احدث طرق نقل الايدز

يؤسفني سحب البوست لاسباب اخلاقية

أخونا مالك سحبت البوست ؟ عايزين نستفيد من المعلومة ،

Quote: أخونا مالك سحبت البوست ؟ عايزين نستفيد من المعلومة ،

ْْX 2

اخى الفاضل الكريم
لا حياء فى العلم طالما المقصود تنبيه وتنوير الناس وخاصة الشباب (زى العبد لله وفيصل خليل والطيب شيقوق لكن فرانكلى واساسى مامعانا).
مع تحياتى

..
,
شنو يعنى اسباب اخلاقية دى
ممارسات جنسية ( لاجنسية ) مثلاَ
ياخى انحنا هنا بنستفيد ونتعلم العلم ما فيعهو خجل

______________

ورينا عشان نعمل حسابنا

Quote: يؤسفني سحب البوست لاسباب اخلاقية

يالها من { اخلاقية } قاتلة

إذ بدعواها أو بسببها سمحنا للجهل بأحدث طرق نقل الأيدز ان يسود
بما يؤدي إلى إزهاق ارواح عديدة لاتعرف شيئآ من/عن احدث طرق نقل المرض

لولا {الاخلاقية } تلك لتمكن عدد من الناس تفادي المرض
عبر وعيهم بأحدث طرق نقله/ الإصابة به

طبعا الشمار كاتل الناس .. داير يعرفوا البوست كان فيهو شنو .؟؟




بالجد لو صور بركة السحبتو ..!!

الناس الشمار كاتلهم

خلاصة القول

ما تدخلوا سينمات

ولو دخلتوا سينما

ما تقعدوا في الكراسي

حمانا الله من هذا المرض العضال

كمال

Quote: احذروا وسيله جديده لنشر مرض الإيدز(( قد يقع فيها أحدنا دون أن يعلم )) هذا الموضوع لن يأخذ الكثير من الوقت لكنه مهم، كما نرجوا ارساله للآخرين هذه الحادثة حصلت في باريس، وقد تحصل في اي وقت بأي مكان أخر قبل بضعة من الاسابيع وبالتحديد في السينما في باريس، احست احدى الفتيات بوخز في المقعد، وعندما قامت ، وجدت ابرة مغروزة في المقعد، ملصق بها ورقه مكتوب عليها ( لقد حقنت بفايروس الايدز ) مركز الحماية من الامراض أو السيطرة على الأمراض أبلغ عن وقوع هذه الحادثة في مدن أخرى غير باريس، وبعد فحص الابر وجد انها حاملة فعلا لفايروس الايدز. كما أنها حصلت في لبنان كما ابلغ المركز بان هذا النوع من الابر وجد في الصراف الآلي ، ونطالب من الجميع توخي الحذر عند مواجهة مثل هذه المواقف، يجب التمعن والتدقيق في المقاعد قبل الجلوس عليها، كما يجب ايصال هذه الرسالة إلى جميع من تعرفونه، وكل من يهمكم امرهم وخاصة أفراد العائلة الصغير قبل الكبير. مؤخراً، صرح دكتور في الهند، حيث أن هذه الحادثة حصلت لأحدى مرضاه، أيضاً في السينما بنيودلهي، كانت فتاه مخطوبة، على وشك الزواج، وجدت الابرة بعد أن وخزتها وقد كان ملصق بها ورقة مكتوب عليها( اهلاً بك في عالم الإيدز ) الدكتور اخبر عائلتها بأن مفعول الفايروس لن يبدأ إلا بعد 6 أشهر، وعادةً المصاب يعيش مابين 5 إلى 6 سنوات، ولكن الفتاة توفت بعد 4 أشهر. يجب جميعاً أن نتوخى الحذر، م ن ق و ل

لوووووووول

طيب يا أخوانا بمناسبة البوست الفاضي دا عندي سؤال

والسؤال دا معذبني جدن ، وكان مافي زول رد لي حاطلع برة اعمل بيهو بوست
وكان مافي زول جاني....المهم


يا أخوانا محل الحلاقة ممكن ينقل المصيبة دي؟


الموس جديدة أيوة لكن يعني المكنة البشيلوها ويقعدو يحفرو بيها في جلدك دا ما ببتنقل

لأني متأكد انو بتجرحني ولمن بدمع (بالذات البحلقو الحلاقة الشبابية زي بتاعتي دي)

وكمان عندهم مشط كدا ما عارف الحلاقين السودانيين ديل بحبوهو ليه. عرفتوهو؟
النوع المدور البلبسوهو في الكفة داك ويقعدو يحكو في الراس عشان التسريحة البي ورا تظبط.

غايتو انا عارف انو البشكير البجو يدعكو بيهو راسك بعد ما يملوك موية بنقل البهق لأنو الله أعلم بغسلوهو.
لكن باقي المصايب ناس المكنة والمشط ديل برنامجهم كيف؟


يا أخوانا أنجدونا في سعالنا دا
وبالمرة نكون ملينا ليكم الموضوع بتاع سيدو البايخ الفضاهو دا

...
.
والله لمن قال صاحب البوست حذف لاسباب اخلاقية
تفكيرى مش بعيييييد خلااص .. طلع ابره فى سينما..
هو بالله فى زمن للسينما
ولا السيديهات والافلام الفى محلات الفيديو
والنت خلصت عشان امشى سينما ..

البدخلو السينما ديل عايز الضلمه وبعض من قبلات حارة
لم يجدوا لها الطمأنينة الا امام الاضاءة الخافضة للشاشة..

عموما انحنا هنا السينما بتاعتنا واحدة فى المول
وما بخشوها الا الطلبة ..

___________

يازول محلات الحلاقة من اكثر الجهات التى تنقل الايدز
يعنى لو ما اتاكدت من جهاز التعقيم شغال وفى بعض الامشاط
الدسبيسبل ما تحلق ..

اكيد موضة الخنافس حترجع قريب ..

يافرانكلى انت زايغ من مداخلتى مالك؟

أوع بس تكون قاصد البطان ؟!!

الاخوة المتداخلين
تحياتي واعتذاراتي
اولا لسحب البوست (لكن برضو طلع بي مصلحة)
ثانيا لاني تركتكم في ظلمات تعمهون .. وذلك لاني انا نفسي كنت غارق في الظلمات بسبب انقطاع التيار الكهربائي .. ولم اتمكن من الدخول لمعرفة ما احدث الموالي من بعدي
ولكن بلا شك فقد قام الاخ اشرف بالواجب ولم يبق سوى تفسير معنى الاخلاقية المذكورة ..
طبعا من الواجب تحذير الناس مما قد يقعوا فيه ولكن ........... طالما لفتت هذه التحذيرات انظار قوم لوسائل واساليب اجرامية .. وزي ما عارفين الانترنت عالم مفتوح يدخله المصلح والمفسد والمنتديات يدخلها البعض خصيصا لمعرفة الوسائل والاساليب المنحرفة .. وبصراحة قرأت في الصحف الهندية قبل فترة لجوء البعض الى الانتقام من حبيب هجره بحقنه بالايدز .. فخشيت ان يقرأ هذا التحذير من به رغبة في انتقام .. فينفذ الفكرة ..
بس .. ادي كل الحكاية .. وبرضو كسبنا معرفتكم زي ما بقول جورج قرداحي لرجل خسر لتوه مليون ريال
وان عدتم عدنا ولو انو في مداخلات ستضطرني للعودة السريعة للرد باقتباس
ولكم مودتي وتقديري واعتذاري مرة اخرى

Quote: يازول محلات الحلاقة من اكثر الجهات التى تنقل الايدز يعنى لو ما اتاكدت من جهاز التعقيم شغال وفى بعض الامشاط الدسبيسبل ما تحلق ..

...........
بكل أكيـد أن محلات الحـلاق تنقـل كثير من الأمراض الخطرة
ومنها الأيدز والتهاب الكبد الوبائي
لذلك ينصح بعض المتخصصين في أن يمتلك الشـخص ( عـدة حـلاقة )
خاصـة بـه واهمهـا موس القطعية والمشــط ,وقـد شـاهدت من يطبق
ذلك , يجي الحـلاق ومعاهو موس ومشــط , و يســلمهم للحلاق ويســتلمهم
بعـد الحلاقة , وقـد بدأت افتش عن مكان يبيع حاجات الحلاقة
لأن حتى اجراءات التعقيـم ما ها 100 %, وكمان في حلاقين مسـتهبلين
جـدا وبيعملوا حركات حواة يبخ الموس بشـوية كلونيـا ويولع فيها الولاعة , تقوم
الكلونيا تشـتعل لمدة واحد على 100 من الثانية , ودي ما بتقتل ليها
جرثومة
غايـو يا شــباب موضوع البشـكير ورونا حلو شــنو

يالها من { اخلاقية } قاتلة

إذ بدعواها أو بسببها سمحنا للجهل بأحدث طرق نقل الأيدز ان يسود
بما يؤدي إلى إزهاق ارواح عديدة لاتعرف شيئآ من/عن احدث طرق نقل المرض

لولا {الاخلاقية } تلك لتمكن عدد من الناس تفادي المرض
عبر وعيهم بأحدث طرق نقله/ الإصابة به


ابو ساندرا اوفيت الكلم

أحيمر..

يازول؟؟؟


ياخي انا كنت شاكي ،

تاني الشافني ربيت شعري وضفرتو ما كضب

محل حلاقة تاني؟ ويييين

تحياتي قلقو

ما شفتها إلا اليوم


أنا ما عندي مشكلة مع المواضيع العلمية والتي تمس الواقع

بس رأيي الخاص في مثل هذه المواضيع أنّه لا يتم تناولها بعلمية ودقّة وتوعية إسلامية صحيحة بل باستخدام الحجاوي المخيفة ورسائل الpanic maker

والتي قد تحدث هواجس وهيستيريا عند من يصدّقها

في هذه الحالة المجرم كان لطيف ووضع ورقة على الإبرة المّرة الجاية من غير ورقة

طبعاً لا يمكن تحسس المقعد بيدك لتبحث عن إبرة فأي وخذة في يدك أيضاً ستكون فتّاكة

عليه لا بد من دخول السينمات بمجسّات المعادن

أو تلبس سروال معدني


تحياتي كمال