Sudan For Three

تلاتة أنفار و شوية كمبارس و ظلال عرجاء و عاملين الدوشة دي كلها.

فور ثري شنو .. فور تو بس .. فعبد الله بولا
أصبح لا يظهر إلا للتصديق على أحكام الإعدام.

هو السودان ليوم الليلة يستعاض عن أسماء المرشحين في إنتخاباته برموز
الزول الما قادر يقرا
شن دخله بالديمقراطية?
سودان للجميع ممن يعون قيمة الحوار الديمقراطي و يمارسون حقهم بوعي

شابكننا منتدى الصفوة منتدى الصفوة .. نحن ديل منتدى الصفوة؛
دايرين شنو أكتر من إنو يكتب عندنا صلاح بندر و صدقي كبلو.

حتى أحمد المرضي لمن يكتب هنا بيكون مقبول؛ هناك التقول بالع عتلة.

و بعدين تعالوا .. هو منو الهناك و ما عندو اشتراك هنا؟!!

حسن موسى !!

لمن لا يعلم .. حسن موسى كان قد أرسل لبكري يطلب اشتراك؛
بكري الزمن داك لا سمع بحسن موسى و لا من يحزنون فأداهو الطرشا.

Quote: لمن لا يعلم .. حسن موسى كان قد أرسل لبكري يطلب اشتراك؛ بكري الزمن داك لا سمع بحسن موسى و لا من يحزنون فأداهو الطرشا.

هذا ما حدث .. أمال انت قايل حنفشتو دي كلها عشان شنو.

حسن ماقدر على بشرى في صوره المتخيلة قال يربط ليهو في زقاق منعم الجزولي؛
لمّ فيهو بشرى – في الزقاق – و طقطقو برضو .. خلاهو يلحس كلامو .. لحس جد جد و ليس مجازاً.

Quote: فور ثري شنو .. فور تو بس .. فعبد الله بولا أصبح لا يظهر إلا للتصديق على أحكام الإعدام.

فكتب بشرى الفاضل:

Quote: العبارات التي تطلقها نجاة ويطلقها حسن موسى و يأتي بولا ليؤمن على موقفهما فيما يتعلق بمثل هؤلاء الأعضاء غير المرغوب فيهم تبدو لي حادة للغاية .

Quote: لمن لا يعلم .. حسن موسى كان قد أرسل لبكري يطلب اشتراك؛ بكري الزمن داك لا سمع بحسن موسى و لا من يحزنون فأداهو الطرشا.

ليه هو يعني هسي في زول بيعرف حسن موسي بدون ما يتموها بفور اوول ؟

Quote: ليه هو يعني هسي في زول بيعرف حسن موسي بدون ما يتموها بفور اوول ؟

حسن موسى مابتموهو بالفوراول يانوبي
من أسوأ الاشياء في الدنيا إنك تغمط الناس حقها
ماعاوزة أعيد وأزيد لكن حسن موسى معرفته وشهرته ومكانته ما فيها مغالطة




_______________
مواقف حسن موسى التانية هو حر فيها واظنهmature enough

Quote: حسن موسى معرفته وشهرته ومكانته ما فيها مغالطة

قبل ولا بعد فور اوول

Quote: واظنهmature enough

كذا مرة دخلت منبر سودان فور أوول ..
و صراحة فيهو ناس كبارات و قامات و أدباء و فنانين تشكيلين و شكالين و شنو شنو ..
و كمان فيهو ناس كتارين كدة فاكنها في روحهم و مصدقنها..
و لماأدخل أقرأ موضوع أو مداخلات بيجيني إحساس بتاع إنو الناس دي بتاعين غلاط و بس ..
يعني أي زول يكتب حاجة يجي واحد ينظر و يقول ليهو ( ما كدة ) يجي واحد تالت يقول ليهم ( هي كدة لكن زي ما كدة ) و هكذا ( دواليبك )..
و الواضح إنو الحكاية ما ديمقراطية و كدة ، لأنو ( ما كدة ) دي ممكن توديك التوج و كدة ذات ممكن ترسمك ضبانة ..
آي نعم هم ما عندهم ( خور ) لكن عندهم ( عدم ) كبير خلاص ..
بعدين ( الرسمات ) بتاعتهم ذاتا ما ( سمحة) ..
ـ
واحد من العامة جداً ..

ملاسى ؟ خلاس عايز تشبع لطم. لوووول ..
عارف اصلو ما كنت ح ادخل هنا لكن
قلت اللا اشوف التالت دا منو ؟ غلبنى اعرفو براى !

Quote: فور ثري شنو .. فور تو بس .. فعبد الله بولا

فوجدتك قد رجعت للحساب الصحيح .

Quote: شابكننا منتدى الصفوة منتدى الصفوة .. نحن ديل منتدى الصفوة؛

لكن المصفى بتاعك دا خرومو مش ضيقة شديد ؟؟

Quote: حسن ماقدر على بشرى في صوره المتخيلة قال يربط ليهو في زقاق منعم الجزولي؛ لمّ فيهو بشرى – في الزقاق – و طقطقو برضو .. خلاهو يلحس كلامو .. لحس جد جد و ليس مجازاً.

حسن الجزولي جا داخل الزقاق يتشمشر .. كشحوهو برا

نحن الصفوة والدليل ان الاستاذ محمد يكتب معنا

محمد المقصود هو محمد عادل صديق عمر فضل المولي وحبيب مبارك الفاضل ويقام المأتم بمقابر آل بكري

شغل نضيف ياملس

فور ويل درايف

يعني 4 عجلات جارين حنطور

الناس دي ماشة تزاحمهم ليه

خليهم يشلتوهم ويرسموهم كمان

يا حيدر يقولوا ليك فور ثري تقول ليه فور ويل درايف

يا أخي كنت تقول رقشة (ركشة, توك توك) ثري بايك أو عربة العجائز ام ثلاتة ديك

العجل القدام دا بالمناسبة هو المقطور ومدحرج ساي بس خاتينوا قدام عشان يبصم

كتب البطل:

والثاني هو الحوار. كان فى واحد بعرف طريق تالت يورينا (للمعلومية: الجلوس
على المؤخرات والطرقعة على الكمبيوترات لا يعتبر طريقا معتمدا لاسقاط الانظمة).


____

ثم اضاف متهكماً على حسن دون وجه حق:

حسب علمى الدكتور حسن موسى ما عنده جيش ولا بوليس، ولا عنده نية يأسس ليه حركة مسلحة عشان
يحررنا من ( الغول). وحسب علمى كمان حسن مما انقشط جوة فرنسا دى وضربو الهوا البارد تانى ما مرق منها.


____

ثم أضاف مقللاً من شأن الكاريكاتيرات كوسيلة من وسائل اسقاط الأنظمة:

ممكن هو واستاذنا – واستاذه - الدكتور بولا يورونا من اين جاء الغول، لكن ما عندهم طريقة يخلصونا منو
او يورونا نخلص منو كيف. انا بقول ممكن نخلص منو بالحوار وحسن موسى بقول ممكن نخلص منو بالكاريكاتير.

____

عيبوا لي الكاريكاتيرات .. ما ياهو دا الحزب الشيوعي
– ذات نفسو – معتمد على الكورال كوسيلة لاسقاط النظام.

____

يروج الحزب الشيوعي لمقوله منسوبة – دون سند – لعبد الخالق محجوب
انه عندما سئل عن ماذا قدم الحزب الشيوعي للسودان .. أجاب: الوعي!!

و قد كان حري به أن يجيب: الكورالات!

يروج الحزب الشيوعي لمقوله منسوبة – دون سند – لعبد الخالق محجوب
انه عندما سئل عن ماذا قدم الحزب الشيوعي للسودان .. أجاب: الوعي!!

و قد كان حري به أن يجيب: الكورالات!

أها .. يا حسن لو لا قدر الله زول سألك .. أوعك تختشي تقول الكاريكاتيرات.

مؤسف – و سخيف – ذلك الصراع الدائر بين نجاة محمد علي
و حسن الجزولي حول أيهم أكثر إسهاماً في إصدارة السخي.

كل زول داير يخمش ليهو خمشة من تركة السخي .. مؤسف للغاية.

مؤسف .. مؤسف للغاية.

منقول من قديم الاسافير

Quote: العمل مقتبس من اللوحة الشهيرة The Monkey Painter للفنان الفرنسى الكسندر غابريال و الذى رسم هذة اللوحة فى عام 1833 ميلادى، و اللوحة معروضة حاليا فى احد اروقة اللوفر الفرنسى الوجه المبتسم فى العمل يمثل حسن موسى، شخصية سوادنية ممن يعتقدون انهم من اصحاب الدم الازرق و هنا تم الترميز الى الدم الازرق بالذيل الذى يميل لونه الى الازرق، و نراه جالسا متقرفصا فى الارض يدعى البساطة و الحداثة، بالرغم من افكاره التقليدية، حيث انه يجلس و تحيط به اسلحة الحرب و القتل ، و لا يشعر بادنى حرج من تعليقها على حائط كرمز افتخار ، بل و يبتسم دون اكتراث بالنتائج التى احدثتها و لا تزال تحدثه ا هذة الاسلحة ، كتفكير طبيعى لاصحاب الدم الازرق الذين يترفعون عن مشاركة البسطاء و عامة الشعب همومهم و تظهر فى اللوحة صورة امرأه فى وضع الركوع ، تحت شعار يمثل موطن حسن الاصلى (السودان)، و غالب الظن ان المرأه من نفس الوطن، و راغبة بشدة فى ان تكون من النخبة الصفوية، و هنا نرى فكرة تقليدية آخرى، حيث ان شخصية القرد بصفة عامة شخصية همجية، لا تعرف معنى للترتيب او العمل المشترك، فنجد ان القرد هنا اختار وضع امرأه فى الخلفية، و لم يضع (قردة) من نفس فصيلته، راغبا فى تثبيت مبداء (وراء كل قرد عظيم امرأه)، و يقوم القرد باستغلال هذة المرأه من خلال باب حبها للوطن و حبها للفن، حيث ان القرد يقول بانه فنان صفوى من وطن مقهور فنجد ان المرأه سلمت له نفسها فى خضوع واضح (راكعه) امام رمز يشكل خارطة الوطن اعطى هو فكرته و قامت هى بتنفيذه و تعمل على تنظيفه و تلميعه و تقديمه للناس باسمه هو و فصيلته. اللون الداكن هو الغالب فى هذا العمل، ما عدا لون رمز الوطن حيث فيه الوان مختلفه لكى يوهم الناظر اليه بانه مختلف عن واقع اللوحة العام، رغم بهتان هذة الالوان و عدم قوتها، الا ان الناظر ينخدع بسهولة لهذة الفكرة اسم هذة اللوحة The Blue Tail Monkey

حسن الجزولي و بكل حسن النية الفي الدنيا
استعمل سودانيات لرفع ما أطلق عليه اسم الوثيقة

بالله العندو إشتراك في سودان فور تو ده ، اليكلم ياسر الشريف كان داير كل شويه يجيب مداخلات من هنا ، و يفتح بوستات رد علي مواضيع إتكتبت هنا ، اليجي يكتب هنا عديل !

Quote: Sudan For Three

... BUT
... YOU

Quote: اليكلم ياسر الشريف كان داير كل شويه يجيب مداخلات من هنا ، و يفتح بوستات رد علي مواضيع إتكتبت هنا ، اليجي يكتب هنا عديل !

لا أعتقد أن ياسر الشريف سيجرؤ على الكتابة هنا مرة أخرى.

ثم قام برفع ملف صوتي بواسطة سودانيات .. أيضاً



_____
بدأت تساورني الشكوك في أن حسن
الجزولي يفعل ذلك عامداً متعمداً.

نجاة: أنا قلت ليك ...
حسن الجزولي: أنا قلت ليك ...
نجاة: أنا قلت لييك ...
حسن الجزولي: أنا قلت لييك ...
نجاة: أنا قلت لييييك ...
حسن الجزولي: أنا قلت لييييك ...