Post: #1
Title: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-28-2009, 12:03 PM
الشجاعة والاقدام..
النخوة والمروءة..
الكرم والتواضع.....
هذه صفات قل ان تجتمع جميعها في شخص واحد .
ولكنها اجتمعت كاملة غير منقوصة في شخصكم الكريم يا سيدي الرئيس .
ساعود للتفاصيل ...\
نواصل ...
|
Post: #2
Title: Re: صوتي لك رئيسا مدى الحياة يا سيدي الرئيس ....
Author: Nader Abu Kadouk
Date: 05-28-2009, 12:08 PM
Parent: #1
Quote: الشجاعة والاقدام..
النخوة والمروءة..
الكرم والتواضع..... |
اوعى يكون ده البشير
ودالباوقه البعثي سابقا
إزيك
|
Post: #5
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-28-2009, 12:15 PM
Parent: #2
ودالباوقه البعثي سابقا
إزيك
هبسكة..
هس بفتح ضدك قضية تقعد تولول ...
|
Post: #3
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-28-2009, 12:11 PM
Parent: #1
كنا نشاهد ونتابع زياراتك التفقدية عير الفضائيات لاهلنا بمدن وقرى السودان المختلفة . كنا نتحسس مدى الحب الذي يكنونه لك ومدى البساطة والتواضع الذي تقابلهم به ...
|
Post: #9
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-28-2009, 12:40 PM
Parent: #3
بالرغم من المسؤوليات الجسام التي ابت ان تحملها الجبال الراسيات وحملها فخامتكم بتجرد ونكران ذات
رغم كل هذا ظللت وفيا لشعبك . مشاركا لهم في جميع مناسباتهم الخاصة والعامة .
|
Post: #4
Title: Re: صوتي لك رئيسا مدى الحياة يا سيدي الرئيس ....
Author: محمد عبدالرحمن
Date: 05-28-2009, 12:15 PM
Parent: #1
ودالباوقه ..
على فكرة مقدراتك اعلى من سبدرات ..ان (لقيتلك)
فرصة فى القصر الجمهورى دا .تانى يمرقك الكريم ..
ا اااى الزول لما يمرق ليهو لشغلة ينجضا ..
مدى الحياة دى ماسبقك عليها زول ..
طبعا الكيزان كانوا ايام حرب الجنوب بتنافسوا
فى اظهار الولاء ..زول يقول انا شفت الحور العين
التانى يجى يقول شفت الرسول (صلى الله عليه وسلم )
ا لثالت يجى يقول انا الرسول اخدنى من يدى ومشى
بى ..التالت يجى يزيدا شوية ..المهم فى كوز
(مفتح) كان طالب فى جامعة الجزيرة ..لما شاف كل الحاجات كملت
جاهم بواحدة كبيرة حيرهم ليك ذاتو ..الكوز دا قال
انو شاف رب ا لعزه والجلال ..
دا خلاهم ماعارفين يعملوا شنو ذاتو ..فى اعظم من كدا ..
انت اسى كدا محنتهم (تب ) ..مدى الحياة دى سبقتا
بيها جماعتك وقفلت عليهم الطريق ....
|
Post: #6
Title: Re: صوتي لك رئيسا مدى الحياة يا سيدي الرئيس ....
Author: haleem
Date: 05-28-2009, 12:28 PM
Parent: #4
خلاص ملوا ليك بطنك هناك جاي تطرش لينا هنا..........
|
Post: #7
Title: Re: صوتي لك رئيسا مدى الحياة يا سيدي الرئيس ....
Author: HAIDER ALZAIN
Date: 05-28-2009, 12:33 PM
Parent: #6
بعد الاكل الما خمج والتراطيب والبدل والبدلات .. عاد ان ما اديتو صوتك تكون اتلومت...
|
Post: #8
Title: Re: صوتي لك رئيسا مدى الحياة يا سيدي الرئيس ....
Author: Deng
Date: 05-28-2009, 12:37 PM
Parent: #7
مسيلمة.
حمد الله على السلامة.
أول حاجة لازم تشكرني قبل أن تشكر كرار التهامي، لأنوا لو ما أنا كنت برد لبوستاتك المهببة ما كان عزموك ملتقى الانتهازية ده . بعدين تأمركم الخبيث على صلاح غريبة وضح لي تماما.
يا حليلك يا غريبة. أكلوك لحم وجدعوك عضم. ولي عودة.
دينق.
|
Post: #15
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-28-2009, 01:16 PM
Parent: #8
اخي دينق ..
انه في يوم الخميس المصادف 28-5-2009 لقد تم سحب لقب الفريطيق من سعادتكم واستبداله بالاخ دينق...
وسالتزم بذلك والله الموفق ..
شكرا اخي دينق ..
|
Post: #13
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-28-2009, 01:12 PM
Parent: #7
عاد ان ما اديتو صوتك تكون اتلومت...
ود الزين هو صوتي انا بس ..
امسك الخشب..
|
Post: #11
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-28-2009, 12:57 PM
Parent: #6
خلاص ملوا ليك بطنك هناك جاي تطرش لينا هنا..........
دا كلام شنو يا الطيرة ام طبق ..
شهادتي في السيد الرئيس منذ امد بعيد وليست وليدة اليوم ...
|
Post: #10
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-28-2009, 12:55 PM
Parent: #4
على فكرة مقدراتك اعلى من سبدرات ..ان (لقيتلك)
فرصة فى القصر الجمهورى دا .تانى يمرقك الكريم ..
ا اااى الزول لما يمرق ليهو لشغلة ينجضا ..
مدى الحياة دى ماسبقك عليها زول ..
سبدرات رجل وطني غيور .. اديب وشاعر..
وقانوني ضليع ...
|
Post: #12
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-28-2009, 01:06 PM
Parent: #10
كل هذا شاهدناه وسمعناه ولكن ما عايشناه ولمسناه ابان دعوة العشاء في منزل فخامته شيء لايوصف ..
|
Post: #14
Title: Re: صوتي لك رئيسا مدى الحياة يا سيدي الرئيس ....
Author: صديق الموج
Date: 05-28-2009, 01:12 PM
Parent: #12
| Quote: صوتي لك رئيسا مدى الحياة يا سيدي الرئيس .... |
ود الباوقه لكن وصلت ...يعنى حا يستثنوك
ماقالو مغترب واحد يصوت مافى
صوت رويسك ده البركه فى العشاء الما بتوصف ده
رم عضمك.....هييييييييييييييييييع،،،
|
Post: #17
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-28-2009, 01:19 PM
Parent: #14
يعنى حا يستثنوك
ماقالو مغترب واحد يصوت مافى
ود عمي ود الموج ..
المغترب له حق التصويت لرئاسة الجمهورية ..
خليك جاهز وبطل بلبطة ...
|
Post: #16
Title: Re: صوتي لك رئيسا مدى الحياة يا سيدي الرئيس ....
Author: ممدوح أبارو
Date: 05-28-2009, 01:18 PM
Parent: #12
عارف يا ود الباوقة
لو كنت عايش في البلد ويومي بتركب المواصلات لمن جاك وجع ضهر من الظلط المحفر ما كان بتديهو صوتك
ولو مرتك ولا ولدك عندو عملية مستعجلة ورجعوك في الرسوم وبعد لملمتها جيت لقيت مريضك ميت ما بتديهو صوتك
ولو ولو ******************
وعاد لا وين
|
Post: #19
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-28-2009, 01:27 PM
Parent: #16
لو كنت عايش في البلد ويومي بتركب المواصلات لمن جاك وجع ضهر من الظلط المحفر ما كان بتديهو صوتك
ممدوح ..
صدقني اكثر من يصوت للرئيس هم من ركاب الحافلات والركشات والامجاد واصحابها .
كنا نقطع المسافة من عطبرة الى الخرطوم في 24 ساعة والان في 3 ساعات .
حضرنا طوابير وصفوف البنزين مبيت يومين في الطرمبة للظفر بجالون واحد ...
حضرنا ووقفنا في طوابير وصفوف الرغيف من صلاة الفجر الى طلوع الشمس والنفر رغيفة واحدة ..
حضرنا.. وحضرنا.. وحضرنا.. ولم نجدك لكم اي انجاز ..
|
Post: #18
Title: Re: صوتي لك رئيسا مدى الحياة يا سيدي الرئيس ....
Author: جمال المنصوري
Date: 05-28-2009, 01:19 PM
Parent: #12
ود الباوقة
حمد الله سلامة الوصول
انا زائر ماني غاير، زميل ليك جديد في المنبر ده، علي فهمي علي قدري ، بس الجملة الجاية دي ما فهمتها، عليك الله (اذا كان عندك وقت، افخامته للمنزل ولا للريس ؟؟
| Quote: في منزل فخامته شيء لايوصف .. |
سلامي
|
Post: #20
Title: Re: صوتي لك رئيسا مدى الحياة يا سيدي الرئيس ....
Author: haleem
Date: 05-28-2009, 01:29 PM
Parent: #18
| Quote: على فكرة مقدراتك اعلى من سبدرات . |
مقدرات شنو غير كرشو الكبيرة دي..
يملوها ليه..ويجي يطرش هنا
|
Post: #24
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-28-2009, 01:36 PM
Parent: #20
مقدرات شنو غير كرشو الكبيرة دي..
يملوها ليه..ويجي يطرش هنا
غير شوية من اللغة دي ( قرفتنا ) يا الطيرة ام طبق ....
الله يقرفك ..
|
Post: #21
Title: Re: صوتي لك رئيسا مدى الحياة يا سيدي الرئيس ....
Author: نصار
Date: 05-28-2009, 01:31 PM
Parent: #18
العمر قصيري يا ود الباوقة
كيف لهذا الشعب الفقير (لريسه) ان يحي بعد ان تجري سنة الله
لذا ليكن صوتك عالياَ داعيا لاستنساخ الذي لا يوصف
|
Post: #23
Title: Re: صوتي لك رئيسا مدى الحياة يا سيدي الرئيس ....
Author: نصار
Date: 05-28-2009, 01:32 PM
Parent: #21
استنسخووووووووووه
|
Post: #25
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-28-2009, 01:39 PM
Parent: #21
العمر قصيري يا ود الباوقة
نعم اخي نصار الاعمار قصيرة وكلنا زائلون...
ولكن الا تتفق معى بانه نظام الحكم الانسب والاصلح لاهل السودان ..
|
Post: #27
Title: Re: صوتي لك رئيسا مدى الحياة يا سيدي الرئيس ....
Author: دوت مجاك
Date: 05-28-2009, 01:42 PM
Parent: #21
| Quote: صوتي لك رئيسا مدى الحياة يا سيدي الرئيس |
كاااااااااااااااااااااااااااااااااااااااااااااااااك
مدى الحياة مرة واحدة
صوتك دة كان بفوزو اديهو ليهو
اصلا صوتك دة لو اديتو لاى مرشح ما بياخدو
عشان وعشان وعشان
بس اديهو لسيدك الرئيس
|
Post: #37
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-28-2009, 04:28 PM
Parent: #27
صوتك دة كان بفوزو اديهو ليهو
اصلا صوتك دة لو اديتو لاى مرشح ما بياخدو
عشان وعشان وعشان
مجاك ..
صوتي ومعه اصوات الملايين من ابناء الوطن المخلصين ...
ارقد عافية ..
|
Post: #22
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-28-2009, 01:32 PM
Parent: #18
اذا كان عندك وقت، افخامته للمنزل ولا للريس ؟؟
المنصوري ..
مااقصده هو الحفاوة والاستقبال والبساطة والتواضع الذي قابل فخامته به ضيوفه..
وسأتيك بالتفاصيل ..
|
Post: #26
Title: Re: صوتي لك رئيسا مدى الحياة يا سيدي الرئيس ....
Author: عزام حسن فرح
Date: 05-28-2009, 01:40 PM
Parent: #22
ود الباوقة ...
حمدلله على السلامة ... جيت ...
مدى الحياة : مدى حياتك إنت ولا حياة الرئيس؟
|
Post: #28
Title: Re: صوتي لك رئيسا مدى الحياة يا سيدي الرئيس ....
Author: عزام حسن فرح
Date: 05-28-2009, 01:48 PM
Parent: #26
ود الباوقة ...
| Quote: كنا نشاهد ونتابع زياراتك التفقدية عير الفضائيات لاهلنا بمدن وقرى السودان المختلفة . كنا نتحسس مدى الحب الذي يكنونه لك ومدى البساطة والتواضع الذي تقابلهم به ... |
يا زول أسحب مُداخلتك دي ... دايِر كمان تجيب لأهلي سُمعه ... والله أقوم أفتح فيك بلاغ
< إشانة سُمعه > أخليك تِتلفت بلا سبب ... أسحب كلامك وحدِد زِيارات البشير حسب الحُب
الحساهو
|
Post: #29
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-28-2009, 01:48 PM
Parent: #26
مدى الحياة : مدى حياتك إنت ولا حياة الرئيس؟
عزام ..
حياة السيد الرئيس اطال الله عمره ...
|
Post: #30
Title: Re: صوتي لك رئيسا مدى الحياة يا سيدي الرئيس ....
Author: حذيفه ابراهيم الكباشي
Date: 05-28-2009, 01:58 PM
Parent: #29
ريدة شديــــــــــدة
...
|
Post: #31
Title: Re: صوتي لك رئيسا مدى الحياة يا سيدي الرئيس ....
Author: omer osman
Date: 05-28-2009, 02:12 PM
Parent: #30
نادر وحيدر بي جاي ........ اخير نسكت
مش التصويت بعدين سري .....
|
Post: #32
Title: Re: صوتي لك رئيسا مدى الحياة يا سيدي الرئيس ....
Author: اسماعيل عمر ابراهيم
Date: 05-28-2009, 02:20 PM
Parent: #31
ود الباوقة
| Quote: صوتي لك رئيسا مدى الحياة يا سيدي الرئيس .... |
دا كلوا عشان رقوك ل( رقيب ) اول!!! اها لو ادوك ( فريق ) اول كان تقول شنو؟؟!!!...
|
Post: #33
Title: Re: صوتي لك رئيسا مدى الحياة يا سيدي الرئيس ....
Author: زهير عثمان حمد
Date: 05-28-2009, 03:43 PM
Parent: #32
ود الباوقة
مبروك ياخي علي كل شيء قطعة الارض والعربية من جياد والوعد بأنك تكون ملحق أعلامي في الرياض في الميزانية الجاية كمان مدي الحياة أنشالله ربنا يمد في أيامك أمكن تشوف عروض جديدة وأكثر أغراء
|
Post: #48
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-28-2009, 06:18 PM
Parent: #33
مبروك ياخي علي كل شيء قطعة الارض والعربية من جياد والوعد بأنك تكون ملحق أعلامي في الرياض في الميزانية الجاية كمان مدي الحياة أنشالله ربنا يمد في أيامك أمكن تشوف عروض جديدة وأكثر أغراء
اخونا زهير ..
عقبال لك ان شاء الله ...
|
Post: #34
Title: Re: صوتي لك رئيسا مدى الحياة يا سيدي الرئيس ....
Author: دوت مجاك
Date: 05-28-2009, 03:47 PM
Parent: #32
Quote:
ود الباوقة
دا كلوا عشان رقوك ل( رقيب ) اول!!! اها لو ادوك ( فريق ) اول كان تقول شنو؟؟!!!...
!!!... |
كااااااااااااااااااااااااااااااااااااك
على بالطلاق كان عمل عمايل فينا
دة بحالتو وعدو بس انه حيترقى الى (رقيب) صفوفى لو حسن كتاباته فى سودانيز اون لاين
بقى يعمل كدة
غايتو جنس غايتو لناس غايتو
ربنا يدينا ............. بس
|
Post: #35
Title: Re: صوتي لك رئيسا مدى الحياة يا سيدي الرئيس ....
Author: خالد أحمد شطة
Date: 05-28-2009, 04:20 PM
Parent: #34
ودالباوقه البعثي سابقا
إزيك
العزيز ود الباوقه
سلامي يازول
تاريك كنت بتباري الحيط بالليل والبفباف بالشمال ؟؟؟ههههههه
ومبروك المذكور أعلاه بالترقيه ياحبيب .
عليك الله يونس محمود دفعتك واله قريبك .
لك مني كل الود والتقدير
شطة
|
Post: #43
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-28-2009, 05:33 PM
Parent: #35
تاريك كنت بتباري الحيط بالليل والبفباف بالشمال ؟؟؟ههههههه
ومبروك المذكور أعلاه بالترقيه ياحبيب .
عليك الله يونس محمود دفعتك واله قريبك .
شطة ..
كلامك خارم بارم ولا يستحق الرد ......
|
Post: #36
Title: Re: صوتي لك رئيسا مدى الحياة يا سيدي الرئيس ....
Author: Deng
Date: 05-28-2009, 04:25 PM
Parent: #34
سأل الاخ عزام ود الباوقة الاتي:
Quote: ود الباوقة ...
حمدلله على السلامة ... جيت ...
مدى الحياة : مدى حياتك إنت ولا حياة الرئيس؟ |
أجاب ود الباوقة وقال:
Quote: عزام ..
حياة السيد الرئيس اطال الله عمره ... |
أنا هنا أتسأل.
إذا كان موت ود الباوقة أو موت الرئيس يبطل النتيجية التي يحملها عنوان بوست ود الباوقة."صوتي لك رئيسا مدى الحياة يا سيدي الرئيس" فلماذا لم يختار أخونا ود الباوقة موته هو وليس موت الرئيس؟ مع تمنياتي لك بطوال العمر يا باوقة.
دينق
|
Post: #82
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-30-2009, 09:13 AM
Parent: #34
كااااااااااااااااااااااااااااااااااااك
مجاك..
هلا .. هلا .. بقيت تكاكي ...
الزنقة كعبة والله ..
قول يا فراج الكرب ...
|
Post: #42
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-28-2009, 05:18 PM
Parent: #32
دا كلوا عشان رقوك ل( رقيب ) اول!!! اها لو ادوك ( فريق ) اول كان تقول شنو؟؟!!!...
؟؟؟؟؟؟؟؟؟؟؟؟؟؟؟؟؟؟
|
Post: #39
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-28-2009, 04:37 PM
Parent: #31
اخونا عمر ..
التصويت سري والنتيجة طبعا علنية ...
ارقد عافية ...
|
Post: #38
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-28-2009, 04:34 PM
Parent: #30
ريدة شديــــــــــدة
الكباشي ...
الرئيس البشير نحبه لله . ليس طمعا في عرض دنيا او متاع زائل ...
|
Post: #41
Title: Re: صوتي لك رئيسا مدى الحياة يا سيدي الرئيس ....
Author: Adil Isaac
Date: 05-28-2009, 04:49 PM
Parent: #40
| Quote: الرئيس البشير نحبه لله . ليس طمعا في عرض دنيا او متاع زائل ... |
دة الحب العذري زاتوووو :)
|
Post: #44
Title: Re: صوتي لك رئيسا مدى الحياة يا سيدي الرئيس ....
Author: الصادق ضرار
Date: 05-28-2009, 05:35 PM
Parent: #41
| Quote: صوتي لك رئيسا مدى الحياة يا سيدي الرئيس .... |
ود الباوقة
القرار دا اتخذتوا بعد العشاء و لا قبلوا ؟
|
Post: #49
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-28-2009, 06:28 PM
Parent: #44
ود الباوقة
القرار دا اتخذتوا بعد العشاء و لا قبلوا ؟
قبل وبعد العشاء ...
|
Post: #45
Title: Re: صوتي لك رئيسا مدى الحياة يا سيدي الرئيس ....
Author: nuba
Date: 05-28-2009, 05:44 PM
Parent: #41
والله ده حب ما أفتكر عذري
|
Post: #46
Title: Re: صوتي لك رئيسا مدى الحياة يا سيدي الرئيس ....
Author: Ahmed Abdallah
Date: 05-28-2009, 05:49 PM
Parent: #45
حب يستوجب الغسل
|
Post: #47
Title: Re: صوتي لك رئيسا مدى الحياة يا سيدي الرئيس ....
Author: Amin Mohamed Suliman
Date: 05-28-2009, 05:59 PM
Parent: #46
أخونا ود الباوقة ألما عندو أصحاب ، سلام عليكم
قبل شهرين مشيت السودان للعزاء في وفاه عمي عليه رحمه الله ، البشير جا يعزي في البكاء و فعلا تواضع ما بعدو تواضع ، مع الكبير و الصغير ، حقيقه أعجبت بيهو كبني أدام من الناحيه دي ، لكن موضوع التصويت ده مختلف تماما لانو ما عندو علاقه بصفه التواضع و الشهامه و الكلام ده ، عندو علاقه بإنجازاتو كرئيس ، يعني لو إنت جيت من السودان قلته و الله البلد اتصلحت و كلو في السليم عشان كده نصوت للبشير بيبقى كلام قبل للنقاش ، لكن ما ممكن تجي تقول الرئيس شهم و متواضع يلا نصوت ليهو !!
|
Post: #50
Title: Re: صوتي لك رئيسا مدى الحياة يا سيدي الرئيس ....
Author: صديق الموج
Date: 05-28-2009, 06:42 PM
Parent: #47
ود الباوقه انت صوتك ده رافع ليه صوتك ليه
ماسمعت بى اقضوا حوائجكم بالكتمان
اها وليد شريف بصوت معاك ؟؟
|
Post: #51
Title: Re: صوتي لك رئيسا مدى الحياة يا سيدي الرئيس ....
Author: عثمان محمد كرار
Date: 05-28-2009, 06:44 PM
Parent: #50
ودالباوقه اكرب الضــناب وانهر اضم صوتي لصوتك بس لدوره واحده
|
Post: #52
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-28-2009, 06:52 PM
Parent: #51
ودالباوقه اكرب الضــناب وانهر اضم صوتي لصوتك بس لدوره واحده
اخونا عثمان ..
علي بالطلاق اكرب ليهم الضناب لحدي عرقهم ما يتقاطر...
اطمئن ...
|
Post: #53
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-28-2009, 06:58 PM
Parent: #47
قبل شهرين مشيت السودان للعزاء في وفاه عمي عليه رحمه الله ، البشير جا يعزي في البكاء و فعلا تواضع ما بعدو تواضع ، مع الكبير و الصغير ، حقيقه أعجبت بيهو كبني أدام من الناحيه دي ، لكن موضوع التصويت ده مختلف تماما لانو ما عندو علاقه بصفه التواضع و الشهامه و الكلام ده ، عندو علاقه بإنجازاتو كرئيس ، يعني لو إنت جيت من السودان قلته و الله البلد اتصلحت و كلو في السليم عشان كده نصوت للبشير بيبقى كلام قبل للنقاش ، لكن ما ممكن تجي تقول الرئيس شهم و متواضع يلا نصوت ليهو !!
اخونا امين ..
هذه الخاصية ماركة مسجلة لرئيسنا البشير دون رؤساء العالم قاطبة ...
هنيئا لشعبنا برئيس يمتلك كل هذه الخصال الحميدة ...
|
Post: #54
Title: Re: صوتي لك رئيسا مدى الحياة يا سيدي الرئيس ....
Author: خالد حاكم
Date: 05-28-2009, 07:21 PM
Parent: #53
| Quote: كنا نشاهد ونتابع زياراتك التفقدية عير الفضائيات لاهلنا بمدن وقرى السودان المختلفة . كنا نتحسس مدى الحب الذي يكنونه لك ومدى البساطة والتواضع الذي تقابلهم به ... |
ودالباوقة
لابد من لاهاى وان طال السفر
وفى اليوم داك , اقترح ليك , تجى تشهد ليه قدام المحكمة بدل تصوت ليه ومن حسع يكتبك عنده مع الشهود , بتعرف تشهد والا يدربوك عليها؟!
|
Post: #55
Title: Re: صوتي لك رئيسا مدى الحياة يا سيدي الرئيس ....
Author: Deng
Date: 05-28-2009, 07:37 PM
Parent: #54
ود الباوقة.
الصورة اللي في بروفايلك دي أصلية ولا مضروبة ؟
بعدين متين حيدوك لقب "شيخ" ؟
دينق
|
Post: #56
Title: Re: صوتي لك رئيسا مدى الحياة يا سيدي الرئيس ....
Author: نزار باشري ابراهيم
Date: 05-28-2009, 10:26 PM
Parent: #55
ودالباوقة
سلامات
مدى الحياة كتيرة خصوصا افريقيا ما ناقصة ديناصورات
أياديما نصب نفسه مدى الحياة على التوغو ومات بعدها بأشهر قليلة
|
Post: #86
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-30-2009, 10:14 PM
Parent: #56
أياديما نصب نفسه مدى الحياة على التوغو ومات بعدها بأشهر قليلة
اخونا باشري ..
الاعمار بيد الله سبحانه وتعالى ..
|
Post: #57
Title: Re: صوتي لك رئيسا مدى الحياة يا سيدي الرئيس ....
Author: السيد المسلمي
Date: 05-28-2009, 10:55 PM
Parent: #55
الاخ ود الباوقه سلام
يعني نفهم من كده إنك وبحمد الله إفتتحت الحمله الانتخابيه ،
لكن ياعمك عشان الناخب وكده ورونا البرنامج الانتخابي ولا شنو؟؟
|
Post: #59
Title: Re: صوتي لك رئيسا مدى الحياة يا سيدي الرئيس ....
Author: الجيلى أحمد
Date: 05-28-2009, 11:06 PM
Parent: #57
ودالباوقة,
لو فى قعونجة عرست ليها ضب,
بجيبو شنو..??
|
Post: #60
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-28-2009, 11:28 PM
Parent: #59
ودالباوقة,
لو فى قعونجة عرست ليها ضب,
بجيبو شنو..??
يجيبوا ليهم ببغاء عقله في اذنيه
|
Post: #61
Title: Re: صوتي لك رئيسا مدى الحياة يا سيدي الرئيس ....
Author: ود محجوب
Date: 05-28-2009, 11:58 PM
Parent: #60
ود الباوقة خلاص الرئيس ضمن صوتك
اها الوالى كيف ؟؟؟ بتواليهو ولا بتفارق اهلك.؟؟؟
|
Post: #62
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-29-2009, 00:47 AM
Parent: #61
ود الباوقة خلاص الرئيس ضمن صوتك
اها الوالى كيف ؟؟؟ بتواليهو ولا بتفارق اهلك.؟؟؟
لوالحكاية فيها سد جديد وخزان ومشاريع انا مع الوالي عشان مااتمقلب زي الناس البقوا يفتشوا لاستمارات التعويض بعد فوات الاوان
|
Post: #64
Title: Re: صوتي لك رئيسا مدى الحياة يا سيدي الرئيس ....
Author: الجيلى أحمد
Date: 05-29-2009, 00:57 AM
Parent: #62
| Quote: يجيبوا ليهم ببغاء عقله في اذنيه |
اجابة غلط ...
..
بجيبو ضب مكعوج...
طيب القعونجة لو زهجت من الضب ومشت عرست
أرنب يمكن يجيبو شنو..??
|
Post: #63
Title: Re: صوتي لك رئيسا مدى الحياة يا سيدي الرئيس ....
Author: طارق ميرغني
Date: 05-29-2009, 00:56 AM
Parent: #61
| Quote: صوتي لك رئيسا مدى الحياة يا سيدي الرئيس .... |
اخي ود الباوقه مع احترامي لصوتك وتقديري لشخصك الكريم ورأيك . لكن لا تري انه
لا توجد ديمقراطيه في ذلك ؟
|
Post: #65
Title: Re: صوتي لك رئيسا مدى الحياة يا سيدي الرئيس ....
Author: Mohamed Yassin Khalifa
Date: 05-29-2009, 01:33 AM
Parent: #63
ود الباوقة ع السلامة (بالتونسية) تعني مراحب
| Quote: صوتي لك رئيسا مدى الحياة يا سيدي الرئيس |
كلامك ده ما يجيب ليهو النحس!
حكاية رئيس مدى الحياة طيرت ليها ريسان كتار على مدى التاريخ
زولك ده اليومين ديل طاير ليهو بطيارة
ما يقوم كمان يطير بالجد وتبقى ليكم كارثة...
|
Post: #68
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-29-2009, 01:51 AM
Parent: #65
محمد يسن ايش لونك (تعني بالسعودي) كيف الحال
كلامك ده ما يجيب ليهو النحس!
حكاية رئيس مدى الحياة طيرت ليها ريسان كتار على مدى التاريخ
زولك ده اليومين ديل طاير ليهو بطيارة
الحكاية انتخابات والله كوار ،،، بعدين احلام طائر وحايطير واوكامبو دي افيون المعارضة،،انا صوتي مع هذا البطل مازال قلبي ينبض
وطبعا انت عندك زولك برضو وفلان عندو وعلان عندو وكل زول مشغول بزولو،،،و ليهو حق الفنان لمن قال (حارمني ليه والله بحبو)
|
Post: #66
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-29-2009, 01:38 AM
Parent: #63
طيب القعونجة لو زهجت من الضب ومشت عرست
أرنب يمكن يجيبو شنو..??
اخوي الجيلي مشكلتك مع الضب حلها بعيد من هذا البوست انت قاعد في سودانيز اون لاين والله في جحر
تسلم من الكعوجة وانفلونزا القعونج
|
Post: #67
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-29-2009, 01:43 AM
Parent: #66
اخي ود الباوقه مع احترامي لصوتك وتقديري لشخصك الكريم ورأيك . لكن لا تري انه
لا توجد ديمقراطيه في ذلك
الاخ طارق
ماهو الرؤساء كلهم مدى الحياة بس نحن المحرم علينا ، الصادق مدى الحياة ،، نقد مدى الحياة،، الميرغني مدى الحياة،،الترابي مدى الحياة ،،فيليب غبوض مدى الحياة
شكرا على الاحترام والتقدير
|
Post: #69
Title: Re: صوتي لك رئيسا مدى الحياة يا سيدي الرئيس ....
Author: الجيلى أحمد
Date: 05-29-2009, 05:39 PM
Parent: #66
إجابة برضو غلط,
الإجابة الصحيحة :
لوجابو بت حاتكون قعونجة حمره
ولو ولد كنغرو مكعوج
ياود الباوقة خليك زول جاد,
وحاول تدى إجابات واضحة,
انت اقترحت علينا رئيسآ مدى الحياة,
وعشان نقتنع بى كلامك لازم نعرف مقدراتك الخلتك تقترح
إقتراح عبقرى ذى دا..
طيب سؤال ساهل:
القعونجة لو اطلقت من الأرنب وحبت ليها" زير" وعرستو,
حاتجيب شنو من الزير..??
|
Post: #70
Title: Re: صوتي لك رئيسا مدى الحياة يا سيدي الرئيس ....
Author: أيمن دياب
Date: 05-29-2009, 06:11 PM
Parent: #69
ود الباوقة كيف حالك..
بس يمكن الشغلانية تاني يحصل فيها انشقاق وخلاف.. وكيمان..
كوم البشير، وكوم علي عثمان.. وكوم نافع.. وكوم الجاز..
قول البشير ما اترشح.. ونزل مكانو علي عثمان..
صوتك قابل للانتقال.. ولا كيف؟
|
Post: #71
Title: Re: صوتي لك رئيسا مدى الحياة يا سيدي الرئيس ....
Author: عصام دقداق
Date: 05-29-2009, 08:04 PM
Parent: #70
الحبيب ود الباقة
سيبك من كلام دينق ولا الاغنية بتقول شنو هي ؟
ودالباوقة عندما يكون الحديث عن الرئيس يطول ويحلوا الحديث ويجف المداد والاقلام رغم انف الكايدين الرئيس في حدقات العيون واصبح رمز الوطنية والشهامة واصبح المحبوب الاول في الوطن العربي بشجعاتة واصبح حديث كل الاخوة العرب وهم يشيدون ببطولتة وشجاعتة وكلما جلسنا مع احد الاخوة لايخلوا الحديث عن الا القائد وليموت الاعداء غيطا
|
Post: #72
Title: Re: صوتي لك رئيسا مدى الحياة يا سيدي الرئيس ....
Author: الجيلى أحمد
Date: 05-29-2009, 08:07 PM
Parent: #69
اعطاء صوتك لأحد ما كى يصبح رئيسآ مدى الحياة يعنى
توصلك إلى نتائج حاسمة عبر مخاض طويل,
نتائج تحسم حركة الوعى وتغير اتجهات سفنه..
عبقرى مثلك يجب أن يختبر لندرك قدرك ولنضعك حيث تجب أن تكون..
|
Post: #73
Title: Re: صوتي لك رئيسا مدى الحياة يا سيدي الرئيس ....
Author: الجيلى أحمد
Date: 05-29-2009, 08:10 PM
Parent: #72
القعونجة لو اطلقت من الأرنب وحبت ليها" زير" وعرستو,
حاتجيب شنو من الزير..??
|
Post: #74
Title: Re: صوتي لك رئيسا مدى الحياة يا سيدي الرئيس ....
Author: MOHAMMED ELSHEIKH
Date: 05-29-2009, 08:27 PM
Parent: #73
| Quote: فيها سد جديد وخزان ومشاريع انا مع الوالي عشان مااتمقلب زي الناس البقوا يفتشوا لاستمارات التعويض بعد فوات الاوان |
ابو النسب
دا الكلام البغرق" طمس"
حمد الله على السلامةوان شاء الله لقيت الأسرة بخير
|
Post: #75
Title: Re: صوتي لك رئيسا مدى الحياة يا سيدي الرئيس ....
Author: عبد المنعم سليمان
Date: 05-29-2009, 09:35 PM
Parent: #74
ممكن اجاوب يا الجيلي ..
حتجيب زير مضبب
او
قله زي الفله
|
Post: #76
Title: Re: صوتي لك رئيسا مدى الحياة يا سيدي الرئيس ....
Author: الجيلى أحمد
Date: 05-29-2009, 09:41 PM
Parent: #75
غلط يامنعم..
حاتجيب كوز مرطب
|
Post: #77
Title: Re: صوتي لك رئيسا مدى الحياة يا سيدي الرئيس ....
Author: الجيلى أحمد
Date: 05-29-2009, 09:43 PM
Parent: #76
طيب ياودالباوقة
نختبر معلوماتك العامة..
بتعرف الضكيرابى
|
Post: #78
Title: Re: صوتي لك رئيسا مدى الحياة يا سيدي الرئيس ....
Author: الجيلى أحمد
Date: 05-29-2009, 09:54 PM
Parent: #77
طبعآ إجابتك لا..
طيب القعونجة لو فكت الزير , وعرست الضكيرابى
حايجيبو شنو..??
|
Post: #91
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-30-2009, 10:44 PM
Parent: #77
بتعرف الضكيرابى
اوع يكون دا المناضل الكيبوردي الفسيفساني ...
|
Post: #79
Title: Re: صوتي لك رئيسا مدى الحياة يا سيدي الرئيس ....
Author: ibrahim alnimma
Date: 05-29-2009, 10:07 PM
Parent: #75
ود الباوقة سلام:
بمناسبة ان الرئيس من مؤهلاته انه متواضع، السودانين والمتعلمين منهم بالتحديد عرفو بالتواضع
لا زيف ولكن ظل هذا التواضع يخلع غير المتواضعين لانه اصلاً شي طبيعي عندنا ...قيل ان عبود كان
في سفر الي الميجر ولما سمع به احد السودانين وكان له ابن يدرس هناك لما سعمع بسفر الرئيس
سافر الخرطوم وذهب الي القصر الجمهوري وهناك قابل عبود فقال له سمعت بانك سوف تسافر الميجر
فقال له الفريق عبود نعم، فاخرج الرجل رسالة وخمسين قرش وقال له هذه الرسالة تعطيها لابني فلان
ومعها مصاريف ....فرد عبود قائلاً حاضر...ولما وصل عبود الي الميجر طلب من السفير احضر الطالب
المعني ....فما كان من وزارة الداخلية الا ان احضرت الطالب باسرع مايكون ...فلما قراء عبود اسمه
كاملا اعطاه الرسالة والمصاريف ......فدهش المجرين....الان تأمل مقدارالتوضع ده كيف؟؟اذا وهنا
اسألك اذا كان الفريق عبود نازل انتخابات هل تصوت له مخلوعاً من هذا التواضع؟؟وقبل ان تجيب
اسألك اين عبود ؟؟تعرف لم يغفر له هذا التواضع من غضب الشعب...ولم يثني الشعب عن الثورة في
وجه.....
ثم اسألك مرة اخري......هل التواضع هو سبب لتنصيبه رئيساً ، ام ان الرئاسة هي ما ابانت لك
تواضعه؟؟
|
Post: #80
Title: Re: صوتي لك رئيسا مدى الحياة يا سيدي الرئيس ....
Author: إحسان عبدالمتعال أحمد
Date: 05-29-2009, 11:02 PM
Parent: #79
عزيزنا ود الباوقة
سلام وسؤال عن اخبارك وصحتك
امسك الخشب انا جاياك بسد مروي وقد لا يسع المجال هنا للحديث عن انجاز فاق الاعجاز
لي قدام
|
Post: #97
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-31-2009, 05:41 AM
Parent: #80
امسك الخشب انا جاياك بسد مروي وقد لا يسع المجال هنا للحديث عن انجاز فاق الاعجاز
لي قدام
اختنا احسان .. ارم قدام وبالمدفعية الثقيلة . دكي حصونهم المتهالكة ..
في انتظارك وسنفتح لك الطريق لتعبري بامان وسلام ..
|
Post: #89
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-30-2009, 10:30 PM
Parent: #63
اخي ود الباوقه مع احترامي لصوتك وتقديري لشخصك الكريم ورأيك . لكن لا تري انه
لا توجد ديمقراطيه في ذلك ؟
استاذنا طارق ...
اي ديمقراطية تقصد الاولى ام الثانية ؟؟
مودتي ..
|
Post: #90
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-30-2009, 10:32 PM
Parent: #61
|
Post: #88
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-30-2009, 10:23 PM
Parent: #57
يعني نفهم من كده إنك وبحمد الله إفتتحت الحمله الانتخابيه ،
لكن ياعمك عشان الناخب وكده ورونا البرنامج الانتخابي ولا شنو؟؟
المسلمي ...
البرنامج الانتخابي هو الحصيلة الوافرة من الانجازات على كل الصعد وفي كل جزء من وطننا الحبيب ..
واخرها افتتاح جسر البشير .. المتمة شندي ...
|
Post: #83
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-30-2009, 09:18 AM
Parent: #55
الصورة اللي في بروفايلك دي أصلية ولا مضروبة ؟
اخي دينق ..
الصورة اصلية وهناك صورة ( صقرية ) جعلية مع السيد الرئيس .....
|
Post: #81
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-30-2009, 09:06 AM
Parent: #54
حاكم ..
يا زول انت مالك قديم كدا ..
الاسطوانة دي مش بليناها ليكم وشربتو مويتا ...
خليك مع الزمن ..
|
Post: #84
Title: Re: صوتي لك رئيسا مدى الحياة يا سيدي الرئيس ....
Author: awad abugdeiri
Date: 05-30-2009, 09:46 AM
Parent: #81
| Quote: الصورة اصلية وهناك صورة ( صقرية ) جعلية مع السيد الرئيس |
تنطلق من كوامن اللاوعى انت وصورتك متجاوزا هجير المعرفة بماهية الانسان
مفتون بشيخ القبيلة على صحارى صراعات البسوس ورهق الفقة الاسلامى,مصاب بالزهو والمجد على جثث
الاطفال والنساء فى وطنى.......
فالمجد لك
والحزن لنا يامن تحتكر الوطن باسم اللغة والدين واشياء اخرى.....؟
شكرا لعدلك....؟؟
أبوجديرى
|
Post: #85
Title: Re: صوتي لك رئيسا مدى الحياة يا سيدي الرئيس ....
Author: الجيلى أحمد
Date: 05-30-2009, 02:40 PM
Parent: #84
Quote: حتجيب زير مضبب
او
قله زي الفله |
إجابتك كان يمكن تكون صاح لو القعونجة أفغانية
والزير باكستانى من منطقة القبائل ,
لكن فى الحالة موضع البحث أعلاه
مامكن يجيبو حاجة غير كوز مرطب,
وعلى اسواء الفروض يمكن يجيبو كوز بلاستيك
من غير يد وفيهو صورة جريوات ماعندهن ضنب
|
Post: #87
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-30-2009, 10:20 PM
Parent: #47
قبل شهرين مشيت السودان للعزاء في وفاه عمي عليه رحمه الله ، البشير جا يعزي في البكاء و فعلا تواضع ما بعدو تواضع ، مع الكبير و الصغير ، حقيقه أعجبت بيهو كبني أدام من الناحيه دي ، لكن موضوع التصويت ده مختلف تماما لانو ما عندو علاقه بصفه التواضع و الشهامه و الكلام ده ، عندو علاقه بإنجازاتو كرئيس ، يعني لو إنت جيت من السودان قلته و الله البلد اتصلحت و كلو في السليم عشان كده نصوت للبشير بيبقى كلام قبل للنقاش ، لكن ما ممكن تجي تقول الرئيس شهم و متواضع يلا نصوت ليهو
اخي امين ..
كل مواصفات القيادة متوفرة في شخصية الرئيس عمر البشير . ارتجاله وانتقائه للمفردات ودقته في سرد الوقائع بالتواريخ والارقام كلها صفات تؤهله لحكم البلاد والعباد مدى الحياة ..
هذا بالاضافة ما تم ذكره من صفات اخرى ...
|
Post: #92
Title: Re: صوتي لك رئيسا مدى الحياة يا سيدي الرئيس ....
Author: صلاح شكوكو
Date: 05-30-2009, 11:00 PM
Parent: #87
| Quote: صوتي لك رئيسا مدى الحياة يا سيدي الرئيس |
ود الباوقة يا أخوي
صوتك براه عمل الجوطه دي كلها
طيب باقي (( السياط )) أقصد الأصوات ح تعمل شنو ؟؟
مش حر ياناس يديه للبشير يديه لأي زول يعجبوا ؟؟
طيب ديمقراطيتكم المامتحملة ود الباوقة
ح تتحمل باقي السودانيين كيف ؟؟
خلو الراجل يحدد مكمن صوته .. وأنتو ممكن تحددوا كمان
بدل ما تشبو للزول في حلقو .. وعايزنو يغير رأيه كمان ..
ياخي هو حر .. يديه لدكتور معز يديه لـــ (( شروق ذاتها ))
(( بس لو عرفت صوت ود الباوقة دا حار مالو كان إرتحت ))
أها أنا ح أدي صوتي لمنو ؟؟
هسع ح يطلع لي مية بعاتي يحددوا لي النية
(( إنتو ح تهوهو كدا لمتين )) ؟؟
..
|
Post: #93
Title: Re: صوتي لك رئيسا مدى الحياة يا سيدي الرئيس ....
Author: الجيلى أحمد
Date: 05-30-2009, 11:17 PM
Parent: #92
كونو يصوت للبشير مامشكلة *على طريقةفرفور*
لكن المشكلة *على طريقة فرفور برضو *
انو يكون مدى الحياة
البشير دا لو خرف نسوى شنو نحنا..??
|
Post: #94
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-31-2009, 04:02 AM
Parent: #93
ود الباوقة يا أخوي
صوتك براه عمل الجوطه دي كلها
طيب باقي (( السياط )) أقصد الأصوات ح تعمل شنو ؟؟
شكوكو ياخوى
جايب سيرة السياط مالك الناس ديل مابركزو ومابحملو بطانة
(( إنتو ح تهوهو كدا لمتين )) ؟؟
والجمل ماشي
|
Post: #95
Title: Re: صوتي لك رئيسا مدى الحياة يا سيدي الرئيس ....
Author: ولياب
Date: 05-31-2009, 05:32 AM
Parent: #94
أخي ود الباوقة
سلام
هذا حقك ومشروعك لك ، وإن خالفك أحد لا حق له ،،، بس حبيت اضيف
الله يديك طولة العمر مع العمل الصالح
قول : صوتي لك لك رئيساً مدى حياتي يا سيدي الرئيس
الحمد لله نحن مسلمون وعلى قناعة بالموت لأنها الحقيقة الكبرى ولسنا نستطيع ان نعيش مدى الحياة ، ولكل أجل كتاب
والله يحفظ الجميع
|
Post: #99
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-31-2009, 06:08 AM
Parent: #95
هذا حقك ومشروعك لك ، وإن خالفك أحد لا حق له ،،، بس حبيت اضيف
الله يديك طولة العمر مع العمل الصالح
اللهم امين ..
قول : صوتي لك لك رئيساً مدى حياتي يا سيدي الرئيس
ما في مشلكة ..
شكرا اخي ولياب...
|
Post: #96
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-31-2009, 05:35 AM
Parent: #93
البشير دا لو خرف نسوى شنو نحنا..??
تقوم انت طوالي ترمي بطاقة اللجوء في اقرب كوشة وتشيل ( بقجة ) هدومك
وعلى طول على السودان وترشح نفسك لرئاسة الجمهورية ....
|
Post: #98
Title: Re: صوتي لك رئيسا مدى الحياة يا سيدي الرئيس ....
Author: محمد أبوالعزائم أبوالريش
Date: 05-31-2009, 05:50 AM
Parent: #96
ود الباوقة ..... سؤالين إتنين:
1) < مدى الحياة > دي حياة سيادتكم والاّ سيادة الرئيس؟
2) < سيدك الرئيس > المعني هنا عُمر البشير والاّ جعفر نميري؟ عشان مسألة (مدى الحياة) هنا حتفرق.
___
الله يديك طولة العمر.
|
Post: #100
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-31-2009, 06:17 AM
Parent: #98
ود الباوقة ..... سؤالين إتنين:
1) < مدى الحياة > دي حياة سيادتكم والاّ سيادة الرئيس؟
2) < سيدك الرئيس > المعني هنا عُمر البشير والاّ جعفر نميري؟ عشان مسألة (مدى الحياة) هنا حتفرق.
اخونا ابو الريش ..
السؤال الاول تمت الاجابة عليه في صدر البوست ..
اقصد الرئيس عمر البشير . الرئيس نميري ربنا يرحمه ويغفر له ويسكنه فسيح جناته..
الله يديك طولة العمر
اللهم امين ...
بالمناسبة يا ابو الريش مسعول من الخير اخبار الكهرباء شنو؟؟ لس قاطعة ؟؟
|
Post: #101
Title: Re: صوتي لك رئيسا مدى الحياة يا سيدي الرئيس ....
Author: محمد أبوالعزائم أبوالريش
Date: 05-31-2009, 06:23 AM
Parent: #100
| Quote: بالمناسبة يا ابو الريش مسعول من الخير اخبار الكهرباء شنو؟؟ لس قاطعة ؟؟ |
سؤالك محوّل للموجودين داخل السودان.
تعرف أهلنا ديل مشكلتهم كانت شنو؟
قالوا يا سيدي لما أُعلن أنه (إعتباراً من غد) لن يكون هناك قطع كهرباء .. هللوا وكبّروا .. وشالوا مولداتهم الكهربائية وتبرّعوا بيها لشعوب أكثر فقراً. وحبايبك بقت عليهم البقت في قصة (عشرات الراعي).
|
Post: #102
Title: Re: صوتي لك رئيسا مدى الحياة يا سيدي الرئيس ....
Author: الجيلى أحمد
Date: 05-31-2009, 08:55 AM
Parent: #101
عملتا لينا شنو فى الموضوع دا :
Quote: طيب القعونجة لو فكت الزير , وعرست الضكيرابى
حايجيبو شنو..?? |
|
Post: #103
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-31-2009, 06:32 PM
Parent: #102
طيب القعونجة لو فكت الزير , وعرست الضكيرابى
حايجيبو شنو..??
ما قلنا ليك بجيبو مناضل كيبوردي فسيفسائي كسيح ...
وقع لك ولا لس ؟؟؟
|
Post: #104
Title: Re: صوتي لك رئيسا مدى الحياة يا سيدي الرئيس ....
Author: معاوية المدير
Date: 05-31-2009, 07:14 PM
Parent: #103
Quote: اها الوالى كيف ؟؟؟ بتواليهو ولا بتفارق اهلك.؟؟؟
لوالحكاية فيها سد جديد وخزان ومشاريع انا مع الوالي عشان مااتمقلب زي الناس البقوا يفتشوا لاستمارات التعويض بعد فوات الاوان |
قريبي عمر القال منو فات الأوان...
يأخي نحن حتي اليوم نحزن عندما نذكر حمارة
العوض ود حاج الخليفة ( تنقورة ) خليك من
الأجداد والحبوبات والخالات والعمات...
فلتهناء لك صحبة الوالي والرئيس أخي عمر...
|
Post: #105
Title: Re: صوتي لك رئيسا مدى الحياة يا سيدي الرئيس ....
Author: abdalla BABIKER
Date: 05-31-2009, 07:36 PM
Parent: #104
صوتي لك رئيسا مدى الحياة يا سيدي الرئيس
صوتي لك رئيسا مدى الحياة يا سيدي الرئيس
صوتي لك رئيسا مدى الحياة يا سيدي الرئيس
وانا ايضا
سلامي لك ود الباوقة
|
Post: #106
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 05-31-2009, 07:38 PM
Parent: #104
اخي معاوية ..
يشهد الله كنت ناوي امر عليكم وانا في طريقي لام القري اولا لمقابلتك والسلام عليك وثانيا للاطمئنان على صحة الاخت آسيا وشوفتها .
لكن في نفس وقت اتصالك بي تم استدعائي من قبل ناس المباحث وسبق ان كنت واقف من الساعة الواحدة وحت الثانية والنصف في انتظار استلام الاوراق من البنت المضروبة.. وكمان قعدت قدرها عن ناس المباحث مما جعل الزيارة قاصرة على اختى سلمى في ام القري
والغاء كافة الزيارات الاخرى لضيق الوقت .. طبعا الجمعة الساعة 5 فجر كنا في المطار ..
لك الود ..
|
Post: #107
Title: Re: صوتي لك رئيسا مدى الحياة يا سيدي الرئيس ....
Author: الجيلى أحمد
Date: 06-01-2009, 12:46 PM
Parent: #106
| Quote: ما قلنا ليك بجيبو مناضل كيبوردي فسيفسائي كسيح ... |
للأسف ياودالباوقة إجابتك غلط,
الإجابة الصحية:
ماحايجيبو حاجة..
لأنو الضكيرابى شخصية وهمية,
والقعونجة ندمت ورجعت تانى للزير,
وهى فرحانة انو طلع زير خاطف لونين (أفغانى سودانى)
وبى كدة ممكن يجيبو برضو قلة زى الفلة
(كما اجاب العبقرى منعم)..
|
Post: #108
Title: Re: صوتي لك رئيسا مدى الحياة يا سيدي الرئيس ....
Author: الجيلى أحمد
Date: 06-01-2009, 12:48 PM
Parent: #107
كدا تكون قصة القعونجة انتهت,
فضل ليك سؤال واحد وآخير عن الذكاء والفراسة :
حاجة عندها اربعة كرعين وبختو فوقا لحاف ???
تكون شنو???
|
Post: #109
Title: Re: صوتي لك رئيسا مدى الحياة يا سيدي الرئيس ....
Author: الجيلى أحمد
Date: 06-02-2009, 00:39 AM
Parent: #108
ياقوتة
كل عيشك ,
لكن أوقظ ضميرك...
|
Post: #110
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 06-02-2009, 05:18 AM
Parent: #108
حاجة عندها اربعة كرعين وبختو فوقا لحاف ???
تكون شنو???
دي تكون ام دريقة يا ربي ...
|
Post: #111
Title: Re: صوتي لك رئيسا مدى الحياة يا سيدي الرئيس ....
Author: Zomrawi Alweli
Date: 06-02-2009, 06:07 AM
Parent: #1
الاخ العزيز ود الباوقة لك التحية
مافي زول سالك لغاية هسع عن | Quote: صوتي لك رئيسا مدى الحياة يا سيدي الرئيس .... |
مدى حياتك انت ولا حياة السيد الرئيس؟ ارجو وضح مع الشكر
|
Post: #112
Title: Re: صوتي لك رئيسا مدى الحياة يا سيدي الرئيس ....
Author: ود الباوقة
Date: 06-02-2009, 06:19 AM
Parent: #111
اخي زمراوي ..
المقصود هو اعطاء صوتي للرئيس البشير ليكون رئيسا مدي الحياة ....
تشكرات ...
|
|