Post: #1
Title: لفـــتة.....
Author: وليد الطيب قسم السيد
Date: 06-24-2009, 09:21 PM
لفتة جابت احلى لقطة
لما طليت لى ظهرت.....
اذبهليت كم دهشت......
كيف يكون الحلم واقع...
وكيف تكون يا انت ...انت
اصلو ما مصدق عيونى
سبت دنياك لينا عدت
بعد ما بطلت افرح
تانى بشوفتك فرحت
ياما كم فتشت عنك
ومن عيونك ما ضهبت
وديمه بكتب فى غيابك
وياما فيك غنيت وقلت
انسى كل الكان بعزب
المهم انك ظهرت
صدفه كانت احلى لفتة
فيها لقطة تجيبك انت
وللقصيدة قصة حقيقيه نرجو ان تجد القبول
او النقد الذى يوصلها للقبول.......
|
Post: #2
Title: Re: لفـــتة.....
Author: وليد الطيب قسم السيد
Date: 06-25-2009, 10:23 AM
Parent: #1
طيلة الفترة الراحت كنت بقابلها بواسطة النت فقط
وطيلة فترة معرفتنا لم ترى عينى عينها هى شافتنى بواسطة
صورة كنت برضو ارسلتها لها عبر النت فى حين انها لم ترسل لى صوره
احببتها لدرجة الجنون وطالبتها مرارا وتكرارا بضرورة مقابلتنا المهم
اتوعدنا على امل اللقاء وقبل ان نتقابل كنت وضعت لها الف صوره
وصوره وانا فى الانتظار فى السيارة ركبت من الباب الخلفى وكانت تلك
اللفتة التى رايت من خلالها فاتنة على ابهى ما تكون فكان ميلاد تلك
القصيدة التى لم تنال اعجاب احد من الاخوة البورداب....
|
Post: #3
Title: Re: لفـــتة.....
Author: محمد حسن العمدة
Date: 06-25-2009, 10:34 AM
Parent: #2
Quote: وانا فى الانتظار فى السيارة ركبت من الباب الخلفى وكانت تلك
اللفتة |
لكن انت ما تورينا بعد ما ركبت من الباب ( الخلفي )
وانت اتلفت واتفتلت مشيتو وين والحصل شنو بعد داك ؟
عشان القصيدة تنال اعجابنا لازم الشمار يكون مدنكل يا فردة
ــــــــــــ
بالله هو الطائف دي فيها بنات ؟؟ وبخشو النت ؟؟
طيب ما تفك لينا ايميل وكدا - وجه سنونو برا -
|
Post: #4
Title: Re: لفـــتة.....
Author: وليد الطيب قسم السيد
Date: 06-25-2009, 11:07 AM
Parent: #3
تعرف يا سيدى ود العمده
لو دنكلنا الشمار اكتر من كده بضيع فيها
ما عارف لكن ما ذلت اتزوق طعم الشواء الفى الهواء
الطلق مافى عضه مشابهه فى القريب العاجل؟؟؟؟
معظم بنات الطائف موجودات اونلاين
|
Post: #5
Title: Re: لفـــتة.....
Author: محمد حسن العمدة
Date: 06-25-2009, 09:17 PM
Parent: #4
Quote: ما عارف لكن ما ذلت اتزوق طعم الشواء الفى الهواء
الطلق مافى عضه مشابهه فى القريب العاجل؟؟؟؟ |
وجه سنونو برررررررا
والله فقدنا الوجوه التعبيرية
|
Post: #6
Title: Re: لفـــتة.....
Author: وليد الطيب قسم السيد
Date: 06-26-2009, 06:48 PM
Parent: #5
لفتة
|
|