Post: #1
Title: إقالة (5) من مساعدي محافظ بنك السودان
Author: omer osman
Date: 06-19-2009, 11:35 AM
أكدت مصادر (آخر لحظة) ان محافظ بنك السودان المركزي الدكتور صابر محمدالحسن اصدر خطاباً اعفي بموجبه (5) من مساعديه
واوضحت المصادر ان القرار جاء نتيجة للمشاكل التى يمر بها البنك المركزي والتى تمثلت في عدم استقرار سعر الصرف الذي
قارب حد الانفلات بحسب المصادر. واضافت المصادر بانه لم يتم تعيين (5) اخرين في مواقع المساعدين الذين كانوا يشغلون ادارات
السياسات والرقابة المصرفية.
صحيفة آخر لحظة - الجمعة - 19-6-2009م
|
Post: #2
Title: Re: إقالة (5) من مساعدي محافظ بنك السودان
Author: Hadeer Alzain
Date: 06-19-2009, 12:08 PM
Parent: #1
عمر عثمان سلام
كانو الأمريكان يسلفوهم ولدنا البوردابي النابغة حسين نوباتيا (مدير فرع لمجموعة ستيزن بنك بالولايات المتحدة)
إنشاءالله تلاتة شهور بس !! كان ظبط ليهم الشغلة .. على أن تدفع الحكومة السودانية الأتعاب للحكومة
الأمريكية لأنها فرطت في مواطن سوداني نابغ مثل نوباتيا ...
سودانـي وبوردابـي يحصل على جائزة أفضل مدير بنك بالولايات المتحدة..
سودانـي وبوردابـي يحصل على جائزة أفضل مدير بنك بالولايات المتحدة..
شكرآ لك على نقل الخبر
|
Post: #3
Title: Re: إقالة (5) من مساعدي محافظ بنك السودان
Author: osman righeem
Date: 06-19-2009, 12:31 PM
Parent: #2
ولم يتم تقديم المحافظ الي المحاكمة حتي الان
|
Post: #4
Title: Re: إقالة (5) من مساعدي محافظ بنك السودان
Author: شكرى سليمان ماطوس
Date: 06-19-2009, 12:54 PM
Parent: #3
سلام لصاحب البوست و مداخليه و ضيوفه ...
Quote:
ولم يتم تقديم المحافظ الي المحاكمة حتي الان |
يلــزم : المحاكمة لنظام و لنهج و لجماعة .....
لكن من يحاكم مغيب و مخدر و ضائع . رد الله غربته و عافيته !!
ش
|
Post: #5
Title: Re: إقالة (5) من مساعدي محافظ بنك السودان
Author: ود الباوقة
Date: 06-19-2009, 01:11 PM
Parent: #4
ولم يتم تقديم المحافظ الي المحاكمة حتي الان
يحاكموه في شنو كمان ؟؟؟
|
Post: #6
Title: Re: إقالة (5) من مساعدي محافظ بنك السودان
Author: الحاج حمد الحاج
Date: 06-19-2009, 01:42 PM
Parent: #5
انخفاض قيمة الجنيه السوداني كان نتيجة طبيعية لانخفاض عائدات البترول و تزايد الطلب على النقد الاجنبي مع انخفاض الاحتياطيات المتوفرة للبنك المركزي من النقد الاجنبي نتيجة الصرف الكبير و نتيجة لتحويل المستثمرين لمبالغ كبيرة خلال الفترة الماضية على خلفية بعض التخوف من آثار قرارات المحكمة الجنائية و بالتالي لا أعتقد أن اعفاء رؤساء ادارات سيكون هو الحل .
|
Post: #7
Title: Re: إقالة (5) من مساعدي محافظ بنك السودان
Author: osman righeem
Date: 06-19-2009, 02:17 PM
Parent: #5
| Quote: يحاكموه في شنو كمان ؟؟؟ |
ود الباوقة
جمعتك مباركة
ما تقولي جوكي كمان
|
Post: #8
Title: Re: إقالة (5) من مساعدي محافظ بنك السودان
Author: jini
Date: 06-19-2009, 03:28 PM
Parent: #7
| Quote: انخفاض قيمة الجنيه السوداني كان نتيجة طبيعية لانخفاض عائدات البترول و تزايد الطلب على النقد الاجنبي مع انخفاض الاحتياطيات المتوفرة للبنك المركزي من النقد الاجنبي نتيجة الصرف الكبير و نتيجة لتحويل المستثمرين لمبالغ كبيرة خلال الفترة الماضية على خلفية بعض التخوف من آثار قرارات المحكمة الجنائية و بالتالي لا أعتقد أن اعفاء رؤساء ادارات سيكون هو الحل . |
الرد الرد كبارى وسد!
يعنى المحكمة الجنائية ابتلاءات وكدة!
يعنى ما فى طريقة يحلوا المشكلة!
على الاقل يجيبوا المتعافى محافظ لبنك السودان عشان يبيع البنك بما حمل أويبيع نص البنك ويشترى نص البنك التانى عشان البنك كله يبقى حقنا!
جنى
|
Post: #9
Title: Re: إقالة (5) من مساعدي محافظ بنك السودان
Author: sami Alzubair
Date: 06-19-2009, 03:44 PM
Parent: #8
العزيز ..عمر
سلامات
احدهم لفح الكلام ووداهو اخر لحظة
الرجال المقصودين تنتهي مدة خدمتهم في فترات تتراوح ما بين يوليو واغسطس المقبل
الامر لا علاقة له بالاقالة ولكن بالنزول للمعاش
سيبدأ الامر بعثمان حمد مساعد المحافظ لقطاع مكتب المحافظ وينتهي بالجيلي محمد مساعد المحافظ لقطاع المؤسسات المالية والنظم
ارجو ان تراجع اكثر من مصدر عند نقل الخبر يا اخ عمر
|
Post: #10
Title: Re: إقالة (5) من مساعدي محافظ بنك السودان
Author: osman righeem
Date: 06-19-2009, 03:53 PM
Parent: #9
اخونا سامي
سلام وشكر للاضافة
بس سؤال كده علي الطاير
هل يمارس صابر سلطاته فعلا كمحافظ لبنك السودان؟
|
Post: #11
Title: Re: إقالة (5) من مساعدي محافظ بنك السودان
Author: عثمان جلال الدين
Date: 06-19-2009, 03:54 PM
Parent: #9
عمر عثمان ده اصلو مشهور باللفحي المن غير وعي خليهو على كده
لكن الخبر ده بالنسبة لينا سواء البترول نزل ولا طلع والصادرات والاستثمار والكلام الكتير الكاتبو المحاسب داك
مادام كلو ما بيأثر على لقمة العيش لاهلنا السودانيين بالداخل فيا جماعة بالنسبة لينا نحن المغتربين احسن
كده خلوهو يتفك ويطير لامن يصل حق قبل عشرة سنين داك
انتو انحنا المغتربين قيمة مرتباتنا ما وصلت للنص بسبب الغوغائية والعشوائية للنظام المالي بالسودان ونحنا
لغاية هسه ومن ما اغتربنا بنحول نفس القيمة بالسوداني لكن الواحد اصبح يحول نص راتبو عشان يعادل نفس القيمة
البرسلها كل شهر
|
Post: #12
Title: Re: إقالة (5) من مساعدي محافظ بنك السودان
Author: omer osman
Date: 06-19-2009, 03:57 PM
Parent: #9
Quote: العزيز ..عمر
سلامات
احدهم لفح الكلام ووداهو اخر لحظة
الرجال المقصودين تنتهي مدة خدمتهم في فترات تتراوح ما بين يوليو واغسطس المقبل
الامر لا علاقة له بالاقالة ولكن بالنزول للمعاش
سيبدأ الامر بعثمان حمد مساعد المحافظ لقطاع مكتب المحافظ وينتهي بالجيلي محمد مساعد المحافظ لقطاع المؤسسات المالية والنظم
ارجو ان تراجع اكثر من مصدر عند نقل الخبر يا اخ عمر |
الاخ سامي تحياتي
صحيفة آخر لحظة تتمتع بمصداقية كبيرة ودائماً ماتنفرد بنشر اخبار ساخنة تحقق بها سبق صحفي.
ترتيباً على ذلك لم اشعر بالحاجة لمراجعة مصدر اخر.
على العموم يبدو انك ملم بتفاصيل الموضوع.
واذا كان لنقلي الخبر فائدة فهي مرورك والمعلومات التى تفضلت بذكرها.
|
Post: #13
Title: Re: إقالة (5) من مساعدي محافظ بنك السودان
Author: osman righeem
Date: 06-19-2009, 04:03 PM
Parent: #12
عمر عثمان
سلام
المره دي ما اقدر اتهمك باللفحي
لكن موضوع المعاش قصة سيناريو
في اكبر منهم في البنك
والموضوع له علاقة بقصة الجوكية
وكدي ماطال دشيت في بنك السودان
السؤال موجه ليك برضو ( بعد إذنك )
هل صابر الان هو محافظ بنك السودان الفعلي ؟
|
Post: #14
Title: Re: إقالة (5) من مساعدي محافظ بنك السودان
Author: sami Alzubair
Date: 06-19-2009, 04:31 PM
Parent: #13
العزيز..عمر
لم اقصد بتوضيحي لحقيقة الامر سوي تصحيح ما ورد في خبر الصحيفة
واعتذر ان مسك مني شيء لا ترضاه
..
| Quote: هل يمارس صابر سلطاته فعلا كمحافظ لبنك السودان؟ |
عمنا/عثمان
سلامات وكيفنك,,وانشاء الله الجماعة كلهم طيبين
سؤالك له ما وراءه
ولكن الامر يتوقف علي ماهي حدود سلطات محافظ بنك السودان وما هي مهامه اذ ان المنصب سياسي وتنسيقي -كما تعلم- اكثر من ان يكون تنفيذي حرفي ويعتمد بصورة كبيرة علي المناخ الاقتصادي العام بالدولة الذي قد يتطلب تدخل البعض في نشاط البنك المركزي ان حاد عن السياسية الاقتصادية الموضوعة من قبل وزارة المالية.
تعلم ان الامر لا يخلو من تجاذب وصراع سلطات ما بين د.صابر وبعض المتنفذين في مواقع اخري لكنه لايصل لدرجة التصرف بالكيفية التي يمكن ان يصور لك انها تحدث.
الرجل -صابر-عالم لا يشق له غبار في مجاله ولكن يعيب عليه البعض تصرفة باستقلالية زائدة في الملفات التي يديرها مما يولد الكثير من الغبار خلف كل تحرك قد يجهض عملا ما يديره اخرون لا يشتركون معه في التنسيق ووضع السياسات الاقتصادية التي تدير البلاد.ولكن يلاحظ ان هناك تناغم تام في الاداء الاقتصادي بدأ يحدث في الاونة الاخيرة خصوصا بعد تولي د.الجاز مقعد وزير المالية.
..
الموضوع شائك ومليء بالتعقيدات وتضارب المصالح العامة والخاصة ويتطلب الكتابة حوله الي هدوء ووقت لا يتوفران لدي ..فعذرا
قد اعود مرة اخري
|
Post: #15
Title: Re: إقالة (5) من مساعدي محافظ بنك السودان
Author: osman righeem
Date: 06-19-2009, 05:37 PM
Parent: #14
سامي مشكور علي الاضافة
سؤالي عن ممارسة د.صابر لصلاحياته كمحافظ ليس لدي
مصادر محلية و لكن نافذين في مؤسسات مالية عربية
يرددون من فترة أن وزير الاقتصاد هو الذي يدير فعليا
السياسة النقدية للبلاد بعد مشاكل التعثر الخبث و عجز
البنك المركزي عن حلحلة الموضوع سؤاء بشكل قانوني
أو شكل سيادي تعويضي للبنوك
مما جعل المصارف السودانية الان في موقف ضعيف تجاه التزاماتها
الداخلية والخارجية
هل تابعت اللقاء الاخير الذي جمع الرئيس و عوض الجاز
و المتعافي وزير الزراعة الجديد حول مطالبة المتعافي
بالاستقلالية المالية أو شئ مثل ذلك
|
Post: #16
Title: Re: إقالة (5) من مساعدي محافظ بنك السودان
Author: jini
Date: 06-19-2009, 10:10 PM
Parent: #15
Quote: احدهم لفح الكلام ووداهو اخر لحظة
الرجال المقصودين تنتهي مدة خدمتهم في فترات تتراوح ما بين يوليو واغسطس المقبل
الامر لا علاقة له بالاقالة ولكن بالنزول للمعاش |
وانشاء الله ديل الدفعة 24 ينزلوا معاش كلهم مرة واحدة مساعدين محافظ ولا عقداء ضباط!
ومساعد المحافظ بنزلوهوا المعاش زى العتالى دون اعتبار للخبرة والقدرات العقلية!
طيب البشير دا ما تنزلوهوا المعاش عشان يرتاح ونرتاح!
جنى
|
Post: #17
Title: Re: إقالة (5) من مساعدي محافظ بنك السودان
Author: فتحي الصديق
Date: 06-19-2009, 11:29 PM
Parent: #16
| Quote: الموضوع شائك ومليء بالتعقيدات وتضارب المصالح العامة والخاصة |
ربنا يهون الأمر وترجع لينا بالخبر اليقين..
|
|