تموت بالذبحة الصدرية كتير كده ليييه !!!! عرفنا الاجابة

Quote: يعنى كدة كدة القلب مجهجه
مجهجه بس ده منتهي وعليه العوض ونمه العوض ...شكلكم حتخلوني أرفع معاكم شعار معين

مودتي وتقديري

Post: #80
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: ABU QUSAI
Date: 07-17-2007, 06:07 AM
Parent: #77

نعم للزواج لا للعزوبية .... العرس من صغرة والزارع يبدر .. وليس أجمل من قعدة الونسة مع الزوجة والأطفال ..

أبو قصي

Post: #81
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-17-2007, 06:18 AM
Parent: #80

الأخ أبو قصي ...كل المنى والابتسامة والصباح الجميل

Quote: نعم للزواج لا للعزوبية

أخيراً ارتفع قليلاً رصيد من يؤيدون الزواج ...وفي ناس منتظرة الاحصائية للحكم على أي شعار سيكون الغالب فما قصرت في رفع معنوياتهم!

كل التقدير

Post: #82
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-17-2007, 06:24 AM
Parent: #81

Post: #83
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-17-2007, 06:32 AM
Parent: #82

آراء نسواااااااااان

ودمتم

Post: #84
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: فيصل نوبي
Date: 07-17-2007, 07:49 AM
Parent: #1

علي سبيل التحية

Post: #85
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-17-2007, 07:55 AM
Parent: #84

فيصل نوبي ...عساك بألف خير

يعني بعد الكاريكاتيرات وآراء السادة المتداخلين ما قدرت تطلع بي حاجة !

تقول لا لي ياتو شعار؟

ودمت بخير

Post: #86
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-17-2007, 09:12 AM
Parent: #85

نعم للزواج

Post: #88
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: د.محمد حسن
Date: 07-17-2007, 09:24 AM
Parent: #86

جاء بعد الدوام التاني للمنزل مبسوط ويصفر وشايل العشا
سالته زوجته منتعش كدة مالك
قال ليها الليلة الحفلة الختامية لاختيار ملكة جمال العالم في قناة البسي
دخل الغرفة ليبدل ملابس الشغل بي ملابس البيت
اغلقت عليه الزوجة الباب من الخارج بالمفتاح
وللصباح
كيدهن ام غيرتهن ؟
على كل انا عجبتني اللعبة
عشان كدة فكيت كل الكوالين الفي البيت

Post: #91
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-17-2007, 09:52 AM
Parent: #88

Quote: دخل الغرفة ليبدل ملابس الشغل بي ملابس البيت
اغلقت عليه الزوجة الباب من الخارج بالمفتاح
وللصباح
كيدهن ام غيرتهن ؟

كله يا د. محمد
Quote: عشان كدة فكيت كل الكوالين الفي البيت

الحمدلله لحقت روحك ...خلي بالك شي كوالين وشي محا>>>

مودتي

Post: #89
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: Ashraf El Bagir
Date: 07-17-2007, 09:35 AM
Parent: #86

ألعزيزه سلمى
الله يخلى لى ام محمد
مع انى اتزوجت صغير نسبيا ... كنت اتمنى لو شفتها فى حفلة طهو..

Post: #92
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-17-2007, 10:33 AM
Parent: #89

الأخ أشرف الباقر
كل التحايا العطرة

ربنا يسعدك انت وأم محمد

تقديري لشخصك

Post: #87
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: Haitham El Galal
Date: 07-17-2007, 09:23 AM
Parent: #1

متين يتجمعو القلبين
متين يتوحدو الاملين

و يصبحو رغم البين
روح واحده جسدين

تحيه و تقدير

هيثم

Post: #90
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-17-2007, 09:40 AM
Parent: #87

هيثم الجلال
كيفك .....
Quote: متين يتجمعو القلبين
متين يتوحدو الاملين

و يصبحو رغم البين
روح واحده جسدين

الله يجمعك بي حبايبك ! ويححقق أمالك قول آآآمين.وعرفناعم .

Post: #93
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-17-2007, 10:43 AM
Parent: #90

Post: #94
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: sudania2000
Date: 07-17-2007, 01:36 PM
Parent: #93

السلام عليكم

نعم للزواج لا للعزوبية

والاولي صعبة لعدم توفر الفرص المناسبة

العزوبية مرفوضة مبدا لكن هي واقع حاليا

وفي الحالتين انا الضائع

Post: #95
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: Raja
Date: 07-17-2007, 02:00 PM
Parent: #94

سلمى يا عسل..

سلامات كتااار

Quote: لا للعـزوبية نعم للـزواج ....أم ... لا للـزواج نعم للعـزوبية

مرة كده ومرة كده..

ههههههههه ههههههه

حأرجع ليك برواقة..

موضوع حلو..

Post: #97
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-18-2007, 06:40 AM
Parent: #95

عسل يا رجاء

عجبتني مرة كده ومرة كده وتابعي معانا الإحصائية لأي الفريقين الانتصار عزوبية أم زواج والشايفاه عيني يا رجاء ، لا لل.. ( الرجال قالوها عدييييييييييييل )

منتظرين عودتك

Post: #96
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-18-2007, 04:46 AM
Parent: #94

سودانية 2000
كيفك وعساك بألف خير ...
Quote: نعم للزواج لا للعزوبية
والاولي صعبة لعدم توفر الفرص المناسبة
كلام يحكي وقعنا اليوم....وذي ما قالت عواطف ادريس بنات ذي العسل لكن مالهمش في الطيب نصيب.
والخلاصة ...

Quote: وفي الحالتين انا الضائع

كل التقدير

Post: #98
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-18-2007, 07:48 AM
Parent: #96

Post: #99
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: مجدي عبدالرحيم فضل
Date: 07-18-2007, 07:58 AM
Parent: #98

لا دخل لها في لا ولا !!!!!

تهيم وتدخله بلا أستذآن!!

Post: #100
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-18-2007, 08:28 AM
Parent: #99

أبو قصي
اجابتك في الصميم. والله يعين أهل الحب.

لكن ماهو ذاتوا السبب في العزوبية مرات بسبب شاكوش من واحدة

مودتي وتقديري

Post: #101
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-18-2007, 08:55 AM
Parent: #100

ونواصل .......

Post: #113
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: samual hassan
Date: 07-18-2007, 06:30 PM
Parent: #100

نعم للزواج فى حالة واحده

اذا حدث طلاق فنحتفل بة

توثيقا للفترة الجميلة او ....

من يوافقنى هذا الراى

Post: #149
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-23-2007, 10:16 AM
Parent: #113

أخ سموءل
Quote: نعم للزواج فى حالة واحده

اذا حدث طلاق فنحتفل بة

توثيقا للفترة الجميلة او ....

من يوافقنى هذا الراى

سامحني أولاً والله ما شفت مداخلتك دي فعذراً على تأخير الرد...لكن يا حول الله أستاذ سموءل، ليه بس كده ما في هدنه وفي صلح...الغريبة انت أول زول يدينا الرأي ده.

نشوف باقي الآراء

Post: #135
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: EL fahal Abdelatif
Date: 07-22-2007, 02:02 PM
Parent: #100

انجح انواع الزواج ...هو زواج الشهيد...فالزوج خبره معروف ..اما الزوجة فلا من رآى ولا من سمع...

لا نقنقة ..لا شكاية ..ولا طلاقات..(الزواج بنية الاستشهاد)...

وبالمناسبة ..هل يوجد شىء اسمو زواج الشهيدة؟..هى دى الحلول الابدية للرغبات الثنائية ...

اما فى الواقع فالمتخارج/ة من عرسة مخستكة..هو/هى فعلا Born Again

....و العايز منطقة وسطى يخش الغابة...

Post: #151
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-23-2007, 10:24 AM
Parent: #135

أستاذ EL fahal Abdelatif

Quote: انجح انواع الزواج ...هو زواج الشهيد...فالزوج خبره معروف ..اما الزوجة فلا من رآى ولا من سمع...

لا نقنقة ..لا شكاية ..ولا طلاقات..(الزواج بنية الاستشهاد)...

وبالمناسبة ..هل يوجد شىء اسمو زواج الشهيدة؟..هى دى الحلول الابدية للرغبات الثنائية ...

اما فى الواقع فالمتخارج/ة من عرسة مخستكة..هو/هى فعلا Born Again

....و العايز منطقة وسطى يخش الغابة...

شكراً للمداخلة الظريفة دي..الزوج الشهيد ده طوالي الحور العين اوكي طيب بس في حاجة مرة الشهيد دي ما مسكينة بس طبعاً ليها حل ...مضمون زواجها التاني 80% بحسب جمالها ..الخ . والأمثلة قدامنا كتيرة.

والمتخارج من عرسة غير ناجحة أعانه الله برضه أعانه الله تاني في الاختيار الجديد أو تجهيوات العرس للمرة التانيةالا يقع ليه في أرملة أو وارثة تخفف عليه عبأ التجهيز.
Quote: و العايز منطقة وسطى يخش الغابة

ده برضه حل ...!!!

كل التقدير

Post: #150
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: nazar hussien
Date: 07-23-2007, 10:24 AM
Parent: #100

نعم للزواج...نعومية شديدة...

وقبله كنا نهيم كما الدواب...

وتجربتي مع العزوبية كانت فاشلة

لامن مرات (ببيت القوي) اها دي يا سلمي الا تستعيني بقاموس..

ويا داب سريري فيه مساحة قدر ما تشيل صفحتي للنوم...باقيه وكتب ومجلات وملايات..وقمصان

الفرق كبير خلاص...

Post: #153
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-23-2007, 10:30 AM
Parent: #150

أخ نزار

Quote: نعم للزواج...نعومية شديدة...

وقبله كنا نهيم كما الدواب...

الله يكرمك اجابة شوية رفعت معنويات العزّابة

Quote: الفرق كبير خلاص...

كل التقدير

Post: #102
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: الطاهر عثمان
Date: 07-18-2007, 08:56 AM
Parent: #1

سلمى تحياتي وبوست في منتهى الجمال- غريبة ما شفتو!!

عندي ود خالي برضو قال لزوجته في قعده انا مستحيل اعرس عليك ولما سالته قاليها مستحيل اكرر الغلطة دي تاني..

أويد بشدة كلام خالد الارباب بان الزواج في الغربة يفرق عن الزواج في السودان..

هنا في السعودية مثلا الإرتباط شدييييييييد جدا يعني بتفتش عن وقت ترقد فيهو براك وتدخل فيهو الحمام بمزااااج كده وتاخد ساعة وتمرق تتعشى بره وله تشرب قهوة وله شاي..
تمشي بيت عزابة .. تتاخر في الشغل زي ما عايز
كل الحاجات دي مستحيلة وصعبه جدا وبل يزيد عليها كمان التوصيل لمشاوير السوق والحصص والجيران
ياخي انا بتمنى انو يسمحوا بقيادة المراة للسيارة في السعودية .. الواحد كان إرتاح شوية

رغم ما قيل وما سيقال تظل الإجابة "نعم للزواج"

بالمناسبة ياسلمى انتي ما قلتي رايك في الموضوع ده ؟؟!!

منتظر رايك!!

Post: #103
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-18-2007, 09:27 AM
Parent: #102

أستاذ الطاهر
Quote: أويد بشدة كلام خالد الارباب بان الزواج في الغربة يفرق عن الزواج في السودان..

شايفة ناس كتير اتفقوا عليها يعني المتأهلة للزواج تمشي السودان أحسن..لضمان استمرارية الحياة الزوجية...

نوريك رأي: في حاجة غريبة في عالمنا نحن النساء لما نكون ما متزوجات نشوف المتزوجة نقول يا الله بختّها!!! ولما نتزوّج نعاين للمامتزوجة ونقول يا الله بخّتها!!!

كل التقدير

Post: #104
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: Amira Elsheikh
Date: 07-18-2007, 09:35 AM
Parent: #103

Quote: أميرة !!! النتائج ما مطمئنة لحد الآن ...بس قلت ما استعجل خلينا نشوف باقي المتداخلين

العزيزة سلمى..

ازيك..

النتائج ما مطمئنة...؟ بالنسبة لى ولا ليك..

يعنى تحت تحت كدا ؟؟ المسالة ماشة لوين؟؟

Post: #105
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-18-2007, 09:56 AM
Parent: #104

أميرة والله انت عسل
شغالة أحصي في نتائج الدراسات أولاً بعدين النتيجة يا أميرة...لكن أقري المعلومة دي يمكن تفيد:
Quote: بان الزواج في الغربة يفرق عن الزواج في السودان..

حددي انت وين وعلى اساسه نعم أو لا للزواج ! أو المسألة ماشة وين

Post: #106
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-18-2007, 09:59 AM
Parent: #105

هسي يا أميرة عايني جنس الحالة دي المرة بتنقنق قصدي ( بتتونس ) مع الراجل وشوفي الكابتن !!!

Post: #107
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-18-2007, 10:13 AM
Parent: #106

مشوااااااااااار الحياة يبدأ بخطوة ...لكن نضيف للكاريكاتير البحث عن عروسة ( ×× سنة )!!!!

Post: #112
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: Amira Elsheikh
Date: 07-18-2007, 01:00 PM
Parent: #105

Quote:
Quote: بان الزواج في الغربة يفرق عن الزواج في السودان..

حددي انت وين وعلى اساسه نعم أو لا للزواج ! أو المسألة ماشة وين

انا فى السودان وماشة على غربة ... اها دى يحلوها كيف؟؟

غايتو ورطة دى...

Post: #114
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-20-2007, 01:42 PM
Parent: #112

أميرة الشيخ كيفك يا عسل...
Quote: انا فى السودان وماشة على غربة ... اها دى يحلوها كيف؟؟
غايتو ورطة دى...

ما دايرة أخوّفك أو أحبطك يا أميرة لكن نصيحتي ليك ما تسافري بره السودان هسي ...خليك شوية...التذاكر وبترجع أو بتتحول لي خطوط تانية.... بس العريس من السودان ما بيرجع يا أميرة ...أوزنيها صاح

أها نويت على شنو؟؟؟

....

Post: #118
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: Amira Elsheikh
Date: 07-20-2007, 04:21 PM
Parent: #114

Quote:
بس العريس من السودان ما بيرجع يا أميرة ...أوزنيها صاح

معنى كدا يا سلمى وحسب كلامك... نعم للزواج لا للعزوبية؟؟

ولا كيييف؟؟؟

ازيك شديييييييييد يا سلمى...

Post: #152
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-23-2007, 10:27 AM
Parent: #118

سلام يا أميرة
والله كان شفتي الحيرة الأنا فيها !!
Quote: معنى كدا يا سلمى وحسب كلامك... نعم للزواج لا للعزوبية؟؟

ولا كيييف؟؟؟

أميرة الخلاصة!!! في الحالتين أنا ضايع

مودتي

Post: #108
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: مريم بنت الحسين
Date: 07-18-2007, 10:47 AM
Parent: #1

سلمى ازيك
انا قعدته في البوست بتاعك ده من الصباح اقرا فيه، كان ألقى فيه مره تجي تفضفض، لكن لقيتهن ليك جبانات كلهن... بري يا يمه.. انا أفته ليك.. الرجال طبعا كلهم جايين يفضفضوا.. وهم في ذلك ينقسموا إلى قسمين، إما عزابي ما بخاف إلا من ربه، يا متزوج وضامن إنه المدام ما حتقرا كلامه.. أما الطابور الخامس، فديل البعاينوا بعيونهم ويضحكوا في الكراكيترات ويفكوها شويه عن روحهم ويفوتوا.. لكن النسوان، مافي واحده جات قالت بغم..
انا سنة تانيه زواج.. عجبني جدا كلام الاخ هنا

Quote: أما لو كنته في الغربة خصوصـــــاً السعودية .. وفي السعودية خصوصاً الرياض ( ذي حالتنا دي ) يبقى ووووووووووووب علييييييييييييييييك من النقققققققققه ...
النسوان هنا عندهم فراغ .. الواحدة ساكنة في شقة 2 × 2 .. دقيقتين تنضف الشقة + دقيقتين تسخن الأكل بعد كده تحضر التلفزيون .. بس دخلتك البيت ..

انا طبعا من ناس السعودية ديل، وجديده في الشغلانه.. لكن فعلا ده البحصل، الواحده هنا عندها فراغ قاتل للروح والنفس.. يعني رغم توفر الوقت، إلا إنه مافي شي تقدر تنجزه.. يجيك الراجل آخر النهار فتران وتعبان.. لا تقدري تقولي مارقه لا تقدري تقولي ما مارقه.. ويلا لما ما تعرف تسوي شنو في حياتها، تقبل ليك على الراجل، ياخوانا الواحده تكون النهارية كلها تسمع في التلفزيون.. ما بتتذكر صوتها زاته عامل كيف .. لما يجي الراجل بتفرغ حق الساعات البتعاين فيهن للحيط دي.. اها الراجل جايي من الشغل ما عايز كلام كتير.. كان سكتت بتفطس، وكان اتكلمت ما يعجب.. غايته، انا ادعو من هنا إلى جمعية نصرة المرأة السودانية في البلد الفقر السعودية.. ومستعده لقيادة مظاهرات عشان يخلونا نسوق السيارات ونمرق نشم الهوا ده ساي.. انا غايته صفرته، لي سنة ما لاقيت الشمس ولا شفتها بي عيني ولا شافتني بي عينها...

طلعته من الموضوع، لكن ياخ موضوع السعودية ده هبشني في جرح والله..

إجابتي على السؤال هو زواج، خارج السعودية.. إن شاء الله في هونولولو..

بنت الحسين

Post: #109
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-18-2007, 11:06 AM
Parent: #108

الأخت الفاضلة مريم...

Quote: انا قعدته في البوست بتاعك ده من الصباح اقرا فيه، كان ألقى فيه مره تجي تفضفض، لكن لقيتهن ليك جبانات كلهن... بري يا يمه.. انا أفته ليك..
أما الطابور الخامس، فديل البعاينوا بعيونهم ويضحكوا في الكراكيترات ويفكوها شويه عن روحهم ويفوتوا.. لكن النسوان، مافي واحده جات قالت بغم..

والله ضحكت لمن دمّعت يا مريم..
Quote: إجابتي على السؤال هو زواج، خارج السعودية.. إن شاء الله في هونولولو..

رأي صريييييح وواضح
( يعني يفضّل لكل من ترغب في الزواج البعد عن العريس المتقدم من السعودية للأسباب التالية )

Quote: يجيك الراجل آخر النهار فتران وتعبان.. لا تقدري تقولي مارقه لا تقدري تقولي ما مارقه.. ويلا لما ما تعرف تسوي شنو في حياتها، تقبل ليك على الراجل، ياخوانا الواحده تكون النهارية كلها تسمع في التلفزيون.. ما بتتذكر صوتها زاته عامل كيف .. لما يجي الراجل بتفرغ حق الساعات البتعاين فيهن للحيط دي.. اها الراجل جايي من الشغل ما عايز كلام كتير.. كان سكتت بتفطس، وكان اتكلمت ما يعجب

طيب المعرسن ليها شنو يا مريم ؟

ولا شنو..؟

مودتي

Post: #110
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: مجدي عبدالرحيم فضل
Date: 07-18-2007, 11:27 AM
Parent: #109

يعني ياسلمي قصي ده من هسي يحدد موقفه (يالا يالا وفي الحالتين الغربه ستر حال)

يعني لما أضرب السنين الدراسيه + الخبره العمليه + تحديد المهر + عمل البيت =

خروج من الدنيا الي دار الحور يبقي أحسن من الآن يتذود بالتقوي عشان الفوز بالحور

العين .

دمتي ،،، واللآ لا ولا لا في حالة أصلوا ماخطر بباله أنو يتزوج مايتزوج ولا يتزوج والنقله

بتعيش في الآخر.

،،،،أبوقصي،،،،

Post: #111
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: الطيب شيقوق
Date: 07-18-2007, 11:51 AM
Parent: #110

الاخت سلمى

انقل اليك هذه القصة الغرامية الخلتنى انا اقول لا للحب ولا للزواج ونعم للعذوبية

ليست القضيه متى سيأتي،،
القضيه هل يبقى حين يأتي؟

الفصل الأول:
إلتقته وهي في الثلاثين من عمرها
في وقت ظنت أنها فقدت القدره على الحب والحلم والأمل
وأشياء أخرى تحتاج إليها المرأه في منتصف العمر
وبعد أن ذاقت من الأشياء أمرها
وبعد أن حملتها الظروف من الألم فوق طاقتها
وبعد أن أتسعت الفجوه بينها وبين الفرح
وأصبحت السعاده من مستحيلات حياتها

الفصل الثاني:
عندها جاء هو
بقلبه الكبير
وببحور حنانه الباحثه عن أنثى تكون نصف قلبه الآخر
أقترب منها كالأحلام الهادئه
عشقها بصدق فرسان الحكايات القديمه
وطرق بابها في أشد مراحل عمرها ظلمه ليمنحها باقه من النور
لم يكن آخر أطواق النجاة بالنسبه إليها
بل كان الشاطيء والقبطان والسفينه

الفصل الثالث:
غيرها تماما
نسفها داخليا وخارجيا
لون كل المساحات السوداء في داخلها
فتعلقت به تعلق الأم بطفلها
وتعلق الأنثى بفارسها
وتعلق الإنسان بوطنه
وشعرت معه بأمان لم تشعر به طيلة سنواتها

الفصل الرابع:
أقترب من أعماقها أكثر
ملأ إحساسها كالدم بجسدها
ملأ حياتها كالهواء في رأتيها
كانت تنام على وعوده
وتستيقظ على صوته
تمادت معه بأحلامها
منحت نفسها حق الحلم كسواها
حلمت بأطفال بعدد نجوم السماء
وبقدره إلهيه تهديه أياها
وبليله من العمر تجمعهما في جنه فوق الأرض تعيش فيها معه

الفصل الخامس:
كان رجلا رومانسيا شفافا
بادلها أحلامها بنقاء
لم تكن بالنسبه إليه حكايه يسعى إلى إنهاء دوره فيها
ولم يكتبها رقما في أجندته
ولم يسجلها موعدا قابلا للإنتهاء
كانت أشياء أخرى
أحساسا مختلفا
وإمرأه لا يمكن تصور حياته من دونها

الفصل السادس:
إعتادت على وجوده في حياتها
تماما كما إعتاد هو على وجودها في عالمه
كان إحساسها طاهرا نقيا
لم تدنسه مواعيد الغرام
ولم تلوثه اللقاءات المحرمه
كان يصونها كعرضه
وكانت تحفظه كعينيها

الفصل السابع:
سألها يوما : ماذا لو خنتك؟
قالت : سأقتلك.
قال : وماذا لو مت؟
قالت : ستقتلني.
عندها أدرك أنها إمرأه ترفض الحياة من دونه وبغير وجوده
فتمسك بحياته أكثر
وتمنى أن يعيش إلى الأبد كي يجنبها ألم فقدانه وفجيعة رحيله

الفصل الثامن:
منذ أن عرفته وهي تعشق المساء جدا
ففي المساء يأتي صوته حاملا لها فرح العالم كله
ويعيدها رنين هاتفها إلى الحياة التي بفارقها حين تفارقه ويفارقها
وما أن ترفع السماعه حتى يبادرها متسائلا:
من تحبين أكثر؟ أنا؟ أم أنا؟
فتجيبه بطفولة إمرأه عاشقه:
أحبك أنت أكثر من أنت.
ثم يتجولان معا في عالم من الأحلام الجميله

الفصل التاسع:
وهذا المساء إنتظرت صوته كالعاده
ومرت الدقائق وتليها الساعات
شيء ما في قلبها بدأ يشتعل
شيء ما تتجاهل صوته لكنه يلح
شيء ما يصرخ فيها أنه لن يعود
وشيء ما يوقض في داخلها كل شكوك وظنون الأنثى في لحظة الإنتظار
ترى هل نسى؟
ترى هل خان؟
هل رحل؟
ومع أول إشعاع نور للصباح
حادثها أحدهم ليخبرها بضرورة وجودها في المستشفى لأن أحدهم يصر على رؤيتها قبل دخوله غرفة العمليات

الفصل العاشر:
وهناك إلتقته
باسما في وجهها كعادته برغم الألم قال لها:
\"سامحيني أعلم أن رحيلي سيسرق منك كل شيء ،، وأعلم كيف ستكون لياليك من بعدي
وأعلم مساحة الرعب التي سيخلفها رحيلي في داخلك
وأعلم أنه لا شيء سيملأ الفراغ خلفي
وأعلم كم ستقتلك البقايا
وأعلم كم ستكسرك الذكرى
وأعلم تحت أي مقاصل العذاب ستنامين
وفي أي مشانق العذاب والإنتظار ستتعلقين
وأعلم كم ستبكين وكيف ستبكين
وأعلم أني قد خذلتك
وأعلم أنك ستغفرين

الفصل الحادي عشر:
ومضى إلى مصير تجهله
كانت رائحة الوداع تملأ حديثه
لكنها تعلقت بآخر قشه للأمل
وإنتظرت
إنتظرت
إنتظرت
وكانت تردد بينها وبين نفسها
ماذا لو أنه رحل؟
ماذا ن لون حياتها؟
بل ماذا سيتبقى من حياتها؟
لم تحتمل ثقل سؤالها. فجلست على الأرض.
ما عادت قدماها تقويان على حملها
إستندت إلى الجدار في إنتظار حكم الحياة عليها

الفصل الثاني عشر:
ومن بعيد لمحته يأتي
يتقدم نحوها
إنه الطبيب الذي أجرى له العمليه
تمنت أن يقف مكانه
أن لا يتقدم أكثر
أن لا يفتح فمه بنبأ رحيله
دقات قلبها تزداد ،، أنفاسها تتصاعد
ترى هل رحل؟
أغمضت عينيها
ووضعت يديها على أذنيها
لا تريد أن تسمع
لا تملك القدره على أن تسمع نبأ كهذا النبأ

الفصل الثالث عشر:
لا أحد يعلم كم من الوقت مر قبل أن يصلها الطبيب
ربما لحظات ،، ربما سنوات ،،
لكنه أخيرا وصل
وقف أمامها باسما قائلا:
كتب له عمر جديد يا سيدتي
نجحت العمليه وسيعيش
وإنتظر أن ينطق منها صوت الفرح
لكنها صمتت
لم تنطق
ولن تنطق أبدا
لقد رحلت ،، قتلها الإنتظار والخوف والترقب

الفصل الرابع عشر:
عفوا إنها إمرأه وصلت بتعلقها به إلى درجة رفض الحياة في غيابه

هل توجد مثل هذه المرأه الآن؟
هل يوجد مثل هذا الرجل الآن؟

وأخيرا يا ترى
من قتل من؟

Post: #116
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-20-2007, 02:23 PM
Parent: #111

أستاذ الطيب شيقوق
يا لها من مداخلة ....!!!
Quote: لقد رحلت ،، قتلها الإنتظار والخوف والترقب

بس سؤال يعني بعد مابقى كويس ماكان تقعد ...ده ما عذاب
Quote: عفوا إنها إمرأه وصلت بتعلقها به إلى درجة رفض الحياة في غيابه
ده حب أفلاطوني
Quote: هل توجد مثل هذه المرأه الآن؟
هل يوجد مثل هذا الرجل الآن؟

موجود يا أستاذ الطيب بس الناس دي فهمت يعني شنو معنى كلمة الحب الحقيقي!!!

فالحب الحقيقي .. هو أن تخترع لهم الهواء عند اختناقهم .. وتنزف لهم دموعك عند عطشهم .. وتقتطع لهم من جسدك عند جوعهم .. ثم لا تنتظر المقابل ..!
الحب الحقيقي هو أن تشعل أناملك كي تضيء لهم الطريق .. وتحرق أيامك كي تبث فيهم الدفء .. وتمنحهم عينيك بدون تردد كي تنير لهم الظلام .. ثم لاتنتظر المقابل ..!

كل التقدير

Post: #115
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-20-2007, 02:02 PM
Parent: #110

مجدي عبد الرحيم
كيفك وكيف قصي..
Quote: يعني لما أضرب السنين الدراسيه + الخبره العمليه + تحديد المهر + عمل البيت =

خروج من الدنيا الي دار الحور يبقي أحسن من الآن يتذود بالتقوي عشان الفوز بالحور

العين .

بيني وبينك أنا ذاتي لما شفت الكاريكاتير والله شلت هم !
انشاء الله تفرح بي قصي وتشوف أولاد قصي قول آآمين .
.لكن انت عارف حلّها نعمل ذي الهنود العنده ولد بس ينوووم وينتظر عروس المستقبل تجهز كل شي ولا رأيك شنو؟؟ والله زمنهم داك الله عالم البيحصل شنو؟

وما تشيل هم يا أبو قصي والله المسيار راقد

كل الود

Post: #117
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-20-2007, 03:26 PM
Parent: #115

Post: #119
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-20-2007, 04:41 PM
Parent: #117

****

Post: #120
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-20-2007, 05:16 PM
Parent: #119

امرأة متزوجة ( 1 )

امرأة متزوجة ( 2 )

Post: #121
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: غادة عبدالعزيز خالد
Date: 07-20-2007, 05:42 PM
Parent: #120

عندي ليك حل في النص يا سلمى

كن متزوجا و عش عازبا

بمعنى, تكون متزوج و تبعد عن زوجك أو زوجتك إسبوعين تلاتة
كل تلاتو لسة شهور

أها لقيتوني كيف؟

Post: #122
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-22-2007, 06:33 AM
Parent: #121

Quote: عندي ليك حل في النص يا سلمى

كن متزوجا و عش عازبا

Quote: بمعنى, تكون متزوج و تبعد عن زوجك أو زوجتك إسبوعين تلاتة
كل تلاتو لسة شهور

خطيرة يا غادة والله حل في الصميم! ....ده حل حيناسب أطراف كتيرة

كل الود

Post: #123
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: الطيب شيقوق
Date: 07-22-2007, 06:39 AM
Parent: #121

الاخت سلمى الحب الحقيقي تجديه في هذه القضية - ان كان لك من الوقت لقراءتها- والتى حدثت وقائعها في مدينة الابيض كانت قصة غرامية بطلتها بنت اسمها نجمة .

يا سلمى تعتبر قضية نجمة حقا من اجمل القضايا التي تخللتها الحصافة القانونية مزينة بالمقاطع الشعرية فهي في جزء منها تشبه رائعة شكسبير " روميو وجوليت ".وهي تعبر عن اصيل العشق وصحيح الغرام حتى ليخال المرء بانها إحدى قصص طوق الحمامة .وقداطلقت الزميلة المبدعة امل فايز الكردفاني على هذه القضية " الموت في محراب القضاء".وقد أبدى محامي الدفاع الفطحل الاستاذ حاج الطاهر جهدا قانونيا مقدرا من اجل تخفيف الحكم على المتهم تحت دفع الإستفزاز الشديد المفاجئ Sudden grave provocation ولكن لم يوفق.

محكمة الإستئناف المدنية
حكومة السودان ضد حسن .............
م أ / م ك / 243/1970
المحامي:
الحاج الطاهر أحمد............عن المتهم
عثمان الطيب(رئيس القضاء)- أغسطس 19/1970.
أنعقدت المحكمة الكبرى في الأبيض برئاسة القاضي الجزئي زكريا أحمد ......بين يومي 12/4/ و 9/5/1970 لمحاكمة المتهم المذكور أعلاه متهماً بأنه في يوم 2/8/1969 بالأبيض طعن زوجته نجمة بشير محمد الفقير بسكين في صدرها و سبب وفاتها وبذلك يكون مرتكباً جريمة القتل العمد تحت المادة 251 من قانون العقوبات. أدانته المحكمة تحت هذه المادة وحكمت عليه بالإعدام.
طعن المتهم المتوفاة طعنة واحدة في الجانب الأيسر من صدرها، وتوفيت في نفس الوقت. ونقلت جثتها إلي مستشفى الأبيض وظهر من الكشف الطبي عن سبب الوفاة إن السكين وصلت إلي غشاء البلورة وفتحته، وأدى ذلك إلي دخول الهواء في الصدر وإنكماش الرئيتين، و تعطلت عملية التنفس، ونتجت الوفاة، أول ما أستجوب المتهم في يومية التحري بعد القبض عليه أعترف بأنه طعنها قاصداً ذلك وعندما أخذت أقواله أمام قاضي قال إنه كان يريد أن يضربها في وجهها ولكن أصابتها السكين في مكان آخر من جسمها لا يعرفه. وفي أقواله أمام قاضي التحقيق القضائي قال إنه أخذ السكين وطعنها ولكن لا يعرف في أي جزء من جسمها. وفي أقواله أمام المحكمة الكبرى قال إنه كان يريد أن يضربها بالسكين في وجهها وهي راقدة و أصابتها السكين في جنبها.
من خلاصة هذه الأقوال يتضح-كما وجدت المحكمة الكبرى- إن المتهم قد قصد طعن المتوفاة، وطعنها طعنة قوية بسكين حادة يستنتج منها أنه قد قصد قتلها.
ركز السيد محامي المتهم دفاعه على الفقرة الأولى من المادة 249 من قانون العقوبات. أي إن المتهم عند طعن المتوفاة كان واقعاً تحت إستفزاز شديد ومفاجئ أفقده السيطرة على نفسه، وبذلك تلزم أن تكون إدانته بالقتل الجنائي تحت المادة 253 من قانون العقوبات.
ولكيما تقرر صحة هذا الدفاع أو عدمه يتوجب تتبع الوقائع عن العلاقة بين المتهم والمتوفاة وسلوكهما حتى لحظة الحادث.
ينتمي المتهم والمتوفاة إلي قبيلة ............. وكل واحد منهما إبن عم الآخر. و والد المتهم ..................ومن أعيان .........ويظهر إن أبناء العائلة وبناتها نالوا حظاً من التعليم. يعمل المتهم محاسباً ............. تزوج المتهم بإبنة عمه المتوفاة من قبل حوالي عشر سنوات، وظلوا يعيشون بين المجلد والفولة ولقاوة ويقومون بزيارات للأبيض. تزوج المتهم بزوجة ثانية، وتزوج بثالثة في حوالي 1968. وبطبيعة الحال ضاقت المتوفاة ذرعاً بهذه الزيجات المتعددة ولم ترض عن زوجها وصارت تشعر بتعاسة معه. ونشأت بينهما الخلافات التي أدت في مرة من المرات إلي الطلاق الذي أعادها بعده إلي عصمته. ويبدو أنها أصبحت تفكر جدياً في الإبتعاد عنه.
يظهر إنها في إحدى سفراتها إلي الأبيض أو في غيرها تعرفت على شاب يدعى يوسف عباس (شاهد الإتهام الخامس)، و أنسجمت معه في علاقة حب. وأصبحا يتبادلان خطابات الحب. ولإستكمال القصة أرى أن نرجع إلي بعض تلك الخطابات.
أول رسالة عثرت ليوسف إلي المتوفاة نجمة مرسلة من الأبيض ومؤرخة 29/6/1968، ويسمى نفسه فيها (أختك المشتاقة سلمى) وبعد التحية والأشواق يقول لها فيها تسلمت منذ يومين رسالتك التي أنتظرتها، والحق يقال لقد أعادت الطمأنينة إلي قلبي كما أعاد قميص يوسف البصر إلي عيني والده. ويذكر لها إن الأيام القصيرة التي قضياها معاً كان لها أطيب الأثر في نفسيهما وينهي الخطاب بأبيات الشعر الأتية:
لك في خيالي روضة فينانة غنى على أغصانها شاديها
يحمي مغارسها ويرعى نبتها راع يجنبها البلي ويقيها
فإذا النوى طالت على وشفني جرحى وعاد لمهجتي يدميها
نسق الخيال زهورها و ورودها فقطفتها وشممت عطرك فيها
ورسالة أخرى من الأبيض مؤرخة 19/11/1968 مذيلة بعبارة (المخلص إلي الأبد أنا) يقول في هذه الرسالة: أريد أن أكتب شيئاً منمغاً كعبارات القصص ولكني لا أجد أبلغ من الكلمة السهلة (أحبك) عندما تنبع من أعماق القلب ويردد كلمة أحبك. ويمضي فيتغزل في سحر عينيها الغامض وإبتسامتها ورقتها الحالمة. ويذكر أيام اللقاء التي مرت سريعاً ويتشوق إلي لقائها وإنه في إنتظار الموعد الذي حددته والذي يراه بعيداً ويستعجلها الحضور. ويذكر لها إنه عرف بقصة طلاقها، ويعلق عليه بأن المولى أنقذها من حسن، وإنه سعيد لهذه النهاية. وبعد حديث عن بعض الأخوات وذهابه للخرطوم وعودته يقول لها (ما زلت عند وعدي وطبعاً الظروف تغيرت) ونضيف إلي ذلك إنه كان ينوي أن يحضر لها في المجلد، ولكن عليها أن تحضر بأسرع فرصة لأن الشوق فاض. ويمضي في حديث حب وهيام عنيف ويضيف إليه أبياتاً من الشعر اللطيف ويختم الرسالة هكذا.
إلي حين حضورك
سأظل بعدك للسجون وللعصابات الآخر
أقتات بالذكرى الحبيبة إذ تعاودني الذكر
إن أتجهت أو إلتفت أرى خيالك في الأثر
والرسالة الثانية من يوسف من الأبيض مؤرخة 18/12/1968 إلي منية النفس نجمة- كما بداها. بعد الشوق واللهفة الشديد إلي اللقيا، خبرها إنه في ذلك اليوم استلم رسالتها الغالية، وأعتذر عن عدم الرد على رسالتها السابقة. ودخل معها في حوار بهذه العبارة (لاحظت تساؤلاً في خطابك عما أقصد بكلمة الظروف عندما علقت على قولك (أما زلت عند وعدك. بالطبع أوعدتك بأنني سأظل أحبك ما دمت حيا، وإن ما من حب إلا وله نهاية سعيدة هذا هو مفهوم الحب. وعندما حصل ما زلت أريد حيا، وإن ما صدراً حنوناً ويقول لها إن الظروف هي ظروف رجوعها إلي زوجها ما زالت قائمة. ويمضي فيجد لها العذر بأنها كتبت تلك في إندفاعاتها عندما ذكرت أنها لا تريد أن تغمس نفسها مع الزوجة الثالثة و إن حسن خلق لها مشاكل كثيرة. ويذهب في القول هكذا.
(نجمة) أنت شابة يتمناها الجميع ولو القدر كان يجمعنا قبل زواجك من حسن لكنت فتاة أحلامي وزوجتي. هل تذكرين في أول لقاء لنا إنني قلت لك لماذ لم أعرفك قبل اليوم. وبعد معرفتي لك أكثر و أكثر وحبي لك يا ترى ماذا كنت تتوقعين غير ان احمد الله على خلاصك وبانك صرت حره وكلانا متعلق بالآخر ماذا ياترى ان نفعل غير العيش مع بعض .
ثم يتساءل إن كانت تحب حسن أو أنها تحب طفلها( ......) ويؤكد لها إنه لا زال عند وعده ويردد ما زال عند وعده وإنه مستعد أن يضحي تضحية كبرى في سبيل حبها.
وظهرت في إجراءات القضية رسالة من نجمة إلي يوسف، وهي ليست (مؤرخة) ولكن يبدو أنها كانت قبل رسالة يوسف المؤرخة 8/12/1968 إذ أنها ذكرت فيها إقتران حسن بزوجة ثالثة. والطلاق الذي تدعى وقوعه وحسن ينكره وإصرارها عليه ومحاولتها الإبتعاد عنه ودخول الوساطات لحملها على تغيير رأيها. وهي تبدأ هذه الرسالة بأبيات من الشعر أولها:
أستخبر الشمس كلما طلعت و أسال البرق عنكم كلما لمعا
و آخر تلك الأبيات:
لا تحسبو إنني بالغير مشتغل إن الفؤاد بحب الغير ما وسعا
وتزف إليه الأشواق مع النسمات الرقيقة عبر المسافات البعيدة، وتعبر له عما في قلبها من شوق لرؤياه. وتعتذر عن التأخير في الكتابة إليه لما هي فيه من مشاكل، وتعتذر أيضاً لعدم تمكنها من كتابة كل شئ عن قصتها مع الثعلب الماكر الذي أضاف إلي العدد ثالثة- تعني الزوجة الثالثة. و تختم الرسالة بأبيات من الشعر.
وتكتب له رسالة أخرى مؤرخة 15/1/1969، تقول فيها (حبيبي لقد أتاني خطابك الذي أحاطني بعبارته العميقة العالية، وأعاد إلي طمأنينتي التي فقدتها منذ زمن، حبيبي إني لا اشك في حبك وغايتك أبداً.. والله ومدى قداسته أبداً... إنما الذي أرجوه هو الغاية وكل حب يدوم.. إلا وله نهاية سعيدة.. وتمضي فتتحدث عن الطلاق وتدخل الناس والرياء الإجتماعي وسوء العادات والتقاليد، التي وقفت سداً منيعاً دون بلوغها غايتها، وتشكو حزنها وألمها وإنكسار قلبها في منزل حسن حيث لا يوجد عزاء ولا توجد رحمة وتحدثت عن منعها من الذهاب للأبيض ولكنها ستسعى لتجد الطريق إليها لكي تقابله.
ورسالة أخرى مؤرخة 15/3/1969 ترسلها نجمة لعزيزها تبدأ بالقبلات الحارة وتردد كلمة حبيبي وتقول ما أبلغ هذه الكلمة التي تنبع من سويداء قلب مفعم بالشوق الأكيد... وتمضي قائلة، طبعاً أعلم علم اليقين بما تكنه لي من إخلاص وحب فياض وتضحية، وقد تسئ فهمي بأنني قد خنت حبك ولكن والله هذا لم ولن يحصل. وتطمئنه بأنها لم تكن لها حيلة في الرجوع لحسن بسبب الوساطات، وإن التأخير سيكون على حسابها، وأنها رأت الإستسلام لكي تجد فرصة أخرى، وترى إن هذا من اللباقة، إلي أن تنال إستقلالها كاملاً في القريب إنشاء الله. وحتى يتمكنان من بناء عشهما الحبيب وتؤكد له إن الذي أرجعها لحسن ليس حباً، و تتألم من الظلام الذي أطفأ نور عينيها وهصر قلبها وأنها فقدت شخصيتها وصارت له بلا إحساس. وتتساءل إن كان حسن يستطيع أن يستمر مع آلة بلا إحساس أو شعور. وترد بالنفي. ثم تسأل حبيبها (هل رجوعي بجسدي تراه خطأ في حق حبك؟ وروحي معك عقلي معك.. لا أظن ذلك) وتتألم لما هي فيه من عذاب نفسي، وتؤكد له إنها ستأخذ إستقلالها كاملاً شاملاً في القريب.
وأنقضت فترة زمنية حوالي الثلاثة أشهر لا تعرف ما حصل فيها من شأن يوسف. وبعدها شاءت المقادير أن تجمع العشيقين قدر الله أن توفيت عمة لحسن ونجمة في الأبيض، وحضر الأثنان للعزاء، وكان ذلك يوم 24/6/1969. وبعد نهاية أيام العزاء كان على حسن أن يرجع إلي مقر عمله في المجلد، و أما نجمة فأظهرت رغبتها لتبقى في الأبيض للعلاج. وتركها حسن هناك ورجع إلي المجلد بعد أن بقى في طريقه بضعة أيام في رجل الفولة.
وهنا بدأ الإتصال بين الحبيبين. وخوفاً من أعين الناس وشفقة على حبهما كان يتقابلا سراً، ويتفقان على مواعيد اللقاء بالرسائل. وقد وجدت بعض رسائل نجمة إلي يوسف التي تحدد له فيه ميعاد ومكان اللقاء.
كانت نجمة تسكن مع أحد أقربائها حيث تركها حسن، وكان في جوارهم قريبات ليوسف يتردد عليهن، ويبدو إن هناك قابلها لأول مرة، و كانت نجمة مصممة على ألا تعود لحسن وأن تبقى في الأبيض إلي الأبد حيث وجدت حبيبها وسكنت إليه وسكن إليها حتى يستطيعا أن يبنيا عشهما الهادئ وتنفيذاً لهذا التفكير أشتغلت نجمة موظفة للآلة الكاتبة في وكالة عروس الرمال للسفر والسياحة، وكان ذلك إبتداء من يوم 7/7/1969.
في إحدى رسائلها لحبيبها وهي معه في الأبيض كتبت له قائلة (أتمنى لنا دائماً السعادة والرفاهية في ظل القوي المتين الذي لا نهاية له كما أتمنى للعوازل آلاماً مرة على مدى السنين. وصلت البارحة في آمان الله وروحي بل ومعنوياتي في الثريا ونمت نوم قرير العين (مضت تحكي له أنها سمعت بعض الصغار في الحي يتحدثون عن حبهما وتكرار زيارته لمنزل عبدالمجيد لكي يراها. وقالت أنها قابلت هذا الحديث بجمود وبدون إكتراث، لأن مسألة حبهما لا ريب فيها، وعليهما أن يقابلا الموضوع بشجاعة، إذا عرفه وتناقله الناس.
كان حسن قد أرسل خطاباً إلي قريبهما الذي كانت تقيم معه لكي يستعجلها الرجوع وأيضاً أرسل لها برقية، وأخيراً أرسل خطاباً الذي ردت عليه بخطابها الذي عليه ختم بريد الأبيض المؤرخ 27/7/1969 وأيضاً عليه ختم بريد الملجد المؤرخ 31/7/1969.
وقالت له في هذا الخطاب إن الخطابات التي تجدها بحوزته كانت قد أرسلت في لقاوة وكانت لها حياتها الخاصة التي تحياها بإعتبارها طالق. فقالت له إن شكوكه فيها لا محل لها. قالت فيه أنها أشتغلت بالمؤسسة، وإن العمل حق و واجب وشرف وكرامة، وإن إبنهما(........) فهو أمانة في عنقه ثم أسترسلت في قصيدة من الشعر الحديث أنقل منها ما يلي:
متى يا سيدي تفهم بأني لست واحدة من صديقاتك
ولا فتحاً نسائياً يضاف إلى فتوحاتك
أياً جملاً من الصحراء لم يلجم
بأني لن أكون هنا رماداً في سيجاراتك
ولا رأساً بين آلاف الرؤوس في مخداتك
ونهاد فوق مرمرة تسجل شكل بصماتك
وأيا سيد انفعالاتـــــــــــك
ومن صارت الزوجات بعضاً من هواياتك
تكدسهن
بالعشرات في جدران صالاتك
متى تفهم؟
كهوف الليل في (المجلد) قد قتلت مرؤاتك
و أنت صريع شهواتك
تنام كأن المأساة ليست مآساتك
متى تفهم؟
متى يستقيظ الإنسان في ذاتك
وكان وصول هذا الخطاب في يوم الخميس وما أن قرأه حسن
إلا وأستعد لسفر إلي الأبيض التي وصلها في حوالي العاشرة صباحاً يوم السبت وذهب للمنزل و وجد نجمة
وطلب منها أن تذهب معه في الحال إلي
المكتب الذي أشتغلت فيه لكي تستقيل. وأقترحت عليه كتابة خطاب إستقالة، ورفض حسن هذا الإقتراح
واصر على الذهاب. وذهبا إلي ذلك المكتب وكانت تصحبهما قريبتهما جدة محمد الفقير.
(.........)ودخلوا مكتب وكالة
للسياحة والسفر، و وجدوا صاحبها. و وجه له حسن السؤال عن كيف شغلوا نجمة
عندهم إمرأة بدون موافقة زوجها. ويبدو إن الردود لم تكن مقنعة له وفيها بعض السخرية به، فأنفعل وهدد من
كان هناك و وصل إلي الدرجة أن بعثر أثاث المكتب. وهنا خرج صاحب الوكالة لكي يبلغ البوليس. ولكن حسن ونجمة
وجدة خرجوا قبل حضور البوليس ذهبوا إلي المنزل. و روت جدة محمد........ما حصل بعد ذلك ويتلخص في الأتي:
ذهبوا إلي منزل حاج يوسف، وجلسوا.
وقال حسن إنه كان غضبانا لأنه كان يفتكر في الأمر شيئاً آخر، ولكن ما دام نجمة تركت العمل وستذهب
معه فإن الغضب زال عنه. وقال إنه لم يشرب شاي منذ أيام وطلب عمل شاي. وخرجت نجمة لتذهب إلي منزل
جدة لأن ملابسها وأمتعتها كانت هناك. ولحق بها حسن ودخلا معاً في الحجرة وجلسا معاً، وجلست جدة في الفرندة.
و لم يكن هناك حديث بين حسن ونجمة. وحضرت إحدى البنات تدعو حس للغداء، فرد بأنه لا يريد
غداء وأنه مصدوع. وبعدها قالوا فلتحضر نجمة للغداء وقال حسن لا بأس. ولم تتحرك نجمة وقام حسن فجأة وطعنها
وهي استلقت في السرير، وخرج حسن وهو يحمل السكين وجلس تحت شجرة. وفي نفس اللحظة دخلت جدة و
وجدت نجمة مغمورة بدمائها ولا حركة فيها. وأستغاثت جدة حتى حضر إبنها جبارة. وحاولت جدة أخذ السكين من حسن،
وقبل أن يتركها لها طعن بها نفسه و وقع على الأرض. وقد نقلت نجمة جثة هامدة كما نقل حسن جريحاً إلي المستشفى.
رواية حسن تقول إنهم بعد أن رجعوا من الوكالة للمنزل، قال إنه كان غضباناً لأنه كان يعتقد إن
الشخص الذي أرسل لها الخطابات الغرامية، هو الشخص الذي شغلها لكي تبقى معه في الأبيض،
وكان مستاء من سلوكها
لأنها أشتغلت بدون إذن. وقال إنه عاتبها لأنه تركها في الأبيض للعلاج وليس للعمل وكتابة الخطابات الغرامية
وأقترح عليها أن يحضر مصحف لتحلف عليه بأنها ستقطع علاقاتها مع يوسف، وأن ينتهي
أمر الخطابات بدون أن يعرف عنها أحد شيئاً.
وقبل ان ترد نجمه سمع حركه
فى الباب الخارجي وذهب ولم يجد شيئاً وفي اثناء رجوعه رأى نجمة ترمي ببعض أوراق في حفرة الأدبخانة،
ومن هناك ذهبت إلي
منزل جدة. وقال إنه في أثناء ذلك وجد خطاباً غرامياً في حقيبة يدها وقام ولحق بها هناك، وجلس معها في الحجرة،
قال إنه سألها عن ذلك الخطاب وردت عليه بأن تلك الخطابات التي وجدها حررت عندما كانت طالقة.
وقال إنه رد عليها بأنه طلقها الساعة العاشرة مساء وردها إلي عصمته في الساعة الثامنة صباحاً
فكيف تكون مطلقة وكيف تتبادل تلك الخطابات. وقال إنها ردت عليه بما معناه أن ينظر إلي وجهها جيداً إن
كان يرى إن مثل هذا الوجه يستحق أن يكون آهلاً لوجه مثل وجهه لولا أنها كانت غبية عندما تزوجته
وهو رد عليها بما معناه إن وجهها ذلك الذي تفخر به فإنه سيشوهه لها حتى لا يرغب فيه أحد من بعد.
وقال إنه أستل السكين الذي كان يلبسها وأراد أن يضربها في وجهها ومالت قليلاً فأصابتها السكين حيث أصابتها،
هذا ملخص أقواله أمام المحكمة الكبرى، أما أمام قاضي الإحالة فلم يرد على قوله أنه في أثناء النقاش
عن الخطابات الغرامية المتوفاة أساءته وهو أستل سكينه وطعنها ولا يدري في أي جزء من جسمها.
وفي أقواله التي أدلى بها للمتحري عقب الحادث مباشرة، قال إنه أحضر مصحفاً وطلب منها أن تحلف أنها تترك
يوسف ولا تكون لها علاقة معه، وأنها ردت أنها ستحلف أنها ستتركه، ولكن ليس كلياً وقال إنه هنا أخرج سكينه وطعنها.
لقد سردت كل هذا لأن المحكمة الكبرى لم تكن دقيقة في
تقرير الوقائع التي قبلتها عما كان حاصلاً بالفعل، والتي طبقت عليها القانون للوصول إلي النتيجة إنه لم يكن هناك إستفزازاً شديد ومفاجئ أفقد حسن السيطرة على نفسه في وقت الطعن. إن المحكمة لم تعط إهتماماً كلياً لأقوال حسن في الصورتين، الصورة الأولى
إنه طلب منها أن تحلف إنها ستترك يوسف وقالت إنها ستحلف أن تتركه ولكن ليس كلياً. والصورة الثانية أنها قالت له إن وجهها لا يستحق أن يكون آهلاً لوجهه يبدو إن المحكمة أعتبرت حسن غير صادق في الصورتين لوجود التناقض في أقواله، وأخذت بأقوال جدة وقبلتها على أنها تمثل الصورة الحقيقية، التي كانت أنه لم يكن هناك أي حديث بين حسن ونجمة. وكان حسن مستلقياً على سرير، وكانت نجمة تجلس على سرير آخر، وكانا صامتين. وفجأة قام حسن وخطأ نحو باب الحجرة، وأقبل على نجمة وطعنها. ناقشت المحكمة الكبرى قصة الخطابات الغرامية، أولاً الخطابات التي وجدها حسن في حقيبة نجمة في المجلد، وهي رسائل يوسف الثلاث التي سلف ذكرها.والرسالة
التي قال حسن إنه وجدها في حقيبتها في اللحظات الأخيرة، على إعتبار أنها لا تحدث إستفزازاً شديداً مفاجئاً. قيل عن الرسائل إن حسن وجدها في 31/7/1969، وقد إستفزته ودفعته للقيام من المجلد والحضور إلي الأبيض. والواقع إنه لم يجدها في ذلك اليوم بل وجدها في وقت سابق وأنه كتب بشأنها لنجمة، وقد ردت عليه نجمة بخطابها الأخير الذي عليه ختم البريد 27/7/1969.
قررت المحكمة الكبرى إنه كانت هذه الخطابات الغرامية إستفزته، فإن الإستفزاز لم يكن مفاجئاً في وقت إرتكاب الجريمة، وعن الخطاب الذي وجده في اللحظات الأخيرة لم يكن مفاجئاً أيضاً لأنه أعتاد على مثل هذه الخطابات من قبل.
ركز السيد محامي المتهم دفاعه من ناحية الوقائع التي سببت الإستفزاز الشديد المفاجئ على الأتي:
(1) أثير المتهم بالمعلومات التي وصلته عن إلتحاق زوجته المتوفاة بوظيفة في الأبيض بدون علمه أو موافقته في حين أنه تركها هناك للعلاج.
(2) وفي نفس يوم وصول المعلومات عثر على رسائل الحب التي أرسلها لها يوسف.
(3) وأهتز المتهم للمرة الثالثة عندما حاول أن يضع حداً لعلاقة غير الشريفة بين المتوفاة وبين عشيقها يوسف، بأن يجلعها تحلف في المصحف بقطع علاقتها معه، وهي ترددت أو أمتنعت.
(4) وأهتز للمرة الرابعة عندما وجد في حقيبة يدها خطاباً غرامياً، أغلب الظن إنه من يوسف.
من كل ما تقدم فإني أقرر الوقائع التي أعتقد حصولها على الوجه الأتي:
عثر المتهم على الرسائل الغرامية بين أمتعة المتوفاة في المجلد وبعدها سمع بإلتحاقها بعمل في الأبيض. وعند ذلك حرر لها خطاباً يعاتبها ويتهمها ويتشكك في سلوكها وكان ردها عليه في خطابها الذي وصله يوم 31/7/1969 فقالت له عن الرسائل إنها كانت حياتها الخاصة التي تحياها عندما كانت طالق وتنفي الإتهامات وترد الشكوك. وقالت عن العمل إنه حق و واجب وشرف وكرامة. ومفهوم هذا مع مفهوم الشعر الذي كتبته في الخطاب انها لم تعد له، ولا ستعود له. لأنها ليست فتحاً نسائياً يضاف إلي فتوحاته، ولا رأساً بين آلاف الرؤوس على مخداته، وسألته متى يفهم ويستقيظ الإنسان في ذاته، إثاره هذا الخطاب وأعتقد إن عشيقها هو الذي هيأ لها العمل في الأبيض لكي تبقى معه. فأسرع للمجيء إليها.
وقبل أن أسترسل في سرد الوقائع بعد مقابلته لهأ يجب أن أعيد إلي الذاكرة ان رسائل يوسف التي وجدها حسن في المجلد، لم تكن رسائل غرامية وكفى، ولكنها تعلن بوجود وعد اوإتفاق على الزواج، وفيها إستنكار لها بالإسراع للحضور له بالأبيض. وكان حسن طبعاً قرأها وأحضرها معه. ورسائل نجمة ليوسف تؤكد وجود إتفاق على الزواج بعد الخلاص من حسن. وبطبيعة الحال لم يكن لحسن مجال للإطلاع على رسائل نجمة. والرسالة التي قيل إن حسن وجدها في اللحظات الأخيرة و وصفت بأنها من ضمن رسائلها الغرامية ليوسف، لم يكن واضحاً هي أي الرسائل التي عرضت في القضية، و لم يكن واضحاً ماذا كان فيها.
ذهب حسن مباشرة. إلي المنزل الذي تسكن فيه نجمة، وكان الوقت حوالي العاشرة صباحاً. و وجدها وقابلته ببرود وهدوء، وذهبا إلي مكان عملها ورجعها. ودخلا في الحجرة، وأنتقلا إلي الأخرى. وما يعتقد كان قصد حسن من كل هذا، لم يكن سوى أن يقطع صلتها بعشيقها وبالأبيض ويأخذها معه إلي المجلد لتكون بجانبه. لم يكن بينهما حديث مسموع وهما معاً في الحجرة، ويبدو إن نجمة كانت باردة صامتة واجمة. وشعر حسن بأنها لا تريد أن تذهب معه وأنها مصممة على البقاء في الأبيض، وفي هذه اللحظة أستسل سكينه التي كانت في ملابسه وطعنها الطعنة القاتلة.
والسؤال المهم هو هل في هذه الظروف وقع الإستفزاز بمعناه القانوني الذي يخفف الجريمة من القتل العمد إلي القتل الجنائي
(يسترسل القاضى فى هذه الفقرات فى الحديث عن الاستفزاز ) ثم يختم قوله بالآتى:.
كانت الحياة الزوجية بين حسن ونجمة في الفترة الأخيرة التي كانت حوالي السنة حياة غير سعيدة، والسبب فيها إن حسن بالإضافة إلي زوجته الثانية تزوج بالثالثة أشتدت المشاكل حتى وصلت إلي الطلاق والرجعة. وصارت نجمة تضيق بحسن وتحاول أن تضيق عليه ولكي تظفر منه بالطلاق الذي لا رجعة فيه وقبل الحادث الأخير

لا شك في إن سلوك نجمة كان سلوكاً مثيراً للشعور ولكن ماهي درجته من الشدة، وما هي درجته من الفجائية. إن أي شخص عادي في مثل البيئة التي يعيش فيها حسن، كان يتوقع من خطاب نجمة الأخير أنها لن تعود معه إلي المجلد. إن الرفض للعودة معه في حد ذاته، ليس إستفزازاً شديداً، حتى إذا صاحبه إمتناعها عن القسم بقطع علاقتها مع عشيقها. كما ذكر حسن في أقواله التي لم تقبل من ناحية الوقائع. تمثل في سلسلة من الأفعال التي تجلب لزوجها المتهم عدم الرضي والغضب والقلق والإضطراب النفسي. وهو نوع من فساد الحياة الزوجية الذي يؤدي في النهاية إلي الإنفصال و الطلاق وليس أكثر من ذلك. كما يمكن أن يقال إن سلوك نجمة بالرغم مما وجدته من حسن من سؤ المعاملة، كان سلوكاً مستحقاً للملامة والمذمة ولكنه لم يمكن مصدر إستفزاز شديد ومفاجئ بحيث يثور فيه شعور حسن بالدرجة التي تفقده السيطرة على نفسه إلي أن يصل إلي قتلها.
لهذه الأسباب فإني أؤيد إدانة المتهم بالقتل العمد تحت المادة 251 من قانون عقوبات، و أؤيد الحكم عليه بالإعدام.

تنتهى الى هنا قضيتنا ... صحيح انه قد مر عليها الآن اكثر من ثلاثة عقود الا ان التاريخ اذ استطاع محو سحنات وملامح وجوه ابطالها لكنه لم يستطع ان يمحو ألاحاسيس الدافئة داخل سطور رسائل العشق والموت فى محراب القضاء السودانى العظيم.

لك عاطر التحايا
شيقوق

Post: #125
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-22-2007, 07:26 AM
Parent: #123

أستاذ الطيب
Quote: صحيح انه قد مر عليها الآن اكثر من ثلاثة عقود الا ان التاريخ اذ استطاع محو سحنات وملامح وجوه ابطالها لكنه لم يستطع ان يمحو ألاحاسيس الدافئة داخل سطور رسائل العشق والموت فى محراب القضاء السودانى العظيم.

لأول مرة أقرأ هذه الدراما المأساوية ! والعنوان " الموت في محراب القضاء" هو تراجيديا بذاته.
Quote: ويسمى نفسه فيها (أختك المشتاقة سلمى)

بس ما لقى الا الاسم ده؟

كل التقدير

Post: #124
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: عبد الدائم سيد أحمد
Date: 07-22-2007, 07:10 AM
Parent: #1

ده حال المغتربين يا غادة
Quote: كن متزوجا و عش عازبا

يعملوا تأشيرة خروج وعودة للزوجة للسفر لاهلها لمدة ربما تكون سنة

وهنا يا سلمى فى معنى قريب ومعنى بعيد للمثل البيقول :
حـالـة آخــير منـها الـعـرس

خالص الود

Post: #126
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: الطيب شيقوق
Date: 07-22-2007, 07:33 AM
Parent: #124

Quote: بس ما لقى الا الاسم ده؟

انت عارفة ليش يا سلمى ؟ لانو في خضم رحلته الغرامية استلهم اغنية الكابلي البيقول فيها :

احب الله يا سلمى لان الله سواك
واحب الورد في الغصن لان الورد حياك

وهكذا صاح؟

Post: #128
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-22-2007, 07:54 AM
Parent: #126

أستاذ الطيب

أيوة يعني الموضوع ...انتي ليه يا سلمى يا ظالمه وكده ...

Post: #127
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-22-2007, 07:48 AM
Parent: #124

الأستاذ الفاضل عبدالدايم

في حالة أخير منها العرس ( 2 )

وفي حالة أخير منها العرس

كل التقدير

Post: #129
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: الطيب شيقوق
Date: 07-22-2007, 08:05 AM
Parent: #127

Quote: أيوة يعني الموضوع ...انتي ليه يا سلمى يا ظالمه وكده ...

حتما Yes يا سلمى

Post: #130
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-22-2007, 08:38 AM
Parent: #129

على الراغبين... السفر الى الأماكن المذكورة أعلاه...

ودمتم سعداء

Post: #131
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: الطيب شيقوق
Date: 07-22-2007, 08:55 AM
Parent: #130

استراحة لمتابعي هذا البوست الجميل

هل عندكِ شكٌّ أنكِ أحلى امرأةٍ في الدنيا ؟.
وأهمُّ امرأةٍ في الدنيا ؟.
هل عندكِ شكٌّ أني حينَ عثرتُ عليكِ ..
ملكتُ مفاتيحَ الدُنيا ؟.
هل عندكِ شكٌّ أني حينَ لمَسَتُ يديكِ
تغير تكوينُ الدنيا ؟.
هل عندكِ شكٌّ أن دخولكِ في قلبي
هو أعظمُ يومٍ في التاريخ ..
وأجملَ خبرٍ في الدنيا ؟.

هل عندكِ شكٌّ في من أنتِ؟
يا من تحتلُ بِعينيها أجزاء الوقت
يا امرأةً تكسِرُ حينَ تمُرُّ ، جدار الصوت
لا أدري ما ذا يحدث لي ؟
كأنكِ أنثاي الأولى
وكأني قبلكِ ما احببت
وكأني ما مارستُ الحبَّ ..ولا قبلتُ ولا قُبلت
ميلادي أنتِ.. وقبلكِ لا أتذكرُ أني كنت
وغِطاءِ أنتِ .. وقبل حنانِكِ لا أتذكرُ أني عِشت ..
وكأني أيتها الملكة ..من بطنكِ كالعصفورِ خرجت ...

هل عندكِ شكٌّ أنكِ جزٌ من ذاتي
وبأني من عينيكِ سرقتُ النَّار ..
وقمتُ بأخطرِ ثوراتي
أيتها الوردةُ .. والياقُوتةُ .. والريحانةُ ..
والسلطانةُ ..
والشعبيةُ ..
والشرعيةُ بينَ جميعِ الملِكاتِ ..
يا سمكاً يسبحُ في ماءِ حياتي
ياقمراً يطلع كل مساءٍ من نافذةِ الكلماتِ ..
يا أعظمَ فتحٍ بينَ جميعِ فتوحاتي
يا آخرَ وطنٍ أُولدُ فيهِ ..
وأدفنُ فيهِ ..
وأنشرُ فيهِ كتاباتي ..

يا مرأةِ الدهشةِ .. يا امرأتي
لا أدري كيفَ رماني الموجُ على قدميكِ
لا أدري كيفَ مشيتِ إليَّ ..
وكيفَ مشيتُ إليكِ ..
يا من تتزاحمُ كل طيور البحرِ ..
لكي تستوطنَ في نهديكِ ..
كم كانَ كبيراً حظي حينَ عثرتُ عليكِ ..
يا امرأةً تدخلُ في تركيبِ الشِعر ..
دافِئةٌ أنتِ كرملِ البحر ..
رائِعةٌ أنتِ كليلةِ قدر ..
من يوم طرقتِ البابَ عليَّ .. ابتدأ العُمر ..

كم صارَ جميلاً شعري ..
حينَ تثقفَ بينَ يديك ..
كم صرتُ غنّياً .. وقويّاً ..
لما أهداكِ اللهُ اليّْ ..
هل عندكِ شكٌ أنكِ قبسٌ من عينيّْ
ويداكِ هما استمرارٌ ضوئيٌّ ليديّْ ..
هل عندكِ شكٌ ..
أنَّ كلامكِ يخرجُ من شفتي ّْ ؟
هل عندكِ شكٌ ..
أنّي فيكِ .. وأنكِ فيّْ ؟؟

نزار قباني

Post: #132
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-22-2007, 09:18 AM
Parent: #131

أستاذ الطيب

وهل عندنا شك بعد قصيدة نزار قباني دي انوا احتمال يقولوا يعني مثلاً... نعم للزواج... أو يعملوا stop ويقولوا بس نعم للحب

كل التقدير

Post: #133
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-22-2007, 09:24 AM
Parent: #132

Post: #134
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-22-2007, 11:30 AM
Parent: #133

سؤاااااااااااال

هل حقاً لبس خاتم الزواج يعني الارتباط الأبدي بين الرجل والمرأة ؟
لماذا يرفض معظم الرجال أو يقصد التناسي بوضع خاتم الزواج في الاصبع؟
هل هو مقيد لهذه الدرجة؟

جاءت هذه الأسئلة من منطلق ان نسبة كبيرة من الرجال تتجنب إبراز خاتم الزواج؟؟؟أو بيقلعه لفترة ما أو ما بيلبسه خالص.

يعني بعض الاجابات قد نجدها...ما الخاتم بقى ضيق على ....نسيته مره في مكان وما لقيته....

رأيكم في الحكاية دي شنو!!!!!

....

Post: #156
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: anas hassan
Date: 07-23-2007, 11:39 AM
Parent: #130

انا راغب اسافر ورينى بتكلف كم المشى لهناككككككككككككككككك

انس

Post: #136
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: مريم بنت الحسين
Date: 07-22-2007, 02:19 PM
Parent: #1

العزيزة سلمى.. ما للدرجة دي يعني.. صحي السعودية كريهه، لكن احلى مافي السعودية زوجي الموجود فيها.. لكن بس نطلع منها..

Post: #137
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-23-2007, 05:12 AM
Parent: #136

الأخت العزيزة مريم

أولاً والله انت عسل...وربنا يسعدك انت وزوجك ثانياً...السعودية مشكلتها مقفولة، خليني أحكي ليك شوية مره في برنامج (مافي مشكلة) البيتعرض في قناة النيل الأزرق كانت أغلب المشكلات حب وزواج وأكتر المتصلين من السعودية، واحد منهم اقترحوا عليه انوا يبعد من البت الداير يتزوجها لأنه بحسب الحكاه أحسن يشوف غيرها ...صاحبنا اتجرس وقدر ما يحاولوا الجماعة في البرنامج يفهموه أبى كله كله وآخر شي قطع الخط.كان كلام دكتورة علم النفس انوا دي مشكلة بعض الناس في السعودية ما عندهم وقت وما بيلاقوا أو بيشوفوا بنات كتير عشان كده لما يتعلقوا بي واحدة بتبقى ليهم مشكلة أو صدمة كبيرة اذا ما اتوفقوا وحصل ارتباط،يعني بالعكس يا مريم الواحد يقول ألله يكون في عون السودانين في السعودية في النواحي الذي دي بالذات بعكس السودان البلد مفتوح والبنات راقداااات لمن يعزل على كيفة.

مودتي

Post: #138
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: malik_aljack
Date: 07-23-2007, 05:49 AM
Parent: #137

سألت أحد أصدقائي الذي تزوج السنه الفاتت سؤال كريه (يسألوهو السودانيين بعد مرور سنه على الزواج)

بقيتو كم؟

قال لي:

بقينا حداشر

سألتو : كيف؟

قال لي:

بقيت أشوفها عشره عشره

المهم

العيب هو في الأفكار التي يتشبع بها البسطاء

من أن الزواج هو تحقيق لأحلام المتزوجون (مخصوص كتبت المتزوجون مش المتزوجين لأنهم فعلوها بأيديهم)

الصفوة تبث أفكار مسمومه عن أن الزواج هو

راحة البال
العيش في سعادة أبديه (يعني الدار الآخره)

و غيرها

و ما بيوروا الناس إنو الزواج دا موضوع عاوز مهارات إداريه كبيره و أولها إدارة الأزمات

و ربنا يلهمكم الصبر و غيره

Post: #140
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-23-2007, 06:27 AM
Parent: #138

الأخ malik_aljack
كلام صاح وجبتها من الآخر
Quote: العيب هو في الأفكار التي يتشبع بها البسطاء

من أن الزواج هو تحقيق لأحلام المتزوجون (مخصوص كتبت المتزوجون مش المتزوجين لأنهم فعلوها بأيديهم)
الصفوة تبث أفكار مسمومه عن أن الزواج هو
راحة البال
العيش في سعادة أبديه (يعني الدار الآخره)

صدقت !!!
Quote: و ما بيوروا الناس إنو الزواج دا موضوع عاوز مهارات إداريه كبيره و أولها إدارة الأزمات
و ربنا يلهمكم الصبر و غيره

صدقت 100 مرة

كل التقدير

Post: #139
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: DKEEN
Date: 07-23-2007, 06:11 AM
Parent: #1

Quote: ألله يكون في عون السودانين في السعودية في النواحي الذي دي بالذات بعكس السودان البلد مفتوح والبنات راقداااات لمن يعزل على كيفة.

سلمى
منو القال ليك نحنا هنا ماقادرين نعزل على كيفنا..

اهو قدامك انا عزلتا لي باكستانية ..

بس الاشكال بعد تعزل تسوي شنو؟؟

Post: #141
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-23-2007, 07:01 AM
Parent: #139

Quote: سلمى
منو القال ليك نحنا هنا ماقادرين نعزل على كيفنا..

اهو قدامك انا عزلتا لي باكستانية ..

بس الاشكال بعد تعزل تسوي شنو؟؟

دكين كيف الحال ما قلت ليك والله أنا شفت بنات سودانيات قد يكونوا أحلى من الباكستانية الشفتها دي ...ندعو ليك بالتوفيق في الاختيار بس ماتقارن !!! والا حتتعب .

وبعد تعزل العمل عمل رب العالمين يا دكين

....

Post: #142
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: مجدي عبدالرحيم فضل
Date: 07-23-2007, 07:24 AM
Parent: #141

ياسلمي البوست ده كل ماعيني تقع عليهوا بدق قلبي !!!

تعرفي لية؟؟

لأن الزواج بكل مراسموا وزينة أفراحوا الضواية بكون في بقه مازالت تحتاج

للنور ودي بين جدران البيت ومدي ترويد ذاك الحلم لحياة فيها فلذات أكباد

والثانية:- الكاركاتيرات دي فيها من الواقع من مكان الطلقه عصفورة ومكان

النافورة زوجة تسقي البيت ليثمرة ثمرة مباركه زيتونتها زيت يكاد يضي مابين

المراسيم الزوجية والحياة البيتية نور علي نور.

والثالثة :- لكل المتداخلين من الأزواج أن يعتنوا بشجرة دنياهم المؤرقه بالأبناء

والبنات.

وللعزاب من المتداخلين أختيار شجرة مباركة غصونها في السماء ومطرتها رزازات عشق

تكب في دنياهم الجديدة.

والأخيرة : بتخلينها نكرر المراسم الملكية الفكرية مرفوعه لقوة (2)تربيع بدون جزور.

،،،،أبوقصي،،،،

Post: #144
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-23-2007, 08:05 AM
Parent: #142

الأخ الجليل أبو قصي
كلام جميل بالذات للعنهدهم عزوف عن الزواج
Quote: وللعزاب من المتداخلين أختيار شجرة مباركة غصونها في السماء ومطرتها رزازات عشق
تكب في دنياهم الجديدة.
خليني أضحكك ..زميلتي قالت لي أبو قصي ده قصده شنو ؟؟؟غصونها في السماء قاصد عروس طويلة..قلت ليها لا ! قالت لي: أها يا سلمى أنا فهمتها طويلة، العزّابة حيفهموها شنو؟؟
Quote: والأخيرة : بتخلينها نكرر المراسم الملكية الفكرية مرفوعه لقوة (2)تربيع بدون جزور.

وندخلك في أجواء العديل والزين لتجديد الذكرى

Post: #143
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: الطيب شيقوق
Date: 07-23-2007, 07:36 AM
Parent: #141

شوفي يا سلمي انا شرطي للزواج ساهل وصعب انا بموت في زوجة زى السمحة ام ولدى اصلا لو طلعت ما بتقول لي ماشي وين ولو جيت ما بتقول لى جيت من فين شفتى طيبة كيف .

Post: #145
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-23-2007, 08:16 AM
Parent: #143

Quote: انا شرطي للزواج ساهل وصعب انا بموت في زوجة زى السمحة ام ولدى اصلا لو طلعت ما بتقول لي ماشي وين ولو جيت ما بتقول لى جيت من فين شفتى طيبة كيف .

الله يخلي ليك أم ولدك يا أستاذ الطيب قول آآآمين...أمسك فيها قوي لا بتقول ليك ماشي وين ولا جاي من وين ...دي ما بتكرر

كل التقدير

Post: #146
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: anas hassan
Date: 07-23-2007, 08:27 AM
Parent: #1

نمسك الموضوع فى شكل معادله

مثلا
نفرض ( س) للزواج
و(ص) للعزوبيه
ونشوف سلبيات وايجابيات الزواج والعزوبيه
(-) س + (+) ص افضل من (+) س + (-) ص

يلا ادونا حل

Post: #147
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-23-2007, 08:41 AM
Parent: #146

أخ أنس ...سلام وتحية

طيب نديك حل لمعادلة لذيذة جداً قالها لي ود عمي ...!
تعرس = ما تجن
ما تعرس= تجن
نجمع المعادلتين
تعرس + ما تعرس = تجن + ما تجن
ناخد عامل مشترك تعرس (ما+1 )= تجن ( ما +1)
بالقسمة على (ما+1)
النتيجة:

تعرس = تجن

طيب المعرسن ليها شنو ؟؟؟؟

ودمتم كما تحبون

Post: #148
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-23-2007, 09:51 AM
Parent: #147

أخ أنس
بمناسبة المعادلة دي نوريك كاريكاتير بعدة تحدد

Post: #154
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-23-2007, 10:45 AM
Parent: #148

بعض التعريفات الطريفة للزواج...

الزواج الطبيعي..
زيادة شخص إلى حشد المصلوبين وخصم فتاة من قائمة الفتيات الغير متزوجات

* التعريف الحقوقي:
الزواج هو حكم بالسجن المؤبد لا يُطلق فيه سراح السجين إلا أبدى سلوكا سيئا.

* تعريف الحياة الشائعـة:
الزواج هو ألا تملك المرأة ما تمنت وألا يتمنى الرجل ما يملك

* التعريف الحسابي :
الزواج هو جمع أوجاع للرأس، وطرح حريات، وضرب مسؤوليات، وقسمة ممتلكات.

* التعريف الوزني:
الزواج هو الطريقة الأسرع للبدانة والسمنـة أو العكس (يعتمد ذلك على ..كيفكان الرجل أو المرأة قبل الزواج وكيف أصبح بعدها)

ودمتم بخير

Post: #155
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: anas hassan
Date: 07-23-2007, 11:27 AM
Parent: #154

الاخت سلمى

العزوبيه حاره جدا جدا
رغم الحريه الكامله فيها
بس سلبيات العزوبيه اسواء من سلبيات الزواج .........................؟

دوما
انس

Post: #158
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-24-2007, 04:47 AM
Parent: #155

Quote: العزوبيه حاره جدا جدا
رغم الحريه الكامله فيها
بس سلبيات العزوبيه اسواء من سلبيات الزواج .........................؟

في دي معاك حق بنشوف العزّابه الله يكون في عونهم والله ،ورغم انهم يقولوا ليك احنا عايشين حرية لكن المعاناة والجرسة حاصلة...وحالة أخير منها العرس.

تقديري

Post: #157
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: Ali Alameen
Date: 07-23-2007, 12:59 PM
Parent: #1

الزواج رغما عن الكلام الكتير اللي ح اقولو دا هو في النهاية قسمة و نصيب و تحديد شريكة الحياة بيعتمد على من يريد الزواج فالمعايير بتختلف من شخص لاخر
انا غايتو شخصيا ضد الزواج من خارج الاهل ناهيك عن خارج البلد و الكلام ناتج بالنسبة لي لاسباب شخصية واسبابي هذه لاصحاب النفوس الكبيرة و الطموحين تبدو تافهة جداً و هي في الحقيقة كذلك
هي انو انا فاشل جدا في موضوع المجاملات اللي بيتطلبها نسب الاغراب يعني مسالة انو نسابتك لو حصل عندهم مناسبة فرح او كره انت كنسيب غريب لازم تثبت وجودك و تلف عمتك و تقيف في المقدمة و تركب عربيتك تمشي لي بتاع الدكان و ترفع ليك شوال سكر في الضهرية ايوه لازم تمشي تشيل صواني السفرة و تجيب المويه للضيوف و تحرس الناس عند راسهم عشان ما يقومو من الاكل و لابد انو تثبت لي خالها او ابوها او اخوها الكان معترض عليك دا انو انت زول ما ساهل و انو انت مكسب عشان يغير رايو فيك و يديك بعض الاحترام اللي كان حارمك منو
و لو جيتهم زيارة لازم تشيل مزة بت شيراز اخت مرتك و تمشي بيها الدكان و تشتري ليها توفيلك ولا جلكسي و كمان خال مرتك البايخ دا كان قال نكته بايخه لازم تضحك غصباً عنك
وكمان انت ح تتضطر تشرح لي مرتك بت العز و الاصول دي السيرة الذاتية لي افراد اسرتك و لازم توريها انو اي زول كعب من افراد اسرتك انو هو في حقيقتو زول قلبو ابيض (بهوهو ساي ما بعضي)
ولازم تفسر ليها الفشل الاجتماعي ..ليه نحن اهلنا ما عندهم مناصب كبيرة و ما وجاهات لازم تفهمها انو اخوك الكبير دا اللي شغال حاليا تاجر حمير كان شاطر جداً و انو لو ما امك ولدتك انت و ابوك كان في القضارف شغال بيقطع في العيش و اضطر يطلع من المدرسه عشان يجيب حق السماية كان اسي يكون دكتور او ضابط او مسعول كبير و هي كمان لازم تحترمو جداً عشان موضوع السماية دا ذاتو
ولازم توضح ليها انو خالك اللي شغال جزار دا ما اقل من خالها الشغال دكتور ما كلهم في النهاية جراحين و لابد تدي خالك فرصة عشان يثبت لي مرتك انو هو بيعرف مضيق بنما و عاصمة فيتنام رغم قلة الشان و ضيق ذات اليد......
و لازم تشرح ليها انو انتو بتزرعو العيش(الفتريته) لي شنو؟ طبعا ما ممكن تقول انكم بتاكلوها عيــــــــــــــــــــــــــــــــــب
ولازم تشرح ليها العلاقة بين الجدادة و الانسان حسب تعريف امك
ولازم .....................
لي بعدين انت ح تتضطر تمثل موضوع الجدعنه دا مع طرفين اهل مرتك و اهلك يعني لو جوك اهل مرتك في بيتك لابد انك تبذل الغالي و النفيس لارضاءهم و كمان لازم تفرض الكلام دا على مرتك انها تحترم اهلك... طيب واحد منكم ح يقول لي انت لو ارتبطت ب واحده متعلمة و فاهمه ح تتفهم المسالة دي و ما ح تدخلك في حته ضيقة!... لكن المشكلة في انا ما ح اقدر اتفهم ظروف اهلها يعني بالواضح كدا المشكلة انا
ونواصل
و تصبحو على خير

Post: #159
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-24-2007, 05:21 AM
Parent: #157

الأخ علي الأمين
شكراً لمرورك سيدي الفاضل...
Quote: الزواج رغما عن الكلام الكتير اللي ح اقولو دا هو في النهاية قسمة و نصيب و تحديد شريكة الحياة بيعتمد على من يريد الزواج فالمعايير بتختلف من شخص لاخر

يعني نجاح الزواج لا يعتمد انوا يكون من الأهل فقط...ياما زيجات من الأهل كتب لها الفشل الذريع أو كانت بغير رجعة ....وحاوضح ليك نقطة مهمة جداً جداً جداً...هو انك مثلاً لو اتزوجت من الأهل بنت العم أو الخال سوف تكون عليك المسأؤلية مضاعفة وبالذات في حكاية المجاملات عارف ليه؟؟؟؟

لأنك يبحصل مثلاً لو اختلفت مع بت عمك أو خالك واستحالت الحياة بينكم...قد تراعي لعمك أو خالك أو حتى والديك فتتناسى موضوع حل لمشكلتك الأساسية وتبقى في حالة اسمها ( وتستمر الحياة ) رغم المرارة التي تمر بها ..وعشان خاطر عمي وخالي وغيره فهل تعتبر دي حياة؟؟؟؟؟
اذاً الموضوع ما موضوع زواج من الأهل لأنه زيجات كتيرة من خارج الأهل كانت ناجحة تماماً....

Quote: موضوع المجاملات اللي بيتطلبها نسب الاغراب

احنا كسودانيين معروف عننا المجاملات ...والناس بالناس وكمان كان أبيت المجاملة كله كله بقولوا ما بتحب الناس فخليك وسط..!!!لكن ما يكون على حساب راحة بالك ونفسك...ولك أن تتخيل بأن زوج أختك هو من يفعل ذلك عندما احتجته يوماً!! ...مش بتتضايق!!
وبعدين الحكاية تعوّد يعني لو من البداية فهّمت الجانب الآخر انوا في أشياء لا تحبها قد يكون الموضوع سهل لكن تعملها وبعدين تعلن العصيان فبيكون شوية صعب.
بس ذي ما قلت ما على حساب راحة بالك وبالتالي عدم راحة البال معناها عد راحة في البيت وهكذا.
دي طبعاً وجهة نظري ولكل شخص رأي بس بنيت ليك الكلام ده عن تجارب لأقارب وأصدقاء مروا بتجربة الزواج من الأهل وطبعاً الحكم ما بس من تجاربهم لأنوا ممكن زواج الأهل أيضاً ينجح وممكن الزواج من خارج الأهل كمان ينجح.

كل التقدير وحياة حلوة انشاء الله

Post: #160
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-24-2007, 05:40 AM
Parent: #159

Post: #161
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: مجدي عبدالرحيم فضل
Date: 07-24-2007, 06:45 AM
Parent: #160

Quote: خليني أضحكك ..زميلتي قالت لي أبو قصي ده قصده شنو ؟؟؟غصونها في السماء قاصد عروس طويلة..قلت ليها لا ! قالت لي: أها يا سلمى أنا فهمتها طويلة، العزّابة حيفهموها شنو؟؟

سلومه وصديقته الغصون الفي السماء إلا العروس ماتقولي الرزق وبركة العقد المبروم نجومه سماوية والعزًابه اليدخلوا بعدين يلبسوا تلسكوب عشان يدققوا في نجيماتم والله
التعليق فعلا غاية في الروعه ودي جمال الكلمات كل شخص يحسها بأحساسوا وبها نصل الي
المرام دمتي ياسلمي وبعدين البشتنه دي شنو!!في الكاركتيرات دي هدوم معلقه ومكوه مكفية بيت عزَابه شديد الخصوصية ،وماملكة اليمين (4) بس سمحة المقدره.
،،،،أبوقصي،،،،

Post: #162
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-24-2007, 07:13 AM
Parent: #161

Quote: والعزًابه اليدخلوا بعدين يلبسوا تلسكوب عشان يدققوا في نجيماتم

ابو قصي دمت بخير وعافية ...المشكلة قبل ما يعرسوا بيدققوا في نجيماتهملمن يقول ليك نورها ضوا السماء! ...بعد العرس يقول ليك والله ما شفناها كويس .!!!.

أها تقول فيه شنو؟؟؟

كاريكاتيرات الإخوة العزّابة القصد منها يا أبو قصي نشجعهم على الزواج واصلاح الحال !

تقديري

Post: #163
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-24-2007, 07:39 AM
Parent: #162

كدي اقروا القصة دي ....

دخل راجل على مرته وهي مشغولة بالبيت وناداها :

هو : يافلانه

هي : نعم يا حبيبي

هو : تعالي لوسمحتي

هي : عندك شنو؟

هو : تعالي وأعرفي

هي : ياحبيبي أنا مشغوله قاعدة أكوي ملابسك

هو : خلي الكوي وتعالي

هي : طيب

عاين ليها بإبتسامه صفراء وقال : شوفي أنا عرست عليكي !!

داخت المرة على الكرسي وقالت بصوت يرتجف : قلتاأأأأ شنوووو؟

هو : أقول ليكي أنا إتزوجت عليكي ويالله قومي لمي ملابسك ونوديكي لبيت أهلك

بسافر أنا وزوجتي الثانيه كم يوم وراجعين !!

قامت وهي بين مصدقه وما مصدقه

وبدون سابق إنذار هب في وجهها وقال: قومي الآن

ويالله منتظرك برة ولاتتأخري عليّ..........

طلع وهي تنظر فيه ومبققه عيونها دهشه من الخبر وحيره من أسبابه !!

دقايق معدوده وهي تفتح الباب وتركب معه وبصوت يكاد يختنق قالت : لو سمحت ممكن أعرف السبب لم يجب على سؤالها

قالت طيب لو سمحت ممكن تشيل الشنطه ؟

نزل من العربيةوأخذ شنطتها وختاهها بالمقعد الخلفي .....وتوجه لبيت أهلها بعد شويتين.

وصلوا البيت وقال: ليها تفضلي أنزلي .....

فتح الباب ونزل قبلها وأخذ الشنطه وجاء من عند بابها ومسك يدها

وقال ليها شوفي أنا ما تزوجت عليكي ولا هم يحزنون بس أبوكي مات الله يرحمه ,,,,,

هي بدون ما تشعر:
^
^
^
^
^
^
حرام عليك ما كان تقول لي كده من الأول !
بعدين استوعبت..... قلت شنو؟؟؟؟أبوي مات !!!!
( الله يرحمك يا أبوي ...إهئ إهئ )

.....

Post: #164
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: مريم بنت الحسين
Date: 07-24-2007, 12:30 PM
Parent: #1

انا حسي طبعا في مرحلة ما بعد الحداثة (أقصد) ما بعد اللقاء.. اتزوجته والحمدلله من شخص عرفته لسنوات طويلة.. يعني ما دخلنا في الفلم بتاع الاختيار عن طريق شريط الفيديو والحركات الزي دي.. لكن تصديقا لكلامك، فعلا السعودية حالة خاصة للأعزب... تعرفي يا سلمي، البلد دي فيها اماكن كتيره العزاب ما يقدروا يدخلوها .. إلا يكون مع عائلة.. يعني كده وب وكده وب.. كان عزابي، حركتك مقيدة.. وكان متزوج مرتك محبوسه في البيت ..

عجبني كلام مالك الجاك... صحيح، الزواج مؤسسة تحتاج لمهارة الcrises management... والكتير جدا من السياسة والاقتصاد والاجتماع.. يعني الزول يكون عالم باختصار... محتاج صبر، ورغبة في مستوى جميل من العلاقة ومن التفاهم.. ده طبعا لو الزول عايز يعيش ويطور علاقته بنصفه الآخر... أو الاسهل طبعا، انه يبدا الرجل ينقنق من المرا.. والمرا تنقنق من الراجل.. ويعيش كل واحد فيهم في مركب براه.. المرا تلد وتطبخ وتنظف.. والراجل يجي البيت زهجان ياكل وينوم وتاني يوم يمرق... وفي النهاية at the end of the day الواحد بختار يكون سعيد او تعيس...

محبتي يا سلمي.. وشكرا اديتينا مساحة معاك

مريم

Post: #165
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-26-2007, 01:33 PM
Parent: #164

مريم ...عساك بألف خير

Quote: عجبني كلام مالك الجاك... صحيح، الزواج مؤسسة تحتاج لمهارة الcrises management... والكتير جدا من السياسة والاقتصاد والاجتماع.. يعني الزول يكون عالم باختصار

واتفق معك ومعه كلامه صاح 100 %
Quote: الفلم بتاع الاختيار عن طريق شريط الفيديو والحركات الزي دي

حأحكي ليك قصة لذيذة وحدها خطبوها من شريط الفيديو ...الراجل جا السودان يشوفها على الحقيقة جابوها ليه ...يعاين ويعاين ويعاين ويحلف دي ما هي والجماعة...يا زول قول بسم الله دي هي ! المهم قال ليهمالبت الشفتها كانت بيضاء وشعراها طويل ....طلعت الحلوة مكترة البودرة في الوش أو بمنى أصح كآبة علبة البودرة في وشها ومركبه توصيلة شعر لزوم شوفوني ...رجع زولنا قال تاني حرم الا العين بالعين !

كل الود والبوست بوستك

Post: #166
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 07-26-2007, 05:00 PM
Parent: #165

Post: #167
Title: Re: لا للعـزوبية نـعم للـزواج ....أم ... لا للـزواج نـعم للعـزوبية
Author: salma subhi
Date: 08-13-2007, 05:21 AM
Parent: #166

كاريكاتير
هجومي على العزّابه
هجومي على العزّابه