Post: #1
Title: هى حصلت ..؟ اتجاه لإيقاف موتورات المياه بالمنازل ..!!
Author: مزمل خيرى
Date: 06-22-2009, 09:19 AM
أقرت هيئة مياه ولاية الخرطوم بضعف الخطوط الناقلة لتوصيل المياه بالولاية ، وأعلنت عن محاربة العطش بأم درمان نهائيا خلال هذا العام، وكشفت عن مديونية مصانع البلاستيك عليها والتي بلغت (59) مليون جنيه بغرض تجديد مليوني متر طولي من الشبكات.وأعلن المهندس خالد على خالد، مدير هيئة مياه ولاية الخرطوم، عن خطة اسعافية لمحاربة شح المياه بحفر (385) بئرا داخل المناطق التي بها شبكات غير كافية لتوصيل المياه، وكشف في مؤتمر صحفي عقده امس بالهيئة عن اتجاه لحظر سحب المياه بالموتور داخل المنازل، وشدد على ضرورة ترشيد صرف المياه، مبيناً أن النظام الحالي للشبكات يقوم على توصيل المياه بخط واحد فقط للأحياء مما يتسبب في عدم وصولها لبقية المناطق، وأكد سعى الهيئة لتغيير النظام ووضع خطة لتوفير (250) لترا للفرد خلال العام 2011 بدلاً عن 140 لتراً.
المصدر :
http://www.wasat.sd/index.php?option=com_content&view=a...2-13-03-52&Itemid=22
|
Post: #2
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: مزمل خيرى
Date: 06-22-2009, 09:28 AM
Parent: #1
هى الموية بالموتور مافى .. توقفوها شنو.؟؟
|
Post: #3
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: dardiri satti
Date: 06-22-2009, 09:36 AM
Parent: #2
| Quote: خطة اسعافية لمحاربة شح المياه بحفر (385) بئرا داخل المناطق التي بها شبكات غير كافية لتوصيل المياه، |
يا عالم !!
الفشل الكلوييييييييييييييييييييييييييييييييييييييي!!!
أسبابه مياه الآبار التي لوثتها السايفونات اللي
اختلطت بالمياه الجوفية.
إنتو النيل دا
خالينو لليوم الأسود؟؟
وفي أيام سوداء أكتر من كدا!!
|
Post: #4
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: jini
Date: 06-22-2009, 09:48 AM
Parent: #3
| Quote: هى حصلت ..؟ اتجاه لإيقاف موتورات المياه بالمنازل ..!! |
وما ينسوا كمان يمنعوا استعمال الدلو لسحب الماء من البير!
عشان الواحد ينزل البير ويشرب ويملا خفه موية عشان يسق اولاده وكلبه ففى كل ذات كبد رطبة أجر!
جنى
|
Post: #5
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: حمور زيادة
Date: 06-22-2009, 09:57 AM
Parent: #4
كدي خلي راجل يجي يهبش موتوري.
أصلي زهجان.
ياخ بندفع موية بالقيمة الكلية بغض النظر عن الاستهلاك و قبلانين فوق عليها نخسر كهربا في الموتور و كمان عاوزين يحرمونا منها ؟
يعني تاني ندفع فاتورة الموية على شنو ؟
على العرق ؟
|
Post: #6
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: مزمل خيرى
Date: 06-22-2009, 10:43 AM
Parent: #5
| Quote: اتجاه لإيقاف موتورات المياه بالمنازل |
انا الحاجة المحيرانى حيوقفوها كيف يعنى .؟؟
ياربى موظفى الهيئة حيلفوا الحلال ويمشوا جنب الحيط عشان يسمعوا صوت الموتور شغال ويدقوا الابواب ويقلعوا الموتورات ولا كيف يعنى ؟؟
بعد دا الناس تركب كاتم صوت للموتور ولا تعمل شنو ؟؟
|
Post: #7
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: jini
Date: 06-22-2009, 10:56 AM
Parent: #6
Quote:
انا الحاجة المحيرانى حيوقفوها كيف يعنى .؟؟
ياربى موظفى الهيئة حيلفوا الحلال ويمشوا جنب الحيط عشان يسمعوا صوت الموتور شغال ويدقوا الابواب ويقلعوا الموتورات ولا كيف يعنى ؟؟
بعد دا الناس تركب كاتم صوت للموتور ولا تعمل شنو ؟؟ |
زمان الدشات كان بمنعوها بعاينوا أرض جو عسة الموتورات يمنعوهو بالمعاينة جو أرض يعنى من فوق الحيطة!
لا تجسسوا ولا تحسسوا وكونوا عباد الله اخوانا!
فى الحالة دى هم كيزان وليس أخوان!
جنى
|
Post: #9
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: مزمل خيرى
Date: 06-22-2009, 11:05 AM
Parent: #7
جــنى
| Quote: بالمعاينة جو أرض يعنى من فوق الحيطة! |
البيعاين من فوق الحيطة دا يبقى عندنا حرامى .. معناها الجماعة ديل حيستعينوا بمجموعة كبيرة من الجماعة اياهم بنظام التعيين المؤقت للمهام دى ..ّّ!!
دى تبقى مصيبة كبيرة ياجنى ياخوى .!!
|
Post: #10
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: Hani Arabi Mohamed
Date: 06-22-2009, 11:14 AM
Parent: #7
؟؟؟؟ ما فاهم ، الموية ما بتطلع في الطابق الأرضي ... يعني الناس تحفر بدرونات وتسكن فيها عشان الموية تجي تحت ، ولا الناس تحفر أبيار وتشرب موية ملوثة عشان يزيدو سرعة التصدير للمقابر ؟ ... طيب دا غير الناس الساكنة فوق الطابق الأرضي حتعمل شنو ؟
|
Post: #12
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: مزمل خيرى
Date: 06-22-2009, 11:35 AM
Parent: #10
هانى
| Quote: طيب دا غير الناس الساكنة فوق الطابق الأرضي حتعمل شنو ؟ |
طابق شنو ؟ ياخ نحن عاملين حفرة ورابطين الموتور جوة الحفرة عشان الموية تجى ومابتجى ، تقول لى طابق .؟؟
ولمن الموية تجى بنملا الصهريج بالجردل ، تقول لى طابق .!!!!
ارحمنا ياباشمهندس خالد عليك الله ...
|
Post: #16
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: مزمل خيرى
Date: 06-22-2009, 11:51 AM
Parent: #5
حمـور
| Quote: كدي خلي راجل يجي يهبش موتوري |
مافى حل ياصاحبى يا تمشى براك تسلم الموتور او تشيل ليك عكاز مدبب وتقعد تحرسوا وتخلى شغلك .. رايك شنو ..؟
|
Post: #8
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: Frankly
Date: 06-22-2009, 11:04 AM
Parent: #1
| Quote: وأعلن المهندس خالد على خالد، مدير هيئة مياه ولاية الخرطوم، عن خطة اسعافية لمحاربة شح المياه بحفر (385) بئرا داخل المناطق التي بها شبكات غير كافية لتوصيل المياه، |
عليك الله يا خالد علي خالد أنت ما بتخجل من كلامك دا
هسّع عليك الله وفي ذمتك دا حل؟ وكمان حل يعلنوه (أعلن)
بدل ما تضيع قروشنا في حفر 385 بئر ودا طبعاً بثمنه
طبعاً ما ممكن تشرّب الناس مياه البئر مباشرة ولا بد من معالجة وفلترة وتصفية وتنقية وهلم جرا
وبعد دا لازم تضخ الماء وتوصلها للشبكة القومية
ما ممكن يا هندسة الكلام دا يكون مدروس
يا زول شوف ليك زول بيفهم في الشغلة دي واستشيروا
وصلّ ليك كم ماسورة وطرمبة ضخ يا مهندس
ولا أنت ما مهندس وجربندي ساكت؟
فهمك عينة!!!!!!!!!!!!!!!!!
بس في حكاية الموتور دي بقدر اتفهم انّو الفقرا يتقاسموا النبقة
وفعلاً العندو قروش ويشتري موتور بجر دم الفقير الما عندو موتور ويجفف مواسيروا ويعطّشوا
ويضطر يشتري موية بالجركانات بالشي الفلاني
|
Post: #11
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: jini
Date: 06-22-2009, 11:30 AM
Parent: #8
Quote: عليك الله يا خالد علي خالد أنت ما بتخجل من كلامك دا
هسّع عليك الله وفي ذمتك دا حل؟ وكمان حل يعلنوه (أعلن) |
خالد اخوانه كتار فى الانقاذ!
غيرخالد ما ليك تنين
عرش دود الأربعين
يا الفوتك ما دا حين
جنى
|
Post: #13
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: فتحي الصديق
Date: 06-22-2009, 11:42 AM
Parent: #11
Quote: عليك الله يا خالد علي خالد أنت ما بتخجل من كلامك دا
هسّع عليك الله وفي ذمتك دا حل؟ وكمان حل يعلنوه (أعلن)
|
ذلك هو قصر الفهم وعطل الموهبة..
يندرج هذا تحت باب المطالبة باطلاق الحريات وفك سيطرة المؤتمر الوطني على مفاصل الدولة التي أنهكها مثل هؤلاء..المؤهلون وأصحاب الخبرة يعملون كسائقين لحافلات المواصلات العامة وأمثال هؤلاء يتربعون على قمة المسؤولية دون مؤهل ولا خبرة سوى الانتماء لحزب الجن دا.
|
Post: #14
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: Mutafa Gasim
Date: 06-22-2009, 11:44 AM
Parent: #8
معقوله بس ,,,, دي بلد دي
اصلو دي حركاتهم بتبدأ كده بي إتجاه ما عارف شنو داك ,,, و إتجاه لتركيب نظام الشراء المقدم اتجاه و مشروع لي . ... وو و لمن نستمتع اكثر من المتعة النحنا فيها الواحد بيمشي يشتري الكهرباء زي الطماطم ,, احتمال الكهرباء تشتغل وإحتمال تقطع زي الصفيحة احتمال الطماطم يكون معفص من تحت وإحتمال لا ,,,
ده اسموا جهز شعورك يا شعب
الشعب الفضل
سؤال عاطفي ؟؟
ديل بشر ؟؟؟؟؟
| Quote: كدي خلي راجل يجي يهبش موتوري. |
|
Post: #15
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: قلقو
Date: 06-22-2009, 11:44 AM
Parent: #8
لا أدرى كيف كان سيكون الحال اذا لم نكن على مرمى حجر من النيلين ؟ هل كان ستصرف لنا المياه فى امبولات اشبه بأمبولات حقن الملارياام ماذا؟ياسادتى حكومة لاتستطيع ان توفر حتى المياه لشعبها فى العاصمة (واكرر) فى العاصمة وسيبك من الأقاليم وناس القضارف وحلفا الجديدة الخ...هل حكومة كهذى جديرة بأن تقعد على انفاس هذا الشعب كل هذه المدة بل وتطمع فى المزيد؟طبعا منسوبى هذا النظام وسدنته لايهمهم فى كثير او قليل امر هذا المواطن طالما هم يشربون المياه المعدية وماء الصحة المستوردة من المملكة العربيةالسعووية.كلها كم يوم وسيحتفل الكيزان بأنقلاب 30 يونيو (ياربى عمر البشير حيخطب حيقول شنو بعد ما يشتم اوكامبو؟)
|
Post: #17
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: Tabaldina
Date: 06-22-2009, 11:56 AM
Parent: #15
..
.
بالله اي زول عندو موتور
يجهز عصاية مضببة ومن حسي كلمو اهلكم فى هيئة توفيرالمياة
يامنو انفسهم ضد الضرب ..
____________
ناس الدلو والابيار والموية بالكارو
بتاعين الاطراف والاصقاع ديل ليهم الله
يمكن من غير موتور يدفعوهم رسوم موتور ..
بلد ما هلينا ..
|
Post: #18
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: مزمل خيرى
Date: 06-22-2009, 12:15 PM
Parent: #17
صالح
حمدلله بالسلامة .. متين الجية ..؟
والله موضوعك بتاع تقرير الامم المتحدة داك قاطع قلبى لحدى هسع ..؟
نتلاقى هناك بعدين ..
|
Post: #19
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: Frankly
Date: 06-22-2009, 12:23 PM
Parent: #17
حكاية حظر الموتورات دي تنفيذها من قبل المحلية صعب جداً
ويستلزم صرف مرتبات لموظفين مهمتهم الكشف على الموتورات
ولا أدري إن كانوا سيستكشفونها بالحواس البشرية أم بالآلات الإستشعارية أم بكمية المياه المسحوبة
لكن خطورة هذا الحظر إن عُمل به تكمن في العواقب الوخيمة في نسف الأواصر الإجنماعية بين الجيران وجيران الجيران
أي جار عوضاً أن يوجّه سخطه للهيئة القومية لمياه العاصمة من ندرة المياه, سيوجهها لجاره ويتقدّم بشكوى في امتلاكه لموتور.
والجار طبعاً لن يسكت على تجفيف مواسيره ويراه تجاوز من الجار للخطوط الحمر لحق الجوار.
وهكذا يدخل الجيران في دوامة الشكاوى من مختلف الأسباب التي كانت تعالج بأخلاقيات حسن الجوار من إزعاج وضوضاء وقفل طرق لأفراح أو أتراح وتعلية بناء وما إلى ذلك
هذا هو حل المهندس خالد على خالد من ورطة عجزه عن الإيفاء بواجب مهنته تجاه المواطن, وتقديم حلول مبنية على دراسات علمية
حل كنس الأوساخ تحت السجاد, حل بليد وساذج
والحلول الموقتّة لا يمكن أن تكون بحفر أبار ياهندسة.
كمال
|
Post: #20
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: فدوى الشريف
Date: 06-22-2009, 12:43 PM
Parent: #19
والله الراجل دا من شفتو في نشرة عشرة امبارح ما ارتحت ليهو
المؤتمر الصحفي كان عن مشكلة شح المياه وأول ما مسك المكرفون برانا بانجازات هيئة المياه..وسنة 2000 كان الانتاج مية مليون لتر
وهسة دشليون لتر
طيب وينا اللترات دي؟؟؟
ولا الجابوهو في الاستوديو بعديها شبكنا ليك (احدث المواصفات وبافضل التقنيات)
غايتو يا عمر الجزلي ما من معجبيك لكن امس كيفتني ، عمر الجزلي كان اتخيل روحو بذيع في قناة الجزيرة ما بعرف ، لكن كيفني
هوي ناس الموية حدنا معاكم الموتور دا
كان تشيلوهو ما عارفة
دقيقة...
كيف يعني يشيلو الموتور؟ الناس ديل بهظرو ولا كيف؟
|
Post: #21
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: مزمل خيرى
Date: 06-22-2009, 01:14 PM
Parent: #20
| Quote: كيف يعني يشيلو الموتور؟ الناس ديل بهظرو ولا كيف؟ |
السؤال موجهة للسيد خالد محمد خالد مدير مياة السودان
|
Post: #22
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: احمد معتصم الطيب
Date: 06-22-2009, 01:14 PM
Parent: #20
طيب الكهرباء لمن تقطع نعرف كيف!!!!!!!!!!!
غير زنتو وصوتو البعرفناشنو.!!!!
لو قلعو الموتور ماحيكون فضل غير مفتاح البيت..!!
|
Post: #23
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: Fathi Ali Mohammed
Date: 06-22-2009, 03:01 PM
Parent: #22
أبو جوان العزيز و الاخوه المتداخلون.
أمر مجازفة موتورات الناس ليس أكثر غرابة من مجازفة الاطباق الذي حدث فعلا في السابق.
في إحدى محاضرات الدكتور الساخر (محمد عبد الله الريح) كان يتحدث عن أن السودانيون شعب يدمن الركون والاستكانه, وانه اذا أمر أولي الامر بأن (يتجلد) كل مواطن عشرة جلدات يوميا قبل الذهاب الي العمل سيركن الناس الي هذا الامر و سيكون موضوع خلافهم فقط ان جلاد امدرمان (يدو بارده) و جلاد بحري (يدو حاره) و يكونوا طوابير اما جلاد امدرمان يغمرهم شعور بالراحه لكونهم (مفتحين) و حا يتجلدوا براحه.
أنا هسي بديت أفكر جديا انو أحسن لي أبيع موتوري من هسي, لانو بعد صدور القرار إلا أبلو وأشرب مويتو.
|
Post: #24
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: مزمل خيرى
Date: 06-22-2009, 03:20 PM
Parent: #23
فتحى
| Quote: أنا هسي بديت أفكر جديا انو أحسن لي أبيع موتوري من هسي, لانو بعد صدور القرار إلا أبلو وأشرب مويتو. |
هى الموية وين الببلوا بيها الموتور ..؟
تصــدق انا ذاتى فكرت جادى فى الموضوع دة ..؟؟
المشكلة التانية منو البيشترى الموتوووووووور ..؟؟؟؟؟؟
|
Post: #26
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: ناذر محمد الخليفة
Date: 06-22-2009, 03:32 PM
Parent: #23
!!!
| Quote: هى حصلت ..؟ اتجاه لإيقاف موتورات المياه بالمنازل ..!! (Re: jini) |
الحمد لله ..!!
يعني حا يعفونا من تركيب عدادات الدفع المقدم ..!
(إنفلونزا الطيور) ..!
|
Post: #25
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: مزمل خيرى
Date: 06-22-2009, 03:26 PM
Parent: #22
احمد
| Quote: لو قلعو الموتور ماحيكون فضل غير مفتاح البيت..!! |
حرم كان وصلوا مفتاح البيت الدم بصل الركب .. انت بتلعب .؟؟
|
Post: #27
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: Al-Mansour Jaafar
Date: 06-22-2009, 03:56 PM
Parent: #25
السيد مزمل خيري
الإحترام والسلام
مشكور كتير لهذا البوست التحذيري الذي جمع اللطف إلى الصرامة
حكاية المياه في بلد ذات 17 نهر ونهير وأمطار وحيضان وحفاير لا أول لها ولا آخر
لكن أنا معاك مقاومة الحلول الجايطة أمر واجب
وأول هذه المقاومة هي مقاطعة الجمرة الخبيثة والبنزين والجازولين بالطرق الواردة أدناه
تكون ما قصرت لو وصلت الأفكار الموجودة في الوشاجات الآتيات إلى زول بيفهم بسيط في شغلانة الكهرباء والمكنات:
محركات من جدل المادة :
أحفظ مالك
كيف تعمل سيارتك بالماء
طاقة تضاد أقطاب المغنطيس توصل إلى القمر في ساعة و إلى ...ر وتصنع في السودان
الحل الرئيس!
وأحسن تحفظ اللينكات الجواهم في ورقة Word في كمبيوترك قبل ما يتمسحوا من المنبر بعد يومين
ولك التقدير
|
Post: #28
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: عبداللطيف حسن علي
Date: 06-22-2009, 04:49 PM
Parent: #27
| Quote: هى الموية بالموتور مافى .. توقفوها شنو.؟؟ |
يا راجل في موتورات اتوماتيكية اصلها ما بتقيف الا مع انقطاع الكهرباء
وكمان بعد دا بشغلوها من الجنريتر الضخم القاعد في الشارع
اها زي دي كان نقصت نقطة موية من الخزان ، براها بتمها
برضو تقول لي الصين فيها حصين ، والطيارة عندها بوري او ذيدان مشلخ
،،،،،،،،،،،،،،،،،،،،،
معا من اجل حظر اسيراد الموتورات التلقائية الشفط العدمتنا النقطة واقتلاع الموجود منها بنظامها
السياسي !
|
Post: #29
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: ذواليد سليمان مصطفى
Date: 06-22-2009, 05:30 PM
Parent: #25
اليوم الاسود لخبر الاسود
الناس ديل امرهم انكشف
حتى يتدخلو فى القرار الرباني
لقوله تعالى "وجعلنا من الماء كلّ شيء حيّ أفلا يؤمنون" الأنبياء 30.
ان الله يقول وانتم تمنعون
اختشو الله
يا ناس الهئية القومية للمياه
الامر اذا حصلت كدا النيل يجف
ونوصل تيار كهربائي من الف واط
وبتاع التحصيل اذا حاول القطع يموت بالكهرباء
|
Post: #30
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: إبراهيم عبد الحليم
Date: 06-22-2009, 06:13 PM
Parent: #29
العزيز أبوجوان
المثل بيقول عينك فى الفيل تطعن فى ضله
منع الدشات ماذا كانت نتيجته الآن الدش فى كل بيت ألم تكن العبرة بالتوجيه التربوى السليم الذى يجعل الصغار السن يفرقون بين الصالح والطالح
هنك أزمة مياه أليس من الأجدى نتعاون جميعا حكومة وشعب لأزالتها؟
إبراهيم عبد الحليم
|
Post: #32
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: Ali bas
Date: 06-24-2009, 09:12 AM
Parent: #31
صحيفة الصحافة اليوم: وحدة مكافحة الفساد تباشر التحري مع قيادات بالمياه..
فى قضايا تتعلق بتجاوزات صاحبت مشاريع القروض الصينية الأول والثاني والثالث والتى نفذت بولايات البحر الأحمر والشمالية ودارفور والقضارف نهر النيل .. وكانت الصحافة نشرت قبل اسبوع تقارير كشفت أن السودان يتلقى قرضا سنويا قدره 12 مليون دولار من الصين لتقوية محطات المياه فى الولايات منذ عام 2001م عبر الهيئة القومية للمياه وأكدت تقارير فنية صادرة عن الهيئة أن معظم المولدات والطلمبات التى استجلبت لولايتى البحر الأحمر والشمالية بها عيوب وغير مطابقة للمواصفات ولم يستفد من بعضها وتعطلت أخرى خلال تشغيلها كما سقطت بعضها فى الآبار على رغم أن الهيئة قالت أنها تم تصميمها وجربت وفحصت بواسطة الشركة المصنعة.
كما كشفت الوثائق باعتراف الإدارة العامة لتنفيذ المشروعات بالهيئة فشل مشروع مياه العبيدية الذى بلغت تكلفته 3 مليارات جنيه بسبب الأخطاء الفنية التى صاحبت التنفيذ وكذلك إنهيار سد السبعات بالقضارف والتى بلغت تكلفته 2 مليار جنيه بمجرد وصول أول مياه إليه نسبه للأخطاء الفنية التى صاحبت تنفيذه وايضا سد ام دافوق بدارفور وسد الأربعات ببورتسودان الذى تجاوزت تكلفته 14 مليارا الذى رافقه أخطاء فنية أفقدته جدواه.
وأظهر تقرير بهيئة المياه أن مخازن تابعة للهيئة قد تعرضت للسرقة مرات عدة وأن الأجهزة المختصة عثرت على معدات تابعة للهيئة "حلقات مطاطية" تباع بسوق السجانة واعادت ما عثرت عليه إلى المخازن ولكنها تلفت لسوء التخزين بحيث لم تجد من يشتريها عندما عرضتها فى المزاد فى أغسطس الماضي
|
Post: #33
Title: Re: هى حصلت ..؟ اتجاه لإيقاف موتورات المياه بالمنازل ..!!
Author: إسماعيل حسن
Date: 06-24-2009, 10:54 AM
Parent: #32
اخونا مزمل سلامات
| Quote: وكشف في مؤتمر صحفي عقده امس بالهيئة عن اتجاه لحظر سحب المياه بالموتور داخل المنازل |
والله العظيم ماعارف اعلق اقول شنو؟
لكن ما فيش اي حاجة مستبعدة على حكومة الكذب والسرقة والنفاق هذه .. ولاننا هنا ومن يهن يسهل الهوان عليه .. تقبلنا كذبهم البين منذ ان اطلق عراب الامس عدو اليوم قوله: إذهب الى القصر رئيسا وساذهب الى السجن حبيسا,, صدقناهم وكل يوم مر ويمر يتضح كذبهم ونفاقهم ولصوصيتهم وعشوائيتهم فى تقديم الحلول العملية والعلمية لمشاكل البلاد والناس , ونحن ما زلنا كما نحن ليس لدينا مخرج الا اضعف الايمان والجعجعة الفارغة والبطولات الدونكيشوتية فى محاربة الجماعة اياهم ولم نحركهم من كرسي الحكم والتسلط على رقابنا قيد انملة . وبما انهم جربوا فينا كل انواع الاهانات وتقبلناها اللهم الا التعبير عن غضبنا بشكل كتابات او ونسة فى تجمعات الافراح والاتراح وينفض سامرنا لنصبح غدا مكررين سناريو اضعف الايمان ذاك وهكذا دواليك . ومرت عشرون سنة ونيف وستمر مثلها وهم فى مكانهم هذا وسيجربون فينا كل شيئ واي شيئ وبشرانا بتحديد كيف نمشى ومتي يجب علينا ان نلقي التحية وكيف يجب علينا ان نتحدث مع بعضنا البعض وكيف وماذا نلبس او ماذا يجب علينا ان ناكل اليوم وغدا وبعد غد و .... و
|
|