omer osman .. تاني بتجي المولد ..؟!

الميرغني أضاع فرصة العمر


















...

يا عمكـ
ألف مبروكـ والله
البوست داكـ وِلِـد؟

يا حبيب ..

عجبوني الاشقاء والله ..

بستفوهو ليك زي ما حصل حاجة ..


وعلى العليهو مريخابي كمان

انت ما تخليك ما انتشار الشرطة المكثف وتسجيل ريتشارد ..

والله العوجة ما بتجيك يا جنابو ..!

قال اصلاح قال ..


اصلاح هاشم ..

كامل التضامن مع جنابو ,,,

عزيزنا العوض ..

سلام يا رجل ..

Quote: كامل التضامن مع جنابو ,,,

الموضوع تنفيس .. تنفيس ..

مُش بيقول لك من نفس عن مؤمن كربة من كرب الدنيا ...........





تحياتنا وحمد لله سلامة ..

Quote: كامل التضامن مع جنابو ,,,

ياها المحرية فيك يالعوض اخوي زول نجدة ...... بس كان جاي بي لوريك ده الله اعلم تلحقنا.

Quote: عجبوني الاشقاء ..

الليلة جوا .......... خلاص ياحمد الريح عجبوك لمن بقيت تغني.

والله يا سيدي حيدر الكرار الأخ عمر عثمان دا حيرنا ذاااااااااتُو...

كل يوم وناطي ليك بي بوست ماشي لي وين ماني عارف...

ربنا يصلح حالنا وحالو... ويثبتنا علي الحق...


أبو الحُسين...

حيدر سلام

هو الميرغني سوا شنو؟
و لا اقول ليك قبال سوي شنو ... الميرغني دا زاتو منو؟

ميرغني النصري؟

الميرغني ابو حراز؟

ميرغني تلب؟

والله الميرغني منو؟ نورنا يا حيدر نور الله قبرك؟

حبيبنا حااافظ ..
التحايا يا جميل

Quote: هو الميرغني سوا شنو؟

ضيع فرصة العمر ..

Quote: الميرغني دا زاتو منو؟

ميرغني ابشنب ..

هلا الشقيق ابو الحُسين ..

عمر عثمان بيقول حادب على مصلحة الحزب الهو شتت منو وقت الحوجة ولقي مجال يمارس عمله الاصلاحي
في حزب تاني منقلب على الشرعية الديمقراطية وقت كان حزبه الاول في الحكم ..
وقت الحوجة لتكاتف الجهود طلع والان بــ( حنية ورقة قلب ) عاوز يصلح - دا الفهمتو من كلامو هناك ..
اها مرة يعترض على العصايا ومرة يمارس الوصايا .. وانا من مقاعد غير المحايدين بتفرج

اها عجبتني عصرتكم ليهو بهناك .. وقدر ما صديقي دا ينعصر بيعجبني ليهو ( ما شماتة )


لك التحايا ..

Quote: والله يا سيدي حيدر الكرار الأخ عمر عثمان دا حيرنا ذاااااااااتُو... كل يوم وناطي ليك بي بوست ماشي لي وين ماني عارف... ربنا يصلح حالنا وحالو... ويثبتنا علي الحق...

لما اقرا لعمر عثمان بدينى احساس انو بكتب تحت
وطاة تأنيب الضمير .. بجد فى كتابتو احساس خفى
بأنو اخطا فى خطوة انضمامو للمؤتمر الوطنى ..

ربنا يعينو ويهديه لسواء السبيل .. و مازال
الامر بيده ..بامكانه ان (ينفض ) يده من المؤتمر
الوطنى وان يبدا صفحة جديدة ... و الحق يعلو
ولايعلى عليه ....

Quote: لما اقرا لعمر عثمان بدينى احساس انو بكتب تحت وطاة تأنيب الضمير .. بجد فى كتابتو احساس خفى بأنو اخطا فى خطوة انضمامو للمؤتمر الوطنى ..

لا ده احساس منك ساكت يامحمد عبدالرحمن ..........

سلام الاخ محمد عبد الرحمن ..

ونحن وراهو والزمن طويييل ..

Quote: لا ده احساس منك ساكت يامحمد عبدالرحمن ..........

لا ما احساس ساكت ..
قول لي لييييه ؟!!

شكرا حيدر

الضابط عمر شقيق سابق وزميل بالبورد ومشجع مريخابي وصديق أصدقائي,

كل هذا يعني أنه تحت العنايـة ولا أمور شخصيـة

هي طاولة الحوار الديمقراطي وأسأل الله له الهدايـة,

قال تعالى: (وسكنتم في مساكن الذين ظلموا أنفسهـم)

تحياتي للجميع


أحمد الشايقي

Quote: عمر عثمان بيقول حادب على مصلحة الحزب

البوست ده ما شفتو لكن دي بالغ فيها

الاخ / حيدر
سلامات

وبعد اذنك......

Quote: omer osman

وبالعربي
عمر عثمان

رجل احترمته قبل ان اراه
واتمني ان اراه لانقل له شكري
علي روحه الطيبة

له ولك كل التقدير

ياجماعة الزول ما يغيب عنكم لحظة... طلعت من الشغل مسافة وصلت البيت واتغديت اجي القي رش قدر ده


كمان بقيتو ترشوا بالعصر ............... بس ادوني صنة شوية بجيكم راجع.

Quote: ربنا يعينو ويهديه لسواء السبيل .. و مازال الامر بيده ..بامكانه ان (ينفض ) يده من المؤتمر الوطنى وان يبدا صفحة جديدة ... و الحق يعلو ولايعلى عليه

الحبيب محمد عبد الرحمن تحياتى

الأمر ليس بيده.

الأمر بيد فتحى !

سلام.





ــــــــــــــــــــــــــــــ


يا حيدر ياخى ما تجننو علينا ولدنا (سابقا )) دا ياخى ارحموهو شوية

يعنى ما ينوم ؟؟؟؟ حرام عليكم.

كامل التضامن مع الشقيق عوض المسلمي










الشقيق سابقا و الاخ دائما عمر عثمان

قال حكمة مقتنع هو فيها :(القرقور قال لي أمو و أنا موديني علي الصاج ما تقنعي مني ) أو كما قال جنابو

Quote: الشقيق سابقا و الاخ دائما عمر عثمان قال حكمة مقتنع هو فيها :(القرقور قال لي أمو و أنا موديني علي الصاج ما تقنعي مني ) أو كما قال جنابو

بس ياهو زااااتو ياعثمان ........

صاحبك الطيب وين اليومين دي ؟؟؟

Quote: كامل التضامن مع الشقيق عوض المسلمي

ونهديهو فيل بدل اللوري ..


تحياتي عثمان

Quote: الأمر ليس بيده. الأمر بيد فتحى ! سلام.

الامر بيد الله ياود محجوب.

Quote: الامر بيد الله ياود محجوب.

ونعم بالله

الغالي ود محجوب ..

النايم ليها شنو وجماعتك نتفوا ريشو .. ؟!!

عاوز افوقوا زيادة انا يقيف ديدبان حارس وراعي لموجهات الديمقراطية والعدالة الاجتماعية ..

بعدين قدر ما اندق النحاس فوق راسو يبقي في امل في عودته من الطريق الخاطئ السلكو دا ..


وسر بيني وبيني .. شايف مغادرته للناس ديل قربت تب .. بس التجي كشة قريب ..

التحايا

Quote: رجل احترمته قبل ان اراه واتمني ان اراه لانقل له شكري علي روحه الطيبة

هكذا هم الصفوة ياهارون ....... يا اخي ماتجي تحضر معانا سيكافا.

حبيبنا هارون دياب ..

التحايا

Quote: رجل احترمته قبل ان اراه

انت قول تكتل الصفوة وكدة .. برضو انعصر من الاشقاء واترشي رش المريخ من الوحدات
ما فضل ليهو الا يستعين بشداد ..

غايتو اليقول عوووك بنسلفه محمد عادل لمواجهة الاشقاء ..

لك الود

الاخ محمد الشيخ ارباب .. صباحاتك

وعاوز يصلح كمان .. شايف كيف ؟!

Quote: الضابط عمر شقيق سابق وزميل بالبورد ومشجع مريخابي وصديق أصدقائي, كل هذا يعني أنه تحت العنايـة ولا أمور شخصيـة هي طاولة الحوار الديمقراطي وأسأل الله له الهدايـة, قال تعالى: (وسكنتم في مساكن الذين ظلموا أنفسهـم) تحياتي للجميع أحمد الشايقي

كلام عقل ما بنرفضه.

استاذنا احمد الشايقي .. الود والتحايا ..

شفت عشان مشجع مريخابي ودخول هارون دياب هنا ( بصورة صفوية ) ..

عجبتني ليهو العصرة بهناك .. وشايفوا فك البوست داك وجاي يغني مع الكابلي بجاي ..

لكن على مين ..

Quote: ربنا يصلح حالنا وحالو... ويثبتنا علي الحق... أبو الحُسين...

اللهم امين .........

http://www.youtube.com/watch?v=G8fPmGpApo8




الاهداء للاخ حيدر وكل الزوار والمتداخلين في البوست ..........

بس واحد يجيب الحلاوة من الطيب سيد مكي ....................

حبيبنا وأُستاذنا / حيدر الزّين .
تحيَّةٌ واحترامْ ،
وسلاماتْ يا ود ( فيفتيــن 15 ) ، كيف حالك ،
كِدَة يا دوبك الواحد حَسَّ بالطُمأنينة وإنُّو عندو ناس بِعْرفُـمْ في سودانيز أون لاين .

أخوك من الدّفعة سكِسْتين تكنو.

حبّيت أسلّم عليك فقط ، لأنِّي اكتشفتُ وشعرتُ حينَ رجعت للبروفايل خاصّتك أنَّ ثمَّةَ أُلفة
بيني وبينك ، فهيَ جامعة الجزيرة .

وعاد أسمِحْ لَيْ عشان أنا إتكلّمتَ خارج نطاقِ البوستْ حقّك ، وأغفِرْ لَيْ إنْ بقيتَن دَخلتي دي
مِشَاتْرة ، فقط أنا دخلتُ إليْكَ هُنا من أجلِ التَّحيَّة على شخصِك الكريم .

تقبَّلْ مودّتي .

أخوك دائمًا / محمَّد زين .
____________________
* كِدَة بقيت بعرِفْ تلاتة من جامعة الجزيرة في هذا المنبر ، إتَّ ،
ومحسن خالد ، وشخصي الضّعيف .

الاخ العزيز محمد زين الشفيع

تحايا المودة والتقدير ..

سعيد جداً ان تداخلت هنا فالبوست اساسا ودي واخوي مع الصديق عمر عثمان وان كان لا يخلو من شماتة على عصرتو التاريخية خلال اليومين الماضيين ..
الغريبة قبل يومين كنت بسيرتك مع الاخ هشام وقت مكالمة كانت بينكم
وقلت ليهو الاسم وقعه ماغريب .. وفعلاً رجعت البروفايل وكنت بصدد محادثتك بس ( الجوال ليهو رافع ) ..
طبعا الدفعة ستاشر دي اكتر دفعة عاصرناها بالجزيرة وبها كمية من الاصدقاء .. وكمان كمية من الزملاء هنا بالبورد من الجزيرة بالاضافة لمحسن خالد تجد من النشيطين حالياً .. محمد حسن العمدة ( د.16).. ومجاهد عبد الله .. والاستاذة زهرة حيدر ادريس .. غير كمية مقدرة من الاعضاء توقفوا عن الكتابة الا بالمناسبات ..

لك الود كله واكيد بينا اتصال ..

حيدر حسن الزين

Quote: الاخ العزيز محمد زين الشفيع تحايا المودة والتقدير .. سعيد جداً ان تداخلت هنا فالبوست .

الْعِجَبْ أنا .( حاول تقراها باللَّكنة الرّيفيَّة ، مؤكَّد إنّك ح.تضحك ضِحِكْ شديد ) .

Quote: اساسا ودي واخوي مع الصديق عمر عثمان وان كان لا يخلو من شماتة على عصرتو التاريخية خلال اليومين الماضيين ..

ربّنا يديم الْمحبّة بينك وصديقك عمر عثمان .

Quote: الغريبة قبل يومين كنت بسيرتك مع الاخ هشام وقت مكالمة كانت بينكم

أوعَ تقولْ لَيْ المكالمة الأخيرة ديك الـ معَ أخونا / هشام آدم ، أظِنَّها كانت كلّها حولْ النَّحو وما أدراك ما النَّحو .
وواللهِ يا حيدر هشام آدم دا حبيبنا ، وراجل نقي ، وهو من أصدقائي جدًّا ، حتّى من قُبَّال ما نتصادف على منابر سودانيز أون لاين ، كنَّا بنكتب مع بعض في كثيرٍ من المنابر العربيَّة ،
باللهِ سَلِّمْ لَيْ عليهو ، وكنتَ عايز أتّصِل عليهو في اليومين الفاتن ديل وأكفِّرْ ليهو ، بس والله أكَّان عندنا وفاة ، عشان كِدَة وعلي قولتك ( الجوَّال ليهو رافع ) وربّك يهوِّن .

Quote: وقلت ليهو الاسم وقعه ماغريب .. وفعلاً رجعت البروفايل وكنت بصدد محادثتك بس ( الجوال ليهو رافع ) ..

ههههههههه ، أظِنَّها دي على شاكلة ( القدم ليهو رافع ) ، وزَيْ ما بقولو الْجماعة في السُّودان :
( يِدِّيك الْعافية وما بتقصِّرْ ) .

Quote: طبعا الدفعة ستاشر دي اكتر دفعة عاصرناها بالجزيرة وبها كمية من الاصدقاء .. وكمان كمية من الزملاء هنا بالبورد من الجزيرة بالاضافة لمحسن خالد تجد من النشيطين حالياً .. محمد حسن العمدة ( د.16).. ومجاهد عبد الله .. والاستاذة زهرة حيدر ادريس .. غير كمية مقدرة من الاعضاء توقفوا عن الكتابة الا بالمناسبات ..

التَّحيَّة ليهم كلّهم وح.أمشي أشوف بروفايلاتُنْ كُلَّهُن ، عشان أشوفُنْ 16 تكنو ، ولَّا زراعة ولَّا اقتصاد ، لكين ما أظِّن فيهُن واحد تكنو ، لأنِّي بعرف معظم 16 تكنو ، دا لو ما كُلَّهُنْ .

Quote: لك الود كله واكيد بينا اتصال ..

أجدعْ لَيْ رقمك وأنا بتَّصِلْ عليكْ .
وللضَّمان كِدَة دا رقمي : 0507825418

Quote: حيدر حسن الزين

تحيَّاتي ليك يا حيدر .

سؤال صغيرون :
في السوق الشّعبي بتاع الجامعة ، بتعرِفْ كافتريا
إسمها ( السُّلوان ) ؟، جنب كافتريا أخوكُن / عكاشة
ود 15 اقتصاد ، أكَّان إتذكَّرتا الكافتريا دي ، أكيد ح.
تتذكَّرني ، لأنِّي من غير الدّراسة كنتَ برضو شغّال فيها .

_____________________
* أها معايْ في الرِّياض هنا واحد من أصحابنا ناس 15 اقتصاد ، إسمو : عمر محمّد عمر ،
بِتْعرْفـو ؟ .

Quote: * أها معايْ في الرِّياض هنا واحد من أصحابنا ناس 15 اقتصاد ، إسمو : عمر محمّد عمر ، بِتْعرْفـو ؟

بالحيل بعرفو يا محمد زين .. وفي كتيرين من الشباب بالرياض وجلساتهم مدورة ..
بديك تفاصيلهم بالتلفون ..

تسلم وشكرا لك

Quote: Quote: لما اقرا لعمر عثمان بدينى احساس انو بكتب تحت وطاة تأنيب الضمير .. بجد فى كتابتو احساس خفى بأنو اخطا فى خطوة انضمامو للمؤتمر الوطنى .. لا ده احساس منك ساكت يامحمد عبدالرحمن ..........

كلام عمر دا هو الصاح يا محمد عبد الرحمن
وفي نفس الوقت دي ما كتابة زول همه الإصلاح

حيدر الزين إزيك

الاخ حيدر .. ..

صباحكم نور ( رغم الكتاحة ).. ..

من معرفتى بعمر حكيم وهادئ وبوزن الامور بعقل وخطوة الانضمام للمؤتمر الوطنى عندو بيها قناعة تامة ومؤمن بى اختيارو .. ..

شهادة ساى كان تحلو ..

وعليكم السلام الاستاذة انعام عبد الحفيظ ...

عليكم بالرأفة بصاحبنا عمر عثمان .. ما تقنعو منه لسع في امل ..!



الاخت سارة كرودى

نهارك سعيد .. وتصدقي انه الشرقية بالمملكة فيها كتاحة شديدة الليلة من الصباح ..
بس ما يكون سببها البوست دا تبقي مصيبة وحظر الموقع واجب ..

غايتو يا سارة انا معاك في كل ما قلتيهو عن عمر عثمان الا بس كمان ( نحن ) ما مؤمنين باختيارو

Quote: شهادة ساى كان تحلو ..

ما بتحلو ..


لك التحايا

Quote: عليكم بالرأفة بصاحبنا عمر عثمان .. ما تقنعو منه لسع في امل ..!

يعني يا حيدر انتو لسه عندكم أمل فيهو؟؟؟ (ما لقيت الوش المأمل) ههههههههههه

Quote: غايتو يا سارة انا معاك في كل ما قلتيهو عن عمر عثمان الا بس كمان ( نحن ) ما مؤمنين باختيارو

انا مع سارة في رأيها وبرضو معاك في إنو نحن ما مؤمنين بإختيارو

Quote: يعني يا حيدر انتو لسه عندكم أمل فيهو؟؟؟ (ما لقيت الوش المأمل) ههههههههههه

انعام نحن العندنا أمل في جيتكم ........

في اليومين الجاية ح تسمعي خبر انضمام زول من القيادات الشبابية سيحدث ضجة واسعة

امسكوا الخشب ....................

Quote: من معرفتى بعمر حكيم وهادئ وبوزن الامور بعقل وخطوة الانضمام للمؤتمر الوطنى عندو بيها قناعة تامة ومؤمن بى اختيارو .. ..

الحمد لله شهادة نعتز بها ..........

حيدر اسمع جنس الكلام ده خليك من النوبة ودروايش الحلبة.

يا جنابو لو مزنوق

قول عوووووك

اخوك جمب المولد زاتو

Quote: يا جنابو لو مزنوق قول عوووووك اخوك جمب المولد زاتو

يا اخوي بدون عوووووك الحق ...........

Quote: انعام نحن العندنا أمل في جيتكم ........ في اليومين الجاية ح تسمعي خبر انضمام زول من القيادات الشبابية سيحدث ضجة واسعة امسكوا الخشب ....................

اها دا برعايتك ولا برعاية هشام البرير؟؟؟






ــــــــ
صدقني يا عمر أي زول عايز يمشي يمشي طوالي
بالعكس أحسن يمشوا من ما يقعدوا معانا وقلوبهم بهناك!!!

Quote: يا جنابو لو مزنوق قول عوووووك اخوك جمب المولد زاتو

حيدر يا إغاثة

Quote: حيدر اسمع جنس الكلام ده خليك من النوبة ودروايش الحلبة.

أنت قاصد منو يا عمر عثمان ..( وش فتنة بيتلفت للجماعة )


هسع خليك من شاب قادم وكدة انا البوست دا زي ما قلت للعوض المسلمي فاتحوا تنفيس كربة ياخ ..

وعاوز لي قدام ادخل واسطة بينك وبين الجماعة ( اشقاء عُزاز على قلبي ) كان يقبلوك راجع

فما تقعد ترمي الكلام ساكت وبعدين تصعب علينا المهمة ..

اتقل يا بطل عارفك ماسكاك كاروشة على الناس ديل لامن كل يومين فاتح بوست عنهم ..

Quote: أنت قاصد منو يا عمر عثمان ..( وش فتنة بيتلفت للجماعة ) هسع خليك من شاب قادم وكدة انا البوست دا زي ما قلت للعوض المسلمي فاتحوا تنفيس كربة ياخ .. وعاوز لي قدام ادخل واسطة بينك وبين الجماعة ( اشقاء عُزاز على قلبي ) كان يقبلوك راجع فما تقعد ترمي الكلام ساكت وبعدين تصعب علينا المهمة .. اتقل يا بطل عارفك ماسكاك كاروشة على الناس ديل لامن كل يومين فاتح بوست عنهم ..

تقيل اصلا يا حيدر .. ..

الكاروشه دى فى الا البقومه شنو .. .. مش الحساسية بتقوم على الواحد لمن يشيل حاجة مانافعه معه

اها زولك ده من يصل الحزب الاتحادى بتقوم عليه .. .. وش مدردق ..

Quote: الكاروشه دى فى الا البقومه شنو .. .. مش الحساسية بتقوم على الواحد لمن يشيل حاجة مانافعه معه اها زولك ده من يصل الحزب الاتحادى بتقوم عليه

والله يا سارة لكن لقيتك باك انما باك .. ولا تنقا في زمنو ..!!

اسمعي كدي العبي بخطة جمال الثعلب امام الاهلي المصري وبنتفاهم ( على وزن لارشي وكدة )..






عمر عثمان سارة من الاحتياطي المركزي والا شنو ..

Quote: والله يا سارة لكن لقيتك باك انما باك .. ولا تنقا في زمنو ..!! اسمعي كدي العبي بخطة جمال الثعلب امام الاهلي المصري وبنتفاهم ( على وزن لارشي وكدة ).. عمر عثمان سارة من الاحتياطي المركزي والا شنو ..

جنى وجن جمال الثعلب ؟؟؟؟؟؟

اكون حارس المرمى باقى ليك ياحيدر ؟؟؟؟

وله اكون الكورة ذاته وش مجهجهة ماقادر يحدد وظيفتو فى الملعب ...

Quote: اكون حارس المرمى باقى ليك ياحيدر ؟؟؟؟

وظيفة الباك الصعب غايتو اتقنتيها في المداخلة السابقة ( لعبت باص لانعام لقيتك سديتي الخانة وقفلتي الزواية )
..

غايتو نصيحة ما تبقي اصلو حارس مرمي دفاع عمر عثمان دا بقيادة مرق .. وما ادراك ما مرق فهجوم احمد الشايقي ممكن يجهجه الشبكة .. خليك في وظيفة باك لفت ...

** متفق معاك جمال الثعلب من يوم الاهلي المصري وانا قارش ملحتو ..

Quote: وظيفة الباك الصعب غايتو اتقنتيها في المداخلة السابقة ( لعبت باص لانعام لقيتك سديتي الخانة وقفلتي الزواية ) .. غايتو نصيحة ما تبقي اصلو حارس مرمي دفاع عمر عثمان دا بقيادة مرق .. وما ادراك ما مرق فهجوم احمد الشايقي ممكن يجهجه الشبكة .. خليك في وظيفة باك لفت ... ** متفق معاك جمال الثعلب من يوم الاهلي المصري وانا قارش ملحتو ..

ياحيدر يا اخوي سمعت بي (باك السجن) أو في رواية أخري (باك الحكومة) اها ده بس اخوك omer osman نقطة موية مابتمر

بس مرات بيكون داير يساعد الفريق الخصم بانتصار وهمي.

سارة كرودي دي لاعبة ناص ماهرة بتعرف توزع الباصات كويسة لكن مرات ممكن تديك (باص جبس) النوع البكسر رجلك داك.

Quote: ياحيدر يا اخوي سمعت بي (باك السجن) أو في رواية أخري (باك الحكومة) اها ده بس اخوك omer osman نقطة موية مابتمر بس مرات بيكون داير يساعد الفريق الخصم بانتصار وهمي.

بعد الهزيمة روحك رياضية جداً ودا الحارنو فيك

Quote: أنت قاصد منو يا عمر عثمان ..( وش فتنة بيتلفت للجماعة ) هسع خليك من شاب قادم وكدة انا البوست دا زي ما قلت للعوض المسلمي فاتحوا تنفيس كربة ياخ .. وعاوز لي قدام ادخل واسطة بينك وبين الجماعة ( اشقاء عُزاز على قلبي ) كان يقبلوك راجع فما تقعد ترمي الكلام ساكت وبعدين تصعب علينا المهمة .. اتقل يا بطل عارفك ماسكاك كاروشة على الناس ديل لامن كل يومين فاتح بوست عنهم ..

غايتو يا حيدر لقيتك فتاااااااااااان

كان على الكاروشة ماسكاااااااااااااهو وتشوف براك
البوست الجاي ح يكون عن الشاب الإتحادي الإنضم للمؤتمر الوطني

Quote: في اليومين الجاية ح تسمعي خبر انضمام زول من القيادات الشبابية سيحدث ضجة واسعة امسكوا الخشب ....................

عمر ياخ ما تضغطو عليه شديد و بطلوا الحساده
خلوهوشوية قلبه مع علي و جيبه مع معاوية


خشي ما عتدنا
ممكن نمسك لسانا؟




أنا شخصيا محضر تسع قلل قناوي
و بعدين نصيحة لله والله الصحفي
ينفعكم والانتخابات علي الابواب
أي نعم ما عنده وزن لكن طبعا
المؤتمر الوطني حكاية يصنع من
الفسيخ شربات عادي زي كهربة
سد الشريك الطلعت هسي بالنية بس





تعديل حروف و ليس موقف

Quote: حيدر يا إغاثة

انا بقدم السبت دائما

الزول ده فيهو شيئ كثير

وبينفع لي قدام..

يا عمر

الانقاذ لم تترك أحداً في السودان أو في خارجه إلا وأعلنت إنضمامه للمؤتمر الوطني

أسماءنا كلها وردت

إذا لم ترد بالتجزئة وردت بالجملة,

محسوبين في الجنة وفي المؤتمر الوطني, في تصريحات المنضمين أو في قائمة كمال عمر,

التلفزيون الرسمي من أهم إنجازاته الوطنية ورسائله الاعلامية التبشير المستمر بقوائم المنضمين للمؤتمر الوطني

كل الناس المذكورين في التعداد انضموا للمؤتمر الوطني, لم يبق سوى القبائل (النيجيرية)

وحتى هذه فقد شملها الاتفاق الاستراتيجي في مايرنو


أحمد الشايقي

Quote: يا اخوي بدون عوووووك الحق

ياعمر...

لو احتجت القوات الخاصة قول ارررررروك

ناس سارة ديل مابحلوك (وجه شامت)

Quote: والله الصحفي ينفعكم والانتخابات علي الابواب)

زي البعرفوا كده..
كان ياهو زاتـو قشة ما تعتر ليهوا..

دي قصـة عجيبة ..
تمزيق الأحزاب اصبح الشغل الشاغل للسلطة..
وحزبها الحاكم..واحداث فرقه اعلاميـه..
والتهليل والتكبير وشوف غيـروا..
(يا عمر والله ما رضيناها ليك)

Quote: ياعمر... لو احتجت القوات الخاصة قول ارررررروك ناس سارة ديل مابحلوك (وجه شامت)

احلو من شنو وله شنو اخير اتحله انا .. ..

.. .. ( ............ ) .. ..

لو غلبتك النقط يا ابراهيم سيده جاء تمبس رسله وبجيك الحل .. ..

اها ياحيدر جاك كلامي ......... ده ما باص الجبس زااااااتو

Quote: احلو من شنو وله شنو اخير اتحله انا .. ..

Quote: ياعمر... لو احتجت القوات الخاصة قول ارررررروك

ياسيادتو ابراهيم مساعدتك ما بناباها ........ لكن باقي لي كده زي البقيت طابور خامس مع الجماعة ديل

حيدر سلامات

Quote: انا بقدم السبت دائما الزول ده فيهو شيئ كثير وبينفع لي قدام..

ما هو عشان كدا قلنا ليهو

Quote: (يا عمر والله ما رضيناها ليك)

يا حيدر قطامة,,,


صاحبى دا ناس البوليس أهلو عملو ميتين
وخلوه يوجه عصرتو براهو!!!!


لكن الشهادة لله الراجل خلوق ومحترم,,

مهما إدّعى غير ذلك,,

مودتى له ولك وكامل تضامنى معه فى زنقته (الأسفورية) هذه,,

نرجع تانى نفتش معاكم ناس النشيشيبة والإعدادية إن شاء الله و
قول للشفيع عملت لينا وجع عيون بالتشكيل الكتير!!

سلامات,,

Quote: صاحبى دا ناس البوليس أهلو عملو ميتين وخلوه يوجه عصرتو براهو!!!!

دي اسمها خوة الكاب الحدها الباب ........ يتاوقوا ساكت ويمشوا ...... الله في

Quote: لكن الشهادة لله الراجل خلوق ومحترم,, مهما إدّعى غير ذلك,, مودتى له ولك وكامل تضامنى معه فى زنقته (الأسفورية) هذه,,

شكراً ياراقي ............ دعواتكم

Quote: لكن الشهادة لله الراجل خلوق ومحترم

هو يعني في زول عرف عمر عثمان ويقدر يقول غير كدا؟؟؟

Quote: هو يعني في زول عرف عمر عثمان ويقدر يقول غير كدا؟؟؟

اصالة ونبل وطيبة في الاخلاق وشراسة في المعارضة كده صاح يا انعام شكراً

يخوانا الخيل تجقلب والشكر لى حماد .. ..

اسأل النيمة القايمة جمب بيتنا ؟.. .. وش مبسوط

Quote: يخوانا الخيل تجقلب والشكر لى حماد .. ..

وفي رواية اخري .. الخيل تجقلب والشكر لإنعام


هسع انت بعد شبهوك بي برشم وباصات الجبص مفروض تتخندقي معانا طوالي يا سارة .. ( وش فتنة )



...

Quote: وفي رواية اخري .. الخيل تجقلب والشكر لإنعام هسع انت بعد شبهوك بي برشم وباصات الجبص مفروض تتخندقي معانا طوالي يا سارة .. ( وش فتنة )

برشم مش فى المريخ وهو مريخابى س = ص

باصات الجبص = زهور لزوم الكفارات

بس الخندقة مابقدر عليها .. .. ( .. .. .. )

حننتنى ياحيدر وانت قاعد دايما فى الاحتياطى متين بتنزل الملعب

اعتزل .. .. فوق اللعبة تانى مابجى .. ..

وش مطروح ...

Quote: برشم مش فى المريخ وهو مريخابى س = ص

لا لع ... برشم الشهير كان في الهلال بتاع يا هو يا الكورة ..
من قصصه وقت لعب الهلال الهلال السعودي وغلب السوداني السعودي ..
علق المدرب البرازيلي للهلال السعودي بأن : هذا اللاعب قد افسد جميع خططي ..
فهو لا ينتمي لاي مدرسة كرة قدم معروفة ...

اها يا سارة انا ما لاعب لا احتياطي انا بشجع اللعبة الحلوة ..
وقلت اصلوا وابداً وطبعاً لا ما ممكن افوت الاهداف الدخلت مرمي غريمي المريخابي عمر عثمان
وقت حب يلعب مع الاشقاء..
وفعلاً البوست البهناك اخد فيها سبعة صفر .. ولا فريق الوحدات مع عملها ... لوووووووول

Quote: وفي رواية اخري .. الخيل تجقلب والشكر لإنعام

حيدر الزين انعام لازم يشكروها لأنها في الفريق التاني وكدا
وبعدين ما تنسى العشم في العودة ما مقطوع لسه !!

Quote: وبعدين ما تنسى العشم في العودة ما مقطوع لسه !!

عليك نور يا انعام عبد الحفيظ ..

ياهو احساسي من اول واحساس محمد عبد الرحمن ..

ومهما حاول جنابو ينكر لكن بنقول حالو زي ما قال ود الامين :

ماهو باين .. باين في ( الحروف ) ...

ونزيد عليها ..
ادعينا وقلنا ما حنشتاق في عمرنا .. وقبل ما تمر ( حولية ) واحدة بحرارة الشوق غمرنا ...

Quote: ادعينا وقلنا ما حنشتاق في عمرنا .. وقبل ما تمر ( حولية ) واحدة بحرارة الشوق غمرنا ...

حيدر ياخ خلي البوست دا تحت ما ترفعوا لينا كل شوية

Quote: اصالة ونبل وطيبة في الاخلاق وشراسة في المعارضة كده صاح يا انعام شكراً

لا أحتاج لشكر يا عمر دي تربية أهلك هي الأفرزت طباعك دي
تشكر اهلك على حسن تربيتك وتحافظ عليها










ـــــــــــ
بس فيك عيب وااااااااااااحد المؤتمر الوطني دا

هلا يا ايمن الطيب .. الطيب

عارف قبل ما ندخل في النشيشيبة والاعدادية.. بقول ناس البوليس ديل حقانييييين خالص
وشافين زولك دا متلوم تب وهو اول من عمل بمبدأ خوة الكاب حدها الباب مع الاشقاء ..
فقالوا اخير نطبقها فيهو .. ثم بيجيب ليهم هواء بااارد ناسي انت قصة الانتشار الكثيف

والبوست بتاعو الاسمه ( من كان منكم بلا رشوة فليرشي الشرطة السودانية بجنيه ) لوووول


رجعت البروفايل يا حبيب ما لقيت حاجة فالماسنجر بعد كدة وجب ..!

ووصيتك بتصل لمحمد زين الشفيع ( بيني وبينك براي تعبت وانتهزها فرصة واقول الفي نفسي على لسانك انت)


تحياتي يا ايمن ..

صاحبي العزيز

أعتزر وبسحب المداخلة كاملة

بركة ( صفاقتنا ) الخلتنا نسمع صوتك

ما قتناع با القلتو كلو لكن يقين أن بعض البقرات المقدسة


لا تمس

-------------------------------------------
لك التحية ولاسرتك الكريمة خالص التقدير

Quote: صاحبي العزيز أعتزر وبسحب المداخلة كاملة بركة ( صفاقتنا ) الخلتنا نسمع صوتك ما قتناع با القلتو كلو لكن يقين أن بعض البقرات المقدسة لا تمس ------------------------------------------- لك التحية ولاسرتك الكريمة خالص التقدير

الاخ عبد الناصر الخطيب ..

التحايا والود

لم أري مداخلتك السابقة التي حذفتها
وهذه لم اراها الا الان بعد مداخلة الاستاذة انعام عبد الحفيظ ..

حقيقة هذا لغز مبهم بالنسبة لي وياريت توضح ..!
مع التحايا



* انعام عبد الحفيظ

هو بوست غرق وهسع اترفع .. والا كان بعيد وبيفتش الرجعة والاضواء ( وجه برئ ) ..


تحياتي

تحية للحضور جميعا

Quote: ولا حاجة ياحيدر أتجراءته شوية وقلته مولانا يرجع يرعي حزبوا من جوه السودان وشوية كلام مسه ( أكبر مستنكّح ) في تاريخ السودان الحديث صاحب عزيز أتوتر وضرب لى تلفون طويل عريض شرشحني فيهو أهلوا من ناس الخاتمية سفينة نوح طيب التايتنك تطّلع شنو على الاقل ديك غرقت شوية ناس ودي غرقت بلد

الأخ عبد الناصر كلمة مستنكح دي كبيرة منك وياريت تورينا الراجل ده إستنكحك في شنو؟؟؟ والله إستنكح السودان كيف؟؟؟ وقتو الحكم حكم بي شورة أهلنا هسة عليك الله بلد فيها (الترابي والبشير ونافع و.......) يكون أكبر مستنكح فيها هو الميرغني؟

أما عن الختمية وإنها سفينة نوح هنا المسالة بتبقى مسالة إعتقاد وأي زول عندو الحق يعتقد فيما يراه. وحسب كلامك إنت بتفتكر إنو الختمية غرقوا البلد كلها !!!! هسة ده ما ياهو الإستنكاح ذاتو؟؟




بشرى

العزيز عبد الناصر الخطيب .. اجلّ التحايا ..

يازول عوجة تب مافي وفهمت الحاصل .. وبالمناسبة بالجد دي واحدة من اشكالياتنا في السودان ..
الاجاويد خاصة عندما يتعلق الامر بالاحزاب ( الطائفية ) .. انا من منطقة هي من اكبر داعمي الختمية
ودائرتهم من اتعرفت في حاجة اسمها انتخابات لم يفز بها غير مرشح الاتحاديين بفضل بركة ودعم شيوخ
كدباس .. فبعرف تماما يوم توجه نقد للدجل البمارس باسم الدين من بعض مشايخ الصوفية والطائفية اول المعترضين بيكون اقرب الناس لك سواء من الاسرة او الاصدقاء .. وكفّ النقد هنا بيكون في سبيل مراعاة مشاعرهم ليس اكتر ولا اقل ولكنه ابداً ما اقتناع انك مخطئ .. حقيقة الواقع لدينا هناك بتثبت لي كل
يوم ان احزاب مثل الاتحادي او امة هي احزاب لايمكن تجاوزها بالساحة السياسية في عملية انتخابات لانه الولاء اعمي خاصة لو وصعنا بالاعتبار الامية وعدم الوعى الانتخابي ومآلاته .. هذا على صعيد الناخبين بمختلف اقاليم السودان واقتناعها في شخصية السيدين كما يحبوا ان يطلقوا عليهم .. ولكن على مستوي الاحزاب نفسها ومن فيها من واعيين ومثقفين ينبغي الرهان على محاولة اصلاحها داخلياً بما يتوافق مع مصلحة البلد وبرامج سياسية تفيد البلد في الاول ويكون الحزب مكرس لذلك وليس مكرس لخدمة السيد او الاسرة ..

ولك التحية والتقدير

Quote: ولكن على مستوي الاحزاب نفسها ومن فيها من واعيين ومثقفين ينبغي الرهان على محاولة اصلاحها داخلياً بما يتوافق مع مصلحة البلد وبرامج سياسية تفيد البلد

لذلك يجب مساعدة هؤلاء بالنقد الموضوعي الذي يقدم
وليس النقد الذي يؤخر ويعطّل الناس عن مسيرتها في الإصلاح
يبقى هذا دور المثقفين والواعيين بقضايا الإصلاح
في مختلف البقاع بالمساندة والمؤازرة والطرح الموضوعي
مرحباً بالنقد الموضوعي من غير تجريح ومن غير إستهزاء
وعموماً ومشوار الألف ميل يبدأ بخطوة

Quote: لذلك يجب مساعدة هؤلاء بالنقد الموضوعي الذي يقدم وليس النقد الذي يؤخر ويعطّل الناس عن مسيرتها في الإصلاح يبقى هذا دور المثقفين والواعيين بقضايا الإصلاح في مختلف البقاع بالمساندة والمؤازرة والطرح الموضوعي مرحباً بالنقد الموضوعي من غير تجريح ومن غير إستهزاء وعموماً ومشوار الألف ميل يبدأ بخطوة

الاستاذة انعام ..

رهانا بهذه الاحزاب على الوعي بداخلها انتم وهم وكلنا ..

كما قلت سابقاً من العبط او منتهي الاغراق في الرومانسية اللسياسية الظن بان بالامكان تجاوزها
في اي عمل انتخابي قادم .. وبنفس الوقت حتي لا تتكرر تجربة 1985م ينبغي العمل الجاد داخليا
على توسيع مواعينها الديمقراطية واصلاحها ..
طبعاً بالتاكيد الاستهزاء والتجريح مرفوض سواء لشخصية عامة او شخصية عادية .. وعشان نكون اكثر تحديد
كلمة الاخ عبد الناصر الخطيب كانت في معرض اجابته لي عما حذفه بالمداخلة السابقة وحتي لا يجرح شعور صديقه الذي هاتفه .. وهو بيحكي عما كان هو قوله وسحبه تجو انتي والاخ العزيز بشري الطيب تهاجموه فيما سحبه ..
غايتو ما عارف لكن اظن قدامنا الكتير لتعلمه بعد سنوات عشرون عجاف من الرأي الواحد ..
امامنا الكثير لتعلمه عن تعلم فن النقد البناء وتعلم كيفية تقبل النقد ..

تحياتي لكم

Quote: رهانا بهذه الاحزاب على الوعي بداخلها انتم وهم وكلنا .. كما قلت سابقاً من العبط او منتهي الاغراق في الرومانسية اللسياسية الظن بان بالامكان تجاوزها في اي عمل انتخابي قادم .. وبنفس الوقت حتي لا تتكرر تجربة 1985م ينبغي العمل الجاد داخليا على توسيع مواعينها الديمقراطية واصلاحها ..

حيدر الزين سلام تاني أتفق مع ما قلت أعلاه

Quote: طبعاً بالتاكيد الاستهزاء والتجريح مرفوض سواء لشخصية عامة او شخصية عادية .. وعشان نكون اكثر تحديد كلمة الاخ عبد الناصر الخطيب كانت في معرض اجابته لي عما حذفه بالمداخلة السابقة وحتي لا يجرح شعور صديقه الذي هاتفه .. وهو بيحكي عما كان هو قوله وسحبه تجو انتي والاخ العزيز بشري الطيب تهاجموه فيما سحبه ..

يعني يا حيدر نقعد نقول عشان ما نجرح الشعور في العلانية نجرحه في السر
(بمثال هات أضانك أقول ليك؟؟؟)
يظل النقد الموضوعي مطلب قائم لنا جميعاً حتى يعيننا على الإصلاح

Quote: غايتو ما عارف لكن اظن قدامنا الكتير لتعلمه بعد سنوات عشرون عجاف من الرأي الواحد .. امامنا الكثير لتعلمه عن تعلم فن النقد البناء وتعلم كيفية تقبل النقد ..

نعم مسيرة الإنسان في التعلم والمعرفة لا تتوقف ولا تنقطع إلا بموته
وكلنا نطمع في صقل تجاربنا ويتأتى ذلك بالمزيد من الحوارات البناءة
كما أسلفت لا رفض لحوار منطقي او موضوعي من أي شخص كان
من الأشياء الأساسية التي تجعلني لا أتداخل في المنبر في بوستات سياسية
او لها علاقة مباشرة بالأوضاع السياسية داخل الأحزاب
هي تلك الحوارات الغير منطقية والنقد غير الموضوعي
الذي نجده هنا في هذا المنبر وأشكرك كثيراً على مستوى حوارك
أؤكد لك إحترامي وتقديري وللأخ عبد الناصر

Quote: يعني يا حيدر نقعد نقول عشان ما نجرح الشعور في العلانية نجرحه في السر (بمثال هات أضانك أقول ليك؟؟؟) يظل النقد الموضوعي مطلب قائم لنا جميعاً حتى يعيننا على الإصلاح

شكراً يا انعام على كلامك الطيب واتفاقنا او بالأصح اتفاق العقلانية والواقع الماثل امامنا..
بعدين جرح الشعور دا كيف مش وقت الزول يسمع الكلام ؟!
يعني راي السلبي فيك البيجرح شعورك لو احتفظت بيهو لنفسي او مع المقربين لي وما وصلت ما اظن شعورك حا ينجرح هنا .. لكن بينجرح وقت اواجهك بيهو ..
بعتقد النقد بيتراوح بين الشدة واللطف حسب الموقف واستجابة الطرف الاخر .. والاساءة الشخصية ذاتها
درجات .. المشكلة انه مرات بتكون في قداسة للبعض حتي الكلمة البسيطة الممكن تنقال في حق غيرهم
وتتمرر عادي ليهم هم البعض ما بيفوتها .. ما تفتكري كلامي اني بعني انه الناس تقول الفي خاطرها دون مراعاة ولكن بقصد اننا ما نحملها اكتر من حقها كانما المس دا مس مصحف .. ولا نخرج الكلام عن سياقه من اجل التجريم المغلظ .. ( وكلامي هنا بصورة عامة ) ..

شاكر لك تواجدك الانيق هنا وامني نفسي بحوارات قادمة كثيرة عن كيف نفصل بين الطرقية والحزب داخل الحزب نفسه وهل في تجارب سابقة يمكن الاعتماد عليها وتطويرها .. اعتقد اني بحاجة لهذه الاجابة ولو بعد الارشفة بعد يومين ..
لك التحية

Quote: ولا حاجة ياحيدر أتجراءته شوية وقلته مولانا يرجع يرعي حزبوا من جوه السودان وشوية كلام مسه ( أكبر مستنكّح ) في تاريخ السودان الحديث صاحب عزيز أتوتر وضرب لى تلفون طويل عريض شرشحني فيهو أهلوا من ناس الخاتمية سفينة نوح طيب التايتنك تطّلع شنو على الاقل ديك غرقت شوية ناس ودي غرقت بلد

عبد الناصر سلامات

إتجرأت بس ياخ إنت عممت تعميم مخل وأكبر مستنكح دا منو يا ربي ؟؟؟
وبعدين يا ريت توضح لينا الختمية غرقت البلد كيف ؟؟؟
انا ما من الختمية لكن كمان ما منطقي الكلام المعمم دا !!!

سلام مرة أخرى

Quote: خلينا من النقة الفاضية عشان الفردة ما يزعل مني لكين نصيحة لله لو مولاهم أتفرغ يبيع للسودانيين قطع الارض الناصية في الجنة أحسن لى كدة حيستفيد ويبعد من السياسة والبلد الطلع زيته هو وأمثالوا

قطع الأرض الناصية الفي الجنة كان ببيع فيها السمسار الأكبر وبعمل لها عرس عديل

إن بقى عندك رأي في الحزب قولوا واليجوا الأشقاء يردو عليك لكن (مافي ياء بعد الكاف) شتيت الكلام ده مابيودي لي قدام.

الأخ حيدر سلامات

المسألة ما إنتقاد وخلافوا فالأخ ما إنتقد الحزب ولا مولانا بس رمى ليهو دراب وفات

Quote: ياخي ما تزعل نفسك أنا قريب حاصلي العصر واتغدي وأجي شيل الصبر

الغداء ينفعك إن شاء الله لكن صلاتك دي في ظني عوّضك الله

Quote: الغداء ينفعك إن شاء الله لكن صلاتك دي في ظني عوّضك الله

ليه كدة بس يا بشري الطيب .. ؟!

بعدين بالله تابع لينا صاحبك السيدح داك رجع والا دافن دقن لسع ههههههه
.




* تحياتي ولو ملاحظ الاخ عبد الناصر معدل مداخلاته ..!!

العزيز / حيدر الزين
والجمع الكريم _ هنا _
-------------------------------------------------------------------------

Quote: ويقود الحزب الاتحادي اليوم محمد عثمان الميرغني، الذي يرأس تجمع المعارضة في الخارج الذي تعرض ايضا للتصدع. ويقيم الميرغني منذ مجيء نظام الانقاذ في السودان بين مصر والسعودية وبريطانيا واريتريا، في منفى اختياري. وتعرض الحزب الى موجة انشقاقات عديدة في العقدين الاخيرين، حيث انسلخ عنه في منتصف التسعينات امينه العام الشريف زين العابدين الهندي وانضم على راس قيادات للحكومة باسم حزب منفصل، باسم «الاتحادي الديمقراطي».

أولا بعتزر عن أى كلمة زعلتكم في حق ( مولاكم )

ثانية الاقتباس أعلاه هو موضوع مداخلتي الاصل
يعني السيد ( الذي لايمكن الوصول اليه حاليا ) يدي حزبوا شوية أهتمام
ويضغط على نفسوا كم يوم يمر فيهم على السودان أهو يبقي أسمو متابع
مافي زعامه ( بالريموت كنترول )



النتيجة :

Quote: قال مصدر مطلع في حزب المؤتمر الوطني لـ «الشرق الاوسط» ان نحو 5000 من عناصر الحزب الاتحادي الديمقراطي المعارض بزعامة محمد عثمان الميرغني ابدوا رغبة لقيادة الحزب الحاكم للانضمام اليه في مقبل الايام. واذا ما تمت الخطوة فانها تعتبر الثالثة من نوعها خلال اقل من شهر، فيما وصف المراقبون ظاهرة انسلاخ عناصر الاتحادي والانتقال الى الحزب الحاكم بانها «سوس ينخر في جسم الحزب»، المتهم بغياب المؤسسات فيه. وأشعلت الظاهرة معارك كلامية بين قيادات الحزب الاتحادي مع بعضها البعض، حول مبررات الانسلاخ، كما رفعت الظاهرة درجة الحرارة بين الحزبين: الحاكم والمعارض، حيث يعتقد الاول ان الظاهرة طبيعية ومشروعة، بينما يتهم الاتحادي ان الحزب الحاكم يقوم بممارسة الاغراءات المادية لاستقطاب عناصره وضمها اليه.

ما حيبقي في لاحزب ولا مولانا


بس ومتأسف ليكم وللصاحب الكلامي بوظ أعصابوا



أرائي التانية غير ذات جدوي
حتقولوا لى الترابي والنافع حاقوليكم ما شالوا البلد منى
شالوها من الكل مرة الناس بتعشّم فيهم وتديها ليهم باردة
يقوموا زي ما أدوها ليهم يسلموها باردة

يعني تغريق البلد ما ألا في موية

------------------------------------------------------------------
قاعد قريب ومتابع

Quote: صلاتك دي في ظني عوّضك الله

إن بعض الظن إثم

----------------------------------------------------
*ياخي ما تزعل محينا المداخلات وعدلناها والصلاة ماظنها مربوطه بالايمان بالسيد ولا الكفر بيهو
أعتبرني راجل كافر بالسيد بس مؤمن برب السيد وأخد الامور ببساطة

سلامي للجميع

Quote: أولا بعتزر عن أى كلمة زعلتكم في حق ( مولاكم ) ثانية الاقتباس أعلاه هو موضوع مداخلتي الاصل يعني السيد ( الذي لايمكن الوصول اليه حاليا ) يدي حزبوا شوية أهتمام ويضغط على نفسوا كم يوم يمر فيهم على السودان أهو يبقي أسمو متابع مافي زعامه ( بالريموت كنترول )

الاخ عبد الناصر سلامات ...

الأقتباس الجبتو ده ما ياها مداخلتك الأصل كلها فيها نقيصة دحين في مداخلتك الأصل ما قلت لن ننسى تصريحه التاريخي امام السفارة السودانية في أسمرا سلم تسلم كأنه حاصر القصر الجمهوري (وخاتي قدام الجملة دي وجه ضاحك)!!!!! دي أولاً.

ثانياً لم تعجبني فكرة سحبك لي مداخلاتك دي لأنو ده رأيك النختلف ونقتل إختلافنا ده حوارا مالو؟؟

ثالثا شايفك مصر علي كلمة (زعلتكم) دي وحاة سيدي ما في زعل ولا حاجة ما تتحسس ساي.

Quote: ما حيبقي في لاحزب ولا مولانا بس ومتأسف ليكم وللصاحب الكلامي بوظ أعصابوا

إن بقى أصلا الحزب واقف علي متل ديل كان إنتهى زمان يعني أنا مقتنع إنو مراحل التغيير في السودان تاريخيا مرت بي مراحل مختلفة كان أولها التجسيد عند المهدي والترميز في إكتوبر والتجريد في إبريل أها التغيير الجاي ضد أعداء المبدأ وأهو ماشين يتساقطو.

Quote: أرائي التانية غير ذات جدوي حتقولوا لى الترابي والنافع حاقوليكم ما شالوا البلد منى شالوها من الكل مرة الناس بتعشّم فيهم وتديها ليهم باردة يقوموا زي ما أدوها ليهم يسلموها باردة يعني تغريق البلد ما ألا في موية

أها اليخلي أرائك الأولى ذات الجدوى والتانية غير ذات جدوى شنو؟؟ يمكن الإثنين غير ذات جدوى!!! نعرف كيف؟

طيب الترابي ونافع ما شالوا البلد منك كويس أها شالوها من منو؟ من الحزب الإتحادي؟ من مولانا؟ غلطان طبعا لو فاكر كدي...

تعرف يا عبد الناصر في بداية الإنقاذ دي وتحويلا لحرب الجنوب لي جهاد والعالم كلو بدأ يتحدث عن الحرب بين الشمال المسلم والجنوب المسيحي إتخيل لولا إن زعيم أكبر طائفة دينية في الشمال ختا يدو مع الحركة الكان ممكن يحصل شنو ؟

أخونا حيدر سلامات ...

Quote: Quote: الغداء ينفعك إن شاء الله لكن صلاتك دي في ظني عوّضك الله ليه كدة بس يا بشري الطيب .. ؟! بعدين بالله تابع لينا صاحبك السيدح داك رجع والا دافن دقن لسع ههههههه . * تحياتي ولو ملاحظ الاخ عبد الناصر معدل مداخلاته ..!!

ياخي السيدح براهو هسه سيد المولد ده وينو؟؟

إنتبهت مؤخرا لي سحب مداخلات الأخ عبد الناصر وكلامنا معاهو ما عشان يسحبن فله ولك العذر إن جرحكم ما كتبنا....

المكرم / بشير الطيب

Quote: الأقتباس الجبتو ده ما ياها مداخلتك الأصل كلها فيها نقيصة دحين في مداخلتك الأصل ما قلت لن ننسى تصريحه التاريخي امام السفارة السودانية في أسمرا سلم تسلم كأنه حاصر القصر الجمهوري (وخاتي قدام الجملة دي وجه ضاحك)!!!!! دي أولاً. ثانياً لم تعجبني فكرة سحبك لي مداخلاتك دي لأنو ده رأيك النختلف ونقتل إختلافنا ده حوارا مالو؟؟

بالحيّل بس كان ده أصل المداخلة
والباقي إضافة من عندي من سؤ أدبي أتذكرته نكته مولانا الاشهر في التاريخ

سلم تسلم ( ووش مفقوع من الضحك )
ولو ما ده الاستهبال يكون الاستهبال شنو

Quote: إن بقى أصلا الحزب واقف علي متل ديل كان إنتهى زمان يعني أنا مقتنع إنو مراحل التغيير في السودان تاريخيا مرت بي مراحل مختلفة كان أولها التجسيد عند المهدي والترميز في إكتوبر والتجريد في إبريل أها التغيير الجاي ضد أعداء المبدأ وأهو ماشين يتساقطو.

لو الحزب البنتكلم عنو هنا في المولد ده
ممكن ما يكون واقف على الحزب لانوا ما في حزب أصلا
لكين الاكيد واقف على مولانا ده كأخر ( مولانا )
لو حتقول لى أتحادي الاتحاد من يوم رفعنا العلم وقلنا أستقلينا راح في حق الله
ولو حتقول لى ديمقراطي حاقوليك فاقد الشي لا يعطيه

دي أحزاب بيوتات وطوائف أتجدد وجوده في مراحل مختلفة من تاريخ السودان الحديث
وكل مرة ما قاعد تختلف من القباله كتير الاحزاب في السودان ( بمفهوم الطشاش في بلد العمي )
الشيوعي/ الاسلامين / حتى حزب عادل عبد العاطي حزب
زي البنتكلم عنو هنا ما حزب ولا نقوم نفسنا ساي

Quote: طيب الترابي ونافع ما شالوا البلد منك كويس أها شالوها من منو؟ من الحزب الإتحادي؟ من مولانا؟ غلطان طبعا لو فاكر كدي...

في دي معاك حق وفي بالى كلام الشريف زين العابدين في الجمعية التأسيسية عن التركة الماعرفنها والمسؤلية الغائبة كتير منها عنهم ويمه البلد في يد مولانا الفات خلانا وحلفائكم ناس سيدي التاني بأفتراض غلطي في رأئك كانت في يد منو ولا كل ما يختوها ليهم في يدهم يفكوها ويستنوا يمسكوهم ليها تاني
أنا سمعتوا ممكن نوابكم كانو نائمين

Quote: تعرف يا عبد الناصر في بداية الإنقاذ دي وتحويلا لحرب الجنوب لي جهاد والعالم كلو بدأ يتحدث عن الحرب بين الشمال المسلم والجنوب المسيحي إتخيل لولا إن زعيم أكبر طائفة دينية في الشمال ختا يدو مع الحركة الكان ممكن يحصل شنو ؟

خت توقعك وأشرحوا

--------------------------------------------------
سحب المداخلات الغير موفقة كان لابد منو
وأستأذنك طالع لى مشوار بعد المغرب
وأكيد بكرة رأجع المولد وحاواصل

سلامات الأخ عبد الناصر

:

Quote: صلاتك دي في ظني عوّضك الله إن بعض الظن إثم ---------------------------------------------------- *ياخي ما تزعل محينا المداخلات وعدلناها والصلاة ماظنها مربوطه بالايمان بالسيد ولا الكفر بيهو أعتبرني راجل كافر بالسيد بس مؤمن برب السيد وأخد الامور ببساطة

آزول مافي زعل والله بعدين أنا ظني ما ربطتوا بي إيمانك بالسيد ما تقولني مالم أقوله أنا ظني بنيتو على قصة الأثر التي تقول أن أحد الأعراب ودرن منو بهايم جا كايسن سأل منهن عمك لاقاهو في الدرب قالوا رايحات من بتين قالوا ليهن 3 يوم قالوا انا كل يوم بقوم أصلي ركعات باليل ما شفتهن الإعرابي قالوا أنا غنمي بلقاهن لكن صلاتك عوضك الله. دحين الكلام في الصلاة ده ما في سبب يدخلوا هني كان ممكن تقول بجي راجع بتغدى وأجيكم لكن ذكرك لي الصلاة ده بدخل فيها شبه رياء.
وحاشا لله يارجل أن أعتبرك كافر لأني ببساطة ما شايلي كفروميتر أقيسبوا ودي مسائل حقت سيدي وسيدك وسيد السيد.

Quote: وحاشا لله يارجل أن أعتبرك كافر لأني ببساطة ما شايلي كفروميتر أقيسبوا ودي مسائل حقت سيدي وسيدك وسيد السيد..

يازول ولا يهمك أنا طول سنين وجودي في المنبر ده لازعلته من زول لا في كورة ولا في سياسة
ولا في رأى شخصي فيني أى زول حّر يعتقد الشي البشوفوا دي ما حاجة بتزعل بالعكس ياخي
سعيد انو الناس بتتكلم وتقول أراءه تتفق أو تختلف ....
------------------------------------------------------

بالجد كفاية معرفة الناس والكلام معاها
ياما ناس في المنبر ده دوسناهم لكين براهوا لاقيناهم وحصلت المعرفة بيهم
كاخوان أعزاء ليهم كل التقدير والود

=

Quote: يازول ولا يهمك أنا طول سنين وجودي في المنبر ده لازعلته من زول لا في كورة ولا في سياسة ولا في رأى شخصي فيني أى زول حّر يعتقد الشي البشوفوا دي ما حاجة بتزعل بالعكس ياخي سعيد انو الناس بتتكلم وتقول أراءه تتفق أو تختلف

تسلم أخونا عبد الناصر (وبركة سيدي إن شاء الله تتعلى ما تندلى) علي قول أهلنا....

الزول البجي المولد دا عرفناهو كوز

والاشقاء السادة الختمية ديل عارفين جيهتهم من زمان

انا المحيرني زولنا حيدر دا ؟؟!!

غايتو يا حيدر بروفايلك ما رهيييييييييب خلانا نسوي دش دش طق طق طقعرق


بعدين يا وغد رسل لي الكاسيت بتاع هشام ادم بعد العملية

ود العمدة يا حاااقد ..
اتاريك برضو مكسر زيك وزي عبد الوهاب همت ،،

طيب ما تتكلموا يآخ ..

Quote: بعدين يا وغد رسل لي الكاسيت بتاع هشام ادم بعد العملية

والله يا عمدة هشام ادم كان تحت البنج .. انا وهو والله والهضربة .. راااااس ..

جنس فت ... جنس اخبار ..!!

المهم منتظروا يرجع من الرياض وعينك ما تشوف الا النور .. إبتزاز عدييل ..

انت قول اي حاجة عاوز تعرفها عن اي جزئية وادفع المعقول نرسل ليك مقطع منها .. لوووووول

Quote: إنتبهت مؤخرا لي سحب مداخلات الأخ عبد الناصر وكلامنا معاهو ما عشان يسحبن فله ولك العذر إن جرحكم ما كتبنا....

الاخ بشري الطيب ..

صباحاتك .. يا زول والله لا جرح لا فلق بالعكس كانت فرصة طيبة جداً انه الواحد اتعرف عليكم انت والاخ عبد الناصر الخطيب .. وهو حوار لا يفسد الود فيه الاختلاف ..

سعيد بكم ودمتم ..



** باقي لك بخليهو السيدح دا لو ماجاء لومك بي اباريهو لامن يجي يكمل نقتو ..

ود الزين علك عافية....

Quote: الاخ بشري الطيب .. صباحاتك .. يا زول والله لا جرح لا فلق بالعكس كانت فرصة طيبة جداً انه الواحد اتعرف عليكم انت والاخ عبد الناصر الخطيب .. وهو حوار لا يفسد الود فيه الاختلاف

تسلم يا راقي ومافي عوجة ..

وانت تاني ما تقيف لي الناس في حلقا كده ياخي

هسة عمر بقى يلقى كلام كتير مكتوب في الجرايد يدور يجيبو يقول هسة ود الزين يجي يشبكني المولد وما المولد وأحمد الشايقي وود رغيم وإنعام يطلعوا لي كسور وبواقي.



بشرى