Post: #1
Title: يا مزمل كف عن الهزيان بل هى صدارة بكل جدارة
Author: هشام المجمر
Date: 05-17-2009, 07:34 AM
Quote: صدارة لا تعكس الجدارة
* تربع الهلال على قمة الدورة الأولى للممتاز بفارق أربع نقاط من المريخ.
* ساعد لاعبو المريخ خصومهم على احتلال صدارة نصف الدوري بتهاونهم أمام الأمل وهلال كادوقلي!
* تصدر الهلال الدوري على الرغم من أن الأهلة أجمعوا على أن فريقهم الحالي يعاني من نواقص عديدة.
* صدارة الهلال للدورة الأولى لا تعني أنه متميز فنياً بدليل أنه خسر في دوري أبطال إفريقيا أمام فريقين مغمورين وصعد إلى دور المجموعات بصعوبة وبعد أن حظي بمساعدات قيمة من الحكام!
* وفي المقابل لم يخسر المريخ أي مباراة في الموسم الحالي.. لا محلياً ولا خارجياً.. ومع ذلك حل ثانياً في ترتيب فرق الدوري خلف فريق يقل عنه في كل شيء!
* طغت جدية لاعبي الهلال على ضعف قدراتهم الفنية.. وتكفلت مساعدات الحكام بستر بقية عورات الفريق.
* ومنح استهتار لاعبي المريخ خصماً يعاني من عيوب فنية كبيرة فرصة تصدر المنافسة بفارق مريح!
* قد تواصل فرقة الهلال الحالية تفوقها في الدوري لأسباب معلومة للجميع.. لكنها لن تقوى على الصمود في معارك دوري الأبطال.. ما لم تحظ بما نالته أمام تامبونيز وأول أغسطس في الخرطوم!
* أما المريخ فلن يظفر بأي لقب ما لم يتخل لاعبوه عن الاستهتار! |
اعلاه مقتبس من مقال مزمل اليوم فى جريدته الصدى
مزمل الذى يدعى الموضوعية يجافيها تماما لأن غيظه يقتله
الهلال الذى اعتقد مزمل انه قد فارق الحياة بعد أن قامو بلطش مهاجمه الاول تحت جنح الظلام و قام الهلال نفسه بشطب خط دفاعه باكمله
لكن اثبتت الايام ان الكبير كبير و الهلال روح و اصرار و قتال
الهلال تصدر الدورة الاولى بفارق 4 نقاط من المريخ و احرز هجومه 38 هدفا كاكبر عدد يحزه فريق فى الدورة الاولى و تلقى مرماه 5 اهداف فقط وتصدر مهاجمه كاريكا الهدافين بعشرة اهداف بفارق 3 اهداف عن اقرب منافس له
فيما تلقى الوصيف الذى عاد لوصافته التى يعشقها رغم ملايين الدولارات التى صرفت على جلب وارغو ورشوة كيلاتشى تلقى مرمى هذه الوصيف 7 او 8 اهداف فى مرماه الحقونا بالعدد الصحيح
نسأل مزمل
هل ارتدى الحكام فنائل و لعبوا مهاجمين فى الفرق الاخرى و احرزوا هذه الاهداف فى شباك المريخ؟
هل تعادل امل عطبرة فى الدقيقة 98 مع المريخ بهدف استروبيا؟
هل تعادل الهلال فى الدقيقة 93 مع المريخ بعد ان كان مهزوما من الشوط الاول؟
ويأتى و يقول بدون خجلة المريخ احسن من الهلال
احسن هجوم - الهلال
احسن دفاع - الهلال
هداف البطولة من الهلال
هكذا تقول الاحصائيات و هكذا يعرف الافضل فى كل الدنيا ما عدا عند مزمل ابو القاسم
غايتو كان بقول الله استغفر الله
|
Post: #2
Title: Re: يا مزمل كف عن الهزيان بل هى صدارة بكل جدارة
Author: هشام المجمر
Date: 05-17-2009, 07:35 AM
Parent: #1
معليش يا جماعة هى الهذيان و ليس الهزيان صلحوا العنوان
|
Post: #3
Title: Re: يا مزمل كف عن الهزيان بل هى صدارة بكل جدارة
Author: abdulhalim altilib
Date: 05-17-2009, 07:43 AM
Parent: #2
أخي العزيز / هشام
تحياتي ،
Quote: اعلاه مقتبس من مقال مزمل اليوم فى جريدته الصدى
مزمل الذى يدعى الموضوعية يجافيها تماما لأن غيظه يقتله |
عهدنا بالأخ مزمل وكما عرفناه من خلال كتاباته
حيادياً وموضوعياً دوماً .. ولكن لا أدري ما الذي
جرى له حتى يجئ تحليله على ذاك النسق ؟!
فعلاً حاجة عجيبة !!
يكون فقد المنطق ؟!! (على قول محمد موسى ) ؟!
مودتي ،
( ليمو )
|
Post: #4
Title: Re: يا مزمل كف عن الهزيان بل هى صدارة بكل جدارة
Author: هشام المجمر
Date: 05-17-2009, 08:24 AM
Parent: #3
شكرا ليمو
بالنسبة لمزمل الحقيقة فيما يخص الهلال مرة و لايمكن ابتلاعها
انظر كيف وصف فريق الاول من اغسطس القوى و الذى فاز بالامس فقط على الصفاقصى التونسى حامل لقب الكونفدرالية بهدفين دون مقابل مما يعرض البطل للخروج لو لم يفز بثلاثة اهداف نظيفة فى تونس. الغريب ان هذا الخبر اورد فى نفس الجريدة
نحن كهلالاب لا نقول فريقنا جيد و نعرف ان به نواقص وهذا عمل مجلس الادارة و الجهاز الفنى قبل بدء الدورة الثانية
لكن مزمل الله يخليه يقول للمريخاب فريقكم مكتمل بس اللاعبين مستهترين وهذه هى الغفلة نفسها
|
Post: #6
Title: Re: يا مزمل كف عن الهزيان بل هى صدارة بكل جدارة
Author: Safia Mohamed
Date: 05-17-2009, 08:38 AM
Parent: #4
مهندس هشام
صباح الخير
وين الغيبة
فعلا الزول دة مالوا الليلةعلى قولة الجماعة
| Quote: معليش يا جماعة هى الهذيان و ليس الهزيان صلحوا العنوان |
حسع عليك الله في زول حيلاحظ ليها لكن برضو كتر خيرك اديتني معلومة جديدة
وجه ضاحك زول ينزلو لو سمحتو
صفية
|
Post: #8
Title: Re: يا مزمل كف عن الهزيان بل هى صدارة بكل جدارة
Author: سيف الدين علي محمد الفاضل
Date: 05-17-2009, 08:49 AM
Parent: #6
الأخت/صفية
والله كلنا لاحظنا لها بحكم أننا كنا
معلمين لمادة اللغة العربية لذلك
لاحظنا لهذا الخطأ ولكن سبقناالأخ/ هشـــام
في التصحيح له منا التحية ولك أنت أيضا
وأتمنى أن ننتفع جميعنا بما هو أفيد خاصة
في مجال اللغة التي أصبحت عند البعض ألعوبة
مع خالص تحياتي ومودتي
|
Post: #5
Title: Re: يا مزمل كف عن الهزيان بل هى صدارة بكل جدارة
Author: سيف الدين علي محمد الفاضل
Date: 05-17-2009, 08:34 AM
Parent: #3
يا صفوة ود المجمر وعبدالحليم
ما عندنا غير ما نقول لي مزمل :-
يا مزمل إنت بالهلال تجهل
ما بتعرف الحقيقةحقو تخجل
من كونفيدراليةحالكم تبدل
أصبر شوية ما تسرع تمهــل
دفاع فريق لعب 12 مباراة ولجت شباكه 5 أهداف فقط (يعني في كل مباراة 0.41 هدف في شباك الهلال أقل من نصف في المائه قون (نعلمكم رياضيات كمان يا مزمل نسيب الكورة)
هجوم فريق لعب 12 مباراة أحرز في شباك الخصوم38 هدف (يعني 3.16 هدف في كل مباراة .
الخلاصة :- الهلال شطب دفاعه بأكمله وسافر قودوين وسرق كلتشي (لطش)
يعني الهلال إفتقد هذا الموسم هجومه ودفاعه ومع ذلك تصدر الدورة الأولى للدوري
ونقول ليك يا مزمل وأشباه مزمل فارق النقاط سوف يتسع في نصف مشوار الدورة الثانية وعندها شوف ليك
بلد ثانية أو سافر لي كوكب المريخ وجاوز زحل وأوعى من الزعل ..
مع تحياتي ومودتي
|
Post: #7
Title: Re: يا مزمل كف عن الهزيان بل هى صدارة بكل جدارة
Author: هشام المجمر
Date: 05-17-2009, 08:47 AM
Parent: #5
هلا بيك ياصفية
كتيابية وهلالابية
مافى احسن من كده( وجه ضاحك)( الله يجازيك يابكرى)
| Quote: فعلا الزول دة مالوا الليلةعلى قولة الجماعة |
الزول ده بيعيش فى حالة انكار "Denyal" زى ما بقولو الخواجات
حالة نفسية صعبة
الهلال ده يوم بيكتل ليهو زول
|
Post: #9
Title: Re: يا مزمل كف عن الهزيان بل هى صدارة بكل جدارة
Author: نيازي عبدالله مرحوم احمد
Date: 05-17-2009, 08:51 AM
Parent: #5
هشام يا اخوي
نهارك سعيد
هي حقيقه لا جدال فيه بان المريخ هو الاحسن وهو الاجدر لكن يا هو حال الهلالاب.....
اما كيف يفوز الهلال فاسال الشارع الرياضي الكل يعلم؟؟؟؟؟
الانديه الافريقيه ستوضح ايهما اقوي واجدر واحق.........فلنتظر ولنري
اما مسالة الملايين التي تتحدث عنها ويتحدث عنها اعلام الهلال؟؟؟فيكفي ان الهلال عرض علي ايداهور 2 مليون دولار ولا دي ما محسوبة
بعدين برضو اقراء لواحد اسمها رمضان الذي لاهم له الا تبخيس انجازات المريخ حتي لو جات من الكاف ؟؟؟
هكذا هم الهلالاب
(((انت تري القشة في عين اخيك ولا تري الخشبة في عينك)))
|
Post: #10
Title: Re: يا مزمل كف عن الهزيان بل هى صدارة بكل جدارة
Author: Hussein Mallasi
Date: 05-17-2009, 09:02 AM
Parent: #9
Quote: فيما تلقى الوصيف الذى عاد لوصافته التى يعشقها رغم
ملايين الدولارات التى صرفت على جلب وارغو و رشوة كيلاتشى |
يا راجل حرام عليك.
_____
كتبتها عيب ثم عدلتها لحرام.
|
Post: #11
Title: Re: يا مزمل كف عن الهزيان بل هى صدارة بكل جدارة
Author: نيازي عبدالله مرحوم احمد
Date: 05-17-2009, 09:04 AM
Parent: #9
لا جداره لا يحزنون
ضربة جزاء ثابته حالة طرد .........دي ثابته لاي مباراه للهلال ودي لانو صلاح ادريس مصمم علي الممتاز لانو دي الغشاشاه بتاعة حمهور الهلال.....
|
Post: #12
Title: Re: يا مزمل كف عن الهزيان بل هى صدارة بكل جدارة
Author: هشام المجمر
Date: 05-17-2009, 09:57 AM
Parent: #11
| Quote: هي حقيقه لا جدال فيه بان المريخ هو الاحسن وهو الاجدر لكن يا هو حال الهلالاب..... |
يا نيازى
سلام
فى مجال كرة القدم الحقيقة بالارقام و ليس بالتمنيات
استغرب ان يكون فريقكم متخلف عن الهلال فى كل شئ و تقولون انكم الاحسن اختشوا
لو الهلال بساعدو الحكام طيب الجاب الاقوان فى شباكم منو برضو الحكام!!!!!
الشمالى عطبرة متذيل الترتيب وصاحب النقطتين فقط احرز فيكم هدفا منذ الدقيقة الثالثة وبرضو حكام
اختشوا واعترفوا
خمس سنوات و نحن نفوز بالدورى و تقولون الحكام
العجيبة مرة الفرق كان 18 نقطة وبرضو الحكام
السنة دى الهلال هجمكم بعد ما قلتو مات برضو رجعتو للنغمة البايخة بتاعت الحكام
طيب انسحبوا من الدورى و اسسوا ليكم دورى جيبو فيهو الحكام من عندكم
|
Post: #13
Title: Re: يا مزمل كف عن الهزيان بل هى صدارة بكل جدارة
Author: سيف الدين علي محمد الفاضل
Date: 05-17-2009, 10:07 AM
Parent: #12
الأخ/ هشام المجمر
صوت لوم مرسل لك
عملت معك مداخلة
وحاربت معك من أجل الهلال
وللأسف الشديد لم تعير لمداخلاتي نظرة
أم أننا تطفلنا ولسنا بقدر المقام
سيف
|
Post: #14
Title: Re: يا مزمل كف عن الهزيان بل هى صدارة بكل جدارة
Author: هشام المجمر
Date: 05-17-2009, 10:17 AM
Parent: #13
لا والله ياسيف
حقك على ما تزعل
كنت داير ارد عليك بس قلت نرد على الصهاينة الاول عشان ما يفتكرو ان كلامهم صاح
شكرا ليك على المؤازرة و الاضافة
والبوست ده حقك عديل
مافى احب لى قلبنا من الزرق و الزرقة
|
Post: #15
Title: Re: يا مزمل كف عن الهزيان بل هى صدارة بكل جدارة
Author: هشام المجمر
Date: 05-17-2009, 10:23 AM
Parent: #14
سلام يا حسين
عارف يا ملاسى
مافى شى زعلنى قدر الحصل مع كيلاتشى
اولا افتكرت الموضوع كلام جرايد لغاية ما لاقنى هنا فى الدوحة مصدر مريخى موثوق جدا واعترف لى بانو الفلوس اتحولت لنيجريا قبل مراحل من نهاية الدورى الفات. يعنى الراجل كان قابض قبل مباراة الهلال وهذا هو الفساد بعينو.
يغور كيلاتشى او غيرو يبقى الهلال الذى لم يتأثر بذهاب قودوين ولا كيلاتشى وها هو فى دورى المجموعات و كمان متصدر الدورى الممتاز بفارق مريح عن سدنة الفساد.
الفساد بيحرق دمنا فى اى مجال
|
Post: #16
Title: Re: يا مزمل كف عن الهزيان بل هى صدارة بكل جدارة
Author: مزمل خيرى
Date: 05-17-2009, 10:37 AM
Parent: #15
| Quote: يا مزمل كف عن الهزيان |
هاشم المجمر
فرز .. فرز ياخى خلعتنى من اول الصباح ، قلت ياربى المجمر دا انا عملت لية شنو رافع لى بوست ..!!
بس الحمدلله طلعت دا ما انا ..!
|
Post: #17
Title: Re: يا مزمل كف عن الهزيان بل هى صدارة بكل جدارة
Author: عماد محمود علي
Date: 05-17-2009, 10:48 AM
Parent: #16
| Quote: يا صفوة ود المجمر وعبدالحليم |
ياخي الهلال يظل فريق كبير سوى أبينا أو رضينا ,, بس بالله بطلوا السرقة وكده .... خلوا الاسامي لأصحابها وكده ...
مبروك ليكم الصدارة وحقيقي تستحقونها لان الهلال لعب من أجلها بينما استهتار المريخ وشعوره بالعظمه جلب له الوصافة ... والمريخ لن ينعدل حاله ما لم يترك الوالي هذا الدلال تجاه لعيبة لا يستحقون نصف سعرهم ...
ود المجر أزيك ....
|
Post: #18
Title: Re: يا مزمل كف عن الهزيان بل هى صدارة بكل جدارة
Author: abuguta
Date: 05-17-2009, 11:04 AM
Parent: #17
يا مجمر الهلال الحالى
سيهزم البعيوات فى دارهم وستبرع لهم بنقطة
حتى يتاهلو كثانى مجموعة
تذكرى كلامى دا ,,ياخى ديل لسع ما عندهم تشكيلة ثابتة
مبروك لوارقو القوووون الثانى صدقنى ليلة امس فرحت ليه
وهو ظاتووووووووفرح وضحك لما بدت سنونه الخلفية
معلومة المريخ اشترى وارقو كهداف صريح
لكنه لما فشل قيل عنه لاعب تكتيكى
او صانع العاب,,ياترى كم هدف صنع؟؟؟؟
ياهندسة لا تزيد تضطك بكتابات هذا الرجل المتصحف
تحياتى
|
Post: #19
Title: Re: يا مزمل كف عن الهزيان بل هى صدارة بكل جدارة
Author: عماد محمود علي
Date: 05-17-2009, 11:31 AM
Parent: #18
| Quote: ياهندسة لا تزيد تضطك |
أبوقوته .. عليك الله أقراها لي غلبتني تب ....
|
Post: #20
Title: Re: يا مزمل كف عن الهزيان بل هى صدارة بكل جدارة
Author: سيف الدين علي محمد الفاضل
Date: 05-17-2009, 11:49 AM
Parent: #19
ياهندسة لا تزيد تضطك
الأخ/ أبو قوتة
أقطع ضراعي يا أبو قوتة كان قلت ليك أناقدرت قريتها
أصلو عماد ده قاعد يجيب ليه كلمات في القاموس العجمي مافي
لكن حقيقة عماد والله زول نصيحة رغم مريخيتهالصارخة
ومن هنا نقول لي عماد ياريت كل المريخاب زيك يا أبو حسام
مع تحياتي
|
Post: #21
Title: Re: يا مزمل كف عن الهزيان بل هى صدارة بكل جدارة
Author: سيف الدين علي محمد الفاضل
Date: 05-17-2009, 12:08 PM
Parent: #14
لا والله ياسيف
حقك على ما تزعل
كنت داير ارد عليك بس قلت نرد على الصهاينة الاول عشان ما يفتكرو ان كلامهم صاح
شكرا ليك على المؤازرة و الاضافة
والبوست ده حقك عديل
الأخ/ هشام المجمر
يا حبيبي نحن بي طبعنا
ديما متسامحين
ودي من طباع الصفوة والحلوين
من ردودك نحن مبسوطين
تب والله ما زعلانين
ربي يعطيك العافية ويوفق الهلال رغم أنف الحاقدين
مع تحياتي ومودتي
|
Post: #22
Title: Re: يا مزمل كف عن الهزيان بل هى صدارة بكل جدارة
Author: هشام المجمر
Date: 05-17-2009, 12:16 PM
Parent: #21
يا مزمل خيرى
سلامة الاسم
شكرا
عماد
سلام
وشكرا ليك على اعترافك الجميل
كده الكلام
مش كلام حكام وكده
|
Post: #23
Title: Re: يا مزمل كف عن الهزيان بل هى صدارة بكل جدارة
Author: هشام المجمر
Date: 05-17-2009, 12:24 PM
Parent: #22
ابقوتا
سلام
المزهجنا انو طارح نفسو كصحفى رياضى موضوعى
والكثير من المريخاب مبارنو
بس لازم نتصدى ليهو ونوضح زيف ادعاء الموضوعية
هو كاتب مريخى ما اكثر وكمان يشوف العمى ما يشوف الهلال
ما اكتر
|
Post: #24
Title: Re: يا مزمل كف عن الهزيان بل هى صدارة بكل جدارة
Author: abuguta
Date: 05-17-2009, 12:39 PM
Parent: #23
| Quote: ياهندسة لا تزيد تضطك |
يازرق,,, دى لغة مشفرة لا يفهما الا هشام المجمر
لووووووووووووووووووول
ياسادتى متاسف على العجلة,,نحن بنكتب على الهواء مباشرة
كتبتها ورائخ الغداء,,انا قاصد زى ما فهمتو
لا تزيد ضغظك ( ضغتك) لكن وانتو اسياد العارفين
اكبر الكتاب يعتمدون على المحررين
فهل من محرر تقنى
تسلمو
|
Post: #25
Title: Re: يا مزمل كف عن الهزيان بل هى صدارة بكل جدارة
Author: khaleel
Date: 05-17-2009, 12:47 PM
Parent: #24
يا مجمر
سيبك من الصحفيين الدرسو الجامعة علي كبر ديل
الدوري العام حسمه الهلال منذ الدورة الاولي
لان الفرق بينا وبين مريخ الحكومة اربعة نقاط ولايوجد فريق في الممتاز يستطيع ان يعطل الهلال في الدورة الثانية
حتي ان فاز المريخ علينا يظل الفرق نقطة واحدة
والكاس للهلال
دعنا نفكر في لقاء السيوبر الافريقي بين الهلال والاهلي القاهري منذ الان
|
Post: #26
Title: Re: يا مزمل كف عن الهزيان بل هى صدارة بكل جدارة
Author: سيف الدين علي محمد الفاضل
Date: 05-17-2009, 12:56 PM
Parent: #25
الدوري العام حسمه الهلال منذ الدورة الاولي
الأخ/ خليل
أتفق معاك في كل ما جئت به
وفعلا الهلال حسم الدوري من دورته الأولى
وهذا بلا شك إنجاز وإعجاز
المهم المنافسة الإفريقية والجماعة قالوا من يوم القرعة
6 نقاط مضمونة أظنهم كانوا في كابوس نديهم رشة موية نخليهم
يفيقوا من هذا الكابوس
مع تحياتي
|
Post: #28
Title: Re: يا مزمل كف عن الهزيان بل هى صدارة بكل جدارة
Author: طارق الكوتش
Date: 05-17-2009, 01:59 PM
Parent: #25
مافى احب لى قلبنا من الزرق و الازرقا
وسكر التعاون الذى حول الحفر لمدخنا
كاريكا و ديمبا وهيثم و حموده ومهندا
ناس ليليو امبيلى ماكلين البطيخ الاحمرا
شاربين معاهو السبعه المعلقه فى السما
مساوى قاطع الخميره وتارك الحفرا للمبولا
دعيع وعزنا حارسين حماك وماسحين مسح الاصفرا
سيدا وسيد البلد اغنيته المفضله رجع الصدا
وللميرندا دائما يهتف ويردد فيك حلاة مزمزا
اعلان هاااام :
قريبا على سودانيز اونلاين فقط و حصريا
مسرحية: دخان الوصيف
بطولة : الطلح المحروق
اعداد و اخراج : مستر قسطنطين
|
Post: #27
Title: Re: يا مزمل كف عن الهزيان بل هى صدارة بكل جدارة
Author: رقم صفر
Date: 05-17-2009, 01:48 PM
Parent: #24
والله يا هشام ، بتحيرني لمن تشتغل بي مزمل ده
الامر وما فيه مزمل اكل عيشه يعتمد علي الاساءة للهلال والدفاع عن المريخ
وطالما كان الضمير غايب ، فالامر سهل عنده .... (نقطة)
لا زلت اذكر وانا في الجامعة شراء لجريدة المشاهد، والعمودين الراقيين من خالد عزالدين ومزمل ابو القاسم ،،
وكيف سعيهم لتأسيس مدرسة جديدة في الصحافة الرياضية ، عندما اتذكر ذلك ، واذكر انني كنت لا افرق بين خالد ومزمل
واستمتع بما يكتابانه ، واذكر ما وصل اليه مزمل في الكتابة اردد في سرى فعلا (المعايش جبارة )
|
Post: #29
Title: Re: يا مزمل كف عن الهزيان بل هى صدارة بكل جدارة
Author: haroon diyab
Date: 05-17-2009, 07:50 PM
Parent: #27
هشام ياحبيب
سلامات
Quote: المزهجنا انو طارح نفسو كصحفى رياضى موضوعى
والكثير من المريخاب مبارنو
بس لازم نتصدى ليهو ونوضح زيف ادعاء الموضوعية
هو كاتب مريخى ما اكثر وكمان يشوف العمى ما يشوف الهلال
ما اكتر |
ياسيد....
نفس الشعور تجاه رمضان احمد السيد
بدون اي تعديل او اضافة
|
Post: #30
Title: Re: يا مزمل كف عن الهزيان بل هى صدارة بكل جدارة
Author: haroon diyab
Date: 05-17-2009, 07:59 PM
Parent: #29
| Quote: اولا افتكرت الموضوع كلام جرايد لغاية ما لاقنى هنا فى الدوحة مصدر مريخى موثوق جدا واعترف لى بانو الفلوس اتحولت لنيجريا قبل مراحل من نهاية الدورى الفات. يعنى الراجل كان قابض قبل مباراة الهلال وهذا هو الفساد بعينو |
والله مامكاجره .....
لكن هل تصدق اذا قلت لك بان
احد الهلالاب اكد لي بانه لولا الحكم لما تأهل الهلال
امام الاول من اغسطس وان ضربة الجزاء ثمنها مدفوع بالدولار
علما بان الحكم لم يكن يخشي شي لانه تقاعد بعد مباراة الهلال مباشرة
بعني......
الحكم باااااااااااااااااااااااااااااااااااااااااع
القضية....!!!
|
Post: #31
Title: Re: يا مزمل كف عن الهزيان بل هى صدارة بكل جدارة
Author: هشام المجمر
Date: 05-18-2009, 10:44 AM
Parent: #30
Quote: يا مجمر
سيبك من الصحفيين الدرسو الجامعة علي كبر ديل
الدوري العام حسمه الهلال منذ الدورة الاولي |
سلام يا خلى
لو شلنا الكاس السنة دى حيكون طعمو غير
و اتفق معك ان المهم سد النقص فى خطوط الفريق وهو مؤهل ليكون فريق بطولة افريقيا الاول لكن بطولة الممتاز لا تقل اهمية عن البطولة الافريقية
صحفيو المريخ يحاولون التقليل من شأن البطولة المحلية مع انها الاساس فى كل العالم
|
Post: #32
Title: Re: يا مزمل كف عن الهزيان بل هى صدارة بكل جدارة
Author: نيازي عبدالله مرحوم احمد
Date: 05-19-2009, 07:50 AM
Parent: #31
Quote: يا نيازى
سلام
فى مجال كرة القدم الحقيقة بالارقام و ليس بالتمنيات
استغرب ان يكون فريقكم متخلف عن الهلال فى كل شئ و تقولون انكم الاحسن اختشوا |
حبيبنا المجمر جبته الرائحه تب الارقام.....
من 31 مباراه خسر المريخ مباراه واحده فقط وديه
لعب المريخ هذا الموسم 18 مباراه رسميه 6 منها افريقيه و12 محليه في النصف الاول من الدوري الممتاز ولم يخسر يا عزيزي
لعب الهلال يا عزيزي 16 مباراه رسميه 4 افريقيه خسر منها اثنان ولم يخسر في 12 محليه في النصف الاول من الدوري الممتاز
خارجيا لعب المريخ ثلاثه تعادل في اثنين وكسب واحده كاحسن نتيجه في دوري ال16 لكل المشاركين في بطولة الانديه
خارجيا لعب الهلال مبارتين وخسرهما الاثنتين
المريخ تعال مع الهلال والامل وهلال كادوقلي
الهلال تعادل مع المريخ
هداف الممتاز كاريكا الذي شارك في 10 مباريات واحرز 10
ولعب امبيلي 10 مباريات محرزا 5 اهداف
بينما شارك ايداهور في 5 مباريات وله 6 اهداف
وشارك كلتشي 7 مرات وله 6 اهداف
هيثم طمبل 5
وشارك السعودي مرتين فقط وله 5 اهداف
للمريخ 32 هدف وعليه 7 الصافي 25
للهلال 38 هدف وعليه 5 الصافي 32
وديا لعب المريخ 13 فاز في 10 وتعادل في اثنين وخسر اما الجزيرة الاماراتي 27 نصر متتالي يا هشام
الان هداف الابطال ايداهور برصيد 5 اهداف من 6 مباريات
وفي اخر لقاء بين الفريقين انتصر المريخ 2/0 قمة السد
Quote: لو الهلال بساعدو الحكام طيب الجاب الاقوان فى شباكم منو برضو الحكام!!!!!
الشمالى عطبرة متذيل الترتيب وصاحب النقطتين فقط احرز فيكم هدفا منذ الدقيقة الثالثة وبرضو حكام
اختشوا واعترفوا |
الشمالي عطبره الذي تتحدث عنه خسر 10 مباريات وتعادل في 2 وهو بذلك اضعف فرق الممتاز وتلقي اكبر هزيمه في الدوري وكانت من المريخ ب 6 اهداف يعني ياهشام هدف الشمالي دا شمار في مرقه علما يا صديقي انه حكم هذا اللقاء نقض 3 اهداف صريحه للمريخ تحت مبرر التسلل
خمس سنوات و نحن نفوز بالدورى و تقولون الحكام
بجانب ذلك اللعب خارج المستطيل الاخضر عبر بعض اللاعبين واستطيع ان اضرب لك امثله لا تستطيع الا ان تندهش وتعالي برواقه
| Quote: العجيبة مرة الفرق كان 18 نقطة وبرضو الحكام |
ذلك عقب حادث بص المريخ والذي توفي علي اثره المرحوم صديق العمده وعزالدين والربيع وقبلها كان المريخ مسيطر علي الدوري الممتاز ل ثلاثه سنوات متتاليه
Quote: السنة دى الهلال هجمكم بعد ما قلتو مات برضو رجعتو للنغمة البايخة بتاعت الحكام
طيب انسحبوا من الدورى و اسسوا ليكم دورى جيبو فيهو الحكام من عندكم |
الهلال وصل الي دوري المجموعات عبر ضربتي جزاء دار لغط كبير حولهما ......اسواء ايام الهلال لم تات بعد
اما المضحك يا عزيزي والذي اتمني ان اجد له اجابه عندك....
اقال الهلال مدربه دي سانتوس وهذا ما كتبه الصحفي ابراهيم عوض في صحيفة الصدي العدد 1238 18 مايو
| Quote: * لم يكن لمدرب الفريق الأول لكرة القدم بنادي الهلال البرازيلي دو سانتوس أي دور ظاهر في النتائج الإيجابية التي ظل يحققها الفريق محلياً وخارجياً منذ أن تولى قيادة الجهاز الفني في يناير الماضي * ولم نشعر نحن كمتابعين بأي تغيير في أداء الفريق أو نلحظ وجود بصمة لهذا المدرب كما كان الحال مع مواطنه البرازيلي ريكاردو الذي استطاع ورغم اعتماده على تشكيلة واحدة طوال السنوات الثلاث التي تولى فيها تدريب الفريق الى فرض شخصيته وأسلوبه بدرجة وجدت الاحترام والتقدير عند الأعداء قبل الأصدقاء |
السؤال كيف حقق الهلال هذه الانتصارات في ظل هذا الذي ليس له اي دور ظاهر في نتائج الهلال علما بان كل صحفي الهلال اشاروا بذلك
مع احترامي
|
Post: #33
Title: Re: يا مزمل كف عن الهزيان بل هى صدارة بكل جدارة
Author: هشام المجمر
Date: 05-19-2009, 11:01 AM
Parent: #32
و الله يا نيازى مشكور على المجهود
بس انت اوف بوينت
نحن نتحدث عن موقف الفريقين فى الدورى الممتاز ومنه نحكم على من هو الافضل على نطاق البطولة الاكبر فى السودان وفى هذا الموسم بالذات ولو اردنا اللجوء لتاريخ واشياء اخرى لوجدنا الهلال فى السبع سنوات الاخيرة افضل بكثير من المريخ
لكن مرة اخرى ارقام الدورة الاولى لدورى هذا الموسم تقول الهلال افضل. اللجوء لمسألة التشكيك فى انتصارات الهلال و نسبها للتحكيم هى حيلة العاجز بل هى حديث ليس له سند من الناحية العلمية والكروية على نطاق العالم. فى مباراة شيلسى و البرسا الاخيرة قرر الحكم عدم احتساب اكثر من ركلة جزاء لصالح الفريق اللندنى و انتهت المباراة بخروج شيلسى وصعود البرسا فهل سيسجل فى مضابط المباراة عند الاتحاد الاوربى غير ان برشلونة قد صعد للمباراة النهائية وهل سيذكر التاريخ بعد عشر سنوات كيف صعد برشلونة. انتم يا مريخاب حينما تتخلفون عن الهلال تألجون دائما للحديث عن التحكيم وانا اقول لك يا نيازى أن نتيجة المباراة هى التى تسجل على تقرير الحكم وليس على صفحات الصدى.
|
Post: #34
Title: Re: يا مزمل كف عن الهزيان بل هى صدارة بكل جدارة
Author: Abuobeida Ali Abdullah
Date: 05-20-2009, 08:12 AM
Parent: #33
صباحات الموانئ يا هندسة....
نتحدث نحن الهلالاب عن عيوب فريقنا ونقص الخطوط والفريق يعتلي القمة في الممتاز وذلك حتى يحقق الفريق ما نصبو اليه
في المشاركات الخارجية.
اعلام المريخ مشغول بالهلال اكثر من فريقه حتى يفاجأ بنزيف النقاط في الممتاز وخسارة المباريات في المشاركات الخارجية
امام الفرق القوية المنافسة كما حدث في البطولة الكونفدرالية السابقة اذ فشل الفريق في العودة من الخارج باي نقطة مما ابعده عن صدارة المجموعة.
أتمنى ان يتاهل الفريقان للنهائي وأن يحقق الهلال البطولة.
خالص التحايا لك وللأسرة..
أبوعبيدة
|
Post: #35
Title: Re: يا مزمل كف عن الهزيان بل هى صدارة بكل جدارة
Author: هشام المجمر
Date: 05-20-2009, 12:15 PM
Parent: #34
شكرا ابو عبيدة
و تحياتى لك و للاسرة
هارون دياب
تحياتى يا جار
جاييك صادى
|
Post: #36
Title: Re: يا مزمل كف عن الهزيان بل هى صدارة بكل جدارة
Author: مهدى الصادق السيد
Date: 05-20-2009, 12:26 PM
Parent: #35
يا مجمر
صدارة ريحتها فايحة وجايبة الضهبان
كيف فريق متصدر الدوري يغيل مدربو لو ما عارفين النتائج ليست من مجهود المدرب ولا اللاعبين ؟؟؟؟
انت في زمتك دي مقتنع انو الهلال متصدر الدوري بالجد وبدون اي مساعدات ..................
يامجمر افسدتوا الدوري السودني بتلاعبكم الرخيص وشراء زمم الحكام بمساعدة من اتحاد شداد المتفلسف
في الفاضى
دوري عفن واتحاد اكثر عفانة
|
Post: #37
Title: Re: يا مزمل كف عن الهزيان بل هى صدارة بكل جدارة
Author: haroon diyab
Date: 05-20-2009, 07:24 PM
Parent: #36
يامهدي
سلام
شنو ياعمك في داعي للالفاظ دي....؟
ماكنا كويسين
| Quote: دوري عفن واتحاد اكثر عفانة |
ماتخلي الموضوع ماشي كويس
احترامي
|
Post: #38
Title: Re: يا مزمل كف عن الهزيان بل هى صدارة بكل جدارة
Author: haroon diyab
Date: 05-20-2009, 07:41 PM
Parent: #35
ياهشام
سلام
Quote: هارون دياب
تحياتى يا جار
جاييك صادى |
وانا في انتظارك ياجميل
|
|