Post: #1
Title: سيرة الذاتية C.V
Author: أبو عبيدة البصاص
Date: 06-11-2009, 08:23 AM
شوفوا هذا الشاب كيف عمل السيرة الذاتية له ،
هو عمل البيانات بشكل رسوم متحركة مع موسيقى على الانترنت
ومن خلال هذا العمل استقبل عروض وظائف من اكثر من 180 شركة
واكثر من مليون شخص شافوا هذا السي في
http://www.paradoxware.com/alstudio/cv/en.htm
الان عرفت لماذا تكثر البطالة لدينا
|
Post: #2
Title: Re: سيرة الذاتية C.V
Author: أبو عبيدة البصاص
Date: 06-11-2009, 08:24 AM
Parent: #1
صحي نحنا ناس نجهل كيف نعرف بانفسنا
|
Post: #3
Title: Re: سيرة الذاتية C.V
Author: omer osman
Date: 06-11-2009, 09:59 AM
Parent: #2
ده زول لعبنجي ... انا لو عندي شركة ما بشغلو ههههههههههههههههه
|
Post: #4
Title: Re: سيرة الذاتية C.V
Author: أبو عبيدة البصاص
Date: 06-12-2009, 10:01 PM
Parent: #3
.
.
.
| Quote: ده زول لعبنجي ... انا لو عندي شركة ما بشغلو ههههههههههههههههه |
يكون اغلب موظفينا داخل السودان من العاطلي
المواهب والعطاء والمبادرة والابتكار ما ان يخرجوا
من هذا البلد حتى جدهم شهب من النجاح تضي سماوات
الدنيا ويكفي من وصلت اخبارهم الى صدر هذا المنبر
ياصديقي عمر عثمان
مثله تنفع معه الادارة بالاهداف
لا دفاتر توقيع الحضور والانصراف التي كثيراً
ما تشعرني بعمليات جرد القطيع لحظات ذهابه وعودته من المرعى
وحتى عمليات الجرد الغبية تكون من أصل وصورتين
لنا الله ياصديقي
البصاص
|
Post: #5
Title: Re: سيرة الذاتية C.V
Author: خدر
Date: 06-12-2009, 11:28 PM
Parent: #4
| Quote: الان عرفت لماذا تكثر البطالة لدينا |
يا باشمهندس
شنو ياخي قايم بي نمرة 5 كده ؟؟
يا سيدي اسباب البطالة الفي السودان ماعندها علاقة بـ creativity بتاعت المواطن السوداني
هو المواطن ده عندو شنو يخليهو يبقي كرييتيف ؟
و لو بقي كرييتف الضمان شنو انو ما يتم زرزرتو و كشف حالو
عن حزبو و شعبو و قناعاتو في بلد زي السودان ؟
ابوعبيدة انت بي جَدكـ ؟؟
ذكرتني نكتة (خلف الله) و (تامر) الدخلو إنترفيو لي جوب في إحدي الشركات السودانية و سألوهم
اللجنة : ما اسم الترزي والد الطفل الصومالي الذي وُلد في مقديشو في 1987 ؟
خلف الله : عِيديد
اللجنة : إجابة خطاء
اللجنة : ما هي بلد المليون شهيد ؟
تامر : الجزائر
اللجنة : إجابة صحيحة , شاطر يا تامر
الجنا ابو (180 شَركة) الجبتو لينا ده بتاع كمبيوتر سينس يعني (بلعب في ارضو و وسط جمهورو)
في مليون برنامج في النت ده ممكن تكتب ليها كلامكـ و يغنيهو ليكـ بي اصوات مُغنيين عالميين
مثال
ابوعبيدة
بوستكـ ده لو عاوز تقول انو اولادنا خيبانين , بوست غير مُوفق و لو عاوز تقول انو اولاد الاجانب
اشطر مِننا برضو يظل بوست غبيان. يا ابوعبيدة سوق العمل و النيت وييركـ داخل و خارج السودان
شرطهم الرئيس ما شطارتكـ و إلماملكـ بي دهاليز الكارير بتاعكـ بس , في إعتبارات تانية كتيرة
بتدخل هنا حتي وإن اختلفنا معاها انا و انت.
|
Post: #6
Title: Re: سيرة الذاتية C.V
Author: أبو عبيدة البصاص
Date: 06-13-2009, 03:48 PM
Parent: #5
Quote: بوستكـ ده لو عاوز تقول انو اولادنا خيبانين , بوست غير مُوفق
و لو عاوز تقول انو اولاد الاجانب اشطر مِننا برضو يظل بوست غبيان.
يا ابوعبيدة سوق العمل و النيت وييركـ داخل و خارج السودان شرطهم الرئيس
ما شطارتكـ و إلماملكـ بي دهاليز الكارير بتاعكـ بس , في إعتبارات تانية كتيرة
بتدخل هنا حتي وإن اختلفنا معاها انا و انت. |
خدر اخوي
ما تشوت الكوره ضفاري بعدين ما نقدر نجيبه
الامر من وجهة نظري نحن شعب لايعرف كيف يقدم نفسه
ولا كيف يروج لأمكاناته اقول هذا وتحضرني قصة لأحد السودانيين
قدم للالتحاق باحدى الشركات الشرق الاوسطية وكان الاكثر خبرة ومؤهلات
لكنه اتى للانترفيو لابس شبشب وقميص نص كم وما شاكيهو حتى !!!!
وكان كل المتقدمين من سوارنه ولبنانين والذي يدير الانترفيو احد مديري
الشركة وهو سويسري يعني ما كوز ولا بتاع واسطات ..
اتدري ما الذي حدث تم اختيار احد غيره وهو الاجدر ليس الا
وعقب ذلك اخبره المدير السويسري انه تم استبعاده لانه اتى للمقابله بصورته النمطية
وليس الصورة التي يجب ان يكون عليها مدير فرع الشركه ...
الاخرين الذين تقدموا للعمل باحد الفنادق الحديثه بالسودان وايضاً مديري المقابلات للتعيين
كانوا غير سودانيين وهالهم فقر الشاب السوداني المعرفي حتى في مجال تخصصه
وكثيرا ما نتجه جميعنا للتبرير بان التعليم العالي و ..و .. لكن الذي يحضرني ان من بينهم
ومن ذات جامعاتهم وكلياتهم تم تعيينهم من قبل ذات الاجانب وفي ذات الفندق لا تقول لي انها الواسطة
فقط لانه كل واحد من هولاء المقبولين عمل على تطوير مهاراته ما رمى تيراب السنه الاخيرة جامعة
ورجاهو يبتق ليهو وظيفه ومكتب وعربية ..
انما عمد الى تأهيل انفسه في اللغة في الحاسوب وغيرها من المهارات اللازمه
كما أجتهد في تقديم نفسه والترويج لها حتى داخل المقابله
بكون شايل هم يسالهوهو من السؤال بتاع عيديد مع العلم ليس المهم الاجابة الصحيحة عن السؤال
بقدر ماهو البحث عن التفكير الابداعي والسلوك العام والمقدره على التواصل والاتصال
وكافة المهارات التي تؤهل لشغل الوظيفة المعينه ..
خدر ولدي لاتفاق سابق بان تكون ولدي :
ياخي نحنا والله في حتى في الحرف والاعمال المهنية
بتلقانا ناس خلاقين جداً لكن لما نجي لي حته التشطيب الاخيره
تلقانا بنجوطه زي حبيبنا بتاع الشركة الاوطسة الطار رغم شطارتو
وابقى عافية
البصاص
|
Post: #7
Title: Re: سيرة الذاتية C.V
Author: قيقراوي
Date: 06-13-2009, 10:41 PM
Parent: #6
Quote: لا تقول لي انها الواسطة
فقط لانه كل واحد من هولاء المقبولين عمل على تطوير مهاراته ما رمى تيراب السنه الاخيرة جامعة
ورجاهو يبتق ليهو وظيفه ومكتب وعربية ..
انما عمد الى تأهيل انفسه في اللغة في الحاسوب وغيرها من المهارات اللازمه
كما أجتهد في تقديم نفسه والترويج لها حتى داخل المقابله
بكون شايل هم يسالهوهو من السؤال بتاع عيديد مع العلم ليس المهم الاجابة الصحيحة عن السؤال
بقدر ماهو البحث عن التفكير الابداعي والسلوك العام والمقدره على التواصل والاتصال
وكافة المهارات التي تؤهل لشغل الوظيفة المعينه ..
خدر ولدي لاتفاق سابق بان تكون ولدي :
ياخي نحنا والله في حتى في الحرف والاعمال المهنية
بتلقانا ناس خلاقين جداً لكن لما نجي لي حته التشطيب الاخيره
تلقانا بنجوطه زي حبيبنا بتاع الشركة الاوطسة الطار رغم شطارتو |
كلام في التنك يا بصاص
المسألة ماركتينغ = استجداء قبول راسو عديل . . . ؤ كدا
لكن عاد نسوي شنو للشخصية السودانية ( الممتازة ) ؟ تلقى الواحد شايل وريقات و كرتون (شهادات ) و معتمد عل شهادات معنوية تانية متمثلة في صفات جميلة ( جواه ) لكن غير معبر عنها اطلاقا ، او في احسن الفروض يعتمد على ذاكرة جمعية تاريخية كانت محتفظة لينااو قول محتكرة لينا عديل - على الاقل في الخليج - كل الفضائل الانسانية غير عابئ ، بل و متجاوز لفعل تأريخانيتها من اساسو .
كلامك عن المعاينة و معايير القبول 100% و في السلك عديل ، يا زول في ناس برموها في وشك عديل : sell yourself طبعا انا مع العرب ديل بالذات قاعد اتحسس من قصة بيع الانفس و الثمرات دي و بستحضر تاريخ الرق و الاستعمار طوالي 
كمان شغلتنا دي جايبة ليها دروشة و زهد وتقشف غير مبرر حتى في الملبس !! تعرف اخدنا اسوأ ما في الصوفية !!!
تلقى الواحد جاي كايش بي مركوب او كبك او كدارة كورة عديل بدون شراب كمان !! وقاشط القميص برا فنيلة داخلية او بفنيلة كورة خدراء !! كرهتونا ياخ ! ما بال الواحد اشعث اغبر و يكورك وظيفة ... وظيفة ؟ فانّا يستجاب لهو ؟!
لكن يا بصاص يا اخوي الكلام دا في بلاد بره . . . بلاد جوه ياهو كلام اخونا خدر دا ذاتو بي شناتو !! تصدق ؟
ودا عن تجربة ، اتقفلت في وشنا كل ابواب الرزق . . . بلاد الغربة كانت حتماً لا خيارا . و على معكوس قول الشاعر ان شاء الله ما تعقر لانها احتضنتنا و ادتنا الما ادتنا ليهو بلدنا ، كمان المحظوظين اتوفرت ليهم كرامة و حرية و حقوق عديل - وهذي لا يلقاها الا ذو حظ عظيم - الوضع دا بنتهكنا و بيوهطت السؤال : ما المنفى . . . و ما هو الوطن ؟
------------------
يا طارق يا فنان شكرا على الرابط ياخ . و الله ( اتشرفت ) زي الترتيب و خليت ليك خالتو Gina تغني لي : " قيقراوي مبسوط مني عشان انا بريد فني "
|
|