Post: #1
Title: السيناتور عثمان الريح خلي الانتخابات وتعال بي انقلاب !!
Author: ALZOLZATOO
Date: 05-16-2009, 12:32 PM
السيد الدكتور المحترم
ياهي الناس دي مابتريح اي زول ، انت زول ديمقراطي 100% وعايز تجي بواسطة صناديق الانتخاب
لكن باين الناس عندها دكتاتورية في الديمقراطية
عشان كده شد سرجك وتعال بي انقلاب واول حاجة قبل على ناس سودانيز اون لاين الكرهوك الانتخابات زاته
ومكان المستشفى اعمل ليك حوش سجن كبير ومكان المنفى كسروا وابنيهو تلاته طوابق واقع لبع في ناس سودانيز
اون لاين ديل من طرف ماتفرز بت ولا ولد .
مش قالوا ماعايزنك بالديمقراطية تعال ليهم زي ما الناس جاااات .
انا لو ماوعدت داليا حافظ كنت ح اديك صوتي لكن لو نطيت بي انقلاب معاك معاك
ناس مابتريح
كامل التوفيق يادكتور بي اي اسلوب تختارو
تحياتي
زاتوووو
|
Post: #2
Title: Re: السيناتور عثمان الريح خلي الانتخابات وتعال بي انقلاب !!
Author: HAIDER ALZAIN
Date: 05-16-2009, 12:40 PM
Parent: #1
في انقلاب اكتر من انه يقلب لينا بطنا يا زاااتو ...
|
Post: #3
Title: Re: السيناتور عثمان الريح خلي الانتخابات وتعال بي انقلاب !!
Author: ALZOLZATOO
Date: 05-16-2009, 12:48 PM
Parent: #2
Quote:
في انقلاب اكتر من انه يقلب لينا بطنا يا زاااتو ... |
حبيبنا حيدر
مبروك صورة البروفايل الجميلة
ياخي الراجل بعرفكم عن نفسو لانو جديد في الشغلانة ومحتاج تنوير اكتر عشان الناس تعرفوا وتستمتع بي برنامجو .
اما من ناحية القالبين لينا بطونا كتاااار بس بقت على ده
نتمنى انو الناس تكون ديمقراطية انتي وراسمالية التواجد في دماي
تحياتي
زاتوووو
|
Post: #4
Title: Re: السيناتور عثمان الريح خلي الانتخابات وتعال بي انقلاب !!
Author: HAIDER ALZAIN
Date: 05-16-2009, 12:56 PM
Parent: #3
| Quote: ياخي الراجل بعرفكم عن نفسو لانو جديد في الشغلانة ومحتاج تنوير اكتر عشان الناس تعرفوا وتستمتع بي برنامجو |
عارف كلامك دا كان ممكن يكون صاح ونغفر للزول دا لو اتواضع وقعد في الواطة كدة واجاب على تساؤلات القاعدة الشعبية ..
لكن مشكلته ما ماعاوز يجاوب اي سؤال ويشبكنا ليك الناس دي كلها مسيسة ومنظمة في سودانيز ..
وواحدين مدفورين ..
والتانين قاصدنه ..
والتالتين امنجية ..
ووووو
وآخر حاجة يقول ليك انا مرشح رئاسي ومافاضي ارد على كل من هب ودبّ ..
اها عاوز يكتب ويتخارج والا كيف .. ؟
|
Post: #5
Title: Re: السيناتور عثمان الريح خلي الانتخابات وتعال بي انقلاب !!
Author: osman elrayah
Date: 05-16-2009, 04:45 PM
Parent: #4
اخى الحبيب الزول زاتو
اشكرك على وعيك السياسى العالى ، والله يااخ ريحت قلبى ، ربنا ابارك فيك وفى امثالك .
الاخ الكريم حيدر الزين ، والله انا زول بسيط جدا وقاعد فى الواطة بس انا محبط من الوضع فى البلد اللى عايز ليه عشرين سنة عشان يستوعب النظام الديمقراطى الليبرالى ، كما انى محبط من حجم الدمار الذى حدث فى الصحة والتعليم وكل المرافق طيلة السنوات الانقاذية العجاف .
بعدين ناس المنبر ديل متناقضين ان تحدثت واذهبت قالوا كرهتنا المنبر وحانطلب لجوء سياسى وقديت مراراتم وفشفاشهم ، وان لم اتحدث قالوا هرب من النقاش ومتعالى ومتكبر ، الحمد لله اننى اجبت على الكثير من الاسئلة فى 26 بوست ، مشاركاتى بلغت 566 مشاركة وممكن من يوم بكرة اعاود الظهور على فترات متباعدة ، لأنه نظام الموقع لايسمح لأحد العاملين فى فريق العمل بأستعمال الحساب بتاعى للأجابة على الاسئلة ، كما اننا نميز مابين من يريد الاسئلة وما بين من يريد الاستخاف ، صحيح ان التعميم خطأ ، هنالك من يريد الاستفادة ولكن فى المقابل هنالك المدفور والامنجى ( هذا اقتباس من النص ) .
فى كل بوست تجد عدد القراء قد وصل ثلاثة آلاف والمشاركات 60 يعنى هنالك حوالى 2940 مواطن قرأ البوست ولكنه لم يشارك ، اظن ان اغلبهم رأيه رأى الزول زاتو
تحياتى لكم ، والله لو عرفتونى انا زول بسيط لكن دمى حار وما بظلم زول ..
|
Post: #7
Title: Re: السيناتور عثمان الريح خلي الانتخابات وتعال بي انقلاب !!
Author: ALZOLZATOO
Date: 05-17-2009, 07:11 AM
Parent: #6
الاخ الدكتور
شكرا على الكلام الجميل
ونتمنى انو الناس كلها تجد اجابات لي استفساراتها
وكما تعودنا دائما ان مرحلة الترشيح يكون فيها الكلام كتير والتوجيه الاعلامي الضخم
اما مرحلة التنفيذ فتاتي بعد الفوز
نتمنى انو الناس تطول بالها شوية وتعرف البرنامج الشامل لكل مرشح وبعد داك ياترشح يا ماترشح .
تحياتي
زاتوووو
|
|