Post: #1
Title: طه الضرير والطيب ود ضحوية يهجوان بيل قيتس
Author: محمد ابراهيم قرض
Date: 06-08-2009, 07:12 AM
كان طه الضرير والطيب ود ضحوية في طريقهما إلى أبو دليق ، وكان طه يبحث في اللاب توب خاصته في الإنترنيت بال Wireless. وكان يبحث عن رد من محبوبته. فوجد رداً قصيراً. فأنشد قائلاً:
شديت ال Pentium واصبح يبرطع جايط ال Internet دقش قلبتو صايت صايت
على ام شعراً حلال ما طولنو وسائط وعطشان الغرام ما برونو 2 K.Bite
فرد عليه الطيب قائلاً:
الفيك يا طه Virus والله الكريم الشافي ومفيدك طبيب حتى إنبقيت Mc Kafi
غير لخلوخة الهرفة أم قليباً جافي وأركز للتجيك يا طه Options مافي
استسلم طه وأنشد:
إيميلك وصل زود علي الهم والفكر انشغل ال Ram عليك وال ROM
يالصلاح جميع أنا والحبيب نتلم ويا ساكن الضريح سيدى الحسن Dot Com
الليلة ام شلوخ لاقيتا عند ال Chat و Virus ضرب قلبي ومحى الفايلات
يوم شافني الفقير البكتب البخرات Defrag ما بفيد أحسن To Reformat
بعد ما كت فقير بخراتي Word و Excel دقشتني أم رشوم خلت درايفي إختل
Mother Board القلب الكان زمان Intel بقى Chipset رخيص كل ما ربطو أنحل
Mother Board القلب الكان زمان Intel بقى Chipset رخيص كل ما ربطو أنحل
الخبر الأكيد اليلة جابو ال Yahoo وقال ست البنات إيميلنا مي طارياهو
ست القوام Hardware نظامو براهو غرامك Virus الهجعة البقرض الجاهو
لذلك فهي دعوة للجميع لمجاراة شعر العولمة و
ال IT ذلك .. فهل من مشارك ؟؟
|
Post: #2
Title: Re: طه الضرير والطيب ود ضحوية يهجوان بيل قيتس
Author: محمد ابراهيم قرض
Date: 06-08-2009, 02:28 PM
Parent: #1
ما معقول يا ناس ..
ولا نفر واحد يعمل
مدافرة .. أقصد مداخلة ؟؟
حرام ....
|
Post: #3
Title: مبالغة
Author: ممدوح أبارو
Date: 06-08-2009, 02:43 PM
Parent: #2
الاخ قرض والله جبتو آخر
نحنا بنرجي الملكة الريحانة وود شيقوق يجو يردو عليك
Quote: ما معقول يا ناس ..
ولا نفر واحد يعمل
مدافرة .. أقصد مداخلة ؟؟
حرام .... |
شكلك قفلت البوست عشان كده مافي متدخلين
|
Post: #4
Title: Re: مبالغة
Author: محمد ابراهيم قرض
Date: 06-08-2009, 02:51 PM
Parent: #3
بارك الله فيك يا ود أبارو ..
فشيت لي غبينتي !!
الملكة حبابة ..
بس بيني و بينك ود شيقوق
ده اشاعة ساكت ..
البنادر خربتوا !!!
|
Post: #5
Title: Re: مبالغة
Author: أسامه الكرور
Date: 06-08-2009, 06:57 PM
Parent: #4
أن من يومك الأبيت ترسل لى فيهو الصور إياها فى الإيميل زعلان منك
وقلت أصلوا ما بدخل أقول ليهو الحاجات الحلوه دى بتجيبا من وين ؟؟
وإن شاءالله مافى زول إفشش ليك غبينتك عشان أنا لى هسى مغبون
|
Post: #6
Title: Re: مبالغة
Author: Nasruddin Al Basheer
Date: 06-08-2009, 07:18 PM
Parent: #5
تحياتي أستاذنا محمد إبراهيم قرض
القطعة عبارة عن تحفة إبداعية رائعة
حقيقة عمل جميل ومجهود مقدر..
نتمنى أن تستمر المجادعات..
|
Post: #7
Title: Re: مبالغة
Author: ياسر بيناوي
Date: 06-08-2009, 07:19 PM
Parent: #5
نضما سمح بالحيل زي رطبي دا
علا ما عرفنا القالو منو
حد من قوقلنا فيهو ما عرفنالو جيهه تب
خالص الود
|
Post: #8
Title: Re: مبالغة
Author: محمد ابراهيم قرض
Date: 06-09-2009, 11:06 AM
Parent: #7
Quote: أن من يومك الأبيت ترسل لى فيهو الصور إياها فى الإيميل زعلان منك
وقلت أصلوا ما بدخل أقول ليهو الحاجات الحلوه دى بتجيبا من وين ؟؟
وإن شاءالله مافى زول إفشش ليك غبينتك عشان أنا لى هسى مغبون |
أسامة:
أنت كنت عايزني أرسل ليك الصور
من غير ما تدفع حق الظرف
و الطابعة كمان ؟؟؟!!!
ما يهمك ..
رسل المطلوب نرسل ليك المطلوب !!!
|
Post: #9
Title: Re: مبالغة
Author: محمد ابراهيم قرض
Date: 06-09-2009, 11:32 AM
Parent: #8
Quote: تحياتي أستاذنا محمد إبراهيم قرض
القطعة عبارة عن تحفة إبداعية رائعة
حقيقة عمل جميل ومجهود مقدر..
نتمنى أن تستمر المجادعات.. |
نصر الدين ..
تسلم يا رجل يا زوق ..
بس المجادعات بدور ليها واحد
من البطانة لكن (متعولم) ..
مش زي ناس ود شيقوق !!!!
|
Post: #10
Title: Re: مبالغة
Author: محمد ابراهيم قرض
Date: 06-09-2009, 11:50 AM
Parent: #9
Quote: نضما سمح بالحيل زي رطبي دا
علا ما عرفنا القالو منو
حد من قوقلنا فيهو ما عرفنالو جيهه تب |
ياسر ..
انت قايل أنا عارف القالوا منو ؟؟؟
كمان ظنيتك قايلو إنه من بنات أفكاري ..
حليل البنات و حليل الأفكار يا ياسر !!
وحاتك انت جاني في (الميل) ، و أقوم كده
أعمل (كوبي) و (بيست) ..
يعني عندي أجر المناولة بس !!!!
|
Post: #11
Title: Re: مبالغة
Author: محمد ابراهيم قرض
Date: 06-11-2009, 02:13 PM
Parent: #10
Where is every body????
|
Post: #12
Title: Re: مبالغة
Author: عبدالله وداعه الامين
Date: 06-11-2009, 02:21 PM
Parent: #11
الاخ العزيز عبدالله عثمان
تحية وسلام لك
صعب ان تجد من يفيدك وحتى القوقل
رغم ان النص موجود في النت
وقد كتب هذا النص في عام 2006
لنا منبر خاص في منتدى النافذة لصاحبه عبدالله الاسد
مختص بشعر الهمباتة نكتب فيه مساديرنا
وهي قصائد مستحدثة وباقلامنا نحن وعلى منوال الرباعيات القديمة للدوبيت
هذا النص كتبة الاخ الدكتور عصام الاسد والذي يكتب باسم krinka
وهو مقيم بالامارات العربية وشقيق الااخ الباشمهندس عبدالله الاسد
اليك برابط النص وبقية القصائد
http://al-nafitha.com/vb/showthread.php?t=3548
الشكر موصول لك ولحبيبنا krinka واخيه جيلاني (عبدالله الاسد)
ولك المودة
الاخ العزيز محمد ابراهيم
تحية وسلام
اعلاه هي مداخلتي في بوست الاخ عبدالله عثمان وهو بعنوان : الكلام الحلو دا لي منو
وفيه رد لسؤالك
لك الود والتحية
|
|