هدية الحكومة لشعبها تخفيض الكهرباء في زمن تجتاح فيه العالم موجة الفقر والقفر وشح المفردات

أعلن وزير الطاقة والتعدين الزبير محمد الحسن ، عن بدءتنفيذ قرار رئيس الجمهورية القاضي بتخفيض تعريفة الكهرباء للقطاع السكني للمستهلكين (200) كيلوواط/ساعة وما دون بنسبة تصل الى (25%).
اضافة الي تخفيض سعر الكهرباء للقطاع الصناعي بنسبة (25%) وللمزارعين بنسبة (30%) مبيناً أن التطبيق لهذه التخفيضات سيبدأ اعتباراً من يوم 30 يونيوالجاري

واوضح الوزير ان هذا التخفيض يأتي تنفيذا لتوجيهات فخامة رئيس الجمهورية المشير عمر حسن احمد

البشير حيث وجه فخامته بتخفيض اسعار الكهرباء إبان احتفالات البلاد بتوليد الطاقة الكهربائية من

سد مروي

السيدح يا عمكـ
التوجيهات طالما جاية من الرئيس أعرف تماماً إنو مافي زول حيشتغل بيها ..
لو قلت التوجيهات كانت من على عثمان كان يكون في شوية أمل لكن البشير التجربة علمتنا إنو زول قاعد ساكت و مافي زول بسمع كلامو وما ضرائب المغتربين ببعيد ...

تاني جبتو سيرة البحر!!!!!!














الله يطراك بالخير با محمد فرح....

سلامات استاذ سيدح
التخفيض في سعر الكهرباء الشغاله أم المقطوعه أم كهربة محمد فرح؟

Quote: السيدح يا عمكـ التوجيهات طالما جاية من الرئيس أعرف تماماً إنو مافي زول حيشتغل بيها .. لو قلت التوجيهات كانت من على عثمان كان يكون في شوية أمل لكن البشير التجربة علمتنا إنو زول قاعد ساكت و مافي زول بسمع كلامو وما ضرائب المغتربين ببعيد ...

الاخ خالد


بعد تصحيح خط مسيرة الانقاذ بإبعاد الشيخ الترابي

لم يعد هناك مصطلح ما يعرف بمراكز القوي

وما نؤكده ان المؤسسية هي التي اضحت تتحكم في قرارات الدولة

ومبروك تخفيض سعر الكهرباء

Quote: البشير حيث وجه فخامته بتخفيض اسعار الكهرباء إبان احتفالات البلاد بتوليد الطاقة الكهربائية من سد مروي

هي الكهرباء جات اساسا حتي يخفضوها

الناس ليها ما يقارب الاسبوع لا توجد لديهم كهرباء

امكن خفضوا اسعار الشموع عشان ناس الجامعات يقروا

Quote: هي الكهرباء جات اساسا حتي يخفضوها الناس ليها ما يقارب الاسبوع لا توجد لديهم كهرباء

جحود ونكران جميل

من لا يشكر الناس لا يشكر الله!!!!!!!!

Quote: جحود ونكران جميل من لا يشكر الناس لا يشكر الله!!!!!!!!

امشي المهندسين مربع تلاتين شوف الحاصل شنو

وتعال بعد داك نشكرك

هدية مقبولة ومقدرة طالما انها تساهم في رفع المعاناة عن كاهل المواطنين ..

شكرا اخونا السيدح لابراد الاخبار الحلوة ...

Quote: أعلن وزير الطاقة والتعدين الزبير محمد الحسن ، عن بدءتنفيذ قرار رئيس الجمهورية القاضي بتخفيض تعريفة الكهرباء للقطاع السكني للمستهلكين (200) كيلوواط/ساعة وما دون بنسبة تصل الى (25%). اضافة الي تخفيض سعر الكهرباء للقطاع الصناعي بنسبة (25%) وللمزارعين بنسبة (30%) مبيناً أن التطبيق لهذه التخفيضات سيبدأ اعتباراً من يوم 30 يونيوالجاري

هههههههههههههههههههههه

دعاية سمجة لثورة النخاس

يلا يا ود الباوقة اجري افتح بوست بوفرة التماسيح في جزيرة الفيل
عشان تدعم بوست صحبك الجديد ده وترفع عنو كاهل التعليقات السخيفة
الحتجيهو في الحبل الجابو لينا قبل ما يجيب الحمار

كلام يا بورداب وقراء المنبر


كلام الطير فى الريح

اذا نقصو الكهرباء

بيرفعوا سعر الضريبة

وحيكون زى شركة سوداني لخدمات الانترنت

او زيادة فى اسعار التوصيل الجديد

فلا نري جديد فى الاسعار

مع خالص احترامي

Quote: من لا يشكر الناس لا يشكر الله!!!!!!!!

هذه محاولة لربط شكر الناس لله بشكر الانقاذ وهي محاولة يائسة ....و سمجة لربط
الانقاذ بالدين .....والحكاية دي انتهت من زمان ....صحصح شوية ياخي ...
اكثرو انتم من شكر الانقاذ ينوبكم ...........اوعي تفكر في ثواب ...بل في الدنيا
(لا لدنيا قد عملنا ههههههههههههههههههههههه)....

بوابة رقم واحد التي تندفع عبرها المياه الخارجة من التوربينة رقم واحد

وبالقرب من هذا المكان زف فخامة الرئيس البشري للشعب السوداني الاصيل

وها هي بشراه تتنزل الي ارض الواقع (انخفاض بنسب مقدرة في اسعار الكهرباء)

تحياتي يا عبد اللطيف ..
دعنا لا نبع فراء الدب قبل صيده كما يقولون .. الموعد قريب و بعدها ننظر هل سيتحقق الامر ام لا ..
اتمنى ان يتحقق و اتمنى ان توجد الكهرباء ( بالامس انقطع عنا التيار من السادسة صباحا حتى السادسة و النصف مساء ثم عاد مذبذبا مما تسبب في افساد عدة اجهزة كهربائية و الشكوى لله )
فقط لفت نظري و بشدة قولك :

Quote: هدية الحكومة لشعبها تخفيض الكهرباء

اولا لم اكن اعلم ان الشعب ينسب للحكومة و يقال انه شعبها. الاصل هو الشعب و يفترض ان تكون الحكومة خادمة له لا مالكه.

ثانيا هل الخدمات الرخيصة هدية ؟ هل ترى انها ليست من حق الشعب لكنه فضل من الحكومة و هدية له ؟

ثالثا هل هذا التخفيض يعني ان سعر الكهرباء سيرجع كما كان قديما قبل ان تزيده الحكومة اكثر من مرة ام انه تخفيض لبعض ما زادوه هم انفسهم في اسعار الكهرباء ؟

Quote: هدية الحكومة لشعبها تخفيض الكهرباء في زمن تجتاح فيه العالم موجة الفقر والقفر وشح المفر

الاخ السيدح إنتظرنا هذا الوعد طويلا أرجو أن يكون هذا أخرها،







ــــــــــــــــــــــــــــــــــــ

الله يبشرك بالخير.

Quote: تحياتي يا عبد اللطيف .. دعنا لا نبع فراء الدب قبل صيده كما يقولون .. الموعد قريب و بعدها ننظر هل سيتحقق الامر ام لا .. اتمنى ان يتحقق و اتمنى ان توجد الكهرباء ( بالامس انقطع عنا التيار من السادسة صباحا حتى السادسة و النصف مساء ثم عاد مذبذبا مما تسبب في افساد عدة اجهزة كهربائية و الشكوى لله ) فقط لفت نظري و بشدة قولك

:


حمور يا انيق وراقي


تحياتي

كلامك كلو من دهب

وما نرجوه ان تتوقف هذه القطوعات خاصة في هذا الصيف , لكن هل تعلم ان موضة الانقطاعات دي

جات حتي في السعودية التي لا تنقطع فيها الكهرباء لمدة خمس دقائق متواصلة في اصعب الظروف

اما الان فبالساعات الطويلة وأسال ناس القصيم والشرقية, وهذا ليس تبريرا لا نقطاع الكهرباء

عندنا ولكن للمقارنة فقط.

اما عن فراء الدب فانا علي يقين ان الدولة ستلتزم بما قرره رئيس الجمهورية ونتمني مزيدا من

التخفيض خاصة للغلابة اللزينا.

والموية كيف ياعبد اللطيف ؟

ياجماعة الكهرباء والموية ديل ماقالوا خصخصوهم؟

خلوها التجي الكهربا دي واسعارها كويسة خالص ...بل لو عايزين يزيدوها ما عندنا مشكلة لكن التتوفر في رقبتها

قالو لا في تخفيض ولا يحزنون وال25% دي
اصلها موجودة في دعم الكهرباء
البيظهر في ايام معينة من الشهر
يعني ح ينخفض الدعم الكان موجود
عشان ما يمشي يظهر كأنو تخفيض في سعرها
يعني الأدوك ليهو قبل كدا باليمين أخدوهو بالشمال

والله يكضب الشينة

Quote: الاخ السيدح إنتظرنا هذا الوعد طويلا أرجو أن يكون هذا أخرها،

الاخ المسلمي ونحن نرجو ذلك معك

لكن اعتقد ان حكومتنا ايدا مليانة المرة دي


وما دام التوربينتان العاملتان الان تجاوزتا مرحلة التجريب فمن المؤكد ان الانقطاع سيكون


قليلا خاصة وان رمضان الكريم علي الابواب وستكون الهدية في رمضان تخفيض في الاسعار واستقرار في

الامداد الكهربائي

Quote: وأسال ناس القصـيم والشــرقية

خليك في ورقتك يا السديح أخوي !

والقال ليك منو الكلام دا ؟









هشام

الهدية مقبولة والعقبى لمزيد من الهدايا


ولكن السؤال الذي لن يجيبه رئيس شركة الكهرباء أو أعلى مسؤول في الكهرباء؟؟


كيف تأخذوا مني مبلغ مقدماً نظير خدمة ولا تقدموا لي الخدمة ؟؟؟

the prepaid for the certain services to be incumbent upon the service provider to supply that srvice

الدفع المسبق لخدمة معينة يلزم مقدم الخدمة على توفير تلك الخدمة .

صعلقة انتخابات

الاخ السيدح / الف مبروك


نحو مزيد من رفع الهموم المعيشيه عن المواطنين ...









الفكرة .. برنامج إنتخابــى ( يا ناجى المانع شنو ) ..

للقطاع السكنى
سعر الكيلو وات=0.26 جنيه
منها 200 كيلو بسعر 0.20 للكيلو

اى ان المئه كيلو =26 جنيه
نسبه الدعم =(1-20\26)=23.07%
هذه نسبه الدعم الحاليه(الحاله1)


اذا دعمت المئتى الكيلو الاولى ايضا بى 25%
يصبح سعر الكيلو=(20*(1-0.25))=15 جنيه
تصبح نسبه الدعم =(1-15\26)=42%
اذا نسبه الدعم هى 42%(الحاله2)

بأفنراض ان الدعم سيكون لمئتى كيلو اخرى
ستصبح قيمه المئة كيلو =(26*(1-0.25))=19.5 جنيه
اى انه فى هذه الحاله لدينا 400 كيلو بسعر19.75(الحاله 3)

الاحتمال الاخير ان الدعم يكمل فى المئتى كيلو الاولى ليصل اى 25%(25-23,07=1.93)
اى ان نسبه الدعم هي 1.93% لكل فرد وقيمتها = 1 جنيه(الحاله 4)

فى الحاله 2 قيمه الدعم المقدم اذا التزمت به الدوله هو 43% هذه يعنى ان الرئيس ساقط ريا ضيات وما بعرف حساب
فى الحاله 3 كميه الدعم المقدم هى 400 كيلو بنسبه متوسط 24% وهذه الارقام لا علاقه لها بتصريح الرئيس(200كيلو و25%)
فى الحاله 1 الوضع الحالى دون اى تغيير اذا استمر اذا الرئيس ببساطه هو رجل كذاب
فى الحالة 4 الرئيس هو رجل كاذب ايضا لان الدعم المقدم بعد افتتاح السد هو1.93% لا 25% كما اعلن
سؤالى هو هل البشير رجل كذاب ام ساقط رياضيات

يا رغيم الموضوع ما داير اللت والعجن ده كلو ..
دعم الـ 25 % خاص (بالمائتي كيلو الأولى فقط) بدل ما تدفع فيها 40 جنيه حتدفع 30 جنيه وانتهينالا فيها بوينت الـ 26 دي ولا يحزنون ..
تخفيض العشرة ألف ده كتير ولا شوية ده الوعد بيهو الرئيس ..

Quote: خلوها التجي الكهربا دي واسعارها كويسة خالص ...بل لو عايزين يزيدوها ما عندنا مشكلة لكن التتوفر في رقبتها

قمرنا

عليك تقيل


الوفرة في الطريق ونحنا يا دوب في توربينتين فقط وفي انتظار عشرة كاملة من التورينات

يعني كهربا هبطرش ورمضان وكأس العالم كلها بمزاج ان شاء الله والحاقدين ياكلوا تبن من

مروي

الكلام ده انشاءالله بعد ما يشتغل سد مروي ولا بعد ربطنا بالشبكة الاثيوبية

ياخي نحن بنتمنى الرخاء لبلدنا الذي كنا نعيشه قبل 30 يونيو 1989

بس ما يضحكوا علينا زي ما عملوا في ضرائب المغتربين

تحياتي لك

Quote: يا رغيم الموضوع ما داير اللت والعجن ده كلو .. دعم الـ 25 % خاص (بالمائتي كيلو الأولى فقط) بدل ما تدفع فيها 40 جنيه حتدفع 30 جنيه وانتهينالا فيها بوينت الـ 26 دي ولا يحزنون .. تخفيض العشرة ألف ده كتير ولا شوية ده الوعد بيهو الرئيس [/QUOTE لا فيها بوينت يا زهير احمدوا الله واشكروه واعترفوا بفضل الحيكومة وان كنتم معارضين لها هكذا الديمقراطية التي تؤمنون بها.

---

Post: #31 Title: Re: هدية الحكومة لشعبها تخفيض الكهرباء في زمن تجتاح فيه العالم موجة الفقر والقفر وشح المفر Author: nazar hussien Date: 06-27-2009, 01:22 PM Parent: #30 Quote: وها هي بشراه تتنزل الي ارض كلمة تتنزل دي غيروها ياخ...بتجيب طمام البطن يعني كهرباء تتنزل الي الارض كيف؟؟؟ والبلطي يتنزل الي البحر..؟ كيف والتوربينات تتنزل الي السماء... ؟ كيف برضو وبعدين يا عبداللطيف السيدح...انت برضو زي محمد فرح؟؟ نقوم نقبل عليك...ونوريك تعريفة الكهرباء بي كم بعد التنزيل دا؟

---

Post: #32 Title: Re: هدية الحكومة لشعبها تخفيض الكهرباء في زمن تجتاح فيه العالم موجة الفقر والقفر وشح المفر Author: زهير عثمان حمد Date: 06-27-2009, 02:20 PM Parent: #31 السيداح وكل الاخوة المتداخلين تحياتي شكرا علي الهداية اللهم إجعل حبي لنبيك وحبيبك مقدماً على حبي لنفسي وولدي ووالديَّ والناس أجمعين وما دا في للمن والاذي ياسيداح

---

Post: #34 Title: Re: هدية الحكومة لشعبها تخفيض الكهرباء في زمن تجتاح فيه العالم موجة الفقر والقفر وشح المفر Author: رغيم عثمان رغيم الحسن Date: 06-27-2009, 02:59 PM Parent: #27 Quote: يا رغيم الموضوع ما داير اللت والعجن ده كلو .. دعم الـ 25 % خاص (بالمائتي كيلو الأولى فقط) بدل ما تدفع فيها 40 جنيه حتدفع 30 جنيه وانتهينالا فيها بوينت الـ 26 دي ولا يحزنون .. تخفيض العشرة ألف ده كتير ولا شوية ده الوعد بيهو الرئيس .. يازهير يعنى انت اخترت الحالة 2 معناها الدعم 42% ما 25% زى ما عمر قال سؤالى عمر دا ما لقى زول يحسب ليه

---

Post: #33 Title: Re: هدية الحكومة لشعبها تخفيض الكهرباء في زمن تجتاح فيه العالم موجة الفقر والقفر وشح المفر Author: عزاز شامي Date: 06-27-2009, 02:39 PM Parent: #1 Quote: يعني كهربا هبطرش ورمضان وكأس العالم كلها بمزاج ان شاء الله والحاقدين ياكلوا تبن من مروي لغة تشي بقائلها و احسبها تقول بلسانه: دعوني فإنني مأمور ...

---

Post: #35 Title: Re: هدية الحكومة لشعبها تخفيض الكهرباء في زمن تجتاح فيه العالم موجة الفقر والقفر وشح المفر Author: Alshafea Ibrahim Date: 06-27-2009, 05:27 PM Parent: #33 يالسديح القاصي والداني يعلم حجم مديونية المواطن العادي المادية لا المعنوية لحكومة السودان والكهرباء خصوصا .. حساب بدون قواعد ... تعريفة لا أحد يعرف كيفية وضعها ... إثراء بلا سبب لإدارة الكهرباء ... والمؤسف في زمن شح الموارد وقلة المداخيل والفقر والنزوح أتت بدعة إمداد القرى والفرقان بالكهرباء وبتكاليف باهظة كلها سددها المواطن الفقير من مدخراته الشحيحة .. الأعمدة ، الأسلاك ، المحولات ، العوازل ، العدادات قديمة وجديدة ، أجور العمال والمهندسين والموظفين تأجير العربات ألخ ... مئات الملايين سددها ابناء تلك القرى بالمهجر لصالح حكومة السجم والرماد.. وفي قريتنا استلموا العداد القديم وهو ملك حر للمواطن وتم استبداله بالجديد (جمرة خبيثة) ومدفوع القيمة كمان .... الشعب هو مالك الكهرباء وسدد قيمتها من حر ماله ... نبحث عن إدارة أمينة صادقة واعية لتعيد إحتساب التعريفة بما يراعي حقوق المواطنين الملاك المؤسسين لهذه الشبكة .. يعني أن يكون الكيلو واط ب ( 5) قروش أو أي سعر رمزي ولغاية إعادة تلك المبالغ للمواطنين ومن ثم يتم إحتساب تعريفة جديدة ... لا هدية ولا منحة بل هو حق واجب السداد ... تحياتي الشفيع إبراهيم

---

Post: #37 Title: Re: هدية الحكومة لشعبها تخفيض الكهرباء في زمن تجتاح فيه العالم موجة الفقر والقفر وشح المفر Author: أحمد الشايقي Date: 06-27-2009, 05:53 PM Parent: #35 بوست لذيذ يا سيدح Quote: أعلن وزير الطاقة والتعدين الزبير محمد الحسن ، عن بدءتنفيذ قرار رئيس الجمهورية القاضي بتخفيض تعريفة الكهرباء للقطاع السكني للمستهلكين (200) كيلوواط/ساعة وما دون بنسبة تصل الى (25%). الانقاذ بدأت تفك في كروت الانتخابات, وما تم تخفيضه قبل الإنتخابات تتم زيادته اضعافاً بعد الإنتخابات, يا سيدح الزيادات تجري وجرت اضعافاً مضاعفة منذ مجيئ الانقاذ , في حد قادر يعترض , ؟؟؟؟؟؟؟؟؟؟؟؟؟ كم مرة زيدت اسعار المحروقات والبلاد تصدرها وتفتخر بإنتاج البترول وتصفيته وتحتفل الاحتفالات ذوات التكاليف الملياريـة ؟؟؟ كم مرة تناقصت أسعار الجنيه وتدنى حتى تلاشى فخلفه الدينار ثم تلاشى الدينار فخلفه الجنيـه (البعاتي) مرات أخـر, تعرف يا زميل , الانقاذ دي أخر حكومة تتكلم عن التناغم مع خيارات الشعب ومطالبه (الاساسية) لأنها حكومة ساقطة عدالة اجتماعية ومجاهرة برسوبها الامتيازي القديس عبد الرحيم حمدي سمم بدن الملايين من السودانيين بالكلام الناشف وردده خلفه الزبير محمد صالح, يازميل دي حكومة ما استنكفت إنها (تقلع) قمح المواطن عيان بيان بملايين الاطنان وملايين الساعات من السهر والحمى في زمهرير الشتاء بلاندكروزرات جهاز الامن, والله لو كان شعب غير شعب السودان دا , كان عمل الجماعة ديل باربكيو, بعدين القرار دا بمشي على مين ومين مش قادر يحسبها .؟.... وانت عامل ليك بوست علني كدا قدام الناس يا زميل التخفيض دا لنسبة من المستهلكين شريحة صغيرة جداً هي ما هو أدنى من (200) كيلو واط ساعة يعني الزول العنده قطية وفيها لمبتين واحدة برا والتانية جوا, ولو الحكومة بتستحي فعلا زي دا بستاهل الكهرباء مجان, لأنه في دول تانية بكون عائش على الضمان الاجتماعي أو في SHELTER الدولة (دولة الكفاية والعدل بين الرعية والقسمة بالسوية) تخفيض محدود جداً لشريحة محدودة جداً وهو تخفيض (تسويقي) و (ترشيدي) والقصد منه تخفيض الاحمال على الشبكات وخطوط الضغط بإغراء المشتركين على التخفيض القسري لاستهلاكهم من أجل الدخول في شريحة التخفيض والاعفاء من العشرة الف الزائدة, يعني كل الشركات بتعمل كدا والكهرباء سلعة هامة واستراتيجية ولا يمكن التعامل معها على أنها سلعة يتفاوت فيها الناس, بالعكس تنتشر في الارياف السودانية الاسر الممتدة وهي تستهلك الكهرباء أكثر من الأسر الأفضل حالاً رغم أنها صغيرة وتتواجد في المدن, يعني يا زميل سكان الشقق الايجارها يفوق المليون يمكن ان يستفيدوا من هذا التخفيض بينمالا يسع سكن المنازل الريفية المنفجرة سكانياً بعشرات الاطفال في الاسرة الواحدة أن يستفيدوا منه, يمكن للحكومة أن تخفض سعر الديزل فينعكس ايجاباً على الاقتصاد كما يمكنها أن تعوض ذلك برفع الضرائب على الشركات والجمارك على السلع الاستهلاكية وهي تعرف ذلك اكثر مناجميعاً, لكن الاغنياء في الانقاذ أعلى صوتاً واصلوا محاولة خداع الشعب وسنواصل افتضاح أساليبكم أحمد الشايقي

---

Post: #36 Title: Re: هدية الحكومة لشعبها تخفيض الكهرباء في زمن تجتاح فيه العالم موجة الفقر والقفر وشح المفر Author: Al-Shaygi Date: 06-27-2009, 05:47 PM Parent: #1 > Quote: هدية الحكومة لشعبها تخفيض الكهرباء في زمن تجتاح فيه العالم موجة الفقر والقفر وشح المفردات والله التخفيض لو حصل دايرنوا وبنحمد الله عليه بس عليك الله أشرح لينا الحته دي Quote: هدية الحكومة لشعبها تخفيض الكهرباء في زمن تجتاح فيه العالم موجة الفقر والقفر وشح المفردات متأكد أنه ده عربي يا مرسي؟؟؟؟ الشايقي http://www.youtube.com/watch?v=WjNosdjuv7s فاوضني بلا زعل [email protected] http://alkatwah.com .

---

Post: #38 Title: Re: هدية الحكومة لشعبها تخفيض الكهرباء في زمن تجتاح فيه العالم موجة الفقر والقفر وشح المفر Author: waleed nayel Date: 06-27-2009, 05:57 PM Parent: #36 خليك من الكهربا المويه كيف الشتا دخل يادوووب المويه جات(توجد صور)