Post: #1
Title: ثلاث آيات إذا قرأتها يصلي عليك سبعين ألف ملك وإذا مت تموت شهيد
Author: elfadl abdellatif
Date: 05-20-2009, 11:47 AM
هل أدلك على ثلاث آيات تقرأها في دقائق معدودة ,, تجعل سبعين ألف ملك يصلون عليك ليس هذا فقط , بل إن مت في يومك هذا مت شهيدااا ,,
إنها آخر ثلاث آيات من سورة الحشر ,,فقــط قل:
أعوذ بالله السميع العليم من الشيطان الرجيم
أعوذ بالله السميع العليم من الشيطان الرجيم
أعوذ بالله السميع العليم من الشيطان الرجيم
{هو اللهُ الذي لا إلهَ إلاّ هو عالم الغيب والشهادة هو الرحمن الرحيم. هو الله الذي لا إله إلا هو الملك القُدّوس السلام المؤمن المهيمن العزيز الجبار المتكبر سبحان الله عما يشركون . هو الله الخالق البارئ المصوّر له الأسماء الحسنى يُسبّح له ما في السماوات والأرض وهو العزيز الحكيم }
عن معقل بن يسار رضي الله عنه عن النبي صلى الله عليه وسلم قال من قال حين يصبح ثلاث مرات " أعوذ بالله السميع العليم من الشيطان الرجيم" وقرأ ثلاث آيات من آخر سورة الحشر ، وكَّلَ اللهُ سبعين ألف مَلَكٍ يصلّون عليه حتى يمسي،وإن مات في ذلك اليوم مات شهيداً، ومن قالها
حين ُيمسي كان بتلك المنزلة "..أخرجه الترمذي وقال: حديث حسن غريب
لا تضيع الفرصة مادمت في الدنيا ،فغيرك تحت الأرض يتمنى لو يرجع ليقرأ حرفاً من القرآن ويكسب حسنة يرجح بها ميزان حسناته ,,
الْفَضْــــ ــ ــــــــ ــ ـــــل
|
Post: #2
Title: Re: ثلاث آيات إذا قرأتها يصلي عليك سبعين ألف ملك وإذا مت تموت شهيد
Author: bent awad el kareem
Date: 05-20-2009, 11:53 AM
Parent: #1
اخونا الفضل كيف حالك
جزاك الله الف خير يا خوي
|
Post: #3
Title: Re: ثلاث آيات إذا قرأتها يصلي عليك سبعين ألف ملك وإذا مت تموت شهيد
Author: يوسف الولى
Date: 05-20-2009, 03:27 PM
Parent: #2
بارك الله فيك يا اخى
ساقذف بمصحفى العتيق فى حافظه الكتب من الان
وساكتفى فقط بتلك الايات الثلاث
وادعو عبرك اخواننا المجاهدين و(الارهابين) لرمى السلاح والكف عن مقارعه المشركين بالسلاح طمعا فى نصر او الشهاده
فبتلك الايات تتحقق الشهاده عند الموت
وطالما الحال كذلك فحتما هناك ايات يتحقق الانتصار بقراتها
ولا تنسو ان هنالك ايات اذا تمت قرااتها يتحقق لك الثراء وياتيك المال الكثير
وبارك الله فيك يا اخى
|
Post: #5
Title: Re: ثلاث آيات إذا قرأتها يصلي عليك سبعين ألف ملك وإذا مت تموت شهيد
Author: يوسف الولى
Date: 05-20-2009, 04:46 PM
Parent: #4
الاسمارت انته
سابحث لك عن ايه تساعدك على عدم الخلط
اذا كان قصدك يوسف الولى ( الهو انا ) فانا محصن ضد الاحراج تماما.. حتى ولو خرجت عاريا فى الشوارع طالما خرجت بمزاجى
اما اذا كان قصدك يوسف الخضر ( صاحب البوست ) فيلزمك مع الايه بخره ومحايه وشويه سفوفه
اسف يا سيد البوست.. يبدو اننا سنطلب منك ايراد بعض المحايات
|
Post: #6
Title: Re: ثلاث آيات إذا قرأتها يصلي عليك سبعين ألف ملك وإذا مت تموت شهيد
Author: smart_ana2001
Date: 05-20-2009, 07:40 PM
Parent: #5
دخلت البوست و قبل ما تقراه و تعرف الحاصل شنو....اديت سيد البوست محاضره فى الفاضى....و لما فهموك الحاصل و ادوك حصة عربى ....ما اعتزرت حتى (موش انت بتكتبا كده?). و فعلا...شكلك ما بتتحرج ابدا....سبحان الله.
|
Post: #7
Title: Re: ثلاث آيات إذا قرأتها يصلي عليك سبعين ألف ملك وإذا مت تموت شهيد
Author: يوسف الولى
Date: 05-20-2009, 08:52 PM
Parent: #6
حاجه تحير ....
كميه حصص العربى الشغاله فى البورد الايام دى بالجد تحير ... وبالجد تخجل
والمفروض يخجل الزول لما يكون ما عندو منطق يشبك الناس حصص عربى
يا هذه ( شكرا لمن نبهنا بكونها انثى وكان مفروض انقش الحاجه دى من مفهومها للخجل )
الناس هنا ما بترسل لى بعض رسائل ولا بتكتب انشاء .. هنا اسمو منبر حوار
الحوار دا بيكون باى لغه .. عربى .. انجليزى .. رندوق... لاوندى ( دى اللغه البكتب بيها انها بالمناسبه)... وهلم جرا
زهب او ذهب البيفهم انو المعنى المراد هو ملاح الويكه مفروض يدوه جائزه
وبرضو زى يوسف خضر السرق الموضوع وختاهو على اساس انو كاتيو برضو يدوه جائزه
فاليذهب الحوار الى الجحيم ازا زهب الناس للقه وتركو الافكار( شفتى اللاوندى بيتكتب كيف )
ولسه محتاجه محايه وسفوفه
|
Post: #8
Title: Re: ثلاث آيات إذا قرأتها يصلي عليك سبعين ألف ملك وإذا مت تموت شهيد
Author: smart_ana2001
Date: 05-20-2009, 10:28 PM
Parent: #7
انت متخيل انى بقول ليك اخجل من حصة العربى???? *
انا بقول ليك اخجل من تسرعك فى اتهام صاحب البوست بالسرقة و انت اصلا ما قريت البوست فيه شنو. لو كنت قريتو كان عرفت ان صاحب القصة معروف من النص. لكن حضرتك شبكت الراجل اعتزر و ما عارفه شنو....
بعدين انا رجل او "انثى"....ما فارق....لو الناس كلها رجال و نسوان بيخجلوا و يحسوا على دمهم...ما كان ده حالنا.
و كدى النسالك....مفهومى للخجل شنو???
__________________________________________________
*بالرغم من انها بتستاهل
|
Post: #9
Title: Re: ثلاث آيات إذا قرأتها يصلي عليك سبعين ألف ملك وإذا مت تموت شهيد
Author: smart_ana2001
Date: 05-20-2009, 10:33 PM
Parent: #8
| Quote: وبرضو زى يوسف خضر السرق الموضوع وختاهو على اساس انو كاتيو برضو يدوه جائزه |
انت لسه فاهم كده ???
لا خلاص.....انا اسفه جدا..(و خجلانه)...من اتهامى لك بعدم الخجل....احتمال لما ربنا يفتح عليك و تعرف ان صاحب القصة معروف من النص ...احتمال تخجل....
قال حوار....قال
|
Post: #10
Title: Re: ثلاث آيات إذا قرأتها يصلي عليك سبعين ألف ملك وإذا مت تموت شهيد
Author: يوسف الولى
Date: 05-21-2009, 01:27 AM
Parent: #9
Quote: انت لسه فاهم كده ???
لا خلاص.....انا اسفه جدا..(و خجلانه)...من اتهامى لك بعدم الخجل....احتمال لما ربنا يفتح عليك و تعرف ان صاحب القصة معروف من النص ...احتمال تخجل....
قال حوار....قال |
تخيلى انا لسه متاكد وفاهم من انو فى سرقه حصلت وفى وضح النهار .. وتم القبض على السارق متلبسا
وقراءه النص بتاكد انو النص مسروق وما كتبو صاحب البوست الذى لولا فطنه احدهم كان عمل نايم
و
انتى كنتى فاهمه غلط عشان كده اتهمتنى بعدم الخجل.. ولما تبين لك الامر قلتى ((انا اسفه جدا..(و خجلانه)))
اسفك مقبول وخجلك مافى داعى ليهو ( الهاله واااهده وكدا )
اما (( قال حوار....قال)) فيدل على عدم وجود ارضيه حوار ( واصلا مافى حاجه يتحاورو فيها )
ومافى حوار معناهو اى حاجه بعد دا بتكون مهاتره ودى حاجه ما قاعد ابيعا ولا اشتريها
طبتى يا اختاه
وسلام
|
Post: #11
Title: Re: ثلاث آيات إذا قرأتها يصلي عليك سبعين ألف ملك وإذا مت تموت شهيد
Author: سيف النصر محي الدين محمد أحمد
Date: 05-21-2009, 01:40 AM
Parent: #10
يا جماعة البوست ده مش كان عن ايات اذا قريتها بتموت شهيد ..طيب الجاب الخجل و يوسف الخضر
و الحاجات دي هنا شنو؟
|
Post: #12
Title: Re: ثلاث آيات إذا قرأتها يصلي عليك سبعين ألف ملك وإذا مت تموت شهيد
Author: smart_ana2001
Date: 05-21-2009, 04:16 AM
Parent: #11
انا الجبت الحجات دى..لان صاحبنا الفوق ده طايح فى الناس من الصباح بدون سبب. و شابكنا محايات و حجات غريبه كده....
اتهم صاحب البوست (اللنك اعلاه )بالسرقه...و لو كان قرا البوست كامل كان عرف ان اسم صاحب القصة الحقيقى موجود فى النص.....لكن صاحبنا مصر يعاند
و انا اليوم فااااضيه فقررت اشوف نهايته شنو؟ ح يعترف ويخجل و يعتذر ام لا....لكنه قال بانه ما بيخجل و ما ح يعتذر ....بس دى كل القصة
|
Post: #13
Title: Re: ثلاث آيات إذا قرأتها يصلي عليك سبعين ألف ملك وإذا مت تموت شهيد
Author: يوسف الولى
Date: 05-21-2009, 05:01 AM
Parent: #12
غايتو الصدف بترمى الزول فى المكان بعد ما يفراقو
| Quote: لان صاحبنا الفوق ده طايح فى الناس من الصباح بدون سبب. و شابكنا محايات و حجات غريبه كده.... |
اولا انا ما شبكتك حاجات انا قلته ( سفوفه) ولو ما عرفتى سفوفه شنو عااادى لانها باللغه اللاونديه وعموما هى بت عم التمباك بس فيها شفا وفايده
هسى طايح دى انا احتجته لى كم مرجع لغوى عشان اعرف معناها.... فعادى
بس الماعادى انو السفوفه تبقى حاجات غريبه لانو كلام متل دا بجيب لينا لوم فى يوم من الايام... تخيل ياعبد الماجد زول يقول لى انته ما كويس لانو بتكتب حاجات غريبه كده.. سؤ فهم بالشكل ده ما كويس فى حق ( صاحبنا الفوق ده )
وعموما يا سيدى قصه الايات البتجيب القروش والتانيه التخليك تموت شهيد وغيرا من الايات تخلى باقى ايات القران الكريم زياده عدد ساكت ( حاشا لله ان تكون كذلك )
|
Post: #14
Title: Re: ثلاث آيات إذا قرأتها يصلي عليك سبعين ألف ملك وإذا مت تموت شهيد
Author: سيف النصر محي الدين محمد أحمد
Date: 05-22-2009, 01:15 AM
Parent: #13
Quote: انا الجبت الحجات دى..لان صاحبنا الفوق ده طايح فى الناس من الصباح بدون سبب. و شابكنا محايات و حجات غريبه كده....
اتهم صاحب البوست (اللنك اعلاه )بالسرقه...و لو كان قرا البوست كامل كان عرف ان اسم صاحب القصة الحقيقى موجود فى النص.....لكن صاحبنا مصر يعاند
و انا اليوم فااااضيه فقررت اشوف نهايته شنو؟ ح يعترف ويخجل و يعتذر ام لا....لكنه قال بانه ما بيخجل و ما ح يعتذر ....بس دى كل القصة |
طيب صاحب البوست الفي اللنك اعلاه ما قصّر و رد على يوسف الولي ده رد كافي و شافي و هو ذاتو
ما رجع عقب بعده و انتي ذاتك ما عندك أي مشاركة في البوست داك ...يعني الموضوع شكلو كان
منتهي فما في داعي لفتح الجراح من تاني.
|
Post: #15
Title: Re: ثلاث آيات إذا قرأتها يصلي عليك سبعين ألف ملك وإذا مت تموت شهيد
Author: mohamed osman bakry
Date: 05-22-2009, 01:39 AM
Parent: #14
طيب السفوفة بتاعتك دي بمطروها بشنو?
|
|