Post: #1
Title: طالبة «تتزوج» من زميلتها خلال يوم مفتوح و سودانية عقدت النكاح
Author: محمد الامين احمد
Date: 06-10-2009, 05:55 PM
Parent: #0
Quote:
كشفت طالبة سعودية عن زواج طالبة يمنية من أخرى مغربية بإحدى مدارس العاصمة الرياض خلال يوم مفتوح.
ونقلت صحيفة "الرياض" السعودية، في عددها الصادر اليوم، عن الطالبة غادة قولها: "بعد التحاقي بالمرحلة الثانوية في المدرسة التي أدرس فيها والتي تضم عدداً كبيراً من الطالبات من جنسيات عربية، منها المغربية واليمنية والسودانية والمصرية، وجزءً بسيطاً من الطالبات السعوديات، وخلال دراستي في هذه المدرسة لم أكن مقتنعة ببعض السلوكيات التي تصدر من الطالبات داخل المدرسة، وكانت تلك المخالفات في حدودها الطبيعية".
وأوضحت "الأسبوع الماضي تطورت الأمور عندما قامت زميلة لي (مغربية) في الصف الثاني الثانوي بإعلان زواجها من طالبة أخرى في الصف الثالث الثانوي (يمنية) كانتا تربطهما علاقة حب سابقة، فيما قامت طالبة سودانية بكتابة عقد النكاح".
وأضافت "في غياب رقابة المدرسة ، قامت الطالبات بالصعود للدور الثالث في يوم مفتوح وقامت طالبة سودانية بعقد النكاح وسط حضور الطالبات وتم الرقص ووضع الشموع"،وتابعت "ووضعن الدبل وإقيمت مراسم الفرح بالمدرسة".
|
اضغط هنا للذهاب الى المصدر
|
Post: #2
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: د.نجاة محمود
Date: 06-11-2009, 02:58 AM
Parent: #1
سلامات يا محمد
عدم الرعاية النفسية للاطفال بحيث ينتظر الاهل مرور الزمن ليكبرالاطفال بفعل الزمن دون رعاية حقيقية
يجعل هذه البنت السودانية تقوم بعقد نكاح لللسبيان
ولا ترى تثريب في ذلك
خبر مخيف جدا
|
Post: #3
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: abubakr
Date: 06-11-2009, 03:39 AM
Parent: #2
ربما لم يتعدي هذا مجرد تسلية بريئة تحدث في تجمعات الاطفال وكثيرا ما نراهم يقلدون مناسبات عامة بغرض التسلية ...اعتقاد سوء النية بناء علي وجهة نظر واحدة (الطالبة التي نقل عنها الموضوع) لايجعله حقيقة ...كا يجب التخقق التام مما حدث قبل نقله اعلاميا ونقله الي المنابر الاسفيرية ...
|
Post: #4
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: صباح حسين طه
Date: 06-11-2009, 06:04 AM
Parent: #3
من يفهم عنصرية السعوديين والسعوديات وحديثهن عن السحر الذي تمارسه الخادمات عليهن وفساد النساء غير السعوديات يفهم من أين تنطلق هذه السيدة في حديثها لاحظ كيف تمهد الكلام بأن المدرسة معظمها عربيات والسعوديات قلة وهذه إشارة إلي ذم خفي للمدرسة بأنها غير منضبطة ثم انني اتفق مع الأخ أبوبكر في حديثه عن أن ما تم لا يعدو الهزل والجميع يعلمن عاقبة هذا السلوك الذي لن يخفي علي هيئات الأمر بالمعروف والنهي عن المنكر فسيكون قتلا أو رجما وإقفال للمدرسة...ثم أنه كيف ستتساكن مثليتان في السعودية التي تمنع سكن الأنثي بغير محرم إنه هزل ولكنه يستخدم في إطار النزعة الإستعلائية العنصرية في النكاية بالأجنبيات في السعودية
|
Post: #5
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: خدر
Date: 06-11-2009, 06:47 AM
Parent: #4
| Quote: ربما لم يتعدي هذا مجرد تسلية بريئة تحدث في تجمعات الاطفال وكثيرا ما نراهم يقلدون مناسبات عامة بغرض التسلية ...اعتقاد سوء النية بناء علي وجهة نظر واحدة (الطالبة التي نقل عنها الموضوع) لايجعله حقيقة ...كا يجب التخقق التام مما حدث قبل نقله اعلاميا ونقله الي المنابر الاسفيرية ... |
|
Post: #7
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: محمد الامين محمد
Date: 06-11-2009, 07:57 AM
Parent: #5
Quote: Quote: ربما لم يتعدي هذا مجرد تسلية بريئة تحدث في تجمعات الاطفال وكثيرا ما نراهم يقلدون مناسبات عامة بغرض التسلية ...اعتقاد سوء النية بناء علي وجهة نظر واحدة (الطالبة التي نقل عنها الموضوع) لايجعله حقيقة ...كا يجب التخقق التام مما حدث قبل نقله اعلاميا ونقله الي المنابر الاسفيرية ...
|
|
Post: #17
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: Al-Shaygi
Date: 06-11-2009, 04:44 PM
Parent: #4
>
Quote: من يفهم عنصرية السعوديين والسعوديات وحديثهن عن السحر الذي تمارسه الخادمات عليهن وفساد النساء غير السعوديات يفهم من أين تنطلق هذه السيدة في حديثها لاحظ كيف تمهد الكلام بأن المدرسة معظمها عربيات والسعوديات قلة وهذه إشارة إلي ذم خفي للمدرسة بأنها غير منضبطة ثم انني اتفق مع الأخ أبوبكر في حديثه عن أن ما تم لا يعدو الهزل والجميع يعلمن عاقبة هذا السلوك الذي لن يخفي علي هيئات الأمر بالمعروف والنهي عن المنكر فسيكون قتلا أو رجما وإقفال للمدرسة...ثم أنه كيف ستتساكن مثليتان في السعودية التي تمنع سكن الأنثي بغير محرم إنه هزل ولكنه يستخدم في إطار النزعة الإستعلائية العنصرية في النكاية بالأجنبيات في السعودية
|
لقد أصبت عين الحقيقة صباح حسين...
الشايقي
http://www.youtube.com/watch?v=WjNosdjuv7s
فاوضني بلا زعل
[email protected]
http://alkatwah.com
.
|
Post: #6
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: عبير خيرى
Date: 06-11-2009, 07:37 AM
Parent: #3
من يفهم عنصرية السعوديين والسعوديات وحديثهن عن السحر الذي تمارسه الخادمات عليهن وفساد النساء غير السعوديات يفهم من أين تنطلق هذه السيدة في حديثها لاحظ كيف تمهد الكلام بأن المدرسة معظمها عربيات والسعوديات قلة وهذه إشارة إلي ذم خفي للمدرسة بأنها غير منضبطة ثم انني اتفق مع الأخ أبوبكر في حديثه عن أن ما تم لا يعدو الهزل والجميع يعلمن عاقبة هذا السلوك الذي لن يخفي علي هيئات الأمر بالمعروف والنهي عن المنكر فسيكون قتلا أو رجما وإقفال للمدرسة...ثم أنه كيف ستتساكن مثليتان في السعودية التي تمنع سكن الأنثي بغير محرم إنه هزل ولكنه يستخدم في إطار النزعة الإستعلائية العنصرية في النكاية بالأجنبيات في السعودية
|
Post: #8
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: ريهان الريح الشاذلي
Date: 06-11-2009, 08:40 AM
Parent: #6
بأفتراض صحة الحدث
اهنئ المراة السودانية وهي تقتحم الدوائر الذكورية وتعمل كمأذون ...
يبدو ان النساء الصمت صرن انفجارا
|
Post: #9
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: د.نجاة محمود
Date: 06-11-2009, 10:30 AM
Parent: #8
Quote: بأفتراض صحة الحدث
اهنئ المراة السودانية وهي تقتحم الدوائر الذكورية وتعمل كمأذون ...
يبدو ان النساء الصمت صرن انفجارا |
يعني يا ريهان مافي مشكلة في قصة الشذوذ الجنسي مادام الماذون امرأة
سقف احلام المرأة السودانية ادنى جدا كونها تبقى مأذون للسبيان..
| Quote: يبدو ان النساء الصمت صرن انفجارا |
فاليخجرن كل النساء من الكلوزت ويعلنن انهن لسبو..
حتى يصبح الصمت انفجارا..
(زول مدردق)
|
Post: #10
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: محمد مختار جعفر
Date: 06-11-2009, 11:54 AM
Parent: #8
Quote: بأفتراض صحة الحدث
اهنئ المراة السودانية وهي تقتحم الدوائر الذكورية وتعمل كمأذون ...
يبدو ان النساء الصمت صرن انفجار |
؟؟؟؟؟؟؟!!!!!!!!
هذا الخبر إن كان مغزاه صحيحا أو غير صحيح ، فهو يفتح بابا فى
المسكوت عنه و الذى لا يبوحون عنه فى بعض مدارس وكليات البنات من سلوكيات سيئة
وهذا موجود فى الكثير من البلاد العربية وغير العربية ولصعوبة التحقيق فيه أو ضبطه
بأدلة أو براهين ،
لذلك فهى من الأشياء الصعبة مراقبتها خاصة فيما يحدث بين بنت وبنت أو إمرأة وإمرأة
وما أكثرها فى زماننا هذا ، ... اللهم لطفك ...
|
Post: #11
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: ريهان الريح الشاذلي
Date: 06-11-2009, 02:11 PM
Parent: #10
| Quote: يعني يا ريهان مافي مشكلة في قصة الشذوذ الجنسي مادام الماذون امرأة |
يا دكتورة سلامات ومن داخل الدردقة نرد عليكي
اولا انا قلت انو بختنا انتصرنا في حقل محتكر للذكور الا وهو عمل المراة كمأذون وما اتكلمت عن النوع بتاع العروسين كان رجال ولا نسوان ولا رجال ونسوان وبعدين سقف الطموحات البيوصلنا لمرحلة ماذون في مجتمعات جمع المذكر السالم سقف محترم وجدير بالاحتفاء ، فرجاءا ارجعي للمداخلة واقريها بتاني بعيدا عن روح المؤامرة تجاه المثلية الجنسية .
Quote: فاليخجرن كل النساء من الكلوزت ويعلنن انهن لسبو..
حتى يصبح الصمت انفجارا.. |
معليش يا دكتورة لكن هل موضوع المثلية حايص ليكي وراجية اي زول يقول كلام وترفعي شعارات مضادة ؟؟ انا اثق في قدرتك علي فهم مداخلات الناس بصورة صحيحة فهل غلبتك حقتي المتواضعة؟؟
|
Post: #12
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: د.نجاة محمود
Date: 06-11-2009, 04:15 PM
Parent: #11
Quote: يا دكتورة سلامات ومن داخل الدردقة نرد عليكي
اولا انا قلت انو بختنا انتصرنا في حقل محتكر للذكور الا وهو عمل المراة كمأذون وما اتكلمت عن النوع بتاع العروسين كان رجال ولا نسوان ولا رجال ونسوان وبعدين سقف الطموحات البيوصلنا لمرحلة ماذون في مجتمعات جمع المذكر السالم سقف محترم وجدير بالاحتفاء ، فرجاءا ارجعي للمداخلة واقريها بتاني بعيدا عن روح المؤامرة تجاه المثلية الجنسية . |
اولا ديما حاجة حنحتفي بيها لانها ما مأذونة بامر من الحكومة اومسجلة
عشان نقولا انجاز واعجاز.. دي واحدة منحرفة مع منحرفات عقدت لمنحرفات
نكسر الطوق لما نسجل انفسنا كمأذونات كما حدث في مصر مثلا..
لكن في لمة شذوذ جنسي اكيد ماسقف طموح ولاكسر حاجز في مجتمعات جمع المذكر السالم
رجعت للمداخلة وقريتها وفهمتها ورديت عليها..
| Quote: معليش يا دكتورة لكن هل موضوع المثلية حايص ليكي وراجية اي زول يقول كلام وترفعي شعارات مضادة ؟؟ انا اثق في قدرتك علي فهم مداخلات الناس بصورة صحيحة فهل غلبتك حقتي المتواضعة؟؟ |
انا مافي حاجة بتحيص لي وما راجية اي زول يتكلم عنها
لكن حقا بدهشني جدا لما تجي واحدة تكتب عن المأذونة بتاعة اللسبيان مرأة
وتحتفي بذلك..كأنه انجاز حقيقي...
|
Post: #13
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: خالد عبد الله محمود
Date: 06-11-2009, 04:22 PM
Parent: #12
يعني خلاص يا دكتورة أنت أتأكدت من الموضوع و رحت تصفي البنات بالمنحرفات ؟؟؟
قد يكون الموضوع مجرد لعب و لهو برئ
وقد لا يكون حدث أساساً و مجرد مكيدة من الطالبة السعودية
قد يكون الموضوع مفبرك أساساً من الصحيفة لزيادة حجم التوزيع
موقفكـ غريب يا دكتورة و ما قادر أفهمــــو ؟؟؟
|
Post: #14
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: مؤيد شريف
Date: 06-11-2009, 04:25 PM
Parent: #13
| Quote: ربما لم يتعدي هذا مجرد تسلية بريئة تحدث في تجمعات الاطفال وكثيرا ما نراهم يقلدون مناسبات عامة بغرض التسلية ...اعتقاد سوء النية بناء علي وجهة نظر واحدة (الطالبة التي نقل عنها الموضوع) لايجعله حقيقة ...كا يجب التخقق التام مما حدث قبل نقله اعلاميا ونقله الي المنابر الاسفيرية ... |
|
Post: #15
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: د.نجاة محمود
Date: 06-11-2009, 04:38 PM
Parent: #14
سلامات يا خالد
لهو برئ دا لما يكون اطفال صار بيلعبو بيت بيت ولا عروس عروس
لكن بنات في الثانوي يبقى الموضوع يحتاج لوقفة
وانا كتبت على حسب الخبر الوارد
هو لم يرد على انه لهو برئ بل على ان هناك امر غريب
قالته هذه الطالبة..
|
Post: #18
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: خالد عبد الله محمود
Date: 06-11-2009, 04:50 PM
Parent: #15
| Quote: وانا كتبت على حسب الخبر الوارد |
هل تبني الأحكام يا دكتورة على ما يكتب في الصحف ؟؟؟
|
Post: #16
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: M A Muhagir
Date: 06-11-2009, 04:39 PM
Parent: #12
| Quote: دي واحدة منحرفة مع منحرفات عقدت لمنحرفات |
د. نجاة سلام
القال دى منحرفة منو.
بعدين زى ما قالو الناس
يمكن كانن بهظرن
ودى بتحصل كتير وسط الطلبة والطالبات صغار السن
ودا ما بالضرورة يكون شذوذ جنسى
على الاقل نحن ما حقو نرجح دا لانو التلاميذ ديل سنهم صغيرة وما عندهم قدر كافى من الوعى الجنسى
تحياتى
|
Post: #19
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: د.نجاة محمود
Date: 06-11-2009, 04:58 PM
Parent: #16
سلامات
خلاص خليتو الموضوع الاساسي وجيتوني؟
اولا يا مهاجر البنات في الثانوي ما صغيرات
وكثير من العلاقات الشاذة تبدأ في هذه السن
ومن المتوسطة احيانا....
بعدين الخبر دا ورد على انه هناك انحراف بين البنات ديل
| Quote: طالبة «تتزوج» من زميلتها خلال يوم مفتوح و سودانية عقدت النكاح |
موش دا العنوان
؟
|
Post: #20
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: د.نجاة محمود
Date: 06-11-2009, 05:01 PM
Parent: #19
| Quote: وأوضحت "الأسبوع الماضي تطورت الأمور عندما قامت زميلة لي (مغربية) في الصف الثاني الثانوي بإعلان زواجها من طالبة أخرى في الصف الثالث الثانوي (يمنية) كانتا تربطهما علاقة حب سابقة، فيما قامت طالبة سودانية بكتابة عقد النكاح". |
|
Post: #21
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: حافظ حسن ابراهيم
Date: 06-11-2009, 05:17 PM
Parent: #20
Quote: [خلاص خليتو الموضوع الاساسي وجيتوني؟
|
هههههههههههههه والله ضحكتيني يا نجاة و انشاء الله دايماً ضاحكة ....قلت لي خلو الفيل وبقوا يطعنوا في ضلو ...
اها يا اخوانا قلت لي العروسة مغربية و التانية (و دي يقول ليها شنو) بس نقول التانية يمنية ... و المأذون سودانية ولد دا...
اها كدي نسالكم اليمنية دي جابت مهر كم؟ و الدهب كيف بتاع السعودية ولا ابو ظبي؟
و كمان انشاء الله جابت شيلة الدكان ....عشان يودوا لام اليمنية دي فطور العريس\العروس....
و بعدين معاكم السودانية البقت مأذون دي اهادفعوا ليها و لا ساي هي لله ....لكن السودانية دي ما كترتا شوية...يا خي لحد
تعلم العروس ما قلنا مشكلة لكن مأذون كاااااااااااااااامل والله صعبتها شوية
الليله الدنيا خميس وود البدري سمين ....خارج النص
|
Post: #25
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: د.نجاة محمود
Date: 06-11-2009, 05:31 PM
Parent: #21
| Quote: الليله الدنيا خميس وود البدري سمين ....خارج النص |
قرقر يا حافظ كدي
ارفع يدك الشمال مشيها فوق راسك اهبش عينك اليمين
كان طبزتها ارفع عقيرتك بالغناء
الليلة خميس وبكرة اتنيني
بلاك اوت تلاتة يوم..
بعدها تجينا..
ياخي انا مشبهاك على خالد عبدالله..
|
Post: #22
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: تبارك شيخ الدين جبريل
Date: 06-11-2009, 05:23 PM
Parent: #20
أحد التعليقات من نفس المصدر ...
Quote: بنوووته ...
لعب بنات وبس
هذا أكيد مو صدق ..لانه في ها السنه استوى نفس الشي ف مدرستنا والبنات صدقوا لكن اللي سووو ها الحركه ناس انا واثقه فيهم ..ما استوى ولاااا شي..الا انهم كانوا يبوا يلعبون شوي..او يمكن من الدراسه |
اللسبيان (فى تقديرى الشخصى كتيرات فى السودان) ما عندهن حقوق ... ولا عندهن وجيع .... ولا عندهن زول يدافع عنّهن ..
البيتكلّموا عنّهن، أو عن اللواطيين، بيتكلّموا باعتبار انهم يا إمّا مشكلة اجتماعية؛ أو ناتج مشكلة اجتماعية!
الناس دى كايسة لى "المدينة الفاضلة" دى لى متين؟ ... ما تتعاملوا مع غيركم (المختلفين عنكم) بى احترام، وتخلّوا امورهم الشخصية دى ليهم؟
الله دا لمن قال للبشرية دى "وفى أنفسكم أفلا تبصرون؟" كان قال لى زول تشن حملة على غيرك؟
ما تتفرّجوا ... وتقولوا "سبحان الله" .....
... المهم .....
|
Post: #23
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: خالد عبد الله محمود
Date: 06-11-2009, 05:24 PM
Parent: #19
| Quote: بعدين الخبر دا ورد على انه هناك انحراف بين البنات ديل |
تاني نرجع نسأل يا دكتورة
هل تحققت مية في المية من صحة الخبر ثم عليه حكمت بأن هؤلاء البنات منحرفات أم لمجرد أن الخبر ورد في صحيفة ما إذن هو صحيح ؟؟
نحن ما مغالطنكـ في قصة إنو ده أنحراف في حالة إذا ثبت لكن الي ذلك الوقت يصبح الأمر مجرد تهمة قابلة للنفي و المتهم برئ حتى تثبت إدانتو و لا ما كده ؟؟
الكلام ده لو جاء من أي زولة راسها فاضي في البورد ده كنا مشيناهو لكن منكـ أنت يا دكتورة غريبة شوية مش؟؟
|
Post: #24
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: تبارك شيخ الدين جبريل
Date: 06-11-2009, 05:30 PM
Parent: #23
| Quote: نحن ما مغالطنكـ في قصة إنو ده أنحراف |
انحراف عن شنو بالضبط؟
|
Post: #26
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: خالد عبد الله محمود
Date: 06-11-2009, 05:41 PM
Parent: #24
| Quote: انحراف عن شنو بالضبط؟ |
أهو يا دكتورة ..
الكلام ده لو جاء من زول زي تبارك ده كنا بنقبلو لكن لما يجي منكـ أنت لازم نراجعكـ و نسألكـ ...
|
Post: #27
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: د.نجاة محمود
Date: 06-11-2009, 05:46 PM
Parent: #24
سلامات يا خالد
دا خبر اتكتب هنا لا انت لا اناما سمعنا بيه الا لما شوفناه هنا
دي ما محاكمةولا اسماء البنات مذكورات..
اذا الموضوع دا حصل بالطريقة المكتوبة يبقى في انحراف
في وجة نظري...
القصة مختلقة تبقى ذيها وذي قصص المنبر نوعية ست الشاي في الكشة وقعت في البنبر
ودخل ليها في كرشها الحامل..
ولا جثمان الخاتم اختطف واذت زوجته واطفالو الى مكان مجهول..الخ الخ اكاذيب المنبر
مهمتك الان تمشي تحقق تشوف القصة دي حقيقية ولا كذب..
بعداك تجي تقول انك اكتشفت القصة دي كذب
يلا نحنا نقول تم تضللينا بالقصة الكذب دي
ونعتذر للودان واليمن والمغرب.
كا ما بنعتذر على انه الشذوذ الجنسي انحراف ولا يمكن ان اتصالح معه
ولا اتعاطف مع فكرة الرجل المسجون في جسم امرأة والعكس بالعكس..
|
Post: #28
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: تبارك شيخ الدين جبريل
Date: 06-11-2009, 05:54 PM
Parent: #27
Quote: أهو يا دكتورة ..
الكلام ده لو جاء من زول زي تبارك ده كنا بنقبلو لكن لما يجي منكـ أنت لازم نراجعكـ و نسألكـ ... |
ههههههههههه
ههههههه
هههه
_____________________________
يعنى ما مهم الفكرة شنو!
مهم القالا منو!
.... المهم .....
|
Post: #30
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: خالد عبد الله محمود
Date: 06-11-2009, 06:10 PM
Parent: #28
Quote: يعنى ما مهم الفكرة شنو!
مهم القالا منو! |
طبعاً ...
لأنو المسافة الفكرية بينك و بين دكتورة بيان زي المسافة بين عمر البشير و عمر بن الخطاب !!
سننتف راس شعرنا تعجباً إذا ظلم عمر بن الخطاب أحداً لكن إن فعلها البشير فلا أحد سيكترث لأنها حاجة متوقعة ..
وقع ليكـ ؟؟
|
Post: #32
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: تبارك شيخ الدين جبريل
Date: 06-11-2009, 06:20 PM
Parent: #28
Quote: كا ما بنعتذر على انه الشذوذ الجنسي انحراف ولا يمكن ان اتصالح معه
ولا اتعاطف مع فكرة الرجل المسجون في جسم امرأة والعكس بالعكس.. |
انتى يا دكتورة ....
منو الطالبك بى قبول تبريرات للمثلية الجنسى ...
كل القلناه انو ما تكون المثلية عذر لإقصاء الآخر بحجة إنها "انحراف" أو "شذوذ" أو مشكلة اجتماعية أو نتاج مشكلة اجتماعية ...
لو ما دايرة تتصالحى مع المثلية الجنسية وتمارسيها .... انتى حرة ...
لاكين لازم تتصالحى مع المثليين ... لو عايزة تعايشيهم بى سلام واحترام وإيجابية .....
ما محتاجة تنعتيهم بالإنحراف وهلم جرا .... فى موضوع شخصى ما بمسّك من قريب أو بعيد .... كأنك بتعيبى الزنوج على سواد لونهم ....
احترمى الإنسان الفى كل زول .... واحترمى انو عندهم حقوق متساوية معاك فى التعبير والممارسة والإختيار ....
... دى حاجة ما بتخفى عليك يا دكتورة .....
... المهم ...
|
Post: #29
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: خالد عبد الله محمود
Date: 06-11-2009, 06:03 PM
Parent: #27
Quote: مهمتك الان تمشي تحقق تشوف القصة دي حقيقية ولا كذب..
بعداك تجي تقول انك اكتشفت القصة دي كذب
يلا نحنا نقول تم تضللينا بالقصة الكذب دي
ونعتذر للودان واليمن والمغرب. |
دي ما مهمتي يا دكتورة لأني لم أبني أي أحكام لا بالسلب و لا بالإيجاب دي مهمتكـ أنت الأصدرت حكمكـ بإنحراف البنات ديل قبل ما تسمعي الطرف التاني ...
يبقي مهمتكـ أنت تورينا بنيت حكمكـ على ياتو أساس و تثبتي لينا إنحراف البنات ديل بالدليل القاطع كمان مش ساكت ..
بس إنشاء الله ما تكوني معتمدة على الخبر أعلاه ؟؟
يعني يا دكتورة القاعدة عندكـ أن كل ما يكتب في الصحف صحيح حتى تقوم جهة ما بنفيه بما في ذلك التعرض لأعراض الناس ؟؟؟؟
الأكاذيب الذكرتيها أعلاه تدل على إنو ليس كل ما يكتب في الصحف و المنتديات صحيح يعني بيثبت كلامي مش بينفيهـــو ...
بالمناسبة الإعتذار ما حيكون للسودان أو اليمن أو المغرب الإعتذار حيكون للبنيات اللاتي ربما يكن بريئات براءة جهاز الأمن من سرقة جثمان الخاتم عدلان ( لووووووول)
|
Post: #31
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: عزاز شامي
Date: 06-11-2009, 06:17 PM
Parent: #1
سلامات للجميع ...
قرأت الخبر في ضوء أخبار أخرى و تقارير أخرى تناولتها الصحف السعودية مؤخرا عن (الجهر) بعلاقات السحاقيات في اوساط الطالبات في المدارس السعودية ... مبدئيا الكلام فيهو تجير للمساوئ للجنسيات غير السعودية، و ده شيء ما جديد في الصحافة المحلية هنا و دائما بتلاقي الخبر ملفوف و مضفر زي الكمونية علشان يوصولك لحكاية انو المشكلة (وافد) ولا اي جنسية تانية غير السعودي .. ما نقيف كتير في الحتة دي لانو السودانين ما بعيدين من الانا المنتفخة دي ...
الطالبات في عمر 17 و اصغر واحدة ممكن تكون 15 سنة في الثانوي، و اعتقد انو لعب عريس و عروسة ما مقبول في الفئة العمرية دي، ولو سلمنا جدلا بذلك، فهو مؤشر إما على تأخر عقلي لدى الطالبات أو غياب رقابة و اشراف تربوي و اكاديمي علشان يبقوا زهجانات قدر ده ..
حكاية انو تكون بنت مأذون شرعي، فهي فعلا لو حدثت على أرض الواقع بعيدا عن ظروف الخبر الوارد هنا، و كانت المراة المأذون مستوفية لشروط المهنة و لديها من العلم ما يؤهلها، فده انتصار للمجتمع كونو فعّل فرد من أفراده مؤهل لما هو اهل له ،
ولكن، استدراك صارم،لو جر الأمر لتشريع زواج المثليين، فده أمر آخر بعيد تماما عن الجندر و صعب أن يكون عليه اجماع في أكثر المجتمعات تحررا ...
مقالات ذات صلة ..
تقرير: "مسترجلات" يخترقن مدارس وجامعات السعودية-- CNN Arabic
مسترجلات داخل أسوار المدارس والجامعات - جريدة الوطن السعودية
|
Post: #33
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: د.نجاة محمود
Date: 06-11-2009, 06:49 PM
Parent: #31
كانت تنافس 10 رجال على الوظيفة
محكمة مصرية تقضي بتعيين "مأذونة " لأول مرة في العالم الإسلامي
http://images.alarabiya.net/large_68900_46123.jpg
القاهرة - رويترز
ذكرت وكالة أنباء الشرق الأوسط أن محكمة مصرية قضت الإثنين 25-2-2008 بالسماح لأول مرة لامرأة بالقيام بعمل المأذون الشرعي.
وقالت "إن محكمة الأسرة في مدينة الزقازيق عاصمة محافظة الشرقية بدلتا النيل، أصدرت حكما بتعيين أمل سليمان عفيفي سليم 32 عاما، وهي حاصلة على درجة الماجستير في القانون بوظيفة مأذون لحي ثان مدينة القنايات بمحافظة الشرقية".
وأضافت "أن هذه هي المرة الأولى التي سيكون فيها من صلاحية امرأة أن تعقد زواجا في تاريخ مصر والعالم الإسلامي".
وكانت أمل سليمان المرأة الوحيدة التي تتقدم لشغل الوظيفة التي نافسها عليها عشرة رجال.
وقالت الوكالة "إن أيا من الرجال العشرة لا يحمل درجة الماجستير".
وفي عام 2003 عينت المحامية تهاني الجبالي أول قاضية في مصر، وتبع ذلك تعيين عشرات القاضيات، وتتولى المرأة مناصب وزارية في مصر منذ عشرات السنين لكن دعاة حقوق المرأة يقولون "إن عدد النساء ضئيل في مجلسي الشعب والشورى وأن المناصب العليا في الأحزاب السياسية تخلو منهن في الغالب".
وفي تصريحات خاصة لـ"العربية.نت" في وقت سابق من هذا الشهر أكدت أمل سليمان على إصرارها على الفوز بالعمل كمأذون شرعي مهما حدث، وإذا رفضت محكمة الأسرة اعتمادها ستلجأ إلى المحكمة الدستورية العليا لأنها لا تخالف شرع الله، بل تريد أن تعمل في وظيفة محترمة لا ينتج عنها أي ضرر أو أي خطأ أو أي اختلاط مع رجال أغراب خاصة أثناء العمل".
وأضافت أن عقد القران سيكون في حضور رجال ونساء كثيرين، وبالتالي لا يعتبر اختلاطا، وهو ما دعمته فتوى مفتي الديار المصرية د. علي جمعة بعدم وجود مانع شرعي لتولي المرأة مهنة المأذون.
وقالت أمل سليمان، وهي تنتمي لمدينة القنايات التابعة لمحافظة الشرقية -شمال شرق القاهرة- لـ"العربية.نت" "إنها حاصلة علي ليسانس الحقوق من جامعة الزقازيق، وأنهت مؤخرا الماجستير، ومن وقتها وهي تبحث عن عمل مناسب لها ولحياتها الزوجية، خاصة أنها لا تريد الدخول في مجال حيل المحامين ودهاليز المحاكم التي تراها لا تتفق مع شخصيتها وطبيعتها".
|
Post: #34
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: تبارك شيخ الدين جبريل
Date: 06-11-2009, 07:13 PM
Parent: #33
عفواً يا عزاز شامى ... فأنا - وأعتقد الكثير من القرّاء - لا اتابع الظواهر التى تحكم الإعلام والمجتمع السعودى ولا تهمّنى كثيراً ... (لدرجة أننى لم اضغط على الروابط التى أتيتِ بها) ....
ولكن - وكما قلت - موضوع زواج المثليين هذا موضوع معقد وشائك ويصعب الإتفاق حوله ....
ما يسهل الإتفاق حوله هو احترام خيارات المثليين ... وعدم تصويرهم على أنهم دلالة الإنحراف وغياب التربية والشذوذ والإنحطاط الإجتماعى ...
لأن هذا السلوك العدائى تجاه المثليين ... غير مبرر ....
.. يجب أن نحترم للناس خياراتهم الجنسية ... وهذه مسألة مبدئية ....
صياغة هذه الخيارات فى صيغة قانونية وعقد زواج وهلم جرا ... هذا موضوع لا يمكن حسمه بسهولة .....
ولا يوجد من يلزم الآخرين بقبول موقفه من زواج المثليين ... المهم عدم اهانتهم بتصويرهم أنهم "انحراف" "شذوذ" ... الخ ...
__________________
حافظ ...
قلت لى المسافة بين عمر البشير وعمر بن الخطاب (والله إن رسول الله لم يمت) كم كيلومتر؟
دا مش بتاع (أصابت امرأة وأخطأ عمر)؟ .... انت "أخطأ عمر" دى فهمتها شنو؟ ..... إنو منزّه؟
اللهم احفظنا ...
... المهم ....
|
Post: #35
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: حافظ حسن ابراهيم
Date: 06-11-2009, 07:25 PM
Parent: #34
Quote: حافظ ...
قلت لى المسافة بين عمر البشير وعمر بن الخطاب (والله إن رسول الله لم يمت) كم كيلومتر؟
دا مش بتاع (أصابت امرأة وأخطأ عمر)؟ .... انت "أخطأ عمر" دى فهمتها شنو؟ ..... إنو منزّه؟
اللهم احفظنا ...
|
تبارك اخوي يعمينا و يطرش جيرانا والله انا ما قلت كدا ....و ليه يا خي انا اقول اساساً؟ تبارك الكلام دا قالو زول تاني و نحن ناس بتاعين معيش ساي لا بنعرف عمر البشير لا عمر ابن الخطاب و فتك بعافية يا حنين و عليك الله يا مان راجع البوست و حتعرف اني خستكت ما اكتر لانو الموضوع اكثر تعقيداً من قدراتي
و يلا و انشاء الله ما تكون زعلت مني كل حاجة ولا زعل الخطاً
|
Post: #36
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: تبارك شيخ الدين جبريل
Date: 06-11-2009, 07:35 PM
Parent: #35
حافظ ...
معليش على اللخبتة ...
انت القلت الليلة الخميس وود البدرى السمين يمتنع ....
الكلام سيدو (خالد) عاااارفو ....
وانت الجاتك فى بوردك سامحتك ......
... المهم ....
|
Post: #37
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: عزاز شامي
Date: 06-11-2009, 10:23 PM
Parent: #1
عفواً يا عزاز شامى ... فأنا - وأعتقد الكثير من القرّاء - لا اتابع الظواهر التى تحكم الإعلام والمجتمع السعودى ولا تهمّنى كثيراً ... (لدرجة أننى لم اضغط على الروابط التى أتيتِ بها) ....
الاخ تبارك،
سلامات و لعلك طيب؟
بخصوص الكلام الفوق ... حبيت أكد ليك انك مخير تشوف الوصلة أو لأ، انا جبتها للفائدة العامة ولليسير
اللي ممكن يزور الوصلات حتى لو كان شخص واحد مع اني ما عارفة انت اعتقدت انو كثير من المتابعين ما حيقروهو كيف؟
البوست ده ما فيهو ألفة و تصحيح لانو حوار و اخد و عطا و الخبر زاتو ما عارفنو دقيق او لا ... هي آراء في عموميات
اخد البيعجبك، و ارمي الباقي البحر وماك ملزوم تكتبو لي (بين قوسين) إلا كان غرضك دايرني اناقشك في دفوعاتك،
لانو لو كتبنا بين قوسين كل البيجي في بالنا لوجه التصارح المطلق و حديث النفس و التفكير بصوت عالي
كانو شفرو المنبر و عدم نفاخ النار ...
وابقى طيب ..
|
Post: #38
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: اينانا
Date: 06-11-2009, 10:40 PM
Parent: #37
| Quote: ربما لم يتعدي هذا مجرد تسلية بريئة تحدث في تجمعات الاطفال وكثيرا ما نراهم يقلدون مناسبات عامة بغرض التسلية ...اعتقاد سوء النية بناء علي وجهة نظر واحدة (الطالبة التي نقل عنها الموضوع) لايجعله حقيقة ...كا يجب التخقق التام مما حدث قبل نقله اعلاميا ونقله الي المنابر الاسفيرية ... |
|
Post: #39
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: 7abib_alkul
Date: 06-12-2009, 00:14 AM
Parent: #38
عادى جدا مش دا الجندر زاتو؟
|
Post: #40
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: د.نجاة محمود
Date: 06-12-2009, 03:11 AM
Parent: #39
| Quote: وأوضحت "الأسبوع الماضي تطورت الأمور عندما قامت زميلة لي (مغربية) في الصف الثاني الثانوي بإعلان زواجها من طالبة أخرى في الصف الثالث الثانوي (يمنية) كانتا تربطهما علاقة حب سابقة، فيما قامت طالبة سودانية بكتابة عقد النكاح". |
ناس اللهو البرئ ديل ما شافو الكلام دا؟
لهو برئ في ثانويات دا مافي...
يا تبارك وجهة نظري ان اي شذوذ جنسي انحراف ولا اجد له مبرر
لو انت بتفتكر الحرية الجنسية حاجة اصيلة
انا لا افتكر ذلك ويبقى النقاش الصحي
واحترام وجهات النظر..
والمهم انت ماتزعل
|
Post: #41
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: ريهان الريح الشاذلي
Date: 06-12-2009, 11:23 AM
Parent: #40
من السهل حسم الموضوع ووضعه في خانة الانحراف واشباهها من المصطلحات القطعية لكن يا دكتورة لو القصة مجرد انحراف زي ما بتقولي طيب البنات ديل عاملات عقد قران ومأذون ليه ؟؟ ليه ما اكتفو بالانحراف بعيدا عن المراسم ؟
ابحثو عن الفكرة قبل الاعلانات الداوية يا دكتورة ....
|
Post: #42
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: fadlabi
Date: 06-12-2009, 03:34 PM
Parent: #41
يعيش تبارك شيخ الدين
كلامك جميل يا جميل
|
Post: #43
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: د.نجاة محمود
Date: 06-12-2009, 04:12 PM
Parent: #42
| Quote: زي ما بتقولي طيب البنات ديل عاملات عقد قران ومأذون ليه ؟؟ ليه ما اكتفو بالانحراف بعيدا عن المراسم ؟ |
في مجتمع ذي مجتمع امريكا مثلا لا يحاسب لا القانون ولا المجتمع ممارسة الجنس خارج
مؤسسة الزوجية لماذا يصر القيز واللسبيان على الزواج بقسيس كمان؟
وليه ما اكتفوا بالانحراف الذي يمارسونه دون مراسم ؟
السؤال دا مكن توجهي لاي قي ولا لسبيان
حيقولو ليك عايزين نوثق زواجنا لانه من حقنا الزواج..
ذي ما قال كرست روك انه من حقهم يبقو ميزربول ذيهم وذي اي زول تاني..
فقصة يوثقوه او يخلوه لن تجعله ما حاجة انحراف ولن تكسبه شرعية..
|
Post: #44
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: رأفت ميلاد
Date: 06-12-2009, 08:38 PM
Parent: #43
| Quote: ربما لم يتعدي هذا مجرد تسلية بريئة تحدث في تجمعات الاطفال وكثيرا ما نراهم يقلدون مناسبات عامة بغرض التسلية ...اعتقاد سوء النية بناء علي وجهة نظر واحدة (الطالبة التي نقل عنها الموضوع) لايجعله حقيقة ...كا يجب التخقق التام مما حدث قبل نقله اعلاميا ونقله الي المنابر الاسفيرية ... |
تعرف يا قريبى كلما أراك أجد الدنيالا زالت بخير
|
Post: #45
Title: Re: طالبة «تتزوج» من زميلتها خلال يوم مفتوح و سودانية عقدت النكاح
Author: Safia Mohamed
Date: 06-12-2009, 09:52 PM
Parent: #39
يا سيد البيت سلام وجميع المتداخلين والمتداخلات
بعيدا عن موضوع البوست
مع تقديري لراي تبارك حول اهمية احترام خيارات الآخر
| Quote: عادى جدا مش دا الجندر زاتو؟ |
لكن الجملة دي بصراحة استفزتني شديد
ممكن اسالك يا 7bib_alkul
توضح العلاقة شنو بين موضوع البوست والجندر
بجد الفهم المغلوط لبعض المصطلحات مشكلة كبيرة
مع تقديري
للجميع
|
|