من سمح لجهاز المغتربين بإنهاء صلاحية جوازي ؟؟؟ !!!!!

لماذا تم إنشاء جهاز للمغتربين ؟؟ سؤال يطرح نفسه مرارا وتكرارا؟؟

وهل أنشئ الجهاز ليسهل إجراءات المغتربين أم يعرقلها وينغص حياتهم ؟؟

وما هي الأسباب التي تدفع بالموظفين إلى الشعور بالعدائية تجاه من يتولون أمرهم؟

وإلى أين سيذهب هذا الجهاز الممقوت المكروه من جميع المغتربين بلا استثناء إذا قرر المغتربون

العودة الطوعية إلى الوطن ؟؟

أسئلة ملحة تخطر على بالي كلما تذكرت جهاز المغتربين,علما أنني أصاب بحمى الخنازير والشلل

الرعاش كلما ورد اسم هذه الجهاز. كما أصاب بالهلع والجزع كلما تذكرت موظفيه الذين يكشرون

عن أنيابهم كلما جاءهم مغترب مغلوب على أمره لأنهم يدركون أنهم قادرون على قبض روحه بكل

ما يملكون من جبروت وقوة وعنجهية..

بصراحة قلت زياراتي للسودان بسبب هذا الجهاز وأذكر في آخر زيارة لي أن أحد الموظفين رفض منحي

تأشيرة خروج لأن جوازي سوف تنتهي صلاحيته بعد خمسة أشهر وتسعة وعشرين يوما ولا بد من تجديده

حاولت بكل السبل وأخبرته أنني في بلدي ولا أطلب تأشير إلى أوربا أو أمريكا وأنني خرجت قبل

أسبوع من مطار دولة الإمارات ولم يوقفني ضابط الجوازات لأن جوازي غير ساري المفعول .. طبعا

باءت كل المحاولات بالفشل لأن الرفض المسبق والممنهج هو السائد في هذه المحرقة النقدية ..

دفعت رسوم تجديد الجواز رغم سريانه ولكن ما أغاظني أنه قام بتجديده بالتاريخ الجديد

وليس بالتاريخ القديم حيث استطاع بقدرة قادر أن يضيع ستة أشهر من عمر جوازي القديم منك

لله!!

أخوتي وأخواتي المسافرون في هذا الصيف إلى السودان تأكدوا من عمر جوازتكم ومدة صلاحياتها

وعدد صفحاتها وأنه مسموح لكم بزيارة كل الدول ما عدا إسرائيل لتفوتوا الفرصة على موظفي ذاك

الجهاز حتى لا يجهزوا عليكم .. وفتكم بعافية ..

احيلك وقراء البوست إلى هذا البوست استاذة عواطف
الشرطة السودانية ممثلة في إدارة جوازات المغتربين (تسرق ...نهار: حاميها حراميها


معاً لإلغاء هذا الجسم الطفيلي المسمى بجهاز شئون السودانيين العاملين بالخارج

Quote: من سمح لجهاز المغتربين بإنهاء صلاحية جوازي

عواطف منتهية الصلاحية...كيف حالك
الحمد لله الما قالوا ليك زواجك زاتة منتهى الصلاحيه..
سؤال برى:
بما اننى مغترب منذ ثلاثون عاما بالله شئونى هى شنو المسوين ليها جهاز دى؟؟

أنا ضد المعارضة المسلحة
وأؤمن إيمانا منقطع النظير بالعصيان المدني

لكن أخاف أن تغير عمايل هذا الجهاز من قناعاتي

أخي الحبيب ..

طلتك بالدنيا ..

معا للعصيان المدني حتى نزيل عن كاهلنا هذا الجسم الغريب ..

حقيقي هنالك موظفين بالجهاز يحمل أحقاد غريبة جداً على المغتربين لا أدري ما سببها !!! رغم أن هنالك موظفين منهم تضعهم على الجرح يبرى .... وكل يعمل على شاكلته .... ولك الله يا أيها المغترب .. تلاقيها من وين ولاّ من ويييين !!!!!!

عمدة ...


سلامات ...


تلاقيها عند رب العالمين ..

تحياتي يا أستاذة عواطف

Quote: أحد الموظفين رفض منحي تأشيرة خروج لأن جوازي سوف تنتهي صلاحيته بعد خمسة أشهر وتسعة وعشرين يوما ولا بد من تجديده

والله البلد دي بقت مضحكة عديل كده، معناها الواحد من يجدد جوازهم الصلاحيتو سنتين ده(تقول علية لبن) يبدأ يجري يجددو تاني بي كلامهم ده لأنو من تنتهي السنة الأولى موضوعك استحمى وجوازك بقة من بلدك ما بمرقك ...
هاهاهاها والله حكاية في بلدنا دي غايتو ... ورئيسنا نايم بي هناك ... النايم ليها شنو يااا العشا

عواطف تحياتي
الجاتك في جوازك سامحتك!!
بالمناسبة موظفين السودان ديل، من دون خلق الله، الوحيدين البيتميزو بالتكشيرة في وجه اصحاب المعاملات
وبصورة تخليك تشعر بانها جزء من مهامهم الوظيفية.

غايتو جنس غايتو

الفاتح ...


نهارك سعيد ...

صدقني بيكونوا بيعملوا ليهم تدريب مكثف على إذلال الآخرين وتنكيد عيشتهم ..

وإلا لم كل هذا الإجماع على جهاز المحتربين ؟؟؟؟

Quote: أخوتي وأخواتي المسافرون في هذا الصيف إلى السودان تأكدوا من عمر جوازتكم ومدة صلاحياتها وعدد صفحاتها وأنه مسموح لكم بزيارة كل الدول ما عدا إسرائيل لتفوتوا الفرصة على موظفي ذاك الجهاز حتى لا يجهزوا عليكم .. وفتكم بعافية ..

يعني أنت قايله كده خلاص يا عواطف ؟؟
الناس دي ماخده كورسات في قلع القروش من الجيب يعني بلقو ليكـ سبب تاني ما تتعبي نفسك ساكت!

غايتو يا خالد أنا اليوم داك بتذكر شايلة لي ظرف مليان قروش لمن ما بتقفل والله رجعت بي عشرة

ألف فقط ..

تخيل ..

منهم لله ...

أخي نادر ..

مساط طيب ..

تؤمن بالله إنو الحليب مدة صلاحيته أطول من جوزانا .. يعني أفضل تشتري حليب وما تطلع جواز ...

ويجعله عامر ..

الموج الأزرق ..

طاب مساؤك ..

طالما إنت مغترب من 30 سنة يبقى إنت صاحب الشئون ذاتها ويحق لك ما لا يحق لغيرك ..

أخي محمد ...

يسعد مساك ..

معا وبقوة لأزالة هذه العقبة الكبيرة التي تحطمت على عناد موظفيها أحلام وآمال ..

أختي العزيزة عواطف
صحيح أن بعض موظفي شئون المغتربين يعاملون المغتربين بخشونة لا مبرر لها . وأذكر ذات مرة كنت عند جهاز المغتربين وأمامي أحد الإخوة العاملين في السعودية وطلب من الموظفة إعفاءه من الفترة التي كان خلالها عاطلا في السعوية . طلبت منه الموظفة أن يحلف فأجاب بأنه غير جاهز .. كررت الموظفة له ضرورة أن يحلف أجاب الرجل بأدب شديد أنه غير جاهز .. ألحت عليه الموظفة بأنه يجب أن يحلف وإلا أنها لن تنظر في طلبه ..عندئذ انفجر الرجل وقال لها بصوت عال" يا بنت الناس أناعندي جنابة"..وارتبكت الموظفة وقامت جارية للمكاتب المجاورة
أما بخصوص هذه:

Quote: جوازي سوف تنتهي صلاحيته بعد خمسة أشهر وتسعة وعشرين يوما ولا بد من تجديده

أعتقد أن هذا إجراء سائد في كل بلدان العالم ..أي عند سفر الإنسان من بلد إلى بلد يجب أن يكون جوازه ساري المفعول لفترة لا تقل عن شتة أشهر .
تحياتي ومودتي

طوفي

الليلة دمك فائر شديييييييد قلت اجي اتونس لكن خائف النهرة ساى

Quote: وإلى أين سيذهب هذا الجهاز الممقوت المكروه من جميع المغتربين بلا استثناء إذا قرر المغتربون العودة الطوعية إلى الوطن ؟؟

سؤال لذيذ بس دعونى الحقه بالاسئلة الاتية لاستبيان Its reasonability

اين تذهب الشرطة ان لم تكن هنالك جرائم؟
واين يذهب القضاء ان لم تكن ثمة نزاعات ؟
واين تذهب طوفي ان لم تكن هنالك شمارات اعلامية؟
ولماذا حكام ومحكومين ودولة ان استطاع الناس تدبير شؤونهم بانفسهم؟
ولماذا حكام لكرة القدم لو التزم اللاعبون لوحدهم بقواعد اللعبة ؟

وعييييييييييك

Quote: أعتقد أن هذا إجراء سائد في كل بلدان العالم ..أي عند سفر الإنسان من بلد إلى بلد يجب أن يكون جوازه ساري المفعول لفترة لا تقل عن شتة أشهر .

الأخ/ جعفر اسماعيل تحياتي ... ده لما يكون عمر صلاحية الجواز نفسو 5 سنوات أو 10 سنوات ... جوازنا كل صلاحيتو سنتين يعني تجددوا بي جاي ينتهي بي جاي ... ثانياً الدولة المستضيفة والمناحة للفيزا هي التي تطالب بهذا الشرط مش دولة المعني بجواز السفر ... بالعقل كده زول ماشي مقر عملو في السعودية (الرحلة ساعتين ثلاثة ساعات بالكتير) وتوجد في السعودية قنصلية في جدة + سفارة في الرياض + رحلات للسفارة للمناطق والمدن التي لا توجد بها قنصلية أو سفارة ... يعني موضوع تجديد الجواز ده في السعودية ما مشكلة على الإطلاق .... ياخي ده ما ممكن نسميه إلا تعسف ومحاولة الحصول على أموال المغتربين بأي وسيلة مشروعة كانت أو غير مشروعة ... نحنا في السعودية لما الواحد ينوي يسافر السودان كل الإجراء البتعملو إنك تاخد تأشيرة خروج وعودة الكترونية من الويبسايد بتاع الجوازات وتجري على المطار جري عشان تسافر، في بلدنا تساكك مساككة 3 أيام وتقابل ليك وجوه كالحة مريضة تهوى تعذيب الناس ولا تراعي ظروفهم عشان يتكرموا عليك بتأشيرة، وفوق ده كللللللو في مطارهم العفين ده يطالبوك بي رسوم مغادرة مقدارها للفرد 35 جنيه ... أصلو ما كضبوا فيهم لما قالوا بعد شوية بعبوا أكسجين الله ده في قزايز ويبيعوهو ...
المواطن في السودان في نظر الحكومة عبارة عن هدف لتحصيل الأموال وهو الذي يخدم الحكومة ويصرف عليها ويسهر على راحتها غصباً عن إرادتو، بينما المفترض العكس هو الصحيح ... الحكومات مناط بها السهر على راحة المواطن كواجب أصيل يقع على عاتقها في مقابل ما يدفعه من ضرائب للدولة ...

أستاذة عواطف

عوافي ...

أقترح تغيير إسم هذا الجهاز ل...

"الجهاز على شئون المغتربين"

الأ يمكن تجديد الجواز في السفارات ؟؟
الأ يمكن دفع الضريبة بالسفارات؟؟!!

شنو الداعي لعكننة المغترب في إجازته؟؟؟


فشل إداري وفشل في التخطيط وفشل في رفع المعاناة عن كاهل الغلابة

بس قاعدين يعقدو .. ويعقدو فيها لمن اتخنقنا ياخي....

فليذهب الجهاز يما يحوي غير آسفين عليه

عواطف ازيك

السؤال بطريقة اخرى

هل انتهت صلاحية جواز المغترب

ام هل انتهت صلاحية الاغتراب

والمحيرني نحن الواحد قرب يجر الخمسين والجوكر بايظ

ولسه بندفع في رسوم الاعفاء من الخدمة الالزامية لسفرة واحدة

والغريبة البطاقة بس من شئون المغتربين وللمطار خمسة دقائق يشيلوها منك في المطار

يعني زي ما قال ادروب الجرى مع الوليدات من كشة الالزامية

بعد ما قبضوهو

يا ادروب انت جريت مالك مع الوليدات المطلوبين للخدمة العسكرية كمجندين

قال ليهم : يمكن تكونوا عايزين ضباط

اها نحن بعد العمر ده يمكن يكونوا عايزين لواءات

Quote: جوازنا كل صلاحيتو سنتين يعني تجددوا بي جاي ينتهي بي جاي

لووووووووووووووووووووووووول

ياطوفة

في موظفين عندهم غيرة ولا حسد ولا شنو ماتعرفيهو ضد المغتربين

اها يوم واقف في صف الزكاة جاء واحد كده وقعد في الكرسي ومشى القدامي وفي الشباك التاني واحد ضاربه شمطه مع الموظفه انو دخلو ماثابت عشان يحددو لانو بيشتغل تدريس خاص اها ولسع انا منتظر الشاب مع انو الزول القدامي فرتق اها بعد صلبني عليك زي عشرة دقائق شال جوازي قال لي بالله ودي لي الاوراق دي المكتب داك لووووووول يكه اها الوقفة زعلتني منو قلت ليهو عليك الله انا واقف لي نص ساعة قدامك عشان تجي تقول لي ودي لي الاوراق دي وترسل ليك زول اطول منك بعدين في مراسلة بدفعوهو زكاة وماسكت علي كده قلت والله انا في الاغتراب في المكتب عندي جرس بضرب الجرس بجيني مساعدنا في المكتب وبلبي كل الطلبات اها زولك ماعرف يخش وين بعد ضحكات الجماعة الوراي المتكررة اها قام قال لي تمشي تحلف عند المدير لوووووول يكه قلت ليهو احلف ارقص بس اوراقك ح توديها براك اها مشيت للمدير بتاعهم قال لي مالك يازول زعلان حكيت ليهو الحاصل قال لي حقك علينا ولا دفعني اي حاجة قلت بالله شوف العاملين عليها عايزين يفترو علينا . الذ حاجة بعد طلعت مشيت ركبت الحافلة دفعت للكمساري قال لي في واحد دفع ليك قدام قلت ليهو منو الدفع لي اها قام قبل علي واحد قال يازول انا مبسوط منك لله كده اها اتاريهو كان واقف في الصف برضو لوووووووووووول يكه شفتي المغتربين ديل كاظمين غيظهم كيف

اسع بالله مش دي تزعل اكتر من قصة جوازك

تحياتي

زاتوووو

Quote: ياطوفة في موظفين عندهم غيرة ولا حسد ولا شنو ماتعرفيهو ضد المغتربين اها يوم واقف في صف الزكاة جاء واحد كده وقعد في الكرسي ومشى القدامي وفي الشباك التاني واحد ضاربه شمطه مع الموظفه انو دخلو ماثابت عشان يحددو لانو بيشتغل تدريس خاص اها ولسع انا منتظر الشاب مع انو الزول القدامي فرتق اها بعد صلبني عليك زي عشرة دقائق شال جوازي قال لي بالله ودي لي الاوراق دي المكتب داك لووووووول يكه اها الوقفة زعلتني منو قلت ليهو عليك الله انا واقف لي نص ساعة قدامك عشان تجي تقول لي ودي لي الاوراق دي وترسل ليك زول اطول منك بعدين في مراسلة بدفعوهو زكاة وماسكت علي كده قلت والله انا في الاغتراب في المكتب عندي جرس بضرب الجرس بجيني مساعدنا في المكتب وبلبي كل الطلبات اها زولك ماعرف يخش وين بعد ضحكات الجماعة الوراي المتكررة اها قام قال لي تمشي تحلف عند المدير لوووووول يكه قلت ليهو احلف ارقص بس اوراقك ح توديها براك اها مشيت للمدير بتاعهم قال لي مالك يازول زعلان حكيت ليهو الحاصل قال لي حقك علينا ولا دفعني اي حاجة قلت بالله شوف العاملين عليها عايزين يفترو علينا . الذ حاجة بعد طلعت مشيت ركبت الحافلة دفعت للكمساري قال لي في واحد دفع ليك قدام قلت ليهو منو الدفع لي اها قام قبل علي واحد قال يازول انا مبسوط منك لله كده اها اتاريهو كان واقف في الصف برضو لوووووووووووول يكه شفتي المغتربين ديل كاظمين غيظهم كيف اسع بالله مش دي تزعل اكتر من قصة جوازك تحياتي زاتوووو

والله يا زاتو قصصك زاتها غريبة وعجيبة وشر البلية ما يضحك .. كويس المرة دي جات سليمة وعدت

أها المرات الجاية كيف ؟؟؟

عارف واحد معانا في أبوظبي برضه باقي في جوازه خمسة أشهر حلف ما يدفع غايتو في الآخر ساوموه

ودفعوه نص القيمة وجددوا ليه بالتاريخ العايزه وليس هم .. لوووووووول يكة ..

Quote: لووووووووووووووووووووووووول

لوووول ساكت يا حمادة ..

الجواز الجديد إن شاء الله تكون مدة الصلاحية ستة أشهر عشان تكون لولين بدل لول واحدة !!

ود السنوسي ...

سلامات ..

فعلا حاجات تحير .. الجهابذة والمخترعين ... ذوو الأذهان المتفتقة .. يتفنون في تعذيبنا .. منهم

لله ..

غايتو بعد شوية يكونو عايزين جنرلات عديل كدة للخدمة الإلزامية ..

دة كله كوم وجهاز المعذبين كوم تاني ..

أخي د. أحمد ...

يسعد مساك ..

عارف أسهل تجيب أهلك كلهم بدل ما تسافر ليهم ..عشان كل الأسافي بتكون في طريقك لمن ترجع ..

بس جهاز المغتربين دة هو ثالثة الأسافي ...

شكرا على الطلة ...

Quote: اين تذهب الشرطة ان لم تكن هنالك جرائم؟ واين يذهب القضاء ان لم تكن ثمة نزاعات ؟ واين تذهب طوفي ان لم تكن هنالك شمارات اعلامية؟ ولماذا حكام ومحكومين ودولة ان استطاع الناس تدبير شؤونهم بانفسهم؟ ولماذا حكام لكرة القدم لو التزم اللاعبون لوحدهم بقواعد اللعبة ؟

أسئلة منطقية ومشروعة ..

هلا يا شيقا ..

البوست بوستك ..

أخي العزيز جعفر ..

محبتي

عرف أنا شفت واحد جاي من السعودية فجأة لأنه أبوه اتوفى وعايزين يدفعوه ضرايب الدنيا والعالمين

قدر ما قال ليهم والله جاي بدون شنطة حتى أصروا على إذلاله قدام الناس حتى دمعت عيناه فتبرع

أحد الحضور الكرام بدفع المبلغ ..

أي أمة تلك التي تذل أبنها ذلة عزيز مقتدر ...

أما حكاية الستة أشهر التي ذكرتها هذه لا تسري على المسافر إذا كان داخلا لأو خارجا من بلده لبلد

إقامته ولكن تسري عند تقديمك طلب تأشيرة لدولة أجنبية لأن هذه الدولة تمنحك تأشيرة مدتها ستة

أشهر على الأقل .. لذلك تريد أن تضمن صلاحية جوازك طيلة هذه المدة ..

شكرا

Quote: لماذا تم إنشاء جهاز للمغتربين ؟؟ سؤال يطرح نفسه مرارا وتكرارا؟؟ وهل أنشئ الجهاز ليسهل إجراءات المغتربين أم يعرقلها وينغص حياتهم ؟؟

( إجابات دوت . نص COM)

الله يهديكي يا عواطف ده بالله سؤال !!! أصلاً الفكرة كانت نابعة ( من منبع الحنان) أيام المشير الراحل وذلك لمساعدة المغتربين ، بمعنى لمن يكون هناك توزيع اراضي سكنية يقولوا مثلاً ناس عواطف ديل ما قاعدين في البلد والقطعة دي من نصيبهم ، مساكين ديل بره البلد وما عارفين الحاصل شنو ، وبرضو كمان قالوا أولادهم لما يجوا راجعين يواصلوا تعليمهم ذي أولاد البلد ، هم سهلوا كلوا شئ علينا والدليل على كده ، أن سمحوا لك بالدخول للبلد مجاناً دون رسوم دخول ، ولم يثقلوا كاهلنا ردحاً من الزمن بالضرائب ولا الزكاة ولا رسوم الخدمات ، حتى أنهم لم يفكروا يوماً في بطاقة المغتربين ولا رسوم فضائية ولا ترعة الرهد ولا كنانه ولا رسوم دفاع وحتى سلام ، يا أختي ديل من كرمهم تعبئ إستمارة الخروج مجاناً ، وخليكي من رسوم تأشيرة الخروج المجانية ، ويا بلاش لمن تغادري البلاد دون أن تدفعي رسوم المغادرة ، بالله في أحلى من كده ، بس الواحد زعلان بالرغم من التسهيلات والخدمات الجليلة المقدمه للمغترب لأنهم لم يفرضوا علينا رسوم تنفس الهواء . وهناك أمور أخرى قد ينظر إليها الكثير من الناس منها ، مدى شوق الأجهزة الرسمية لمشاهدة المواطن السوداني خلال كل عامين في السفارات والقنصليات ( منها شوفة وتجديد جواز) بالله شوف ناس العالم التانية كل واحد فيهم شايل جواز عمروا خمسة سنوات وسبعة سنوات وبعضهم حتى عشرة سنوات ( ناس جافية خلاص ) ما عندهم شوق لمواطنهم وده برضو نابع من الحنان مع شوية (عواطف )

Quote: وما هي الأسباب التي تدفع بالموظفين إلى الشعور بالعدائية تجاه من يتولون أمرهم؟

( شعوري طبيعي ضمن الخدمات مع إستثنائي لبعض الوجوه البشوشة)

وإلى أين سيذهب هذا الجهاز الممقوت المكروه من جميع المغتربين بلا استثناء إذا قرر المغتربون

العودة الطوعية إلى الوطن ؟؟

( الأجابة صعبة شوية لأن الكبار سيعودوا والجيل الصاعد سيواصل )



أسئلة جادة ومحتاجة لأجابة :

1/ الجوازات التي تقدم حالياً للتجديد تنتهي صلاحيتها في 24/11/2010م وبناء ذلك الأسئلة التالية تفرض نفسها .

أ/ لماذا يفرضون على الناس قيمة الرسوم كاملة لمدة عامين بالرغم من أن جوازي سيكون صلاحيه 16 شهرا ؟
ب/ A من المغتربين سينتهي صلاحية جوازه في 24/05/2010 ولظروف طارئة يود السفر للسودان لمدة أسبوعين ، كيف سيتم التعامل معه خاصة حينما يعود لمهجره باقي لصلاحية الجواز خمسة أشهر ونصف ؟
ج/ Z من المغتربين سينتهي صلاحية جوازه في مارس 2010م ويود التجديد لأي غرض هل سيدفع الرسوم كاملة (أي لمدة عامين) ومن ثم يدفع مرة أخرى للجواز الألكتروني المقترح .
د/ ما هي القيمة التي ستدفع نظير إصدار الجواز الجديد ، أرجو أن لا يكون رقماً فلكياً .

Quote: من سمح لجهاز المغتربين بانهاء صلاحية جوازى

ياخباااار ابياض
نهوا صلاحية زواجك ,, وجوزك سكت
ديل ياعواطف ينهوا صلاحية حياة الانسان
البركة اللى جات فى الجواز وما لحقت الزواج
كان لحقوك نصرى ابوزيد

طوفي

المنبر غيرك كوم رماد

Quote: طوفي المنبر غيرك كوم رماد

لا فيه طب لا صيلة ..

يا شيقا لا ...

Quote: ياخباااار ابياض نهوا صلاحية زواجك ,, وجوزك سكت ديل ياعواطف ينهوا صلاحية حياة الانسان البركة اللى جات فى الجواز وما لحقت الزواج كان لحقوك نصرى ابوزيد

عزو ..

يسعد صباحك ...

عارف لو نهوا صلاحية جوازي كان أرحم ممكن ألقى عريس بكل سهولة ولكن باسبوري يا ناس باسبوري !!

إنتو مغتربين ليه?..ما كان تهاجروا !!
حيث لا ضرائب ..لا زكاة ولا تجددون !
----------
بإستهزاء سأل ظابط الجوازات وهو يهم
بختم جواز صديقى : يعني إنتاهسع كندى ?
جاوبه بلؤم : عندك شك ?! أفحص الجواز !
لا ياخي ..العفو وحمد الله علي السلامة !

Quote: إنتو مغتربين ليه?..ما كان تهاجروا !! حيث لا ضرائب ..لا زكاة ولا تجددون ! ---------- بإستهزاء سأل ظابط الجوازات وهو يهم بختم جواز صديقى : يعني إنتاهسع كندى ? جاوبه بلؤم : عندك شك ?! أفحص الجواز ! لا ياخي ..العفو وحمد الله علي السلامة !

الحبيب ..

صباح الفل يا سيد الكل ..

والله فاتت علينا فكرة الهجرة ..

ليك علي من بكرة بقدم للجواز الإماراتي بلا انتماء بلا بطيخ ...

شكرا على طلتك البهية ..

Quote: إجابات دوت . نص COM) الله يهديكي يا عواطف ده بالله سؤال !!! أصلاً الفكرة كانت نابعة ( من منبع الحنان) أيام المشير الراحل وذلك لمساعدة المغتربين ، بمعنى لمن يكون هناك توزيع اراضي سكنية يقولوا مثلاً ناس عواطف ديل ما قاعدين في البلد والقطعة دي من نصيبهم ، مساكين ديل بره البلد وما عارفين الحاصل شنو ، وبرضو كمان قالوا أولادهم لما يجوا راجعين يواصلوا تعليمهم ذي أولاد البلد ، هم سهلوا كلوا شئ علينا والدليل على كده ، أن سمحوا لك بالدخول للبلد مجاناً دون رسوم دخول ، ولم يثقلوا كاهلنا ردحاً من الزمن بالضرائب ولا الزكاة ولا رسوم الخدمات ، حتى أنهم لم يفكروا يوماً في بطاقة المغتربين ولا رسوم فضائية ولا ترعة الرهد ولا كنانه ولا رسوم دفاع وحتى سلام ، يا أختي ديل من كرمهم تعبئ إستمارة الخروج مجاناً ، وخليكي من رسوم تأشيرة الخروج المجانية ، ويا بلاش لمن تغادري البلاد دون أن تدفعي رسوم المغادرة ، بالله في أحلى من كده ، بس الواحد زعلان بالرغم من التسهيلات والخدمات الجليلة المقدمه للمغترب لأنهم لم يفرضوا علينا رسوم تنفس الهواء . وهناك أمور أخرى قد ينظر إليها الكثير من الناس منها ، مدى شوق الأجهزة الرسمية لمشاهدة المواطن السوداني خلال كل عامين في السفارات والقنصليات ( منها شوفة وتجديد جواز) بالله شوف ناس العالم التانية كل واحد فيهم شايل جواز عمروا خمسة سنوات وسبعة سنوات وبعضهم حتى عشرة سنوات ( ناس جافية خلاص ) ما عندهم شوق لمواطنهم وده برضو نابع من الحنان مع شوية (عواطف )

أخونا الحبيب ولياب ..

شكرا لك فقد وضعت النقاط على الحروف لذا تجدني كلي أسى وحزن على اتهامي الجائر لجهاز المعذبين

بالإمعان في تعذيبنا بلا مبرر ..

شكرا مرة أخرى على هذه الطلة الحلوة ..

Quote: لا فيها طب لا صيدلة

مالو العميد مالو البليد

مالو لو رفد المفتش والمعيد

مالو لو خلا ست الناس تعيد

لقيتيني كييييف؟

الاخت عواطف .. سلام

حتي نكون عادلين 99 بالمايه من العاملين بجهاز المغتربين شعارهم يجرموك حتي يثبت العكس ..

انت في نظر هذا الموظف كانك اتيت من كوكب اخر ونزعت منك صفت السودانيه يعاملونك بكل برود كانك حضرت لهذه المكاتب لتتسؤل عليهم ..

يعين الموظف هنا اختي عواطف بشهادة سوء الاخلاق..

الظلم والكيل بمكيالين علي عينك ياتاجر وما اخفي كان اعظم ...

افكر جليا بتغير هويتي كلما كانت لدي معامله في جهاز المغتربين اواحد السفارات السودانيه بالدول العربيه..

واخيرا قررت التعامل مع مكاتب التعقيب بجوار الجهاز حتي احتففظ بتلك الهويه..

تقول لي من الذي سمح لهم بانهاء صلاحية جوازك ؟؟؟

تقديري..


التغير اضافة الكاف الي من

سلامات عواطف


كلمة جهاز المغتربين في جفاف شديد..
هو لسه في مغتربين؟
الناس دي مهاجرة مش مغتربة..

الجاتك في جوازك سامحتك..

Quote: واخيرا قررت التعامل مع مكاتب التعقيب بجوار الجهاز حتي احتففظ بتلك الهويه..

الأخ أسامة
سلام
مكاتب التعقيب محلها وين من الإعراب؟

تحياتي


عبدالعزيز

الاخ عبدالعزيز .. جك ملك ياجميل

Quote: الأخ أسامة سلام مكاتب التعقيب محلها وين من الإعراب؟

دي مكاتب بجوار جهاز المغتربين تقوم باجراء المعاملات بالجهاز مقابل اجر معقول وتكفيك شر ان ترفع ضغطك امام هولاء

المتعجرفين...

غايتو لو مشينا السودان يا أسامة

ما إلنا إلا (هيفا) أقصد مكاتب التعقيب ..

شكرا على المعلومة المفيدة جدا ..

عاد تاني كان شافو وشي يشوفني البلا ..

عزو ...

سلامات ...

عارف مرات بتمنى لو أحول جوزاي إلى صمومالي على الأقل الناس بتتعاطف معاي ..

شكرا على الطلة ...

سلامات يا عواطف,,

Quote: معا للعصيان المدني حتى نزيل عن كاهلنا هذا الجسم الغريب ..

ياتو فيهم؟؟؟؟

نحن أمة يثقل كاهلها آلاف من الأجسام اللزجة الغريبة والمحيرة!!!! نزيل شنو ولا نخلى منو!!!لو أنزلنا الأجسام الكبيرة فماذا نحن فاعلون مع الطفيليات والعوالق والفطريات التى تلتصق بكل تفاصيل حياتنا!!!

القصة محتاجة كنس و غسيل كامل وكى بالنار حتى لا تعود تلك الهوام والهيم والأرضة والسوس الذى تزيد مساحات نخره كل يوم وكل ساعة,,

قصة الأموال التى يدفعها المغترب السوداني لقاء لا شئ مقابلها قصة محيرة جدا,,والمحير أكثر منها قصة المباريات ما بين جهاز شؤون المغتربين والسفارات التى يطلق عليها البعض(أم العروس) والمنافسة بينهما فيمن يستنزف المغترب والمتغّرب المسكين حتى لو يستقطعها من قوت أولاده وراتبه الضعيف الذى بالكاد يسد إحتياجاته دون مراعاة لتغير الظروف الإقتصادية فى كل العالم وموجة الغلاء التى إستفحلت فى الدنيا,,,وما يغضب ويحزن فعلا هو المعاملة السيئة والقبيحة التى يجدها المغترب من بعض الموظفين الذين لا يعرفون أن واجبهم الأول هو خدمة المواطن الواقف أمامهم وإبن بلدهم وفى كل الدنيا تجد أن من يتعامل مع الجمهور مباشرة يجب أن يكون إنسان ذو مواصفات محددة منها الأدب وطول البال والذوق واللياقة إلا عندنا فالعكس تماما مطلوب ,,

وإحدى العجائب هى تلك الشركات التى يحوم موظفيها داخل الجهاز لتسهيل الإجراءآت!!!!!!! ومهمة موظفيها وموظفاتها الكبرى هى إصطياد هؤلاءالمساكين وزيادة فواتير مدفوعاتهم غير المبرّرة,,وكلو بلعب على كلو...

الحمد لله,,

Quote: قصة الأموال التى يدفعها المغترب السوداني لقاء لا شئ مقابلها قصة محيرة جدا,,والمحير أكثر منها قصة المباريات ما بين جهاز شؤون المغتربين والسفارات التى يطلق عليها البعض(أم العروس) والمنافسة بينهما فيمن يستنزف المغترب والمتغّرب المسكين حتى لو يستقطعها من قوت أولاده وراتبه الضعيف الذى بالكاد يسد إحتياجاته دون مراعاة لتغير الظروف الإقتصادية فى كل العالم وموجة الغلاء التى إستفحلت فى الدنيا,,,وما يغضب ويحزن فعلا هو المعاملة السيئة والقبيحة التى يجدها المغترب من بعض الموظفين الذين لا يعرفون أن واجبهم الأول هو خدمة المواطن الواقف أمامهم وإبن بلدهم وفى كل الدنيا تجد أن من يتعامل مع الجمهور مباشرة يجب أن يكون إنسان ذو مواصفات محددة منها الأدب وطول البال والذوق واللياقة إلا عندنا فالعكس تماما مطلوب ,, وإحدى العجائب هى تلك الشركات التى يحوم موظفيها داخل الجهاز لتسهيل الإجراءآت!!!!!!! ومهمة موظفيها وموظفاتها الكبرى هى إصطياد هؤلاءالمساكين وزيادة فواتير مدفوعاتهم غير المبرّرة,,وكلو بلعب على كلو... الحمد لله,,

أيموني ...

سلامات ..

المغتربين ذبحهم حلال على الطريقة الإسلامية .. بعد ما انتهت الضريبة جاتكم الزكاة والخدمات ..

أي خدمات تلك ؟؟ ياللعجب !!!

دة كله كوم وموظفين المطار كوم تاني بس غايتو حمدو في بطنو ..

حسبي الله ونعم الوكيل ..

شكرا على العبور

حذف للتكرار,,

أسامة يا الخاتي الملامة ..

نهارك سعيد ..

ما عندي غير أقول حسبي الله ونعم الوكيل ..

وآآآآآآآآآآخ يا بلد ..

غلطات كتيرة

الكمبيوتر بيعملا ..

يمكن قسا .. يمكن نسى

يمكن سهى وجاط النمر من أولا

ما قالو بيعرف كل شي ..

ليه ما عرف ست الحلا


لقيتك ختيييييييييييير ...

الاُستاذه عواطف إدريس
** مساءك خير
## أستئذنك بنقل هذا البوست للرابط أدناه حتى تعم الفائده ..
## يُرجى التكرم بزيارة هذا البوست :-
Re: أمين عام جهاز السودانيين العاملين بالخارج الجديد
** وأتساءل معك هل يعلم الموظف الجالس على كاونتر جهاز شوؤن المغتربين أننى أدفع راتبه وحوافزه ؟؟
** ومُقابل ماذا أدفع كل هذه الجبايات ؟؟
** ولماذا المُغترب السودانى يُمثل طفره عن بقية كل خلق الله من مغتربي العالم عند تفكيره بالذهاب الى بلده؟؟
** ولماذا نخشى زيارة السودان إلا للشديد القوى ؟؟
## فى رابط هذا البوست الكثير والمثير ..
## هل يحتاج المغتربين لتنظيم مُسلح حتى تسمعهم حكومة التوجه الحضارى والتى لاتحاور إلا حملة السلاح؟؟
(ودام الود بين المغتربين حتى يستردوا حقوقهم القانونيه والدستوريه)
(ابو محمد فؤاد - دبي)

Quote: عارف مرات بتمنى لو أحول جوزاي إلى صمومالي على الأقل الناس بتتعاطف معاي ..

منو ديل البتعاطفو معاك ديل!!!!إلا القراصنة !!!

صامولة عديل كدا!!

تبالغين أحيانا يا عواطف,,

تقول شنو يا أيموني ..

فشة خلق وبس ...

ساعات مقديشو بتشوفها أجمل من السودان ..

بالذات لما يذلك واحد من جهاز المغتربين ذلة كلاب ...

أخونا الحبيب عبدالكريم ..

يسعد مساك الجميل ..

والله أسئلة في الصميم ..

ريحتني وسريت بالي ..

ولكن ..

ناديت إذ ناديت حيا ولكن لا حياة لمن تنادي ...

شكرا على الطلة أبق معنا .. حتى نسترد حقوقنا وكرامتنا المسلوبة ...

Quote: عارف لو نهوا صلاحية جوازي كان أرحم ممكن ألقى عريس بكل سهولة

آدى الثقة ولا بلاش ,, اقوم اخت صورتى فى البروفايل.

Quote: دي مكاتب بجوار جهاز المغتربين تقوم باجراء المعاملات بالجهاز مقابل اجر معقول وتكفيك شر ان ترفع ضغطك امام هولاء المتعجرفين...

جك ملك


عزيزي اسامة
هذه معلومة مهمة جدا.. فأنا لا أطيق مكايدات الناس ديل..
هذا أكبر هم شاغل لي زيارتي المرتقبة للبلد

تحياتي لك


عبدالعزيز

Quote: عزو ... سلامات ... عارف مرات بتمنى لو أحول جوزاي إلى صمومالي على الأقل الناس بتتعاطف معاي .. شكرا على الطلة ...

توفي

ليش صومالي حتة واحدة يا قريبتي..!!

يقوا عليك pirate كمان...

أجهز ليك جواز 5 نجوم..


تحياتي

عبدالعزيز

بالله أنتو المغتربين حالتكم كدة...ومال الناس في معسكرات اللاجئين والنازحين في السودان يقولوا شنو؟

يتساءل أحدهم (على طريقة فيصل القاسم- الإتجاه المعاكس)!


المهم...
كوز يبيع معونات اهل غزة

أنور ...

سلام ...

سؤال وجيه على قول فيصل القاسم ...

شكرا على العبور ..

عزو ..

سلام ...

في انتظارك ...


يسعد مساك ..

أنقل لكم مستأذناماكتبه الأستاذ حسن طه في بوست (الأمين العام للمغتربين الجديد)..

Quote: 09-06-2009, 09:40 ص حسن طه محمد . تاريخ التسجيل: 01-03-2007 مجموع المشاركات: 2031 Re: أمين عام جهاز السودانيين العاملين بالخارج الجديد (Re: عبدالكريم أحمد الامين) Quote: لماذا تم إنشاء جهاز للمغتربين ؟؟ سؤال يطرح نفسه مرارا وتكرارا؟؟ وهل أنشئ الجهاز ليسهل إجراءات المغتربين أم يعرقلها وينغص حياتهم ؟؟ وما هي الأسباب التي تدفع بالموظفين إلى الشعور بالعدائية تجاه من يتولون أمرهم؟ وإلى أين سيذهب هذا الجهاز الممقوت المكروه من جميع المغتربين بلا استثناء إذا قرر المغتربون العودة الطوعية إلى الوطن ؟؟ أسئلة ملحة تخطر على بالي كلما تذكرت جهاز المغتربين,علما أنني أصاب بحمى الخنازير والشلل الرعاش كلما ورد اسم هذه الجهاز. كما أصاب بالهلع والجزع كلما تذكرت موظفيه الذين يكشرون عن أنيابهم كلما جاءهم مغترب مغلوب على أمره لأنهم يدركون أنهم قادرون على قبض روحه بكل ما يملكون من جبروت وقوة وعنجهية.. بصراحة قلت زياراتي للسودان بسبب هذا الجهاز

وذيله الأستاذ حسن بالتعليق التالي..

Quote: أخي دكتور كرار التهامي لكم أطيب التحايا أعلاه ما كتبته بحرقة شديدة متناهية في الشدة الاخت الفاضلة عواطف ادريس اسماعيل عن تجربتها مع الجهاز. ألا تتفق معنا بأن هذه المعضلات المتعددة في كل مرفق من مرافق الجهاز اصبح أمرا لا يطاق؟؟ ألا تتفق معنا بأن السيل قد بلغ الزبي كما يقولون ؟؟؟ ألا تتفق معنا وأنتم علي رأس هذا الجهاز بأن هذه الممارسات غير المقبولة لا ترضي عدو او صديق؟؟ ماذا أنتم فاعلون؟؟؟؟ نحن في انتظار الاجابة من سعادتكم. دمتم،،

وجاء رد الدكتوركرار التهامي عليه..

Quote: الاخ المستشار حسن طه ، البوست الذي افترعته الاستاذة الاعلامية عواطف دخلت اليه فلم ار شيئابسبب الغبار الكثيف بداية حانقة وكليشهات منبرية مكرورة وضاعت الحقيقة خاصة عندما انفتح باب المزاد موضوع تجديد الجواز قصة طويلة فوق ارادة الحكومات،، فالمنظمة العالمية للملاحة الجوية حددت يوم 23-11-2010 كاخر يوم لاعتماد اى جواز يدوي (غير مقروء الكترونيا) على مستوى العالم يعني البداية جاءت من منظمة عالميةاكثر نفوذا من الحكومات ولم يقصدبه المغتربون فقط ولكن كل من يحلق فوق سطح البحر ولو بقدم واحدة..................... حكومة السودان مثل كل حكومةبدأت في تنفيذ الجواز اللاكتروني وقطعت شوطا كبيرا وحددت مواعيد نهائية لاصدار وتجديدالجواز القديم الى هنا ليس هتالك وزارة مالية ولا وزارة داخلية ولامديرية عامة للشرطة ناهيك عن جهاز المغتربين المغضوب عليه اصبح تجديد الجواز محدودبمدة زمنية تختلف من جواز الى جواز فقد يكون المتبقي لك ستة شهور فيجدد لك ستة شهور فقط بنفس الرسوم الكاملةوقد تكون مدتك اكثر او اقل ،،،هنا تبدا مرحلة وزارة الماليةالتي لاتعرف نصف مدة ولاربع مدة وليس لها الية لحساب الاربعة والشهر والاربعين يوم تعرف فقط ان تجديدالجواز له قيمة في موازنتها العامة وبالايصال رقم 15 وهوالذي يخضع للمراجع العام وينزل في الخزينة العامة الى هنا ليس لوزارة الداخلية اى ولاية وليس للمديرية العامة للشرطة اى دخل ناهيك عن الحيطة القصيرة (جهاز المغتربين) صحيح ان الامر مثير للغرابة والدهشة والاحتجاج لكن ليس هنالك جهة خططت له انما تداخل العالمي مع المحلي والمواقيت الصارمة والربكة الاجبارية في منبر سودانيز اونلاين يبحثون عن المقاومة الاضعف مثل الكهرباء يبحثون عن الضحية التي يمكن جلدها وسلخها والاقرب للصورة الذهنية القابلة للتوغير والتحريض يتجاهلون المناخات الاخرى وتركيبة النفوذ في مؤسسات الدولة وطبيعة اتخاذ القرار والتخصصات قد يكون الكلام مقبولا من العوام لكن ليس مقبولا من شخص يحمل لقب اعلامي ايا كان كما انه يفتقر للمبرر الاخلاقي اذا اصبح تحريضا مطلقا وتشويشا على الاخرين انا لست باخعا نفسي اذا تخرصوا على جهاز المغتربين فهو ليس مؤسسة خاصة وهو ليس ابن عمي ولااخي كما ان حياتي لم تبدا فيه ولن تنتهي فيه لكن يحز في نفسي ان يكون فهم الصفوة من المغتربين الذين نحتاجهم في الرأي والرؤية بهذا الشكل القطيعي المنفر الى درجة بيع ذات الكلام وذات المفردات عن حل (الجهاز المشئوم )الى درجة الطرح الساذج من احدهم عندما قال ماذا سيفعل جهاز المغتربين ارجع المغتربون كلهم الى الوطن فساله الطيب شيقوق (ماذا سيفعل جهاز الشرطة اذا انتهت الجريمة،،،!او ماذا ستفعل وزارة الصحة اذا اصبح الناس كلهم اسوياء- او كما قال - تحدثت رغم كل ذلك ورغم ان الامر ينطبق عل كل السودانيين مع السيد مدير جوازات المغتربين الذي سيستلم مهامه غداواتفقنا ان يتم تجديد الجواز لمدة سنتين رغم التوجيهات الصارمة من الدولةو ذلك على مسئولية حامله فربما يعوق حركته في المطارات العالميةعندما ينتهي المدى الزمني هذا مشوار طويل سيظل عدد من المغتربين يجلدون هذه المؤسسة ويطلقون عليها نيرانهم الصديقةبسبب غياب المعلومةوبسبب عين السخط لكن ماذا استفادوا وماذا استفادت المؤسسة؟؟؟

شكرا أخي يوسف على ما بذلته من مجهود ولا يزال سؤالي قائما ؟؟؟؟

Quote: لماذا تم إنشاء جهاز للمغتربين ؟؟ سؤال يطرح نفسه مرارا وتكرارا؟؟ وهل أنشئ الجهاز ليسهل إجراءات المغتربين أم يعرقلها وينغص حياتهم ؟؟ وما هي الأسباب التي تدفع بالموظفين إلى الشعور بالعدائية تجاه من يتولون أمرهم؟ وإلى أين سيذهب هذا الجهاز الممقوت المكروه من جميع المغتربين بلا استثناء إذا قرر المغتربون العودة الطوعية إلى الوطن ؟؟

وسؤال اضافي وجاد جداً:
هو الجهاز ده لسه قاعد ليه؟؟

أعتقد أن صلاحية الجهاز قد انتهت، كما انتهى جواز عواطف..
حتى الآن لا ندري ما هي المهام التى يقوم بها الجهاز تجاه المغتربين، حتى يكون هناك أمين عام وجيش كبير من الموظفين والموظفات..
اذا نظرنا قضايا المغتربين نجدها تزداد تعقيداً من عام لآخر، وحقوقهم تضيع في الداخل والخارج، ولم نسمع حتى الآن بأي اتفاقيات عمالية أو ملحقين عماليين في سفاراتنا بالخارج ليكونوا على مقربة من واقع المغتربين الذين يواجهون وبشكل انفرادي قضايا عمالية معقدة..
وقد أفرزت هذه الأوضاع مآسي أسرية يصعب حلها طالما كانت تفتقر الى الأرضية القانونية المستندة على كفالة حقوق المغتربين في الخارج .

اذا كان لا بد للجهاز أن يبقى ويستمر ، عليه أن يغير من استراتيجياته تجاه المغتربين،، ومن المفهوم القديم والراسخ حول دوره التقليدي في الجباية..وهذا لعمري ليس بالأمر السهل ولكنه ليس بالمستحيل اذا ما صدقت النوايا.

وأكثر ما يشغل بالنا كمغتربين أن ينأى الجهاز عن التدخل المباشر فى شؤوننا وفي منظمات المجتمع المدني القائمةوالتى تعتبر متنفساً اجتماعياً للغالبية العظمى من المغتربين ،، خاصة أن الحساسية أصبحت مفرطة فيما يتصل بالاستقلالية في زمن تمددت فيه معاني وقيم الممارسة الحرة والديموقراطية لهذه المنظمات.

على الامين العام الجديد أن يبادر بفتح صفحة جديدة، تنسجم مع متطلبات المغتربين دون التغول على حقوقهم الطبيعية فى انشاء كياناتهم ومنظماتهم، خاصة المهنية منها.. ولكن اذا استمر الوضع كما هو عليه فبالتأكيد أن الاحساس بالظلم سيولد مع مرور الزمن حنقاً وحقداً قد ينفجر في لحظة ما ليأتي بنتائج وخيمة على كل الأطراف.

الموضوع قد يحتاج للكثير من النقاش والتناول..ولكن في النهاية أعتقد أن القدرة على استمرارية الجهاز تكمن في قدرته أيضاً على انشاء علاقة تكاملية دون الوصاية.

Quote: الامين العام الجديد أن يبادر بفتح صفحة جديدة، تنسجم مع متطلبات المغتربين دون التغول على حقوقهم الطبيعية فى انشاء كياناتهم ومنظماتهم، خاصة المهنية منها.. ولكن اذا استمر الوضع كما هو عليه فبالتأكيد أن الاحساس بالظلم سيولد مع مرور الزمن حنقاً وحقداً قد ينفجر في لحظة ما ليأتي بنتائج وخيمة على كل الأطراف. الموضوع قد يحتاج للكثير من النقاش والتناول..ولكن في النهاية أعتقد أن القدرة على استمرارية الجهاز تكمن في قدرته أيضاً على انشاء علاقة تكاملية دون الوصاية.

أخي البشير ..

أسعد الله صباحك بكل خير ..

حتى هذه اللحظة لم أسمع كلمة واحدة طيبة في حق هذا الجهاز الذي يقول عنه أمينه العام أنه جهاز

مغلوب على أمره ..( شر البلية ما يضحك ) إذا كان الجهاز مغلوب على أمره نحنا نكون شنو ؟؟؟

شكرا على هذا الإسهاب وعلى المداخلة التي تستحق التقدير..

عزو ...

يسعد مساك ..

ياخي آسفة يا دوب شفت المداخلة ..

خت الصورة ورسل السي في كمان ..

احنا في ديك الساعة ؟؟؟؟

مساء الخير أستاذة عواطف
تصوري يا ستي أنا مشيت السودان بعد سبعة سنوات ... ( شوفي .. عليك الله في كام سبع سنوات في العمر) وده كلو هروبا من جنس دا... الله يجازي اللي كان السبب... والنتيجة الطلعت بيها بكل أسف إني أكثر إحساسا بكرامتي كبني آدم في مغتربي أكتر من وطني ...وأقولها بكل مرارة ...ياخي الدولة عندها المغتربين دجاجة بتبيض دهب وماسكين يفطسوا فيها... بي سخفهم دا ...عليك الله حيستفيدوا شنو من حرمان شخص من سترتو في إغترابو ؟.. ما ياخدوا الفي النصيب ويسكتوا ... ماهو كدا في كدا حندفع... ونديكي نكته علي رأي الشروق مرت من هنا... قالوا في واحد زمان كان بيسرق من مخازن الحكومة أسمنت وسيخ وبيبعها لواحد .. ومرة بعدما سلم البضاعة الراجل دخل يدو في جيبو وطلع ليهو ربطة قروش وأدها ليه .. فقام أخونا الحرامي مسك القروش وقعد يعد فيها .. قام الراجل قال ليه ... يازول خت قروشك في جيبك.. ولمن أبوك يفتح ليك مغاق تبقي تعد..وتحسب... دحين الناس ديل بيحسبوا في حاجة ماداقين فيها طورية ... بس حتة الدفتر الأخضر دا ..
وحمدالله
علي سلامة العودة

Quote: إنتو مغتربين ليه?..ما كان تهاجروا !! حيث لا ضرائب ..لا زكاة ولا تجددون

نعم السودانى المهاجر تم منحه بطاقة مدتها خمسة سنوات يدخل ويخرج بها من السودان كما يشاء..لا يحتاج الى تاشيرة او اذن من احد...يا ليتنا هاجرنا ثم عدنا الى السودان بجوازات اجنبية!

Quote: نعم السودانى المهاجر تم منحه بطاقة مدتها خمسة سنوات يدخل ويخرج بها من السودان كما يشاء..لا يحتاج الى تاشيرة او اذن من احد...يا ليتنا هاجرنا ثم عدنا الى السودان بجوازات اجنبية!

يسعد صباحك ..

خلاص يا بدري تعال نقلبها هجرة ونرتاح .. شو رأيك ؟؟

الشفيع أخوي ..

صباح الخير ..

والله لو قررنا نكتب عن السوالف اللي بتحصل في جهاز المعذبين حتكون في مجلدات ومع ذلك الأمين

العام بيدافع وفي اللآخر يقول إنه الجهاز لم يضف إليه شيئا و كأننا نتكلم عن شخصه ..

بالفعل المفروض يسكتوا وما يعدوا لغاية ما يفتحوا مغلق ..

شكرا على العبور..

Quote: من سمح لجهاز المغتربين بإنهاء صلاحية جوازي ؟؟؟ !!!!!

يا عواطف يا قريبتي انتي جوازك دا كندي والا شنو ؟؟



طالما فيهو صقر الجديان دا يسوا العاوزينو فيهو وأنتي بس تقولي سمح !! وحاضر

وتدفعي كمان ! ولو ما عجبك بس تقعدي في السودان جوه وما تطلعي ،،،



نحنا يا قريبتي حكاياتنا دي لا بتنحكي ولا في شعب بيصدقها وبيضحكوا علينا البنغال !


نحنا الله بجازينا بي بني جلدتنا عشان بعدين يودينا الجنه توووووووووش

ربنا قال الصابرين ليهم الجنه - أها الناس ديل عاوزين لينا الدار الآخره ما الدار الفيها نحنا بننغلي كل إجازه دي !

با عواطف يا أختي : لو ربنا رزق الواحد ( بيبي ) جديد عشان تضيفوا في جواز أمو بيشيلوا منك مبلغ 115 ريال !

رغم أنو البلد الأنت قاعد فيها أجنبي بيديك شهادة الميلاد مجان

ويضيف ليك جناك ود بطنك مجان في الإقامه ! وبلد لا بندفع

فيها ضرائب لا خدمات لا زكاة لا رسوم قبانه !! ولا دمغة جريح ولا فطيس ،،

عليك الله مش حاجه تحير الحيره ذاتها !

ديل ما عاوزننا نلد والا شنو ؟؟


كفاك ويدي وجعتني وما بجيك راجع - بوستيك دا تور على الضغط والنفس !


هشام

Quote: يا عواطف يا قريبتي انتي جوازك دا كندي والا شنو ؟؟ طالما فيهو صقر الجديان دا يسوا العاوزينو فيهو وأنتي بس تقولي سمح !! وحاضر وتدفعي كمان ! ولو ما عجبك بس تقعدي في السودان جوه وما تطلعي ،،، نحنا يا قريبتي حكاياتنا دي لا بتنحكي ولا في شعب بيصدقها وبيضحكوا علينا البنغال ! نحنا الله بجازينا بي بني جلدتنا عشان بعدين يودينا الجنه توووووووووش ربنا قال الصابرين ليهم الجنه - أها الناس ديل عاوزين لينا الدار الآخره ما الدار الفيها نحنا بننغلي كل إجازه دي ! با عواطف يا أختي : لو ربنا رزق الواحد ( بيبي ) جديد عشان تضيفوا في جواز أمو بيشيلوا منك مبلغ 115 ريال ! رغم أنو البلد الأنت قاعد فيها أجنبي بيديك شهادة الميلاد مجان ويضيف ليك جناك ود بطنك مجان في الإقامه ! وبلد لا بندفع فيها ضرائب لا خدمات لا زكاة لا رسوم قبانه !! ولا دمغة جريح ولا فطيس ،، عليك الله مش حاجه تحير الحيره ذاتها ! ديل ما عاوزننا نلد والا شنو ؟؟ كفاك ويدي وجعتني وما بجيك راجع - بوستيك دا تور على الضغط والنفس ! هشام

غايتو يا هشومي ضحكتيني لمن الناس الحوليني استغربوا

فعلا جوازي زي الجواز الصومالي لا لون له ولا طعم ولا رائحة .. عشان كدة أخير أتلم وأسكت بس وكمان

أدفع من غير نقاش هو بس بقت على الدفع وبس كمان فيها شوية مرمطة وشيل حال + ذلة وإهانة وكان

عجبكم وكان ما عجبكم بلطوا البحر .. غايتو يا قريبي من بكرة ماشة السفارة الصومالية قالوا

جوازهم ساهل زي الكضب ورغم إنه أقل من عادي لكن ما فيه ضريبة ولا إهانة ...

أنا بصرراحة بقيت ما بؤمن بقول الشاعر

بلادي وإن جارت علي عزيزة ..

وأهلي وإن ضنوا علي كرام ..

الفاتك فوتو والباعك بيعه...

وما تنسى الشاعر التاني قال ..

كل ديار قربت منك منزلي ..

وكل مكان أنت فيه مكاني

لا عزيزة ولا زينب ..

شكرا على الطلة تعال بكرة راجع .. بعدما تتعالج من النفس والدغت ..

أنا يا أستاذة عواطف جواي كلام كتييير وغبينة شديدة بس والله ما لاقي ليها وقت أكتبها ... لو سمحتي أفش غبينتي شوية في بوستك المحضور ده ... المستغرب ليهو يا ستي د. كرار التهامي ده كيف سمحت ليهو نفسو يبقة أمين عام جهاز زي ده؟؟ لو فيهو نزعة إنسانية وضمير حي ما كان ليوافق أن يكون أمين عام جهاز (سرقة) المغتربين المساكين، فبالضرائب يعلم الداني والقاصي أن الدولة تستولي على أموال المغترب بلا وجه حق، فلا خدمات مقابل المبالغ المالية التي تؤخذ من المغترب (أنا مغترب 12 سنة وإلى الآن ما حصل لمست وجود للجهاز طيلة سني اغترابي إلا في شباك الدفع المكتوب عليهو دولار وريال داك) وفوق كل ذلك (وبلا خجلة هناك بند مدفوعات آخر يسمى خدمات)!!!!!!! الاختشو ماتو يا دكتور ... أما الزكاة فهي غير شرعية ولا تتوفر فيها شروط الزكاة على المال والمتمثلة كما نعلم جميعاً في الملك التام للمال،النماء حقيقة أو تقديرا
بلوغ النصاب، الزيادة عن الحاجات الأصلية، حولان الحول، فيا دكتور ياتو واحد من المذكورات ديل منطبقة عليّ أنا؟؟؟ ودعني أتحدث عن نفسي عشان ما أدخل في ذمة زول غيري ...
والمشكلة فوق ده كلو تتهان زي الكلب في الجهاز وتسمع مليون كلمة فارغة من ناس ما بفهموا ... وأحلي ليكم موقف سلمنا جوازاتنا وطلعنا برة الجهاز مشوار وجينا راجعين نمشي نستلم جوازاتنا منعنا الأمنجي الفي الباب ندخل قال لو ما معاكم جوازاتكم ما بتدخلو ... قلنا للزول جوازاتنا جوة قيد الإجراءات نجيبها ليك كيف يعني؟؟ قال لا ما بعرف دي ما مشكلتو ... قلت ليهو طيب تصورك لحل المشكلة دي شنو عشان نحنا نقدر ناخد جوازاتنا ونمشي؟؟؟ قال ما بعرف وما مشكلتو ... أنت لو رئيس ديل يا دكتور التهامي كان تحلل راتبك ده وتفكر ليهم في طريقة يحلو بيها لمعضلة الصغيرة دي بي ورقة يستلمها المغترب مقابل جوازو الفي الإجراءات لتسهيل دخولو وخروجو مش يتحبس جوة 6 ساعات لسبب تافه زي ده!!!!
ألغفوا أموالنا ما شاء الله لكم ... فنحن احتسبناها لوجهه الكريم على أن نجده في ميزان حسناتنا يوم لا ينفع مال ولا بنون، وتجدوها أنتم بإذنه تعالى معلقة في رقابكم تشهد على ظلمكم البيّن لنا ...

نادر

سلام ..

البوست بوستك ونتمنى من موظفي الجهاز أو المؤسسة المعنية أن يكونوا أكثر إحساسا بالمسئولية

الملقاة على عاتقهم وأكثر تعاونا بدلا من إذلال الأخرين ..