Post: #1
Title: هل تشرع الحكومة فى تصدير البنقو؟؟
Author: 7abib_alkul
Date: 06-30-2009, 08:28 PM
لى صديق من اصحاب الكيف العالى جدا ومن عشاق ركوب الفيل كان يتحسر جدا عندما يسمع ان هناك كميات كبيرة من البنقو تمت ابادتها ويتكم بحسرة عن هذا الاهدار لهذا الكم من الثروة
و هو يصر على وصف البنقو بأنه ثروة قومية يجب المحافظة عليها وقد استطاع مزارعى الحشيش تحقيق شعار نسطل من ما نزرع
وكان يتمنى ان يكون صاحب قرار فى هذا الأمر لكان حقق ايرادات تكفى لتغطية عجز الموازنة العامة حيث فكر و هو يركب هذا الفيل و يتحسر على ابادة البنقو
وبدل من اهدار هذة الثروة لماذا لا يتم تصديره لأحد الدول التى تسمح بتعاطى المخدرات مثل هولندا ولا سيما ان البنقو السودانى يعد من اجود انواع الحشيش فى العالم
تخيلوا كم سيكون عائد تصدير البنقو سنويا
وبدأ فى وضع خطة انتاج وتسويق وتصدير وخليته اخطط ومشيت منه
|
Post: #2
Title: Re: هل تشرع الحكومة فى تصدير البنقو؟؟
Author: حبيب نورة
Date: 06-30-2009, 08:43 PM
Parent: #1
يا حبيبهم
الجماعة ديل ما عارفين صليحهم من عدوهم
انا قبل كم يوم شفت في ساهرون
جنث ثروة أهدرت
المغسة قربت تشقني
يقول ليك مؤثرت عقلية
ياخي طول عمرنا مصنقرين في أثير الازاعة السودانية
هسة الاثير دة بوّظ مخ زول؟؟
|
Post: #3
Title: Re: هل تشرع الحكومة فى تصدير البنقو؟؟
Author: 7abib_alkul
Date: 06-30-2009, 08:50 PM
Parent: #2
يا حبيبها
صاحبى قال دا تبديد للمال العام يعنى الاربعة مليار دولار دى لو بقت عبر تجارة مشروع كان بتحقق عائد فى الدخل القومى قدر شنو؟
|
Post: #5
Title: Re: هل تشرع الحكومة فى تصدير البنقو؟؟
Author: نصار
Date: 06-30-2009, 08:53 PM
Parent: #3
هو اصلا انت متأكد انها ما قاعدين يصروهو يا حبيب؟
ديل ناس برغماتية لدرجة تحير دافنشي زاتو
|
Post: #12
Title: Re: هل تشرع الحكومة فى تصدير البنقو؟؟
Author: 7abib_alkul
Date: 07-01-2009, 01:34 PM
Parent: #5
نصار
والله بقينا ما عارفين الحصل شنو
لكن صاحبى دا بقول يجب ان يكون الموضوع اكثر شفافية بالزات فى موضوع الابادة يكون بصورة علنية عشان نحقق اكبر نسبة من السطل وسط الجمهور
|
Post: #4
Title: Re: هل تشرع الحكومة فى تصدير البنقو؟؟
Author: حبيب نورة
Date: 06-30-2009, 08:52 PM
Parent: #1
يا حبيبهم
الجماعة ديل ما عارفين صليحهم من عدوهم
انا قبل كم يوم شفت في ساهرون
جنث ثروة أهدرت
المغسة قربت تشقني
يقول ليك مؤثرت عقلية
ياخي طول عمرنا مصنقرين في أثير الازاعة السودانية
هسة الاثير دة بوّظ مخ زول؟؟
|
Post: #6
Title: Re: هل تشرع الحكومة فى تصدير البنقو؟؟
Author: ناذر محمد الخليفة
Date: 06-30-2009, 09:12 PM
Parent: #1
حبيب الكل ..!!!
Quote: ولا سيما ان البنقو السودانى يعد من اجود انواع الحشيش فى العالم
|
دي إشاعة زيها وزي :
السودان سلة غذاء العالم ...!!!
صنفرة :
وزيها وزي الحا تكون : السودان سلة (بنقو) العالم !!
|
Post: #7
Title: Re: هل تشرع الحكومة فى تصدير البنقو؟؟
Author: حيدر حسن ميرغني
Date: 06-30-2009, 10:08 PM
Parent: #6
ياريت تصدَر
تنشر الوعي والخيال والواسع
|
Post: #8
Title: Re: هل تشرع الحكومة فى تصدير البنقو؟؟
Author: elfadl abdellatif
Date: 07-01-2009, 07:38 AM
Parent: #7
هل تشرع الحكومة فى تصدير البنقو؟؟
لما يكفو الاستهلاك المحلي بعدين يصدرو براحتهم .. هسع خليهم كدة .. يصادروهو يحرقو البيش .. ويعيدو توزيع الجيد على اهل الكيف .. اذا صدروه حيبقى زي البترول .. اسعارو ترتفع عالميا .. نرفع مع العالم.. تنخفض عالميا برضو الاسعار تزيد .. يقول ليك ايه قيمة الصادرات انخفضت .. حيرتونا معاكم .. خلونا في بنقونا دة .. زي ما قال الكاريكاتيرست حجازي راسم واحد مع اولادو حول سفرة خالية وماسك الشيشة وماديها لي ولدو بقول ليهم: اتسطلو واتبسطو بلا اكل بلا وجع بطن
ولنا عودة لان الموضوع يستحق
|
Post: #9
Title: Re: هل تشرع الحكومة فى تصدير البنقو؟؟
Author: omar alhag
Date: 07-01-2009, 08:33 AM
Parent: #8
يازول انت شكلك عميل ومندس ومخرب ( وبتاع مؤمرات) وهنالك ايد خفية فى الموضوع وطبعا وراك اسرائيل وقدامك عزرائل
التكرم بسحب هذا التخريب والمحاولة الاجرامية.
وافساد مخطط الحكومة لمشروع مريسةالقرن ( بكنانة)
يعني ياا ستاذ الحكومة شغالة ( تش ) فى موضوع المريسة فى كنانة ويادوب بقينا نلقط فى القزاز
وح نرجع لشعار ( الشراب إسكوب) عايز تجهجه الحكومة بي تجارة تانية ( بنقو شنو)
البنقو داير مدخلات انتاج يعني ح نستور من الخارج
ورق لف
ند
كبريت
+ زيادةفي أستهلاك في المياه ( لزوم الرشريش وكده)
+ كراسي بلاستك ( لزوم اللمة)
+ عمالة اجنبية (للمراسيل)
إضافة الي تعطيل التنمية خصوصا فى مجال الاتصالات (طبعا التلفونات كلها صايلنت وماف زول برد رخيم شديد)
+ اشياء اخرى مفيدة.
لكن شوف المريسة.
تشغيل الشباب ( في مختلف مصانع الشراب)
إزدهار الثروة الحيوانية والاهتمام بها ( من الكوراع لحدى الباسم)
الاهتمام بالزراعة (شطة خدرا فول سوداني بصل ابيض وتوم)
تشجيع صناعة المنتج المحلي ( الحلل والصحانة).
أنتشار الاغنية السودانية ( القعدات) والشعر (الدوبيت فى الانادي).
وبرضو
اشياء اخرى مفيدة.
|
Post: #10
Title: Re: هل تشرع الحكومة فى تصدير البنقو؟؟
Author: المسافر
Date: 07-01-2009, 09:13 AM
Parent: #9
Quote:
ولا سيما ان البنقو السودانى يعد من اجود انواع الحشيش فى العالم |
هذه مشكلة كبيرة..
وحدها تكفي لكي تهتم بها دولة مثل الولايات المتحدة الأمريكية التي أحتلت أفغانستان لغرض التحكم في المخدرات التي تنتجها..
بالسهولة نفسها يمكن التحكم في الأراضي التي تنتج هذه النوعية من المخدرات..
والمعلوم أن المخدرات من أخطر الأسلحة المستعملة في الصراع الدائر في عالم السياسة والمال.
يمكن فتح طريق عبر الصحراء الليبية مثل طريق الحرير .. حتى الأبيض المتوسط في السواحل الليبية.. وإلى أوربا..
طريق الحرير هذا (طريق البنقو - الماريجوانا) من المعروف هو ما يزعج القذافي..
لأن هناك جهات تسيطر على مروره ..
طبعاً الحكومات لا يمكنها أن تتاجر في هذه النوعية من المنتجات ولا يمكنها السماح بحرية التداول وذلك حسب الاتفاقيات المتعارف عليها .. ولكنها يمكنها السماح بتصنيع منتجات طبية .. مثال المادة المخدرة التي تستمل في الجراحة.. كذلك يمكنها السماح لبعض الجهات المختصة في تصدير الأعشاب.. حيث أن البنغو يدخل في بعض التصنيفات العشبية..
أما من ناحية أمنية ممكن أن تفتح مسار لحركة الشحن من الجنوب وحتى الشمال خارج نطاق المدن .. ومن الدمازين مروراً بوكستي ثم إلى الشمال عبر الصحراء كما ذكرنا على أن يقوم التجار بالتعهد بعدم تسريب منتجاتهم إلى داخل المدن..
طبعا هناك بعض المعادلات التي في ظل الحسابات تحقق الخسائر .. مثال تصدير العجوة عبر كسلا إلى إرتريا ومن ثم تهريب الخمور من إرتريا إلى كسلا.. القيمة المتحصلة من تصدير العجوة ربما تتضاءل أمام القيمة التي تدفع لتهريب الخمور..
|
Post: #11
Title: Re: هل تشرع الحكومة فى تصدير البنقو؟؟
Author: Hisham Ibrahim
Date: 07-01-2009, 01:24 PM
Parent: #10
| Quote: هل تشرع الحكومة فى تصدير البنقو؟؟ |
لا خليها تشيل منهم ضرائب وعوائد وزكاة وقبانه
ورسوم إنتاج
ورسوم عبور
وضريبة دفاع
ودمغة جريح ودمعتو
ودعم المحلية العابره بيها الشحنة ( التعديل زياده هنا)
( وش لافيها بي كرتين )
هشام
|
Post: #18
Title: Re: هل تشرع الحكومة فى تصدير البنقو؟؟
Author: 7abib_alkul
Date: 07-02-2009, 02:12 PM
Parent: #11
اخونا هيثم
Quote: لا خليها تشيل منهم ضرائب وعوائد وزكاة وقبانه
ورسوم إنتاج
ورسوم عبور
وضريبة دفاع |
الله القلتها دا كلها جائز لكن في الزكاة دي دايره ليها فتوي
|
Post: #21
Title: Re: هل تشرع الحكومة فى تصدير البنقو؟؟
Author: 7abib_alkul
Date: 07-02-2009, 04:01 PM
Parent: #9
الحبيب عمر
موضوع جد يحتاح للتأمل والتفكير بالأستفاد من البنقو فى المجالات العلمية عموما والطبية خاصة
|
Post: #19
Title: Re: هل تشرع الحكومة فى تصدير البنقو؟؟
Author: 7abib_alkul
Date: 07-02-2009, 03:01 PM
Parent: #8
| Quote: لما يكفو الاستهلاك المحلي بعدين يصدرو براحتهم |
يا اخونا الفاضل
دا حا ابقي زي لحم الضان لمن اقفل التصدير بكوركو عليه بالمايكرفون
|
Post: #14
Title: Re: هل تشرع الحكومة فى تصدير البنقو؟؟
Author: 7abib_alkul
Date: 07-01-2009, 01:41 PM
Parent: #7
عمنا حيدر
بس المشكلة بعد التصدير تحصل ازمة فى الوعى والخيال الواسع فى السوق المحلى
|
Post: #13
Title: Re: هل تشرع الحكومة فى تصدير البنقو؟؟
Author: 7abib_alkul
Date: 07-01-2009, 01:38 PM
Parent: #6
يا ود الخليفة
والله انا سمعته من ناس مختصين ان البنقو السودان بجى فى المرتبة الثانية فى العالم من حيث الجودة يمكن بسهولة استخلاص زيت البنقو منه وزيت البنقو دا حكايا براها
|
Post: #15
Title: Re: هل تشرع الحكومة فى تصدير البنقو؟؟
Author: حافظ حسن ابراهيم
Date: 07-01-2009, 01:50 PM
Parent: #13
| Quote: والله انا سمعته من ناس مختصين ان البنقو السودان بجى فى المرتبة الثانية فى العالم من حيث الجودة يمكن بسهولة استخلاص زيت البنقو منه وزيت البنقو دا حكايا براها |
حبيب الكل لو سمحت المصدر ... المصدر
بجيك راجع القاك حضرت المصدر يا حنين
|
Post: #16
Title: Re: هل تشرع الحكومة فى تصدير البنقو؟؟
Author: 7abib_alkul
Date: 07-02-2009, 12:01 PM
Parent: #15
ياحافظ
ياخى معقول نحرق المصدر كدا فى الشبكة وعلى الهواء مباشرة
لكن حسب الافادة انه زيت البنقو دا بمسحوا بيها سيجارة البرنجى وبسطل من دون ريحة يعنى تشربها جوها قسم البوليس عادى جدا
|
Post: #17
Title: Re: هل تشرع الحكومة فى تصدير البنقو؟؟
Author: نصار
Date: 07-02-2009, 01:21 PM
Parent: #16
ايوة يا حبيب
يحرقوهوا في المحطة الوسطي حبة صباح
مع جيت الناس للشغل و حبة مساء
الواحد يمشي بيته راكب فيل
توفير مصاريف مواصلات و فك اختناق
و انبساطة
او يوزعوهوا علي ستات الشاي يحرقنوا
في الكوانين و يبقي الكيف ما شاي و قوة
او كل زول يجيب معاهو مبخر يدوهوا قسمته
في الثروة بتاع يتبخر بيهو و يدي ربة العجب
المصيبة الكيزان يصروا علي نسب نيفاشا
و يضحكوا مما يكسبوا
|
Post: #20
Title: Re: هل تشرع الحكومة فى تصدير البنقو؟؟
Author: 7abib_alkul
Date: 07-02-2009, 03:09 PM
Parent: #17
Quote: ايوة يا حبيب
يحرقوهوا في المحطة الوسطي حبة صباح
مع جيت الناس للشغل و حبة مساء
الواحد يمشي بيته راكب فيل
توفير مصاريف مواصلات و فك اختناق
و انبساطة
|
الدنيا حا تمشي معاك باسطة يا نصار
|
|