اتحاد الاعلاميات السودانيات بالخارج ... والإتبلبل أحسن يعوم

ناس عندها موقف من النظام

يقوم يدعوهم النظام

ويقعدوا تحت سقف واحد مع قياداتو

وياكلوا ويشربوا ويسافروا من جيبو ال هو طالع من عرق الغلابه

وال في ناس محتاجه لي كل قرش منو

في دارفور وفي الجنوب والشرق والشمال

وحتي علي بعد كيلومترات من الخرطوم او امدرمان

معناهو شنو؟

انو مواقفنا ومظالمنا

بلدنا السلبوها

واهلنا الكتلوهم

ومالنا السرقوهو

ونحنا الاتشردنا

دي كلها كدا مقابلها تذاكر وسفر وفنادق

معناهو شنو؟

ما الناس مشت للبشير بي دعوه من ناسو

وقعدت واكلت وشربت وضحكت معاهم

والدنيا دي كلها عرفت انو الناس دي

مشت لي منو؟

ودعاها منو؟

والفكره كانت شنو؟

طيب الفضل شنو؟؟؟

والفكره

انو الناس الإتبلبلت في مستنقع النظام

احسن تعوم

ومن هذا المنطلق

دعونا نبارك للناس

مؤتمرهم ونبارك للبشير القدر يجيبهم من منافيهم

ونبارك ليهم اتحاداتهم الظهرت منها والخفيه

الجات والحتجي



ويا بلد والله طول كل السفر جرحك معاي صاحي وحزين

مليون نجم مليون نجم اسمك يشع فيهن يبين

هاشم

طيب

Quote: الخرطوم الرأي العام : سجل أعضاء المكتب التنفيذى للاتحاد الدولى للصحافيات والاعلاميات السودانيات العاملات بالخارج.. زيارة لـ «الرأي العام» وكان في استقبالهن مديرا التحرير الاستاذان ضياء الدين بلال ومحمد عبدالقادر.. حيث عرض الوفد المكون من الزميلات ماجدة عوض خوجلي رئيسة الاتحاد وناهد بشير الطيب نائب الرئيس وثريا فرح يعقوب مدير العلاقات الخارجية والمنظمات خطط وبرامج الاتحاد الذى كانت بدايته الفعلية قبل أربعة أشهر من الآن.. رئيس الوفد أكدت ان الاتحاد سيتم تسجيله بشقين حيث ان التأسيس يلزم أن يكون عدد الأعضاء سبعة.. وعن هيكله العام قالت ان هناك عدداً من الأعضاء منهم سلمى التجاني الأمين العام وهويدا يس من القاهرة وعائشة زكريا من داكار وعواطف ادريس أمانة المال بالاضافة الى الأستاذ حسن أحمد الحسن مستشار المجموعة وفيحاء في النمسا ورفيدة بالقاهرة.. وعن تواصل المجموعة أكدت انه سيكون عبر «ايميل» موحد و«باص ويرد» موحد لكل عضو.. واضافت ان جهاز المغتربين وفر للاتحاد مقراً مؤقتاً الى ان تكتمل بقية التفاصيل.. ناهد بشير الطيب أكدت ان للاتحاد أهدافاً أهمها تنظيم كيان يجمع وينظم مهنتهن كصحافيات بالخارج.. كما تحتل أولوية أهدافه تحسين صوت المرأة في الغرب وتدريب الكادر النسوي وقيام شركة انتاج واعلام متخصصة كاحدى أذرع الاتحاد لسد الفجوة الاعلامية.. وتطرقت الى لقاء المكتب التنفيذى بالأمين العام لجهاز المغتربين الدكتور كرار التهامي حيث عرض أعضاء اللجنة برامج وأهداف الاتحاد في الفترة القادمة.. كما كشفت ثريا فرح عن لقاء آخر بوزير الدولة بوزارة رئاسة مجلس الوزراء كمال عبداللطيف الذى رحب بالفكرة وأثنى على أهدافها.. كما أضافت ان هنالك جانباً آخر يستهدف «شريحة الأطفال» وهو التوثيق لبرامج الأطفال.. وادخال «الأحاجي» والأساطير السودانية كمادة دسمة في أفلام كرتونية معددة ثراء البيئة السودانية والتراث بهذه الأساطير..

اولا الحكايه دي كانت بتترتب من بدري جدا وما ادو خبر إلا لي ناس بعينها والدليل

Quote: الاتحاد الذى كانت بدايته الفعلية قبل أربعة أشهر من الآن..

طيب هل كل الاسماء الفوق ديل اعلاميات محترفات ؟

وهل كلهم في الخارج ؟

ولو افترضنا كدا

مافي ناس غيرهم ؟

ولما الترتيب دا بدا ليهو شهور

يعني ... وهن برا السودان من ما وصلتهم الدعوات للمؤتمر

و كان في وكت كافي انو الناس تتواصل

اقل شئ في بوردابيات هنا كان ممكن يكلموا بقية اعلاميات الخارج

في اسوء الفروض كان ممكن يعلنو هنا في سودانيز

ولو الحكايه سر كان ممكن يبلغو الاعلاميات الماسمعو بي الإتحاد دا اقل في شئ بي سنجر داخلي

Quote: بالاضافة الى الأستاذ حسن أحمد الحسن مستشار المجموعة

الكلام دا ذكرني بي موقف لي زول بلدياتنا

جا سوق عبري ولقي كمية نسوان لابسات تيبان بيضه وماليات السوق

سال عن الحاصل قالو ليهو كان في اجتماع لي تكوين اتحاد المرأه

صاحبنا قال ( ومالو ) بس لازم ولابد يكون معاهم راجل

Quote: كما تحتل أولوية أهدافه تحسين صوت المرأة في الغرب

وقام الاتحاد بمباركة كمال عبداللطيف مدير الامن الشعبي

Quote: ناس عندها موقف من النظام يقوم يدعوهم النظام

مافى صبر مافى صبر يا عاطف
قصر حبل الصبر نفس الناس انقطع احسن يلحقو الرزق ما برجاهم.

هي محاولة واضحة ومفضوحةمن الانقاذ يقودها كمال عبداللطيف لتدمير وتشويه المجتمع المدني وهي خطة سبقتها عملية طرد المنظمات
لخلق كونترول امني انقاذي يتحكم حتى في عملية التوزيع طبعا (للمعسكرات المدجنة) وبصيغة جديدة لعمل المنظمات الاجنبية العاملة في مجال الاغاثة وبعدها التحكم في المجتمع المدني بخلق كيانات مشوهة يزج فيها البعض كلافتة للديمقراطية والديمقراطيين وتعمل بادارة امنية انقاذية اما التحكم بالعمل الاعلامي والصحفي فهذا ما ظلت الانقاذ تعمل لاجله منذ اعوام واعوام وما الرقابة الامنية على الصحف الا واحدة من تلك السيطرة .. ان العملية كلها وبرمتها سيطرة انقاذية جديدة وبوجوه جديدة تقتضيها ضرورات المرحلة لذا فانهم اتوا بالاعلاميين وغير الاعلاميين من كل فج عميق وصرفت اموال وهدمت مدارس وشردت اسر من اجل ذلك كل هذا للنظر في افضل الطرق لتنفيذ مخططهم والذي ابسط مثال له خلق هكذا كيان لا يعرف له راس ولا قعر مضطرب حتى في اهدافه مرة لتحسين صورة المراة في الغرب لا اعرف كيف تحسن امرأة لا تعيش في الغرب صورة المراة السودانية بالغرب - ناهد بشير- مثالا ام ان الغرب المقصود هو الغرب الجغرافي وسيدخل في هذا النهود وابوزيد والابيض - انصحكم بضم ريهان الريح الشاذلي فلها معرفة بتلك الدروب ..!! ومرة لتحويل الاحاجي السودانية الى سي دي مع ان موضوع ال (سي دي) سيقوم به (سيدي) كمال عبداللطيف الذي لم تنتهي احاجي نظامه معنا والتي تحتاج لسي دي و (سي دي آه) يا كمال فقد اصبحت انت من توثق لتراثنا مع انك الى الآن لا انت ولا نظامك لم يضمن لنا مستقبلنا .. لا اقصد مستقبلنا بعدم مضايقتنا لانشاء اتحادات حرة وهذا ما لم ولن تسمحوا به بل اقصد مستقبل هذا البلد المهدد حتى في وجوده كوارث بالشرق والغرب والنيل الازرق والانقسنا وجبال النوبة لا يعرف مصيرها ودارفور تلك المشكلة الدولية الكبيرة ووووو.. 20 عاما ونيف وانتم تعيثون فسادا بالارض قتلا وتنكيلا وتشويهنا وهانتم تريدون في عشرينكم الثانية ان تشوهوننا ولكن بطرق اخرى تقتضيها ضرورات وجود اليونمس واليونميد والجنرال غرايشن وحسن اولئك رفيقا .. 20 عاما ونحن راقدون بفضل منوماتيه معارضة السجم الذين مشوا في مناكبها بفضل تضحيات اهلنا واكلوا من رزقنا واليه النشور 20 عاما واستيقظنا اليوم لنجد كمال اللواء في الامن الشعبي وما ادراك الامن الشعبي هو نفس كمال الذي هو اليوم حارسنا وفارسنا وعشا البايتات وفاتح الاتحادات بل والاجتماع معه والسعي اليه اليه شي عادي .. عادي .. عادي حتى اكثر من انشاء مثل هذا الاتحاد ..
كم لبثنا يا الله ..
تغير الاصلة لو جلدها اما كمال فلا يتغير تتغيرون انتم وكمال صاحب خبرة في الالتواء والاستحواذ تفوق الاصلة .. يغيركم (ياساليبه) اما هو فلا يتغير وسيدخلكم فردا فردا الى جحره كما تفعل الافعى .. وكما كنا متاكدين من قدوم هذا اليوم متاكدين من قدوم اليوم الذي يليه ..
والعاقبة للمناضلين

Quote: لتنفيذ مخططهم والذي ابسط مثال له خلق هكذا كيان لا يعرف له راس ولا قعر مضطرب حتى في اهدافه

المطربه دي بتكون الظاهره للناس الزينا كدا

اما لو قدرت تشوفها من جواها حتلقاها مرتبه من قبل شهور

وفي رواية اخري قبل سنه

Quote: احسن يلحقو الرزق ما برجاهم.

ما مشكله ياما في غيرهم رجعو بفتشو في رزقهم علي ابواب السلطان

بس المهم انو تاني ما يكلمونا عن النضال الكان ولا الفي ولا الحيجي

وما يحكو لينا عن الانقاذ عملت فيهم شنو

لانو نحنا ساعتها ما حننسي انهم قامو بي واجبهم واكتر مع البشير واعوانو

ويابلد مين يعينك

Quote: وقام الاتحاد بمباركة كمال عبداللطيف مدير الامن الشعبي

الزول الواضح منعم سلمات وعوافي

اذا يبقي واجب علينا نبارك لي كمال البضاعه المستورده

الاخ عاطف

تحياتي الطيبه

اتحاد او ملتقي او جمعية
رعايتها من قبل كمال عبد اللطيف واخرون في الخرطوم
هو اتحاد ضد اهلنا وهو سيصبح اداة من ادوات الامن الخارجي

لكبح ولجم حركه الثوار من اهل الوطن

اتحاد لم يقول
لا لمواصلة اغتيال اهالي دارفور

ولم يطالب بعدم اقامة السدود في ديار واملاك اهالي بسطاء من غير دراسة علمية
احاد لا يقول للبشير سلم نفسك لكي يسلم الوطن

هو اتحاد ذاهب الي نهايته من قبل ان يبدا

الاخ عاطف

تحياتي الطيبه

اتحاد او ملتقي او جمعية
رعايتها من قبل كمال عبد اللطيف واخرون في الخرطوم
هو اتحاد ضد اهلنا وهو سيصبح اداة من ادوات الامن الخارجي

لكبح ولجم حركه الثوار من اهل الوطن

اتحاد لم يقول
لا لمواصلة اغتيال اهالي دارفور

ولم يطالب بعدم اقامة السدود في ديار واملاك اهالي بسطاء من غير دراسة علمية
احاد لا يقول للبشير سلم نفسك لكي يسلم الوطن

هو اتحاد ذاهب الي نهايته من قبل ان يبدا

Quote: اتحاد او ملتقي او جمعية رعايتها من قبل كمال عبد اللطيف واخرون في الخرطوم هو اتحاد ضد اهلنا وهو سيصبح اداة من ادوات الامن الخارجي

كمال عبد اللطيف حاف كدا يا صبري الشريف؟

ياخي عرف الراجل بي مركزو

وقول كمال عبد اللطيف مدير الامن الشعبي

وبالمره بارك ليهو الحققو

****