Post: #1
Title: الكتاحة والحيكومة
Author: Safia Mohamed
Date: 05-14-2009, 09:29 PM
Parent: #0
Quote: الكتاحة والحيكومة
تشهد ولاية الخرطوم وبعض مدن السودان موجة من الاتربة والاغبرة المتواصلة ليل نهار طوال فترة الاسبوع الماضي وحتى لحظة كتابة هذه الورقة ، جرت العادة عند حصول اي كارثة او معاناة من شيء ما ان تتوجه اصابع الاتهام نحو السلطة التنفيذية للدولة او كما يحلو لنا تسميتها "الحيكومة" ، الملاريا: بسبب الحكومة لا يوجد صرف صحي تتراكم مياه الامطار يتوالد البعوض اذا هي مسئولية الحكومة ، الدوء ما في او غالي: هي مسئولية الحكومة رفع الدعم عن قطاع الصحة و... الكهربا قاطعة: السبب الحكومة لانها لم تستعد لموسم الصيف وازدياد الاستهلاك، نسبة عطالة زايدة: الحكومة لم تضع سياسات تعليمية ولا خطط تنموية تستوعب بها الخريجي/ات وا.......وهلم جرا.
ولكن حين ياتي الامر "للكتاحة" هل يكننا ان نعيد نفس السيناريو بمعنى هل ستكون الحكومة هي المسئولة عن هذه المعاناة والتي طالت الكثيرين منهم من مات جراء الحساسية او لحوادث حركة لانعدام الرؤية ليلا او او.....خطر ببالي هذا السؤال هل هناك علاقة بين "الحيكومة" "والكتاحة" ووجهته لعدة افراد:
فاجاب احدهم:
- آي الحكومة هي السبب المباشر في الكتاحة
- كيف؟
- سد مروي
- بسم الله السد علاقة شنو بالكتاحة؟
- دقيقة النشرح ليك: طبعا السد زاد من مساحة المسطحات المائية هو بالاضافة الى بحيرة السد العالي عملو تغيير في جغرافية المنطقة زيادة المسطحات المائية ومع رتفاع درجات الحرارة ادى الى تبخر المياه وتكثفها في شكل سحب مما ادى الى هطول امطار في الشمال
عمرك سمعتي بمطرة شهر خمسة في الشمال ، عمرك شفتي كتاحة بتجي للخرطوم في شهر خمسة من جهة الشمال ما يا اما بتجي من الشرق او الجنوب الغربي مع بداية فصل الخريف. وطبعا الحكومة هي السوت سد مروي اذا هي السبب في الكتاحة.
-!!!!!!
وأفاد آخر:
- ايوا الحكومة هي السبب عدم التشجير والجفاف والتصحر لانعدام سياسات استثمار الاراضي الشاسعة مما ادى لتصحرها، وكمان الحرب لانها ادت الى نزوح او هجرة الانسان وهروب الحيونات وبكدا ادت مجال للتصحر ...عشان كدي بتجي الكتاحة
وانكر احدهم:
لا لا ديي من الله ، الحكومة ما عندها فيها يد يعني الحكومة قالت للكتاحة قومي، دة كلام دة.
- وقاطعه آخر ها عاين العوير دي قال ليك الحكومة بالعاني جابت قصة الكتاحة دي عشان الناس تنسى موضوع الكهربا وناس الكهربا يقولو للناس نحن قاطعنها تفاديا للحوادث التي قد تنشا من تقطع الاسلاك وحرصا على سلامة المواطنين.
- طيب وكيف الحيكومة عملت الكتاحة
- قال ليك الحكومة وبالاستعانة بجهات اجنبية استجلبت طائرات لديها المقدرة لاثارة الاغبرة والرياح ... ناس الحكومة ديل ما هينين.
!!!!!
ويفيد أخر
- لا لا ياخي صاح الحكومة جابت الغبار لكن ما عشان تقطع الكهربا عشان ترفع معاناة الحر ودرجات الحرارة المرتفعة عن كاهل المواطن
- يا زول اليخلونا في حرنا ويرفعو المعانة في حتات تانية
صفية مساعد - الخرطوم مايو 2009 |
نشرت بصحيفة المستقلة-الخرطوم 14 مايو 2009
|
Post: #2
Title: Re: الكتاحة والحيكومة
Author: Dr. Ahmed Amin
Date: 05-14-2009, 10:00 PM
Parent: #1
دكتورة
كيفنك .. ليك مدة مختفية ...
نورتي المنبر والله يحضورك الباهي ومقالك الذكي ..
وهي كان على الكتاحة الجاطت السودان الأيام السابقة كما سمعنا
ده بتعدي .. لكن الكتاحات السوته الحيكومة في البلد ما بتتعد ..
والموضوع ما داير شرح ...
المهم انتي اخبارك شنو ؟؟
وعايزين طلتك في حوشنا بقادي
مودتي
|
Post: #3
Title: Re: الكتاحة والحيكومة
Author: الوليد محمد الامين
Date: 05-14-2009, 10:23 PM
Parent: #2
سلاملت يا صفية
غايتو : حيكومات تجي وحيكومات تغور !
|
Post: #6
Title: Re: الكتاحة والحيكومة
Author: Safia Mohamed
Date: 05-15-2009, 06:16 AM
Parent: #3
أهلا استاذ الوليد
| Quote: غايتو : حيكومات تجي وحيكومات تغور ! |
والله فعلا وزولنا ياهو زولنا
مغبش الوعي
الحمد لله
الله في
لكن ا قلت لي الكتاحة سببا شنو الحيكومة ولا من الله
يا جماعة ما في زول بتاع جغرافيا يفتي لينا في قصة السصطحات المائية والعلاقة بين السد والكتاحة
شكرا على المرور
|
Post: #4
Title: Re: الكتاحة والحيكومة
Author: Safia Mohamed
Date: 05-15-2009, 00:11 AM
Parent: #2
اهلين دكتورنا
اخبارك
ان شاء الل كويسين
| Quote: كيفنك .. ليك مدة مختفية ... |
والله مشاغل السودان الما بتنتهي
المهم نخلص من قصة الكهربا تجينا الكتاحة وهكذا دواليك
Quote: وهي كان على الكتاحة الجاطت السودان الأيام السابقة كما سمعنا
ده بتعدي .. لكن الكتاحات السوته الحيكومة في البلد ما بتتعد .. |
لكن انت ما سمعت بانه الكتاحة هي ذاتا عاملاها الحيكومة قال عشان تخفف الحر وفي رواية اخرى عشان تشلهي الناس من قصة الكهربا
وغايتو المهم على راي تبارك
الله في
| Quote: وعايزين طلتك في حوشنا بقادي |
اكيد بنجي نسلم علي ناس الزقازيق
شكرا على المرور
|
Post: #5
Title: Re: الكتاحة والحيكومة
Author: smart_ana2001
Date: 05-15-2009, 00:22 AM
Parent: #4
| Quote: ايوا الحكومة هي السبب عدم التشجير والجفاف والتصحر لانعدام سياسات استثمار الاراضي الشاسعة مما ادى لتصحرها، وكمان الحرب لانها ادت الى نزوح او هجرة الانسان وهروب الحيونات وبكدا ادت مجال للتصحر ...عشان كدي بتجي الكتاحة |
This is completely true
|
Post: #7
Title: Re: الكتاحة والحيكومة
Author: Safia Mohamed
Date: 05-15-2009, 06:15 PM
Parent: #5
استاذ/ة سمارت
الف مرحب بيك في بيتنا
شرفتي ونورتي
| Quote: This is completely true |
شكرا على التعليق
غايتو على حسب افادة احدهم وافادتك
اعتقد ان به جزء كبير من الحقيقة
بالاضافة إلى حاجات تانية
|
Post: #8
Title: Re: الكتاحة والحيكومة
Author: بدر الدين اسحاق احمد
Date: 05-16-2009, 11:27 AM
Parent: #7
ســت الكتاحـــة ..
الرأى شــنو فى الزولــة الرائـــعة ديــــــــــــــــــك
|
Post: #9
Title: Re: الكتاحة والحيكومة
Author: Safia Mohamed
Date: 05-17-2009, 01:12 AM
Parent: #8
أستاذ بدر الدين
سلام
| Quote: ســت الكتاحـــة .. |
سويتني ستها عديل كدة
بختي يعني حا ابقى غنيانة
ناس الحكومة حيدوني كوميشن عشان حا انسي الناس قصة الكهربا البتقطع
والمواطنين حيكونوا متكيفين عشان حا ابرد ليهم الجو
والشغالات حيدوني كوميشن من الاجر الاضافي حق النضافة
بالاضافة الى ناس غسيل العربات قالو حيدوني 10% من دخلهم
| Quote: الرأى شــنو فى الزولــة الرائـــعة ديــــــــــــــــــك |
والله دي ما وقعتلي كدي ابن افصح
ياتا اللابسة اصفر بنفسجي ولا احمر؟؟
تحياتي لللأمورة وامهاسعدت بلقياهما
مبروك النجاح وعقبال الشهادة العالية
قول آمين
صفية
|
Post: #10
Title: Re: الكتاحة والحيكومة
Author: هشام المجمر
Date: 05-17-2009, 10:10 AM
Parent: #9
يا دكتورة
سلامات
موضوع البيئة ده موضوع مؤرق فعلا
حكومة لا تهتم بالانسان نفسهلا يتوقع منها ابدا الاهتمام بالبيئة
المخاطر كبيرة جدا يا صفية
|
Post: #11
Title: Re: الكتاحة والحيكومة
Author: عمر صديق
Date: 05-17-2009, 11:29 AM
Parent: #10
دكتورة صفية
تحياتي
وشكرا علي المقال الرائع الذي يكشف عن قدرات صحفية هائلة يمكن ان تسبب كتاحة في السياسة والاعلام والطب كمان
|
Post: #12
Title: Re: الكتاحة والحيكومة
Author: Safia Mohamed
Date: 05-17-2009, 12:36 PM
Parent: #10
مهندس هشام
سلام
Quote: موضوع البيئة ده موضوع مؤرق فعلا
حكومة لا تهتم بالانسان نفسهلا يتوقع منها ابدا الاهتمام بالبيئة |
طبعا يا هشام ا اخوي الحاجات ما بتنفصل والبيئة اساس الحياة حياة الانسان
البيئة والامراض البية والخدمات
البيئة وامخاطر غايتو
المه
شكرا على المرور
صفية
|
Post: #13
Title: Re: الكتاحة والحيكومة
Author: Safia Mohamed
Date: 05-18-2009, 08:51 AM
Parent: #12
أهلين استاذ عمر
تحياتي
| Quote: وشكرا علي المقال الرائع الذي يكشف عن قدرات صحفية هائلة يمكن ان تسبب كتاحة في السياسة والاعلام والطب كمان |
شكرا على تشريفنا بالمرور
والهه دي قصة يا ... المنبر واحد سواني ست الكتاحة والتاني قال حا اعمل كتاحة
وشوش ضاحكة
شكرا على الاطراء اللي ما في محله من ذوقك بس
تسلم
صفية
|
Post: #14
Title: Re: الكتاحة والحيكومة
Author: بدر الدين اسحاق احمد
Date: 05-18-2009, 09:12 AM
Parent: #13
يا استاذة ..دايرة تورطينــى ساكت مالك ..
عرفتيك بيها مع بتهــا الناجحــة الجابــة 255
Quote: والله دي ما وقعتلي كدي ابن افصح
ياتا اللابسة اصفر بنفسجي ولا احمر؟؟ |
|
Post: #15
Title: Re: الكتاحة والحيكومة
Author: Safia Mohamed
Date: 05-19-2009, 09:11 AM
Parent: #14
استاذ بدر الدين
سلام
Quote: عرفتيك بيها مع بتهــا الناجحــة الجابــة 255
|
لا خلاص وقعت لي
تحياتي
صفية
|
Post: #16
Title: Re: الكتاحة والحيكومة
Author: عماد محمود علي
Date: 05-19-2009, 09:25 AM
Parent: #15
السلام عليكم ورحمة الله وبركاته ..
أعتقد بان التشجير وإقامة الغابات ( بدل إزالتها ) مع سلفتة الاراضي ( كما في السعودية ) وإقامة الأحزمة سيؤدي إلى تقليل حجم الاتربة والكتاحات إن لم ينهيها تماماً ...
مع خالص أمنياتي .. وليك فترة ما بنتي ....
|
Post: #17
Title: Re: الكتاحة والحيكومة
Author: Safia Mohamed
Date: 05-20-2009, 05:32 AM
Parent: #16
| Quote: السلام عليكم ورحمة الله وبركاته .. |
استاذ عماد
وعليكم السلام ورحمة الله تعالى وبركاته
| Quote: أعتقد بان التشجير وإقامة الغابات ( بدل إزالتها ) مع سلفتة الاراضي ( كما في السعودية ) وإقامة الأحزمة سيؤدي إلى تقليل حجم الاتربة والكتاحات إن لم ينهيها تماماً ... |
اكيد دي تحليل موضوعي لكن ما قلت لي رايك شنو في حكاية السد والكهربا والكتاحة
| Quote: .. وليك فترة ما بنتي .... |
مشاغل نضافة التربات وغيره والحر والكهربا
تحياتي وشكرا على المرور
صفية
|
Post: #18
Title: Re: الكتاحة والحيكومة
Author: Siham Elmugammar
Date: 05-20-2009, 05:43 AM
Parent: #17
يا صفية الف سلامات ياخ الشوق كتاحة
مساهرة مالك ؟؟؟!!!!
انا حاسة شوية و القصة دى عاملة لى أرق
نشوف كان نحننك و تجى بالسكة كما وعدتى من قبل
سلام
|
Post: #19
Title: Re: الكتاحة والحيكومة
Author: Safia Mohamed
Date: 05-21-2009, 08:35 AM
Parent: #18
Quote: يا صفية الف سلامات ياخ الشوق كتاحة
مساهرة مالك ؟؟؟!!!!
انا حاسة شوية و القصة دى عاملة لى أرق
نشوف كان نحننك و تجى بالسكة كما وعدتى من قبل
سلام |
الف سلامة عاد بنجي كان الله ادى في العمر بقية
والله المسهرني كتيير اهماه قطع الكهربا كل يم من تصبح لمن تمسى اها وكت تجي بالليل بعد عشرة ياهو نقوم نشوف الدنيا الاسفيرية
سلام وشوق
|
Post: #20
Title: Re: الكتاحة والحيكومة
Author: Safia Mohamed
Date: 05-21-2009, 10:36 PM
Parent: #19
|
Post: #21
Title: Re: الكتاحة والحيكومة
Author: طارق جبريل
Date: 05-22-2009, 01:03 AM
Parent: #20
على سبيل التحية
دكتورة كيفنك ياخي
|
Post: #22
Title: Re: الكتاحة والحيكومة
Author: Safia Mohamed
Date: 05-27-2009, 10:35 PM
Parent: #21
ناس الليل
سلام
انت يا د طارق مسئول من الخير
مالك ما جيت مؤتمرهم مقاطع ولا خايف من الكتاحة
صفية
|
Post: #23
Title: Re: الكتاحة والحيكومة
Author: Sabri Elshareef
Date: 05-28-2009, 02:09 AM
Parent: #22
االكتاحه كتاحة ناس الجبهة
اقطعوا في الاشجار ويبنوا في العمارات
انظري للحزام الاخضر الان اصبح مدن اسمنتية
وشوفي حي المجاهدين والفردوس والرياض
وحرص قيادات الهوس للتباهي بحضور صلاة الصبح بمسجد سيده سنهوري
ومن بعده يذهبون لاكل الاموال بالباطل
الكتاحه اتت من قطع الغابات في القضارف والدمازين والنيل الازرق ويجبوها طلح وفحم للبيع
اعرف من يعمل ذلك بالغابات
بدلا من التشجير
هم نشاط في التصحر والجفاف
وشطار في لغف المال العام
ليه ما تجيكم \ن كتاحه
ودي الحكومة ربنا يعلم ما تعمل فيه
في عا 99 حسن مكي يزعجه ازدياد الحزام الاسود في العاصمة وينبه لخطره
لا يريد اللون الاسود ويعتقد انه ابيض انجلو ساكسوني
غايتو الامر في غاية الصعوبه مع كتاحة الجبهة الاسلامية
شديده الخرب
لك التحية الدكتوره صفية
واري كيزان المنبر يتظارفوا في المنبر
والاختشي مات
|
Post: #24
Title: Re: الكتاحة والحيكومة
Author: Safia Mohamed
Date: 06-01-2009, 11:19 AM
Parent: #23
Quote: االكتاحه كتاحة ناس الجبهة
اقطعوا في الاشجار ويبنوا في العمارات
انظري للحزام الاخضر الان اصبح مدن اسمنتية
وشوفي حي المجاهدين والفردوس والرياض
وحرص قيادات الهوس للتباهي بحضور صلاة الصبح بمسجد سيده سنهوري
ومن بعده يذهبون لاكل الاموال بالباطل
الكتاحه اتت من قطع الغابات في القضارف والدمازين والنيل الازرق ويجبوها طلح وفحم للبيع
اعرف من يعمل ذلك بالغابات
بدلا من التشجير
هم نشاط في التصحر والجفاف
وشطار في لغف المال العام
ليه ما تجيكم \ن كتاحه
ودي الحكومة ربنا يعلم ما تعمل فيه
في عا 99 حسن مكي يزعجه ازدياد الحزام الاسود في العاصمة وينبه لخطره
لا يريد اللون الاسود ويعتقد انه ابيض انجلو ساكسوني
غايتو الامر في غاية الصعوبه مع كتاحة الجبهة الاسلامية
شديده الخرب
لك التحية الدكتوره صفية
واري كيزان المنبر يتظارفوا في المنبر
والاختشي مات |
غايتو يا صبري الشريف
طواالي دايس بنزين وشايت ضفاري
قد اتفق معك في بعض ما اوردت
ولكن قطعا المسئولبة تتحملها كل الحكومات السابقة بما في ذلك الانقاذ
شكرا على المداخلة
بس براحة براحة ياخي بترفع ضغطك ساي
صفية
|
Post: #25
Title: Re: الكتاحة والحيكومة
Author: عماد محمود علي
Date: 06-01-2009, 11:32 AM
| Quote: لكن ما قلت لي رايك شنو في حكاية السد والكهربا والكتاحة |
يا دكتورة ســلامات ...
مافي اي شك بان للحكومة ضلع في هذه الكتاحات بعد إزالة الحواجز ولكن ليست الحكومة وحدها بل ما سبقها من حكومات أيضاً ... أما الكهرباء فالمهندسين غطسوا حجرا ... كان من الافضل ترك العمل فيها للكوريين أو الصينيين الذين لهم باع طويل في هذا الأمر .. والسد يعتبر إنجاز تاريخي يحسب لحكومة الانقاذ ......... وبس ..
|
Post: #26
Title: Re: الكتاحة والحيكومة
Author: Muna Khugali
Date: 06-01-2009, 11:39 AM
Parent: #25
كلهم عليكم؟؟
الله يكون في العون..
لانه شكلهم الاتنين مافي طريقة خلاص منهم!
ازيك يا صفية..
|
Post: #27
Title: Re: الكتاحة والحيكومة
Author: Sabri Elshareef
Date: 06-01-2009, 12:17 PM
Parent: #26
الدكتوره صفيه
تحية طيبه
تعرف ان هذه السلطة لها جند واحد اساسي غير منشور هو
العداء للانسان
سوف ارجع لك ونشوف كتاحة الجبهة التي لا تجعل للاخر مدي رؤية
|
Post: #33
Title: Re: الكتاحة والحيكومة
Author: Safia Mohamed
Date: 06-02-2009, 01:29 PM
Parent: #27
| Quote: سوف ارجع لك ونشوف كتاحة الجبهة التي لا تجعل للاخر مدي رؤية |
اهلا بيك مرة تانية صبري
كدي اولا بالتبادي نتكلم شوية في مصطلح الجبهة
ياخي انت ما عارف الحكاية ما بقت شي وطني وشي شعبي وشي شنو ما عارف
المهم كان جيت قلت لواحد شاب كلمة الجبهة دي الا يقعد اتلفت جبهة شنو
امكن يفكر انها الجبهة ال في الوش
بعد ما نخلص من المصطلح نجي نربط العلاقة بين اي من مكونات الجبهة سابقا وعداها للانسان
المهم
تحياتي
صفية
|
Post: #28
Title: Re: الكتاحة والحيكومة
Author: salah awad allah
Date: 06-01-2009, 12:28 PM
Parent: #26
| Quote: قال ليك الحكومة وبالاستعانة بجهات اجنبية استجلبت طائرات لديها المقدرة لاثارة الاغبرة والرياح ... ناس الحكومة ديل ما هينين. |
|
Post: #34
Title: Re: الكتاحة والحيكومة
Author: Safia Mohamed
Date: 06-02-2009, 08:50 PM
Parent: #28
| Quote: قال ليك الحكومة وبالاستعانة بجهات اجنبية استجلبت طائرات لديها المقدرة لاثارة الاغبرة والرياح ... ناس الحكومة ديل ما هينين. |
صلاح عوض الله
ازيك
قلت لي بس عجبتك دي
والله يا ناس كوستي عجبكم عجيب
ولا قصدك ناس الحيكومة ما هينين
ولا الاستعانة بجهات اجنبية
في كل الاحول كويس انه في واحد من الاجتمالات نال استحسانك
تحياتي وسلامة الوالد
صفية
|
Post: #31
Title: Re: الكتاحة والحيكومة
Author: Safia Mohamed
Date: 06-01-2009, 07:50 PM
Parent: #26
Quote: كلهم عليكم؟؟
الله يكون في العون..
لانه شكلهم الاتنين مافي طريقة خلاص منهم!
ازيك يا صفية.. |
اووه استاذة منى سلام
منورة الديار
رغم اني ما قدرت اغشاكم في بلد الضباب المرة ديك
كتر خيرك اتحملتي الحر والغبار و جيتينا في كتاحتنا
والله غايتو الا هم يتخلصو مننا
بالموت البطيء او الحساسيات او الحوادث
لكن بيني بينك الواحد ممكن ممكن يقلل من اثار الكتاحة يعني يخش جوة يجيب جنرتر ويدفع بنزيزن ويدفع ويدفع
علا الحيكومة دي الله اعلم
المهم
الله في
شكرا على المرور
سلمي لي على هالة حداك
|
Post: #29
Title: Re: الكتاحة والحيكومة
Author: Safia Mohamed
Date: 06-01-2009, 05:09 PM
Parent: #25
Quote: يا دكتورة ســلامات ...
مافي اي شك بان للحكومة ضلع في هذه الكتاحات بعد إزالة الحواجز ولكن ليست الحكومة وحدها بل ما سبقها من حكومات أيضاً ... أما الكهرباء فالمهندسين غطسوا حجرا ... كان من الافضل ترك العمل فيها للكوريين أو الصينيين الذين لهم باع طويل في هذا الأمر .. والسد يعتبر إنجاز تاريخي يحسب لحكومة الانقاذ ......... وبس .. |
أهلا بيك مرة تانية
الحمد لله يعني متفق مع جماعتي ديل واثبت انه توجد علاقة وطيدة بين الكتاحة والجيكومة فرضيةالبحث اتحققت
لكن والله لحد حسع انا زول السد القال المسطحات المائية بتاعت سد مروي هي السبب محيرني دايرة لي زول بتاع جغرافيا يفتي لينا
شكرا على المرور
|
Post: #30
Title: Re: الكتاحة والحيكومة
Author: عبدالكريم الامين احمد
Date: 06-01-2009, 05:48 PM
Parent: #29
في الانتخابات الجاية دي
مفروض التحدي والصراع يكون حول الجهة القادرة علي تركيب (مكيفات هواء) كبيييييييييييييرة
في كل اركان وكراكير الخرطوم الاربع...
تركب مكيفات ل جي ممكن تلقا اصوات الاقاليم المجاورة برضو..
وعلي وزارة الزراعة توفير القش اللازم لتشغيل هذه المكيفات
|
Post: #32
Title: Re: الكتاحة والحيكومة
Author: ود الباوقة
Date: 06-01-2009, 09:48 PM
Parent: #30
طيب يا دكتورة الهمبريب حق الصباح دا حركة شعبية ولا شنو ..
مودتي ...
|
Post: #35
Title: Re: الكتاحة والحيكومة
Author: Safia Mohamed
Date: 06-12-2009, 08:37 PM
Parent: #30
Quote: مفروض التحدي والصراع يكون حول الجهة القادرة علي تركيب (مكيفات هواء) كبيييييييييييييرة
في كل اركان وكراكير الخرطوم الاربع...
تركب مكيفات ل جي ممكن تلقا اصوات الاقاليم المجاورة برضو.. |
مهندس عبد الكريم سلام
لكن كدة ما صعبتها ياخي
حسع العنده المقدرات دي منو
تحياتي وشكرا على المرور
|
Post: #36
Title: Re: الكتاحة والحيكومة
Author: Safia Mohamed
Date: 06-30-2009, 10:52 PM
Parent: #35
Quote: طيب يا دكتورة الهمبريب حق الصباح دا حركة شعبية ولا شنو ..
مودتي ... |
اهلين
ود الباوقة
هي دحين الحركة ما في الحيكومة ولا انا طاشة شبكة
شكرا على المرور
|
|