Post: #1
Title: زيـت الماكينة ! وخـبرات صـيانه ( للـفـائـده ) أجـيـب لـيـكـم صـور من ويـن ؟ ،
Author: Hisham Ibrahim
Date: 05-27-2009, 12:36 PM
Parent: #0
دا مدخل نساعد بيهو بعض في مجال المكانيـكا وصـيانة السـيارات
يعني لو حصل ليك مشكله وعالجتها كيف - بتنفنا بيها أكيد
نبدأ :-
عندنا مهندس مكانيكي نصـحـني بأنو تغيـيـر زيت العـربيه بي حكايـة تم 3000 كيلو
دي ما عندها معنى دي حاجه فاكينها ناس صناعة الزيـوت عشان تجـيهم راجـع كل
فترة وتغيير زيت - ونصـحـني بانو تغيير الزيت مـمـكن يـكون بعد 6000 كـيلو لأنو
مادة الزيت ما بتـنفـد بي سـرعـة ( يعني ما بكون الزيت بدون لزوجه )
بس زيت العربية ما ينقص وكل مره تتمو لمن تلقاهو ناقص
يعني ما تشيل لي رقم الكيلو قبل التـغيير عشان تحفظ بيهو مواعيد التغيير الجاي
ولمن تطول المسافة ممكن يغـير الزيـت بي المـصـفى بتاع الزيت
يعني الزيت لو إنت بتتحـرك في الأسـبوع 200 كيلو متر دي 30 إسبوع للزيت
الحـكاية دي هو قال مـسـويها في عربيتـو من سـنة 98 وحالـتها جـيده وكويسـة
وماكينتها تمام لحدي اليوم -
على العموم دي معلومة ممكن تتأكدو منها من المهندسـين الفي المنبر دا
لو صاح أهو انا شـغال بيها ولو غـــــلط أكــيد حا تـصـلحوني مش ؟
أكيد أكيد راجع ،،،
هشام
|
Post: #2
Title: Re: زيـت الماكينة ! وخـبرات صـيانه ( للـفـائـده ) أجـيـب لـيـكـم صـور من ويـن ؟ ،
Author: Hisham Ibrahim
Date: 05-27-2009, 12:43 PM
Parent: #1
مع السخانه دي
أمس مشيت أعمل صيانه للمُكيف
الكهربائي عمل لي مروحه خارجية للمكيف براهـو
الحمد لله الُمكيف إشتغل كويس من أمس
والفتره الجاية الحراره 55 ولي فوق
يعني ُمكيفاتكم تكون تش شغل !
المشكلة كانت لمن أشغل الُمكيف حرارة العربية بتصل فوق النص
ولمن العربية تكون مدورة وشغالة بدون المكيف بكون الحرارة عادية
عشان كدا ربطوا لي المروحه الخاصة بالُمُكيف
أما العربات الفيها مروحه خاصة بالمُكيف فما بتحتاج لي مـروحة
أها دي واحده تانيه !!
هشام
|
Post: #3
Title: Re: زيـت الماكينة ! وخـبرات صـيانه ( للـفـائـده ) أجـيـب لـيـكـم صـور من ويـن ؟ ،
Author: Hisham Ibrahim
Date: 05-30-2009, 06:51 AM
هسع انا قُلت البوست دا القاهو فوق في سطح المنبر
الحقيقه مفروض ونسيت أكتب ( ونادية عثمان )
كان البوست دا إتعلق فوق في السماء
لكن المره الجاية ما بنسى انشاء الله
إنتو لمن تمشوا بي عرباتكم الصناعية وتصطلوا بي نارها
ولمن الميكانيكي يمزق جيبكم بتعرفوا قيمة البوست دا
على العموم
الكلام الحار دا بدل فوق
وفي البوست دا فوق واحده بس ما إتنين
بعد داك كان مشى الخور انا ما مسؤول عنو
أقعدوا شبه عافية
هشام
|
|