افتتاح سيكافا ... عدم التنظيم .. ضياع الهوية ... انعدام الرسالة

لا احد يشكك في حبنا للمريخ .. ولا احد بالتأكيد يشك هو في حبنا للسودان ... وهذا هو سبب كتابة هذا البوست

مهرجانات افتتاح الدورات الرياضية او الثقافية او حتى الاجتماعية لها اهداف ثلاثة
1) ترفيه واستعراض
2) ابراز الهوية ( الانا والنحن )
3) ارسال رسائل محددة

فما الذي حمله مهرجات افتتاح سيكافا امس من هذه الثلاث

في نظري لا شي .....

حيث انه كان ممل لحد بعيد مكرر وغير منظم ... ضاعت الهوية السودانية ما بين موسيقى اجنبية وانوار تتراقص على ايقاعات اجنبية ... ولولا فرقة ( افريكا دانس ) في اول المهرجان والشباب الذين تغنوا بانا افريقي انا سوداني في ختامه لما عرفت ان هذا الافتتاح مقام على ارض السودان استاد المريخ !!!!! ..

اما الرسالة !!!


فحدث ولا حرج ...
لا رسالة ولا ديالو في افتتاح امس غير شوفونا عندنا قروش كتار وشاشة كبيرة ونور ليزر

مهرجانات كهذه تستغلها الدول لتعرض بضاعتها .. القديمة او الجديدة .. ونحن عرضنا بضاعة غيرنا وشوهناها لهم .
شنو يعني عرض الصورة والصوت ؟

مالو لو كان شكل المهرجان ده سوداني ؟
مالو لو استكتبتم له ؟ اين عمر محمد خالد ؟
مالوا لو جبتو فنان افريقيا(وردي ) الاول ليشرف المهرجان ويؤدي اغنية واحد (بلدي يا حبوب ) او ان شاء الله لو بيرضى يؤدي اغنية (انا افريقي انا سوداني ) على الاقل هو نوبي

مالو لو عملتوا لوحة مجوبكة وغير منظمة تحكي ثقافة السودان غير المنظمة
هناك مجموعة صوفية على انغام النوبة وهنا هدندويين شايلين سيفين وبتبارزوا وهنا ك مجموعة بقارة وهنا فرقة وازا وهنا ايقاع افريقي مع ملابس من جلد الحيوان وجمبهم مجموعة يرقصون رقيص الحلفاوة المميزة وهكذا



يعني الا تحاكوا الخواجات !!!!

ليه ما كان الايقاع المصاحب لعرض الليزر سوداني ؟!


مالو حافظ عيبوه لي ؟
مالها كواتو ؟
السمندل
شرحبيل
انشاء الله فرفور


مهرجان امبارح ده زي عرس مستجدين نعمة ترف مبالغ فيه
وتنظيم ميحي


امس لا تنظيم .. لا هوية .. ولا رسالة

دي نعمه المنتديات يا وليد البتخليك تكتب الحقائق بدون تزيييييف زي ما بتعمل الجرايد التجاريه الهدامه



وفيها تكريم لي قلق ...كيه في شداد وقسطنطين والمنتخب الوطني !

يا معاوية قلق بستاهل التكريم امس
جاب لعب كورة حلوه

القون الاول منو
وجاب قون جميل

انا بعرف قلق في شخصه



زول مهذب للحد البعيد .. بتكلم معاك وراسه في الارض وصوته ما برفعه


لكن بالنسبة للمهرجان
اجارك الله
حاجة بايخة لحد بعيد
تقول منظمنوا شفع
والله الجمعية الادبية الكنا بنعملها في العام منظمة اكتر منو

ناس العرضة جنوب لحدي هسع بكونو مطششين من امبارح

افتتاح شيييييييييييييييييييييييييييييييييييييييييييييييين

الغريبة كل الاعلام والجرايد قالت افتتاح رائع

!!!!!!!!!!!!!!!!

كدي نراجع روحي حبه
وياريت لو شفته تاني

بالله المسجل الافتتاح يرفعوا لينا هنا

شرس والله!
هسي لو قلنا الكلام دا كانو هكرونا!