بعد عشرين عام بعد قليل كانت (ساعة الصفر) للانقاذ سأروى قصة تلك الليلة

كا نت كلمة السر(الوطن الغالى ) كانت نسبة النجاح طمنتاشر فى المية.

التنظيم الذى نفذ الانقلاب هو رد فعل لحركة 19 يوليو1971 تكونت مجموعات من الضباط كان ما يربطها هو انهم ضد الشيوعيين التنظيم اخد اشكال مختلفة ولكنه صفى ليكون قربا من الاسلاميين او لهم التنظيم شارك مشاركة فاعلة فى دفع سوار الدهب للاستيلاء على السلطة فى الانتفاضة وسوار الدهب كان احد اعضائه وتكون المجلس العسكرى الانتقالى بذات الطريقة اللواء تاج الدين ما كان من التنظيم ولكن كان قريب منه ومجلس الوزراء جابوا ليهو الجزولى دفع الله عمر البشبر كان ضابط ناشط بعد الانتفاضة والانتخابات استعجلوها لانو الجبهة كانت مستعدة والاحزاب ما مستعدة وجابت واحد وخمسين دائرة وكانت متوقعة اكتر.
اللواء الهادى مامون المرضى هو الشخصية المحورية فى الانقلاب ومارس الخداع قبل وبعد اقصائه من الجيش يبدو ان الاسلاميين ما كانوا مطمنين ليهو خالص وعندو علاقات خارجية وهو رجل خطر عينو اول مرة وزير اشغال وبعد 28 رمضان اراد ان يكون قريب من البشير فا صبح مستشار سياسى لم اكن بعيدا عنه بحكم علاقاتى باللواء محمد بادى رفيقه.

بعد مذكرة الجيش وخروج الجبهة الاسلامية من حكومة الوفاق الوطنى كنت اجلس الى الترابى فى مكتبه بنمرة2 وهو غاضب جدا وكانمعنا المرحوم موسى ضرار كان الترابى يتحدث وكانه يكلم نفسه قائلا الصادق المهدى عشانى غشات كتيرة ده غير الغشات الكبيرة انا ما عارف ليه بصدقوا المؤمن صديق كان يتكلم هكذا ويرسل بصره بعيدا بعد خروجى منه رويت لمحمد طه ما شهدته فقال لى معلقا ويبدو انه قد شهد موقفا اخر (الراجل ده زعلان شديد انا خايف يدخلنا فى مغامرة!!
فىليلة 30 يونيو 1989 بينما كان الترابى يجلس فى مكتبه بدار الجبهة نمرة2 كان نائبه على عثمان محمد طه يقف من خلف الترابى وراسه الى راس الترابى يتهامسان اقترب منهما حسن مكى وحينما شعر انهما لايرغبان فيه خاطبهما قائلا :انتو عايزين تعملوا انقلاب ولا شنو لاحظ انزعاجهما فانسحب.
قبل ذلك كانت مجوعة من الاشخاص غير المعروفين ياتون الى مبانى جريدة الراية ويذهبوا للطابق الثالث وقد كانوا اولئك من الانقلابيين وكان احد الاشخاص يجلس فى الاستقبال ويحرك موجات الراديو حتى يشوش على اى عملية تصنت.

المعلومات عن العميد عمر حسن له علاقة بالجبهة ويمكن يعمل انقلاب ما كانت خافية على قيادة الجيش عشان كده الفريق ابوقرون تابع رجوع البشير واتاكد انو رجع غرب النوير التنظيم العسكرى معقد لدرجة انو ممكن يكونو فى جماعة فى واحدة كلهم فى التنظيم ما يعرفوا بعض الترابى ما كان داير انقلاب عسكرى صرف لانو ما بيحب الجيش بى طبعو كان داير ثورة المصاحف تنجح والجيش ينحاز لها كان عندى قصيدة بقول فيها(الثورة وشيكة)على عثمان قال لى كانت وشيكة لكنها شيكت وضحك من اعماقه على غير عادته( شيكت من الشوكة) على عثمان كان احرص على الانقلاب من الترابى كان يجلس كثيرا مع احمد سليمان المحامى وكان ماسك ملف علاقة الجبهة مع العراق بعد المؤتمر التانى الغيرت فيهو الجبهة موقفها من ايران للعراق بى واسطة الاخوان المسلمين بتاعين سوريا ويبدو انو على عثمان كان معجب خالص بى صدام.

اها الحبل بتاعك خلاص وصل الحد ولا لسع

ما تبدأ شئ انت غير قادر على اكماله

غلوتيه بس ...مواضيعك مهمه وكثيره بس المعلومات جايطه عليك واظنك بت>كرها وانت بتكتب ...كدي اقعد بي هداوه مع فنجان قهوه وجمع الكلام دا لانو مهم خالص للتاريخ .

خلاص استنوا لغاية ما اطلع كتابى.

Quote: خلاص استنوا لغاية ما اطلع كتابى.

ممكن تستعين بخبرات صاحبك حسين,,






ملاسي

يا عمار إنت ما محتاج زول يشتت ليك الكورة,,

براك بتشتتا,


أرجع كوز تانى أحسن ليك ,,

عمار

النشر هنا يمهد للكتاب

رغم تحفظي على بعض معلوماتك حول الإنتفاضة وما بعدها

فقد كنا حاضرين ومشاركين في تلك الأحداث


الباقر موسى

ههههههههههههههههههههه
انتا يا عمار اظرف زول في المنبر دة..
ابو الدقيق بس..
ما شفتا لي زول بيحرد بوستاتو غيرك..
ههههههههههههههههههههه

حذف للتكرار..

سلام يا عمار
وما زال الشعب السودانى يعانى من خراب الذاكره....

لذلك....
فان نهج كتابة المذكرات والتوثيق والتأريخ للأحداث نهجا ضروريا ومسؤولا
وحوجتنا له ضخمه فى ظل تحريف وتغيير الأحداث التاريخيه الذي أصبح"موضه"
و بتاريخك فى صفوف الحركه الإسلاميه والذى لا يقل اهمية عن تاريخ حسن مكى
يصبح دورك فى كتابة مذكراتك من الأهميه بمكان....ليس لتاريخ الحركه الاسلاميه فى السودان فقط
ولكن لتاريخ الحركه السياسيه ككل وما دار فى أروقة الحزب صانع القرار قبل وآناء الانقلاب!
لا أريد أن أمارس التحنيس ولكن فى الحقيقه الموضوع لا يحتمل سلوك"ابو الدقيق" على قول
ساره على...فالإحساس بالمسؤوليه الذي دفعك لابتدار هذا الخيط هو ما يجب ان يدفعك لإكماله
( إلا إذا كانت دوافعك غير ذلك)واحتمال التعليقات الجانبيه والسخريه والنقد...
البناء منه وغير ذلك
ضرورى فى ساحه كسودانيزاونلاين تقوم على التلاقح الفكرى والصراع السياسي والاجتماعى
وبما انك خليت الكيزان..كمان خلى سلوكهك الما بتقبل الاراء والاخر ده!
وسع صدرك....وخت هدفك قدامك....وواصل....
وإلا...صدقنى....وجود قلمك هنا ومساهمتك شديدة الأهميه ولكن غيابك لن يفتقد!!!!

....
شيراز محمد عبد الحى