Post: #1
Title: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: jini
Date: 05-26-2009, 04:26 PM
Parent: #0
Quote:
السودان: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد
بينها حزب الترابي و«الأمة» وغياب «الاتحادي».. وحزب البشير يعتبرها قوى مصابة بـ«هذيان الانتخابات»
الثلاثـاء 01 جمـادى الثانى 1430 هـ 26 مايو 2009 العدد 11137
جريدة الشرق الاوسط
الصفحة: أخبــــــار
الخرطوم ـ لندن: «الشرق الأوسط»
اتفق تحالف جديد من 17 حزبا سياسيا معارضا في الخرطوم، إضافة إلى الحركة الشعبية لتحرير السودان، الشريك في الحكم، على تسمية مرشح واحد لخوض انتخابات الرئاسة في مواجهة حزب المؤتمر الوطني الحاكم، الذي اعتمد منذ وقت بعيد الرئيس عمر البشير مرشحا له في الانتخابات المقرر لها فبراير (شباط) الماضي. فودعت الحركة الشعبية، القوى السياسية المعارضة إلى لقاء في مدينة جوبا عاصمة جنوب السودان، ولم تحدد موعده، لوضع الترتيبات ومناقشة قضايا مشتركة، وقالت إن التحضيرات لذلك الاجتماع قد بدأت. واعتبر حزب المؤتمر الوطني خطوة أحزاب المعارضة بمثابة «هذيان وحُمّى الانتخابات.. وتهريج ومؤامرة وتخريب وتآمر لخلق جو مناسب للفوضى».
وجاء الاتفاق على دعوة الحركة الشعبية في اجتماع عقده ممثلون للقوي السياسية في دار حزب المؤتمر الشعبي المعارض بزعامة الدكتور حسن الترابي، ومن بين المشاركين في الاجتماع أحزاب: «الأمة» بزعامة الصادق المهدي، والحزب الشيوعي السوداني، وحزب البعث السوداني، فيما سجل الصحافيون غياب ممثل للحزب الاتحادي الديمقراطي بزعامة محمد عثمان الميرغني عن الاجتماع. وقدّم باقان أموم الأمين العام للحركة الشعبية الدعوة رسميا إلى الدكتور حسن عبد الله الترابي الأمين العام لحزب المؤتمر الشعبي للمشاركة في لقاء جوبا، وأعلن الأخير في تصريحات صحافية موافقته على المشاركة، وقال إنه بحث مع أموم القضايا التي ستُطرح في اللقاء المرتقب، وهي: الحريات العامة، والانتخابات، وتقرير المصير لجنوب السودان، والأزمة في إقليم دارفور. وشدد الترابي على أن القوى السياسية تريد انتخابات نزيهة، وأن تحل الأزمة في دارفور حتى يتمكن المواطنون هناك من المشاركة في الانتخابات، وحتى لا تُعزل دارفور عن باقي الوطن، واعتبر أموم أن الحركة الشعبية لا تريد احتكار السلطة.
من جانبه قال أموم إن لقاء جوبا المقترح من قِبل حركته يأتي «منطلقا من الاستشعار بقضايا الوطن والمرحلة الصعبة التي يمر بها»، وأضاف: «البلاد في نهاية الفترة الانتقالية، ما يعني قرب الاستفتاء لتقرير المصير لجنوب السودان. وعليه نريد جمع القوي السياسية للتفاكر في كيفية ضمان الانتخابات وما يجب تحقيقه من إطلاق للحريات، كما علينا أن نتفاكر حول عملية الانتخابات». وقال أموم إن «الحركة ستواصل تقديم الدعوة لباقي القوى السياسية، في المعارضة والحكومة للمشاركة في الملتقى للتفاكر حول قضايا الوطن بوطنية».
وقال المحامي كمال عمر المسؤول السياسي للمؤتمر الشعبي إن القوى السياسية اتفقت خلال الاجتماع على اختيار مرشح واحد لخوض الانتخابات الرئاسية لهزيمة مرشح حزب المؤتمر الوطني، غير أنه نوه إلى أنه لم يتم تسميته في الاجتماع. وأعلن أنه تم الاتفاق علي تشكيل لجنة للمتابعة، وقال إن اجتماع جوبا سيتم فيه عرض ومناقشة القضايا والمشكلات كافة، وإيجاد سبل للخروج منها.
وقال فاروق أبو عيسى القيادي في التجمع الوطني المعارض إن «الأحزاب المجتمعة عبارة عن تحالف قرر تشكيل تحالف لخوض الانتخابات، وأضاف أن الأحزاب المتحالفة قررت مقاطعة الانتخابات المقبلة حال عدم إدراج حزب المؤتمر الوطني لمطالب المعارضة»، ومضى يقول إن «التحالف جدد الدعوة إلى قيام حكومة ائتلافية لإخراج البلاد من المشكلات وحلقات التآمر». ووصف أبو عيسى، وهو عضو في البرلمان، في تصريحات صحافية قانون الانتخابات بـ«المعيب»، ووجه انتقادات إلى المفوضية القومية للانتخابات، وقال إنها «لم تستشر القوى السياسية»، وعدها تعبّر عن وجهة نظر المؤتمر الوطني، وأكد عدم توافر الأجواء التي تسمح بقيام انتخابات حرة ونزيهة وديمقراطية، وقال إن القوانين التي تقيّد الحريات ما زالت موجودة، وأوضح أن الاجتماع قرر مقاومة القوانين المقيدة للحريات. وكشف أبو عيسى أن الحركة الشعبية تقدمت بدعوة لأحزاب المعارضة عبر وفدها المشارك في الاجتماع، لعقد لقاء في مدينة جوبا، وقال: «نحن مبدئيا قبلنا الدعوة، وأضاف: «اتفقنا على تشكيل لجنة للمتابعة وتحديد زمن الاجتماع»، وأبان أن اجتماع جوبا سيتم فيه عرض ومناقشة القضايا والمشكلات كافة، وإيجاد سبل للخروج منها.
|
وفى احتمال ير شحوا أوكامبو!
الغبن يعمل أكتر من كدة!
عشان يوروا النافع لحس الكوع الجد جد!
جنى
|
Post: #2
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: حسن الجزولي
Date: 05-26-2009, 05:31 PM
Parent: #1
سلام جني
| Quote: واعتبر حزب المؤتمر الوطني خطوة أحزاب المعارضة بمثابة «هذيان وحُمّى الانتخابات.. وتهريج ومؤامرة وتخريب وتآمر لخلق جو مناسب للفوضى». |
حسع الكلام دا (يلايقوه كيفن)؟! ..
طيب مش كان أفضل ليهم يقولو :- يا جماعة الخير
ما عندكم طريقة.. أنحنا بمثابة ( سيك سيك معلق فيك)
حا نجي يعني حانجي.. بكل الطرق حا نجي ومافي طريقة نفكها ليكم..
أكان بالحسة أكان بالقوة.. والحشاش يملا شبكتو.. بلا تحول ديمقراطي .. بلا لمة!
|
Post: #3
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: حاتم شناب
Date: 05-26-2009, 07:21 PM
Parent: #2
| Quote: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!! |
شغل شنو ياخوي!!!
مش احزابنا دي وبي قياداتا المعروفة دي
والله مايعملو أي حاجة
خلي مرشح واحد يتفقو عليو ويفوزو كمان
ياسيد
قياداتنا السياسية كلها بدون فرز مصالحها مرتبطة مع النظام
بشكل او باخر
|
Post: #4
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: jini
Date: 05-26-2009, 07:46 PM
Parent: #2
| Quote: واعتبر حزب المؤتمر الوطني خطوة أحزاب المعارضة بمثابة «هذيان وحُمّى الانتخابات.. وتهريج ومؤامرة وتخريب وتآمر لخلق جو مناسب للفوضى». |
يا حسن اخوى
رمتنى بدائها وانسلت!
هسة البهضرب منو!
بعد شوية حيبدوا المساومات حل وسط تفكوا التحالف مقابل عدم ترشيح البشير للرئاسة!
المؤتمر الوطنى مستعد للتضحية بصحابى جليل فى سبيل الحكم ناهيك عن البشير!
جنى
|
Post: #5
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: بكري الصايغ
Date: 05-26-2009, 09:01 PM
Parent: #1
وقال فاروق أبو عيسى القيادي في التجمع الوطني المعارض:
-------------------------------------------------------
إن «الأحزاب المجتمعة عبارة عن تحالف قرر تشكيل تحالف لخوض الانتخابات، وأضاف أن الأحزاب المتحالفة قررت مقاطعة الانتخابات المقبلة حال عدم إدراج حزب المؤتمر الوطني لمطالب المعارضة»، ومضى يقول إن «التحالف جدد الدعوة إلى قيام حكومة ائتلافية لإخراج البلاد من المشكلات وحلقات التآمر». ووصف أبو عيسى، وهو عضو في البرلمان، في تصريحات صحافية قانون الانتخابات بـ«المعيب»، ووجه انتقادات إلى المفوضية القومية للانتخابات، وقال إنها «لم تستشر القوى السياسية»، وعدها تعبّر عن وجهة نظر المؤتمر الوطني، وأكد عدم توافر الأجواء التي تسمح بقيام انتخابات حرة ونزيهة وديمقراطية، وقال إن القوانين التي تقيّد الحريات ما زالت موجودة، وأوضح أن الاجتماع قرر مقاومة القوانين المقيدة للحريات. وكشف أبو عيسى أن الحركة الشعبية تقدمت بدعوة لأحزاب المعارضة عبر وفدها المشارك في الاجتماع، لعقد لقاء في مدينة جوبا، وقال: «نحن مبدئيا قبلنا الدعوة، وأضاف: «اتفقنا على تشكيل لجنة للمتابعة وتحديد زمن الاجتماع»، وأبان أن اجتماع جوبا سيتم فيه عرض ومناقشة القضايا والمشكلات كافة، وإيجاد سبل للخروج منها.
*******************************
******************************
*** - تاني فاروق ابوعـيسي!!!...
***- هل هـو الناطق الرسمي ل للاحزاب ال17الـمعارضـة??،
*** - *** - ياأخـي الزول ده مايـحـل عن سـماءنا!!!،.... مـش هـو والميـرغني باعا التـجمع المعارض بالقاهرة لعلي النافع،... وكـمان بدون اي خجـل ولاحـياء ولاديـن يهدوا الـمؤتمر الوطنـي دار الـتجمع بالقاهرة ويقعد التـجـمع بلا دار!!!!??،
*** - مادخل ابوعيسـي باجتماعات الاحـزاب ال17، مش هو عـضو بالبرلمان!!!بتاع الؤتمر الوطنـي?،يعنـي ابوعـيـسي عاوز يلعب علي الحـبليـن!!!?،
|
Post: #6
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: بدر الدين اسحاق احمد
Date: 05-26-2009, 09:45 PM
Parent: #5
اهـــا وانشاء الله الجناعة ديـــل برنامجهم الانتخابى شنو ؟
|
Post: #7
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: jini
Date: 05-26-2009, 10:28 PM
Parent: #6
| Quote: اهـــا وانشاء الله الجناعة ديـــل برنامجهم الانتخابى شنو ؟ |
برنامجهم يشيلوا البشير!
ما برنامج!
عيبو لى!
تعرف قصة الاتنين الساكيهم نمر!
واحد فيهم قال للتانى انت جارى شديد كدا عايز تسبق النمر!
التانى رد عليهوك قال ليهو لا انا داير أسبقك انت!
اها الجماعة ديل دايرين يسبقوا البشير!
تعرف النمر هنا منو!
أوكامبو
وقع ليك!
جنى
|
Post: #8
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: علاء الدين صلاح محمد
Date: 05-26-2009, 10:54 PM
Parent: #7
جني لك التحية
بس نافع قال ما حيمشوا لا بالحسنى ولا بغير الحسنى.
يعنى زي ما قالوا من قبل .
ما حيلسموا الا لعيسى عليه السلام.
|
Post: #9
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: خالد عويس
Date: 05-26-2009, 11:53 PM
Parent: #8
| Quote: هذيان وحُمّى الانتخابات.. وتهريج ومؤامرة وتخريب وتآمر لخلق جو مناسب للفوضى |
خطوة جيدة جعلت الجماعة يهضربوا - أعلاه - !!!
المطلوب ببساطة من هذه القوى كلها أن تطرح شروطا واضحة أهمها حل قضية دارفور على أسس عادلة وقضية التحول الديمقراطي والحريات العامة....وإلا مقاطعة الانتخابات !!
|
Post: #10
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: الفاتح ميرغني
Date: 05-27-2009, 04:00 AM
Parent: #9
Quote: المؤتمر الوطنى مستعد للتضحية بصحابى جليل فى سبيل الحكم ناهيك عن البشير!
جنى |
يا جني ياخي يوم بتكتل ليك زول بصدمة او جلطة إسفيرية( وجه منفرج الاسارير)
مشتاقون ياخ
|
Post: #11
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: فتحي الصديق
Date: 05-27-2009, 04:22 AM
Parent: #10
انه الحلم الذي ينتظره كل الديمقراطيين..تحالف عريض من أجل عودة الوطن المختطف.وانهاء سيطرة المؤتمر الوطني ...
شكرا جني على ايراد الخبر..
|
Post: #12
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: Marouf Sanad
Date: 05-27-2009, 04:43 AM
Parent: #11
دا الشغل
مافي حل غير كدا
وربنا يبعد العوارض والقوارض
|
Post: #13
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: ahmed haneen
Date: 05-27-2009, 06:36 AM
Parent: #12
يا جني
ما تفرح ساكت
الجماعة ديل اصلو ما حيتفقوا علي برنامج واحد
ناهيك عن مرشح واحد...
انا برشح سلفاكير رئيس
وخليل نائب رئيس
هل من مثني ؟؟؟؟
|
Post: #15
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: صلاح الدين عبدالله محمد
Date: 05-27-2009, 07:16 AM
Parent: #13
اتفاق عتلى بند واحد فقط كفكرة
ولكن لن يتفقوا على تحديد شخص محدد
لو نظرنا لهولاء ال 17 بل قل الكبار فقط
هل سيقبل حزب الامة ان يكون المرشح من خارجة اذا كان داخليا غير متفق كيف مع الاخرين
حزب المرغنى وفروعة ممكن يتنازل عن الرئيس بشروط
الحركة الشعبيةبيحاولوا يقنعوهم وفى الاخر غالبا يخلوا المرشح منهم ويكون شخص (هوين )يمكن تسييرة من قبل الاحزاب الاخرى فيثور الاخرون فى الحركة خاصة ان فى يدهم كرت الانفصال وتبدا حكاية بل حكايات اخرى
حزب الترابى يحاول ان يفرض نفسة بالعمل على تقريب حركات دارفور بالمساومات حسب مايجرى حاليا
ويضع اجندته سيصمت الجميع معه لتجاوز مرحلة انتخابات الرئاسة وبعدها تبدا المعركة الحقيقية
احزاب الشيوعى البعثى واسماء اخرى يفرضون مجموعة من النظريات ويضيعوا فى الرجلين
الكلام دا كلة لونجحوا فى الاتفاق بجوبا
ولن يتفقوا
|
Post: #14
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: Zomrawi Alweli
Date: 05-27-2009, 07:11 AM
Parent: #12
يا جماعة اذا ما شيديتو حيلكم من اسع
والله ناس المؤتمر ديل ممكن ينوموا قفا
لا انتخابات لا الله قال
وسوف يسوفون ويسوفون حتى تبقى زي حكاية حسنى مبارك الذي يحكم من عام 1981
انتظموا ايها الناس فالحرية تأتي وانما تنتزع
ياخوانا منوا يقدر يعد لينا الـ 17 حزب ديل منم؟؟؟
|
Post: #17
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: ود الباوقة
Date: 05-27-2009, 07:28 AM
Parent: #14
يعني دايرين تحولو لينا البلد لي 17 كوم ..
قادر الله ...
|
Post: #16
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: Frankly
Date: 05-27-2009, 07:27 AM
Parent: #1
| Quote: برنامجهم يشيلوا البشير! |
لو دا برامجهم ؟.. يخمّوا ويصرّوا
تحسبهم جميعاً وقلوبهم شتّى
الواحد ما قادر يتفق مع ناس بيته .. ح يتفق مع الجيران؟
|
Post: #18
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: معاذ حسن
Date: 05-27-2009, 07:36 AM
Parent: #16
شغل نضيف,,
المؤتمر الوطني خطر جدا على استمرار وجود دولة باسم السودان
|
Post: #19
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: jini
Date: 05-27-2009, 08:13 PM
Parent: #18
Quote:
جني لك التحية
بس نافع قال ما حيمشوا لا بالحسنى ولا بغير الحسنى.
يعنى زي ما قالوا من قبل .
ما حيلسموا الا لعيسى عليه السلام. |
هو جنس مشى!
مو مشى نصاح!
وبرضو بالجزمة!
بس المرة دى ما لابسنها!
فوق راسهم المدوقس!
جنى
|
Post: #20
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: amin siddig
Date: 05-27-2009, 08:40 PM
Parent: #19
الناس ديل في حالة ( و أستبعد ) فعلاً نزلوا بي تحالف واحد ..
إما يكون عندهم خطة جاهزة لإستلام السلطة بالقوة - و لو بمساعدة دولية - في حال تلاعب المؤتمر الوطني بالإنتخابات ، أو رفض نتائجها ..
أو ما يدوا الإنتخابات دي شرعية ساي و يقاطعوها لو ا بقدروا
أو ده ببقى لعب ساي .. أشان ما يجوا بعد الإنتخابات يقولوا ( مزورة و ما شرعية ) .. و يموت الموضوع بعد كده .. و لا تاني يدور مسلسل القسمة زي بتاع كينيا و زيمبابوي .. ( و ناسنا ديل أصلاً قاسمين )
مشاركة الترابي في هذا التحالف هي أول علامات عدم جدية و مبدئية التحالف ... و كمان لو جابوا على راس التحالف مدمن الجلوس على ( كرسي سلطة هزاز ) الصادق المهدي يكونوا تموا الناقصة ....
|
Post: #21
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: Safia Mohamed
Date: 05-27-2009, 10:11 PM
Parent: #20
| Quote: كمان لو جابوا على راس التحالف مدمن الجلوس على ( كرسي سلطة هزاز ) الصادق المهدي يكونوا تموا الناقصة .... |
كتلتني بالضحك
جني سلام
صفية
|
Post: #22
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: عبد اللطيف بكري أحمد
Date: 05-27-2009, 10:12 PM
Parent: #20
خبر جميل أن يستنفد الناس كل الطرق السلمية الممكنة لممارسة حقوقهم
التي يكفلها دستور إرتضوه جميعا،،،
كل الأمنيات أن تكون خطوة لتذويب كل الأحزاب السودانية وإندماج المتشابه منها،،
وياريت كمان نكون زي أمريكا : حزبين فقط،، الأحزاب الكتيرة دي لو إختلفت بعد
فوزها في الإنتخابات معناها على البلد السلام!!!
|
Post: #23
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: Osama Mohammed
Date: 05-27-2009, 11:11 PM
Parent: #22
Quote: يعنى زي ما قالوا من قبل .
ما حيلسموا الا لعيسى عليه السلام. |
ده كلام الترابي والترابي اسي ما معاهم ....
والله الزول ده يديهم سيك في قبولهم ......
زول خطر ....رغم اني ما بريدو لكن منو جفلة ......
جني ...
انت زول مبدع ...
لك التحية و مودتي لك وللأسرة ..
اسامة
|
Post: #24
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: HAIDER ALZAIN
Date: 05-28-2009, 09:07 AM
Parent: #23
حركة شعبية تتحالف مع قوي الجلابة .. !!
الكلام دا ما بيعجب بشاشا..
جني سلامات
لو اتفقوا على برنامج واحد ممكن يكون مخرج ..
لكن استبعد اتفاقهم طالما دخل الترابي في نص الزحة دي
تحياتي
|
Post: #25
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: jini
Date: 05-28-2009, 09:08 AM
Parent: #23
Quote: شغل شنو ياخوي!!!
مش احزابنا دي وبي قياداتا المعروفة دي
والله مايعملو أي حاجة
خلي مرشح واحد يتفقو عليو ويفوزو كمان
ياسيد
قياداتنا السياسية كلها بدون فرز مصالحها مرتبطة مع النظام
بشكل او باخر |
يا بشناب اذا قرات بين السطور فستجد ان هذه رسالة قوية لامريكا التى فككت التجمع الوطنى فى عهد بوش وتراهن الان فى عهد اوياما على الانقاذ!
هذه رسالة قوية بان السودانيون لا يريدون الانقاذ وانها لا تمثل اهل السودان وان امريكا اذا كانت صادقة فى شعاراتها يجب ان تحترم خيار الشعب السودانى ولا تتجاهله من اجل مصالحها الضيقة ويجب ان تتفاوض بجدية مع المعارضة ولا تتعامل معها باستخفاف! رسالة قوية بان السوداننين منفتحون ويمكن ان يفعلوا الكثير. هذه رسالة قوية لمن القى السمع وهو شهيد رسالة قوية للعالم باجمعه واذا فازت الانقاذ فسيعرف العالم بان الانقاذ اكبر مزور فى تاريخ البشرية!!
جنى
|
Post: #26
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: Deng
Date: 05-28-2009, 09:11 AM
Parent: #23
خطوة في الطريق الصحيح.
|
Post: #27
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: جعفر محي الدين
Date: 05-28-2009, 12:35 PM
Parent: #26
كتب ود الباوقة
Quote: يعني دايرين تحولو لينا البلد لي 17 كوم ..
|
لا لا ياأخي
كومين بس ... كومين اتنين
واحد يدير السوداني بحكمة وديمقراطية
وواحد حنتبرع بيه لأوكامبو
|
Post: #28
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: jini
Date: 05-28-2009, 02:44 PM
Parent: #27
| Quote: إن «الأحزاب المجتمعة عبارة عن تحالف قرر تشكيل تحالف لخوض الانتخابات، وأضاف أن الأحزاب المتحالفة قررت مقاطعة الانتخابات المقبلة حال عدم إدراج حزب المؤتمر الوطني لمطالب المعارضة»، ومضى يقول إن «التحالف جدد الدعوة إلى قيام حكومة ائتلافية لإخراج البلاد من المشكلات وحلقات التآمر». ووصف أبو عيسى، وهو عضو في البرلمان، في تصريحات صحافية قانون الانتخابات بـ«المعيب»، ووجه انتقادات إلى المفوضية القومية للانتخابات، وقال إنها «لم تستشر القوى السياسية»، وعدها تعبّر عن وجهة نظر المؤتمر الوطني، وأكد عدم توافر الأجواء التي تسمح بقيام انتخابات حرة ونزيهة وديمقراطية، وقال إن القوانين التي تقيّد الحريات ما زالت موجودة، وأوضح أن الاجتماع قرر مقاومة القوانين المقيدة للحريات. وكشف أبو عيسى أن الحركة الشعبية تقدمت بدعوة لأحزاب المعارضة عبر وفدها المشارك في الاجتماع، لعقد لقاء في مدينة جوبا، وقال: «نحن مبدئيا قبلنا الدعوة، وأضاف: «اتفقنا على تشكيل لجنة للمتابعة وتحديد زمن الاجتماع»، وأبان أن اجتماع جوبا سيتم فيه عرض ومناقشة القضايا والمشكلات كافة، وإيجاد سبل للخروج منها. |
يا ود الصايغ الكلام دا ما لو ما زى العسل!
الجميع يجب ان يعمل على اتفاق حد ادنى يجمع عليه القوى المتحالفة لينعتق فيه الشعب السودانى من اسر الانقاذ ولينطلق منه السودان الى آفاق أرحب ليتمتع اهل السودان بما يستحقونه من حرية وسلامة وعدل ومساواة وتنمية مستدامة تنتظم جميع ارجاء الوطن!
جنى
|
Post: #29
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: بدر الدين اسحاق احمد
Date: 05-28-2009, 09:04 PM
Parent: #28
عيب هذا البرنامج الانتخابى ان الاحزاب التى طرحتــه غير مقتنعة بــــه
| Quote: برنامجهم يشيلوا البشير! ما برنامج! عيبو لى! |
|
Post: #30
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: Ahmed musa
Date: 05-28-2009, 09:09 PM
Parent: #29
| Quote: وقدّم باقان أموم الأمين العام للحركة الشعبية الدعوة رسميا إلى الدكتور حسن عبد الله الترابي الأمين العام لحزب المؤتمر الشعبي للمشاركة في لقاء جوبا، وأعلن الأخير في تصريحات صحافية موافقته على المشاركة، |
غايتو عمك ده لو لحق جوبا طيارتنا قامت ...
فبعد رجوعه من مطار الخرطوم فمطار جوبا ربما يكون البديل
معلم والله !!!!
|
Post: #31
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: علاء الدين صلاح محمد
Date: 05-28-2009, 09:23 PM
Parent: #29
| Quote: عيب هذا البرنامج الانتخابى ان الاحزاب التى طرحتــه غير مقتنعة بــــه |
بس مقتنعة ان الانقاذ سلطة فاسدة مفسدة دكتاتورية اشعلت النيران في جهات السودان و كرست للقبيلة و الجهوية
و مقتنعة ايضا ان السودان كوطن في مهب الريح تحت قيادة بقايا الكيزان و المطبلاتية
فلنظر الى الجزء الممتلي من الكوب
ونعمل جميعا لدعم هذا التحالف
|
Post: #32
Title: Re: تحالف من 17 حزبا معارضا والحركة الشعبية.. يتجه لخوض انتخابات الرئاسة بمرشح واحد! دا الشغل!!
Author: بدر الدين اسحاق احمد
Date: 05-28-2009, 10:32 PM
Parent: #31
فى كل امرنـــأ
فلننظر الى النصف الممتلئ من الكوب
|
|