Post: #1
Title: دولة الشابقية العظمى
Author: amar adam
Date: 06-13-2009, 09:32 AM
هنالك على ضغتى النيل العظيم وهو ينحنى هنالك امة عظيمة وشعب مختار اسمهم الشايقية حا ول محمد على باشا محوهم من الوجود فكان ان كانوا فى كل بقعة من السودان يربطهم بارضهم الام حبل سرى وهم يعودون اليوم الى حضن الام الوؤم يقميمون دولتهم العظمى قوامها الارض والانسان والتاريخ والحضارة والنيل عند سفح جبل البركل المقدس اثارهم واهراماتهم فى نورى كان منهم الملك بعانخى وترهاقا العظيم(واجدادى بها قبروا وقد جاءوا على قدر) ستكون هنالك المشاريع الزراعية والصناعية الكبرى والخدمات الصحية والتعليمية والطرق والجسور والسد والمطار الدولى والسياحة والنقل النهرى والمعادن والبترول والاحياء الراقية والعمارات الشاهقة والاذاعة والتلفزيون والمسرح مع مد العلاقات مع شعب البجا العظيم وشعب النوبا الكريم والفراعنة فى مصر وشعوب الصحراء الليبية وسنعزف نشيدنا الوطنى ونرفع علم امتنا العظيمة وسياتى الشايقية من كل مكان بكل ما اخذوا من خبرة وتجارب مع معاهدنا وجامعاتنا وجيشنا وشرطتنا وسنقدم دولة نموذج فى العالم فى الثقافة والحضارة والانسانية.
|
Post: #2
Title: Re: دولة الشابقية العظمى
Author: DKEEN
Date: 06-13-2009, 10:11 AM
Parent: #1
وحنعمل في كريمة اكبر مصنع لعرقي العيش..
|
Post: #3
Title: Re: دولة الشابقية العظمى
Author: حيدر حسن ميرغني
Date: 06-13-2009, 12:15 PM
Parent: #2
| Quote: الملك بعانخى وترهاقا العظيم |
ديل كانوا مشلَخين لأي إتجاه؟
|
Post: #4
Title: Re: دولة الشابقية العظمى
Author: ود محجوب
Date: 06-13-2009, 12:41 PM
Parent: #2
| Quote: ..وحنعمل في كريمة اكبر مصنع لعرقي العيش.. |
استغفر الله اخى بلح وليس عيش
|
Post: #5
Title: Re: دولة الشابقية العظمى
Author: بشري الطيب
Date: 06-13-2009, 02:30 PM
Parent: #4
سلام لكل الحضور هنا .....
خلاص يا عمار كملت وهماتك كلهن بقت علي دولة الشايقية؟؟؟
شوف يا مان أول حاجة إنت ما عندك تفويض بي إسم الشايقية من حوش الجروف (سابقا) لحدي الساب والهو عشان تتكلم بي صيغة الجمع دي.
تاني حاجة سفح جبل البركل ده حقنا ملك حر خلي زول يجي يقول داير شبر فيهو.
ثالثا: هو دحين اليتفقوا بعد الفرقة الخلقا المؤتمر الوطني بين الضفة الشرقية والغربية (مروي/كريمة).
بشرى
|
Post: #6
Title: Re: دولة الشابقية العظمى
Author: amar adam
Date: 06-13-2009, 04:12 PM
Parent: #5
فى القرير اضخم جامعة عالمية اكبر من اكسفورد.
|
Post: #7
Title: Re: دولة الشابقية العظمى
Author: عبدالمجيد الكونت
Date: 06-13-2009, 04:18 PM
Parent: #6
| Quote: فى القرير اضخم جامعة عالمية اكبر من اكسفورد. |
في قوز قرافي ياعمار مش كده
لا لا نحن عاوزنها في مقاشي
يا اما تعملو لينا مطار دولي
|
Post: #8
Title: Re: دولة الشابقية العظمى
Author: على جويلى
Date: 06-14-2009, 03:02 AM
Parent: #7
المطار الدولى موجود عندنا فى ابدوم
اما مقاشى عايزين فيها جامعة ضحمة
تكون باسم الفنان الراحل عثمان حسين
عليه رحمة الله .
|
Post: #9
Title: Re: دولة الشابقية العظمى
Author: ABU QUSAI
Date: 06-14-2009, 06:04 AM
Parent: #8
كدي أول خلونا ناكل نشبع في بطنا دي ، ونعلم أولادنا وبناتنا تعليم صاح ومجاني ، ونتعالج من أمراضنا ونوفر العلاج لأهلنا ونخلي إرسال الدواء من السعودية ودول الخليج لاهلنا الكبار، ونبني مستشفى في كل قرية بدل ما ناخد المريض بالساعات لمستشفى مروي الذي يعلم بحاله الله سبحانه وتعالى ... بعدين نفكر في إقامة أكاديمية للعلوم الزراعية في القرير أو أكاديمية للفنون باسم عثمان حسين في مقاشي ..
ثم ثانيا خلونا نتفق نحن عرب أم نوبة (يعني آخر القبائل النوبية التي استعربت وهي كثيرة)؟ لو نحن عرب وأولاد العباس معناها ما عندكم دخل في بعانخي وتهراقا والاهرامات وغيره ، ولو نحن بقايا نوبة يبقى على آل العباس السلام ، أو نتفق باننا خليط من ده ومن غيره من زنج وعرب وحلب وترك ونوبه وكله ، وبطلوا حكاية اللعب على حبلين دي ...
ونحن بلا نفكر في إقامة دولة الناس ما مريحانا مالكم عايزين تجيبوا لينا الهوا؟ ... الله يهديكم.
أبو قصي
|
Post: #10
Title: Re: دولة الشابقية العظمى
Author: MOHAMMED ELSHEIKH
Date: 06-14-2009, 06:16 AM
Parent: #9
| Quote: وهم يعودون اليوم الى حضن الام الوؤم يقميمون دولتهم العظمى قوامها الارض والانسان والتاريخ والحضارة والنيل عند سفح جبل البركل المقدس اثارهم واهراماتهم فى نورى كان |
ما بنديها للشايقية!!!!!!!!!!!!!!!
ديل ناس الباوقة قالوا كدى مو انا
|
Post: #11
Title: Re: دولة الشابقية العظمى
Author: osman righeem
Date: 06-14-2009, 07:14 AM
Parent: #10
| Quote: هنالك على ضغتى النيل العظيم وهو ينحنى هنالك امة عظيمة وشعب مختار اسمهم الشايقية حا ول محمد على باشا محوهم من الوجود فكان ان كانوا فى كل بقعة من السودان يربطهم بارضهم الام حبل سرى وهم يعودون اليوم الى حضن الام الوؤم يقميمون دولتهم العظمى قوامها الارض والانسان والتاريخ والحضارة والنيل عند سفح جبل البركل المقدس اثارهم واهراماتهم فى نورى كان منهم الملك بعانخى وترهاقا العظيم(واجدادى بها قبروا وقد جاءوا على قدر) ستكون هنالك المشاريع الزراعية والصناعية الكبرى والخدمات الصحية والتعليمية والطرق والجسور والسد والمطار الدولى والسياحة والنقل النهرى والمعادن والبترول والاحياء الراقية والعمارات الشاهقة والاذاعة والتلفزيون والمسرح مع مد العلاقات مع شعب البجا العظيم وشعب النوبا الكريم والفراعنة فى مصر وشعوب الصحراء الليبية وسنعزف نشيدنا الوطنى ونرفع علم امتنا العظيمة وسياتى الشايقية من كل مكان بكل ما اخذوا من خبرة وتجارب مع معاهدنا وجامعاتنا وجيشنا وشرطتنا وسنقدم دولة نموذج فى العالم فى الثقافة والحضارة والانسانية. |
و فجأة صحيت
|
Post: #12
Title: Re: دولة الشابقية العظمى
Author: amar adam
Date: 06-14-2009, 05:10 PM
Parent: #11
انك لا تعلم ما معنى ان تكون شايقى انك لم تتذوق طعم ذلك ما يؤرقنى ان ادخل الجنة والا اكون فيها شايقى .
|
Post: #13
Title: Re: دولة الشابقية العظمى
Author: amar adam
Date: 06-14-2009, 05:23 PM
Parent: #9
فى مقاشى مسرح عثمان حسين وكلية احمد خير المحامى للدراسات الدبلوماسية ومعامل د.حسين مجمد احمد لابحاث وعلوم الذرة.
|
Post: #14
Title: Re: دولة الشابقية العظمى
Author: حماد الطاهر عبدالله
Date: 06-15-2009, 02:58 PM
Parent: #13
عمار
والله حيرتنا يا أخي
القبلية قربت تجيب خبر السودان وأنت والزيك لسع بتنفخوا في ها القربة المقدودة دي .....
سترك يا رب.
|
Post: #15
Title: Re: دولة الشابقية العظمى
Author: عزام حسن فرح
Date: 06-15-2009, 03:26 PM
Parent: #14
amar adam
صباح/مساء الخير ...
| Quote: هنالك على ضغتى النيل العظيم وهو ينحنى هنالك امة عظيمة وشعب مختار اسمهم الشايقية حا ول محمد على باشا محوهم من الوجود فكان ان كانوا فى كل بقعة من السودان يربطهم بارضهم الام حبل سرى وهم يعودون اليوم الى حضن الام الوؤم يقميمون دولتهم العظمى قوامها الارض والانسان والتاريخ والحضارة والنيل عند سفح جبل البركل المقدس اثارهم واهراماتهم فى نورى كان منهم الملك بعانخى وترهاقا العظيم(واجدادى بها قبروا وقد جاءوا على قدر) ستكون هنالك المشاريع الزراعية والصناعية الكبرى والخدمات الصحية والتعليمية والطرق والجسور والسد والمطار الدولى والسياحة والنقل النهرى والمعادن والبترول والاحياء الراقية والعمارات الشاهقة والاذاعة والتلفزيون والمسرح مع مد العلاقات مع شعب البجا العظيم وشعب النوبا الكريم والفراعنة فى مصر وشعوب الصحراء الليبية وسنعزف نشيدنا الوطنى ونرفع علم امتنا العظيمة وسياتى الشايقية من كل مكان بكل ما اخذوا من خبرة وتجارب مع معاهدنا وجامعاتنا وجيشنا وشرطتنا وسنقدم دولة نموذج فى العالم فى الثقافة والحضارة والانسانية. |
الخُلاصة البِتهِمني والعاوِز أناقِشها معاك لو سمحت:
Quote: ... امة عظيمة وشعب مختار اسمهم الشايقية ... يقميمون دولتهم العظمى ...
عند سفح جبل البركل المقدس اثارهم واهراماتهم فى نورى كان منهم الملك بعانخى وترهاقا
العظيم(واجدادى بها قبروا وقد جاءوا على قدر) ... مع مد العلاقات مع شعب البجا العظيم
وشعب النوبا الكريم والفراعنة فى مصر ... |
يعني في الآخِر كِده أنا فِهمت إنك قُلت الآتي:
(1) الشايقِية شعب مُختار.
(2) الشايقِية ستُقيم دَولة عُظمى.
(3) آثار الشايقِية وإهراماتِهِم في البركل.
(4) الملِك بعانخي وترهاقا العظيم مِن الشايقِية.
(5) ستُقيم دَولة الشايقِية عِلاقات مع شعب البِجا والنوبا ومِصر.
علشان أبدأ معاك يا سَيدي الفاضِل واحدة واحدة ...
- البِنود الخمسة الفوق دي اللخصتها أنا مِن نصك صاح ولا أنا شَوهتها لامِن إستقطعتها مِن
سِياق نصك الأصلي؟
- البند رقم (3) هل آثار البركل هي آثار شايقِية؟
- البند رقم (4) هل بعانخي وترهاقا مِن ملوك الشايقِية؟
إحتراماتي ،،،
|
Post: #16
Title: Re: دولة الشابقية العظمى
Author: maman
Date: 06-15-2009, 05:11 PM
Parent: #15
Quote: عمار
والله حيرتنا يا أخي
القبلية قربت تجيب خبر السودان وأنت والزيك لسع بتنفخوا في ها القربة المقدودة دي .....
سترك يا رب. |
الأخ الكريم حماد الطاهر
لك الشكر على هذا التعليق، واضيف : كيف تكون هنالك (دولة عظمى) للشايقية وقد حشرهم أخونا عمار بين جبلين (جبل البركل وجبل ابنعوف).وأنا لا أرغب في مناقشة مدى جدية طرح الأخ عمار محمد آدم من عدمه،ولكني أورد هنا بعض من أشعار شاعر المنطقة وأحد مفكريها ، السر عثمان الطيب وأبدأ بقصيدة (وطن واحد.. وطن واعد)، وأتساءل: هل سمع عمار هذه الأشعار أم لا
وطن واعـــد .. بغنِّيلو
موحَّد .. والمصير واحد..بغنِّيلو
وطن من كسلا للفاشــر ** وطن من نمولـي لي حلفا
وطن بالوحدة يتعافــى ** ربوعــــــــــو تعمهــا الإلفــة
يقيف ناهض على حيلـو
شمالو البي الجنـوب قـوَّة ** جنوبـو مع الشمال خُوَّة
غربـو اللشــــرق يهوى **وشرقو مع الغـرب يقوى
سلام .. .. والناس تناديلو
وطن ما فيهو قبليـــــة ** ولا نزعــــــــــــة إنفصاليــة
وطن زنجيتو عربيـــــة ** وعروبتو السمــــــرا زنجيــة
سوا سوا .. كلُّو حريـة
سوا سوا يا بجــة ونوبة ** سوا سوا .. فور وشايقيـة
مسيرية وشلك ، دينكــا ** سوا سوا زانـــدي ، لاتوكا
وطن حق كل زول .. هولو
سوا سوا صحرا والغابة ** سوا سوا وحـــــدة نرضابا
سوا سوا نخلة وابنوســة**روا روا فوق ضفــاف نيلو
وطن واحد .. ولا غـيرو ** جميــع نتهنى بـي خيــرو
نغــني مع عصافيـــرو ** وننقـــرش فـي طنــابــيـرو
نصفق له ونراقصو نشيل شبابيلو
[/cneter]
ويقول الشاعر السر عثمان في قصيدة أخرى بعنوان : (آه يا بلد)
آه يا بلد
يا راقـداً قـدام عيونـي نهـر عسـل
وتـــرعــــة لــــبــــن
أنـا ليـك أشابـي وبـيـك أهـاتـي
وضـمـه مــا قـــادر أصـــل
حوريه من الجنه فـوق وجـه الأرض
يـا دي السماحـه ويــا الـعـرض
انـا قلبـي بـى دوب حبـك انــت
الـنـار تحـرقـو تــب نـجــض
لهـفـان علـيـك آه يـــا بـلــد
جــــاي مــــد ايــديـــك
جيـب حضنـك الـدافـي الحـنـون
ابــقــالـــي عــــــــون
انــــا مـــــا ولــيـــدك
خافـلـي يــا وطـنـي الجـنـون
الــبــعـــد عــــنــــك
ربى فى فكـري الهلاويـس والظنـون
مــا بـيـن شـجـون وشـجــون
وحاتـك كـل يـوم تـزداد شـجـون
متل العصيفير صرت وكت الريح تولول
تلقا حـاس مندسـي بينـات الغصـون
إن طــــــار يـــخــــاف
كيفن مصيرو مع الرياح باكـر يكـون
وان حــــــاول الـــنـــوم
تلقى نومو تملـى فـار مـن العيـون
آه يــــــــا بــــلـــــد
لــــــولا الـــظــــروف
والله فـرقــك مـــاب يـهــون
وهذه قصيدة أخرى بعنوان : (القدم كان ليهو رافع)
الـــــقـــــدم كــــــــــان لـــيـــهــــو رافــــــــــع
قــــــاســــــي فــــــرقــــــك يــــــــــــوم اوادع
لــــــو فـــضــــل فـــــــي الــعــمـــر ثــانــيـــه
تانـي لابـد ليكـي ارجـع تانـي راجـع يــا بــلادي
ان نــســـيـــت مــــــــاب انــــســــي مـــــــــرة
كـــيـــف فــــــى بـــعـــدك ضـــقـــت مـــــــرة
كــــــان اخـــيــــر لـــــــى اقـــعــــد هـــنــــاك
اعيش ولو بى كسري مرة تبقي حلوى في بلادي
عــشـــت يــــــوت فــــــى الــغــربــة امـــنـــح
ابــــكــــى طـــــــــول الـــلـــيـــل وانـــــــــوح
كـــــــــل ســــاعـــــه اتـــمـــنـــى ارجــــــــــع
امشي اشد رحلي واروح امشي اروح لى بلادي
شـــــــــــان اشــــــــــــوف دار الأحــــــبــــــه
اصـــطـــفـــاهـــا الــــقــــلــــب وحـــــــــــــب
فــــيــــهـــــا اتـــــــرعـــــــرع تـــــــربـــــــي
بيـن حنـان خلانـو شـب شـب عاشقـك يـا بـلادي
إن عــــــطــــــش يــســقــيـــهـــو نــــيــــلــــك
أكــــلـــــو مـــــــــن ثــــمـــــرات نــخــيــلـــك
يــــاحــــلاتـــــك ويــــــــــــــا حـــلـــيــــلــــك
والقمر يلصـف فـي ليلـك ويـن مثيلـك يـا بـلادي
يـــــــــا حــبــيــبـــه تـــعـــالــــي شـــــوفـــــي
شـــوفــــي كـــيــــف حـــالــــى وظــــروفــــي
شـــوقـــي نــــــار تـــوقـــد فــــــي جـــوفــــي
حار على فراق ولوفـي خوفـي تنسـي يـا بـلادي
خــــوفــــي تــنـــســـي حــــنــــان ولــــيـــــدك
فـــاكـــري إنــــــو مــــــرق مـــــــن إيـــــــدك
راح جـــــفـــــاك واخـــــتــــــار ســـــــــــواك
وقلبو تب ما عاد يريدك حاشا حاشـاى يـا بـلادي
انــــــــــت لــــــــــى عـــيـــنــــي نـــــــــــورا
بــهـــجـــة الــــــــروح كـــــــــل ســـــــــرورا
جــــنــــتـــــي الــــغـــــنـــــت طـــــــيـــــــورا
زهرتي الفاحت عطـورا والفـؤاد عابـدك عبـادي
|
Post: #17
Title: Re: دولة الشابقية العظمى
Author: Yasir Aloob
Date: 06-15-2009, 06:35 PM
Parent: #15
الناس بتقول للشايقية (كسب و شتيمة) الشايقى أن نجح للعسكرية و أن فشل للطورية ,
ما عارفين انوا الوقت الاتقال فيهوا الكلام دة ما كان فى حاجة اسمها وظيفة
يعنى ما كان فى معلم لانو ما كان فى مدارس.
ما كان فى طبيب لانوا ما كان فى كلية طب
ما كان فى محاسب بس كان فى سنجك
يلا نقيم دولته عظمى ... انشاء الله نسميها مهيرة
|
Post: #18
Title: Re: دولة الشابقية العظمى
Author: على محمد على بشير
Date: 06-15-2009, 06:54 PM
Parent: #17
الحاجات التانيه دى ما عارفا غايتو
لكن المشروع الزراعى عندنا فى ابورنات
وح نكون سلة غزاء السودان
فى حد معترض ..
|
Post: #19
Title: Re: دولة الشابقية العظمى
Author: amar adam
Date: 06-15-2009, 10:41 PM
Parent: #18
ابو رنات رمز وتاريخ القضاء السودانى وهنالك فى ابو رنات التى تتوسط القرير وتنقاسى يلتقى مشروع تنقاسى الكبرى مع امتداد مشروع القرير الزراعى والحدائق الغناء وانواع الفواكه والخضروات والقمح والتصدير عبر مطار مروى الدولى .بل قل سلة غذاء الدنيا والعالمين.
|
Post: #20
Title: Re: دولة الشابقية العظمى
Author: عبدالمجيد الكونت
Date: 06-18-2009, 08:52 AM
Parent: #19
أهم حاجة ياعمار الدستور الديمقراطي
|
Post: #21
Title: Re: دولة الشابقية العظمى
Author: عبدالمجيد الكونت
Date: 06-18-2009, 08:55 AM
Parent: #20
وحكم زاتي لمناطق البديرية
|
Post: #22
Title: Re: دولة الشابقية العظمى
Author: عبدالمجيد الكونت
Date: 06-18-2009, 10:47 AM
Parent: #21
واتفاقية مياه نيل جديدة
|
Post: #23
Title: Re: دولة الشابقية العظمى
Author: Yasir Aloob
Date: 06-18-2009, 01:49 PM
Parent: #22
وراء جبل البركل نعمل مصفاءة البترول
و الخزان دة لو ا طلع كهرباء نكاوش عليها
و اى واحد ما شايقى لازم يعمل فيزة زيارة
.................................................
انا سمعت انوا نتنياهوا دة فى الشايقية الكلام دة صاح
|
Post: #24
Title: Re: دولة الشابقية العظمى
Author: amar adam
Date: 06-18-2009, 04:54 PM
Parent: #15
هذه الارض التى تفام عليها الاهرامات هى ملك للشايقية ولم ينازعهم فيها احد وكل ما عليها من اثار هى اثار الشايقية الذين هم مزيج النوبا والبجا . الشلوخ التى على وحوه الشايقية عاداتهم فى الافراح والاتراح واسماء مناطقهم وادواتهم واسمائهم انا جدى لابى اسمه(حنك) بكسر النون.
|
Post: #25
Title: Re: دولة الشابقية العظمى
Author: عبدالمجيد الكونت
Date: 06-18-2009, 07:16 PM
Parent: #24
تعليم مجاني
وتامين صحي لي كل مواطن
|
Post: #26
Title: Re: دولة الشابقية العظمى
Author: Zakaria Joseph
Date: 06-18-2009, 07:39 PM
Parent: #25
|
Post: #27
Title: Re: دولة الشابقية العظمى
Author: amar adam
Date: 06-18-2009, 10:23 PM
Parent: #5
انا لا اتكلم باسم الشايقية ولكننى اتكلم باعتبارى احد ابناء الشايقية فى ارض القرير اطلقت اول صرخة للحياة لحظة الميلاد وفبها ولد ابى وجدى وجد ابى وجد جدى وجد جد ابى ولا ينقطع هذا الوصل ابدا الا يحق لى بعد هذا كله ان اتحدث كشايقى انى اصلى الممتد يبدا هنا وينتهى هنا ابى محمد ادم وجدى ادم خليفة ويستمر هذا النسب حتى الملك حنك ملك الشايقية اذن فانه يحق لى ان اتحدث كشايقى والشايقية لا يحتاجون لئن يتحدث احد نيابة عنهم اوباسمهم ومن حق اى شايقى ان يقول ما اقول اويقول غيره وفرسان الشايقية الاشاوس سيعودون على صهوات الجياد الغير فكن منهم وفى البركل رمز السيادة والفخر والعزة وهنا فقط لا نوافق حسونه حين قال:
البركل شنو الجبل اب شريم
ات جبل ابنعوف الساد لآ حزيم
عمار محمد ادم
|
Post: #28
Title: Re: دولة الشابقية العظمى
Author: عبدالمجيد الكونت
Date: 06-21-2009, 09:31 AM
Parent: #27
يازول قول العايز تقولوا
|
Post: #29
Title: Re: دولة الشابقية العظمى
Author: عصام علي أحمد
Date: 06-21-2009, 12:27 PM
Parent: #28
تمثال الحرية في الزومة
ونوري عاصمتنا الثقافية
وجسر يربط الاراك والباسا (ده ضروري جدا )
|
Post: #30
Title: Re: دولة الشابقية العظمى
Author: Nasruddin Al Basheer
Date: 06-21-2009, 12:35 PM
Parent: #29
| Quote: يقميمون دولتهم العظمى قوامها الارض والانسان والتاريخ والحضارة والنيل عند سفح جبل البركل المقدس اثارهم واهراماتهم فى نورى |
أظنك إنت يا عمار من الشايقية الزاهدين..
|
Post: #31
Title: Re: دولة الشابقية العظمى
Author: amar adam
Date: 06-21-2009, 11:42 PM
Parent: #29
فى الزومة كلية الطب والمختبرات الطبية والتمريض العالى ..جسر الاراك والباسا لربط المدينة المقدسة وضريح شيخنا ود ابراهيم مع الباسا حيث تقام اعظم الفنادق والمناطق السياحية والاسواق الحرة!!!!
|
Post: #32
Title: Re: دولة الشابقية العظمى
Author: عبدالمجيد الكونت
Date: 06-22-2009, 09:22 AM
Parent: #31
البرلمان ومقر الحكومة في مروى ودويم ودحاج
|
Post: #33
Title: Re: دولة الشابقية العظمى
Author: amar adam
Date: 06-22-2009, 09:56 AM
Parent: #32
مروى العاصمة السيادية فيها الرئيس ودواويين الدولة والسفارات الاجنبية طبعا القصر الجمهورى والوزارات اما ديوم ود حاج فانها (قم) الشايقية العاصمة الدينية فيها دور العلم واكاديمية التصوف العليا واماكن العبادة والقيادة العلمية الدينية والعلماء اما القبادة الروحية فى الاراك.
|
Post: #34
Title: Re: دولة الشابقية العظمى
Author: عبدالرحمن الحلاوي
Date: 06-22-2009, 10:11 AM
Parent: #32
أهلنا البديرية ما تنسوهم ..
|
Post: #35
Title: Re: دولة الشابقية العظمى
Author: عصام علي أحمد
Date: 06-22-2009, 01:08 PM
Parent: #34
الحلاوي وينك مشتاقووووون
| Quote: أهلنا البديرية ما تنسوهم .. |
البديرية عليهم بدفع الجزية لدولتنا الحبيبة
سنعاملهم معاملة (البدون ) الي حين اشعار اخر
|
Post: #36
Title: Re: دولة الشابقية العظمى
Author: فايزودالقاضي
Date: 06-22-2009, 02:20 PM
Parent: #35
اها نحن شايقية كسلا مصيرنا شنو ياجماعة ؟!! نسيب سواقينا الــ3000 لمنو ؟!! نسيب الخضرة والجبال والقاش والجمال كيف ؟!!! ياعمار عمرنا الباقي لينا لينا مادايرين نقضيهو في صحاري الشمال ...
نحن مع ناس كسلا نكون دولتنا ...
|
Post: #37
Title: Re: دولة الشابقية العظمى
Author: amar adam
Date: 06-22-2009, 10:02 PM
Parent: #36
الجالية الشايقية فى ارض البجا فى اطار العلاقة الاستراتيجية ما بين امبراطورية البجا ومملكة الشايقية فى اطار المصالح المشتركة بين الشعبين.
|
Post: #38
Title: Re: دولة الشابقية العظمى
Author: طارق عمر مكاوي
Date: 06-23-2009, 08:31 AM
Parent: #37
منفستـو الهمـباته !
|
Post: #39
Title: Re: دولة الشابقية العظمى
Author: amar adam
Date: 06-23-2009, 09:07 AM
Parent: #35
من دخل دولة الشايقية فهو أمن.
|
Post: #40
Title: Re: دولة الشابقية العظمى
Author: Tabaldina
Date: 06-23-2009, 09:14 AM
Parent: #39
..
.
دىالحاجات الزرعت العنصرية فى نفوسنا..
الشايقة العظمى والزغاوة الكبرى .. الخ
كنا نتعبر الامر مجرد حكاوى الا انا وجدناهو واقعاً معاشا ..
________
بختكم تترترو لوراء وشلوخكم لوراء
وماشين لقدام .. الله يخلى ليكم الجاز ..
|
Post: #42
Title: Re: دولة الشابقية العظمى
Author: amar adam
Date: 06-23-2009, 09:49 AM
Parent: #40
(كلو زول فوق بلدو بيقول)
|
Post: #41
Title: Re: دولة الشابقية العظمى
Author: عبدالرحمن الحلاوي
Date: 06-23-2009, 09:20 AM
Parent: #39
| Quote: الحلاوي وينك مشتاقووووون |
عصام كيفك والعيال ؟؟ على وشك السفر يا زول إلى السودان مع بدايات يوليو ، جاينك ومعي ( مواطن ) من الكاسنجر أو خليتو اتصل بك في ( العوير) ...دايرلو دافر يشيلو بو الخدار لكريمي .
____________________
البديرية معقولة بدون !! يا أخي ناس قنتي ديل ..أجيب ليك عمك الفاضل عباس ولا أخوه هنا Nasr يعملو ليكم تمرد ويدخلو الجروف .
|
|