طه الضرير والطيب ود ضحوية فى عصر الانترنــت ( عزام حسن فرح ) الاخرون يمتنعون

الحبيـــب / عزام


السلام جـــاك وجـــاك

فتحـــت الـ INBOX


لقيــت ليــك MESSAGE


ضهبانــــه ...


عملــت بيــه اصــلــى واعدت إرسالها


(( رد / جاوب / شيل البوســت / كلو حقــــك




شاعر مجهول



طه الضرير والطيب ود ضحوية كانا في طريقهما إلى أبو دليق وكان طه يبحث في اللاب توب في الإنترنيت بال Wireless. ، عن رد من محبوبته. فوجد رداً قصيراً. فأنشد قائلاً:

شديت ال Pentium واصبح يبرطع جايط

وال Internet دقش قلبتو صايت صايت

على ام شعراً حلال ما طولنو وسائط

وعطشان الغرام ما برونو 2 K.Bite



فرد عليه الطيب قائلاً:

الفيك يا طه Virus والله الكريم الشافي

وما بفيدك طبيب حتى ان بقيت Mc Kafi

غير لخلوخة الهرفة أم قليباً جافي

وأركز للتجيك يا طه Options مافي



استسلم طه وأنشد:

إيميلك وصل زود علي الهم

والفكر انشغل ال Ram عليك وال ROM

يالصلاح جميع أنا والحبيب نتلم

ويا ساكن الضريح سيدى الحسن Dot Com



الليلة ام شلوخ لاقيتا عند ال Chat

وال Virus ضرب قلبي ومحى الفايلات

يوم شافني الفقير البكتب البخرات

قال Defrag ما بفيد أحسن To Reformat





بعد ما كت فقير بخراتي Word و Excel

دقشتني أم رشوم خلت درايفي إختل

Mother Board القلب الكان زمان Intel

بقى Chipset رخيص كل ما ربطتو أنحل



الخبر الأكيد اليلة جابو ال Yahoo

وقال ست البنات إيميلنا مي طارياهو

ست القوام Hardware نظامو براهو

غرامك Virus الهجعة البقرض الجاهو

الناس البتتاوق ديل ...


قلنا عزام ( هســن ابن فره ) بالمحســـى


والاخرون يمتنعون ( الاخرون ديل ما إنتــو )

بدر الدين إسحاق

الله يجازي محنك

إت فتا عزام بي غادي

تحياتي ... ومزيد

ود الشعبية الكبير شمس الدين ..


انتم طبعا ليـــس من الممنوعين من الدخول ..فأنتــم اهل الجلد والراس


الزول داك عمــل فيها مـــره مهاجــر الى ربوع البطانة وكمل ليه فيها


خريف خريفين ...

وشال صنعة (( القريــض )) فقلـــت اهابشــو بيــه بوســت علــه يحــن


ويفكر يرجع ليـــه اهلو وصحابو ..

Quote: الله يجازي محنك إت فتا عزام بي غادي تحياتي ... ومزيد

الأستاذ بدر الدين سلامات

توارد خواطر عجيب جعلني

أتعجب وياريت لو زرتنا بي هناك




يا منصور المفتاح ومحبي شعر البطانة بالله ورونا الشاعر ده منو؟؟