Post: #1
Title: حكـم بالسجن علي فتـاة بحـرينيه قبلت رجـلاً في مكان عـام !!!!!!!!
Author: السيد المسلمي
Date: 06-20-2009, 02:04 PM
Parent: #0
حكمت المحكمة الصغرى الجنائية بحبس متهمة بحرينية 20 يوماً لتقبيلها بحرينيّاً في مكان عام،
كما أنها قامت بسب رجل أمن.
وتتمثل تفاصيل القضية في أن المتهمة بحرينية الجنسية كانت برفقة بحريني في مكان عام،
فقامت المتهمة بتقبيل البحريني وعند مرور إحدى دوريات رجال الأمن تم القبض على المتهمين،
فقامت المتهمة بسب أحد رجال الأمن
المصدر:
http://www.almshaheer.com/modules.php?name=News&file=article&sid=10041
|
Post: #2
Title: Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!!
Author: السيد المسلمي
Date: 06-20-2009, 02:47 PM
Parent: #1
ديل لو كانو عملوا العمليه دي عندنا في السودان...
كان القاضي حكم عليهم بالجلد (محكمه فوريه) !!!!
ويجلدوهم أمام الجمهور وامام ناس الشمارات القاعدين في المحكمه.
طبعا بكون الجماعه باليل شافو شغلهم كويس !!!!
قلعوا الموبايلات !!! وإذا في شويه قريشات بكونو برضوا لحسوها ،،
أها ياأخوانا أحسن الجلد ؟؟ والله السجن؟؟؟؟!!!
|
Post: #3
Title: Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!!
Author: Elawad Eltayeb
Date: 06-20-2009, 02:56 PM
Parent: #2
الحمد لله الدورة دي ما فيها سوداني
|
Post: #7
Title: Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!!
Author: السيد المسلمي
Date: 06-20-2009, 04:07 PM
Parent: #3
| Quote: الحمد لله الدورة دي ما فيها سوداني |
جات سليمه المره دي 
ـــــــــــــــــــــ
شكرا للمرور ياالعوض ،،
|
Post: #4
Title: Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!!
Author: مزمل خيرى
Date: 06-20-2009, 03:21 PM
Parent: #2
السيد
Quote:
طبعا بكون الجماعه باليل شافو شغلهم كويس !!!!
قلعوا الموبايلات !!! وإذا في شويه قريشات بكونو برضوا لحسوها ،،
|
قصدك منو .؟؟
ديـــل :
Re: افراد من الشرطة السودانية .. أُسارى رشاوي وتجاوزات ..]
ديل انا شكيتهم لى الله .. بس صبرك على شوية .. قاعد بجمع فى الدلائل ..!!
|
Post: #6
Title: Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!!
Author: مزمل خيرى
Date: 06-20-2009, 03:42 PM
Parent: #4
السيد
Quote: وامام ناس الشمارات القاعدين في المحكمه.
|
حكاية الناس القاعدين للشمارات دى ، ذكرتنى باتنين من اعمامنا من ارباب المعاشات ساكنين جنب القسم من الواطة تفلل يقوموا يمشوا المحكمة الملحقة بالقسم يقعدوا فى الكافتيرا يشربوا الشاى ويتصفحوا الجرائد لحدى ما الجلسات تبدأ وطبعا بيعرفوا كل عساكر المحاكم يشوفوا اسخن جلسة شغالة اليوم داك ويخشوا والقعدة الياها .. لحدى ما الجلسة تنتهى ، يخشوا القاعة التانية برضو ويصنقروا يقعدوا واخر اليوم اى واحد يمشى بيتو .
والظريفة البلاغات الكبيرة يتابعوها من القسم لحدى ما تتحول للمحكمة ، بالله الواحد زى المحامى يسجل ايام الجلسات فى ورقة عشان ما تفوتو جلسة .. يوم سألت عسكرى صاحبنا عن اعمامك ديل ، قال لى اعمامك ديل عايشين فراغ بعد نزلوا المعاش ماعندهم شغلة غير يجوا من صباح الرحمن يحضروا الجلسات ..
السيد ديل يقولوا عليهم شنو ..؟؟
مع كبر سنهم دى اعمامك بيركزوا على محاكم الأداب اكتر حاجة .. تصـدق .؟؟
|
Post: #9
Title: Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!!
Author: السيد المسلمي
Date: 06-20-2009, 04:29 PM
Parent: #6
سلام للحبيب أبوجوان
| Quote: والظريفة البلاغات الكبيرة يتابعوها من القسم لحدى ما تتحول للمحكمة ، بالله الواحد زى المحامى يسجل ايام الجلسات فى ورقة عشان ما تفوتو جلسة .. يوم سألت عسكرى صاحبنا عن اعمامك ديل ، قال لى اعمامك ديل عايشين فراغ بعد نزلوا المعاش ماعندهم شغلة غير يجوا من صباح الرحمن يحضروا الجلسات .. |
والله فعلاً حاجه غريبه جداً !!!!!
ليه بس كشف الحال دا ياناس ؟؟ غايتو انا يتخيل لي لو جابو واحد في التلفزيون يجلدوا فيه المشاهده ليه بتكون ماحلوه.
ناهيك من يكون لايف كمان ومشاهده حيه!!!
| Quote: مع كبر سنهم دى اعمامك بيركزوا على محاكم الأداب اكتر حاجة .. تصـدق .؟؟ |
حاجه تحير القاضي زاتو لوووووووول
|
Post: #5
Title: Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!!
Author: فرح
Date: 06-20-2009, 03:41 PM
Parent: #2
Quote: أها ياأخوانا أحسن الجلد ؟؟ والله السجن؟؟؟؟!!!
|
يتوقف على فداحه الجريمه ومكان ارتكابها
يعنى مطار الخرطوم يختلف عن ميدان جاكسون
|
Post: #8
Title: Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!!
Author: Deng
Date: 06-20-2009, 04:16 PM
Parent: #5
السيد
هل الخبر معناه أن البت دي قفزت في الولد وفكت فيهوا قبلة ولا القبلة دي تمت بالتراضي؟
وهل الود مد قدومو ولا البت هي المدت قدوموا ؟ في حاجة ما مفهومة في القصة دي.
ولا يمكن دي حسادة ساكت من ناس الدورية ديل .
دينق.
|
Post: #12
Title: Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!!
Author: السيد المسلمي
Date: 06-20-2009, 04:50 PM
Quote: هل الخبر معناه أن البت دي قفزت في الولد وفكت فيهوا قبلة ولا القبلة دي تمت بالتراضي؟
وهل الود مد قدومو ولا البت هي المدت قدوموا ؟ في حاجة ما مفهومة في القصة دي. |
القبله تمت بالتراضي وإلا كانت القضيه بتكون تحرش جنسي لووووووووول
لكن يادينق أخوي حكاية القداديم دي بترجع الي ايهما يحب الأخر أكثر ولا شنو ؟؟؟ ،،
ــــــــــــــــــــــــــــــــــــــ
نورت البوست ياحبيب،،،
|
Post: #10
Title: Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!!
Author: السيد المسلمي
Date: 06-20-2009, 04:35 PM
Parent: #5
Quote: يتوقف على فداحه الجريمه ومكان ارتكابها
يعنى مطار الخرطوم يختلف عن ميدان جاكسون |
يافرح والله لو بوستها قدام بيتكم يجلدوك !!!!
إنت قايل الجماعه ديل في الحاجات دي بلعبوا (وش ماعارف يمشي وين).
|
Post: #11
Title: Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!!
Author: أيمن الطيب
Date: 06-20-2009, 04:46 PM
Parent: #10
كتب دينق,,,| Quote: هل الخبر معناه أن البت دي قفزت في الولد وفكت فيهوا قبلة |
 يا دينق دى بوسة ولا بلنجة البتتكلم عنها دى!!!!
|
Post: #13
Title: Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!!
Author: Hassan Makkawi
Date: 06-20-2009, 06:40 PM
Parent: #11
Quote: فقامت المتهمة بسب أحد رجال الأمن
|
أخونا المسلمى
لولا أعلاة لكانت العقوبة أخف...حاجة كدة مع وقف التنفيذ
أو كم ساعة فى الخدمة الإجتماعبة...
_________________________________
بينى وبينك البوسة ما كانت على الطاير...وكدة
|
Post: #14
Title: Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!!
Author: خلف الله عبود
Date: 06-20-2009, 09:20 PM
Parent: #13
بعيدا عن المزاح ...
لو كانت تلك القبلة تمت بين رجل غربي ، بريطاني أو أمريكيي مثلا ... هل كانو سيلقون القبض عليهم ... ؟
لأن هذا يحدث عادة في دول الخليج من الخواجات ...
وهل القانون يفرق بين الجنسيات ، في البحرين ؟
|
Post: #16
Title: Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!!
Author: السيد المسلمي
Date: 06-21-2009, 06:14 AM
Parent: #14
الاخ خلف الله عبود
Quote: بعيدا عن المزاح ...
لو كانت تلك القبلة تمت بين رجل غربي ، بريطاني أو أمريكيي مثلا ... هل كانو سيلقون القبض عليهم ... ؟ |
وهل هناك قانون يجرم الأمريكان أصلاً ؟؟؟
ناس الغرب ديل لو قتلوا النفس التي حرم الله إلا بالحق،،،بكون الموضوع بسيط جدا وممكن ينتهي من غير محاكم !!!
___________________________
شكرا للمرور .
|
Post: #15
Title: Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!!
Author: السيد المسلمي
Date: 06-20-2009, 09:28 PM
Parent: #13
الحبيب حسن مكاوي
في راي بكون ناس الدوريه أستفزوها حبتين وردت عليهم بنفس الطريقه طوالي شبكوها ليك سب وجرجه!!!!
العساكر ديل ياعمك لو إتشربكو فيك يحلك الله بس ،،،،
إنتو برضو عندكم نظام عام في البحرين ؟؟؟
| Quote: بينى وبينك البوسة ما كانت على الطاير...وكده |
بالله ماكانت علي الطاير ؟؟؟
|
Post: #17
Title: Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!!
Author: AnwarKing
Date: 06-21-2009, 10:30 AM
Parent: #15
هل توجد مادة في القانون البحريني تُجرّم القبلة في مكان عام؟
اذا كانت موجودة يبقى أنتهى الكلام...
لكن شايف أنو في مشكلة حقيقية هنا ...
| Quote: فقامت المتهمة بسب أحد رجال الأمن |
حيث رجال الأمن في العالم العربي، والمصحف الشريف قد يتساويا تماما، من حيث القداسة!
|
Post: #18
Title: Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!!
Author: محمد عبد الماجد الصايم
Date: 06-21-2009, 11:28 AM
Parent: #17
يا بشر هوووووي
قلنا ليكم نوعية البوستات دي لازم تكون مدعومة بالصور!ّ
الصووووووور باركـ الله فيكم!
|
Post: #21
Title: Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!!
Author: السيد المسلمي
Date: 06-21-2009, 02:27 PM
Parent: #18
| Quote: الصووووووور باركـ الله فيكم! |
ياعمك الصور في الماسنجر،،
|
Post: #19
Title: Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!!
Author: abdulhalim altilib
Date: 06-21-2009, 11:39 AM
Parent: #17
الأخ / المسلمي
تحياتي ،
هي ذاتا البت دي الشلاقة ليها شنو ؟
صبراً يبل الآبري مافي ؟
ما تنتظر لحدي ما يصلوا محل (طايرين)
وبعد داك ان شاء الله تفطسوا قبلات
وما بعدها من مصايب أخرى ؟!
يعني خلاص .. الحب حبك في الشارع العام ؟!
حكاية عدم الانتظار دي ذكرتني حادثة
قرأتها هنا في أحد البوستات حدثت في
احدى طائراتنا (الناقل الوطني) كما
ذكر الراوي ، وقال أن هناك مضيفة جديدة
والظاهر كانت حلوة شديد وتكسر فيها
الكابتن ، وبدأ يحدث زميله (مساعده)
في كابينة القيادة عن نواياه السيئة
تجاه هذا القادم الجديد في طائرتهم ،
وأنه سوف يفعل فيها كذا وكذا عندما
يصلون للفندق ..؟!! وبدأ يصفها له
دار كل ذلك الحديث بينماكان جهاز
المايك مفتوحاً والسماعات داخل
الطائرة شغالة تش ؟! وكل الركاب
سمعوا ما دار بين الكابتن ومساعده
(يعني على الهواء مباشرةً) ؟!!
و .. المضيفة المسكينة الضحية ،
أسرعت الخطى لتصل للكابينة وتنبه
الكابتن أن كل حديثهم قد سمعه الركاب
ويبدو أنها تعثرت وهي تهرول نحو الكابينة
ووقعت أمام واحدة كبيرة في السن والتي
بكل بساطة خاطبتها قائلةً :
يا بت أمي مستعجلة مالك ؟ ماقالوا
ليك لحدي ما تصلوا الفندق ، ما تصبري؟؟!!!
لووووووووووووووووووول ؟!!
مودتي ،
( ليمو )
|
Post: #23
Title: Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!!
Author: السيد المسلمي
Date: 06-21-2009, 02:52 PM
Parent: #19
الحبيب عبدالحليم
Quote: هي ذاتا البت دي الشلاقة ليها شنو ؟
صبراً يبل الآبري مافي ؟ |
يبدو أنها كانت سارحه في عوالم بعيده ونست هي وين ،،،
يعني خروج مؤقت عن الشبكه
Quote: حكاية عدم الانتظار دي ذكرتني حادثة
قرأتها هنا في أحد البوستات حدثت في
احدى طائراتنا (الناقل الوطني) كما
ذكر الراوي ، وقال أن هناك مضيفة جديدة
والظاهر كانت حلوة شديد وتكسر فيها
الكابتن ، وبدأ يحدث زميله (مساعده)
في كابينة القيادة عن نواياه السيئة
تجاه هذا القادم الجديد في طائرتهم ،
وأنه سوف يفعل فيها كذا وكذا عندما
يصلون للفندق ..؟!! وبدأ يصفها له
دار كل ذلك الحديث بينماكان جهاز
المايك مفتوحاً والسماعات داخل
الطائرة شغالة تش ؟! وكل الركاب
سمعوا ما دار بين الكابتن ومساعده
(يعني على الهواء مباشرةً) ؟!!
و .. المضيفة المسكينة الضحية ،
أسرعت الخطى لتصل للكابينة وتنبه
الكابتن أن كل حديثهم قد سمعه الركاب
ويبدو أنها تعثرت وهي تهرول نحو الكابينة
ووقعت أمام واحدة كبيرة في السن والتي
بكل بساطة خاطبتها قائلةً :
يا بت أمي مستعجلة مالك ؟ ماقالوا
ليك لحدي ما تصلوا الفندق ، ما تصبري؟؟!!! |
والله ياحبيب تاسفت جدا لحال هذه المضيفه لوووووووووووول،
|
Post: #20
Title: Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!!
Author: السيد المسلمي
Date: 06-21-2009, 02:22 PM
Parent: #17
| Quote: لكن شايف أنو في مشكلة حقيقية هنا |
الحبيب أبوإقبال
المشكله في القانون ولا في طريقة تطبيقه ؟؟؟
بس في النهايه الضحيه بكون المواطن والمسكينه دي خير مثال.
_________________________________
شرفت البوست ..
|
Post: #22
Title: Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!!
Author: AnwarKing
Date: 06-21-2009, 02:29 PM
Parent: #20
الحبيب السيد المسلمي...شرّف الله قدرك في كل مكان يا عزيزي...
لم يؤكد شخص وجود مادة في القانون البحريني تُجرّم القبلات في مكان عام حتى الآن...
!
| Quote: المشكله في القانون ولا في طريقة تطبيقه ؟؟؟ |
المشكلة في تطبيق القانون في كل العالم..وبالأخص عندنا في الدول النامية،
حيث حاميها حراميها وكدة...
يمكنك الرجوع مثلاً لإعترافات وزارة العدل السودانية بأنو في قوات نظامية سودانية
شاركت في الإغتصابات في دارفور!!!
وكلنا بالطبع سمعنا عن حكاوي أكشاك بسط الأمن الشامل المتكررة (بتعرف الزولة دي من وين؟)
وأنو في بعض الناس بيخلوا البنت ليستفرد بها بعض المرضى في هذه الأكشاك!
وأظنك تعرف أكثر مني عن هذه الحكاوي بحكم الشمارات البتجيكم لحدي عندكم هناك 
تحياتي وسلامي للجميع بطرفكم
أنور
|
Post: #24
Title: Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!!
Author: السيد المسلمي
Date: 06-21-2009, 03:15 PM
Parent: #22
الحبيب أبوإقبال
| Quote: المشكلة في تطبيق القانون في كل العالم..وبالأخص عندنا في الدول النامية، |
وعشان كده ياأنور أخوي أي زول لابس كاكي من حقو يعمل فيك اي حاجه تخطر علي بالوا !!!!،،
لكن لو ركزت معاي المخالفات دي دائما بتجي من الناس المنوط بيهم تطبيق القانون !!!
قصدي ممكن عسكري صغير يطلع روحك من غير الضابط بتاعو مايعرف حاجه .... والكلام دا واقعي ومعاش .
Quote: وكلنا بالطبع سمعنا عن حكاوي أكشاك بسط الأمن الشامل المتكررة (بتعرف الزولة دي من وين؟)
وأنو في بعض الناس بيخلوا البنت ليستفرد بها بعض المرضى في هذه الأكشاك |
دا بعد مايكونوا أرهبوك وطقطقوك وبركتوك وبلغت روحك الحلقوم .....تقوم تضحي بي بت الناس،،،
____________________________________________
الطقطقه : كم كف كده علي بونيه طايره وما الي ذلك،،
البركته : هي ان تترك ما بجيبك من فلوس وموبايل وحتي باقي سجاير،،
|
Post: #25
Title: Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!!
Author: Hani Arabi Mohamed
Date: 06-21-2009, 03:34 PM
Parent: #24
هي حكموا عليها بالسجن
الراجل حكموا عليه بشنو؟
|
Post: #26
Title: Re: حكـم بالسجن علي فتـاة بحـرينيه قبلت رجـلاً في مكان عـام !!!!!!!!
Author: السيد المسلمي
Date: 06-21-2009, 08:48 PM
Parent: #25
Quote: هي حكموا عليها بالسجن
الراجل حكموا عليه بشنو؟ |
الاخ هاني ملاحظه في محلها ،،،
لم يرد ذكر الرجل في الخبر !
______________________________
غايتو لو طلع الرجل براءة تبقي حركه منو مالذيذه هاهاهاهاها
|
|