Post: #1
Title: الكج .....أيمن جادة!!!!!!!!هل تؤمن بالكج؟
Author: عمر سعد
Date: 05-11-2009, 00:26 AM
كنت الى قريب لا اؤمن بالكج ....
وكنت اسمع ان فلا هذا كج وذاك كج كبير
وفى الدوحة كنت اسمع من بعض القطريين عن كج ايمن جادة ليهم
وكنت اقول ليهم ما تلبسو الزول فشلكم ....
وايضا كنت احاور مشجع لريال مدريد كان يقول لى كنت اقول لايمن جادة
باللة عليك لا تعلق على هذة المباره للريال لانها مهمة ..........
وحين كان ( الريال) يعج بالنجوم وكان أيمن جادة وهو( ريالى) حسب التعليق
كان كل مرة يمدح فى فريق( ريال مدريد)
ورغم ان الفريق كان بة زيدان, رونالدو, فيجو , روبرتو كارلوس, وووووو
الا انة خرج من المولد بلا حمص بفضل ايمن جاده وتيم المجرة كما كان يقول .............
اليوم كان يعلق على مباره برشلونة وفيا ريال
وكان برشلونة متقدم 3/1
وبدا يكيل المديح لبرشلونة سرعان ما تعادل فيا ريال
ولو امتدت المبارة لخمس دقايق لهزم برشلونة .......
انتو يا ناس بتامنو بالكج ................
كج عجيييييييييييييييييييييييب لكن
|
Post: #2
Title: Re: الكج .....أيمن جادة!!!!!!!!هل تؤمن بالكج؟
Author: Ammir Mohamed
Date: 05-11-2009, 05:03 AM
Parent: #1
الله يحرق سنينو ياخي والله العظيم وأنا بحضر المباراة قلت الغياظ ده حيكجهم المباراة كلها وهو بنق!
لكن ما تشيل هم ريال مدريد قاعد كنب يعني يمكن ما يحتاجوا إنهم يفوزوا تاني بس الريال ده ياخد على راسو المباراة الجاية وتكون القصة انتهت
أمير
|
Post: #3
Title: Re: الكج .....أيمن جادة!!!!!!!!هل تؤمن بالكج؟
Author: خالد عبد الله محمود
Date: 05-11-2009, 06:19 AM
Parent: #2
والله العظيم والله العظيم من ما عرفت إنو المعلق الزفت الإسمو أيمن جادة ده عرفت برشلونة ما حيفوز ..
أكتر زول كج في تاريخ كرة القدم أيمن جادة ده ..
أنا ما بتفاءل إلا بي فيصل سيف
|
Post: #4
Title: Re: الكج .....أيمن جادة!!!!!!!!هل تؤمن بالكج؟
Author: ALZOLZATOO
Date: 05-11-2009, 06:40 AM
Parent: #3
حبيبنا عمر
انا واحد من الناس ماكنت عايز برشلونة يفوز عشان لو فاز ح يحتفل ويضيع الكاس الجاي والبعدو عشان كده
خليهم ياخدو الكاس الملك بعدين بتاع الدوري ده ريال مدريد براهو بسلمو لينا
لكن زولك المعلق ده شابكنا من المستحيلات من المستحيلات ربك لطف بس بالله رائك شنو في اندرياس انيستا
تحياتي
زاتوووو
|
Post: #13
Title: Re: الكج .....أيمن جادة!!!!!!!!هل تؤمن بالكج؟
Author: عمر سعد
Date: 05-12-2009, 01:45 PM
Parent: #4
الحبيب الزول زاتو
تعرف بس يكون المعلق بتاع الكاس الكج تشوف حلمة اضانك لو شلتو كاس
وتعال قول لى واسال منى خليل ؟؟؟؟؟؟؟
اما انيستا فدة قصة تانية اعتقد انو احسن لاعب فى العالم ساهم فى احتلال اسبانيا كاس اوربا
واعتقد انو احسن من ميسى لكن لانو اسبانى وما مشهورين انو عندهم لعيبة مبدعين
عشان كدة اتسلط الضو على ميسى ولكن انيستا موازى ليهو كان ما احسن منو
لكن الكج التانى غارديولا دة بليد ولا يليق ببرشلونة ان يدربها غارديولا
الان غارديولا مشكوك فى مشاركتة حتى مبارة مانشيستر يونايتد
لغباء غارديولا لانو المبارة 3/1 المفروض يطلع ميسى انيستا على طول حتى لو خسر المبارة مع فيا ريال
لانو زى ما قلتة ريال مدريد بعد الكج رقدهم سلطة ما اظن محتاجين انو يغلبو زول
لكن يازول الكج منو فى السودان ؟
|
Post: #12
Title: Re: الكج .....أيمن جادة!!!!!!!!هل تؤمن بالكج؟
Author: عمر سعد
Date: 05-12-2009, 01:38 PM
Parent: #3
خالد محمود
مشكور على المرور
زى ما سالت امير منو الكج فى السودان ؟
تعرف يوسف سيف زول ظريف بيكون هاى وبيعلق على جزء من المبارة والباقى ونسة ممتعة
وهو ذو صوت جميل مميز انا بتكيف ليهو شديد
لكن الكج دة خلى ريال مدريد بعد ما غطس حجرو وقبل علينا نسوى ليهو شنو
قبال فترة لاقيتو فى مجمع قربتة اخنقو هاهاهاهاهاهاهاها
|
Post: #11
Title: Re: الكج .....أيمن جادة!!!!!!!!هل تؤمن بالكج؟
Author: عمر سعد
Date: 05-12-2009, 01:32 PM
Parent: #2
الاخ امير
شكرا على المرور
تعرف الزول دة هنا فى قطر القطريين بيتشامو جدا منو
اول ما يلقوهو بيعلق على مبارة بيقنعو منها
الكج عندنا فى السودان منو
|
Post: #5
Title: Re: الكج .....أيمن جادة!!!!!!!!هل تؤمن بالكج؟
Author: Gaafar Ismail
Date: 05-11-2009, 07:14 AM
Parent: #1
الحبيب عمر سعد وضيوفه
ليس للأخ أيمن جادة تأثير على نتائج المباريات فهو يؤدي مهنته كمعلق رياضي باقتدار ومهنية عالية..نتائج المباريات تتوقف على أداء الفريق ، والفوز دائما للفريق الذي يلعب أحسن.. فإذا كان أداء برشلونة جيدا في بداية المباراة ثم هبط حتى تمكن الفريق الخصم من الحصول على التعادل فما ذنب أيمن جادة ؟
تحياتي وفائق احترامي
جعفر إسماعيل/ طوكيو
|
Post: #6
Title: Re: الكج .....أيمن جادة!!!!!!!!هل تؤمن بالكج؟
Author: omar alhag
Date: 05-11-2009, 12:38 PM
Parent: #5
والله ياستاذ ما قلت غير الصدق
نحكي شوف مغستي ...
امبارح قفلت التلفون من المغرب وانا راجع البيت إتغديت واتعشيت مع بعض فى السوق وبعد داك كيس تمباك مدنكل سجاير الف.......................... وراجعت زمن المبارة كم مرة واتفقت مع نسيبي نحضر الكورة سوى والمكيف فى الموية من الساعة 12 ظهر (علي فكرة الكهرباء والموية قطعتو مرتين لكن ما محسوبة) وعيالو وديناهم ناس حبوبتم من العصر ......
الساعهة 6 مساء بالتمام والكمال تــــــــــــــــــش الكهرباء قطعت (والله التقول قطعت فى برشلونة) الدنيا بقت عندى زى قد الابرة وقلت اخلي التمباك واشاكل نسيبي واشرط الجريدة الجنبي ولا اكتب لي شيك طاير لى زول باليل داك (ببطارية الموبايل) واخش السجن ....
مرقت الشارع شربت شاى وشاي بي لبن وقهوة وكركدى.... حتي الكهرباء جات......
ركبت ركشة رجعت .فتحنا التلفزيون قلت يوسف سيف تعليق جميل وحلو .... مما لقيتو ليك السنيح ايمن جادة قلت الليلة برشلونة بغلبو وميسي كراعو بتنكسر وايتو كرت احمر ......
زول ضلو ميت وماحفظ الدورى الاسباني كويس (والله التقولشغال فى الدورى البنغالي) وغالت مغالطة ومستجعل وليهو مرات يصفر قبل الحكم.....
وخلاص الكورة قربت تنتهي ابدال طردو الساعة ديك السجارة فى يدى جليت من الطفاية غتستها فى كباية الشاي طرد وضربة جزاء (الساعة ديت طريت مكاوى وسد مروى قلت انشاء الكهرب الا بكرة) وايمن جادة فرحان التقول ادوه ترقية ويكورك فى الهدف التاني جنس كورايك (والله كان ما تلفزيون نسيبي كنت كسرتو) ... ولمن جابو قون الدورون والله ايمن جادة بكون قلع قميصو وقعد اكورك....
ده راجل كج قطع مصارينا بالمغصة....
|
Post: #7
Title: Re: الكج .....أيمن جادة!!!!!!!!هل تؤمن بالكج؟
Author: عصام علي أحمد
Date: 05-11-2009, 01:05 PM
Parent: #6
ولايهمكم
الدوري حقنا
والتعادل سببه الارهاق
لعبنا مباريات صعبه جدا وبدون راحة
وانا شخصيا بحب تعليق علي محمد علي
لانه بحب برشلونة
وبأذن الله كاس الملك والدوري وابطال اوربا لبرشلونة
|
Post: #8
Title: Re: الكج .....أيمن جادة!!!!!!!!هل تؤمن بالكج؟
Author: ودالعباسية
Date: 05-11-2009, 01:11 PM
Parent: #7
ههههههههههههههههههههههههه
يكون كجاكم يا عمر ،، قدورة ،،،
|
Post: #9
Title: Re: الكج .....أيمن جادة!!!!!!!!هل تؤمن بالكج؟
Author: khaleel
Date: 05-11-2009, 01:24 PM
Parent: #8
عمر سعد يا معلم
احسن كدة عشان الدوري لا يفقد الاثارة
|
Post: #10
Title: Re: الكج .....أيمن جادة!!!!!!!!هل تؤمن بالكج؟
Author: عصام علي أحمد
Date: 05-11-2009, 01:34 PM
Parent: #9
عمر سعد تحياتي
المشكلة انه انييستا اصيب في مباراة فياريال
واحتمال كبير عدم مشاركته في المباريات القادمة
بما فيها ابطال اوربا
يعني ده كج كبير جدا
|
Post: #19
Title: Re: الكج .....أيمن جادة!!!!!!!!هل تؤمن بالكج؟
Author: عمر سعد
Date: 05-12-2009, 04:23 PM
Parent: #10
ما عليك تاكد مشاركة انيستا فى المبارة النهاية مع مانشيستر
لكن لن يشارك فى مبارة الكاس مع اتلتيكو بلباو
او باقى مباريات الدورى ودة كلو من الكج
الكج منو المرة دى غارديولا بغباءة الكبير وعدم اشراك ميسى وانيستا فى اى مبارة دورى الا للضرورة
ولا رايك شنو ...............................................
|
Post: #18
Title: Re: الكج .....أيمن جادة!!!!!!!!هل تؤمن بالكج؟
Author: عمر سعد
Date: 05-12-2009, 04:19 PM
Parent: #9
قسطنطين
باللة كنت منتظر مرورك عشان تحكى لينا عن الكج فى السودان واشهرهم
ورايك شنو فى الكج العندنا هنا ا .ج
الموردة حا تكسب الشكوى ؟هااهاهاهاهاه
|
Post: #17
Title: Re: الكج .....أيمن جادة!!!!!!!!هل تؤمن بالكج؟
Author: عمر سعد
Date: 05-12-2009, 03:58 PM
Parent: #8
هاهاهاهاهاهاهاهاهاهاهاهاهاهاهاهاهاهاهاهاه
يوم اديناهم ستة اتصل على
قال لى مبروك
لكن الليلة نبذك الصباح ........
الايام دى ساكت ساكت ما بتكلم بطل الفصاحة بيعرف ليهو عمار
لكن عمار ما فاضى ........................
|
Post: #16
Title: Re: الكج .....أيمن جادة!!!!!!!!هل تؤمن بالكج؟
Author: عمر سعد
Date: 05-12-2009, 03:45 PM
Parent: #7
يسمع منك اللة
لكن لو داير تفقدهم خلى الكج يعلق عليهم
انا لو مكان ريال مدريد بديهو خمسين الف للمبالرة فقط بس يعلق على المباريات التلاتة صعبة
ويشغلوهو فى الاى ار تى مدة يوم يعلق على الابطال
واللة لو لعبو مع الزومة يتغلب برشلونة
اللة يرجع انيستا سالم قول امين
|
Post: #15
Title: Re: الكج .....أيمن جادة!!!!!!!!هل تؤمن بالكج؟
Author: عمر سعد
Date: 05-12-2009, 03:42 PM
Parent: #6
Quote: والله ياستاذ ما قلت غير الصدق
نحكي شوف مغستي ...
امبارح قفلت التلفون من المغرب وانا راجع البيت إتغديت واتعشيت مع بعض فى السوق وبعد داك كيس تمباك مدنكل سجاير الف.......................... وراجعت زمن المبارة كم مرة واتفقت مع نسيبي نحضر الكورة سوى والمكيف فى الموية من الساعة 12 ظهر (علي فكرة الكهرباء والموية قطعتو مرتين لكن ما محسوبة) وعيالو وديناهم ناس حبوبتم من العصر ......
الساعهة 6 مساء بالتمام والكمال تــــــــــــــــــش الكهرباء قطعت (والله التقول قطعت فى برشلونة) الدنيا بقت عندى زى قد الابرة وقلت اخلي التمباك واشاكل نسيبي واشرط الجريدة الجنبي ولا اكتب لي شيك طاير لى زول باليل داك (ببطارية الموبايل) واخش السجن ....
مرقت الشارع شربت شاى وشاي بي لبن وقهوة وكركدى.... حتي الكهرباء جات......
ركبت ركشة رجعت .فتحنا التلفزيون قلت يوسف سيف تعليق جميل وحلو .... مما لقيتو ليك السنيح ايمن جادة قلت الليلة برشلونة بغلبو وميسي كراعو بتنكسر وايتو كرت احمر ......
زول ضلو ميت وماحفظ الدورى الاسباني كويس (والله التقولشغال فى الدورى البنغالي) وغالت مغالطة ومستجعل وليهو مرات يصفر قبل الحكم.....
وخلاص الكورة قربت تنتهي ابدال طردو الساعة ديك السجارة فى يدى جليت من الطفاية غتستها فى كباية الشاي طرد وضربة جزاء (الساعة ديت طريت مكاوى وسد مروى قلت انشاء الكهرب الا بكرة) وايمن جادة فرحان التقول ادوه ترقية ويكورك فى الهدف التاني جنس كورايك (والله كان ما تلفزيون نسيبي كنت كسرتو) ... ولمن جابو قون الدورون والله ايمن جادة بكون قلع قميصو وقعد اكورك....
ده راجل كج قطع مصارينا بالمغصة.... |
يا سمى
كيفك ياخى اقول ليك تعال احضر معانا الكورة الجاية بس جيب صعوطك وسجايرك براك انا منى الباقى
وحاتك اشغل ليك مكيفين فريون من الليل لحدى ما تبقى تلاجة موز
انت عارف لو ما الظروف المفروض احضر كورة البرشا والريال فى مدريد لكن قاطع اللة الشغل
كج برضو ....................
تعليقك ظريف منو عندنا معلق كج كدة فى السودان
طبعا ايمن لا يخفى اعجابة بالريال لكن كجاهم كجة واللة الريال الزمن داك لو لعب ضد نفسو يغلب
يلم ليك فيهم الكج دة ويشكر فيهم وزيدان بى كم وزيدان فنان والكورة اليوم اللة يستر على الفريق التانى
يقومو يتعادلو او يتغلبو بشق الانفس
مرة مع دبرتيفو لا كرونيا وشالتو ليك العزة بالكج (على ما اذكر) ومديح فى فيجو وزرونالدو
وربرتو كارلوس وزيدان وبيكهام التيم مدجج لو لعب مع برازيل 82 يغلبهم وقال المبارة غير متكافاة
وبدا يقول لازمتة المشهورة (على كل ) واللة وقعو ليك فيهم خبت وكل ما يكورك يظعطو ليك زيادة
فى كج اكبر من كدة .................................................................
|
Post: #14
Title: Re: الكج .....أيمن جادة!!!!!!!!هل تؤمن بالكج؟
Author: عمر سعد
Date: 05-12-2009, 03:31 PM
Parent: #5
Quote: الحبيب عمر سعد وضيوفه
ليس للأخ أيمن جادة تأثير على نتائج المباريات فهو يؤدي مهنته كمعلق رياضي باقتدار ومهنية عالية..نتائج المباريات تتوقف على أداء الفريق ، والفوز دائما للفريق الذي يلعب أحسن.. فإذا كان أداء برشلونة جيدا في بداية المباراة ثم هبط حتى تمكن الفريق الخصم من الحصول على التعادل فما ذنب أيمن جادة ؟
تحياتي وفائق احترامي
جعفر إسماعيل/ طوكيو |
سلام ابو الجعافر
يعنى ما بتؤمن بالكج
واللة خايف يقرا الكج البوست دة يمدحك يكجك الكجة دوكة هاهاهاهاهاها
يعنى مافى كج يابانى
|
Post: #20
Title: Re: الكج .....أيمن جادة!!!!!!!!هل تؤمن بالكج؟
Author: عمر سعد
Date: 05-13-2009, 12:45 PM
Parent: #14
الاخ خليل كنا منتظرين تظهر علينا تورينا كج السودان ومواقف طريفة عن الكج
|
|