هل للرجال عدة ؟

العدة مشروعة للمرأة للتأكد من براءة رحمها إذا كانت مطلقة وللإحداد على زوجها إذا كان متوفى عنها ، والأيات كلها تتحدث عن عدة المرأة .
{والمطلقات يتربصن بأنفسهن ثلاثة قروء} البقرة : 228 ، {يا أيها النبى إذا طلقتم النساء فطلقوهن لعدتهن} الطلاق :1 ، {واللائى يئسن من المحيض من نسائكم إن ارتبتم فعدتهن ثلاثة أشهر واللائى لم يحضن وأولات الأحمال أجلهن أن يضعن حملهن } الطلاق : 4 ، {والذين يتوفون منكم ويذرون أزواجا يتربصن بأنفسهن أربعة أشهر وعشرا} البقرة : 234 .

فالمرأة لا يجوز لها أن تتزوج غير زوجها إذا كانت فى العدة ، كما قال تعالى: {ولا تعزموا عقدة النكاح حتى يبلغ الكتاب أجله} البقرة : 235 .
فإذا كان الطلاق رجعيا ولم تنته العدة جاز للرجل أن يعيدها إلى عصمته بالرجعة قولا أو فعلا .

اما عدة الرجل - فيقال - تتمثل في كونه لا يجوز له أن يتزوج أخت المطلقة ولا عمتها ولا خالتها ما دامت زوجته المطلقة طلاقا رجعيا لم تنته عدتها ، لأنها فى حكم الزوجة ، وكذلك لو كان متزوجا بأربع نسوة ثم طلق إحداهن طلاقا رجعيا لا يجوز له أن يتزوج خامسة حتى تنتهى عدتها .

فمنعه من الزواج فى هاتين الحالتين حتى تنتهى عدة المرأة ، يطلق عليه بعض الناس أن الرجل عليه عدة ، وليس كذلك ، إنما هو انتظار منه حتى تنتهى عدة المرأة .

فما هو رأيكم؟ هل تعتبر فترة حرمان الرجل في هذه الحالات عدة له ام للمرأة ؟

في انتظار اصحاب الفتاوى الشرعية

عمنا ودشيقوق
سلام من غير كع

يا سيدي:-

العدّة في الأساس شرعت للمراة المطلقة ، والمتوفي زوجها ، حيث ان عدة المطلقة ثلاثة ثلاث قروء ( ثلاث حيضات" أو ثلاث أشهر لمن إنقطع عنها الطمث لأي سبب ، وعدة الأرملة أربعة أشهر وعشرة أيام، وذلك لبراءة رحمها وحتى لا تخطلت الأنساب ، وحيث أن الرجل لا يحمل ولا يلد وليس له رحم .

ولكن أثار بعض فقهاء الشريعة ومشرعي القوانين مسألة عدة الرجل فيما يتعلق بــــ( الرجل المتزوج من أربعة وطلق الرابعة طلاق بائن بينونة صغرى هلى ينتظر إنتهاء عدة زوجته حتى يتزوج عليها ، حيث المعلوم من الدين أن الرجل يستطيع إرجاع زوجته المطلقة خلال مدة العدة دون عقد أو مهر " مرجوعة في مسماها" على قول كبارنا ) وبالتالي جرى الحديث عن إعتبار هذا الإنتظار عدة إن حدث.

وويوجد أراء لعدد من المذاهب أو قل فقهاء المذاهب منها :
- فقهاء الحنفية والحنابلة: إنه لا يحل التزوج بالخامسة حتى تنقضي عدة الرابعة، ولو كان الطلاق بائنًا، لأن للعدة حكم النكاح القائم على وجه؛ إذ تجب فيها النفقة على المطلق ويثبت نسب الولد منه.
- فقهاء الشافعية والمالكية: يحل لمن طلق زوجته الرابعة طلاقًا بائنا ولو واحدة أن يتزوج الخامسة قبل أن تنقضي عدة الرابعة لانقطاع النكاح بالطلاق البائن.


أما عن سؤالك عن الراي الشخصي ، فإننا نذهب إلى ما ذهبوا إليه الشافعية والمالكية ، خاصة وأن المراة المعتدة لا تستطيع الزواج من أي رجل ، إنما الرجل يستطيع الزواج من أي إمراة ، ماعدا المعتدة أو المحرمات حرمة مؤقتة أو مؤبدة ، والله تعالى أعلم .



مع التحية والسلام
ولنا عودة

الطيب سلامات

كدي عافر في المذاهب الاربعة مجتمعة يمكن تلقى شيئ

غايتو out of wedlock مافي عدة


يازول مالك عاوز تتلتلنا بشيل العدة كمان

اخي الاستاذ سيف بخيت

شكرا على هذه الاراء

عندما كنا ندرس في كلية الحقوق جامعة الخرطوم تقدم الينا الدكتور عبد الله دفع الله بسواله :

هل للرجل عدة مثلما هي للمرأة ؟

ولم يستطع احد الاجابة على السؤال . وقد كانت الاجابة ان للرجل حالتان يكون فيهما في العدة :

الاولي كما تفضلت حالة الاربعة وطلاق احداهن فلا يجوز زواجه للخامسة الا بعد ان تنقضي عدة المطلقة (الرابعة)

الحالة التانية فيما لو تزوج امرأة وطلقها وينوى الزواج من اختها فلا يجوز له ذلك الا بعد خروج المطلقة من عدتها.

وقد كنت متابعا برنامجا تلفزيونيا على القناة اليمنية وطرح نفس السؤال وكانت الاجابة عليه على النحو سالف الذكر وهي ان للرجل عدة .

خالص ودي

الطيب انت الليله ماك براك 0000 ليس للرجال عدة000 ولكن عندهم عده بكسر العين
كفاك ولا ازيدك 00

المحرب

الله يجازيك لا انا بقصد العدة الشرعية يا سجم - هسع من حينك جيت تتخمخم بمحنك

Quote: هل للرجال عدة ؟

هو البيه ماعندو عدة ?


عليك الله دا سؤال تقابل بيهو ربونا?

ما شوفتا الجماعة بتاعين الكورة بيخطوا

ايدهم في العدة

اصلهم صراحة كدا خايفين على العدة

وبعدين انت راجل مستنكح ساكت عدة شنو

الهاماك بس عاوز تقنطر الكورة و تزح بعيد.



و ديلك يتاوقوا بالشبابيك .




كتا عاوز اكتل ليك الجوكر في يدك

بس اخوك كيشة في الكوشتينة

مالك علينا نحن برانا صوفتنا حمرا


عدتم او لم تعدوا سوف نعود

عزيزى حيدر حسن ميرغني

مالك دافس كلامك جوة ايمين علا دقيتو فتاشة عشان لقيتو

لكن بالجد للرجال عدة شرعية يحرم عليهم الزواج خلالها وان اختلفت الاراء حول تسميتها



فيسل


ابقى بعيد ده فقه ما ليك بيهو
ان شاء الله ما تعود تاني يا مسنوح

عزيزى حيدر حسن ميرغني

مالك دافس كلامك جوة ايمين علا دقيتو فتاشة عشان لقيتو

لكن بالجد للرجال عدة شرعية يحرم عليهم الزواج خلالها وان اختلفت الاراء حول تسميتها



فيسل


ابقى بعيد ده فقه ما ليك بيهو
ان شاء الله ما تعود تاني يا مسنوح

نص الفتوى الصادرة عن احد علماء الازهر

أجاب : العدة مشروعة للمرأة للتأكد من براءة رحمها إذا كانت مطلقة وللإحداد على زوجها إذا كان متوفى عنها ، والأيات كلها تتحدث عن عدة المرأة .
{والمطلقات يتربصن بأنفسض ثلاثة قروء} البقرة : 228 ، {يا أيها النبى إذا طلقتم النساء فطلقوهن لعدتهن} الطلاق :1 ، {واللائى يئسن من المحيض من نسائكم إن ارتبتم فعدتهن ثلاثة أشهر واللائى لم يحضن وأولات الأحمال أجلهن أن يضعن حملهن } الطلاق : 4 ، {والذين يتوفون منكم ويذرون أزواجا يتربصن بأنفسهن أربعة أشهر وعشرا} البقرة : 234 .
فالمرأة لا يجوز لها أن تتزوج غير زوجها إذا كانت فى العدة ، كما قال تعالى: {ولا تعزموا عقدة النكاح حتى يبلغ الكتاب أجله} البقرة : 235 .
فإذا كان الطلاق رجعيا ولم تنته العدة جاز للرجل أن يعيدها إلى عصمته بالرجعة قولا أو فعلا .
وما يقال إن على الرجل عدة فذلك ليس بعدة شرعية واجبة عليه ، وإنما هى عدة المرأة ، غاية الأمر أن الرجل المطلق لا يجوز له أن يتزوج أخت المطلقة ولا عمتها ولا خالتها ما دامت زوجته المطلقة طلاقا رجعيا لم تنته عدتها ، لأنها فى حكم الزوجة ، وكذلك لو كان متزوجا بأربع نسوة ثم طلق إحداهن طلاقا رجعيا لا يجوز له أن يتزوج خامسة حتى تنتهى عدتها .
فمنعه من الزواج فى هاتين الحالتين حتى تنتهى عدة المرأة ، يطلق عليه بعض الناس أن الرجل عليه عدة ، وليس كذلك ، إنما هو انتظار منه حتى تنتهى عدة المرأة .



السؤال للمفتي :-

قرأت في كتاب "هذا حلال وهذا حرام" للشيخ عبد القادر أحمد عطا في سياق كلامه عن المحارم قرأت قوله إذا جمع الرجل أربع زوجات فطلق إحداهن أو ماتت وأراد أن يتزوج رابعة بدلها حرم عليه أن يتزوج إلا بعد انتهاء عدة المطلقة وكذلك لو طلق الرجل زوجته وأراد أن يتزوج أختها فلا بد من انتظاره مدة العدة ثم يتزوج بعد انتهائها ويحرم عليه خلالها فهل هذا الذي قرأته صحيح وكيف يكون ذلك ولماذا فكأنها عدة يعتدها الرجل.


نص الفتوى

الحمد لله
من عنده أربع زوجات وطلق واحدة منهن فإنه لا يجوز له أن يتزوج بدلها حتى تخرج هذه المطلقة من عدتها لأنها إن كانت رجعية فهي زوجه ما دامت في العدة ولا يجوز له أن يجمع أكثر من أربع وإن كانت بائنًا فهي أيضًا معتدة بسببه وآثار النكاح عليها باقية فلا يجوز له أن يتزوج امرأة أخرى حتى تخرج من العدة أيضًا وكذلك من طلق امرأة فإنه لا يجوز له أن يتزوج أختها أو عمتها أو خالتها حتى تخرج من العدة لأن الله جل وعلا نهى عن الجمع بين الأختين والنبي صلى الله عليه وسلم نهى عن الجمع بين المرأة وعمتها والمرأة وخالتها [انظر صحيح الإمام البخاري ج6 ص128. من حديث جابر بن عبد الله وأبي هريرة رضي الله عنهما.] فلا بد من خروجها من العدة لئلا يحصل الجمع بين الأختين أو بين المرأة وعمتها لأنها ما دامت في العدة فهي إما زوجة رجعية وإما مطلقة متربصة بسبب النكاح الذي طلقها فيه فهي منتظرة بسببه وفي آثاره ولئلا يجتمع ماؤه في رحمين متقاربين.


وفتوى تقول

المرأة هي محل الخطاب في إيجاب العدة كما جاء بذلك القرآن الكريم..
ولكن الرجل مخاطب بالانتظار فترة تطليق امرأة والزواج بمن يحرم الجمع بينها وبين غيرها.. فإذا طلق الرجل زوجته وأراد أن يتزوج بأختها أو عمتها أو خالتها فعليه أن ينتظر حتى تنتهي عدة المطلقة، فيكون الطلاق "بائنًا"، ثم يتزوج إحدى هؤلاء المذكورات، وليست هذه عدة للرجل، ولكنها -أيضا- عدة للمرأة، وإن كانت قيدًا في إقدام الرجل على الزواج ممن يحرم الجمع بينها وبين زوجته.
وقد جاء في فتاوى دار الإفتاء للشيخ حسن مأمون -رحمه الله- في نفس الموضوع ما نصه:
إن أقصى ما يحل للرجل أن يجمع من النساء بعقد الزواج هو أربع نسوة، ولا يعلم في هذا خلاف بين الأئمة. وقد وقع خلاف بين الأئمة فيمن طلق الرابعة وأراد التزوج بغيرها، فقال الحنفية والحنابلة: إنه لا يحل التزوج بالخامسة حتى تنقضي عدة الرابعة، ولو كان الطلاق بائنًا، لأن للعدة حكم النكاح القائم على وجه؛ إذ تجب فيها النفقة على المطلق ويثبت نسب الولد منه. وهذا هو رأي جميع أئمة الحنفية.
وقال الشافعية والمالكية: يحل لمن طلق زوجته الرابعة طلاقًا بائنا ولو واحدة أن يتزوج الخامسة قبل أن تنقضي عدة الرابعة لانقطاع النكاح بالطلاق البائن.

راجع

http://www.ssislam.com/vb/showthread.php?t=4766

نص الفتوى الصادرة عن احد علماء الازهر

أجاب : العدة مشروعة للمرأة للتأكد من براءة رحمها إذا كانت مطلقة وللإحداد على زوجها إذا كان متوفى عنها ، والأيات كلها تتحدث عن عدة المرأة .
{والمطلقات يتربصن بأنفسض ثلاثة قروء} البقرة : 228 ، {يا أيها النبى إذا طلقتم النساء فطلقوهن لعدتهن} الطلاق :1 ، {واللائى يئسن من المحيض من نسائكم إن ارتبتم فعدتهن ثلاثة أشهر واللائى لم يحضن وأولات الأحمال أجلهن أن يضعن حملهن } الطلاق : 4 ، {والذين يتوفون منكم ويذرون أزواجا يتربصن بأنفسهن أربعة أشهر وعشرا} البقرة : 234 .
فالمرأة لا يجوز لها أن تتزوج غير زوجها إذا كانت فى العدة ، كما قال تعالى: {ولا تعزموا عقدة النكاح حتى يبلغ الكتاب أجله} البقرة : 235 .
فإذا كان الطلاق رجعيا ولم تنته العدة جاز للرجل أن يعيدها إلى عصمته بالرجعة قولا أو فعلا .
وما يقال إن على الرجل عدة فذلك ليس بعدة شرعية واجبة عليه ، وإنما هى عدة المرأة ، غاية الأمر أن الرجل المطلق لا يجوز له أن يتزوج أخت المطلقة ولا عمتها ولا خالتها ما دامت زوجته المطلقة طلاقا رجعيا لم تنته عدتها ، لأنها فى حكم الزوجة ، وكذلك لو كان متزوجا بأربع نسوة ثم طلق إحداهن طلاقا رجعيا لا يجوز له أن يتزوج خامسة حتى تنتهى عدتها .
فمنعه من الزواج فى هاتين الحالتين حتى تنتهى عدة المرأة ، يطلق عليه بعض الناس أن الرجل عليه عدة ، وليس كذلك ، إنما هو انتظار منه حتى تنتهى عدة المرأة .



السؤال للمفتي :-

قرأت في كتاب "هذا حلال وهذا حرام" للشيخ عبد القادر أحمد عطا في سياق كلامه عن المحارم قرأت قوله إذا جمع الرجل أربع زوجات فطلق إحداهن أو ماتت وأراد أن يتزوج رابعة بدلها حرم عليه أن يتزوج إلا بعد انتهاء عدة المطلقة وكذلك لو طلق الرجل زوجته وأراد أن يتزوج أختها فلا بد من انتظاره مدة العدة ثم يتزوج بعد انتهائها ويحرم عليه خلالها فهل هذا الذي قرأته صحيح وكيف يكون ذلك ولماذا فكأنها عدة يعتدها الرجل.


نص الفتوى

الحمد لله
من عنده أربع زوجات وطلق واحدة منهن فإنه لا يجوز له أن يتزوج بدلها حتى تخرج هذه المطلقة من عدتها لأنها إن كانت رجعية فهي زوجه ما دامت في العدة ولا يجوز له أن يجمع أكثر من أربع وإن كانت بائنًا فهي أيضًا معتدة بسببه وآثار النكاح عليها باقية فلا يجوز له أن يتزوج امرأة أخرى حتى تخرج من العدة أيضًا وكذلك من طلق امرأة فإنه لا يجوز له أن يتزوج أختها أو عمتها أو خالتها حتى تخرج من العدة لأن الله جل وعلا نهى عن الجمع بين الأختين والنبي صلى الله عليه وسلم نهى عن الجمع بين المرأة وعمتها والمرأة وخالتها [انظر صحيح الإمام البخاري ج6 ص128. من حديث جابر بن عبد الله وأبي هريرة رضي الله عنهما.] فلا بد من خروجها من العدة لئلا يحصل الجمع بين الأختين أو بين المرأة وعمتها لأنها ما دامت في العدة فهي إما زوجة رجعية وإما مطلقة متربصة بسبب النكاح الذي طلقها فيه فهي منتظرة بسببه وفي آثاره ولئلا يجتمع ماؤه في رحمين متقاربين.


وفتوى تقول

المرأة هي محل الخطاب في إيجاب العدة كما جاء بذلك القرآن الكريم..
ولكن الرجل مخاطب بالانتظار فترة تطليق امرأة والزواج بمن يحرم الجمع بينها وبين غيرها.. فإذا طلق الرجل زوجته وأراد أن يتزوج بأختها أو عمتها أو خالتها فعليه أن ينتظر حتى تنتهي عدة المطلقة، فيكون الطلاق "بائنًا"، ثم يتزوج إحدى هؤلاء المذكورات، وليست هذه عدة للرجل، ولكنها -أيضا- عدة للمرأة، وإن كانت قيدًا في إقدام الرجل على الزواج ممن يحرم الجمع بينها وبين زوجته.
وقد جاء في فتاوى دار الإفتاء للشيخ حسن مأمون -رحمه الله- في نفس الموضوع ما نصه:
إن أقصى ما يحل للرجل أن يجمع من النساء بعقد الزواج هو أربع نسوة، ولا يعلم في هذا خلاف بين الأئمة. وقد وقع خلاف بين الأئمة فيمن طلق الرابعة وأراد التزوج بغيرها، فقال الحنفية والحنابلة: إنه لا يحل التزوج بالخامسة حتى تنقضي عدة الرابعة، ولو كان الطلاق بائنًا، لأن للعدة حكم النكاح القائم على وجه؛ إذ تجب فيها النفقة على المطلق ويثبت نسب الولد منه. وهذا هو رأي جميع أئمة الحنفية.
وقال الشافعية والمالكية: يحل لمن طلق زوجته الرابعة طلاقًا بائنا ولو واحدة أن يتزوج الخامسة قبل أن تنقضي عدة الرابعة لانقطاع النكاح بالطلاق البائن.

راجع

http://www.ssislam.com/vb/showthread.php?t=4766



عدلت بناء على طلب الزميل المحترم

الطيب شكيتك على 114 سوره قول امين
اخر شى داير تعمل ليناعده زى الحريم كدى
النلاقيك 00 0 قال عده قال 0 يععددك المرضل
ل000000000000 اهلك

عدة قطر بخار وعدة قندران قديم وعدة تيمس عمك الانت غرتو زماان فوق راسك ابقنبور دة ....ات خلضت النضم كلو وبقيت في عدة الرجال ... كملت الطلح وكبدة الجمل والودك وبقيت في العدة ..عدة التدشدش راسك ....

ودشيقوق
خليها حلوه شويه عشان ما يتعقد اصحاب العده
نقول
للمرأه عدة
وللرجل انتظار









علا مالك الفتوي دي نقالها بضبانتها ؟
عدلها ياخ حوصت لينا عيونا

أطالب والح واصر على توصيل خدمات النت لأهالي البردانه.

ودشيقوق ,,,,, سلامات,, ليك وحشه


الشقي تعتر لي عدته

براك بتجيب الكلام لي نفسك

Quote: الطيب شكيتك على 114 سوره قول امين اخر شى داير تعمل ليناعده زى الحريم كدى النلاقيك 00 0 قال عده قال 0 يععددك المرضل ل000000000000 اهلك

المحرب - الحرابة ال ..........................جع

تصدق ياالطيب دا كان واحد من الأسئلة في معاينتي للإلتحاق بالهيئة القضائية !!

"متى يعتد الرجل ؟!"

و لما كنت حافظ صم عدة المرأة !

Quote: العدة مشروعة للمرأة للتأكد من براءة رحمها إذا كانت مطلقة وللإحداد على زوجها إذا كان متوفى عنها ، والأيات كلها تتحدث عن عدة المرأة . {والمطلقات يتربصن بأنفسهن ثلاثة قروء} البقرة : 228 ، {يا أيها النبى إذا طلقتم النساء فطلقوهن لعدتهن} الطلاق :1 ، {واللائى يئسن من المحيض من نسائكم إن ارتبتم فعدتهن ثلاثة أشهر واللائى لم يحضن وأولات الأحمال أجلهن أن يضعن حملهن } الطلاق : 4 ، {والذين يتوفون منكم ويذرون أزواجا يتربصن بأنفسهن أربعة أشهر وعشرا} البقرة : 234 . فالمرأة لا يجوز لها أن تتزوج غير زوجها إذا كانت فى العدة ، كما قال تعالى: {ولا تعزموا عقدة النكاح حتى يبلغ الكتاب أجله} البقرة : 235 . فإذا كان الطلاق رجعيا ولم تنته العدة جاز للرجل أن يعيدها إلى عصمته بالرجعة قولا أو فعلا .

ولما لم أكن قد سمعت بعدة الرجل بعد ، قعدت أضحك في المعاينة !! سألوني بتضحك ليه ؟! قلت ليهم إتذكرت نكتة بلد

المليون شهيد !!

قالوا لي احكيها لينا! قلت ليهم في واحد في معاينة دايرين ياخدوه سألوه ما هي بلد المليون شهيد ؟! و المادايرين ياخدوه قالوا

ليه قول لينا أسماء و عناوين المليون شهيد واحد واحد !!

وبرضو أخدوني أول دفعتي !!

جاييكم الصباح يجيكم ال ................ زى ما قال ود المحرب المسنوح

اطالب وبشده رفع قضيه على هذا العريبي المسخوت 00
ايه راى الرطانه 0

ود شيقوق سلام عليك

ياخوي أقول لك قوله:

( الليله صِحيت بدرييييييي غسَّلت العِده)



بس خليها في سِرَّك

Quote: ( الليله صِحيت بدرييييييي غسَّلت العِده)

والله انت احسن واحد .. بس طلب خاص ممكن تتنازل شوية-صدقة لوجه الله والغلابا الممكونيين بالعرريب السجمان دة- عن بعض الصحون الصيني وتكسرا فوق راس العرريب المفلطح دة ....

Quote: ( الليله صِحيت بدرييييييي غسَّلت العِده)

يا رجل !!! في عدة بخلوها للصباح ؟؟؟؟؟؟؟؟؟؟!!!!!!

Quote: جاييكم الصباح يجيكم ال ................ زى ما قال ود المحرب المسنوح

ياتو صباح ؟ صباح بالليل ؟؟.. مالواطة بقت الضهر وانت ناموسيتك بمبة ... قووووم قامت قيامتك

كتب المسنوح محمد فضل الله المكي

Quote: ( الليله صِحيت بدرييييييي غسَّلت العِده)

الظاهر ليلتك كانت حمراء

في واحدين بدون ما يغسلوا العده يشوكو البنطلون

و يطلعوا الشغل


مولاناعادل سمير توفيق قال

Quote: متى يعتد الرجل?

قول انت باآآآآ

فيصل ياقريبي

شيقا ده ما عندو عدة يقضيها او يغسلها

عايز يكاوش من عدة المنبر

كتب قريبي العكليت حيدر سن ميرغني

Quote: شيقا ده ما عندو عدة يقضيها او يغسلها عايز يكاوش من عدة المنبر

لا لا لا يا حمام

دا شايل عدتو في كتفو و حايم و في رواية اخر هايم

Quote: عايز يكاوش من عدة المنبر

ياقريبي العرريب دة عداد عدة سااااي زي عداد الشهدا بتاع مولانا عادل ...

Quote: قعدت أضحك في المعاينة !!

وياما حتضحك يامولانا طالما ديناصورات زي العرريب ودشيقوق مطلوقيين سااااي.. هو ناس العدة خلو عدة وراهم

مولانا عادل سمير

Quote: تصدق ياالطيب دا كان واحد من الأسئلة في معاينتي للإلتحاق بالهيئة القضائية !! "متى يعتد الرجل ؟!"

ريحتني يا اخي اكان ما كلامك ده اكان بكري لحس البوست

الرطاني

حيد ود ميرغني

فيسل ود هليل

ود المحرب

نوفل


اقروا كلام مولانا عادل سمير الفوق ده عشان تعرفوا منهجية وعلمية وفقهية هذا البوست يا مسانيح الله يسنحكم

مولانا عادل سمير كلامو مابناباه

ولولاه بوستك ده كان لحق الطلحيات القطعتهن زمان










_
الطلح من ضمن العدة برضو

الملك

Quote: أطالب والح واصر على توصيل خدمات النت لأهالي البردانه

ده برنامج بداهو لينا ود عمك المرحوم الزبير الملك علا ناس دومة ود حامد جوهو جارين عكاكيزهم


محمد فضل الله

غسل ساى ومحل رهيفة تنقد


ود الكامل

والله الشوق ليك بحور - بقيت ما تجيبك لينا علا الصواني

يا ود شيقوق.
ســــــــــــــــــــلام...
انت في العنوان ده..ما كان تميز؟؟
هي..ياتو عدة..
عدة السباكة...؟؟
عدة البي حوشو منها الديك..(عدة المطبخ)؟؟
عدة الشغل؟؟
عدة العدة؟؟
عدة النجار؟؟
عدة الكهربجي؟؟
..
..
اها...العدة انواع!!
يعني..يا دجانقو افرز؟؟؟
شان ما نجي متلبين ساي؟؟ و كمان شان الجندر و كده!!
يعني كيف احنا الرجال ديل
ما عندنا عدة؟؟


اها فتكم بي عافية...!!
اصلو البوست ده فيه ريحة عدة!!
سلام

ود شيقوق سلام يا جافي

كنت فاكر انو بتتكلم عن العدة
كبابي وصحانة وبراريد وكفتيرات

الجن بداوا كعبا الإندراوة

ود المحرب وفيصل ديل بجيبو ليك الهوا

تحياتي ما تحرمينا منك في الإنجمامة يا جافي

خالي الهواري ود النمر

كيفك انت

انت في العنوان ده..ما كان تميز؟؟
هي..ياتو عدة..
عدة السباكة...؟؟
عدة البي حوشو منها الديك..(عدة المطبخ)؟؟
عدة الشغل؟؟
عدة العدة؟؟
عدة النجار؟؟
عدة الكهربجي؟؟
..
..
اها...العدة انواع!!
يعني..يا دجانقو افرز؟؟؟

ايمين ما تفوت يا خالي غيرك خرابة
شان ما نجي متلبين ساي؟؟ و كمان شان الجندر و كده!!
يعني كيف احنا الرجال ديل
ما عندنا عدة؟؟

يا اخوانا ما تجرجروني وابعدوا من الاسئلة التجريمية الله يملأ خشومكم طين . الواحد اكان خت ليهو كليمة شرعية ساى تبحتوا فيها وتقلبوها جاى وجاى وما تعجبكم فيها علا ..............

Quote: اها فتكم بي عافية...!! اصلو البوست ده فيه ريحة عدة!!

خالي الهواري ود النمر

كيفك انت

انت في العنوان ده..ما كان تميز؟؟
هي..ياتو عدة..
عدة السباكة...؟؟
عدة البي حوشو منها الديك..(عدة المطبخ)؟؟
عدة الشغل؟؟
عدة العدة؟؟
عدة النجار؟؟
عدة الكهربجي؟؟
..
..
اها...العدة انواع!!
يعني..يا دجانقو افرز؟؟؟

ايمين ما تفوت يا خالي غيرك خرابة
شان ما نجي متلبين ساي؟؟ و كمان شان الجندر و كده!!
يعني كيف احنا الرجال ديل
ما عندنا عدة؟؟

يا اخوانا ما تجرجروني وابعدوا من الاسئلة التجريمية الله يملأ خشومكم طين . الواحد اكان خت ليهو كليمة شرعية ساى تبحتوا فيها وتقلبوها جاى وجاى وما تعجبكم فيها علا ..............

Quote: اها فتكم بي عافية...!! اصلو البوست ده فيه ريحة عدة!!

ود المنسي

يا زول الف حمدالله على السلامة خبرك معاى قالوا دربك مرق طب والفيزا وصلتك الف مبرووووووووووك وبنكون في انتظارك ماسكين النحاس يا العشاء.

تلفونك كم ؟

ود المنسي

يا زول الف حمدالله على السلامة خبرك معاى قالوا دربك مرق طب والفيزا وصلتك الف مبرووووووووووك وبنكون في انتظارك ماسكين النحاس يا العشاء.

تلفونك كم ؟

Quote: اقروا كلام مولانا عادل سمير الفوق ده عشان تعرفوا منهجية وعلمية وفقهية هذا البوست يا مسانيح الله يسنحكم

الطيب أخوي الناس ديل قاصدينك عديييييل كدة !

مرة حكيت الموضوع دا لمولانا جلال علي لطفي - و كان رئيسا للقضاء - قال لي " كان تقول ليهم عندو عدة كبيرة " !!

إتخيل في المعاينة أقول كدة !!

مولانا عادل سمير

Quote: الطيب أخوي الناس ديل قاصدينك عديييييل كدة ! مرة حكيت الموضوع دا لمولانا جلال علي لطفي - و كان رئيسا للقضاء - قال لي " كان تقول ليهم عندو عدة كبيرة " !! إتخيل في المعاينة أقول كدة !!

الله يجازي محنك ومحن مولانا جلال - الله يرحمه - ضحكتني نامن وقعت من الهباب .


عليك الله يا مولانا شايف الجندر متحسس من البوست ده حاول وريهم الجانب الشرعي وغاياته النبيلة .

يبدو في ناس ما ما ناقشين تشكيلة كلمة (عدة) بقوموا بكسروا العين ويغطوا عيونهم استحاءا ويشتتوا

Quote: عليك الله يا مولانا شايف الجندر متحسس من البوست ده حاول وريهم الجانب الشرعي وغاياته النبيلة .

الجن الكلكي .. ات ما عاجبنك احنا ؟؟ الحساسية التسلخ جلدك

Quote: يا اخوانا ما تجرجروني وابعدوا من الاسئلة التجريمية الله يملأ خشومكم طين . الواحد اكان خت ليهو كليمة شرعية ساى تبحتوا فيها وتقلبوها جاى وجاى وما تعجبكم فيها علا ..............

علا..............
شان ناس البردانة...وخميسة...
وشرق الله البارد..

اها ادي قعدة....
وتعال تم (عدتك)..معليش قصدي نضميك المجيه ده!
بس الله يمرقك من الباشمهندس...



علا بالجد يا مولانا شيقوق
كلام عدة الرجل ده...ليه ما بدرسوه لي الناس في مناهج التعليم!!
لو سالت اي زول,من السؤال الفقهي و الشرعي
و الله الا ..اكان يلوك خشيمو ساي..!!
الله يديك العافية

Quote: شان ناس البردانة...وخميسة... وشرق الله البارد..

والله يا خال انت عسل عديل اتاريك موغل في جغرافية شرق الله البارد

Quote: اها ادي قعدة.... وتعال تم (عدتك)..معليش قصدي نضميك المجيه ده! بس الله يمرقك من الباشمهندس...

عليك الله هاشم مالك ببقى ليك شنو ؟

Quote: علا بالجد يا مولانا شيقوق كلام عدة الرجل ده...ليه ما بدرسوه لي الناس في مناهج التعليم!! لو سالت اي زول,من السؤال الفقهي و الشرعي و الله الا ..اكان يلوك خشيمو ساي..!!

والله يا ود النمر ده اصعب سؤال لطلاب القانون وانا مرة متابع برنامج مسابقات طرح هذا السؤال ولم يجب عليه اى من الحضور
الله يديك العافية

Quote: شان ناس البردانة...وخميسة... وشرق الله البارد..

والله يا خال انت عسل عديل اتاريك موغل في جغرافية شرق الله البارد

Quote: اها ادي قعدة.... وتعال تم (عدتك)..معليش قصدي نضميك المجيه ده! بس الله يمرقك من الباشمهندس...

عليك الله هاشم مالك ببقى ليك شنو ؟

Quote: علا بالجد يا مولانا شيقوق كلام عدة الرجل ده...ليه ما بدرسوه لي الناس في مناهج التعليم!! لو سالت اي زول,من السؤال الفقهي و الشرعي و الله الا ..اكان يلوك خشيمو ساي..!!

والله يا ود النمر ده اصعب سؤال لطلاب القانون وانا مرة متابع برنامج مسابقات طرح هذا السؤال ولم يجب عليه اى من الحضور
الله يديك العافية

سلام يا سعادة المستشار

أصحابك ديل ما مريحينك ود سيد أحمد وود المحرب والعرب العاربة

بس يا ود شيقوق الليلك ذاته عجيب,

فكيت كوندي ومسلسل دوما وبت الهنا, مسكت لينا في العدة وهي ما يحتمل التفسير ظاهرا وباطناً

أنا بس بقول ماله ودشيقوق دا خلى الاسواق المالية وبقى الايام دي فوق أمور زاج يزوج ÷÷÷÷÷÷÷


ياخوي الراجل ما ليهو أي عدة, والفقهاء البفكروا في عدة راجل مياخد اربعة وبكوس في الخامسة ديل قليلين شغلة,

هو الناس ويحيدي ما لاقينها ....

وكتير ناس ويحيدي ما لاقين ينفكوا منها .............

كدي فتاويهم دي خللها وبس أدينا نمة في همبريب بكري دا



أحمد الشايقي

Quote: الطلح من ضمن العدة برضو

الطلح بعد تفاعله الكيمائي

يمهد الطريق للعدة





يا نيل يا طويل يا ملولو

انت ملولو كدا ماشي وين

Quote: علا بالجد كلام عدة الرجل ده...ليه ما بدرسوه لي الناس في مناهج التعليم!! لو سالت اي زول,من السؤال الفقهي و الشرعي و الله الا ..اكان يلوك خشيمو ساي..!!

الأخ هواري نمر

ما حصل سالت زول كبير والا صغير عرف يجاوب السؤال دا..

أنا زاتي كنت قايل ناس لجنة المعاينة بيهظروا معاي و ما دايرين ياخدوني عشان كدة قعدت أضحك ، قلت اصلو بايظة أخير أضحك !!

طلع الموضوع جد و علمي و شرعي !!

و طلعت أول المعاينة !! قالوا لي اديناك النمرة الكاملة في السؤال دا عشان إجابتك دي ! بيقصدوا النكتة أكييييد !!

العرسان دييل كسرو العدة (توجد صور .. الحق ياعرريب ) :
http://www.youtube.com/watch?v=Hin1SW0YRK0

Quote: ما حصل سالت زول كبير والا صغير عرف يجاوب السؤال دا..

مولانا عادل..
انت عارف..من اكبر المشاكل عندنا,عدم العرفة القانوية و الشرعية,
ولازم مراعاة تدريس القوانين و التشريعات
في المدارس و الجامعات
وحتي كمان تكون في توعية و تثفيف قانوني!
عشان الناس تعرف حقها ومستحقها..
واجباتها وحقوقها...
وامور دينها..


لك عاطرالتحية..
علي ما اعتقد المرحوم مولانا\جلال علي لطفي..له صلة قرابة باسرة
المرحوم الحاج\حماد توفيق...في سنجة
هل لك صلة بهذه الاسرة الكريمة,ام تشابه اسماء

الأخ هواري نمر

لك التقدير الشديد..

Quote: علي ما اعتقد المرحوم مولانا جلال علي لطفي .. له صلة قرابة باسرة المرحوم الحاج حماد توفيق...في سنجة

ما عندي فكرة و الله ..

Quote: هل لك صلة بهذه الاسرة الكريمة ، ام تشابه اسماء

لا .. مجرد تشابه اسماء فقط !

Quote: والله يا خال انت عسل عديل اتاريك موغل في جغرافية شرق الله البارد عليك الله هاشم مالك ببقى ليك شنو ؟

اها...يا سعادة المستشار..
انت نسيت انا من سنجة و لا شنو؟؟؟
و شان قلته للباشمهندس..انا قريبو..
ايوه .احنا دناقلة..من ارقو اصلا
.لكن!!
اتولدنا في سنجة ..
وحتي دكان جدي في السوق ..قدامه(سجارة البرنجي)..و انت ماشي
علي المشرع..قبل ما تحصل باتا و السينما,
اسال اي زول من ناس الدندر قول ليهم..(دكان ودنمر)...
ات عارف كانو زمان بغنو ليه...ههههههههههههههه
اي شيلة لي عريس في اغلب مدن الصعيد و حتي الدندر كانت مارقة من هناك....





يعدين يا مسنوح....(خال)..خلاص كبرتني و لحقتني أمات طه!!
هههههههههههه
لسه احنا شباب....
وأسال عبد العزيز عيسي...احنا موالبد العكسر..
اتولدنا في زمن ابوعاج...وقمنا كدة لقينا..البشير ناطي في الدبابة..
واها..
بجيك تاني..
شان ما نكمل الونسة..........

الا هاشم مالك ..قرابة الصعيد بس!!

Quote: كملت الطلح وكبدة الجمل والودك وبقيت في العدة ..عدة التدشدش راسك ....

شيقا الحديد

حالك يحنن ياخوي..
الله معاك..

Quote: يعدين يا مسنوح....(خال)..خلاص كبرتني و لحقتني أمات طه!! هههههههههههه لسه احنا شباب.... وأسال عبد العزيز عيسي...احنا موالبد العكسر.. اتولدنا في زمن ابوعاج...وقمنا كدة لقينا..البشير ناطي في الدبابة..

ازيك يا خالو

وينك؟ ليك زمان!!

قلت لي اتولدت في زمن ابوعاج!!!

في شمارات تقول ان بعض بيانات الإنتفاضة قد اشتركت في صياغتها...




سؤال فني لود شيقوق:

كم من الزمن يحتاجه الرطاني في تعلم العربية؟ (بدون الإتقان)


تحياتي
عبدالعزيز

استراحة

*****************
في واحد مجنن أبو داؤود
كل ما يشوفو في حفلة أو قعدة
يقول ليهو يا أبو داؤود عليك الله
زهرة الروض .. الأغنية دي بترجعني
!!! عشرين سنة لي ورا
أبو داؤود زهج من الزول ده
يوم قال ليهو ياخي زهجتني ، أسمع إنت عمرك كم سنة ؟؟
أخونا قال أربعين سنة
أبوداؤود قال ليهو خلاص أنا بغنيها ليك مرتين
!!! عشان ترجع في بطن أمك ونرتاح منك ياخي

الشايقي - وحيدي - حلوة والله وكسرييييييييي

فيصل

سمير

هواري

الرطاني

عزو


الحكاية الشنو الواحد اكان معزوم ساى ومشى ياكل يجي القاكم تارسين البوست وحاة النبي ما بقدر ارد عليكم كلكم

بس المعلومة المؤكدة عندى هي علاقة حماد توفيق بلال على لطفي وايضا الحاجة عزيزة حماد في السوكي لاني التقيتهم جميعا في منزل حماد توفيق في سنجة .

افو افو دكان ود نمر انا ما بعرفو؟ انا تدربت فترة في مكتب بشارة مريمي سنجة وكنت دائما بقدل على دكانكم ده . بس ما

Quote: الواحد اكان معزوم

ات كل مرة تمشي تشرب شاي "كرك" مع ناطور البناية الملباري في اوطتو تجي تقول انك كنت معزوم ...ما في زولا قال في كل مسقط ونواحيها انو عزمك لانك بتصروط الواطة وتلحس اصابعينك وتتكرع وتوسخ جلابيتك وبتاكل الحلو اول وبتعمل حاجات عجيبة ياااخ ...

Quote: !!! عشان ترجع في بطن أمك ونرتاح منك ياخي

غنو للعرريب "الاطلال" عشان يرجع لبطن امو ونرتاح

Quote: العرسان دييل كسرو العدة (توجد صور .. الحق ياعرريب ) :

انت مصيبة هسع دى لقطها من ويييييييييييييييين

عزو

خليهو الرطاني - شنو رايك في الشايقي البقول وحيدييييي وكسري وعصيدييييييي وعيييييك

الطيب ,, الطيب

سلام لك ولد خالي ود الخضر ..

يقال ان للعدة ديك

وان للديك عده ..

هل هذا صحيح ؟؟؟

دمت ..

Quote: تلفونك كم ؟

انت يا المسنوح لسع ما علموك كيف تسجل الارقام في الهاتف
أمش لي حيدر امين يوريك تكنولوجيا الهاتف

ما اديتك لي المرة الفاتت

الخميس الجاي بإذن الله ممكن أمشي لودالقرشي أحمد

المهم ياسيدي تلفوني

00971501546277

وزيدها صفرين

هيييييييييييييييييييع ومحل رهيفةالتنقد

ود الشبلي


كيفك يا فنجري

Quote: سلام لك ولد خالي ود الخضر .. يقال ان للعدة ديك وان للديك عده .. هل هذا صحيح ؟؟؟

ايوا هو الرطاني ذاتو



ا

Quote: الخميس الجاي بإذن الله ممكن أمشي لودالقرشي أحمد

طيب انت يا سجم قايل نحن كم من ود القرشي - ود القرشي المسنوح اصلا يوم الخميس بجينا وبرجع الجمعة تعال معاهو وارجع

Quote: الخميس الجاي بإذن الله ممكن أمشي لودالقرشي أحمد

طيب انت يا سجم قايل نحن كم من ود القرشي - ود القرشي المسنوح اصلا يوم الخميس بجينا وبرجع الجمعة تعال معاهو وارجع

.
.

أستاذنا الطيب

موضوعك ذكرني سؤال :

هل للرجل لبن؟

وما معنى عبارة لبن الرجل أو لبن الفحل التي وردت في كتب الفقه؟

وكثير من الناس قد يستنكر هذه العبارة مع انها تعني خلاف مايتبادر إلى أذهان العامة.

Quote: وهو في لغة الشريعة يراد به،(لبن الرجل) وصورته : الرجل يكون له امرأة، تنجب منه ولداً ولها لبن.فهذا اللبن هو لبن الرجل وهو المسمى في لغة الشريعة (لبن الفحل) ونسبة هذا اللبن إليه، كونه سببا فيه. وهذ اللبن إذا أرضعت به المرأة بنتاً، تحرم البنت على زوجها وإخوته، لأنه صار أبا لها وصاروا هم أعماما لها.

(...)

تحياتي وتقديري
.
.

Quote: طيب انت يا سجم قايل نحن كم من ود القرشي - ود القرشي المسنوح اصلا يوم الخميس بجينا وبرجع الجمعة تعال معاهو وارجع

هههههههههههههههههههه
والله ما مشتاق ليك

وأخير ما أشوفك

أشوف النبي

والله مشتاق أقابلك يا مسنوح

تحياتي

اخي الازهري

Quote: هل للرجل لبن ؟ كثير من الناس قد يستنكر هذه العبارة مع انها تعني خلاف مايتبادر إلى أذهان العامة.لبن؟ وما معنى عبارة لبن الرجل أو لبن الفحل التي وردت في كتب الفقه؟

الله يخليك عشان كدا في ناس فارغين قاموا طوالي هبروا بالتفسير لاتجاهات اخرى

اهو مثالك خير دليل على سلامة الاستفسار وفساد الظن

مساهمة العم كيمــو
ــــــــــ
يا شيقااااا ٍسلامات
مشيت ليك فى بنى شنقول ومالقيتك قالو غيرت من بيع
الطلح وبقيت تبيع فى العدة ...فعليك اللة بيع لى عمك دة
محول جديد ...ينوبك ثواب....هييييع عد

عمك كيمــو

ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى
فـــ
التجاهل
التجاهل
التجاهل

Quote: يا اخوانا ما تجرجروني وابعدوا من الاسئلة التجريمية الله يملأ خشومكم طين . الواحد اكان خت ليهو كليمة شرعية ساى تبحتوا فيها وتقلبوها جاى وجاى وما تعجبكم فيها علا ..............

انت وقت الحرارة مقطوعة مالك ومال العدة ...جايب سيرتها ليه ؟؟

عمو كمال

Quote: يا شيقااااا ٍسلامات مشيت ليك فى بنى شنقول ومالقيتك قالو غيرت من بيع الطلح وبقيت تبيع فى العدة ...فعليك اللة بيع لى عمك دة محول جديد ...ينوبك ثواب....هييييع عد

الله يغطسك يا عمو منو القال ليك دى بضائع معروضة للبيع - منو الغشاك وقال ليك للبيع وكمان في تنزيلات؟

Quote: انت وقت الحرارة مقطوعة مالك ومال العدة ...جايب سيرتها ليه ؟؟

ما قاصد يا عمو وقلتها بحسن نية علا انتو مسانيح بتاعين سؤ نيااااااات

ههههههههههههههههههههههههههههههههههههههههههها

Quote: سؤ نيااااااات

دي جمع Sony الماركة المشهورة ?

Quote: ما قاصد يا عمو وقلتها بحسن نية علا انتو مسانيح بتاعين سؤ نيااااااات

وعدة من ماركات سوني (كما قال قريبي) وسانيو وسونيا وسني ...قال عييييك قال ......

اها الشايب دة بيفتش عدة انت كمان فتش معاهو يالعرريب بتاع العدة
قووول الرووووووب بنخليك يابتاع العدة

يا ود شيقوق سلام

أولا حبيت اسلم عليك لأني لي زمن ما تداخلت معكم وده كلوا كان ناتج لعدم مقدرتي للدلوف على البورد .

ثانياً بما أننا رطانة وضليعين في المسائل الفقهية وبعد التوكل على الحي الذي لا يموت ، اقول لكم

الحالة الأولى

(( تنتهي عدة الرجل بمراسيم دفن زوجته ( لا قدر الله اللهم يحفظ حرمونا ، وكلامي ده لو وصلهن الله قال بي قولكم))

الحالة الأولى

(( تنتهي عدة الرجل بمراسيم تسليم ورقة الطلاق ( لا قدر الله اللهم يحفظ حرمونا ، وكلامي ده لو وصلهن الله قال بي قولكم))

أي المعنى : أقرب الأجلين الموت أو الطلاق ..... واقرب الأجلين في مصطلح المغتربين هو (( الموت أو الخروج النهائي))

والله أعلم
ومن قال الله أعلم فقد أفتى

اها العرريب يا بتاع العدة جااك بن عمي ولياب مفتي ال ولياب يورييك العدة كيف ووين .. انت ما رحت ACE Hardware قبل كدة .. خلاص روح وشوفلك عدة ...( ما عندكم فرع في عمان تعال دبي عندنا فرووع كتيرة)

Quote: عندنا فرووع كتيرة

قريبي بكري شوف ليك فرع ماكن كدا

و زعمط ورقو ولو جاك المسنوح دا

هناك سوكو لحد البردانة


شوفتا فلقصة الرطاني ولياب

قال ادلف قال

Quote: شوفتا فلقصة الرطاني ولياب قال ادلف قال

يااخي دي مفتي بتاعنا ال ولياب .. انتو المجراب لا كان عندكم جامع ولا مفتي ...

حاشية:
زماااانك في حلفا كان في مساعد طبي برضو من اندنا صعب جدا .. وبردو كان اندنا واحد بينضم نضم العرريب كتير و يوم مرض وجاتو رجيفبة شديدة وديناهو المستشفي ودخلنا علي المساعد الطبي .. قالو " مالك اير منك كوني .. من ايكا اوديكا "" صاحبنا قال ليهو " عندي قعشريرة " وداك ما صدق " غشريرة منا .؟. كت انتون دفي " وطردنا كلنا ....

Quote: قريبي بكري شوف ليك فرع ماكن كدا

ات بس خلي يجي كان ما رجعناهو اسبيرات في بقجة سااااي

Quote: قالو " مالك اير منك كوني .. من ايكا اوديكا "" صاحبنا قال ليهو " عندي قعشريرة " وداك ما صدق " غشريرة منا .؟. كت انتون دفي " وطردنا كلنا ....

والله ياباشمهندس أنا مت من الضحك !!

طبعاً صحبك العرريب مسطح ، وعشان ينوبك وينوبي ثواب نقوم نعمل ليهو ترجمة فورية

إير منك كوني : أنت عندك شنو والمقصود هنا ( الأعراض المصاحبة للمرض)

إيكا اوديكا : ما ذاك يؤلمك

كت إنتون دفي : عبارة للطرد ( مش الطرد حق DHL أو فيدكس) أمشي من هنا( أو كما تقول الأعراب يا خي قوم طير)

الأستاذ الطيب

خلينا نديك كم كورس كده

عزيزي فيصل

مسكاقنا

طبعاً كنت أقصد أن أثير تعليق ود شيقوق لمن ذكرت كلمة ( أدلف)

لكن بوظتا علينا الشغلة، طبعاً رطاني فتن ، طبعاً ولياب الكبير مازال في القاهرة ونتمنى له سلامة العودة

ولياااااااااااااااااااااااب

كيييييييييييييييفك

حباب The updated ratani and the latest version of RATANA


يقال هذا الجيل لا يحمل اى ميكروب

جاييييييييييييكم مشغول

Quote: حباب The updated ratani and the latest version of RATANA

يا زول ها ولياب دا version 5

وانا version 10


ال version بتاعو من زمن ال DOS

Quote: لكن بوظتا علينا الشغلة، طبعاً رطاني فتن ، طبعاً ولياب الكبير مازال في القاهرة ونتمنى له سلامة العودة

لا حول ولا قوة إلا بالله ، تخيلوا أنا قاصد ( رطاني فطن)

عييييييييييييك الرطانة اتلموا في العدة زى تلنق - ليكم حق لانها من لوازم المهن النوبية .

عييييييييييييك الرطانة اتلموا في العدة زى تلنق - ليكم حق لانها من لوازم المهن النوبية .

Quote: لا حول ولا قوة إلا بالله ، تخيلوا أنا قاصد ( رطاني فطن)

ما مشكلة انت تقول البعجبك

هو نحن استحملنا العررريب


وكلو عند البرابرة صابون

ود شيقوق سلامات

إت محنك دى ما بتخليها... مش لو عملت لينا حصة دين.

Quote: عييييييييييييك الرطانة اتلموا في العدة زى تلنق - ليكم حق لانها من لوازم المهن النوبية .

نحن بناكل كويس ونطبخ بشان كدة عندنا عدة اها المشكلة فيكم العرريب تجغمسو ساااي ...

يـا شيقااا هاك النكتة دى من عمك كمـال
ــــــــــــــــ
واحد أتصل على زوجته ... وقال لها سخنى الموية بسرعة أنا جاى على الطريق ....

زميلو قاعد معاهو سمع المكالمة ... قال ليهو ماشاء الله الظاهر شخصيتك قوية فى البيت ...

رد عليهو الزوج .. عاوزانى أغسل ليها العدة بدون موية سخنة .. !

وكمان واحدة تانية
ــــــ
أخذ رجل يمازح زوجته فقال لها هل ستتزوجين بعد موتي ؟
فقالت:ـ نعم ،
قال:ـوهل سيسكن معك في بيتي ؟
قالت:ـ نعم
فقال :ـإذن سيلبس كل ملابسي فقالت لا
فسألها:ـ لماذا ؟
فقالت:ـ لأنه أطول منك

ود ابو القاسم

Quote: إت محنك دى ما بتخليها... مش لو عملت لينا حصة دين.

الله اداك نعمة التفقه في الدين لكن ما عايز تنفع بيها العباد زى شيقا نعمل ليك شنو

عمو كمال

Quote: واحد أتصل على زوجته ... وقال لها سخنى الموية بسرعة أنا جاى على الطريق .... زميلو قاعد معاهو سمع المكالمة ... قال ليهو ماشاء الله الظاهر شخصيتك قوية فى البيت ... رد عليهو الزوج .. عاوزانى أغسل ليها العدة بدون موية سخنة .. !

يجازى محنك يا مسنوح تكون قطعتها من راسك - ده السبب المخليك تبرطع سااااااااااى لا تورق خدرة ولا غسيل عدة - يعني شنو انت عارف يا عمو؟ يعني زول take wawy ساااااااااااى .

شيقاااااا ......سلامات
بالمناسبة بتاعت Take away

عمك كمــال

عزو

عمو كمال


حاسبوا البوست للفتاوى الشرعية مش للتيك اويتات يا وليدات

Quote: حاسبوا البوست للفتاوى الشرعية مش للتيك اويتات يا وليدات

يربطوك في مشرع كلو تماسيح ... ات بعدما خليت الاوراق المالية تعتت اتحولت الي مستشار شريعة ؟؟

Quote: ات بعدما خليت الاوراق المالية تعتت اتحولت الي مستشار شريعة ؟؟

بس خايف تختلط الانساب والاحساب عشان كدا يا عمو

لقيتني كيف؟

Quote: بس خايف تختلط الانساب والاحساب عشان كدا يا عمو لقيتني كيف؟

ماذون فالصو

ماذون فالصو

جنس حسادة

Quote: خليهو الرطاني - شنو رايك في الشايقي البقول وحيدييييي وكسري وعصيدييييييي وعيييييك

يا شيقا

عندي الساعة 2.45 صباحا وما زال الضحك متواصل

خليهو يمشي اب يي..

انت مزرود شديد جدا..

وقعتك سودة ما بين عمو كيمو والرطاني..




المديدة حرقتني!!!

عزو

نوم يمكن الصباح تلقى ليك لفة كسريييييييييييي من ود الشايقي

قال كسريييييييييييي يكسر عنقرتك والله انتوا والرطانة بشتنتوا علينا كلامنا كلو

Quote: مرة حكيت الموضوع دا لمولانا جلال علي لطفي - و كان رئيسا للقضاء - قال لي " كان تقول ليهم عندو عدة كبيرة " !!

اها المسنيح دي جات من كبيركم الذي علمكم السحر
شن قولك ؟




خارج النص
والواحد بعترف انه استفاد من البوست دا بحاجه كان بجهلها
وارجو صادقا ان نستفيد من خبراتكم القانونيه في بوستات تفتح لهذا الغرض
من اجل اشاعة الوعي القانوني والتنوير والمعرفه والثقافه العامه
تحت تحت كده
الايام دي قايمه علي قراية قانون لدرجة اني التحقت بأحدي الجامعات
قرايه هنا وقرايه هناك وشغل وجري السودان .. وتنقد الرهيفه ان شاء الله ما تتلتق

العدة : الكلام دا يا شيقا تورية ولا حقيقة .

ود شيقوق
قيل أن رجلا كان دائما يدعو " اللهم أجعل شدتي في عدتي "
ظننت حتى قبل أن أرى سؤالك المطروح أنه كان يقصد أن يمنحه الله شدة في غسيل عدة المنزل .. ولكن سؤالك دا والمداخلات خلاني أنتبه انه كان يقصد حاجة تانية.
مالك يا ود شيقوق داير تجرنا بعد الشيب على الكلام الخارم بارم.

تحياتي

Quote: مالك يا ود شيقوق داير تجرنا بعد الشيب على الكلام الخارم بارم

ياصديقي جعفر انت اول ما يجي العرريب زي الكتاحة قول "حولينا ولا علينا" بيطفش...

عزو

نوم يمكن الصباح تلقى ليك لفة كسريييييييييييي من ود الشايقي

قال كسريييييييييييي يكسر عنقرتك والله انتوا والرطانة بشتنتوا علينا كلامنا كلو

نوفل

Quote: وتنقد الرهيفه ان شاء الله ما تتلتق

ضحكتني لكن بيني وبينك اكان ما بتستحمل الكلام الفارغ من الاخرين ما تمشي لدارسة القانون

خالص ودي

Quote: عزو نوم يمكن الصباح تلقى ليك لفة كسريييييييييييي من ود الشايقي قال كسريييييييييييي يكسر عنقرتك والله انتوا والرطانة بشتنتوا علينا كلامنا كلو

حياك الله شيقا
أمس تغديت بي كسرة في بلاد فيا 6 سودانيين..
انت رجع لينا كسرة دي لأصل عربي.. فهي على ماأعتقد وحسب تجهيزاتها ومعدات طبخها فهي نواتج حضارة نيلية زي القراصة.. فلا يمكن ان تكون عند الناس البدو.. وعند كيمو الخبر اليقين..


فتك بعافية

Quote: فلا يمكن ان تكون عند الناس البدو

عزو العزيز

نحن عندنا حاجة اسمها الملطم وده هو قدح اللقمة ابو خرز بشيلوهو من اضيناتو ومرات بختوهو في هباب عشان يشيلوهو مجموعة ناس . بس الواحد يجي جعان يأكل نامن يقوم شايل قلفة في راحات كرعيهو من العرق .

Quote: نحن عندنا حاجة اسمها الملطم وده هو قدح اللقمة ابو خرز بشيلوهو من اضيناتو ومرات بختوهو في هباب عشان يشيلوهو مجموعة ناس . بس الواحد يجي جعان يأكل نامن يقوم شايل قلفة في راحات كرعيهو من العرق .

في ياتو زريبة ؟؟؟

Quote: في ياتو زريبة ؟؟؟

زى رمى الجمرات يا العزيز

Quote: زى رمى الجمرات يا العزيز

قصدك انت بتاكل الحصا البرمو بيهو الشيطان

Quote: مرة حكيت الموضوع دا لمولانا جلال علي لطفي - و كان رئيسا للقضاء - قال لي " كان تقول ليهم عندو عدة كبيرة " !!

يكون قاصد مثل العدة دي

غايتو شيلا براك يالمسنوح لو ما لقيت اجابة لسؤالك ده

Quote: قصدك انت بتاكل الحصا البرمو بيهو الشيطان؟

ومال قاصد كرت الخمسين ؟

حيدوري

Quote: غايتو شيلا براك يالمسنوح لو ما لقيت اجابة لسؤالك ده

الله يجازى محنك يا مسنوح

رسالة العم كيمو الى عزو
ــــــــ
انتة عارف يا عزو يا ولدى حكاية الخبر اليقين لقيتة ليك
فى ماكتبة د. عمر شاع الدين عن الكسرة فى جريدة الصحافة
حيث قال:ـ
ـــــــــــــ
مراجعة تحقيقات بروفسير عبدالله الطيب للعامية

د.عمر شاع الدين
كُتب في: 2004-08-31




قال الراحل الضخم : الكسرة خبز رقيق من دقيق الذرة المعجون المخمر يسيرا . يصنع مبسوطا . وزعم الدكتور الالماني عالم الاثار في بعض حديثه لجمعية الخرطوم الفلسفية سنة 1963م، ان السودانيين القدماء في دولتهم كانوا يصنعون الكسرة ، ولديهم آنيتها من خمارة ومرحاكة طحين ودوكة عواسه (الدوكة تنور افطح من الفخار ، والان يستعمل الصاج مكانه ، والعواسة صنع الكسرة يقال عاس يعوس )وان الكلمة نفسها كانت مستعملة بينهم .
من حقيبة الذكريات :13
قلت : قد ارتضي الراحل كلام الدكتور عالم الاثار ، وانا حقيقة في حيرة من امري ، هل ؛كلام الالماني يذهب للكسرة ام للدوكه ام للعواسه ، الامر لايخرج عن الحرج ، وما ارجحه انه يذهب للكسرة ، هذا ما دامت الدوكة معلومة السودانية ، ولا نري الكسرة هي اصل مادة كلامه ومقصده ، نراها تنحو ناحية العربية ، وهذا ما نعالجه ولا نحسب الراحل قد فاته ، مادام منشغلا في سائر عمله بمقاصد التفصيح.

ــــــــــــــــــــــــــ
حاشية الى شيقاااااااااا
الحق البوست بقة سمك ..لبن..تمر هندى و.......عــدة
عمكم كيمــو

Quote: الحق البوست بقة سمك ..لبن..تمر هندى و.......عــدة

ياكيمو هو لاقي ؟؟؟؟

Quote: يصنع مبسوطا

مبسوط من شنو يا حسرة ?

ام مال الطوستا يعمل ايه ?

Quote: الحق البوست بقة سمك ..لبن..تمر هندى و.......عــدة

عمو كيمو

الواحد يعمل بوست هادف ومتميز يحكي عن الفقه وعلم الفرائض والاصول يجوا المسانيح يقلبوهو لينا كسرة وضلع وحركات تانية شايلها المسنوح ودالهليل وقادل بيها بين القبائل .

يا خي شنو يا ود شيقوق شابكنا لحد (الحين) عدة عدة

بعد الصورة الجاباها حيدر ميرغني ، العدة جاية

ولياب

Quote: يا خي شنو يا ود شيقوق شابكنا لحد (الحين) عدة عدة بعد الصورة الجاباها حيدر ميرغني ، العدة جاية

يكسّر عدتك يا الرطيطيني المسنوح

Quote: الكلام دا يا شيقا تورية ولا حقيقة .

لا والله يا رحمونى ده كلام صحيح وحقيقي
حاول راجع مداخلة مولانا القاضي عادل سمير تؤكد لك ذلك

اطيب المنى

Quote: الكلام دا يا شيقا تورية ولا حقيقة .

لا والله يا رحمونى ده كلام صحيح وحقيقي
حاول راجع مداخلة مولانا القاضي عادل سمير تؤكد لك ذلك

اطيب المنى

Quote: الواحد يعمل بوست هادف ومتميز يحكي عن الفقه وعلم الفرائض والاصول يجوا المسانيح يقلبوهو لينا كسرة وضلع وحركات تانية شايلها المسنوح ودالهليل وقادل بيها بين القبائل

.

قصدك هايف ...انت بس خليك في فرض العين ...

Quote: قصدك هايف

دين جربت المسوحة بزيت السمسم ؟

فرحانين اوي .

الظاهر القصة ليها علاقة بالعدة

فرحانين اوي .

الظاهر القصة ليها علاقة بالعدة

والله يا فيسولي انت شيطان ومسلط عديل كدا - دى لقطها من وين هسع ؟

فرحانين اوي .

الظاهر القصة ليها علاقة بالعدة

الاخ فيصل ذكرتنى نكته بس برسله ليك فى الاميل
عشان ناس النظام العام وحاجات تانيه حاميانى

احد الأئمة مرتو ماتت النهار
مع صلاة المغرب عقد على واحدة تانية
قال خشيت ان القى ربى اعزبا

يعددن فوقك بنات 14 ياممسوخ
ممسوخ دى ماركة مسجلة لى حبوبتى بت جاد الرب
مسنوح دى بتاعتك انت

احد الأئمة مرتو ماتت النهار
مع صلاة المغرب عقد على واحدة تانية
قال خشيت ان القى ربى اعزبا

يعددن فوقك بنات 14 ياممسوخ
ممسوخ دى ماركة مسجلة لى حبوبتى بت جاد الرب
مسنوح دى بتاعتك انت

الفاضلابي

المحرب

دا طرفي من البوست خليتو ليكم ان شاء الله تقلبوهو انداية يا مسانيح

Quote: دا طرفي من البوست خليتو ليكم ان شاء الله تقلبوهو انداية يا مسانيح

انداية ؟؟ ما هذا يا رجل اتدعو الي الرذيلة ؟؟؟عليك العدة

الفاضلابي

المحرب

دا طرفي من البوست خليتو ليكم ان شاء الله تقلبوهو انداية يا مسانيح

يا عمو

Quote: عليك العدة

نوع جنك ده (مورا دقينا)

هيييييييييع تعلمنا كلام الرطانة

Quote: عزو نوم يمكن الصباح تلقى ليك لفة كسريييييييييييي من ود الشايقي قال كسريييييييييييي يكسر عنقرتك والله انتوا والرطانة بشتنتوا علينا كلامنا كلو

انت عــــــــــــاد اقعد لي متل كلامك ده!!
هسي امانة في رقبتك دي..المسنـــــــــــــــــوح دي ...
جبتها ما ياتو لغة؟؟؟
قال بشتنو الكلام...!!

قال مسنوح....قاااااااال..



وعربي قوم عند قوم........رطانة...

ود النمر

كيفك

Quote: انت مسنوح دى جبتها من وين

كييييييييييف يا رطاني الصعيد دى قالها شاعر البطانة ود الشوراني في دوبيتو :-

حوش البابور للجار والضيوف مفتوح
جات خاشا هو شتلة منقة لينة تموح
يشلع ساطع النور فوق جبينا يلوح
كل ما تبتسم الطيب من ثناها يفوح

"علي " قالي منزه طبعو مو مسنوح
كمان راقي وحلو ومن كل فارغة صفوح
شعر بي حالة القلب البوِحْ مجروح
إن جاملنا يشكر وان طلع مسموح

قت لي القالي شايفك من أمس ملفوح
سببي الزولو ما اتعش ورقد مسدح
وهبه جمالو غير حنة ودلال ومسوح
عفيف وطيباتو خلقة معاهو طبق الروح

البارح براي بشكي وبزيم وبنوح
واصلت السهر عجّز بلابل الدوح
السلب الحيا وخلي اللحم مسروح
نظرة خدودو للحزنان سرور وفروح


المسنوح هو ابو طبعا شيييييين زى زولنا داك .

يـا شيـقااااا ..سلامات
اول هام الحاجات البرسله ليك ود المحرب بالايميل
ما تنسى تعمل لى عمك Forward
تانى هام اب وشا شين داك ولا زولك دة

عمـك كمــال

عمو كمال

الله يمسخك يا مسنوح

دحين جرائد الزمن ده الناس بتشتريها وما بتقراها ليش ؟

يبدو عشان تكون للعزابة فرش للصحون وقت الغداء
وعشان يلفوا بيها السكر والشاى زماااااااااااااان
وعشان يلفوا بيها الزجاج الفارغ
وهل عشان يغطوا بيها العدة من الذباب ؟؟؟؟

الطيب

انت مش قلت ده طرفك من البوست وشلت عدتك واتخارجت

جابك الوحم وللا شنو

تاني اشوفك هنا حانزَل صورة اكعب من الاولى

تاني اشوفك هنا حانزَل صورة اكعب من الاولى

مش قالوا خلي مرتك للرجال بس ما تخلي مالك للرجال ؟

نزل - اصلك منزل ليك راية؟

Quote: مش قالوا خلي مرتك للرجال

ده كلام شنو يازول

ليت لي بجندرية تمعط ريشك وتشيلك عدة الارامل كلهن

المال يطير

ياجماعة اصحابكم وحبابيكم اولاد العم سام الامريكان جو الايطاليين والصينيين اخدو عدتهم ففيات اخدت كريزلر والصينيين هسع في اخر تشطبيات بيعة الهمر ( اها العرريب ات قبلما ما تركب الهمر صار صيني )... يعني العدة كمان هكروها زي العرريب وبقت صيني

حيدوري

Quote: ليت لي بجندرية تمعط ريشك وتشيلك عدة الارامل كلهن

انت يا مسنوح شايل عطر منشمك وحائم بيهو

مالك على هسع شايف ليك جندر حائم بجاي؟

حيدوري

Quote: ليت لي بجندرية تمعط ريشك وتشيلك عدة الارامل كلهن

انت يا مسنوح شايل عطر منشمك وحائم بيهو

مالك على هسع شايف ليك جندر حائم بجاي؟

http://www.youtube.com/watch?v=XrLakLY-BwI

يـا شيـقااااااا كيف امسيت
ياخى خلينا جادين شوية ونرجع لموضوع الفتاوى
وتعال شوف الفتوى دى:ـ
عمك كمــال
ـــــــــــــ
واحد شيخ مشهور سـألـو:ـ

ولد وبنت في الجامعة البنت شايله ليها آيسكريم
قامت أدت صاحبها لحستين ثلاتة
سألو الشيخ ؟

ممكن الولد دا يتقدم للبنت ويتزوجا ؟؟؟

رد عليهم شيخنا

دا يتوقف على نوع الآيس كريم

لو كان بالفانيليا حلال عليه البنت
أما لوكان بالحليب تحرم عليه وتبقى أخته بالرضاع

Quote: قامت أدت صاحبها لحستين ثلاتة

الملافظ يافيسولى ,,
ولا اه انت معذور
طيب اكتبهابالرتانة ياشيه
ولا بالحبر السرى

عمو كمال

فيسل


بالله خموا عدتكم دى من بوستي واخدوا بعضكم

الواحد اما يجيب عدة بايركس او ما يلزمنا هنا

قال حليب قال المسنووووووووووووح

انت يالطيب فهمك من البوست ده شنو?
يعنى داير تصل ليشنو?
ياخى كان داير تنحبس ماتنحبس
انا على اجيب ليك توب الزراق

عزوووووووووووو

انت وصلت هسع من اربعتاشر ؟؟؟؟؟؟؟؟؟؟

مسنوووووووووووووووح

Quote: انت وصلت هسع من اربعتاشر ؟؟؟؟؟؟؟؟؟؟

لا وصلت من السودنة ,,

Quote: ياخى كان داير تنحبس ماتنحبس

انشاء يحبسوهو في الجزيرة ديييييييييييييك البعيدة وبعدين يشوف العدة كيف ... قال عدة قال...

عدة اوباما اكتر من عدة كلنتون عشان كدا هيلرى مبسوطه اكتر.



اجي يا الحصان

اكتشاف كميات ضخمة من الغاز الطبيعي بمربع 8 تتراوح ما بين 16 - 20 ترليون متر مكعب

طبعا البردانة تتوسط هذا المربع وبالفعل بدأ الرق Reg في الحفر هناك .

Significant gas reserves discovered in Sudan
Jun 01, 2009 at 13:56 View count (132) | | | |

White Nile Petroleum Operating Co, or WNPOC, has discovered significant amounts of dry, non-associated natural gas in onshore block eight, the company's Vice President Ali Faroug Abbas said on Monday.

"We discovered gas in two wells - Hosan and Tawakul - in block eight," Abbas told Zawya Dow Jones in an exclusive interview in Abu Dhabi.

"Our plan now is to explore for more gas and oil in this block, and to commercialize it," Abbas said.

WNPOC, in which Sudan National Petroleum Corp, or Sudapet, and Malaysia's Petroliam Nasional Berhad, or Petronas, each own 50 precent, made a 108 billion cubic feet discovery in the block in March. In November, the company found 15 billion cubic feet of gas reserves at Hosan, Abbas said.

"We are hopeful we will find more gas in block eight. The potential (after initial tests) is for 16 trillion to 20 trillion cubic feet," he added.

The latest announcement comes as Sudan, Africa's largest state, prepares to celebrate its 10th anniversary of becoming an oil exporting country. Sudan is presently pumping about 520,000 barrels a day of crude.

So far, the only other gas discovery in Sudan was made in 2005 by Petroenergy E&P, which is a joint venture between Sudapet and China National Petroleum Corp, or CNPC, in block six. The gas will be used to fire a 400 megawatt power plant in the area.

The gas discovered in block eight will also be utilized domestically, with Sudapet and Petronas presently screening potential power generation and fertiliser projects. Revenues generated will go towards further gas exploration, Abbas said.

"If this potential is realized we will start exporting gas to the east, to countries like Korea, China, Japan and Malaysia but it is unlikely to go to the West until sanctions are lifted," Abbas said.

Zawya Dow Jones

المصدر
http://business.maktoob.com/20090000...an/Article.htm

Quote: احد الأئمة مرتو ماتت النهار مع صلاة المغرب عقد على واحدة تانية قال خشيت ان القى ربى اعزبا

واحد شيخ نهاية كل موسم حصاد يتزوج ويشطب من أعلى القائمة..
مرة طالع في الركب ليتزوج, شافع صغير سأل الناس: انتو ماشين وين؟
قالوا: لزواج الشيخ الجديد..
الشافع: أنا ود الشيخ وأبوي ده عنده 4 نسوان الآن..
أحد الجماعة أوقف السيارات..
صاح الشيخ بزعل!! مالكم واقفين؟
رد عليه واحد: يا شيخ ولدك ده قال عندك 4 في حبلك!!
الشيخ: وينو الولد ده؟ يا ولد.. أنت أمك ياتا؟
الشافع: كيفن يا يابا.. أنا أمي فاطمة.. نسيتها؟
الشيخ: أمك فاطمة طالق.. يلا يا جماعة واصلوا المسيرة..

Quote: عدة اوباما اكتر من عدة كلنتون عشان كدا هيلرى مبسوطه اكتر. اجي يا الحصان

يا عمو كيمو


كتلتنا بالضحك...

خوفتنا من مقص الرقابة...!!!




وحبيبنا شيقا ده.. عدتو كيف؟؟

استراحة قصيرة و برجع ليك يا عبدالعز

دا من ايميل طه ابراهيم


شعر العولمة وبيل قيتس

طه الضرير والطيب ود ضحوية في طريقهما إلى أبو دليق وكان طه يبحث في اللاب توب تبعه في الإنترنيت بال Wireless. وكان يبحث عن رد من محبوبته. فوجد رداً قصيراً. فأنشد قائلاً:

شديت ال Pentium واصبح يبرطع جايط

وال Internet دقش قلبتو صايت صايت

على ام شعراً حلال ما طولنو وسائط

وعطشان الغرام ما برونو 2 K.Bite



فرد عليه الطيب قائلاً:

الفيك يا طه Virus والله الكريم الشافي

ومفيدك طبيب حتى إنبقيت Mc Kafi

غير لخلوخة الهرفة أم قليباً جافي

وأركز للتجيك يا طه Options مافي



استسلم طه وأنشد:

إيميلك وصل زود علي الهم

والفكر انشغل ال Ram عليك وال ROM

يالصلاح جميع أنا والحبيب نتلم

ويا ساكن الضريح سيدى الحسن Dot Com



الليلة ام شلوخ لاقيتا عند ال Chat

و Virus ضرب قلبي ومحى الفايلات

يوم شافني الفقير البكتب البخرات

قال Defrag ما بفيد أحسن To Reformat





بعد ما كت فقير بخراتي Word و Excel

دقشتني أم رشوم خلت درايفي إختل

Mother Board القلب الكان زمان Intel

بقى Chipset رخيص كل ما ربطو أنحل



الخبر الأكيد اليلة جابو ال Yahoo

وقال ست البنات إيميلنا مي طارياهو

ست القوام Hardware نظامو براهو

غرامك Virus الهجعة البقرض الجاهو

آه يا كيمو


أنت روح البورد..

خليت بوست العريبي تمام..

تحياتي

Quote: اكتشاف كميات ضخمة من الغاز الطبيعي بمربع 8 تتراوح ما بين 16 - 20 ترليون متر مكعب طبعا البردانة تتوسط هذا المربع وبالفعل بدأ الرق Reg في الحفر هناك .

قت غاز طبيعي وتحت الارض وفي البردانة ؟؟ دي اكييد مية المية من بلاوييك الدافنا تحت الارض لما امك كانت بتقول ليك روح "بيت الناس" انت كنت بعمل "زي الناس" في اراضي البردانة ...

كتب شيقا

Quote: اكتشاف كميات ضخمة من الغاز الطبيعي

واخيرآ اكتشف الناس الحوالينك مصدر هذه

الغازات . كتا بتعملها و تسكت .



كاتم صوت

يـا شيقاااا..كيف امسيت
قلتة داير عدة البايركس...ما عندنا مانع
هاك العينة دى...وكان مانفعت بنجيك صادين بعدة الالمونيوم

عمك كمـــال

Quote: Zawya Dow Jones

زاويا داو جونز دى غير زاوية الختمية?

عمو كمال

الفاضلابي


مالكم علينا كدا بكري بقوم يلحس البوست البوست يتحدث عن العدة بضم العين وتشديد الدال اوع تجونا باجندتكم الخفية

Quote: مالكم علينا كدا بكري بقوم يلحس البوست البوست يتحدث عن العدة بضم العين وتشديد الدال اوع تجونا باجندتكم الخفية

يضموك في قوائم المطلوبين في سجن طرة ويشدوك في شجرة تبلدي انشا الله .. انت شن قال ليك تهبش العدة؟؟دحين بقيت في اوع وما اوع ...

Quote: انت شن قال ليك تهبش العدة؟

مشيناها خطا كتبت علينا
ومن كتبت عليه خطا مشاها