لعــاب واااارقــو..@ ام @..قوية كهرباء سد مروى

فى قديم الزمان سائلو اخى الصغير فى المدرسة( جراى الحصان ام غريق البحر)
فرد اخوى بجابة ازهلت الحضور فقال لهم (كبير سوق ابقوتة) وعزة الله فى ملكه
كانت اجابة فى محلها تركتنى افكر فى مستقبل اخى التجارى,فترك اخى المدرسة من عامه السادس
ودخل (سوق ود الكنين) الاسمى الحركى لذالك المنتدى التجارى الذى تجنى من الولاية 2 مليار سنويا من غير ان تتكرم برفع يافطة المستشفى الواقعة من سنة 90,,,ما علينا,, فقد صار اخى تاجر مواشى يتعامل من على البعد بين ابقوتة وام درمان والضعين,,وله طريقة جميلة فى عمليات الحساب حاولت ان استخدمها فى توزيع الراتب بس بكمل قبل تتم العملية,,
جدنا ادريس ود الكنين( سيد السوق) وقتذاك كان عمدة المنطقة الذى خلفه فيها حفيده الطيب,,حين غمر خزان جبل اولياء سنة 27 جروف قبيلة جنى سليمان فرع من الكواهلة التى تقطن جنوب الخرطوم قرر اهلنا الرحيل شرقا على بعد 26 كيلو شرق زلط كوستى هذه المسافة التى عجزت جميع الحكومات سلفتتها
نسبة لطولها الذى يقارب المسسببى ,ولم يكن مشروع عبدالماجد فى حسبان الانجليز فقرر الحاكم الانجليزى انشاء الاسواق لتحريك التجارة وجنى الجبابات التى ورثتها حكوماتنا ولم ترث العمل الطوعى من الانجليز
فوزع سوق ابوقوتة سنة 47 فى شكل دائرى مثل سوق الدويم ومدن اخرى وكل هذه الاسواق تشابه سوف مانشستر القديم ياربى (الخواجة دا من هناك) فوزع جدنا السوق لجميع المستحقين وحرم ابنائه وابناء عمومته من نصيبهم الحقيقى وهم اصحاب السمو,,بحجة الا يعيره الناس بالمحاباة لاقاربه وبنيه فكان نصيبه الاسم فقط(سوق ود الكنين وهى كلمة تذكر عن الانبساطة للتاجر والخضرجى والشحات والزائر )
وينك ياوالى الخرطوم قلت لى الكودة رفض ان يعطى خالك نصيبو من سوق السكة حديد اها شفتو حفر ليك كيف لما وقعك فى ترعة وانت ما بتعرف العوم,,والله الا تصلح اسنان الكراكات التى عفى عليها الزمن,,
المصدر
http://www.abuguta.com/vb/showthread.php?t=137

عمنا عيد الله من ظرفاء ابقوتة متل ود نفاش ,,وهو خفير المستشفى , يحكى ان مجهر المعمل سرق ففتح بلاغ فى جميع العاملين بالمستشفى من بينهم العم عيد الله وحارس البوابة يدعى زنون وهو رجل من ذوى الاحتيجات الخاصة يمشى على عصاة من عرفت الدنيا لم تفارقه,,وفى اثناء مثولهم اما قاضى المحكمة
انبرى العم عيد الله وقال للقاضى انا بعرف الذى سرق الداهى دا( اشارة للمجهر) فقال له من هو فقال زنون , فهاج وماج زنون بعكازته الطويلة فتدخل الحضور لفض النزاع امام المحكمة,فقال القاضى وهل لك دليل ,,قال:- العم نعم,,ليلة سرقت الداهى دا شوف عينى دى وانا متابع اثر زنون فوجدت عصاته تحفر فى الارض غير العادة وهو راجع الى منزله ,,فعرفت ان زنون يحمل شىء تقيل,,ففطن القاضى لذكاء الرجل
فقال العم عيد الله والحارس زنون يقادرون المحكمة انتو غير متهمين,,لكذا يوم زنون زعلان منه عمه فقال له يامسكين متلى ومتلك لو سرقنا الداهى دا نبيعو وين ,,دى سرق زول عارف تمنو كم وفائدتو وشنو وببيعو وين,,انتهت الحكوة فى صرة سوق ابقوتة, وهذا السوق يوم الاتنين والخميس ومن تاثره الثقافى عليناجميع اهل المنطقة يستخدمون يوم السوق اشارة للاتنين والخميس,وعزة الله فى ملكه ما دخلو زول مفلس الا طلع فى جيبو فرطاقة وكيسو مليان ,وراكب حماروه ام معلق فى بكسى ولورى وبدوبى فى نصف النهار,,,


صحى لعاب وارقو ام قوية كهرباء سد مروى؟؟؟؟؟

Quote: صحى لعاب وارقو ام قوية كهرباء سد مروى؟؟؟؟؟

غناي عباس تلودي.....!!!

جمعة مباركة ياحبيب

Quote: غناي عباس تلودي.....!!! جمعة مباركة ياحبيب

اخونا هارون
بصراحة كدا اجابتك فى محلها
هذا الرجل مبدع وجهورى
له تقوس خاصة لما يغنى الحقيبة

مبروك عليكم كاس سيكافا الارضى
والله مزمل سوف يبيع جريتوه جنس بيع

ياخى اول مرة اعرف ان السودان دا
فيه فلوس اكثر من الخليج
نادى رياضى ينظم دورة تبع الكاف
لله فى خلقه شئون

تحياتى للعيال

Quote: مبروك عليكم كاس سيكافا الارضى

طبعاً دا لو نحنا ما شاركنا فيهو.


لك ، ولهارون ، وللجميع


تحياتي

Quote: طبعاً دا لو نحنا ما شاركنا فيهو.

لو نحن شلناه مكنة الصدى جاهزة من الان
ان هذا الكاس قد اخذناه من قبل
وكفانا علينا نصل المربع الذهبى
وكسبنا العائد المالى حتى نبنى الطابق الثالث

ولا رايكم شنو يا منظمين

لكن مش كان ممكن تشترو كاس وتكتبو عليه سيكافا
وتختوه مع الكاسات الاخرى,,وتتباهو به الغغريم

لكن سوال هو اة منظم بشيل الجوائزة
ام كفاية شرف ليه تنظيم الدورة

الهلال لو انسحب بخسر الجماع ديل فروش كتيرة
من اجل جمع قروش وارقو
نتضامن مع الاخوة المريخال فى محنتهم