بنات بلدي المكملات السماحة والرزانة ووين تلقوا زي ده ..

واحد أخونا اغترابه طال قال :
ــــــــــــــــــــــ

من عشرينات العمر ..
ما شفت حياة ..
وما عشت حياة ..
ما جربت وما أتهنيت ..
زي الناس الزينين ..
الناس الشالو حلاوة الدنيا ..
في حدقات العين ..
فرحت بيهم لمان شافت ..
فرحن طل بضي العين ..
ركنوا الهم والغم في رف القلب الوراني ..
خلوهو يمارس يأسو القتّال ..
فاتوه مسافات ..
لو حاول يلحق ..
ما بيلقى مجال ..
ما الفرح الباين ما بيندسه ..
وأصلو سعادة الزول تتكامل ..
لما يصالح نفسه ..
ولما يعانق الناس العايشين جواه ..
وينكر ذاتو ..
للناس الحلوين العاشوه مراحل ..
للغبش الديمه تملي معاهو ..
ماضي وحاضر ومستقبل ..
فرحان بيهم ..
والله شدييييد ..
خاتيهم في قلبو الأخدر وعمران ..
ومرت عشرين ..
ومن بعدها تلاتين ..
والعد ماشي ..
وأنا ..
ما زلت محلك سر ..
أخطو خطاوي الخوف ..
الختّ رحالو وعشعش جوه الجوف ..
شلتك يا أحزان جوه الجوه ..
وتبتبت على القلب السايق الدنيا ..
وسايقاهو ..
أقولو شنو .. ما عارف ..
ما القلب الصاحي وحزنان ..
ما بيتغشه ..
القلب الشال الهم من بدري ..
وختاهم جواه ..
ما بيقدر يشكي ..
ويشكي لمين ..
ياهن ناسو ..
ده كان فهموا ..
من حبه المليان للسيرة العطره ..
وفضلت أيامو تباريهو ..
مرات لي قدام ..
والمرات البعدها لي بكره ..
مرات يتضايق ..
ومرات يرضى ..
ويقول ..
هو بكره متين ..
هو بكره متين آآآآناس ..
ومتين تتغير هادي الحال ..
ما العمر جرى ..
وهو زي الواسوق ألفي الساقية ..
من شوفة العين والناس نايمين ..
هو نومه خزاز ..
لا عندو صباح ..
لا عندو مساء ..
أيامو الجارية ..
وتتخرت من بين أيديه ..
ومليان بي حزنو الغرز جواه ..
ورغم الحال المايل ..
ياهو الصنديد ..
شايل الضحكة الماليها حدود ..
إلا حدود الدنيا الواسعة ..
يشاغل ده ..
ويطيب خاتر داك ..
يمسحلو الأحزان ..
وهو مليان بي أحزان تكفي الدنيا ..
ومع أنه المحتاج ..
لكنه ..
يفضّل يدي عشاهو .. للجيعان ..
ويبيت ساكت رضيان ..
والحال يا هو ما بتغير ..
الهم ماليهو ..
ومن تعبو الزاد ..
يرقد غفيان زي الميت ..
إلا الحس صاحي والقلب ملااااان ..
ورضاهو يزيد ..
طول ما ناسو قاعدين جواه ..
وهو في هادي الحال ..
مابين مدو ..
ومابين جذرو ..
مشدوه لاهي ..
يصارع الهم ..
لا انصرع الهم .. لاهو المصروع ..
ومن بين الزحمة الشاغلاهو ..
قام شافا ..
آآآآي والله ..
وقعت في عينو ..
طلعت من وين ..
تب ما عارف ..
ما صدق شوفو ..
فرك العينين ..
فضل متسمر زي الملسوع ..
عاينلها زين ..
دقق في ديك الخدين القمرين ..
آآآآآه يا دنيا ..
واحدة تشيلك ..
وواحدة توديك ..
تديك الإحساس المليان ..
بحلاوة الدنيا ..
وآآآآه لو شفت جمال النونات ..
الشايلاها نداوة ..
ومالياها طراوه ..
وقوام ممشوق آآه منه ..
تحلق بيكا بعيد ..
لعوالم مخضرة ..
وكان شفت العينين ..
الله من ديك العينين ..
فتننو عديل ..
كتلنوعديل ..
الله منك آآه يا دنيا ..
وزي دي يا ناس ..
تزيل الهم المتركب فوق القلب ..
تعاين ليها ..
تديك الفرح المندسي ..
في ليلاً طول .. ساعاته طوال ..
وفضل يسأل في روحو ..
زولاً زي أكان قاعد وين ..
وين كان مندسي ..
حكايتو شنو ..
وجاها عديل ..
قالها كل ألفي خاترو ..
ما خلا كلام ..
وسنواته الجارية ..
القالده الخمسين ..
من رحلة جميلة في عينيها ..
خلتو يشعر ..
كأنه رجع تاني لأبن العشرين ..
عارفنها مين ..
دي بت بلدي ..
السمحة وزينة ..
الديمة رزينة ..
جمالها أصيل ..
والله يا ناس ..
وين ما قبلتو ..
ووين ما رحتو ..
ما بتلقو أبد ..
زي بت بلدي ..

و الله كتر خيرك و كتر خير المغترب

السودانيه مميزه ... بادبها ... بتسامحها .. باحترامها للاخرين

متفقين؟

حد السماحة .. تلقى ..

حد الأدب .. تلقى

حد الأنوثة الما بتشبه أي أنوثة

من روعتها

ومن رقتها

ما بتلقى إلا فيها

أهه السمحة زيها مني ؟؟

و اخوك المغترب دا قال القصيدة دى اختبار ولا جد جد

ههههههههههههه


معتصم سلامات

الكلام اللي زي ده يا رغيم

ما بيطلع إلا

من بيت الكلاوي


معاي ؟؟

مُعتصِم مكاوي ...

< وَمَا عَلَّمْنَاهُ الشِّعْرَ وَمَا يَنبَغِي لَهُ ... > يس 69
أظِنك وحسب الإسم (مكاوي) مِن العِترة النبَوِية الشريفة
الشغله دي ما حقتكُم يا خوي ...

Quote: واحد أخونا اغترابه طال قال :

واحد أخوكم ؟؟؟؟
يا معتصم ياخ كلامك ده قولو لي زول ما عندو ( هديدة )!!
إنتو الحاجة لمن تكتبوها بتخافوا تختوا إسمكم فيها ليه ؟؟













برضو محتاجة ( لتنقيح ) ...

ومنكم نستفيد ..
أيه المانع ؟؟ ..

شكرا للمرور

تعرف يا عزام
إنت سويت سواة الراجل
قاعد فاتح خشموا وسط
أهل الرأي قال كدي النقوم
أقولهم كلمة أشارك بيها
قالوا له أهه قول يا الناجح
قاليهم كلامكم ده كلو ما صاح
قالوا له طيب قول لينا الصاح
قال لهم ولو أنا بعرف الصاح
وقتي كلو قاعد زي الأطرش في الزفة وسطكم؟
كنت عملتوا لي رقبتي وسويت حقي
ياهو ولا ماياهو ؟؟

نهائي ما عندي قول
بس متحكره في مكاني ده واصلي ما زاحه منو
النشوف الكلام السمح ده

Quote: نهائي ما عندي قول بس متحكره في مكاني ده واصلي ما زاحه منو النشوف الكلام السمح ده

وشرحو يابت عوض الكريم ..

ــــ
ومخصووووص
الله
جاب
لي

Quote: التنقيح

ده
عشان
احضَرو
واشوفو شوف العين ..


احمدك
يارب ..

Quote: احمدك يارب ..

يستاهل الحمُد..

مُعتصِم مكاوي ...

Quote: تعرف يا عزام إنت سويت سواة الراجل قاعد فاتح خشموا وسط أهل الرأي قال كدي النقوم أقولهم كلمة أشارك بيها قالوا له أهه قول يا الناجح قاليهم كلامكم ده كلو ما صاح قالوا له طيب قول لينا الصاح قال لهم ولو أنا بعرف الصاح وقتي كلو قاعد زي الأطرش في الزفة وسطكم؟ كنت عملتوا لي رقبتي وسويت حقي ياهو ولا ماياهو ؟؟

ياهو ظاطووو

يا معتصم مكاوي ..

تصدق ( بالجد ) لو قعدت لي كلامك الفوق ده بالرااااحة كده
ممكن تطلع لينا منو شغل ( كويس ) ..


بطِّل كلفتة ياخ..







(أزَّام) .. مَسكآقمي..

وإنت أصلك لامن شاطر كده
ما تورينا الشغل الما مكلفت
بس قاعد لي للفصاحة ساكت
إنت من نوع معاهم معاهم
عليهم عليهم
ورينا حقك عشان نصلح حقنا
عشان نغير الكلفتة دي
مش ..

Quote: وإنت أصلك لامن شاطر كده ما تورينا الشغل الما مكلفت بس قاعد لي للفصاحة ساكت إنت من نوع معاهم معاهم عليهم عليهم ورينا حقك عشان نصلح حقنا عشان نغير الكلفتة دي مش ..

منو القال ليك أنا شاطر ، وعرفت شطارتي كيف ، طالما إنك ما شفت لي حاجة (يا شاطر) ؟؟
(الفصاحة) مصطلح لو فهمت معناه ، ح تغير نوعية كتاباتك دي ، أو ح تعتزل ...
والله خطير و (شاطر) كمان ، يعني حددت نوعي ( معاهم + عليهم) .. رهيييب..
والله يا ( شاطر ) أنا لو عندي وقت ( فراغ ) قدر حقك البتملأ بيهو البورد بالبوستات المكلفتة دي
كنت بقيت ( نجيب محفوظ)..ققااااااااااااي...


التعديل لضرورة إضافة أنني لم أدّعِ يوماً إنو أنا زول ( كتّاب ) ...

وأبو ظاااااطو كمان ..

ومنك ..

إلو ..

إلو ..

إفتلشنا ..

ربك يهون ..

السمح إنتي ..
والحلو إنتي ..
يابت بلدي ..
يديكي العافية ده من أصلك ..

Salah Abdulla

Quote: (أزَّام) .. مَسكآقمي..

دي الفايدة الوحيدة البِلقاها الزول في بيت البِكا ... بلقى الأحباب
ويطمئِن عليهُم ... إزَيك يا صلاح ياخ هِكْر في وَيا فينا الحمدلله...