حقيقة انخفاض اسعار الكهرباء

بشرنا عمر البشير عند افتتاح سد مروى بأن أسعار الكهرباء ستخفض بنسبة 25% للقطاع السكنى و30% للقطاع الصناعى و35% للقطاع الزراعى وذلك ابتداءا من اول شهر يوليو (عشان المسألة تكون مربوطة بذكرى انقلابهم الأسود).
دعونى أرجع قليلا لأسعار الكهرباء فى القطاع السكنى لأنى لاأعلم كيف تسير الأمور فى القطاعين الصناعى والزراعى وياحيذا لو تولى الشرح احد الأخوة لهذين القطاعين.
اولا كان المواطن يدفع اول كل شهر مبلغ 20 ج (بالجديد)لل 200 كيلو الأولى وهى الكمية التى يقال زورا وبهتاناانهامدعومة ومازاد عن ذلك يقوم 2.6 ج لكل كيلو. ولكن عبقرية الهيئة القومية للكهرباء هدتها ان يكون ذلك الدعم بعد يوم 15 فى الشهر حتى تضمن اكبر عدد من المستهلكين قد دفع مبلغ ال26 ج اولا ويمكن لغاية نص الشهر المواطن يكون فلس او يكون نسى موضوع الدعم (خاصة اولئك المواطنون الذين يستهلكون فى حدود ال 200 كيلووات ولا يتذكرون مسألة الكهرباء الا فى الشهر الجديد وبذلك يكون قد فوت على نفسه الدعم الذى تمتن به الحكومة علينا.
ماذا حدث بعد بشارة عمر اليشير؟ ظل الحال فى حاله بالنسبة للكمية الزائدة عن ال200 كيلو الأولى وهى 26 ج تدفع اول كل شهر اما التخفيض فقد صار ان تدفع 30 ج بدلا من 40 ج لل 200 كيلو المدعومة وكان الله يحب المحسنين,هذا زائدا مبلغ 6.5 تدفع شهريا لأيجار العداد الذى دفعنا نحن قيمته الت ى تبلغ 1300 ج (فى استكراد واستهبال اكتر كدة ؟)وقد علمت مؤخرا ان قيمة العداد الجديد بلغت 2000 ج .
خبرونى بالله عليكم هل توجد حكومة فى العالم تنهب مواطنيها بهذه البشاعة؟
عموماهذه هى حقيقة التخفيضات على القطاع السكنى بعد كل الزيطة والزمبليطة والمواكب والمهرجانات بأفتتاح سد مروى الرد بالسد والرد بى ماعارف شنو داك واخيرا (تمخض الجبل فولد ككو.)
وحسبى الله ونعم الوكيل .

Quote: بشرنا عمر البشير عند افتتاح سد مروى بأن أسعار الكهرباء ستخفض بنسبة 25% للقطاع السكنى و30% للقطاع الصناعى و35% للقطاع الزراعى وذلك ابتداءا من اول شهر يوليو (عشان المسألة تكون مربوطة بذكرى انقلابهم الأسود). دعونى أرجع قليلا لأسعار الكهرباء فى القطاع السكنى لأنى لاأعلم كيف تسير الأمور فى القطاعين الصناعى والزراعى وياحيذا لو تولى الشرح احد الأخوة لهذين القطاعين. اولا كان المواطن يدفع اول كل شهر مبلغ 20 ج (بالجديد)لل 200 كيلو الأولى وهى الكمية التى يقال زورا وبهتاناانهامدعومة ومازاد عن ذلك يقوم 2.6 ج لكل كيلو. ولكن عبقرية الهيئة القومية للكهرباء هدتها ان يكون ذلك الدعم بعد يوم 15 فى الشهر حتى تضمن اكبر عدد من المستهلكين قد دفع مبلغ ال26 ج اولا ويمكن لغاية نص الشهر المواطن يكون فلس او يكون نسى موضوع الدعم (خاصة اولئك المواطنون الذين يستهلكون فى حدود ال 200 كيلووات ولا يتذكرون مسألة الكهرباء الا فى الشهر الجديد وبذلك يكون قد فوت على نفسه الدعم الذى تمتن به الحكومة علينا. ماذا حدث بعد بشارة عمر اليشير؟ ظل الحال فى حاله بالنسبة للكمية الزائدة عن ال200 كيلو الأولى وهى 26 ج تدفع اول كل شهر اما التخفيض فقد صار ان تدفع 30 ج بدلا من 40 ج لل 200 كيلو المدعومة وكان الله يحب المحسنين,هذا زائدا مبلغ 6.5 تدفع شهريا لأيجار العداد الذى دفعنا نحن قيمته الت ى تبلغ 1300 ج (فى استكراد واستهبال اكتر كدة ؟)وقد علمت مؤخرا ان قيمة العداد الجديد بلغت 2000 ج . خبرونى بالله عليكم هل توجد حكومة فى العالم تنهب مواطنيها بهذه البشاعة؟ عموماهذه هى حقيقة التخفيضات على القطاع السكنى بعد كل الزيطة والزمبليطة والمواكب والمهرجانات بأفتتاح سد مروى الرد بالسد والرد بى ماعارف شنو داك واخيرا (تمخض الجبل فولد ككو.) وحسبى الله ونعم الوكيل .

قلقو اخوي
والله مافاهم
اولا حكاية النقطة البين الاتنين والستة دي ما عارفا فاصلة وللا صفر
وثانيا في الاول قلت لينا

Quote: كان المواطن يدفع اول كل شهر مبلغ 20 ج (بالجديد)لل 200 كيلو الأولى

وتاني جيت قلت لينا

Quote: ظل الحال فى حاله بالنسبة للكمية الزائدة عن ال200 كيلو الأولى وهى 26 ج تدفع اول كل شهر اما التخفيض فقد صار ان تدفع 30 ج بدلا من 40 ج لل 200 كيلو المدعومة

كدي براحة تاني وقع لينا الكلام براحة لأننا عايشين برة
ركز بس على ال 200 كيلوواط الأولى بتاعة الفقراء دي
كانت بكم وهسع بكم
الباقي سيبو ان شاء الله ما فهمناه
بس المدعومة بتاعة المساكين دي
ال 200 كيلو واط الأولى المدعومة كانت في الشهر الفات يونيو بكم وعسع اعتبارا من 1/7 بقت بكم
الله يرحم والديك
_______________
اللهم اهدنا فيمن هديت وتولنا فيمن توليت وبارك لنا فيما اعطيت

الشي المعروف حتى الآن أنه وابتداءً من اليوم بدأ العمل بالتعريفة الجديدة .. وحتى لا يلتبس عليكم الأمر فان التخفيض المعلن والبالغ 25% للـ 200 كيلو الأولى.. يعني ببساطة شديدة أن سعر هذه الميتين كيلو سيصبح 30 جنيهاً بدلاً عن 40 جنيه.. أي أن التخفيض عبارة عن 10 جنيهات كاااااااااااااملة من الحكومة للمواطن المسكين.. 10 جنيهات هي كل ما في الموضوع والهلولة التي صاحبت افتتاح ىالفسد

Quote: الشي المعروف حتى الآن أنه وابتداءً من اليوم بدأ العمل بالتعريفة الجديدة .. وحتى لا يلتبس عليكم الأمر فان التخفيض المعلن والبالغ 25% للـ 200 كيلو الأولى

هم مالم قسموها لحصة أولي وحصة تانية

200 كيلو أولي بي سعر...و200 كيلو تانية بي سعر

مش هي نفس الكهرباء...في الميتينين كيلو...

والله الميتنين التانية معاها بلطي هوادة...


اذا كان ذلك كذلك فالتخفيض دا ملعوب فيه
ومن هسي ياني الدافع بالتسعيرة القديمة
الا ان يشمل التخفيض كل الحصة المستهلكة..

يعني العشرة جنيه دي اجيب بيها حلاوة حربة!!!!

انا اشتريت كهرباء الليلة وكنت فرحان لأنو مكاوي من الصباح يعلن في انجازو..عادة بأشتري كهرباء
ب 160 جنيه في الشهر بتكون تفاصيلها كالآتي:
2.5 جنيه ايجار عداد (1 خط)
200 كيلواط متر مدعومة في 0.2 جنيه ما يعادل 40 جنيه
الباقي 42.5 جنيه منقوصة من 160 جنيه تساوي 117.5 جنيه بشتري بيها 452 كيلو بمايعادل الكيلو 0.26
أما بعد الدعم الموعود فقد صرت أدفع لنفس الكمية 150 جنيه..
أما اذا كنت بتشتري ب 450 جنيه في الشهر فستدفع بعد الدعم ال 25% 440 جنيه
واذا كنت بتشتري ب600 جنيه فانك ستدفع بعد الدعم ال25% 590 جنيه..
فهل خدع (مكاوي) الرئيس وخفض له فقط عشرة جنيهات من فاتورة المواطن بدلا عن ال25% التي وعدنا بهاالرئيس؟؟

تحياتي قلقو

الموضوع خدعة ظاهرة وما عايزة ليها تضريبات

كل العملوه أن المواطن العادي بيدفع عشرة جنيه أقل عن كل شهر

الأخوان سبيل,جمال ادريس,نزار,علاءالدين وحبيبنا فرانكلى شكرا على المرور والطلة ويااخ سبيل احيلك على مداخلة الأخ علاء الدين حتى تفهم حجم الخدعة وهى بمنتهى البساطة انو التخفيض شمل( فقط) استهلاك 200 متر الأولى وهى كانت مدعومة كما تزعم الحكومةيعنى بدل ماتدفع40 ج حتدفع 30 ج واى استهلاك ازيد من 200 كيلو حتدفع عليه السعر التجارى وهو 26 ج لكل100 كيلو استهلاك .
اما مسألة العداد البتشتريهو بحر مالك وتسلمو لأدارة الكهرباء وبعد داك تجى تدفع عليه ايجار لأدارة الكهرباء فهذا مالم نسمع به فى التاريخ .
اتمنى ان يقوم احد الأخوة بشرح كيف تسير الأمور فى قطاعى الصناعة والزراعة .

Quote: خبرونى بالله عليكم هل توجد حكومة فى العالم تنهب مواطنيها بهذه البشاعة؟

لا توجد
لا توجد
لا توجد

ببساطة لأنه دى عصاااااااابة اجرام وليست حكومة!

تحياتى

زي ما قالوا الاخوة ان ال 200 المدعومة كانت ب 40 جنيه

الان اصبحت ب 30 جنيه ... ال 10 جنيه التي تم توفيرها

بتجيب الان من الغير مدعوم 38 كيلوات ... يا ريت لو اضافوا

قيمة هذه ال 10 جنيه للكمية المدعومة يعني بدل ما ال 40 جنيه

تجيب 200 كيلوات تبصبح تجيب لينا 266 كيلوات كدى افتكر بيكون

احسن للاسر الفقيرة لان قلنا متوسط استهلاك الاسر العادية من

الكهرباء لليوم حوالي 10 كيلوات تكون ال 40 + 2,5 جنيه رسوم

العداد تكفي للشهر ... متوسط الاستهلاك اليومي اعلاه للاسر التي

تستخدم مكيفات ولا ديب فريزر فقط للاساسيات تلاجة , مروحة وغيرها

الأخت الكريمة مهيرة
تخيلى مسألة انك تشترى العداد بى 1300 ج وبلغنى ان قيمته الآن صارت 2000 ج (يعنى اتنين مليون بالقديم)ويقوموا ناس الكهرباء بتوصليه لمنزلك وبعد داك انتى تقومى تدفعى عليه ايجار شهرى تبلغ 6ج زائدا 05 ج دمغة اليس هذا هو الأستكراد عينه؟
احب ان اسأل ماهى القيمة والتكلفة الحقيقية لذلك العداد وماهى قانونية وشرعيةان اقوم بدفع ايجار لسلعة قمت بشراءهاا نا من حر مالى؟ ومامدى قانونية عقد الأذعان الموقع بينى وبين الهيئة القومية للكهرباء؟الا يوجد محامى او محاميون عكاليت يتولون الدفاع عن حقوق المستهلك السودانى ضائع الحقوق مابين الحكومة وتجارها الجشعين؟

والله يان المعارضه حيرتونا؟؟
ما كفاكم عشرة جنيه تشترو بيها هبابات لما الكهرباء المهببه دى تقطع.
المحير سلعه ادفع سعرها مقدما،علما بان الزول ما بدفع قيمة السلعة
الا بعد ان يرضى عن الخدمة ولكم فى المطاعم اسوة.
والاغرب يشغلوا قروشك قبال يقدموا ليك الخدمة يعنى ياخدو منك ودائع
بدون فوائد وبعد داك برضو الكهرباء تقطع..
غايتو الراجي من الحكومة دى رجاء يرجى سجم خشموا..
يحلنا الحلا بله،،،

الأخ ود الموج..
العشرة جنيه عاجبانا وسارا بالنا وانت معزوم معانا لمسيرة تأييد ونهتف فيها (الرد الرد كبارى وسد).
مع تحياتى.

السؤال الأول
=======
جنريتر ينتج 500KVA اي 400 كيوواط ساعة. كم سعر الكيلوواط ساعة عند تشغيله فقط ب 80% من طاقتة علما بانة يستهلك 80 ليتر جاز فى الساعة وسعر ليتر الجاز جنية واحد؟
كما اوجد الفرق بين هذا السعر وبين سعر الأدارة المركزية اذا كان سعر الكيلوواط ساعة للأدارة المركزية للقطاع التجاري والصناعى 450 قرش؟

المعطيات: اضف 10% اعباء ورسوم تشغيل للكيلوواط ساعة للجنريتر
الأدارة المركزية لأتسمح باستخدام الجنريتر الأ فى حالة انقطاع التيار


السؤال الثانى (تعجيزي)
=======
صاحب مصنع جديد يريد توصيل كهرباء لمصنعة. احسب من مصادرك الخاصة رسوم التوصيل ورسوم الشبكة وعدد العواميد المطلوبة وقارن بين تكلفة التوصيل وسعر الجنريتر المطلوب؟
:

اشرف

يعني ناس الجغرافيا ديل يقطعوا وشهم من البوست دا

معليش يا اسامة
مع انى مهندس بس المسائل دى غالبانى وعاوز مساعدة. بعد اذن صاحب البوست.

الأخ اسامة هاشم..
تضريبتك الأولى تقول ياليل لكن بالمناسبة ال 200 كيلو المدعومة لا تكفى لأسرة متوسطة تمتلك ثلاجة وتلفزيون ومروحة وانارة (يعنى الحد الأدنى لأنسان القرن الواحد وعشرين)يعنى لازم يدخل فى التسعيرة التجارية جوه عينو.
الأخ أشرف انا منتظر منك الأجابة شخصيا على اسئلتك المربكة والمتشابكة,لكن ماتنسى وانت بتضرب ان توليد الكهرباء من السدود يعتبر من ارخص انواع الكهرباء ويكون كتر خيرك لو لميت لى فى احصائية مقارنة بين اسعار الكهرباء لدينا مع دول الجوار فقط ,
يلا شد حيلك وورينا همتك .

Quote: ,لكن ماتنسى وانت بتضرب ان توليد الكهرباء من السدود يعتبر من ارخص انواع الكهرباء

ما ده زاتو المحيرنى يا قلقو

وانحنا الفرحنا ونططنا وابوي الليل كلو يشرح لي امي في حكاية التخفيض دي - في النهايه فهمها قال ليها يعني الكهرباء البنشتريها كل شهر بـ 100 جنيه من الشهر الجاي حا نشتريها بـ 75 جنيه حسب الفهم بتاع انو الكهربا حا تتخفض الربع بعدين نحن وراجلي اليوم كلو طافشين من البيت وبعد دا بنجيب كهرباء بـ 40 الحال دا مقيل جمعه وسبت بس كلنا خلاص تاني حا نجيب بـ 30 غايتو نحن جات معانا كويسه حسب تضريبنا لكن ابوي المسكين داك البعوضو منو - غايتو الله غالب والله يكون في عون الشعب

Quote: زيادة رسوم العداد من «1100» إلى «4750» جنيهاً الخرطوم: حمزة - الفاضل اعترض المجلس التشريعي لمحلية بحري على قرار زيادة رسوم عداد كهرباء المنازل السكنية من (1100) جنيه إلى (4750) جنيهاً، مؤكداً أنه يتعارض مع بشريات قرار رئيس الجمهورية بتخفيض تعريفة الكهرباء للمواطنين. وقال المجلس في جلسته الطارئة صباح أمس إن وزير الطاقة والتعدين د. الزبير أحمد الحسن أعلن رفضه لمبدأ تخفيض التعريفة، مبرراً أن الهيئة القومية للكهرباء تحكمها عوامل التكلفة وليس من بنود موازنتها إنشاء هذه الشبكات. وأوضح المجلس بأنهم بصدد رفع مذكرة للمجلس الوطني عبر نواب بحري للتداول بشأن زيادة سعر العداد. كما كشفت جولة «الوطن» على عدد من مراكز توزيع الخدمة الكهربائية بالعاصة عن سريان تنفيذ قرار رئيس الجمهورية الخاص بتخفيض تعريفة الكهرباء للقطاع السكني بواقع (25%). ولاحظت «الوطن»إقبالاً كبيراً من المواطنين في الساعات الأولى من الصباح على منافذ بيع الخدمة بالعمارات والامتداد والشهيد المعز بالخرطوم، خاصة وأن اليوم يصادف بداية الشهر الذي يوافق مواعيد الدعم. وأبدى المواطنون ارتياحهم لتنفيذ القرار وطالبوا بزيادة الدعم ليشمل كل التعريفة غير المدعومة فيما طالب أصحاب المحال التجارية بمساواتهم مع القطاع السكني. وقالت مديرة إدارة النظم الفنية بالهيئة آمال الدرديري إن القرار بدأ أمس لكل القطاعات بواقع 25% للسكني والصناعي و30% للزراعي، مشيرة إلى أن المشتركين سيستفيدن من التخفيض في الـ «200» كيلو الأولى المدعومة، وأضافت أن العاصمة تم تقسيمها إلى أربع فئات أيام «1 - 7 - 8 - 15»، مشيرة إلى أن العدادات التقليدية سيتم إدخالها الدعم من خلال الفاتورة الشهرية.

http://www.alwatansudan.com/index.php?type=3&id=16448&bk=1

1100+1100+1100+1100+350
=4750

الله المستعان

ياخ دا اكبر مقلب









يا حليلنا يا الفرحنا

الأخت الكريمة هويدا..
على رأى الأخ ودالموج انتو زعلانين مالكم هى العشرة جنيه هينة ولا لينة؟ يلا افرحوا ونططوا ويكون كويس لو عملتو لينا بيها عزومة عشا انا والمدام واتنين من العيال.
يا اخ انور هناك مغالطة بسيطة فى سعر عداد الجمرة الخبيثة وهو ان سعرو بى 1300 ج مش 1100 ج وعلى حسب معلوماتى ان العداد للتركيب الجديد بلغت 2000 ج لكن حقيقة اندهشت لما اوردته انت عن صحيفة(الوطن) ان العداد الجديد مقترح له 4750 ج .لكن بغض النظر عن المبلغ المقترح وماهو عليه قيمته الآن هل تعتقد ان هذه هى تكلفته الحقيقية؟ وبعد دفع ذلك المبلغ الخرافى لقيمة العداد الن نقوم بدفع ايجار له للهيئة شهريا؟ اذا لم يكن كل هذا سحت واكل اموال الناس بالباطل فما يكون اذن؟
بالمناسبة ناس الوطن جابوا من وين انو الناس مبسوطين من التخفيض ؟
كذب فى كذب.

Quote: ويكون كتر خيرك لو لميت لى فى احصائية مقارنة بين اسعار الكهرباء لدينا مع دول الجوار فقط

حرام عليك يا قلقو! إنت عايز تقارن كهربتنا بكهربة دول الجوار؟؟!!
إذا كانت كهربتهم بينتج عنها ضوء فنحنا كهربتنا بينتج عنها نور! يعني عايز تقارن أسمنت عطبرة بالاسمنت المستورد... إيش جاب لي جاب؟؟
إنت عارف كهربتنا دي بيقطعوها ليه؟؟ قول ليه! لأنها فيها طاقة قوية جدا عشان كده خوفا عليكم بيقطعوها! دي كهربا مبروكة... بالله لاحظت لما تجي كيف الأسارير بتنفرج والناس بتفرح... يا سلام..

كتبت الأخت فدوى(ياخ دا اكبر مقلب)
نعم ولكنه مقلب قمامة.
الأخ ود الأمين موسى ليك على كلها يومين وأجيب مقارنة بلأسعار عشان (اهريك هرى وأفقع ليك مرارتك زيادة)
مع تحياتى